ខេត្តកំពង់ចាម ៖ ព្រឹកថ្ងៃទី១៧ខែមេសាឆ្នាំ២០២០ នៅសាលាស្រុកជើងព្រៃ ខេត្តកំពង់ចាម លោកបណ្ឌិត ម៉ា ឈឿនតំណាងរាស្រ្តមណ្ឌលកំពង់ចាមនិងជាប្រធានក្រុមការងារថ្នាក់កណ្ដាលចុះជួយស្រុកជើងព្រៃ ខេត្តកំពង់ចាម បានចុះសួរសុខទុក្ខនឹងនាំយកអំណោយដ៏ថ្លៃថ្លា របស់ឯកឧត្តមបណ្ឌិត និង លោកស្រីកិត្តិបណ្ឌិត ចែកជូនដល់កំលាំងប្រដាប់អាវុធទាំង៣ ចំនួន១៤៧នាក់ដែលបានខិតខំបំពេញ បេសកម្មជូនជាតិមាតុភូមិ កន្លងមក ក្នុងម្នាក់ទទួលបាន អង្កចំនួន២៥kg ត្រីខកំប៉ុង១០កំប៉ុងនិងក្រម៉ាចំនួន១ ថវិកាចំនួន ២០ ០០០រៀល ។

លោកបណ្ឌិត និងលោកស្រីកិត្តិបណ្ឌិត តែងតែយកចិត្តទុកដាក់និងបានដោះស្រាយដល់ការលំបាករបស់ ប្រជាជនស្រុកជើងព្រៃ និងសុខទុក្ខ របស់កងកំលាំងទាំង៣ មន្ត្រីរាជការទាំងអស់ផងដែរ។

ក្នុងឱកាសនោះដែរលោកបណ្ឌិតក៍ បានថ្លែងអមណអរគុណដល់កងកម្លាំងដែលបានខិតខំប្រឹងប្រែងទាំងយប់ទាំងថ្ងៃដោយមិនបានសម្រាកដេីម្បីការពារសុវត្ថិភាពជួនបងប្អូនប្រជាពលរដ្ឋក៍ដូចជារួមចំណែកចូលរួមប្រយុទ្ធប្រឆាំងការីករាលដាលជំងឺកូវីដ-19រួមជាមួយរដ្ឋាភិបាល។

លោកបណ្ឌិតបានណែនាំដល់កងកម្លាំងទាំង៣ប្រភេទក៍ដូចជាពលរដ្ឋទាំងអស់អោយចេះការពារនឹងវិធីបង្ការជម្ងឺកូវីដ-19ដោយលាងដៃជាមួយសាប៊ួ អាកុលឬចែលអោយបានញឹកញាប់៕ដោយ ៖ ប៉ែន សុផល

ខេត្តបន្ទាយមានជ័យ៖ ផ្ទះថ្មីមួយខ្នងមានទំហំបណ្តោយ៦ម៉ែត្រ ទទឹង៤ម៉ែត្រ កំពស់៣,៨ម៉ែត្រ សង់ពីដែកប្រក់ស័ង្កសី ជញ្ជាំងស័ង្កសី ផ្ទះរាបបាតចាក់បេតុងចំណាយអស់ថវិការសរុបចំនួន ១,៧៦៨ដុល្លាជាជំនួយថវិការពីសាខាកាកបាទក្រហមខេត្តបន្ទាយមានជ័យ ត្រូវបានធ្វើពិធីប្រគល់ជូនលោកយាយ យឹម យឿម អាយុ៧៨ឆ្នាំ នៅភូមិរកាថ្មី ឃុំស្វាយចេក ស្រុកស្វាយចេក ខេត្តបន្ទាយមានជ័យ ។ពិធីប្រគល់ធ្វើឡើងនៅរសៀលថ្ងៃទី១៧ខែមេសាឆ្នាំ២០២០ក្រោមវត្តមានលោក អ៊ុ រាត្រី អភិបាលខេត្តបន្ទាយមានជ័យ ។
យោងតាមសម្តីលោកមេឃុំស្វាយចេកបានអោយដឹងថាលោកយាយ យឹម យឿម ពុំមានសមាជិកគ្រួសារនោះទេ រស់នៅតែម្នាក់ឯងគ្មានប្តីគ្មានកូនបងប្អូន កូនក្មួយរស់នៅក្នុងសភាពក្រីក្រ ផ្ទះចាស់ទ្រុឌទ្រោមខ្លាំង និងមិនអាចប្រកបមុខរបរបាន ដោយវ័យចាស់ជរាគ្មានប្រភពចំណូលដោយស្ថានភាពទីទ័លក្រលំបាកខ្លាំងត្រូវបង្ខំចិត្តសុំស្នាក់នៅពឹងពាក់អាស្រ័យជាមួយអ្នកជិតខាង។
លោក អ៊ុ រាត្រី ប្រធានគណៈកម្មាធិការសាខាកាកបាទក្រហមខេត្តបានមានប្រសាសន៍ថា៖ផ្ទះថ្មីដែលបានធ្វើពិធីប្រគល់ជូនលោកយាយ យឹម យឿម នាពេលនេះគឺជាផ្ទះមនុស្សធម៌ទី៦ ហើយសម្រាប់ខេត្តបន្ទាយមានជ័យ ដែលមានលក្ខណៈសមរម្យហើយនឹងរឹងមាំអាចកាត់បន្ថយហានីភ័យបានមួយកម្រិត និងបានលើកកម្ពស់តម្លៃមនុស្សធម៌របស់កាកបាទក្រហមកម្ពុជាដែលមានសម្តេចកិត្តិព្រឹទ្ធបណ្ឌិត ប៊ុន រ៉ានីហ៊ុនសែន ជាប្រធានដឹកនាំនៃស្ថាប័នមនុស្សធម៌ធំជាងគេក្នុងប្រទេសកម្ពុជាយើង ។ ហើយគោលការណ៍របស់កាកបាទក្រហមគឺអោយតែប្រជាពលរដ្ឋជួបនូវការលំបាកទីណា គឺទីនោះមានកាកបាទក្រហមកម្ពុជាចុះជួយជានិច្ច ដោយមិនប្រកាន់ពូជសាសន៍ ពណ៌សម្បុរ ឬនិន្នាការនយោបាយអ្វីឡើយ ដូចមានទិសស្លោកពោលថា(កាកបាទក្រហមកម្ពុជាមានគ្រប់ទីកន្លែងសម្រាប់គ្រប់គ្នាដោយមិនទុកនណាម្នាក់ចោលនោះឡើយ)។ក្រោយពីប្រគល់ផ្ទះជូនលោកយាយ ក៏បានផ្តល់នូវអំណោយមនុស្សធម៌បន្ថែមរួមមាន៖អង្ករ៥០គីឡូក្រាម,ត្រីខ២០កំប៉ុង,មី២កេស,ទឹកសីុអុីវ៦ដប,ប្រេងឆា១ដប,កន្ទេលជ័រ១,មុង១,ភួយ១,សារុង១,ក្រម៉ា១,អាវយឺត២,ឆ្នាំង២,ចានបាយ៥,ស្លាបព្រា១០ និងប្រជាពលរដ្ឋចូលរួមម្នាក់ៗទទួលបានក្រម៉ា១ អាវយឺត២និងសាប៊ូលាងដៃមួយចំនួន។
នាថ្ងៃដដែលនោះដែរឯកឧត្តម អ៊ុ រាត្រី និងអស់លោក លោកស្រីរួមដំណើរបានអញ្ជើញចូលរួមក្នុងការឧបត្ថម្ភជួយសាងសង់ផ្ទះ១ខ្នងទៀត ជូនលោកស្រី វ៉ាន ម៉ីន អាយុ៦២ឆ្នាំរស់នៅជាមួយចៅស្រីតូចក្នុងភូមិទ័ពសៀម ឃុំស្លក្រាម ស្រុកស្វាយចេក ខេត្តបន្ទាយមានជ័យ មានជីវភាពទ័លក្រគ្មានផ្ទះសម្បែងត្រឹមត្រូវ ហើយក្នុងការសាងសង់ផ្ទះនេះយើងឃើញថាមានការជួយជ្រោមជ្រែងពីព្រះតេជគុណព្រះអនុគុណស្រុកស្វាយចេក កងកម្លាំងប្រដាប់អាវុធ និងក្រុមយុវជនផងដែរ៕

