បាល់ទាត់៖ការចាប់ឆ្នោតវគ្គ៨ក្រុមចុងក្រោយក្នុងព្រឹត្តិការណ៍បាល់ទាត់ Europa League បានចប់រួចរាល់អស់ទៅហើយនៅមុននេះ។ ដូច្នេះចង់ដឹងថា ក្រុមណាប៉ះគ្នាខ្លះនោះតោះទៅមើលរូបភាពខាងក្រោមនេះទាំងអស់គ្នា !
All posts by មេគង្គ ប៉ុស្តិ៍
ក្រុមប៉ះគ្នាសម្រាប់វគ្គ៨ក្រុមចុងក្រោយ Champions League
បាល់ទាត់៖បន្ទាប់ពីជើងទីពីរបញ្ចប់ទៅយ៉ាងតានតឹង ឥឡូវនេះលទ្ធផលចាប់គូវគ្គ៨ក្រុមចុងក្រោយក្នុងព្រឹត្តិការណ៍បាល់ទាត់ Champions League បានចេញជ្លូវការហើយ៕ សូមមើលតារាងខាងក្រោម៖
ចិនចេញមុខព្រមានកូរ៉េខាងជើងឲ្យបញ្ឈប់ការបង្កបញ្ហាបន្ថែមទៀត
ប៉េកាំង៖ប្រទេសចិនដែលជាសម្ព័ន្ធមិត្តជិតស្និទ្ធបំផុតរបស់កូរ៉េខាងជើងបានចេញមុខព្រមានជាផ្លូវការកូរ៉េខាងជើងជុំវិញការបាញ់មីស៊ី ហើយក៏អំពាវនាវបន្ថែមទៀតឲ្យប្រទេសជិតខាងមួយនេះអនុវត្តន៍ឲ្យបានទៅតាមដំណោះស្រាយរបស់អន្តរជាតិ (UNSC)។
យោងតាមសារព័ត៌មានចិនស៊ិនហួរចេញផ្សាយនៅកាលពីម្សិលមិញបញ្ជាក់ថា ការព្រមានរបស់ចិននេះ ធ្វើឡើងនៅក្នុងសន្និសីទសារព័ត៌មាននៅទីក្រុងប៉េកាំងពីសំណាក់អ្នកនាំពាក្យក្រសួងការបរទេសចិន៕
ស្លាប់៥នាក់ របួស៧នាក់ដោយសារគ្រោះថ្នាក់ចរាចរណ៍ម្សិលមិញ
រាជធានីភ្នំពេញ៖នៅថ្ងៃទី១៨ ខែមីនា ឆ្នាំ២០១៦ម្សិលមិញនេះ មានករណីគ្រោះថ្នាក់ចរាចរណ៍ នៅទូទាំងប្រទេសកើតឡើងចំនួន៨លើក ក្នុងនោះយប់៥លើក បណ្តាលឲ្យមនុស្សស្លាប់៥នាក់ រងរបួសធ្ងន់៦នាក់ និងរបួសស្រាល១នាក់។ នេះបើយោងតាមការចុះផ្សាយ របស់គេហទំព័រអគ្គស្នងការនគរបាលជាតិ។
របាយការណ៍ដដែលបន្តថា នៅក្នុងហេតុការណ៍គ្រោះថ្នាក់ចរាចរណ៍ទាំង៨លើកនេះ បណ្តាលឲ្យខូចខាតយានយន្ត សរុបចំនួន១៣គ្រឿង រួមមានម៉ូតូចំនួន៨គ្រឿង, រថយន្តធុនតូច៤គ្រឿង, យានផ្សេងៗ១គ្រឿង, ថ្មើរជើង២នាក់។ ប្រភពបញ្ជាក់ថា មូលហេតុដែលបណ្តាល ឲ្យកើតមានករណីគ្រោះថ្នាក់ចរាចរណ៍ រួមមានល្មើសល្បឿន៤លើក (ស្លាប់៣នាក់), ប្រជែង២លើក(ស្លាប់ម្នាក់), ស្រវឹង១លើក (ស្លាប់ម្នាក់)។ ក្នុងនោះអ្នកមិនពាក់មួកសុវត្ថិភាព ពេលគ្រោះថ្នាក់ចរាចរណ៍៩នាក់ (យប់៦នាក់)។
