ភ្នំពេញ ៖ នារីវ័យក្មេងម្នាក់មានផ្ទៃពោះ៧ខែបានទៅពិនិត្យផ្ទៃពោះនិងឆ្លុះអេកូនៅគ្លីនិកឯកជនមួយកន្លែងយីហោ ករុណាពេទ្យ ត្រូវបានខាងក្រុមគ្រូពេទ្យយកម្រាមដៃមិនបានពាក់ស្រោមលូកប្រដាប់ភេទ បង្កឲ្យមានការភ្ញាក់ផ្អើលដល់ក្រុមគ្រួសារកើតទុកមិនសុខចិត្ត បង្កជាជម្លោះ ទើបក្រុមគ្រូពេទ្យសម្រេចសងជំងឺចិត្ត 400 ដុល្លារដើម្បីបញ្ចប់រឿង។

ហេតុការណ៍នេះ បានកើតឡើងកាលពីវេលាម៉ោង៨នឹង១០នាទីយប់ ថ្ងៃទី១៩ ខែសីហាឆ្នាំ២០១៩ តាមបណ្តោយផ្លូវលេខ៧០ ដែលមានទីតាំងនៅចំណុចគ្លីនិកឯកជនយីហោ ករុណាពេទ្យ ស្ថិតនៅក្នុងសង្កាត់ស្រះចក ខណ្ឌដូនពេញ។

ស្ត្រីរងគ្រោះមានឈ្មោះ ច.ព.ស. អាយុ ១៩ឆ្នាំ ស្នាក់នៅសង្កាតផ្សារថ្មី3 ខណ្ឌដូនពេញ ប្តីរបស់ជនរងគ្រោះមានឈ្មោះ ធា រដ្ឋា អាយ ២៣ឆ្នាំ មានមុខរបរអូឌើនៅខារ៉ាអូខេ ស្នាក់នៅសង្កាត់ផ្សារថ្មី3 ខណ្ឌដូនពេញ ។

តាមសំដីប្តីនារីរងគ្រោះបានអោយដឹងថាយ៉មុនពេលកើតហេតុប្រពន្ធរបស់ខ្លួនមានអាយុ ១៩ឆ្នាំមានផ្ទៃពោះ៧ខែប៉ុន្តែប្រពន្ធគាត់នៅតែបន្តឆ្លៀតពេលធ្វើនៅរកប្រាក់នៅក្នុងភោជនីដ្ឋានមួយកន្លែងហើយបានត្រូវមិត្តភក្តិដើរមិនបានប្រយ័ត្នប៉ះចំ “ពោះ” បណ្តាលឲ្យមានអាការៈមិនស្រួលទើបហៅក្រុមគ្រួសារដឹកម៉ូតូកង់បី ជូនមកមន្ទីពេទ្យជប៉ុន ហើយជនរងគ្រោះបានសួរអ្នករត់កង់បីថា នៅកន្លែងណាមានឆ្លុះអេកូ ខាងម៉ូតូកង់បីប្រាប់ថា មានស្គាល់ទើបឲ្យដឹកមកគ្លីនិកឯកជនយីហោ ករុណាពេទ្យ តែម្តង។ ជនរងគ្រោះបានឲ្យដឹងទៀតថា នៅពេលចូលទៅដល់ខាងក្រុមគ្រូពេទ្យក៏បានឲ្យអ្នកជំងឺចូលក្នុងបន្ទប់ដើម្បីពិនិយ្យ ហើយបានយកម្រាមដៃលូកប្រដាប់ភេទទាំងមិនមានពាក់ស្រោមដៃ ម្តងហើយម្តងទៀតចំនួន៣លើក បណ្តាលឲ្យជនរងគ្រោះគិតថា ខាងគ្រូពេទ្យដូចជាមានគំនិតមិនល្អចំពោះខ្លួន ហើយក៏និយាយប្រាប់ប្តី បង្កជាជម្លោះទាស់ពាក្យសំដីគ្នាបង្កការភ្ញាក់ផ្អើលតែម្តង។

ជនរងគ្រោះបានបញ្ជាក់ថា គ្លីនិកឯកជនមួយនេះឲ្យពេទ្យ”ស្តារ”មកពិនិត្យជំងឺ និងធ្វើខុសវិជ្ជាជីវៈគ្មានក្រមសីធម៌។ ក្រោយពេលកើតហេតុ ខាងគ្លីនិកព្រមទទួលកំហុស ហើយក៏សុខចិត្តបង់ជំងឺចិត្តដល់អ្នកចំនួន 400$ ដើម្បីបញ្ចប់រឿងនៅនឹងកន្លែង និងព្រមធានាព្យាបាលអោយជនរងគ្រោះមួយចប់ថែមទៀតដើម្បីស្ដារមុខមាត់របស់គ្លីនិក៕

​ខេត្តកំពង់ចាម ៖ ពូជស្រូវសែនក្រអូប ចំនួន២៨.៦៥០គក្រ ជាអំណោយរបស់លោកលោកលោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានផ្ដល់ជូនប្រជាកសិករចំនួន ៥៧៣គ្រួសារ នៅ​ក្នុង​ឃុំស្រម៉រ ស្រុកជើងព្រៃ ខេត្តកំពង់ចាម ។

ពិធីចែកពូជស្រូវនេះ បាន​ធ្វើឡើង​នាព្រឹក​ថ្ងៃ​ទី​១៩​ ខែសីហា​ ឆ្នាំ​២០១៩​ ​នៅ​បរិវេណ​វត្តស្រាម ក្រោមអធិបតីភាពលោក ឱក គឹមស៊ា រដ្ឋលេខាធិការ ក្រសួងកសិកម្ម រុក្ខាប្រមាញ់ និងនេសាទ និងលោក អ៊ុន ចាន់ដា អភិបាល​នៃ​គណៈ​អភិបាលខេត្តកំពង់ចាម​ ដោយ​មាន​ការ​អញ្ជើញ​ចូល​រួម​ពី​​ លោក​ លោកស្រី​ អភិបាល​រង​ខេត្ត​ មន្ទីរអង្គភាព​ពាក់ព័ន្ធ​ជុំវិញខេត្ត​ និង​អាជ្ញាធរ​មូលដ្ឋាន​ផងដែរ​ ។

លោក អ៊ុន ចាន់ដា អភិបាល ខេត្តកំពង់ចាម បានថ្លែងអំណរគុណ ចំពោះលោក រដ្ឋមន្ត្រី វេង សាខុន ប្រធានក្រុមការងារថ្នាក់ជាតិ ចុះមូលដ្ឋានស្រុកជើងព្រៃ ដែលបានសម្រេចចិត្ត ផ្ដល់នូវពូជស្រូវ ដើម្បី ឆ្លើយតបទៅនឹងសំណូមពររបស់ប្រជាពលរដ្ឋ នៅក្នុងវេទិកាសាធាររណៈ កាលពីពេលថ្មីៗកន្លងទៅនេះ ។

លោកអភិបាលខេត្ត បាន​ថ្លែង​ថា នៅក្នុងឃុំស្រម៉រ ស្រុកជើងព្រៃ មានផ្ទៃដីស្រូវ រងផលប៉ះពាល់ ដោយសារគ្រោះរាំងស្ងួត មានចំនួន ៣៥៨ហិចតា ស្មើនឹង ៥៧៣គ្រួសារ ។

