ចិន ប្រកាសថា គ្មានការឆ្លង COVID-19 ថ្មីនៅក្នុងស្រុកណាមួយរបស់ចិន ទៀតទេ

Continue reading →

ភ្នំពេញ ៖ ស្ថិតក្នុងបរិកាណ៍ដែលពិភពលោកកំពុងមានគ្រោះអាសន្នដោយវិបត្តិនៃវីរុស Covid-19 រដ្ឋាភិបាល ជប៉ុនបានប្រកាសថា ខ្លួនបានត្រៀមលក្ខណៈ និងផ្តល់កិច្ចសហការគំាទ្រចំពោះរាជរដ្ឋាភិបាលកម្ពុជា ដើម្បីប្រយុទ្ធប្រឆាំង ការពារ និងទប់ស្កាត់ទៅនឹងការរីករាលដាលនៃវីរុស Covid-19 នេះ ដែលនាំឱ្យរដ្ឋ មន្រ្តីក្រសួងសេដ្ឋកិច្ច និងហិរញ្ញវត្ថុកម្ពុជាធ្វើការកត់សម្គាល់ថា រដ្ឋាភិបាល និងប្រជាជនជប៉ុន ជានិច្ចជាកាល តែងតែជួយឧបត្ថម្ភគាំទ្រ ទាំងកំលាំងកាយ កំលាំងចិត្ត និងធនធានដល់រាជរដ្ឋាភិបាល និងប្រជាជន កម្ពុជា។

ក្នុងឱកាសនៃការជួបពិភាក្សាការងារជាមួយឯកឧត្តម Masahiro MIKAMI ឯកអគ្គរដ្ឋទូតជប៉ុន ប្រចាំកម្ពុជា ដែលអមដោយមន្រ្តីការទូតជប៉ុន និងតំណាងទីភ្នាក់ងារសហប្រតិបត្តិការអភិវឌ្ឍន៍អន្តរជាតិជប៉ុន (JICA) នៅកម្ពុជាផងនោះ អគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រី ក្រសួងសេដ្ឋកិច្ច និងហិរញ្ញវត្ថុ មានប្រសាសន៍ថា ពាក់ព័ន្ធនឹងស្ថានភាពដែលពិភពលោកកំពុងតែជួបវិបត្តិ និងបញ្ហាប្រឈមទៅនឹងវីរុស Covid-19 បណ្តាប្រទេសជុំវិញពិភពលោកកំពុងចាត់វិធានការរួមគ្នា ដើម្បីប្រយុទ្ធប្រឆាំង ការពារ និងទប់ស្កាត់ទៅនឹងការរីករាលដាលនៃវីរុសមួយនេះដែលកំពុងរាតត្បាត បានធ្វើឲ្យប៉ះពាល់យ៉ាងធ្ងន់ធ្ងរដល់អាយុជីវិតមនុស្ស សេដ្ឋកិច្ច-ពាណិជ្ជកម្ម និងជីវិភាពរស់នៅនាពេលបច្ចុប្បន្ន ។ យ៉ាងណាមិញ ប្រទេសកម្ពុជា ក៏ដូចជាប្រទេសជប៉ុន ក៏កំពុងតែរងគ្រោះដូចគ្នា ដោយសារវីរុស Covid-19 ហើយកម្ពុជាក៏សូមអរគុណចំពោះរដ្ឋាភិបាលជប៉ុនដែលបានត្រៀមលក្ខណៈ និងផ្តល់កិច្ចសហការគំាទ្រផងដែរចំពោះរាជរដ្ឋាភិបាលកម្ពុជា ដើម្បីប្រយុទ្ធប្រឆាំង ការពារ និងទប់ស្កាត់ទៅនឹងការរីករាល ដាលនៃវីរុសCovid-19នេះ។ ជាការឆ្លើយតបលោកទូតជប៉ុនប្រចាំកម្ពុជា បានថ្លែងអំណរគុណដល់ រាជរដ្ឋាភិបាលកម្ពុជា ដែលបានចាត់វិធានការទាន់ពេលវេលា និងភ្លាមៗកន្លងមក លើករណីជនជាតិជប៉ុន ដែលធ្វើទេសចរណ៍តាមនាវា Westerdam ដែលត្រូវជាប់គាំង ហើយត្រូវបានរាជរដ្ឋាភិបាលកម្ពុជាយកចិត្ត ទុកដាក់ និងអនុញ្ញាតឲ្យនាវានោះចូលចតដោយសុវត្ថិភាពនៅកម្ពុជា ។

