​ព្រះវិហារ​៖ នៅ​ព្រឹក​ថ្ងៃទី​២២ ខែ ធ្នូ ឆ្នាំ ២០១៨​នេះ លោក អ៊ុន ចាន់​ដា អភិបាល​នៃ​គណ​:​អភិបាលខេត្ត​ព្រះវិហារ ព្រមទាំង​ថ្នាក់ដឹកនាំ​មន្ត្រីរាជការ​ជាច្រើនរូប​បាន​អញ្ជើញ​ចូលរួម​ក្នុង​ពិធី​សម្ភោ​ទ​កាត់​ខ្សែ​បូ បុស្បុក​តំកល់​រូបសំណាក់​លោកតា​សួង អ្នក​សច្ចំ​ភ្នំ​ត្បែង ខេត្តព្រះ វិហារ ស្ថិតនៅ​រង្វង់​មូល​ផ្លូវបំបែក​គូរ​លែ​ន ភូមិ​គូរ​លែ​ន ឃុំ គូរ​កែន​ស្រុក​គូរ​លែ​ន ខេត្ត ព្រះវិហារ​។​

​លោក អ៊ុន ចាន់​ដា បាន​ថ្លែង​ទៅកាន់​បងប្អូន​ប្រជាពលរដ្ឋ​ដែល​បាន​អញ្ជើញ​ចូល​និង​មិន​បានមក​ចូលរួម​សូម​ឲ​លោកតា សួង តាម​ថែរក្សា បីបាច់​ដល់​ពួកយើង​ទាំងអស់គ្នា ។ ហើយ​លោក​បាន​បន្តថា ការសាងសង់​បុស្បុក​សំរាប់​តំកល់​រូបសំណាក់ លោកតា សួង នេះ​ឡើង​គឺ​ដើម្បី គោរពបូជា​និង​សូម​សេចក្ដី​សប្បាយ​គ្រប់ៗ​គ្នា ។​ និង​សូម​ឲ​បងប្អូន​ទាំងអស់គ្នា​ត្រូវ​ចូល រួម​គោរពបូជា​និង​ថែរក្សា​បរិ​ដ្ឋា​ន​ឲ​បានល្អ​ទាំងអស់គ្នា ។ ការកសាង​និង​ស្ថាបនា​រូបសំណាក់​និង​បុស្បុក​លោកតា សួង នេះ​គឺមាន​ការចូលរួម​ពី​លោក សំលៀង​ទ្រី ប្រធាន​មន្ទី​សាធារ ណ កា​និង​ដឹកជញ្ជូន​ខេត្តព្រះវិហារ​ផង​ដែល​។​

​សូម​អាន​ប្រវត្តិ​អ្នក​សច្ចំ​ភ្នំ​ត្បែង​លោក តា សួង ដែលមាន​ប្រវត្តិ​ដូចខាងក្រោម​៕​
​

​ភ្នំពេញ ៖ បេឡា​ជាតិ​អតីតយុទ្ធជន នៃ​ក្រសួង​សង្គមកិច្ច អតីតយុទ្ធជន និង​យុវនីតិសម្បទា នឹង​បើកប្រាក់​របប​សន្តិសុខ​ប្រចាំ​ខែធ្នូ ឆ្នាំ​២០១៨ ជូន​អតីតយុទ្ធជន​គ្រប់​ប្រភេទ និង​គ្រួសារ​អតីតយុទ្ធជន ចាប់ពី​ម៉ោង​០៨​ព្រឹក ថ្ងៃទី​២៤ ខែធ្នូ ឆ្នាំ​២០១៨​តទៅ តាម​ប្រព័ន្ធ​ធនាគារ​កាណាឌីយ៉ា និង​ធនាគារ​អេស៊ីលីដា នៅ​ទូទាំងប្រទេស​។​

​ចំពោះ​ការបើកប្រាក់​របប​សន្តិ​សុខ​សង្គម​ខាងលើនេះ អតីតយុទ្ធជន​ទាំងអស់ ត្រូវយក​ភ្ជាប់​មកជា​មួយ នូវ​សៀវភៅ​គណនី និង​អត្តសញ្ញាណប័ណ្ណ សញ្ជាតិ​ខ្មែរ ឬ​កាត ATM ដើម្បី ប្រើប្រាស់ បើក​នៅតាម​ទូរ ATM របស់​ធនាគារ​ដៃគូ​ខាងលើ នៅ​ទូទាំងប្រទេស​៕

