រាជធានីភ្នំពេញ៖មន្ត្រីម្នាក់បានប្រាប់អ្នកសារព័ត៌មានថា សាលារាជធានីភ្នំពេញ ទទួលបានលិខិតជូនដំណឹងការដង្ហែសព លោក កែម ឡី ពីក្រុមគ្រួសារសពហើយ មកដល់រសៀលថ្ងៃនេះ។
យ៉ាងណាក៏ដោយ មន្ត្រីសាលារាជធានីភ្នំពេញ បានអះអាងថា នឹងកោះប្រជុំជាមួយសមាជិកក្រុមគ្រួសារ នៅរសៀលថ្ងៃស្អែក ដើម្បីត្រៀមរៀបចំធ្វើយ៉ាងណា រក្សាសន្តិសុខ សណ្តាប់ធ្នាប់ឲ្យបានល្អ ក្នុងអំឡុងពេលនៃការដង្ហែសព លោក កែម ឡី៕
ហ្វីលីពីន៖រដ្ឋមន្ត្រីការបរទេស Perfecto Yasay បានឲ្យដឹងកាលពីថ្ងៃអង្គារថា លោកបានច្រានចោលសំណើមួយពីសមភាគីចិនរបស់លោកក្នុងការចាប់ផ្តើមកិច្ចចរចាទ្វេភាគីស្តីពីបញ្ហាជម្លោះសមុទ្រចិនខាងត្បូងរបស់ពួកគេនៅលើលក្ខខណ្ឌដែលថាការសម្រេចរបស់តុលាការអន្តរជាតិកាលពីសប្តាហ៍មុនគឺមិនត្រូវបានពិភាក្សានោះទេ។
លោក Yasay បាននិយាយក្នុងបទសម្ភាសន៍មួយជាមួយប៉ុស្តិ៍ព័ត៌មាន ABS-CBN ថា “ពួកគេបានទទូចដល់យើងកុំឲ្យធ្វើការអធិប្បាយណាមួយអំពីរឿងនោះ។ រដ្ឋមន្ត្រីការបរទេសចិនបានស្នើសុំឲ្យយើងបើកចិត្តចំពោះការចរចាទ្វេភាគីប៉ុន្តែមិនគោរពតាមសេចក្តីសម្រេចរបស់តុលាការអន្តរជាតិ”។
លោកបន្តថា “នេះគឺជាអ្វីដែលខ្ញុំបានប្រាប់គាត់ថាវាគឺមិនស្របជាមួយនឹងរដ្ឋធម្មនុញ្ញនិងផលប្រយោជន៍ជាតិរបស់យើង” ។
លោក Yasay បានឲ្យដឹងថា លោកបានជួបសមភាគីរបស់លោកនៅខាងក្រៅកិច្ចប្រជុំកំពូលនៃមេដឹកនាំអាស៊ី-អឺរ៉ុបមួយនៅប្រទេសម៉ុងហ្គោលីកាលពីសប្តាហ៍មុន។
លោកបានបន្ថែមថាអាទិភាពដំបូងសម្រាប់ប្រទេសហ្វីលីពីនគឺការចរចាអំពីសិទ្ធិនៃអ្នកនេសាទរបស់ខ្លួនដើម្បីត្រឡប់ទៅកាន់តំបន់ថ្មប៉ប្រះទឹក Scarborough វិញនិងការអនុវត្តផ្នែកផ្សេងទៀតទាំងអស់នៃសេចក្តីសម្រេចនេះ។
ចៅក្រមនៅតុលាការអន្តជាតិក្រុងឡាអេបានច្រានចោលការទាមទារសិទ្ធិសេដ្ឋកិច្ចរបស់ប្រទេសចិននៅទូទាំងតំបន់ជាច្រើនក្នុងសមុទ្រចិនខាងត្បូងនៅក្នុងសេចក្តីសម្រេចមួយដែលត្រូវបានអះអាងថាជាការទទួលជ័យជម្នះរបស់ប្រទេសហ្វីលីពីន។
តុលាការបានសម្រេចថា “មិនមានមូលដ្ឋានច្បាប់ទេសម្រាប់ប្រទេសចិនក្នុងការទាមទារសិទ្ធិជាប្រវត្តិសាស្ត្រចំពោះធនធានក្នុងតំបន់សមុទ្រ”។
ទោះបីជាយ៉ាងណាក៏ដោយ ប្រទេសចិនដែលបានធ្វើពហិការមិនចូលរួមក្នុងករណីដែលនាំយកដោយប្រទេសហ្វីលីពីនមួយនេះបាននិយាយថា ខ្លួននឹងមិនខ្វល់ខ្វាយអ្វីទាំងអស់ចំពោះសេចក្តីសម្រេចណាមួយ។
