All posts by មេគង្គ ប៉ុស្តិ៍

រថយន្តសាំយ៉ុងបុកបុរសពីរនាក់ស្លាប់ពេលជិះម៉ូតូចេញពីស៊ីការត្រឡប់ទៅផ្ទះ

March 6, 2016ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ដោយ៖ ខន ខេន

ខេត្តព្រៃវែង ៖ បុរសពីរនាក់ត្រូវជាបងថ្លៃ ប្អូនថ្លៃ លនឹងគ្នាត្រូវរថយន្តបុកស្លាប់ភ្លាមកាលពីយប់ថ្ងៃសៅរ៍ខណៈគាត់ទាំងពីរនាក់បានជិះម៉ូតូឌុបគ្នាចេញពីស៊ីការគេតម្រង់ទៅផ្ទះ។

ហេតុការណ៍នេះបានកើតឡើងកាលពីវេលាម៉ោង 10៖00 នាទីយប់ថ្ងៃទី 05 ខែមីនា ឆ្នាំ2016នៅកំណាត់ផ្លូវជាតិលេខ 8 A ស្ថិតនៅភូមិគគឃុំ កំពង់ពពិល ស្រុកពារាំង ខេត្តព្រៃវែង ។

បុរសរងគ្រោះមានគ្នាពីរនាក់ មួយឈ្មោះស៊ុំ ចាន់រ៉ា ភេទប្រុសអាយុ27ឆ្នាំមានទីលំនៅម៉ែបាន ឃុំ ស៊ីធរ ស្រុក ខ្សាច់កណ្ដាល ខេត្តកណ្ដាល ម្នាក់ទៀតមិនស្គាល់អត្តសញ្ញាណទេ។អ្នកទាំងពីរត្រូវជាបងប្អូនថ្លៃនឹងគ្នា បានស្លាប់នៅនឹងកើត ហេតុពីរមិនបានស្គាល់អត្តញ្ញាណ ភេទប្រុស គឺត្រូវជាបងថ្លៃ របស់បុរសរងគ្រោះបានស្លាប់នៅនឹងកន្លែងកើតហេតុដូចគ្នា ។

សាច់ញាតិជនរងគ្រោះបានអោយដឹងថា ជនរងគ្រោះចេញពីស៊ីការគេនៅឃុំរការ ស្រុកពារាំង ខេត្តព្រៃវែង ។

សមត្ថកិច្ចមូលដ្ឋានបានបញ្ជាក់ថាបុរសរងគ្រោះ បើកម៉ូតូ ម៉ាកឌ្រីមស៊េរី2002សណ្ដោងរ៉ឺម៉ក ក្នុងទឹសដៅពីកើតមកលិចមកដល់កន្លែងកើតហេតុ បានរេចង្កូតមកខាងឆ្វេងដៃ ខណៈនោះស្រាប់តែ រថយន្តមួយគ្រឿងម៉ាកសាំយ៉ុងពណ៌ ស ពាក់ស្លាកលេខភ្នំពេញ2m1151 បើកក្នុងទិសដៅបញ្ច្រាសគ្នា បុកពេញទំហឹង បណ្ដាលអោយជនរងគ្រោះទាំងពីរ និងម៉ូតូបានអូសជាច្រើនម៉ែតស្លាប់ភ្លាមៗ ចំណែកម៉ូតូរ៉ឺម៉កខូចខាតស្ទើរទាំងស្រុងរីឯអ្នកបើកបររថយន្តរត់គេចខ្លួនបាត់មុនពេលសមត្ថកិច្ចទៅដល់ ហើយវត្ថុតាងរថយន្តនិងម៉ូតូរ៉ឺម៉ក បានយកមករក្សាទុកនៅអធិការដ្ឋានដើម្បីបំពេញនីតិវិធីចំពោះសាក់សពទាំងពីខាងលើបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕

ចោរមួយក្រុមចូលប្លន់ផ្ទះអ្នកលក់ដំឡូង យកប្រាក់អស់មួយចំនួននៅស្រុកស្នួល

March 6, 2016Uncategorized, ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ក្រចេះ៖ ជនសង្ស័យមួយក្រុមប្រដាប់ដោយកាំភ្លើង បានចូលទៅប្លន់ផ្ទះលក់ដំឡូង នៅឃុំ២ធ្នូ ស្រុកស្នួល ខេត្តក្រចេះ នាយប់ថ្ងៃទី០៥ ខែមីនា ឆ្នាំ២០១៦នេះដោយយកអស់ប្រាក់មួយចំនួនតែមិនទាន់ដឹងពី ចំនួនជាក់លាក់នៅឡើយ។

សមត្ថកិច្ចស្រុកស្នួល បានប្រាប់អោយដឹងថា ពិតជាមានករណីនេះមែនតែមិនទាន់ដឹងថា យ៉ាងណានោះទេ ។ អភិបាលស្រុកស្នួល លោក គង់ គឹមនី បានបញ្ជាក់ថា នៅពេលសមត្ថកិច្ចកំពុងចុះទៅជួយអន្តរាគមន៍ តែមិនទាន់ដឹងលំអិតនៅឡើយនោះទេ។

ដោយឡែក លោក ចាន់ សុខគីម អធិការនគរបាលស្រុក ក៏បានបញ្ជាក់ថា កម្លាំងរបស់លោកកំពុងចេញទៅហើយ។សមត្ថកិច្ចបន្តថា កន្លែងកើតហេតុ មានចំងាយប្រមាណ២០គីឡូម៉ែត្រ ពីទីរួមស្រុក។ នៅពេលនេះទាំងនគរបាល និងអាវុធហត្ថ កំពុងចុះទៅជួយអន្តរាគមន៍ហើយ៕

បើករថយន្តលឿនជ្រុលចង្កូតទៅបុកម៉ូតូរងរបួសធ្ងន់

March 6, 2016ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

កំពត: រថយន្តកាមារីបាឡែនវ៉ាម៉ូតូសង់សេរី២០១៥ប៉ះចំដៃចង្កួតដួលបណ្តាលអោយអ្នកបេីកបរម៉ូតូបោកក្បាល និងថ្នាល់រងរបួសធ្ងន់ ហេតុការណ៍នេះកើតឡើងនៅវេលាម៉ោង១១ និង ៥០ នាទី ថ្ងៃត្រង់នាថ្ងៃទី 0៥ ខែ មីនា ២០១៦ គឺមានគ្រោះថ្នាក់ចរាចរណ៍មួយ បានកេីតឡេីងបង្កដោយរថយន្ត កាមារីបានឡែនមួយគ្រឿងពណ៍ទឹកប្រាក់ ពាក់ស្លាកលេខភ្នំពេញ ២AE៩៧៤៨ បេីកបរដោយបុរសមិនស្គាល់អត្តសញ្ញាណម្នាក់ បេីកប៉ះដៃចង្កូតម៉ូតូសង់សេរីឆ្នាំ២០១៥ ពណ៍ខ្មៅ ពាក់ស្លាកលេខកំពត១I.៤៤៩៤ បេីកបរដោយបុរសម្នាក់ឈ្មោះ ឈន ខ្និត ភេទប្រុស អាយុ២២ឆ្នាំ រស់នៅភូមិព្រៃគុយ ឃំុស្តេចគង់ខាងត្បូង ស្រុកបន្ទាយមាស ខេត្តកំពត រងរបួសចំក្បាលពីខាងក្រោយ យ៉ាងធ្ងន់ធ្ងូ។

