បន្ទាយមានជ័យ ៖ ជាការពិតណាស់នៅមុនរដូវចូលឆ្នាំ ក៏ដូចក្រោយចូលឆ្នាំរាប់ទាំងរដូវបុណ្យភ្នំផងនោះ ពលករខ្មែរនៅតែមានការចាញ់បោកមេខ្យល់ ដើម្បីលួចឆ្លងដែនខុសច្បាប់ទៅរកការងារធ្វើនៅប្រទេសថៃ ដែលប្រឈមនឹងគ្រោះថ្នាក់ ស្ទើររៀងរាល់ថ្ងៃ។

សមត្ថកិច្ចបានរាយការណ៍ថា ពលករខ្មែរប្រុស ស្រីរួមទាំងតូចៗត្រូវកម្លាំងនគរបាលការពារព្រំដែនគោក៨១៥ បានចេញល្បាតហើយប្រទះឃើញនៅចំណុចភូមិក្បាលស្ពាន ឃុំម៉ាឡៃ ស្រុកម៉ាឡៃ ដែលបំរ៉ុងឆ្លងដែនខុសច្បាប់សរុប ១១៤នាក់ ក្នុងនោះស្រី ៤៨នាក់ និងកុមារ ៩នាក់។

តាមរបាយការកម្លាំងនគរបាលបញ្ជាក់ថា ពលករដែលបំរ៉ុងឆ្លងដែនទៅរកការងារធ្វើនៅប្រទេសថៃ នោះគីមកពីបណ្ដាខេត្តមួយចំនួន ក្នុងព្រះរាជាណាចក្រកម្ពុជា ដូចជា ខេត្តពោធ៏សាត់ ចំនួន១១នាក់/ខេត្តកំពត០១នាក់/ខេត្តបាត់ដំបង១៩នាក់/ខេត្តព្រៃវែង២៤នាក់/ខេត្តបន្ទាយមានជ័យ២៦នាក់/ខេត្តកំពងធំ០១នាក់/ខេត្តសៀមរាប់១០នាក់/ឩត្តមានជ័យ៣នាក់/ស្វាយរៀង៣នាក់/កំពងចាម៨នាក់និងខេត្តត្បូងឃ្មុំ១នាក់។

លោកនាយប៉ុស្ដ៏ស្ពាន ហេង ប៉ូរ៉ាម៉ូ ប្រាប់តាមទូរស័ព្ទថា ពលករប្រុស ស្រីទាំងអស់នោះ ក្រោយពីធ្វើការណែនាំរួចរាល់ បានអនុញ្ញាតឲ្យពួកគាត់វិលទៅស្រុកកំណើតរៀងៗខ្លួន ព្រោះពួកគាត់នៅខេត្តផ្សេងគ្នា។លោកបន្តថា ករណីឆ្លងដែនខុសច្បាប់គីជាកត្តាប្រឈមទៅនឹងគ្រោះថ្នាក់គ្រប់បែបយ៉ាង ដោយបងប្អូនប្រជាពលរដ្ឋដែលមានបំណងចង់ចេញទៅធ្វើការនៅប្រទេសថៃ ត្រូវយល់ឲ្យច្បាស់ពីរបៀបរបប និងច្បាប់ទម្លាប់របស់កម្ពុជា និងថៃ ដើម្បីចៀសផុតពីទោសទណ្ឌនានា៕video_2019-04-28_14-50-25

ភ្នំពេញ ៖ នាយករដ្ឋមន្ត្រីកម្ពុជា បានថ្លែងថា រាជរដ្ឋាភិបាលកម្ពុជា គ្រោងនឹងធ្វើកំណែទម្រង់ស៊ីជម្រៅចំពោះក្រសួងការពារជាតិ និងក្រសួងមហាផ្ទៃ ។ ការកែទម្រង់នេះ សំដៅទៅលើការរៀបចំឡើងវិញនូវឋានន្តរស័ក្តិរបស់មន្ត្រីជាន់ខ្ពស់ក្នុងស្ថាប័នគ្រប់គ្រងកងកម្លាំងប្រដាប់អាវុធទាំងពីរប្រភេទ ដែលសម្តេចតេជោ បានមានប្រសាសន៍ថា នាយឧត្តមសេនីយផ្កាយមាស៤ នឹងមានតែ ២រូបគត់ សម្រាប់កងទ័ពក្របខណ្ឌក្រសួងការពារជាតិ ក្រៅពីនេះ នឹងសូមឱ្យស្ម័គ្រចិត្តទម្លាក់ពី ៤ មកត្រឹម ៣ , ២ និង ១ ។