គួរបញ្ជាក់ថា ទីក្រុងម៉ានីលបានដាក់ពាក្យបណ្តឹប្រឆាំងនឹងក្រុងប៉េកាំងនៅឆ្នាំ២០១៣ហើយបាននិយាយថា បន្ទាប់ពីការចរចារយៈពេល១៧ឆ្នាំ ខ្លួនពិតជានឿយហត់ចំពោះមធ្យោបាយនយោបាយនិងការទូតទាំងអស់៕
ខេត្តស្វាយរៀង៖ផ្ទះពលរដ្ឋនៅស្រុកស្វាយជ្រំខេត្តស្វាយរៀងចំនួន១៣ខ្នងរងការដួលរលំរៀបស្មើដីខូចខាតយ៉ាងរណំដដោយសារធ្លាក់ភ្លៀងមួយមេធំលាយឡំខ្យលកន្ក្រាក់ជាមួយនិងផ្គររន្ទះផងនោះមានផ្ទះបងប្អូនប្រជាពលរដ្ឋដួលរលំនិងប៉ើងដំបូល។ ហេតុការណ៍ខ្យល់កន្ត្រាក់បានកើតឡើងកាលពីវេលាម៉ោង៤ និង៣០នាទីល្ងាចថ្ងៃទី១៨ ខែកក្កដា ឆ្នាំ២០១៦នៅស្រុកស្វាយជ្រំតែងម្តង។
បើតាមប្រភពពីមន្ត្រីសាលាស្រុកស្វាយជ្រំបានឱ្យដឹងថា៖ហេតុការណ៍ខ្យល់កន្ត្រាក់មិនបង្កឱ្យពលរដ្ឋណាម្នាក់ទទួលរងរបួសរឺស្លាប់នោះឡើយ។ ប្រភពបន្តថា គ្រាន់តែផ្ទះប្រជាពលរដ្ឋចំនួន១៣ខ្នងរងការដួលរលំទាំងស្រុងនិង១របើកដំបូលហើយដើមឈើមួយចំនួនរងការដួលរលំផងដែរ។ ប្រភពបញ្ជាក់ថា គ្រោះធម្មជាតិខ្យល់កន្ត្រាក់នេះដែរបានបង្កឱ្យពលរដ្ឋទាំង១៣គ្រួសារប្រឈមខ្វះទីជម្រក គ្រាដែលនៅខេត្តស្វាយរៀងក្នុងរយៈពេលប៉ុន្មាថ្ងៃចុងក្រោយមានភ្លៀងធ្លាក់ជាបន្តបន្ទាប់ជាប់គ្នាតែម្តង ។
ប្រភពដដែបននឱ្យដឹងថា ផ្ទះប្រជាពលរដ្ឋដែលរងគ្រោះនោះមានឃុំឈើទាល៩ខ្នង ឃុំក្រោលគោ៣ខ្នង និងឃុំគោកព្រីង១ខ្នង។ អាកាសធាតុបានប្រែប្រួលខ្លាំងឡើងៗពីមួយថ្ងៃទៅមួយថ្ងៃទាំងនៅប្រទេសកម្ពុជា ក្នុងតំបន់ និងពិភពលោក៕
រាជធានីភ្នំពេញ៖អ្នករកស៊ីរត់ម៉ូតូឌុបម្នាក់ត្រូវបានជនខិលខូចប្រើល្បិចបោកម៉ូតូយកទៅបាត់កាលពីវេលាម៉ោង៦ និង៤០ នាទីព្រឹកថ្ងៃទី១៩ ខែកកដ្កា ឆ្នាំ២០១៦នៅចំណុចផ្សារព្រែកព្នៅផ្លាហ្សា ផ្លូវទំនប់កប់ស្រូវភូមិឡកំបោ សង្កាត់ស្វាយប៉ាក ខណ្ឌឫស្សីកែវ ។
ជនរងគ្រោះម្ចាស់ម៉តូមានឈ្មោះ វិន វ៉ន ភេទប្រុអាយុ ៣៥ឆ្នាំមានមុខរបររត់ម៉ូតូឌុបស្នាក់ភូមិពោធិ៍មង្គលសង្កាត់ព្រែកព្នៅខណ្ឌព្រែកព្នៅម៉ូតូដែលជនសង្ស័យយកទៅបាត់នោះម៉ាកហុងដាសេ១២៥ពណ៌ខ្មៅស៊េរីឆ្នាំ២០១៦ពាក់ស្លាកលេខភ្នំពេញ 1FY-6265ចំណែកឯជនសង្ស័យមានគ្នា២នាក់។
តាមប្រភពព័ត៌មានពីជនរងគ្រោះបានអោយដឹងថា នៅមុនពេលកើតហេតុរូបគាត់បានអង្គុយលើម៉ូតូចាំដឹកម៉ូយដូចសពដងនៅតាមបណ្តោយផ្លូវជាតិលេខ៥ត្រង់ចំណុចមុខ មណ្ឌលសុខភាពព្រែកព្នៅ ភូមិពោធិ៍មង្គលសង្កាត់ព្រែកព្នៅ ខណ្ឌព្រែកព្នៅ ខណេៈពេលអង្គុយចាំដឹកម៉ូយស្រាប់តែមានបុរសមានអាយុប្រហែលជាង៤០ឆ្នាំស្លៀកតានុយស្អាតបាតដើរមកសំដៅរូបគាត់បានហៅអោយរូបគាត់ឌុបរូបគេទៅផ្ទះនៅន្លែងកើតហេតុខាងលើក្នុងតំលៃពីរពាន់រៀល។ បន្ទាប់ពីដឹកជនសង្ស័យចំណុខាងលើបានជួបបក្សគេម្នាក់ទៀតកំពុងឈរចាំនៅទីនោះហើយជនសង្ស័យបានប្រើល្បិចធ្វើជាខ្ចីសោម៉ូតូជនរងគ្រោះជិះទៅយកសោរផ្ទះពីប្អូននៅក្បែរនេះបន្តិចទៀតមកវិញហើយដោយអោយរងគ្រោះឈរចាំនៅកន្លែងកើតហេតុចាំយូរទៅៗ មិនឃើញត្រឡប់មកវិញទើបដឹកថា ខ្លួនចាញ់បោកគេទើបរត់មកម្តឹងសមត្ថកិប៉ុស្តិ៍ស្វាយប៉ាកអោយជួយអន្តរាគមន៍តែម្តង៕
សិល្បៈ៖អតីតតារាសម្តែងនាទស្សវត្សន៍ឆ្នាំ៩០លោក យស បូវណ្ណះ បានប្រកាសវិលមកការសម្តែងជាថ្មីឡើងវិញ បន្ទាប់ពីលោកបានរសាត់អណ្តែតផ្ញើវាសនាថ្មីលើទឹកដីអាមេរិកអស់រយៈពេលជាច្រើនឆ្នាំមកនេះ។
ការប្រកាសរបស់លោក យស បូវណ្ណះ នាពេលនេះធ្វើឡើង បន្ទាប់ពីអ្នកសិល្បៈរួមជំនាន់របស់លោកគឺអ្នកនាង អម្ពរ ទេវី នឹងមកស្រុកខ្មែរនាពាក់កណ្តាលខែក្រោយនេះ ដើម្បីថតខ្សែភាពយន្តជាថ្មីក្នុងរឿង ទឹកចិត្តម្តាយសម័យថ្មីរបស់អ្នកស្រី ពាន់ ភួងបុប្ឆា។
លោក យស បូវណ្ណះ បានអះអាងថា លោកសាទរចំពោះវត្តមាននៃការសម្តែងឡើងវិញរបស់អ្នកនាង អម្ពរ ទេវីខណះពេលដែលលោកក៏មានគម្រោងនិងវិលមកការសម្តែងជាថ្មីឡើងវិញនាពេលខាងមុខនេះដូចគ្នា។
បញ្ជាក់ថា តាមពិតលោកមានបំណងវិលមកសម្តែងជាថ្មីឡើងវិញនេះមុនអ្នកនាង អម្ពរ ទេវី ទៅទៀត ប៉ុន្តែដោយសារតែលោកនៅមិនទាន់មានពេលគ្រប់គ្រាន់នៅឡើយ។ កន្លងមកមានម្ចាស់ផលិតកម្ម និងតារាសម្តែងជើងចាស់គឺអ្នកស្រី ឌី សាវ៉េត បានទាក់ទង និងជម្រុញឲ្យលោកមកថតកុនជាថ្មីដែរ ហើយសំណើរនេះលោកក៏បានឯកភាពទទួលយក ហើយលោកនឹងលៃពេលសមស្របណាមួយដើម្បីធ្វើរឿងនេះ។
បើតាមលោក យស បូវណ្ណះ ក្នុងអំឡុងចុងឆ្នាំនេះឬក៏ឆ្នាំក្រោយរូបលោកនឹងចុះទៅស្រុកខ្មែរ ប្រសិនបើមានការទំនាក់ទំនងពីបណ្តាលផលិតកម្មនានា ដើម្បីឲ្យលោកចូលរួមការសម្តែង។
លោកជឿថា ប្រិយមិត្តដែលធ្លាប់គាំទ្ររូបលោក និងតារាមួយចំនួនទៀតដែលរួមជំនាន់ជាមួយលោកនោះពិតជានៅតែទន្ទឹងរងចាំការសម្តែងរបស់ពួកលោកជាថ្មី ព្រោះកន្លងមកពួកគាត់មានការនិយមគាំទ្រយ៉ាងច្រើនចំពោះខ្សែភាពយន្តខ្មែរដែលបានផលិតនាឆ្នាំ១៩៩០។
លោកបញ្ជាក់ថា រូបលោក និងអតីតតារាសម្តែងមួយចំនួនទៀតដែលរស់នៅសហរដ្ឋអាមេរិកបានត្រៀមខ្លួនរួចជាស្រេចក្នុងការចូលរួមសម្តែងជាថ្មី តាមសំណើររបស់ផលិតករនានា។