តាមប្រកភពពត៌មានពីបងប្អូនប្រជាពលរដ្ឋនៅទីនោះបានប្រាប់អោយដឹងថាគ្រោះថ្នាក់ចរាចរណ៍នេះបង្កឡេីងដោយរថយន្តកាមរីបេីក ពីលិចទៅកើត ក្នុងទិស ដៅស្របទិសគ្នា ហេីយរថយន្តកាមារី ក៍បេីកវាម៉ូតូសង់សេរី២០១៥ ប៉ះចំដៃចង្កូត បណ្តាលអោយម៉ូតូដួលនៅលេីកំណតមផ្លូវជាតិលេខ១១៧ កំពង់ត្រាចទៅតន់ហន់ត្រង់ចំណុច ខាងលិចស្ពានធំ ប្រមាណ ៣០ម៉ែត្រ ស្ថិតនៅភូមិដំណាក់ក្រឡាញ់ ឃំុប្រសាទ ស្រុកកំពង់ត្រាច ខេត្តកំពត។ បណ្តាលអោយម្ចាស់ម៉ូតូរងរបួសត្រង់ក្បាលយ៉ាងធ្ងន់ធ្ងរ រីឯរថយន្តបង្កហេតុ បានរត់គេចខ្លួនបាត់មួយសន្ទោះ ទៅទិសខាងកើតផ្លូវទៅតន់ហន់។

ដោយមានការសហការនិងអន្តរាគមន៍ទាន់ពេលវេលារបស់
សមត្ថកិច្ច នៅស្រុកបន្ទាយមាស និងស្រុកកំពង់ត្រាច បានស្ទាក់ឃាត់ រថយន្តបង្ករហេតុ បាននៅឃុំបន្ទាយមាសខាងលិច ស្រុកបន្ទាយមាស ។

លោកសេង រតនា អធិការស្រុកកំពង់ត្រាច បានអោយដឹងថា អ្នកបេីកបរម៉ូតូ អត់ពាក់មួកសុវត្តិភាពទេ បានជាបណ្តាលអោយបែកក្បាលខាងក្រោយ។លោកអធិការបន្តទៀតថា កំលាំងអធិការនគរបាលស្រុកកំពង់ត្រាចសហការជាមួយ កំលាំងអធិការនគរ បាលស្រុកបន្ទាយមាស
ជួយអន្តរាគម៍និងឃាត់រថយន្តបង្កហេតុបានយកមកដោះស្រាយតាមច្បាប់។

បច្ចុប្បន្នជនរងគ្រោះត្រូវបានក្រុមគ្រួសារដឹកទៅសង្គោះនៅប្រទេសវៀតណាម។ សូមបញ្ជាក់ផងដែរថាគ្រោះថ្នាក់ចរាចរណ៍កើតឡើងឥតឈប់ឈរដោយការធ្វេសប្រហែសនិងបើកបរដោយមិនគោរពច្បាប់។ អត្តបទលោក អ៊ួង វឹង

អង្គរក្សលោក កឹម សុខា ឃាត់ខ្លួននិស្សិត៥នាក់ខណៈតវ៉ាឲ្យពន្យល់ពីព័ត៌មានស្នេហាជាមួយស្រីក្មេង

March 5, 2016ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ដោយ៖រដ្ឋា

ភ្នំពេញ: យ៉ាងហោចណាស់មានយុវជន៥នាក់ក្នុងក្រុមយុវជន និងនិស្សិតប្រមាណជា ៣០នាក់ ត្រូវបានក្រុមអង្គរក្សលោក កឹម សុខា សង្កត់បង្ខ៉ឲ្យអង្គុយស្ងៀមនៅនឹងកន្លែងខណៈដែលគេបាននាំគ្នាទៅទាមទារឲ្យលោក កឹម សុខា ប្រធានស្តីទីគណបក្សសង្គ្រោះជាតិ ធ្វើការបកស្រាយ និងបញ្ជាក់ការពិត រឿងបែកធ្លាយសម្លេងសន្ទនា សាសងស្នេហាជាមួយស្រីក្មេង ដែលត្រូវបានបង្ហោះ នៅលើបណ្តាញសង្គមហ្វេសប៊ុក ជាបន្តបន្ទាប់។

ហេតុការណ៍នោះបានកើតឡើងនៅព្រឹកថ្ងៃទី៥ ខែមីនា ឆ្នាំ២០១៦ ខណៈពេលដែលលោក កឹម សុខា កំពុងតែជួបសំណេះសំណាល ជាមួយថ្នាក់ដឹកនាំមូលដ្ឋានរបស់ គណបក្សសង្គ្រោះជាតិ នៅភូមិនៅអូរតាប៉ាង ឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ។

ប្រភពព័ត៌មានបានឲ្យដឹងថា ការព្យាយាមស្វែងរកការជួបជាមួយលោក កឹម សុខា ដើម្បីឲ្យបកស្រាយការពិតនោះត្រូវបានក្រុមសន្តិសុខ និងក្រុមយុវជន គណបក្សសង្គ្រោះជាតិ រារាំងមិនឲ្យចូលទៅជួបលោក កឹម សុខា នៅក្នុងវេទិកានោះទេ ។ឪកាសនោះមានយុវជន៥នាក់ក្នុងក្រុមយុវនិស្សិតតវ៉ា ត្រូវបានអង្គរក្សលោក កឹម សុខា ចាប់ឲ្យអង្គុយនៅនឹងកន្លែងខាងមុខវេទិកា ចំណែកលោក កឹម សុខា បើទោះបីជាក្រុមយុវជន និងនិស្សិតទាមទារឲ្យបកស្រាយការពិតយ៉ាងណាក្តីក៏មិនបានចេញមកជួបដើម្បីពន្យល់បកស្រាយការពិតរឿងបែកធ្លាយសម្លេងសាសងស្នេហានោះទេ។

លោក ប៉េង ភីរេន តំណាងយុវជន និងនិស្សិត មកពីតាមមហាវិទ្យាល័យ និងសាកលវិទ្យាល័យនានា ក្នុងរាជធានីភ្នំពេញ បានប្រាប់ឲ្យដឹងថា នៅក្នុងការទាមទារនេះ មានយុវជនចំនួន៥នាក់ ដែលជាមេក្រុមដែលបានដឹកនាំយុវជនទៅទីនោះ ត្រូវបានក្រុមអង្គរក្សលោក កឹម សុខា ចាប់ឃាត់ខ្លួនដោយសង្កត់ឲ្យអង្គុយនៅមុខវេទិកា ។ខណះនោះក្រុមយុវជនជាង ២០ នាក់ទៀត បានស្រែកតវ៉ាឲ្យដោះលែងតំណាងពួកគេទាំង៥នាក់ ចំណែកក្រុមយុវជនផ្សេងទៀត ត្រូវបានរារាំង និងបំបែកមិនឲ្យចូលទៅខាងក្នុងវេទិកាឡើយ។

លោក ប៉េង ភីរេន តំណាងយុវជន និងនិស្សិត មកពីតាមមហាវិទ្យាល័យ និងសាកលវិទ្យាល័យនានា ក្នុងរាជធានីភ្នំពេញ បានប្រាប់ឲ្យដឹងថា ខណះពួកគេកំពុងស្នើឲ្យលោក កឹម សុខា ចេញមកពន្យល់ពីករណីដូចព័ត៌មានដែលគេផ្សព្វផ្សាយរឿងស្នេហាជាមួយស្រីក្មេងនោះ ស្រាប់តែមានក្រុមអង្គរក្សរសប់លោកបានចេញមកឃាត់ចាប់សង្កត់យុវជនប្រមាណ៥នាក់ឲ្យអង្គុយនៅមួយកន្លែង។

លោក ប៉េង ភីរេន បានបន្តថា ក្នុងសកម្មភាពទាមទារនេះ ក៏មានការប្រតាយប្រតប់គ្នា បណ្តាលឲ្យក្រុមយុវជន រងរបួសខ្លះផងដែរ៕

