រាជធានីភ្នំពេញ៖នារី២នាក់ត្រូវជនសង្ស័យ២នាក់ប្រដាប់ដោយកាំភ្លើងខ្លីមួយដើមជិះម៉ូតូម៉ាកហង់ដាZOOMER X ធ្វើសកម្មភាពភ្ជង់គំរាមប្លន់យកម៉ូតូម៉ាកហង់ដាស្កុពីបានសម្រេចដោយសុវត្ថិភាព។ ករណីនេះកើតឡើងនៅចំណុចនៅស្តុបនាគវ័ន តាមបណ្ដោយផ្លូវសហព័ន្ធរុស្ស៊ី ស្ថិតក្នុងសង្កាត់ស្រះចក ខណ្ឌដូនពេញ កាលពីវេលាម៉ោង១០ និង៥០នាទីយប់ថ្ងៃទី៣ ខែមីនា ឆ្នាំ២០១៦។
ប្រភពពីសមត្ថកិច្ចបានឱ្យដឹងថា នារីទាំងពីរនាក់ខាងលើបានចេញពីពិធីខួបកំណើតមិត្តភក្ដិនៅមជ្ឈមណ្ឌលកោះពេជ្រ ធ្វើដំណើរតាមដងផ្លូវសហព័ន្ធរុស្ស៊ីក្នុងទិសដៅពីកើតទៅលិច គោលបំណងត្រឡប់ទៅផ្ទះ លុះមកដល់ត្រង់ចំណុចកើតហេតុ ក៏លេចមុខជនសង្ស័យជិះម៉ូតូម៉ាក ZoomerX មិនចាំពណ៌ និងស្លាកលេខ តាមពីក្រោយប្រដាប់ដោយអាវុធបានភ្ជង់ប្លន់ ធ្វើឱ្យនារីរងគ្រោះមានការភិតភ័យ ក៏បានឈប់ម៉ូតូដោយមិនអាចតដៃបាន ជនសង្ស័យបានយកម៉ូតូជនរងគ្រោះជិះគេចខ្លួនទៅបាត់ស្រមោលតែម្ដង។ ប្រភពបញ្ជាក់ថា ម៉ូតូដែលជនសង្ស័យយកទៅបាត់ម៉ាកស្គូពី ពណ៌ស ពាក់ស្លាកលេខ ភ្នំពេញ 1BQ-0774 បន្ទាប់មកសមត្ថកិច្ចបានមកដល់ ហើយបានត្រឹមតែយកនារីរងគ្រោះទៅដាក់ពាក្យបណ្ដឹងនៅប៉ុស្ដិ៍តែប៉ុណ្ណោះ៕
រាជធានីភ្នំពេញ៖កាលពីថ្ងៃទី៣ ខែមេសា ឆ្នាំ២០១៦ម្សិលមិញមានករណីគ្រោះថ្នាក់ចរាចរណ៍នៅទូទាំងប្រទេសកើតឡើងចំនួន១៧លើក បណ្ដាលឲ្យមនុស្សស្លាប់១០នាក់ រងរបួសធ្ងន់១៧នាក់ និងរបួសស្រាល ១៣នាក់។ នេះបើយោងតាមនាយកដ្ឋាន នគរបាលចរាចរណ៍ និងសណ្ដាប់ធ្នាប់សាធារណៈ នៃអគ្គស្នងការដ្ឋាន នគរបាលជាតិ។
ប្រភពដដែលបន្តថា ក្នុងគ្រោះថ្នាក់ចរាចរណ៍ទាំង១៧លើក បានបណ្ដាលឲ្យ ខូចខាតម៉ូតូចំនួន ១៥គ្រឿង, រថយន្តតូច ១២គ្រឿង, រថយន្តធំ ១គ្រឿង និងថ្មើរជើង ២នាក់។ មូលហេតុមកពី បើកបរល្បឿនលឿន ៩លើក, ប្រជែង៤លើក,មិនគោរពសិទ្ធិ២លើក,ស្រវឹង១លើក និងមិនប្រកាន់ស្តាំង១លើក។
ជាមួយគ្នានោះម្សិលមិញលទ្ធផលត្រួតពិនិត្យការអនុវត្តច្បាប់ ចរាចរណ៍ផ្លូវគោក មានមធ្យោបាយចូលគោលដៅចំនួន ១៧.២៩១គ្រឿង (ម៉ូតូ ៦៤ភាគរយ),មធ្យោបាយល្មើស៣.២៩៧គ្រឿង (ម៉ូតូ៦៣ភាគរយ), អប់រំ១.៦៤៦គ្រឿង ស្មើនឹង៥០ភាគរយ និងពិន័យ១.៦៥១គ្រឿង(បង់ប្រាក់៩២ភាគរយ)៕
