តាមច្បាប់ក្នុងប្រព័ន្ធតុលាការនៅក្នុងសំណុំរឿងមួយត្រូវចែកចេញជាពីរគឺអង្គហេតុ និងអង្គច្បាប់។ ប៉ុន្តែជានីតិវិធីក្នុងការជំនុំជម្រះពេលខ្លះតុលាការជម្រះទាំងអង្គហេតុ និងអង្គច្បាប់តែពេលខ្លះលើកយកតែអង្គច្បាប់មកជម្រះប៉ុណ្ណោះ។
បើដូច្នេះតើនៅតុលាការថ្នាក់ណាដែលលើកយកទាំងអង្គហេតុ និងអង្គច្បាប់មកជំនុំជម្រះហើយនៅតុលាការថ្នាក់ណាជម្រះតែអង្គច្បាប់?
ដើម្បីស្វែងយល់ពីបញ្ហានេះភ្នំពេញប៉ុស្តិ៍បានសម្ភាសជាមួយលោកមេធាវី ឡោ គីមហ្គេច នៃក្រុមមេធាវីអាស៊ានអន្តរជាតិដែលមានអាសយដ្ឋានលេខ ១៦R,ផ្លូវ ២៥២ សង្កាត់ចតុមុខ ខណ្ឌដូនពេញ រាជធានីភ្នំពេញដែលមានខ្លឹមសារដូចខាងក្រោម ៖
នៅក្នុងសំណុំរឿងមួយតាមច្បាប់តុលាការ តើពាក្យថាអង្គច្បាប់ និងអង្គហេតុតើខុសគ្នាដូចមេ្ដច? សូមលោកមេធាវីពន្យល់
ពាក្យថាអង្គហេតុបានសេចក្តីថាហេតុការណ៍ទាំងឡាយណាកើតមានឡើងនៅក្នុងសំណុំរឿងដែលជនជាប់ចោទគាត់បានប្រព្រឹត្ត។
ឧទាហរណ៍ថារឿងឃាតកម្មមួយដែលគាត់បានសម្លាប់គេហើយដល់ពេលបើកសវនាការជំនុំជម្រះចៅក្រមត្រូវឲ្យជនជាប់ចោទនោះរៀបរាប់ពីដំណើររឿងនោះ។ ចំពោះអង្គច្បាប់វិញគឺចៅក្រមក្រោយពីបានស្តាប់អង្គហេតុ (ដំណើររឿង) ហើយវិនិច្ឆយថាតើជននោះត្រូវផ្តន្ទាទោសប៉ុន្មានឆ្នាំ។
ចំពោះនៅតុលាការកំពូលវិញគឺចៅក្រមលើកតែអង្គច្បាប់មកជំនុំជម្រះទេក៏ប៉ុន្តែនៅតុលាការកំពូលគាត់ក៏អាចសួរជនជាប់ចោទឲ្យរៀបរាប់ពីដំណើររឿងខ្លះដែរ (អង្គហេតុ) ដើម្បីចៅក្រមបានយល់ និងមានមូលដ្ឋានពីដើមហេតុនៃរឿងខ្លះក្នុងការពិចារណា។
តើនៅសាលាដំបូង និងសាលាឧទ្ធរណ៍ជម្រះទាំងអង្គហេតុ និងអង្គច្បាប់ ឬក៏ជម្រះតែអង្គហេតុ?
ការជំនុំជម្រះនៅសាលាដំបូងក៏ដូចជានៅសាលាឧទ្ធរណ៍ដែរគឺជំនុំជម្រះទាំងអង្គហេតុ និងអង្គច្បាប់ប៉ុន្តែគ្រាន់តែនៅសាលាទាំងពីរថ្នាក់នេះពិនិត្យទៅលើអង្គហេតុច្រើនជាងអង្គច្បាប់ដើម្បីចៅក្រមអាចស្រាវជ្រាវរកភ័ស្តុតាងសម្រាប់ដាក់បន្ទុក និងដោះបន្ទុកលើជនជាប់ចោទ។ ក៏ប៉ុន្តែនៅតុលាការកំពូលជម្រះលើកទី ១ ដែលមានសមាសភាពចៅក្រម ៥ រូបហើយជម្រះតែអង្គច្បាប់ទេ។
តែបើក្នុងករណីមានសមាសភាពចៅក្រម ៩ រូបគឺបានសេចក្តីថាអង្គសវនាការនោះជម្រះទាំងអង្គហេតុផង និងអង្គច្បាប់ផង។ ឧទាហរណ៍មានជនជាប់ចោទម្នាក់បានរំលោភសេពសន្ថវៈលើជនម្នាក់ទៀតប៉ុន្តែតាមពិតទៅជននោះមិនបានប្រព្រឹត្តទេហើយពេលសំណុំរឿងមកដល់តុលាការកំពូលពិនិត្យមើលលើអង្គច្បាប់ទៅឃើញថាជនជាប់ចោទរូបនោះមិនបានប្រព្រឹត្តទេដូច្នេះបើតុលាការកំពូលពិនិត្យទៅលើអង្គច្បាប់ឃើញថាមិនបង្ហាញពីការប្រព្រឹត្តទេនោះដូច្នេះតុលាការកំពូលត្រូវបង្វិលសំណុំរឿងនោះទៅសាលាឧទ្ធរណ៍ជម្រះឡើងវិញ។
ប៉ុន្តែបើសាលាឧទ្ធរណ៍នៅតែចោទជននោះថាបានប្រព្រឹត្តហើយជនជាប់ចោទប្តឹងសារទុក្ខមកតុលាការកំពូលជាលើកទី ២ ទៀតពេលនោះតុលាការកំពូលលោកជំនុំជម្រះទាំងអង្គហេតុ និងអង្គច្បាប់ដែលតុលាការកំពូលអាចលើកលែងការចោទប្រកាន់ជននោះបាន។
ឧទាហរណ៍ជនម្នាក់ត្រូវសាលាដំបូងផ្តន្ទាទោសឲ្យជាប់គុក ១០ ឆ្នាំតែត្រូវប្តឹងទាស់មកសាលាឧទ្ធរណ៍ហើយត្រូវឧទ្ធរណ៍កាត់បន្ថយទោស ឬតម្កល់។ ប៉ុន្តែនៅតុលាការកំពូលមិនអាចបន្ថយទោសដល់ជននោះបានទេមានតែតម្កល់ ឬបង្វិលមកសាលាឧទ្ធរណ៍ជម្រះឡើងវិញ។ សូមលោកមេធាវីពន្យល់ពីភាពខុសគ្នាក្នុងការសម្រេចក្តីរវាងសាលាឧទ្ធរណ៍ និងតុលាការកំពូលផងបានទេ?