(រូបថត៖CEN)

ឃាត់ខ្លួនជនបរទេស១៤នាក់បញ្ជូនទៅប្រទេសដើមវិញ

March 4, 2016ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ដោយ៖បញ្ញា

ភ្នំពេញ៖នៅវេលាម៉ោង៨ និង០០នាទីព្រឹកថ្ងៃទឺ៤ ខែមីនាឆ្នាំ២០១៦អគ្គនាយកដ្ឌានអន្តោប្រវេសន៍ក្រសួងមហាផ្ទៃបានចុះធ្វើការឆែកឆេរនិងឃាត់ខ្លួនជនជាតិវៀតណាម១៣នាក់ និងជនជាតិជប៉ុនម្នាក់ដែលមករស់នៅប្រទេសកម្ពុជាដោយខុសច្បាប់ បញ្ជូនទៅស្រុកកំណើតវិញ។

ការចុះប្រត្តិបត្តិការនេះដឹកនាំដោយលោកឧត្តមសេនីយទោ អ៊ុក ខៃសិឡា ដោយមានការសំរបសំរួលពីលោក មាសចន្ទ័ពិសិដ្ឌព្រះរាជអាជ្ញារងសាលាដំបូងរាជនីភ្នំពេញផងដែរ។

ប្រត្តិបត្តិការនេះធ្វើឡើងនៅចំណុចផ្លូវលេខ២៩២ សង្កាត់បឹងកេងកងទី២ខណ្ឌចំការមន។ក្នុងនោះដែរកំលាំងអគ្គនាយកដ្ឌានអន្តោប្រវេសន៍បានឃាត់ខ្លួនជនបរទេសចំនួន១៤នាក់ ក្នុងនោះវៀតណាម១៣នាក់ (ស្រីចំនួន៦នាក់) និងជប៉ុន១នាក់ដែលមករស់នៅប្រទេសកម្ពុជាដោយគ្មានច្បាប់។

បច្ចុប្បន្នជនជាតិវៀតណាមទាំងនិងជប៉ុនទាំង១៤នាក់ត្រូវបានបញ្ជូនទៅកាន់ការិយាលយ័នាយកដ្ឌានអន្តោប្រវេសន៏ដើម្បីធ្វើការសាកសួរនិងរៀបចំឯកសារបញ្ជូនទៅប្រទេសកំណើតវិញ៕

Man Utd និង Chelsea ប្រជែងទិញ Mauro Icardi

March 4, 2016កីឡាមេគង្គ ប៉ុស្តិ៍

បាល់ទាត់៖ខ្សែប្រយុទ្ធរបស់ក្លិប Inter Milan កីឡាករ Mauro Icardi ត្រូវបានបបិសាចក្រហម Manchester United និងក្លិបតោខៀវ Chelsea ប្រជែងគ្នាទិញយកក្នុងតម្លៃ៤០លានផោន។ នេះយោងតាមគេហទំព័រ Corriere dello Sport របស់ប្រទេសអ៊ីតាលី។
ខ្សែប្រយុទ្ធ សញ្ជាតិអាហ្សង់ទីនវ័យ២៣ឆ្នាំរូបនេះ បាននិយាយកោតកោតសរសើរ សម្រាប់ក្លិបយក្ស Inter Milan មួយនេះបានទេប៉ុន្តែមានពាក្យចចាមអារ៉ាបានលើកឡើងអនាគតរបស់គាត់នៅ ទឹកដី San Siro អាចនឹងចាកចេញប្រសិនបើក្រុម Inter មិនបានទៅលេង Champions League នៅរដូវកាលក្រោយនោះ។
បើតាមកាសែតអ៊ីតាលីបានចុះផ្សាយថា លោក Jose Mourinho ដែលបានរំពឹងថា នឹងមកកាន់ទឹកដី Old Trafford ការចាប់ផ្តើមរដូវកាលថ្មីនេះ ត្រូវបានគេជឿថា គ្រួបង្វឹកសញ្ជាតិព័រទុយហ្គាល់រូបនេះគ្រោងចុះហត្ថលេខា ជាមួយខ្សែប្រយុទ្ធ Icardi ក្រោមការដឹកនាំដំបូងរបស់លោក។
គួរបញ្ជាក់ថា ប្រធានក្លិប Inter Milan គ្មានគំរោងក្នុងការលក់ខ្សែប្រយុទ្ធ Icardi នោះទេ ប៉ុន្តែបើអាចលើសពី៤០លានផោននោះលោកអាចនឹងពិចារណា៕

ជប៉ុនអំពាវនាវឲ្យកូរ៉េខាងជើងបន្ទន់ឥរិយាបថទទួលយកដំណោះស្រាយ

March 4, 2016ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

ជប៉ុន៖រដ្ឋមន្ត្រីការបរទេសជប៉ុនលោក Fumio Kishida បានអំពាវនាវឲ្យកូរ៉េខាងជើង បន្ទន់ឥរិយាបថ និងទទួលយកនូវដំណោះស្រាយដែលចេញដោយក្រុមប្រឹក្សាសន្តិសុខនៃ អង្គការសហប្រជាជាតិ។ នេះបើតាមការផ្សាយរបស់ទីភ្នាក់ងារព័ត៌មានចិនស៊ិនហួរ នៅថ្ងៃទី០៤ ខែមីនា ឆ្នាំ២០១៦នេះ។
លោក Kishida បានថ្លែងថា «ទីក្រុងតូក្យូ ក្រៅពីមិនទទួលយកនូវកម្មវិធីនុយក្លេអ៊ែរ ព្រមទាំងមីស៊ីលរបស់កូរ៉េខាងជើងហើយនោះ សូម្បីតែមហិច្ឆតានុយក្លេអ៊ែរនៃរដ្ឋកុម្មុយនិស្តមួយនេះ ក៏ជប៉ុនគ្មានថ្ងៃនឹង អាចទទួលយកបាននោះដែរ។ ដូច្នេះជប៉ុន ស្នើយ៉ាងទទូចឲ្យកូរ៉េខាងជើង អនុវត្តន៍ឲ្យបានពេញលេញទៅតាម ដំណោះស្រាយរបស់អន្តរជាតិ ដែលត្រូវបានអនុម័តជាផ្លូវការកាលពីថ្ងៃព្រហស្បតិ៍»។
គួរបញ្ជាក់ថា ប៉ុន្មានម៉ោងប៉ុណ្ណោះក្រោយអង្គការសហប្រជាជាតិប្រកាសចេញ នូវទណ្ឌកម្មសេដ្ឋកិច្ច និង ពាណិជ្ជកម្មធ្ងន់ធ្ងរ ទៅលើកូរ៉េខាងជើង ទីក្រុងព្យុងយ៉ាងក៏បានប្រកាសយ៉ាងក្តែងៗនូវគម្រោង បំពាក់ក្បាលគ្រាប់នុយក្លេអ៊ែរ ត្រៀមទុកបាញ់ជាស្រេច ដើម្បីគម្រាមទៅកាន់សត្រូវរបស់ខ្លួន៕

Japanese Foreign Minister Fumio Kishida speaks about “Japan’s foreign policy on the 60th anniversary ODA” at the national press club in Tokyo on March 28, 2014. Kishida said Japan would review its guidelines for its foreign aid for the first time since 2003 to use its limited diplomatic source more efficiently. AFP PHOTO / Yoshikazu TSUNO

