All posts by មេគង្គ ប៉ុស្តិ៍

ប៉ូលិសបង្ហាញអត្តសញ្ញាណភេរវជនទី៣ ដែលវាយប្រហារក្នុងសាលប្រគំតន្ត្រីក្រុងប៉ារីស

December 10, 2015ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

ប៉ារីស៖ប៉ូលិសបារាំងកាលពីម្សិលមិញបានទម្លាយឲ្យដឹងនូវអត្តសញ្ញាណរបស់ភេរវជនទី៣ចុងក្រោយដែលបានវាយប្រហារនៅក្នុងសាលប្រគំតន្ត្រីឈ្មោះបាតាក្លង់ ស្ថិតក្នុងទីក្រុងប៉ារីសនាថ្ងៃទី១៣ វិច្ឆិកាកន្លងទៅដែលបានបណ្តាលឲ្យមានមនុស្សស្លាប់ ១៣០នាក់ និងរបួសជាង ៣០០នាក់។
ក្រុមប៉ូលិសទើបបានទម្លាយឲ្យដឹងនូវអត្តសញ្ញាណរបស់ភេរវជនទី៣ ដែលមានឈ្មោះថា Foued Mohamed-Aggad មានអាយុ ២៣ឆ្នាំ និងជាជនជាតិបារាំងមានដើមកំណើតនៅក្នុងទីក្រុង Strasbourg។ Aggad មានបងប្អូនប្រុស ៣នាក់ និងដែលឱពុក និងម្តាយបានលែងលះគ្នាតាំងពីឆ្នាំ ២០០៧។ នៅដំណាច់ឆ្នាំ ២០១៣ Aggad និងបងប្អូនប្រុស ៣នាក់ រួមទាំងមិត្តជិតស្និតចំនួន ៨នាក់ផ្សេងទៀតរស់ក្នុងស្រុកតែមួយបាននាំគ្នាធ្វើដំណើរទៅកាន់ តំបន់ប្រយុទ្ធក្នុងប្រទេសស៊ីរី។
គួរបញ្ជាក់ថា ភេរវជនទាំងអស់៣នាក់ដែលគេដឹងថា បានចូលទៅវាយប្រហារនៅក្នុងសាលប្រគំតន្ត្រីឈ្មោះបាតាក្លង់ក្រុង ប៉ារីសនាយប់ថ្ងៃទី១៣ វិច្ឆិកាកន្លងទៅ ។ ចំណែកភេរវជនទាំង៣នាក់ក៏បានស្លាប់គ្មានសល់ម្នាក់ តែរហូតមកដល់ពេលនេះ គឺទើបមានភេរវជនតែ ២នាក់គត់ដែលគេបានស្គាល់អត្តសញ្ញាណ។ ភេរវជនទី១មានឈ្មោះ Samy Amimour និងភេរវជនទី២ មានឈ្មោះ Ismaël Omar Mostefaï៕

ក្រុម ISIS អំពាវនាវឲ្យម៉ូស្លីមនៅលើពិភពលោកចូលរួមប្រយុទ្ធ

December 10, 2015ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

បរទេស៖យោងតាមការចេញផ្សាយរបស់កាសែត The New York Timesបានផ្សាយថា ក្រុមរដ្ឋអ៊ីស្លាម (ISIS) បានអំពាវនាវឲ្យជនម៉ូស្លីម នៅជុំវិញពិភពលោក ជាពិសេសនៅប្រទេសចិនឲ្យចូលរួមជាក្រុមខ្លួនដែលបច្ចុប្បន្នកំពុងតែមានអំណាចនៅក្នុងប្រទេសអ៊ីរ៉ាក់ និងស៊ីរី ។
ក្រុម ISIS បានប្រើប្រាស់ប្រពន្ធអនឡាញ Al Hayat Media Center បង្ហោះសារជាភាសាចិន ដោយបានអំពាវនាវ ឲ្យជនម៉ូស្លីមទាំងអស់ នៅក្នុងប្រទេសចិន ចូលរួមជាមួយក្រុមរបស់ខ្លួន ដោយនៅសារនោះបានសរសេរថា៖ «ក្រោកឡើង» និង «ចាប់កាន់អាវុធទៅប្រយុទ្ធ»។
គួរបញ្ជាក់ថា កាលពីឆ្នាំ២០១៤ មេដឹកនាំក្រុម ISIS លោក Abu Bakr al-Baghdadi បានប្រកាសថា ចិនជាប្រទេសមួយ ដែលសម្បូរឲ្យជនជាតិម៉ូស្លីម៕

Mandatory Credit: Photo by REX USA (2642870a) Hayat Boumeddiene, far right Hayat Boumeddiene ‘appears in Islamic State film’ – 06 Feb 2015 The latest video released by French-speaking Islamic state (ISIS), fighters may be Hayat Boumeddiene, who is believed to have knowledge about the deadly January 9, 2015 attack on a Paris kosher grocery,The video, titled “Blow Up France 2,” was released Tuesday and shows an ISIS fighter praising previous attackers in France and calling for new attacks. The video shows a woman standing next to the speaker, wearing camouflage clothing and holding a weapon. French authorities are investigating the possibility this woman could be Hayat Boumeddiene. Her husband, Amedy Coulibaly, killed four hostages January 9 at a kosher grocery in Paris, authorities said. He was killed by police in a rescue and the remaining hostages fled to safety.

អធិការខណ្ឌដង្កោ បង្ហាញជនសង្ស័យលួចប្លន់ ១០នាក់

December 9, 2015ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

រាជធានីភ្នំពេញ៖ ជនសង្ស័យលួចប្លន់យ៉ាងសកម្ម ចំនួន១០នាក់ក្នុងរាជធានីភ្នំពេញ ត្រូវបានបង្ហាញមុខជាធារណៈ កាលពីព្រឹកថ្ងៃទី ០៩ ខែធ្នូ ឆ្នាំ២០១៥ នៅអធិការដ្ឋាននគរបាលខណ្ឌដង្កោ។

ក្នុងពិធីបង្ហាញមុខជាសាធារណៈក្រោមអធិបតិភាពលោក ជឹម ស៊ីថា អធិការដ្ឋាននគរបាលខណ្ឌដង្កោ លោកព្រះរាជអាជ្ញាប្រចាំខណ្ឌដង្កោ លោក ឈឹម ប៊ុនរត្ន័ អធិការរងទទួលបនន្ទុកផ្នែកព្រហ្មទណ្ឌខណ្ឌដង្កោ និងលោក ប៊ុន សិត្យា នាយការិយាល័យទទួលបន្ទុកផ្នែកព្រហ្មទណ្ឌកម្រិតស្រាលរាជធានីភ្នំពេញ។

