រាជធានីភ្នំពេញ ៖ នៅថ្ងៃទី១២ ខែកក្កដានេះ សមត្ថកិច្ចបានចាប់ខ្លួនស្ត្រីម្នាក់ដែលបាននិយាយចំហរតាមបណ្តាញសង្គម Facebook ចោទសម្តេច ហ៊ុន សែន និងក្រុមគ្រួសារថាជាអ្នកសម្លាប់ លោក កែម ឡី ។ ស្ត្រីដែលត្រូវសមត្ថកិច្ចចាប់ខ្លួននោះត្រូវបានគេស្គាល់អត្តសញ្ញាណនៅលើ Facebook ឈ្មោះ ហេង លក្ខិណា (Heng Leakhena) ៕
ខេត្តក្រចេះ ៖ នៅព្រឹកថ្ងៃរទី១១នេះមានសេចក្ដីរាយការណ៍មួយពីប្រជាពលរដ្ឋនៅឃុំជ្រោយបន្ទាយ ស្រុកព្រែកប្រសព្វ ខេត្តក្រចេះ បានឲ្យភ្នាក់ងារយើងដឹងថា ជារៀងរាល់ថ្ងៃនេះកំលាំងស្នាក់ការបរិស្ថាន ឈរជើងនៅចំណុចកំពោតគយនោះ គឺលើសពីកុងត្រូលលជជុះទៅទៀត មូលហេតុរាល់ថ្ងៃនេះ ពួកមន្ត្រីទាំងនោះ គឺជាអ្នកបើកឲ្យពលរដ្ឋក៍ដូចជាក្រុមឈ្មួញផងដែរឲ្យចូលកាប់ឈើក្នុងតំបន់ព្រៃឡង់ក្នុងដែនសមត្ថកិច្ចរបស់ខ្លួន ដោយក្នុងមួយថ្ងៃៗប្រមាណជា៥០គោយន្ដយ៉ាងតិច។
ពលរដ្ឋទាំងនោះបានបញ្ជាក់ទៀតថា ក្នុងនោះដែរគឺខាងបរិស្ថាននៅកំពោតគយនោះគេតំរូវឲ្យបង់ក្នុងមួយគោយន្ដថ្លៃ១០០$ ស្មើ៤០ម៉ឺនរៀល បើដឹកឈើគ្រាក់៥០$ ស្មើនឹង២០ម៉ឺនរៀល។ បើពលរដ្ឋណាគេចវេះ នោះ ត្រូវពួកគេមិនឲ្យចូលកាប់ទៀតទេ ឬបើចាប់បានត្រូវផាកពិន័យ ស្មើ១គុណនឹង១០ គឺ៥០០$ ទៅ១០០០$។ នៅពេលពលរដ្ឋតវ៉ានឹងសុំចុះតម្លៃខ្លះនោះ ពួកគេឆ្លើយថា មិនបានទេខ្លាចខាត ពីព្រោះនេះគឺជាការកំណត់និងជាបញ្ជារបស់មេ លោក ឌូង ឆាយសាវុធ ព្រោះលុយនេះដែរ មេថា ត្រូវបែងចែកឲ្យទៅក្រសួងបរិស្ថានផង និងចូលរដ្ឋផងដែរ។
នៅជុំវិញបញ្ហានេះដែពលរដ្ឋទាំងនោះ បានលើកឡើងទៀតថា បើបែបនេះដដែលមិនខុសពីអស់លោកកំពុងតែធ្វើស្រែលើខ្នងរាស្ដ្រនោះទេ ។ពួកគាត់ក៍បានបន្តថា បើរឿងនេះពិតជាដូចពាក្យពួកគេនិយាយមែននោះពួកគាត់បានសុំសំណូមពរដល់ក្រសួងបរិស្ថាន ឯកឧត្ដមរដ្ឋមន្ត្រី សាយ សំអាល់ នឹងប្រមុខរាជរដ្ឋាភិបាល មេត្តាបន្ធូរបន្ធយឲ្យរាស្ដ្រខ្លះផង បើមិនបន្ធូរទេនោះពួកគាត់សុំឲ្យរដ្ឋាភិបាលបិទឲ្យជិតតែម្ដង បើមិនដូចច្នេះទេ ទង្វើរបស់បរិស្ថានដែលធ្វើស្រែលើខ្នងរាស្ដ្រនេះ នឹងបង្កជាអំពើពុកកើតឡើងទ្វេដងជាមិនខានឡើយ។
