សេអ៊ូល ៖សារព័ត៌មាន Channel News Asia បានចេញផ្សាយនៅព្រឹកនេះថា កូរ៉េខាងជើងបានប្រកាសថា ការធ្វើតេស្តគ្រាប់មីស៊ីលផ្លោងចុងក្រោយនេះ គឺត្រៀមទុកវាយប្រហារលើមូលដ្ឋានទ័ពនានារបស់សហរដ្ឋអាមេរិក នៅក្នុងទឹកដីប្រទេសកូរ៉េខាងត្បូង។
តួកគី ៖នៅពេលមានការអះអាងថា “ភស្តុតាងទាំងអស់” បានចង្អុលទៅកាន់បព្វជិតមូស្លីមមានមូលដ្ឋាននៅសហរដ្ឋអាមេរិកថា ជាមេខ្លោងនៃការធ្វើរដ្ឋប្រហារបរាជ័យកាលពីសប្តាហ៍មុននោះ រដ្ឋាភិបាលរបស់ប្រទេសតួកគីកាលពីថ្ងៃអង្គារបានបញ្ចប់ការងារមនុស្សរាប់ម៉ឺននាក់ដូចជាគ្រូបង្រៀន ព្រឹទ្ធបុរស មហា វិទ្យាល័យនិងអ្នកដទៃទៀតដែលរងការចោទប្រកាន់ថាមានទំនាក់ទំនងទៅនឹងផែនការនេះហើយបានទាមទារឲ្យធ្វើបត្យាប័នបព្វជិតរូបនោះ។
រាជធានីភ្នំពេញ ៖នៅថ្ងៃទី១៩ ខែកក្កដា ឆ្នាំ២០១៦ម្សិលមិញនេះមានករណីគ្រោះថ្នាក់ចរាចរណ៍នៅទូទាំងប្រទេសកើតឡើងចំនួន៦លើក ( យប់២លើក ) បណ្តាលឲ្យមនុស្សស្លាប់ ២នាក់ រងរបួសធ្ងន់ ៤នាក់ និងរបួសស្រាល ៣នាក់។ នេះបើយោងតាមរបាយការណ៍របស់នាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ នៃអគ្គស្នងការដ្ឋាននគរបាលជាតិ។
រាជធានីភ្នំពេញ ៖ជនសង្ស័យម្នាក់ក្នុងចំណោម៤នាក់ត្រូវបានកម្លាំងព្រហ្មទណ្ឌកម្រិតស្រាលចាប់ឃាត់ខ្លួន បន្ទាប់ពីធ្វើសកម្មភាពលួចដោះកង់រថយន្ត១គ្រឿងដែលចតនៅតាមចិញ្ចើមផ្លូវ រហូតមានការផ្ទុះអាវុធ២គ្រាប់។ ករណីនេះកើតឡើងកាលពីវេលាម៉ោង១២ និង១០នាទីរំលងអធ្រាត្រឈានចូលថ្ងៃទី២០ ខែកក្កដា ឆ្នាំ២០១៦ តាមបណ្តោយផ្លូវម៉ៅសេទុង នៅចំណុចផ្សារដើមគរ ស្ថិតក្នុងសង្កាត់ផ្សារដើមគរ ខណ្ឌទួលគោក។
ខេត្តកំពង់ឆ្នាំង ៖សមត្ថកិច្ចការិយាល័យប្រឆាំងគ្រឿងញៀននៃស្នងការនគបាលខេត្តកំពង់ឆ្នាំងបាន ឡោមព័ទ្ធចុះចាប់ខ្លួនជនសង្ស័យប្រុស-ស្រី៥នាក់ ខណៈក្រុមនេះកំពុងធ្វើសកម្មភាពប្រើប្រាស់ និងចែកចាយ។ ប្រតិបត្តិការនេះធ្វើឡើងកាលពីវេលាម៉ោង០៤ និង៣០នាទីរសៀលថ្ងៃទី១៩ ខែកក្កដា ឆ្នាំ២០១៦ ស្ថិតនៅផ្ទះភូមិត្រពាំងបី សង្កាត់ផ្សារឆ្នាំង ក្រុងកំពង់ឆ្នាំង។
