បាត់ដំបង ៖ សារមន្ទីរខេត្តបាត់ដំបង ដែលបានសាងសង់ឡើងនៅ
ក្នុងទសវត្ស១៩៦០ និង សម្ពោធដាក់ឲ្យភ្ញៀវចូលទស្សនាជាផ្លូវការនៅឆ្នាំ១៩៦៨ និងសាលពិព័រណ៍ខេត្តបាត់ដំបង ដែលធ្លាប់តែទទួលរងពីការបំផ្លិចបំផ្លាញ ក្នុងខណៈពេលដែលប្រទេសជាតិធ្លាក់ក្នុងសង្គ្រាមដ៏រ៉ាំរ៉ៃ។
ជាពិសេសនៅ ក្នុងរបបខ្មែរក្រហម ត្រូវបានក្រសួងវប្បធម៌ និង វិចិត្រសិ ល្បៈ និង”អង្គការមិត្តវប្បធម៌ខ្មែរ” (Friend of Khmer Culture)ធ្វើការជួសជុលឡើងវិញអស់រយៈពេល ជាង៣ ឆ្នាំ ចំណាយថវិកាជួសជុលសរុប ២៦៩ពាន់៣៤៨ដុល្លារ ហើយត្រូវបានសម្ពោធបើកដំណើរការទទួលភ្ញៀវជាតិ និងអន្តរជាតិ ឲ្យចូលទស្សនាឡើងវិញ កាលពីល្ងាច ថ្ងៃទី១១ ខែមករា ២០១៩ ក្រោមអធិបតីភាព ពីលោកជំទាវ ភឿងសកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ និងឯ.ឧ ងួន រតនៈ អភិបាលខេត្តបាត់ដំបង ឯ.ឧ អ៊ុយ រី ប្រធានក្រុ មប្រឹក្សាខេត្ត ព្រមទាំងវត្តមានពីអង្គការ FOKC ដៃគូម្ចាស់ជំនួយផងដែរ។
លោក ប្រាក់ សុវណ្ណារ៉ា អគ្គនាយកបេតិកភណ្ឌនៃក្រសួ ងវប្បធម៌និងវិចិត្រសិល្បៈ បានគូសបញ្ជាក់ពីដំណើរការជួ សជុលអាគារសាមន្ទីរនិងសាលពិព័រណ៍ខេត្តបាត់ដំបងថា
ក្រោយការរៀបចំនិងបើកឲ្យភ្ញៀវចូលទស្សនានូវវត្ថុបុរាណដែលដាក់តាំងបង្ហាញនេះ គឺ៖មានចំនួន២៣៣ដែលភាគ ច្រើនជាបុរាណវត្ថុធ្វើអំពីថ្មភក់តាំងពីសម័យបុរេប្រវត្តិ រហូ តដល់ពាក់កណ្តាលសតវត្សទី២០។ហើយការរៀបចំឡើង វិញនៃសារមន្ទីរខេត្តបាត់ដំបងនេះ វាបានផ្តល់នូវសារៈប្រ យោជន៍យ៉ាងធំធេងដល់វិស័យទេសចរណ៍ក្នុងខេត្តផង ក៏ ដូចជាថ្នាក់រៀនដែលផ្តល់ នូវចំណេះដឹង អំពីប្រវត្តិសាស្ត្រ សិល្បៈ សាសនា…។
លោកស្រី ហេឡែន ជេស៊ុប(Helen Jessup)ប្រធាន
អង្គការមិត្តវប្បធម៌ខ្មែរ បានថ្លែងថា៖ សារមន្ទីរខេត្តបាត់ដំប
