បាត់ដំបង៖ហេតុការណ៍ដ៏អាក្រក់ មួយបានកើតឡើងកាលពីព្រឹកម៉ិញ ថ្ងៃទី១៥ ខែធ្នូ ឆ្នាំ២០១៥ នេះ បណ្តាលឲ្យមានអគ្គីភ័យមួយកើតឡើងបង្កឲ្យមា
ទាំងឥវ៉ាន់ចាប់ហួយមួយចំនួន។
បើតាមការអះអាងពីប្រភពប្រជាពលរដ្ឋ នៅក្នុងហេតុការណ៍អាក្រក់កើតឡើងនោះ បានឲ្យដឹងថា៖ ក្នុងហេតុការណ៍អគ្គីភ័យនេះបណ្តាលឲ្យឆាបឆេះផ្ទះឈើចំនួន ០៣ខ្នងភាគច្រើនប្រក់ស័ង្កសី ឆេះខ្ទេចទាំងស្រុងហើយនៅក្នុងនោះម្ចាស់ផ្ទះបង្កហេ
ក្នុងហេតុការណ៍កើ
សិល្បៈ៖តារាសម្តែងវ័យ២២ឆ្នាំរបស់កូរ៉េខាងត្បូងនាង Kang Doo Ri បានបាត់បង់ជីវិតក្នុងឧបទ្ទវហេតុគ្រោះចរាចរណ៍កាលពីម្សិលមិញ។ នេះយោងតាមសារព័ត៌មាន allKpop ចេញផ្សាយនៅថ្ងៃទី១៥ ខែធ្នូ ឆ្នាំ២១០៥នេះ។
ប្រភពបន្តថា តារាម្តែងរូបនេះបានរងការប៉ះទង្គិចយ៉ាងធ្ងន់ធ្ងរនៅក្នុងហេតុការណ៍គ្រោះថ្នាក់ចរាចរណ៍ ហើយបានស្លាប់កាលពីម្សិលមិញនេះ។ ទោះជាយ៉ាងណាហេតុការណ៍នេះកំពុងតែស្ថិតក្នុងការស៊ើបអង្កេតនៅឡើយ។
គួរបញ្ជាក់ថា Kang Doo Ri គឺជាតារាសម្ដែងស្រករក្រោយរបស់វិស័យភាពយន្តកូរ៉េដែលត្រូវបាន ទស្សនិកជនស្គាល់មុខតាមរយៈរឿង “Insolently Go Go” ដែលមានការចូលរួមសម្ដែងពីសមាជិក Jung Eun Ji របស់ក្រុមចម្រៀង Apink និង N ពីក្រុមចម្រៀង Vixx៕
អ៊ីរ៉ាក់៖ក្រុមសកម្មប្រយុទ្ធ ISIS បានចាប់ផ្ដើមវាយសម្រុកចូលទីក្រុងRamadi ប្រទេសអ៊ីរ៉ាក់ក្នុងគោលបំណងដណ្ដើមទីក្រុងមួយនេះ ធ្វើជាកម្មសិទ្ធិផ្ទាល់ខ្លួន ខណៈដែលកងកម្លាំងរដ្ឋាភិបាលអ៊ីរ៉ាក់ក៏កំពុងព្យាយាមដណ្ដើមទីក្រុង Ramadi មកវិញផងដែរ។
សន្តិសុខអ៊ីរ៉ាក់ថ្លែងថា ទាហានអ៊ីរ៉ាក់ប្រមាណ៣៥នាក់ និងកុលសម្ព័ន្ធនិកាយស៊ុននីជាច្រើននាក់ផ្សេងទៀត ត្រូវក្រុមអ៊ីស្លាមជ្រុលនិយមសម្លាប់ដោយធ្វើអត្តឃាតបំផ្ទុះគ្រាប់បែករថយន្ត។ យ៉ាងណាក៏ដោយ កងកម្លាំងរដ្ឋាភិបាលអ៊ីរ៉ាក់បានឡោមព័ទ្ធនៅទីក្រុង Ramadi ដើម្បីរៀបចំសម្រាប់ការវាយប្រហារ។
គួរបញ្ជាក់ថា តាមការអះអាងរបស់យោធាអាមេរិកថា មនុស្សប្រមាណ៦០០នាក់ ទៅ១,០០០នាក់ ជាក្រុមសកម្មប្រយុទ្ធនៅក្នុងទីក្រុង Ramadi ប្រទេសអ៊ីរ៉ាក់នេះផងដែរ៕