អ្នកទោសជនបរទេស២នាក់ជាមេខ្លោងគ្រឿងញៀនដ៏ធំបញ្ជាការជួញដូរពីក្នុងគុក

March 4, 2016ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ដោយ ៖ អ វឹង

ភ្នំពេញ៖កងរាជអាវុធហត្ថរាជធានីភ្នំពេញបានបើកប្រតិបត្តិការបង្ក្រាបក្រុមជួញដូរគ្រឿងញៀនដែលមានអង្គការចាត់តាំងពី មេខ្លោងបញ្ជាចេញពីក្នុងគុក ដោយចាប់យក ថ្នាំគ្រាប់WY ឬហៅថាមេតំហ្វេតាមីនគ្រាប់ មានចំនួន ដប់ម៉ឺន បីពាន់ ប្រាំមួយរយគ្រាប់ និងម៉ាទឹកកក ឬហៅថា មេតំហ្វេតាមីនអាយស៍ ចំនួន បីគីឡូក្រាមមួយខាំ ឃាត់ខ្លួនជនល្មើស កំពុងជួញដូរគ្រឿងញៀនជាក់ស្តែងម្នាក់ និងពាក់ព័ន្ធ05នាក់ទៀត ជាទណ្ឌិតកំពុងអនុវត្តទោសក្នុងពន្ធនាគារ។ ក្នុងនោះមានជនជាតិវៀតណាមម្នាក់និងជនជាតិស្បែកខ្មៅ02នាក់ គឺជាមេខ្លោងធំ ដែលចាត់ចែងបញ្ជា ចេញពីក្នុងគុក។

លោកឧត្តមសេនីយ៍ទោ រ័ត្ន ស្រ៊ាង មេបញ្ជាការរងកងរាជអាវុធហត្ថលើផ្ទៃប្រទេស និងជាមេបញ្ជាការកងរាជអាវុធហត្ថរាជធានីភ្នំពេញ បានឲ្យដឹងថា ដោយមានការដឹកនាំបញ្ជាពី លោកនាយឧត្តមសេនីយ៍ សៅ សុខា អគ្គមេបញ្ជាការរង កងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស កងរាជអាវុធហត្ថរាជធានីភ្នំពេញ ដែលមានកម្លាំងមូលដ្ឋានអាវុធហត្ថខណ្ឌឬស្សីកែវ កម្លាំងជំនាញមន្ទីរយុត្តិធម៌ និងកម្លាំងជំនាញការិយាល័យស្រាវជ្រាវប្រឆាំងគ្រឿងញៀន បានសហការគ្នា ធ្វើការស៊ើបអង្កេតស្រាវជ្រាវអស់រយៈពេលជាច្រើនខែ ទើបកំណត់មុខសញ្ញាបាន ឈានដល់ការបង្ក្រាបជាក់ស្តែង នូវមុខសញ្ញាជួញដូរគ្រឿងញៀន កាលពីវេលាម៉ោង10 និង15នាទីយប់ ថ្ងៃទី 28-02-2016 នៅចំណុចចំណតរថយន្ត ក្រុមហ៊ុនអង្គរអ៊ិចប្រេស ក្បែរគល់ស្ពានជ្រោយចង្វា ដោយចាប់យកបាន គ្រឿងញៀន ប្រភេទ ម៉ាទឹកកក ឬហៅថា មេតំហ្វេតាមីនអាយស៍ ជាងបីគីឡូក្រាម និង ថ្នាំគ្រាប់WY ឬហៅថា មេតំហ្វេតាមីនគ្រាប់ ចំនួន17សុង និងធ្វើការឃាត់ខ្លួនជនល្មើសម្នាក់ឈ្មោះ ឌី ធូរ៉ា ហៅត្រា ភេទប្រុសអាយុ32ឆ្នាំ ក្នុងពេលដែល បុរសរូបនោះកំពុងធ្វើសកម្មភាពជួញដូរគ្រឿងញៀនជាក់ស្តែង។

តាមចម្លើយសារភាពរបស់ជនល្មើស ដែលឃាត់ខ្លួនបានខាងលើ កម្លាំងជំនាញកងរាជអាវុធហត្ថរាជធានីភ្នំពេញ បាន រកឃើញអ្នកជាប់ពាក់ព័ន្ធបាន05នាក់ ផ្សេងទៀត ដែលជាទណ្ឌិតកំពុងអនុវត្តទោស ក្នុងពន្ធនាគារ ក្នុងនោះមានជនជាតិខ្មែរ02នាក់ ជនជាតិវៀតណាម01នាក់ និងជនជាតិស្បែកខ្មៅ02នាក់។

លោក រ័ត្ន ស្រ៊ាង បានបញ្ជាក់បន្ថែមឲ្យដឹងទៀតថា ជនល្មើសដែលត្រូវឃាត់ខ្លួន ឈ្មោះ ឌី ធូរ៉ា ធ្វើសកម្មភាពជួញដូរគ្រឿងញៀននេះ គឺក្រោមការចាត់ចែងបញ្ជាផ្ទាល់ ចេញពីក្នុងពន្ធនាគារ ដែលមានជនជាតិវៀតណាមម្នាក់ និងជនជាតិស្បែកខ្មៅពីរនាក់ ជាមេខ្លោងធំ រីឯជនជាតិខ្មែរពីរនាក់ទៀតដែលនៅក្នុងគុកដែរនោះ ជាអ្នកទំនាក់ទំនងជាមួយមេខ្លោងធំ បញ្ជាតមកក្រៅ ហើយឈ្មោះ ឌី ធូរ៉ា ដែលនៅខាងក្រៅ គឺចាំទទួលបញ្ជា ពីអ្នកនៅក្នុងគុក ឲ្យចាំទទួលថ្នាំញៀន ពីមនុស្សផ្សេងទៀត ដែលវាមិនស្គាល់ ក្នុងនោះមានជនជាតិខ្មែរ និងជនជាតិស្បែកខ្មៅ ដែលធ្លាប់បានប្រគល់ថ្នាំញៀនឲ្យវា ជាអ្នកយកទៅបែងចែកបន្ត នៅពេលមានបញ្ជាពីអ្នកនៅក្នុងគុកតាមរយៈទូរស័ព្ទ ថាត្រូវយកទៅឲ្យអ្នកណា នៅកន្លែងណា ចំនួនប៉ុន្មាន ហើយអ្នកដែល មកទទួលយកពីវា ក៏វាមិនស្គាល់ដែរ។
នៅព្រឹកថ្ងៃទី2 ខែមីនា ឆ្នាំ2016 កងរាជអាវុធហត្ថរាជធានីភ្នំពេញបានបង្កើត គណកម្មការ ដែលមានការចូលរួមត្រួតពិនិត្យពីព្រះរាជ អាជ្ញា ហ៊ឹង ប៊ុនថន និងលោក ឡេង ណាង ជាក្រឡាបញ្ជី ដើម្បីធ្វើការរាប់ចំនួន ថ្លឹង និងធ្វើតេស្ត៍ ជាលទ្ធផល ឃើញថាមាន ថ្នាំគ្រាប់WY ឬមេតំហ្វេតាមីនគ្រាប់ មានចំនួន ដប់ម៉ឺន បីពាន់ ប្រាំមួយរយគ្រាប់ និងម៉ាទឹកកក ឬហៅថា មេតំហ្វេតាមីនអាយស៍ ចំនួន បីគីឡូក្រាមមួយខាំ ។ តាមរយៈការធ្វើតេស្ត៍ឃើញថា ថ្នាំញៀនទាំងអស់នោះ មានគុណភាពសុទ្ធ 100% ។

បច្ចុប្បន្នជនសង្ស័យនិងវត្ថុតាងដែលបានចាប់យក សមត្ថកិច្ច កងរាជអាវុធហត្ថរាជធានីភ្នំពេញ កំពុងកសាងសំណុំរឿង បញ្ជូនទៅតុលាការតាមនិតិវិធី រីឯបក្សពួកជនល្មើស ដែលនៅសេសសល់ផ្សេងៗទៀត សមត្ថកិច្ចកំពុងស្រាវជ្រាវតាមប្រមាញ់បន្ត៕