ខេត្តកណ្តាល ៖ស្ត្រីជាក្រុមប្រឹក្សាឃុំម្នាក់ត្រូវជនសង្ស័យម្នាក់យកកាំបិតបុ័ងតោកាប់ចំក្បាលបណ្តាលឲ្យរងបរួសធ្ងន់ ខណៈដែលយកលិខិតលែងលះរបស់សាលាឃុំទៅឲ្យជនសង្ស័យរូបនោះ។ ហេតុការណ៍នេះកើតឡើងកាលពីវេលាម៉ោង០៩ និង៣០នាទីថ្ងៃទី១៩ ខែកក្កដា ឆ្នាំ២០១៦ នៅក្នុងផ្ទះរបស់ជនសង្ស័យស្ថិតក្នុងភូមិតារាបដូនស ឃុំគគីរ ស្រុកកៀនស្វាយ ខេត្តកណ្តាល។
រាជធានីភ្នំពេញ ៖អ្នកបើកម៉ូតូទាំង២នាក់បានដួលបោកក្បាលស្លាប់ភ្លាមៗនៅកន្លែងកើតហេតុ ចំណែកស្ត្រីម្នាក់ទៀតរងរបួសធ្ងន់ក្នុងហេតុការណ៍ម៉ូតូ២គ្រឿងបុកគ្នាចំពីមុខយ៉ាងពេញទំហឹង។ ហេតុការណ៍ នេះកើតឡើងនៅវេលាម៉ោង៨យប់ ថ្ងៃទី១៩ ខែកក្កដា ឆ្នាំ២០១៦ នៅក្បែរផ្ទះសំណាក់ កូប្រា២ តាមបណ្ដោយផ្លូវជាតិលេខ១ ស្ថិតក្នុងភូមិស្វាយតាអុក សង្កាត់វាលស្បូវ ខណ្ឌច្បារអំពៅ ។
ខេត្តបន្ទាយមានជ័យ ៖ស្ត្រីម្នាក់ត្រូវបានមន្ត្រីមេព្រៃឃាត់ខ្លួនពីបទជួញដូរសត្វព្រៃប្រភេទជើងខ្លាឃ្មុំចំនួន៤ជើងដែលត្រូវបានបញ្ជូនទៅសាលាដំបូងខេត្តចាត់ការតាមច្បាប់នៅថ្ងៃទី១៩ ខែកក្កដា ឆ្នាំ២០១៦។ ស្រីជួញដូរសត្វព្រៃត្រូវឃាត់ខ្លួនមានឈ្មោះ ចាន់ វណ្ណះ អាយុ៣០ឆ្នាំ រស់នៅភូមិ/ឃុំបន្ទាយមានរិទ្ធ ស្រុកថ្មពួក ខេត្តបន្ទាយមានជ័យ។
រាជធានីភ្នំពេញ ៖ព្រឹត្តិបត្រព័ត៌មាន និងការព្យាករណ៍ពីម្ពស់ទឹកជំនន់ ប្រចាំថ្ងៃទី២០ ខែកក្កដា ឆ្នាំ២០១៦នេះ នៅតាមបណ្តាស្ថានីយជលសាស្ត្រនានា រួមមានស្ថានីយទន្លេមេគង្គ-ស្ទឹងត្រែង, ស្ថានីយទន្លេមេគង្គ-ក្រចេះ, ស្ថានីយទន្លេ មេគង្គ-កំពង់ចាម, ស្ថានីយបាសាក់-ចតុមុខ, ស្ថានីយមេគង្គ-អ្នកលឿង, ស្ថានីយបាសាក់-កោះខែល និងស្ថានីយទន្លេសាប-ព្រែកក្តាម ដោយស្ថានភាពទឹកនៅតាមស្ថានីយ៍៦មានការកើនឡើងវិញបន្តិច លើកលែងតែស្ថានីយទន្លេមេគង្គ-ស្ទឹងត្រែងដែលទឹកបានស្រកចុះ៕សូមអាន ព្រឹត្តិបត្រព័ត៌មាន របស់ក្រសួងធនធានទឹកទាំងស្រុង៖
រាជធានីភ្នំពេញ ៖នៅថ្ងៃទី១៩ ខែកក្កដា ឆ្នាំ២០១៦ម្សិលមិញនេះកម្លាំងនគរបាលជាតិបានបង្ក្រាបបទល្មើសជួញដូរ រក្សាទុក និងប្រើប្រាស់៦ករណី ឃាត់មនុស្ស១២នាក់ ក្នុងនោះមុខសញ្ញាជួញដូរ១០នាក់ និងមុខសញ្ញាប្រើប្រាស់២នាក់ ដកហូតថ្នាំមេតំហ្វេតាមីន (ice) ៣.២ក្រាម និង២៧កញ្ចប់តូច។ នេះបើយោងតាមរបាយការណ៍របស់អគ្គស្នងការនគរបាលជាតិ។