ក្មុងឱកាសនោះលោក ជឹម ស៊ីថា អធិការដ្ឋាននគរបាលខណ្ឌដង្កោបានអោយដឹងថា ចំពោះជនសង្ស័យទាំង ១០នាក់នេះបានប្រើល្បិចថ្មីក្នុងការធ្វើសក្មភាព ដោយប្រើស្ដ្រីធ្វើជាធ្នាក់អោយហៅម៉ូតូឌុបជិះ ពេលទៅដល់គោលដៅហុចលុយអោយហើយធ្ងើសកម្មភាពវាយពីក្រោយ។ ហើយលោកបានបន្ដទៀតថា ចំពោះជនស្ស័យទាំង ១០នាក់នេះបានធ្វើសកម្មភាពវាយប្លន់នេះជាញឹកញាប់ ក្នុងរាជធានីភ្នំពេញ ក៍ដូចជាតាមបណ្ដាខេត្ដ។ លោកបានបញ្ជាក់ទៀតថា ចំពោះជនសង្ស័យទាំង ១០នាក់នេះបានប្រើឧបករណ៍ដូចជា ម៉ាលេត ញញួរ និងដែកគាស់ រួមជាមួយនឹង ម៉ូតូ ០២គ្រឿងដែលជាមធ្យោបាយសំរាប់ធ្វើសកម្មភាព។ លោក ជឹម ស៊ីថា បន្ដអោយដឹងទៀតថា ជនសង្ស័យទាំង ១០នាក់មានឈ្មោះដូចខាងក្រោយ៖

ទី ១ ឈ្មោះ ធឿន រ៉ាវី ហៅ រ៉ា ហៅ រិទ្ធ ភេទប្រុស អាយុ ២៩ឆ្នាំ មុខរបរមិនពិតប្រាកដ សា្នក់នៅភូមិទី ០២ សង្កាត់ត្រពាំងក្រសាំង ខណ្ឌពោធិ៍សែនជ័យ។
ទី ២ ឈ្មោះ នី និត ភេទប្រុស អាយុ ៣០ឆ្នាំ មុខរបរមិនពិតប្រាកដ ស្នាក់នៅផ្ទះជួលម្ដុំ ក្ដាន់២ សង្កាត់មិត្ដភាព ខណ្ឌ៧មករា រាជធានីភ្នំពេញ។
ទី ៣ ឈ្មោះ សួង សុខនាង ភេទស្រី អាយុ ២២ឆ្នាំ មុខរបរមិនពិតប្រាកដ ស្នាក់នៅផ្ទះជួលភូមិព្រៃព្រីង សង្កាត់ចោមចៅ ខណ្ឌពោធិ៍សែនជ័យ។
ទី ៤ ឈ្មោះ រឿង សុវណ្ណ ហៅភ្លើង ភេទប្រុស អាយុ ៣៤ឆ្នាំ មុខរបរមិនពិតប្រាកដ ស្នាក់នៅផ្ទះជួលភូមិ ចំរើនផល សង្កាត់បឹងទំពុន ខណ្ឌមានជ័យ។
ទី ៥ ឈ្មោះ ស៊ុន តឹកឡាយ ហៅគឹម ភេទប្រុស អាយុ ២២ឆ្នាំ មុខរបរមិនពិតប្រាកដ ទីលំនៅមិនពិតប្រាកដ។
ទី ៦ ឈ្មោះ គីង គឹមស៊ន ហៅវ៉េវ ភេទប្រុស អាយុ ៣១ ឆ្នាំ មុខរបរមិនពិតប្រាកដ ស្នាក់នៅផ្ទះជួលក្បែរផែស្ងួត តេង ឡាយ សង្កាត់ចោមចៅ ខណ្ឌពោធិ៍សែនជ័យ។
ទី ៧ ឈ្មោះ វណ្ណ ដារ៉េត ភេទស្រី អាយុ ២៩ឆ្នាំ មុខរបរមិនពិតប្រាកដ ទីលំនៅភូមិព្រះពោធិ៍ ឃុំភ្នំបាទ ស្រុកពញ្ញាឮ ខេត្ដកណ្ដាល។
ទី ៨ ឈ្មោះ មឿន គន្ធា ហៅចិន្ថា ភេទស្រី អាយុ ៣៣ឆ្នាំ មុខរបរមិនពិតប្រាកដ ទីលំនៅភូមិវត្ដថ្មី ឃុំព្រែកដំបង ស្រុកមុខកំពូលខេត្ដកណ្ដាល។
ទី ៩ ឈ្មោះ រិន បុរិទ្ធ ហៅរិទ្ធ ភេទប្រុស អាយុ ២៣ឆ្នាំ មុខរបរមិនពិតប្រាកដ លំនៅភូមិ កន្ទោងជើង សង្កាត់កន្ទោក ខណ្ឌពោធិ៍សែនជ័យ។
ទី ១០ ឆឹង ពិដោរ ភេទប្រុស អាយុ ៣៧ឆ្នាំ មុខរបរមិនពិតប្រាកដ ទីលំនៅផ្ទះជួលផ្ទះជួលភូមិ ជម្ពូវន្ដ័ សង្កាត់ចោមចៅ ខណ្ឌពោធិ៍សែនជ័យ។

ពេលបច្ចុប្បន្ន ជនសង្ស័យទាំង ១០នាក់ រួមទាំងវត្ថុតាង ខាងសមត្ថកិច្ចកំពុងកសាងសំណុំរឿង ដើម្បីបញ្ជូនទៅ សាលាដំបូងរាជធានីភ្នំពេញ ដើម្បីចាត់ការតាមនិតិវិធីច្បាប់។

គួរំលឹកដែថាចំពោះករណីទាំង ១២ករណីដែលជនសង្ស័យទាំង ១០នាក់បានប្រព្រឹត្ដិកន្លងមករាជធានីភ្នំពេញ ក៍ដូចជាតាមបណ្ដាខេត្ដនានា ពេលនេះត្រូវបានសមត្ថកិច្ចខណ្ឌដង្កោ បានសហការជាមួយការិយាល័យព្រហ្មទណ្ឌកម្រិតស្រាលរាធានីភ្នំពេញង្ក្រាបបានជាស្ថាពរ៕ ដោយ៖គឹម បញ្ញា

