បាល់ទាត់៖ក្លិប Inter បានប្រកាសចុះហត្ថលេខាជាផ្លូវការនាំយកកីឡាករ Antonio Candreva ពីក្លិប Lazio លើកិច្ចសន្យារយៈពេល៤ឆ្នាំ។
កីឡាករសញ្ជាតិអ៊ីតាលីរូបនេះ ចាកចេញពីទីក្រុងរ៉ូម បន្ទាប់ពីបានចំណាយពេល៤រដូវកាល នឹងបានបង្ហាញខ្លួនជាង២០០ប្រកួត ហើយបានក្លាយជាសមាជិកដំបូងរបស់ក្លិប Inter ជាមួយក្រុមហ៊ុន Suning Holdings Group។
Candreva បានលេងឲ្យក្រុមជម្រើសជាតិអ៊ីតាលីបានចំនួន៤០ដង រាប់ទាំងការបង្ហាញខ្លួន World Cup 2014 និង Euro 2016 នៅប្រទេសបារាំង ដែលទើបនឹងទៅនៅពេលថ្មីៗនេះ។
Candreva ថ្លែងប្រាប់នៅលើគេហទំព័រផ្លូវការរបស់ក្លិបថា ខ្ញុំពិតជាមានមោទនភាពនិងសប្បាយរីករាយពេលបានមកចូលរួមនៅទីនេះ»។ខ្ញុំតែងតែចង់ផ្លាស់ទៅ Inter និងវាជាអារម្មណ៍រីក ខ្លាំងណាស់ដែល បានមកដល់នៅ Inter ។
“ខ្ញុំសូមអរគុណក្រុម Lazioសម្រាប់រដូវកាលនេះយើងបានចំណាយពេលជាមួយគ្នានិងសម្រាប់ ការផ្តល់ ឱកាសដើម្បីសម្រេចសុបិននេះខ្ញុំ។«ឥឡូវនេះខ្ញុំមិនអាចរង់ចាំក្នុងការលេងនៅ San Siro និងមានអារម្មណ៍ថាមានភាពកក់ក្ដៅនៃអ្នកគាំទ្រក្លិប Inter នេះ»។
យ៉ាងណាមិញ លោក Erick Thohir ប្រធានក្លឹប Inter បានសម្តែងការរីករាយចំពោះការមកដល់សម្រាប់កីឡាករវ័យ ២៩ ឆ្នាំរូបនេះហើយគាត់សង្ឃឹមថា ក្រុមនឹងកាន់តែជាងមុននៅរដូវការនេះ៕
រាជធានីភ្នំពេញ៖ក្រុមស្ត្រីរកស៊ីផ្លូវភេទ និងជនអនាថា១៧នាក់នៅម្ដុំវត្តភ្នំ និងតាមសួនច្បារមុខស្ថានទូតអាមេរិក ត្រូវបានកម្លាំងអាជ្ញាធរសង្កាត់វត្តភ្នំចុះធ្វើការបង្ក្រាប និងប្រមូលយកមកអប់រំ។ ប្រតិបត្តិការណ៍នេះធ្វើឡើងនាយប់ឈានចូលថ្ងៃទី០៤ ខែសីហា ឆ្នាំ២០១៦ នៅទីតាំងខាងលើ។
ប្រភពពីសមត្ថកិច្ចបានឲ្យដឹងថា ក្រុមស្រីរកស៊ីផ្លូវភេទ និងជនអនាថាទាំងនេះ តែងតែប្រមូលផ្តុំគ្នា បង្កភាពអនាធិបតេយ្យ ភាពរញ៉េរញ៉ៃបាត់បង់សណ្តាប់ធ្នាប់ តាមសួនច្បារ និងបរិវេណវត្តភ្នំ ធ្វើឲ្យអាជ្ញាធរមានការឈឺក្បាលយ៉ាងខ្លាំង ហើយចាប់យកទៅអប់រំមិនចេះអស់ឡើយ។ ប្រភពដដែលបញ្ជាក់ថា ការចុះប្រមូល ជនអនាថា និងស្ត្រីរកស៊ីផ្លូវភេទនៅជុំវិញស្ថានទូតអាមេរិក ជុំវិញវត្តភ្នំ បានចំនួនសរុប១៧នាក់ស្រី១៣នាក់ និងខ្ទើយ២នាក់ជាក្រុមរកស៊ីផ្លូវភេទ រួចបញ្ជូនទៅមន្ទីរសង្គមកិច្ចដើម្បីធ្វើការអប់រំ ៕