ករណីនេះបើតុលាការកំពូលជំនុំជម្រះលើកទី ១ ហើយតម្កល់សាលដីការបស់សាលាឧទ្ធរណ៍ទុកជាបានការ ឬមានការបង្វិលសំណុំរឿងទៅសាលាឧទ្ធរណ៍ជម្រះឡើងវិញ។ ប៉ុន្តែបើជម្រះសំណុំរឿងដដែលនេះលើកទី ២ គឺតុលាការកំពូលលោកជម្រះទាំងអង្គហេតុ និងអង្គច្បាប់ដូចតុលាការថ្នាក់ក្រោមដែរដែលមានចៅក្រមទាំងអស់ ៩ រូបចូលរួម។
តុលាការកំពូលតែងតែប្រាប់ជនជាប់ចោទថាវិនិច្ឆ័យតែទៅលើអង្គច្បាប់មិនវិនិច្ឆ័យលើអង្គហេតុទេ។ ចុះបើជម្រះតែអង្គច្បាប់ហេតុអីចៅក្រមឲ្យជនជាប់ចោទរៀបរាប់ពីអង្គហេតុដល់តុលាការដែរ?
ករណីដែលចៅក្រមតម្រូវឲ្យជនជាប់ចោទរៀបរាប់ពីដំណើររឿងដូច្នេះដោយសារចៅក្រមចង់បញ្ជាក់ថាអង្គហេតុដែលតុលាការថ្នាក់ក្រោមចោទប្រកាន់លើជនជាប់ចោទនោះវាត្រឹមត្រូវឬអត់? ប៉ុន្តែជានីតិវិធីនៅតុលាការកំពូលជំនុំជម្រះតែទៅលើអង្គច្បាប់ទេតែចៅក្រមសួរជនជាប់ចោទពីដំណើររឿងព្រោះគាត់ចង់បានជាមូលដ្ឋានខ្លះក្នុងការយកទៅពិចារណាប៉ុណ្ណោះ។
រឿងរបស់ជនជាប់ចោទម្នាក់ត្រូវបានតុលាការកំពូលប្រកាសតម្កល់ តើជនជាប់ចោទអាចប្តឹងទៅណាទៀតបានទេ?
បើរឿងរបស់ជនជាប់ចោទម្នាក់ត្រូវបានតុលាការកំពូលតម្កល់ទណ្ឌកម្មទោសគឺជនជាប់ចោទអាចប្តឹងសារទុក្ខនៅតុលាការកំពូលម្តងទៀតនៅពេលដែលជនជាប់ចោទនោះមានភ័ស្តុតាងថ្មីមកធ្វើអំណះអំណាងដល់តុលាការដែលហៅថាបណ្តឹងសើរើ។
ក្នុងករណីដូចគ្នានេះជនជាប់ចោទក៏ធ្វើបានដូចគ្នានៅសាលាដំបូង ឬនៅសាលាឧទ្ធរណ៍ដែរក្នុងករណីមានសាលក្រមចូលជាស្ថាពរ៕ ប្រភព ៖ postkhmer
ភ្នំពេញ៖ស្គាល់អត្តសញ្ញាណបុរសម្នាក់ ដែលត្រូវបានជនមិនស្គាល់មុខ វាយសម្លាប់ ទម្លាក់ចូលក្នុងទឹក ប្រឡាយ កប់ក្រោមសំរាម បង្កឲ្យមានការភ្ញាក់ ផ្អើលកាលពីវេលាម៉ោង១០និង៣០នាទីព្រឹកថ្ងៃទី១៤ ខែតុលា ឆ្នាំ២០១៦ នៅចំណុចក្នុងប្រឡាយទឹក ស្ថិតនៅតាមបណ្ដោយផ្លូវលំ ខាងក្រោយសួនឧស្សាហ៏កម្ម កាណាឌីយ៉ា ក្នុងភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញនោះហើយ។គាត់ មាន ឈ្មោះ កៅ ផា អាយុ៤៨ឆ្នាំ មុខរបរបើកបររថយន្តឈ្នួល មានទីលំនៅក្នុងភូមិត្រពាំងរី ឃុំកំពង់អំពិល ស្រុករំដួល ខេត្តស្វាយរៀង។កន្លងមកប្ដីពួកគាត់ បើកបររថយន្តឈ្នួល ដឹកអ្នកដំណើរ ពីស្វាយរៀង ចូលទៅខេត្តកំពង់ចាម និងភ្នំពេញ។
បុរសនោះមានប្រពន្ធ២នាក់គឺប្រពន្ធដើមនិងប្រពន្ធចុង ហើយការស្គាល់ អត្តសញ្ញាណគាត់នោះ គឺបន្ទាប់ពីប្រពន្ធគាត់ទាំងពីរនាក់ រួមនិងកូនបាត់ប្ដីនិងឪពុកយូរថ្ងៃ មិនឃើញត្រឡប់ ទៅផ្ទះហើយសង្ឋ័យថាស្លាប់ និងបានឃើញសារព័ត៌មានផ្សាយថា ប្រទះឃើញសាកសព ទើបនាំគ្នាទៅកាន់ ប៉ុស្ដិ៍ចោមចៅ នាវេលាល្ងាចថ្ងៃទី១៥ ហើយក៏បានស្គាល់ថាជាប្ដីនិងឪពុករបស់ខ្លួន ។