បើតាមប្រសាសន៍សម្តេចតេជោនាយករដ្ឋមន្ត្រី ហ៊ុន សែន ដែលត្រូវបានផ្សព្វផ្សាយដោយអង្គភាពព័ត៌មានហ្វ្រេសញ៉ូយ៍ នៅរសៀលថ្ងៃទី២៧ ខែមេសា បានឲ្យដឹងថា រាជរដ្ឋាភិបាលកម្ពុជា គ្រោងនឹងធ្វើកំណែទម្រង់ស៊ីជម្រៅចំពោះក្រសួងការពារជាតិ និងក្រសួងមហាផ្ទៃ ដែលជាក្រសួងគ្រប់គ្រងលើកម្លាំងកងទ័ព និងកម្លាំងនគរបាល ហើយនៅថ្ងៃអនាគត ក្នុងជួរកងទ័ព មានតែរដ្ឋមន្ត្រីការពារជាតិ និងអគ្គមេបញ្ជាការកងយោធពលខេមរភូមិន្ទប៉ុណ្ណោះ ដែលពាក់ផ្កាយ៤, ត្រឹមអគ្គមេបញ្ជាការរង និងអគ្គនាយកនៃអគ្គនាយកដ្ឋាននានា ត្រូវពាក់ផ្កាយ៣, អគ្គនាយករងពាក់ត្រឹមផ្កាយ២។

សម្តេចតេជោ ក៏បានបញ្ជាក់ផងដែរថា ថ្នាក់រដ្ឋលេខាធិការ និងអនុរដ្ឋលេខាធិការ ដែលពាក់ផ្កាយ៤ និងទម្លាក់មកត្រឹមផ្កាយ ៣ ។ ចំណែកមេបញ្ជាការកងទ័ពជើងគោក ជើងអាកាស ជើងទឹក គឺពាក់ត្រឹមផ្កាយ៣ និងតាមបណ្តាមេបញ្ជាការភូមិភាគនានា ផ្តល់ត្រឹមផ្កាយ២ ។ ដោយឡែក អគ្គមេបញ្ជាការរងនៃកងយោធពលខេមរភូមិន្ទទាំងអស់ នឹងត្រូវពាក់ត្រឹមផ្កាយ៣។

ពាក់ព័ន្ធនឹងកំណែទម្រង់នេះ សម្តេចមានប្រសាសន៍ថា ក៏នឹងធ្វើកំណែទម្រង់លើកម្លាំងនគរបាលនៃក្រសួងមហាផ្ទៃផងដែរ៕

ភ្នំពេញ ៖ ចោរវ៍យចំណាស់ម្នាក់់ ត្រូវបានកម្លាំងនគរបាលប៉ុស្តិ៍ផ្សារដេប៉ូទី១ ធ្វើការឃាត់ខ្លួនបានភ្លាមៗក្រោយពេលធ្វើសកម្មភាពកាច់ កម៉ូតូសេ១២៥មួយគ្រឿង ខណ´ម្ចាស់ចាក់សោចតទុកមុខយានដ្ឋានជួសជុសរថយន្តមួយកន្លែងកាលពីវេលាម៉ោង ៧និង០០នាទីព្រឹកថ្ងៃទី២៨ ខែមេសា ឆ្នាំ២០១៩ នៅផ្លូវលេខ២១៩ សង្កាត់ផ្សារដេប៉ូទី១ ខណ្ឌទួលគោក ។ ភ្លាមនោះ ម្ចាស់ម៉ូតូបានឃើញមានជនសង្ស័យធ្វើសកម្មភាពលួចម៉ូតូរបស់ខ្លួនបំរុងជិះរត់គាត់ក៏បានស្ទុះចេញមកក្រៅស្រែឆោឡោផ្អើលដល់ពលរដ្ឋដែលនៅក្បែរនោះនាំគ្នាជួយស្ទាក់ចាប់បានភ្លាមៗប្រគល់ឲ្យសមត្ថកិច្ចប៉ុស្តិ៍នគរបាលផ្សារដេប៉ូទី១ តែម្តង។