​

​ភ្នំពេញ ៖ គិត​ត្រឹម​ខែវិច្ឆិកា ឆ្នាំ​២០១៨ នេះ មាន​អនីតិជន​ចំនួន ១.៥៥៨​នាក់ ក្នុងនោះ​មាន​ស្ត្រី​ចំនួន ៨៩​នាក់ កំពុង​ជាប់ឃុំ​ក្នុង​ពន្ធនាគារ​ទាំង ២៨​កន្លែង នៅ​ទូទាំងប្រទេស​កម្ពុជា​។ ក្នុងចំណោម​អ្នក​ទាំង នេះ​មាន​អនីតិជន​ជា​ទណ្ឌិត​ចំនួន ១៥២​នាក់ ហើយ​ពន្ធនាគារ​ដែល​ឃុំឃាំង​អនីតិជន​ច្រើនជាង គេ​មាននៅ​រាជធានី​ភ្នំពេញ ខេត្តសៀមរាប និង​ខេត្តបន្ទាយ មានជ័យ​។

​នេះ​ជាការ​បង្ហើប​ឲ្យ​ដឹង ពីស​ម្តេច​ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រី​ក្រសួង មហាផ្ទៃ កាលពី​រសៀល ថ្ងៃទី​២១ ខែធ្នូ ក្នុង​ពិធី​ប្រកាស​ផ្សព្វផ្សាយ​ផែនការ​យុទ្ធសាស្ត្រ និង​ផែនការ​ប្រតិបត្តិ​ដើម្បី​អនុវត្ត ច្បាប់​ស្តីពី​យុត្តិធម៌​អនីតិជន ដែល​ក្រសួង​សង្គមកិច្ច អតីតយុទ្ ធជន និង​យុវ​នី​ត​សម្បទា និង ក្រសួងយុត្តិធម៌ រួមគ្នា​រៀបចំ​ផែនការ​នេះ​ឡើង ដែលមាន​រយៈ ពេល ៣​ឆ្នាំ ២០១៨-២០២០​។​

សម្តេច​ក្រឡាហោម​ឧបនាយករដ្ឋមន្ត្រី​ថា ភូមិសាស្ត្រ​ទាំងបី​ខាងលើនេះ​អាច​ចាត់ទុក ជា​វិញ្ញាសារ​អនុវត្ត​សម្រាប់​ក្រសួង ស្ថាប័ន​ពាក់ព័ន្ធ និង​អាជ្ញា​ធរមាន​សមត្ថកិច្ច ក្នុងការ​ពិនិត្យ សិក្សា និង​វាយតម្លៃ ដើម្បី​ធ្វើយ៉ាងណា​បង្កើន​ការផ្តល់សេវា​សមស្រប ដោយ​អនុលោម​តាម ច្បាប់ និង​ផែន​ការដែល​បាន​បង្កើតឡើង​នេះ សំដៅ​ធានា​ដល់​សិទ្ធិ និង​ផលប្រយោជន៍​របស់ អនីតិជន​។ សម្តេច​បាន​គូសបញ្ជាក់ថា ជាការ​ពិតណាស់ យើង​មិនដែល​ចង់​ឲ្យ​មានការ​ឃុំ ឃាំង​ណាមួយ​នោះទេ ទោះបី​អនីតិជន​ក្តី ឬ​នីតិជន​ក្តី ដោយ​បច្ចុប្បន្ននេះ​កម្ពុជា​កំពុង​ខិតខំ ជំរុញ​ការអនុវត្ត​យន្តការ​ដើម្បី​កាត់បន្ថយ​ឲ្យ​បានជា​អតិបរមា​នូវ​ចំនួន​ជន​ជាប់ឃុំ​ក្នុង​ពន្ធនា គារ ហើយ​ដូចគ្នានេះដែរ​ចំពោះ​អនីតិជន​ការបង្កើតឡើង​នូវ​ផែនការ​យុទ្ធសាស្ត្រ និង​ផែន ការ​ប្រតិ ប​ត្តិ​នាពេលនេះ ពិត​ជាមាន​សារសំខាន់ ចាំបាច់ និង​សមស្រប ដើម្បី​អនុវត្ត​កម្មវិធី​បង្វែរ​ពី​ការ ឃុំខ្លួន និង​កម្មវិធី​ស្តារនីតិសម្បទា​ឲ្យ​អស់​លទ្ធភាព​។