ប៉ូលីសសេដ្ឋកិច្ចក្រសួងមហាផ្ទៃរឹបអូសសំបកកង់ ពោះវៀនកង់ម៉ូតូ ដែលនាំចូលខុសច្បាប់

December 9, 2015ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ខេត្តបាត់ដំបង៖ ព្រឹកថ្ងៃទី០៩ ខែធ្នូ ២០១៥ វេលាម៉ោង៨:៣០នាទី ប៉ូលីស នៃនាយកដ្ឋាន ប្រឆាំងបទល្មើសសេដ្ឋកិច្ច ក្រសួងមហាផ្ទៃ ដឹកនាំដោយលោកឧត្តមសេនីយ៍ត្រី ឡុង ស្រេង អនុប្រធាននាយក ដ្ឋានប្រឆាំងបទល្មើស សេដ្ឋកិច្ច ក្រសួងមហាផ្ទៃ និងដោយមានកិច្ចស ហការ ពីកម្លាំងការិយាល័យ ប្រឆាំងបទល្មើស សេដ្ឋកិច្ច នៃស្នងការ ដ្ឋាននគរបាលខេត្តបាត់ ដំបង ដឹកនាំដោយលោក ម៉ៅ រង្សី ប្រធានការិ យាល័យបទល្មើសសេដ្ឋកិច្ចខេត្ត បានចុះបង្ក្រាបទីតាំងលក់គ្រឿងបន្លាស់ម៉ូតូគ្រប់ប្រភេទ នៅតាមបណ្តោយផ្លូវជាតិលេខ៥ ដែលមាន ស្លាកយីហោ គង់ ណាំ ផ្ទះលេខ១៧ ភូមិព្រែកមហាទេព សង្កាត់ស្វា យប៉ោ(ស្ថិតនៅប្លុកបុរីព្រែក មហាទេព) ក្រុង-ខេត្តបាត់ដំបងដែលមាន ឈ្មោះ គង់ ណាំ អាយុ៣៣ឆ្នាំ ជាម្ចាស់អាជីវកម្ម។

តាមការគូសបញ្ជាក់របស់លោកឧត្តមសេនីយត្រី ឡុង ស្រេង អនុប្រធាននាយកដ្ឋានប្រឆាំងបទ ល្មើសសេដ្ឋកិច្ចក្រសួងមហាផ្ទៃ បានឲ្យើដឹងថា ការចុះឆែកឆេរផ្ទះដែលមានស្លាកយីហោ គង់ ណាំ ខាងលើនេះ គឺធ្វើឡើងដោយយោងតាមពាក្យបណ្តឹង របស់ មេធាវី ចាប កែវ ដែល
ជាមេធាវី តំណាងដោយអាណត្តិ ជូនក្រុមហ៊ុន គង់ នួន គ្រុប(Koung Noun Group Co.,Ltd)។ ដែលជាក្រុមហ៊ុនទទួលបានសិទ្ធិផ្តាច់មុខ លើការនាំចូល និងចែកចាយផលិតផល សំបកកង់ និង ពោះវៀនកង់ ទោចក្រយានយន្តម៉ាកIRC ពីក្រុមហ៊ុន Inoue Rubber(Thailand) Public Company Limitedរបស់ប្រទេសថៃ នៅក្នុងទីផ្សារព្រះរាជា ណាចក្រកម្ពុជា។

លោកឧត្តមសេនីយត្រី ឡុង ស្រេង បានគូសបញ្ជាក់ឲ្យដឹងទៀត ថា៖ យោងតាមពាក្យបណ្តឹង និងកន្លងមកនេះ មានផលិតផលសំបក កង់និងពោះវៀនកង់ម៉ូតូម៉ាក IRC ក្លែងបន្លំម៉ាក និងខុសច្បាប់ជាច្រើន
កំពុងត្រូវបាននាំចូល និងចែកចាយដោយឈ្មួញមួយចំនួន នៅតាមទី ផ្សារមួយចំនួនក្នុងព្រះរាជាណាចក្រកម្ពុជាជាពិសេសនៅក្នុងខេត្តបាត់ ដំបងតែម្តង។ ដែលនេះជាសកម្មភាពបានរំលោភលើសិទ្ធិផ្តាច់មុខនិង
ធ្វើឲ្យខូចផលប្រយោជន៍ស្របច្បាប់របស់ក្រុមហ៊ុន គង់ នួន គ្រុបដែល
ជាក្រុមហ៊ុនមានសិទ្ធិនាំចូល និងចែកចាយ នូវ ផលិតផលម៉ាក IRC
ត្រឹមត្រូវតាមច្បាប់របស់ព្រះរាជាណាចក្រកម្ពុជា។

វត្ថុតាងផលិតផលក្លែងក្លាយជាក់ស្តែង ដែលកម្លាំងសមត្ថកិច្ចចុះ
បង្ក្រាបនិងរឹបអូសជាវត្ថុតាង រួមមាន៖ សំបកកង់ម៉ូតូម៉ាក IRC ចំនួន
១២៦ សំបក, ពោះវៀនម៉ូតូម៉ាក IRC ចំនួន០៣ប្រភេទ សរុបចំនួន ៦៣០ពោះវៀន។ ហើយវត្ថុតាងទាំងនេះ ត្រូវបានសមត្ថកិច្ចប៉ូលីស សេដ្ឋកិច្ចក្រសួងនិងខេត្តបានយកទៅរក្សាទុកនៅការិយាល័យប្រឆាំង
បទល្មើសសេដ្ឋកិច្ច នៃ ស្នងការដ្ឋាននគរបាលខេត្តបាត់ដំបង ដើម្បីក សាងសំណុំរឿងតាមនីតិវិធីល្មើសជាក់ស្តែង បញ្ជូនទៅតុលាការខេត្ត បាត់ដំបង។

សូមបញ្ជាក់ថា៖ យោងតាមពាក្យបណ្តឹងរបស់មេធាវីក្រុមហ៊ុន គង់
នួន គ្រុប ក្រុមហ៊ុនបានដាក់ពាក្យបណ្តឹងសំណងចំនួន ៥០ម៉ឺនដុល្លារ
ពីម្ចាស់អាជីវកម្ម ឈ្មោះ គង់ ណាំ ខាងលើ៕. ដោយ៖សំអាន