មណ្ឌលគិរី៖ប្រជាពរដ្ឋនៅភូមិពូទុង ឃុំចុងផ្លាស់ ស្រុកកែវសីមា ខេត្តមណ្ឌលគិរី សំណូមពរអោយអាជ្ញាធរមានសមត្ថកិច្ចចាត់វិធានការក្តៅ ដើម្បីទប់ស្កាត់និងបង្ក្រាប បញ្ហាជូញដូរនិងប្រើប្រាស់គ្រឿងញៀន ជាបន្ទាន់។ ពួកគាត់មានការព្រួយបារម្ភយ៉ាងខ្លាំង ទាក់ទងនឹងសុខសុវត្ថិភាពប្រចាំថ្ងៃ ព្រោះគ្រឿងញៀនកើនឡើងខ្លាំង បង្កអោយមានអសន្តិសុខក្នុងភូមិ ដូចជា ចោរកម្ម អំពើហឹង្សាផ្សេងៗ ជាដើម។
ប្រជាពលរដ្ឋបានអោយដឹងថា គ្រឿងញៀនកើនឡើងខ្លាំងធ្វើអោយពួកគាត់មានការភ័យខ្លាច យ៉ាងខ្លាំងរហូតដល់ពួកគាត់មិនហ៊ានបញ្ចេញមតិយោបល់ ទាក់ទងគ្រឿងញៀន ប្រាប់អ្នកយកព័ត៍មាននោះទេ។ ពួកគាត់ភាគច្រើននិយាយថា បើពួកគាត់និយាយទៅ ខ្លាចអ្នកប្រើប្រាស់គ្រឿងញៀន ដឹងហើយតាមរករឿងពួគាត់។ ពួកគាត់លើកឡើងថា នៅតាមអណ្តូងរ៉ែនីមួយៗ តែងតែមានអ្នកសំងំជក់គ្រឿងញៀន ដោយសំអាងថា បើអត់ជក់ទេ ធ្វើការអត់កើត។ ក្រៅពីគ្រឿងញៀន ក៏មានបញ្ហាល្បែងស៊ីសង ខុសច្បាប់កើតលើងច្រើនផងដែរនៅទីនោះ។ ចំណែកសមត្ថកិច្ចនៅមូលដ្ឋាន ត្រូវបានប្រជាពលរដ្ឋលើកឡើងថា ធ្វើការងារធូរលុង ចាប់ហើយលែង ចាប់ហើយលែង ពួកគាត់ឈប់មានជំនឿលើសមត្ថកិច្ចនៅមូលដ្ឋានទៀងហើយ។
ដូច្នេះពួកគាត់សំណូមពរដល់អាជ្ញាធរ ស្ថាប័នពាក់ព័ន្ធគួរចាត់វិធានការយ៉ាងណា ដើម្បីជួយសម្រួលអោយមានភូមិឃុំមានសុវត្ថិភាពពិតប្រាកដ ទើបពួកគាត់មានភាពកក់ក្តៅ ក្នុងការរស់នៅ។
ឆ្លើយតបបញ្ហាគ្រឿងញៀននេះ ស្នងការនគរបាលខេត្តមណ្ឌលគិរី លោក ឧត្តមសេនីយ៍ត្រី តូច យ៉ុន បានអោយដឹងថា លោកមិនបណ្តែតបណ្តោយទេទាក់ទងបញ្ហានេះ ប៉ុន្តែសូមបងប្អូនប្រជាពលរដ្ឋ ជួយសហការ បើឃើញនៅកន្លែងណា សូមរាយការមកភ្លាមៗ។ ករណីនេះលោកនិងចាត់វិធានការជាបន្ទាន់ ដើម្បីអោយកម្លាំជំនាញចុះទៅធ្វើការបង្ក្រាប។
សូមបញ្ជាក់ថា សព្វថ្ងៃនេះ នៅឃុំចុងផ្លាស់ ប្រជាពលរដ្ឋភាគច្រើនជាអ្នកប្រកបរបរជីករករ៉ែប្រៀបដូចជាការធ្វើស្រែអញ្ចឹងដែរ ដោយសារនៅតំបន់នោះ ក្រៅពីជីករ៉ែមិនដឹងថាធ្វើអ្វីនោះទេ នេះជាការងារចិញ្ចឹមជីវិតរបស់ពួក គាត់ ព្រោះការអភិវឌ្ឍនៅក្នុងមូលដ្ឋានលើវិស័យផ្សេងៗដើម្បីលើកកម្ពស់ជីវភាពប្រជាពលរដ្ឋ មិនទាន់ឃើញមានជាដុំកំភួននៅឡើយ៕ដោយ៖សុខណាត