ពិតណាស់ថា រាល់​ការឃុំខ្លួន​វា​មិន​សុទ្ធ តែ​ផ្តល់​ផល​ជា​វិជ្ជមាន​នោះទេ ព្រោះថា​កង្វះ​ហេដ្ឋារចនាសម្ព័ន្ធ​ពន្ធនាគារ កម្មវិធី​ស្តារ​នីតិ សម្បទា​មិនទាន់មាន​គុណភាព និង​បញ្ហា​បរិស្ថាន​ក្នុង​ពន្ធនាគារ អាច​បង្ក​ផលប៉ះពាល់​ដល់ សុខភាព​ផ្លូវចិត្ត និង​ធ្វើ​ឲ្យ​អនីតិជន​មិន​រាងចាល ហើយ​បែរជា​ប្រព្រឹត្ត​បទល្មើស​ធ្ងន់ធ្ងរ​ជាង​មុន ដោយសារ​ពួកគេ​ទទួល​ឥទ្ធិពល​មិនល្អ​ពី​ជនល្មើស​ដទៃទៀត​នៅក្នុង​ពន្ធនាគារ ហើយ​ម្យ៉ាង វិញទៀត​ភាព​ចង្អៀត​ណែន​ក្នុង​ពន្ធនាគារ​នាពេល​បច្ចុប្បន្ន​នេះ​ក៏​ពុំ​ផ្តល់​លក្ខណៈ​អំណោយផល និង ល​ក្ខ័​ណ្ឌ​សមរម្យ​ដល់​ការ​ស្តារនីតិសម្បទា​អនីតិជន​ទំនាស់​នឹង​ច្បាប់​នោះ​ផងដែរ​។ នេះ​ជា ការបញ្ជាក់​បន្ថែម​រប​ស់ស​ម្តេច​ក្រឡាហោម ស ខេង ដោយ​សម្តេច​សង្ឃឹម និង​ជឿជាក់ថា ការអនុវត្ត​ផែនការ​យុទ្ធសាស្ត្រ និង​ផែនការ​ប្រតិបត្តិ​ដើម្បី​អនុវត្ត​ច្បាប់​ស្តីពី​យុត្តិធម៌​អនីតិជន នេះ​ក៏​នឹង​ជួយ​កាត់បន្ថយ​ចំនួន​អនីតិជន​ក្នុង​ពន្ធនាគារ និង​ក៏​ធ្វើ​ឲ្យ​ប្រព្រឹត្តិកម្ម​ទៅនឹង​អនីតិជន កាន់​តែមាន​ភាពល្អប្រសើ​រ និង​មានការ​គិតគូរ​វែងឆ្ងាយ​ដល់​អនាគត​នៃ​យុវជន​ជំនាន់​ក្រោយ ដោយ​ផ្តល់ឱកាស​សមស្រប​ដល់​ពួកគេ​ក្នុងការ​កែប្រែ​គំនិត និង​ទទួលបាន​សេវា​អប់រំ ការ ប្រឹក្សា​យោបល់ ដើម្បី​ក្លាយជា​ធនធាន​ដ៏​មានតម្លៃ និង​មាន​ប្រយោជន៍​សម្រាប់​ក្រុមគ្រួសារ និង សង្គមជាតិ​។

នាឱកាស​នេះដែរ​រដ្ឋមន្ត្រីក្រសួង​សង្គមកិច្ច អតីតយុទ្ធជន និង​យុវ​នី​ត​សម្បទា លោក វង សូត និង​រដ្ឋមន្ត្រី​ក្រសួងយុត្តិធម៌ លោក អង្គ វង្ស​វ​ឌ្ឍ​នា សុទ្ធតែ​បានលើកឡើង​ថា កុមារ ឬ​ហៅថា​អនីតិជន គឺជា​ធនធាន​ដ៏​សំខាន់​សម្រាប់​បន្តវេន​អភិវឌ្ឍ​ប្រទេសជាតិ​នា​ថ្ងៃ​អនាគត ហើយ​កុមារ​ក៏​ជា​ជន​ដែល​អាច​នឹង​ងាយ​រងគ្រោះ​ផងដែរ​។ ហេតុនេះហើយ ការគិតគូរ​អំពី​ការ ធានា ការការពារ​សិទ្ធិ និង​ឧ​ត្ត​ម​ប្រយោជន៍​របស់​កុមារ គឺជា​កាតព្វកិច្ច​មួយ ក្នុងចំណោម​កាត​ព្វ កិច្ច​ចម្បង​នានា​ជាច្រើន​របស់​រដ្ឋ​៕

