All posts by មេគង្គ ប៉ុស្តិ៍

ប្លន់យកមាស ៤កេស បានសម្រេច សមត្ថកិច្ចតាមចាប់បាន ៤នាក់ភ្លាម នៅបាត់ដំបង

December 12, 2015ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

បាត់ដំបង៖អាជីវករលក់មាសនៅក្រុងបាត់ដំបងមួយគ្រួសារ កាលពីព្រលប់ម៉ោង ៥ និង៣០នាទី ថ្ងៃទី១២ នេះ ត្រូវក្រុមចោរប្លន់ប្រដាប់អាវុធមានគ្នីគ្នា៦នាក់សម្រុកចូលប្លន់ដល់ក្នុងផ្ទះខណៈជនរងគ្រោះបានវិលត្រឡប់មកពីលក់មាសនៅផ្សារវិញ។

ចោរប្លន់ប្រដាប់អាវុធ ៦នាក់ បានសម្រុកប្លន់អ្នកលក់មាសដល់ផ្ទះ និងបាញ់គំរាមប្លន់យកមាសបាន៤កេស(តម្លៃជាង៣០ម៉ឺនដុល្លារ) នៅចំកណ្តាលក្រុងបាត់ដំបង វេលាម៉ោង៥,៣០ព្រលប់ៗនេះ។

ស្ត្រីរងគ្រោះ ឈ្មោះ លឹម គឹមអេង អាយុ៦២ឆ្នាំ ទីលំនៅកើតហេតុ ស្ថិត ក្នុងភូមិអូរតាគាំ២សង្កាត់ទួលតាឯក ក្រុងខេត្តបាត់ ដំបង ខណៈពេលបើកឡានចូលផ្ទះត្រឡប់ពីផ្សារណាត់បាត់ដំបង។

ស្ត្រីរងគ្រោះនិយាយដោយអាការៈស្លន់ស្លោរនៅឡើយថា ក្រុមចោរប្រដាប់អាវុធខ្លី៣ដើម និងមានគ្នីគ្នា ៦នាក់ ជិះម៉ូតូ៣គ្រឿង តាមឡានរបស់គាត់ពេលត្រឡប់មកពីលក់មាសវិញចូលមកដល់ផ្ទះ។

ប្រភពបន្តថា វាចូលមកប្លន់ដោយបាញ់៣-៤គ្រាប់គំរាម ហើយស្ទុះចូលដណ្តើមយកកេសមាស៤កេស ដែលគាត់ទើបតែត្រឡប់មកពីលក់នៅផ្សារប៉ុន្តែមិនបាន បញ្ជាក់ពី ចំនួនមាសជាក់លាក់នោះទេ។

ក្រោយហេតុការណ៍មានស្នូរកាំភ្លើងបានលាន់ឮឡើងនេះបន្តិច សមត្ថកិច្ចបានមកដល់ និងបានសាកសួរជនរងគ្រោះ រួចកំណត់មុខសញ្ញា និងបានដាក់កម្លាំងដេញតាមប្រមាញ់ ក្រុមចោរប្លន់ប្រដាប់អាវុធទាំងនេះភ្លាមៗ និងចាប់បានគ្នីគ្នាវាចំនួន ៣នាក់ នៅចំណុច សណ្ឋាគារ ឡេង សេងណា កណ្តាលក្រុងបាត់ដំបង។

សមត្ថកិច្ចបានប្រាប់ មេគង្គប៉ុស្តិ៍ ពេលកំពុងប្រតិបត្តិការថា បេសកកម្មចុងក្រោយនេះ សមត្ថកិច្ចបានក្របួចជាប់ក្រុមចោរប្លន់បានចំនួន ៤នាក់ (ប្រុស៣ ស្រី១) ក្នុងចំណោមគ្នីគ្នា៦នាក់ នៅចំណុចសណ្ឋាគារ ឡេង សេងណា ដែលស្ថិតក្នុង ភូមិកម្មករ សង្កាត់ស្វាយប៉ោ ក្រុងខេត្តបាត់ដំបង ដែលទំនងក្រុមចោរបានចូលមកស្នាក់នៅមុនធ្វើសកម្មភាពប្លន់។បក្ខ ពួកដែលនៅសេសសល់កំពុងត្រូវបានតាមប្រមាញ់យ៉ាងប្រផិតប្រផើយ។

តាមព័ត៌មានចុងក្រោយបានឲ្យដឹងថា នៅវេលាម៉ោងប្រមាណ២០ និង៥០នាទីយប់ថ្ងៃដដែលនេះ សមត្ថកិច្ចបានពើបប្រទះនឹងជនសង្ស័យ២នាក់ជិះម៉ូតូ១គ្រឿង ដែលបានជិះគេចពីសមត្ថកិច្ចយ៉ាងលឿនលើកំណាត់ផ្លូវសំដៅឆ្ពោះទៅភ្នំពេញ។

ប្រភពបន្តថា សមត្ថកិច្ចបានដេញតាមយ៉ាងប្រកិតធ្វើឲ្យជនសង្ស័យភ័យស្លន់ស្លោរលោតចេញពីម៉ូតូ នៅចំណុចភូមិកកោះ ឃុំកកោះ ស្រុកមោងឬស្សី ក្បែរស្ទឹងចក រួចរត់គេចខ្លួនចូលព្រៃ ដោយបន្សល់ទុកនៅកាំភ្លើងK59 ១ដើម រួមនឹងម៉ូតូ១គ្រឿងពាក់ស្លាកលេខកណ្ដាល1B-0312 ដោយមានបិទស្កុតខ្មៅជិត។

ខណៈម៉ោងជាង ២១ យប់ទៅហើយ សមត្ថកិច្ចនៅមិនទាន់ធ្វើសេចក្តីរាយ ការណ៍ពីលទ្ធផលស្តីពីការឡោមព័ទ្ធចាប់ខ្លួនជនសង្ស័យទាំង២នាក់នៅចំណុចខាងលើនៅឡើយទេ៕ ដោយ៖សុផល

Arsenal តាមប្រមាញ់ Isco របស់ Real Madrid

December 12, 2015កីឡាមេគង្គ ប៉ុស្តិ៍

បាល់ទាត់៖បើយោងតាមប្រភព Buzz Sport របស់បារាំងបានឲ្យដេងថាក្លិបកាំភ្លើងធំ Arsenal កំពុងត្រៀមខ្លួនតាមប្រមាញ់ខ្សែបម្រើ Isco ពីក្លិបយក្ស Real Madrid នៅពេលទីផ្សារដោះដូរកីឡាករបើកទ្វារនាខែមករាខាងមុខ។
ខ្សែបម្រើវ័យ២៣ឆ្នាំរូបនេះបាននិយាយ ក្រោយពីអ្នកចាត់ការថ្មីរបស់ក្លិប Real Madridមានគម្រោងចង់រុះរើក្រុមនៅឆ្នាំថ្មី ហើយពេលនេះក្លិបបានបើកភ្លើងខៀវឲ្យ Isco ចាកចេញ។ ទន្ទឹមនោះក្លិបយក្សរបស់អេស្ប៉ាញប្រកាសលក់រូបនេះក្នុងតម្លៃប្រមាណ៣៦លានផោន។
លោក Wenger បាននិយាយថាការដែរចង់បានកីឡាកររួបនេះដើម្បីជំនួសតំណែងកីឡាករ សំខាន់ៗមួយ ចំនួនដែលកំពុងមានរបួស និងដើម្បីជាកម្លាំងជួយ Arsenal ប្រជែងជើងឯក Premier League និង Champions League។
គួរបញ្ជាក់ដែរថា ខ្សែបម្រើ Isco បានផ្ទេរពី Málaga មកកាន់ក្លិប Real Madrid កាលពីឆ្នាំ ២០១៣ ក្នុងតម្លៃខ្លួន៣០លានផោន។ ឆ្លងកាត់ការលេងជិត៣រដូវកាលកីឡាករជម្រើសជាតិអេស្ប៉ាញរូបនេះបង្ហាញខ្លួនបាន១២៥ប្រកួតនៅគ្រប់កម្មវិធី និងរកគ្រាប់បាន២០គ្រាប់៕