លោក គីម ជុងអ៊ុន បញ្ជាឲ្យត្រៀមបាញ់អាវុធនុយក្លេអ៊ែរ

March 4, 2016ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

ព្យុងយ៉ាង៖មេដឹកនាំកូរ៉េខាងជើង គីម ជុងអ៊ុន បាននិយាយថា សព្វាវុធនុយក្លេអ៊ែររបស់ប្រទេសនេះត្រូវត្រៀមខ្លួនជាស្រេចដើម្បី ប្រើប្រាស់នៅពេលណាក៏បាន។ ការបង្កើនវោហារសាស្ត្រពាក្យសម្តីសង្គ្រាម បែបនេះរបស់កូរ៉េខាងជើងបានកើតឡើង បន្ទាប់ពីក្រុមប្រឹក្សាសន្តិសុខអង្គការសហប្រជាជាតិបានអនុម័ត ដាក់ទណ្ឌកម្មដ៏តឹងរ៉ឹងជាថ្មីលើរដ្ឋាភិបាលក្រុងព្យុងយ៉ាង។
លោក គីម ជុង អ៊ុន ដែលត្រូវបានដកស្រង់សម្តីដោយទីភ្នាក់ងារសារព័ត៌មានKCNAរបស់ កូរ៉េខាងជើងដោយនិយាយនៅថ្ងៃសុក្រនេះថា “យើងត្រូវត្រៀមខ្លួនជាស្រេចដើម្បីបាញ់អាវុធនុយក្លេអ៊ែររបស់យើង នៅពេលណាមួយ”។
កាលពី ថ្ងៃព្រហស្បតិ៍ ក្រសួងការពារជាតិកូរ៉េខាងត្បូងបាននិយាយថា កូរ៉េខាងជើងបានបាញ់គ្រាប់រ៉ុក្កែតរយៈចម្ងាយខ្លីជាច្រើនគ្រាប់ ធ្លាក់ចូលសមុទ្រ ដែលស្ថិតនៅឯនាយឆ្នេរសមុទ្រខាងកើតរបស់ខ្លួន គឺនៅប៉ុន្មានម៉ោងបន្ទាប់ពីក្រុមប្រឹក្សាសន្តិសុខអង្គការសហប្រជាជាតិ បានដាក់ទណ្ឌកម្មដ៏តឹងរ៉ឹងជាថ្មីលើរដ្ឋាភិបាលក្រុងព្យុងយ៉ាង ដោយសារតែការសាកល្បងនុយក្លេអ៊ែរនិងបាញ់រ៉ុក្កែតកាលពីពេលថ្មីៗនេះ៕

ផ្អាកចរន្តអគ្គិសនីពីថ្ងៃទី៣ដល់ ៦មីនា តាមតំបន់មួយចំនួននៅភ្នំពេញ ខេត្តកណ្ដាល និងព្រៃវែង

March 4, 2016ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ដោយ៖រដ្ឋា

ភ្នំពេញ៖អាជ្ញាធរអគ្គិសនីកម្ពុជាបានប្រកាសផ្អាកការផ្គត់ផ្គង់អគ្គិសនីនៅតំបន់មួយចំនួននៅក្នុងរាជធានីភ្នំពេញ ខេត្ដកណ្ដាល និងខេត្ដព្រៃវែងតាមពេលវេលាផ្សេងគ្នារយៈពេល៤ថ្ងៃ( ( ៣ ដល់៦ មីនា ) ចាប់ពីថ្ងៃព្រហស្បតិ៍នេះទៅដោយអះអាងថាដើម្បីអនុវត្ដការងារជួសជុល ផ្លាស់ប្ដូរ ដំឡើងបរិក្ខារ និងរុះរើគន្លងបណ្ដាញសម្រាប់ការដ្ឋានពង្រីកផ្លូវ។

សេចក្ដីជូនដំណឹងរបស់អគ្គិសនីកម្ពុជាកាលពីថ្ងៃទី១ខែមីនា បានឲ្យដឹងថា នៅថ្ងៃព្រហស្បតិ៍នេះ ចាប់ពីម៉ោង៩ព្រឹកដល់ម៉ោង៥ល្ងាច EDC ផ្អាកការផ្គត់ផ្គង់នៅតំបន់ភ្លើងមួយចំនួនដែលស្ថិតនៅភូមិទួលគោក ក្នុងសង្កាត់ទួលសង្កែ ខណ្ឌឫស្សីកែវ ភូមិទំនប់ ភូមិពោងពាយ ភូមិបាយ៉ាប និងភូមិភ្នំពេញថ្មី ក្នុងសង្កាត់ភ្នំពេញថ្មី ខណ្ឌសែនសុខ តំបន់ភ្លើងមួយចំនួនដែលស្ថិតនៅភូមិម័ល និងភូមិសំបួរ ក្នុងសង្កាត់ដង្កោ ខណ្ឌដង្កោ និងតំបន់ភ្លើងមួយចំនួនដែលស្ថិតនៅតាមបណ្ដោយផ្លូវជាតិលេខ១ ចាប់ពីសង្កាត់ច្បារអំពៅទី១ រហូតដល់សង្កាត់និរោធ ក្នុងខណ្ឌច្បាររអំពៅ។

សេចក្ដីជូនដំណឹងបន្ដថា នៅថ្ងៃសុក្រ ទី៤ ខែមីនា ចាប់ពីម៉ោង៩ព្រឹកដល់ម៉ោង៥ល្ងាច EDCនឹងផ្អាកការផ្គត់ផ្គង់អគ្គិសនីនៅតំបន់ភ្លើងលេខP១០៨ ស្ថិតនៅភូមិឡកំបោរ ក្នុងសង្កាត់ស្វាយប៉ាក ខណ្ឌឫស្សីកែវ តំបន់ភ្លើងមួយចំនួនដែលស្ថិតនៅភូមិទួលគោក ក្នុងសង្កាត់ទួលសង្កែ ខណ្ឌឫស្សីកែវ ភូមិទំនប់ ភូមិពោងពាយ ភូមិបាយ៉ាប និងភូមិភ្នំពេញថ្មី ក្នងសង្កាត់ភ្នំពេញថ្មី ខណ្ឌសែនសុខ និង តំបន់ភ្លើងមួយចំនួនដែលស្ថិតនៅភូមិទួលរការ ក្នុងសង្កាត់ចាក់អង្រែក្រោម ខណ្ឌមានជ័យ។

សេចក្ដីជូនដំណឹងបន្ដថា នៅថ្ងៃសៅរ៍ ទី៥ ខែមីនា ចាប់ពីម៉ោង៩ព្រឹកដល់ម៉ោង៥ល្ងាច EDCនឹងផ្អាកការផ្គត់ផ្គង់អគ្គិសនីនៅតំបន់ភ្លើងលេខ ប.ត៧០៥ ស្ថិតនៅក្នុងសង្កាត់ទន្លេបាសាក់ ខណ្ឌចំការមន តំបន់ភ្លើងមួយចំនួនដែលស្ថិតនៅភូមិរោងចក្រ ភូមិភ្នំពេញថ្មី និងភូមិដីថ្មី ក្នុងសង្កាត់ភ្នំពេញថ្មី ខណ្ឌសែនសុខ និងតំបន់ភ្លើងមួយចំនួនដែលស្ថិតនៅភូមិកោះក្របី ភូមិព្រែកថ្មី និងភូមិចំពុះក្អែក ក្នុងសង្កាត់ព្រែកថ្មី ខណ្ឌច្បារអំពៅ។

