All posts by មេគង្គ ប៉ុស្តិ៍

អភិបាលខេត្តកោះកុងចែកប័ណ្ណសរសើរ និងផ្តល់អាហារូបករណ៍ដល់និស្សិត៤២២នាក់

March 21, 2016ព្រឹត្តិការណ៍កម្ពុជាមេគង្គ ប៉ុស្តិ៍

ខេត្តកោះកុង៖វិទ្យាស្ថានជាតិពហុបច្ចេកទេសសាខាខេត្តកោះកុងនៅរសៀលថ្ងៃទី២០ខែមីនា ឆ្នាំ២០១៦នេះបានចែកប័ណ្ណសរសើរនិងអាហារូបករណ៍ថ្នាក់បញ្ញាបត្រ.បរិញ្ញាបត្ររងនិងថ្នាក់មធ្យមសិក្សាបច្ចេកទេសកម្រិត១.២.៣ក្រោមការឧបត្ថម្ភទ្រទ្រង់ការសិក្សាអាហារូបករណ៍១០០%ជូនដល់សិស្សនិងនិស្សិតក្រីក្រនិងសិស្សរៀនពូកែចំនួន៤២២នាក់(ស្រីចំនួន២០០នាក់)។
ពិធីចែកប័ណ្ណសរសើរ និងអាហាររូបករណ៍ដល់សិស្សនិស្សិតក្រីក្រនេះបានប្រព្រឹតទៅក្រោមអធិបតីភាពលោក ប៊ុន លើត អភិបាលខេត្តនៃគណៈអភិបាលខេត្ត អភិបាលរងខេត្ត.លោក ជឹម មុន នាយកមជ្ឈមណ្ឌលបណ្តុះបណ្តាលវិជ្ជាវីវៈខេត្តកោះកុង លោក ស៊ីសុវត្ថិ ឫទ្ធីរ៉ាវង្ស អនុប្រធានមជ្ឈមណ្ឌលវិជ្ជាជីវៈព្រមទាំងសមាជិកសមាជិកាក្រោមឱវាទ និងប្រធានមន្ទីរគ្រប់បណ្តាអង្គភាពជុំវិញខេត្តលោកគ្រូ អ្នកគ្រូ និងនិស្សិត សិស្សចំនួន៤២២នាក់។
ក្នុងឱកាសចែកប័ណ្ណសរសើរ និងអាហាររូបករណ៍នាពេលនេះលោក ស៊ីសុវត្ថិ ឫទ្ធិរ៉ាវង្ស អនុប្រធានវិទ្យាស្ថានជាតិពហុបច្ចេក ទេសកម្ពុជា បានមានប្រសាសន៍ថា ផ្ដល់ការប័ណ្ណសរសើរនិងអាហាររូបករណ៍ថ្នាក់បរិញ្ញាបត្រ បរិញ្ញាបត្ររងនិងថ្នាក់មធ្យមសិក្សា បច្ចេកទេសកម្រិតលេខ១.២.៣នេះក្រោមការឧបត្ថម្ភទ្រទ្រង់ការសិក្សាអាហាររូបករណ៍ជូនដល់សិស្សនិស្សិតក្រីក្រគ្មានលទ្ធភាពនិងនិស្សិតឆ្នើមសរុបចំនួន៤២២នាក់ក្នុងនោះស្រី២០០នាក់។
នេះជាសក្ខីភាពបញ្ជាក់យ៉ាងច្បាស់ពីការយកចិត្តទុកដាក់ចំពោះវិស័យអប់រំនិងការបណ្តុះបណ្តាលធនធានមនុស្សនៅក្នុងព្រះរាជាណាចក្រកម្ពុជា។