តាមកម្ទេចក្រុមចោរប្លន់ពីភ្នំពេញដល់ ភ្នំប្រសិទ្ធចាប់ខ្លួន៤នាក់ បាញ់ស្លាប់២នាក់

December 11, 2015Uncategorized, ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ភ្នំពេញ៖ក្រុមចោរប្លន់ប្រដាប់អាវុធដែលបាញ់សម្លាប់ជនរងគ្រោះប្លន់យកម៉ូតូនៅសង្កាត់បឹងកក់២ ខណ្ឌទួលគោក កាលពីព្រឹកម៉ិញ ត្រូវបានសមត្ថកិច្ចចម្រុះដេញតាមប្រមាញ់ពីភ្នំពេញរហូតដល់ចំណុចភ្នំប្រសិទ្ធសងាត់ពញាពន់ ខណ្ឌព្រែកព្នៅ ហើយចាប់ខ្លួនបានជនប្រុសស្រី ៤នាក់ និងខ្មាន់កាំភ្លើង២នាក់បានស្លាប់ខណៈបាញ់តដៃគ្នាជាមួយសមត្ថកិច្ច។

សមត្ថកិច្ចបានឲ្យដឹងថា ក្រោយពេលមានអំពើប្លន់សម្លាប់យកម៉ូតូនៅសង្កាត់បឹងកក់២ រួចមក សមត្ថកិច្ចបានតាមប្រមាញ់ក្រុមចោរប្លន់ប្រដាប់អាវុធតាំងពីព្រឹករហូតដល់វេលាម៉ោង ១២ថ្ងៃត្រង់ ថ្ងៃទី១១ ខែធ្នូ ឆ្នាំ២០១៥ គឺចេញពីចំណុចកើតហេតុរហូតដល់ភូមិសាស្រ្តភ្នំប្រសិទ្ធ ខណ្ឌព្រែកព្នៅ បានចាប់ខ្លួនក្រុមជនសង្ស័យជាចោរប្លន់ប្រដាប់អាវុធ មានគ្នាប្រុសស្រីទាំងអស់ ៦ នាក់។ ក្នុងនោះសមត្ថកិច្ចក៏បានបាញ់សម្លាប់ក្រុមជនសង្ស័យ ២នាក់ ដោយសារតែក្រុមចោរប្លន់ទាំងនោះបានបាញ់តដៃខណៈសមត្ថកិច្ចចូលចាប់ខ្លួន។សមត្ថកិច្ចបានដកហូតអាវុធ ២ដើម ពីក្រុមជនសង្ស័យ។

សូមរំឭកថា កាលពីវេលាម៉ោង៥ និង៣០នាទីព្រឹក ថ្ងៃទី១១ ធ្នូ ២០១៥ បុរសម្នាក់អាយុប្រហែល២៤ឆ្នាំម្នាក់ ត្រូវខ្មាន់កាំភ្លើងបាញ់ស្លាប់ប្លន់យកម៉ូតូម៉ាកហុងដា ឌ្រីម សេ១២៥ មួយគ្រឿងយកទៅបាត់ដោយសុវត្ថិភាព នៅចំណុចមុខហាងកែសម្ផស្ស ពៅ ប៊ីយូធី សាឡន តាមបណ្ដោយផ្លូវ៥៩៨ ស្ថិតក្នុងសង្កាត់បឹងកក់២ ខណ្ឌទួលគោក ។

ជនរងគ្រោះត្រូវបានគេស្គាល់ថាឈ្មោះ ឌិន តារ៉ារិទ្ធ មានឈ្មោះក្នុងហ្វេសប៊ុក Bong Beng អាយុ២៤ឆ្នាំ ជាកម្មករលើកក្រណាត់ស្នាក់នៅជិតកន្លែងកើតហេតុ ។ ចំណែកម៉ូតូដែលត្រូវចោរប្លន់យកទៅបាត់នោះម៉ាក ហុងដា សេ១២៥ ពណ៌ខ្មៅ ស៊េរីឆ្នាំ២០១៥ ពាក់ស្លាកលេខ ភ្នំពេញ 1CR-0063 ។

សាក្សីបញ្ជាក់ថា មុនពេលកើតហេតុ គេឃើញបុរសរងគ្រោះជិះម៉ូតូម្នាក់ឯងបម្រុងចូលទៅកន្លែងស្នាក់នៅវិញ (ពៅ ប៊ីយូធី សាឡន) ស្រាប់តែមានជនសង្ស័យ១ក្រុមជិះម៉ូតូ២គ្រឿង ក្នុងនោះមានម៉ូតូធំ១គ្រឿងបានមកដល់ ហើយក៏ភ្ជង់ជនរងគ្រោះប្លន់យកម៉ូតូ តែដោយជនរងគ្រោះមិនព្រមឲ្យ ក៏មានការប្រតាយប្រតប់គ្នា ។ ភ្លាមៗនោះខ្មាន់កាំភ្លើងបានបាញ់១គ្រាប់ចំកណ្ដាលក្បាលបណ្ដាលឲ្យជនរងគ្រោះដួលស្លាប់ភ្លាមៗតែម្តង ។

បន្ទាប់ពីមានករណីប្លន់ខាងលើនេះកើតឡើង កម្លាំងសមត្ថកិច្ចបានតាមប្រមាញ់ក្រុមជនដៃដល់តាំងពីនៅរាជធានីភ្នំពេញ រហូតដល់ភ្នំប្រសិទ្ធខណ្ឌព្រែកព្នៅ ទើបបំបែកក្រុមចោរប្លន់ប្រដាប់អាវុធទាំងនេះបាន ក្នុងនោះខ្មាន់កាំភ្លើង២នាក់ ត្រូវបាញ់ស្លាប់ខណៈពួកគេបាញ់តដៃជាមួយសមត្ថកិច្ច និង៤នាក់ទៀត(ស្រី២ ប្រុស២)ត្រូវចាប់ខ្លួន។

គួរជម្រាបថា ឈានចូលខែ ធ្នូ ឆ្នាំ២០១៥ នេះ អំពើប្លន់បាញ់សម្លាប់យកម៉ូតូបានកើតឡើងជាបន្តបន្ទាប់លើចំណុចព្រំប្រទល់នៃទឹកដឺខណ្ឌទួលគោក និងខណ្ឌឬស្សីកែវ ។ខ្មាន់កាំភ្លើងបានចេញធ្វើសកម្មភាពជាក្រុម ដោយប្រើមធ្យោបាយម៉ូតូ២ទៅ៣គ្រឿង ក្នុងនោះមានម៉ូតូធុនធំផងដែរ ធ្វើឲ្យប្រជាពលរដ្ឋមានការព្រួយបារម្ភយ៉ាងខ្លាំងពីសុវត្ថិ ភាពផ្ទាល់ខ្លួន ខណដែលបុណ្យចូលឆ្នាំសកល២០១៦ជិតចូលមកដល់៕ដោយ៖រដ្ឋា

