រាជធានីភ្នំពេញ៖ព្រឹត្តិបត្រព័ត៌មាន និងការព្យាករណ៍ពីកម្ពស់ទឹកជំនន់ ប្រចាំថ្ងៃទី១៨ ខែកក្កដា ឆ្នាំ២០១៦នេះ នៅតាមបណ្តាស្ថានីយជលសាស្ត្រនានា រួមមានស្ថានីយទន្លេមេគង្គ-ស្ទឹងត្រែង, ស្ថានីយទន្លេមេគង្គ-ក្រចេះ, ស្ថានីយទន្លេ មេគង្គ-កំពង់ចាម, ស្ថានីយបាសាក់-ចតុមុខ, ស្ថានីយមេគង្គ-អ្នកលឿង, ស្ថានីយបាសាក់-កោះខែល និងស្ថានីយទន្លេសាប-ព្រែកក្តាម៕ សូមអាន ព្រឹត្តិបត្រព័ត៌មាន របស់ក្រសួងធនធានទឹកទាំងស្រុង៖
រាជធានីភ្នំពេញ៖នៅថ្ងៃទី១៧ ខែកក្កដា ឆ្នាំ២០១៦ កម្លាំងនគរបាលជាតិបានបង្ក្រាបបទល្មើសជួញដូរគ្រឿងញៀន២ករណី ឃាត់មនុស្ស១០នាក់ (ស្រីម្នាក់) ដកហូតថ្នាំញៀនប្រភេទ មេតំហ្វេតាមីន (ice) ៩កញ្ចប់។ នេះបើយោងតាមរបាយការណ៍របស់អគ្គស្នងការនគរជាតិ។
របាយការណ៍ដដែលបញ្ជាក់ថា ជនសង្ស័យទាំង១០នាក់ ត្រូវបានកម្លាំងនគរបាលខេត្តមណ្ឌលគីរី បង្ក្រាប១ករណី ឃាត់ខ្លួន៩នាក់ ដកហូតថ្នាំមេតំហ្វេតាមីន (ice) ៥កញ្ចប់តូច និងនគរបាលខេត្តពោធ៍សាត់ បង្ក្រាប១ករណី ឃាត់ខ្លួនម្នាកក់ ដកហូតថ្នាំមេតំហ្វេតាមីន (ice) ៤កញ្ចប់តូច៕
រាជធានីភ្នំពេញ៖នៅថ្ងៃទី១៧ ខែកក្កដា ឆ្នាំ២០១៦ មានករណីគ្រោះថ្នាក់ចរាចរណ៍ នៅទូទាំងប្រទេសកើតឡើងចំនួន៨លើក (យប់៥លើក) បណ្តាលឲ្យមនុស្សស្លាប់៥នាក់ (ស្រី២នាក់) រងរបួសធ្ងន់៤នាក់។ នេះយោងតាមរបាយការណ៍ ពីនាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ នៃអគ្គស្នងការដ្ឋាននគរបាលជាតិ។
ប្រភពព័ត៌មានដដែលបញ្ជាក់ថា នៅក្នុងហេតុការណ៍គ្រោះថ្នាក់ចរាចរណ៍៨លើកនេះ បណ្តាលឲ្យខូចខាតយានយន្តសរុបចំនួន១២គ្រឿង រួមមានម៉ូតូចំនួន៧គ្រឿង រថយន្តធុនតូចចំនួន៣គ្រឿង, រថយន្តធុនធំ១គ្រឿង, យានផ្សេងៗ១គ្រឿង ហើយមូលហេតុដែលបណ្តាលឲ្យកើត មានករណីគ្រោះថ្នាក់ចរាចរណ៍ រួមមានល្មើសល្បឿន៣លើក, ស្រវឹង១លើក, មិនគោរពសិទ្ធិ២លើក, ប្រជែង១លើក, ងងុយដេក១លើក។