ក្នុងជំនួបនេះ លោកអគ្គបណ្ឌិតសភាចារ្យ ឧបនាយករដ្ឋមន្រ្តី ក៏អរគុណផងដែរចំពោះរដ្ឋាភិបាល ជប៉ុន ដែលនៅតែផ្តល់កិច្ចសហប្រតិបត្តិការអភិវឌ្ឍន៍នៅកម្ពុជាតាំងដើមរៀងមក ដែលសកម្មភាពទាំងនេះ បានឆ្លុះបញ្ចាំងយ៉ាងច្បាស់ថា ប្រទេសជប៉ុននៅតែជាដៃគូយុទ្ធសាស្រ្តអភិវឌ្ឍន៍ដ៏សំខាន់សម្រាប់ប្រទេស កម្ពុជា ។

ដោយឡែក លោក Masahiro MIKAMI បានបញ្ជាក់ថា ក្នុងអាណិត្តបំពេញភារកិច្ចការទូតនេះ លោកនឹងបន្តខិតខំពង្រឹង និងពង្រីកកិច្ចសហប្រតិបត្តិការលើគ្រប់វិស័យអាទិភាពរបស់រាជរដ្ឋាភិបាលកម្ពុជា ព្រមទាំងបន្តការគាំទ្រនូវការផ្តល់ហិរញ្ញប្បទាន សម្រាប់កិច្ចសហប្រតិបត្តិការអភិវឌ្ឍន៍ផ្លូវការ ទាំងក្នុងក្របខ័ណ្ឌហិរញ្ញប្បទានឥតសំណង, ឥណទានសម្បទាន និងជំនួយបច្ចេកទេស ជាពិសេស ជំរុញការអភិវឌ្ឍវិស័យឯកជននានាឲ្យកាន់តែរីកចំរើនបន្ថែមទៀត និងសូមថ្លែងអំណរគុណចំពោះឯកឧត្តមអគ្គបណ្ឌិត សភាចារ្យ ឧបនាយករដ្ឋមន្រ្តី ក៏ដូចជាប្រមុខរាជរដ្ឋាភិបាលកម្ពុជា និងស្ថាប័នពាក់ព័ន្ធ ដែលតែងតែបានផ្តល់នូវកិច្ចសហប្រតិបត្តិការដ៏ល្អប្រសើរ រវាងប្រទេសកម្ពុជា-ជប៉ុន នាពេលកន្លងមក ។

ភាគីទាំងពីរបានពិភាក្សា និងប្តេជ្ញាថា នឹងបន្តជំរុញសកម្មភាពពាណិជ្ជកម្ម និងការលើកកម្ពស់ការវិនិយោគពីវិស័យឯកជន ដើម្បីទាក់ទាញអ្នកវិនិយោគិនជប៉ុនឲ្យបានច្រើនបន្ថែមទៀត៕