ខេត្តកំពត៖សពក្មេងស្រីម្នាក់ត្រូវបានគេប្រទះឃើញ នៅម៉ោង១ និង៣០នាទីរសៀល ថ្ងៃទី២ ខែមេសា ឆ្នាំ២០១៦ ចំណុចក្នុងព្រៃក្បែរអូរ ជិត ចំការលោក ទេព វណ្ណា ស្ថិតក្នុងភូមិភ្នំតូច ឃុំកណ្តោលស្រុកទឹកឈូខេត្តកំពត។
សមត្ថកិច្ចនគរបាលស្រុកទឹកឈូ បានប្រាប់អ្នកយកព័តមានយេីងថា ក្មេងស្រីរងគ្រោះ ឈ្មោះចុង ស្រីល័ក្ខ អាយុ១៥ឆ្នាំ រស់ នៅភូមិភ្នំតូច កាលពីព្រឹក ថ្ងៃទី១ខែមេសាឆ្នាំ២០១៦ជនរងគ្រោះបានទៅរៀន នៅសាលា អនុវិទ្យាល័យរោងចក្រីទីង រៀនរហូត ដល់ម៉ោង១០ព្រឹក នៃថ្ងៃដដែល ដោយគ្រូមិនបានមកបង្រៀនជនរងគ្រោះបានជិះកង់វិលត្រឡប់មកដល់ផ្ទះវិញទុកកង់និងកាតាបរៀននៅផ្ទះហើយចេញបាត់ពីផ្ទះរហូតគេប្រទះឃើញសាកសព។
បច្ចុប្បន្នកម្លាំងសមត្ថកិច្ចកំពុងសហការគ្នាស្រាវជ្រាវវែកមុខសញ្ញាយកមកផ្តន្ទាទោសតាមច្បាប់៕
ខេត្តរតនគិរី៖បុរសជនជាតិដើមភាគតិចច្រាយម្នាក់ផឹកស៊ីស្រវឹងគំរាមបោកគ្រាប់បែកត្រូវប្រជាពលរដ្ឋផ្អើល ទូរស័ព្ទរាយការណ៍ទៅកងរាជអាវុធហត្ថស្រុកអូរយ៉ាដាវចុះទៅឃាត់ខ្លួននាំយកមកសាកសួរកសាងសំណុំរឿងបញ្ចូនខ្លួនទៅតុលា។
ហេតុការណ៍ឃាត់ខ្លួនបុរសគំរាមបោកគ្រាប់បែកនេះបានធ្វើឡើងកាលពីថ្ងៃទី០១ ខែមេសា ឆ្នាំ២០១៦ វេលាម៉ោង ៤ និង២៩នាទីល្ងាច នៅភូមិសោមត្រកចាស់ ឃុំសោមធំ ស្រុកអូរយ៉ាដាវ ខេត្តរតនគិរី ។ បុរសនោះមានឈ្មោះ រម៉ាម ដួល អាយុ៤០ឆ្នាំ ជនជាតិច្រាយ មានលំនៅភូំ ឃុំខាងលើ មុខរបរធ្វើចំការ។
តាមការអោយដឹង ពីលោកវរសេនីយ៍ត្រី សុខ មីន មេបញ្ជាការកងរាជអាវុធហត្ថស្រុកអូរយ៉ាដាវថា ជនល្មើសឈ្មោះ រម៉ាម ដួល បានផឹកស៊ី ជាមួយមិត្តភ័ក្តក្នុងភូមិ ពេលស្រវឹង ទាស់សំដីគ្នា ក៏ទាញគ្រាប់បែកចេញពីហោប៉ៅខោ គំរាមបោក ធ្វើអោយមិត្តភក្តិ កំពុងអង្គុយផឹកជាមួយគ្នា រត់ចែកជើងគ្នាផ្អើលអស់អ្នកភូមិ។ ប្រជាពលរដ្ឋក្នុង ម្នាក់ក៏ទូរស័ព្ទ មករាយការណ៍ លោកក៏ដឹកនាំកម្លាំងចុះទៅជាបន្ទាន់ដល់ កន្លែងកើតហេតុភ្លាមៗ ហើយឃាត់ខ្លួនបុរសនេះភ្លាម ឆែកហោប៉ៅ ក៏ឃើញគ្រាប់បែកមួយគ្រាប់មែន។ លោកមេបញ្ជាការ បានបន្តថា តាមការសារភាពពីជនល្មើសថា គ្រាប់បែកនេះគេបានលាក់ទុក ជាង១០ឆ្នាំ មកហើយទុកសម្រាប់ការពារខ្លួនគេ តែជននេះមិនបានប្រាប់ថា បានមកពីណានោះទេ។
បច្ចុប្បន្នជនល្មើស ត្រូវកងរាជអាវុធហត្ថខេត្ត កសាងសំណុំរឿង បញ្ជូនខ្លួនទៅសាលាដំបូងខេត្ត នាថ្ងៃទី០៣ ខែមេសា ឆ្នាំ២០១៦ ពីបទរក្សារទុក អាវុធជាតិផ្ទុះ ដោយខុសច្បាប់៕