រូបថតខាងលើជាក្រុមជនល្មើស រូបខាងក្រោមសាកសពជនរងគ្រោះ

ជាម្ចាស់ម៉ូតូ ដែលក្រុមចោរប្លន់ខាងលើបាញ់ចំក្បាលស្លាប់កាលពីវេលា

ទៀបភ្លឺថ្ងៃទី១១ ខែធ្នូ នៅក្នុងទឹកដីសង្កាត់បឹងកក់២ ខណ្ឌទួលគោក

ប្រធានហិរញ្ញវត្ថុ ISIS ស្លាប់ដោយសារវាយប្រហារតាមអាកាសរបស់ក្រុមចម្រុះអាមេរិក

December 11, 2015ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

អាមេរិក៖បើតាមការបញ្ជាក់ពីមន្ត្រីជាន់ខ្ពស់អាមេរិកថា លោក Abu Saleh ហើយមានឈ្មោះពិតថា Muwaffaq Mustafa Muhammad al-Karmush អាយុ៤២ឆ្នាំ ប្រធានគ្រប់គ្រងផ្នែកហិរញ្ញវត្ថុរបស់ក្រុមសកម្មប្រយុទ្ធ ISIS បានស្លាប់ក្រោមការវាយប្រហារតាមអាកាសរបស់ក្រុមចម្រុះ ដឹកនាំដោយអាមេរិកាលពីខែមុន។ នេះបើយោងសារព័ត៌មានDaily Mail ចេញផ្សាយនៅថ្ងៃទី១១ ខែធ្នូនេះ។
លោក Abu Saleh ត្រូវបានគេស្គាល់ថា ជាប្រធានហិរញ្ញវត្ថុរបស់ក្រុម ISIS និងជាបុគ្គលដ៏សំខាន់នៅក្នុងក្រុម ISIS ប៉ុន្តែបុរសម្នាក់នេះត្រូវបានក្រុមស៊ើបអង្កេតសម្ងាត់អាមេរិក បង្ហាញថា បានស្លាប់នៅខែវិច្ឆិកា ខណៈដែលមានការវាយប្រហារតាមដែនអាកាសទៅលើក្រុម ISIS ប៉ុន្តែមិនបានបញ្ជាក់ថា Saleh ស្លាប់នៅក្នុងប្រទេសស៊ីរី ឬនៅអ៊ីរ៉ាក់នោះទេ។
ទាក់ទងនឹងហិរញ្ញវត្ថុរបស់ក្រុមរដ្ឋអ៊ីស្លាមនេះដែរ អាមេរិកឲ្យដឹងថា ក្រុមរដ្ឋអ៊ីស្លាមបានស្រូបយកទឹកប្រាក់យ៉ាងច្រើនសន្ធឹកសន្ធាប់ពី សកម្មភាពសេដ្ឋកិច្ចពីក្នុងតំបន់ដែលពួកវាគ្រប់គ្រង។
ក្រុម រដ្ឋអ៊ីស្លាមបានទទួលប្រាក់ជាង៥០០លានដុល្លារអាមេរិក ពីទីផ្សារលក់ប្រេងងងឹត ពីការប្លន់ពីធនាគារ ពីតំបន់ដែលពួកគេកាន់កាប់ រួមមាននៅក្នុងប្រទេសស៊ីរីនិងអ៊ីរ៉ាក់ ហើយក្រៅពីនេះ ទឹកប្រាក់មួយចំនួនបានមកពីការជំរិតទារប្រាក់ជាថ្នូរនឹងអាយុជីវិត មនុស្សជាដើម៕

Buffon រំពឹងថានឹងក្លាយគ្រូបង្វឹក Juventus ពេលចូលនិវត្តន៍

December 11, 2015កីឡាមេគង្គ ប៉ុស្តិ៍

បាល់ទាត់៖យោងតាមសេចក្តីរាយការណ៍មួយបានឲ្យដឹងថា អ្នកចាំទីជើងចាស់កីឡាករ Gianluigi Buffon រំពឹងថា អាចនឹងក្លាយជាគ្រូបង្វឹករបស់ក្លិបសេសបង្កង់ Juventus នៅពេលដែលគាត់ចូលនិវត្តន៍ក្នុងនាមជាកីឡាកររបស់ក្លិបមួយនេះ។
អ្នកចាំទី សញ្ជាតិអ៊ីតាលីវ័យ៣៧ឆ្នាំរូបនេះបានបញ្ជាក់ថា តួនាទីរបស់លោកជាអ្នកចាំទីនៅក្នុងក្របខ័ណ្ឌ Serie A នៅមានរយៈពេលយូរទៀតឲ្យក្លិប។ ប៉ុន្តែនៅពេលដែលលោកព្យួរស្រោមដៃ ឬ ចូលនិវត្តន៍នោះអ្នកចាំទីជើងចាស់រូបនេះរំពឹងថា នឹងអាចក្លាយជាគ្រូបង្វឹកក្រុម Juventus ឬក៏អាចជាផ្នែកណាមួយរបស់ក្លិប។
គួរបញ្ជាក់ ថា អ្នកចាំទីជើងចាស់ Buffon បង្ហាញខ្លួននៅក្នុងក្របខ័ណ្ឌ Serie A ៥៥០លើកចាប់តាំងពីផ្ទេរពី Parma ក្នុងឆ្នាំ២០០១៕

រុស្ស៊ីច្រានចោលការចោទប្រកាន់របស់នាយករដ្ឋមន្ត្រីតួកគី

December 11, 2015ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

រុស្ស៊ី៖ក្រសួងការបរទេសរុស្ស៊ីបានចេញសេចក្ដីថ្លែងការណ៍ឆ្លើយតបវិញភ្លាមៗដោយបញ្ជាក់ថា ការចោទប្រកាន់របស់មេដឹកនាំតួកគីគឺពិតជាគិតខុសស្រឡះពីអ្វីដែលបានកើតឡើងពិតប្រាកដនៅក្នុងតំបន់។ ការចេញសេចក្តីថ្លែងការរណ៍នេះបន្ទាប់ពីនាយករដ្ឋមន្ដ្រីតួកគីបានចោទទៅរុស្ស៊ីថា បាននឹងកំពុងតែព្យាយាមបោសសម្អាតក្រុមជនជាតិភាគតិចក្នុងប្រទេសស៊ីរី។
គួររម្លឹកថា កាលពីថ្ងៃទី០៩ខែធ្នូ នាយករដ្ឋមន្ត្រីតួកគីបានចោទប្រកាន់រុស្ស៊ីថា កំពុងកម្ចាត់ជនជាតិភាគតិចស៊ីរី ស្ថិតនៅភាគខាងជើងរដ្ឋធានី Latakia ប្រទេសស៊ីរី និងព្យាយាមបណ្ដេញប្រជាជនម៉ូស្លីមនិកាយស៊ុននី ក្នុងគោលបំណង ការពារផលប្រយោជន៍យោធារបស់ខ្លួន។
ដោយឡែកអ្នកនាំពាក្យក្រសួងការបរទេសរុស្ស៊ីក៏បានច្រានចោទទាំងស្រុងនូវការចោទប្រកាន់ដោយគ្មានមូលដ្ឋានច្បាស់លាស់របស់តួកគី។
គួរបញ្ជាក់ថា បន្ទាប់ពីតួកគីបានបាញ់ទម្លាក់យន្ដហោះចម្បាំងរុស្ស៊ីមួយគ្រឿងនៅ ក្បែរព្រំដែនស៊ីរីកាលពីថ្ងៃទី២៤វិច្ឆិកា។ ភាពប្រទាញប្រទង់នៅតែកើតឡើងរហូតដល់បច្ចុប្បន្ន ដោយតួកគីចោទថាយន្ដហោះរុស្ស៊ីឆ្លងដែនអាកាសខ្លួន ឯរុស្ស៊ីថាយន្ដហោះមិនបានឆ្លងចូលដែនអាកាសតួកគីនោះទេ៕