វ៉ាស៊ីនតោន៖ការគំរាមរបស់កូរ៉េខាងជើងនារយះពេលចុងក្រោយនេះ បានធ្វើឲ្យសហរដ្ឋអាមេរិកនិងប្រទេសជប៉ុន ដាក់សំណើបន្ទាន់មួយទៅកាន់ក្រុមប្រឹក្សាសន្តិសុខ នៃអង្គការសហប្រជាជាតិ ឲ្យបើកអង្គប្រជុំមួយ ដើម្បីដោះស្រាយបញ្ហាដែលបង្កឡើង ដោយការបាញ់គ្រាប់មីស៊ីល របស់ប្រទេសកូរ៉េខាងជើង។
សម្រាប់ការកោះប្រជុំបន្ទាន់នេះ មិនមានអ្វីក្រៅតែពីការរិះរក ទណ្ឌកម្មបន្ថែមទៀត ពីសំណាក់ប្រទេស សមាជិកទាំង១៥ របស់ UNSC ទៅលើកូរ៉េខាងជើងនោះទេ ព្រោះការបាញ់សាកល្បងគ្រាប់មីស៊ីល ទាំងពីរគ្រាប់ព្រឹកមិញនេះ ត្រូវបានប្រទេសជប៉ុន ហៅថាជាការគំរាមដល់សន្តិសុខ ក្នុងតំបន់យ៉ាងខ្លាំង ដោយសារតែមីស៊ីលមួយគ្រាប់ បានធ្លាក់ចូលទៅក្នុងដែនទឹករបស់ជប៉ុន កាលពីព្រឹកថ្ងៃពុធនេះ៕
រាជធានីភ្នំពេញ៖គួរឲ្យអាណោច និងសង្វេគពន់ពេក ខណៈដែលពិធីដង្ហែសពអតីតតារាភាពយន្តលោកហង្ស ផល្លីមធុរ៉ា កាលពីម្សិលមិញ នៅវត្តទួលនាង ខណ្ឌឫស្សីកែវ មិនមានប្រជាពលរដ្ឋ ឬសិល្បករសិល្បការិនីច្រើននោះទេ ដែលធ្វើឲ្យពិធីនោះ ប្រព្រឹត្តទៅដោះសោះកក្រោះបំផុត ។
លោកហង្ស ផល្លីមធុរ៉ា បានទទួលមរណភាពក្នុងវ័យ៥២ឆ្នាំ កាលពីព្រឹកថ្ងៃទី១ ខែសីហា ឆ្នាំ២០១៦ ដោយជំងឺដុះសាច់ក្នុងខួរក្បាល ។ ជីវិតតួអង្គ «ស្តេចអាប៉ោង» ក្នុងរឿង «ជើងមេឃដាច់ស្រយាល» រូបនេះ ហាក់កម្សត់ ជាងតារាប្រុសស្រីរួមជំនាន់ ។ អ្វីដែលមហាជនសង្វេគ គឺមុនពេលស្លាប់លោកហង្ស ផល្លីមធុរ៉ា មិនមានទ្រព្យសម្បត្តិច្រើនទេ គឺរស់នៅក្នុងផ្ទះជួលក្រោយពីចាញ់ក្តីអតីតភរិយានៅតុលាការ។
ពិធីដង្ហែសព គេឃើញតែតារាសម្តែង និងផលិតករមួយចំនួនតូចប៉ុណ្ណោះចូលរួម មានដូចជា លោកសុះ ម៉ាច ប្រធានសមាគមសិល្បករខ្មែរ អ្នកស្រីថុង ស៊ីវទៀង នាយិកាផលិតកម្មចក្កវាឡពេជ្រភាពយន្ត តារាភាពយន្តអ្នកស្រីចាន់ តារាទី តារាចម្រៀងលោកមាស សារិទ្ធ លោកឱក បូនី និងអ្នកស្រីកាឡុង កាណារ៉ូ ជាដើម៕