ងគឺជាសារមន្ទីរដែលឈានមុខគេក្នុងចំណោមសារមន្ទីរនៅតាមបណ្តាខេត្តក្នុងប្រទេស។ជាសារមន្ទីរមានសមុច្ច័យដ៏វិចិត្រច្រើនសន្ធឹកសន្ធាប់និងផ្នែកដ៏មានសារៈសំខាន់ក្នុងប្រវត្តិសាស្ត្រសមុច្ច័យដែលគេរកឃើញពីស្ថានីយ៍បុរេប្រវត្តិល្អាងស្ពាន ដែលគឺជាតឹកតាងដ៏មានសារៈសំខាន់ អំពីបុរេ ប្រវត្តិក្នុងប្រទេសកម្ពុជា។
លោក ងួន រតនៈ អភិបាលខេត្តបាត់ដំបងបានចាត់ទុកសមិទ្ធផលថ្មីនៅថ្ងៃនេះពិតជាសក្ខីភាពបញ្ជាក់ពីទឹកចិត្តស្រឡាញ់គាំទ្រនិងយកចិត្តទុកដាក់នូវសារៈសំខាន់នៃវិស័យវប្បធម៌ជាតិដែលជាកម្លាំងចលករជួយជម្រុញលើទឹកចិត្តខេត្តយើងខ្ញុំឲ្យកាន់តែមានថាមពលបន្ថែមទៀតក្នុងការបំពេញភារកិច្ចប្រកបដោយប្រសិទ្ធភាពនិងប្រសិទ្ធផលស្របតាមកម្មវិធីនយោបាយនិងយុទ្ធសាស្ត្រចតុកោណដំណាក់កាលទី៤របស់រាជរដ្ឋាភិបាល សម្រាប់អាណត្តិទី៦នេះ។
លោកជំទាវ ភឿង សកុណារដ្ឋមន្ត្រីក្រសួងវប្បធម៌និងវិចិត្រសិល្បៈបានថ្លែងថា៖នេះគឺជាសមិទ្ធផលថ្មីមួយកើត
ឡើងពីការគិតគូរដល់ការថែរក្សា អភិរក្សនិងអភិវឌ្ឍបេតិក ភណ្ឌវប្បធម៌ជាតិ ពីក្រសួងនិងមន្ទីរវប្បធម៌ និងអាជ្ញាធរខេត្តដែលពាក់ព័ន្ធ ក៏ដូចជារាជរដ្ឋាភិបាលកម្ពុជា និង ដោយ មានការឧបត្ថម្ភថវិកាពីអង្គការមិត្តវប្បធម៌ខ្មែរ (FOKC) ។
លោកជំទាវរដ្ឋមន្ត្រីក្រសួងវប្បធម៌និងវិចិត្រសិល្បៈ ក៏បា
នសង្កត់ធ្ងន់បន្ថែមថា៖ សំណង់អាគារនេះ គឺជា”សារមន្ទីរ”
ដ៏ធំទី២បន្ទាប់ពីសារមន្ទីរជាតិភ្នំពេញ។ដែលមានសមុច្ច័យ
វិចិត្រជាច្រើន និងដែលធ្លាប់បានដើរតួនាទីសំខាន់ក្នុងការ
ថែរក្សាសុវត្ថិភាពវត្ថុបុរាណខ្មែរ និងជាកន្លែងដាក់តាំងបង្ហា ញជូនភ្ញៀវជាតិនិងអន្តរជាតិទស្សនា ពីសម័យកាលកន្លង
មក។ ហើយវាក៏ជាកន្លែងសម្រាប់ការស្រាវជ្រាវ អប់រំ ផ្សព្វ
ផ្សាយ និងស្វែងយល់ពីបេតិកភណ្ឌវប្បធម៌ជាតិទាំងពេលអតីតកាល បច្ចុប្បន្ន និងអនាគត។ មិនតែប៉ុណ្ណោះវានឹងផ្ត
ល់ប្រយោជន៍យ៉ាងធំធេងដល់វិស័យទេសចរណ៍ក្នុងខេត្ត ក៏ដូចជាថ្នាក់រៀនដែលផ្តល់នូវចំណេះដឹងអំពីប្រវត្តិសាស្ត្រ
សិល្បៈ សាសនា…ផងដែរ៕
