រាជធានីភ្នំពេញ៖នៅវេលាម៉ោងប្រមាណ៤ និង៣០នាទីព្រឹក ថ្ងៃទី២៨ ខែកក្កដា ឆ្នាំ២០១៦នេះ ប្រជាពលរដ្ឋរស់នៅក្នុងភូមិអូរតូច សង្កាត់អណ្ដូងខ្មែរ ក្រុងកំពត ខេត្តកំពត បានប្រទះឃើញសាសពបុរសម្នាក់ដែលគេមិនទាន់ស្គាល់អត្តសញ្ញាណនៅលើផ្លូវរថភ្លើង។
យ៉ាងណាក៏ដោយសមត្ថកិច្ចបានអះអាងថា សាកសពនេះមានអាយុប្រហែល៣០ឆ្នាំ សក់រួញ សម្បុរខ្មៅស្រអែម។
សមត្ថកិច្ចក៏បានសន្និដ្ឋានថា ជនរងគ្រោះអាចស្លាប់ដោយសាររថភ្លើងបុក ហើយបច្ចុច្បន្នសមត្ថកិច្ចកំពុងស្រាវជ្រាវរកសាច់ញាតិ មកទទួលយកទៅធ្វើបុណ្យបានប្រពៃណី៕
ហ្វីលីពីន៖ប្រជាពលរដ្ឋហ្វីលីពីនរាប់រយនាក់បានប្រមូលផ្ដុំគ្នាដើរជាក្បួនទៅកាន់ស្ថានទូតសហរដ្ឋអាមេរិកនៅក្នុងទីក្រុងម៉ានីល ដើម្បីតវ៉ាប្រឆាំងនឹងដំណើរទស្សនកិច្ចរបស់រដ្ឋមន្ត្រីការបរទេសសហរដ្ឋអាមេរិកនៅប្រទេសនេះកាលពីម្សិលមិញ។
ក្រុមអ្នកតវ៉ាបាននាំគ្នាកាន់បដានិងស្រែកថា «សូមដកកងទ័ពអាមេរិកចេញពីប្រទេសហ្វីលីពីននៅពេលនេះភ្លាម» ហើយកងកម្លាំងបង្ក្រាបកុបកម្មបានរារាំងក្រុមបាតុករមិនឲ្យចូលទៅដល់បរិវេណស្ថានទូតអាមេរិកនោះទេ។ ក្រុមអ្នកតវ៉ាបាននិយាយថា សហរដ្ឋអាមេរិកធ្វើដូចជាអព្យាក្រិត ប៉ុន្តែធាតុពិតសហរដ្ឋអាមេរិកគឺចង់ទប់ឥទ្ធិពលរបស់ចិន និងបង្កើតឥទ្ធិពលខ្លួននៅក្នុងតំបន់នេះ។
គួរបញ្ជាក់ថា ដំណើរទស្សនកិច្ចរបស់លោក ឃើរី ទៅកាន់ប្រទេសហ្វីលីពីននេះកើតឡើងនៅចំពេលដែលជម្លោះរវាងប្រទេសចិន និងហ្វីលីពីនកំពុងឡើងកម្ដៅខ្លាំងពាក់ព័ន្ធនឹងប្រជុំកោះនៅក្នុងដែនសមុទ្រចិនខាងត្បូង ក្រោយពីតុលាការក្រុងឡាអេបានប្រកាសសាលដីកាសម្រេចឲ្យភាគីហ្វីលីពីនឈ្នះក្ដីលើភាគីចិនកាលពីថ្ងៃទី១២ខែកក្កដាកន្លងទៅនេះ៕
ខេត្តបន្ទាយមានជ័យ៖រថយន្តកាមរីមួយគ្រឿងបោះពួយយ៉ាងលឿនរេចង្កូតក្រឡាប់៣ត្រឡប់ធ្លាក់ចូលកវាលស្រែធ្លាយចេញសត្វអណ្តើកចំនួន១២៣ក្បាល ដែលហេតុការណ៍នេះកើតឡើងនៅវេលាម៉ោង៥ល្ងាច ថ្ងៃទី២៧ ខែកក្កដា ឆ្នាំ២០១៦ នៅចំណុចតាមផ្លូវជាតិលេខ៥ ក្នុងភូមិសាលាក្រហម ឃុំសំរោង ស្រុកអូរជ្រៅ ខេត្តបន្ទាយមានជ័យ។