សមត្ថកិច្ចបានឲ្យដឹងថា ជនសង្ស័យខាងលើមនឈ្មោះ ស វុទ្ធី ហៅ ខ្លូ
អាយុ៥៦ឆ្នាំ ជាមុខសញ្ញាចាស់ ប្រកបមុខរបរជាចោររយៈពេល២០ឆ្នាំមកហើយ និងធ្លាប់ជាប់ពន្ធនាគារជាញឹកញាប់ផងដែរមានស្រុកកំណើត នៅភូមិដំណាក់រាជា ឃុំប្រាំបីមុំ ស្រុកទ្រាំង ខេត្តតាកែវ។

ក្រោយពេលកើតហេតុម្ចាស់ម៉ូតូឈ្មោះ សូ រស្មី ភេទប្រុស អាយុ៤៣ឆ្នាំ បានមកដាក់ពាក្យបណ្តឹងនៅប៉ុស្តិ៍នគរបាលរដ្ឋបាលសង្កាត់ផ្សារដេប៉ូទី១ ដើម្បីឲ្យសមត្ថកិច្ចចាត់ការតាមផ្លូវច្បាប់។

ចំណែកជនសង្ស័យត្រូវបានបញ្ជូនទៅឃុំខ្លួនបណ្តោះអាសន្ននៅអធិការដ្ឋានខណ្ឌទួល និងកសាងសុំនុំរឿងបញ្ជូនទៅតុលាការចាត់ការតាមនីតិវិធី៕

ភ្នំពេញ ៖ បុរសវ័យ២៣ឆ្នាំម្នាក់ ត្រូវកម្លាំងប៉ុស្តិ៍នគរបាលស្ទឹងមានជ័យ ចាប់ឃាត់ខ្លួន ក្រោយពីព្យាយាមរត់គេចខ្លួនបានមួយរយៈ ពាក់ព័ន្ធនឹងករណីរំលោភបងប្អូនស្រីបង្កើតរបស់ខ្លួនបីនាក់ ក្នុងនោះមានម្នាក់មានផ្ទៃពោះ។

លោក ណេង សាមឿន នាយប៉ុស្តិ៍នគរបាលស្ទឹងមានជ័យទី២ បានឱ្យដឹងថា កម្លាំងសមត្ថិច្ចប៉ុស្តិ៍ស្ទឹងមានជ័យទី២ បានធ្វើការឃាត់ខ្លួនជនសង្ស័យម្នាក់ កាលពីល្ងាចថ្ងៃទី២៦ ខែមេសា ឆ្នាំ២០១៩នៅចំនុចផ្ទះអង្គការស្កុត ស្ថិតភូមិព្រែកទល់ សង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញដោយយោងតាមពាក្យបណ្តឹង របស់យុវតីរងគ្រោះ ពាក់ពន្ធ័នឹងករណីបងប្រុសបង្កើត(ជនសង្ស័យ) រំលោភប្អូនស្រីចំនួន២នាក់ និងបងស្រីបង្កើតម្នាក់ បានសម្រេចជាច្រើនដង ដោយទ្រាំទង្វើរបស់ជនអគតិលែងបាន ទើបបងស្រីនិងប្អូនស្រីបង្កើត រសប់ជនសង្ស័យ បានសម្រេចចិត្តដាក់ពាក្យបណ្តឹងតាមរយៈអង្គការស្កុត ស្នើឱ្យនគរបាលយុត្តិធម៍ ចាត់វិធានការតែម្តង។

