All posts by មេគង្គ ប៉ុស្តិ៍

យន្តហោះដឹកយោធាអាមេរិកធ្លាក់នៅអាហ្វហ្គានីស្ថានស្លាប់១១នាក់

October 2, 2015ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

អាហ្វហ្គានីស្ថាន៖យ៉ាងហោចណាស់មនុស្សចំនួន១១នាក់បានស្លាប់ បន្ទាប់ពីយន្តហោះដឹកជញ្ជូនយោធាអាមេរិកមួយគ្រឿងប្រភេទC-130បានធ្លាក់នៅភាគខាងកើតក្នុងក្រុងJalalabad ប្រទេសអាហ្វហ្គានីស្ថានកាលពីព្រឹកថ្ងៃទី០២កញ្ញានេះ។
លោក Brian Tribus បានឱ្យដឹងថា ក្នុងចំណោមអ្នកស្លាប់ទាំង១១នាក់ ក្នុងនោះទាហានអាមេរិក៦នាក់ និងជនស៊ីវិល៤នាក់។ បើតាមមន្ទីរបញ្ចកោណបានបញ្ជាក់ថា មូលហេតុនៃការធ្លាក់យន្តហោះ គឺនៅមិនទាន់ដឹងច្បាស់នៅឡើយ។ ប៉ុន្តែបើតាមការអះអាងពីមន្ត្រីយោធាបានឲ្យដឹងថា ការធ្លាក់យន្តហោះដឹកជញ្ជូនយោធារបស់អាមេរិក គឺជាស្នាដៃរបស់ក្រុមសកម្មប្រយុទ្ធតាលីបង់៕

អ្នកគ្រូពេទ្យ Eva Carneiroដាក់ពាក្យបណ្តឹងលោក Jose Mourinho

October 2, 2015កីឡាមេគង្គ ប៉ុស្តិ៍

សមាគមបាល់ទាត់អង់គ្លេស FA បានអះអាងថា អ្នកចាត់ការទូទៅរបស់ក្លិបតោខៀវ Chelsea លោក Jose Mourinho នឹងប្រឈមមុខការដាក់ពាក្យបណ្តឹងរពីអ្នកគ្រូពេទ្យរបស់ក្លិបមួយនេះ គឺអ្នកស្រី Eva Carneiro បន្ទាប់ពីអ្នកចាត់ការរូបនោះបានប្រើប្រាស់ពាក្យសម្ដីមិនសមរម្យទៅលើ អ្នកស្រីកាលពីខែមុន។
យោងតាមការចុះផ្សាយរបស់គេហទំព័រ Daily Mail បានឲ្យដឹងថា លោក Jose Mourinho បានរិះគន់អ្នកស្រី Eva Carneiro សម្រាប់ការព្យាបាលយឺតយ៉ាវលើខ្សែបម្រើស្លាបសញ្ជាតិបែលហ្ស៊ិក Eden Hazard ខណៈពេលដែលក្លិបមួយនេះនៅសល់តែសមាជិក១០នាក់ បន្ទាប់ពីអ្នកចាំទី Thibaut Courtois ទទួលបានកាតក្រហមនៅតង់ទីពីរ អំឡុងពេលដែលក្លិបតោខៀវ Chelsea ជួបជាមួយក្លិបក្ងានព្រៃ Swansea កាលពីខែមុន ហើយបន្ទាប់ពីព្យាបាលរួចហើយគ្រូបង្វឹកសញ្ជាតិព័រទុយហ្គាល់រូបនេះ បានហាមមិនអ្នកគ្រូពេទ្យ Eva Carneiro អង្គុយលើកៅអីដូចធម្មតាឡើយ។
គួរបញ្ជាក់ថា អ្នកគ្រូពេទ្យ Eva Carnerio ត្រូវបានតែងតាំងឡើងដោយអតីតអ្នកចាត់ការទូទៅក្លិបតោខៀវ Chelsea គឺលោក Andre Villas-Boas នៅក្នុងឆ្នាំ២០១១៕

តុលាការក្រុងភ្នំពេញ បើកសវនាការកាត់ទោសអតីតសមាជិកព្រឹទ្ធសភា លោក ហុង សុខហួរ

October 2, 2015ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ភ្នំពេញ: មនុស្សមួយក្រុម ដែលគេដឹងថាស្និទ្ធនឹងគណបក្សសង្គ្រោះជាតិ នៅព្រឹកថ្ងៃទី២ តុលា នេះ បានមកប្រមូលផ្តុំគ្នាតវ៉ានៅមុខស្ថាប័នតុលាការក្រុងភ្នំពេញ ខណៈដែលអង្គចៅក្រមនៃសាលាក្តីនេះកំពុងដំណើរការសវនាការជំនុំជម្រះលើស់ំណុំរឿងក្តីលោក ហុង សុខហួរ អតីតសមាជិកព្រឹទ្ធសភានៃគណបក្សសង្គ្រោះជាតិ។

តាមនីតិវិធី នៅព្រឹកថ្ងៃទី២ ខែតុលានេះ ចៅក្រមសាលាដំបូងរាជធានីភ្នំពេញ បានបើកសវនាការជំនុំជម្រះសំណុំរឿងក្តីលោក ហុង សុខហួរ អតីតសមាជិកព្រឹទ្ធសភាគណបក្ស សម រង្ស៊ី ពីបទចោទប្រកាន់ក្លែងឯកសារសាធារណៈ ប្រើប្រាស់ឯកសារសាធារណៈក្លែង និងញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម។

គួររំឭកថា លោក ហុង សុខហួរ សមាជិកព្រឹទ្ធសភានៃគណបក្សសង្គ្រោះជាតិ ត្រូវបានសមត្ថកិច្ចចាប់ឃុំខ្លួននៅក្រោយពេលដែលលោកបានបង្ហោះតាមហ្វេសប៊ុកនូវឯកសារក្លែងពីសន្ធិសញ្ញាព្រំដែនកម្ពុជាវៀតណាម ឆ្នាំ១៩៧៩ ត្រង់មាត្រា៤។

ក្រុមអ្នកតវ៉ាមួយក្រុមនៅមុខស្ថាប័នតុលាការ ក៏បានលើកបដា និងរូបថតលោក ហុង សុខហួរ អមដោយសម្រែកបំពងឧគ្ឃោសនស័ព្ទទាមទារឲ្យដោះលែងលោក ហុង សុខហួរ ផងដែរ។