Swansea បណ្ដេញលោក Gary Monk ចេញពីតំណែង

December 11, 2015កីឡាមេគង្គ ប៉ុស្តិ៍

បាល់ទាត់៖ អ្នកចាត់ការក្លិបក្ងានព្រៃ Swansea Cityលោក Gary Monk ត្រូវក្លិបប្រកាសបណ្ដេញចេញពីតំណែង ដោយសារដឹកនាំក្លិបមួយនេះធ្លាក់ដុនដាបយ៉ាងខ្លាំង។
ក្លិប ដែលមានមូលដ្ឋាននៅប្រទេសវែលមួយនេះបានធ្វើការបណ្ដេញចេញលោក Gary Monk បន្ទាប់ពីលោកបានដឹកនាំក្លិបទទួលជ័យជម្នះត្រឹមតែ១ប្រកួតប៉ុណ្ណោះ នៅ១១ប្រកួតចុងក្រោយក្នុងក្របខ័ណ្ឌ English Premier League ។
ម្ចាស់ក្លិបក្ងានព្រៃ Swansea City លោក Huw Jenkins និយាយប្រាប់គេហទំព័រផ្លូវការរបស់ក្លិបមួយនេះថា លោកក៏មានការស្ទាក់ស្ទើរក្នុងការបណ្ដេញលោក Gary Monk ចេញពីតំណែងជាអ្នកចាត់ការរបស់ក្លិបផងដែរ ប៉ុន្តែនេះក៏ដោយសារលោក Gary Monk ក៏នឹងផុតកិច្ចសន្យាជាមួយក្លិបនៅរយៈពេល ៣ខែខាងមុខ ហើយក្លិបរបស់យើងក៏នឹងប្រកាសតែងតាំងអ្នកចាត់ការថ្មីឲ្យបាន ឆាប់រហ័សតាមតែអាចទៅរួច។
លោក Huw Jenkins បន្ថែមទៀតថា ការសម្រេចចិត្តបណ្ដេញចេញលោក Gary Monk ក៏មានការគិតពិចារណាពីសំណាក់អ្នកដែលពាក់ព័ន្ធទាំងអស់ក្នុងក្លិប ក្ងានព្រៃ Swansea City ហើយក៏មានការឯកភាពគ្នាផងដែរក្រោយពេលដែលលោកបានដឹកនាំក្លិបរង បរាជ័យក្នុងទឹកដីខ្លួនឯងក្រោមថ្វីជើងរបស់ក្លិបកញ្ជ្រោង Leicester City ៣-០ កាលពីថ្ងៃសៅរ៍។
គួរបញ្ជាក់ថា ស្នាដៃរបស់លោក Gary Monk ក្នុងការដឹកនាំក្លិបក្ងានព្រៃ Swansea City គឺបានត្រឹមតែជួយឲ្យក្លិបមួយនេះឈរនៅលំដាប់លេខរៀងទី៨តែប៉ុណ្ណោះ ក្នុងតារាងចំណាត់ថ្នាក់ក្របខ័ណ្ឌ English Premier League កាលពីរដូវកាលមុន៕

ប្លន់បាញ់សម្លាប់យកម៉ូតូទៀតហើយនៅសង្កាត់បឹងកក់ ខណ្ឌទួលគោក

December 11, 2015ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ភ្នំពេញ ៖ បុរសម្នាក់អាយុប្រហែល២៤ឆ្នាំ ត្រូវខ្មាន់កាំភ្លើងបាញ់ស្លាប់ប្លន់យកម៉ូតូម៉ាកហុងដា ឌ្រីម សេ១២៥ មួយគ្រឿងយកទៅបាត់ដោយសុវត្ថិភាព កាលពីវេលាម៉ោង៥ និង៣០នាទីព្រឹក ថ្ងៃទី១១ ធ្នូ ២០១៥ នៅចំណុចមុខហាងកែសម្ផស្ស ពៅ ប៊ីយូធី សាឡន តាមបណ្ដោយផ្លូវ៥៩៨ ស្ថិតក្នុងសង្កាត់បឹងកក់២ ខណ្ឌទួលគោក ។

ប្រភពព័ត៌មាននៅកន្លែងកើតហេតុបានឲ្យដឹងថា ជនរងគ្រោះត្រូវបានគេស្គាល់ថាឈ្មោះ រិទ្ធ មានឈ្មោះក្នុងហ្វេសប៊ុក Bong Beng អាយុ២៤ឆ្នាំ ជាកម្មករលើកក្រណាត់ស្នាក់នៅជិតកន្លែងកើតហេតុ ។ ចំណែកម៉ូតូដែលត្រូវចោរប្លន់យកទៅបាត់នោះម៉ាក ហុងដា សេ១២៥ ពណ៌ខ្មៅ ស៊េរីឆ្នាំ២០១៥ ពាក់ស្លាកលេខ ភ្នំពេញ 1CR-0063 ។

ប្រភពដដែលថា មុនពេលកើតហេតុ គេឃើញបុរសរងគ្រោះជិះម៉ូតូម្នាក់ឯងបម្រុងចូលទៅកន្លែងស្នាក់នៅវិញ (ពៅ ប៊ីយូធី សាឡន) ស្រាប់តែមានជនសង្ស័យ១ក្រុមជិះម៉ូតូ២គ្រឿង ក្នុងនោះមានម៉ូតូធំ១គ្រឿងបានមកដល់ ហើយក៏ភ្ជង់ជនរងគ្រោះប្លន់យកម៉ូតូ តែដោយជនរងគ្រោះមិនព្រមឲ្យ ក៏មានការប្រតាយប្រតប់គ្នា ។ ភ្លាមៗនោះខ្មាន់កាំភ្លើងបានបាញ់១គ្រាប់ចំកណ្ដាលក្បាលបណ្ដាលឲ្យជនរងគ្រោះដួលស្លាប់ភ្លាមៗតែម្តង ។

ក្រោយពេលកើតហេតុប្រហែលកន្លះម៉ោងទើបឃើញសមត្ថកិច្ចទៅដល់ធ្វើការឡោមព័ទ្ធកន្លែងកើតហេតុដើម្បីធ្វើការពិនិត្យ និងស្វែងរកគ្រួសារជនរងគ្រោះឲ្យមកទទួលសពយកទៅធ្វើបុណ្យតាមប្រពៃណី ព្រមទាំងដាក់កម្លាំងតាមប្រមាញ់ចាប់ខ្លួនជនសង្ស័យផងដែរ ។