ដោយមានការយកចិត្តទុកដាក់ ពីក្រសួងកសិកម្ម រុក្ខាប្រមាញ់ និងនេសាទ ក៏ដូចជា អាជ្ញាធរខេត្ត និងមន្ទីរកសិកម្មរុក្ខាប្រមាញ់ និងនេសាទ ខេត្តកំពង់ចាម ក៏បានផ្ដល់ស្រូវពូជ ចំនួន២៨.៦៥០គីឡូក្រាម ដល់ប្រជាកសិករទាំង ៥៧៣គ្រួសារ ក្នុងមួយគ្រួសារៗ ទទួលបានពូជស្រូវ ចំនួន ៥០គីឡូក្រាម សម្រាប់យកទៅដាំដុះ ដើម្បីស្ដារលទ្ធភាពបង្កបង្កើនផលឡើងវិញ ។
លោក បានលើកឡើងដែរថា កាលពីខែកក្កដា កន្លងទៅ ខេត្តកំពង់ចាម ជួបបញ្ហាប្រឈមដោយគ្រោះរាំងស្ងួត នៅតំបន់មួយចំនួន ដែលធ្វើឲ្យប៉ះពាល់ដល់ដំណាំស្រូវចំនួន៦០០៣ហ.ត ក្នុងនោះស្រុកបាធាយប៉ះពាល់ ១២ឃុំ ស្មើនឹង ២១.៤៥ហ.ត ស្រុកជើងព្រៃ ប៉ះពាល់ ៩ ឃុំ ស្មើនឹង ៣១៨១ហ.ត ស្រុកព្រៃឈរប៉ះ ពាល់ ១២ឃុំ ស្មើនឹង ៥៣០ហ.ត ស្រុកស្ទឹងត្រង់ប៉ះពាល់ ៣ឃុំ ស្មើនឹង ១៤៧ហ.ត ផងដែរ ។

លោក ឱក គឹមស៊ា រដ្ឋលេខាធិការ ក្រសួងកសិកម្ម រុក្ខាប្រមាញ់ និងនេសាទ បាន​ថ្លែង​ថា ពូជស្រូវ ដែលបានចែកជូន នាពេលនេះ វាមិនសម្រាប់បងប្អូនទាំងអស់ឡើយ ពោលគឺ បានចែកជូនសម្រាប់តែអ្នកប៉ះពាល់ ពិតប្រាកដ និងមានតម្រូវការចាំបាច់ ប៉ុណ្ណោះ ។ដូច្នេះ សូមបងប្អូនផ្សេងៗទៀត មានការយោគយល់អធ្យាស្រ័យ ចំពោះ អំណោយនេះ ផងដែរ ។

តាមរយៈនេះ សូមបងប្អូន ដែលទទួលបានពូជស្រួវហើយ សូមយកទៅទុកដាក់ និងសាបព្រោះ លើដីបង្កបង្កើនផល ឲ្យទាន់ពេលវេលា​ ដេីម្បី​ស្តារ​ជីវភាព​ក្នុង​គ្រួសារ​បងប្អូន​ឡេីង​វិញ​ ៕ ដោយ: សុផល

ភ្នំពេញ : ការប្រឡងសញ្ញាបត្រមធ្យមសិក្សាទុតិយភូមិឆ្នាំនេះបានប្រព្រឹត្តិទៅតាមការកំណត់ របស់ក្រសួងអប់រំ យុវជននិងកីឡាមានរយៈពេល២ថ្ងៃ គឺថ្ងៃទី១៩និងថ្ងៃទី២០ខែសីហា សម្រាប់ព្រឹកនេះ ថ្ងៃទី១៩ គឺប្រឡងលើវិញ្ញាសា ប្រវត្តិវិទ្យា និង ជីវវិទ្យា ហើយនៅពេលរសៀល មាន គីមីវិទ្យា និង ភាសារបរទេស ចំណែកនៅថ្ងៃទី២០ ស្អែកនេះ មានវិញ្ញាសារ ពេលព្រឹក អក្សរសាស្រ្តខ្មែរ និង រូបវិទ្យា ពេលរសៀល គណិតវិទ្យា សរុបមកមាន៧មុខវិទ្យា។

ថ្លែងនៅក្រោយកាត់វិញ្ញាសារប្រឡង នាព្រឹកម៉ិញនេះ ឯកឧត្តម បណ្ឌិតសភាចារ្យ ហង់ ជួនណារ៉ុន រដ្ឋមន្រ្តីក្រសួងអប់រំ យុវជននិងកីឡា បានមានប្រសាស្រ្តឱ្យដឹងថា ក្រសួងបានសហការជាមួយភាគីពាក់ព័ន្ធទាំងអស់ ជាពិសេស អង្គភាពប្រឆាំងអំពើពុករលួយ សហភាពសហព័ន្ធយុវជនកម្ពុជា អាជ្ញាធរ ក្រុមគ្រូពេទ្យ ក្នុងការរៀបចំនិងពង្រឹងការគ្រប់គ្រងទៅលើអប្បមាត្រ និងជ្រើសរើសជំនួយការអប្បមាត្រ ចំនួនជាង២ពាន់នាក់ ដើម្បីរាយការណ៍នូវរាល់សកម្មភាព និងអំពើពុករលួយ ឬ សកម្មភាពមិនប្រក្រតីណាមួយ ក្នុងមណ្ឌល ឬ បន្ទប់ប្រឡង ទូទាំងរាជធានីខេត្ត។

ទាក់ទិននឹងការចេញកំណែរឆ្នាំនេះ លោករដ្ឋមន្រ្តីបញ្ជាក់ថា មិនឱ្យមានការថ្លោះធ្លោយ ផ្នែកបច្ចេកទេសដូចឆ្នាំមុនទៀតទេ គឺក្រសួងបានបង្កើត អនុគណកម្មការបច្ចេកវិទ្យាមួយ ហើយបានរៀបចំកម្មវិធីថ្មី សម្រាប់ការបូកផ្សំពិន្ទុ រៀបចំមជ្ឈមណ្ឌលកុំព្យូទ័រចំនួន២ មានប្រព័ន្ធ២ មាននិតិវិធី ក្នុងការត្រួតពិនិត្យ មើលលទ្ធផលច្បាស់លាស់ យកលទ្ធផលមកវិភាគមួយរយៈសិន ឱ្យអ្នកបច្ចេកទេសបញ្ចូលទៅក្នុងប្រព័ន្ធកម្មវិធី ទើបប្រជុំសម្រេចប្រកាសលទ្ធផល។ដោយឡែកចំពោះករណីរកឃើញថា មានសញ្ញាសំគាល់មិនប្រក្រតី នៅលើសន្លឹកកិច្ចការ

ចំណែក លោក សាយ សំអាល់ រដ្ឋមន្រ្តី ក្រសួងបរិស្ថាន និងជាប្រធានសហភាពសហព័ន្ធ យុវជនរាជធានីភ្នំពេញ បានមានប្រសាសន៍ឱ្យដឹងថា ស.ស.យ.ក បានបង្កើនឱ្យមានកម្មវិធីតម្រង់ទិសដល់សិស្ស ទៅតាមទីផ្សារការងារដោយសហការជាមួយក្រសួងការងារផ្ទាល់ រួមជាមួយអាណាព្យាបាល ដោយផ្តល់ជូននូវវគ្គបំប៉ន ឱ្យសិស្សបានសិក្សាដោយខ្លួនឯងតាមកម្មវិធីអនឡាញចំពោះមុខវិទ្យាដែលត្រូវប្រឡង។ សម្រាប់បេក្ខជនប្រឡង ឆ្នាំនេះមានការផ្លាស់ប្តូរច្រើន គឺពួកគេមានភាពជឿជាក់លើខ្លួនឯងច្រើន ដោយពួកគេបានខិតខំរៀនសូត្រតាំងពីដើមទីមក។

ជាមួយគ្នានោះ លោក ឃួង ស្រេង អភិបាលរាជធានីភ្នំពេញ ក៏បានបង្ហាញពីការរៀបចំកម្លាំង ក្នុងការការពារសន្តិសុខសណ្តាប់ធ្នាប់ ទាំងខាងក្រៅបរិវេណ ក៏ដូចជាតាមមណ្ឌលប្រឡងនានា ទាំង២៧មណ្ឌល ក្នុងរាជធានីភ្នំពេញ បានយ៉ាងមានប្រសិទ្ធភាព និងមានភាពល្អប្រសើរជាងឆ្នាំមុនៗ៕