ជាមួយគ្នានោះនៅថ្ងៃទី១៨ ខែមីនា ឆ្នាំ២០១៦ម្សិលមិញនេះផងដែរ លទ្ធិផលត្រួតពិនិត្យអនុវត្តច្បាប់ចរាចរណ៍ផ្លូវគោកឃើញថា យានយន្តដែលល្មើសសរុបទូទាំងប្រទេស មានចំនួន ៧,៣៧៨គ្រឿង ក្នុងនោះបានធ្វើការអប់រំចំនួន ៣,៣៨៥គ្រឿង ពិន័យសរុប ៣,៩៩៣គ្រឿង៕
យន្តហោះមួយគ្រឿងដឹកមនុស្ស៦៩នាក់ធ្លាក់នៅរុស្ស៊ីសង្ស័យស្លាប់ទាំងអស់
រុស្ស៊ី៖យោងតាមការចេញផ្សាយរបស់ RT នៅប៉ុន្មាននាទីមុននេះបានឲ្យដឹងថា មានយន្តហោះដឹកអ្នកដំណើររបស់ក្រុមហ៊ុន Flydubai ជើងហោះហើរ FZ981 ផ្ទុកមនុស្សចំនួន៦៩នាក់ បានធ្លាក់នៅទីក្រុង Rostov-on-Don ភាគខាងត្បូងប្រទេសរុស្ស៊ី បណ្ដាលឲ្យអ្នកដំណើរ និងសហនាវិកទាំងអស់នៅលើយន្តហោះសង្ស័យស្លាប់។
យន្តហោះដឹកអ្នកដំណើរ Boeing 737 របស់ក្រុមហ៊ុន Flydubai បានហោះហើរចេញពីអាកាសយានដ្ឋាន ក្នុងទីក្រុងឌូបៃ ប្រទេសអារ៉ាប និងបានធ្លាក់ខណៈពេលចុះចតនៅអាកាសយានដ្ឋានក្នុងទីក្រុង Rostov-on-Don នៅម៉ោងប្រមាណ ៦ព្រឹក (ម៉ោងក្នុងតំបន់) ប៉ុន្តែប្រហែលជាមានបញ្ហាអ្វីមួយទៀតបណ្ដាលឲ្យធ្លាក់បែបនេះ។
មន្ត្រីសង្គ្រោះបន្ទាន់នៅក្នុងតំបន់បានបញ្ជាក់ប្រាប់អ្នកសារព័ត៌មានថា មនុស្សនៅលើយន្តហោះទាំង៦៩នាក់ ក្នុងនោះរួមទាំងសហនាវិកផងត្រូវបានស្លាប់៕
ជនសង្ស័យឆក់កាបូប២នាក់ត្រូវប្រជាពលរដ្ឋវាយទ្រមខ្លួនរួចប្រគល់ឲ្យសមត្ថកិច្ច
រាជធានីភ្នំពេញ៖ជនសង្ស័យ២នាក់ត្រូវបានប្រជាពករដ្ឋវាយម្នាក់មួយដៃ មួយជើងស្ទើររួមទើបប្រគល់ឲ្យសមត្ថកិច្ចនគរបាលខណ្ឌដូនពេញ បន្ទាប់ពីធ្វើសកម្មភាពឆក់កាបូបស្ត្រីម្នាក់មិនបានសម្រេច។ ហេតុការណ៍នេះកើតឡើងនៅម៉ោង៩ និង២០នាទីយប់ថ្ងៃទី១៨ ខែមីនា ឆ្នាំ២០១៦ ស្ថិតនៅចំណុចមុខក្រុមហ៊ុនខាំមីងតែល ផ្លូវព្រះស៊ីសុវត្ថិកែងផ្លូវ លេខ៨៨ ក្នុងសង្កាត់ស្រះចក ខណ្ឌដូនពេញ។
សមត្ថកិច្ចបានប្រាប់ឲ្យដឹងថា ជនសង្ស័យទាំង២នាក់ ដែលត្រូវឃាត់ខ្លួនទី១-ឈ្មោះ ឌុច សុផល ភេទប្រុស អាយុ២៨ឆ្នាំ មុខរបរកម្មករសំណង់ មានទីលំនៅមិនពិតប្រាកដ (ជាអ្នកឆក់) និងទី២-ឈ្មោះ គឹម សុផល ភេទប្រុស អាយុ៣៧ឆ្នាំ មុខរបររត់ម៉ូតូឌុប មានទីលំនៅមិនពិតប្រាកដ (ជាអ្នកបើកម៉ូតូ) ជនសង្ស័យទាំង២នាក់ ជិះម៉ូតូមួយគ្រឿងម៉ាក Wave-i ពណ៌ខ្មៅ ស៊េរីឆ្នាំ២០០៧ ពាក់ស្លាកលេខកណ្តាល 1H-1375។ ចំណែកជនរងគ្រោះមានឈ្មោះ ធី សារ៉េត អាយុ៣២ឆ្នាំ មុខរបរម៉ាស្សា មានទីលំនៅផ្ទះលេខ៦C ផ្លូវ៨០ ស្ថិតនៅភូមិ១៤ ក្នុងសង្កាត់ស្រះចក ខណ្ឌដូនពេញ។