​

​ភ្នំពេញ ៖ ជនជាតិ​ថៃ ចំនួន ២៦​នាក់ នឹងត្រូវ​បញ្ជូន​ត្រឡប់​ទៅ​ប្រទេស​ដើម​វិញ ព​កា់​ព័ន្ធ​នឹង​ប្រើប្រាស់​កម្ពុជា​ប្រព្រឹត្ត​បទល្មើស​មួយចំនួន​តាម​ប្រព័ន្ធ​ទូរគមនាគមន៍​ទៅ​ប្រទេស​ថៃ​។​

​គរ​បញ្ជាក់ថា ការបណ្ដេញ​នេះ អនុវត្តតាម​ប្រកាស​របស់​ក្រសួងមហាផ្ទៃ​ចុះ​ថ្ងៃទី​២៧ និង​២៩ ខែ​វិ​ច្ជិ​កា ឆ្នាំ​២០១៨​។

នៅ​ថ្ងៃទី​២២ ខែធ្នូ ឆ្នាំ​២០១៨ នេះ នាយកដ្ឋាន​ស៊ើបអង្កេត និង​អនុវត្ត​នីតិវិធី នៃ​អគ្គនាយក ដ្ឋាន ​អន្តោប្រវេសន៍ នឹងធ្វើ​ការបណ្ដេញ​ជន​ជាតិ​ថៃ ចំនួន ២៦​នាក់​(​ស្រី ៩​នាក់​) ពាក់ព័ន្ធ​ករណី​ឆបោក គំរាម​គំហែង ជំរិត​ទារប្រាក់ តាម​ប្រព័ន្ធ​ទូរគមនាគមន៍​(VOIP) ទៅកាន់​ប្រទេស​ថៃ វិញ តាម​ច្រកទ្វារ​អន្តរជាតិ​ប៉ោយប៉ែត ដោយ​នឹងមាន​ការចូល​រួមសហកា​រ​ជាមួយ​ភាគី​នគរបាល​ប្រទេស​ថៃ​ចាំ​ទទួលយក ។​

​ជនជាតិ​ថៃ​ខាងលើ​ត្រូវបាន​កម្លាំង​កងរាជអាវុធហត្ថ រាជធានី​ភ្នំពេញ​បង្ក្រាបបាន កាលពី​ថ្ងៃទី​០៧ ខែកុម្ភៈ ឆ្នាំ​២០១៨ នៅ​ទីតាំង​ភូមិ​ពោងពាយ សង្កាត់​ភ្នំពេញ​ថ្មី ខណ្ឌ​សែន​សុខ រាជធានី​ភ្នំពេញ នឹង​បាន​បញ្ជូន​ទៅកាន់​សាលាដំបូង​រាជធានី​ភ្នំពេញ ដោយ​កាត់ទោស​ដាក់ពន្ធនាគារ​ចំនួន ១០​ខែ​៕

​

​ព្រះសីហនុ ៖ បុគ្គលិក​អគ្គិសនី (​ឯកជន​) ឡើង​ត​បណ្តាញ​លើ​បង្គោល​ភ្លើង បណ្តាល​ឲ្យ​ឆ្លង​ចរន្ត​ឆក់​ស្លាប់​មនុស្ស​២​នាក់ (​ម្នាក់​ស្លាប់​នៅនឹងកន្លែង​និង​ម្នាក់ទៀត ស្លាប់​ពេល​បញ្ជូន​ដល់​មន្ទីរពេទ្យ​) ។