រ៉ូម៖យោងតាមទីភ្នាក់ងារសារព័ត៌មាន Express ចេញផ្សាយកាលពីម្សិលមិញថា ក្រុមឧទ្ទាម ISISបានបង្ហាញវីដេអូឃ្លីបមួយ ដោយគំរាមធ្វើគត់សម្តេចប៉ាប Francis និងគំរាមកំហែងវាយប្រហារទៅលើទីក្រុងរ៉ូម។
លោក Cardinal Pietro Parolin បានបញ្ជាក់ថា ដែនដីសាសនាដ៏តូចមួយនេះកំពុងពិចារណាពីការចាត់វិធានការរឹតបន្តឹងផ្នែកសន្តិសុខ ខណៈដែលបុរីវ៉ាទីកង់បានទទួលស្គាល់ថា ខ្លួនពិតជាគោលដៅនៃការវាយប្រហារពីសំណាក់ក្រុមសកម្មជនជីហាតពិតមែន ដោយសារភាពផ្ទុយគ្នាផ្នែកសាសនា ហើយការវាយប្រហារនេះ អាចនឹងបង្កភាពតក់ស្លុតទូទាំងសកលលោក។
គួរបញ្ជាក់ថា ទីក្រុងរ៉ូម ក្នុងរយៈពេលប៉ុន្មានសប្តាហ៍ចុងក្រោយនេះ បានរងការគំរាមកំហែងយ៉ាងខ្លាំង តាមរយៈវីដេអូមួយចំនួនដែលផ្សព្វផ្សាយដោយពួកជ្រុលនិយម៕
បាល់ទាត់៖ការចាប់ឆ្នោតដើម្បីផ្គូរផ្គងក្រុមដែលត្រូវប៉ះគ្នាក្នុងក្របខ័ណ្ឌ UEFA Champions League នៅវគ្គ១៦ក្រុមចុងក្រោយបានបញ្ចប់រួចរាល់អស់ហើយ ដោយការចាប់ឆ្នោតនេះបានធ្វើឡើងនៅក្នុងទីក្រុង Nyon ប្រទេសស្វីស ហើយសម្រាប់ការប្រកួតជើងទី១នឹងត្រូវចាប់ផ្ដើមនាថ្ងៃទី១៦ ខែកុម្ភៈ ឆ្នាំ២០១៦ ចំណែកការប្រកួតជើងទី២វិញនឹងធ្វើឡើងនាថ្ងៃទី៨ ខែមីនា ឆ្នាំ២០១៦៕ សូមមើលតារាងខាងក្រោម៖
ភ្នំពេញ៖ ការិយាល័យព្រហ្មទណ្ឌកំ
លោក អេង សោភា នាយការិយាល័យព្រហ្ម ទណ្ឌកំរិតធ្ងន់ បាននិយាយថា ជនសង្ស័យ ទាំង៤នាក់ ត្រូវបានកម្លាំងនគរបាលជំនាញ សហការជាមួយកម្លាំងនគរបាល តាមបណ្តា ខណ្ឌ ក្រោមការបញ្ជាផ្ទាល់ពីសំណាក់ស្នងការនគរបាលរាជធានីភ្នំពេញ លោកឧត្តមសេនីយ៏ ជួន សុវណ្ណ ធ្វើការស្រាវជ្រាវ រហូតឈានទៅដល់ការ ចាប់ខ្លួនជាបន្តបន្ទាប់ នារយ:ពេលប៉ុន្មានថ្ងៃនេះ ។
លោក អេង សោភា បានបញ្ជាក់ថា សង្ស័យទាំង៤នាក់រួមមាន ទី១ឈ្មោះ ឆែម សុខរតនា អាយុ ២៤ឆ្នាំ ទី២ឈ្មោះ ណេត វណ្ណី អាយុ ២៥ ឆ្នាំ ទី៣ ឈ្មោះ ហង្ស និមល អាយុ ២៣ ឆ្នាំ និងទី៤ ឈ្មោះ សាន សុធី អាយុ ១៩ ឆ្នាំ។
នាយការិយាល័យរូបនេះ បានបន្តថា ក្រោយបង្ក្រាប និងចាប់ខ្លួន កម្លាំងនគរបាលបានដកហូតវត្ថុតា
ក្រោយបង្ហាញមុខរួច ជនសង្ស័យទាំង៤នាក់ ត្រូវបានការិយាល័យ បញ្ជូនទៅកាន់សាលាដំបូងរាជធានីភ្នំពេញ ដើម្បីបន្តការសួរនាំ និងចាត់វិធា