នៅជុំបញ្ហាចោទប្រកាន់ទាំងស្រុងនេះ ភ្នាក់ងារយើងបានព្យាយាមទាក់ទងទៅលោក ឌួង ឆាយសាវុធ ដើម្បីសុំការបកស្រាយម្ដងហើយម្ដងទៀតជាច្រើនដងហើយ តែលោកមិនបានទទួលទាល់តែសោះ៕
រាជធានីភ្នំពេញ ៖ នគរបាលការិយាល័យព្រហ្មទណ្ឌកំរិតស្រាល នៃស្នងការដ្ឋាននគរបាលរាជធានីភ្នំពេញ បានផ្ទុះអាវុធចំនួន៤គ្រាប់ផ្ទួនៗ ខណះកម្លាំងល្បាតតាមប្រមាញ់ជនសង្ស័យដែលជាមុខសញ្ញាកាចកម៉ូតូបន្ទាប់ពីវ្រទះឃើញជនសង្ស័យ កំពុងជិះម៉ូតូមួយគ្រឿងមា់កZusukismashvពណ៌ក្រហមគ្មានស្លាកលេខនៅតាមផ្លូវកាលពីវេលាម៉ោង១និង៣០នាទីរសៀលថ្ងៃទី១១ខែកក្កដាឆ្នាំ២០១៧នេះនៅក្នុងភូមិសាស្ត្រសង្កាត់ទួលសង្កែខណ្ឌឬស្សីកែវ ។ សមត្ថកិច្ចបានជិះដេញតាមមកដល់លូទឹកស្អុយក្បែស្ថានីយ៍បូមទឹកទួលគោកជនសង្ស័យរត់និងលោតចូលទឹកស្អុយគេចខ្លួនបាត់ស្រមោលតែម្តង ៕
ភ្នំពេញ ៖ ជាងតរបណ្តាញម្នាក់បានស្លាប់ភ្លាមៗខណៈពេលកំពុងឡើងតបណ្តាញខ្សែកាបនៅលើបង្គោលភ្លើងបណ្តាលអោយឆ្លងចរន្ធអគ្គីសនីធ្លាក់ចុះមកខាងក្រោមលើដីបណ្តាលអោយស្លាប់យ៉ាងអាណោចអាធម៌។ ហេតុការណ៏ភ្ញាក់ផ្អើលខាងលើនេះបានកើតឡើងកាលពីវេលាម៉ោង៤ និង១៥នាទីរសៀលថ្ងៃទី១១ ខែកក្កដា ឆ្នាំ២០១៧ ស្ថិតនៅបណ្តោយផ្លូវ៣៧១ ភូមិត្នោតជ្រុំ សង្កាត់បឹងទំពុន ខណ្ឌមានជយ័។
ជនរងគ្រោះមានឈ្មោះនុន នៅអាយុ៣២ឆ្នាំមានមុខរបរអ្នកមៅការអូសខ្សែរកាប ស្នាក់នៅសង្កាត់ទំនុបទឹក ខណ្ឌចំការមន និងមានស្រុកកំណើតខេត្តកំពង់ស្ពឺ។
តាមប្រភពព័ត៌មានពីកន្លែងកើតហេតុបានអោយដឹងថា មុនពេលកើតហេតុគេឃើញមានក្រុមជាងតខ្សែកាបមួយក្រុមមានគ្នា៣នាក់បានជិះរម៉កម៉ូតូកង់៣មួយគ្រឿងដឹកសម្ភារះមកជុសជុលខ្សែកាបនៅចំនុចកើតហេតុខាងលើ ខណៈពេលដែលជនរងគ្រោះខាងលើបានឡើងតខ្សែកាបនៅលើបង្គោលភ្លើងកំពស់ប្រមាណ៦ម៉ែត្រក៏បានឆ្លង និងខ្សែកាបនៅខាងលើបណ្តាលអោយឆក់ធ្លាក់ចុះមកបោកក្បាលស្លាប់ភ្លាមៗនៅកន្លែងកើតហេតុ។ ក្រោយពេលកើតហេតុ ក៏មានរថយន្តសង្គ្រោះបន្ទាន់របស់មន្ទីរពេទ្យបង្អែខណ្ឌច្បារអំពៅបានមកដឹកជនរងគ្រោះខាងលើដែរតែជាអកុសលជនរងគ្រោះបានស្លាប់បាត់បង់ជិវិតបាត់ទៅហើយ