លោក ស៊ីសុវត្តិ ឬទ្ធិរ៉ាវង្ស បានបន្តថាវិទ្យាស្ថានជាតិពហុបច្ចេកទេសសាខាខេត្តកោះកុងមានទស្សនៈដឹកនាំនិងអភិវឌ្ឍន៍កម្មវិធីសិក្សាដើម្បីរួមចំណែកក្នុងការកសាងសមត្ថភាពនិងការអភិវឌ្ឍធនធានមនុស្សស្របតាមយុទ្ធសាស្ត្រចតុកោណរបស់រាជរដ្ឋាភិបាលអាណត្តិទី៥ដែលមានសម្តេចអគ្គមហាសេនាបតីតេជោ ហ៊ុន សែន ជានាយករដ្ឋមន្ត្រីនៃព្រះរាជាណា ចក្រកម្ពុជា វិឡាស្ថានបានខិតខំបង្កើតនិងលើ កម្ពស់គុណភាព សេវាអប់រំជាប្រចាំដើម្បីឆ្លើយតប ឲ្យសមស្របទៅនឹងស្តង់ដារអន្តរជាតិនិងជាតិព្រមទាំងរអភិវឌ្ឍន៍ប្រទេសជាតិជាពិសេសប្រកបដោយប្រសិទ្ធភាពទៅតាមតម្រូវការទីផ្សារពលកម្មក្នុងស្រុកនិងក្រៅស្រុក។
នៅក្នុងពិធីចែកប័ណ្ណសរសើរនិងផ្តល់អាហាររូបករណ៍នេះផងដែរលោក ប៊ុន លើត អភិបាលខេត្តនៃគណៈអភិបាលខេត្តកោះកុងបានមានប្រសាសន៍ថា លោកសូមសម្តែងនូវសេចក្តីសោមនស្សរីករាយនិងថ្លែងអំណរសាទរចំពោះការខិតខំប្រឹងប្រែងលើវិស័យអប់រំបណ្តុះបណ្តាលបច្ចេកទេសវិជ្ជាជីវៈនិងដើម្បីបង្កើនធនធាមនុស្សឲ្យកាន់តែរឹងមាំដោយផ្សព្វផ្សាយជ្រើសរើសសិស្សនិស្សិតចូលរួមគ្រប់ជំនាន់ឯកទេសចំនួន៤២២នាក់ក្នុងនោះក៏មានសិស្សស្រីចំនួន២០០នាក់ផងដែរ។
ស្ថិតនៅក្នុងការសិក្សាឆ្នាំ២០១៥-២០១៦នេះដែលបានខិតខំព្យាយាមយកចិត្តទុកដាក់ក្នុងការសិក្សាដោយឆ្លងកាត់ឧបសគ្គគ្រប់បែបយ៉ាងរហូតក្លាយជានិស្សិតឆ្នើមប្រចាំឆ្នាំនិងទទួលបានអាហារូបករណ៍តាមកម្រិតលទ្ធផលការសិក្សារបស់ខ្លួន។
លោក ប៊ុន លើត បានថ្លែងបន្តថា បើយើងក្រឡេកមើលចប្ចុប្បន្នភាពឃើញថាមានចំណុចប្រែប្រួលជាវិជ្ជមានលិចធ្លោរគ្រប់ខេត្តក្រុងរាជធានី មានគ្រឹះស្ថានឧត្តមសិក្សាទាំងរដ្ឋនិងឯកជនសឹងគ្រប់ទីកន្លែងមិនត្រឹមតែវិស័យអប់រំនៅក្រសួងអប់រំយុវជននិងកីឡាក៏ដូចក្រសួងការងារ និងបណ្តុះបណ្តាលវិជ្ជាជីវៈប៉ុណ្ណោះទេ គឺមានសាលាបណ្តុះបណ្តាលចាប់ផ្តើមគ្រប់វិស្ស័យទូទាំងព្រះរាជាណាចក្រកម្ពុជា។
អភិបាលខេត្តរូបនេះ ក៏បានផ្តាំផ្ញើទៅនិស្សិតនិងសិស្សទាំងអស់ដែលមកចូលរួមនាពេលនេះឲ្យខិតខំយកចិត្តទុកដាក់ទៅលើការសិក្សាព្រោះប្អូនៗទាំងអស់គឺជាទំពាំងស្នងឫស្សីសម្រាប់ទ្រទ្រង់ប្រទេសជាតិទៅថ្ងៃអនាគត៕