ជាមួយគ្នានោះលទ្ធផលត្រួតពិនិត្យអនុវត្តច្បាប់ចរាចរណ៍ផ្លូវគោកឃើញថា យានយន្តដែល្មើសសរុបទូទាំងប្រទេសមាន ចំនួន ២,៨១១គ្រឿង ក្នុងនោះបានធ្វើការអប់រំចំនួន ១,៥១១គ្រឿង និងពិន័យសរុប១,៣០០ គ្រឿង៕
ខេត្តបាត់ដំបង៖ដោយខឹងនិងតូចចិត្តចំពោះម្តាយជេរស្តីខ្លាំងពេលយុវជនម្នាក់ក៏សម្រេចចិត្តយកថ្នាំពុលផឹកអស់១កំប៉ុងត្រីខរងការពុលយ៉ាងធ្ងន់ត្រូវបានក្រុមគ្រួសារដឹកយកមកសង្គ្រោះជីវិតនៅមន្ទីរពេទ្យបង្អែកស្រុកសំពៅលូនខេត្តបាត់ដំបងកាលពីវេលាម៉ោង៥ និង២០នាទីល្ងាចថ្ងៃទី១៤ ខែកក្កដា ឆ្នាំ២០១៦ ហើយក្រុមគ្រូពេទ្យធ្វើការជួយសង្គ្រោះភ្លាមៗនោះដែរ។
ប៉ុន្តែស្ថានភាពយុវជននោះកាន់តែធ្ងន់ខ្លាំង ទៅៗ ត្រដរខ្យល់អន្ទះអន្ទែងថ្នាំពុល ជ្រួតជ្រាបក្នុងខ្លួនខ្លាំងគ្រូពេទ្យអស់លទ្ធភាព មិនអាចព្យាបាល និងគ្មានសង្ឃឹម។ គ្រូពេទ្យសម្រេចឱ្យក្រុមគ្រួសារដឹកតាមរថយន្តពេទ្យទៅផ្ទះវិញរង់ចាំរៀបចំចាត់ចែងធ្វើបុណ្យសពតាមប្រពៃណី។
យុវជនមានឈ្មោះ ទឹក ម៉ៅ អាយុ១៧ឆ្នាំ ប្រកបមុខរបរធ្វើចំការ រស់នៅក្នុងភូមិត្រាងកណ្តាល ឃុំត្រាង ស្រុកកំរៀង ខេត្តបាត់ដំបង។
ជុំវិញនៃការធ្វើអត្តឃាតលេបថ្នាំពុលសម្លាប់ខ្លួនឯង បើតាមការបញ្ជាក់ឱ្យដឹងពីម្តាយយុវជនខាងលើប្រាប់ថា នៅវេលាម៉ោង៣រសៀលថ្ងៃទី១៤ ខែកក្កដា មុនពេលកើតហេតុគឺគាត់បានជេរស្តីបណ្តូសកូនខ្លាំង។ថាខ្ជិលទៅបាញ់ថ្នាំស្មៅចំការដោយឱ្យឪពុកទៅបាញ់ស្មៅជំនួសវិញ។ កូននោះក៏ខឹងហើយវាក៏ទៅផឹកស្រា ទំនងជាស្រវឹង ក៏លួចថ្នាំពុលបាញ់ស្មៅផ្ទះអ្នកជិតខាងយកមកផឹកនៅក្បែររបងផ្ទះគាត់ក៏មិនដឹងនោះដែរ។ ក្រោយមកថ្នាំពុលធ្វើទុក្ខបានស្រែកឱ្យគេជួយ ទើបមានការភ្ញាក់ផ្អើលថាកូនលេបថ្នាំពុលសម្លាប់ខ្លួន។ឃើញបែបនេះក្រុមគ្រួសារក៏ដឹកបញ្ជូនតាមរថយន្តរបស់មណ្ឌលសុខភាពឃុំត្រាង មកកាន់មន្ទីរពេទ្យបង្អែកស្រុកសំពៅលូនតែម្តង ។ លុះមកដល់មន្ទីរពេទ្យគ្រូពេទ្យពិនិត្យថា គ្មានសង្ឃឹម ក៏ត្រូវដឹកយុវជនខាងលើត្រឡប់ទៅផ្ទះវិញ ហើយក៏ដាច់ខ្យល់ស្លាប់តាមផ្លូវនៅពេលដឹកបញ្ជូនទៅផ្ទះវិញនោះ៕