ភ្នំពេញ ៖ នៅថ្ងៃទី១៨ ខែមេសា ឆ្នាំ២០២០នេះក្រសួងសុខាភិបាល បានចេញប្រកាសនូវដំណឹងដ៏សែនរីករាយដល់ប្រជាពលរដ្ឋបន្តទៀតថា អ្នកជំងឺកូវីដ១៩ បានជាសះស្បើយថ្មីចំនួន៥នាក់ទៀត ធ្វើឲ្យចំនួនអ្នកជាសះស្បើយកើនឡើងរហូតដល់១០៣នាក់ ហើយពិសេសបំផុតពុំមានករណីអ្នកឆ្លងជំងឺកូវីដថ្មីទេ។

ចំណែកអ្នកកំពុងសម្រាកព្យាបាលជំងឺកូវីដធ្លាក់ចុះមកត្រឹមចំនួន១៩នាក់ នៃអ្នកឆ្លងសរុប១២២ នាក់។ បើគិតត្រឹមព្រឹកថ្ងៃទី១៨ ខែមេសា ឆ្នាំ២០២០នេះ។ នេះបើតាមការប្រកាសរបស់ក្រសួងសុខាភិបាល ។

ចំពោះករណីអ្នកជាសះស្បើយចំនួន៥នាក់រួមមាន ៖ ជនបរទេស៣នាក់ ដែលជាភ្ញៀវមកពីនាវា Viking Cruise Journey នៅខេត្តកំពង់ចាម ក្នុងនោះជនជាតិអាមេរិកាំង២នាក់ និងអង់គ្លេសម្នាក់។ បុរសជនជាតិកាណាដាម្នាក់ អាយុ៤៩ឆ្នាំ បម្រើការងារនៅសាលាអន្តរជាតិមួយ នៅកោះពេជ្រ ស្នាក់នៅបុរីកោះពេជ្រ និងបុរសជនជាតិខ្មែរម្នាក់ អាយុ៣៨ឆ្នាំ ដែលមានទីលំនៅភូមិពោធិ៍២ ឃុំគារ ស្រុមមោងប្ញស្សី ខេត្តបាត់ដំបង ត្រូវបានអនុញ្ញាតឲ្យចាកចេញពីមន្ទីរពេទ្យ ក្រោយពីពិនិត្យអវិជ្ជនៃជំងឺកូវីដ១៩ មានចំនួន២ដង៕

បន្ទាយមានជ័យ ៖ បុរសម្នាក់បានហូរឈាមជោគពេញខ្លួន ព្រោះតែស្ត្រីជាប្រពន្ធបានចាប់ទាញស្លឹកត្រចៀកមកអា.ក បង្កឲ្យមានការភ្ញាក់ផ្អើល។ហេតុការណ៍ហឹង្សានេះ បានកើតឡើងនៅវេលាម៉ោង៨និង៤៥នាទីយប់ថ្ងៃទី១៦ ខែមសាឆ្នាំ២០២០ នៅភូមិបន្ទាយថ្មីឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ។

លោកវរសេនីយ៍ទោ សែស វិបុល អធិការនគរបាលស្រុក អូរជ្រៅ បានឲ្យដឹងថា៖បុរសរងគ្រោះជាប្តីឈ្មោះ គុជ អាយុ ៤១ឆ្នាំ និងជនដៃដល់ជាប្រពន្ធឈ្មោះ ទឹម ម៉ៅ អាយុ៣២ឆ្នាំ ។គ្រួសារនេះ នៅភូមិបន្ទាយថ្មី ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ។