ចិនរិះគន់អាមេរិកចំពោះការដាក់យន្ត ហោះស៊ើបការណ៍ទៅកាន់ប្រទេសសិង្ហបុរី

December 9, 2015ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

ប៉េកាំង៖រដ្ឋាភិបាលក្រុងប៉េកាំងបានរិះគន់អាមេរិកពាក់ព័ន្ធការដាក់ពង្រាយយន្តហោះយោធា ប្រភេទ US Navy P-8 Poseidon ទៅកាន់ប្រទេសសិង្ហបុរី ដែលស្ថិតនៅតំបន់អាស៊ីអាគ្នេយ៍មួយនេះ ខណៈភាពតានតឹងកំពុងកើតមានក្នុងជម្លោះសមុទ្រចិនខាងត្បូង ។ នេះបើតាមសារព័ត៌មាន AP ។
ការរិះគន់នេះធ្វើឡើងបន្ទាប់ពីមានការចុះហត្ថលេខា លើកិច្ចព្រមព្រៀងសហប្រតិបត្តិការការពារជាតិ រវាងរដ្ឋមន្ត្រីការពារជាតិ សហរដ្ឋអាមេរិក លោក Ash Carton និងរដ្ឋមន្ត្រីការពារជាតិសិង្ហបុរី លោក Ng Eng Hen ដែលបានធ្វើឡើងកាលពីថ្ងៃចន្ទកន្លងទៅ ចំពោះការបញ្ជូបយន្តហោះ P-8 ដែលប្រដាប់ដោយបច្ចេកវិទ្យា Sensor និងប្រព័ន្ធរ៉ាដា ដែលមានសមត្ថភាពក្នុងប្រមូលព័ត៌មាន និងបាញ់ប្រហារទៅលើនាវាមុជទឹក។
អ្នកនាំពាក្យក្រសួងការបរទេសចិន លោក Hua Chuying បានលើកឡើងថា យោធាដ៏រឹងមាំរបស់សហរដ្ឋអាមេរិក នាពេលបច្ចុប្បន្ន មិនផ្តល់ភាពងាយស្រួល ចំពោះសាធារណជន និងផលប្រយោជន៍រយៈពេលយូរអង្វែងនោះទេ ក្នុងចំណោមបណ្តាប្រទេសនៅក្នុងតំបន់ យើងសង្ឃឹមថា ភាគីដែលពាក់ព័ន្ធ នឹងផ្តល់ភាពទុកចិត្តរវាងគ្នាទៅវិញទៅមក ក្នុងចំណោមបណ្តាប្រទេសក្នុងតំបន់។
គួរបញ្ជាក់ថា ប្រទេសចិនបច្ចុប្បន្នកំពុងមានជម្លោះជាមួយបណ្តាប្រទេស អាស៊ីអាគ្នេយ៍ចំនួន៤ ក្នុងនោះរួមទាំងសម្ព័ន្ធមិត្តរបស់ សហរដ្ឋអាមេរិកផងដែរ គឺប្រទេស វៀតណាម និងហ្វីលីពីន ហើយកាលពីខែតុលាកន្លងទៅនេះ សហរដ្ឋអាមេរិកបានបញ្ជូននាវាចម្បាំងមួយគ្រឿង ល្បាតនៅក្បែរប្រជុំកោះជម្លោះ Spratly ដែលបង្កឲ្យរដ្ឋាភិបាលក្រុងប៉េកាំងមានការខឹងសម្បាជាខ្លាំង៕

ក្រុមចោរ6នាក់បាញ់បុរសម្នាក់ស្លាប់ប្លន់យកម៉ូតូ១គ្រឿងនៅសង្កាត់បឹកក់១

December 9, 2015ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ភ្នំពេញ ៖ ក្រុមចោរប្លន់ប្រដាប់អាវុធមាន គ្នា៦នាក់ ជិះម៉ូតូ៣គ្រឿង បានធ្វើសកម្មភាពបាញ់សម្លាប់ ប្លន់យកម៉ូតូមួយគ្រឿងយ៉ាងសាហាវ បណ្តាលឲ្យជន រងគ្រោះស្លាប់ពេលបញ្ចូនទៅមន្ទីរពេទ្យ កាលពីវេលាម៉ោង ១និង០៥នាទី រំលងអាធ្រាតឈានចូល ថ្ងៃទី០៩ ខែធ្នូ ឆ្នាំ២០១៥ នៅតាមបណ្តោយ ផ្លូវលេខ ២៧៥ កែងផ្លូវលេខ ៥២៨ ភូមិទំបនទួលគោក សង្កាត់បឹងកក់១ ខណ្ឌទួលគោក ទល់មុខការដ្ឋានធ្វើរថយន្ត អេ ភី អេស ។

យោងតាមប្រភពព័ត៌មានពីយុវជនម្នាក់ត្រូវជាមិត្រភ័ក្តិរបស់ជនរងគ្រោះ បានឲ្យដឹងថា មុនពេលកើតហេតុពួកគេបានជិះម៉ូតូពីរគ្រឿង ចេញពីក្លិប អារីណា នៅម្តុំកាំកូសិតធី ដោយជិះធ្វើដំណើរតាមបណ្តោយផ្លូវលេខ ៥២៨ ក្នុងទិសដៅពីលិចទៅកើត ខណៈមកដល់ កន្លែងស្ងាត់ ក៏ស្រាប់តែមានជនសង្ស័យ៦នាក់ជិះម៉ូតូ៣គ្រឿងទីមួយម៉ាកនិច ទី២ម៉ាក ឡែត ទី៣ម៉ាកស្មាស់ មិនចាំស្លាកលេខបានជិះមកកៀរពួកគេ (ជនរងគ្រោះ) ឲ្យឈប់ម៉ូតូ តែពេលនោះពួកគេ មិនព្រមឈប់ម៉ូតូឡើយ ក៏ជនសង្ស័យនោះដកកាំភ្លើង បាញ់សំដៅមករកពួកគេមួយគ្រាប់ តែមិនត្រូវ ។ ភ្លាមៗនោះពួកគេ(ជនរងគ្រោះ)ក៏ជិះចែកផ្លូវគ្នា ដើម្បីរកកន្លែងមានសុវត្ថិភាព ដោយមានការភ័យខ្លាចពេកក៏ ធ្វើអោយមិត្តភក្តិរបស់គេដែលជិះម៉ូតូម៉ាក ហុងដាឌ្រឹមសេ ១២៥ ស៊េរី២០០៦ ឡើងស៊េរី ២០១៣ ពណ៌ ខ្មៅ ពាក់ស្លាកលេខ កំពត 1A-6665 ជិះឌុបគ្នាបីនាក់នោះ ទៅរអិលដួលនៅមុខការដ្ឋានធ្វើរថយន្ត អេ ភី អេស ស្របពេលជនសង្ស័យជិះមកពីក្រោយក៏ បាញ់ប្រហារមួយគ្រាប់ទៀត បណ្តាលអោយចំជនរងគ្រោះដែលជាអ្នកបើកម៉ូតូឈ្មោះ ផាន់ ណាឌុប អាយុ ១៦ឆ្នាំ ជាសិស្ស ស្នាក់នៅម្តុំអង់តែន ទួលគោក ត្រូវមួយគ្រាប់ក្រោមដោះ ធ្លោយពីម្ខាងទៅម្ខាងរងរបួសធ្ងន់ តែដោយស្ថានភាពជនរងគ្រោះធ្ងន់ធ្ងរពេកក៏ស្លាប់បាត់បង ជីវិត ពេលគេដឹកយកមកសង្គ្រោះដល់មន្ទីរ ពេទ្យកាល់ម៉ែត។

ទោះជាយ៉ាងណាក្រុមចោរប្លន់ធ្វើសកម្មភាពបានសម្រេចដោយយកម៉ូតូជនរងគ្រោះទៅបាត់ដោយសុវត្ថិភាព គ្មានខ្លាចរអាសមត្ថកិច្ចសូម្បីតែបន្តិច ។ ក្រោយធ្វើកោសល្យវិច័យរួច សមត្ថកិច្ចបានប្រគល់ សាកសពឲ្យទៅក្រុមគ្រួសារ ដើម្បីធ្វើបុណ្យ តាមប្រពៃណី ។