ដោយ៖ប្រុញ វិធិន
ខេត្តក្រចេះ៖ រថយន្តយីឌុបដឹកទំនិញមួយគ្រឿង ត្រូវឆេះខ្ទេចគ្មានសល់ ខណ:ដែលរថយន្តនោះ បានក្រឡាប់នៅកណ្ដាលផ្លូវជាតិលេខ៧អា ក្នុងស្រុកស្នួល។ ហេតុការណ៍អាក្រក់នេះកើតឡើងកាលពីវេលាម៉ោងជាង២១ និង១៨នាទីយប់ថ្ងៃទី១៥ ខែកក្កដា ឆ្នាំ២០១៦ នៅត្រង់ចំណុចភូមិក្បាលត្រាច ស្រុកស្នួល ខេត្តក្រចេះ។
សមត្ថកិច្ច បានអោយដឹងថា រថយន្តយីឌុបដឹកទំនិញ បានដឹកសំភារះចាបហួយចេញពីប្រទេសវៀតណាម តាមច្រកព្រុំដែនវៀតណាម វ៉ាលឺ ឆ្ពោះទៅក្រុងភ្នំពេញ តែពេលមកដល់ចំនុច ភូមិក្បាលត្រាច ស្រុកស្នួល ក៏បណ្ដាលអោយរថយន្តរេចង្កូតធ្លាក់ផ្លូវ ក្រឡាប់ឆេះតែម្ដង។
បើតាមសាក្សីនៅកន្លែងកើតហេតុនោះ បានប្រាប់ឲ្យដឹងថា រថយន្តនោះ មានផ្ទុកទំនិញសំពេញសំពោង ហើយពេលមកដល់ចំណុចខាងលើក៏ មិនដឹងជាមានបញ្ហអ្វីស្រាប់តែរេចង្កូតធ្លាក់ផ្លូវ បណ្ដាលអោយមានអគ្គីភ័យឆាប់ឆេះកើតឡើង។
ចំណែកឯ ព្រូរថយន្ត បានលោតចេញពីក្នុងរថយន្តទាន់ពេល រងរបួសស្រាល តែអកុសលកុងឡានត្រូវគៀបជាប់និងទ្វាឡានស្លាប់ត្រូវភ្លើងឆេះ យ៉ាងវេទនាក្នុងរថយន្តតែម្ដង។
ភ្លាមៗនោះខាង មន្ត្រីសម្ថកិច្ចចំរុះក៏បានទទួលដំនឹងភ្លាមក៏ចុះមកកន្លែងកើតហេតុ តែអ្វីៗបានត្រឹម ឈរមើលអណ្ដាតភ្ងើងឆេះ គ្មានសល់ព្រោះភ្លើងឆាបខ្លាំងពេក។
សមត្ថកិច្ច បន្តថា សាកសពជនរងគ្រោះ នឹងឥវ៉ាន់ចាបហួយ នឹងរថយន្ត ត្រូវអគ្គីភ័យត្របាកអស់គ្មានសល់ ដោយសាកសពជនរងគ្រោះ ឈ្មោះ សឿន នៅស្រុកព្រៃនុប ៕
ខេត្តឧត្តរមានជ័យ៖បុរសម្នាក់ជាកសិករបានយកថ្នាំសម្លាប់សត្វល្អិតមកផឹកសម្លាប់ខ្លួន ព្រោះតែខឹងម្ដាយ និងប្រពន្ធស្ដីបន្ទោសរឿងផឹកស៊ី។ ហេតុការណ៍នេះនៅព្រឹកថ្ងៃទី១៥ ខែកក្កដា ឆ្នាំ២០១៦ ស្ថិតក្នុងភូមិខ្ទុំ សង្កាត់កូនគ្រៀល ក្រុងសំរោង ខេត្តឧត្តរមានជ័យ។
