រាជធានីភ្នំពេញ៖អង្គជំនុំជម្រះតុលាការកំពូលនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) នឹងប្រកាសសាលដីកាស្ថាពរលើសំណុំរឿង០០២/០១ ដែលមានជនជាប់ចោទ នួន ជា និង ខៀវ សំផន នៅថ្ងៃទី២៣ ខែវិច្ឆិកា ឆ្នាំ២០១៦ វេលាម៉ោង៩ ព្រឹក ។ ការប្រកាសនេះនឹងធ្វើឡើងនៅសាលសវនាការរបស់ អ.វ.ត.ក៕
បាល់ទាត់៖ក្រុមអ្នកមានបុណ្យ Barcelona បានបញ្ជាក់ថាកីឡាករ Neymar នឹងចុះហត្ថលេខាលើកិច្ចសន្យាថ្មីជាផ្លូវការជាមួយក្រុមយក្សអេស្ប៉ាញនៅថ្ងៃសុក្រនេះ។
Barcelona បានប្រកាសនៅលើគណនីផ្លូវការរបស់ Twitterថាខ្សែប្រយុទ្ធសញ្ជាតិប្រេស៊ីលវ័យ២៤រូបនេះ នឹងចុះកុងត្រា លើកិច្ចសន្យារយៈពេល៥ឆ្នាំបន្តទៀតនេះកីឡាកររូបនេះនឹងបន្តស្នាក់នៅក្នុងកីឡដ្ឋានCamp Nou រហូតដល់ឆ្នាំ២០២១។
Neymar ត្រូវបានផ្សារភ្ជាប់ជាមួយនឹងផ្លាស់ទៅកាន់ក្រុម Paris Saint-Germain របស់បារាំង ប៉ុន្តែឥឡូវនេះអនាគតរបស់គាត់ត្រូវបានកំណត់រយៈពេលវែងនៅក្លិបនេះ។ Neymar បានបង្ហាញទម្រង់យ៉ាងល្អឲ្យ Barcelona នៅរដូវកាលនេះដោយស៊ុតបញ្ចូលទីបានចំនួន៤គ្រាប់ក្នុងបង្ហាញខ្លួន៦លើក នៅក្នុងការប្រកួតក្របខ័ណ្ឌ La Liga។
គួរបញ្ជាក់ថា Neymar បានផ្លាស់ចេញពី Santos មកកាន់ Blaugrana ក្នុងអំឡុងឆ្នាំ២០១៣ និងបានជួយឲ្យ Blaugrana ឈ្នះពានរង្វាន់លីកចំនួនពីរដង និង Champions League មួយដង រួមជាមួយពានដទៃមួយចំនួនទៀត៕
ខេត្តកំពង់ឆ្នាំង៖យុវជចិត្តខ្លាំងម្នាក់បានចងកសម្លាប់ដោយគ្រាន់តែឪពុកស្តីបន្ទោសឱ្យបន្តិចបន្តួច ដែលហេតុការណ៍នេះត្រូវអ្នកស្រុកប្រទះឃើញសាកសព កាលពីវេលាម៉ោង០២រសៀលថ្ងៃទី១៧ តុលា ២០១៦ ស្ថិតត្រង់ចំណុចដំបូកដើមជ្រៃកណ្តាលស្រែ ក្នុងភូមិអូរកណ្តោល ឃុំជ្រៃបាក់ ស្រុករលារប្អៀរ ខេត្តកំពង់ឆ្នាំង។ ជនរងគ្រោះឈ្មោះ សោម វ៉ុន អាយុ២០ឆ្នាំ ជាអ្នកធ្វើស្រែ មានទីលំនៅក្នុងភូមិត្រោកកណ្តាល ឃុំស្រែថ្មី ស្រុករលារប្អៀរ។