យ៉ាងណាក៏ដោយការចូលរួមសម្តែងជាថ្មីឡើងវិញនេះមិនមែនមានន័យថា លោកត្រូវតែសម្តែងជាតួអង្គឪពុកនោះឡើយ ពោលលោកស្នើឲ្យអ្នកសសើររឿងធ្វើយ៉ាងណាឲ្យសាកសមទៅនឹងអត្តចារិកពិតរបស់លោក ខណះពេលដែលលោកនៅមានលក្ខណះគ្រប់គ្រាន់ក្នុងការសម្តែងតាមប្រភេទតួទាំងអស់។ ដោយឡែកប្រសិនជាអាចលោកសូមស្នើឲ្យម្ចាស់ផលិតកម្មរើសយកតួសម្តែងរួមជំនាន់ជាមួយលោកទាំងចូលរួមសម្តែងរួមគ្នា ដើម្បីជាការបើកទំព័រជាថ្មីក្នុងវិស័យសិល្បះទី៧របស់ខ្មែរ សម្រាប់អ្នកដែលធ្លាប់គាំទ្រ និងឲ្យក្មេងជំនាន់ក្រោយបានស្គាល់ពីតួអង្គសម្តែងខ្មែរនាឆ្នាំ១៩៩០។
លោកជឿថា នៅស្រុកខ្មែរពិតជាមានអ្នកផលិតភាពយន្តខ្មែរដែលមានសមត្ថភាពខ្ពស់ សម្រាប់ផលិតរឿងឲ្យបរទេសទទួលស្គាល់ ហើយលោកនៅតែមានសុទិដ្ឋិនិយមថា ទស្សនិកជននឹងតែចង់មើលពីការសម្តែងរបស់ពួកលោកដដែល។
យ៉ាងណាក៏ដោយលោក យស បូវណ្ណះ បានសម្តែងការអរគុណដល់ទស្សនិកជនដែលនៅតែគាំទ្រ និងលើកទឹកចិត្តឲ្យរូបលោក និងអ្នកសិល្បះចាស់ៗរួមជំនាន់ជាមួយលោកវិលមកការសម្តែងជាថ្មីឡើងវិញ បើទោះបីជាពេលនេះពួកលោកកំពុងតែផ្ញើរវាសនាក្នុងប្រទេសទីពីរនេះក៏ដោយ៕
រាជធានីភ្នំពេញ៖គណៈកម្មាធិការអចិន្ត្រៃយ៍នៃរដ្ឋសភាបានសម្រេចច្រានចោលរបៀបវារៈដែលស្នើឱ្យរដ្ឋសភា លើកអភ័យឯកសិទ្ធិតំណាងរាស្ត្ររបស់គណបក្សប្រឆាំង២រូប ហើយចាត់ចែងឱ្យគណៈកម្មការទី៦ ពន្យល់ដល់ក្រសួងយុត្តិធម៌ និងតុលាការអំពីរឿងនេះ។
ថ្លែងក្នុងសន្និសីទកាសែតក្រោយបញ្ចប់កិច្ចប្រជុំគណៈកម្មាធិការអចិន្ត្រៃយ៍នៅថ្ងៃទី១៨ ខែកក្កដា ឆ្នាំ២០១៦នេះ លោក ឡេង ប៉េងឡុង បានអះអាងថា គណៈកម្មាធិការអចិន្ត្រៃយ៍នៃរដ្ឋសភា បានប្រគល់ភារកិច្ចឱ្យគណៈកម្មាធិការទី៦ ដែលដឹកនាំដោយ លោក ប៉ែន បញ្ញា ពន្យល់ដល់ក្រសួងយុត្តិធម៌វិញ ជុំវិញសេចក្តីសម្រេចរបស់ខ្លួន។
គួរបញ្ជាក់ថា កាលពីថ្ងៃទី៣០ ខែមិថុនា ឆ្នាំ២០១៦ ក្រសួងយុត្តិធម៌ បានបញ្ជូនសំណើរបស់តំណាងអយ្យការអមសាលាដំបូងរាជធានីភ្នំពេញ ដែលស្នើឱ្យរដ្ឋសភាលើកអភ័យឯកសិទ្ធិ របស់តំណាងរាស្ត្រគណបក្សប្រឆាំង២រូប ក្នុងនោះមាន លោក តុ វ៉ាន់ចាន់ តំណាងរាស្ត្រមណ្ឌលខេត្តកណ្តាល និងលោក ពិន រតនា តំណាងរាស្ត្រមណ្ឌលខេត្តបាត់ដំបង ដើម្បីឱ្យតុលាការបន្តនីតិវិធីតាមផ្លូវច្បាប់៕
ខេត្តប៉ៃលិន៖ដោយតែមានជំងឺផ្លូវចិត្តយុវតីវ័យទើបតែ១៧ឆ្នាំម្នាក់បានសម្រេចចិត្តចងកបញ្ចប់ជីវិតខ្លួនឯងនៅលើផ្ទះ។ ហេតុការណ៍ភ្ញាក់ផ្អើលនេះកើតឡើងនាព្រឹកថ្ងៃទី១៨ ខែកក្កដា ឆ្នាំ២០១៦នេះ ស្ថិតនៅភូមិវត្ត សង្កាត់-ក្រុងប៉ៃលិន។ យុវតីរងគ្រោះឈ្មោះ ម៉ៅ វិជួន អាយុ១៧ឆ្នាំ រស់នៅភូមិកើតហេតុខាងលើនេះ។