ហេតុការណ៍ នេះ បាន​កើតឡើង​កាលពី​ថ្ងៃទី​២០ ខែធ្នូ ឆ្នាំ​២០១៨ វេលា​ម៉ោង​១៤​និង​៤០​នាទី នៅលើ​បង្គោល​ភ្លើង​ចំណុច​មុខ​សណ្ឋាគារ​ស៊ី​ហ៊ូ ស្ថិតនៅ​ក្រុមទី​២ ភូមិ​១ សង្កាត់​លេខ​៣ ក្រុង​-​ខេត្ត​ព្រះសីហនុ ។​

​តាម​របាយការណ៍​រប​ស់​ស្នងការដ្ឋាន​ខេត្ត​ព្រះសីហនុ​បាន​ឲ្យ​ដឹងថា ជនរងគ្រោះ​មាន ១-​ឈ្មោះ អុល ថា​រិ​ន ភេទ​ប្រុស អាយុ​២៦​ឆ្នាំ មុខរបរ​បុគ្គលិក​ត​បណ្តាញ​ភ្លើង មាន​ស្រុកកំណើត​ភូមិ​ត្រពាំង​ឈូក ឃុំ​មេស​ជ្រៃ ស្រុក​ស្ទឹងត្រង់ ខេត្តកំពង់ចាម (​ស្លាប់​លើ​បង្គោល​ភ្លើង​), ២-​ឈ្មោះ ធួ​ក សា​មិ ភេទ​ប្រុស អាយុ​២៧​ឆ្នាំ មុខរបរ បុ​គ្គិ​លត​បណ្តាញ​ភ្លើង មាន​ស្រុ​កំណើត ភូមិ​ស្មោង ឃុំ​ស្មោង ស្រុក​កំចាយមា ខេត្តព្រៃវែង (​ស្លាប់​ពេល​បញ្ជូន​មកដល់​មន្ទីរ​ពេទ្យ​បង្អែក​ខេត្ត ។​

​បច្ចុប្បន្ន​សាកសព​ជនរងគ្រោះ​ទាំង​២​នាក់ បាន​យកទៅ​រក្សាទុក​នៅ​វត្ត​ឥន្ទ​ញ្ញាណ (​វត្ត​ក្រោម​) ក្នុង​សង្កាត់​៣ ក្រុងព្រះសីហនុ រង់ចាំ​ការពិនិត្យ​របស់​សមត្ថ​កិច្ច​ជំនាញ និង​ក្រុមគ្រួសារ ៕ ប្រភព ៖ នគរបាល

​

​ភ្នំពេញ ៖ អតីត​ពិធីករ ឡាយ អ៊ិន និង​បក្ខពួក ៣​នាក់​ទៀត ត្រូវបាន​នគរបាល​នៃ​មន្ទីរ​ប្រឆាំង​គ្រឿងញៀន “​ក​៦” ចាប់ខ្លួន​ពាក់ព័ន្ធ​ករណី​ជួញដូរ​គ្រឿងញៀន នៅមុខ​មជ្ឈមណ្ឌល​កំសាន្ត​រ៉ុ​ក ។

តាម​របាយការណ៍​រប​ស់​មន្ទីរ​ប្រឆាំង​គ្រឿងញៀន​បាន​ឲ្យ​ដឹង​នៅ​ថ្ងៃទី​២១ ខែធ្នូ​ឆ្នាំ នេះ​ថា ការចាប់ខ្លួន​ជនសង្ស័យ​ជួញដូរ​គ្រឿងញៀន​ទាំង ៤​នាក់​នេះ បានធ្វើ​ឡើង​កាលពី​រំលង​អា​ធ្រា​ត្រ​ឈានចូល​ថ្ងៃទី​១៩ ខែធ្នូ ឆ្នាំ​២០១៨ ដោយ​ដកហូត​បាន​គ្រឿងញៀន​ជាង ១​គ​.​ក្រ​.​។​

​ជនសង្ស័យ​ទី​១.​ឈ្មោះ ហែម បូរិទ្ធ (​ហៅ ឡាយ អិន អតីត​ពិធីករ​) ភេទ​ប្រុស , ២.​ឈ្មោះ អ៊ិន សុខន ភេទ​ប្រុស , ៣.​ឈ្មោះ ម៉ៅ ស៊ីណា ភេទ​ស្រី និង ទី​៤.​ឈ្មោះ ស៊ិន សម្ផស្ស ភេទ​ប្រុស ដោយ​កម្លាំង​ជំនាញ​បាន​ដកហូត​វត្ថុតាង​សរុប​ចំនួន ៖ មេ​តំ​ហ្វេ​តា​មីន​៣៧៤.៣៩​ក្រាម ។​- អិ​ច​ស្តា​ស៊ី​៦០៩,៣៣ ក្រាម និង​កាំភ្លើងខ្លី​១​ដើម ម៉ា​កឡុក​។​