តាមប្រភពពីក្រុមគ្រួសារបានឱ្យដឹងថា នៅមុនថ្ងៃកើតហេតុ ឪពុកបានស្តីបន្ទោសឱ្យជនរងគ្រោះបន្តិចបន្តួច (ជាធម្មតានៅក្នុងគ្រួសារគឺតែងតែមាន) តែជនរងគ្រោះហាក់ដូចជាខឹងច្រឡោតខ្លាំងនៅព្រឹកនោះ រហូតទៅយកដំបងឈើមកវ៉ៃម៉ូតូខ្ទេចអស់មួយគ្រឿង ហើយបានដើរចេញពីផ្ទះបាត់មួយថ្ងៃមួយយប់តែម្តង ។ លុះនៅរសៀលស្អែកឡើង ទើបមានអ្នកស្រុកប្រទះឃើញជនរងគ្រោះស្លាប់ដោយចង.កនឹងដើមជ្រៃកណ្តាលវាលស្រែ សពរឹងខ្លួនបាត់ទៅហើយ មិនដឹងជាចង.កតាំងពីពេលណាមកទេ ។
ករណីនេះ សមត្ថកិច្ច និងក្រុមគ្រួសារបានឡើងស្រាយខ្សែទម្លាក់មកក្រោម និងបានធ្វើកោសល្យវិច័យដឹងថា ជនរងគ្រោះពិតជាបានចង.កសម្លាប់ខ្លួនប្រាកដមែន៕
ភ្នំពេញ៖គិតត្រឹមម៉ោង៦ល្ងាច ថ្ងៃទី១៧ ខែតុលា ឆ្នាំ២០១៦ម្សិលមិញនេះមានប្រជាពលរដ្ឋខ្មែរចំនួន៥,៨៥១,៥០៩នាក់ហើយបានទៅចុះឈ្មោះបោះឆ្នោត។ នេះបើតាមសេចក្តីប្រកាសព័ត៌មានរបស់គណៈកម្មាធិការជាតិរៀបចំការបោះឆ្នោត គ.ជ.ប ផ្សាយនៅថ្ងៃទី១៨ ខែតុលា ឆ្នាំ២០១៦នេះ។
គ.ជ.ប បញ្ជាក់ថា ចំនួននេះស្មើនឹង៦០.៥៥ភាគរយនៃប្រជាជនមានសិទ្ធិបោះឆ្នោតសរុប ដែលមានចំនួនជាង៩.៦លាននាក់៕
ញូដេលី៖មន្ទីរពេទ្យឯកជនមួយកន្លែងនៅឯទីក្រុង Bhubaneswar នៃរដ្ឋ Odisha’s ស្ថិតនៅភាគខាងជើងប្រទេសឥណ្ឌាត្រូវបានអគ្គិភ័យឆាប់ឆេះកាលពីយប់ថ្ងៃច័ន្ទបណ្តាលឲ្យមនុស្សយ៉ាងហោចណាស់២៣ នាក់បានស្លាប់បង់ជីវិត និង ជាច្រើននាក់ផ្សេងទៀតរងរបួសធ្ងន់។
អាជ្ញាធរក្នុងតំបន់ឲ្យដឹងថា ហេតុការណ៍អគ្គិភ័យនេះកើតឡើងនៅម៉ោងប្រមាណជា ៨ និង០០នាទីយប់ (ម៉ោងនៅក្នុងតំបន់) ដែលបណ្ដាលមកពីឆ្លងចរន្តអគ្គសនី។ អាជ្ញាធរបញ្ជាក់ថា ភាគច្រើននៃជនរងគ្រោះគឺស្លាប់ដោយសារខ្វះខ្យល់ដក ដង្ហើម ខណៈអ្នករងរបួសត្រូវបានបញ្ជូនទៅកាន់មន្ទីពេទ្យដទៃនៅក្នុងតំបន់។
ជុំវិញករណីនេះប៉ូលិសនៅក្នុងតំបន់ លោក Yogesh Khurania បានប្រាប់ថា អ្នកជំងឺសម្រាកនៅក្នុងមន្ទីពេទ្យខាងលើច្រើនជាង ១០០នាក់ ត្រូវបញ្ជូនទៅកាន់មន្ទីពេទ្យផ្សេងទៀត ប៉ុន្តែភាគច្រើន នៅក្នុងចំណោមពួកគេ ស្ថិតនៅក្នុងស្ថានភាពធ្ងន់ធ្ងរ ដូច្នេះចំនួនអ្នកស្លាប់អាចនឹងកើនឡើងច្រើនជាងនេះ៕