គួរជម្រាបថា ឈានចូលខែ ធ្នូ ឆ្នាំ២០១៥ នេះ អំពើប្លន់បាញ់សម្លាប់យកម៉ូតូបានកើតឡើងជាបន្តបន្ទាប់លើចំណុចព្រំប្រទល់នៃទឹកដឺខណ្ឌទួលគោក និងខណ្ឌឬស្សីកែវ ។ខ្មាន់កាំភ្លើងបានចេញធ្វើសកម្មភាពជាក្រុម ដោយប្រើមធ្យោបាយម៉ូតូ២ទៅ៣គ្រឿង ក្នុងនោះមានម៉ូតូធុនធំផងដែរ ធ្វើឲ្យប្រជាពលរដ្ឋមានការព្រួយបារម្ភយ៉ាងខ្លាំងពីសុវត្ថិ ភាពផ្ទាល់ខ្លួន ខណៈដែលបុណ្យចូលឆ្នាំសកល២០១៦ជិតចូលមកដល់៕ដោយ៖រដ្ឋា

អ្នកស្លាប់ដោយពុលសាច់ឆ្កែ និងពុលស្រានៅស្រុកស្នួលកើនដល់១៤នាក់

December 10, 2015ព័ត៌មានថ្មីចុងក្រោយ, ព្រឹត្តិការណ៍កម្ពុជា, សុខភាពមេគង្គ ប៉ុស្តិ៍

ខេត្តក្រចេះ ៖ អ្នកពុលសាច់ឆ្កែ និងពុលស្រា នៅភូមិស្រែថ្មី ឃុំខ្សឹម ស្រុកស្នួល ទាំងមុនទាំងក្រោយស្លាប់១០នាក់ ហើយនៅមានអ្នកភូមិប្រុស-ស្រីជាច្រើននាក់ទៀតក៏កំពុងតែសង្គ្រោះក្នុងមន្ទីរពេទ្យនៅឡើយ។ចំណែកអ្នកស្លាប់ ដោយពុល ស្រានៅឃុំ ស្នួល ស្រុកស្នួលបានកើនដល់ ៤នាក់ គិតត្រឹមថ្ងៃទី ១០ ខែធ្នូ នេះ ។

មន្ត្រីអាជ្ញាធរស្រុកស្នួលបានបញ្ជាក់ឲ្យដឹងថា មានស្ត្រីពីរនាក់ រស់នៅក្នុងភូមិស្រែថ្មី ឃុំឃ្សឹម ស្រុកស្នួល ដែលរងនូវការពុលធ្ងន់ធ្ងរដោយស្រាថ្នាំត្រាំសម្បកឈើ បានស្លាប់ជាបន្តបន្ទាប់គ្នានៅថ្ងៃទី៩-១០ ខែធ្នូ នេះ។

ប្រភពបន្តថា ស្ត្រីរងគ្រោះម្នាក់ឈ្មោះ ឡាច សាលី អាយុ៣៣ឆ្នាំ និងម្នាក់ទៀតឈ្មោះ ចយ សារិៈ អាយុ៥៥ឆ្នាំ ។ ក្រៅពីមានអ្នកស្លាប់ដោយការពុលសាច់ឆ្កែ និងស្រាថ្នាំ នៅក្នុងភូមិស្រែថ្មី ឃុំឃ្សឹម ក៏នៅមានអ្នករងគ្រោះកើតឡើងជាបន្តបន្ទាប់ទៀតកំពុងសម្រាក ព្យាបាល ចំណែកនៅឃុំស្នួល ស្រុកស្នួល ខេត្តក្រចេះ ក៏មានអ្នកពុលស្រា ស្លាប់២នាក់ ទៀត ដែលចំនួនសរុបកើនដល់៤នាក់ហើយ។

គួររំឭកថា ករណីពុលសាច់សត្វឆ្កែដែលងាប់ដោយសារគេដាក់ថ្នាំបំពុល ហើយអ្នកភូមិក្នុងភូមិស្នួលវត្តកើត ឃុំស្នួល បាននាំគ្នាយកឆ្កែនោះទៅធ្វើម្ហូបទទួលទានបណ្តាលឲ្យពុលស្លាប់ជាបន្តបន្ទាប់។ស្របពេលគ្នានោះដែរ ក៏មានបាតុភាពថ្មីមួយទៀតបានផ្ទុះឡើងនៅថ្ងៃរសៀលថ្ងៃទី៨ ខែធ្នូ គឺមានអ្នកភូមិជាច្រើននាក់ក្នុងឃុំចំនួន ២ ផ្សេងគ្នា ក្នុងស្រុកស្នួល រួមមានភូមិត្រពាំងលាក់កសិករ ឃុំស្នួល និងអ្នកភូមិស្រែថ្មី ឃុំឃ្សឹម ត្រូវបានស្លាប់ជាបន្តបន្ទាប់ក្នុងអំឡុងរយៈពេល ២ ថ្ងៃជាប់ៗគ្នា ក្នុងនោះក៏មានអ្នកភូមិជាង ១០ នាក់ផ្សេងទៀតត្រូវរងគ្រោះដោយការពុលផងដែរ ។

ក្រោយពេលមានបាតុភាពផ្ទុះចេញនូវការពុលសាច់ឆ្កែរហូតបណ្តាលឲ្យមានអ្នកភូមិខ្លះ ស្លាប់ និងរងគ្រោះនេះ អាជ្ញាធរបានដាក់ការសង្ស័យចំពោះអ្នកស្លាប់ក្នុងឃុំផ្សេងទៀតថា ការស្លាប់បណ្តាលមកពីស្រា ព្រោះអ្នកភូមិទាំងនេះ បាននាំគ្នាទៅទិញស្រា.ស មានត្រាំសម្បកឈើនាងនួន ដែលបានត្រាំដាក់លក់នៅតៀមលក់គ្រឿងទេសមួយនៅកណ្តាលភូមិ មកផឹក។

សមត្ថកិច្ចបញ្ជាក់ថា ក្រុមជំនាញនឹងធ្វើកោសល្យវិច្ច័យ លើស្រាដើម្បីឲ្យដឹងថា តើស្រាដែលត្រាំសំបកឈើដាក់លក់ក្នុងភូមិនោះមានសារធាតុ ពុលមែនឬយ៉ាងណា៕

ជំនួបលោក ស ខេង និងលោក កឹម សុខា ធ្វើឡើង៤៥នាទី គ្មានរឿងលោក សម រង្ស៊ី ទេ

December 10, 2015ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ភ្នំពេញ: ប្រមុខដឹកនាំគណបក្សដែលមានអាសនក្នុងសភា លោក ស ខេង និងលោក កឹមសុខា នៅល្ងាចថ្ងៃព្រហស្បតិ៍នេះ បានបើកកិវ្ចប្រជុំតាមការគ្រោងទុកដោយមានរយៈពេលតែ ៤៥ នាទីប៉ុណ្ណោះ គិតចាប់ពីម៉ោង ៥ ម៉ោងជិត៦ ល្ងាចនៅវិមានរដ្ឋសភា។

ក្រោយពីកិច្ចប្រជុំបានបញ្ចប់លោក ស ខេង និងលោក កឹម សុខា បានធ្វើសន្និសីតកាសែតរួមគ្នានៅក្រៅបន្ទប់ប្រជុំ ។ ក្នុងនោះ ក៏មានសេចក្តីថ្លែងការណ៍រួម រវាងគណបក្សទាំងពីរ ដោយព្រមព្រៀងគ្នា ៤ ចំណុច។

គួររំឭកថា ករណីសាលក្រមប្រឆាំងលោក សម រង្ស៊ី ,ការបោះឆ្នោតទម្លាក់តំណែងលោកកឹម សុខា ពីអនុប្រធានទី១រដ្ឋសភា ព្រមទាំងបញ្ហាឃុំខ្លួនសកម្មជនគណបក្សសង្គ្រោះជាតិ មិនត្រូវបានលើកឡើងនៅក្នុងកិច្ចប្រជុំនេះទេ។