ផ្លាស់តំណែងលោក អ៊ឹម សួស្ដី ពីគ.ជ.ប ជាទេសរដ្ឋមន្ត្រីទទួលបន្ទុកបេសកម្មពិសេស

March 21, 2016ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

រាជធានីភ្នំពេញ៖នៅក្នុងលិខិតផ្លូវការដែលចេញផ្សាយនៅពេលថ្មីៗកន្លងមកនេះ ឱ្យដឹងថា រដ្ឋាភិបាល បានសម្រេចស្នើសុំផ្លាស់ប្ដូរមុខងារលោក អ៊ឹម សួស្ដី អតីតប្រធាន គ.ជ.ប ដោយតែងតាំងជាទេសរដ្ឋមន្ត្រីទទួលបន្ទុកបេសកកម្មពិសេស។
អតីតប្រធានគណៈកម្មាធិការជាតិរៀបចំការបោះឆ្នោត ឬ គ.ជ.ប គឺឯកឧត្ដម អ៊ឹម សួស្ដី ត្រូវបានរដ្ឋាភិបាលដាក់លិខិតស្នើសុំកែប្រែមុខតំណែងទៅកាន់សភាម្ដងទៀត។ នេះបើតាមលិខិតសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី ផ្ញើជូនសម្ដេចអគ្គមហាពញាចក្រី ហេង សំរិន ប្រធានរដ្ឋសភានៅថ្ងៃ ២០ មីនាម្សិលមិញ ។
លិខិតដដែលបន្តថា ដោយយោងលើសមត្ថភាព និង បទពិសោធន៍ការងារកន្លងមក ព្រមទាំងយោងតាមសេចក្ដីត្រូវការចាំបាច់របស់រដ្ឋាភិបាលផងនោះ រដ្ឋាភិបាលសុំសេចក្ដីអនុញ្ញាតកែប្រែលើសំណើកែសម្រួល និង បំពេញបន្ថែមលើសមាសភាពសមាជិករ ដ្ឋាភិបាល ដូចមានចែងក្នុងលិខិតលេខ ២៧៣ ល.ស ចុះថ្ងៃទី ១៦ មីនា ឆ្នាំ ២០១៦ កន្លងមក ដោយស្នើតែងតាំងឯកឧត្ដម អ៊ឹម សួស្ដី ជាទេសរដ្ឋមន្ត្រី ទទួលបន្ទុកបេសកកម្មពិសេស។
សូមរម្លឹកផងដែរថា នៅក្នុងសម័យប្រជុំពេញអង្គគណៈរដ្ឋមន្ត្រីនាកាលពីថ្ងៃ ១៨ មីនា ឆ្នាំ ២០១៦ កន្លងមកថ្មីៗនេះ រដ្ឋាភិបាលបានចេញផ្សាយឱ្យដឹងនូវឈ្មោះមន្ត្រីរដ្ឋាភិបាល មួយ ចំនួនដែលត្រូវផ្លាស់ប្ដូរ និង តែងតាំងថ្មី ក្នុងនោះ ឯកឧត្ដម អ៊ឹម សួស្ដីត្រូវបានតែងតាំងជា រដ្ឋលេខាធិការក្រសួង មហាផ្ទៃ៕

លោកអូបាម៉ាបំពេញទស្សនកិច្ចជាប្រវត្តិសាស្ត្រលើកដំបូងលើទឹកដីគុយបា

March 21, 2016ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

គុយបា៖យោងតាមព័ត៌មាន CNN ចេញផ្សាយនៅព្រឹកថ្ងៃទី២១ ខែមីនា ឆ្នាំ២០១៦នេះបានឲ្យដឹងថា លោកប្រធានាធិបតី អូបាម៉ា និងក្រុមគ្រួសាររបស់លោកបានអញ្ជើញទៅដល់ប្រទេសគុយបា ដែលនេះជាដំណើរទស្សនកិច្ចជាលើកដំបូងក្នុងប្រវត្តិសាស្ត្រ របស់ប្រធានាធិបតីសហរដ្ឋអាមេរិកជាន់លើទឹកដីគុយបា ដែលបានខកខាន និងផ្តាច់ទំនាក់ទំនងគ្នា អស់រយៈពេលដល់៨៨ឆ្នាំ។
តាមសារព័ត៌មានដដែលបន្តថា លោកអូបាម៉ាជាប្រធានាធិបតីអាមេរិកដំបូងដែលបានទៅទស្សនកិច្ចប្រទេសគុយបាចាប់តាំងបដិវត្តន៍ឆ្នាំ១៩៥៩។ ប្រធានាធិបតីស្បែកខ្មៅរូបនេះ នឹងបានទទួលស្វាគមន៍ដោយលោករដ្ឋមន្ត្រីការបរទេសគុយបាលោក Bruno Rodriguez និងជួបលោកប្រធានាធិបតីRaúl Castro ដែលនឹងធ្វើកិច្ចពិភាក្សាអំពីកំណែទម្រង់លើនយោបាយនិងជំនួញ៕

ធ្លាក់ឧទ្ធម្ភាគចក្រយោធានៅឥណ្ឌូនេស៊ីស្លាប់មនុស្ស១២នាក់

March 21, 2016ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

ឥណ្ឌូនេស៊ី៖យ៉ាងហោចណាស់មនុស្សចំនួន១២នាក់បានស្លាប់ក្នុងឧបទ្ទវហេតុធ្លាក់ឧទ្ធម្ភាគចក្រយោធាមួយគ្រឿងប្រភេទ Bell 412 ក្នុងភូមិ Kasiguncu នៅលើកោះ Sulawesi ប្រទេសឥណ្ឌូនេស៊ីកាលពីម្សិលមិញ។
តាមប្រភពព័ត៌មានបានផ្សាយថា លើឧទ្ធម្ភាគចក្រនោះមានផ្ទុកមនុស្សចំនួន១៣នាក់ ក្នុងនោះមានអ្នកដំណើរចំនួន៧នាក់ និងអ្នកបម្រើចំនួន៦នាក់។ ទោះជាយ៉ាងណាសាកសពទាំង១២នាក់ក៏ត្រូវរកឃើញ និងស្គាល់អត្ដសញ្ញាណហើយដែរ ខណៈដែលសមាជិកអ្នកបម្រើការម្នាក់ទៀត ក្រុមជួយសង្គ្រោះកំពុងស្វែងរក។ ប្រភពបញ្ជាក់ថា មូលហេតុដែលធ្លាក់គឺដោយសារបញ្ហាអាកាសធាតុ៕