ខេត្តក្រចេះ៖លោក សេក បរិសុទ្ធ អ្នកសារព័ត៌មានចាស់វស្សានិងជាគ្រូបង្រៀនផ្នែកសារព័ត៌មាននៅសាកលវិទ្យាលភូមិន្ទភ្នំពេញ បានទទួលមរណៈភាពហើយ កាលពីម្សិលមិញ ដោយជួបគ្រោះថ្នាក់ចរចរណ៍ ។
លោក សេក បរិសុទ្ធ អាយុ៥០ឆ្នាំ បានជួបគ្រោះថ្នាក់ចរាចរណ៍ក្រឡាប់រថយន្ត នៅទឹកដីស្រុកសំបូរ ខេត្តក្រចេះ នៅរសៀលថ្ងៃទី១៦ ខែតុលា ឆ្នាំ២០១៦នេះ រហូតបាត់បង់ជីវិត។
លោក សេក បរិសុទ្ធ រួមដំណើរជាមួយបុគ្គលិក២នាក់ទៀត របស់លោក កំពុងធ្វើដំណើរទៅបំពេញបេសកកម្មការងារខេត្តរតនគិរី (លោកអង្គុយខាងមុខជាប់តៃកុង) ស្រាប់តែដល់ស្រុកសំបូរ ខេត្តក្រចេះ ក៏ជួបគ្រោះអកុសលតែម្តង។
អធិការនគរបាលស្រុកសំបូរ ខេត្តក្រចេះ បានបញ្ជាក់ថា គ្រោះថ្នាក់ចរាចរណ៍នេះ បានកើតឡើងនៅវេលាម៉ោង៣៖៣៥នាទីថ្ងៃទី១៦ ខែតុលា ឆ្នាំ២០១៦នេះ ស្ថិតនៅចំណុចអូរកណ្តៀរភូមិអូរព្រះ ឃុំអូរគ្រៀង ស្រុកសំបូរផ្លូវជាតិលេខ៧ ក្រចេះ-ស្ទឹងត្រែង ។ គ្រោះថ្នាក់នេះ កើតឡើង ខណៈដែល រថយន្តម៉ាកហ្វតពណ៌មាសពាក់ស្លាកលេខ OMG442002 របស់អង្គការ AEA របស់ជនរងគ្រោះបានធ្វើដំណើរពីទិសត្បូងទៅជើងដល់ចំណុចកើតហេតុគេចក្មេងរត់ឆ្លងកាត់ផ្លូវ បណ្តាលអោយក្រឡាប់ បណ្តាលឲ្យលោក សេក បរិសុទ្ធ ដែលអង្គុយនៅខាងមុខ ជាប់ជាមួយតៃកុង គៀបជាប់ជាមួយរថយន្ត ស្លាប់ភ្លាមៗតែម្តង។ ដោយឡែកជនរងគ្រោះ២នាក់ទៀត មានស្រីម្នាក់អង្គុយពីក្រោយ បានរងរបួសធ្ងន់ស្រាល៕
បាល់ទាត់៖យោងតាមសេចក្តីរាយការណ៍ពីកីឡដ្ឋាន Old Trafford បានឲ្យដឹងថា ក្រុមបិសាចក្រហម Manchester United កំពុងតែត្រៀមខ្លួនតាមប្រម៉ាញ់ខ្សែប្រយុទ្ធវ័យ Antoine Griezmann របស់ Atletico Madrid សាជាថ្មីដើម្បីជំនួសតំណែងប្រធានក្រុម Wayne Rooney។
ប្រធានក្លឹប Man Utd ជឿថាខ្សែប្រយុទ្ធវ័យ២៥ឆ្នាំរបស់ក្រុម Atletico Madrid គឺជាបេក្ខភាពដ៏សំខាន់ដែលអាចបន្តតំណែង Rooney បាន។ចំណែកលោក Ed Woodward អនុប្រធាននាយកប្រតិបត្តិ បានបញ្ជាក់ថា Man Utd សង្ឃឹបថា ខ្សែប្រយុទ្ធតម្លៃ៨០លានផោនរូបនេះគឺជាគោលដៅផ្ទេរចម្បងសម្រាប់Man Utdនៅពេលដែលទីផ្សារកីឡាករបើកនៅដើមខែមករានេះ។