តុលាការបានចោទប្រកាន់លោក ហុង សុខហួរ ចំនួន ៣ បទល្មើស៖ ទី១ បទក្លែងឯកសារសាធារណៈ ទី២.បទប្រើប្រាស់ឯកសារក្លែងសាធារណៈ និងទី៣.បទញុះញង់បង្កឲ្យមានភាពវ៉ឹកវរធ្ងន់ធ្ងរដល់សន្តិសុខ សង្គម ដែលចែងឲ្យផ្តន្ទាទោសតាមមាត្រា ៦២៩ មាត្រា ៦៣០ និងមាត្រា ៤៩៥ នៃក្រមព្រហ្មទណ្ឌ។ ការចោទប្រកាន់ ៣បទល្មើសនេះ ដោយសារតែលោក ហុង សុខហួរ បានក្លែងសន្ធិសញ្ញាព្រំដែនកម្ពុជាវៀតណាម ឆ្នាំ១៩៧៩ ត្រង់មាត្រា៤។

សូមជម្រាបថា លោក ហុង សុខហួរ ត្រូវបានសមត្ថកិច្ចចាប់ខ្លួន កាលពីព្រឹកថ្ងៃទី១៥ ខែសីហា ឆ្នាំ២០១៥។ នៅថ្ងៃទី១៦ ខែសីហា ឆ្នាំ២០១៥ តុលាការបានសម្រេចឃុំខ្លួនលោក ហុង សុខហួរ ដាក់ពន្ធនាគារព្រៃស។

ទោះជាយ៉ាងនេះក្តី ក៏នៅព្រឹកថ្ងៃដដែលនេះ នៅមិនទាន់មានសេចក្តីរាយ ការណ៍ពិស្តាស្តីពីលទ្ធផលនៃអង្គជំនុំជម្រះនៅឡើយទេ៕ដោយ៖ខេមរា

រាជរដ្ឋាភិបាល និងក្រុមហ៊ុនចែកចាយប្រេងឥន្ធនៈស្វែងរករូបមន្តបញ្ចុះតម្លៃប្រេងនៅកម្ពុជា

October 2, 2015សេដ្ឋកិច្ចមេគង្គ ប៉ុស្តិ៍

រាជធានីភ្នំពេញ៖បន្ទាប់ពីកិច្ចប្រជុំស្តីពីការកំណត់តម្លៃប្រេងឥន្ធនៈនៅកម្ពុជាដែល រៀបចំឡើងនៅក្រសួងពាណិជ្ជកម្មដែលមានការចូលរួមពីតំណាងមកពីក្រសួង សេដ្ឋកិច្ចនិងហិរញ្ញវត្ថុក្រសួងរ៉ែនិងថាមពលនិង បណ្តាក្រុមហ៊ុនចែកចាយប្រេងឥន្ធនៈ ទាំងអស់នៅកម្ពុជាកាលពីរសៀលថ្ងៃទី១ ខែតុលាឆ្នាំ ២០១៥ភាគីទាំងសងខាង(រាជរដ្ឋាភិបាល និងក្រុមហ៊ុន)បានឯកភាពគ្នាស្វែងរករូបមន្តជារួមមួយក្នុងការកំណត់តម្លៃលក់ប្រេងឥន្ធនៈនៅលើទីផ្សារ។
ក្រុមហ៊ុនចែកចាយប្រេងឥន្ធនៈទាំងអស់ បង្ហាញនូវវិធីសាស្ត្រ ក៏ដូចជារូបមន្ត ដែលពួកគេប្រើ ដើម្បីកំណត់តម្លៃលក់ ហើយក្រុមហ៊ុនទាំងអស់ សន្យាថានឹងផ្តល់ជូនឲ្យក្រសួង នៅថ្ងៃទី២ ខែ តុលា ២០១៥។
ក្រោយពីបានទទួលរូបមន្តកំណត់ថ្លៃ ពីក្រុមហ៊ុនហើយ ក្រសួងពាណិជ្ជកម្ម នឹងធ្វើការប្រជុំជាមួយនឹងក្រសួងពាក់ព័ន្ធ ដូចជាក្រសួងរ៉ែ និងថាមពលក្រសួងសេដ្ឋកិច្ច និងហិរញ្ញវត្ថុ ដើម្បីពិភាក្សាអំពីការកំណត់រូបមន្តនេះថ្នាក់រាជរដ្ឋាភិបាលនៅថ្ងៃទី៥ ខែតុលា ឆ្នាំ ២០១៥។
ក្រោយពីប្រជុំថ្នាក់រាជរដ្ឋាភិបាលរួច នៅថ្ងៃទី០៦ ខែតុលា ឆ្នាំ២០១៥ ក្រសួងនឹងកោះអញ្ជើញ បណ្តាក្រុមហ៊ុនចែកចាយប្រេងឥន្ធនៈទាំងនោះ មកប្រជុំជាថ្មីម្តងទៀត ដើម្បីកំណត់យករូបមន្ត កំណត់ថ្លៃរួមមួយ៕

ក្រសួងការពារជាតិរុស្ស៊ីអះអាងថាវាយចំគោលដៅក្រុមISIS ៤កន្លែង តែNATOថាខុស

October 2, 2015ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

រុស្ស៊ី៖យោងតាមការបញ្ជាក់របស់ក្រសួងការពារជាតិរុស្ស៊ីកាលពីម្សិលមិញបានឲ្យដឹងថា កងកម្លាំងរបស់ខ្លួនបានបើកការវាយប្រហារ តាមដែនអាកាសថ្មីមួយទៀត នៅក្នុងប្រទេសស៊ីរីទាំងយប់ ដោយបានវាយប្រហារ លើគោលដៅរបស់ក្រុមឧទ្ទាមរដ្ឋឥស្លាមចំនួន៤កន្លែង។ នេះបើតាមការចេញផ្សាយពីព័ត៌មាន Channel News Asia។
យន្តហោះចម្បាំងប្រភេទ Sukhoi-24M និងយន្តហោះប្រភេទ Sukhoi-25 បានចេញហោះហើរវាយប្រហារចំនួន៨ដង ដោយបានវាយប្រហារទៅលើ កន្លែងស្តុកទុករំសេវ នៅជិតទីក្រុង Idlib ប្រទេសស៊ីរី ព្រមទាំងបានវាយប្រហារទៅលើមណ្ឌលបញ្ជាការដ្ឋានកម្ពស់៣ជាន់ របស់ក្រុមឧទ្ទាមរដ្ឋឥស្លាមនៅជិតទីក្រុង Hama ផងដែរ។
ដោយឡែកទាក់ទងនឹងការវាយប្រហារតាមដែនអាកាសរបស់រុស្ស៊ីនេះដែរ អគ្គលេខាធិការរបស់អង្គការ NATO លោក Jens Stoltenberg បានថ្លែងថា ការវាយប្រហារតាមដែនអាកាសរបស់កងទ័ពរុស្ស៊ីនៅក្នុងប្រទេសស៊ីរីមិនចំគោលដៅ និងទីតាំងរបស់ក្រុម ISIS នោះទេ តែផ្ទុយទៅវិញ បែរចំកន្លែងទីតាំងក្រុមឧទ្ទាមស៊ីរីទៅវិញ។
គួរបញ្ជាក់ថា ការវាយប្រហាររបស់រុស្ស៊ីប្រឆាំងក្រុមISIS នៅក្នុងប្រទេសស៊ីរីនេះបានធ្វើឡើងកាលពីយប់ថ្ងៃពុធ បន្ទាប់ពីទទួលបានការឯកភាពពីក្រុមប្រឹក្សាភិបាលសភាជាន់ខ្ពស់តាមសំណើរបស់ប្រធានាធិបតីរុស្ស៊ីលោក Vladimir Putin៕