សមត្ថកិច្ចមូលដ្ឋាន បានឲ្យដឹងថា ករណីធ្វើអត្តឃាតលេបថ្នាំពុលសម្លាប់ខ្លួននេះ បណ្ដាលមកពីជនរងគ្រោះខឹងម្ដាយ និងប្រពន្ធរបស់ខ្លូន ស្ដីបន្ទោស ពេលផឹកស៊ីម្ដងៗ។ សមត្ថកិច្ចបន្ថែមថា ជនរងគ្រោះដែលស្លាប់ឈ្មោះ រី រីន អាយុ២២ឆ្នាំ រស់នៅភូមិកើតហេតុខាងលើ។
ក្រោយពេលកើតហេតុ កម្លាំងជំនាញបានចុះទៅកន្លែងកើតហេតុ ហើយបានពិនិត្យសាកសព និងរកឃើញថា ជនរងគ្រោះពិតជាបានស្លាប់ដោយសារលេបថ្នាំ ពិតប្រាកដមែន។
បច្ចុប្បន្នសពសមត្ថកិច្ចបានប្រគល់ឲ្យក្រុមគ្រួសារ ដើម្បីធ្វើបុណ្យតាមប្រពៃណី៕
ដោយ៖ប្រុញ វិធិន
ក្រចេះ៖ស្នងការនគរបាលខេត្តក្រចេះលោកឧត្តមសេនីយ៍ លន់ សុផាត និងក្រុមគ្រួសារនៅថ្ងៃទី១៥ កក្កដា បានដឹកនាំក្រុមការងារនាយ នាយរងចំណុះឲ្យស្នងការដ្ឋានជាច្រើនរូបធ្វើពិធីប្រគេនទៀនព្រះវស្សាដល់វត្តចំនួនពីរក្នុងខេត្ត។
ទៀនព្រះវស្សាព្រមទាំងទេយ្យទានជាច្រើនទៀត ត្រូវនាំយកទៅប្រគេនជូនដល់ព្រះ សង្ឃដែលគង់ចាំព្រះវស្សានៅវត្តចំនួនពីរវត្ត រួមមានវត្ត២ធ្នូ ក្នុងឃុំធ្នូ ស្រុកស្នួល និងវត្ត ក្រចេះ នៅសង្កាត់ក្រចេះ ក្រុងក្រក្រចេះ ព្រមទាំងបច្ច័យកសាងក្នុងវត្តចំនួន៦លានរៀន ផងដែរ។
មានប្រសាសន៍សំណេះសំណាលជាមួយនិងព្រះសង្ឃ តាជី យាយជី និងពុទ្ឋបិស័ទ្ឋ ក្នុងពិធីនោះក្រៅពីការពាំនាំនូវការផ្តាំផ្ញើរឲ្យសួរសុខទុក្ខរបស់ឯកឧត្តមអភិបាលខេត្ត លោក ស្នងការនគរបាលខេត្ត ក្រចេះលោកឧត្តមសេនីយ៍ លន់ សុផាត បានសម្តែងការអរគុណ ចំពោះពុទ្ឋបរិស័ទ្ឋចំណុះ ដែលជានិច្ចជាកាលតែងតែចូលរួមថែរក្សាសមទ្ឋផល និងសុខ សន្តិភាពព្រមទាំងបានចូល រួមគាំទ្រគោលនយោបាយរបស់រាជរដ្ឋាភិបាល។
លើសពីនេះ ទៅទៀតលោកឧត្តមសេនីយ៍ស្នងការ បានផ្តាំផ្ញើរឲ្យបងប្អូនប្រជាពលរដ្ឋពុទ្ឋបរិស័ទ្ឋមានការ ប្រុងប្រយ័ត្នព្រោះរដូវវស្សា មានខ្យល់កន្ត្រាក់ និងគ្រោះធម្មជាតិផ្សេងៗ។ លោកឧត្តមសេនីយ៍បានលើកឡើងទៀតថា សមទ្ឋផលទាំងនេះបានមកពីការខឹតខំប្រឹងប្រែងរបស់រាជរដ្ឋាភិបាល ផ្តើមចេញពីនយោបាយឈ្នះឈ្នះ របស់សម្តេចតេជោហ៊ុន សែន ទើបធ្វើអោយប្រទេសយើងទទួលបានសុខសន្តិភាពពេញលេញ និងរក្សាបានស្ថិរភាពនយោបាយ បង្កលក្ខណះគ្រប់បែបយ៉ាងឲ្យប្រជាពលរដ្ឋរស់នៅប្រកបដោយភាពសុខុដុម។