ម៉ាឡេស៊ី៖មន្ត្រីប្រឆាំងភេរវកម្មម៉ាឡេស៊ីថ្លែងនៅថ្ងៃចន្ទ ទី១៤ ខែធ្នូនេះថា ក្រុមឧទ្ទាមជ្រុលនិយមរដ្ឋអ៊ីស្លាម ISIS បាននឹងកំពុងហ្វឹកហាត់ក្មេងៗរាបរយនាក់ឲ្យក្លាយជាអ្នកបន្តវេនភេរវករជំនាន់ថ្មីនៅជុំវិញពិភពលោក។ នេះបើយោងតាមការចេញផ្សាយរបស់សារព័ត៌មាន Channel News Asia។
មន្ត្រីជាន់ខ្ពស់ប្រឆាំងអំពើភេរវកម្មម៉ាឡេស៊ី លោក Ayob Khan Mydin Pitchay ថ្លែងនៅក្នុងសិក្ខាសាលាមួយថា ក្មេងៗអាយុចាប់ពី២ឆ្នាំឡើងទៅប្រមាណជា ៥០០នាក់នៅជុំវិញពិភពលោក ត្រូវបានក្រុម ISIS យកទៅហ្វឹកហាត់ឲ្យក្លាយជាភេរវករ ដោយការហ្វឹកហាត់ត្រូវបានធ្វើឡើងនៅក្នុងជំរំរបស់ពួកគេក្នុងប្រទេសស៊ីរី និងកាហ្សាក់ស្ថាន៕
បាល់ទាត់៖ក្លិបអធិរាជស Real Madrid ត្រូវបានគេរាយការណ៍ថា គ្រោងទិញយក Mesut Ozil ពីកាំភ្លើងធំ Arsenal ត្រឡប់ទៅកាន់ Santiago Bernabeu វិញ ប្រសិនបើក្លិបនេះអាចលក់ខ្សែបម្រើ James Rodriguez ចេញនៅខែមករាខាងមុខនេះ។
យោងតាមការផ្សាយរបស់ទស្សនាវដ្ដីអេស្ប៉ាញ Don Balon ថា ខ្សែបម្រើក្រុមជម្រើសជាតិអាល្លឺម៉ង់ Ozil ធ្លាប់លេងនៅ Real Madrid ចន្លោះឆ្នាំ២០១០ ដល់២០១៣ ហើយបានចាកចេញពីកីឡដ្ឋាន Santiago Bernabeu ទៅលេងឲ្យ Arsenal។
ប្រភពដដែលបញ្ជាក់ថា ក្រុមយក្សរបស់អេស្ប៉ាញ ដែលកំពុងតែមានទម្រង់លេងរាងធ្លាក់ជើងនេះ មានគម្រោងចង់នាំយក Ozil ទៅជំនួសតំណែងលេង១០ របស់ខ្សែបម្រើកូឡុំប៊ី (James) ដែលមានជម្លោះជាមួយអ្នកចាត់ការ Rafael Benitez៕
ប៊ូរុនឌី៖មនុស្សចំនួន៨៧នាក់នៅ ក្នុងនោះខ្មាន់កាំភ្លើង៧៩នាក់ ទាហាន៤នាក់ និងប៉ូលិស៤នាក់បានស្លាប់នៅក្នុងហេតុការណ៍បាញ់ប្រហារមួយនៅបន្ទាយទាហាន Ngagara ស្ថិតក្នុងទីក្រុងBujumbura និងតំបន់Mujejuru ប្រទេសប៊ូរុនឌី។
អ្នកនាំពាក្យកងទ័ពប៊ូរុនឌីបាននិយាយថា បន្ទាប់ពីហេតុការណ៍កើតឡើងភ្លាមៗនោះកម្លាំងសន្តិសុខប៊ូរុនឌីបានឃាត់ខ្លួនមនុស្ស៤៥នាក់ កាំភ្លើងចំនួន៩៧ដើម និងគ្រឿងបំផ្ទុះ មួយចំនួនទៀតត្រូវបានរឹបអូស អំឡុងពេលខ្មាន់កាំភ្លើងបើកការវាយប្រហារ។