កំពង់ចាម​ ៖ អភិបាល នៃ​គណៈ​អភិបាល​ខេត្តកំពង់ចាម​ លោក អ៊ុន​ ចាន់ដា​​ បានអញ្ជើញជាអធិបតី ក្នុងពិធីកាត់ និងបើកវិញ្ញាសារ ប្រឡងមធ្យមសិក្សាទុតិយភូមិ​ នាសម័យប្រឡង ថ្ងៃទី១៩ ខែសីហា ឆ្នាំ២០១៩​ នៅវិទ្យាល័​ ព្រះសីហនុ​​ ស្ថិតក្នុង​ក្រុង​កំពង់ចាម​ ដោយមានការ​អញ្ជើញ​ចូលរួមពី​ មន្ត្រីរាជការ​ ប្រធានគណៈមេប្រយោគ​ មន្ទីអបរំយុវជននិងកីឡា​ តំណាង​ក្រសួង​អប់រំយុវជន​និង​កីឡា​ សហភាពសហព័ន្ធយុវជនកម្ពុជាខេត្ត​ និងអ្នកសង្កេតការផងដែរ។​

នាឱកាស​នោះ​ដែរ​ លោក អ៊ុន​ ចាន់ដា​ អភិបាលខេត្តកំពង់ចាម បានជូនពរ និងប្រគេនពរដល់បេក្ខជនទាំងអស់ ឲ្យ​បានទទួលលទ្ធផលជាប់និងជោគជ័យ ហើយ​កុំភ័យខ្លាចអ្វីឡើយ​ ត្រូវ​តាំង​អារម្មណ៍​ គិតតែខិតខំប្រឹងប្រែងសរសេរដើម្បីយកនិទ្ទេសល្អ​ ដើម្បីឈានដល់ទទួលបានអាហាររូបករណ៍ និងបន្តទៅរៀននៅមហាវិទ្យាល័យបន្ថែមទៀត ដោយ​មានកងកម្លាំង​សហការណ៍​ជាមួយ​​អាជ្ញាធរ​មូលដ្ឋាន​ បាន​ការពារខាងសន្តិសុខ​ និងសុវត្ថិភាព​ ​ជូនដល់បេក្ខជន​ និងសិស្សដែលបានមកប្រលងផងដែរ។​

លោក លី ម៉េងសាន ប្រធានមន្ទីរអប់រំយុវជននិងកីឡា ខេត្តកំពង់ចាម បាន​ឲ្យ​ដឹងថា​ នៅឆ្នាំសិក្សា២០១៨-២០១៩ នេះ​ បេក្ខជនដែលបានដាក់ពាក្យប្រឡងមធ្យមសិក្សាទុតិយភូមិ​ សរុបចំនួន៦.០៤៦នាក់​​ ដែល​មានមណ្ឌលប្រឡងសរុបចំនួន១៤​កន្លែង​ ក្នុង​នោះ​នៅ​ក្រុងកំពង់ចាម​ មានចំនួន១០មណ្ឌល​ គឺមណ្ឌលសាលាគរុកោសល្យ និងវិក្រឹត្យការ​ មណ្ឌលវិទ្យាល័យតេជោហ៊ុសែនបឹងកុក មណ្ឌលវិទ្យាល័យព្រះសីហនុ​ (ត្បូង​) មណ្ឌលវិទ្យាល័យព្រះសីហនុ​ (ជើង)​ មណ្ឌលសាកលវិទ្យាល័យគ្រប់គ្រងនិងសេដ្ឋកិច្ច មណ្ឌលវិទ្យាល័យដីដុះ​ មណ្ឌលសាកលវិទ្យាល័យវេស្ទើន​ មណ្ឌលមជ្ឈមណ្ឌលគរុកោសល្យភូមិភាគ មណ្ឌលអនុវិទ្យាល័យទូលថ្ម និងមណ្ឌលសាលាបឋមសិក្សាឧត្តរ ។​ ស្រុកកំពង់សៀម​ មានចំនួន០២មណ្ឌល​គឺ​ ​វិទ្យាល័យសម្តេចជួនណាត និងសាលាបឋមសិក្សាអង្គរ ។​​ ស្រុកជើងព្រៃ​ មានចំនួន០២មណ្ឌគឺ​ វិទ្យាល័យហ៊ុនសែនស្គន់ និងសាលាបឋមសិក្សាស្គន់ ។ ក្នុងនោះ​មាន​ផ្នែកវិទ្យាសាស្រ​០៥មណ្ឌល ស្មើនឹង១២៧បន្ទប់​ បេក្ខជនសរុប ៣.១៣៨នាក់ ស្រី១.៨៥៩នាក់​ ។ផ្នែកវិទ្យាសាស្រ្តសង្គម​ មាន០៩មណ្ឌល ស្មើនឹង២០៤បន្ទប់, បេក្ខជនសរុប៥.០៥៤នាក់ ស្រី២.៦២៥នាក់​ ។​

សូមបញ្ជាក់ផងដែរថា គ្រប់មណ្ឌលទាំងអស់មានកងកម្លាំងប្រដាប់អាវុធ គ្រូពេទ្យប្រចាំការ​ ដើម្បីរង់ចាំជួយសង្គ្រោះ ហើយកន្លែងផ្ញើរថយន្ត ម៉ូតូ កង់ គឺឥតគិតថ្លៃផ្ញើ​ផង​ដែរ​ ៕ ដោយ : សុផល

ភ្នំពេញ ៖ អតីតប៉ូលិសប៉ុស្តិបឹងទំពុនម្នាក់បានរត់គេចខ្លួនខណះពេលកម្លាំងនគរបាលព្រហ្មទណ្ឌខណ្ឌមានជ័យបញ្ជូនទៅឃុំខ្លួននៅពន្ធធនាគារព្រៃសកាលពីព្រឹកថ្ងៃទ៏១៩ខែសីហាឆ្នាំ២០១៩នៅមុខសាលាដំបូងរាជធានីភ្នំពេញផ្លូវព្រះមុន្នីរ៉េតសង្កាត់វាលវង់ខណ្ឌ៧មករា។

ជនល្មើសខាងលើមានឈ្មោះ អ៊ឹម រតនៈ ហៅកណ្តុរ ភេទប្រុស អាយុ៣២ឆ្នាំ អតីតជាមន្ត្រីនគរបាលប៉ុស្តិបឹងទំពុន មុខរបរបច្ចប្បន្នមិនពិតប្រាកដ ស្នាក់នៅភូមិព្រែកទល់ សង្កាត់ស្ទឹងមានជ័យ២ ខណ្ឌមានជ័យ។

គួបញ្ជាក់ផងដែរថានៅយប់ថ្ងៃទ៏១៦ខែសីហាឆ្នាំ២០១៩ កម្លាំងនគរបាលព្រហ្មទណ្ឌប៉ុស្តិនគរបាលស្ទឹងមានជ័យទី១ បានឃាត់ខ្លួនជនសង្ស័យខាងលើនៅចំនុចក្រោមស្ពានអាកាសស្ទឹងមានជ័យភូមិមានជ័យសង្កាត់ស្ទឹងមានជ័យទី១ខណ្ឌមានជ័យដោយយោងតាមបណ្តឹងជនរងគ្រោះបានដាក់ពាក្យបណ្តឹងទៅលើជនសង្ស័យខាងលើឈ្មោះអ៊ឹមរតនះពាក់ពន្ធ័ករណីលួចម៉ូតូរបស់ជនរងគ្រោះយកទៅលក់នៅខេត្តតាកែវ។