អំពើចោរកម្មប្លន់ប្រដាប់អាវុធ ចោរឆក់តាមដងផ្លូវ ចោរគាស់ផ្ទះប្រជាពលរដ្ឋយកទ្រព្យសម្បត្តិ ចោរកាច់សោ.កម៉ូតូ និងចោរលួចស្លាកលេខរថយន្តជាដើម កំពុងកើតឡើងយ៉ាងពេញបន្ទុកក្នុងរាជធានីភ្នំពេញ ហើយសមត្ថកិច្ចនគរបាលនិងសមត្ថកិច្ចកងរាជអាវុធហត្ថបង្ក្រាបមិនចេះអស់នោះទេ។ អំពើចោរកម្មគ្រប់រូបភាពកំពុងធ្វើឲ្យប៉ះពាល់យ៉ាងខ្លាំងដល់សន្តិសុខសង្គម ហេតុនេះហើយទើបនៅពេលចាប់បានចោរឆក់ចោរលួចម្ដងៗប្រជាពលរដ្ឋប្រើអំពើហិង្សាទៅលើក្រុមចោរទាំងនោះយ៉ាងចាស់ដៃ។

ប្រជាពលរដ្ឋក្នុងរាជធានីភ្នំពេញកំពុងតែអស់ជំនឿលើមន្ត្រីអាជ្ញាធរនិងសមត្ថកិច្ចក្នុងការពង្រឹងសន្តិសុខសង្គម ព្រោះបទល្មើសលួចឆក់ប្លន់កើតឡើងទាំងយប់ទាំងថ្ងៃ៕ដោយ ៖រដ្ឋា

អ៊ីរ៉ាក់៖តួកគីជាមណ្ឌលជួញដូរប្រេងខុសច្បាប់ដ៏ធំរបស់ក្រុម ISIS

December 9, 2015ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

អ៊ីរ៉ាក់៖នាយករដ្ឋមន្ត្រីអ៊ីរ៉ាក់ លោក Haider Abadi បានចោទប្រកាន់ប្រទេសតួកគីថា ជាមជ្ឈមណ្ឌលជួញដូរប្រេងខុសច្បាប់ទ្រង់ទ្រាយធំមួយរបស់ពួកឧទ្ទាម ISIS ។ ការចោទប្រកាន់បែបនេះធ្វើឡើងបន្ទាប់ពីយោធាតួកគីបានបំពានយ៉ាងធ្ងន់ធ្ងរទៅលើដែនអធិបតេយ្យភាពអ៊ីរ៉ាក់។ នេះបើយោងតាម សារព័ត៌មាន RT។
ក្នុងកិច្ចប្រជុំជាមួយរដ្ឋមន្ត្រីការបរទេសអាល្លឺម៉ង់ លោក Frank-Walter Steinmeier នាយករដ្ឋមន្ត្រីរូបនេះបានសង្កត់ធ្ងន់ ពីសារៈសំខាន់នៃការបញ្ឈប់ការជួញដូរប្រេងខុសច្បាប់ក្នុងតំបន់ក្រោមការគ្រប់គ្រងរបស់ពួកជីហាតក្នុងប្រទេសអ៉ីរ៉ាក់ និងស៊ីរី។ មិនតែប៉ុណ្ណោះ លោកបានអំពាវនាវដល់សហគមន៍អន្តរជាតិ ជួយប្រទេសអ៉ីរ៉ាក់ ដើម្បីប្រឆាំងនឹងពួកឧទ្ទាម ISIS
គួរបញ្ជាក់ថា តាមរបាយការណ៍ស៊ើបអង្កេតរបស់រុស្ស៊ីបានបង្ហាញថា ប្រាក់ចំណូលរបស់ពួកឧទ្ទាម ISIS ជាង៤៣ភាគរយ បានមកពីជំនួញប្រេងខុសច្បាប់ ហើយការជួញដូរប្រេងខុសច្បាប់របស់ពួកឧទ្ទាម ភាគច្រើនធ្វើឡើងនៅក្នុងប្រទេសតួកគី៕

ស្លាប់ និងរបួសជាង១០០នាក់ក្នុងហេតុការណ៍រថភ្លើងបុកគ្នានៅឥណ្ឌា

December 9, 2015ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

ឥណ្ឌា៖យ៉ាងតិចមានមនុស្ស៣នាក់បានស្លាប់ និង១០០នាក់ផ្សេងទៀតរបួស នៅក្នុងគ្រោះឧបទ្ទវហេតុរថភ្លើង ២គ្រឿងបុកគ្នា នៅភាគខាងជើងប្រទេសឥណ្ឌា។ នេះបើយោងតាមសារព័ត៌មាន RT។
ប៉ូលិសប្រចាំតំបន់បានបង្ហាញរបាយការណ៍ថា ហេតុការណ៍នេះបានកើតឡើងនៅវេលាម៉ោងប្រមាណ ៨ និង២៥នាទីព្រឹកម្សិលមិញ បណ្ដាលឲ្យអ្នកបើកបររថភ្លើងម្នាក់ត្រូវបានស្លាប់ និងម្នាក់ទៀតរងរបួសធ្ងន់ ខណៈដែលមនុស្សប្រមាណ ១០០នាក់ត្រូវបានបញ្ជូនទៅកាន់មន្ទីរពេទ្យ។ ករណីរថភ្លើងពីរគ្រឿងបុកគ្នានេះ ត្រូវបានគេជឿជាក់ថា បណ្ដាលមកពីអ័ព្ទក្រាស់ ជាហេតុធ្វើឲ្យអ្នកបើកបររថភ្លើងមើលមិនឃើញ។
គួរបញ្ជាក់ថា ឥណ្ឌាជាប្រទេសមួយដែលមានប្រព័ន្ធផ្លូវរថភ្លើងច្រើនជាងគេ ដែលបច្ចុប្បន្នមានជើងធ្វើដំណើរទៅមកប្រមាណ ១២,០០០ជើង, អ្នកដំណើរ ២៣លាននាក់ក្នុងមួយថ្ងៃ៕