យ៉ាងណាមិញ ការផ្ទេរមករបស់ Griezmann នៅកីឡដ្ឋាន Old Trafford គឺជាសញ្ញានៃការបញ្ចប់អាជីពរបស់ Rooney នៅMan Utd៕
ប៉ាគីស្ថាន៖រថយន្តក្រុងពីរគ្រឿងបានបុកគ្នាពេញមួយទំហឹងនៅតាមដងផ្លូវក្នុងខេត្ត Punjab ភាគខាងកើតប្រទេសប៉ាគីស្ថាន នៅពេលទៀបភ្លឺព្រឹកថ្ងៃចន្ទនេះ បណ្តាលឲ្យមនុស្ស២៧នាក់បានបាត់បង់ជីវិត និងជាង៥០នាក់ផ្សេងទៀតរងរបួស។
គ្រោះថ្នាក់បានកើតឡើងដោយសាររថយន្តក្រុងមួយគ្រឿងបើកលឿនរេចង្កូតចូលចំណែកផ្លូវបញ្ច្រាសហើយក៏បានបុកគ្នាពេញទំហឹងតែម្តង ខណៈដែលរថយន្តទាំងពីរសុទ្ធតែបានដឹកមនុស្សពេញៗដូចគ្នា ។ ទោះជាយ៉ាងណាសម្រាប់អ្នករងរបួសទាំង៥០នាក់នោះ គឺមានមួយចំនួន កំពុងស្ថិតនៅក្នុងសភាពធ្ងន់ធ្ងរបំផុត ដែលអាចនឹងមានអ្នកបាត់បង់ជីវិតបន្ថែមទៀត៕
អឺរ៉ុប៖បណ្តាប្រទេសមានឥទ្ធិពលខ្លាំងនៅតំបន់អឺរ៉ុបមានចក្រភពអង់គ្លេស, បារាំង, និង អាល្លឺម៉ង់ បាននិងកំពុងជំរុញឲ្យសហភាពអឺរ៉ុបចេញសេចក្តីថ្លែងការណ៍រួមមួយ ថ្កោលទោសប្រទេសរុស្ស៊ីពាក់ព័ន្ធស្ថានការណ៍នៅក្នុងប្រទេសស៊ីរី។ នេះបើតាមទីភ្នាក់ងារព័ត៌មានស៊ិនហួរចេញផ្សាយនាព្រឹកថ្ងៃចន្ទ ទី១៧ ខែតុលា ឆ្នាំ២០១៦នេះ។
ជាមួយគ្នានេះមហាអំណាចធំជាងគេនៅសហភាពអឺរ៉ុបទាំងបីនេះក៏បានជំរុញឲ្យមានការដាក់ទណ្ឌកម្មប្រឆាំងនឹងរបបដឹកនាំរដ្ឋាភិបាលស៊ីរីរបស់លោកប្រធានាធិបតី បាហ្សា អាល់ អាស្សាដ ផងដែរ។
គួរបញ្ជាក់ថា ប្រទេសលោកខាងលិចបានចោទថា កងទ័ពអាកាសរុស្ស៊ីដែលមានមូលដ្ឋាននៅក្នុងទឹកដីស៊ីរីបានទម្លាក់គ្រាប់បែកនៅក្នុងទីក្រុង អាឡេប៉ូ ដើម្បីសម្លាប់ក្រុមប្រឆាំងរដ្ឋាភិបាលលោក អាស្សាដ ដែលបានបង្កឲ្យមនុស្សស្លាប់ និងរបួសជាច្រើននាក់៕