ជំនួបជាថ្មីរវាងបក្សកាន់អំណាច និងបក្សប្រឆាំងរបស់កម្ពុជានៅតែមិនទាន់ឯកភាពគ្នា

October 1, 2015ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ភ្នំពេញ: តាមការគ្រោងទុក គណបក្សដែលមានអាសនៈក្នុងសភាកម្ពុជាទាំងពីរបានជួបពិភាក្សាពីកិច្ចការដែលនៅសេសសល់អស់រយៈពេលជិត២ម៉ោងនៅល្ងាចថ្ងៃនេះ ប៉ុន្តែលទ្ធផលនៅតែមិនទាន់ត្រូវរ៉ូវគ្នាទាំងស្រុងនៅឡើយ។

សូមជម្រាបថា ក្នុងកិច្ចប្រជុំជិត ២ ម៉ោង ចាប់ពីម៉ោង ៥ ដល់ម៉ោងជិត ៧ យប់ថ្ងៃទី១តុលានេះ គឺថ្នាក់ដឹកនាំកំពូលគណបក្សប្រជាជនកម្ពុជា និងគណបក្សសង្គ្រោះជាតិ ដឹកនាំដោយសម្តេចសខេង និងលោកសមរង្ស៊ី មិនទាន់បានឯកភាពគ្នាទាំងស្រុងនៅឡើយទេ លើការវិសោធនកម្មកែប្រែបទបញ្ជាផ្ទៃក្នុងរដ្ឋសភា និងការកែប្រែច្បាប់បោះឆ្នោតក្រុមប្រឹក្សាឃុំសង្កាត់។ ថ្នាក់ដឹកនាំទាំងពីរគណបក្ស បានសន្យាថា នឹងបន្តជួបគ្នានៅសប្តាហ៍ក្រោយទៀត។

ពេលចប់កិច្ចប្រជុំ លោក ប៉ែនបញ្ញា តំណាងខាងគណបក្សប្រជាជនកម្ពុជា និងលោក អេងឆៃអ៊ាង តំណាងខាងគណបក្សសង្គ្រោះជាតិ បានធ្វើសន្និសីទកាសែតរួមគ្នានៃកិច្ចប្រជុំ នៅព្រលប់ថ្ងៃទី១តុលានេះ នៅរដ្ឋសភា។ កិច្ចប្រជុំដោយបិទទ្វារនោះ បានពិភាក្សាលើចំណុចសេសសល់នៃការកែប្រែវិសោធនកម្មបទបញ្ជាផ្ទៃក្នុងរ ដ្ឋសភា។

កិច្ចប្រជុំនោះ ត្រូវបានអ្នកនាំពាក្យអះអាងថា មិនតឹងតែងនោះទេ តែក៏មិនមានការសម្រេចអ្វីជាដុំកំភួនលើការកែប្រែច្បាប់ទាំងពីរនោះនៅឡើយ៕ដោយ៖រដ្ឋា

មេធាវីការពារក្តីលោក ហុង សុខហួរ នឹងប្រាប់ចៅក្រមឲ្យទម្លាក់ចោលការ ចោទប្រកាន់

October 1, 2015ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ភ្នំពេញះសំណុំរឿងអតីតសមាជិកព្រឹទ្ធសភាគណបក្សប្រឆាំង លោក ហុង សុខហួរ នឹងត្រូវតុលាការបើកសវនាការនៅថ្ងៃទី២ ខែតុលា នេះ ខណៈលោកមេធាវីការពារក្តីបានលើកឡើងថានឹងស្នើឲ្យចៅក្រមទម្លាក់ចោលការចោទប្រកាន់ព្រោះការចាប់ឃុំខ្លួននោះខុសនឹងនីតិវិធី។

មេធាវីការពារក្តីឲ្យមន្ត្រីបក្សប្រឆាំងអះអាងថា នឹងស្នើឲ្យចៅក្រមពិចារណាទម្លាក់ចោលការចោទប្រកាន់លើកូនក្តីរបស់ខ្លួនក្នុងអង្គសវនាការដែលគ្រោងធ្វើនៅថ្ងៃសុក្រទី២ ខែតុលា ដោយចាត់ទុកថាការចាប់ខ្លួនកូនក្តីគឺមន្ត្រីអនុវត្តច្បាប់ធ្វើឡើងខុសនីតិវិធី។

គួររំឭកថា សមាជិកព្រឹទ្ធសភារបស់គណបក្ស សម រង្ស៊ី លោក ហុង សុខហួរ ត្រូវសមត្ថកិច្ចចាប់ខ្លួនកាលពីពាក់កណ្តាលខែសីហា ក្រោយពីសមត្ថកិច្ចរកឃើញថា មន្ត្រីជាន់ខ្ពស់របស់បក្សប្រឆាំងរូបនេះ បានសរសេរនៅក្នុងហ្វេសប៊ុកដោយកែបន្ថែមពាក្យពេចន៍ខ្លះខុសពីខ្លឹមសារដើមនៃសន្ធិសញ្ញាព្រំដែនជាមួយវៀតណាមឆ្នាំ១៩៧៩។

ពីរថ្ងៃក្រោយមក តុលាការបានសម្រេចឃុំបណ្តោះអាសន្នលើជនត្រូវចោទរូបនេះ៊ នៅពន្ធនាគារព្រៃស រង់ចាំសវនាដែលគេដឹងថារងការចោទប្រកាន់ចំនួន៣ករណីគឺបទក្លែងឯកសារសាធារណៈ ប្រើប្រាស់ឯកសារសាធារណៈក្លែងក្លាយ និងញុះញង់ឲ្យមានការប្រព្រឹត្តបទឧក្រិដ្ឋ ដែលនឹងប្រព្រឹត្តិទៅនៅថ្ងៃទី២ ខែតុលា ឆ្នាំ២០១៥ នេះ៕ដោយ៖ខេមរា

សមាជិកព្រឹទ្ធសភាលោក ហុង សុខហួរ ( ពាក់អាវធំក្រវ៉ាត់ក ) ពេលសមត្ថកិច្ចនាំទៅកាន់សាលាដំបូងរាជធានីភ្នំពេញ កាលពីថ្ងៃទី១៦ ខែសីហា ឆ្នាំ២០១៥

បង្ក្រាប និងរឹបអូសឆ្នាំងដាំបាយអគ្គិសនីជិត៣០០គ្រឿងដែលនាំចូលខុសច្បាប់

October 1, 2015ព័ត៌មានថ្មីចុងក្រោយ, ព្រឹត្តិការណ៍កម្ពុជា, សេដ្ឋកិច្ចមេគង្គ ប៉ុស្តិ៍