ក្រោយពេលឃាត់ខ្លួនជនសង្ស័យខាងលើរួចមកសមត្ថកិច្ចបាននាំខ្លួនទៅសាកសួនៅប៉ុស្តិនគរបាលរដ្ឋបាលស្ឬឹងមានជ័យទី១តាមចម្លើយសាកសួពីសមត្ថិច្ចជនសង្ស័យបានសារភាពថាខ្លួនពិតជាបានធ្វើសកម្មភាពលួចម៉ូតូពីជនរងគ្រោះពិតប្រាកដមែន។

បន្ទាប់ពីបានចម្លើយសារភាពពីជនសង្ស័យរួចរាល់ហើយកម្លាំងនគរបាលប៉ុស្តិរដ្ឋបាលស្ទឹងមានជ័យទី១បានបញ្ជូនសុំនុំរឿងបញ្ជូនទៅកាន់អធិការដ្ឋាននគរបាលខណ្ឌមានជ័យដើម្បីឃុំខ្លួនបណ្តោះអាសន្ននៅអធិការខណ្ឌនិងកសាងសុំនុំបញ្ជូនទៅតុលាការក្រោយព្រះរាជអាជ្ញារងនិងចៅក្រមធ្វើការសាកសួរួចក៏បានចេញដីកាឃុំខ្លួននៅពន្ធនាគារព្រៃសស្រាប់តែជនល្មើសរត់គេចខ្លួនបាត់ដោយសុវត្ថភាពទាំងដៃជាប់ខ្នោះ៕

ភ្នំពេញ ៖ ឧបនាយករដ្ឋមន្ត្រី រដ្ឋមន្ត្រីការបរទេស នៃសាធារណរដ្ឋសង្គមនិយមវៀតណាម លោក ផាម ប៊ិញមិញ នឹងអញ្ជើញដឹកនាំគណៈប្រតិភូជាន់ខ្ពស់វៀតណាម មកបំពេញទស្សនកិច្ចការងាររាជធានីភ្នំពេញ ដើម្បីធ្វើជាសហប្រធានជាមួយលោក ប្រាក់ សុខុន ដែលនឹងបើកកិច្ចប្រជុំគណៈកម្មការចម្រុះកម្ពុជា-វៀតណាម លើកទី១៧ ស្តីពីកិច្ចសហប្រតិបត្តិការសេដ្ឋកិច្ច វប្បធម៌ វិទ្យាសាស្ត្រ និងបច្ចេកទេស ចាប់ពីថ្ងៃទី២០ ដល់ថ្ងៃទី២១ ខែសីហា ឆ្នាំ២០១៩ ខាងមុខនេះ ។

បើយោងតាមសេចក្តីប្រកាសព័ត៌មានរបស់ក្រសួងការបរទេសចុះថ្ងៃទី១៦ ខែសីហា ឆ្នាំ២០១៩ បានបញ្ជាក់ថា កិច្ចប្រជុំគណៈកម្មការចម្រុះកម្ពុជា-វៀតណាម ត្រូវបានរៀបចំឡើងជាទៀងទាត់ក្នុងគោលបំណងធ្វើបច្ចុប្បន្នភាពវឌ្ឍនភាព កិច្ចសហប្រតិបត្តិការ និងរិះរកវិធី និងមធ្យោបាយនានាដើម្បីពង្រីកថែមទៀតនូវវិសាលភាព និងប្រសិទ្ធិភាពនៃទំនាក់ទំនងទ្វេភាគីរវាងប្រទេសទាំងពីរនៅក្នុង វិស័យនានា។កិច្ចប្រជុំនេះក៏នឹងផ្តល់កាលានុវត្តភាពសម្រាប់ភាគី ទាំងពីរ ធ្វើការផ្លាស់ប្តូរទស្សនៈគ្នាលើកិច្ចសហប្រតិបត្តិការក្នុងក្របខ័ណ្ឌ តំបន់ និងអន្តរជាតិ ដែលមានផលប្រយោជន៍ទៅវិញទៅមកផងដែរ។

ក្នុងអំឡុងពេលស្នាក់នៅរាជធានីភ្នំពេញ លោក ផាម ប៊ិញមិញ នឹងអញ្ជើញចូលជួបសម្តែងការគួរ សម ចំពោះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃ ព្រះរាជាណាចក្រកម្ពុជាផងដែរ៕

ភ្នំពេញ ៖ លោក គឹម សន្តិភាព អ្នកនាំពាក្យក្រសួងយុត្តិធម៌ បានបញ្ជាក់ នៅព្រឹកថ្ងៃទី១៧ ខែសីហា ឆ្នាំ២០១៩ នេះថា «យោងតាមច្បាប់កម្ពុជា ការចាប់ខ្លួនទណ្ឌិតយកមកអនុវត្តទោស អាចធ្វើបានគ្រប់ពេល បើទោះបីជាត្រូវនឹងថ្ងៃឈប់សម្រាកក៏ដោយ ហើយអ្នកដែលកំពុងស្ថិតក្នុងរង្វង់ទណ្ឌិត ក៏ត្រូវសមត្ថកិច្ចអនុវត្តច្បាប់ដូចគ្នាដែរ។

ការថ្លែងបែបនេះ របស់អ្នកនាំពាក្យអ្នកនាំពាក្យក្រសួងយុត្តិធម៌ បានធ្វើឡើងភ្លាមៗនៅក្រោយពេល លោក សម រង្ស៉ី បានប្រកាសពីក្រៅប្រទេស អំពីកាលបរិច្ឆេទត្រឡប់មកកាន់ប្រទេសកម្ពុជា ជាថ្មី ម្តងទៀត នៅថ្ងៃទី១៦ ខែសីហា ឆ្នាំ២០១៩ ដោយបញ្ជាក់ថា លោក និងថ្នាក់ដឹកនាំ អតីតគណ បក្សសង្រ្គោះជាតិ ដែលនៅក្រៅប្រទេស នឹងវិលត្រឡប់មកប្រទេសកម្ពុជា នៅថ្ងៃទី៩ ខែវិច្ឆិកា ឆ្នាំ២០១៩ ខាងមុខនេះ ដែលចំនឹងថ្ងៃបុណ្យឯករាជ្យជាតិកម្ពុជា។

គេនៅចាំបានថា លោក សម រង្ស៉ី កំពុងមានក្តីក្តាំនៅតុលាការជាច្រើនករណី ហើយក៏ត្រូវបានតុលា ការ កាត់ទោសជាបន្តបន្ទាប់រួចទៅហើយផងដែរ ក្នុងនោះមានសំណុំរឿងព្រហ្មទណ្ឌដូចជា ត្រូវ តុលាការផ្ដន្ទាទោសឱ្យជាប់ពន្ធនាគារ ៥ឆ្នាំ ពាក់ព័ន្ធ នឹងករណីក្លែងឯកសារព្រំដែនកម្ពុជា – វៀត ណាម និងផ្តន្ទាទោសឱ្យជាប់ពន្ធនាគារ១ឆ្នាំ៨ខែ ចំពោះករណីបរិហារកេរ្តិ៍ បទញុះញង់ និងករណី ផ្សេងៗជាច្រើនទៀត។

សូមជម្រាបថា នេះមិនមែនជាលើកទីមួយទេ ដែលលោក សម រង្ស៊ី បានប្រកូកប្រកាសថា នឹងវិល មកកម្ពុជាវិញ ដែលពេលកន្លងទៅ បានប្រកាសប្រាប់មហាជនជាតិ និងអន្តរជាតិថា ខ្លួននឹងវិល ត្រឡប់មកប្រទេសកម្ពុជា ក្នុងខែកញ្ញា ឆ្នាំ២០១៩ ទោះជាប្រឈមនឹងការចាប់ខ្លួន យកទៅអនុវត្ត ច្បាប់យ៉ាងណាក៏ដោយ។ ការផ្លាស់ប្តូរពេលវេលាម្តងហើយម្តងទៀត ម្តងថាមកខែនេះ ម្តងថាមក ឆ្នាំនោះ ម្តងថា មិនប្រាប់ថ្ងៃពិតប្រាកនៃការវិលត្រឡប់ បានបង្ហាញពីភាពមិនប្រាកដប្រជាក្នុងល្បែងនយោបាយច្រំដែលៗ ដែលលើកនេះ ត្រូវបានគេចាត់ទុកថា ក៏មិនខុសអ្វីពីលើកមុនៗដែរ។