លោកវវរសេនីយ៍ឯក ចាប សុផារិទ្ធ ស្នងការរងខេត្តបន្ទាយមានជ័យទទួលបន្ទុកផ្នែកគ្រឿងញៀន និងសេដ្ឋកិច្ចបានឲ្យដឹងថា រថយន្តដែលក្រឡាប់នោះមានម៉ាកកាមរីស៊េរី៩៣ ពណ៌ស្លែ ពាក់ស្លាលេខពោធិ៍ សាត់ ២A០៤២៦។ លោកបន្តថា មុនពេលកើតហេតុនោះរថយន្តកាមរីនោះបានលួចដឹកអណ្តើកបើកចេញពីច្រកទ្វារច្រកអន្តរជាតិប៉ោយប៉ែតសំដៅចូលមកទីរួមខេត្តបន្ទាយមានជ័យក្នុងល្បឿនលៀនលុះបើកមកដល់ចំណុចកើតហេតុនោះស្រាប់តែរថយន្តនោះបានរេចង្កូតបើកធ្លាក់ចូលវាលស្រែតែម្តងនៅក្នុងខ្លុបរថយន្តខាងក្រោយរបើកឡើងក៏ធ្លាក់អណ្តើកជាច្រើនកញ្ចប់ក្រោយពីកើតហេតុរួចអ្នកដំណើរនៅទីនោះបានរាយការណ៍ទៅនគរបាលឲ្យចុះមកពិនិត្យ។ ចំណែកអ្នកបើករបរត់គេចខ្លួនបាត់ស្រមោល។
លោកស្នងការរងបញ្ជាក់ថា អណ្តើកចំនួន១២៣ក្បាលស្មើរនឹង២៨១គីឡូក្រាម។ អណ្តើកទាំងអស់នោះក្រោយពីធ្វើកំណត់ហេតុរួចនៅព្រឹកថ្ងៃទី២៨ ខែកក្កដា ឆ្នាំ២០១៦ នេះនគរបាលសេដ្ឋកិច្ចបានប្រគល់ទៅឲ្យមេព្រៃយកទៅអភិរក្សបន្ត៕
អ៊ីរ៉ាក់៖មនុស្សយ៉ាងហោចណាស់៦នាក់បានស្លាប់បាត់ជីវិតក្នុងហេតុការណ៍បំផ្ទុះគ្រាប់បែកអត្តឃាតនៅប៉ុស្តិ៍ត្រួតពិនិត្យរបស់ប៉ូលិសនៅសង្កាត់និកាយស៊ីអ៊ីតមួយកន្លែងនៅក្នុងទីក្រុងបាកដាដប្រទេសអ៊ីរ៉ាក់កាលពីម្សិលមិញ។
មន្ត្រីប៉ូលិសបាននិយាយថា អ្នកវាយប្រហារនៅក្នុងទីក្រុងបាកដាដនេះបានធ្វើដំណើរថ្មើរជើងហើយបានបំផ្ទុះគ្រាប់បែកដែលជាប់នឹងខ្លួននៅប៉ុស្តិ៍ប៉ូលិសស្ថិតនៅខាងជើងសង្កាត់ Shula ក្នុងទីក្រុងបាដាដ។ មន្ត្រីប៉ូលិសបន្តថា ក្នុងចំណោមអ្នកស្លាប់ទាំង៦នាក់នេះគឺមន្ត្រីប៉ូលិសចំនួន៣នាក់ និងជនស៊ីវិលចំនួន៣នាក់ ហើយមនុស្សចំនួន១៥នាក់ផ្សេងទៀតបានរងរបួស។
ទោះជាយ៉ាងណារហូតមកដល់ពេលនេះ គេមិនទាន់ឃើញក្រុមណាមួយអះអាងទទួលខុសត្រូវចំពោះការវាយប្រហារនេះទេ ប៉ុន្តែក្រុមសកម្មប្រយុទ្ធស៊ុននីធ្លាប់បានអះអាងទទួលខុសត្រូវចំពោះការវាយប្រហារបែបនេះដែលសំដៅទៅរកកងកម្លាំងសន្តិសុខ និងកន្លែងសាធារណៈជាពិសេសនៅកន្លែងណាដែលមានពលរដ្ឋនិកាយស៊ីអ៊ីតរស់នៅភាគច្រើន៕