បច្ចុប្បន្នជនសង្ស័យទាំង២នាក់ រួមទាំងម៉ូតូត្រូវបានសមត្ថកិច្ចឃុំខ្លួនបណ្តោះអាសន្ននៅប៉ុស្តិ៍នគរបាលខណ្ឌដូនពេញ៕
ក្រុម ISIS កំពុងហ្វឹកហាត់កុមារច្រើននាក់នៅស៊ីរី
ស៊ីរី៖បន្ទាប់ពី បាត់បង់សមាជិកសកម្មប្រយុទ្ធជាច្រើននាក់នៅក្នុងរយៈពេល៦ខែចុងក្រោយនេះ ក្នុងនោះក៏មានមេដឹកនាំកំពូលៗផងនោះ ខណៈនេះក្រុមឧទ្ទាម ISIS បាននិងកំពុងជ្រើសរើសកុមារបន្ថែមជាច្រើននាក់ទៀត ដើម្បីហ្វឹកហាត់ និងបណ្ដុះបណ្ដាលជំនាញ។ នេះបើយោងតាមការចេញផ្សាយរបស់ RT។
ក្នុងរយៈចុងក្រោយនេះឥទ្ធិពលរបស់ក្រុម ISIS ហាក់បានអន់ថយក្រោយពេលមានការវាយប្រហារតាមរយៈដែនអាកាសពីសំណាក់រុស្ស៊ី និងលោកខាងលិច ដែលដឹកនាំដោយសហរដ្ឋអាមេរិក ប៉ុន្តែប៉ុន្មានថ្ងៃមុននេះ សហរដ្ឋអាមេរិក និងរុស្ស៊ី បានយល់ព្រមដកទ័ពចេញពីប្រទេសស៊ីរី នៅក្នុងកិច្ចព្រមព្រៀងសន្ដិភាព។
យោងតាមរបាយការណ៍របស់រុស្ស៊ីបានឲ្យដឹងថា យន្តហោះចម្បាំងរុស្ស៊ី បានកម្ទេចរោងចក្រផលិតប្រេងរបស់ក្រុម ISIS ចំនួន ២០៩កន្លែង និងរថយន្តដឹកប្រេងចំនួន ៣ពាន់គ្រឿង ដែលធ្វើឲ្យ ISIS ខាតបង់ធំ។
គួររម្លឹកកាលពីចុងឆ្នាំ២០១៥ ក្រុម ISIS បានបង្ហាញវីដេអូបង្ហាត់បង្រៀនក្មេងៗអាយុប្រហែល ៨ឆ្នាំ ឲ្យក្លាយជាភេរវករ ជាមួយនឹងជំនាញជាច្រើនយ៉ាង ព្រោះថានៅពេលអនាគត ពួកគេត្រូវពឹងផ្នែកទៅលើក្មេងៗទាំងនោះ ដើម្បីបន្ដភារកិច្ច៕
ចេញពីពិធីមង្គលការមិត្តភ័ក្តិស្រវឹងបើកបរម៉ូតូដួលស្លាប់ម្នាក់ឯង
ដោយ៖ អ៊ួង វឹង
ខេត្តកំពត៖នៅថ្ងៃទី ១៩ ខែមីនា ឆ្នាំ២០១៦ វេលាម៉ោង០១និង២០នាទី អធ្រាត្រ មានករណី គ្រោះថ្នាក់ចរាចរណ៍មួយបានកើតឡើង បង្កដោយបុរសម្នាក់ បណ្តាលអោយស្លាប់តែឯកឯងនៅកន្លែងកើតហេតុតែម្តង។