ខេត្តព្រៃវែង៖បានប្រជាពលរដ្ឋបាននាំគ្នាព្រួតវាយជនសង្ស័យ២នាក់ទ្រោមខ្លួន ខណៈអ្នកទាំងពីរបានជិះម៉ូត ចូលទៅក្នុងវត្តកំពុងទ្រា ក្នុងភូមិកំពង់ទ្រា ឃុំមេសរប្រចាន់ ស្រុកពារាំង ខេត្តព្រៃវែង ហើយបានធ្វើសកម្មភាពលួចប្រេងរបស់ព្រះសង្ឃចំនួន២កាន។ ហេតុការណ៍នេះកើតឡើងកាលពីវេលាម៉ោងប្រមាណ០៧ និង៥០នាទី យប់ថ្ងៃទី៣ ខែសីហា ឆ្នាំ២០១៦នេះ។
អ្នកភូមិបានឲ្យដឹងថា ជនសង្ស័យទី១ ឈ្មោះ ឡុង ភេទប្រុស អាយុ៣៦ឆ្នាំ រស់នៅឃុំរាប ស្រុកពារាំង ឯម្នាក់ទៀតនៅមិនទានស្គាល់ អត្តសញ្ញាណនៅឡើយទេ៕
អង់គ្លេស៖ស្ត្រីម្នាក់ស្លាប់ និងរងរបួស៦នាក់ក្នុងហេតុការណ៍វាយប្រហារដោយប្រើប្រាស់កាំបិតមួយនៅតំបន់ Russell Square នៅកណ្តាលទីក្រុងឡុងដ៍ ចក្រអង់គ្លេស។ នេះបើយោងតាមព័ត៌មាន BBC ចេញផ្សាយមុននេះបន្តិច។
បុរសម្នាក់ដែលប្រើកាំបិតចាក់សម្លាប់មនុស្ស ត្រូវបានប៉ូលិសចាប់ខ្លួនផងដែរ។ ប៉ូលិសបាននិយាយថា នៅមិនទាន់ដឹងថា ជាអំពើភេរវកម្ម ឬយ៉ាងណានោះទេ កំពុងស្រាវជ្រាវ៕
រាជធានីភ្នំពេញ៖រដ្ឋមន្ត្រីក្រសួងអប់រំ យុវជន និងកីឡា លោក ហង់ ជួនណារ៉ុន បានថ្លែងក្នុងសន្និសីទសារព័ត៌មាន ស្តីពីការរៀបចំការប្រឡង សញ្ញាបត្របាក់ឌុបឆ្នាំ២០១៦ថា ការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) ឆ្នាំនេះ ក្រសួងកំណត់យកពិន្ទុចំនួន២២៤ពិន្ទុគឺជាប់។
លោក ហង់ ជួនណារ៉ុន រដ្ឋមន្ត្រីក្រសួងអប់រំ បានថ្លែងក្នុងពិធីនេះថា វិញ្ញាសារក្នុងការប្រឡងបាក់ឌុបខាងមុខនេះ នៅតែដដែលមិនបន្ធូរនោះទេ។ លោកបន្ថែមទៀតថា កាលពីប្រឡងបាក់ឌុបឆ្នាំមុនៗ សង្កេតឃើញថា បេក្ខជនប្រឡងមានការធ្លាក់ច្រើន លើមុខវិជ្ជាគណិតវិទ្យា ហើយបេក្ខជនជាប់ច្រើន ក្នុងមុខវិជ្ជាភាសាខ្មែរ។