ភ្នំពេញះប៉ូលិសសេដ្ឋកិច្ចក្រុងភ្នំពេញ អមដោយសមត្ថកិច្ចតុលាការផងនោះ នៅរសៀលថ្ងៃព្រហស្បតិ៍នេះ បានចុះឆែកឆេរ និងរឹបអូសនូវគ្រឿងប្រើប្រាស់ប្រភេទឆ្នាំងដាំបាយអគ្គិសនីម៉ាសាប(SHAP)ជិត៣០០គ្រឿងដែលលួចនាំចូលខុសច្បាប់ យោងតាមបណ្តឹងរបស់ក្រុមហ៊ុនមួយដែលបានចុះបញ្ជីការស្របច្បាប់នៅក្រសួងពាណិជ្ជកម្ម។

មន្ត្រីនគរបាលម្នាក់បានប្រាប់ថា ប្រតិបត្តិកសរនេះដឹកនាំដោយលោកវរសេនីឯក យឹម សុជាតិ នាយការិល័យប្រឆាំងបទល្មើសសេដ្ឌកិច្ចស្នងការនគរបាលរាជធានីភ្នំពេញសហការជាមួយគណៈកម្មាធិការប្រឆាំងបទល្មើសផលិតផលក្លែងក្លាយ ដោយមានការសម្របសម្រួលពីព្រះរាជអាជ្ញាសាលាដំបូងរាជធានីភ្នំពេញលោក សៀង សុខ បានចុះធ្វើការឆែកឆេរនៅផ្ទះល្វែងលេខ16B ផ្លូវលំ271 ស្ថិតក្នុងភូមិត្រពាំងឈូក សង្កាត់ទឺកថ្លា ខណ្ឌសែនសុខ កាលពីវេលាម៉ោង២និង៣០នាទីរសៀលថ្ងៃទី០១តុលាឆ្នាំ២០១៥ ។

ប្រភពដដែលបន្តថា ប្រតិបត្តិការនេះ យោងតាមពាក្យបណ្តឹងរបស់ក្រុមហ៊ុននាំចូលផលិតផលប្រើប្រាស់ម៉ាកសាប ស្របច្បាប់ពីបទរំលោភកម្មសិទ្ធិបញ្ញា។ក្រោយពេលឆែកឆេរផ្ទះល្វែងខាងលើនេះសមត្ថកិច្ចបានរកឃើញផលិតផលឆ្នាំងដាំបាយអគ្គិសនីម៉ាកសាបចំនួន២៥៥គ្រឿង និងបាននាំយកទៅកាន់ការិយាលយ័ប្រឆាំងបទល្មើសសេដ្ឋកិច្ចរាជធានីភ្នំពេញ បន្ទសប់មកនឹងកោះអញ្ជើញម្ចាស់ផ្ទះដែលស្តុកទំនិញខាងលើនេះឲ្យខ្លួនទៅបំភ្លឺនៅមុនពេលកសាងសំណុំរឿងចាត់ការតាមនិតិវិធី៕ដោយ: សួង សាម រាយការណ៍បន្ថែម:បញ្ញា

ចាប់កូនប្រុសឧកញ៉ា ខេន សុភា តាមដីការំលោភសេចក្តីទុកចិត្តកាលពីឆ្នាំ២០១៤

October 1, 2015ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ភ្នំពេញ៖ កូនប្រុសបង្កើតរបស់លោកឧកញ៉ា ខេន សុភា នៅព្រឹកថ្ងៃទី០១ ខែតុលា ឆ្នាំ២០១៥នេះ ត្រូវកម្លាំងនគរបាលប៉ុស្តិ៍ផ្សារដេប៉ូទី៣ ខណ្ឌទួលគោក ស្រាវជ្រាវ និងចាប់ខ្លួន តាមដីការបស់សាលាដំបូងរាជធានីភ្នំពេញ ស្ថិតនៅមុខផ្សារសាមគ្គី ក្នុងរាជធានី ពីបទរំលោភលើសេចក្តីទុកចិត្តដែលបានប្រព្រឹត្តកាលពីឆ្នាំ២០១៤។

ជនល្មើស ដែលចាប់ខ្លួនតាមដីកា តុលាការលេខ ៦៧២ ចុះនៅថ្ងៃទី២០ ខែវិច្ឆិកា ឆ្នាំ២០១៤ របស់លោក អ៉ី ឋាវរៈ ចៅក្រមស៊ើបសួរនៃសាលាដំបូងរាជធានីភ្នំពេញនោះ មានឈ្មោះ ខេន សម្បត្តិ អាយុ២៨ឆ្នាំ មុខរបរមិនពិតប្រាកដ ស្នាក់នៅផ្ទះលេខ ៦៧០ E0, E1 ផ្លូវលេខ១២៨ ភូមិ២ សង្កាត់ផ្សារដេប៉ូទី២ ខណ្ឌទួលគោក រាជធានីភ្នំពេញ ឱពុកឈ្មោះ ខេន សុភា ម្តាយឈ្មោះ ជា សុខហ៊ាង ជានីតិជន ដោយចោទពីបទ រំលោភលើសេចក្តីទុកចិត្ត ដែលប្រព្រឺត្តនៅចំណុចផ្ចះលេខ៤ ផ្លូវលេខ ៥៥២ ក្រុម៣៣ សង្កាត់បឺងកក់១ ខណ្ឌទួលគោក រាជធានីភ្នំពេញ កាលពីថ្ងៃទី០២ ខែមិថុនា ឆ្នាំ២០១៤។

ក្រោយពីចាប់ខ្លួនកូនប្រុសឧកញ្ញា ខេន សុភា ភ្លាម សមត្ថកិច្ច បានបញ្ជូនទៅសួរនាំ នៅអធិការដ្ឋាននគរបាល ខណ្ឌទួលគោក ដើម្បីកសាងសំណុំរឿងបញ្ជូនទៅកាន់សាលាដំបូរាជធានីភ្នំពេញចាត់ការតាមដីការរបស់តុលាការ៕គ.បញ្ញា

ពលរដ្ឋស្នើអាជ្ញាធរឲ្យចាត់ការរោងចក្រក្រោនផលិតសំបកកំប៉ុងដែលបំពុល បរិស្ថាន

October 1, 2015ព័ត៌មានគួរចាប់អារម្មណ៍, ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ភ្នំពេញៈរោងចក្រក្រោន បេ វេ រេដ ខេនស៍ ខេមបូឌាលីមីធីត (Crown Beverage Cans Cambodia LTD) ដែលស្ថិតនៅតាមបណ្ដោយផ្លូវវេងស្រេងភូមិត្រពាំងថ្លឹង សង្កាត់ចោមចៅបានរងនូវការរិះគន់ឥតសំចៃពីសំណាក់ប្រជាពលរដ្ឋជាច្រើនគ្រួសារដែលរស់នៅជិតរោងចក្រនោះ ដោយបានអំពាវនាវឲ្យស្ថាប័នជំនាញពាក់ព័ន្ធចាត់វិធានការឲ្យតឹងរ៉ឹង ឬផ្អាកបណ្តោះអាសន្ន ព្រោះក្លិនដ៏អសោច និងសំឡេងដែលលាន់ទ្រហឹងឥតឈប់បានបង្កផលប៉ះពាល់ដល់សុខភាព និងការរស់នៅយ៉ាងធ្ងន់ធ្ងរ។