នៅថ្ងៃអាទិត្យ ទី៦ ខែមីនា ចាប់ពីម៉ោង៨ព្រឹក ដល់ម៉ោង៤ល្ងាច អគ្គិសនីកម្ពុជានឹងផ្អាកការផ្គត់ផ្គង់អគ្គិសនីនៅតំបន់ភ្លើងលេខP004 និងP1280 ស្ថិតនៅភូមិព្រែកប្រា ក្នុងសង្កាត់ព្រែកប្រា ខណ្ឌច្បារអំពៅ តំបន់ភ្លើងមួយចំនួនដែលស្ថិតនៅភូមិស្វាយតាអុក ក្នុងសង្កាត់វាលស្បូវ ខណ្ឌច្បារអំពៅ តំបន់ភ្លើងមួយចំនួនដែលស្ថិតនៅតាមបណ្ដោយផ្លូវលេខ៣៧១ ចាប់ពីភូមិត្នោតជ្រុំ ក្នុងសង្កាត់បឹងទំពុន ខណ្ឌមានជ័យ រហូតដល់ភូមិម័ល ក្នុងសង្កាត់ដង្កោ ខណ្ឌដង្កោ និងតំបន់ភ្លើងមួយចំនួបដែលស្ថិតនៅតាមបណ្ដោយផ្លូវជាតិលេខ៨ ចាប់ពីស្រុកខ្សាច់កណ្ដាល ក្នុងខេត្ដកណ្ដាល រហូតដល់ស្រុកពារាំង ក្នុងខេត្ដព្រៃវែង រួមទាំងតំបន់ភ្លើងមួយចំនួនដែលស្ថិតនៅកោះឧកញ៉ាតី ក្នុងស្រុកខ្សាច់កណ្ដាល ខេត្ដកណ្ដាល៕

ក្រសួងហាមចាក់ផ្សាយចម្រៀងបទ”ស្អាតជានិច្ច”ដែលតារា ពេជ្រ សោភា ចម្លងស្នាដៃនិពន្ធ

March 3, 2016ព័ត៌មានថ្មីចុងក្រោយ, ព្រឹត្តិការណ៍កម្ពុជា, សិល្បៈ / កម្សាន្តមេគង្គ ប៉ុស្តិ៍

ដោយ៖ រដ្ឋ វរិន្ទ

ភ្នំពេញ៖ចម្រៀងអប់រំកុមារពីជំនាន់មុនមួយបទដែលតារាស្រីក្នុងផលិតកម្មរស្មីហង្សមាសនាង ពេជ្រ សោភា បានចម្លងយកមកប្តូរទំនុកខុសពីខ្លឹមសារដើម ត្រូវបានក្រសួងព័ត៌មានប្រកាសបិទមិនឲ្យចាក់ផ្សាយ ដោយហេតុផលថា ធ្វើឲ្យប៉ះពាល់ដល់កុមារ និងជាការលួចចម្លងស្នាដៃដែលអ្នកនិពន្ធដើមនៃបទនេះកំពុងនៅរស់រានមានជីវិត និងមានតួនាទីជាទីប្រឹក្សាក្រសួងព័ត៌មាន។

សេចក្តីជូនដំណឹងមួយកាលពីថ្ងៃទី២៤ ខែកុម្ភៈ ឆ្នាំ២០១៦ ចុះហត្ថលេខាដោយរដ្ឋមន្ត្រីក្រសួងព័ត៌មានបានកំហិតឲ្យម្ចាស់ស្ថានីយ៍ទូរទស្សន៍ និងវិទ្យុទាំងអស់បញ្ឈប់ការចាក់ផ្សាយចម្រៀងមួយបទមានចំណងជើងថា”ស្អាតជានិច្ច” របស់ផលិតកម្មហង្សមាស ដោយក្រសួងចាត់ទុកថា ខ្លឹមសារដែលនិពន្ធថ្មីនេះប្រាសចាកពីអត្ថន័យដើមដែលបានអប់រំបណ្តុះគំនិតប្រាជ្ញាស្មារតីឲ្យកុមារឧស្សាហ៍ព្យាយាម រស់នៅស្អាត មានអនាម័យគ្រប់ពេលវេលា គ្រប់ទីកន្លែង ។បទចម្រៀងថ្មីទាំងអត្ថន័យខឹ្លមសារ រ៉េប បង្ហាញពីអត្តចរិករបស់កុមារខ្ជិលច្រអូសម្នាក់ រៀននៅបឋមសិក្សាធ្វើពុតជាឈឺក្បាល វិលមុខ និងក្តៅខ្លួនសុំអ្នកគ្រូទៅផ្ទះគេចសាលាដើរលេង ហើយសិស្សមានអាកប្បកិរយាមិនសមរម្យលេងឈូសស្បែកជើង។

លោក ខៀវ កាញារីទ្ធ រដ្ឋមន្ត្រីក្រសួងព័ត៌មានបានញ្ជាក់ប្រាប់អ្នកកាសែតថា ខ្លឹមសារនៃបទចម្រៀងថ្មីនេះធ្វើឲ្យប៉ះពាល់ពាល់ស្មារតីក្មេងៗ និងផ្ទុយពីខ្លឹមសារម្ចាស់ដើមដែលជាការរំលោភសិទ្ធិ កម្មសិទ្ធិបញ្ញា ព្រោះអ្នកនិពន្ធបទ”ស្អាតជានិច្ច” កំពុងរស់រានមានជីវិតនៅឡើយហើយមានឋានៈជាទីប្រឹក្សាក្រសួងព័ត៌មាន។លោករដ្ឋមន្ត្រីបញ្ជាក់ថា បទចម្រៀងថ្មី”ជះឥទ្ធិពលមិនល្អដល់កុមារទូទៅ”។

លោក ខៀវ កាញារីទ្ធ មានប្រសាសន៍ថា “បើនិយាយពីកម្មសិទ្ធិបញ្ញាក៏ខុស ហើយទីពីរតែងបទផ្សេងមិនបានទេអី ? ទុកបទហ្នឹងឲ្យក្មេងខ្លះទៅ។ ឥឡូវ ចាស់ទៅដណ្តើមបទក្មេងទៅទៀត។ អារឿងពាក់ Hip Hop យើងមិនថាទេ តែងបទឲ្យវាញាក់តាមហ្នឹង។ ក្មេងតែដល់អាយុធំ វាចេះញាក់ខ្លួនវាហើយ ប៉ុន្តែអាបទ”ស្អាតជានិច្ច”ហ្នឹងវាជាលក្ខណៈសម្គាល់មួយនៅឆ្នាំ៨០”។

អ្នកច្រៀងវ័យជ្រេក្នុងផលិតកម្មរស្មីហង្សមាសនាង ពេជ្រ សោភា បានប្រាប់បណ្តាញព័ត៌មានក្នុងស្រុកថា អ្នកនាងជាអ្នកនិពន្ធ និងបង្ហាញគំនិតនៃការសម្តែងបទចម្រៀងមួយនេះ។ នាងបន្តថា នាងមិនជំទាស់អ្វីនឹងសេចក្តីជូនដំណឹងរបស់ក្រសួងព័ត៌មាននោះទេ តែថាបទចម្រៀងនេះគ្រាន់តែចង់រំឭកពីជីវិតនៅក្មេងដើរលេងឈូសស្បែកជើងប៉ុណ្ណោះ គ្មានបំណងធ្វើប៉ះពាល់ដល់កុមារនោះទេ។ អ្នកនាងមានប្រសាសន៍ថា អ្នកនាងនឹងប្រយ័ត្នប្រយែងចំពោះ ការនិពន្ធ និងដឹកនាំសម្តែងនៅពេលក្រោយទៀត។