រាជធានីភ្នំពេញ៖លោក ជាម យៀប រដ្ឋសភាពកម្ពុជា កំពុងជួបពិភាក្សាជាមួយសហភាពអឺរ៉ុប (EU) នាព្រឹកថ្ងៃព្រហស្បតិ៍នេះ នាវិមាន រដ្ឋសភា ទាក់ទងគម្រោងថវិកាឆ្នាំ២០១៦ ។ ទន្ទឹមនោះកិច្ចប្រជុំនេះ មានការចូលរួមពីសមាជិកសភា របស់គណបក្សសង្គ្រោះជាតិ (CNRP) ផងដែរ ។ កិច្ចប្រជុំ ជាមួយក្រុមការងារបច្ចេកទេស របស់សហភាពអឺរ៉ុបនេះ ដើម្បីវាយតម្លៃលក្ខណៈវិនិច្ឆ័យ ដែលទទួល យក បានសម្រាប់ថវិកាគាំទ្រនៅឆ្នាំ២០១៦នេះ៕
អាហ្គានីស្ថាន៖យោងតាមសារព័ត៌មាន BBC បានផ្សាយថា មេដឹកនាំសំខាន់មួយរូបរបស់ពួកក្រុមរដ្ឋឥស្លាមដែលធ្វើសកម្មភាពនៅក្នុងប្រទេសអាហ្គានីស្ថានបានស្លាប់ក្នុងកិច្ចសហប្រតិបត្តិការនៅក្នុងខេត្តណាងហ្គាហា។
មន្ត្រីអាហ្គានីស្ថានបាននិយាយថា មេដឹកនាំរូបនេះឈ្មោះ Saad Emarati គឺជាបុគ្គលម្នាក់ក្នុងចំណោមបុគ្គលផ្សេងទៀតជាអ្នករៀបចំបង្កើតក្រុមរដ្ឋឥស្លាមនៅក្នុងប្រទេសអាហ្គានីស្ថាន និងប៉ាគីស្ថាន ហើយបានដឹកនាំការវាយប្រហារជាច្រើនកន្លែងប្រឆាំងពួកតាលីបង់ និងរដ្ឋាភិបាលផងដែរ។
មន្ត្រីអាហ្គានីស្ថានថ្លែងថា Saad គឺជាមនុស្សម្នាក់ក្នុងចំណោម១២០នាក់ទៀតដែលសង្ស័យជាពួកសកម្មប្រយុទ្ធ ហើយត្រូវយោធារដ្ឋាភិបាលបាញ់សម្លាប់នៅក្នុងពេលប្រតិបត្តិការនៅក្នុងស្រុកកូត គឺក្រោយពេលប៉ុន្មានថ្ងៃដែលមានការវាយប្រហារដោយបំផ្ទុះគ្រាប់បែកនៅរដ្ឋធានីកាប៊ុល ហើយបានសម្លាប់មនុស្សអស់៨០នាក់។
គួរបញ្ជាក់ថា Saad គឺជាអតីតមេបញ្ជាការនៅក្នុងក្រុមឧទ្ធាមតាលីបង់ ប៉ុន្តែបុរសម្នាក់នេះប្តូរទៅចូលរួមការងារជាមួយពួករដ្ឋឥស្លាមវិញបន្ទាប់ពី Mullah Omar ជាអ្នកបង្កើតក្រុមឧទ្ទាមតាលបង់បានស្លាប់៕
រាជធានីភ្នំពេញ៖កម្ពស់ទឹកជំនន់សម្រាប់ថ្ងៃទី២៨ ខែកក្កដា ឆ្នាំ២០១៦នេះនៅតាមបណ្តាស្ថានីយជលសាស្ត្រនានា រួមមានស្ថានីយទន្លេមេគង្គ-ស្ទឹងត្រែង, ស្ថានីយទន្លេមេគង្គ-ក្រចេះ, ស្ថានីយទន្លេ មេគង្គ-កំពង់ចាម, ស្ថានីយបាសាក់-ចតុមុខ, ស្ថានីយមេគង្គ-អ្នកលឿង, ស្ថានីយបាសាក់-កោះខែល និងស្ថានីយទន្លេសាប-ព្រែកក្តាម៕ សូមអានព្រឹត្តិបត្រព័ត៌មានរបស់ក្រសួងធនធានទឹកខាងក្រោម៖