ឃាត់ខ្លួនបុរសទំនើងម្នាក់ ស្រវឹងដកភ្លើងបាញ់បោះសេរី

March 21, 2016ព្រឹត្តិការណ៍កម្ពុជាមេគង្គ ប៉ុស្តិ៍

រាជធានីភ្នំពេញ៖បុរសម្នាក់ត្រូវបានកម្លាំងអាវុធហត្ថចំនួន២ខណ្ឌដេញស្ទាក់ឃាត់បានភ្លាមៗបន្ទាប់ពីផឹកស្រាស្រវឹង ហើយជិះម៉ូតូ ដកកាំភ្លើងបាញ់មេឃមួយគ្រាប់យ៉ាងរំភើយ ធ្វើឲ្យមានការភ្ញាក់ផ្អើលដល់ប្រជាពលរដ្ឋ និងសមត្ថកិច្ចទាំងកណ្តាលអធ្រាត្រ។ ហេតុការណ៍ភ្ញាក់ផ្អើលនេះកើតឡើងនៅវេលាម៉ោង ១២ និង២០នាទីរំលងអធ្រាត្រ ឈានចូលថ្ងៃទី ២១ ខែមីនា ឆ្នាំ២០១៦ នៅតាមបណ្តោយផ្លូវ២០០៤ ស្ថិតក្នុងភូមិត្រពាំងល្វា សង្កាត់កកាប ខណ្ឌពោធិសែនជ័យ ។
ជនបាញ់បោះសេរីខាងលើ មិនត្រូវគេបានស្គាល់អត្តសញ្ញាណនោះទេ តែមានអាវុធហត្ថម្នាក់ បានបង្ហើបប្រាប់ថា ជននោះជាមន្ត្រីអាវុធហត្ថ។
តាមប្រភពព័ត៌មានឲ្យដឹងថា នៅមុនពេលកើតហេតុ គេឃើញជនខាងលើនេះ ជិះម៉ូតូមួយគ្រឿងម៉ាក Wave 110CC ពណ៌ក្រហម ពាក់ស្លាកលេខ 1FE-6269 ទើបចេញពីហាងផឹកស៊ីមួយ នៅតាមផ្លូវ២០០៤ លុះជិះមកដល់មុខហាង យីហោសែនរីករាយ ជននោះក៏បានដកកាំភ្លើង ពីចង្កេះបាញ់ឡើងលើ១គ្រាប់ បង្កការភ្ញាក់ផ្អើល ដល់អាវុធហត្ថខណ្ឌពោធិ៍សែនជ័យ ដែលយាមតាមហាងនៅផ្លូវ២០០៤ ចេញដេញតាម និងរាយការណ៍តាមវិទ្យុទាក់ទង ទៅគ្រប់គោលដៅចេញជួយស្ទាក់ ហើយជនបាញ់បោះសេរីនោះ បានជិះម៉ូតូគេ រត់តាមផ្លូវណតប្រ៊ីជរត់មកផ្លូវវេងស្រេង រួចបត់មករោងចក្រអគ្គិសនីទួលពង្រ ហើយជិះបត់ទៅខាងកើត ប្រហែលជា១០០ម៉ែត្រក្រោយបុរី លឹម ឈាងហាក់ ក៏ត្រូវអាវុធហត្ថខណ្ឌមានជ័យ ចេញឃាត់បានតែម្តង។
ក្រោយពីឃាត់បានភ្លាម ដោយមានការបញ្ជាពីថ្នាក់លើ កំលាំងអាវុធហត្ថក៏បញ្ជូនជនបាញ់បោះនោះទៅ ទីបញ្ជាការដ្ឋានអាវុធហត្ថក្រុងភ្នំពេញដោយមិនបញ្ជាក់ព័ត៌មានច្បាស់នោះទេ៕