សាក្សីនៅកន្លែងកើតហេតុ បានអោយដឹងថា ជនរងគ្រោះ ឈ្មោះ ហេង កុកស្រេង ភេទប្រុស អាយុ២៥ឆ្នាំ រស់នៅភូមិត្នោត ឃុំឬស្សីស្រុកខាងកើត ស្រុកកំពង់ត្រាច ខេត្តកំពត បើកម៉ូតូម៉ាក វ៉េវ ពណ៌ក្រហម ពាក់ស្លាកលលខ ភ្នំពេញ ១U ៤៦៣៥ ចេញមកពីស៊ីការមិត្តភ័ក្តិក្នុងភូមិមួយ នៅជាប់ព្រំដែនវៀតណាម។សាក្សីបន្តទៀតថា ជនរងគ្រោះផឹកស្រាស្រវឹងហើយ បានជាបើកម៉ូតូជ្រុលធ្លាក់ចូលក្នុងស្រែបណ្តាលអោយស្លាប់បាត់បង់ជីវិតនៅនឹងកន្លែងកើតហេតុតែម្តង។
សមត្ថកិច្ចបានជួយចាត់ចែងបញ្ជូនសពជនរងគ្រោះឲ្យសាច់ញាតិដើម្បី នាំយកទៅរៀបចំពីធីបុណ្យតាមប្រពៃណី៕
លោកបណ្ឌិត ជា ចំរើន ប្រកាសលាលែង ពីឆាកនយោបាយ
ដោយ៖ខេមរា
ភ្នំពេញ ៖ មានការភ្ញាក់ផ្អើលជាថ្មីក្នុងសប្តាហ៍នេះ ដោយលោកបណ្ឌិតសាស្ត្រាចារ្យ ជា ចំរើន បានសុំលាលែងតំណែងពីប្រធានគណបក្សកម្ពុជាសេរីភាព ដែលទើបបង្កើតកាលពេលថ្មីៗនេះ ដោយប្រកាសថាលោកនឹងបញ្ចប់ជីវិតនយោបាយព្រោះចង់រស់នៅក្នុងឋានះជាប្រជាពលរដ្ឋធម្មតា។នេះបើតាមការឲ្យដឹងពីមន្ត្រីគណបក្សកម្ពុជាសេរីភាព។
ប្រភពពីមន្ត្រីគណបក្សដែលទើបបង្កើតថ្មីនេះបានឲ្យដឹងថា ការប្រកាសលាលែងតំណែង និងបញ្ចប់ជីវិតនយោបាយរបស់លោកបណ្ឌិត ជា ចំរើន នាពេលនេះ គឺមិនមែនជាមូលហេតុនយោបាយឡើយ ប៉ុន្តែដោយសារ លោកចង់រស់នៅក្នុងជីវភាពជាប្រជាពលរដ្ឋសាមញ្ញ ព្រោះកន្លងមកនេះលោកបានលះបង់កម្លាំងកាយចិត្តសព្វបែបយ៉ាងក្នុងឆាកនយោបាយ ។
គួរបញ្ជាក់ថា លោក ជា ចំរើន អតីតតំណាងរាស្ត្រគណបក្សប្រជាជនកម្ពុជានិងសមាជិកគណៈកម្មាធិការជាតិរៀបចំការបោះឆ្នោត (គ.ជ.ប) បានដាក់លិខិតសុំលាលែងពីសមាជិកគណៈកម្មាធិការកណ្តាលគណបក្សប្រជាជនកម្ពុជាកាលពីថ្ងៃទី១៨ ខែវិច្ឆិកា ២០១៥ បន្ទាប់ពីរួមរស់ក្នុងគណបក្សនេះរយៈពេល២២ឆ្នាំ និងមួយថ្ងៃក្រោយមកគណបក្សប្រជាជនកម្ពុជាបានយល់ព្រមឲ្យចាកចេញតាមសំណើ ។
ប្រមាណមួយសប្តាហ៍ក្រោយមក គឺនៅថ្ងៃទី២៥ វិច្ឆិកា ២០១៥ លោកបណ្ឌិតសាស្ត្រាចារ្យ ជា ចំរើន បានប្រកាសបង្កើតគណបក្សថ្មីមួយដោយដាក់ឈ្មោះថា “គណបក្សកម្ពុជាសេរីភាព” និងក្រោយមកត្រូវបានក្រសួងមហាផ្ទៃចុះបញ្ជីទទួលស្គាល់ផ្លូវការ ប៉ុន្តែនៅពេលនេះ លោកបានប្រកាសបញ្ចប់ជីវិតនយោបាយរបស់លោកហើយ ដើម្បីរស់នៅជាប្រជាពលរដ្ឋសាមញ្ញធម្មតា ដោយមិនខ្វល់ពីនយោបាយទៀតឡើយ ធ្វើឲ្យមានការចាប់អារម្មណ៍យ៉ាងខ្លាំងចំពោះការផ្លាស់ប្តូរឆន្ទះ និងបានបញ្ឈប់ហាក់ដូចជាប្រញាប់ប្រញាល់ពេកក្នុងការចាកចេញពីឆាកនយោបាយរបស់លោក៕