បាល់ទាត់ ៖ក្រុមបាល់ទាត់ អាយុក្រោម១៦ឆ្នាំកម្ពុជាបានបន្តឡើងទៅវគ្គពាក់កណ្តាលផ្តាច់ព្រ័ត្រ ក្នុងនាមជាក្រុមបញ្ចប់ទៅដោយចំណាត់ថ្នាក់លេខ២ ចេញពីពូល B ជាលើកដំបូងក្នុងប្រវត្តិសាស្ត្រ បន្ទាប់ពីយកឈ្នះ U-16 ទីម័រខាងកើត ៣-០យប់មិញ។
ខេត្តរតនគិរី ៖ស្ត្រីគ្រួសារក្រីក្រម្នាក់ឆ្លងទន្លេលើចិញ្ចើមផ្លូវ ខណៈឈឺពោះធ្វើដំណើរមកមន្ទីពេទ្យហេតុការណ៏នេះកើតឡើងនៅវេលាម៉ោង៣ និង៣០នាទីរសៀលថ្ងៃទី១៨ ខែកក្កដា ឆ្នាំ២០១៦ ស្ថិតនៅក្នុងភូមិក្នុងភូមិភ្នំស្វាយសង្កាត់បឹងកន្សែង ក្រុងបានលុង ខេត្តរតនគិរី ។
ខេត្តបន្ទាយមានជ័យ ៖នៅយប់ថ្ងៃទី១៨ខែកក្កដាឆ្នាំ២០១៦នេះកំលាំងនគរបាលប៉ុស្តិ៍ក្រុងប៉ោយប៉ែតមួយក្រុមចុះល្បាតតាមផ្លូវសាធារណៈក៏ប្រទះឃើញជនសង្ស័យ៣នាក់កំពុងជួញដូរគ្រឿងញៀនយ៉ាងសកម្មរួចធ្វើការឃាត់ខ្លួននិងឆែកក្នុងខ្លួនបានរកឃើញថ្នាំប្រភេទមេតំហ្វេតាមីនICEចំនួន៨ថង់តូច ស្មើនឹង១.៨៣ក្រាមនិងទូរស័ព្ទ៤គ្រឿង និងឧបករណ៍សំរាប់ជក់មួយចំនួនធំជនសង្ស័យទាំង៣នាក់ចាប់បាននៅចំណុច ក្នុងភូមិមិត្តភាពសង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យក្រោយពីធ្វើការឆែកខ្លួនហើយជនសង្ស័យទាំង៣នាក់នោះត្រូវបាននគរបាលក្រុងប៉ោយប៉ែតបញ្ជូនមកស្នងការដើម្បីសាកសួរបន្ត។
បាល់ទាត់ ៖ខ្សែប្រយុទ្ធរបស់អ្នកមានបុណ្យ Barcelona គឺកីឡាករ Neymar ត្រូវបានដកឈ្មោះចេញពីបញ្ជីដំបូងសម្រាប់កីឡាករល្អបំផុតទាំង១០នាក់ “UEFA’s Best Player in Europe award ខណៈដែលខ្សែប្រយុទ្ធជើងខ្លាំងក្នុងតំបន់អឺរ៉ុបមានឈ្មោះទាំងអស់។
កូរ៉េខាងជើង ៖យោធារបស់កូរ៉េខាងត្បូងបាននិយាយថា កូរ៉េខាងជើងបានបាញ់មីស៊ីលបីគ្រាប់នៅព្រឹកថ្ងៃអង្គារដែលហោះបានចម្ងាយចន្លោះ៥០០ទៅ៦០០គីឡូម៉ែត្រចូលទៅក្នុងសមុទ្រជិតឆ្នេរសមុទ្រភាគខាងកើតរបស់ខ្លួនដែលនេះជាទង្វើបង្ករឿងចុងក្រោយបំផុតរបស់ប្រទេសឯកោមួយនេះ។
Posts navigation
មេគង្គប៉ុស្តិ៍លើបណ្តាញសង្គម
ព័ត៌មានគួរចាប់អារម្មណ៍