​ភ្នំពេញ​ ៖ សន្តិសុខ​ឯកជន​ម្នាក់​បាន​ស្លាប់បន្ទាប់ពី​ត្រូវ​ជនសង្ស័យ​មិន​ស្គាល់​អត្តសញ្ញាណបានមក​ចាក់​សម្លាប់​នៅមុខ​ធនាគារ​ភ្នំពេញ​ពាណិជ្ជ (PPCBand) កន្លែង​ជនរងគ្រោះ​ធ្វើការ ហើយ​ឃាតករ​បាន​រត់គេចខ្លួន​បាត់។ ហេតុការណ៍​នេះ បានកើត​ឡើង​នៅ​ព្រឹក​ថ្ងៃទី​១៩ ​ខែមីនា ​ឆ្នាំ​២០២០នេះ ស្ថិតនៅតាម​បណ្តោយ​ផ្លូវ​មុនី​រ៉េត សង្កាត់​ទួល​ស្វាយព្រៃ​ទី​២ ខណ្ឌ​បឹង​កេងកង។​

ពាក់ព័ន្ធ​ករណីខាងលើនេះដែរ សមត្ថកិច្ច​មិនទាន់​សន្និដ្ឋានថា ជា​ករណី​ជម្លោះ​បង្ក​របួសស្នាម ឬ​ហិង្សា​គំនុំ​គំ​គួ​ន​នៅឡើយ​ទេ៕

ឆេះឃ្លាំងស្តុករថយន្តទំនើបអស់២៧គ្រឿង របួសមនុស្ស៣នាក់ នៅសង្កាត់ទឹកថ្លា

ករណីឆេះអគារបម្រើសេវាកម្មជួសជុលរថយន្ត និងឃ្លាំងស្តុករថយន្តរបស់ក្រុមហ៊ុន Mitsubishi Motors Cambodia ដែលមានទីតាំងស្ថិតនៅក្នុងក្រុមទី ៣ ភូមិ-សង្កាត់ទឹកថ្លា ខណ្ឌសែនសុន រាជធានីភ្នំពេញកាលពីល្ងាចថ្ងៃចន្ទ បានបង្កឲ្យមនុស្សយ៉ាងហោចណាស់ ៣ នាក់រងរបួស និងឆេះខូចខាតរថយន្តម៉ាក Mitsubishi ស៊េរីឆ្នាំ ២០២០ អស់ចំនួន ២៧ គ្រឿង ព្រមទាំងសម្ភារ និងគ្រឿងចក្រជួសជុលរថយន្តមួយចំនួនទៀត បានរងការឆេះខូចខាតស្ទើរទាំងស្រុង។ នេះបើយោងរបាយការណ៍របស់សមត្ថកិច្ចកងពន្លត់អគ្គិភ័យរាជធានីភ្នំពេញ ដែលភ្នំពេញប៉ុស្តិ៍ទទួលបានកាលពីព្រឹកថ្ងៃអង្គារ។

លោក ឡៅ សាក់ នាយកគ្រប់គ្រងក្រុមហ៊ុន Mitsubishi Motors Cambodia សុំមិនធ្វើអធិប្បាយកាលពីម្សិលមិញ ដោយគ្រាន់ថ្លែងថា៖ «ខ្ញុំសូមការអធ្យាស្រ័យ នៅពេលនេះខ្ញុំនៅមិនទាន់អាចវាយតម្លៃពីទំហំនៃការខូចខាតបានទេ»៕

ក្រសួង ប្រកាសផ្អាកការចូលទស្សនាព្រះបរមរាជវាំងជាបណ្តោះអាសន្ន

ក្រសួងព្រះបរមរាជវាំង បានចេញសេចក្តីប្រកាស ផ្អាកមិនអនុញាតឲ្យភ្ញៀវចូលទស្សនាព្រះបរមរាជវាំងចាប់ពីថ្ងៃទី១៨មីនា នេះតទៅ ដើម្បីរួមចំណែកថ្មី ទប់ស្កាត់ការរាលដាលនៃមេរោគ កូវីដ១៩ នៅកម្ពុជា។