​តាម​របាយការណ៍​បានបញ្ជាក់​ទៀតថា ជនសង្ស័យ​ឈ្មោះ ស៊ិន សម្ផស្ស ហៅ ស៊ិន សំ​ភ័​ស្ត ធ្លាប់​ជាប់ពន្ធនាគារ​ម្តង​រួចហើយ​ពាក់ព័ន្ធ​បទល្មើស​គ្រឿងញៀន និង​ជា​មេខ្លោង ក្នុងករណី​ដូជគ្នានេះ​៕
​

​ភ្នំពេញ ៖ សម្តេច​តេ​ជោ ហ៊ុន សែន នាយករដ្ឋមន្ត្រី​កម្ពុជា​បាន​ផ្ញើ​សារលិខិត​ចូលរួម​អបអរសាទរ​វេទិកា​និពន្ធ​នាយក​សារព័ត៌មាន​កម្ពុ​ជា​ឆ្នាំ​២០១៨ ដែល​ប្រារព្ធ​ឡើង​នា​ថ្ងៃទី​២១ ខែធ្នូ ឆ្នាំ​២០១៨​នេះ ក្រោម​ប្រធានបទ «​ការប្រយុទ្ធ​ប្រឆាំងនឹង​ព័ត៌មាន​ក្លែងក្លាយ​»​។​

​ក្នុង​សារលិខិត​សម្តេច​បាន​លើកឡើងថា វេទិកា​និពន្ធ​នាយក​ឆ្នាំ​២០១៨ បាន​លើកយក​ប្រធាន​ស្តីពី «​ប្រយុទ្ធ​ប្រឆាំងនឹង​ព័ត៌មាន​ក្លែងក្លាយ​» គឺ​ពិត​ជាមាន​សារៈសំខាន់​ណាស់​ដែល​រាជរដ្ឋាភិបាល​នៃ​ព្រះរាជាណាចក្រ​កម្ពុជា និង​សកលលោក​ទាំងមូល​កំពុង​ប្រឈម និង​ផ្តោត​ការយកចិត្តទុកដាក់​យ៉ាងខ្លាំង​ទៅនឹង​ការប្រើប្រាស​ព័ត៌មាន​ក្លែងក្លាយ​នៅតាម​ប្រព័ន្ធ​ផ្សព្វផ្សាយ​នានា ជាពិសេស​តាម​បណ្តាញ​ទំនាក់ទំនង​សង្គម​ដែល​ប្រើប្រាស់​បច្ចេកវិជ្ជា​ទំនើប និង​កំពុង​ពេញនិយម​នាពេល​បច្ចុប្បន្ន​បានធ្វើ​ឲ្យ​ពិភពលោក​មាន​ភាពចលាចល ច្របូកច្របល់ និង​កំពុង​ជួប​បញ្ហា​អសន្តិសុខ​ដ៏​គួរ​ឲ្យ​ព្រួយបារម្ភ​។​

​ជាមួយគ្នា​នោះ​សម្តេច​ក៏បាន​កោតសរសើ​រ​ដោយស្មោះ​អស់ពី​ចិត្ត​ចំពោះ​បងប្អូន​អ្នកសារ ព័ត៌មាន និង​អង្គភាព​សារព័ត៌មាន​មួយចំនួន​ដែល​បាន​ខិតខំ​ពុះពារ​រាល់​ការលំបាក​បំពេញ ការងា​រ​របស់​យ៉ាងសកម្ម​ប្រកបដោយ​ភាពស្មោះត្រង់​តាម​វិជ្ជាជីវៈ និង​មានការ​ទទួលខុស ត្រូវ​ខ្ពស់​ក្នុង​ផ្សព្វផ្សាយ​។​