កិច្ចព្រមព្រៀងរួមរបស់គណបក្សប្រជាជនកម្ពុជា និងគណបក្សសង្គ្រោះជាតិ មានដូចខាងក្រោម៖
១-ចំពោះមុខនេះ បង្កើតគណៈកម្មការចំពោះកិច្ច ដែលចូលរួមដោយគណបក្សទាំងពីរ ដើម្បីពិនិត្យ និងផ្តល់យោបល់លើសេចក្តីព្រាងច្បាប់ ស្តីពី សហជីព។

២-បង្កើត ក្រុមការងារ ដែលចូលរួមដោយគណបក្សទាំងពីរ ដើម្បីសិក្សាស្រាវជ្រាវពិនិត្យលទ្ធភាពដំឡើងកម្រិតនៃវប្បធម៌សន្ទនា ដោយឈរលើស្មារតីនៃសេចក្តីថ្លែងការណ៍រួម រវាងគណបក្សប្រជាជនកម្ពុជា និងគណបក្សសង្គ្រោះជាតិ ចុះថ្ងៃទី៨ ខែឧសភា ឆ្នាំ២០១៥ សំដៅឲ្យមានការជឿទុកចិត្តរវាងគណបក្សនយោបាយនៅក្នុងរដ្ឋសភា ក្នុងការផ្សះផ្សា បង្រួបបង្រួមជាតិ ឲ្យបានស្ថិតស្ថេរយូរអង្វែង។

៣- ពង្រឹងរបៀបរបបការងារ និងទំនាក់ទំនងការងារ ព្រមទាំងការផ្តល់មធ្យោបាយសម្រាប់ថ្នាក់ដឹកនាំតំណាងរាស្ត្រនៃ គណបក្សនយោបាយក្នុងរដ្ឋសភា សំដៅរួមគ្នាលើកកម្ពស់ប្រសិទ្ធភាពនៃស្ថាប័នរដ្ឋសភា។

៤-បន្ត ដោះស្រាយបញ្ហានានា ដែលនៅសេសសល់ ដោយឈរលើស្មារតី បង្រួបបង្រួមជាតិ ផ្សះផ្សាជាតិ និងឯកភាពជាតិ ស្របតាមគោលការណ៍នៃលទ្ធិប្រជាធិបតេយ្យសេរី ពហុបក្ស និងនីតិរដ្ឋ។

ខ្លឹមសារសំខាន់នៃសេចក្តីថ្លែងការណ៍រួមដែលចុះហត្ថលេខាដោយលោក ស ខេង និងលោក កឹម សុខា គឺសំដៅជំរុញលើកកម្ពស់ដំណើរការនៃលទ្ធិប្រជាធិបតេយ្យសេរីពហុបក្ស ការបន្តរួមគ្នាដោះស្រាយបញ្ហានានារបស់ជាតិ ការផ្សះផ្សារជាតិ ស្របតាមឆន្ទៈរបស់ប្រជាពលរដ្ឋ និងដើម្បីជាផលប្រយោជន៍ដ៏ឧត្តុង្គឧត្តមនៃប្រទេសជាតិ៕ដោយ៖ខេមរា

ពលរដ្ឋជាង៣០០គ្រួសារប្រមូលផ្តុំគ្នាប្រឆាំងការរុករករ៉ែ ក្នុងស្រុកកែវសីមា

December 10, 2015ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

មណ្ឌលគិរី៖ ប្រជាពលរដ្ឋជាង៣០០គ្រួសារ រស់នៅឃុំចុងផ្លាស់ ស្រុកកែវសីមា នៅព្រឹកថ្ងៃទី ១០ ខែធ្នូ ឆ្នាំ ២០១៥ នេះ បានប្រមូលផ្តុំគ្នានៅមុខសា លាឃុំ ចុងផ្លាស់ ស្រុកកែវសីមា ដើម្បីតវ៉ាប្រឆាំងចំពោះ វត្តមាន របស់ក្រុមហ៊ុនរុករករ៉ែ Rong cheng Industril Invent co.ltd ដោយអះអាងថា នឹងបង្កឲ្យប៉ះពាល់ដល់ការរស់នៅយ៉ាងធ្ងន់ធ្ងរ។

ការប្រឆាំងនេះ កើតឡើងនៅ ក្រោយពេលដែលពលរដ្ឋទាំងនោះទួលដំណឹងថា ក្រសួងរ៉ែ និងថាមពល ចាត់មន្ត្រីជំនាញចុះមកពិនិត្យទីតាំងសាងសង់ធ្វើអាជីវកម្មរ៉ែ របស់ក្រុមហ៊ុន RONG CHENG INDUSTRIAL INVENT CO.LTD ដែលស្ថិតនៅតំបន់មេសំ ឃុំចុងផ្លាស់ ស្រុកកែវសីមា ខេត្តមណ្ឌលគិរី ។

ប្រជាពលរដ្ឋបានបញ្ជាក់ថា កន្លងមកក្រុមហ៊ុនសិក្សារ៉ែ ឈ្មោះ RONG CHENG INDUSTRIAL INVENT CO.LTD បានលួចធ្វើអាជីវកម្មរ៉ែយ៉ាងអាណាធិបតេយ្យចាប់ពីឆ្នាំ2004រហូតដល់ឆ្នាំ2013 និងបានប្រើប្រាស់សារធាតុគីមី បង្ហូរកាកសំណល់ មកលើដីបង្កបង្កើនផល និងដីលំនៅឋានរបស់ពួកគាត់ ដែលធ្វើអោយប៉ះពាល់យ៉ាងខ្លាំងដល់ការរស់នៅរបស់ពួកគាត់ប្រចាំថ្ងៃ ពិសេស ដំណាំបន្លែ សត្វ និងប៉ះពាល់ដល់សុខភាពយ៉ាងខ្លាំង រហូតដល់ពេលបច្ចុប្បន្នពួកគាត់ទទួលដំណឹងថា ក្រុមហ៊ុន RONG CHENG INDUSTRIAL INVENT CO.LTD កំពុងរត់ការសុំធ្វើអាជៅវកម្មរ៉ែមាស។

ប្រភពបន្តថា ហេតុនេះហើយទើបធ្វើអោយពួក គាត់ មានការព្រួយបារម្ភយ៉ាងខ្លាំងចំពោះ ផលប៉ះពាល់ ហើយ ពួកគាត់បានស្នើដល់ក្រសួងពាក់ព័ន្ធពិសេស រដ្ឋមន្ត្រីក្រសួងរ៉ែ និងថាមពល ពិនិត្យឡើងវិញចំពោះការចេញអាជ្ញាប័ណ្ណអាជីវកម្មរ៉ែឲ្យក្រុមហ៊ុន RONG CHENG INDUSTRIAL INVENT CO.LTD ឬមិនត្រូវអនុញ្ញាតឲ្យធ្វើសកម្មភាពរុករករ៉ែនៅក្នុងភូមិសាស្ត្រនោះឡើយ៕ដោយ៖សុខណាត