លោកអធិការបានបញ្ជាក់ថា៖នៅយប់កើតហេតុ បុរសជាប្តីកំពុងផឹកស្រា រាំលេងសប្បាយជាមួយអ្នកភូមិ នៅពេលកំពុងអង្គុយផឹកសប្បាយនោះ ស្ត្រីជាប្រពន្ធបានដើរទៅជិតប្តីហើយចាប់ទាញស្លឹកត្រចៀក ពេលនោះប្តីស្មានតែចាប់ទាញស្លឹកត្រចៀកក្នុងន័យខ្នាញ់ចង់ថើបក៏អោនក្បាលទៅស្រាប់តែស្ត្រីជាប្រពន្ធអា.កនិងផ្លែឡាម បណ្តាលឲ្យចេញឈាមជោគពេញខ្លួនដួលសន្លប់នៅនឹងកន្លែង ត្រូវបាននាំបញ្ជូនទៅមណ្ឌលសុខភាពអូរបីជាន់ជួយព្យាបាលនិងសង្រ្គោះ តែដោយឈាមហូរខ្លាំងពេកបុគ្គលិកមណ្ឌលបានបញ្ជូនទៅមន្ទីរពេទ្យបង្អែកក្រុងប៉ោយប៉ែត ។ចំណែកស្ត្រីជាប្រពន្ធត្រូវកម្លាំងនគរបាលប៉ុស្តិរដ្ឋបាលឃុំអូរបីជាន់និងវរសេនាតូចការពារព្រំដែនលេខ៩១១ឡោមព័ទ្ធ ចាប់ខ្លួនបានក្រោយធ្វើសកម្មភាព ។

លោកអធិការបានបន្តថា៖តាមការសាកសួរចម្លើយ ស្ត្រីជាប្រពន្ធ បានសារភាពថា ចំពោះបញ្ហាខ្លួនយកផ្លែឡាមអា.កប្តីនោះ ក៏ព្រោះតែខ្លួនស្រវឹងស្រា ហើយប្រច័ណ្ឌប្តី រួមទាំងចូលឆ្នាំគ្មានលុយផងនោះ ក៏មានចិត្តខឹងនឹងប្តី ។បច្ចុប្បន្នជនសង្ស័យជាប្រពន្ធ កម្លាំងនគរបាលជំនាញ កំពុងកសាងសំណុំរឿងបញ្ជូនទៅស្នងការដ្ឋាននគរបាលខេត្តបន្ទាយមានជ័យ ដើម្បីចាត់ការបន្តតាមនិតិវិធីច្បាប់៕

ដោយ ៖ ប៉ៃន សុផល 

ខេត្តកំពង់ចាម ÷ ព្រឹកថ្ងៃទី១៧ខែមេសាឆ្នាំ២០២០ នៅសាលាស្រុកជើងព្រៃ ខេត្តកំពង់ចាម ឯកឧត្តមបណ្ឌិត ម៉ា ឈឿនតំណាងរាស្រ្តមណ្ឌលកំពង់ចាមនិងជាប្រធានក្រុមការងារថ្នាក់កណ្ដាលចុះជួយស្រុកជើងព្រៃ ខេត្តកំពង់ចាម បានចុះសួរសុខទុក្ខនឹងនាំយកអំណោយដ៏ថ្លៃថ្លា របស់ឯកឧត្តមបណ្ឌិត និង លោកជំទាវកិត្តិបណ្ឌិត ចែកជូនដល់កំលាំងប្រដាប់អាវុធទាំង៣ ចំនួន ១៤៧នាក់ដែលបានខិតខំបំពេញ បេសកម្មជូនជាតិមាតុភូមិ កន្លងមក ក្នុងម្នាក់ទទួលបាន អង្កចំនួន២៥kg ត្រីខកំប៉ុង ១០កំប៉ុង និងក្រម៉ាចំនួន១ ថវិកាចំនួន ២០ ០០០រៀល ។

ឯកឧត្តមបណ្ឌិត និងលោកជំទាវកិត្តិបណ្ឌិត តែងតែយកចិត្តទុកដាក់និងបានដោះស្រាយដល់ការលំបាករបស់ ប្រជាជនស្រុកជើងព្រៃ និងសុខទុក្ខ របស់កងកំលាំងទាំង៣ មន្ត្រីរាជការទាំងអស់ផងដែរ។

ក្នុងឱកាសនោះដែរឯកឧត្ដមបណ្ឌិតក៍ បានថ្លែងអមណអរគុណដល់កងកម្លាំងដែលបានខិតខំប្រឹងប្រែងទាំងយប់ទាំងថ្ងៃដោយមិនបានសម្រាកដេីម្បីការពារសុវត្ថិភាពជួនបងប្អូនប្រជាពលរដ្ឋក៍ដូចជារួមចំណែកចូលរួមប្រយុទ្ធប្រឆាំងការីករាលដាលជំងឺកូវីដ-19រួមជាមួយរដ្ឋាភិបាល។

ឯកឧត្ដមបណ្ឌិតបានណែនាំដល់កងកម្លាំងទាំង៣ប្រភេទក៍ដូចជាពលរដ្ឋទាំងអស់អោយចេះការពារនឹងវិធីបង្ការជម្ងឺកូវីដ-19ដោយលាងដៃជាមួយសាប៊ួ អាកុលឬចែលអោយបានញឹកញាប់៕

ភ្នំពេញ ៖ នារសៀលថ្ងៃទី១៧ ខែមេសា ឆ្នាំ២០២០ នេះ សម្តេចតេជោ នាយករដ្ឋមន្ត្រី ហ៊ុន សែន បានសរសេរក្នុងហ្វេសប៊ុកផ្លូវការដូច្នេះថា ៖ « គិតត្រឹមព្រឹកថ្ងៃ១៧ មេសា ២០២០ នេះ សប្បុរសជនដែលបានចូលរួមជាថវិកាសម្រាប់ប្រយុទ្ធ ជាមួយជំងឺកូវីដ-១៩មានចំនួន ទឹកប្រាក់ចំនួន ១៣.៥៩៧.២៩៥ដុល្លារ ដោយមិនទាន់គិតពីជំនួយជាសម្ភារៈ បរិក្ខារ ដូចជាម៉ាស អាកុល សាប៊ូ សម្ភារៈពេទ្យ។ល។ ដែលមានតម្លៃរាប់លានដុល្លារ ថែមទៀត។