លោករដ្ឋមន្ត្រី ក៏បានអំពាវនាវឲ្យ បេក្ខជនប្រឡងទាំងអស់ សូមមកមណ្ឌលប្រឡងឲ្យមានមុនម៉ោង ដើម្បីងាយស្រួលដល់ការប្រឡង ការពារភាពយឺតយ៉ាវការប្រឡង។ ជាពិសេសជាងនេះ លោកបានជំរុញឲ្យបេក្ខជន ខិតខំប្រឹងប្រែងរៀនសូត្រ និងថែរក្សាសុខភាពឲ្យបានល្អ ដើម្បីត្រៀមប្រឡងនៅថ្ងៃ២២ ខែសីហា ខាងមុខនេះ ដែលនៅសល់មិនដល់១ខែទៀតនោះទេ៕
រាជធានីភ្នំពេញ៖ស្ថានភាពកម្ពស់ទឹកនៅតាមបណ្តាស្ថានីយជលសាស្ត្រនានារួមមានស្ថានីយទន្លេមេគង្គ-ស្ទឹងត្រែង, ស្ថានីយទន្លេមេគង្គ-ក្រចេះ, ស្ថានីយទន្លេ មេគង្គ-កំពង់ចាម, ស្ថានីយបាសាក់-ចតុមុខ, ស្ថានីយមេគង្គ-អ្នកលឿង, ស្ថានីយបាសាក់-កោះខែល និងស្ថានីយទន្លេសាប-ព្រែកក្តាម សម្រាប់ថ្ងៃទី០៤ ខែសីហា ឆ្នាំ២០១៦នេះ៕ សូមអានព្រឹត្តិបត្រព័ត៌មាន និងការព្យាករណ៍ពីម្ពស់ទឹកជំនន់ របស់ក្រសួងធនធានទឹកទាំងស្រុង៖
រាជធានីភ្នំពេញ៖នៅថ្ងៃទី០៣ ខែសីហា ឆ្នាំ២០១៦ ម្សិលមិញនេះកម្លាំងនគរបាលជាតិបានបង្ក្រាបបទល្មើសជួញដូរ រក្សាទុក និងប្រើប្រាស់គ្រឿងញៀនចំនួន៧ករណី ឃាត់មនុស្ស១៦នាក់ ក្នុងនោះមុខសញ្ញាជួញដូរ៩នាក់ និងមុខសញ្ញាប្រើប្រាស់៧នាក់ រឹបអូសបានមេតំហ្វេតាមីន (ice) ១២.៧៨ក្រាម, ១កញ្ចប់ធំ និង២កញ្ចប់តូច, មេតំហ្វេតាមីន (wy) ០.២០ក្រាម។
យោងតាមរបាយការណ៍របស់អគ្គស្នងការនគរបាលជាតិបានបញ្ជាក់ថា ទីតាំងដែលបង្ក្រាបបានរួមមានទី១. ភ្នំពេញ បង្ក្រាប២ករណី ឃាត់ខ្លួន៧នាក់ ដកហូតមេតំហ្វេតាមីន (ice) ១កញ្ចប់តូច, ទី២.កោះកុង បង្ក្រាប១ករណីឃាត់ខ្លួន២នាក់ ដកហូតមេតំហ្វេតាមីន (ice) ០.៦៨ក្រាម, ទី៣.ព្រះសីហនុ បង្ក្រាប១ករណីឃាត់ខ្លួន៤នាក់ ដកហូតមេតំហ្វេតាមីន (ice) ៦ក្រាម, ទី៤.ព្រៃវែង បង្ក្រាប១ករណី ឃាត់ខ្លួនម្នាក់ ដកហូតមេតំហ្វេតាមីន (ice) ១កញ្ចប់ធំ និង១កញ្ចប់តូច, ទី៥.កំពង់ស្ពឺ បង្ក្រាប១ករណី(ដីការ) ឃាត់ខ្លួនម្នាក់ និងទី៦. បាត់ដំបងបង្ក្រាប១ករណី ឃាត់ខ្លួនម្នាក់ ដកហូតមេតំហ្វេតាមីន (ice) ៦.១០ក្រាម, មេតំហ្វេតាមីន(wy) ០.២០ក្រាម៕