សមត្ថកិច្ចរកឃើញថ្នាំញៀន៩៦៣,៩៧ក្រាម ក្នុងផ្ទះសំណាក់តារារស្មី ក្រុងបាត់ដំបង
ដោយ៖ប៉ែនសុផល
បាត់ដំបង៖ប្រភពព័ត៌មានពីសមត្ថកិច្ចបានអោយដឹងថា ដោយសារចលនាចូលរួមពីស្រទាប់មហាជនក្រោយពីការអង្កេតឃើញមនុស្សដែលគួរអោយសង្ស័យបានចេញចូលនិងស្នាក់នៅក្នុងផ្ទះសំណាក់១កន្លែងយីហោតារារស្មីនៅក្នុងមូលដ្ឋាន ភូមិ១៣មករា សង្កាត់ព្រែកព្រះស្តេច ក្រុងបាត់ដំបង ខេត្តបាត់ដំបង ទើបនៅថ្ងៃទី១៧ ខែមីនានេះក្រុមនគរបាលទទួលផែនប្រឆាំងបទល្មើសចុះត្រតពិនិត្យក្នុងបន្ទប់ផ្ទះសំណាក់ខាងលនេះ បានរកឃើញគ្រឿងញៀនប្រភេទកេតាម៉ីន ទម្ងន់៩៦៣,៩៧ក្រាម។
ការឆែកឆេខាងលើសមត្ថកិច្ចរឹបអូសបានត្រឹមតែសារធាតុញៀនប៉ុណ្ណោះមិនបានឃាត់ខ្លួនជនសង្ស័យណាម្នាក់ឡើយ ប៉ុន្តែកំពុងឋិតក្រោមការស៊ឺបអង្កេតយ៉ាងយកចិត្តទុកដាក់ចំពោះមុខសញ្ញាដែលពាក់ពន្ធ។
នគរបាលបានសន្និដ្ឋានបឋមថា គ្រឿងញៀនដែលរក្សាទុកខាងលើនេះ ជនល្មើសបំរុងចែកចាយទៅកាន់បណ្តាញរបស់ពួកគេ ប៉ុន្តែត្រូវសមត្ថកិច្ចបង្ក្រាបបានទាន់ពេលវេលា។
បច្ចុប្បន្នសមត្ថកិច្ចបានប្រគល់គ្រឿងញៀនទាំង៩៦៣,៩៧ក្រាមនេះទៅអោយតុលាការខេត្តហើយដើម្បីរក្សាទុករងចាំពេលវេលាដុតបំផ្លាញចោល៕
សភាកោះហៅរដ្ឋមន្ត្រីក្រសួងយុត្តិធម៌សួររឿងមិនប្រក្រតីរបស់តុលាការកម្ពុជា
រាជធានីភ្នំពេញ៖រដ្ឋសភាកោះហៅ លោក អង្គ វង្សវឌ្ឍានា រដ្ឋមន្ត្រីក្រសួងយុតិ្តធម៌ ឲ្យចូលបំភ្លឺនៅសប្តាហ៍ក្រោយ ជុំវិញករណីមួយចំនួន នៃការអនុវត្តរបស់ តុលាការដែលពាក់ព័ន្ធ សិទ្ធិរបស់ប្រជាពលរដ្ឋ។
ការកោះហៅរដ្ឋមន្ត្រីក្រសួងយុត្តិធម ទៅសាកសួរនោះបន្ទាប់ពីប្រព័ន្ធតុលាការបានធ្វើការសម្រេចក្តី ដោយភាពមិនប្រក្រតីជាច្រើនសំខាន់រឿងក្តីចុងក្រោយទាក់ទងទំនាស់ដីធ្លីរហូតមានអន្តរាគមន៍ពីនាយករដ្ឋមន្ត្រី៕
រុស្ស៊ីនៅតែបន្តគាំទ្រដល់រដ្ឋាភិបាលលោក បាស្ហា អាល់អាសាដ