ដោយលោក សុត្ថារ៉ូ
កណ្តាល៖ យ៉ាងហោចណាស់មានមនុស្សចំនួន៦នាក់បានស្លាប់ និង៣នាក់ទៀតត្រូវបានជួយសង្គ្រោះទាន់ពេលវេលា ខណៈរយន្តលុច្សស៊ីស១គ្រឿងជិះគ្នា៩នាក់បានធ្លាក់ចូលទន្លេនៅស្រុកស្អាង ខេត្តកណ្តាល ក្រោយពេលត្រឡប់មកពីសែនឆេងម៉េង ដោយសារអ្នកបើកបរស្រវឹង។
ប្រភពព៍ត៌មានបានរាយការណ៍ថា មនុស្ស៦នាក់ ក្នុងចំណោម៩នាក់ បានស្លាប់នៅក្នុងរថយន្ត ដោយឡែកអ្នកបើកបរ និងម្នាក់ទៀត រួចផុតពីគ្រោះថ្នាក់ដោយសារលោតចេញពីរថយន្តទាន់ពេលវេលា។ពួកគេ ជាអ្នករស់នៅក្រុងតាខ្មៅ ខេត្តកណ្តាល។
ន្រភពបន្តថា នៅពេលកើតហេតុ គេឃើញរថយន្តលុច្សស៊ីសមួយគ្រឿងស៊េរី RX-300 ពណ៌ស ពាក់ស្លាកលេខ 2F-9169នោះ បានបើកចុះទូកចម្លងប៉ុន្តែអាស្រ័យដោយអ្នកបើកបរច្រឡំជាន់ហ្គែរស្មានថាជាហ្វ្រាំងទើបបណ្តាលឲ្យរថយន្តស្ទុះជ្រុលធ្លាក់ទឹកតែម្តង។
ហេតុការណ៍គួរឲ្យរន្ធត់នេះ បានកើតឡើងនៅវេលាម៉ោង៧ និង៤០នាទីយប់ ថ្ងៃទី៣ ខែមេសា ឆ្នាំ២០១៦ នៅចណុចកំពង់ចម្លងស្វាយប្រទាល-ព្រែកខ្សេវ ស្ថិតក្នុងស្រុកស្អាង ខេត្តកណ្តាល។
សមត្ថកិច្ចបានដកស្រង់សំដីអ្នករងគ្រោះថា មុនពេលកើតហេតុ ពួកគាត់ទាំងអស់គ្នា បានធ្វើដំណើរមកពីឆេងម៉េង។ អ្នកបើកបរ បានស្រវឹងជោកជាំ សាច់ញាតិ បានអង្វរមិនឲ្យបើក តែគេមិនព្រម និងថែមទាំងសាច់ញាតិរកវាយថែមទៀត តែដោយសារភាពរឹងទទឹងទើបបង្កឲ្យមានគ្រោះថ្នាក់កើតឡើងបែបនេះ ក្នុងនោះបានបណ្តាលឲ្យសាច់ញាតិ៦ នាក់ស្លាប់ និង៣ នាក់ទៀតបានរួចផុតពីគ្រោះថ្នាក់ក្នុងហេតុការណ៍ដ៏អាក្រក់នេះ៕រូបថត CEN
កំពង់ធំ៖ មានការភ្ញាក់ផ្អើលមួយបានកើតឡើងខណៈដែលមន្ត្រីយោធាឋានៈវរៈសេនីយត្រីម្នាក់ឈ្មោះ ញ៉ែម សុផន ហៅ អ៊ូ តាន់ បានខលចូលទូរស័ព្ទគំរាមសម្លាប់លោក ប៊ុន រិទ្ធី ភ្នាក់ងារប៉ុស្តិ៍លេខ៣ប្រចាំខេត្តកំពង់ធំ ដោយអួតខ្លួនថាជាអធិការកិច្ចក្រសួងមហាផ្ទៃ ហើយដាក់នាមខ្លួនឯងថា មហាមេឃ។ ករណីការគំរាមសម្លាប់ភ្នាក់ងារទូរទស្សន៍ ប៉ុស្តិ៍លេខ៣នេះលោកឧត្តមសេនីយ៍ត្រី ជូ សំអាន ស្នងការនគរបាលខេត្តកំពង់ធំបាន កំពុងតែបើកករណីស្រាវជ្រាវជាបន្ទាន់ ។