គួររំឭកថា នេះជាលើកទីបីហើយដែលក្រសួងព័ត៌មានបានចាត់វិធានការបិទបទចម្រៀងរបស់ផលិតកម្មក្នុងស្រុក គឺបទសឹកហួសព្រោះស្នេហា បទ ឱភ្នំពេញអើយ និងបទ ស្អាតជានិច្ច នេះ។ កន្លងមក ការលួចចម្លងស្នាដៃនិពន្ធបទចម្រៀងដោយផលិតកម្មក្នុងស្រុកមួយចំនួនបានធ្វើឡើងជាបន្តបន្ទាប់គឺចម្លងទាំងក្នុងស្រុក និងបរទេសបើទោះបីជាមានការរិះគន់ពីមហាជនយ៉ាងណាក៏ដោយ ហើយតារាល្បីៗខ្លះក៏គេឃើញលើកយកបទពីជំនាន់មុនមកច្រៀងដោយប្តូរទំនុក និងសម្រួលបន្ថែមបន្ថយសាច់ភ្លេងបន្តិចបន្តួចប៉ុណ្ណោះ ប្រយោជន៍ដើម្បីបង្កើននូវ ប្រជាប្រីយ៍ភាពរបស់ខ្លួន៕

ឈ្មួញនៅកំពតថា ក្រុមលោក ទូច សារី ប៉ូលីសព្រំដែន៦០១គាបអ្នករកស៊ីខ្លាំងជាងប៉ូលីសសេដ្ឋកិច្ច

March 3, 2016ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ដោយ៖សហការី

ខេត្តកំពត៖ក្រុមឈ្មួញរកស៊ីដឹកទំនិញមកពីប្រទេសវៀតណាមបានត្អូញត្អែរថា ពួកគាត់ដឹកទំនិញចេញឬចូលទៅប្រទេសវៀតណាមត្រូវបង់លុយឱ្យកូនចៅលោក ទូច សារី ក្នុងមួយឡានៗមិនក្រោមពីបីម៉ឺនទៅបួនម៉ឺនរៀលទេ បើមិនបង់លុយឱ្យនោះលោក ទូច សារី និងបញ្ជាឱ្យកូនចៅរបស់លោកចាប់បង់លុយទ្វេដង ខ្លាំងជាងប៉ូលីសសេដ្ឋកិច្ចទៅទៀត។

ការរិះគន់ និងទម្លាយព័ត៌មានដល់អ្នកកាសែតនេះ បានលេចឮឡើងនៅក្រោយពេលដែលក្រុមអាជីវករ និងអ្នករកស៊ីនាំទំនិញចេញ ចូលប្រទេសវៀតណាមបាន គឺដោយសារពួកគេមិនសប្បាយចិត្តនឹងមន្ត្រីខ្លះជាកូនចៅរបស់លោក ទូច សារី ដែលគេអះអាងថាបានគាបសង្កត់ទារលុយពីពួកគេតាមអំពើចិត្ត ផ្ទុយពីភារកិច្ចរបស់ខ្លួនដែលជាអ្នកការពារព្រំដែន ប៉ុន្តែខ្លាំងជាងមន្ត្រីជំនាញគយ ឬប៉ូលីសសេដ្ឋកិច្ចទៅទៀត។

កន្លងមកនេះកម្លាំងរបស់លោក ទូចសារី ត្រូវគេមើលឃើញថា ពង្រាយកម្លាំងឱ្យដើរយកលុយពីក្រុមឈ្មួញមិនថាយប់ ឬថ្ងៃទេឱ្យតែមានបទល្មើសត្រូវតែយកលុយមិនលើកលែងនោះទេ ពិសេសនៅជុំវិញតំបន់ច្រកទ្វារអន្តរជាតិព្រែកចាក។

គួររំឭកថា ក្នុងមួយយប់ៗមានរថយន្តដឹកទំនិញជាច្រើនគ្រឿងចេញចូលទៅមកប្រទេសវៀតណាម កម្ពុជាដែលក្រុមឈ្មួញលើកឡើងថា ត្រូវបង់លុយឱ្យក្រុមលោក ទូច សារី ទើបពេលថ្មីៗនេះ មេគង្គប៉ុស្តិ៍ បានភ្ជាប់ទូរសព្វ័ទៅរកលោក ទូច សារី ដើម្បីសុំការបំភ្លឹផ្ទៀងផ្ទាត់ព័ត៌មានពាក់ព័ន្ធនឹងការរិះគន់នេះដែរ តែទូរស័ព្ទរបស់លោកមិនអាចទំនាក់ទំនងបាន៕

តម្លៃសំបុត្រវគ្គផ្ដាច់ព្រាត់ Champions League ដំឡើងថ្លៃ១៤%

March 3, 2016កីឡាមេគង្គ ប៉ុស្តិ៍

បាល់ទាត់៖សហព័ន្ធបាល់ទាត់ប្រចាំទ្វីបអឺរ៉ុប UEFA បានដំឡើងតម្លៃសំបុត្រ ១៤% សម្រាប់អ្នកចូលទស្សនាក្នុងការប្រកួតវគ្គផ្ដាច់ព្រាត់នៃ ព្រឹត្តិការណ៍បាល់ទាត់ពានរង្វាន់ Champions League នៅរដូវកាលនេះ។
សំបុត្រ សម្រាប់អ្នកចូលទស្សនាក្នុងការប្រកួតវគ្គផ្ដាច់ព្រាត់នៃ ព្រឹត្តិការណ៍បាល់ទាត់ពានរង្វាន់ Champions League ដែលនឹងប្រព្រឹត្តធ្វើឡើងនៅប្រទេសអ៊ីតាលីនាថ្ងៃទី២៨ ខែមីនា ក្នុងពហុកីឡដ្ឋាន San Siro ដែលជាពហុកីឡដ្ឋានរួមរបស់ក្លិប AC Milan និង Inter Milan បានដាក់លក់ហើយក្នុងនោះតម្លៃសំបុត្រដែលថ្លៃបំផុតមានតម្លៃ ៣៤៣ផោន (ស្មើនឹង ៤៧៨,៧៤ ដុល្លារ) ពោលកើនឡើង ៤០ផោន ឬក៏ស្មើនឹង ១៣% នេះបើធៀបជាមួយនឹងឆ្នាំមុន។
ចំណែក សំបុត្រដែលមានតម្លៃមធ្យមសម្រាប់ព្រឹត្តិការណ៍ Champions League គឺសំបុត្រមួយតម្លៃ ២៥០ផោន កើនឡើង ៣២ផោន ស្មើនឹង ១៤% ហើយសម្រាប់សំបុត្រថោកបំផុតគឺមួយមានតម្លៃ ១២៥ផោន និង ៥៥ផោន ។
ពហុកីឡដ្ឋាន San Siro អាចផ្ទុកអ្នកចូលទស្សនាបានចំនួន ៧១,៥០០ នាក់ ហើយសម្រាប់សំបុត្រដែលត្រូវលក់ឲ្យអ្នកគាំទ្ររបស់ក្រុមទាំងពីរដែល បានឡើងមកវគ្គផ្ដាច់ព្រាត់នេះមានចំនួន ២០,០០០សំបុត្រ ហើយក្រុមដែលទទួលបានជើងឯកនឹងទទួលបានទឹកប្រាក់ ១៥លានអឺរ៉ូ ស្មើនឹង ១៦,២៨លានដុល្លារ។
សូមបញ្ជាក់ថា វគ្គផ្ដាច់ព្រាត់ Champions League កាលពីរដូវកាលមុនបានធ្វើឡើងនៅប្រទេសអាល្លឺម៉ង់ក្នុងពហុកីឡដ្ឋាន Berlin Olympic Stadium ដែលជាពហុកីឡដ្ឋានរបស់ក្លិបបាល់ទាត់ Hertha Berlin ដោយផ្ទុកអ្នកទស្សនាបានចំនួន ៧៤,៤៧៥នាក់ ហើយជើងឯកបានទៅលើក្លិបអ្នកមានបុណ្យ Barcelona ដោយបានយកឈ្នះលើក្លិបសេះបង្កង់ ២-១៕