មន្ត្រីអាជ្ញាធរមូលដ្ឋានមួយរូបសុំមិនបញ្ចេញឈ្មោះបានប្រាប់ឲ្យដឹងថា ប្រជាពលរដ្ឋជាច្រើនគ្រួសារដែលរស់នៅបុរីពិភពថ្មី២ ស្ថិតនៅភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ ជិតរោងចក្រក្រោន បេ វេ រេដ ខេនស៍ ខេមបូឌាលីមីធីត (Crown Beverage Cans Cambodia LTD) ពិតជារងនូវសំឡេងរំខាន បំពុលរិស្ថានដោយក្លិននៃសារធាតុគីមីភាយចេញពីរោងចក្រ។ប្រភពបន្តថា តាមការឲ្យដឹងគឺរោងចក្រនេះ ជាកន្លែងផលិតសំបកកំប៉ុង។

បុរស ស្ត្រី ជាច្រើននាក់បាននិយាយដោយកំហឹងប្រាប់ មេគង្គប៉ុស្តិ៍ ថា រោងចក្រនេះបង្កការរំខានដល់ការរស់នៅរបស់បងប្អូនដែលរស់នៅក្នុងតំបន់នេះយូរឆ្នាំកន្លងមកហើយ គ្មានសមត្ថកិច្ចថ្នាក់ណាមួយចេញមុខមកជួយដោះស្រាយដល់ប្រជាពលរដ្ឋនោះទេ ហើយបើនិយាយពីមន្ត្រីអាជ្ញាធរមូលដ្ឋានវិញគឺបាត់មុខឲ្យឈឹងតែម្តង ។ពួកគាត់ថា ការបញ្ឆេះម៉ាស៊ីនភ្លើងទាំងថ្ងៃទាំងយប់គឺ 24ម៉ោងលើ24ម៉ោងលាន់ឮទ្រហឹងអឺងអាប់ បានប៉ះពាល់ដល់ការសម្រាក ការរៀនសូត្រ ជាយូរឆ្នាំមកហើយ ហេតុអីក៏ថៅកែរោងចក្រមិនយកត្រចៀកស្តាប់ មិនយកភ្នែកមើលផង ម្តេចក៏គិតតែផលប្រយោជន៍ផ្ទាល់ខ្លួនបែបនេះ។

ពលរដ្ឋដដែលបន្តថា មិនតែប៉ុណ្ណោះ រោងចក្រមួយនេះ ក៏បង្កឲ្យមានផ្សែងធុំក្លិនឈ្ងៀម ប៉ះពាល់ដល់ការដកដង្ហើម ធុំក្លិនប្រេងប្រេងឥន្ធន:ថែមទៀតផង ជាពិសេស ប៉ះពាល់ដល់កូនចៅតូចៗរបស់ពួកគាត់ដែលកំពុងតែសិក្សា ថ្លង់នឹងសំលេងដ៏ទ្រហឹងដែលឮចេញពីរោងចក្រ រៀនមិនកើត សម្រាកមិនបាន ។

ប្រភពដដែលអះអាងទៀតថា ករណីនេះ មិនមែនទើបតែប៉ះពាល់ឥឡូវនេះទេ ពោលគឺប៉ះពាល់ជាច្រើនឆ្នាំមកហើយ មិនមានអាជ្ញាធរណាចេញមុខមកដោះស្រាយជូនពួកគាត់ទេ រីឯខាងរោងចក្រវិញ ក៏មិនអើពើចំពោះបញ្ហាដែលកំពុងតែកើតមានឡើងនេះទេ គឺគិតតែផលប្រយោជន៍អាជីវកម្មផ្ទាល់ខ្លួនមិនគិតពីផលប៉ះពាល់ដល់អ្នកដទៃនោះឡើយ។

ពួកគាត់បញ្ជាក់ថា មានប្រជាពលរដ្ឋខ្លះបានចាកចេញពីបុរីពិភពថ្មី២នេះ ទៅរស់នៅកន្លែងផ្សេងដោយសារទ្រាំមិនបាននូវសម្លេងរំខាន និងធុំក្លិនឈ្ងៀមចេញពីរោងចក្រក្រោននេះតែម្ដង ក៏ប៉ុន្តែក៏មានអ្នកខ្លះទៀតចេះតែទ្រាំរស់នៅទីនេះដដែល ដោយសារគ្មានជម្រើស ។គាត់ថា កន្លងមកពួកគាត់បានស្វះស្វែងរកអ្នកសារព័ត៌មាន ដើម្បីឲ្យជួយផ្សព្វផ្សាយដល់ភាគីខាងរោចក្រ ក៏ដូចជា អាជ្ញាធរពាក់ព័ន្ធដើម្បីរកវិធានការជួយដោះស្រាយដែរតែមិនទាក់ទងបាន។

ក្រុមអ្នកសារព័ត៌មានមិនអាចទទួលការបកស្រាយពីខាងរោងចក្រខាងលើបានទេ ដោយគេប្រាប់ថាជាប់រវល់ៗមិនអាចជួបបាន៕

ដោយ៖គ.បញ្ញា

ខ្សែប្រយុទ្ធ Spur, Son Heung-min របួសប្រអប់ជើង

October 1, 2015កីឡាមេគង្គ ប៉ុស្តិ៍

គ្រូបង្វឹករបស់ក្លិបមាន់ខ្នាយមាស Tottenham Hotspur លោក Mauricio Pochettino បាននិយាយថា ខ្សែប្រយុទ្ធ Son Heung-min នឹងអវត្តមានឲ្យក្លិបមួយនេះរយៈពេល ៣សប្ដាហ៍ ដោយសារតែមានរបួស។
យោងតាម ការចុះផ្សាយរបស់សារព័ត៌មាន Sky Sports News បានឲ្យដឹងថា កីឡាករសញ្ជាតិកូរ៉េខាងត្បូងវ័យ២៣ឆ្នាំរូបនេះបានរងរបួសប្រអប់ជើង ហើយត្រូវបានធ្វើការផ្លាស់ប្ដូរចេញពីទីលាននៅនាទីទី១៣អំឡុងពេលក្លិបមាន់ខ្នាយមាស Tottenham Hotspur ជួបជាមួយនឹងក្លិបមេឃខៀវ Manchester City កាលពីថ្ងៃសៅរ៍សប្ដាហ៍មុន។
គួរបញ្ជាក់ថា កីឡាករ Son Heung-min នឹងត្រូវអវត្តមានក្នុងជំនួបជាមួយនឹងក្លិបរបស់ប្រទេសបារាំង AS Monaco ក្នុងកម្មវិធី Europa League នៅយប់នេះផងដែរ៕

ជីរអង្កាមផ្តល់គុណសម្បត្តិល្អអ្វីខ្លះចំពោះសុខភាព?