សមត្ថកិច្ចបានឲ្យដឹងថា ជនសង្ស័យឈ្មោះ ខាន់ មេទ្រី អាយុ២៣ឆ្នាំ ត្រូវជាប្អូន និងជាបងបង្កើតរបស់យុវតីរងគ្រោះ ដែលជននេះបានធ្វើសកម្មភាពរំលោភលើពួកនាងបានសម្រេចជាញឹកញាប់ក្រោយមកជនសង្ស័យបានរត់គេចខ្លួនបាត់មួយរយ លុះនៅល្ងាចថ្ងៃទី២៦ ខែមេសា ឆ្នាំ២០១៩ ជនសង្ស័យបានវិលមកផ្ទះវិញបំណងសួរសុខទុក្ខបងស្រីដែលមានផ្ទៃពោះ ដែលកំពុងសដ្នាក់នៅក្នុងផ្ទះរបស់អង្គកាស្កុត ក៏ត្រូវសមត្ថកិច្ចប៉ុស្តិ៍ស្ទឹងមានជ័យទី២ ចាប់វាយខ្នោះនាំខ្លួនទៅសាកសួតាមនីតិវិធីតែម្តង។

បច្ចុប្បន្នជនសង្ស័យត្រូវបានបញ្ជូនទៅឃុំខ្លួនបណ្តោះអាសន្ននៅអធិការដ្ឋាននគរបាលខណ្ឌមានជ័យ ដើម្បីរង់ចាំកសាងសុំណុំរឿងបញ្ជូនទៅតុលាការចាត់ការបន្តតាមផ្លូវច្បាប់៕ ដោយ ៖ ស. ស.

បន្ទាយមានជ័យ ៖ ក្រោមការសម្របសម្រួលពីលោក មាស ច័ន្ទពិសិដ្ឋ ព្រះរាជាអាជ្ញាអមសាលាដំបូងខេត្តបន្ទាយមានជ័យ នៅរសៀលថ្ងៃទី២៧ ខែមេសាឆ្នាំ២០១៩ នេះ លោកឧត្តមសេនីយ៍ត្រី បោន ប៊ិន មេបញ្ជាការអាវុធហត្ថខេត្តបានធ្វើការ ត្រួតពិនិត្យនឹងថ្លឹងរាប់វត្ថុតាងគ្រឿងញៀនប្រភេទទឹកកក (ice) និងរាប់គ្រឿងញៀនប្រភេទគ្រាប់ បន្ទាប់ពីឃាត់ខ្លួនមុខសញ្ញាសង្ស័យ២នាក់ ដកហូតបានកាលពីកន្លងមក។

លោកឧត្តមសេនីយ៍ បោន ប៊ិន មេបញ្ជាការអាវុធហត្ថខេត្តបានប្រាប់ថា ករណីខាងលើ កម្លាំងរបស់យើងបានធ្វើការស្រាវជ្រាវយ៉ាងម៉ត់ចត់ និងកំណត់មុខសញ្ញារហូតដល់ល្ងាចថ្ងៃទី២៦ ខែមេសា ឆ្នាំ២០១៩ ឃាត់ខ្លួនបាន ជនសង្ស័យ ២នាក់នៅចំណុចភូមិទួលពង្រ សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ។ ជនសង្ស័យដែលឃាត់ខ្លួនបានទី១ ឈ្មោះ ភុងចាន់ សេកសាន់ ភេទប្រុស អាយុ៣២ឆ្នាំ ជនជាតិថៃ រស់នៅភូមិ១ សង្កាត់-ក្រុងវ្វ៉ាងណាំយេន ខេត្តស្រះកែវ ប្រទេសថៃ និងទី ២ ឈ្មោះ អាត់ សំរេច ភេទប្រុស អាយុ៣៧ឆ្នាំ ភូមិក្បាលស្ពាន សង្កាត់ប៉ោយប៉ែត ក្រុងប៉ោយប៉ែត។

ក្នុងនោះគ្រឿងញៀនដែលដកហូតបាន និងបានថ្លឹងគឺគ្រឿងញៀនមេតំហ្វេតាមីន ICE មានចំនួន ១.៩៩២ក្រាម និងមេតំហ្វេតាមីនWYប្រភេទគ្រាប់ចំនួន ៥១.១២២គ្រាប់ ។