តាមការឲ្យដឹងពីលោក ប៊ុន រិទ្ធី នៅវេលាម៉ោង ២១៖៤៣នាទីយប់ថ្ងៃទី០១ ខែមេសា ឆ្នាំ២០១៦ ខណៈដែលលោក ចុះយកព័ត៌មានពីករណីការដឹកជញ្ជូនឈើខុសច្បាប់ ស្រាប់តែមានទូរស័ព្ទខលចូលមក ហើយបានហៅឲ្យលោក មកជួបលោកមហាមេឃនៅផ្លូវគំរូស្រុកសណ្តាន់តែលោកប៊ុន រិទ្ធី មិនព្រមទៅជួប ក្រោយមកលោក មហាមេឃ បាននិយាយថា ស៊ូស្លាប់ក្នុងសមរភូមិមែនទេឥលូវនេះមានផ្លូវ២ឲ្យរើស ទី១ នៅស្លាប់ មករស់ រើសយកមួយណា តាមរយៈលេខទូរស័ព្ទ ០១២***៣៣៩ សូមបញ្ជាក់ថា កាស៊ើបអង្កេតឈាន មកដល់ថ្ងៃនេះទើបបានដឹងច្បាស់ការថា បុគ្គលដែលបានគំរាមសម្លាប់ភ្នាក់ងារទូរទស្សន៍ប៉ុស្តិ៍លេខ៣ គឺលោក វរៈសេនីយ៍ត្រី ញ៉ែម សុផន ហៅ អ៊ូ តាន់ អង្គភាពទាហានភូមិភាគ ។
លោក ញ៉ែម សុផន ដែល៊រងកាចោទប្រកាន់ពីការគំរាមសម្លាប់អ្នកយក ព័ត៌មានទូរទស្សន៍ប៉ុស្តិ៍លេខ៣ មិនអាចទាក់ទងដើម្បីសុំការបំភ្លឺបានទេកាលពីរសៀលថ្ងៃទី ៣ ខែមេសា ម្សិលមិញនេះ៕ (រូប ៖ញ៉ែម សុផន)
លោក រតនៈ
ភ្នំពេញ៖ មាន សូនីតា តារាសម្តែងដែលលេចមុខមាត់ខ្លាំងជាមួយនឹងសកម្មភាពមនុស្សធម៌បានប្រកាស និងបន្តការផ្សព្វផ្សាយស្នាដៃដែលជាផ្នែកមួយនៃការលើកកម្ពស់កិត្តិសព្ទសិល្បៈវប្បធម៌ អរិយធម៌ខ្មែរជាបន្តផងដែរ។ ការប្រកាសនេះត្រូវបានធ្វើឡើងក្រោយពេលទស្សនាវត្តីម៉ូតសំលៀកបំពាក់បែបបច្ចឹមប្រទេសមួយជ្រើសរើសនាងឡើងលើគម្របមុខ។
មាន សូនីតា ដែលទើបនឹងទទួលបានរហស្សនាមថាជារាជិនីក្រមា បានបញ្ជាក់ថា នាងពិតជាមានចំណាប់អារម្មណ៍ខ្លាំងជាមួយនឹងបេសកម្មនេះព្រោះតែវាបានជួយលើកកម្ពស់ល្បែងប្រជាប្រិយខ្មែរ ព្រមជាមយយនឹងគំនិតច្នៃប្រឌិតអស្ចារ្យនៃម៉ូតសម្លៀកបំពាក់ ដែលវាបានឆ្លុះបញ្ចាំងផងដែរនូអរិយធម៌វប្បធម៌របស់ជាតិខ្មែរ។ ពិសេសគឺការថតរូបបែបសិល្បៈដែលរ៉ូបរបស់នាងត្រូវបានច្នៃឡើងពីហូល ផាមួង សូត្រខ្មែរ រំលេចដោយការច្នៃដោយទាន់សម័យពីអ្នកជំនាញ។ នាងបន្តទៀតថា វាគឺជាក្តីប្រាថ្នា និងស្រមើស្រមៃចង់បានរបស់នាងជាយូមកហើយក្នុងការចូលរួមចំណែកថែរក្សាសិល្បៈវប្បធម៌ទាំងនេះឲ្យស្ថិតស្ថេរគង់វង្ស។ នាងរំពឹងដែរថា ក្រោមការសម្រិតសម្រាំងនូវម៉ូតសម្លៀកបំពាក់ ការច្នៃប្រឌិត ការបង្ហាញពីទស្សនីយភាពប្លែកៗ ពិសេសគឺទំនៀមទម្លាប់នៃពិធីចូលឆ្នាំថ្មីប្រពៃណីជាតិខ្មែរនេះពិតជាធ្វើឲ្យអ្នកអាន និងទស្សនាប្លែកភ្នែកចម្លែកអារម្មណ៍កាន់តែខ្លាំង។