វាយមួយស្នាប់កាំភ្លើង និងបាញ់មួយគ្រាប់ប្លន់យកម៉ូតូនៅខណ្ឌពោធិសែនជ័យ

March 21, 2016ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

រាជធានីភ្នំពេញ៖បុរសម្នាក់ត្រូវជនសង្ស័យ២នាក់វាយនឹងស្នាប់កាំភ្លើង និងបាញ់មួយគ្រាប់ប្លន់យកម៉ូតូទៅបាត់ដោយសុវត្ថិភាព ខណៈជនរងគ្រោះឈប់ម៉ូតូចុះនោមតាមផ្លូវ កន្លែងស្ងាត់។ ករណីនេះកើតឡើងនៅវេលាម៉ោង ៨ និង៤៥នាទីយប់ ថ្ងៃទី២០ ខែមីនា ឆ្នាំ២០១៦ ស្ថិតនៅចំណុចដីវាលលក់ទឹកត្នោតជូរ ភូមិត្រពាំងថ្លឹង សង្កាត់ចោមចៅ ខណ្ឌពោធិសែនជ័យ។
ជនរងគ្រោះដែលត្រូវក្រុមចោរប្លន់ម៉ូតូម៉ាក ឌ្រីម C125 ស៊េរីឆ្នាំ២០១៦ ពាក់ស្លាកលេខភ្នំពេញ 1FT-1040 ឈ្មោះ ហិន សុភា អាយុ២៥ឆ្នាំ ស្នាក់នៅភូមិព្រៃល្វា សង្កាត់ចោមចៅ ស្រុកកំណើតនៅស្រុកកោះធំ ខេត្តកណ្តាល។
តាមប្រភពព័ត៌មានបានឲ្យដឹងថា មុនកើតហេតុជនរងគ្រោះ ជិះម៉ូតូដើរលេង លុះមកដល់ចំណុចកើតហេតុក៏ឈប់ចុះនោម ស្រាប់តែជនសង្ស័យមានគ្នាពីរនាក់ប្រដាប់ដោយកាំភ្លើងខ្លីមួយដើម វាយជនរងគ្រោះមួយកែងកាំភ្លើង និងបាញ់មួយគ្រាប់ រួចយកម៉ូតូជិះរត់គេចខ្លួនដោយសុវត្ថិភាព។
ក្រោយកើតហេតុ កម្លាំងនគរបាលបានចុះទៅសួរនាំភ្លាមៗ ដោយនាំជនរងគ្រោះមកកាន់ប៉ុស្តិ៍នគរបាល ដើម្បីសាកសួរបន្ថែម៕

ករណីធ្លាក់យន្តហោះដឹកអ្នកដំណើរនៅភាគខាងត្បូងរុស្ស៊ីអ្នកស្លាប់កើនដល់៦២នាក់

March 19, 2016ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

ម៉ូស្គូ៖ចំនួនអ្នកស្លាប់ក្នុងហេតុការណ៍ធ្លាក់យន្តហោះដឹកអ្នកដំណើរនៅភាគខាងត្បូងប្រទេសបានឡើងដល់៦២នាក់ហើយ ក្នុងនោះមានអ្នកដំណើរ៥៥នាក់ និងសហសេវិកចំនួន៦នាក់ផងដែរ។ នេះបើយោងតាមសារព័ត៌មាន AP ចុងនៅមុននេះបន្តិច។
បើតាមមន្ត្រីសង្គ្រោះបន្ទាន់រុស្ស៊ី បានបញ្ជាក់ជាផ្លូវការថា យន្តហោះ Boeing 737 ផ្ទុកមនុស្ស៦៩នាក់ បានហោះហើរពីអាកាសយានដ្ឋានក្នុងទីក្រុងឌូបៃ និងបានចុះចតនៅក្នុងទីក្រុង Rostov-on-Don ភាគខាងត្បូងប្រទេសរុស្ស៊ី។ ប៉ុន្តែខណៈពេលចុះចត បានជួបបញ្ហាក៏បណ្ដាលឲ្យធ្លាក់ និងផ្ទុះឆេះតែម្ដង នៅវេលាម៉ោងប្រមាណ ៦ព្រឹកថ្ងៃទី១៩ ខែមីនានេះ៕