បើតាមសមត្ថកិច្ចមូលដ្ឋាន អោយចុះទៅត្រួតពិនិត្យ និងធ្វើកោសល្យវិច្ច័យបានសន្និដ្ឋានថា សាកសពយុវតីរងគ្រោះពិតជាបានស្លាប់ដោយសារតែចង់ ក ខ្លួនឯងពិតមែន គឺបណ្ដាលមកពីបញ្ហាមានជំងឺផ្លូវចិត្ត និងគ្មានស្នាកស្នាមអ្វីពាក់ព័ន្ធនិងអំពើឃាតកម្មនោះឡើយ ។
បច្ចុប្បន្ននេះសមត្ថកិច្ចបានប្រគល់សាកសពស្ត្រីរងគ្រោះទៅអោយ ក្រុមគ្រួសារយក ទៅធ្វើបុណ្យតាមប្រពៃណី៕
ខេត្តកណ្តាល៖កម្មករ-កម្មការិនីប្រមាណ៨៨នាក់បម្រើការងារ នៅរោងចក្រកាត់ដេរយីហោ Grand East Footwear បានដួលសន្លប់បន្តបន្ទាប់ដោយមិនទាន់ដឹងមូលហេតុនៅព្រឹកថ្ងៃទី១៨ ខែកក្កដា ឆ្នាំ២០១៦នេះ ខណ:ដែលកំពុងធ្វើការ។ ករណីនេះកើតឡោះងទីតាំងរោងចក្រមួយនេះ ស្ថិតនៅភូមិអង្គស្នួលទី៣ឃុំពើកស្រុកអង្គស្នួល ខេត្តកណ្ដាល ដែលមានកម្មករបម្រើការងារប្រមាណ១១០០នាក់។
សមត្ថកិច្ចបានឲ្យដឹងថា នៅវេលាម៉ោង៧ និង២០នាទីព្រឹកមិញកម្មករបានចូលទៅធ្វើការធម្មតា ប៉ុន្តែពេលកម្មករកំពុងអង្គុយរៀបចំធ្វើការ ក៏មានកម្មករ០២នាក់ ទន់ដៃទន់ជើងដួលសន្លប់ ហើយក៏មានកម្មករផ្សេងៗទៀតទន់ដៃជើង បន្តបន្ទាប់តែម្តង។
ចំពោះមូលហេតុពិតប្រាកដនោះ នៅមិនទាន់ដឹងនៅឡើយទេ ដោយសារតែភាគីរោងចក្រ មិនទាន់អនុញ្ញាតឲ្យមន្ត្រីជំនាញចូលមើលនៅឡើយ តែកម្មករបានលើកឡើងពីរឿងអបិយជំនឿថា មកពីខ្មោចចូល៕
តួកគី៖យោងតាមសារព័ត៌មាន BBC ចេញផ្សាយថា ប្រធានាធិបតីតួកគី លោក អឺដូហ្គេន បានប្ដេជ្ញាថានឹងបោសសម្អាតមេរោគដែលបង្ករដ្ឋប្រហារ គ្រាដែលអាជ្ញាធរបានចាប់ខ្លួនមនុស្ស៦ពាន់នាក់ បន្ទាប់ពីរដ្ឋប្រហារមិនបានសម្រេច។
លោកប្រធានាធិបតីបានអះអាងថា លោកនឹងបន្តបោសសម្អាតមេរោគចេញពីស្ថាប័នរដ្ឋទាំងអស់ ដោយសារតែមេរោគនេះបានរីករាលដាល។ ដោយឡែកលោករដ្ឋមន្ត្រីការបរទេសតួកគីបាននិយាយថា ចំនួនអ្នកស្លាប់នៅក្នុងអំពើហិង្សាចុងសប្ដាហ៍កន្លងមកនេះបានកើនឡើងដល់២៩០នាក់ហើយ ដោយក្នុងនោះជាង១០០នាក់គឺជាអ្នកចូលរួមក្នុងរដ្ឋប្រហារ។
សារព័ត៌មានដដែលបញ្ជាក់ថា ក្នុងចំណោមមនុស្សដែលត្រូវបានអាជ្ញាធរតួកគីចាប់ឃុំខ្លួនលោក អាលី យ៉ាហ្ស៊ីស៊ី ដែលជាជំនួយការយោធាជាន់ខ្ពស់របស់លោក អឺដូហ្គេន ផងដែរ។ ជាមួយគ្នានោះកម្លាំងសន្តិសុខបានប្រឈមមុខទៅនឹងការតបតពីក្រុមអ្នករៀបចំផែនការរដ្ឋប្រហារមួយចំនួនដែលកំពុងស្ថិតក្រោមការឃុំខ្លួន៕
រាជធានីភ្នំពេញ៖សាលាដំបូងរាជធានីភ្នំពេញបានសម្រេចផ្អាកសាវនាការជាបណ្តោះអាសន្នលើសំណុំរឿងលោក នី ចរិយា អតីតមន្ត្រីជាន់ខ្ពស់អាដហុក និងបច្ចុប្បន្នជាអគ្គលេខាធិការរង គ.ជ.ប ដោយទុកព រយៈពេល១ខែឲ្យជនជាប់ចោទប្តឹងដិតចិត្តទៅសាលាឧទ្ធរណ៍។