លោក ជ័យ រដ្ឋា នាយកផ្នែកច្នៃប្រឌិតរបស់ទស្សនាវត្តី សូវរីន(Sovrin)បានបញ្ជាក់ថាដើម្បីបង្កើតបានជាទស្សនីយភាពក្រុមការងារបានបានជ្រើសរើសយកវត្តពោធិរុក្ខារាមហៅវត្តកំពុងត្រឡាច ស្ថិតក្នុងស្រុកកំពុតត្រឡាចខេត្តកំពុងឆ្នាំងដើម្បីផ្តិតយករួមភាពជាមួយនឹងសកម្មភាពថតរូប ដែលសិល្បករស្លៀកពាក់បែបសហសម័យ លាយគ្នាជាមួយនឹងសម្លៀកបំពាក់បុរាណផងដែរ។ លោកបញ្ជាក់ថា ការបង្ហាញទស្សនីយភាពនេះក៏បានបង្ហាញពីសក្កដានុពលទេសចរណ៍របស់កម្ពុជាទៅកាន់ពិភពលោកផងដែរ។ លោកបន្តថាការជ្រើសរើសកញ្ញាមានសូនីតាមកថតសម្រាប់ទស្សនាវត្តីលោកព្រោះតែនាងមានឈ្មោះល្បី រូបសម្រស់ស្រស់សោភា ពិសេសគឺសកម្មភាពចូលរួមសង្គម និងផ្សព្វផ្សាយសិល្បៈវប្បធម៌ខ្មែររបស់នាងផងដែរ៕
វ៉ាស៊ីនតោន៖យោងតាមការផ្សាយរបស់សារព័ត៌មាន Channel News Asia នៅមុននេះបន្តិចបានឲ្យដឹងថា លោកប្រធានាធិបតីអាមេរិក បារ៉ាក់ អូបាម៉ា និង លោកប្រធានាធិបតីចិន ស៊ី ជិពីង មេដឹកនាំទាំងពីរបាន ព្រមព្រៀងគ្នាថា នឹងអនុវត្តន៍ឲ្យបាន ពេញលេញចំពោះទណ្ឌកម្មដែលអន្តរជាតិបានដាក់លើកូរ៉េខាងជើង។
ជាមួយគ្នានោះមេដឹកនាំទាំងពីរក្រៅពីការពិភាក្សាបញ្ហាសកលធំៗមួយចំនួននោះ ក៏នៅឆ្លៀតឱកាសចែករំលែកនូវ ទស្សនៈរៀងៗខ្លួន ជាពិសេសការ បង្រួមភាពខុសគ្នាទាំងឡាយ រវាងមហាអំណាចពិភពលោកទាំងពីរ ដើម្បីអាច ឲ្យកិច្ចសហប្រតិបត្តិការរវាងភាគីទាំងពីរ កើតឡើងបាន។
គួរបញ្ជាក់ថា ការបាញ់គ្រាប់មីស៊ីល និងសាកល្បងអាវុធ នុយក្លេអ៊ែររបស់ កូរ៉េខាងជើង ដែលត្រូវតែមានប្រទេសទាំងពីររួមដៃគ្នាដោះស្រាយផងដែរ៕
រាជធានីភ្នំពេញ៖សាលាដំបូង រាជធានីភ្នំពេញសម្រេចឃុំខ្លួនស្ត្រីជនជាតិថៃម្នាក់ដែលពាក់ព័ន្ធ ជួញដូរគ្រឿងញៀនជិត៣គីឡូក្រាមដាក់ពន្ធនាគារបណ្តោះអាសន្ន ដើម្បីរង់ចាំការស៊ើបអង្កេតរកមេខ្លោង និងបក្ខពួកបន្ថែមទៀត ។
មន្ត្រីតុលាការថ្លែងថា ស្ត្រីជនជាតិថៃរូបនេះត្រូវបានចោទប្រកាន់ពីបទជួញដូរដោយខុសច្បាប់ នូវសារធាតុញៀន។ ស្ត្រីរូបនេះឈ្មោះ KAEWKANLAYA AMPHAWAN ត្រូវបានកម្លាំងគយ និងរដ្ឋាករប្រចាំ អាកាសយានដ្ឋានអន្តរជាតិ ភ្នំពេញឃាត់ខ្លួនកាលពីយប់ថ្ងៃទី៣០ ខែមីនា ឆ្នាំ២០១៦ ខណៈស្ត្រីរូបនេះ លួចនាំចូលថ្នាំញៀនប្រភេទកូកាអ៊ីនទម្ងន់ជិតគីឡូក្រាមបង្កប់ក្នុងសូកូឡាតាមច្រកព្រលានយន្តហោះភ្នំពេញ៕