ទោះជាយ៉ាងនេះក្តី នាយឧត្តមសេនីយ៍ សន្ដិបណ្ឌិត នេត សាវឿន អគ្គស្នងការនគរបាលជាតិ និង នាយឧត្តមសេនីយ៍ វង្ស ពិសេន អគ្គមេបញ្ជាការកងយោធពលខេមរភូមិន្ទ កាលពីថ្ងៃទី៨ ខែ សីហា ឆ្នាំ២០១៩ កន្លងទៅនេះ បានដឹកនាំកិច្ចប្រជុំរួមគ្នាមួយ ដើម្បីត្រៀមកម្លាំងអនុវត្តដីការបស់តុលាការ សម្រាប់ការ ចាប់ខ្លួនទណ្ឌិត សម រង្ស៊ី ដែលកំពុងរត់គេចខ្លួននៅក្រៅប្រទេស បើសិនទណ្ឌិតរូបនេះហ៊ានចូល ប្រទេសកម្ពុជា៕

ភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានសម្រេចកំណត់ជាផ្លូវការនូវរចនាសម្ព័ន្ធ និងរបៀបរបបការងារឱ្យបានច្បាស់លាស់របស់អង្គភាពអ្នកនាំពាក្យរាជរដ្ឋាភិបាលកម្ពុជា បន្ទាប់ ពីអង្គភាពនេះ បានដាក់ដំណើរការអស់រយៈពេលជាច្រើនខែដោយមិនទាន់មានការចាត់តាំងជាកម្មវិធី និងរបៀបវារៈឲ្យបានត្រឹមត្រូវ។

យោងតាមអនុក្រឹត្យស្តីពីការរៀបចំ និងការប្រព្រឹត្តទៅនៃអង្គភាពអ្នកនាំពាក្យរាជរដ្ឋាភិបាលកម្ពុជា ត្រូវបាន ចុះហត្ថលេខាសម្តេចតេជោ ហ៊ុន សែន ដាក់ឱ្យអនុវត្តន៍នៅថ្ងៃទី១៥ ខែសីហា ឆ្នាំ២០១៩ កន្លងទៅនេះ មានចំនួន៧ជំពូក និង១៤មាត្រា ផ្តោតទៅលើប្រសិទ្ធភាពនៃការងារ ព័ត៌មានជូនដល់ សាធារណជនជាតិ និងអន្តរជាតិអំពីការងារ សមិទ្ធផល និងគោលនយោបាយរបស់រាជ រដ្ឋាភិបាល ។

ក្នុងអនុក្រឹត្យបានបញ្ជាក់ផងដែរថា សមាសភាពរបស់អង្គភាពអ្នកនាំពាក្យរាជរដ្ឋាភិបាលមានឥស្សរ ជនមួយរូប ទទួលបន្ទុកលើកិច្ចការនាំពាក្យរាជរដ្ឋាភិបាលជាប្រធានអង្គភាព និងអ្នកនាំពាក្យតាម ក្រសួង ស្ថាប័ននីមួយៗ ជាអនុប្រធាន និងសមាជិក ដែលកំណត់ដោយសេចក្តីសម្រេចរបស់ រាជ រដ្ឋាភិបាល។ អង្គភាពអ្នកនាំពាក្យរាជរដ្ឋាភិបាលមានទីប្រឹក្សា និងក្រុមជំនួយការ ហើយអនុប្រធាន និងសមាជិកត្រូវបំបេញការងារតាមការកំណត់របស់ប្រធាន។

អង្គភាពនេះ មានតួនាទីស្នូលក្នុងការសម្របសម្រួលឱ្យមានឯកភាព ប្រសិទ្ធភាព សណ្តាប់ធ្នាប់ ក្នុង កាតផ្តល់ និងការផ្សាយព័ត៌មានដែលពាក់ព័ន្ធនឹងសមិទ្ធផលការងារ និងគោលនយោបាយរាជរដ្ឋា ភិបាល, ដឹកនាំ គ្រប់គ្រងនិងធ្វើនិយ័តកម្មលើការផ្សព្វផ្សាយរាល់ព័ត៌មានផ្លូវការរបស់រាជរដ្ឋាភិបាល , សម្របសម្រួលជាមួយបណ្តាញសារព័ត៌មានផ្លូវការ និងបណ្តាញទំនាក់ទំនងសង្គមជាតិ និងអន្តរ ជាតិ និងលំហូរព័ត៌មានឱ្យមានប្រសិទ្ធភាព, ស្រាវជ្រាវ ប្រមូល ចងក្រងឯកសារពាក់ព័ន្ធនានា ពី គ្រប់អង្គភាពព័ត៌មាននៃបណ្តាក្រសួងស្ថាប័ន, ពន្យល់ និងផ្សព្វផ្សាយអំពីប្រសិទ្ធភាព នៃកម្មវិធី នយោបាយរបស់រាជរដ្ឋាភិបាលទៅកាន់បណ្តាញសារព័ត៌មាន ក៏ដូចជាសាធារណជន ដើម្បីចៀស វាងការបកស្រាយខុស ជាហេតុនាំឱ្យមានការវាយតម្លៃអវិជ្ជមានលើរាជរដ្ឋាភិបាល, រៀបចំសន្និសីទ សារព័ត៌មាន សេចក្តីប្រកាសព័ត៌មាន សេចក្តីថ្លែងការណ៍ ឱ្យបានទាន់ពេលវេលា និងមានប្រសិទ្ធ ភាព , រៀបចំបណ្តុះបណ្តាល ពង្រឹងសមត្ថភាពជំនាញ ដល់សមាជិកអង្គភាពអ្នកនាំពាក្យ រាជរដ្ឋាភិ បាល មន្ត្រីនាំពាក្យថ្នាក់ជាតិ និងថ្នាក់ក្រោមជាតិ និងអនុវត្តតួនាទី និងភារកិច្ចផ្សេងៗទៀត តាមការ ប្រគល់ជូនរបស់រាជរដ្ឋាភិបាល។

សូមបញ្ជាក់ថា អង្គភាពអ្នកនាំពាក្យរាជរដ្ឋាភិបាល មានលោក ផៃ ស៊ីផាន រដ្ឋមន្ត្រីប្រតិភូអម នាយក រដ្ឋមន្ត្រី ជាប្រធាន អមដោយអនុប្រធានចំនួន ៥រូប និងសមាជិក២៥រូបផ្សេងទៀត ដែលសុទ្ធតែជា អ្នកនាំពាក្យមកពីក្រសួងនានា។ អង្គភាពនេះ តែងតែបានធ្វើសន្និសីទព័ត៌មាន ឆ្លើយតបនឹងបញ្ហា សង្គម ជារៀងរាល់ថ្ងៃព្រហស្បតិ៍។អង្គភាពអ្នកនាំពាក្យរាជរដ្ឋាភិបាល មានលេខាធិការដ្ឋាន មួយជា សេនាធិការ មានទីតាំងនៅទីស្តីការគណៈរដ្ឋមន្ត្រី និងមាននាយកដ្ឋានចំណុះចំនួន៣រួមមាន៖ នាយកដ្ឋានរដ្ឋបាល និងហិរញ្ញកិច្ច, នាយកដ្ឋានកិច្ចការសាធារណៈ និងបណ្តុះបណ្តាល និងនាយក ដ្ឋានព័ត៌មាន បណ្ណសារ និងបច្ចេក វិទ្យាឌីជីថល៕