រាជធានីភ្នំពេញ៖នៅថ្ងៃទី០៣ ខែសីហា ឆ្នាំ២០១៦ម្សិលមិញនេះមានករណីគ្រោះថ្នាក់ចរាចរណ៍នៅទូទាំងប្រទេសកើតឡើងចំនួន៨លើក (យប់៣លើក) បណ្តាលឲ្យមនុស្សស្លាប់៤នាក់ រងរបួសធ្ងន់១៥នាក់ និងរបួសស្រាល២៦នាក់។ នេះបើតាមរបាយការណ៍របស់អគ្គស្នងការនគរបាលជាតិ។
ប្រភពដដែលបន្តថា នៅក្នុងហេតុការណ៍គ្រោះថ្នាក់ចរាចរណ៍ទាំង៨លើកនេះ បណ្តាលឲ្យខូចខាតយានយន្ត សរុបចំនួន១១គ្រឿង រួមមានម៉ូតូចំនួន៤គ្រឿង រថយន្តធុនតូចចំនួន៦គ្រឿង និងរថយន្តធុនធំចំនួន១គ្រឿង។ ប្រភពបញ្ជាក់ថា មូលហេតុដែលបណ្តាលឲ្យកើតមានករណីគ្រោះថ្នាក់ចរាចរណ៍រួមមាន ល្មើសល្បឿន៣លើក, ស្រវឹង១លើក, ប្រជែងគ្រោះថ្នាក់២លើក, មិនប្រកាន់ស្តាំ១លើក, បត់គ្រោះថ្នាក់១លើក, មិនគោរពសិទ្ធិ១លើកក្នុងនោះអ្នកមិនពាក់មួកសុវត្ថិភាព ពេលគ្រោះថ្នាក់ចរាចរណ៍១៤នាក់។
ជាមួយគ្នានោះនៅថ្ងៃទី៣ ខែសីហា ឆ្នាំ២០១៦ លទ្ធិផលត្រួតពិនិត្យអនុវត្តច្បាប់ចរាចរណ៍ផ្លូវគោកឃើញថា យានយន្តដែលល្មើសសរុបទូទាំងប្រទេសមាន ចំនួន ៣,៣៨៧គ្រឿង ក្នុងនោះបានធ្វើការអប់រំចំនួន ១,៦១៦គ្រឿង និងពិន័យសរុប ចំនួន ១,៧៧១គ្រឿង៕
ដោយ៖ប្រុញ វិធិន
ក្រចេះ៖ក្រុមឈ្មួញរកស៊ីដឹកជន្លង់ម្រេច ប្រមាណជាង៥០នាក់ បាននាំគ្នាសម្រុកចូលទីបញ្ជាការមូលដ្ឋានកងរាជអាវុធហត្ថក្រុងក្រចេះ រំដោះយករថយន្តសាំងយ៉ុងដឹកជន្លង់ម្រេចចំនួន ២គ្រឿង បានសម្រេច ក្រោយពេលសមត្ថកិច្ចចម្រុះ ឃាត់ទុកបានរយៈពេលជា១០ម៉ោង ។
ហេតុការនេះ បានកើតឡើងនៅវេលាម៉ោង ១២និង០០នាទីថ្ងៃទី០៣ ខែសីហា ឆ្នាំ២០១៦ បន្ទាប់ពីរថយន្ត ២គ្រឿង ក្នុងចំណោមរថយន្តសាំងយ៉ុង ១០គ្រឿង ត្រូវបានកម្លាំងជំនាញរដ្ឋបាលព្រៃឈើក្រចេះ ដឹកនាំដោយលោក ទ្រី ម៉េងលាង នាយរងផ្នែករដ្ឋបាលព្រៃឈើក្រចេះ សហការជាមួយកម្លាំងអាវុធហត្ថខេត្ត និងអាវុធហត្ថក្រុងក្រចេះ ដោយមានការសម្របសម្រួលពីលោក ហាក់ ហ៊ន ព្រះរាជអាជ្ញារងអមសាលាដំបូងខេត្ត ចុះបង្ក្រាបឃាត់បានកាលពីវេលាម៉ោងជាង១១យប់ថ្ងៃទី០២ ខែសីហា ម្សិលមិញនេះ នៅត្រង់ចំនុចមុខទីបញ្ជាការមូលដ្ឋានកងរាជអាវុធហត្ថក្រុងក្រចេះ ក្រុងក្រចេះ។