ដោយឡែក ការរួមវិភាគទានតាមរយៈការបរិច្ចាគបៀវត្សទាំងស្រុង ឬ មួយផ្នែកនៃមន្ត្រី ពីគ្រប់ស្ថាប័នថ្នាក់ជាតិ ថ្នាក់ក្រោមជាតិ និងកងកម្លាំងប្រដាប់អាវុធគ្រប់ប្រភេទគិតត្រឹម
ព្រឹកថ្ងៃ១៦ មេសា ២០២០ នេះ មានចំនួន ១៤.៧៥១នាក់ និងនៅសល់មួយចំនួនទៀត ដែលកំពុងផ្ទៀងផ្ទាត់នៅក្រសួងមុខងារសាធារណៈ។

ក្នុងសំណេរដដែលនេះ សម្តេចតេជោ បានថ្លែងសសើរ និងកត់សម្គាល់ថា « នេះជាចលនាជាតិដ៏ខ្លាំងក្លាមួយរបស់ប្រជាជនកម្ពុជាយើងក្នុងការប្រយុទ្ធជាមួយជំងឺដ៏កាចសាហាវនេះ ដែលទូលព្រះបង្គំខ្ញុំព្រះករុណាខ្ញុំ សូមថ្លែងអំណរព្រះគុណ ថ្វាយព្រះមហាក្សត្រ ថ្វាយសម្តេចម៉ែ ប្រគេនព្រះសង្ឃគ្រប់ព្រះអង្គ ជូនជនរួមជាតិ មន្ត្រីរាជការគ្រប់ថ្នាក់ និងកងកម្លាំងប្រដាប់អាវុធគ្រប់ប្រភេទ ដែលបានចូលរួមក្នុងចលនាជាតិដ៏ធំមួយនេះ»៕

ខេត្តកំពង់ចាម ៖ ដើម្បី ជាការចូលរួម ចំណែក ជាមួយ រាជរដ្ឋាភិបាល កម្ពុជា បន្តបេសកកម្មផ្សព្វផ្សាយអំពី វិធានការ បង្ការ ទប់ស្កាត់ ការ រីករាលដាល នៃ ជំងឺ កូវីដ១៩ លោក ហ៊ុន ម៉ានី ប្រធាន សហភាព សហព័ន្ធ យុវជន កម្ពុជា បានផ្ដល់អំណោយជាខិត្តប័ណ្ណផ្សព្វផ្សាយ និងថវិកាមួយចំនួន ដល់ ស.ស.យ.ក ទាំង២៥ រាជធានី ខេត្ត ដោយឡែកខេត្តកំពង់ចាមនៅថ្ងៃទី១៦ ខែមេសា ឆ្នាំ២០២០នេះ តាមរយៈលោក ហាន កុសល ប្រធាន ស.ស.យ.ក ខេត្តកំពង់ចាម បានដឹកនាំក្រុមការងារ ស.ស.យ.ក ខេត្តចុះចែកខិត្តប័ណ្ណផ្សព្វផ្សាយអំពីការការពារជំងឺ កូវីដ១៩ និងថវិកាដល់ក្រុង ស្រុកទាំង១០ ក្នុងខេត្តកំពង់ចាម ដោយក្នុង១ស្រុកទទួលបានខិត្តប័ណ្ណផ្ទាំងតូចចំនួន៣០០ផ្ទាំង ផ្ទាំងធំចំនួន២ផ្ទាំង និងថវិកាចំនួន ១.០០០.០០០រៀល។

ជាមួយគ្នា នោះ ស.ស.យ.ក ខេត្តកំពង់ចាម ក៏បាន សំដែង ការ ថ្លែងអំណរគុណយ៉ាងជ្រាលជ្រៅបំផុតចំពោះលោក ហ៊ុន ម៉ានី ប្រធាន ស.ស.យ.ក ដែលតែងតែគិតគូរយ៉ាងយកចិត្តទុកដាក់គាំទ្រទាំងស្មារតី និងសម្ភារៈក្នុងយុទ្ធនាការផ្សព្វផ្សាយវិធានការការពារទប់ស្កាត់ការឆ្លងរីករាលដាលនៃជំងឺ កូវីដ១៩ ដោយ សង្ឃឹមថា ប្រទេសកម្ពុជានឹងឆ្លងផុតដំណាក់កាលដ៏លំបាកនេះក្នុងពេលឆាប់ៗ ខាង មុខ ៕ ដោយ ៖ ប៉ែន សុផល

ភ្នំពេញ ៖ ក្រសួងការបរទេសកម្ពុជា នៅថ្ងៃទី១៧ ខែមេសា នេះ បានប្រតិកម្មឆ្លើយតបយ៉ាងខ្លាំងចំពោះការរិះគន់របស់ការិយាល័យនៃឧត្តមស្នងកាបរអង្គការសហប្រជាជាតិទទួលបន្ទុកសិទ្ធិមនុស្សលើការច្បាប់ស្ដីពី «ការគ្រប់គ្រងប្រទេសជាតិស្ថិតក្នុងភាពអាសន្ន» ចំពោះមុខការរីករាលដាលនៃជំងឺកូវីដ១៩។