October 1, 2015សុខភាពមេគង្គ ប៉ុស្តិ៍

ស្លឹកជីរអង្កាមត្រូវបានអ្នកវិទ្យាសាស្ត្រដាក់ឈ្មោះអោយថា Mentha piperita វាជាប្រភេទថ្នាំបុរាណដែលទទួលបាននូវប្រជាប្រិយភាពទូទាំងសកលលោក។ មានផលិតផលជាច្រើន ដែលបានបង្កើតចេញពី ជីរអង្កាមមានដូចជា៖ស្ករកៅស៊ូ, ថ្នាំដុសធ្មេញ,ទឹកខ្ពុរមាត់,ទឹកបាញ់មាត់អោយមានខ្យល់ដង្ហើមល្អ និងប្រេងខ្យល់ជាដើម។ តើអ្នកមានដឹងទេថា វាមានអត្ថប្រយោជន៍ចំពោះសុខភាពយ៉ាងណានោះ ?
ខាងក្រោមនេះ គឺរជាគុណសម្បត្តិចំពោះសុខភាពទាំង ៦យ៉ាងដែលអ្នកនឹងទទួលបានពីសន្លឹកជីអង្កាម
១. អត្ថប្រយោជន៍មួយដ៏ចំបង របស់ជីរអង្កាមចំពោះសុខភាពយើងរាល់គ្នានោះគឺ ប្រសិទ្ធិភាពរបស់វា ទៅលើប្រព័ន្ធរំលាយអាហារ។ ក្លិនដ៏ឈ្ងុយឈ្ងប់របស់វា គឺនឹងអាចជម្រុញធ្វើអោយ ក្រពេញទឹកមាត់ និង ប្រព័ន្ធអង់ស៊ីមរំលាយអាហារនៅក្នុងរាងកាយមានដំណើរការបានល្អ។
ស្លឹកជីរអង្កាម ក៏ត្រូវបានប្រើជាឱសថសម្រាប់ព្យាបាលបញ្ហាមិនរំលាយអាហារ និង ជំងឺក្រពះផងដែរ។ នៅពេលដែលអ្នកឈឺពោះ នោះអ្នកអាចសម្រាលនូវការឈឺចាប់នេះ ដោយការញុំាទឹកតែជីអង្កាមមួយកែវ។ ក្លិននៃជីអង្កាម ក៏មានប្រយោជន៍ផងដែរ ក្នុងការព្យាបាលដល់អាការៈចង់ក្អួតចង្អោរ និង ឈឺក្បាល។ ប្រេងម៉ង់តុល ដែលផ្សំពីជីរអង្កាម ត្រូវបានប្រើជាទូទៅ ដើម្បីសម្រួល និង បង្ការនូវអាការៈពុលឡាន ឬ ក្អួតចង្អោររបស់អ្នកធ្វើដំណើរ។
២. ប្រេងជីរអង្កាម គឺជាសារធាតុភ្ញោចម្យ៉ាង ដូច្នេះវាមានគុណសម្បត្តិក្នុងការព្យាបាលបញ្ហានៃជំងឺធ្លាក់ ទឹកចិត្ត,ស្ត្រេស និងការឈឺក្បាល។ អ្នកក៏អាច ធ្វើការត្រាំខ្លួនក្នុងអាងទឹក ដែលមានអប់ក្លិនប្រេងជីរអង្កាម ឬ អាចបន្តក់វាប៉ុន្មានតំណក់នៅលើខ្នើយកើយរបស់លោកអ្នកដើម្បីអាចអោយ អ្នកដកដង្ហើមចេញចូលបានល្អ។
៣.ជីរអង្កាមអាចជួយ អោយអ្នកស្រកទម្ងន់ ពីព្រោះវាអាចជួយជម្រុញអោយមានការរំលាយខ្លាញ់ ដែលលើសចេញពីរាងកាយ។ អ្នកអាចធ្វើការចិញ្ច្រាំ ឬ ទំពារស្លឹកជីរអង្កាមរួចទទួលទានជាមួយនឹង ទឹកតែ ឬ ពងទាចៀន ។
៤. ក្លិនដ៏ខ្លាំងនៃសន្លឹកជីរអង្កាម ក៏អាចផ្តល់អត្ថប្រយោជន៍ ផងដែរទៅដល់ ប្រព័ន្ធដកដង្ហើម និង ត្រូវបានគេប្រើ ដើម្បីព្យាបាលភាពមិនប្រក្រតីផ្សេងៗ ដែលកើតមានចំពោះប្រព័ន្ធដង្ហើម។ វាពិតជាប្រសិទ្ធិភាព ក្នុងការសម្រួលដល់អាការៈតឹងច្រមុះ, បញ្ហានៅក្នុងបំពង់ក, ទងសួត និង សួត ព្រមទាំងព្យាបាលផងដែរ នូវ ជំងឺផ្លូវដង្ហើមមួយចំនួនដូចជា ជំងឺហឺត និង បញ្ហានៃការក្អក។
៥. សន្លឹកជីរអង្កាម ក៏មានមុខងារ និង អត្ថប្រយោជន៍ល្អចំពោះសុខភាពមាត់ធ្មេញផងដែរ។ វាត្រូវបានគេ បង្កើតជាថ្នាំដុសធ្មេញ និង ទឹកខ្ពុរមាត់ ពីព្រោះតែនៅក្នុងជីរអង្កាម គឺមានសមាសធាតុប្រឆាំងនឹងពពួកបាក់តេរីតូចៗ នៅក្នុងមាត់ បានយ៉ាងល្អ។ អ្នកគ្រាន់តែធ្វើការទំពារ ស្លឹកជីរអង្កាមជាប្រចាំ នោះវាក៏នឹង អាចជួយអ្នក ប្រឆាំងបានទៅនឹងការរីកលូតលាស់ របស់ពពួកបាក់តេរី នៅក្នុងមាត់,ធ្មេញ និង អណ្តាត បានដែរ។
៦. ក្រៅពីនេះទៀត ជីរអង្កាមគឺពិតជាល្អ ចំពោះសុខភាពស្បែក ដូច្នេះ វាក៏ត្រូវបានគេប្រើសម្រាប់ ការព្យាបាលបញ្ហាមុន, សត្វល្អិតទិចឬ ខាំ និង ការរលាកផ្សេងៗនៅលើស្បែកបានយ៉ាងមានប្រសិទ្ធិភាព៕