ប្រពន្ធ២ទាំងនាក់របស់បុរសនោះ ត្រូវបានគេដឹងថា នាងដើម ឈ្មោះ សៅ សំអឿន អាយុ៤៦ឆ្នាំ ហើយមានកូនចំនួន៤នាក់ ក្នុងនោះកូន ប្រុសចំនួន៣នាក់ និងស្រីម្នាក់ ហើយគាត់រស់នៅជាមួយប្រព្ធដើម។ចំណែកនាងចុងឈ្មោះ ចាប សាម៉េត អាយុ៣៣ឆ្នាំ មុខរបរកម្មការិនីរោងចក្រកាត់ដេរ មានស្រុកកំណើត នៅក្នុងភូមិតាហង់ ឃុំអណ្តូងពោធិ៍ ស្រុករមាសហែក ខេត្តស្វាយរៀង ។និងស្នាក់នៅក្នុងភូមិចុងព្រែក ឃុំកំពង់ព្រែក ស្រុករមាសហែក ខេត្តស្វាយរៀង។ពេលនេះបានបាត់បង់ រថយន្តម៉ាកសាំយ៉ុង១គ្រឿងពណ៌ស ពាក់ស្លាកលេខ ភ្នំពេញ 2AB-4728 និងចិញ្ចៀនមាសមួយវង់ទម្ងន់៥ជីផងដែរ ដែលគេសង្ស័យថា ជាករណីប្លន់សម្លាប់យកទ្រព្យ សម្បត្តិ។
ប្រភពដដែលបានបន្តថា ប្ដីរបស់ពួកគាត់ត្រូវបាន បុរសម្នាក់ឈ្មោះសូ ផា ហៅ អ៊ូក អាយុ៣០ឆ្នាំ ដែលមាន មុខរបរបើកបររថយន្តឈ្នួលដែរនិង មានទីលំនៅក្នុងភូមិជាមួយគ្នានោះដែរ ជួលរថយន្តប្ដីគាត់ជិះ ដោយប្រាប់ថាទៅកាន់ ខេត្តសៀមរាប ទាំងទៅនិងមកក្នុងតម្លៃ២៥០ដុល្លារអាមេរិក។ បន្ទាប់ពីនិយាយត្រូវរ៉ូវ គ្នាហើយក៏បានចាកចេញពីផ្ទះ កាលពីវេលាម៉ោង៤ទៀបភ្លឺ ថ្ងៃទី១២ ខែតុលា ឆ្នាំ២០១៦ ខណៈនោះរូបគាត់ ដែលជាប្រពន្ធដើម បានទំនាក់ទំនងសួរនាំប្ដីតាមទូរស័ព្ទ ជាញឹកញាបយហើយ បានខលចូលនិងទាក់ទង គ្នាបានរហូតដល់ វេលាល្ងាចថ្ងៃដដែល ស្រាប់តែខលលែងចូលរហូតដល់ពេលមានការភ្ញាក់ផ្អើលថា ប្រទះឃើញសាកសពតែម្ដង ហើយពួកគាតុបានស្គាល់ថាជាប្ដី តាមរយៈខ្សែកក្រវាត់ និងសមកលៀកបំពាក់ របស់គាត់ ដែលប្រើប្រាស់រាល់ថ្ងៃ៕
ខេត្តក្រចេះ៖ អ្នកកាសែតចាស់វស្សាម្នាក់ និងបុគ្គលិកអង្គការ AEA លោក សេក បរិសុទ្ធ បានជួបគ្រោះថ្នាក់ចរាចរណ៍ក្រឡាប់រថយន្តបណ្តាលឲ្យស្លាប់បាត់បង់ជីវិត នៅទឹកដីស្រុកសំបូរ ខេត្តក្រចេះ នៅរសៀលថ្ងៃទី១៦ ខែតុលា ឆ្នាំ២០១៦នេះ។
អធិការនគរបាលស្រុកសំបូរខេត្តក្រចេះបានដឹងថា គ្រោះថ្នាក់ចរាចរណ៍នេះ កើតឡើងនៅវេលាម៉ោង៣និង៣៥នាទីថ្ងៃទី១៦ ខែតុលា ឆ្នាំ២០១៦នេះ ស្ថិតនៅចំណុចអូរកណ្តៀរភូមិអូរព្រះ ឃុំអូរគ្រៀង ស្រុកសំបូរផ្លូវជាតិលេខ៧ ក្រចេះ-ស្ទឹងត្រែង។
មន្ត្រីនគរបាលបានបញ្ជាក់ទៀតថា គ្រោះថ្នាក់ចរាចរណ៍បង្កដោយខ្លួនឯង នៅពេលរថយន្តម៉ាកហ្វតពណ៌មាសពាក់ស្លាកលេខ OMG442002 របស់អង្គការ AEA ធ្វើដំណើរពីទិសត្បូងទៅជើងដល់ចំណុចកើតហេតុគេចក្មេងរត់ឆ្លងកាត់ផ្លូវ បណ្តាលអោយក្រឡាប់ បណ្តាលឲ្យលោក សេក បរិសុទ្ធ ដែលអង្គុយនៅខាងមុខ ជាប់ជាមួយតៃកុង គៀបជាប់ជាមួយរថយន្ត ស្លាប់ភ្លាមៗតែម្តង។ ដោយឡែកជនរងគ្រោះ២នាក់ទៀត មានស្រីម្នាក់អង្គុយពីក្រោយ បានរងរបួសធ្ងន់ស្រាល។
លោក សេក បរិសុទ្ធ មានវ័យ៥០ឆ្នាំគឺជាគ្រូបង្រៀនអ្នកសារព័ត៌មាន នៅសកលវិទ្យាល័យភូមិន្ទភ្នំពេញ៕
ហាណូយ៖យោងតាមសារព័ត៌មាន Channel News Asia បានផ្សាយថា មនុស្សយ៉ាងហោចណាស់២១នាក់បានស្លាប់បាត់បង់ជីវិតក្នុងគ្រោះទឹកជំនន់នៅក្នុងខេត្តចំនួនបួន ភាគកណ្តាលប្រទេសវៀតណាម និងធ្វើឲ្យជាច្រើនពាន់នាក់ផ្សេងទៀត បង់លំនៅដ្ឋាន។