ការសម្រេចបែបនេះធ្វើឡើងបន្ទាប់ពីជនជាប់ចោទបានទាមទារឱ្យចៅក្រមជំនុំជម្រះកោះហៅដើមបណ្តឹងមកតទល់មុខគ្នានៅក្នុងសវនាការ។ ទន្ទឹមនោះ លោក នី ចរិយា បានស្នើឱ្យតុលាការរង់ចាំការសម្រេចរបស់ឧត្តមក្រុមប្រឹក្សានៃអង្គចៅក្រមជាមុនសិន ព្រោះក្រោយពីមានពាក្យបណ្តឹងរបស់ចៅក្រម និងតំណាងអយ្យការនៃតុលាការខេត្តសៀមរាបមក លោកក៏បានប្តឹងទៅឧត្តមក្រុមប្រឹក្សានៃអង្គចៅក្រមផងដែរ តែឧត្តមក្រុមប្រឹក្សានៃអង្គចៅក្រមមិនទាន់មានសេចក្តីសម្រេចលើករណីនេះទេ។
គួរបញ្ជាក់ថា នៅព្រឹកថ្ងៃទី១៨ កក្កដា ២០១៦ នេះសាលាដំបូងរាជធានីភ្នំពេញបានបើកសវនាការកាត់ទោសលោក នី ចរិយា អតីតមន្ត្រីជាន់ខ្ពស់សមាគមការពារសិទ្ធិមនុស្សអាដហុក និងបច្ចុប្បន្នជាអគ្គលេខាធិការរងគណៈកម្មាធិការជាតិរៀបចំការបោះឆ្នោត ក្រោមការចោទប្រកាន់ចំនួន៣បទល្មើស ដែលដឹកនាំដោយលោក ឃី ឆៃ ជាចៅក្រមជំនុំជម្រះ និងលោក សៀង សុខ ជាតំណាងអយ្យការ៕
រាជធានីភ្នំពេញ៖នៅព្រឹកថ្ងៃទី១៨ កក្កដា ២០១៦ ក្រោមអធិបតីភាពសម្តេចអគ្គមហាពញាចក្រី ហេង សំរិន គណៈកម្មាធិការអចិន្ត្រៃយ៍រដ្ឋសភាបើកកិច្ចប្រជុំដើម្បីពិភាក្សាអំពីការដកអភ័យឯកសិទ្ធិតំណាងរាស្ត្រ២រូបរបស់គណបក្សសង្គ្រោះជាតិដែលស្នើដោយក្រសួងយុត្តិធម៌ដើម្បីបើកផ្លូវឲ្យតុលាការបន្តចាត់ការលើសំណុំរឿងសញ្ចារកម្មរវាងកញ្ញា ខុម ចាន់តារ៉ាទី ហៅ ស្រីមុំនិងលោក កឹម សុខា។
តំណាងរាស្រ្ត២រូបនោះគឺ លោក តុ វ៉ាន់ចាន់ តំណាងរាស្រ្តមណ្ឌលខេត្តកណ្តាល និងលោក ពិន រតនា តំណាងរាស្រ្តមណ្ឌលខេត្តបាត់ដំបង ។ តំណាងរាស្រ្តទាំងពីររូបនេះត្រូវបានតុលាការកោះហៅជាបន្តបន្ទាប់ ដោយសង្ស័យថា បានប្រព្រឹត្តបទល្មើសសញ្ចារកម្ម ក្នុងការនាំកញ្ញា ខុម ចាន់តារ៉ាទី ហៅស្រីមុំ ទៅឱ្យលោក កឹម សុខា នៅប្រទេសថៃ តែលោកមិនបានចូលខ្លួនតាមការកោះហៅនោះទេ។ ទោះជាយ៉ាងណា តុលាការមិនទាន់ចោទប្រកាន់ តំណាងរាស្រ្តទាំង២រូបនេះនៅឡើយទេ ដោយសារតែមា នអភ័យឯកសិទ្ធិការពារ។
យ៉ាងណាក៏ដោយ អ្នកនាំពាក្យគណបក្សសង្រ្គោះជាតិ កាលពីសប្តាហ៍មុន បានប្រកាសថា កិច្ចប្រជុំគណៈកម្មាធិការអចិន្រ្តៃយ៍របស់សភានាពេលនេះ នឹងមានវត្តមានប្រធានគណៈកម្មការ មកពីគណបក្សសង្រ្គោះជាតិចូលរួមដែរ។
គួរបញ្ជាក់ថា កាលពីថ្ងៃទី៣០ ខែមិថុនា ឆ្នាំ២០១៦ ក្រសួងយុត្តិធម៌ បានស្នើឱ្យរដ្ឋសភាលើកអភ័យឯកសិទ្ធិ របស់តំណាងរាស្រ្តគណបក្សប្រឆាំង២រូប ក្នុងនោះមាន លោក តុ វ៉ាន់ចាន់ និងលោក ពិន រតនា ដើម្បីឱ្យតុលាការបន្តនីតិវិធីតាមផ្លូវច្បាប់៕