មានប្រសាសន៍សំណេះសំណាលបន្តលោកឧត្តមសេនីយ៍លន់ សុផាត បានបន្តថា ទៀនព្រះ វស្សាព្រមទាំងទេយ្យទាន ជាគ្រឿងឧបភោគ បរិភោគ រួមទាំងបច្ច័យមួយចំនួន ដែលបាន នាំមកប្រគេនជូនពេលនេះ គឺដើម្បីទ្រទ្រង់ព្រះសង្ឃដែលកំពុងគង់ចាំព្រះវស្សា ក្នុងត្រីមាស ក៏ដូចជាការចូលរួមចំណែកក្នុងការលើកស្ទួយវិស័យព្រះពុទ្ឋសាសនា ដែលជា សាសនា របស់រដ្ឋឲ្យកាន់តែមានរុងរឿងថ្កុំថ្កើនឈានទៅគំរព៥ពាន់ព្រះវស្សាតាមពុទ្ឋ បញ្ញាតិ ៕
រាជធានីភ្នំពេញ៖លោក យ៉ែម បុញ្ញឫទ្ធិ តំណាងរាស្ត្រគណបក្សសង្គ្រោះជាតិ បានថ្លែងនៅព្រឹកថ្ងៃទី១៥ កក្កដាថា “តំណាងរាស្ត្រគណបក្សសង្គ្រោះជាតិ នឹងចូលរួមប្រជុំគណៈកម្មាធិការអចិន្ត្រៃយ៍នៅថ្ងៃទី១៨ ខែកក្កដា ឆ្នាំ២០១៦ខាងមុខ ដើម្បីស្តាប់ការពន្យល់ពីលក្ខណៈ ដែលក្រសួងយុត្តិធម៌បានស្នើឲ្យ សភាបើកកិច្ច ប្រជុំលើកអភ័យឯកសិទ្ធិរបស់អ្នកតំណាងរាស្ត្រ២រូប របស់គណបក្សសង្គ្រោះជាតិ។
ការថ្លែងដូច្នេះ របស់លោក យ៉ែម បុញ្ញឫទ្ធិ គឺបន្ទាប់ពីលោក អង្គ វង្សវឌ្ឍានា រដ្ឋមន្ត្រីក្រសួងយុត្តិធម៌បានដាក់លិខិត ស្នើសុំសម្តេច ហេង សំរិន ប្រធានរដ្ឋសភា លើកអភ័យឯកសិទ្ធ អ្នកតំណាងរាស្ត្រ ២រូប មកពីគណបក្សសង្គ្រោះជាតិ៕
រាជរាធានីភ្នំពេញ៖យោងតាមសេចក្តីប្រកាសព័ត៌មានរបស់ក្រសួងអប់រំបានឲ្យដឹងថា ការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) នៅឆ្នាំ២០១៦នេះមានបេក្ខជនប្រមាណ៩៣,៧៥២នាក់ នឹងចាប់ផ្តើមនៅថ្ងៃទី២២ ខែសីហា ឆ្នាំ ២០១៦ ។
សេចក្តីប្រកាសដដែលបញ្ជាក់ថា បាក់ឌុបឆ្នាំនេះមាន១៥៧មណ្ឌល ចែកចេញជា៣,៧៨១បន្ទប់ កើនឡើងប្រមាណ ៣០មណ្ឌល បើធៀបឆ្នាំ២០១៥៕ សូមអានព័ត៌មានលម្អិតខាងក្រោម៖