មនុស្ស៣៧នាក់ស្លាប់ក្នុងហេតុការណ៍វាយប្រហារក្បែរព្រលានយន្តហោះអាហ្វហ្គានីស្ថាន

December 10, 2015ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

អាហ្វហ្គានីស្ថាន៖ក្រុមសកម្មប្រយុទ្ធតាលីបង់បានវាយប្រហារតំបន់មួយនៅក្បែរព្រលានយន្តហោះអន្តរជាតិ ក្នុងទីក្រុងកង់ដាហា ប្រទេសអាហ្វហ្គានីស្ថានកាលពីម្សិលមិញបណ្តាលឲ្យជនស៊ីវិល ៣៧នាក់បាត់បង់ជីវិត និងច្រើននាក់ទៀតរងរបួស។
យោងតាមប្រភពសារព័ត៌មានចិនស៊ិនហួបាន ចេញផ្សាយនៅថ្ងៃព្រហស្បតិ៍នេះថា ក្រុមសកម្ម ប្រយុទ្ធតាលីបង់បានបើកការវាយប្រហារ ដោយការបាញ់រះទៅលើអគារស្នាក់នៅរបស់ប្រជាជន នៅក្បែរព្រលានយន្តហោះ ភាគខាងត្បូងទីក្រុងកង់ដាហាក្នុងអំឡុងពេល២០ម៉ោង។
គួរបញ្ជាក់ថា ការវាយប្រហារនេះ បានកើតឡើងតែមួយសប្តាហ៍ប៉ុណ្ណោះ បន្ទាប់ពីមេដឹកនាំ កំពូលតាលីបង់បានទទួលមរណភាពបន្ទាប់ពីរងរបួសធ្ងន់ដោយសារតែជម្លោះផ្ទៃក្នុង ដែលគេសង្ស័យថា បណ្តាលមកពីគម្រោងការរៀបចំកិច្ចចរចាសន្តិភាពជាមួយនឹងរដ្ឋាភិបាល៕

ក្រុមចោរកាំភ្លើងអាការប្លន់ថៅកែម៉ាស៊ីនកិនស្រូវនៅស្រុកសង្កែ

December 10, 2015ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

បាត់ដំបង៖ក្រុមគ្រួសារថៅរោងម៉ាស៊ីនកិនស្រូវនៅស្រុកសង្កែ កាលពីវេលាម៉ោង៧ះ០០យប់ថ្ងៃទី ៩ ខែធ្នូ កន្លងមកនេះ ត្រូវខ្មាន់កាំភ្លើងមានគ្នីគ្នា៣នាក់ ចូលប្លន់ដល់ក្នុងផ្ទះ ហើយប្រមូលយកទ្រព្យសម្បត្តិមានតម្លៃ និងគ្រឿងអលង្ការ សរុបប្រមាណជាង មួយម៉ឺនដុល្លារអាមេរិក។

ករណីប្លន់ប្រដាប់អាវុធដោយចោរប្លន់មួយក្រុមប្រដាប់ដោយអាវុធអាកា និងកាំភ្លើងខ្លី បានធ្វើសកម្មភាពប្លន់នៅវេលាម៉ោង ៧ ៖00នាទីយប់ ថ្ងៃទី០៩ខែធ្នូឆ្នាំ២០១៥ បានចូលប្លន់ក្នុងភូមិគ្រឹះថៅកែម៉ាស៊ីនកិនស្រូវ ស្ថិតតាមបណ្តោយផ្លូវជាតិលេខ៥នៅភូមិ-ឃុំកំពង់ព្រះ ស្រុកសង្កែ ខេត្តបាត់ដំបង ។

ក្រុមចោរប្លន់បាន ប្រមូលយកលុយបានប្រមាណជាង១ម៉ឺនដុល្លារ និងគ្រឿងអលង្ការមាស ប្រាក់ និងលុយខ្មែរមួយចំនួនទៀត ហើយគេចខ្លួនបាត់ដោយសុវត្ថិភាព។ នេះបើតាមការអះអាងប្រាប់ពីជនរងគ្រោះ។

ថៅកែម៉ាស៊ីនស្រូវដែលត្រូវចោរប្លន់ឈ្មោះ ភាញ ភឿប ភេទប្រុស អាយុ៦០ឆ្នាំ និងប្រពន្ធឈ្មោះ តាន់ ម៉ូរ៉ា រស់នៅក្នុងភូមិកើតហេតុខាងលើ បានរៀបឲ្យដឹងថា ក្រុមចោរប្លន់ប្រដាប់អាវុធមានគ្នីគ្នា៣នាក់ ប្រដាប់ដោយអាវុធអាកា១ដើម និង អាវុធខ្លី១ដើម កន្ត្រៃកាត់ដែក១ និងដែកស្បែង១ បានធ្វើសកម្មភាពសម្រុកចូលក្នុងផ្ទះ ដោយប្រើចុងកាណុងភ្ជង់គំរាមបាញ់សម្លាប់ មនុស្សចំនួន៧នាក់ ដែលមានវត្តមានក្នុងពេលកើតហេតុ ក្នុងនោះរូបគាត់ និងប្រពន្ធ កូនប្រសារ និងកូនបង្កើតចំនួន៤នាក់។

ជនរងគ្រោះបានបន្តទៀតថា ក្រុមចោរប្រដាប់អាវុធអាកា និងកាំភ្លើងខ្លីនេះបានភ្ជង់គាត់ និងកូនប្រសារប្រុសគាត់ រួចចាប់គាត់ចងភ្ជាប់ជាមួយគ្នាព្រមទាំងស្ទុះទៅភ្ជង់ប្រពន្ធ និងកូនស្រីបង្កើត ឲ្យប្រមែប្រមូលទ្រព្យ សម្បត្តិលុយកាក់មាសប្រាក់ដែលមានប្រគល់ទៅឲ្យពួកវា ។ដោយសារភ័យតក់ស្លុតពេក ពួកគាត់បានយករបស់មានតម្លៃ លុយ សរុបប្រមានណជាជាងមួយម៉ឺនដុល្លារសហរដ្ឋអាមេរិក។

តាមការអះអាងបញ្ជាក់បន្ថែមពីកូនប្រុសបង្កើតរបស់ជនរងគ្រោះម្នាក់ឈ្មោះ ភឿប ផាយោ អាយុ៣៦ឆ្នាំ បានសន្និដ្ឋានថា ក្រុមចោរប្លន់ប្រដាប់អាវុធអាកាទាំងនេះទំនងមកពួនសំងំក្នុងបរិវេណភូមិគ្រឺះរបស់គាត់ជាមុន ហើយក្នុងពេលដែលពួកគាត់ត្រឡប់មកពីផ្សារវិញ បើករថយន្តចូលផ្ទះ រួចហើយដើរទៅចាក់សោរទ្វាររបងផ្ទះ ក៏ស្រាប់តែលេចមុខក្រុមចោរទាំងនោះចេញមកភ្ជង់ពួកគាត់ ខ្លួនគាត់ និងឳពុក ដោយចងរូបគាត់ជាមួយឳពុក រួចបន្តភ្ជង់ម្តាយរបស់ខ្លួន ឲ្យប្រមូលទ្រព្យសម្បត្តិដែលមានប្រគល់ទៅឲ្យពួកវា។ពេលពួកវាធ្វើសកម្មប្លន់នេះគឺមានរយៈប្រហែល១ម៉ោង ក្រោយពីប្រមែប្រមូលលុយកាក់ជាង១ម៉ឺនដុល្លារ លុយខ្មែរ និងមាសពេជ្រគ្រឿងអលង្ការមួយចំនួន ហើយវាចាកចេញដោយសុវត្ថិភាព។