សេចក្តីថ្លែងការណ៍ ដែលចេញដោយរដ្ឋាភិបាលនៃប្រទេសវៀតណាម បានឲ្យដឹងនៅថ្ងៃសៅរ៍បានឲ្យដឹងថា គ្រោះទឹកជំនន់ ដែលបង្កឡើងដោយសារតែ ការធ្លាក់ភ្លៀងយ៉ាងជោគជាំ តាំងពីថ្ងៃពុធសប្តាហ៍នេះ មកនោះ បានកាត់ផ្តាច់ស្បៀងអាហារផ្គត់ផ្គង់ ទៅកាន់ប្រជាពលរដ្ឋវៀតណាមរាប់ពាន់នាក់ និងបានធ្វើឲ្យរាំងស្ទះដល់ ចរាចរណ៍ពីទិសខាងជើង ទៅកាន់ខាងត្បូងប្រទេសទៀតផង។
សារព័ត៌មានដដែលបន្តថា មនុស្សចំនួន០៧នាក់ បានលង់ទឹកនិងឆក់ចរន្តអគ្គិសនីស្លាប់ នៅក្នុងខេត្ត Quang Binj និងបួននាក់ទៀត បានបាត់បង់ជីវិតរបស់ពួកគេ នៅក្នុងខេត្តចំនួនបីផ្សេងទៀត ដែលនៅក្បែរនោះ ចំណែកឯលំនៅឋានយ៉ាងហោចណាស់ ៣០,០០០ខ្នង ត្រូវបានជន់លិចដោយសារតែទឹកជំនន់។
គួរបញ្ជាក់ដែរថា ព្យុះទីហ្វុង Sarika ដែលឥឡូវនេះស្ថិតនៅក្នុងប្រទេសហ្វីលីពីន កំពុងតែធ្វើដំណើរសំដៅមកកាន់តំបន់ភាគកណ្តាលប្រទេសវវៀតណាម និងអាចនាំយកមកជាមួយនូវចំនួន ទឹកភ្លៀងបន្ថែមទៀត ទៅលើតំបន់ ដែលបានទទួលរងគ្រោះដោយទឹកជំនន់៕
ខេត្តសៀមរាប៖ក្មេងស្រីម្នាក់ត្រូវជនឃាតកររំលោភ ហើយសម្លាប់យ៉ាងព្រៃផ្សៃនៅក្នុងព្រៃ ត្រូវបានប្រជាពលរដ្ឋប្រទះឃើញសាកសព។ ហេតុការណ៍ប្រទះឃើញសាកសពនោះ បានកើតឡើងកាលពីវេលាម៉ោង១០ និង០០នាទីព្រឹក ថ្ងៃទី១៦ ខែតុលា ឆ្នាំ២០១៦ នៅក្នុងព្រៃសហគមន៍ពពេល ភូមិត្រពាំងត្រុំ ឃុំពពេល ស្រុកសូទ្រនិគមន ខេត្តសៀមរាប។
ប្រភពព័ត៌មានបានឲ្យដឹងថា ក្មេងស្រីរងគ្រោះមានឈ្មោះ ស៊ីវ សុធារី ភេទស្រី អាយុ១៥ឆ្នាំ ទីលំនៅភូមិស្រែធ្នង់ ឃុំដំដែក ស្រុកសូទ្រនិគម។ ជាមួយគ្នានេះសមត្ថកិច្ចបានសន្និដ្ឋានថា ក្មេងស្រីរងគ្រោះត្រូវបានជនសង្ស័យរំលោភ ហើយរឹត.កសម្លាប់ ដោយសាកសពជនរងគ្រោះមានស្នាមជាំត្រង់.ក និងមានលក្ខណៈអាក្រាតកាយ។ បច្ចុប្បន្នសមត្ថកិច្ចកំពុងកំណត់មុខសញ្ញាជនសង្ស័យ ដើម្បីស្វែងរកចាប់ខ្លួន៕
ភ្នំពេញ៖បុរសចំណាស់ម្នាក់ប្រកាច់ស្លាប់ ក្រោយពី ហៅគ្រូពេទ្យប្រចាំភូមិមកពិនិត្យខណៈដែលមិនស្រួលខ្លួន ហើយចាក់ថ្នាំ១ម្ជុល កាលពីវេលាម៉ោង២រសៀលថ្ងៃទី១៥ ខែតុលា ឆ្នាំ២០១៦ ស្ថិតនៅក្នុងភូម៨ត្រពាំងអញ្ចាញចាស់ សង្កាត់ត្រពាំងក្រសាំង ខណ្ឌពោធិ៍សែនជ័យ ។
ជនរងគ្រោះឈ្មោះ ហួត ព្រិច ភេទប្រុស អាយុ៦៤ឆ្នាំ ម៧ខរបរកសិករ រស់នៅភូមិត្រពាំងអញ្ចាញចាស់ សង្កាត់ត្រពាំងក្រសាំង ខណ្ឌពោធិ៍សែនជ័យ មានប្រពន្ធឈ្មោះ លន់ នី អាយុ ៦៤ឆ្នាំ មុខរបរ កសិករ មានកូនចំនួន៤នាក់ ប្រុស២នាក់ ស្រី២នាក់ រស់នៅក្នុងបន្ទុកគ្រួសារខាងលើ ។