ប្រជាពលរដ្ឋ ដែលជាក្រុមឈ្មួញរកស៊ីដឹកជន្លង់ម្រេចទាំងនោះ មានទីលំនៅភូមិព្រែកជីក ឃុំសោប ស្រុកព្រែកប្រសព្វ ខេត្តក្រចេះ ។ លុះនៅព្រឹកថ្ងៃទី០៣ ខែសីហា មុនពេលកើតហេតុ គេសង្កេតឃើញថា ក្រុមឈ្មួញមួយក្រុមនេះ បាននាំគ្នាតវ៉ានៅមុខសាលាខេត្តក្រចេះ ដើម្បីទាមទារឲ្យមានការដោះលែងរថយន្តនោះវិញ តែមិនទទួលបានលទ្ធផល ។ ក្រុមឈ្មួញទាំងនោះ ក៏បានបន្តដំណើរឆ្ពោះទៅកាន់ទីបញ្ជាការដ្ឋានអាវុធហត្ថក្រុងក្រចេះ ដែលជាកន្លែងរក្សាទុករថយន្តបណ្ដោះអាសន្ន រួចក៏នាំគ្នាអុកឡុករំដោះយករថយន្តចេញតែម្ដង ។
នៅក្នុងហេតុការរំដោះយករថយន្តទាំង ២គ្រឿងខាងលើនោះ ក្រុមឈ្មួញបានធ្វើឲ្យប៉ះពាល់ដល់សន្តិសុខសណ្ដាប់ធ្នាប់សាធារណៈ និងខូចខាតនូវរថយន្តរបស់អាវុធហត្ថក្រុង មួយគ្រឿង ដែលជាទ្រព្យសម្បត្តិ៍រដ្ឋ ប៉ុន្តែមិនមានការប៉ះទង្គិចគ្នារវាងកងកម្លាំង និងក្រុមឈ្មួញទាំងនោះឡើយ ។
ពាក់ព័ន្ធជុំវិញករណីក្រុមឈ្មួញរកស៊ីដឹកជន្លង់ម្រេច ចូលអុកឡុក និងរំដោះយករថយន្តសាំងយ៉ុង ចេញពីទីបញ្ជាការដ្ឋានកងរាជអាវុធហត្ថក្រុងក្រចេះ លោក ផាត សុភ័ក្រវាសនា មេបញ្ជាការកងរាជអាវុធហត្ថក្រុងក្រចេះ បានឲ្យដឹងតាមទូរសព្ទ័ថា នៅពេលដែលពួកគាត់សម្រុកចូលមក លោកបានឆ្លងយោបល់ជាមួយព្រះរាជអាជ្ញា និងមេបញ្ជាការអាវុធហត្ថខេត្ត ដោយឲ្យកម្លាំងនៅស្ងៀម ជៀសវាងការប៉ះទង្គិចគ្នារវាងប្រជាពលរដ្ឋ និងកម្លាំងសមត្ថកិច្ច ។
លោក បានបញ្ជាក់ថា ឥឡូវនេះ មន្ត្រីជំនាញរបស់លោក កំពុងកសាងសំនុំរឿង និងបញ្ជូនឈ្មោះ បង្ហាញមុខ អ្នកដែលធ្វើសកម្មភាពយករថយន្តនោះ បញ្ជូនទៅស្ថាប័នតុលាការខេត្ត ដើម្បីចាត់វិធាន់ការទៅតាមផ្លូវច្បាប់ ។
ចំណែកឯ សាក្សីដែលបានឃើញហេតុការ បានប្រាប់ឲ្យដឹងថា ខណៈដែលសមត្ថកិច្ច ចុះបង្ក្រាបរថយន្តសាំងយ៉ុងដឹកជន្លង់ម្រេច មានរថយន្តសាំងយ៉ុងដឹកជន្លង់ម្រេច ២គ្រឿង បានបើកទៅបុកគ្នាឯងពីក្រោយ បណ្ដាលឲ្យរងរបួសធ្ងន់២នាក់ កំពុងសម្រាកព្យាបាលនៅមន្ទីរពេទ្យបង្អែកខេត្ត ។ សមត្ថកិច្ច ក៏ឃាត់ចាប់រថយន្ដទាំងនោះ តែក្រុមអ្នកដឹកជន្លង់ម្រេចទាំងនោះ បានចុះស្រែកឡូឡា រើជន្លង់ម្រេចទំលាក់ចោលពាស់ពេញផ្លូវ គំរៀមវាយឡានសមត្ថកិច្ច បើកឡានបំរុងបុកឡានសមត្ថកិច្ច និងបើកឡានរត់ចេញ នឹងបង្កការភ្ញាក់ផ្អើលពេញក្នុងក្រុងក្រចេះ ។