រាជធានីភ្នំពេញ៖យោងតាមរបាយការណ៍របស់អគ្គស្នងការនគរបាលជាតិបានឲ្យដឹងថា នៅថ្ងៃទី២៧ ខែកក្កដា ឆ្នាំ២០១៦ ម្សិលមិញនេះកម្លាំងនគរបាលជាតិ បានបង្ក្រាបបទល្មើស ជួញដូរ រក្សាទុក និងប្រើប្រាស់ ១២ករណី ឃាត់ មនុស្ស ១៦នាក់ (ស្រី៤នាក់) ក្នុងនោះមុខសញ្ញា ជួញដូរ ១៥នាក់ និងមុខសញ្ញា ប្រើប្រាស់១នាក់ និង រឹងអូស គ្រឿងញៀន មេតំហ្វេតាមីន (ice) ៧,០១ក្រាមនិង១៤កញ្ចប់តូច។
របាយការណ៍ដដែលបញ្ជាក់ថា ទីតាំងបង្ក្រាប ទី១. មន្ទី បង្រា្កប ១ករណី ឃាត់ខ្លួន ២នាក់ (ស្រី១នាក់) មេតំហ្វេតាមីន (ice) ២,៤១ក្រាម, ទី២. ភ្នំពេញ បង្រា្កប ២ករណី ឃាត់ខ្លួន ៣នាក់ (ស្រី១នាក់) មេតំហ្វេតាមីន (ice) ១៣កញ្ចប់តូច, ទី៣. សៀមរាប បង្រា្កប ៣ករណី ឃាត់ខ្លួន ៤នាក់ (ស្រី១នាក់) មេតំហ្វេតាមីន (ice) ១,៤ក្រាម, ទី៤. កំពង់ចាម បង្រា្កប ១ករណី ឃាត់ខ្លួន ១នាក់ (ប្រុស) មេតំហ្វេតាមីន (ice) ១កញ្ចប់តូច, ទី៥. ស្វាយរៀង បង្រា្កប ២ករណី(២ដីការ) ឃាត់ខ្លួន ២នាក់ (ប្រុស), ទី៦. បន្ទាយមានជ័យ បង្រា្កប ១ករណី ឃាត់ខ្លួន ១នាក់(ប្រុស) មេតំហ្វេតាមីន (ice) ០,៨៥ក្រាម, ទី៧. ត្បូងឃ្មុំ បង្រា្កប ១ករណី ឃាត់ខ្លួន ២នាក់ (ស្រី១នាក់) មេតំហ្វេតាមីន (ice) ០,០៥ក្រាម និងទី៨. កំពង់ស្ពឺ បង្រា្កប ១ករណី ឃាត់ខ្លួន ១នាក់ (ប្រុស) មេតំហ្វេតាមីន (ice) ២,៣ក្រាម៕
រាជធានីភ្នំពេញ៖នៅថ្ងៃ ទី២៧ ខែកក្កដា ឆ្នាំ២០១៦ម្សិលមិញនេះមានករណីគ្រោះថ្នាក់ចរាចរណ៍ នៅទូទាំងប្រទេសកើតឡើងចំនួន១០លើក (យប់៥លើក) បណ្តាលឲ្យមនុស្សស្លាប់២នាក់ រងរបួសធ្ងន់១៨នាក់ និងរបួសស្រាល២នាក់។ នេះបើតាមរបាយការណ៍របស់អគ្គស្នងការនគរបាលជាតិ។