អ្នកពាក្យរូបនោះបញ្ជាក់ថា បន្ទាប់ពីវាយប្រហារលើបន្ទាយ Ngagara ខ្មាន់កាំភ្លើងមួយចំនួនដែលនៅសេសសល់បាននាំគ្នាទៅលាក់ខ្លួននៅ Nyakabiga និងJabe ប៉ុន្តែជាអកុសលពួកគេត្រូវបានកម្លាំងសន្តិសុខស្វែងរកឃើញហើយក៏បានបាញ់សម្លាប់តែម្តង។
គួរបញ្ជាក់ថា នៅថ្ងៃសុក្រទី១១ធ្នូ ខ្មាន់កាំភ្លើងចំនួន១៥០នាក់ បានបើកការវាយប្រហារលើបន្ទាយទាហានចំនួន៣ស្ថិតនៅក្នុងប្រទេសប៊ូរុនឌី ក្នុងគោលបំណងរឹបអូសយកអាវុធ សម្ភារៈយោធា និងដោះលែងអ្នកទោស៕
រុស្ស៊ី៖ការប៉ះទង្គិចគ្នាមួយរវាងរុស្ស៊ី និងតួកគីប៊ិះកើតឡើង ខណៈដែលកប៉ាល់នេសាទតួកគីមួយបានបើកលឿនស្លេវតម្រង់នាវាចម្បាំងរបស់រុស្ស៊ីឈ្មោះ Smetlivy ក្បែរកូនកោះក្រិកឈ្មោះ Lemnos នៅសមុទ្រ Egéeតំបន់មេឌីទែរ៉ាណេ។ នេះបើយោងតាមសេចក្តីថ្លែងការណ៍របស់ក្រសួងការពារជាតិរុស្ស៊ីចេញផ្សាយកាលពីម្សិលមិញ។
តាមក្រសួងការពារជាតិរុស្ស៊ី ដោយសារតែកប៉ាល់នេសាទតួកគីមិនឆ្លើយអ្វីទាំងអស់ក្នុងវិទ្យុ ទាក់ទង កប៉ាល់រុស្ស៊ី បានប្រើអាវុធធុនតូច បាញ់សំដៅ ទូកនេសាទ តួកគី រហូតដល់ទូកតួកគីត្រូវប្តូរទិសដៅ បើកបញ្ជៀសចេញ យ៉ាងប្រថុចញ៉ុកពីកប៉ាល់ចម្បាំងរុស្ស៊ី។
គួរបញ្ជាក់ថា ភាពតានតឹងបានកើតឡើងរវាងរុស្ស៊ី និងតួកគីបន្ទាប់ពីតួកគីបានបាញ់ទម្លាក់យន្តហោះចម្បាំងរុស្ស៊ី គ្រាដែលតួកគីអះអាងថា បានបើករំលោភចូលដែនអាកាសរបស់ខ្លួន៕
ភ្នំពេញ ៖ ជនសង្ស័យចំនួន៤២នាក់ ក្នុងនោះស្រី៥នាក់ និងរកឃើញវត្ថុតាង ជាច្រើនដូចជា ថ្នាំញៀន និងឧបករណ៍សម្រាប់សេពជាច្រើន ត្រូវបានឃាត់ខ្ឡួន និងរឹបអូសបន្ទាប់ប្រតិបត្តិការដែលសមត្ថកិច្ចបានចុះធ្វើស្ទើពេញមួយថ្ងៃទី១៣ ខែធ្នូ នេះ នៅសង្កាត់ទឹកថ្លា ។
កម្លាំងនគរបាល ប្រឆាំងគ្រឿងញៀន រាជនីភ្នំពេញ សហការជាមួយ កម្លាំងនគរបាល ខណ្ឌសែនសុខ ក្រោមការសម្របសម្រួល ពីតំណាងអយ្យការ នៅព្រឹក និងរសៀលថ្ងៃទី១៣ ខែធ្នូ ឆ្នាំ២០១៥នេះ បានបន្តប្រតិបត្តិការ ចុះបង្ក្រាប និងចាប់ខ្លួនជនសង្ស័យចែកចាយ ប្រើប្រាស់គ្រឿងញៀន នៅប្លុកបឹងឈូក ភូមិត្រពាំងឈូក សង្កាត់ទឹកថ្លា ខណ្ឌសែនសុខ ។