ដោយឡែកប្រភពពីប្រជាពលរដ្ឋ និងមជ្ឈដ្ឋានមួយចំនួន បានលើកឡើងថា រថយន្តដឹកជន្លងម្រេចទាំងនោះ គឺដឹកជញ្ជូនទាំងថ្ងៃ ទាំងយប់ ហើយមានលក្ខណៈជាក្រុមៗ ចាប់ពី១០រថយន្តឡើកទៅ តែងតែបើកបិទគូទគ្នាយ៉ាងអនាធិបតេយ្យ នឹងតែងតែធ្វើអោយប្រជាពលរដ្ឋមានការភ័យខ្លាចជាខ្លាំងក្នុងការធ្វើដំណើរតាមដងផ្លូវសាធារណៈ៕
ភ្នំពេញ៖ក្រុមរត់ឡានតាក់ស៊ីអនាធិបតេយ្យដែលតែងតែចាប់ម៉ូយបង្កភាពអត់សណ្តាប់ធ្នាប់នៅខណ្ឌច្បារអំពៅ បានបង្កជម្លោះវាយតប់គ្នា កាលពីព្រឹកថ្ងៃទី៣ ខែសីហា ព្រោះជម្លោះដណ្ដើមម៉ូយ ។ ប៉ុន្តែដោយសារប្រជាពលរដ្ឋជួយឃាត់ទាន់ពេលវេលាទើបមិនបង្កឲ្យមានរបួសស្នាម។ ករណីនេះ កើតឡើងនៅចំណុចគល់ស្ពានព្រះមុនីវង្សថ្មីត្រើយខាងកើត ក្នុងភូមិព្រែក សង្កាត់ច្បារអំពៅទី១ ខណ្ឌច្បារអំពៅ ។
អភិបាលរងខណ្ឌច្បារអំពៅលោក រស់ សុភ័ក្ដ្រ បញ្ជាក់ថា អាជ្ញាធរនឹងចាត់វិធានការបន្ទាន់ចំពោះបញ្ហានេះ ។
ប្រជាពលរដ្ឋឃើញហេតុការណ៍ បានឲ្យដឹងថា អ្នករត់រថយន្តឈ្នួល២នាក់ បានឈ្លោះគ្នារហូតដល់កាន់ដំបងនិងដុំថ្មរៀងៗខ្លួន ប្រុងប្រើហិង្សាវាយតប់គ្នា ព្រោះតែការដណ្តើមម៉ូយដាក់រថយន្តមិនបាន បង្កឲ្យមានការភ្ញាក់ផ្អើលដល់អ្នកដំណើរ និង ប្រជាពលរដ្ឋក្បែរចោមរោមមើល ធ្វើអោយចរាចរ ធ្វើឲ្យ ចាប់ពីគល់ស្ពានព្រះមុនីវង្សថ្នីដល់ ស្តុបច្បារអំពៅ ត្រូវកកស្ទះចរាចរជាងមួយម៉ោង ។
ប្រជាពលរដ្ឋ ដដែលបន្តថា នៅចំណុចទីតាំងគល់ស្ពាននេះ ក្រុមអ្នករត់ឡានតាក់ស៊ីតែងចតរថយន្តរង់ចាំទទួលម៉ូយ យ៉ាង អនាធិបតេយ្យ ដោយពេលខ្លះម្ចាស់រថយន្តតែងរត់ទៅទាញយកឥវ៉ាន់ និងសម្ភារៈពីអ្នកដំណើរស្ទើរធ្លាក់ពីលើម៉ូតូ ខណៈដែលអ្នកដំណើរដែលមានបំណងចង់ជិះរថយន្ត ។