ភ្នំពេញៈ សម្តេចក្រឡាហោម ស ខេង រដ្ឋមន្ត្រីក្រសួងមហាផ្ទៃ បានបញ្ជាឲ្យសមត្ថកិច្ចជំនាញធ្វើការបង្កកទ្រព្យសម្បត្តិរបស់ឧក្រិដ្ឋជនដែលសង្ស័យថា ជាប់ពាក់ព័ន្ធនឹងការជួញដូរមនុស្ស និងការកាប់ឈើខុសច្បាប់។

សម្តេចក្រឡាហោម ស ខេង បានថ្លែងបែបនេះ នៅក្នុងវេទិកាជាតិ អន្តរសាសនានៅកម្ពុជាលើកទី៣ ដើម្បីប្រយុទ្ធប្រឆាំងអំពើជួញដូរមនុស្ស នៅមជ្ឈមណ្ឌលសន្និបាត និងពិព័រណ៍កោះពេជ្រកាលពីថ្ងៃពុធ សប្តាហ៍នេះ ដែលមានការចូលរួមពីមន្ត្រីប្រយុទ្ធប្រឆាំងអំពើជួញដូរមនុស្ស ក្រសួងធម្មការ និងសាសនា និងអង្គការការីតាសកម្ពុជា ថ្នាក់ដឹកនាំ សាសនារួមមាន ព្រះពុទ្ធសាសនា អ៊ិស្លាមសាសនា កាតូលិក និងគ្រិស្តបរិស័ទ និងអង្គការមិនមែនរដ្ឋាភិបាលដែលធ្វើការងារប្រយុទ្ធប្រឆាំងអំពើ ជួញដូរមនុស្សនៅកម្ពុជា ។

សម្តេច ស ខេង ថ្លែងថា អ្នករកស៊ីជួញដូរមនុស្សមិនមែនអ្នកក្រទេ គឺអ្នកមានលុយ អ្នកមានទ្រព្យសម្បត្តិ ប៉ុន្តែលោភលន់ មិនចេះចប់មិនចេះហើយ ដោយប្រើមធ្យោបាយទៅបោកបញ្ឆោតអ្នកដែលគ្មានលទ្ធភាព អ្នកដែលគ្មានការចេះដឹង គ្មានការអប់រំ ឬជីវភាពខ្សត់ខ្សោយ ។សម្តេច ក៏បញ្ជាឲ្យសមត្ថកិច្ចធ្វើការ បង្កកទ្រព្យសម្បត្តិឧក្រិដ្ឋជនដែលបានប្រព្រឹត្តអំពើជួញដូរមនុស្ស និងអ្នកពាក់ព័ន្ធ នឹងកាប់ឈើខុសច្បាប់ផងដែរ។

សម្តេច ស ខេង ថ្លែងថា «ការជួញដូរគ្រឿងញៀនក្តី ការជួញដូរមនុស្សក្តី ការរកស៊ីឈើខុសច្បាប់ ក្តី បើយើងគ្រាន់តែចាប់បានមក យកមនុស្សហ្នឹងទៅកាត់ទោស ប៉ុន្តែគេនៅអាចចរាចរណ៍លុយនោះបាន ដោយសារយើងអត់មានបង្កកទុក គឺវាអត់មានប្រយោជន៍ទេ»៕

ខេត្តបាត់ដំបង ៖ ប្រជាពលរដ្ឋទីទាល់ក្រ ចាស់ជរាគ្មានទីពឹង ស្រ្តីមេម៉ាយក្រីក្រចំនួន១៣១គ្រួសារ មកពី៦ភូមិនៃឃុំសំឡូត ស្រុកសំឡូត ខេត្តបាត់ដំបង ទទួល បានអំណោយមនុស្សធម៌ពីសាខា កាកបាទក្រហមកម្ពុជាខេត្តបាត់ដំបង នាព្រឹកថ្ងៃសុក្រនេះ ដែលត្រូវបានរៀបចំឡើង នៅបរិវេណវត្តចន្ទមុនីសីហៈ ហៅវត្តបកិត។

លោកបណ្ឌិត ប៊ុត គឹមស៊ាន ប្រធានគណៈកម្មាធិការសាខាកាកបាទក្រហមកម្ពុជាខេត្ត បានមានប្រសាសន៍បញ្ជាក់ថា៖ អំណោយ ដែលត្រូវចែកជូននាពេលនេះ មានចំនួនតិចតួចក៏ ពិតមែនតែសន្តានចិត្ត របស់សប្បុរសជនទាំងអស់ដែលបានជួយតាមរយៈកាកបាទក្រហមកម្ពុជា ដែល មានសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែនជាប្រធាន តែងតែយកចិត្តទុកដាក់គិតគូរចំពោះសុខទុក្ខ ប្រជាពលរដ្ឋគ្រប់រូប មិនប្រកាន់វណ្ណៈ ពណ៌សម្បុរ ជំនឿសាសនា ឬនិន្នាការនយោបាយណាមួយឡើយ ។

ក្នុងនោះដែរ ឯកឧត្តមបណ្ឌិត អំពាវនាវឲ្យបងប្អូនប្រជាពលរដ្ឋត្រូវយកចិត្តទុកដាក់ថែទាំសុខភាព ជាពិសេសសូមប្រុងប្រយ័ត្ន កុំឲ្យមូសខាំ ត្រូវគេងក្នុងមុងជានិច្ច ត្រូវបំបាត់ជម្រកមូសជុំវិញផ្ទះ និងក្នុងសហគមន៍របស់ខ្លួន ដើម្បីជៀសវាងនូវជំងឺគ្រុនឈាម ដែលកំពុងរាលដាលលើមនុស្សគ្រប់វ័យ និងឲ្យស្រ្តីមានផ្ទៃពោះ ត្រូវទៅពិនិត្យសុខភាពឲ្យបាន៤ដងមុនពេលសម្រាល ត្រូវចូលរួមគោរពច្បាប់ចរាចរណ៍ ហើយពេលបើកបរត្រូវមានការប្រុងប្រយ័ត្ន ពាក់មួយសុវត្ថិភាពឲ្យបានត្រឹមត្រូវ និងហាមដាច់ខាតពេលបើកបរកុំពិសារគ្រឿងស្រវឹង និងការពារកូនចៅជៀសឲ្យឆ្ងាយពីគ្រឿងញៀន ។

លោក ណាំ ទុំ សមាជិព្រឹទ្ធសភា បានមានផ្តាំផ្ញើដល់ប្រជាពលរដ្ឋទាំង១៣១គ្រួសារក្រោយពីទទួលបានអំណោយនេះហើយ ត្រូវខិតខំបន្តសកម្មភាពប្រកបមុខរបរចិញ្ចឹមជីវិត ក្នុងលើកស្ទួយជីវភាពគ្រួសារឲ្យកាន់តែប្រសើរឡើងថែមទៀត ព្រមទាំងជំរុញឲ្យបងប្អូនប្រជាពលរដ្ឋត្រូវចេះស្រលាញ់ធម្មជាតិ ព្រោះថាព្រៃឈើមានសារៈសំខាន់ណាស់សម្រាប់ជីវភាពរស់នៅរបស់បងប្អូន និងណែនាំប្រជាពលរដ្ឋទាំងអស់ត្រូវចេះស្រលាញ់គ្នាដោយមិន ប្រកាន់និន្នាការនយោបាយ សាសនា ពណ៌សម្បុរណាមួយឡើយ ធ្វើយ៉ាងឲ្យប្រទេសយើងមានការរួមសាមគ្គីផ្ទៃក្នុងជាតិ រក្សាបាននូវស្ថេរភាពនយោបាយ សន្តិសុខសង្គម និងរួមគ្នាអភិវឌ្ឍន៍ប្រទេសជាតិកាន់តែមានការរីកចំរើនថែមទៀត ។