តាមក្រុមគ្រួសារបានឲ្យដឹងថា ជនរងគ្រោះ មានជម្ងឺលើសឈាម ហើយមុនកើតហេតុ កាលពីវេលាម៉ោង១រសៀល ថ្ងៃទី១៥ ខែតុលា ជនរងគ្រោះបានហៅគ្រូពេទ្យដែលបម្រើការងារនៅមណ្ឌលសុខភាពសំរោងក្រោម ឈ្មោះ ពេទ្យ សែ ចក់ ភេទប្រុសអាយុ៧៤ឆ្នាំ មានទីលំនៅភូមិសំរោង សង្កាត់សំរោងក្រោម ខណ្ឌពោធិ៍សែនជ័យ ដែលជាគ្រូពេទ្យប្រចាំគ្រួសារខាងលើ ហៅតាមទូរស័ព្ទមកធ្វើការពិនិត្យ ខណៈដែលជនរងគ្រោះមានអាការៈមិនស្រួលខ្លួន ងងិតវិលមុខ ហើយគ្រូពេទ្យចាក់ថ្នាំមួយម្ជុលហើយទៅចាកចេញទៅបាត់ទៅ ជនរងគ្រោះក៏សម្រាកនៅលើគ្រែសំយ៉ាបផ្ទះ លុះរហូតដល់វេលាម៉ោង២រសៀល ក្រោយពីគ្រូពេទ្យទៅបាត់ កូនប្រុសរបស់ជនរងគ្រោះបានទៅដាស់ឪពុក ដែលសម្រាកលើគ្រែ ក្នុងបំណងមើលប្រដាល់តាមទូរទស្សន៍ បែជា ឃើញឪពុកប្រកាច់ កន្ត្រាក់ដៃជើងស្លាប់បាត់ជីវិត ទើបបង្កឲ្យភ្ញាក់ផ្អើល ក្រុមគ្រួសារ អ្នកភូមិនិងរាយការណ៍ទៅសមត្ថកិច្ច ចុះពិនិត្យមើល ។
សាកសពក្រោយពីសមត្ថកិច្ចជំនាញខណ្ឌ ធ្វើការពិនិត្យ ន៨ងសន្និដ្ឋាន ជនរងគ្រោះប្រតិកម្មថ្នាំ ទផបរហូតដល់គាំងបេះដូងស្លាប់ ។ នៅកន្លែងកើតហេតុ ឃើញវត្តមានគ្រូពេទ្យ សែ ចក់ ចេញមុខមកធ្វើការសម្របសម្រួលជាមួយ សាច់ញាតិជនរងគ្រោះ កុំឲ្យប្តឹងផ្តល់ តែទោះជាយ៉ាងណាក្តី ដោយក្រុមគ្រួសារមិនអស់ចិត្ត ទើបសម្រេចឲ្យនគរបាលជំនាញ ក្រុងមកធ្វើការពិនិត្យនិងកោសល្យវិច័យជាមុនសិន ដើម្បីបញ្ជាក់ពីមូលហេតុរបស់ជនរងគ្រោះ៕
ខេត្តមណ្ឌលគិរី៖ឈើសុក្រំ និងបេងចំនួន២០កំណាត់ត្រូវបានជំនាញរដ្ឋបាលព្រៃឈើផ្នែកកែវសីមាចាប់បង្ក្រាបកាលពីព្រឹកថ្ងៃទី១៤ ខែតុលា ឆ្នាំ២០១៦ ក្រោយពីម្ចាស់ឈើចចារសម្រួលគ្នាមិនត្រូវ ជាមួយលោកនាយសង្កាត់រដ្ឋបាលព្រៃឈើស្រែព្រះ-ចុងផ្លាស់។សកម្មភាពបង្ក្រាបឈើនេះ បានធ្វើនៅចំនុចភូមិឡាប៉ាខេ ឃុំស្រែខ្ទុម ស្រុកកែវសីមា។
ប្រភពបានឲ្យដឹងថា កម្មភាពលួចដឹកជញ្ជូនឈើទោះបីសមត្ថកិច្ច និងជំនាញចុះបង្ក្រាបបានជាបន្តបន្ទាប់នាពេលកន្លងមក ក៏នៅតែមានជនឆ្លៀតឱកាសមួយចំនួនលួចដឹកជាបន្តបន្ទាប់។
រយៈពេលមួយខែនេះការចុះបង្ក្រាបរបស់ជំនាញសមត្ថកិច្ច និងកងរាជអាវុធហត្ថលើផ្ទៃប្រទេស បានទាំងរថយន្តដឹកឈើ ព្រមទាំងជនសង្ស័យបញ្ជូនមកសាលាដំបូងខេត្តចាត់ទៅតាមនិតិវិធីនៃច្បាប់ជាច្រើនករណី។
លោក ស្រ៊ុន ឈួន នាយសង្កាត់រដ្ឋបាលព្រៃឈើស្រែព្រះ បានប្រាប់ឲ្យដឹងថា ក្នុងប្រតិបត្តិការត្រួតពិនិត្យនឹងឆែកឆេរនៅលើដីខាងលើនេះកំលាំងរបស់លោករឹបអូសបានឈើចំនួន ២០ ដុំ ប្រភេទឈើសុក្រំ បើគិតជាម៉ែត្រគូបមិនទាន់ដឹងនៅឡើយទេ ពីព្រោះមិនទាន់ធ្វើការវាស់វែង។
លោកបានបន្តថា ក្នុងប្រតិបត្តិការឆែកឆេរ និងរឹបអូសខាងលើនេះគឺធ្វើឡើងដោយមានការអនុញ្ញាតិនឹងបញ្ជាផ្ទាល់ពីលោក សូ សុវិទ្យាព្រះរាជអាជ្ញារងអមសាលាដំបូងខេត្តមណ្ឌលគិរី ឲ្យចុះប្រមូលយកវត្ថុតាងទាំងអស់យកទៅរក្សារទុកនូវផ្នែករដ្ឋបាលព្រៃឈើស្រុកកែវសីមា នឹងស៊ើបសួររកម្ចាស់ ដើម្បីចាត់ការទៅតាមនីតិវិធីច្បាប់ ។
ចំណែកបញ្ហាដែលលេចឮថា ការចាប់បង្ក្រាបឈើខាងលើព្រោះចរចាមិនត្រូវគ្នានោះ គឺជាពាក្យចេញពីមនុស្សមួយចំនួនតូច ប៉ុណ្ណោះ វាមិនមែនជាការពិតទេ។ហើយបច្ចុប្បន្នឈើដែលដែលចាប់បានខាងលើ ជំនាញកំពុងចាត់ការតាមនីតិវិធីផ្លូវច្បាប់៕