ខេត្តតាកែវ៖កាលពីយប់ថ្ងៃទី១៤ ខែកក្កដា ឆ្នាំ២០១៦ ក្រុមមន្ត្រីជលផល និងមន្ត្រីយោធាស្រុកបូរីជលសារខេត្តតាកែវ បានបើកប្រតិប្រតិ្តការចុះបង្ក្រាបសកម្មភាពទូកនេសាទជនជាតិវៀតណាម ដែលចូលមកធ្វើការនេសាទខុសច្បាប់ នៅភូមិសង្គមថ្មី ឃុំកំពង់ក្រសាំង រហូតមានការផ្ទុះអាវុធថែមទៀត ។
មន្ត្រីយោធាបានអះអាងថា ពិតជាមានការផ្ទុះអាវុធបង្ក្រាបក្រុមទូកនេសាទជនជាតិវៀតណាមមែន បន្ទាប់ពីសមត្ថកិច្ចបានប្រទះឃើញទូកជនជាតិវៀតណាមចំនួន១០ទូក បានចូលមកនេសាទខុសច្បាប់ នៅចំណុចខាងលើ ដោយពួកគេបានតបតជាមួយសមត្ថកិច្ច។
ទោះជាយ៉ាងណាក៏ដោយ របាយការណ៍បឋមជនជាតិវៀតណាមម្នាក់រងរបួស និងត្រូវចាប់ខ្លួនបន្ថែមទៀត៕(រូបឯកសារ)
បាល់ទាត់៖សេចក្តីរាយការណ៍មួយបានឲ្យដឹងថា ខ្សែប្រយុទ្ធវ័យក្មេងរបស់ក្លិប Schalke 04 គឺកីឡាករ Leroy Sane បានយល់ព្រមផ្ទេរមកកាន់ក្លិបមេឃខៀវ Manchester City លើលក្ខខណ្ឌផ្ទាល់ខ្លួនមួយ។
ខ្សែប្រយុទ្ធវ័យក្មេងរបស់ក្រុម Schalke 04 រូបនេះបានទំនាក់ទំនងយ៉ាងខ្លាំងក្នុងការផ្លាស់មកកាន់ក្លិបម្ចាស់ជើងឯកក្របខ័ណ្ឌ Premier League ពីរសម័យនៅប៉ុន្មានខែចុងក្រោយនេះ។
កីឡាករវ័យ២០ឆ្នាំរូបនេះ បានអះអាងថា រូបគេបានយល់ព្រមចូលរួមជាមួយក្រុមលោក Pep Guardiola លើកិច្ចសន្យារយៈពេល៤ឆ្នាំ ប៉ុន្តែរូបនឹងបន្តនៅក្រុមមួយនេះសិនដើម្បីរងចាំការដេញថ្លៃជាផ្លូវការមួយ។
តាមសារព័ត៌មាន Bild បានចុះផ្សាយឲ្យដឹងថា ក្លិបមេឃខៀវ Man City បានរៀបចំសំណើទៅកាន់ក្លិប Schalke ក្នុងការទិញយកខ្សែប្រយុទ្ធវ័យក្មេង ក្នុងតម្លៃពលកម្ម ៤៦.៥លានផោន ។
គួរបញ្ជាក់ថា Sane ស៊ុតបញ្ចូលទីបានចំនួន៩គ្រាប់ក្នុងការបង្ហាញខ្លួន៤២លើកឲ្យក្លិប Schalke 04 កាលពីរដួវកាលមុន៕
រាជធានីភ្នំពេញ៖សាកសពបុរសម្នាក់ត្រូវបានប្រជាពលរដ្ឋប្រទះឃើញនៅក្នុងប្រឡាយទឹកមួយកន្លែង ដោយមានពាក់មួយសុវត្ថិភាព និងម៉ូតូមួយគ្រឿងទៀត។ ហេតុការណ៍ភ្ញាក់ផ្អើលនេះកើតឡើងកាលពីវេលាម៉ោង០៦ និង១៥នាទីព្រឹកថ្ងៃទី១៥ ខែកក្កដា ឆ្នាំ២០១៦នេះ ស្ថិតនៅចំណុចផ្លូវបេតុងលេខ១៩៦២ ក្នុងភូមិជាងទង សង្កាត់ក្រាំងធ្នង់ ខណ្ឌសែនសុខ។