បច្ចុប្បន្នសពជនរងគ្រោះខាងលើត្រូវបានសមត្ថកិច្ចដំកល់នៅវត្តសន្សំកុសលដើម្បីស្រាវជ្រាវរកក្រុមគ្រួសារសាច់ញាតិមកទទួលយកទៅធ្វើបុណ្យតាមប្រពៃណី៕
រាជធានីភ្នំពេញ ៖ យោងតាមសេចក្តីជូនដំណឹងរបស់ក្រសួងធនធានទឹក និងឧតុនិយម ស្តីពីការព្យាករណ៍អាកាសធាតុនៅកម្ពុជា បានឲ្យដឹងថាភ្លៀងនឹងបន្តធ្លាក់ក្នុងក្របខ័ណ្ឌទូទាំងប្រទេស ក្នុងនោះរាជធានី-ខេត្តមួយចំនួន អាចនឹងមានភ្លៀងធ្លាក់ច្រើន ចាប់ពីថ្ងៃនេះ ដល់ថ្ងៃទី១៦ ខែកក្កដា ឆ្នាំ២០១៧នេះ។
អាស្រ័យដូច្នេះសូមបងប្អូនបង្កើនការប្រុងប្រយ័ត្ន ចំពោះបាតុភូមភ្លៀង រលក បាតុភូតរន្ទះ និងខ្យល់កន្ត្រាក់ នៅពេលមេឃរកកលភ្លៀង៕
មូស្គូ ៖ រដ្ឋមន្ត្រីការបរទេសរុស្ស៊ី លោក Sergei Lavrov បានថ្លែងថា ទីក្រុងមូស្គូកំពុងគិតពិចារណាលើការចាត់វិធានឆ្លើយតបជាក់ស្ដែងចំពោះការបណ្ដេញមន្ត្រីទូតរុស្ស៊ី៣៥នាក់ចេញពីទីក្រុងវ៉ាស៊ីនតោន ដោយរដ្ឋបាលអតីតប្រធានាធិបតីអាមេរិក លោក បារ៉ាក់ អូបាម៉ា កាលពីចុងឆ្នាំ២០១៦។ នេះបើតាមសារព័ត៌មាន Sputnik។
ការលើកឡើងរបស់លោក Sergei Lavrov បែបនេះធ្វើឡើងនៅចំពោះមុខអ្នកសារព័ត៌មាននៅឯទីក្រុង Mauerbach ប្រទេសអូទ្រីស គ្រាដែលលោកចូលរួមកិច្ចប្រជុំថ្នាក់រដ្ឋមន្ត្រីការ បរទេសនៃបណ្ដាប្រទេសជាសមាជិកអង្គការ OSCE (Organization for Security and Co-operation in Europe)។ ប្រមុខការទូតរុស្ស៊ីរូបនេះ បានគូសបញ្ជាក់ដូចច្នេះថា៖ «បច្ចុប្បន្ន យើងកំពុងគិតពិចារណាលើវិធានាការឆ្លើយតបជាក់ស្ដែងចំពោះការបណ្ដេញ មន្ត្រីទូតរុស្ស៊ី៣៥នាក់ …ហើយខ្ញុំក៏មិនគិតដែរថារឿងនេះត្រូវចេញផ្សាយជាសាធារណៈ»។
ដោយឡែកបើតាមសារព័ត៌មានរុស្ស៊ី Izvestia ទីក្រុងមូស្គូបានត្រៀមខ្លួនរួចរាល់ហើយក្នុងការបណ្ដេញចេញមន្ត្រីទូតអាមេរិកជិត ៣០នាក់ ក៏ដូចជារឹបអូសទ្រព្យសម្បត្តិរបស់សហរដ្ឋអាមេរិក នៅក្នុងប្រទេសរុស្ស៊ី។