លោក មាស ច័ន្ទពិសិដ្ឋ ព្រះរាជអាជ្ញាអមសាលាដំបូងខេត្ត បានប្រាប់ថា គ្រឿងញៀនខាងលើនេះ គឺនាំចូលពីប្រទេសថៃ តាមព្រំដែន សំណាងខ្លាំងណាស់ដែលកម្លាំងអាវុធហត្ថចាប់បង្ក្រាបបាន តែបើសិនជាបង្ក្រាប និងចាប់មិនបានទេ គ្រឿងញៀនខាងលើនេះនឹងធ្លាក់ដល់ដៃឈ្មួញចែកចាយ នោះមិនដឹងទេថា មនុស្សប៉ុន្មាននាក់ដែលទទួលរងគ្រោះថ្នាក់នោះទេ៕ ដោយ ៖ នូវី

ភ្នំពេញ ៖ កងកម្លាំងនគរបាលអន្តោប្រវេសន៍ក្រសួងមហាផ្ទៃ និងមន្រ្ដីមានសមត្ថកិច្ចនៃអគ្គ នាយកដ្ឋានគយ និងរដ្ឋាករកម្ពុជា នៃក្រសួងសេដ្ឋកិច្ច និងហិរញ្ញវត្ថុ បានឃាត់ខ្លួនជនសង្ស័យជាជនជាតិចិនចំនួន ៣នាក់ ដែលបាននាំចូលសាច់ប្រាក់ចំនួន ៣លាន ៥២ម៉ឺនដុល្លារអាមេរិក ដោយពុំមានបញ្ចាក់អំពីប្រភពហិរញ្ញវត្ថុច្បាស់លាស់ ពីទីក្រុងហុងកុង ចូលមកព្រះរាជាណាចក្រកម្ពុជា តាមច្រកអន្តជាតិភ្នំពេញ។

យោងតាមសេចក្ដីប្រកាសព័ត៌មានរបស់ក្រសួងមហាផ្ទៃ ចុះថ្ងៃទី២៦ ខែមេសា ឆ្នាំ២០១៩ នេះ បានបញ្ជាក់ថា កាលពីថ្ងៃទី២៣ ខែមេសា កន្លងទៅនេះ កម្លាំងនគរបាលអន្ដោប្រវេសន៍ និងអគ្គ នាយកដ្ឋានគយ និងរដ្ឋាករ ប្រចាំនៅព្រលានយន្ដហោះ អន្ដរជាតិភ្នំពេញ បានចាប់ខ្លួនជន សង្ស័យ ៣នាក់ ដែលបាននាំលុយចំនួន៣,៥២០,០០០ដុល្លារ ដោយពុំមានការបញ្ជាក់ ពី ប្រភពហរិញ្ញ វត្ថុ ច្បាស់លាស់ ពីទីក្រុងហុងកុង ចូលមកប្រទេសកម្ពុជា។
ជនសង្ស័យទាំង៣នាក់រួមមាន ៖

*ទី១៖ ឈ្មោះ Wang Shiping កាន់លិខិតឆ្លងដែនលេខEC9259330 មុខរបរ មិនពិតប្រាកដ
*ទី២៖ ឈ្មោះ Wang Lichao កាន់ លិខិតឆ្លងដែនលេខED4367915 មុខរបរ មិនពិតប្រាកដ
*ទី៣៖ ឈ្មោះ Zhang Jian កាន់លិខិត ឆ្លងដែនលេខE 35414034 មិនមានលិខិតឆ្លងដែន ជាប់ ខ្លួន មុខរបរមិនពិតប្រាកដ។

សេចក្តីប្រកាសដដែលបន្តថា ក្រោយពីការត្រួតពិនិត្យឯកសាររួច ជនជាតិចិនទាំង ៣នាក់ ត្រូវបានបញ្ជូនទៅកាន់តុលាការចាត់វិធានការតាមនីតិវិធី ក្នុងច្បាប់ស្ដីពីការប្រឆាំងការសម្អាតប្រាក់ និងហរិញ្ញប្បទានភេរវកម្ម ព្រមទាំងច្បាប់ និងលិខិតបទដ្ឋានគតិយុត្តិពាក់ព័ន្ធជាធរមាននៅកម្ពុជា៕ 