អធិការនគរបាល ខណ្ឌសែនសុខ លោក ម៉ក់ ហុង បានប្រាប់ក្រុមអ្នកសារព័ត៍មានឲ្យដឹង ថា ក្រោយបញ្ចប់ប្រតិបត្តិការ កម្លាំងនគរបាល បានចាប់ខ្លួន ជនសង្ស័យចំនួន៤២នាក់ ក្នុងនោះស្រី៥នាក់ និងរកឃើញវត្ថុតាង ជាច្រើនដូចជា ថ្នាំសម្រាប់ជក់ និងឧបករណ៍ សម្រាប់ប្រើប្រាស់ផងដែរ។ លោក ម៉ក់ ហុង បានបញ្ជាក់ថា ជនសង្ស័យ និងវត្ថុតាងត្រូវបានបញ្ជូនភ្លាមៗ ទៅកាន់អធិការដ្ឋាន នគរបាលខណ្ឌសែនសុខ ដើម្បីបន្តការសួរនាំ ចាត់វិធានការ តាមនីតិវិធី។
គួរកត់សម្គាល់ថា ប្រតិបត្តិការចុះបង្ក្រាប និងចាប់ខ្លួនជនសង្ស័យ ពាក់ព័ន្ធគ្រឿងញៀន នៅប្លុកបឹងឈូកខាងលើនេះ ត្រូវបានអាជ្ញាធរ និងសមត្ថកិច្ចពាក់ព័ន្ធបានចុះបង្ក្រាបជាច្រើនលើកជាច្រើនសារ ប៉ុន្តែជាលទ្ធផលមិនទាន់មានការថយចុះនៅឡើយទេ ពីព្រោះនៅតំបន់នោះ ជាសំណង់មិនរៀបរយ ហើយជនល្មើសនានា បានទៅលាក់ខ្លួនពួនអាត្មានៅទីនោះ ដើម្បីធ្វើសកម្មភាព។
មជ្ឈដ្ឋានខ្លះ បានលើកឡើងថា បើអាជ្ញាធរ មិនរៀបចំតំបន់បឹងឈូក ឲ្យមានរបៀបរៀបរយនោះទេ មុខសញ្ញាជនល្មើស នានានឹងបន្តលាក់ខ្លួន ហើយប្រព្រឹត្តសកម្មភាពដដែលជាដដែល៕ដោយ៖គ.បញ្ញា
បាត់ដំបង៖បក្ខពួកចោរប្លន់អាជីវករលក់មាសនៅផ្សារណាត់ខេត្តបាត់ដំបងកាលពីព្រលប់ៗថ្ងៃទី១២ ខែធ្នូ ម្សឹលម៉ិញនេះ ត្រូវកម្លាំងសមត្ថកិច្ចចម្រុះខេត្តបាត់ដំបង ក្របួចបានម្នាក់ទៀត នៅស្រុកមោងឬស្សី ។សមត្ថកិច្ចមិនទាន់បានបញ្ជាក់ពី អត្តសញ្ញាណក្រុមចោរប្លន់ និងស្ថាន ភាពទ្រព្យសម្បត្តិមានតម្លៃរបស់ជនរងគ្រោះដែលត្រូវក្រុមចោរប្លន់នាំយកទៅនោះ នៅឡើយទេ។
សមត្ថកិច្ចបានបញ្ជាក់ឲ្យដឹងថា បក្ខពួកចោរប្លន់ម្នាក់ទៀតដែលចាប់ខ្លួនបាននេះ គឺជាជនទី៥ក្នុងចំណោមគ្នីគ្នា៦នាក់ ។ជនសង្ស័យទី៥ នេះ ត្រូវបានចាប់ខ្លួននៅចំណុចភូមិកកោះ ឃុំកកោះ ស្រុកមោងឬស្សី ខេត្តបាត់ដំបង កាលពីព្រឹកថ្ងៃទី១៣ ខែធ្នូ ឆ្នាំ២០១៥ វេលាម៉ោង១០ កន្លះ ។
ទោះបីជាយ៉ាងណាក្តី សមត្ថកិច្ចមិនទាន់បានបង្ហាញពីសមាសភាពនិងអត្តសញ្ញាណរបស់បក្ខពួកចោរប្លន់ខាងលើនេះនៅឡើយទេ ដោយគ្រាន់តែអះអាងថា ខណៈនេះសមត្ថកិច្ចកំពុងតាមប្រមាញ់គ្នីគ្នាចោរប្លន់នៅសល់ម្នាក់ទៀតគឺជាជនសង្ស័យទី៦ ដែលកំពុងរត់គេចខ្លួន។