ប្រភពឱ្យដឹងថា ជនរងគ្រោះមានគេស្គាល់ឈ្មោះ សឹម អាយុប្រហែល៣០ឆ្នាំ មានទីលំនៅក្នុងសង្កាត់គោករកា ខណ្ឌព្រែកព្នៅ ជិះម៉ូតូសង់ C125 ស៊េរីឆ្នាំ២០១៥ មានពាក់ស្លាកលេខ1Q-9501 ដួលក្បែរកន្លែងកើតហេតុ ។
បើតាមការសន្និដ្ឋានជំហានដំបូងថា ជនរងគ្រោះអាចស្រវឹងស្រា ព្រោះនៅជិតសាកសពក៏ឃើញមានកំប៉ុងស្រាបៀរ អាចជិះម៉ូតូមកជួបគ្រោះថ្នាក់ចរាចរណ៍បណ្តាលឱ្យធ្លាក់ចូលប្រឡាយលង់ស្លាប់ ទាំងមួកសុវត្ថិភាពតែម្តង។ ទោះបីជាយ៉ាងណាសមត្ថកិច្ចកំពុងធ្វើការស្រាវជ្រាវ និងរកក្រុមគ្រួសារ៕
រាជធានីភ្នំពេញ៖តាមការឲ្យដឹងពីលោក ឱម យ៉ិនទៀង ប្រធានអង្គភាពប្រឆាំង អំពើពុករលួយ (ACU) បានបញ្ជាក់ថា ACU នឹងបញ្ជូនលោក អ៊ឹង ជាវែង ប្រធានការិយាល័យវិនិយោគ មិនមែនកាត់ដេរ នៃអគ្គនាយដ្ឋានគយ និងរដ្ឋាករកកម្ពុជា ទៅតុលាការ នារសៀលថ្ងៃនេះ។
សូមជម្រាបថា លោក អ៊ីង ជាវែង ត្រូវបានអង្គភាពប្រឆាំងអំពើពុករលួយឃាត់ខ្លួន កាលពីថ្ងៃទី១៣ កក្កដា ឆ្នាំ២០១៦ ពីបទប្រព្រឹត្តិបទល្មើសជាក់ស្ដែង ទារលុយពីរោងចក្រ មួយចំនួននៅកម្ពុជា។
យ៉ាងណាក៏ដោយ ប្រភពពីមន្ត្រីជាច្រើនបានអះអាងថា មន្ត្រីគយដែលត្រូវចាប់ខ្លួននោះ មិនមែនប្រព្រឹត្តិតែម្នាក់ឯងនោះទេ ប៉ុន្តែក៏មានមន្ត្រីជាប់ពាក់ព័ន្ធមួយចំនួនទៀត ខណដែលអង្គភាពគយកំពុងផ្ទុះរឿងអាស្រូវបន្តបន្ទាប់មួយរយះចុងក្រោយនេះ៕
សេអ៊ូល៖ប្រទេសកូរ៉េខាងជើងបានចាប់អ្នកស៊ើបការណ៍សម្ងាត់ មកពីប្រទេស កូរ៉េខាងត្បូងបន្ថែមទៀត ដែលសរុបមកដល់ពេលនេះមានជាង៣០០នាក់។
ទន្ទឹមនោះ អាជ្ញាធរកូរ៉េខាងជើងបានប្រកាសជាសាធារណៈថា «ក្រសួងសន្តិសុខជាតិ បានធ្វើការព្រមានទៅសមាជិកក្រុម គ្រួសារកូរ៉េខាងជើងណាក៏ដោយ ដែលបានលក់ព័ត៌មានសម្ងាត់របស់រដ្ឋទៅឲ្យប្រទេសកូរ៉េខាងត្បូង ដើម្បីលុយ ពួកគេមានពេលកំណត់ ដែលត្រូវប្រគល់ខ្លួនឲ្យសមត្ថកិច្ច ដើម្បីទទួលទោសដោយខ្លួនឯង៕