ក្រុមគ្រួសារជនរងគ្រោះបានបន្ថែមទៀតថា ក្រោយក្រុមចោរប្លន់ប្រដាប់អាវុធចាកចេញ ពួកគាត់ជនរងគ្រោះបានប្តឹង និងរាយកាយការណ៍ឲ្យសមត្ថកិច្ចហើយភ្លាមៗនោះកម្លាំងសមត្ថកិច្ចប៉ូលីសស្នងការដ្ឋាននគរបាលខេត្តបាត់ដំបង ដឹកនាំដោយលោកឧត្តមសេនីយត្រី ជេត វណ្ណី ស្នងការរងប៉ូលីសខេត្ត បានចុះតាមប្រមាញ់ក្រុមចោរប្លន់ប្រដាប់អសវុធទាំងនោះភ្លាមៗដែរ ប៉ុន្តែរហូតមកដល់ពេលនេះ នៅមិនទាន់ចាប់ឃាត់ខ្លួនបានជនសង្ស័យណាម្នាក់ឡើយ ។
គួរជម្រាបថា ករណីប្លន់ប្រដាប់ដោយអាវុធអាការ បានកម្រើកឡើងវិញជាបន្តបន្ទាប់នៅតាមបណ្តាស្រុកមួយចំនួនក្នុងខេត្តបាត់ដំបងបង្កឲ្យមានការភ័យខ្លាចយ៉ាងខ្លាំងដល់ប្រជាពលរដ្ឋ៕ដោយ៖សុផល

រុស្ស៊ីព្រមានប្រើអាវុធនុយក្លេអ៊ែរកម្ទេចក្រុមឧទ្ទាម ISIS

December 10, 2015ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

រុស្ស៊ី៖ប្រធានាធិបតីរុស្ស៊ីលោក Vladimir Putin បានធ្វើការព្រមានថា ប្រព័ន្ធមីស៊ីលក្រោមសមុទ្រដែលប្រតិបត្តិការដោយនាវាមុជទឹកធ្វើ សង្គ្រាមជាមួយក្រុមជ្រុលនិយម ISIS នៅប្រទេសស៊ីរី អាចនឹងបំពាក់ក្បាលគ្រាប់នុយក្លេអ៊ែរ។ ការព្រមានបែបនេះធ្វើឡើងបន្ទាប់ពីរុស្ស៊ីបើកការវាយប្រហារទៅលើក្រុមឧទ្ទាមស៊ីរី ដោយមីស៊ីលពីនាវាមុជទឹកជាលើកដំបូង អមដោយការទម្លាក់គ្រាប់បែកពីលើអាកាស។
លោក ពូទីន បានអះអាងថា កងទ័ពរបស់លោកបានវាយប្រហារលើគោលដៅ៣០០ ផ្សេងគ្នាក្នុងរយៈពេល ៣ថ្ងៃចុងក្រោយ និងជួយឲ្យកងកម្លាំងពិសេសរបស់ប្រទេសស៊ីរីរកឃើញប្រអប់ខ្មៅនៃ យន្តហោះចម្បាំងរុស្ស៊ី ដែលត្រូវបាញ់ទម្លាក់ដោយប្រទេសទួរគីកាលពីខែវិច្ឆិកាកន្លងទៅ។
យ៉ាងណាក្ដីលោកប្រធានាធិបតីរូបនេះបញ្ជាក់ថា មិនចាំបាច់ប្រើសព្វាវុធដ៏សាហាវនេះក្នុងការធ្វើសង្គ្រាមទេ។ អ្វីដែលលោកនិយាយនៅពេលនេះ គឺក្នុងន័យចង់បង្កើនសមត្ថភាពសព្វាវុធ និងគ្រឿងបំពាក់ទាំងឡាយ ដែលផ្គត់ផ្គង់ដល់ទាហានទាំងជើងគោក និងជើងទឹករបស់ប្រទេសរុស្ស៊ីប៉ុណ្ណោះ៕

លោក ពូទីន ចាត់ទុកទង្វើរបស់តួកគី ថាលួចចាក់ពីក្រោយខ្នង

December 10, 2015ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

រុស្ស៊ី៖លោកប្រធានាធិបតីរុស្ស៊ី ពូទីន បានព្រមានថា ដោយមិនអាស្រ័យនឹងលទ្ធផលនៃការធ្វើវិភាគប្រអប់ខ្មៅយន្តហោះដែលត្រូវបានតួកគីបាញ់ទម្លាក់នោះ ក្រុងម៉ូស្គូ នឹងពុំកែប្រែ ឥរិយាបថខ្លួនឡើយ ចំពោះទង្វើប្រព្រឹត្តដោយអាជ្ញាធរតួកគីទល់នឹងរុស្ស៊ី ដ្បិតរុស្ស៊ីតែងបានចាត់ទុក តួកគីមិនគ្រាន់តែជាមិត្តប៉ុណ្ណោះទេ តែ ក៏ជាសម្ព័ន្ធមិត្តទៀតផង ក្នុងការប្រយុទ្ធ ទល់នឹងភេរវនិយម ហើយមិនបាននឹកស្មានទាល់តែសោះ ថា តួកគីស្រាប់តែក្បត់នឹងរុស្ស៊ី ដោយចាក់យើងចំពីក្រោយខ្នងតែម្តង។
លោកប្រធានាធិបតី ពូទីន បានថ្លែងថា ការធ្វើវិភាគប្រអប់ខ្មៅនោះនឹងអនុញ្ញាតឲ្យកំណត់ ផ្លូវហោះហើរ ល្បឿន កំពស់ហោះ និងកន្លែងស្ថិតនៅក្នុងអាកាសនៃយន្តហោះរុស្ស៊ី ពេលវាត្រូវបានបាញ់បំផ្លាញ ដោយកងអាកាសតួកគី។
លោក Shoigu បានរៀបរាប់ជូនលោកពូទីនថា ដែនដីដែលយន្តហោះចម្បាំងរុស្ស៊ីធ្លាក់ទៅលើ ក្រោយពីរងការបាញ់ប្រហារដោយតួកគី ត្រូវបាន “រំដោះ” រួចដោយ កងកម្លាំងពិសេសរបស់ស៊ីរី ហេតុដែលអនុញ្ញាតឲ្យគេរកឃើញប្រអប់ខ្មៅនោះ នៅត្រង់តំបន់ដែលមកទល់ពេលនោះឯង គឺបានស្ថិតនៅក្រោមការកាន់កាប់ពួកឧទ្ទាមភេរវជន។
ដោយឡែក ប្រភពការទូត បានឲ្យដឹងថា នៅឯក្រុមប្រឹក្សាសន្តិសុខអ.ស.ប. រុស្ស៊ី បានសុំឲ្យ លើកយកទៅពិនិត្យមើលក្រៅផ្លូវការ បញ្ហាពាក់ព័ន្ធនឹងអន្តរាគមន៍យោធានៃកងទ័ពតួកគី ចូលក្នុងដែនដី ស៊ីរី និង អ៊ីរ៉ាក់។ ជាការកត់សម្គាល់ រាល់តែកិច្ចប្រជុំក្រុមប្រឹក្សានេះ គឺ ត្រូវប្រព្រឹត្តទៅ ក្រោមអធិបតីភាព របស់ស.រ.អា. ដែលឡើងធ្វើជាប្រធានផ្លាស់វេនក្រុមប្រឹក្សា ពេញមួយខែធ្នូនេះ។ ដូចគេដឹងស្រាប់ អាមេរិក ជាសម្ព័ន្ធមិត្តតួកគីតែម្តង៕