រាជធានីភ្នំពេញ៖លោក សេរី កុសល នឹងឡើងកាន់តំណែងជាផ្លូវការអនុប្រធានទី១អាជ្ញាធរមីនជំនួសលោក ប្រាក់ សុខុន ដែលនឹងត្រូវទៅកាន់តំណែងជារដ្ឋមន្ត្រីក្រសួងការបរទេស និងសហការប្រតិបត្តិការអន្តរជាតិ។
គួរបញ្ជាក់ថា នៅថ្ងៃទី០៤ ខែមេសា ឆ្នាំ២០១៦នេះរដ្ឋសភាជាតិនឹងពិនិត្យអនុម័តលើសេចក្ដីស្នើសុំរបស់ប្រមុខរាជរដ្ឋាភិបាលក្នុងការផ្លាស់ប្ដូរគណៈរដ្ឋមន្ត្រីក្នុងនោះលោក សេរី កុសល ត្រូវបានស្នើសុំតែងតាំងជាអនុប្រធានទី១អាជ្ញាធរមីនជំនួសលោក ប្រាក់ សុខុន ដែលនឹងត្រូវទៅកាន់តំណែងជារដ្ឋមន្ត្រីក្រសួងការបរទេស និងសហការប្រតិបត្តិការអន្តរជាតិ៕
រាជធានីភ្នំពេញ៖រដ្ឋមន្ត្រីក្រសួងយុត្តិធម៌លោក អង្គ វង្សវឌ្ឍានា បានចេញលិខិតមួយច្បាប់ទៅប្រធានសាលាដំបូង និង ព្រះរាជអាជ្ញាអមសាលាដំបូងរាជធានី-ខេត្តទូទាំងប្រទេសដើម្បីសុំឲ្យ ចាត់តាំងអ្នកនាំពាក្យតំណាងសាលាដំបូង និងអយ្យការអមសាលាដំបូងរាជធានី-ខេត្តទាំងអស់ ដោយហេតុផលថា វិស័យយុត្តិធម៌បច្ចុប្បន្ននេះជាវិស័យដែលមានការចាប់អារម្មណ៍ពីសំណាក់សាធារណជន និងបណ្តាញសារព័ត៌មានដែលទាមទារឲ្យមានការផ្តល់ព័ត៌មានឆ្លើយតបឲ្យបានឆាប់រហ័ស និងទាន់ពេលវេលាជៀសវាងការភាន់ច្រឡំនានា៕
រាជធានីភ្នំពេញ៖នៅថ្ងៃទី១ ខែមេសា ឆ្នាំ២០១៦ម្សិលមិញនេះមានករណីគ្រោះថ្នាក់ចរាចរណ៍នៅទូទាំងប្រទេសកើតឡើងចំនួន៦លើក ក្នុងនោះយប់២លើកបណ្តាលឲ្យមនុស្សស្លាប់ ៦នាក់ រងរបួសធ្ងន់ ៣នាក់ (ស្រី១នាក់ ) និងរបួសស្រាល ២នាក់ (ប្រុស)។ នេះយោងតាមរបាយការណ៍នាយកដ្ឋាននគរបាលចរាចរណ៍ និងសណ្ដាប់ធ្នាប់សាធារណៈ នៃអគ្គស្នងការដ្ឋាននគរបាលជាតិ។
ប្រភពដដែលបន្តថា ក្នុងគ្រោះថ្នាក់ទាំង៦លើកនេះ បណ្តាលឲ្យខូចខាតយានយន្ត សរុបចំនួន ១០គ្រឿង រួមមាន ម៉ូតូចំនួន ៥គ្រឿង, រថយន្តធុនតូច ៤គ្រឿង ,រថយន្តធុនធំ ១គ្រឿង ។ ប្រភពបញ្ជាក់ថា មូលហេតុដែលបណ្តាលឲ្យកើតមានករណី គ្រោះថ្នាក់ចរាចរណ៍មកពីបើកបរ ល្មើសល្បឿន៤លើក (ស្លាប់៥នាក់), ស្រវឹង១លើក, ងងុយដេក១លើកស្លាប់១នាក់។ ក្នុងនោះអ្នកមិនពាក់មួកសុវត្ថិភាព ពេលគ្រោះថ្នាក់ចរាចរណ៍ ៤នាក់ (យប់២នាក់)។ គ្រោះថ្នាក់លើដងផ្លូវរួមមានផ្លូវជាតិចំនួន៦លើក ។ យានយន្តបង្កហេតុ រួមមាន ម៉ូតូ ១លើក រថយន្តធុនតូច ៤លើក, រថយន្តធុនធំ ១លើក។