រាជធានីភ្នំពេញ៖គិតត្រឹមម៉ោង៦ល្ងាច ថ្ងៃទី១៤ ខែតុលា ឆ្នាំ២០១៦ម្សិលមិញនេះមានប្រជាពលរដ្ឋខ្មែរចំនួន៥,៥៤០,២៩៥នាក់ហើយ បានទៅចុះឈ្មោះបោះឆ្នោត។ នេះបើតាមសេចក្តី ប្រកាសព័ត៌មានរបស់គណៈកម្មាធិការជាតិរៀបចំការបោះឆ្នោត គ.ជ.ប៕
ភ្នំពេញ៖ប្រជាពលរដ្ឋរស់នៅតាមបណ្ដាសង្កាត់មួយចំនួនដូចជា សង្កាត់ស្ទឹងមានជ័យ សង្កាត់ចាក់អង្រែលើ សង្កាត់អង្រែក្រោម និងសង្កាត់បឹងទំពុន នៃខណ្ឌមានជ័យ បានរិះគន់ថា អធិការនគរបាលខណ្ឌមានជ័យថា មិនសូវយកចិត្តទុកដាក់បង្ក្រាបបទល្មើសផ្សេងៗដូចជា អំពើចោរកម្ម លួចឆក់ប្លន់ បទល្មើសចែកចាយជួញដូរប្រើប្រាស់គ្រឿងញៀន និងល្បែងស៊ីសងនោះទេ។
ហេតុនេះហើយទើបបទល្មើសជួញដូរចែកចាយគ្រឿងញៀននៅផ្លូវ៦០ម៉ែត្រ ភូមិ ទួលរកា សង្កាត់ ចាក់អង្រែក្រោម ខណ្ឌមានជ័យ កើតឡើងឥតឈប់ឈរហើយក្នុងសង្កាត់ស្ទឹងមានជ័យ និងសង្កាត់បឹងទំពុនជាដើមដែលមាន ល្បែងស៊ីសងគ្រប់ប្រភេទដូចជា កន្ទុយលេខ បៀអាប៉ោង ភ្នាល់បាល់ទាត់ និងល្បែងតាមប្រព័ន្ធអ៊ីនធឺណេត រាលដាលកាន់តែខ្លាំង។
ប្រជាពលរដ្ឋក្នុងខណ្ឌមានជ័យ ក៏បានអំពាវនាវឲ្យលោក ជួន សុវណ្ណ ស្នងការនគរបាលរាជធានីភ្នំពេញ ចាត់វិធានការពង្រឹងសន្តិសុខក្នុងខណ្ឌមានជ័យជាបន្ទាន់ ព្រោះមួយរយៈពេលកន្លងទៅនេះករណីចោរឆក់ ចោរប្លន់ប្រដាប់អាវុធ និងចោរគាស់ផ្ទះប្រជាពលរដ្ឋយកទ្រព្យសម្បត្តិបានកើតឡើងឥតឈប់ឈរ ដើម្បីផ្ដល់ភាពកក់ក្ដៅដល់ប្រជាពលរដ្ឋ៕
ប៉េកាំង៖អ្នកនាំពាក្យក្រសួងការបរទេសចិន លោក Geng Shuang បានថ្លែងថា យើងយល់ និងគាំទ្រ នូវគោលនយោបាយរបស់ហ្វីលីពីន ក្នុងការប្រយុទ្ធប្រឆាំងគ្រឿងញៀន ស្ថិតនៅក្រោមការដឹកនាំ របស់លោក Duterte។ ការប្រកាសនេះធ្វើឡើងមុនពេលមានដំណើរទស្សនកិច្ចជាផ្លូវការមួយរបស់ លោក Duterte ទៅកាន់ប្រទេសចិននាសប្តាហ៍ក្រោយ ។ នេះបើយោងតាមសារព័ត៌មានស៊ិនហួ។
គួរបញ្ជាក់ថា ការបង្ក្រាបគ្រឿងញៀនេះ បានបណ្តាលឲ្យមនុស្សជាង៣,៧០០នាក់ស្លាប់ ចាប់តាំងពីខែកក្កដា គិតទាំងការសម្លាប់ដោយដៃក្រុមប៉ូលិស ព្រមទាំងការសម្លាប់ ក្នុងកាលៈទេសៈ ដែលមិនបានពន្យល់ពីមូលហេតុ ធ្វើឲ្យមានការថ្កោលទោស ពីបណ្តាប្រទេសលោកខាងលិច ក្នុងនោះរួមទាំងអង្គការសហប្រជាតិ និងតុលាការឧក្រិដ្ឋកម្មអន្តរជាតិផងដែរ៕
ខេត្តកណ្តាល៖បុរសម្នាក់សុំឪពុកទៅបង់សំណាញ់ជាអកុសលជិះកង់តាមផ្លូវជំងឺឆ្កួតជ្រូករើឡើងបណ្តាលឲ្យដួលស្លាប់ផ្កាប់មុខនៅនឹងភក់គួរអនិច្ចា ដែលហេតុការណ៍នេះកើតឡើងកាលពីម៉ោង០៥ និង៤០នាទីថ្ងៃ ថ្ងៃទី១៤ ខែតុលា ឆ្នាំ២០១៦ នៅ ភូមិកោះរះលើ ឃុំកោះរះ ស្រុកល្វាឯម ខេត្តកណ្តាល។
យោងតាមផេករបស់ស្នងការដ្ឋាននគរបាលខេត្តកណ្តាលបានឲ្យដឹងថា បុរសដែលមានជម្ងឺឆ្កួតជ្រូករើឡើងដួលបណ្តាលឲ្យស្លាប់នោះមានឈ្មោះ អ៊ែល រតនៈ (ហៅឆក) ភេទប្រុស អាយុ២២ឆ្នាំ ជនជាតិខ្មែរ មុខរបរកសិករ ទីលំនៅបច្ចុប្បន្ន ភូមិកោះរះលើ ឃុំកោះរះ ស្រុកល្វាឯម ខេត្តកណ្តាល។