គួរបញ្ជាក់ថា វិធានការទាំងនេះ អាចនឹងត្រូវធ្វើឡើងដើម្បីជាការសងសឹងទៅនឹងការសម្រេចចិត្ត របស់លោក បារ៉ាក់ អូបាម៉ា ដែលបានបណ្ដេញមន្ត្រីទូតរុស្ស៊ី៣៥នាក់ និងគ្រួសារ ចេញពីទីក្រុងវ៉ាស៊ីនតោន ក្រោមហេតុផលថាទីក្រុងមូស្គូ បានលូកដៃចូលក្នុងកិច្ចការបោះឆ្នោតជ្រើសរើសប្រធានាធិបតីអាមេរិក កាលពីឆ្នាំ២០១៦៕
រាជធានីភ្នំពេញ ៖ ក្រសួងពាណិជ្ជកម្ម បានចេញផ្សាយតារាងតម្លៃប្រេងឥន្ធនៈ ដែលត្រូវលក់រាយតាម បណ្តាស្ថានីយ៍ប្រេងទូទាំងប្រទេសកម្ពុជា ចាប់ពីថ្ងៃ១២ ដល់ថ្ងៃទី២១ ខែកក្កដា មានដូចជា៖
រាជធានីភ្នំពេញ ៖ អង្គភាពប្រឆាំងអំពើពុករលួយ (ACU) បានចេញសេចក្តីជូនដំណឹងមួយដោយតម្រូវឲ្យសមាជិកក្រុមប្រឹក្សា ឃុំ សង្កាត់ដែលទើបជាប់ឆ្នោតថ្មី ក្នុងអាណត្តិទី៤ ឆ្នាំ២០១៧នេះ ប្រកាសប្រកាសទ្រព្យសម្បត្តិ និងបំណុលចាប់ពីថ្ងៃទី១៥ ខែកក្កដា ដល់ ថ្ងៃទី១៥ ខែសីហា ឆ្នាំ២០១៧៕
ព័ត៌មានលម្អិតសូមអានសេចក្តីជូនដំណឹងរបស់ ACU ដូចខាងក្រោម៖
ខេត្តបាត់ដំបង ៖ កម្លាំងនគរបាលនៃស្នងការខេត្តស្រាវជ្រាវចាប់ខ្លួនជនសង្ស័យបានម្នាក់ក្នុងចំណោម២នាក់ ដែលជាឃាតករបាញ់សម្លាប់បុរសគួរជេរម៉ូតូ២នាក់ ក្រោយកើតហេតុបានជាង២ម៉ោង កាលពីថ្ងៃទី១០ កក្កដា ស្ថិតត្រង់ចំណុចក្បាលអាងសំរោង ក្នុងភូមិកោះរាម ឃុំខ្នាចរមាស ស្រុកបវេល ខេត្តបាត់ដំបង។
សមត្ថកិច្ចបានឲ្យដឹងថា ជនសង្ស័យដែលឃាត់ខ្លួនខាងលើឈ្មោះ យ៉ិន សារ៉េន អាយុ៦៦ឆ្នាំ មានទីលំនៅក្នុងភូមិព្រះពន្លា ឃុំរោងស្រែ ស្រុកថ្មគោល ខេត្តបាត់ដំបង និងម្នាក់ទៀតកំពុងគេចខ្លួន ឈ្មោះ អូន សៅ (ដែលត្រូវជាក្មួយប្រុសរបស់ជនសង្ស័យរូបនេះ) ។
តាមចម្លើយសារភាពរបស់ជនសង្ស័យបានឲ្យថា រូបគេបានស្គាល់គ្នាជាមួយបុរសគួកជេរទាំង២នាក់ ដោយខ្លួនបានរៀបគម្រោង ល្បួងហៅមកដល់ចំណុចកើតហេតុ ក៏បាញ់យកម៉ូតូតែម្តង។ ជនសង្ស័យបន្តទៀតថា ចំពោះវត្ថុតាងទាំងម៉ូតូ និងកាំភ្លើង ត្រូវបានក្មួយប្រុសឈ្មោះ អូន សៅ យកទៅជាមួយទាំងអស់ ។
ទោះបីជាយ៉ាងណា កម្លាំងកំពុងបន្តស្រាវជ្រាវចាប់ខ្លួនម្នាក់ទៀត ដើម្បីផ្តន្ទាទោសឱ្យខាងតែបាន៕