ពោធិ៍សាត់ ៖ ក្រោយមានករណីទាហានឈុតខ្មៅ ថៃ បាញ់ប្រជាពលរដ្ឋខ្មែរម្នាក់ស្លាប់នៅនឹងកន្លែង និងរបួសធ្ងន់ម្នាក់ ដែលលួចឆ្លងដែនខុសច្បាប់ ដើម្បីកាប់ឈើក្រញូង នៅទល់មុខច្រកផ្លូវ៥៦ ស្ថិតក្នុងភូមិថាសេន ឃុំឡែមក្លាត ស្រុកមឿង ខេត្តត្រាត ប្រទេសថៃ កាលពីរសៀលថ្ងៃទី២៤ ខែមេសា ឆ្នាំ២០១៩ កន្លងទៅនោះ សមត្ថកិច្ចចម្រុះដែលឈរជើងនៅក្នុងឃុំថ្មដា ស្រុកវាលវែង ក៏បានចេញប្រតិបត្តិការ បង្ក្រាបបានពលរដ្ឋខ្មែរ ដែលបម្រុងឆ្លងដែន ទៅកាប់ឈើក្រញូងខុសច្បាប់ ក្នុងទឹកដីថៃ បានចំនួន៥នាក់ បន្ថែមទៀត នាព្រឹកថ្ងៃទី២៥ ខែមេសា ឆ្នាំ២០១៩ ។

តាមសេចក្តីរាយការណ៍ពីប៉ូលិស នារសៀលថ្ងៃទី២៦ ខែមេសា ឆ្នាំ២០១៩ ម្សិលមិញនេះថា ពលរដ្ឋ ខ្មែរ ទាំង ៥នាក់ ដែលបម្រុងឆ្លងដែន ទៅកាប់ឈើក្រញូងខុសច្បាប់ ក្នុងទឹកដីថៃ ហើយត្រូវបាន សមត្ថកិច្ចឃាត់ខ្លួននោះមាន៖ ១-ឈ្មោះ ប៉ិច ម៉េន ភេទប្រុស អាយុ៤៦ឆ្នាំ, ២-ឈ្មោះ ព្រីង ភារិន ភេទ ប្រុស អាយុ២១ឆ្នាំ, ៣-ឈ្មោះ ស៊ុយ ស៊ីម ភេទប្រុស អាយុ២៨ឆ្នាំ ៤-ឈ្មោះ ចាន់ លីវិចិត្រ ភេទប្រុស អាយុ២៣ឆ្នាំ, និងទី៥-ឈ្មោះ ធី គន្ធា ភេទប្រុស អាយុ២០ឆ្នាំ ទាំងអស់គ្នារស់នៅភូមិព្រែកពីរ ឃុំ សំរោង ស្រុកភ្នំក្រវាញ ខេត្តពោធិ៍សាត់។ បច្ចុប្បន្ន ជនសង្ស័យទាំង ៥នាក់ ត្រូវបានឃាត់ខ្លួននៅ ប៉ុស្តិ៍ រដ្ឋបាលឃុំថ្មដា ដើម្បីបន្តនីតិវិធី។

គួរបញ្ជាក់ថា នៅរសៀលថ្ងៃទី២៤ ខែមេសា ឆ្នាំ២០១៩កន្លងទៅ មានករណីទាហានឈុត ខ្មៅ ថៃ បាញ់សម្លាប់ប្រជាពលរដ្ឋខ្មែរម្នាក់នៅនឹងកន្លែង និងរបួសធ្ងន់ម្នាក់ដែលឆ្លងដែនខុសច្បាប់ដើម្បីកាប់ ឈើក្រញូង នៅទល់មុខច្រកផ្លូវ៥៦ ស្ថិតក្នុងភូមិថាសេន ឃុំឡែមក្លាត ស្រុកមឿង ខេត្តត្រាត ប្រទេស ថៃ។