ប្រភពដដែលបន្តថា នៅក្នុងហេតុការណ៍គ្រោះថ្នាក់ចរាចរណ៍ទាំង១០លើកនេះ បណ្តាលឲ្យខូចខាតយានយន្ត សរុបចំនួន១៦គ្រឿង រួមមានម៉ូតូចំនួន៦គ្រឿង រថយន្តធុនតូចចំនួន៥គ្រឿង រថយន្តធុនធំចំនួន៣គ្រឿង និងយានផ្សេងៗ២គ្រឿង។ ប្រភពបញ្ជាក់ថា មូលហេតុដែលបណ្តាលឲ្យកើត មានករណីគ្រោះថ្នាក់ចរាចរណ៍ រួមមានល្មើសល្បឿន៥លើក, បត់គ្រោះថ្នាក់១លើក, មិនគោរពសិទ្ធិ៣លើក,ប្រជែងគ្រោះថ្នាក់១លើក ។ ក្នុងនោះអ្នកមិនពាក់មួកសុវត្ថិភាព ពេលគ្រោះថ្នាក់ចរាចរណ៍៥នាក់ (យប់៣នាក់)។
ជាមួយគ្នានោះនៅថ្ងៃទី២៧ ខែកក្កដា ឆ្នាំ២០១៦ លទ្ធផលត្រួតពិនិត្យអនុវត្តច្បាប់ចរាចរណ៍ផ្លូវគោកឃើញថា យានយន្តដែលល្មើសសរុបទូទាំងប្រទេសមាន ចំនួន៣,៤៨៩គ្រឿង ក្នុងនោះបានធ្វើការអប់រំ ចំនួន១,៤៦៦គ្រឿង និងពិន័យសរុប ចំនួន២,០២៣គ្រឿង៕
ដោយ៖ប្រុញ វិធិន
ក្រចេះ៖ការិយាល័យប្រឆាំងបទល្មើសគ្រឿងញៀននៃស្នងការនគរបាលខេត្ត បញ្ជូនខ្លួនជនសង្ស័យ ៤នាក់ ២ករណី ពាក់ព័ន្ធនឹងករណី រក្សាទុក និងជូញដូរដោយខុសច្បាប់នូវសារធាតុញៀន ទៅតុលាការខេត្តក្រចេះ កាលពីព្រឹកថ្ងៃទី២៧ ខែកក្កដា ឆ្នាំ២០១៦ ក្រោយពេលមន្ត្រីជំនាញ ធ្វើតេសម្សៅក្រាមពណ៌សដែលដកហូតបាន ដោយបញ្ជាក់ថា គឺពិតជាគ្រឿងញៀន មេតំហ្វេតាមីន ។
នាយការិយាល័យប្រឆាំងបទល្មើសគ្រឿងញៀនខេត្ត លោក គង់ ស៊ីដន បានអោយដឹងថា ជនសង្ស័យ ទី១ ឈ្មោះ ត្រិ ណាវី ភេទប្រុស អាយុ ២០ឆ្នាំ , ទី២ ឈ្មោះ យេស ហ្វាសល់ ភេទប្រុស អាយុ ១៦ឆ្នាំ និងទី៣ ឈ្មោះ សាន់ អាហ្វីន ភេទប្រុស អាយុ ២០ឆ្នាំ ជនសង្ស័យទាំងបីនាក់ ជាជនជាតិខ្មែឥស្លាម មានមុខរបរមិនពិតប្រាកដ មានទីលំនៅ ភូមិជំនីក ឃុំជំនីក ស្រុកក្រូចឆ្មារ ខេត្តត្បូងឃ្មុំ ។ លោក បានបន្តថា ជនសង្ស័យទាំងបីនាក់ខាងលើនេះ គឺត្រូវបានកម្លាំងជំនាញនៃអធិការរដ្ឋាននគរបាលស្រុកសំបូរ ធ្វើការបង្ក្រាបចាប់ឃាតបាន កាលពីថ្ងៃទី២៥ ខែកក្កដា ឆ្នាំ២០១៦កន្លងទៅ នៅចំណុចមាត់ច្រាំងទន្លេ ឋិតក្នុងភូមិកែងប្រសាទឃុំសំបូរ ស្រុកសំបូរ ខេត្តក្រចេះ ។ ដោយក្នុងនោះ សមត្ថកិច្ច បានឆែកឆេររកឃើញ និងដកហូតបានវត្ថុតាំងរួមមាន ម្សៅក្រាមពណ៌ស ១កញ្ចប់ធំ ម៉ូតូ ១គ្រឿង ម៉ាកហុងដាឌ្រីម ពណ៌ខ្មៅ ស៊េរីឆ្នាំ២០១៦ និងទូរសព្ទ័ចំនួន ៣គ្រឿង ចិញ្ចៀន ១វង់ ប្រាក់រៀលចំនួន ១៤,៦០០រៀល និងប្រាក់ដុល្លា ចំនួន ៥០ដុល្លា។ ចំណែកឯ ជនសង្ស័យទី៤ ឈ្មោះ ពិន សុខ ភេទប្រុស អាយុ ២១ឆ្នាំ ជនជាតិខ្មែរ មុខរបរអ្នកនេសាទត្រី រស់នៅភូមិថ្មី ឃុំខ្សាច់អណ្ដែត ស្រុកឆ្លូង ខេត្តក្រចេះ និងឆែកឆេរ ដកហូតវត្ថុតាងរួមមាន ម្ស៉ៅក្រាមពណ៌ស ចំនួន ២កញ្ចប់តូច ម៉ូតូ ម៉ាក អាសង់ការ៉េ ១គ្រឿង ទូរសព្ទ័ដៃ ២គ្រឿង ។
បច្ចុប្បន្ន ជនសង្ស័យទាំង ៤នាក់ ត្រូវបានការិយាល័យប្រឆាំងបទល្មើសគ្រឿងញៀននៃស្នងការនគរបាលខេត្ត បញ្ជូនខ្លួនជនសង្ស័យ ៤នាក់ ២ករណី ពាក់ព័ន្ធនឹងករណី រក្សាទុក និងជួញដូរដោយខុសច្បាប់នូវសារធាតុញៀន ទៅតុលាការខេត្តក្រចេះ ដើម្បីចាត់ការបន្តតាមនីតិវិធីច្បាប់៕
អាមេរិក៖ទីបំផុតទៅលោកស្រី ហ៊ីលឡារី គ្លីនតុន បានឈ្នះការតែងតាំងជាបេក្ខជនប្រធានាធិបតីតំណាងបក្សប្រជាធិបតេយ្យហើយកាលពីថ្ងៃអង្គារ ដើម្បីចូលរួមប្រកួតប្រជែងក្នុងការបោះឆ្នោត ដែលនឹងប្រព្រឹត្ដទៅនៅខែវិច្ឆិកាខាងមុខ។ នេះបើតាមសារព័ត៌មានស៊ិនហួ។
លោកស្រីជាស្ដ្រីទីមួយដែលអាចទទួលសំឡេងគាំទ្រ ឲ្យចូលរួមការប្រកួតប្រជែងគ្រប់គ្រងសេតវិមានអាមេរិក។ លោកស្រី ហ៊ីលឡារី គ្លីនតុន មានវ័យ ៦៨ឆ្នាំទៅហើយ ដោយមុននឹងឈានជើង ដល់តំណាក់កាលនេះ លោកស្រីបានចំណាយពេល៤ឆ្នាំក្នុងយុទ្ធនាការឃោសនាទាក់ទាញសំឡេងគាំទ្រ។
លោកស្រីគ្លីនតុននឹងទទួលយកការតែងតាំងជាផ្លូវការនៅយប់ថ្ងៃព្រហស្បតិ៍ មុនពេលផ្ដោតជាសំខាន់លើយុទ្ធនាការឃោសនាបោះឆ្នោតបន្ដទៀត សម្រាប់តំណែងប្រធានាធិបតីអាមេរិក ប្រជែងជាមួយដៃគូដ៏ខ្លាំងខាងគណបក្សសាធារណរដ្ឋគឺលោកដូណាល់ ត្រាំ បច្ចុប្បន្នក៏បានឈ្នះការតែងតាំងជាបេក្ខជនប្រធានាធិបតីតំណាងបក្សដូចគ្នា។
គួរបញ្ជាក់ថា ភាពរកាំរកុះរឿងបណ្តឹងលើសារអេឡិចត្រូនិកផ្ទាល់ខ្លួនរបស់លោកស្រី គ្លីនតុន និង ការកើតមានអំពើ បាញ់ប្រហារនាពេលថ្មីៗនេះ ក៏បាននាំឲ្យប្រជាប្រិយភាពរបស់លោកស្រី ធ្លាក់ចុះមួយកម្រិតផងដែរ ខណៈផល ចំណេញបានធ្លាក់ទៅលើលោក Trump ដែលបានធ្វើការវាយប្រហារមកលើលោកស្រី គ្លីនតុន មិនសម្ចៃមាត់។ យ៉ាងណាក៏ដោយ អ្វីៗនឹង បង្ហាញច្បាស់នៅក្នុង ការបោះឆ្នោតសកលខែវិច្ឆិកា ខាងមុខនេះ៕