ជាមួយគ្នានោះលទ្ធផលត្រួតពិនិត្យ អនុវត្តច្បាប់ចរាចរណ៍ផ្លូវគោក គឺមានយានយន្តដែលល្មើស សរុបទូទាំងប្រទេសមាន ចំនួន ៧,០៩៦គ្រឿង ក្នុងនោះបានធ្វើការ អប់រំចំនួន ២,៩៨២គ្រឿង ពិន័យសរុប ៤,១១៤គ្រឿង និងអប់រំអ្នក មិនពាក់មួកសុវត្ថិភាព ០នាក់៕
ប៉ែនសុផល
បាត់ដំបង៖បុរសវ័យចំណាស់ម្នាក់ត្រូវបានដីបាកសង្កត់ក្នុងរណ្រៅធ្វើរ៉ែមាស នៅវេលាម៉ោង៩ព្រឹកថ្ងៃទី១ ខែមេសា ឆ្នាំ២០១៦ សពបុរសវ័យចំណាស់ម្នាក់ត្រូវបានក្រុមសមត្ថកិច្ចកងរាជអាវុធហត្ថស្រុកភ្នំព្រឹកយកចេញពីរណ្តៅរ៉ែមាសនៅហើយបន្ទាប់ពីពួកគេបាននាំគ្នាចុះទៅក្នុងរណ្តៅដើម្បីរុករករ៉ែមាស ដែលជាតំបន់ហាមឃាត់របស អង្គភាពជំនាញនាពេលកន្លងមក។
តាមការអោយដឹងពីកំលាំងកងរាជអាវុធហត្ថស្រុក បានបញ្ជាក់ប្រាប់(TNM tv online)ថា នៅវេលាប្រមាណជាម៉ោង១២ និង៤០នាទីរំលងអធ្រាត្រឈានចូលថ្ងៃទី១ ខែមេសានេះ មានប្រជាពល
រដ្ឋចំនួន៤នាក់ ដែលរស់នៅភូមិអូរល្ហុង ឃុំអូររំដួល ស្រុកភ្នំព្រឹក ខេត្តបាត់ដំបង បាននាំគ្នារុកព្រៃចូលទៅកាន់តំបន់រុករករ៉ែមាស ដែលមានទីតាំងទល់មុខនឹងភូមិថ្នល់បត់ ឃុំអូររំដួល ស្រុកភ្នំព្រឹក ខេត្តបាត់ដំបង។
ក្នុងការរុករកនោះ ពួកគេបានចាប់ផ្តើមចុះទៅក្នុងរណ្តៅចាស់ៗដែលត្រូវគេបោះបង់ដើម្បីធ្វើការគាស់កកាយយករ៉ែមាសទាំងនោះចេញពីរណ្តៅ។ នៅពេលនោះដែរគឺជនរងគ្រោះ ឈ្មោះ នួនទ្រា ភេទប្រុស អាយុ៥០ឆ្នាំ រស់នៅភូមិអូរល្ហុង ជាអ្នកចុះទៅក្នុងបាតរណ្តៅធ្វើរ៉ែមាសដែលមានជម្រៅជ្រៅសមល្មម។
មួយសន្ទុះក្រោយមកក៏មានការឆោរឡោឡើង ដោយសារតែរណ្តៅដែលជនរងគ្រោះកំពុង ចុះនោះត្រូវបានដីបាកហូរចូលសង្កត់ទៅលើជនរងគ្រោះដែលកំពុងអង្គុយក្នុងបាតរណ្តៅធ្វើឲ្យមានការថប់ដង្ហើមស្លាប់ភ្លាមៗនៅនិងកន្លែងកើតហេតុ ហើយក្រុមបក្ខពួកដែលនៅចំនួន៣នាក់ បានខំប្រឹងប្រែងជួយជីកកកាយដើម្បីទាញយកជនរងគ្រោះឲ្យរួចចេញផុត ពីបាតរណ្តៅប៉ុន្តែពួកគេមិនអាចទាញយកបាននោះទេរហូតដល់ព្រឹកទើបយកសពបាន។
លោក អ៊ាន មាឃ ប្រធានមន្ទីររ៉ែ និងថាមពលខេត្ត បានលើកប្រាប់(TNM tv online )ថា កន្លងមកលោកបានចេញសារាចរណែនាំរួចមកហើយ ដើម្បីឲ្យសមត្ថកិច្ចក៏ដូចជាអាជ្ញាធរនៅតាមតំបន់នោះជួយរារាំង និងទប់ស្កាត់រាល់បទល្មើសក្នុងការរុករករ៉ែមាសនេះ ដើម្បីឲ្យពួកគេធ្វើច្បាប់ឲ្យបានច្បាស់លាស់ ជៀសវាងការធ្វើអាជីវកម្មរុករករ៉ែមាសនៅក្នុងតំបន់នោះដោយគ្មានច្បាប់ទំលាប់ និងផលប៉ះពាល់ផ្សេងៗផងដែរ៕