សូមរំឭកថា អាជីវករលក់មាសនៅក្រុងបាត់ដំបងមួយគ្រួសារ កាលពីព្រលប់ម៉ោង ៥ និង៣០នាទី ថ្ងៃទី១២ នេះ ត្រូវក្រុមចោរប្លន់ប្រដាប់អាវុធមានគ្នីគ្នា៦នាក់សម្រុកចូលប្លន់ដល់ក្នុងផ្ទះខណៈជនរងគ្រោះបានវិលត្រឡប់មកពីលក់មាសនៅផ្សារវិញ។ក្រុមចោរបានវាយស្ត្រីជាប្រពន្ធនឹងស្នាប់កាំភ្លើង ហើយបានបាញ់គំរាមប្លន់យកមាសបាន៤កេស កាបូបលុយ(តម្លៃជាង៣០ម៉ឺនដុល្លារ) និងដោះយកនាឡិកាប្លាទីនរបស់ ជនរងគ្រោះជាប្តី ហើយរត់គេចខ្លួនបាត់។
ស្ត្រីរងគ្រោះឈ្មោះ លឹម គឹមអេង អាយុ៦២ឆ្នាំ បាននិយាយដោយអាការៈស្លន់ស្លោរថា ក្រុមចោរប្រដាប់អាវុធខ្លី៣ដើម និងមានគ្នីគ្នា ៦នាក់ ជិះម៉ូតូ៣គ្រឿង តាមឡានរបស់គាត់ពេលត្រឡប់មកពីលក់មាសវិញចូលមកដល់ផ្ទះ។
ប្រភពដដែលបន្តថា វាចូលមកប្លន់ដោយបាញ់៣-៤គ្រាប់គំរាម ហើយស្ទុះចូលដណ្តើមយកកេសមាស៤កេស ដែលគាត់ទើបតែត្រឡប់មកពីលក់នៅផ្សារប៉ុន្តែមិនបាន បញ្ជាក់ពី ចំនួនមាសជាក់លាក់នោះទេ។
ក្រោយហេតុការណ៍មានស្នូរកាំភ្លើងបានលាន់ឮឡើងនេះបន្តិច សមត្ថកិច្ចបានមកដល់ និងបានសាកសួរជនរងគ្រោះ រួចកំណត់មុខសញ្ញា និងបានដាក់កម្លាំងដេញតាមប្រមាញ់ ក្រុមចោរប្លន់ប្រដាប់អាវុធទាំងនេះភ្លាមៗ និងចាប់បានគ្នីគ្នាវាចំនួន ៣នាក់ នៅចំណុច សណ្ឋាគារ ឡេង សេងណា កណ្តាលក្រុង បាត់ដំបង។
សមត្ថកិច្ចបានប្រាប់ មេគង្គប៉ុស្តិ៍ ពេលកំពុងប្រតិបត្តិការថា បេសកកម្មចុងក្រោយនេះ សមត្ថកិច្ចបានក្របួចជាប់ក្រុមចោរប្លន់បានចំនួន ៤នាក់ (ប្រុស៣ ស្រី១) ក្នុងចំណោមគ្នីគ្នា៦នាក់ នៅចំណុចសណ្ឋាគារ ឡេង សេងណា ដែលស្ថិតក្នុង ភូមិកម្មករ សង្កាត់ស្វាយប៉ោ ក្រុងខេត្តបាត់ដំបង ដែលទំនងក្រុមចោរបានចូលមកស្នាក់នៅមុនធ្វើសកម្មភាពប្លន់។បក្ខពួកដែលនៅសេសសល់កំពុងត្រូវបានតាមប្រមាញ់យ៉ាងប្រផិត ប្រផើយ។
តាមព័ត៌មានចុងក្រោយបានឲ្យដឹងថា នៅវេលាម៉ោងប្រមាណ២០ និង៥០នាទីយប់ថ្ងៃដដែលនេះ សមត្ថកិច្ចបានពើបប្រទះនឹងជនសង្ស័យ២នាក់ជិះម៉ូតូ១គ្រឿង ដែលបានជិះគេចពីសមត្ថកិច្ចយ៉ាងលឿនលើកំណាត់ផ្លូវសំដៅឆ្ពោះទៅភ្នំពេញ។
ប្រភពបន្តថា សមត្ថកិច្ចបានដេញតាមយ៉ាងប្រកិតធ្វើឲ្យជនសង្ស័យភ័យស្លន់ស្លោរលោតចេញពីម៉ូតូ នៅចំណុចភូមិកកោះ ឃុំកកោះ ស្រុកមោងឬស្សី ក្បែរស្ទឹងចក រួចរត់គេចខ្លួនចូលព្រៃ ដោយបន្សល់ទុកនៅកាំភ្លើងK59 ១ដើម រួមនឹងម៉ូតូ១គ្រឿងពាក់ស្លាកលេខកណ្ដាល1B-0312 ដោយមានបិទស្កុតខ្មៅជិត។