ក្រសួងព្រះបរមរាជវាំង បានបញ្ជាក់នៅក្នុងលិខិតនោះថា ការ ប្រកាសផ្អាកមិនអោយចូលទស្សនា ក្នុងព្រះបរមរាជវាំង គឺធ្វើឡើងទៅតាមលិខិតរបស់ក្រសួងសុខាភិបាល កាលពីថ្ងៃទី១៧ ខែមីនា ឆ្នាំ២០២០ អនុសាសន៍ដ៏ខ្ពង់ខ្ពស់របស់សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា ស្នើរដ្ឋមន្រ្តីក្រសួងទេសចរណ៍ និងអភិបាលរាជធានី-ខេត្តទាំងអស់ឱ្យបិទ KTV និងរោងភាពយន្តទាំងអស់ នៅក្នុងប្រទេសកម្ពុជា ចាប់ពីថ្ងៃទី១៧ ខែមីនា ឆ្នាំ២០២០នេះតទៅ ដើម្បីទប់ស្កាត់ការរីករាលដាល់ជំងឺកូវីដ១៩៕

អាជ្ញាធរវៀតណាម ប្រកាសបិទច្រកព្រំដែនមួយចំនួនជាមួយកម្ពុជា ជាបណ្តោះអាសន្ន

ភ្នំពេញ ៖ រដ្ឋាភិបាលវៀតណាម នៅព្រឹកថ្ងៃទី១៨ ខែមីនា នេះ បានសម្រេចបិទច្រកព្រំដែនជាមួយកម្ពុជាភ្លាមៗ ដោយអះអាងថា ដើម្បីទប់ស្កាត់នឹងការឆ្លងជំងឺកូវីដ១៩ និងងាយស្រួលក្នុងការគ្រប់គ្រងស្ថានភាពនៅក្នុងប្រទេសរបស់ខ្លួន ស្របពេលដែលកម្ពុជា បានប្រកាសពីការរកឃើញអ្នកឆ្លងវីរុសCovid-19 ចំនួន ២នាក់បន្ថែមទៀត គឺកើនឡើងសរុប ៣៥ករណី។

លោកនាយឧត្តមសេនីយ៍ គៀត ច័ន្ទថារិទ្ធ អគ្គនាយកនៃអគ្គនាយកដ្ឋានអន្តោប្រវេសន៍ ប្រាប់ថា រដ្ឋាភិបាលវៀតណាមនៅថ្ងៃទី១៨ ខែមីនា ឆ្នាំ២០២០ នេះ ពិតជាបានសម្រេចបិទច្រកព្រំដែនមួយចំនួនជាបណ្តោះអាសន្នជាមួយប្រទេសកម្ពុជា មែន គឺទាំងជនបរទេស និងពលរដ្ឋខ្មែរមិនអនុញ្ញាតឲ្យចូលទេ៕

 ជនជាប់ពន្ធនាគារនៅកម្ពុជា មិនអនុញ្ញាតឲ្យជួបផ្ទាល់ជាមួយអ្នកចូលសួរសុខទុក្ខទៀតឡើយ

លោក ចាន់ គឹមសេង អគ្គនាយកនៃអគ្គនាយកដ្ឋានពន្ធនាគារក្រសួងមហាផ្ទៃ បានបញ្ជាក់នៅថ្ងៃនេះថា គ្រប់ពន្ធនាគារទាំងអស់នៅកម្ពុជា ត្រូវបានបំពាក់ឧបករណ៍វាស់ស្ទង់កម្តៅពិនិត្យរក កូវីដ ១៩ ទាំងអ្នកជាប់ឃុំ និងក្រុមគ្រួសារដែលស្នើសុំចូលសួរសុខទុក្ខ។

លោកថា ថ្មីៗនេះអ្នកជាប់ឃុំម្នាក់ ត្រូវបានយកសំណាកទៅពិនិត្យរក កូវីដ១៩ តែមិនទាន់ដឹងលទ្ធផលនៅឡើយ។ ខណៈកម្ពុជា ស្ថិតក្នុងស្ថានភាពបែបនេះ ពន្ធនាគារ បានសម្រេចមិនអនុញ្ញាតឲ្យអ្នកខាងក្រៅចូលជួបដោយផ្ទាល់ជាមួយអ្នកជាប់ឃុំក្នុងពន្ធនាគារដូចគ្រាមុនៗទៀតឡើយ៕