រាជធានីភ្នំពេញ៖សំណុំរឿងលោក សម រង្ស៊ី ប្រធានគណបក្សសង្គ្រោះជាតិដែលបានចោទប្រកាន់សម្តេចនាយករដ្ឋមន្ត្រីថា បានទិញ Facebook Like ដើម្បីបង្កើនប្រជាប្រិយភាព ត្រូវបានសាលាដំបូងរាជធានីភ្នំពេញសម្រេចលើកពេលសវនាការទៅថ្ងៃទី៨ ខែវិច្ឆិកា ឆ្នាំ២០១៦វិញ ដោយមូលហេតុមេធាវីតំណាងលោក សោម សឿន ដាក់ពាក្យសុំពន្យារពេល និងដោយសារអវត្តមានមេធាវីការពារលោក សម រង្ស៊ី ផងដែរ។
សូមជំរាបថា នៅព្រឹកថ្ងៃទី១៧ ខែតុលានេះ តុលាការក្រុងភ្នំពេញ បានបើកសវនាការសំណុំរឿងលោក សម រង្ស៊ី ប្រធានគណបក្សសង្គ្រោះជាតិ ដែលកំពុងនិរទេសខ្លួននៅក្រៅប្រទេស ដែលចោទប្រកាន់សម្តេចតេជោនាយករដ្ឋមន្ត្រីថា បានទិញ Facebook Like ដើម្បីបង្កើនប្រជាប្រិយភាព លើបណ្ដាញសង្គមដ៏ពេញនិយមមួយនេះ។
សវនាកានោះគឺយោងតាម ពាក្យបណ្ដឹងព្រហ្មទណ្ឌ ចុះថ្ងៃទី១០ ខែមីនា ឆ្នាំ២០១៦ លោក សោម សឿន អាយុ៦៤ឆ្នាំ ជារដ្ឋមន្ត្រីអមនាយករដ្ឋមន្ត្រី បានប្តឹងលោក សម រង្ស៊ី អាយុ៦៧ឆ្នាំ ប្រធានគណបក្សសង្គ្រោះជាតិ ដោយភ្ជាប់ការបង្ហោះផ្សាយព័ត៌មានលើទំព័រហ្វេសប៊ុករបស់លោក សម រង្ស៊ី កាលពីថ្ងៃទី៩ ខែមីនា ឆ្នាំ២០១៦៕
ដោយ៖ប៉ែនសុផល
បាត់ដំបង៖ផ្ទះល្វែងចំនួន២ខ្នងត្រូវបានអគ្គីភ័យ១ឆាបឆេះអស់ស្ទើរទាំងស្រុងខណៈពេលម្ចាស់បិទទ្វារចាក់សោរចេញទៅហូបបាយនៅផ្ទះ១ទៀតតាមទំលាប់រៀងរាល់ថ្ងៃ,នេះបើតាមប្រភពលើកឡើងពីម្ចាស់ផ្ទះក្បែរខាងគ្នាដែលរងគ្រោះដោយសារភ្លើងឆាបឆេះនេះដែរ។
សាក្សីដដែលបន្តថា ផ្ទះល្វែងទាំង២ខ្នងមានមុខរបរលក់ដូរខុសគ្នា,ផ្ទះ១លក់ទូរស័ព្ទម្ចាស់ផ្ទះឈ្មោះចិន ខ្មៅ,មុខរបរលក់ទូរស័ព្ទផងនិងកាប់ជ្រូកលក់ផង,និងម្ចាស់ផ្ទះ១ទៀតមិនស្គាល់ឈ្មោះមុខរបរលក់ឥវ៉ាន់ចាប់ហួយ,អណ្តាតភ្លើងបានបង្កមកពីផ្ទះលក់ឥវ៉ាន់ចាប់ហួយមុន(គ្រឿងទេស)អាចភ្លើងចង្ក្រានឬទុសេខ្សែភ្លើងព្រោះម្ចាស់ផ្ទះតាមទម្លាប់ល្ងាចឡើងបិទទ្វារទៅហូបបាយនៅផ្ទះ១ទៀត៕
សមត្ថកិច្ចនគរបាលស្រុកបវេលបានឲ្យដឹងថាៈហេតុការណ៏ឆាបឆេះផ្ទះនេះនៅវេលាម៉ោង៩,៤៥នាទីយប់ថ្ងៃទី១៦តុលា,ស្ថិតនៅទល់មុខផ្សាបវេលបណ្តាលឲ្យឆេះផ្ទះអស់ចំនួន២ខ្នងផ្ទះធ្វើពីថ្មខាងមុខ,ខាងក្រោយឈើ,ការឆាបឆេះមិនទាន់ដឹងពីមូលហេតុទេ,រថយន្តពន្លត់អគ្គីភ័យស្រុកបានឆាញ់ទឹកអស់ជាច្រើនឡាន។