​សម្តេច​បាន​លើកឡើងថា រាជរដ្ឋាភិបាល​តែងតែ​យកចិត្តទុកដាក់​ក្នុងការ​លើកតម្កើង​សិទ្ធិ សេរីភាព​ ខាង​សារព័ត៌មាន សេរីភាព​ខាង​បញ្ចេញមតិ​ស្រម​តាម​រដ្ឋធម្មនុញ្ញ​នៃ​ព្រះរាជាណា ចក្រ​កម្ពុជា និង​ច្បាប់​ស្តីពី​របប​សារព័ត៌មាន និង​បានផ្តល់​អាទិភាព​ចម្បង​នៅក្នុង​កម្មវិធី​នយោបាយ​របស់​យុទ្ធសាស្ត្រ​ចតុកោណ​របស់​រាជរដ្ឋាភិបាល​ទាំង​ក្នុងដំណាក់កាល​ទី​៣ និង​ដំណាក់កាល​ទី​៤​។​

សម្តេច​បន្តថា រាជរដ្ឋាភិបាល​ត្រូវការ​នូវ​សារព័ត៌មាន​ដែលមាន​ថាមពល​ប្រកបដោយ​ការទទួលខុសត្រូវ និង​មាន​ភាពស្មោះត្រង់​ចំពោះ​វិជ្ជាជីវៈ គឺ​ទាមទារ​ឲ្យ​អ្នកសារព័ត៌មាន​ស្តាប់​គ្រប់​សំឡេង ហ៊ាន​និយាយ​ការពិត ហ៊ាន​រិះគន់​ក្នុងន័យ​ស្ថាបនា និង​ហ៊ាន​ទទួលយក​ការពិត​។​

​ជាមួយគ្នា​នោះ​សម្តេច​ក៏​សូម​អំពាវនាវ​ជាថ្មី​ដល់​អ្នកសារព័ត៌មាន​ជាតិ អន្តរជាតិ​ដែល​កំពុង​បំពេញបេសកកម្ម​ក្នុង​វិស័យ​ព័ត៌មាន​ក្នុង​ព្រះរាជា ណា​ចក្រ​កម្ពុជា​សូម​យកចិត្តទុកដាក់​អនុវត្ត​ឲ្យ​បាន​ត្រឹមត្រូវ​តាម​ក្រមសីលធម៌​វិជ្ជាជីវៈ​សារព័ត៌មាន គោរព​ច្បាប់​រដ្ឋ និង​ជៀសវាង​នូវ​ការផ្សព្វផ្សាយ​ព័ត៌មាន​មិន​ពិត ឬ​ព័ត៌មាន​តែមួយ​ជ្រុង​ដោយសារតែ​គំនុំ​ដោយ​ពុំ​គិតពី​ក្បួនខ្នាត​ក្រឹត្យក្រម​នៃ​សារព័ត៌មាន ហើយ​គិតតែ​ពី​ប្រយោជន៍​ផ្ទាល់ខ្លួន ឬ​ផ្សព្វផ្សាយ​ព័ត៌មាន​ក្លែងក្លាយ​បំប៉ោង​សភាពការណ៍​ញុះញង់​ឲ្យ​មាន​ជម្លោះផ្ទៃក្នុង​រុញច្រាន​ប្រទេស​ឲ្យ​ធ្លាក់​ក្នុង​ភាពវឹកវរ អសន្តិសុខ ឬ​បង្ក​ឲ្យ​កើត​ជម្លោះ​ប្រដាប់អាវុធ​ជាមួយ​ប្រទេសជិតខាង​ធ្វើ​ឲ្យ​អន្តរាយ​ដល់​ប្រទេសជាតិ​ដែលជា​អំពើ​ខុសច្បាប់​ដែល​មិនអាច​អត់ឱន​ឲ្យ​ជាដាច់ខាត​៕

​ខ្លឹមសារ​ទាំងស្រុង​សូម​អាន​សារលិខិត​ខាងក្រោម ៖ 

ព្រះសីហនុ ៖ យន្ត មីន អភិបាលខេត្ត​ព្រះសីហនុ​មានប្រសាសន៍​ឱ្យដឹងថា រដ្ឋបាលខេត្ត​បាន​បញ្ជា​ទិញ​រថយន្ត​បូម​ធូលី​សម្អាត​ផ្លូវ​ចំនួន​វ​២​គ្រឿង សម្រាប់​សម្អាត​បរិស្ថាន​តាមផ្លូវ​សាធារ ណៈ​។ រថយន្ត​ដែល​បញ្ជា​ទិញ​នេះ នឹង​នាំ​មកដល់​យ៉ាងយូរ​នៅ​សប្តាហ៍​ទី​៤ នា​ចុងខែ​ធ្នូ ២០១៨ នេះ​។​