តាមការបញ្ជាក់របស់ឪពុកម្តាយជនរងគ្រោះកន្លងមកជនរងគ្រោះមានជំងឺប្រចាំកាយ(ជំងឺឆ្កួតជ្រូក)ដោយឧស្សាហ៍ប្រកាច់ជាញឹកញាប់ លុះនៅថ្ងៃទី១៤ ខែតុលា ឆ្នាំ២០១៦ វេលាម៉ោង០៥ និង៤០នាទី ជនរងគ្រោះបានប្រាប់ឪពុកថាទៅបង់សំណាញ់នៅចំណុចស្ពានផ្លូវទៅភូមិព្រែកក្មេង ហើយជនរងគ្រោះក៏ជិះកង់ដោយមានសំណាញ់ដាក់ក្នុងធុងស្ពេត្រូចេញពីផ្ទះលុះទៅដល់ចំណុចកើតហេតុក៏ដួលកង់ប្រកាច់នៅក្នុងទឹកភក់ក្បែរចិញ្ចើមផ្លូវពេលនោះអ្នកភូមិធ្វើដំណើរទៅចងគោបានឃើញជនរងគ្រោះដួលផ្កាប់ក្នុងទឹកភក់ក៏ជួយលើកចេញពីទឹកភក់តែជនរងគ្រោះបានស្លាប់បាត់ទៅហើយ ។
តាមការសន្និដ្ឋានរបស់សមត្ថកិច្ចបាន្យដឹងថា ជនរងគ្រោះស្លាប់បណ្តាលមកពីដួលប្រកាច់(ឆ្កួតជ្រូក)ផ្កាប់មុខក្នុងទឹកភក់ថប់ដង្ហើមទើបស្លាប់ ។
ករណីនេះ កលាំងជំនាញ កំលាំងប៉ុស្តិ៍កោះរះអាជ្ញាធរភូមិ-ឃុំ ពេទ្យឃុំ និងគ្រួសារសព បានពិនិត្យឃើញថាជនរងគ្រោះពិតជាបានស្លាប់ដោយសារដួលប្រកាច់(ឆ្កួតជ្រូក)ថប់ដង្ហើមក្នុងទឹកភក់ពិតប្រាកដមែន ។
ក្រោយពេលពិនិត្យបានប្រគល់សាកសពជូនឈ្មោះ ជឿន សំអ៊ែល ត្រូវជាឪពុកបង្កើតយកទៅធ្វើបុណ្យតាមប្រពៃណី៕
ខេត្តបន្ទាយមានជ័យ៖ឃុំចំនួន៤នៅក្នុងស្រុកមង្គលបុរី គឺឃុំសឿ ឃុំចំណោម ឃុំរហាត់ទឹក និងឃុំបត់ត្រង់ ត្រូវបានលោក ឡុង ពុន អភិបាលស្រុកមង្គលបុរីប្រាប់ឲ្យដឹងថាកំពុងប្រឈមរងការជន់លិចដោយទឹកភ្លៀង ហើយ និងអាចជន់លិចបើសិនភ្លៀងនៅតែបន្តធ្លាក់ខណៈដែលទឹកស្ទឹងមង្គលបុរី ដែលហូរចាក់ពីស្ទឹងបវេល ខេត្តបាត់ដំបង។
នៅព្រឹកថ្ងៃទី១៣ ខែតុលា ឆ្នាំ២០១៦ គេសង្កេតឃើញទឹកមានស្ថានភាពហក់ឡើងបន្តិច ក្រោយពីខេត្តបន្ទាយមានជ័យបានទទួលរងនៅសំពាធទាប ដែលមានភ្លៀងធ្លាក់ជាប់ៗគ្នាក្នុងរយៈពេល៣ទៅ៤ថ្ងៃចុងក្រោយនេះ ក៏ប៉ុន្តែស្ថានភាពទឹកមិនទាន់ដល់កំរិតប្រកាសអាសន្ននៅឡើយនោះទេ។
គ្រាដែលនៅសល់តែប៉ុន្មានថ្ងៃខាងមុខទៀតប៉ុណ្ណោះ អាកាសធាតុរងសំពាធទាប និងផុតកំណត់ បន្ទាប់ពីក្រសួងធនធានទឹកនិងឧតុនិយមបានប្រកាសឱ្យដឹងថា ប្រទេសកម្ពុជា ក៏ដូចជាខេត្តបន្ទាយមានជ័យរងសំពាតទាប ចាប់ពីថ្ងៃ១២ ដល់ថ្ងៃទី១៦ខែតុលា ឆ្នាំ២០១៦។
សេចក្តីរាយការណ៍ឲ្យដឹងថា នៅស្រុកមង្គលបុរីនោះដែរ ផ្លូវលំ១ខ្សែដែលចេញពីឃុំចំណោម ដល់ភូមិសាយសាម៉ន ត្រូវបានទឹកជំនន់ហូរកាត់ផ្តាច់ជាច្រើនកន្លែង បង្កឱ្យមានការលំបាកនៃការធ្វើដំណើររបស់បងប្អូនប្រជាពលរដ្ឋ។ការជន់លិចនោះមិនទាន់មានសេចក្តីរាយការណ៍លិចលំនៅដ្ឋានប្រជាពលរដ្ឋនៅឡើយនោះទេ។