សមត្ថកិច្ចដដែលបន្តថា ទំហំនៃការខូចខាតនិងឈ្មោះម្ចាស់ផ្ទះនៅមិនទាន់ដឹងទេ,សមត្ថកិច្ចកំពុងជួយពន្លត់សិនដោយសារការឆាបឆេះលឿនពេកនិងស្រាវជ្រាវរកមូលហេតុ,ហើយក៏មិនទាន់ទទួលព័ត៌មានគ្រោះថ្នាក់ប៉ះពាល់ដល់អាយុជីវិតមនុស្សដែរ៕
ដោយ៖ប៉ែន សុផល
បាត់ដំបង៖កុមារាម្នាក់ជិះលើឥវ៉ាន់អេតចាយដាក់ក្រោយលើម៉ូតូកង់៣ឪពុកជាអ្នកឌុបដោយមិនបានប្រុងប្រយ័ត្នបើកបរក្នុងល្បឿនលឿនបណ្តាលឲ្យក្មេងប្រុសជាកូនបានផ្ងារធ្លាក់ទៅក្រោយបោកក្បាលនឹងថ្នល់ស្លាប់ពេលបញ្ជូនសង្គ្រោះនៅមន្ទីរពេទ្យ។
ក្នុងហេតុការគ្រោះថ្នាក់ចរាចរណ៍មួយគួរអោយរន្ធត់នៅស្រុកភ្នំព្រឹកខេត្តបាត់ដំបង លោកអធិការស្រុក
ស្រុកភ្នំព្រឹកបានឲ្យដឹងថានៅថ្ងៃទី១៦ខែតុលាឆ្នាំ២០១៦នៅវេលាម៉ោង១៥ និង០០នាទី នៅចំណុចសៃឡូធានប៉ ស្ថិតក្នុងភូមិភ្នំតូច ឃុំពេជ្រចិន្តា ស្រុកភ្នំព្រឹកខេត្តបាត់ដំបង ។
ក្មេងប្រុសរងគ្រោះឈ្មោះ ប៊ុត សំណាង អាយុ០៥ឆ្នាំ ឪពុកក្មេងរងគ្រោះជាអ្នកបើកម៉ូតូកង់បី ឈ្មោះ ម៉ន ចិត អាយុ៣៣ឆ្នាំ និងម្តាយឈ្មោះ ស៊ូ សារ៉ុន អាយុ២៥ឆ្នាំ រស់នៅភូមិ-ឃុំខាងលើ មូលហេតុៈ ក្មេងរងគ្រោះ ជិៈលើម៉ូតូដែលដឹកការុង បណ្តាលឲ្យផ្ងារក្រោយធ្ងាក់ធ្លាក់បាក់ ក បណ្តាលឲ្យស្លាប់តែម្តង ។
បន្ទាប់ពីកើតហេតុការសមត្ថកិច្ចបានទៅកន្លែងកើតហេតុធ្វើការពិនិត្យសាកសពរួចបានឲ្យដឹងថាពិតជាធ្លាក់ពីលើម៉ូតូបាក់កស្លាប់ពិតប្រាកដមែននិងរៀបចំសំណុំឯកសាទៅតាមផ្លូវច្បាប់បានប្រគល់សាកសពឲ្យឳពុកម្តាយទទួលយកទៅធ្វើបុណ្យតាមប្រពៃណី៕
រាជធានីភ្នំពេញ៖គិតត្រឹមម៉ោង៦ល្ងាច ថ្ងៃទី១៦ ខែតុលា ឆ្នាំ២០១៦ម្សិលមិញនេះមានប្រជាពលរដ្ឋខ្មែរ ចំនួន ៥,៧៥៨,១៣១នាក់ បានទៅចុះឈ្មោះបោះឆ្នោត។ នេះបើតាមសេចក្តីប្រកាសព័ត៌មានរបស់គណៈកម្មាធិការជាតិរៀបចំការបោះឆ្នោត គ.ជ.ប ចេញផ្សាយនៅថ្ងៃទី១៧ ខែតុលា ឆ្នាំ២០១៦នេះ។