​ជាក់ស្តែង​នៅ​ព្រឹក​ថ្ងៃទី​២០ ធ្នូ​នេះ រថយន្ត​សម្អាត​បរិស្ថាន​ចំនួន ២​គ្រឿង បានមក​បោស សម្អាត​ផ្លូវជាតិ​លេខ​៤ ក្នុង​តំបន់​ទីប្រជុំជន​វាលរេញ ក្នុងនោះ​ក៍មាន​ការចូលរួម​ពី​រដ្ឋបាល​ឃុំ និង​សមត្ថកិច្ច​មូលដ្ឋាន​ផងដែរ ដែល​សកម្មភាព​នេះ​ត្រូវបាន​ពលរដ្ឋ​សាទរ ព្រោះ​ការសម្អាត​ផ្លូវ​ដោយ​រថយន្ត​នេះ មិន​ធ្លាប់មាន​ពីមុនមក​នៅ​ទីប្រជុំ​ជននេះ​ទេ ។​

​សូមបញ្ជាក់ថា នៅ​ខែធ្នូ ឆ្នាំ​២០១៨ នេះ រដ្ឋបាលខេត្ត ក៍​បានទទួល​ជំនួយ​ពី​ក្រសួងបរិស្ថាន​នូវ​រថយន្ត​បូម​ធូលី​ដី​មួយចំនួន មកជួយ​សម្អាត​ផ្លូវ​ក្នុង​ក្រុងព្រះសីហនុ និង​នៅ​ទីប្រជុំជន ក្នុងស្រុក​ព្រៃនប់​ផងដែរ​៕

​ភ្នំពេញ ៖ រដ្ឋាករទឹក​ស្វយ័ត​ក្រុងភ្នំពេញ បានចេញ​សេចក្តីជូនដំណឹង​មួយ ប្រកាស​ពី​ផ្អាក​ផ្គត់ផ្គង់​ទឹក​រយៈពេល​ខ្លី នៅ​យប់​ថ្ងៃទី​២១ ខែធ្នូ ឆ្នាំ​២០១៨ នៅ​តំបន់​មួយចំនួន​ក្នុង​សង្កាត់​ឬ​ស្សី​កែវ ខណ្ឌ​ឬ​ស្សី​កែវ ។​

​ការផ្អាក​នេះ ដើម្បី​អនុវត្តន៍​ការងារ​ដំឡើង​នាឡិកាទឹក​ទំហំ​៨០​មី​ល្លី​ម៉ែត្រ នៅលើ​ផ្លូវ​៣៦R កែង​នឹង​ផ្លូវ​៩៧R ដល់​ប្លុក​បរិវេណ មជ្ឈមណ្ឌល​ពាណិជ្ជកម្ម Triump ក្នុង​សង្កាត់​ឫស្សីកែវ ខណ្ឌឫស្សីកែវ រាជធានី ភ្នំពេញ​។ ការងារ​តម្លើង​នាឡិកា​ថ្មី​នេះ តម្រូវ​ឲ្យ​រដ្ឋាករ ទឹក​ស្វយ័ត​ភ្នំពេញ ផ្អាក​ការផ្គត់ផ្គង់​ទឹក​រយៈពេល​បួន​ម៉ោង ចាប់ពី​ម៉ោង​០៨​យប់ រហូតដល់​១២​យប់ នឹង អាចធ្វើ​ឲ្យ​គុណភាព​ទឹកល្អក់​កករ​ក្នុង​រយៈពេល​ខ្លី ក្រោយពេល​កាត់​ភ្ជាប់​បំពង់​ថ្មី​រួចរាល់​។​

លោក​អភិបាល​បាន​សុំ​ការយោគយល់​ពី​ប្រជាពលរដ្ឋ និង​ស្នើ​ឲ្យ ពលរដ្ឋ​ត្រៀម​ទឹក​ទុក​សម្រាប់​ប្រើប្រាស់​ក្នុង​រយៈពេល​នេះ​ផងដែរ​៕
​