រុស្សី៖ប្រធានាធិបតីរុស្ស៊ីលោក វ្លាឌីមៀ ពូទីន បានអះអាងថា រដ្ឋាភិបាលក្រុងមូស្គូនៅតែបន្តគាំទ្រដល់រដ្ឋាភិបាលប្រទេសស៊ីរីក្រោមការគ្រប់គ្រងរបស់លោក បាស្ហា អាល់អាសាដ បើទោះបីជារុស្ស៊ីដកទ័ពចេញពីប្រទេសស៊ីរីយ៉ាងណាក៏ដោយ។
លោកពូទីនបញ្ជាក់ថា ការគាំទ្រដល់ស៊ីរីនៅតែមាន គឺមានទាំងការគាំទ្រផ្នែកហិរញ្ញវត្ថុ សព្វាវុធនិងអាវុធយុទ្ធភ័ណ្ឌ គាំទ្រលើការស៊ើបការណ៍សម្ងាត់ និងបុគ្គលិកជំនួយក្នុងការរៀបចំផែនការធ្វើប្រតិបត្ដិការ។លោកសង្កត់ធ្ងន់ថា កងទ័ពដែលនៅសល់ក្នុងប្រទេសស៊ីរី អាចគ្រប់គ្រាន់ក្នុងការអនុវត្ដន៍កាតព្វកិច្ចដែលបានដាក់ឲ្យពួកគេហើយ។ ទន្ទឹមនោះលោកក៏បានសរសើរដល់ទាហានរុស្ស៊ីផងដែរ ដែលបានបើកផ្លូវឈានទៅរកដំណើរការសន្ដិភាព ហើយលោកបានសរសើរដល់ភាគីស៊ីរីមានលោកបាស្ហា អាល់អាសាដជាប្រធានាធិបតី ដែលតែងអត់ធ្មត់ និងព្យាយាមដោយស្មោះត្រង់ ស្វែងរកសន្ដិភាព ព្រមទាំងបានត្រៀមខ្លួនជាស្រេច ដើម្បីសម្របសម្រួលកិច្ចចរចា។
គួរបញ្ជាក់ថា រុស្ស៊ី និងអាមេរិកគឺជាតួអង្គសំខាន់ជាងគេក្នុងការជួយដោះស្រាយជម្លោះរ៉ាំរ៉ៃនៅក្នុងប្រទេសស៊ីរី៕
Eden Hazard នឹងផ្លាស់មក Real Madrid នៅរដូវកាលក្រោយ
បាល់ទាត់៖សេចក្តីរាយការណ៍មួយបានឲ្យដឹងថា ក្លិប Real Madrid កំពុងមានកិច្ចព្រមព្រៀងលើគោលការណ៍មួយក្នុងការនាំយកកីឡាករ Eden Hazard ពីក្លិបតោខៀវ Chelsea នារដូវក្តៅខាងមុខនេះ។
ខ្សែប្រយុទ្ធសញ្ជាតិប៊ែលហ្សិកវ័យ២៥ឆ្នាំរូបនេះ ស៊ុតបញ្ចូលទីបាន២៥គ្រាប់ក្នុងការបង្ហា្ញញខ្លួនឲ្យក្រុមតោខៀវចំនួន១៩លើនឹងជួយឲ្យក្រុមនេះឈ្នះជើងឯក Premier League កាលពីរដូវកាលមុនប៉ុន្តែនៅបច្ចុប្បន្នខ្សែប្រយុទ្ធរូបនេះរកបានតែ១គ្រាប់គត់ក្នុងការបង្ហាញខ្លួន២៣លើឲ្យក្រុមនូវពេលថ្មីៗនេះ។
Hazard ប៉ុន្មានខែកន្លងមកនេះកំពុងតែមានការរិះគន់ពីសំណាក់អ្នកគាំទ្រយ៉ាងខ្លាំងនូវទម្រង់លេងដ៏អន់របស់គេនោះហើយថ្មីៗនេះដែរគេហទំព័រ AS បានចុះផ្សាយថា អតីតខ្សែប្រយុទ្ធរបស់ក្រុម Lille បានព្រមព្រៀងចុះហត្ថលេខា ជាមួយក្រុម Real Madrid នៅចុងបញ្ចប់នៃរដូវកាលនេះ។