ប្រភពព័ត៌មាន បញ្ជាក់ថា មានពេលខ្លះ អ្នករត់រថយន្តទាំងនោះ តែងទាស់ពាក្យសម្តីឈ្លោះប្រកែកគ្នា ស្ទើររៀងរាល់ថ្ងៃផងដែរ ក្រោយពេលពួកគេដណ្តើមម៉ូយគ្នាមិនត្រូវ បង្កអោយមានភាពអសណ្តាប់ធ្នាប់ ។
ពាក់ព័ន្ធករណីនេះ លោក រស់ សុភ័ក្ដ្រ អភិបាលរងខណ្ឌច្បារអំពៅ បញ្ជាក់ថា អាជ្ញាធរតែងចុះធ្វើសណ្តាប់ធ្នាប់ជារៀងរាល់ ថ្ងៃ តាមផ្លូវជាតិលេខ១ គិតចាប់ពីគល់ស្ពាន ព្រះមុនីវង្សថ្មី រហូតដល់ផ្សារព្រែកឯង និង មួយផ្លូវទៀតពីគល់ស្ពាន តាមបណ្តោយផ្លូវលេខ៣៦៩ សង្កាត់ព្រែកប្រាដល់ផ្សារចាម ។
ជាពិសេសចំណុចអសណ្តាប់ធ្នាប់របស់រថយន្តឈ្នួលនោះ អាជ្ញាធរ តែងចុះរៀបចំជារៀងរាល់ថ្ងៃ ដោយកន្លងមកបានកោះហៅម្ចាស់រថយន្តឈ្នួលមកអប់រំណែនាំជាច្រើនលើកច្រើនសា រហូតធ្លាប់ឃាត់រថយន្តមករក្សាទុកនៅសាលាខណ្ឌអស់ជាច្រើនថ្ងៃផងដែរ ។ ប៉ុន្តែក្រុមអ្នករត់រថយន្តទាំងនោះ នៅតែប្រព្រឹត្តទង្វើប្រាស់ចាកនូវគោលការណ៍ណែនាំរបស់សាលាខណ្ឌដដែល ។
លោកអភិបាលរងបានបន្តថា ក្រុមការងាររបស់លោកនឹងបន្តចុះធ្វើបន្ថែមទៀត និង ដាក់ពិន័យធ្ងន់ធ្ងរបន្ថែមដល់ក្រុមអ្នករត់រថយន្តដែលកំពុងនៅតែបំពាន នឹងការណែនាំ បើពុំនៅតែពុំមានលទ្ធផលល្អទេនោះ លោកនឹងធ្វើរបាយការណ៍ស្នើទៅថ្នាក់លើ សុំគោលការណ៍តឹងរឹង ខ្លាំងជាងនេះ ដើម្បីទប់ស្កាត់សណ្តាប់ធ្នាប់នេះអោយបានប្រសើរឡើងវិញ៕
ខេត្តក្រចេះ៖បាតុភូតរន្ទះបាញ់បានធ្វើឲ្យមានការភ័យរន្ធត់យ៉ាងខ្លាំងនៅវេលាម៉ោងប្រមាណ៨យប់ ថ្ងៃទី២ ខែសីហា ឆ្នាំ២០១៦ ខណៈដែលរន្ទះបាញ់សម្លាប់សត្វគោនៅក្នុងក្រោលអស់ចំនួន១៤ក្បាល។ ហេតុការណ៍នេះ កើតឡើងនៅចំណុចភូមិអូរតាណឹង ឃុំក្បាលដំរី ស្រុកសំបូរ ខេត្តក្រចេះ។
ប្រជាពលរដ្ឋបង្ហាញនូវក្តីកង្វល់យ៉ាងខ្លាំង ចំពោះបាតុភូតរន្ទះបាញ់នេះ ព្រោះតែកើតឡើងជាញឹកញ៉ាប់និងបន្តបន្ទាប់ ព្រមទាំងប្រហារជីវិតមនុស្សសត្វជាច្រើនមកហើយក្នុងពេលដែលសមត្ថកិច្ចជំនាញបានត្រឹមអំពាវនាវឲ្យមានការប្រុងប្រយ័ត្នតែមិនដាក់ចេញនូវវិធានការ៕
មេគង្គប៉ុស្តិ៍លើបណ្តាញសង្គម
ព័ត៌មានគួរចាប់អារម្មណ៍