រាជធានីភ្នំពេញ៖នៅវេលាម៉ោង១០ និង៣០នាទីព្រឹកថ្ងៃទី២៧ ខែកក្កដា ឆ្នាំ២០១៦នេះ កម្លាំងនគរបាលខណ្ឌសែនសុខ បានចុះចាប់ខ្លួនក្រុមចែកចាយ ជក់គ្រឿងញៀនចំនួន២០នាក់នៅភូមិ ត្រពាំងឈូក សង្កាត់ទឹកថ្លា ខណ្ឌសែនសុខ។
អធិការនគរបាលខណ្ឌសែនសុខ លោក ម៉ក់ ហុង បានឲ្យដឹងថា កម្លាំងរបស់អធិការដ្ឋាននគរបាលខណ្ឌ បានចុះរដ្ឋបាលលើទីតាំងសង្ស័យ ពាក់ព័ន្ធនឹងគ្រឿងញៀន នៅក្រុមទី១០-១១ ភូមិត្រពាំងឈូក សង្កាត់ទឹកថ្លា ដោយបានឃាត់ខ្លួនមនុស្ស២០នាក់ និងដកហូតឧបករណ៍ ជក់គ្រឿងញៀនមួយចំនួនផងដែរ។ លោកបញ្ជាក់ថា បច្ចុប្បន្នកម្លាំងនគរបាលសហការជាមួយការិយាល័យជំនាញដើម្បីធ្វើតេស្តរកសារធាតុញៀន អនុវត្តន៍តាមនីតិវិធីផ្លូវច្បាប់៕
រាជធានីភ្នំពេញ៖អគ្គិសនីកម្ពុជា ( EDC ) បានចេញសេចក្តីជូនដំណឹងមួយនៅថ្ងៃពុធនេះ ដោយប្រកាសអំពីការផ្អាកផ្គត់ផ្គង់អគ្គិសនីនៅតំបន់មួយចំនួនក្នុងរាជធានីភ្នំពេញ ចាប់ពីថ្ងៃទី២៨ដល់៣១ ខែកក្កដា ឆ្នាំ២០១៦ ដើម្បីអនុវត្តការជួសជុលផ្លាស់ប្តូរដំឡើងបរិក្ខារ និងរុះរើកន្លែងខ្សែបណ្តាញបង្កលក្ខណៈដល់ការដ្ឋានពង្រីកផ្លូវ៕
រាជធានីភ្នំពេញ៖អតីតមន្ត្រីនៃក្រសួងការបរទេសម្នាក់ ត្រូវបានតុលាការផ្តន្ទាទោស ឲ្យជាប់ពន្ធនាគារ២ឆ្នាំពាក់ព័ន្ធប្រព្រឹត្តអំពើពុករលួយ តែអនុវត្តក្នុងពន្ធនាគារ១ឆ្នាំនិងពិន័យជាប្រាក់៦លានរៀល ។សាលា
ដំបូង រាជធានីភ្នំពេញ នៅព្រឹកថ្ងៃទី២៧ ខែកក្កដា នេះ បានប្រកាសសាលក្រម ផ្តន្ទាទោស ឈ្មោះ អ៊ា សែ អាយុ៤២ឆ្នាំ អតីតប្រធានការិយាល័យអូស្ត្រាលី ញូសេឡង់ នៅនាយកដ្ឋានអាស៊ី២ នៃក្រសួងការបរទេសក្រោមបទចោទប្រកាន់ ពីបទ វិតិក្រម តាមមាត្រា៥៩២ និង ៥៩៣ នៃក្រមព្រហ្មទណ្ឌ ។ នាពេលសវនាការកន្លងទៅ ជនជាប់ចោទ បានសារភាពថា ពិតជាបានប្រព្រឹត្តដូចការ ចោទប្រកាន់មែន ហើយស្នើឲ្យតុលាការ បន្ធូរបន្ថយទោស៕
មេគង្គប៉ុស្តិ៍លើបណ្តាញសង្គម
ព័ត៌មានគួរចាប់អារម្មណ៍