ជនសង្ស័យម្នាក់ដែលពាក់ព័ន្ធការវាយប្រហារកណ្តាលក្រុងប៉ារីសត្រូវបានចាប់ខ្លួនហើយ

March 19, 2016ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

ប៉ារីស៖ជនសង្ស័យម្នាក់ដែលជាប់ពាក់ព័ន្ធនឹងវាយប្រហារកណ្តាលទីក្រុងប៉ារីសកាលពីចុងឆ្នាំ២០១៥នោះ ត្រូវបានប៉ូលិសចាប់ខ្លួនបានហើយនៅក្នុងប្រទេសប៊ែលហ្សិកបន្ទាប់ពីតាមវែកមុខអស់រយៈជាច្រើនខែមកនេះ។ ការចាប់ខ្លួនធ្វើឡើងកាលពីថ្ងៃទី១៨មីនា ក្នុងពេលប៉ូលិសចុះឆែកឆេរនៅក្នុងរដ្ឋធានីនៃប្រទេសប៊ែលហ្ស៊ិក។
ជនសង្ស័យដែលឃាត់ខ្លួននោះមានឈ្មោះ Salah Abdeslam មានវ័យ២៦ឆ្នាំ រងរបួសជើងផងដែរមុនពេលចាប់ខ្លួនបាន ជាមួយជនសង្ស័យ៤នាក់ផ្សេងទៀត។ Abdeslam ត្រូវចោទប្រកាន់ថា បានជួយ រៀបចំផែនការវាយប្រហារក្នុងក្រុងប៉ារីសកាលពីថ្ងៃទី១៣វិច្ឆិកាឆ្នាំ ២០១៥។ យ៉ាងណាក៏ដោយយុទ្ធនាការបង្ក្រាបភេរវកម្មមិនបានបញ្ចប់ភ្លាមៗទេ ទោះបីជាជនសង្ស័យខាងលើត្រូវបានចាប់ខ្លួនក៏ដោយ។
គួរបញ្ជាក់ថា កាលពីថ្ងៃទី១៣វិច្ឆិកាឆ្នាំ២០១៥កន្លងទៅនេះមានករណីវាយប្រហារភេរវកម្មដ៏សាហាវមួយនៅកណ្តាលទីក្រុងប៉ារីស បានបណ្តាលឲ្យមនុស្ស១៣០នាក់ និងរបួសជិត៤០០នាក់ផងដែរ៕

ដឹងក្រុមណាប៉ះគ្នាវគ្គ៨ ក្រុមចុងក្រោយ Europa League អត់!

March 19, 2016កីឡាមេគង្គ ប៉ុស្តិ៍

បាល់ទាត់៖ការចាប់ឆ្នោតវគ្គ៨ក្រុមចុងក្រោយក្នុងព្រឹត្តិការណ៍បាល់ទាត់ Europa League បានចប់រួចរាល់អស់ទៅហើយនៅមុននេះ។ ដូច្នេះចង់ដឹងថា ក្រុមណាប៉ះគ្នាខ្លះនោះតោះទៅមើលរូបភាពខាងក្រោមនេះទាំងអស់គ្នា !

ក្រុមប៉ះគ្នាសម្រាប់វគ្គ៨ក្រុមចុងក្រោយ Champions League

March 19, 2016កីឡាមេគង្គ ប៉ុស្តិ៍

បាល់ទាត់៖បន្ទាប់ពីជើងទីពីរបញ្ចប់ទៅយ៉ាងតានតឹង ឥឡូវនេះលទ្ធផលចាប់គូវគ្គ៨ក្រុមចុងក្រោយក្នុងព្រឹត្តិការណ៍បាល់ទាត់ Champions League បានចេញជ្លូវការហើយ៕ សូមមើលតារាងខាងក្រោម៖

ចិនចេញមុខព្រមានកូរ៉េខាងជើងឲ្យបញ្ឈប់ការបង្កបញ្ហាបន្ថែមទៀត

March 19, 2016ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

ប៉េកាំង៖ប្រទេសចិនដែលជាសម្ព័ន្ធមិត្តជិតស្និទ្ធបំផុតរបស់កូរ៉េខាងជើងបានចេញមុខព្រមានជាផ្លូវការកូរ៉េខាងជើងជុំវិញការបាញ់មីស៊ី ហើយក៏អំពាវនាវបន្ថែមទៀតឲ្យប្រទេសជិតខាងមួយនេះអនុវត្តន៍ឲ្យបានទៅតាមដំណោះស្រាយរបស់អន្តរជាតិ (UNSC)។
យោងតាមសារព័ត៌មានចិនស៊ិនហួរចេញផ្សាយនៅកាលពីម្សិលមិញបញ្ជាក់ថា ការព្រមានរបស់ចិននេះ ធ្វើឡើងនៅក្នុងសន្និសីទសារព័ត៌មាននៅទីក្រុងប៉េកាំងពីសំណាក់អ្នកនាំពាក្យក្រសួងការបរទេសចិន៕