តួកគី៖យោងតាមការចេញផ្សាយរបស់សារព័ត៌មាន Reuters នៅមុននេះបន្តិចបានឲ្យដឹងថា ក្នុងករណីបំផ្ទុះគ្រាប់បែកអត្តឃាតនៅក្នុងទីក្រុង Diyarkakir ប្រទេសតួកគីបានស្លាប់ប៉ូលិសកើនដល់៧នាក់ហើយ គ្រាដែលមនុស្ស២៧នាក់ផ្សេងទៀតបានរងរបួស។
ប៉ូលិសប្រចាំតំបន់បានបញ្ជាក់ថា ក្នុងចំណោមអ្នករបួសទាំង២៧នាក់នោះ មាន១៣នាក់ជាប៉ូលិស ហើយករណីបំផ្ទុះគ្រាប់បែកអត្តឃាតនេះ ត្រូវបានគេសង្ស័យថា ជាទង្វើរបស់ក្រុមគាំទ្រជ្រុលនិយមបក្សឃឺដ៕
ភ្នំពេញ៖កាលពីវេលាម៉ោង០៩នាទីព្រឹកថ្ងៃទី០១ ខែមេសា ឆ្នាំ២០១៦ សាលាខណ្ឌខណ្ឌចំការមន ដែលដឹកនាំ ដោយលោក ព្រំសំខាន់ អភិបាលនៃគណៈអភិបាលខណ្ឌ បានធ្វើពិធីវាយកំទ្ទេចទូហ្គេម ចំនួន១៤ទូ ប្រភេទទូហ្គេមបាញ់ត្រីចំនួន១៤ទូរដែលគណៈបញ្ជាការ ចុះប្រតិបត្តិការ កន្លងមកនេះ។
លោក ព្រំសំខាន់អភិបាលខណ្ឌ ចំការមនបានមានប្រសាសន៍ថា ដេីម្បីលុបបំបាត់ល្បែងសីុសងក្នុងមូលដ្ឋានស្របតាមគោលនយោបាយភូមិ-សង្កាត់មានសុវត្ថិភាព និងដើម្បីរក្សាសន្ដិសុខ សណ្ដាប់ធ្នាប់ឱ្យបានល្អផងដែរនោះ សាលាខណ្ឌចំការមនបានវាយកម្ទេចទូហ្គេមប្រភេទល្បែងសីុសងប្រភេទហ្គេមបាញ់ត្រីចំនួន១៤ទូ ដែលគ្មានច្បាប់អនុញ្ញាត ត្រូវបានវាយកម្ទេច ។
លោក ព្រំសំខាន់ អភិបាលខណ្ឌចំការមន បានមានប្រសាសន៍បន្តថា ទូហេ្គមទាំង១៤ទូនេះ ត្រូវបានរឹបអូសពីកន្លែងធើ្វអាជីវកម្មខុសច្បាប់ជាច្រើនកន្លែងនៅក្នុងខណ្ឌទួលចំកាមនខណៈដែលពួកគេលួចបើកលេងទាំងយប់ទាំងថ្ងៃ ដោយពុំមានសុំការអនុញ្ញាតពីអាជ្ញាធរដែនដីនោះឡើយ។
គួររំលឹកផងដែរទូហេ្គមទាំងនេះគឺជាប្រភេទហេ្គមល្បែងសីុសងដែលធើ្វបង្វក់សិស្សានុសិស្ស នឹងយុវវ័យមួយចំនួនលះបង់ការសិក្សាចូលទៅលេងហេ្គម ទាំងនោះដែរបំផ្លាញលុយ ឬទ្រព្យសម្បត្ដិរបស់អាណាព្យាបាល ។
លើសពីនេះទៀតវាបានធើ្វឱ្យមានផលប៉ះពាល់ដល់សណ្ដាប់ធ្នាប់សន្ដិសុខសង្គមតាមរយៈលេងហេ្គមចាញ់អស់លុយ ធើ្វឱ្យសិស្សានុសិស្ស ឬយុវវ័យទាំងនោះអាចប្រព្រឹត្ដ អំពើដូចជា លួច ឆក់ ប្លន់ ដែរបង្កអសន្ដិសុខសង្គមជាដើម៕
មេគង្គប៉ុស្តិ៍លើបណ្តាញសង្គម
ព័ត៌មានគួរចាប់អារម្មណ៍