ឆៃលីដាឡែន ៖ វីដេអូរាំបែបស្រើប ស្រាល នៅអាមេរិកជារឿចាស់ (មានវីដេអូរ)

March 3, 2016ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ដោយ៖រតនា

ភ្នំពេញ៖ តារាចម្រៀង យេៗ ឆៃ លីដាឡែន ទើបនឹងទទួលបានឱកាសចេញទៅសម្តែងនៅលើទឹកដីនៃសហរដ្ឋអាមេរិកជាថ្មីបន្ទាប់ពីខកខានចេញទៅទីនោះអស់បួនឆ្នាំ។ វីដេអូខ្លីដែលមានរូបនាងរាំបែបស្រើបស្រាលត្រូវបានលេចចេញជាថ្មីជាមួយនឹងពាក្យរិះគន់មួយចំនួន។

ឆៃ លីដាឡែន ធ្លាប់បានធ្វើឲ្យមានការភ្ញាក់ផ្អើលនិងរលេចចេញការរិះគន់ម្តងរួចមកហើយកាលពីដើមឆ្នាំ២០១២ គ្រាដែលតារាសម្តែងសម្បូរសាច់ដើមទ្រូង រូបនេះ បានបញ្ចេញភាពសិចស៊ី ដែលប្រជាពលរដ្ឋមួយចំនួនធំគិតថាហួសដែនកំណត់ខណៈនាងសម្ដែងនៅសហរដ្ឋអាមេរិកនោះ។ ទោះបីជាក្រោយពីវិលត្រឡប់មកដល់កម្ពុជាវិញ នាងក៏បានទទួលកំហុស ជាមួយនឹងការសុំលើកលែងទោសចំពោះកំហុសអចេតនារបស់នាងជាច្រើនដងក្តីក៏មានរយៈពេលប្រមាណជិត២ឆ្នាំទើបនាងមានឱកាសជាន់ឆាកតន្ត្រីរបស់ទូរទស្សន៍ក្នុងស្រុកជាថ្មី។

គេចាំបានថា មុនពេលចាកចេញពីកម្ពុជាកាលពីដើមឆ្នាំនេះតារាចម្រៀង ឆៃ លីដាឡែន បានសន្យាថា នាងនឹងបង្កើនការប្រុងប្រយ័ត្នខ្ពស់ពិសេសទាក់ទងនឹងការបង្ហាញភាពសិចស៊ីគ្រាដែលនាងចេញទៅសម្តែងប្រមាណ៣ខែនៅលើទឹកដីសម្បូរប្រាក់ដុល្លារនេះ។

ទោះជាយ៉ាងណាថ្មីៗនេះលេចចេញវីដេអូខ្លីជាមួយនឹងការរិះគន់មួយចំនួនទាក់ទិននឹងក្បាច់រាំរបស់នាងជាមួយនឹងសំលៀកបំពាក់ខើចខ្លីចេញគល់ភ្លៅដែលភាគច្រើននៃការរិះគន់ត្រូវបានអ្នកអភិរក្សប្រពៃណីខ្មែរលើកឡើងថាជាការរាំបែបមិនសមទំនងជាសិល្បករខ្មែរ និងធ្វើឲ្យប៉ះពាល់កិត្តិយសស្ត្រីខ្មែរ ក៏ដូចជាសិល្បករខ្មែរដែរ។
ឆៃលី ដាឡែនថ្លែងទាំងហួសចិត្តពីអារម្មណ៍ហួសចិត្តដោយសារនោះជារូបភាពចាស់៤ឆ្នាំមុនប៉ុណ្ណោះ។

នាងចាត់ទុកថាវីដេអូខ្លីនេះគឺកំពុងវាយប្រហារចង់ឲ្យខ្ញុំបិទអាជីពទាំងស្រុងហើយបានជាសុខៗបង្ហោះរូបនោះតាំងពី៤ឆ្នាំមុនឲ្យឆេះឡើងវិញគ្រាដែលនាងកំពុងសម្តែងនៅអាមេរិក។ នាងថាអ្នកបង្ហោះវីដេអូនេះគឺចង់ឲ្យនាងបាត់បង់អាជីពជាថ្មីស្របពេលដែលនាងព្យាយាមធ្វើការកែលម្អការច្រៀងការរាំ និងស្លៀកពាក់របស់នាងមិនឲ្យលេចចេញការរិះគន់នោះ ហើយវាអាចនឹងជះឥទ្ធិពលខ្លាំងដល់ទីផ្សារច្រៀងរបស់នាងនៅក្នុងស្រុក។ទោះជាយ៉ាងណានាងក៍រំពឹងថាទស្សនិកជនទាំងក្នុងនឹងក្រៅប្រទេសពិតជាមិនលើករឿងវែងឆ្ងាយនោះទេក្រោយការបកស្រាយរបស់នាងពេលនេះ៕

https://youtu.be/jUN16Zzrwow

កូរ៉េខាងជើងផ្គើននឹងទណ្ឌកម្ម UN ដោយបន្តបាញ់សាកល្បងមីស៊ីល

March 3, 2016ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

សេអ៊ូល៖កូរ៉េខាងជើងបានបាញ់សាកល្បងគ្រាប់មីស៊ីលរយៈចម្ងាយមធ្យមបន្ថែមទៀត បើទោះបីអង្គការសហប្រជាជាតិ បានបោះឆ្នោតដើម្បីអនុម័តចេញនូវទណ្ឌកម្មសេដ្ឋកិច្ចដ៏ធ្ងន់ធ្ងរ ប្រឆាំងនឹងរដ្ឋកុម្មុយនិស្តមួយនេះកាលពីម្សិលមិញក្តី។ នេះបើតាមការផ្សាយរបស់សារព័ត៌មានចិនស៊ិនហួ នៅថ្ងៃព្រហស្បតិ៍ ទី០៣ ខែមីនា ឆ្នាំ២០១៦នេះ។
អ្នកនាំពាក្យក្រសួងការពារជាតិកូរ៉េខាងត្បូង លោក Moon Sang-kyun ថ្លែងថា កូរ៉េខាងជើង បានបាញ់សាកល្បងមីស៊ីលជាច្រើនគ្រាប់ នៅវេលាម៉ោង ១០ និង០០នាទីព្រឹកថ្ងៃនេះ ហើយមីស៊ីលទាំងនោះបានធ្លាក់ចូលទៅក្នុងដែនទឹកភាគខាងកើតនៃប្រទេសរបស់ខ្លួន។
ទោះបីជាបែបនេះក្តី គេនៅមិនទាន់ដឹងថា តើគ្រាប់មីស៊ីលខាងលើនេះ ជាប្រភេទអ្វីឲ្យជាក់លាក់នោះទេ ប៉ុន្តែ ក្រុមឃ្លាំមើលសកម្មភាពកូរ៉េខាងជើង ពីកូរ៉េខាងត្បូងបានអះអាងថា ពិតជាមានការបាញ់សាកល្បងដូចខាងលើនេះ ប្រាកដមែន ខណៈដែរកូរ៉េខាងត្បូងក៏កំពុងឃ្លាំមើលសកម្មភាព កូរ៉េខាងជើងយ៉ាងប្រកៀកប្រកិតបំផុត៕