វ៉ាស៊ីនតោន ៖ អាជ្ញាធរអាមេរិកបាននិយាយថា ចំនួនអ្នកស្លាប់ក្នុងករណីធ្លាក់យន្តហោះយោធាខ្នាតធំរបស់អាមេរិកមួយគ្រឿង នៅតំបន់ Leflore County នៃរដ្ឋ Mississippi នៅថ្ងៃចន្ទដើមសប្តាហ៍នេះ (ម៉ោងនៅទីក្រុងវ៉ាស៊ីនតោន) បានកើនឡើងដល់១៦នាក់ហើយ។ បើតាមការចេញផ្សាយដោយសារព័ត៌មាន CNN នៅព្រឹកថ្ងៃអង្គារ ទី១១ ខែកក្កដា ឆ្នាំ២០១៧នេះ។
បើតាមនាយកទីភ្នាក់ងារគ្រប់គ្រងការសង្គ្រោះបន្ទាន់របស់យោធាអាមេរិក លោក Lee Smithson បានឲ្យដឹងថា យន្ដហោះដែលធ្លាក់នោះជាប្រភេទយន្ដហោះយោធាធុន C-130 និងផ្ទុកអ្នកដំណើរ១៦នាក់ ដែលត្រូវបានគេអះអាងថា បានស្លាប់បាត់បង់ជីវិតទាំងអស់។ ទោះបីយ៉ាងណារហូតមកទល់ពេលនេះពុំទាន់មានការបញ្ជាក់ណាមួយ ពីមូលហេតុបណ្តាលឲ្យយន្តហោះដឹកយោធានិងបរិក្ខារខ្នាតធំនេះធ្លាក់នៅឡើយទេ៕
ខេត្តរតនគិរី ៖ បុរសវ័យចំណាស់ម្នាក់ត្រូវនគរបាលឃាត់ខ្លួនពាក់ព័ន្ធករណីហឹង្សាក្នុងគ្រួសារបណ្តាលឲ្យប្រពន្ធរងរបួសធ្ងន់ធ្ងរ។ ហេតុការណ៍នេះបានកើតឡើង កាលពីវេលាម៉ោង១០ យប់ថ្ងៃទី១០ ខែកក្កដា ឆ្នាំ២០១៧នៅត្រង់ចំណុចផ្ទះ ឈ្មោះ ពួត ឌឺន ស្ថិតនៅភូមិព្រួក ឃុំបាតាង ស្រុកលំផាត់ ខេត្តរតនគិរី។
មន្ត្រីនគរបាលមូលដ្ឋានបានឲ្យដឹងថា ប្រពន្ធឈ្មោះ ថុត ណូច អាយុ៤៨ ឆ្នាំជនជាតិទំពួន មុខរបរកសិករ បណ្តាលឲ្យរងរបួសបែកក្បាលជាទម្ងន់។ចំណែកជនបង្ករឈ្មោះ ពួត ផិត អាយុ៥៧ ឆ្នាំជនជាតិទំពួន មុខរបរកសិករត្រូវជាប្តី យកដំបងឈើជ្រុងវ៉ៃទៅលើក្បាលប្រពន្ធបែករយែស១តឹក អ្នកទាំងពីររស់នៅភូមិឃុំ កើតហេតុខាងលើ។
កម្លាំងនគរបាលប៉ុស្តិ៍បាតាង បានចុះត្រួតពិនិត្យដល់កន្លែងកើតហេតុនិង បញ្ជួនជនរងគ្រោះទៅសង្គ្រោះនៅ មណ្ឌលសុខភាពស្រុកលំផាត់ តាមរថយន្តឯកជន ។ បច្ចុប្បន្នជនបង្កបានឃាត់ខ្លួនបណ្ដោះអាសន្ននៅអធិការដ្ឋាននគរបាលស្រុកលំផាត់ ដើម្បីចាត់ការណ៍តាមនីតិវិធីច្បាប់ ៕
វ៉ាស៊ីនតោន ៖ យ៉ាងហោចណាស់មនុស្សចំនួន០៥នាក់ ក្នុងចំណោម០៩នាក់ ត្រូវគេជឿជាក់ថាបានបាត់បង់ជីវិតស្លាប់ បន្ទាប់ពីយន្ដហោះយោធាអាមេរិកខ្នាតធំមួយគ្រឿងបានធ្លាក់នៅក្នុងរដ្ឋ Mississippi ។ នេះបើតាមសារព័ត៌មាន Sputnik របស់រុស្ស៊ីនៅព្រឹកថ្ងៃអង្គារ ទី១១ ខែកក្កដា ឆ្នាំ២០១៧។