តំណាងក្រុមហ៊ុន Volkswagen នៅអាមេរិកអះអាងថា អាចទប់ទល់នឹងវិបត្តិបច្ចុប្បន្ននេះបាន

October 1, 2015ព័ត៌មានថ្មីចុងក្រោយ, សេដ្ឋកិច្ចមេគង្គ ប៉ុស្តិ៍

អាមេរិក៖អ្នកចាត់ការទូទៅនៃក្រុមហ៊ុន Volkswagen លោក Alan Brown ប្រចាំនៅទីក្រុង Frisco រដ្ឋតិចសាស់នៅតែបង្ហាញទំនុកចិត្តយ៉ាងមុតមាំថា ក្រុមហ៊ុននឹងអាចជួយសម្រួលដល់អ្នកចែកចាយ និងអតិថិជនដែលរងផលប៉ះពាល់នេះ។
រថយន្តសម្រាប់គោលដៅពាណិជ្ជកម្ម និងកូនឡានរបស់ក្រុមហ៊ុន Volkswagen រាប់ចាប់ពីម៉ូដែលដែលផលិតនៅក្នុងប្រទេសអេស្ប៉ាញផងក៏ស្ថិតនៅក្នុងចំណោមរថយន្តចំនួន១១លានគ្រឿងដែលមានបញ្ហានេះដែរ។
ចំណែកឯក្រុមហ៊ុន Volkswagen វិញបានអះអាងថា ពួកគេនឹងបង្ហាញក្រុមអាជ្ញាធរនូវដំណោះស្រាយនិងវិធានការបច្ចេកទេសដើម្បីកែខៃបញ្ហានេះឱ្យបាននៅក្នុងខែតុលានេះ។ ប៉ុន្តែទោះជាយ៉ាងណាក៏ដោយបើយោងតាមនាយកប្រតិបត្តិ Matthias Mueller បានឱ្យដឹងថា មិនមែនរថយន្តទាំង១១លានគ្រឿងនេះសុទ្ធតែបំពាក់កម្មវិធីនេះទេ។
គួរបញ្ជាក់ថា ក្រុមហ៊ុន Volkswagen បានសារភាពហើយថា ពិតជាបានបំពាក់កម្មវិធីមួយដើម្បីលាក់បាំងការបញ្ចេញសារធាតុពុលពិតប្រាកដមែននៅក្នុងសហរដ្ឋអាមេរិក ហើយខាងអាជ្ញាធរអាមេរិកផ្ទាល់បាននិយាយថាមានរថយន្តប្រភេទនេះរហូតដល់ ៤៨២.០០០ គ្រឿងឯណោះ៕

ប៉ូលិសបញ្ជូនជនអន្តោប្រវេសន៍ខុស ច្បាប់៤០នាក់ចេញពីកម្ពុជា

October 1, 2015ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ភ្នំពេញ៖ អគ្គនាយកដ្ឋានអន្តោរប្រវេសន៍ បានបញ្ជូនអន្តោរប្រវេសន៍ខុសច្បាប់ជនជាតិវៀតណាមចំនួន៤០នាក់ ក្នុងនោះមានស្រី៥នាក់ និងជនជាតិម៉ូរ៉ុកូម្នាក់ អោយទៅមាតុប្រទេសវិញកាលពីវេលាម៉ោង ៩ និង ៣០នាទីព្រឹកថ្ងៃទី១ ខែតុលា ឆ្នាំ២០១៥ តាមច្រកព្រំដែនអន្តរជាតិបាវិត។

តាមសម្តីលោកឧត្តមសេនីយ៍ទោ អ៊ុក ហៃសិលា ប្រធានអគ្គនាយកដ្ឋានអន្តោរប្រវេសន៍បានប្រាប់អោយដឹងថា ជនអន្តោប្រវេសន៍ខាងលើត្រូវបាននាំខ្លួនចេញពីរាជធានីភ្នំពេញ ខេត្តសៀមរាប និងខេត្តកំពង់ធំ ។

ថ្លែងទៅកាន់ជនអន្តោប្រវេសន៍ខាងលើ លោក បានប្រាប់ ថា ហាមឆ្លងដែនមកខុសច្បាប់ទៀត ប៉ុន្តែបើពួកគាត់មានបំណងមកលេងបងប្អូននៅត្រូវមានលិខិតឆ្លដែនត្រឹមត្រវ មិនអាចគេចវេសលួចជ្រកកោនខុសច្បាប់នោះទេ៕ សួង សាម

ធ្លាយរឿងនារីម្នាក់នៅអាមេរិកទារលុយពីតារាសម្បូរស្នេហ៍ ប៉ែន ចំរ៉ុង

October 1, 2015ព័ត៌មានថ្មីចុងក្រោយ, ព្រឹត្តិការណ៍កម្ពុជា, សិល្បៈ / កម្សាន្តមេគង្គ ប៉ុស្តិ៍

ភ្នំពេញ៖ថ្មីៗនេះ មានការទម្លាយថាអតីតសង្សារចាស់របស់លោកប៉ែន ចំរ៉ុង បានទាក់ទងទៅដោយផ្ទាល់សុំឲ្យលោក អ៊ិន សុភិន ទប់ស្កាត់ភិន សុដាលីស កុំឲ្យបន្តស្នេហាជាមួយប៉ែន ចំរ៉ុង។ នេះជាព័ត៌មានរសើបមួយថ្មីបន្ថែមពីលើការប្រកាសទារលុយពីម្ចាស់គណនីហ្វេសប៊ុកមួយ ដែលតម្រូវឲ្យ ប៉ែន ចំរ៉ុង សងលុយនារីម្នាក់ ដើម្បីចង់បញ្ចប់រឿង។ អញ្ចឹងហើយទើបលោកអ៊ិន សុភិន សុំឲ្យប៉ែន ចំរ៉ុង ជួយការពារសុវត្ថិកូនខ្លួន ក្នុងពេលដំណឹងរៀបការរបស់ពួកគេកាន់តែប្រាកដឡើងក្នុងពេលដ៏ខ្លី។

តាម វីអូដេ បានរាយការណ៍ថា ឪពុករបស់ ភិន សុដាលីស បានអះអាងថា មាននារីម្នាក់ឈ្មោះ ផល្លា ថាច់ រស់នៅអាមេរិកបានទាក់ទងមកលោកក្រោយការផ្ទុះរឿងដោយសុំឲ្យលោកបញ្ជាក់ឲ្យច្បាស់ថា ដំណឹងស្នេហារវាងកូនស្រីនិងលោក ប៉ែន ចំរ៉ុង ជាការពិតឬក្លែងក្លាយ។ លោកបន្តថា នាងបានរៀបរាប់រឿងច្រើនពាក់ព័ន្ធប៉ែន ចំរ៉ុង ដែលកាន់តែធ្វើឲ្យលោកនិងក្រុមគ្រួសារមិនសូវសប្បាយចិត្ត។ លោកបន្ថែមថា ក្រៅពីនារីរស់នៅអាមេរិក ក៏មាននារីវ័យក្មេងម្នាក់ទៀតរស់នៅភ្នំពេញ ដែលអះអាងថានៅសិក្សាទូរស័ព្ទមកលោកដូចគ្នានិងសុំឲ្យលោកកុំយល់ព្រមចំពោះស្នេហារបស់ ដាលីស និងប៉ែន ចំរ៉ុង ផងដែរ។