ស្លាប់៥នាក់ របួស៧នាក់ដោយសារគ្រោះថ្នាក់ចរាចរណ៍ម្សិលមិញ

March 19, 2016ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

រាជធានីភ្នំពេញ៖នៅថ្ងៃទី១៨ ខែមីនា ឆ្នាំ២០១៦ម្សិលមិញនេះ មានករណីគ្រោះថ្នាក់ចរាចរណ៍ នៅទូទាំងប្រទេសកើតឡើងចំនួន៨លើក ក្នុងនោះយប់៥លើក បណ្តាលឲ្យមនុស្សស្លាប់៥នាក់ រងរបួសធ្ងន់៦នាក់ និងរបួសស្រាល១នាក់។ នេះបើយោងតាមការចុះផ្សាយ របស់គេហទំព័រអគ្គស្នងការនគរបាលជាតិ។
របាយការណ៍ដដែលបន្តថា នៅក្នុងហេតុការណ៍គ្រោះថ្នាក់ចរាចរណ៍ទាំង៨លើកនេះ បណ្តាលឲ្យខូចខាតយានយន្ត សរុបចំនួន១៣គ្រឿង រួមមានម៉ូតូចំនួន៨គ្រឿង, រថយន្តធុនតូច៤គ្រឿង, យានផ្សេងៗ១គ្រឿង, ថ្មើរជើង២នាក់។ ប្រភពបញ្ជាក់ថា មូលហេតុដែលបណ្តាល ឲ្យកើតមានករណីគ្រោះថ្នាក់ចរាចរណ៍ រួមមានល្មើសល្បឿន៤លើក (ស្លាប់៣នាក់), ប្រជែង២លើក(ស្លាប់ម្នាក់), ស្រវឹង១លើក (ស្លាប់ម្នាក់)។ ក្នុងនោះអ្នកមិនពាក់មួកសុវត្ថិភាព ពេលគ្រោះថ្នាក់ចរាចរណ៍៩នាក់ (យប់៦នាក់)។
ជាមួយគ្នានោះនៅថ្ងៃទី១៨ ខែមីនា ឆ្នាំ២០១៦ម្សិលមិញនេះផងដែរ លទ្ធិផលត្រួតពិនិត្យអនុវត្តច្បាប់ចរាចរណ៍ផ្លូវគោកឃើញថា យានយន្តដែលល្មើសសរុបទូទាំងប្រទេស មានចំនួន ៧,៣៧៨គ្រឿង ក្នុងនោះបានធ្វើការអប់រំចំនួន ៣,៣៨៥គ្រឿង ពិន័យសរុប ៣,៩៩៣គ្រឿង៕

យន្តហោះមួយគ្រឿងដឹកមនុស្ស៦៩នាក់ធ្លាក់នៅរុស្ស៊ីសង្ស័យស្លាប់ទាំងអស់

March 19, 2016ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

រុស្ស៊ី៖យោងតាមការចេញផ្សាយរបស់ RT នៅប៉ុន្មាននាទីមុននេះបានឲ្យដឹងថា មានយន្តហោះដឹកអ្នកដំណើររបស់ក្រុមហ៊ុន Flydubai ជើងហោះហើរ FZ981 ផ្ទុកមនុស្សចំនួន៦៩នាក់ បានធ្លាក់នៅទីក្រុង Rostov-on-Don ភាគខាងត្បូងប្រទេសរុស្ស៊ី បណ្ដាលឲ្យអ្នកដំណើរ និងសហនាវិកទាំងអស់នៅលើយន្តហោះសង្ស័យស្លាប់។
យន្តហោះដឹកអ្នកដំណើរ Boeing 737 របស់ក្រុមហ៊ុន Flydubai បានហោះហើរចេញពីអាកាសយានដ្ឋាន ក្នុងទីក្រុងឌូបៃ ប្រទេសអារ៉ាប និងបានធ្លាក់ខណៈពេលចុះចតនៅអាកាសយានដ្ឋានក្នុងទីក្រុង Rostov-on-Don នៅម៉ោងប្រមាណ ៦ព្រឹក (ម៉ោងក្នុងតំបន់) ប៉ុន្តែប្រហែលជាមានបញ្ហាអ្វីមួយទៀតបណ្ដាលឲ្យធ្លាក់បែបនេះ។
មន្ត្រីសង្គ្រោះបន្ទាន់នៅក្នុងតំបន់បានបញ្ជាក់ប្រាប់អ្នកសារព័ត៌មានថា មនុស្សនៅលើយន្តហោះទាំង៦៩នាក់ ក្នុងនោះរួមទាំងសហនាវិកផងត្រូវបានស្លាប់៕