PANMUNJOM, SOUTH KOREA – JULY 27: North Korean soldiers look at the South side during a ceremony marking the 61th anniversary of the signing of the armistice agreement on July 27, 2014 in Panmunjom, South Korea. It marks the 61th anniversary since the signing of an armistice agreement between North and South Korea on July 27, 1953. (Photo by Song Kyung-Seok-Pool/Getty Images)
រាជធានីភ្នំពេញ៖ជនសង្ស័យ២នាក់ត្រូវបានកម្លាំងសមត្ថកិច្ចប៉ុស្តិ៍ច្រាំងចំរេះ២ឃាត់ខ្លួនពាក់ព័ន្ធករណីលួចទូរស័ព្ទដៃ។ ការឃាត់ខ្លួននេះកើតឡើងកាលពីវេលាម៉ោង៨ និង៣០នាទីព្រឹកថ្ងៃទី១៥ ខែកក្កដា ឆ្នាំ២០១៦ នៅចំណុចកំពុងចំលងភូមិក សង្កាត់ច្រាំចំរេះ២ ខណ្ឌឫស្សីកែវ ។
សមត្ថកិច្ចបានឲ្យដឹងថា ជនសង្ស័យដែលឃាត់ខ្លួនទី១ ឈ្មោះ ពិ សី ភេទប្រុស អាយុ១៦ឆ្នាំ និងទី២ឈ្មោះ ម៉ិន ហ៊ូសាន ភេទប្រុស អាយុ២៤ឆ្នាំ មុខរបរមិនពិតប្រាកដស្នាក់នៅក្រុម៨ ភូមិក១ សង្កាត់ច្រាំងចំរេះ២ ខណ្ឌឫស្សីកែវ។ ចំណែកជនរងគ្រោះមានឈ្មោះ មួយ ហុង ភេទប្រុស អាយុ២៨ឆ្នាំ ស្នាក់នៅក្រុម៦ ភូមិក សង្កាត់ច្រាំងចំរេះ២ ខណ្ឌឫស្សីកែវ ។
សមត្ថកិច្ចបន្តថា នៅវេលាម៉ោង០០ និង៣០នាទីរំលងអធ្រាត្រឆ្លងចូលថ្ងៃទី១៥ ខែកក្កដា ឆ្នាំ២០១៦ជនសង្ស័យ និងបក្សពួកបានធ្វើសកម្មភាពចូលលួចទូរស័ព្ទដែមួយគ្រឿងម៉ាកសាំសុងអេសធូបានសម្រេចហើយរត់គេចខ្លួនបាត់។ ក្រោយកើតហេតុជនរងគ្រោះមកប្តឹងសមត្ថកិច្ចលុះមកដល់ម៉ោងប្រហែល៨ និង៥០នាទី ទើបសមត្ថកិច្ចស្រាវជ្រាវរហូតឈានដល់ឃាត់ខ្លួនជនសង្ស័យទាំង២បានត្រង់ចំណុចកំពុងដរច្រាំងចំរេះក្នុងភូមិក សង្កាត់ច្រាំងចំរេះ២ ខណ្ឌឫស្សីកែវ ។
បច្ចុប្បន្នជនសង្ស័យកំពុងឃាត់ខ្លួនបណ្តោះអាសន្ននៅអធិការដ្ឋាននគរបាលខណ្ឌឫស្សីកែវ ដើម្បីសាកសួរ និងកសាងសំណុំរឿងបញ្ជូនទៅតុលាការចាត់ការតាមនីតិវិធីច្បាប់៕