លោក ឡុង ពុន អភិបាលស្រុកមង្គលបុរីប្រាប់ឱ្យដឹងថា ស្រុកមង្គលបុរី មកដល់ពេលនេះមិនទាន់មានការជន់លិចទឹកជំនន់ធ្ងន់នោះទេ ទន្ទឹមដែលការបង្កបង្កើនផលស្រូវនៅស្រុកមង្គលបុរីមានទិន្នផលកើនឡើងសម្រាប់ឆ្នាំនេះ។ដំណាំស្រូវមួយចំនួនរងការជន់លិច ប៉ុន្តែគ្រាន់តែរងផលប៉ះពាល់ប៉ុណ្ណោះ ដំណាំស្រូវដែលលិចលង់អាចរងការខូចខាតបើសិនភ្លៀងនៅតែបន្តធ្លាក់ទៀតនោះ។ចំនួនផ្ទៃដីដំណាំស្រូវដែលលិលង់មិនទាន់ដឹងចំនួនពិតប្រាកដនៅឡើយនោះទេរងចាំមន្ត្រីមូលដ្ឋានចុះស្រាវជ្រាវនោះសិន ។
ពាក់ព័ន្ធនិងបញ្ហាទឹកជំនន់នេះដែរនៅស្រុកព្រះនេត្រព្រះ ស្ថិតក្នុងឃុំទឹកជោរ និងឃុំប្រាសាទ ក៏មានការជន់លិច ដោយទឹកភ្លៀងនោះដែរ។ សាលារៀន មណ្ឌលសុខភាព ផ្លូវលំ និងដំណាំស្រូវ មួយចំនួនរងការជន់លិច ផងនោះទៀត។ ដោយឡែកនៅក្រុងប៉ោយប៉ែត ជាប់និងប្រទេសថៃ លោក ង៉ោ ម៉េងជ្រួន អភិបាលក្រុងប៉ោយប៉ែតប្រាប់ឱ្យដឹងថា ក្រុងប៉ោយប៉ែត មកដល់ថ្ងៃទី១៣ ខែតុលា ឆ្នាំ២០១៦មិនទាន់មានបញ្ហាទឹកជំនន់អ្វីឡើយ នោះទេ អាជ្ញាធរក្រុងប៉ោយប៉ែតតែងតែទំនាក់ទំនងជាមួយនិងគណៈកម្មាធិការគ្រោះមហន្តរាយរបស់ថៃដោយ គេមិនទាន់ជូនដំណឹងពីភាពប្រកាសអាសន្នបញ្ហាទឹកជំនន់ដល់ភាគីកម្ពុជាយើងនៅឡើយនោះទេ។ អាជ្ញាធរក្រុងកំពុងតាមដានស្ថានភាពទឹកជំនន់នៅក្នុងប្រទេសថៃជាប្រចាំ។
សូមបញ្ជាក់ថា ខេត្តបន្ទាយមានជ័យត្រូវគេមើលឃើញថា ស្ថានភាពរងគ្រោះដោយទឹកជំនន់កន្លងមកគឺផ្តើមពីការជន់លិចទឹកពីប្រទេសថៃធ្លាក់មក ខេត្តបន្ទាយមានជ័យ ដែលជាខេត្តជាប់ព្រំដែនកម្ពុជា-ថៃនោះផងដែរ៕
សេអ៊ូល៖យ៉ាងហោចណាស់មនុស្ស១០នាក់បានស្លាប់បាត់បង់ជីវិត និង០៧នាក់ផ្សេងទៀត បានទទួលរងរបួសបន្ទាប់ពី រថយន្តក្រុងទេសចរណ៍មួយគ្រឿងបានឆាបឆេះយ៉ាងខ្លាំងនៅក្បែរទីក្រុង Ulsan ដែលស្ថិត នៅភាគខាងត្បូង នៃប្រទេសកូរ៉េខាងត្បូងនៅវេលាម៉ោងប្រមាណ១០ និង១១នាទីយប់ថ្ងៃព្រហស្បតិ៍(ម៉ោងក្នុងទីក្រុងសេអ៊ូល)។
ប្រព័ន្ធផ្សព្វផ្សាយក្នុងប្រទេសកូរ៉េខាងត្បូងបានឲ្យដឹងនៅថ្ងៃសុក្រនេះថា រថយន្តក្រុងមួយគ្រឿងនេះ ផ្ទុកភ្ញៀវទេសចរមួយក្រុម ដែលជាបុគ្គលិកចូលនិវត្តន៍ របស់ក្រុមហ៊ុន ផលិតសារធាតុគីមីមួយកន្លែង។ សារព័ត៌មានដដែលបន្តថា នៅក្នុងហេតុការណ៍ឆេះរថយន្តក្រុងនេះ មានតែមនុស្ស១០នាក់ប៉ុណ្ណោះ ក្នុងចំណោមអ្នកដំណើរទាំងអស់ចំនួន២០នាក់ដែលអាចភៀសខ្លួនចេញរួច។ ចំណែកឯ អ្នកដែលនៅរស់រានមានជីវិតទាំង១០ក្នុងនោះមនុស្ស០៧នាក់បានទទួលរងបួស៕
រាជធានីភ្នំពេញ៖ប្រជាពលរដ្ឋបានប្រទះឃើញសាកសពបុរសម្នាក់ក្នុងទឹកប្រឡាយ ក្រោយសួនឧស្សាហកម្មកាណាឌីយ៉ា ស្ថិតក្នុងភូមិគោកចំបក់ សង្កាត់ចោមចៅ ខណ្ឌពោធិ៍សែន ក្នុងសភាពហើមស្អុយទៅហើយ។ ហេតុការណ៍ភ្ញាក់ផ្អើលនេះកើតឡើងនៅវេលាម៉ោង១០ និង៣៥នាទី ថ្ងៃទី១៤ ខែតុលា ឆ្នាំ២០១៦នេះ។
ជុំវិញករណីនេះសមត្ថកិច្ចបានដាក់ការសង្ស័យបឋមថា ជាអំពើឃាតកម្ម ហើយបច្ចុបន្ន កម្លាំងសមត្ថកិច្ចកំពុងធ្វើកោសលវិច័យ្យ និងធ្វើការស៊ើបអង្កេត ដើម្បីតាមចាប់ជនបង្កយកមកផ្ដន្ទាទោសតាមនីតិវិធីច្បាប់៕
មេគង្គប៉ុស្តិ៍លើបណ្តាញសង្គម
ព័ត៌មានគួរចាប់អារម្មណ៍