 ផ្សោតនៅអន្លង់កាំពី ខេត្តក្រចេះ កើតកូនមួយក្បាលទៀតហើយ

ក្រុមការងារស្រាវជ្រាវសត្វផ្សោតទន្លេមេគង្គនៃរដ្ឋបាលជលផលខេត្តក្រចេះ និងខេត្តស្ទឹងត្រែង អង្គការ WWF-កម្ពុជា បានប្រទះឃើញកូនផ្សោតទើបកើតថ្មីមួយក្បាលទៀតក្នុងខែមីនា នេះ (កូនទី៥នៅដើមឆ្នា២០២០ )មានអាយុប្រហែលជា ១ថ្ងៃ កំពុងហែលក្នុងចំណោមហ្វូងផ្សោតធំចំនួន៥ក្បាល នៅក្នុងអន្លង់ផ្សោតកាំពី ខេត្តក្រចេះ កាលពីថ្ងៃទី១៤ ខែមីនា ឆ្នាំ២០២០។

តាមរបាយការណ៍នៃការអង្កេតចំនួនសត្វផ្សោតទន្លេមេគង្គក្នុងឆ្នាំ២០១៧ បានបង្ហាញថាមានសត្វផ្សោតចំនួន ៩២ក្បាល ក្នុងទន្លេមេគង្គក្នុងខេត្តក្រចេះ និងស្ទឹងត្រែង៕

ក្រសួងធនធានទឹក អំពាវនាវឲ្យថែរក្សាសុខភាព ខណៈអាកាសធាតុឡើងកម្តៅ និងមានខ្យល់កន្ត្រាក់

ស្ថានភាពអាកាសធាតុនៅកម្ពុជា នឹងមានការប្រែប្រួលចាប់ពីថ្ងៃនេះ ដល់ថ្ងៃទី២៣ ខែមីនា ឆ្នាំ២០២០ ដោយបន្តឡើងក្តៅខ្លាំងនៅពេលថ្ងៃ។

ទាក់ទិននឹងការកើនឡើងនៃកម្តៅអាកាសធាតុនេះ ក្រសួងធនធានទឹក និងឧតុនិយម បានអំពាវនាវដល់បងប្អូនប្រជាពលរដ្ឋ ថែរក្សាសុខភាពចំពោះការ និងសូមបន្តប្រុងប្រយ័ត្ន ចំពោះបាតុភូតផ្គរ រន្ទះ និងខ្យល់កន្ត្រាក់ ជាពិសេសបណ្តាខេត្តនៅភាគពាយ័ព្យ ចាប់ពីថ្ងៃទី ១៨-២៣ ខែមីនា ឆ្នាំ២០២០ ដែលអាចមានភ្លៀងធ្លាក់ខ្សោយ ដោយឡែកតែខេត្តកោះកុង អាចនឹងមានភ្លៀងធ្លាក់ក្នុងកម្រិតពីតិចទៅមធ្យម៕

ចិនប្រកាសពីជោគជ័យនៃការរកឃើញវ៉ាក់សាំងប្រឆាំងជំងឺ Covid-19

ក្រុមស្រាវជ្រាវនៃវិទ្យាស្ថានវិទ្យាសាស្រ្តយោធាប្រទេសចិន បានប្រកាសពីជោគជ័យនៃការស្រាវជ្រាវរកឃើញវ៉ាក់សាំងប្រឆាំងនឹងជំងឺ COVID-19 និងទទួលបានការអនុញ្ញាតក្នុងដំណើរការពិសោធន៍ព្យាបាលជំងឺ។