រាជធានីភ្នំពេញ៖នៅព្រឹកថ្ងៃទី១៨ ខែកក្កដា ឆ្នាំ២០១៦នេះ សាលាដំបូងរាជធានីភ្នំពេញបើកសាវនាការលើសំណុំរឿងបរិហារកេរ្តិ៍ជាសាធារណៈ ដែលប្រព្រឹត្តដោយជនជាប់ចោទលោក នី ចរិយា អគ្គលេខាធិការរងគណៈកម្មាធិការជាតិរៀបចំការបោះឆ្នោត និងជាអតីតបុគ្គលិកអង្គការអាដហុក។
សំណុំរឿងនេះ លោក នី ចរិយា ត្រូវបានប្តឹងដោយ លោក សុខ កែវបណ្ឌិត ព្រះរាជអាជ្ញារងអមសាលាដំបូង ខេត្តសៀមរាប និង លោក គី ឬទ្ធី ចៅក្រមស៊ើបសួរ នៃសាលាដំបូងខេត្តសៀមរាប ពាក់ព័ន្ធនឹងការបរិហារកេរ្តិ៍ជាសាធារណៈ និងបទផ្សព្វផ្សាយនូវការអត្ថាធិប្បាយ ដើម្បីធ្វើសម្ពាធលើយុត្តាធិការ (តុលាការ) ចំពោះរឿងក្តីដីធ្លីមួយនៅខេត្តសៀមរាប កាលពីខែមិថុនា ឆ្នាំ២០១៥។
ទោះជាយ៉ាងណា លោក នី ចរិយា ជាអគ្គលេខាធិការរង គ.ជ.ប នៅពេលនេះកំពុងជាប់ឃុំនៅក្នុងពន្ធនាគារ PJ នៅឡើយទេ ពាក់ព័ន្ធនឹងសំណុំរឿងមួយផ្សេងទៀត នោះគឺបទល្មើសសមគំនិតសូកប៉ាន់សាក្សី ជាមួយនឹងបុគ្គលិកអង្គការអាដហុក៤នាក់ផ្សេងទៀតដែលពាក់ព័ន្ធនឹងករណីកញ្ញា ខុម ចាន់តារ៉ាទី ហៅស្រីមុំ ត្រូវអង្គភាពប្រឆាំងអំពើពុករលួយ បានឃាត់ខ្លួនកាលពីថ្ងៃទី២៨ ខែមេសា ទាក់នឹងសូកប៉ាន់សាក្សី និង សមគំនិតសូកប៉ាន់សាក្សី ។ បន្ទាប់ពីឃុំខ្លួនមួយរយៈពេល ជនជាប់ចោទបានប្តឹងឧទ្ធរណ៍ប្រឆាំងនឹងការឃុំខ្លួននេះ តែសាលាឧទ្ធរណ៍បានបដិសេធ និងបន្តឃុំខ្លួនតទៅទៀត រង់ចាំការសវនាការ ៕
រាជធានីភ្នំពេញ៖ជនសង្ស័យម្នាក់ត្រូវបានម្ចាស់ម៉ូតូកង់បី និងប្រជាពលរដ្ឋនាំគេគ្នាដេញចាប់បានវាយទ្រោមខ្លួន រួចប្រគល់ឱ្យសមត្ថកិច្ច បន្ទាប់ពីធ្វើសកម្មភាពលួចម៉ូតូកង់បីមួយគ្រឿង តែមិនបានសម្រេច។ ហេតុការណ៍នេះកើតឡើងនៅយប់ថ្ងៃទី១៧ ខែកក្កដា ឆ្នាំ២០១៦ ស្ថិតក្នុងសង្កាត់ទឹកល្អក់១ ខណ្ឌទួលគោក រាជធានីភ្នំពេញ។
បើតាមប្រជាពលរដ្ឋបានឱ្យដឹងថា ជនសង្ស័យដែលចាប់បាននេះបានធ្វើសកម្មភាពលួចម៉ូតូកង់បីមួយគ្រឿងតែមិនបានសម្រេច ក៏ត្រូវម្ចាស់ម៉ូតូ និងប្រជាពលរដ្ឋឃើញទាន់ដេញចាប់វាយទ្រមខ្លួន រួចបានប្រគល់ឱ្យសមត្ថកិច្ច។
ក្រោយពេលកើតហេតុម្ចាស់ម៉ូតូបានចេញទៅផ្ទះបាត់ព្រោះមិនចង់មានរឿងវែងឆ្ងាយ ចំណែកជនសង្ស័យត្រូវបានសមត្ថកិច្ច នាំខ្លួនទៅសួរសាក និងចាត់ការតាមនីតិវីធី៕