ប្រតិកម្មនេះ បានធ្វើឡើងបន្ទាប់ពី ឧត្តមស្នងកាអង្គការសហប្រជាជាតិទទួលបន្ទុកសិទ្ធិមនុស្ស ផ្ញើលិខិតលេខ OL KHM 1/2020 ចុះថ្ងៃទី៩ ខែមេសា ឆ្នាំ២០២០ ជូនលោកឧបនាយករដ្ឋម ប្រាក់ សុខុន រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ ដែលនៅក្នុងលិខិតនោះ ក្រុមការងារនីតិវិធីពិសេសរបស់ការិយាល័យនៃឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្ស បានបង្ហាញនូវទស្សនៈផ្ទាល់ខ្លួនពាក់ព័ន្ធនឹងសេចក្ដីព្រាងច្បាប់ស្ដីពី «ការគ្រប់គ្រងប្រទេសជាតិស្ថិតក្នុងភាពអាសន្ន» នៅកម្ពុជា។

ទន្ទឹមនឹងប្រតិកម្មឆ្លើយតបនេះ ស្ថានបេសកកម្មអចិន្រ្តៃយ៍ នៃព្រះរាជាណាចក្រកម្ពុជា ប្រចាំនៅការិយាល័យអង្គការសហប្រជាជាតិ និងអង្គការអន្តរជាតិដទៃទៀត នៅទីក្រុងហ្សឺណែវ ក៏បានចេញសេចក្តីបំភ្លឺចំនួន ១១ចំណុច ជូនឧត្តមស្នងកាអង្គការសហប្រជាជាតិទទួលបន្ទុកសិទ្ធិមនុស្ស ដោយក្នុងនោះ កម្ពុជាបានចាត់ទុកថា នៅក្នុងគ្រាដែលការរីករាលដាលនៃជំងឺឆ្លងកូវីដ១៩ មានភាពធ្ងន់ធ្ងរ ការអះអាងថា «ច្បាប់ស្ដីពីការគ្រប់គ្រង ប្រទេសជាតិក្នុងភាពអាសន្ន» ថាជាការរំលោភសិទ្ធិមនុស្ស គឺជាការអះអាងដែលមិនត្រឹមតែគ្មានមូលដ្ឋានច្បាស់លាស់ និងថែមទាំងជាការបង្ហាញពីការអនុវត្តសិទ្ធិមនុស្សដោយរើសមុខ និងលម្អៀង៕

ខាងក្រោមនេះ ជាលិខិតឆ្លើយតបរបស់ស្ថានតំណាងកម្ពុជា ប្រចាំនៅអង្គការសហប្រជាជាតិ ៖

ភ្នំពេញ ៖ សម័យប្រជុំវិសាមញ្ញព្រឹទ្ធសភានីតិកាលទី៤ ក្រោមអធិបតីភាពរបស់លោក ស៊ឹម កា ប្រធានស្តីទីព្រឹទ្ធសភានៃព្រះរាជាណាចក្រកម្ពុជា នាព្រឹកថ្ងៃទី១៧ ខែមេសា នេះ បានពិនិត្យ និងឱ្យយោបល់ឯកភាពទាំងស្រុងសេចក្តីព្រាងច្បាប់ស្តីពីការគ្រប់គ្រងប្រទេសជាតិស្ថិតក្នុងភាពអាសន្ន។ សេចក្តីព្រាងច្បាប់នេះត្រូវបានប្រមុខរាជរដ្ឋាភិបាលស្នើសុំឲ្យស្ថាប័ននីតិប្បញ្ញត្តិអនុម័តដោយចាត់ទុកជាការប្រញាប់។

គួរជម្រាបថា សេចក្តីព្រាងច្បាប់នេះ បានតាក់តែងឡើងមាន៥ជំពូក និង១២មាត្រា ត្រូវបានរដ្ឋសភានៃព្រះរាជាណាចក្រកម្ពុជា អនុម័តយល់ព្រមចំនួន ១១៥សំឡេង នៃចំនួនសមាជិករដ្ឋសភាទាំងមូល កាលពីថ្ងៃទី១០ ខែមេសា ឆ្នាំ២០២០ នាសម័យប្រជុំលើកទី៤ នីតិកាលទី៦ ហើយត្រូវបានអង្គប្រជុំព្រឹទ្ធសភានាព្រឹកមិញនេះ បានពិនិត្យ និងឱ្យយោបល់ឯកភាពទាំងស្រុងលើសេចក្តីព្រាងច្បាប់ខាងលើនេះ ដោយឥតកែប្រែចំនួន ៥៤សំឡេង នៃចំនួនសមាជិកព្រឹទ្ធសភាទាំងមូល៕

ខេត្តព្រះវិហារ ៖ នៅថ្ងៃទី១៧ ខែមេសា ឆ្នាំ២០២០ នេះ ក្រុមការងារយុវជន ស ស យ ក ស្រុកត្បែងមានជ័យ ដឹកនាំដោយលោក នូ តារាមុន្នី ប្រធាន ស ស យ ក ស្រុក បានចុះចែកសម្ភារៈដល់គ្រួសារក្រីក្រលំបាក1គ្រួសារ ឈ្មោះ ដាន់ លីសាន អាយុ២៩ឆ្នាំ និងប្រពន្ធឈ្មោះ អួន យោន អាយុ ២៧ឆ្នាំ មានកូនតូច២នាក់ ក្នុងបន្ទុកប្រុសទាំង២ រស់នៅក្នុងភូមិប្រមេរ ឃុំ ប្រមេរ  ស្រុកត្បែងមានជ័យ ដោយមានការចូលរួមពី អធិការស្រុកត្បែងមានជ័យរិទ្ធសូណារួមសហការលោកមេឃុំប្រមេរ ចុះចែកសម្ភារៈមាន៖ អង្ករ ២០គ.ក្រ.មី១កេះ និង ២៥កញ្ចប់ ទឹកសុទ្ធ​ ២យួរ ទឹកត្រី១ដប ទឹកក្រូច ២ដបធំ សាប៊ ៦ដុំ ថវិកា ១០ម៉ឺនរៀល ក្នុងនោះក៍មានការចួលរួមឧបត្ថម្ភជាថវិកាបន្ថែម ដូចជា ១លោក នូ តារាមុន្នី ថវិកា ៣ម៉ឺនរៀល ;២លោក អ៊ីម ឆេន ថវិកា ៣ម៉ឺនរៀល ;៣ លោក រិទ្ធ សូណា មី១កេះ ទឹកក្រូច២ដបធំ ;៤ លោក រ័ត្ន វិបុល ថវិកា ២ម៉ឺនរៀល ៥/លោក​ ឆុង សុនឹង ថវិកា១ម៉ឺនរៀល ;៦/លោក ធាន ហេង ថវិកា ១ម៉ឺនរៀល។
ក្នុងឱកាសនោះដែរ ក្រុមការងារ យុវជន ស ស យ ក ស្រុកត្បែងមានជ័យ​ លោកអធិកាស្រុក រិទ្ធ សូណា និងសហការិបានណែនាំដល់ពលរដ្នហើយបានចុះផ្សព្វផ្សាយពីរបៀបការពារខ្លួន ពីជំងឺ កូវីដ១៩ តាមខ្នងផ្ទះផងដែរ ៕