ជនសង្ស័យឆក់កាបូប២នាក់ត្រូវប្រជាពលរដ្ឋវាយទ្រមខ្លួនរួចប្រគល់ឲ្យសមត្ថកិច្ច

March 19, 2016ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

រាជធានីភ្នំពេញ៖ជនសង្ស័យ២នាក់ត្រូវបានប្រជាពករដ្ឋវាយម្នាក់មួយដៃ មួយជើងស្ទើររួមទើបប្រគល់ឲ្យសមត្ថកិច្ចនគរបាលខណ្ឌដូនពេញ បន្ទាប់ពីធ្វើសកម្មភាពឆក់កាបូបស្ត្រីម្នាក់មិនបានសម្រេច។ ហេតុការណ៍នេះកើតឡើងនៅម៉ោង៩ និង២០នាទីយប់ថ្ងៃទី១៨ ខែមីនា ឆ្នាំ២០១៦ ស្ថិតនៅចំណុចមុខក្រុមហ៊ុនខាំមីងតែល ផ្លូវព្រះស៊ីសុវត្ថិកែងផ្លូវ លេខ៨៨ ក្នុងសង្កាត់ស្រះចក ខណ្ឌដូនពេញ។
សមត្ថកិច្ចបានប្រាប់ឲ្យដឹងថា ជនសង្ស័យទាំង២នាក់ ដែលត្រូវឃាត់ខ្លួនទី១-ឈ្មោះ ឌុច សុផល ភេទប្រុស អាយុ២៨ឆ្នាំ មុខរបរកម្មករសំណង់ មានទីលំនៅមិនពិតប្រាកដ (ជាអ្នកឆក់) និងទី២-ឈ្មោះ គឹម សុផល ភេទប្រុស អាយុ៣៧ឆ្នាំ មុខរបររត់ម៉ូតូឌុប មានទីលំនៅមិនពិតប្រាកដ (ជាអ្នកបើកម៉ូតូ) ជនសង្ស័យទាំង២នាក់ ជិះម៉ូតូមួយគ្រឿងម៉ាក Wave-i ពណ៌ខ្មៅ ស៊េរីឆ្នាំ២០០៧ ពាក់ស្លាកលេខកណ្តាល 1H-1375។ ចំណែកជនរងគ្រោះមានឈ្មោះ ធី សារ៉េត អាយុ៣២ឆ្នាំ មុខរបរម៉ាស្សា មានទីលំនៅផ្ទះលេខ៦C ផ្លូវ៨០ ស្ថិតនៅភូមិ១៤ ក្នុងសង្កាត់ស្រះចក ខណ្ឌដូនពេញ។
បច្ចុប្បន្នជនសង្ស័យទាំង២នាក់ រួមទាំងម៉ូតូត្រូវបានសមត្ថកិច្ចឃុំខ្លួនបណ្តោះអាសន្ននៅប៉ុស្តិ៍នគរបាលខណ្ឌដូនពេញ៕

ក្រុម ISIS កំពុងហ្វឹកហាត់កុមារច្រើននាក់នៅស៊ីរី

March 19, 2016ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

ស៊ីរី៖បន្ទាប់ពី បាត់បង់សមាជិកសកម្មប្រយុទ្ធជាច្រើននាក់នៅក្នុងរយៈពេល៦ខែចុងក្រោយនេះ ក្នុងនោះក៏មានមេដឹកនាំកំពូលៗផងនោះ ខណៈនេះក្រុមឧទ្ទាម ISIS បាននិងកំពុងជ្រើសរើសកុមារបន្ថែមជាច្រើននាក់ទៀត ដើម្បីហ្វឹកហាត់ និងបណ្ដុះបណ្ដាលជំនាញ។ នេះបើយោងតាមការចេញផ្សាយរបស់ RT។
ក្នុងរយៈចុងក្រោយនេះឥទ្ធិពលរបស់ក្រុម ISIS ហាក់បានអន់ថយក្រោយពេលមានការវាយប្រហារតាមរយៈដែនអាកាសពីសំណាក់រុស្ស៊ី និងលោកខាងលិច ដែលដឹកនាំដោយសហរដ្ឋអាមេរិក ប៉ុន្តែប៉ុន្មានថ្ងៃមុននេះ សហរដ្ឋអាមេរិក និងរុស្ស៊ី បានយល់ព្រមដកទ័ពចេញពីប្រទេសស៊ីរី នៅក្នុងកិច្ចព្រមព្រៀងសន្ដិភាព។
យោងតាមរបាយការណ៍របស់រុស្ស៊ីបានឲ្យដឹងថា យន្តហោះចម្បាំងរុស្ស៊ី បានកម្ទេចរោងចក្រផលិតប្រេងរបស់ក្រុម ISIS ចំនួន ២០៩កន្លែង និងរថយន្តដឹកប្រេងចំនួន ៣ពាន់គ្រឿង ដែលធ្វើឲ្យ ISIS ខាតបង់ធំ។
គួររម្លឹកកាលពីចុងឆ្នាំ២០១៥ ក្រុម ISIS បានបង្ហាញវីដេអូបង្ហាត់បង្រៀនក្មេងៗអាយុប្រហែល ៨ឆ្នាំ ឲ្យក្លាយជាភេរវករ ជាមួយនឹងជំនាញជាច្រើនយ៉ាង ព្រោះថានៅពេលអនាគត ពួកគេត្រូវពឹងផ្នែកទៅលើក្មេងៗទាំងនោះ ដើម្បីបន្ដភារកិច្ច៕