រហូតមកដល់វេលាម៉ោងប្រហែលជាង១០ ព្រឹកថ្ងៃទី១៣ ខែធ្នូ នេះ សមត្ថកិច្ចដែល ពង្រាយកម្លាំង ២៤ម៉ោង លើ២៤ម៉ោង បានក្របួចជាប់ជនសង្ស័យទី៥ ក្នុងចំណោម បក្ខពួក៦នាក់ និងនាំយក ទៅស្នងការដ្ឋាននគរបាលខេត្តដើម្បីស៊ើបសួរ តាមនីតិវិធី៕ ដោយ៖សុផល
ពោធិ៍សាត់ ៖ ម្ចាស់ផ្ទះវេរលុយ(វីង)ម្នាក់ត្រូវចោរបាញ់ស្លាប់រួចដោះយកគ្រឿងអលង្ការដែលមានពាក់ជាប់នឹងខ្លួន ខណៈជនរងគ្រោះត្រឡប់មកពីស៊ីការដល់មុខផ្ទះ។
អធិការនគរបាលស្រុកភ្នំក្រវាញ លោក វង្ស សាវ៉េត បានប្រាប់អ្នកកាសែតថា នៅវេលាម៉ោង៦ល្ងាចថ្ងៃទី១២ ខែធ្នូនេះ ក្រុមចោរ១ក្រុមបានចូលបាញ់ប្លន់ផ្ទះវេរលុយ(វីង) នៅស្រុកភ្នំក្រវាញ ក្នុងនោះក្រុមចោរបានបាញ់សម្លាប់ម្ចាស់ផ្ទះ រួចរត់គេចខ្លួន ហើយកម្លាំងសមត្ថកិច្ចកំពុងតាមប្រមាញ់ក្រុមចោរទាំងនោះ។
ក្រោយពេលកើតហេតុ សមត្ថកិច្ចបានបញ្ជូនកម្លាំងព្រហ្មទណ្ឌកម្រិតធ្ងន់ទៅកន្លែងកើតហេតុខាងលើ ហើយក៏បានឲ្យកម្លាំងខាងស្រុកវាលវែង ស្រុកបាកាន ស្រុកក្រគរ និងកម្លាំងក្រុងពោធិ៍សាត់ ដើម្បីពួនស្ទាក់គ្រប់ច្រកផ្លូវទាំងអស់ដើម្បីចាប់ខ្លួនក្រុមចោរទាំងនោះ។
អ្នករាយការណ៍ព័ត៌មានបានឲ្យដឹងថា ហេតុការណ៍ប្លន់ប្រដាប់អាវុធនេះ បានកើតឡើងខណៈម្ចាស់ផ្ទះត្រឡប់ពីស៊ីការដោយមានពាក់គ្រឿងអលង្ការច្រើន ហើយត្រូវក្រុមចោរស្ទាក់ចាំនៅនឹងមុខផ្ទះបាញ់ប្លន់យកតែម្ដង៕ដោយ៖គ.បញ្ញា
ក្រុងព្រះសីហនុ៖ គ្រោះថ្នាក់ចរាចរណ៍ដ៏រន្ធត់មួយបានកើតឡើងនៅរសៀលថ្ងៃ១២ ខែធ្នូ ឆ្នាំ២០១៥នេះ រវាងរថយន្ត CRV មួយគ្រឿង ជិះគ្នាបីនាក់ក្នុងនោះ ២នាក់ជាប្តីប្រពន្ធជនជាតិជប៉ុន និងម្នាក់ទៀតជនជាតិខ្មែរជាអ្នកបើក។
រថយន្តនេះបានបុកជាមួយរថយន្តស្ទូចនៅលើកំណាត់ផ្លូវចំណោតលោកយាយម៉ៅ ចុះមកស្ថានីយ៍រថភ្លើងស្ថិតក្នុងសង្កាត់លេខ៣ ក្រុងព្រះសីហនុ បណ្តាលជនរងគ្រោះទាំង៣នាក់នោះ រងរបួសយ៉ាងធ្ងន់ធ្ងរ។ ចំណែកភាគីខាងរថយន្តស្ទូចគ្មានរបាយការណ៍ថាមានជនរងគ្រោះ និងទំហំនៃការខូចខាតនោះទេ។
បច្ចុប្បន្នជនរងគ្រោះបានបញ្ជូនទៅសង្គ្រោះបន្ទាន់នៅមន្ទីរពេទ្យកាល់ម៉ែត៕ ដោយ៖គ.បញ្ញា