ផ្ទុះគ្រាប់បែកនៅមូស្គូបណ្តាលឲ្យមនុស្ស៥នាក់រងរបួស

December 9, 2015ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

រុស្ស៊ី៖មនុស្ស៥នាក់ រងរបួសស្រាល បន្ទាប់ពីគ្រាប់បែកច្នៃមួយគ្រាប់បានផ្ទុះឡើង នៅចំណតរថយន្តក្រុង កណ្តាលរដ្ឋធានី Moscow របស់រុស្ស៊ី។ នេះបើតាមព័ត៌មាន AFP ។ ហេតុការណ៍ផ្ទុះនេះកើតឡើងនៅយប់ថ្ងៃចន្ទ (ម៉ោងក្នុងតំបន់) តាមបណ្តោយផ្លូវ Pokrovka ជាតំបន់ដ៏ពេញនិយម កណ្តាលទីក្រុង Moscow ជាចំណុចសម្បូរទៅដោយបា និងភោជនីយដ្ឋានជាច្រើន។
អ្នកនាំពាក្យប៉ូលិស Moscow លោក Maxim Kolosvetov បានឲ្យដឹងថា «ការស៊ើបអង្កេតពាក់ព័ន្ធនឹងករណីហិង្សាមួយនេះ បាននឹងកំពុងធ្វើឡើង»។
តាមព័ត៌មានបានឲ្យដឹងថា គ្រាប់បែកច្នៃនេះ ត្រូវបានគប់ចេញពីរថយន្តមួយគ្រឿង ឬក៏អគារនៅជិតកន្លែងកើតហេតុ ដែលបានបណ្តាលឲ្យ មនុស្ស៥នាក់ទទួលរងរបួស។ បន្ទាប់ពីមានហេតុការណ៍នេះកើតឡើង រថយន្តប៉ូលិស, រថយន្តពន្លត់អគ្គិភ័យ និងរថយន្តសង្គ្រោះបន្ទាន់ បានទៅដល់កន្លែងកើតហេតុ ដើម្បីគ្រប់គ្រងស្ថានការ៕

ចាប់ខ្លួនមេក្លោងចាប់ជំរិតម្នាក់ទៀតបញ្ជូនទៅតុលាការ

December 8, 2015ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

កំពុងចាម៖ មេក្លោងចាប់ជំរិតម្នាក់ដែលបានរត់គេចខ្លួន អស់រយៈពេល៣ថ្ងៃ មកហើយត្រូវបានកំលាំងអធិកាដ្ឋាននគរបាលស្រុកព្រៃឈរ ខេត្តកំពុងចាមធ្វើការស្រាវជ្រាវបង្ក្រាប ចាប់ខ្លួនបានកាលពីថ្ងៃទី០៨ ខែធ្នូ ឆ្នាំ២០១៥ និងបញ្ជូនទៅអោយជំនាញស្នងការដ្ឋាន នគរបាលខេត្តត្បូងឃ្មុំ ជាម្ចាស់ករណីចាត់ការបន្ទ។

លោក វេរសេនីយឯក ហេង វុទ្ធី ស្នងការរង និងជាប្រធានការិយាល័យកណ្តាលព្រហ្មទណ្ឌខេត្តកំពុងចាមបានអោយដឹងថា នៅថ្ងៃទី៤ ខែធ្នូ ឆ្នាំ២០១៥ មានករណីចាប់ជំរិកុមារីម្នាក់ ឈ្មោះឡូញ លីហ្សា អាយុ ៩ឆ្នាំ ចេញពីភូមិទួលត្បូង ឃុំជប់ ស្រុកត្បូងឃ្មុំ ខេត្តកំពុងចាម ដោយយកម៉ូតូ ១គ្រៀនរបស់ឪពុក កុមារីរងគ្រោះនៅជាមួយ។

នៅរសៀលថ្ងៃទី៥ ខែធ្នូ ឆ្នាំ០២១៥ កំលាំងជំនាញស្នងការនគរបាលខេត្តកំពុងចាម បានស្រាវជ្រាវ ស្ទាក់ចាប់មុខសញ្ញាចាប់ជំរិត ម្នាក់ឈ្មោះ វ៉ន សារី មានអាយុ ២៤ឆ្នាំ មានទីលំនៅភូមិកំពុងស្ពឺលើ ឃុំកំពុងរាប ស្រុកកោះសូទិន ខេត្តកំពុងចាម និងបានដោះចំណាប់ខ្មាំង ឈ្មោះ ឡូញ លីហ្សា ព្រមទាំងម៉ូតូ C125 ប្រគល់ជូនអាណាព្យាបាលរបស់ជនរងគ្រោះវិញ។

លោក ឧត្តមសេនីយ ប៉ែន រ័ត្ន ស្នងការនគរបាលខេត្តកំពុងចាម បានមានប្រាសាសន៍ថា បន្ទាប់ពីចាប់មុខសញ្ញាចាប់ជំរិតមា្នក់នេះរួច សមត្ថកិច្ចមិនព្រងើយកន្តើយឡើយ គឺនៅតែបន្តធ្វើការស្រាវជ្រាវយ៉ាងសកម្មទាំងយប់ទាំងថ្ងៃ ដើម្បីតាមប្រមាញ់មេក្លោងចាប់ជំរិតម្នាក់ទៀតដែលកំពុងលាក់ខ្លួន។

លោកស្នងការបានបញ្ជាក់ទៀតថា នៅថ្ងៃទី៨ ខែធ្នូ ឆ្នាំ២០១៥ វេលាម៉ោង១០ៈ៤០នាទី សមត្ថកិច្ចអធិការដ្ឋាននគរបាលស្រុកព្រៃឈរ និងកំលាំងនគរបាលប៉ុស្តិ៍រដ្ឋបាល ឃុំត្រពាំងព្រះ បានស្រាវជ្រាវចាប់មេក្លោងចាប់ជំរិតមា្នក់ទៀត ឈ្មោះ សាន មឿន ភេទប្រុស អាយុ២១ឆ្នាំ មានទីលំនៅភូមិកោះប៉ែន ឃុំកោះមិត្ត ស្រុកកំពុងសៀម ខេត្តកំពុងចាម ដែលបានលាក់ខ្លួននៅរោងជាងក្រឡឹង មួយកន្លែងស្ថិតនៅភូមិព្រីងបីដើម ឃុំត្រពាំងព្រះ ស្រុកព្រៃឈរ ខេត្តកំពុងចាម។

មុខសញ្ញាចាប់ជំរិតខាងលើ ត្រូវបានប្រគល់ជូនជំនាញស្នងការដ្ឋាននគរបាលខេត្តត្បូងឃ្មុំ ជាម្ចាស់ករណី(កន្លែងកើតហេតុ) ចាត់ការបន្ត។

លោកស្នងការ ប៉ែន រ័ត្ន បានកោតសរសើរដល់កំលាំងនគរបាលរបស់លោក ដែខិតខំបំពេញភារៈកិច្ច ស្វែងរកចាប់ខ្លួនជនល្មើស ណិងខំដោះចំណាប់ខ្មាំងបានដោយសុវត្ថិភាព និងទាន់ពេលវេលា៕ ដោយ ៖ សុភ័ណ្ឌ