រាជធានីភ្នំពេញ៖បន្ទាប់ពីទទួលបណ្ដឹងពីស្ដ្រីម្ចាស់ផ្ទះកម្លាំងនគរបាលខណ្ឌសែនសុខបានចុះប្រតិបត្តិការឆែកឆេរផ្ទះមួយកន្លែង ដោយបានឃាត់ខ្លួនមនុស្ស៤នាក់ រកឃើញអាវុធខ្លីមួយដើម ថ្នាំញៀន២កញ្ចប់ និងសម្ភារមួយចំនួនទៀត។ ប្រតិបត្តិការធ្វើឡើងនៅយប់ថ្ងៃទី១៧ ខែកក្កដា ឆ្នាំ២០១៦ ស្ថិតក្នុងភូមិដីថ្មី សង្កាត់ភ្នំពេញថ្មី។
មន្ត្រីនគរបាលខណ្ឌសែនសុខបានឲ្យដឹងថា ប្រតិបត្តិការធ្វើឡើងក្រោមការដឹកនាំដោយលោកវរសេនីយ៍ឯក ម៉ក់ ហុង អធិការនគរបាលខណ្ឌ និងមានការសម្របសម្រួលពីលោក ជិន ពេជ្រ ព្រះរាជអាជ្ញារងអមសាលាដំបូង រាជធានីភ្នំពេញ។ មន្ត្រីដដែលបញ្ជាក់ថា ស្ដ្រីម្ចាស់ផ្ទះដែលត្រូវជាម្ដាយបានប្ដឹងសមត្ថកិច្ចឈ្មោះ ព្រំ ស្រី អាយុ៤៤ឆ្នាំ ចំណែកជនសង្ស័យដែលឃាត់ខ្លួនបានទាំង៤នាក់នោះ ទី១ឈ្មោះ ហេង សំភាស់ អាយុ ២០ឆ្នាំ ទី២ឈ្មោះ ចាន់ សីលា អាយុ២២ឆ្នាំ ទី៣ឈ្មោះ ហេង ចាន់ វិរះ ហៅសិទ្ធ អាយុ២៧ឆ្នាំ និងទី៤ឈ្មោះ គ្រី ម៉ុង ហេង អាយុ២៦ឆ្នាំ។
បច្ចុប្បន្នជនសង្ស័យទាំង៤ រួមជាមួយវត្ថុតាង ត្រូវបានបញ្ជូនទៅអធិការដ្ឋាននគរបាលខណ្ឌ ដើម្បីសួរនាំបន្ដចាត់ការតាមនីតិវិធី៕
រាជធានីភ្នំពេញ៖រថយន្តដឹក Gas LPG ប្រភេទសណ្តោងមួយគ្រឿងបានរេចង្កូតបុករបាំងថ្មចែកទ្រូងផ្លូវ បាក់អស់ជាង២០កង់ និងជ្រុលទៅបុក ក្បាលបូមទឹកដែលដាក់តាមផ្លូវ សម្រាប់រថយន្តពន្លត់អគ្គិភ័យថែមទៀត បណ្តាលឲ្យធ្លាយទឹកហូរពេញផ្លូវ។ ហេតុការណ៍នេះម៉ោង១២ និង៤០នាទី រំលងអធ្រាត្រឈានចូលថ្ងៃទី១៨ ខែកក្កដា ឆ្នាំ២០១៦ តាមបណ្តោយផ្លូវមុនីវង្ស ក្បែរក្រុមហ៊ុន smart ស្ថិតក្នុងសង្កាត់ទន្លេបាសាក់ ខណ្ឌចំការមន។
ប្រភពព័ត៌មាននៅកន្លែងកើតហេតុបានឲ្យដឹងថា នៅមុនពេលកើតហេតុ គេឃើញរថយន្តដឹក GAS LPG មួយគ្រឿងក្បាលពណ៌បៃតង ពាក់ស្លាកលេខភ្នំពេញ 3D-2881 បើតាមបណ្តោយផ្លូវព្រះមុនីវង្ស ទិសពីជើងទៅត្បូង ខណៈមកដល់ចំណុចកើតហេតុ ក៏រ៉េចង្កូតមកឆ្វេងដៃ ទៅបុករបាំងថ្មពុះចែកទ្រូង បណ្តាលឲ្យបាក់អស់ជាង២០កង់ ហើយរថយន្តមិនទាន់អស់ល្បឿនបន្តទៅបុក ក្បាលរ៉ូបីណេបូមទឹក សម្រាប់រថយន្តពន្លត់អគ្គិភ័យ បណ្តាលឲ្យធ្លាយបាញ់ទឹកពេញផ្លូវ និងជ្រុលទៅបុកផ្ទប់សួនផ្កាក្រុមហ៊ុន SiNo បណ្តាលឲ្យរថយន្តរងការខូតខាត ទៅមុខលែងរួច។
បន្ទាប់មកអ្នកបើកបរបានរត់ចេញ ពីកន្លែងកើតហេតុបាត់ ដោយបន្សល់ទុករថយន្តតែប៉ុណ្ណោះ ។ ក្រោយមកសមត្ថកិច្ចបានទៅដល់ កន្លែងកើតហេតុ និងបានទាក់ទងទៅខាងអង្គភាពអគ្គិភ័យ ឲ្យបិតទឹក និងខាងជំនាញចរាចរណ៍ក្រុង មកវាស់វែងយករថយន្ត ទៅការិយាល័យចរាចរណ៍ផ្លូវគោក ដើម្បីធ្វើការដោះស្រាយ៕