ភ្នំពេញ ៖ អំឡុងពេលបុណ្យចូលឆ្នាំថ្មីប្រពៃណីជាតិខ្មែរ ចាប់ពីថ្ងៃទី១២ ដល់ថ្ងៃទី១៦ ខែមេសា ឆ្នាំ ២០២០ គ្រោះថ្នាក់ចរាចរណ៍ផ្លូវគោកនៅទូទាំងប្រទេសបានកើតឡើងចំនួន ៥៥លើក បណ្តាលឲ្យមនុស្ស ២០នាក់ស្លាប់ និងរបួស ១០២នាក់។

តាមរបាយការណ៍របស់ប៉ូលិសចរាចរណ៍ បានឲ្យដឹងថា មូលហេតុគ្រោះថ្នាក់ចរាចរណ៍ក្នុងអំឡុងពេលចូលឆ្នាំនេះ បានកើតឡើងច្រើនជាងគេដោយសារល្បឿន បើកបរមិនគោរពសិទ្ធិ ប្រជែងគ្នា និងបើកបរក្នុងស្ថានភាពស្រវឹង ជាដើម។

សូមរម្លឹកថា ដើម្បីទប់ស្កាត់ការឆ្លងរាលដាលជំងឺកូវីដ១៩ នៅតាមសហគមន៍ភូមិស្រុកក្នុងអំឡុងពេលចូលឆ្នាំនៅអំឡុងពេលចូលឆ្នាំ នៅឆ្នាំនេះ រាជរដ្ឋាភិបាល បានសម្រេចផ្អាកពិធីបុណ្យចូលឆ្នាំ ហើយតម្រូវឲ្យមន្ត្រីរាជការ បុគ្គលិក កម្មករនិយោជិតទាំងអស់ បន្តធ្វើការងារជាធម្មតា។ក្រៅពីនោះ រាជរដ្ឋាភិបាល ក៏បានសម្រេចហាមឃាត់ការធ្វើដំណើរឆ្លងកាត់ពីខេត្តមួយ ទៅខេត្តមួយ ចាប់តាំងពីយប់ថ្ងៃទី៩ ខែមេសា ដល់ម៉ោង ៦ព្រឹកថ្ងៃទី១៦ ខែមេសា ឆ្នាំ២០២០ ទើបបើកឲ្យមានការធ្វើចរាចរណ៍ឡើងវិញ៕

ភ្នំពេញ ៖ តំបន់ការពារធម្មជាតិចំនួន២ គឺ «ដែនជម្រកសត្វព្រៃពាមក្រសោប» ក្នុងខេត្តកោះកុង មានផ្ទៃដីសរុប ៤.៦៧២,៦១ ហិកតា និង «ដែនជម្រកសត្វព្រៃភ្នំព្រេច» ខេត្តមណ្ឌលគីរី មានផ្ទៃដីសរុប ៤៥.៥១៩,២៦ ហិកតា ត្រូវបានចុះបញ្ជីជាដីរដ្ឋជាលើកដំបូងក្នុងចំណោមតំបន់ការពារធម្មជាតិដទៃទៀត។

សេចក្តីប្រកាសព័ត៌មានរបស់ក្រសួងបរិស្ថាន នៅថ្ងៃទី១៦ ខែមេសានេះ បានឲ្យដឹងថា គោលបំណងចម្បងនៃការចុះបញ្ជីដីរដ្ឋនេះ គឺដើម្បីរៀបចំឱ្យមាន «វិញ្ញាបនបត្រសម្គាល់ម្ចាស់អចលនវត្ថុ» ច្បាស់លាស់សម្រាប់ដែនជម្រកសត្វព្រៃទាំងពីរ សំដៅកាត់បន្ថយ និងលុបបំបាត់ករណីបទល្មើសកាប់រុករានទន្រ្ទានយកដីរដ្ឋធ្វើជាកម្មសិទ្ធិឯកជនតាមរយៈការរឹតបន្តឹងវិធានការច្បាប់ ក៏ដូចជារួមចំណែកដល់ការពង្រឹងប្រសិទ្ធភាពនៃការគ្រប់គ្រងប្រព័ន្ធតំបន់ការពារធម្មជាតិ។

សូមជម្រាបថា បច្ចុប្បន្ន កម្ពុជាមានតំបន់ការពារធម្មជាតិចំនួន ៥៧ កន្លែង និងរបៀងអភិរក្សជីវៈចម្រុះចំនួន៣តំបន់ គ្របដណ្តប់លើផ្ទៃដីសរុបប្រមាណជាង ៧,២ លានហិកតា៕

ភ្នំពេញ ៖ ព្រឹទ្ធសភាកម្ពុជា នៅព្រឹកថ្ងៃទី១៧ ខែមេសា ឆ្នាំ២០២០ នេះ បានបើកកិច្ចប្រជុំវិសាមញ្ញរបស់ខ្លួនដើម្បីពិនិត្យ និងឱ្យយោបល់លើសេចក្តីព្រាងច្បាប់ស្តីពី ការគ្រប់គ្រងប្រទេសជាតិស្ថិតក្នុងភាពអាសន្ន។ កិច្ចប្រជុំនេះ បានធ្វើឡើងក្រោមអធិបតីភាព លោក ស៊ឹម កា ប្រធានស្តីទីព្រឹទ្ធសភា និងមានការចូលរួមដោយសមាជិកព្រឹទ្ធសភា ៥៤រូប។