Man United ត្រៀមកញ្ចប់ទឹកប្រាក់ទិញ Neymar

December 8, 2015កីឡាមេគង្គ ប៉ុស្តិ៍

បាល់ទាត់៖យោងតាមប្រភពព័ត៌មាន Metro របស់ចក្រអង់គ្លេសចុះផ្សាយនៅថ្ងៃទី០៨ ខែធ្នូ ឆ្នាំ២០១៥នេះ ថា ក្លិបបិសាចក្រហម Manchester United កំពុងរៀបចំកញ្ចប់ថវិកាចំនួន១៤៣.៩ លានផោន ប្រហែល ២១៦លានដុល្លារ ដើម្បីទិញកីឡាករ Neymar ពីក្លិប Barcelona។
អ្នកចាត់ការទូទៅរបស់ក្លិប Man United លោក Louis van Gaal បាននិយាយថា នឹងត្រូវចាយថវិកា ចំនួន២០០លានផោន ប្រហែល៣០០លាន ដុល្លារអាមេរិក ក្នុងការនាំយកកីឡាករខាងលើដើម្បីឲ្យទម្រង់លេងនៅលើទីលានមាន ភាពប្រសើរជាងមុន។ ទោះជាយ៉ាងណាខ្សែប្រយុទ្ធសញ្ជាតិប្រេស៊ីលរូបនេះបាននិយាយប្រាប់ឲ្យដឹងថា រូបគេចង់លេងនៅអេស្ប៉ាញឲ្យបានច្រើនជាងនេះទៀតដោយមិនចង់ ផ្លាស់ប្តូរមកលេងនៅអង់គ្លេសនោះទេ។
គួរបញ្ជាក់ដែរថា កាលពីពេលថ្មីកន្លងទៅនេះក្លិប Manchester United បានបើកភ្លើងខៀវឲ្យចាត់ការទូទៅលោក Louis van Gaal ទិញយកកីឡាករយ៉ាងតិចម្នាក់ ដែលមានឈ្មោះនៅក្នុងបញ្ជី Top 10 របស់ពានរង្វាន់ Ballon d’Or” ៕

មន្ត្រីប៉េអឹមម្នាក់បើកវង់ល្បែងស៊ីសងដ៏ធំពីរកន្លែងនៅជិតរមណីដ្ឋានវត្តភ្នំ

December 8, 2015ព័ត៌មានគួរចាប់អារម្មណ៍, ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ភ្នំពេញ៖អំពើអបាយមុខនៅលើទឹកដីខណ្ឌដូនពេញក្នុងដំណាក់កាលចុងក្រោយនេះ បានកើតមានល្បែងស៊ីសសងដូចជាកន្ទុយលេខ បៀរ អាប៉ោង គ្រឿងញៀន ពេស្យាចារ យ៉ាងពេញបន្ទុក ជាក់ស្តែងនៅក្នុងភោជនីយដ្ឋាន ផ្ការាំងភ្នំ ខាងលិចមន្ទីរពេទ្យធំមួយ កន្លែង និងមួយកន្លែងទៀតក្នុងទីតាំងលក់ឡានយីហោ ៧៧៧៧ ខាងក្រោយស្ថានទូតអាមេរិក។

អ្នករស់នៅក្នុងទីក្រុងភ្នំពេញភាគច្រើនសុទ្ធតែបានដឹងថា ក្នុងទឹកដីខណ្ឌដនពេញដែលគ្រប់គ្រងដោយលោកអភិបាលខណ្ឌ គួច ចំរើន បានកើតមាននូវក្រុមសង្គមងងឹត និងពួកឪកាសនិយម ដែលករណីខ្លះមានមន្ត្រីដែលមានបុណ្យស័ក្តិខ្ពស់នៅឈរកាងពីក្រោយបទលើ្មសនោះទៀតផង។

ក្រៅពីនេះក៏នៅមានមន្ត្រីខិលខូចខ្លះ ហ៊ានចេញមុខបើកកន្លែងល្បែងស៊ីសងដោយចំហដែលទង្វើនេះត្រូវបានគេចាត់ទុកថា គឺជាក្រុមមន្ត្រីបញ្ញើក្អែកលើបង្គងនៃគណបក្សកាន់អំណាចដែលគ្របដណ្តប់ទិដ្ឋភាពសង្គម ដើម្បីមានឪកាសប្រព្រឹត្តបទលើ្មស ឬប្រព្រឹត្តអំពើពុករលួយដោយគ្មាននរណាហ៊ានប៉ះពាល់។

ដើម្បីឆ្លុះបញ្ចាំងចំពោះការលើកឡើងនេះ សូមលើកយកករណីល្បែងស៊ីសងដ៏ធំចំនួនពីរកន្លែង ក្នុងចំណោមវង់ល្បែងជាច្រើនកន្លែងនៅលើទឹកដីខណ្ឌដូនពេញ គឺមួយកន្លែងស្ថិតនៅក្នុងភោជនីយដ្ឋាន ផ្ការាំងភ្នំ ជ្រុងខាងជើងមន្ទីរពេទ្យជប៉ុន និងខាងជើងវត្តភ្នំ ក្នុងសង្កាត់ស្រះចក ខណ្ឌដូនពេញ ។មួយកន្លែងទៀត នៅក្នុងទីតាំងឃ្លាំងលក់រថយន្តយីហោ ៧៧៧៧ ស្ថិតក្នុងទីតាំងដីអតីតវិទ្យុជាតិ តាមបណ្តោយផ្លូវលេខ១០២ ជាប់ការ៉ាស់ឡាន១៨៨ ក្នុងសង្កាត់វត្តភ្នំ ក្រោយស្ថានទូតសហរដ្ឋអាមេរិក។

មន្ត្រីអាជ្ញាធរមួយរូបបានខ្សឹបប្រាប់ឲ្យដឹងថា វង់ល្បែងស៊ីសងដ៏ធំទាំងនេះ ជារបស់មន្ត្រីប៉េអឹមផ្នែកព័ត៌មានដ៏មហិមាម្នាក់ឈ្មោះ រ៉ា ហៅ រតនៈ ហើយកន្លងមក គ្មានសមត្ថកិច្ចណាចុះបង្ក្រាបឡើយ។មូលហេតុដែលគ្មានការចុះបង្ក្រាបនោះ ត្រូវគេដឹងថាបណ្តាលមកពីអំពើពុករលួយរបស់សមត្ថកិច្ចមូលដ្ឋាន ឬលើសពីថ្នាក់មូលដ្ឋាន ទើបលោក រ៉ា ហៅ រតនៈ អាចបើកលេងយ៉ាងអនាធិបតេយ្យបានដោយសុវត្ថិភាពបែបនេះ។