លោកមានប្រសាសន៍ថា៖ “ពីរនាក់គាត់និយាយច្រើនពីចំរ៉ុង! ស្ដាប់ហើយញាក់សាច់! អញ្ចឹងហើយ ទើបខ្ញុំចេះតែបារម្ភពីសុវត្ថិភាកូនខ្ញុំ ព្រោះបើពីរនាក់ហ្នឹងគាត់អត់អី ខ្ញុំមិចដឹងថាតើមានមនុស្សប៉ុន្មាននាក់ទៀត ដែលអត់សប្បាយចិត្តនឹងចំរ៉ុងមកស្រឡាញ់ដាលីស គិតអី?”។ លោកថា ធ្លាប់បានយកសំឡេងរាយរ៉ាប់របស់នារីនៅអាមេរិកឈ្មោះផល្លា ថាច់ នោះ ឲ្យ ភិន សុដាលីស ស្ដាប់រួចហើយ ប៉ុន្តែនាងមិនមានប្រតិកម្ម ហើយបែរជាយកដំណឹងទៅប្រាប់លោក ប៉ែន ចំរ៉ុង។ លោកនិយាយថា៖ “ដល់ពេលមានគេខលមកប្រាប់ខ្ញុំ ពីរឿង ចំរ៉ុង ច្រើនអញ្ចឹង ធ្វើឲ្យខ្ញុំកាន់ភ័យនឹងសុវត្ថិភាព ដាលីស ព្រោះខ្ញុំអត់ដឹងថាតើមុននឹង ចំរ៉ុង គាត់ពាក់ព័ន្ធអ្នកណាខ្លះទេ!”។

លោកសម្ដែងការបារម្ភខ្លាចភិន សុដាលីស ត្រូវជនទី៣ធ្វើបាប ក្នុងពេលស្នេហារបស់ពួកគេកាន់តែបើកចំហ និងបានបង្ហាញភាពល្អូកល្អិន ដោយបើកចំហរ ព្រមជាមួយការប្រកាសរៀបការនៅអំឡុងឆ្នាំក្រោយនោះ។ លោកនិយាយថា៖ “ពីរបីថ្ងៃទៀត ខ្ញុំឡើងតុបំភ្លឺ(កម្មវិធីរបស់My TV) ខ្ញុំនឹងនិយាយពីរហ្នឹង គឺសុំឲ្យលោក ប៉ែន ចំរ៉ុង ការពារកូនខ្ញុំ និងទាមទារឲ្យគាត់ទទួលខុសត្រូវចំពោះកូនខ្ញុំ!”។

នេះជាព័ត៌មនបន្ថែមពីលើអ្វីដែលបានបែកធ្លាយកាលពីសប្ដាហ៍មុន បន្ទាប់ពីមានគណនីមួយឈ្មោះDara Poor Manដែលត្រូវគេស្គាល់ថា ជាមិត្តជិតស្និទ្ធិរបស់នារីឈ្មោះ ផល្លា ថាច់ បានយករូប ចំរ៉ុង និងនាងមកបង្ហោះសរសេរថា៖ “ចុះនារីម្នាក់នេះ សើចឬយំ?……សំណាងហើយនាងនៅឆ្ងាយ កុំអីជួបគ្នាថ្ងៃឡើងទូរទស្សន៍បាត់ទៅហើយលោក ចំរ៉ុង! កុំភ្លេចសងលុយនាងផង!”។ មានការទម្លាយថា នារីនៅអាមេរិកឈ្មោះ ផល្លា ថាច់ នោះ បានភ្ជាប់ទំនាក់ទំនងជាមួយលោក ប៉ែន ចំរ៉ុង យូរក្រែលមកហើយ ដោយនាងឧស្សាហ៍ឡើងចុះស្រុកខ្មែរ និងមានអ្នកសិល្បៈមួយចំនួនដឹងឮទៀតផង។
ថ្ងៃនេះ មិនអាចសុំការបកស្រាយបានទេពីលោក ប៉ែន ចំរ៉ុង និងភិន សុដាលីស ប៉ុន្តែលោក ប៉ែន រស់ បងប្រុសរបស់លោក ប៉ែន ចំរ៉ុង បានទទួលស្គាល់ពីទំនាក់ទំនងរបស់ប្អូនប្រុសនិងនារីឈ្មោះផល្លា ថាច់ រស់នៅអាមេរិក។ លោកនិយាយថា៖ “អើ…រឿងហ្នឹងបើចង់ច្បាស់គឺទាល់តែសួរគាត់(ប៉ែន ចំរ៉ុង) ព្រោះខ្ញុំឥឡូវមិនសូវបានជួបចំរ៉ុងទេ រវល់មកធ្វើចម្ការនៅសំឡូត!”។

យ៉ាងណាក៏ដោយ លោកថាម្ចាស់គណនីដែលសរសេរទារលុយប្អូនប្រុសរបស់លោកនោះ អាចជាការបង្ខូចឈ្មោះច្រើនជាង ដោយសារតែពេលកន្លងមក លោកមិនដែលដឹងថាលោក ប៉ែន ចំរ៉ុង បានទទួលចំណែកណាមួយពីនារីឈ្មោះ ផល្លា ថាច់ ក្រៅពីការរាប់អាននោះទេ។ លោកមានប្រសាសន៍ថា៖ “បើប្អូនខ្ញុំជំពាក់លុយអីគាត់មែន គាត់ខលមកខ្ញុំក៏បាន គ្រួសារខ្ញុំក៏បានគឺពួកខ្ញុំដោះស្រាយឲ្យតើ ប៉ុន្តែខ្ញុំថាអត់ពិតទេ ព្រោះត្រឹមប្រាក់៥ពាន់មួយម៉ឺន(ដុល្លារ) គ្រួសារខ្ញុំមានហើយ មិនទៅប្រឡូកប្រឡាស់អីជាមួយគាត់ទេ!”។ លោកថាដាលីសនឹងគ្មានបញ្ហាពាក់ព័ន្ធសុវត្ថិភាពដូចគ្នា ដោយសារតែពេលកន្លងមក បើទោះជាប៉ែន ចំរ៉ុង មានអ្នកស្រឡាញ់ច្រើន ក៏លោកប៉ែន ចំរ៉ុង មិនដែលរវីរវល់នាំឲ្យកើតរឿងស្មុគស្មាញ៕