ជនរងគ្រោះដែលថៃបាញ់ស្លាប់មានឈ្មោះ ម៉ៅ មុំ ភេទប្រុស អាយុ២៦ឆ្នាំ រស់នៅភូមិព្រែកពីរ ឃុំសំរោង ស្រុកក្រវាញ ខេត្តពោធិ៍សាត់ ត្រូវគ្រាប់កាំភ្លើងត្រង់ចំណុចបោះដៃផុតធ្លុះចូលចុងដង្ហើម។ ចំណែកអ្នករងរបួសធ្ងន់មានឈ្មោះ អាន វិត ភេទប្រុស អាយុ២៤ឆ្នាំ រស់នៅភូមិឃុំជាមួយគ្នា ត្រូវរបួស ៣កន្លែង រួមមានត្រង់ប្រអប់ដៃស្តាំ ភ្លៅស្តាំ និងប្រអប់ជើងស្តាំ។

សពជងរងគ្រោះត្រូវបានសមត្ថកិច្ចថៃ បញ្ជូនទៅខេត្តច័ន្ទបុរី ដើម្បីធ្វើកោសល្យវិច្ច័យ ចំណែកអ្នករងគ្រោះត្រូវបានបញ្ជូនទៅព្យាបាលនៅមន្ទីរ ពេទ្យក្នុងខេត្តត្រាត។

នៅកន្លែងកើតហេតុ ដែលស្លាប់ជនរងគ្រោះម្នាក់ ក៏មានភ្ជាប់ជាមួយនឹងឈើ គ្រញូង ២ដុំផងដែរ។ មកដល់ពេលនេះ ពុំទាន់មានការអះអាងពីសមត្ថកិច្ចនៅឡើយទេ ពាក់ព័ន្ធការ ប្រគល់សាកសពជនសង្ស័យ មកកម្ពុជាវិញ។

​គេបានសង្ស័យថា ជនរងគ្រោះដែលស្លាប់ម្នាក់ និងរបួសធ្ងន់ម្នាក់ ក្នុងហេតុខាងលើនេះ អាចជាបក្សពួករបស់ជនសង្ស័យទាំង៥នាក់ ដែលសមត្ថកិច្ច ចម្រុះក្នុងឃុំថ្មដា ឃាត់ខ្លួនបានកាលពីថ្ងៃទី២៥ ខែមេសា ផងដែរ៕

ភ្នំពេញ ៖ គណៈ កម្មាធិការអចិន្ត្រៃយ៍នៃរដ្ឋសភា នៅព្រឹកថ្ងៃទី២៦ មេសា នេះ បានលើកយកសេចក្តីព្រាងច្បាប់ស្តីពីការគ្រប់គ្រងប្រេងកាត និងផលិតផលប្រេងកាត មកពិនិត្យ និងពិភាក្សា ក្រោមអធិបតីភាពប្រធានរដ្ឋសភា សម្តេចអគ្គមហាពញាចក្រី ហេង សំរិន ដោយសមាជិកភាគច្រើនបានបង្ហាញពី ការព្រួយបារម្ភអំពីចំណូលរដ្ឋដែលបានមកពីវិស័យប្រេងកាត រួមនឹងផលប៉ះពីការទាញយក ប្រេងកាតនេះ ទៅលើបរិស្ថានផងដែរ។

ថ្លែងប្រាប់អ្នកសារព័ត៍មាន សមាជិកគណៈកម្មាធិការអចិន្ត្រៃយ៍នៃរដ្ឋសភា លោកឈាង វុន ថា ច្បាប់ស្តីពីការគ្រប់គ្រងប្រេងកាតដែលរៀបរៀងឡើងដោយរាជរដ្ឋាភិបាលត្រូវ បានគណៈកម្មាធិការអចិន្ត្រៃយ៍នៃរដ្ឋសភាលើកយកមកពិភាក្សានាព្រឹកថ្ងៃសុក្រនេះយ៉ាងផុល ផុស ព្រោះវាជាច្បាប់មួយដ៏ធំ ដោយយើងបានស្នើឱ្យមានការពិភាក្សាឱ្យបានស៊ីជម្រៅ និង គ្រប់ជ្រុងជ្រោយ ដោយមានការចូលរួមពីគ្រប់ភាគីពាក់ព័ន្ធទាំងអស់។