គួរជម្រាបដែរថា សេចក្តីព្រាងច្បាប់ស្តីពីការគ្រប់គ្រងប្រទេសជាតិស្ថិតក្នុងភាពអាសន្ន» មាន៥ជំពូក និង១២មាត្រា ដែលរៀបចំដោយរាជរដ្ឋាភិបាល ដើម្បីដឹកនាំប្រទេសជាតិពេលដាក់ឱ្យស្ថិតនៅក្នុងភាពអាសន្ន ត្រូវបានរដ្ឋសភាអនុម័តហើយ នៅក្នុងកិច្ចប្រជុំពេញអង្គ នាព្រឹកថ្ងៃទី១០ ខែមេសា ឆ្នាំ២០២០។

លទ្ធផលនៃកិច្ចប្រជុំព្រឹទ្ធសភា នឹងមានផ្សាយជូននៅពេលបន្តិចទៀតនេះ ៕

ភ្នំពេញ ៖ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានមានប្រសាសន៍បញ្ជាក់ពីលើហ្វេសប៊ុកផ្លូវការ នាព្រឹកថ្ងៃសុក្រ នេះ ថា ថ្ងៃទី១៧ ខែមេសា ឆ្នាំ២០២០ នេះ គឺជាខួបលើកទី៤៥ ឆ្នាំ នៃការឡើងកាន់អំណាចនៃរបប «កម្ពុជាប្រជាធិបតេយ្យ» ក្លែងក្លាយ ដែលបន្ទាប់មកបានក្លាយទៅជារបប «ប្រល័យពូជសាសន៍ប៉ុលពត» ឬហៅថា «របបខ្មែរក្រហម»។
សម្ដេចតេជោ ហ៊ុន សែន បន្តថា «ចំថ្ងៃនេះ កាលពី៤៥ឆ្នាំមុន គឺថ្ងៃដែលរបបអាវខ្មៅ បានបង្ខំប្រជាពលរដ្ឋនៅទីក្រុងភ្នំពេញទាំងមូលឲ្យចាកចេញទៅតាមបណ្តាខេត្ត ហើយបន្ទាប់មកពួកគេបានជម្លៀសប្រជាពលរដ្ឋពីតាមបណ្តាខេត្តទៅកាន់ជនបទ និងបានបង្ខំឲ្យធ្វើការដូចគោក្របីទាំងយប់ទាំងថ្ងៃគ្មានថ្ងៃសម្រាក និងមិនបានជួបជុំក្រុមគ្រួសារឡើយ» ។
សម្ដេចតេជោ ហ៊ុន សែន បន្ថែមថា« សិទ្ធិសេរីភាពពលរដ្ឋ រួមទាំងសិទ្ធិរស់រាននៅក្នុងរបបយង់ឃ្នងនោះគឺគ្មានទេ។ សូម្បីតែស្លៀកពាក់ខោអាវ ក៏ពួកគេតម្រូវឲ្យស្លៀកពាក់តែខោអាវពណ៌ខ្មៅមួយពណ៌មួយកំប៉្លេគត់។ ក្រៅពីបង្ខំឲ្យធ្វើការគ្មានថ្ងៃសម្រាក របបព្រៃផ្សៃនេះ បានធ្វើទារុណកម្ម និងវាយកំទេចសម្លាប់ប្រជាពលរដ្ឋតាមអំពើចិត្តដោយចោទថាជាខ្មាំង។ នៅក្នុងសម័យនោះ គ្រប់យ៉ាងត្រូវបានបោះបង់ចោលរួមទាំង គេហដ្ឋាន សាលារៀន វត្តអារាម មន្ទីរពេទ្យ និងធនាគារជាដើម …។ ក្រោមការគ្រប់គ្រង នឹងដឹកនាំរបស់របបប៉ុលពតអស់រយៈពេល ៣ឆ្នាំ ៨ខែ ២០ថ្ងៃ គឺបានធ្វើឲ្យប្រជាពលរដ្ឋស្លាប់បាត់បង់ជីវិតអស់ជាង៣លាននាក់ ហើយនៅពេលនោះក៏គ្មានវត្តមានអង្គការសិទ្ធមនុស្ស ណាមកជួយប្រទេសកម្ពុជាដែរនៅក្នុងសម័យនោះ។
រលឹកទៅដល់របបដ៏ឃោឃៅនេះ សម្ដេចតេជោ ហ៊ុន សែន បានបញ្ជាក់យ៉ាងដូច្នេះថា៖ «យើងចងចាំរបបដឺព្រៃផ្សៃនេះ ហើយចូលរួមទប់ស្កាត់កុំអោយកើតឡើងសារជាថ្មីនៅលើទឹកដីនៃព្រះរាជាណាចក្រកម្ពុជា។អរគុណសន្តិភាព»៕

ភ្នំពេញ ៖ កម្មករ កម្មការិនី ប្រមាណជាង ១ម៉ឺន ៥ពាន់នាក់ មកពី៦៧២រោងចក្រ នឹងវិលត្រឡប់មកពីស្រុកកំណើត ចូលមកក្នុងរាជធានីភ្នំពេញវិញ បន្ទាប់ពីពិធីបុណ្យចូលឆ្នាំប្រពៃណីជាតិខ្មែរបានបញ្ចប់។ ចំណែកអាជ្ញាធររាជធានីភ្នំពេញបានត្រៀមសាលារៀនចំនួន ៣៧សាលារៀន ដើម្បីទទួលធ្វើចត្តាឡីស័កទៅលើកម្មករទាំងនោះ គោលបំណងទប់ស្កាត់ការរីករាលដាលនៃជំងឺកូវីដ ១៩។