គួរបញ្ជាក់ថា ប្រជាពលរដ្ឋដែលមានអាយុ១៨ឆ្នាំឡើង ហើយមានសិទ្ធិ ចុះឈ្មោះបោះឆ្នោត មាន ចំនួនជាង៩.៦លាននាក់៕
ខេត្តបន្ទាយមានជ័យ៖យុវជនឈាមរាវជិះម៉ូតូក្នុងល្បឿនលឿនបង្ខំចាប់ហ្វ្រាំងបណ្តាលឲ្យមនុស្សខ្ទាតចូលរថយន្តកិនបែកក្បាលស្លាប់ម្នាក់ និងរបួសស្រាល២នាក់ ដែលហេតុការណ៍នេះកើតឡើងនៅវេលាម៉ោង៦ល្ងាចថ្ងៃទី១៦ ខែតុលា ឆ្នាំ២០១៦នៅតាមបណ្តោយផ្លូវជាតិលេខ៥ ត្រង់ចំណុចភូមិព្រែកល្ពៅ ឃុំឫស្សីក្រោក ស្រុកមង្គលបូរី ខេត្តបន្ទាយមានជ័យ។
លោកវរសេនីយ៍ត្រី រស់ សំបូ រមេបញ្ជាការមូលដ្ឋានកងរាជអាវុធហត្ថស្រុកមង្គលបូរីបានឲ្យដឹងថានៅមុនពេលកើតហេតុនោះមានម៉ូតូ១គ្រឿងម៉ាកហុងដា សេ125 ឆ្នាំ២0១១ ពណ៌ខ្មៅពាក់ស្លាកលេខ បន្ទាយមានជ័យ1K.3777 បើកដោយឈ្មោះ ពុយ ទី ភេទប្រុស អាយុ២១ឆ្នាំ រស់នៅភូមិអញ្ចាញ ឃុំឬស្សីក្រោក ស្រុកមង្គលបូរី ខេត្តបន្ទាយមានជ័យ បានឌុបឈ្មោះ សោម មករា ភេទប្រុស អាយុ១៧ឆ្នាំ និងឈ្មោះ ឆេម វាសនា ប្រុស អាយុ១៨ ឆ្នាំ អ្នកទាំង២នាក់រស់នៅភូមិប្រឡាយលួងក្រោម ឃុំឬស្សីក្រោក ស្រុកមង្គលបូរី ខេត្តបន្ទាយមានជ័យបើកម៉ូតូពីលិចទៅកើតលុះបើកមកដល់ចំណុចកើតហេតុក្នុងល្បឿនលឿនបានបង្ខំចាប់ហ្វ្រាំងបណ្តាលឲ្យគ្រវីដួលចូលរថយន្តធុនធំ១គ្រឿងម៉ាក KiA ពណ៌ពងមាន់អូសរ៉ើម៉កដឹកខ្សាច់ ពាក់ស្លាកលេខភ្នំពេញ3A.2439បើកច្រាសទិសគ្នាបណ្តាលឲ្យឈ្មោះ ពុយ ទី ត្រូវរ៉ើម៉ករថយន្តកិនខ្ទេចក្បាលស្លាប់ភ្លាម១រំពេច ចំណែកឈ្មោះ សោម មករា និងឈ្មោះ ឆេម វាសនារបួសស្រាស។
លោក រស់ សំបូរ បានបញ្ជាក់ទៀតថា ក្រោយពីកើតហេតុរួចអ្នកបើករថយន្តចុះគេចខ្លួនបាត់។ ចំណែករថយន្តនិងម៉ូតូត្រូវបានសមិត្ថកិច្ចយកទៅរក្សាទុកនៅអធិការនគរបាលស្រុកមង្គលបូរីដើម្បីដោះស្រាយទៅតាមតនីតិវិធីច្បាប់៕
ខេត្តបន្ទាយមានជ័យ៖បាក់ថ្មភ្នំធំត្បូងនៃការដ្ឋានកិនផលិតថ្មភ្នំធំ ក្នុងភូមិភ្នំធំត្បូង ឃុំអូរប្រាសាទស្រុកមង្គលបូរី ខេត្តបន្ទាយមានជ័យ កាលពីម៉ោង១និង២០នាទីរសៀលថ្ងៃទី១៦ ខែតុលា ឆ្នាំ២០១៦ បានបង្កកិនសង្កត់លុបត្រាក់ទ័រចូក(អេស្កាវ៉ាទ័រ)២គ្រឿង ហើយព័ត័មានដំបូងថា បានធ្វើអោយកម្មករនិងអ្នកកាន់ការ៣នាក់់បានស្លាប់។