អំណោយដែលត្រូវចែកជូនប្រជាពលរដ្ឋចំនួន១៣១គ្រួសារ ដោយក្នុងមួយគ្រួសារៗទទួលបាន អង្ករ ២៥គីឡូក្រាម, ទឹកសុទ្ធចំណុះ២០លីត្រ ១ធុង, ក្រមា អាវយឺត ចានបាយ ចានសម្ល ទឹកស៊ីអ៊ីវ និងថវិកាចំនួន ៕ ដោយ ៖សុផល

ខេត្តក្រចេះ ៖ តាមការគ្រោងទុក នៅព្រឹកថ្ងៃទី១៧ ខែសីហា ឆ្នាំ២០១៩ នេះ គណៈកម្មការជាតិដើម្បីទប់ស្កាត់ និងបង្ក្រាបបទល្មើសធនធានធម្មជាតិ នឹងបញ្ជូនឧកញ៉ា គង់ គ្រឹង និងកូនប្រសារបស់គាត់ម្នាក់ ទៅកាន់តុលាការខេត្តក្រចេះហើយ ក្រោយពីឃាត់ខ្លួនពាក់ព័ន្ធនឹងបទល្មើសព្រៃឈើ។

បើតាមមន្រ្តីគណៈកម្មការជាតិដើម្បីទប់ស្កាត់ និងបង្ក្រាបបទល្មើសធនធានធម្មជាតិ ដែលបញ្ជាក់ថា ឧកញ៉ា គង់ គ្រឹង និងកូនប្រសារបស់គាត់ឈ្មោះ ម៉ាត់ ណាស៊ាត ត្រូវគណៈកម្មការជាតិដើម្បីទប់ស្កាត់ និងបង្ក្រាបបទល្មើសធនធានធម្មជាតិ សម្រេចឃាត់ខ្លួន កាលពីល្ងាចថ្ងៃទី១៥ ខែសីហា ឆ្នាំ២០១៩ បន្ទាប់ពីសួរនាំពាក់ព័ន្ធនឹងបទល្មើសព្រៃឈើ នៅបញ្ជាការដ្ឋានអាវុធហត្ថខេត្តក្រចេះ។ បន្ទាប់ពីឃាត់ខ្លួននេះ ពេញមួយព្រឹកថ្ងៃទី១៦ ខែសីហា ឆ្នាំ២០១៩ កម្លាំងគណៈកម្មការជាតិដើម្បីទប់ស្កាត់ និងបង្ក្រាបបទល្មើសធនធានធម្មជាតិ បាននាំខ្លួន ឧកញ៉ា គង់ ក្រឹង នាំមកឆែកឆេរលំនៅឋានរបស់គាត់ នៅស្រុកស្នួល ខេត្តក្រចេះ ដើម្បីស្វែងរកវត្ថុតាងថ្មីបន្ថែមទៀត។

សូមជម្រាបថា ឧកញ៉ា គង់ ក្រឹង និងជាមន្ត្រីយោធាម្នាក់ផង ដែលល្បីខាងមុខជំនួញឈើនៅតំបន់ ភាគឦសានប្រទេសកម្ពុជា រួមនិងកូនប្រសារប្រុសរបស់គាត់ម្នាក់ទៀត ត្រូវបានឃាត់ខ្លួនក្រោយពីកោះហៅឲ្យចូលខ្លួននៅថ្ងៃទី១៥ ខែសីហា ឆ្នាំ២០១៩ ដើម្បីសាកសួរ ពាក់ព័ន្ធបទល្មើសព្រៃឈើ នៅក្នុងខេត្តក្រចេះ។

អ្នកនាំពាក្យគណៈកម្មការជាតិដើម្បីទប់ស្កាត់ និងបង្ក្រាបបទល្មើសធនធានធម្មជាតិ លោក អេង ហ៊ី បានបញ្ជាក់ថា ៖ ក្រោមការដឹកនាំបញ្ជាផ្ទាល់របស់លោកនាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស និងជាប្រធានគណៈកម្មការជាតិ និងមានការសម្របសម្រួលពីអយ្យការ កម្លាំងអាវុធហត្ថខេត្តក្រចេះ បានធ្វើការឃាត់ខ្លួនបុគ្គលពាក់ព័ន្ធនឹងបទល្មើសព្រៃឈើចំនួន២រូប ក្នុងនោះមានជនសង្ស័យម្នាក់គឺ ឧកញ៉ា គង់ ក្រឹង និងកូនប្រសារប្រុសរបស់គាត់ម្នាក់ទៀតឈ្មោះ ម៉ាត់ ណាស៊ាត នៅនឹងទីបញ្ជាការអាវុធ ហត្ថខេត្ដក្រចេះ តែម្តង។

លោក អេង ហ៊ី បន្តថា សមត្ថកិច្ចកំពុងផ្តោតលើការស៊ើបអង្កេតជនជាប់សង្ស័យពាក់ព័ន្ធបទល្មើសព្រៃឈើ ទាំងអស់ឲ្យបានហ្មត់ចត់ ដើម្បីចាប់ខ្លួនពួកគេមកដាក់ពន្ធនាគារតាមច្បាប់ ព្រោះពួកគេ ទាំង អស់នេះ បានចំណេញថវិកាពីការរកស៊ីជួញដូរព្រៃឈើយ៉ាងច្រើន។ ម្យ៉ាងវិញទៀត ចំពោះមន្ត្រីទទួលបន្ទុកការពារព្រៃឈើតាមតំបន់នានានៅតាមបណ្តាខេត្តទូទាំងប្រទេស ក៏មិនអាចលើក លែងឲ្យបានដែរ ព្រោះពួកគេបានប្រើប្រាស់សិទ្ធិអំណាចរបស់ខ្លួនក្នុងផ្លូវរដ្ឋ បង្កលក្ខណៈងាយស្រួលឲ្យមានបទល្មើសបំផ្លាញព្រៃឈើ។

យ៉ាងណាក៏ដោយ លោក មេធាវី សុក សំអឿន បានបញ្ជាក់ថា វត្ថុតាងទាំងអស់ គេអាចដុត ឬបំផ្លាញចោលបាន លុះត្រាតែមានដីកាពីតុលាការចេញជាស្ថាពរ ឬអនុញ្ញាត ប្រសិនគេរកឃើញថា វត្ថុតាងទាំងអស់នោះមានសារធាតុគីមី សារធាតុពុល និងប៉ះពាល់ដល់សុខភាពមនុស្ស៕

ខេត្តឧត្តរមានជ័យ ៖ បុរសចំណាស់ម្នាក់ដែលបានបាត់ខ្លួនពីផ្ទះអស់រយៈពេល៤ថ្ងៃមកហើយនោះ គឺបានរកឃើញសាក សព នៅល្ងាចថ្ងៃទី១៦ ខែសីហា ឆ្នាំ២០១៩ ដែលជារឿងឃាតកម្មដោយជន សង្ស័យបានយក សាកសព ទម្លាក់ចោលក្នុងព្រៃមួយកន្លែង ក្បែរភូមិប្រហែល ៥០០ម៉ែត្រ ក្នុងភូមិ ព្រលាន ឃុំអន្លង់ វែង ស្រុកអន្លង់វែង ខេត្តឧត្តរ មានជ័យ។ ក្នុងនោះ កម្លាំងជំនាញ បានឃាត់ជន សង្ស័យ ២នាក់ ដែលម្នាក់ឈ្មោះ ឆាយ ឡុង ហៅជ្រក់ ភេទប្រុស អាយុ ២៧ឆ្នាំ ជាចៅអធិការ វត្ត បុរីព្រៃជ្រុំ ហៅវត្តដី ថ្មី ស្ថិតនៅភូមិដីថ្មី ឃុំ-ស្រុកអន្លង់វែង ខេត្តឧត្តរមានជ័យ និងម្នាក់ទៀតដែលត្រូវ ជាបងប្អូនម្តាយ តែមួយ ឪពុកផ្សេងគ្នាឈ្មោះ អ៊ុយ ឡូ ភេទប្រុសអាយុ ២២ឆ្នាំ រស់ភូមិអូរស្រឡៅ ឃុំថ្លាតស្រុកអន្លង់ វែង ខេត្តឧត្តរមានជ័យ។