លោក ឈាង វុន បានបន្តថា សម្រាប់កិច្ចប្រជុំកាលពីព្រឹកមិញនេះសមាជិកគណៈកម្មាធិការអចិន្ត្រៃយ៍នៃរដ្ឋ សភាបានបញ្ចេញមតិ យោបល់ខុសៗគ្នា ដោយបានបង្ហាញពីការព្រួយបារម្ភពីបញ្ហានៃ ចំណូលរបស់រដ្ឋដែលបានមកពីវិស័យប្រេងកាត ពីផលប៉ះពាល់នៃការយកប្រេង ដែលនៅលើ សកលលោកយើងនេះមានកើតរឿងធំៗ ជាច្រើនរួចហើយទាក់ទងទៅនឹងរឿងប្រេងកាតនេះ ដែលវាជាបទពិសោធន៍សម្រាប់កម្ពុជា ក្នុងនោះមានប្រទេសមួយចំនួនបូមប្រេងបានហើយ តែ ប្រទេសនោះបែជាកាន់តែក្រដូចជាប្រទេសនីហ្សេរីយ៉ានៅទ្វីបអាហ្វ្រិកជាដើម តែប្រទេសខ្លះ ពេលបូមប្រេងបានហើយនៅតែក្រដដែល ប្រទេសខ្លះបានក្លាយជាប្រទេសអ្នកមានដោយ សារប្រេងកាតនេះ។ល។

ហើយចំពោះការយកប្រេងបានហើយប្រទេសនៅតែក្រី បើតាម លោក ឈាង វុន ថាមូលហេតុមកពីកុងត្រារបស់ម្ចាស់ប្រទេសជាមួយដៃគូ ជាអ្នកបូមប្រេង ជាកុងត្រាមិនសមស្រប មានន័យថា អ្នកបូមបានចំណែកធំជាងប្រទេសជាម្ចាស់ប្រេង ដែល ជាហេតុធ្វើឱ្យប្រទេសនោះនៅតែក្រ។

ជាមួយគ្នានេះគណៈកម្មាធិការអចិន្ត្រៃយ៍រដ្ឋសភាក៏
បានពិភាក្សាអំពីបញ្ហាបរិស្ថាននៅជុំវិញការបូមប្រេង រួមនឹងបញ្ហាធនធានមនុស្សក្នុងស្រុក នៅក្នុងវិស័យប្រេងកាតនេះផងដែរ។

សូមជម្រាបជូនថា ៖ ក្រៅពីការពិនិត្យលើសំណើសុំអនុម័តនូវសេច្តីព្រាងច្បាប់ស្តីពី ការ គ្រប់គ្រងប្រេងកាត និងផលិតផលប្រេងកាតនេះ កិច្ចប្រជុំគណៈកម្មាធិការអចិន្ត្រៃយ៍រដ្ឋសភា កាលពីព្រឹកមិញក៏បានពិនិត្យសំណើសុំអនុម័តសេចក្តីព្រាងច្បាប់ស្តីពីការអនុម័តយល់ព្រមលើ កិច្ចព្រមព្រៀងរវាងព្រះរាជាណាចក្រកម្ពុជាជាមួយនឹងរដ្ឋាភិបាលនៃប្រទេសចំនួន៣ រួមមាន បង់ក្លាដេស,អារ៉ាប់អេមីរ៉េត និងតួកគី ស្តីពីការជំរុញ និងការការពារទៅវិញទៅមក នៃវិនិយោគ រួមនិងការពិនិត្យសំណើសុំអនុម័តសេចក្តីព្រាងច្បាប់ស្តីពីការអនុម័តយល់ព្រមលើកិច្ចព្រម ព្រៀងស្តីពីការបង្កើតអង្គការបណ្តាញអន្តរជាតិសម្រាប់ឫស្សី និងផ្តៅផងដែរ៕