បើតាមនាយកទីភ្នាក់ងារគ្រប់គ្រងការសង្គ្រោះបន្ទាន់របស់យោធាអាមេរិក លោក Lee Smithson យន្ដហោះដែលធ្លាក់នោះជាប្រភេទយន្ដហោះយោធាធុន C-130 និងទំនងជាបានផ្ទុកអ្នកដំណើរ ០៩នាក់ ក្នុងនោះមនុស្ស ០៥នាក់ ត្រូវបានគេអះអាងថា បានស្លាប់បាត់បង់ជីវិតទៅហើយ។ ប៉ុន្តែភ្លាមៗនោះដែរ ពុំទាន់មានការបញ្ជាក់ណាមួយពីមូលហេតុធ្លាក់នៅឡើយទេ៕
តូក្យូ ៖ គិតត្រឹមថ្ងៃម្សិលមិញចំនួនមនុស្សស្លាប់បានកើនឡើងដល់២១នាក់ហើយ ខណៈដែលជាង២០នាក់ទៀតនៅតែបន្តបាត់ខ្លួននៅឡើយ ក្នុងគ្រោះទឹកជំនន់ដែលបង្កឡើងដោយភ្លៀងធ្លាក់យ៉ាងគំហុកមិនធ្លាប់មានក្នុងរយៈពេល៤០ឆ្នាំមកនេះ ព្រមទាំងបង្កជាការអិលបាក់ដីផងដែរនៅកោះគ្យូស៊ុ ភាគខាងត្បូងប្រទេសជប៉ុន។ នេះបើយោងតាមទីភ្នាក់ងារសារព័ត៌មានចិនស៊ីនហួរ។
កងកម្លាំងស្វ័យការពាររួមជាមួយភ្នាក់ងារស្វែងរក និងជួយសង្គ្រោះជាង ២,០០០នាក់ បាននិងកំពុងបន្តប្រតិបត្តិការនៅក្នុងខេត្ត Fukuoka និង ខេត្ត Oita ដែលស្ថិតនៅលើកោះគ្យូស៊ុ គ្រាដែលប្រជាជនប្រមាណ១,៧០០នាក់ កំពុងបន្តស្ថិតក្នុងទីជម្រកភៀសខ្លួនបណ្តោះអាសន្នដដែល។
ដោយឡែកបើតាមក្រសួងដែនដី និងដឹកជញ្ជូនជប៉ុន គ្រោះរអិលបាក់ដី បានកើតឡើង៤១កន្លែង និងគ្រោះទឹកជំនន់វាយប្រហារលើតំបន់ចំនួន៣៨ទីតាំងនៃខេត្ត Fukuoka, Kumamoto, Oita រួមទាំងខេត្ត Saga៕
ដោយ ៖ អឹម សៀត
ភ្នំពេញ ៖ បុរសម្នាក់ដែលជានាយទាហានមានឋានន្តរសក្ដិជាឧត្តមសេនីយ៏ត្រី បានបើករថយន្តម៉ាកតូយ៉ូតា កាមរីស៊េរីឆ្នាំ១៩៨៩ មួយគ្រឿងក្នុងល្បឿនលឿន ហើយមិនដឹងថាគាត់ងងុយដេកឬបែបណានោះឡើយ ស្រាប់តែរេចង្កូតជ្រុលឡើងទៅលើឃឿនសួនច្បារ ពុះចែកទ្រូងផ្លូវមួយកន្លែង បណ្ដាលឲ្យក្រឡាប់ផ្ងារជើងឡើងលើ ហើយគាត់បានរងរបួសបែកក្បាលយ៉ាងដំណំ និងត្រូវបានរថយន្តសង្គ្រោះអង្គភាព៧១១ ដឹកយកទៅ សង្គ្រោះបន្ទាន់ភ្លាមៗផងដែរ។