លោកឧត្តមសេនីយ៍ត្រី ឡឹក សុខា ស្នងការរង ទទួលបន្ទុកផ្នែកព្រហ្មទណ្ឌ នៃ ស្នង ការនគរបាល ខេត្ត ឧត្តរមានជ័យ បានអោយដឹងថា នៅព្រឹកថ្ងៃទី១៤ ខែសីហា ឆ្នាំ២០១៩ គ្រួសារ ជនរងគ្រោះ បានរាយការណ៍ ទៅសមត្ថកិច្ច ថា បានបាត់ជនរងគ្រោះឈ្មោះ ផាត់ ហាត់ ភេទប្រុស អាយុ ៦៨ឆ្នាំ មុខរបររត់ម៉ូតូឌុប មានទីលំនៅភូមិអូរជញ្ជៀន ឃុំ-ស្រុកអន្លង់វែង ខេត្តឧត្តរ មានជ័យ រួមជាម៉ូតូមួយ គ្រឿងម៉ាកហុងដាឌ្រីមសេរីឆ្នាំ២០១៥ ពណ៌ខ្មៅ ពាក់ស្លាក់លេខ ១B ២៨៩៥ ឧត្តរ មានជ័យ បាន ចេញពីផ្ទះកាលពីវេលាម៉ោង១២ថ្ងៃ ត្រង់ ថ្ងៃទី១៣ ខែឆ្នាំដដែល តែមិនឃើញ ត្រឡប់មកផ្ទះវិញ។

លុះប្រពន្ធនិងកូនៗ រួមសាច់ញាតិ បានខិតខំប្រឹងប្រែងដើរកមិនឃើញ តែត្រូវបានប្រជាពលរដ្ឋ អ្នករើសអេដចាយបានប្រទះឃើញតែម៉ូតូជនរងគ្រោះ កាលពីព្រឹកថ្ងៃទី ១៥ ខែសីហា ឆ្នាំ២០១៩ ស្ថិតនៅចំណុចក្បែរគល់ស្ពានអូរជីក តាមបណ្តោយផ្លូវជាតិលេខ៦៧B ស្ថិតក្នុងភូមិលំទង ឃុំលំទង ស្រុកអន្លង់វែង ខេត្តឧត្តរមានជ័យ ព្រមទាំងឃើញអាវ ជនរងគ្រោះនៅក្បែរគល់ស្ពាន រួមនឹងម៉ូតូ ប្រឡាក់សុទ្ធតែឈាម។ ពេលនោះ កម្លាំងជំនាញបានចុះធ្វើកោសលវិច្ច័យ ដែលជារឿងឃាតកម្ម ក្រោយពីធ្វើការស្រាវជ្រាវអស់រយៈ ពេល៣ថ្ងៃ ទើបកំណត់មុខសញ្ញា និងឃាត់ខ្លួនជនសង្ស័យ ២ នាក់ ម្នាក់ឈ្មោះ ឆាយ ឡុង ហៅជ្រក់ អាយុ២៧ឆ្នាំ ជាព្រះចៅអធិការវត្តបុរីព្រៃជ្រុំ ហៅវត្តដីថ្មី ស្ថិត នៅភូមិដីថ្មី ឃុំ-ស្រុកអន្លង់វែង ខេត្តឧត្តរមានជ័យ និងម្នាក់ទៀតឈ្មោះ អ៊ុយ ឡូភេទប្រុសអាយុ ២២ ឆ្នាំ ដែលត្រូវជាប្អូនម្ដាយតែមួយឪពុកផ្សេងគ្នា រស់នៅភូមិអូរស្រឡៅ ឃុំថ្លាត ស្រុកអន្លង់វែង។

លោកឧត្តមសេនីយ៍ត្រីបន្តថា តាមចំលើយជនសង្ស័យជាសង្ឃឈ្មោះ ឆាយ ឡុង ហៅជ្រក់ ចៅ អធិការវត្ត បានប្រាប់សមត្ថកិច្ចថា ខ្លួនបានធ្វើសកម្មភាពសម្លាប់ជនរងគ្រោះតែម្នាក់ឯង ដោយបាន អោយជនរងគ្រោះដឹក ហើយពេលដល់កន្លែងស្ងាត់ ក៏វាយនឹងញញួរចំកញ្ចឹងករ.ពីក្រោយនិងក្បាល រួចហើយដឹកយកទៅទម្លាក់ចោលនៅព្រៃស្ងាត់ក្បែរភូមិព្រលាន។ ដោយសមត្ថកិច្ចបានអោយជនសង្ស័យទៅចង្អុល បង្ហាញទីតាំងដែលយកសាកសពជនរងគ្រោះ យកទៅទម្លាក់ចោល ដែលរយពេល៤មកហើយ សាកសពហើមស្ទើរ តែស្អុយរលួយ ហើយក្រោយ ពី ជំនាញពិនិត្យរួច ក៏ប្រគល់ទៅអោយក្រុមគ្រួសារយកទៅធ្វើបុណ្យតាមប្រពៃណី។

លោកឧត្តមសេនីយ៍ត្រីស្នងការរងបញ្ជាក់បន្ថែមថា ជនដៃដល់ជាសង្ឃ ហ៊ានលើកដៃសម្លាប់ជនរង គ្រោះ ដោយសារតែ ជនសង្ស័យ បានជំពាក់លុយជនរង គ្រោះចំនួន ៤៥០០ដុល្លា ហើយធ្លាប់លួង លោមជនរងគ្រោះ មិនអោយប្រាប់អ្នកណាទាំងអស់ ហើយណាមួយជនរងគ្រោះ ក៏បានដឹងរឿងរ៉ាវ ដែលលោកធ្លាប់មានស្រីញី និងលេងល្បែងកន្ទុយលេខ ដូច្នេះ ហើយ ជនសង្ស័យបានរៀបគំរោង សម្លាប់ជនរងគ្រោះ ដឹកយកសាកសពទៅចោលក្នុងព្រៃខាងកើតទីរួមស្រុកអន្លង់វែង រួចហើយយក ម៉ូតូ និងអាវ ដែលប្រឡាក់ ឈាម ទៅទុកចោលនៅខាងលិចទីរួមស្រុកអន្លង់វែង ដើម្បីបំភ័ណ្ឌគោល ដៅរបស់សមត្ថកិច្ច។ តែទោះបីយ៉ាងណាក៏ដោយ ទោះជាចំលើយរបស់ជន សង្ស័យថា ខ្លួនតែម្នាក់ ជាអ្នកធ្វើសកម្មភាពសម្លាប់ជនរងគ្រោះក្តី តែកម្លាំងជំនាញ នៅបន្តនីតិវិធីសាកសួរជនសង្ស័យ នៅ ឡើយ។

គូរបញ្ជាក់ថា យោងតាមការអះអាងពីសាច់ញាតិ និងអ្នកជិតខាងនិយាយថា ជនរងគ្រោះរត់ម៉ូតូឌុប មិនងាយនឹងដឹកអ្នកណាផ្តេសផ្តាស់ឡើយ ទោះបីជាទៅផ្លូវឆ្ងាយអោយតំលៃថ្លៃ ក៏មិនទៅដែរ ហើយ ជនរងគ្រោះដឹកតែម៉ូយតាមទូរស័ព្ទ ដែលស្គាល់គ្នាជិតដិតប៉ុណ្ណោះ៕