មន្ត្រីនគរបាលប៉ុស្តិ៍រដ្ឋបាលប៉ុស្ត៍ឃុំអូរប្រាសាទនិងក្រុមគ្រួសារប្រាប់សារព៍ត័មានថា ជនរងគ្រោះទាំង៣នាក់ដែលស្លាប់ដោយខ្ទេចសាលសពនោះរួមមានទី១-ឈ្មោះ ហែម គឹមឡេង ហៅឡុំ អាយុ៥២ឆ្នាំ ភេទប្រុស ជាឱពុកជាមេការការដ្ឋានផលិតថ្ម។, ទី២ឈ្មោះ.លឹម គឹមឡុង ភេទប្រុស អាយុ២៦ឆ្នាំ ជាកូន អ្នកបើកអេស្ការវ៉ាទ័រនិងទី៣ ថង សេដ្ឋា ហៅសាន់ ភេទប្រុស អាយុ៣៦ឆ្នាំ ជាអ្នកបើកបរអេស្ការវ៉ាទ័រ មួយគ្រឿងទៀត។អ្នកទាំង៣ មានលំនៅជាប់ការដ្ឋានក្នុងនៅភូមិកើតហេតុខាងលើ។
កម្មករផ្សេងទៀត សាក្សីនិងលោកលឺមសេង ម្ចាស់ក្រុមហ៊ុនផលិតថ្មភ្នំធំ និយាយថា មុនគ្រោះថ្នាក់នេះ មានអេស្កាវ៉ាទ័រ២គ្រឿងនេះបានកាយថ្មដូចសព្វមួយដង។ក្នុងនោះ១គ្រឿងកាយខាងចង្កេះភ្នំនិងមួយទៀតកាយកៀកកំពូលភ្នំ។តែដូចមានបច្ច៏យអាក្រក់មួយកើតឡើងគឺថ្មភ្នំធំៗទាំងផ្ទាំងៗនៅត្រង់កំពូលដែលជាចំណុច-សខ័ណ្ឌចែករវាងការដ្ឋានផលិតថ្មភ្នំធំ៣របស់លោកលឺម សេង និងការដ្ឋានផលិតថ្មភ្នំធំII របស់លោកកូ ណៃ ដែលប្រេះស្រាំផងនិងត្រូវទឺកភ្លៀងផងបានបាក់រលំចុះមកដោយចៃដន្យ។
ភ្លាមៗនោះ ការរញ្ជួយកក្រើកខ្លាំងបានបង្កលំបាក់ជួរផ្ទាំងថ្មកំពូលភ្នំនោះនៅផ្នែកខាងលិចជាច្រើនផ្ទាំងទៀត។ផ្ទាំងថ្មធំតូចបានសង្កត់គ្រប់ជិតពីលើអេស្ការវ៉ាទ័រទាំង២គ្រឿងបង្កអោយមនុស្សទាំង៣នាក់ស្លាប់។ប៉ុន្តែក្រុមអ្នកសង្គ្រោះបានប្រើអេស្កាវ៉ាទ័រ៤គ្រឿង គ្រឿងចក្រផ្សេងទៀតនិងមនុស្សជាច្រើននាក់ចំណាយពេលជាច្រើនម៉ោងដើម្បីកាយយកសាកសពនិងយកអេស្កាវ៉ាទ័រ២គ្រឿង។
មនុស្សម្នារាប់រយនាក់បាននាំគ្នាទៅមើលទិដ្ឋភាពគ្រោះថ្នាក់នោះ ហើយយសង្ស័យថានៅមានមនុស្សរងគ្រោះខ្លះទៀតបានកប់ក្នុងគំនរផ្ទាំងថ្ម។
ប៉ុន្តែអ្នកភូមិជាកម្មករ ម្ចាស់ការដ្ឋាននិងសមត្ថកិច្ចនិយាយថា:គេបន្តកំពុងឆែកឆេរសមាជិកគ្រួសារតាមផ្ទះក្នុងភូមិជិតខាង ថាតើបាត់សមាជិកដែរឬអត់៕