ឧប្បត្តិហេតុនោះបានកើតឡើង កាលពីវេលាម៉ោង១២ និង៣០នាទីរសៀល ថ្ងៃទី១០ ខែកក្កដា ឆ្នាំ២០១៧ នៅលើកំណាត់ផ្លូវអូរដឹមកប់ស្រូវ ត្រង់ចំណុចភូមិសំរោង សង្កាត់សំរោងក្រោម ខណ្ឌពោធិ៍សែនជ័យ រាជធានី ភ្នំពេញ។ជនរងគ្រោះឈ្មោះ ចាន់ សុផល អាយុប្រហែលជាង៥០ឆ្នាំ មានឋានន្តរសក្ដិជាឧត្តមសេនីយ៏ត្រី ប៉ុន្តែមិនបានដឹងថាគាត់នៅអង្គភាពណាទេ ហើយពេលជួបគ្រោះថ្នាក់នោះ គាត់បានស្ថិតនៅក្នុងឯក សណ្ឋានយោធាតែម្ដង។
តាមប្រភពព័ត៌មឆនបានឲ្យដឹងថា នៅមុនពេលកើតហេតុនាយទាហានរូបនោះ បានបើកបររថយន្ត១គ្រឿង ម៉ាកតូយ៉ូតាកាមរីស៊េរីឆ្នាំ១៩៨៩ ពណ៏ឈាមជ្រូកពាក់ស្លាកលេខ ច-1400 ភព2 ធ្វើដំណើរក្នុងទិសដៅ ពីត្បូងទៅជើង ក្នុងល្បឿនលឿនគួរសមដែរ លុះពេលទៅដល់ត្រង់ចំណុចកើតហេតុខាងលើ មិនដឹងថាគាត់ ងងុយដេកឬបែបណាទេ ទើបជ្រុលចង្កូតឡើងទៅលើឃឿនសួនច្បារ ពុះចែកទ្រូងផ្លូវបណ្ដាលឲ្យក្រឡាប់ផ្ងារជើងឡើងលើ រងរបួសធ្ងន់ធ្ងរតែម្ដង ហើយក្រោយពេលកើតហេតុ ជនរងគ្រោះរូបនោះត្រូវបាន រថយន្តសង្គ្រោះអង្គភាព ៧១១ដឹកយកទៅសង្គ្រោះបន្ទាន់ ចំណែករថយន្តត្រូវនគរបាលស្ទូចឡើងនិងយកចេញពីកន្លែងកើតហេតុ នោះផងដែរ ដើម្បីបញ្ចៀសការកកស្ទះចរាចរ៕
រាជធានីភ្នំពេញ ៖ លោក ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា បានថ្លែងថា បេក្ខជនប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) នៅក្នុងឆ្នាំ២០១៧នេះ មានចំនួនសរុប ១០៣,១១២នាក់ ខណៈដែលចំនួននេះបើប្រៀបធៀបឆ្នាំ២០១៦ មានការកើនឡើងជាងឆ្នាំមុន ប្រមាណជាង ៩ពាន់នាក់ ។
ការបញ្ជាក់បែបនេះ របស់លោករដ្ឋមន្ត្រី ហង់ ជួនណារ៉ុន បានធ្វើឡើងនៅក្នុង សន្និសីទសារព័ត៌មាន ស្ដីពី ការរៀបចំប្រឡងសញ្ញាបត្រមធ្យមសិក្សាទុតិយភូមិចំណេះទូទៅ និងបំពេញវិជ្ជា សម័យប្រឡង ថ្ងៃទី២១ ខែសីហា ឆ្នាំ២០១៧ ។
លោក ហង្ស ជួនណារ៉ុន ក៏បានបញ្ជាក់បន្ថែមដែរថា ឆ្នាំនេះមានមណ្ឌលប្រឡងចំនួន១៧៨ មានការកើនឡើង ចំនួន២១មណ្ឌល បន្ទប់ប្រឡងមានចំនួន៤១៥៥បន្ទប់ កើនឡើងប្រមាណជាង៣៧៣បន្ទប់បើប្រៀបធៀបឆ្នាំ២០១៦កន្លងទៅ៕