តាម Facebook ផ្លូវការរបស់ស្ថានទូតចិនប្រចាំកម្ពុជា បានបញ្ជាក់នៅព្រឹកថ្ងៃទី១៨ ខែមីនា ឆ្នាំ២០២០ នេះថា ការស្រាវជ្រាវនេះ ដឹកនាំដោយលោកស្រី Chen Wei អ្នកជំនាញផ្នែកកិច្ចការស្រាវជ្រាវវេជ្ជសាស្រ្តយោធាចិន ដោយស្របតាមស្តង់កំណត់អន្តរជាតិ និងតាមបទប្បញ្ញត្តិរបស់ចិន ហើយត្រូវបានចាត់ទុកជាកិច្ចការរៀបចំបឋម ដែលប្រកបដោយសុវត្ថិភាព ប្រសិទ្ធភាព គុណភាព ដែលអាចធានាបាននៃដំណើរការផលិតក្នុងទ្រង់ទ្រាយធំ៕

ភ្នំពេញ ៖ រដ្ឋាភិបាលវៀតណាម នៅព្រឹកថ្ងៃទី១៨ ខែមីនា នេះ បានសម្រេចបិទច្រកព្រំដែនជាមួយកម្ពុជាភ្លាមៗ ដោយអះអាងថា ដើម្បីទប់ស្កាត់នឹងការឆ្លងជំងឺកូវីដ១៩ និងងាយស្រួលក្នុងការគ្រប់គ្រងស្ថានភាពនៅក្នុងប្រទេសរបស់ខ្លួន ស្របពេលដែលកម្ពុជា បានប្រកាសពីការរកឃើញអ្នកឆ្លងវីរុសCovid-19 ចំនួន ២នាក់បន្ថែមទៀត គឺកើនឡើងសរុប ៣៥ករណី។
លោកនាយឧត្តមសេនីយ៍ គៀត ច័ន្ទថារិទ្ធ អគ្គនាយកនៃអគ្គនាយកដ្ឋានអន្តោប្រវេសន៍ ប្រាប់ថា រដ្ឋាភិបាលវៀតណាមនៅថ្ងៃទី១៨ ខែមីនា ឆ្នាំ២០២០ នេះ ពិតជាបានសម្រេចបិទច្រកព្រំដែនមួយចំនួនជាបណ្តោះអាសន្នជាមួយប្រទេសកម្ពុជា មែន គឺទាំងជនបរទេស និងពលរដ្ឋខ្មែរមិនអនុញ្ញាតឲ្យចូលទេ៕

ភ្នំពេញ ៖ ក្រសួងព្រះបរមរាជវាំង បានចេញសេចក្តីប្រកាស ផ្អាកមិនអនុញាតឲ្យភ្ញៀវចូលទស្សនាព្រះបរមរាជវាំងចាប់ពីថ្ងៃទី១៨មីនា នេះតទៅ ដើម្បីរួមចំណែកថ្មី ទប់ស្កាត់ការរាលដាលនៃមេរោគ កូវីដ១៩ នៅកម្ពុជា។

ក្រសួងព្រះបរមរាជវាំង បានបញ្ជាក់នៅក្នុងលិខិតនោះថា ការ ប្រកាសផ្អាកមិនឲ្យចូលទស្សនា ក្នុងព្រះបរមរាជវាំង គឺធ្វើឡើងទៅតាមលិខិតរបស់ក្រសួងសុខាភិបាល កាលពីថ្ងៃទី១៧ ខែមីនា ឆ្នាំ២០២០ អនុសាសន៍ដ៏ខ្ពង់ខ្ពស់របស់សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា ស្នើរដ្ឋមន្រ្តីក្រសួងទេសចរណ៍ និងអភិបាលរាជធានី-ខេត្តទាំងអស់ឱ្យបិទ KTV និងរោងភាពយន្តទាំងអស់ នៅក្នុងប្រទេសកម្ពុជា ចាប់ពីថ្ងៃទី១៧ ខែមីនា ឆ្នាំ២០២០នេះតទៅ ដើម្បីទប់ស្កាត់ការរីករាលដាល់ជំងឺកូវីដ១៩៕