មន្ត្រីប៉េអឹមលោក រ៉ា ហៅ រតនៈ មិនអាចស្វែងរកការបកស្រាយឆ្លើយតបចំពោះកាលើកឡើងដូចខាងលើនេះបានឡើយ ព្រោះបុគ្គលិកដែលធ្វើការនៅក្នុងទីតាំងនោះ សុទ្ធតែបានឆ្លើយពង្វាងដោយលាក់លៀមថា មិនស្គាល់លេខទូរស័ព្ទរបស់លោក។ចំណែកលោក គួច ចំរើន អភិបាលខណ្ឌ ដូនពេញ ក៏មិនអាចទាក់បានដែរកាលពីព្រឹកថ្ងៃទី ៥ ខែធ្នូ ម្សិលម៉ិញនេះ៕ដោយ៖បូរ៉ាគន្ធ

វាយប្រហារតាមអាកាសរបស់ក្រុមចម្រុះអាមេរិកសម្លាប់ជនស៊ីវិលជាង២០នាក់

December 8, 2015ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

ស៊ីរី៖ជនស៊ីវិលប្រមាណ២៦នាក់ ក្នុងនោះមានកុមារជាច្រើននាក់បានស្លាប់នៅភាគឦសានប្រទេសស៊ីរីបន្ទាប់ពីការវាយប្រហាររបស់ក្រុមចម្រុះដែលដឹកនាំដោយសងរដ្ឋអាមេរិក ។
បើតាមក្រុមឃ្លាំមើលសិទ្ធិមនុស្សស៊ីរីដែលមានមូលដ្ឋាននៅអង់គ្លេសបាននិយាយថា នៅភូមិ al-Khan ជិតខេត្តHasakahប្រទេសស៊ីរី កំពុងតែរងគ្រោះដោយសារការវាយប្រហារតាមអាកាស ។ ដោយឡែករដ្ឋាភិបាលស៊ីរីបានបញ្ជាក់ថា ទាហានស៊ីរីប្រមាណ៣នាក់ក៏ស្លាប់ដោយសារការវាយប្រហាររបស់ ក្រុមចម្រុះអាមេរិកដែរ៕

រថយន្តមែកស័រដេសបុករបាំងពុះចែកទ្រូងផ្លូវ បាក់បីកង់

December 8, 2015ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ភ្នំពេញ៖ បុរសម្នាក់ទំនងជាស្រវឹងស្រាជោកជាំបានបេីករថយន្តទៅបុករបាំងថ្មពុះចែកទ្រូងផ្លូវបាក់អស់ចំនួនបីកង់ហេីយអ្នកបេីកចុះរត់បាត់កាល ពីវេលា ម៉ោង12យប់រំលងអធ្រាតឈានចូលថ្ងៃទី08 ខែធ្នូ ឆ្នាំ2015 ស្ថិតលេីកំណាត់ផ្លូវជាតិលេខ2 ក្នុងភូមិព្រែកតានូ សង្កាត់ចាក់រអង្រែលេីខណ្ឌមានជ័យ។

រថយន្តបង្ករម៉ាកម៉ាក់ស័រដេសពណ៌ទឹកប្រាក់ពាក់ស្លាកលេខ (ភ្នំពេញ1D 5430) ធ្វេីដំណើរក្នុងទិសដៅពីជើងទៅត្បូងបេីកដោយបុរសម្នាក់មិនស្គាល់អត្តសញ្ញាណបានបេីកទ្វារត់បាត់។

ប្រភពពីកន្លែងកើតហេតុបានអោយដឹងថា នៅមុនពេលកើតហេតុគេឃើញបុរសម្នាក់បានបេីករថយន្ដម៉ាក់សូដេស មួយគ្រឿងបេីកដោយបុរសម្នាក់ទំនងជាស្រវឹងស្រា បើករេពេញផ្លូវជ្រុលទៅបុករបាំងថ្មពុះចែកផ្លូវទ្រូងផ្លូវបាក់អស់ចំនួនបីកង់ចំណែករថយន្តបង្ករខូចខាតខ្ទេចផ្នែកខាងមុខចំណែកអ្នកបេីកបានបេីកទ្វារត់បាត់ស្រមោល។

ក្រោយពីកេីតសមត្ថកិច្ចមូល ដ្ឋានបានសហកាជាមួយជំនាញចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញដើម្បីនឹងស្តូចនាំយក រថយន្តទៅរក្សាទុក និងដោះស្រាយសងសម្បត្តិរដ្ឋ៕

Luca Toni ប្រកាសបញ្ចប់អាជីពនៅចុងរដូវកាលនេះ

December 8, 2015កីឡា, ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

បាល់ទាត់៖អតីតខ្សែប្រយុទ្ធរបស់ក្រុមបាល់ទាត់ជម្រើសជាតិអ៊ីតាលី គឺកីឡាករ Luca Toni បានអះអាងថា គាត់អាចនឹងព្យួរស្បែកជើងដើម្បីបញ្ចប់អាជីពជាកីឡាករបាល់ទាត់នៅ ចុងរដូវកាលនេះ។
ខ្សែប្រយុទ្ធសញ្ជាតិអ៊ីតាលី វ័យ៣៨ឆ្នាំរូបនេះធ្លាប់បានកាន់ពានរង្វាន់ជាច្រើន អំឡុងពេលដែលគាត់លេងក្នុងក្លិបធំៗនៅតំបន់អឺរ៉ុបដូចជា Bayern Munich, Juventus, Roma និង Fiorentina ប៉ុន្តែបច្ចុប្បន្នគាត់កំពុងតែមានវត្តមានលេងនៅក្នុងក្លិប Verona ។
បើទោះជា មានវ័យកាន់តែចាស់យ៉ាងណាក៏ដោយកីឡាករ Luca Toni នៅតែបង្ហាញទម្រង់លេងបានយ៉ាងល្អដោយបានស៊ុតបាល់បញ្ចូលទីចំនួន ២២គ្រាប់ឲ្យក្លិប Verona ហើយគាត់ក៏ជាកីឡាករដែលស៊ុតបាល់បញ្ចូលទីច្រើនជាងគេលំដាប់លេខរៀង ទី២ក្នុងក្របខ័ណ្ឌអ៊ីតាលី Serie A នៅរដូវកាលមុនផងដែរ ។
កីឡាករ Luca Toni ប្រាប់គេហទំព័រ Sky Italia ថា ពេលវេលាដែលគាត់នឹងត្រូវចូលនិវត្តពីអាជីពជាកីឡាករបាល់ទាត់បានមក ដល់ហើយ ហើយគាត់សង្ឃឹមថា គាត់នឹងព្យួរស្បែកជើងនៅក្នុងក្លិប Verona តែម្ដង។
គួរបញ្ជាក់ថា កីឡាករ Luca Toni ផ្លាស់មកកាន់ក្លិប Verona ពីក្លិប Fiorentina នៅឆ្នាំ២០១៣ ដោយមិនមានតម្លៃខ្លួននោះទេ ហើយបច្ចុប្បន្នខ្សែប្រយុទ្ធរូបនេះក៏កំពុងតែមានការចង់បានពីក្លិប Empoli, Brescia, Palermon និង Genoa៕