យោងតាមរបាយការណ៍របស់រដ្ឋបាលរាជធានីភ្នំពេញស្តីពីការធ្វើចត្តាឡីស័កចំពោះកម្មករ កម្មការនី នេះ រួមមាន៖

១. ខណ្ឌពោធិ៍សែនជ័យ ប្រមាណជា ៧ ២៥៨នាក់

២. ខណ្ឌដង្កោ ប្រមាណជា ២៣៤១នាក់

៣. ខណ្ឌកំបូល ប្រមាណជា ១២៥១នាក់

៤. ខណ្ឌមានជ័យ ប្រមាណជា២១១៦នាក់

៥. ខណ្ឌសែនសុខ ប្រមាណជា ១០៦៨នាក់

៦. ខណ្ឌព្រែកព្នៅ ប្រមាណជា ៧៦នាក់

៧. ខណ្ឌច្បារអំពៅ ប្រមាណជា ៨៧នាក់

៨. ខណ្ឌឫស្សីកែវ ប្រមាណជា ១៣០២នាក់

៩. ខណ្ឌទួលគោក ប្រមាណជា ៧១នាក់

១០. ខណ្ឌចំការមន ប្រមាណជា ៩៥នាក់

១១. ខណ្ឌដូនពេញ ប្រមាណជា ២នាក់

១២. ខណ្ឌជ្រោយចង្វារ ប្រមាណជា ៦០នាក់។

របាយការណ៍បានបន្តថា ដើម្បីទប់ស្កាត់នូវការរីករាលដាលនូវជំងឺកូវីដ ១៩ តម្រូវឲ្យកម្មករកម្មការិនី ដែលត្រឡប់មកពីបណ្ដាខេត្តចូលមករាជធានីភ្នំពេញត្រូវធ្វើចត្តាឡីស័ករយៈពេល ១៤ថ្ងៃ។ ដើម្បីសហការជាមួយក្រសួងការងារនិងបណ្ដុះបណ្ដាលវិជ្ជាជីវៈ និងក្រសួងសុខាភិបាលក្នុងការធ្វើចត្តាឡីស័ក រដ្ឋបាលរាជធានីភ្នំពេញត្រៀមសាលារៀនចំនួន ៣៧សាលា ស្មើនឹង ៦៩៩បន្ទប់ មានដូចជា៖

ក. ខណ្ឌពោធិ៍សែនជ័យ ត្រូវការប្រមាណជា ៣៦០បន្ទប់

១. វិទ្យាល័យជម្ពូវ័ន ចំនួន ៥០បន្ទប់

២. បឋមសិក្សា ជម្ពូវ័ន ចំនួន ៣៦បន្ទប់

៣. វិទ្យាល័យ អារុណវត្តី ចំនួន១៥បន្ទប់

៤. បឋមសិក្សាត្រពាំងក្រសាំង ចំនួន ២២បន្ទប់

៥. អនុវិទ្យាល័យ គោកបញ្ជាន់ ចំនួន ៣៩បន្ទប់

៦. អនុវិទ្យាល័យ ពោធិចិនតុង ចំនួន ២៥បន្ទប់

៧. បឋមសិក្សា សុភមង្គល ចំនួន ២៤បន្ទប់

៨. បឋមសិក្សា ហ៊ុនសែនទួលសុភាឃួន ចំនួន ១៥បន្ទប់។

៩.បឋមសិក្សាតាំងកសាង ចំនួន ១៥បន្ទប់

១០. បឋមសិក្សា អូឌឹម ចំនួន ១២បន្ទប់

១១. បឋមសិក្សា ព្រៃស្ពឺ ចំនួន ១៦បន្ទប់

១២. វិទ្យាល័យបុរី ១០០ខ្នង ចំនួន ៣០បន្ទប់ (ខណ្ឌសែនសុខ)។

ខ. ខណ្ឌដង្កោ ត្រូវការប្រមាណ ១១៧បន្ទប់

១. វិទ្យាល័យ ទួលអំពិល ចំនួន ២១បន្ទប់

២. វិទ្យាល័យ ពងទឹក ចំនួន ២៨បន្ទប់

៣.បឋមសិក្សា អនុវិទ្យាល័យដង្កោចំនួន៣៥បន្ទប់

គ. ខណ្ឌកំបូល ត្រូវការប្រមាណជា ៦២បន្ទប់

១. វិទ្យាល័យ កំបូល ចំនួន ២៤បន្ទប់

២. វិទ្យាល័យ បឹងធំ ចំនួន ១២បន្ទប់

ឃ. ខណ្ឌមានជ័យ ត្រូវការប្រមាណជា ១០៥បន្ទប់

១. វិឡាល័យចំរើនផល ចំនួន ១០បន្ទប់

២. បឋមសិក្សា ភូមិឫស្សី ចំនួន ២២បន្ទប់

៣. បឋមសិក្សា សឡា ចំនួន ១៥បន្ទប់

៤. បឋមសិក្សាស្ទឹងមានជ័យ ចំនួន ៤៣បន្ទប់

៥. បឋមសិក្សាសន្សំកុសល ចំនួន ២៣បន្ទប់

៦. អនុវិទ្យាល័យ វត្តដំបូកខ្ពស់ ចំនួន ១៨បន្ទប់

ង. ខណ្ឌសែនសុខ ត្រូវការប្រមាណ ៥៣បន្ទប់

១. បឋមសិក្សាភ្នំពេញថ្មី ចំនួន ២៥បន្ទប់

២. វិទ្យាល័យភ្នំពេញថ្មី ចំនួន ៣៤បន្ទប់

ច. ខណ្ឌឫស្សីកែវ ត្រូវការប្រមាណ៦៥បន្ទប់

១. បឋមសិក្សា ឫស្សីកែវ ចំនួន ៤០បន្ទប់

២. វិទ្យាល័យឫស្សីកែវ ចំនួន ៤៩បន្ទប់៕