គួរបញ្ជាក់ថា ក្រុម Real Madrid អាចនឹងមានការផ្លាស់ប្តូរកីឡាករ James Rodriguez ជាមួយនឹងខ្សែប្រយុទ្ធ Hazard នៅរដូវក្តៅនេះ៕
Totti អាចនឹងចាកចេញពីក្លិប Roma ពេលចប់រដូវកាលនេះ
បាល់ទាត់៖យោងតាមសេចក្តីរាយការណ៍ពីសារព័ត៌មាន Fichajes បានឲ្យដឹងថា Leicester City ដែលកំពុងឈរនៅកំពូលតារាង Premier League កំពុងត្រៀមដាក់សំណើទៅក្លិប Roma ដើម្បីនាំយកខ្សែប្រយុទ្ធ Francesco Totti មករួមក្រុមនាពេលរដូវខាងមុខនេះ។
ខ្សែប្រយុទ្ធសញ្ជាតិអ៊ីតាលីវ័យ៣៩ឆ្នាំរូបនេះ បានលេងឲ្យក្រុម Roma ចាប់តាំងពីឆ្នាំ១៩៨៩ និងបានស៊ុតបញ្ចូលទីបានចំនួន៣០០គ្រាប់ក្នុងការបង្ហាញបានខ្លួនឲ្យក្លិបអ៊ីតាលីមួយនេះចំនួន៧៥១ប្រកួតផងដែរ។
កីឡាករអ៊ីតាលីរូបនេះនឹងផុតកិច្ចសន្យាជាមួយក្រុម Roma នៅពេលចប់រដូវកាលនេះប៉ុន្តែខ្សែប្រយុទ្ធរូបនេះត្រូវបានគេអះអាងថានឹងអាចព្យូរស្បែកជើងបន្ទាប់ពីមិនជាប់ជ្រើស១១នាក់ដំបូងឲ្យក្រុមរយៈពេល១២ខែកន្លងមក។
យោងតាមគេហទំព័រ Fichajes.net បានឲ្យដឹងថា អ្នកចាត់ទូរទៅរបស់ក្រុម Leicester លោក Claudio Ranieri នឹងនាំយកកីឡាករ Totti ដើម្បីមកលេងនៅ Premier League។
គួរបញ្ជាក់ថា ក្រុម Roma និងផ្តលតួនាទីមួយទៅឲ្យ Totti នៅពេលចប់រដូវកាលនេះប្រសិនកីឡាកររូបនេះមិនចាកចេញពីក្រុមនោះ៕
ចិនចង់សហការជាមួយឥណ្ឌូនេស៊ីក្នុងការប្រឆាំងអំពើភេរវកម្ម
ប៉េកាំង៖អ្នកនាំពាក្យក្រសួងការបរទេសចិនកាលពីថ្ងៃទី១៧មីនាបានបញ្ជាក់ថា រដ្ឋាភិបាលក្រុងប៉េកាំងមានបំណងចង់សហការជាមួយរដ្ឋាភិបាលឥណ្ឌូនេស៊ីដើម្បីពង្រឹងកិច្ចសហប្រតិបត្ដិការប្រឆាំងសកម្មភាពភេរវកម្មដែលកំពុងគំរាមកំហែង។
លោកអះអាងថា ការធ្វើបែនេះ គឺដើម្បីរក្សាការពារសន្ដិសុខនិងស្ថេរភាពក្នុងប្រទេសទាំងពីរ និងសន្ដិសុខ ស្ថិរភាពក្នុងតំបន់។ លើសពីនេះទៅទៀតចិនថា ចិននិងឥណ្ឌូនេស៊ីបានយល់ច្បាស់ពីស្ថានការណ៍បច្ចុប្បន្ន ដូច្នេះប្រទេសទាំងពីរបានយល់ពីគ្នាទៅវិញទៅមក និងគាំទ្រគ្នាដើម្បីប្រឆាំងអំពើភេរវកម្ម។
គួរបញ្ជាក់ថា ចិន និងឥណ្ឌូនេស៊ីគឺជាជនរងគ្រោះនៃអំពើភេរវកម្ម ហើយកំពុងប្រឈមមុខនឹងការគំរាមកំហែងផងដែរ៕
