រាជធានីភ្នំពេញ ៖អតីតអ្នកបើករថយន្តឲ្យក្រុមហ៊ុនកាពីតូលម្នាក់ត្រូវបានសមាជិកសមាគមរួមគ្នាអភិវឌ្ឍន៍កម្ពុជាចាប់ខ្លួនបញ្ជូនទៅសមត្ថកិច្ចកាលពីព្រឹកមិញទាក់ទងការធ្វើសកម្មភាពចែកខិត្តប័ណ្ណនិយាយប៉ះពាល់ ដល់សមាគម។ នេះបើយោងតាមការឲ្យដឹងពីមន្ត្រីសមាគមកម្មករសេដ្ឋកិច្ចក្រៅប្រព័ន្ធកម្ពុជា។
បាល់ទាត់ ៖ក្រុមបិសាចក្រហម Manchester United បានធ្លាក់ចេញពីពានរង្វាន់ UEFA Europa នៅវគ្គ១៦ក្រុមចុងក្រោយបន្ទាប់ធ្វើបានត្រឹម ១-១ ជាមួយក្រុមហង្សក្រហម Liverpool ក្នុងការប្រកួតជើងទី២នៅ Old Trafford យប់មិញ និងសរុបទាំង២ជើង ហង្សក្រហមឈ្នះ ៣-១។
កូរ៉េខាងជើង ៖យោងតាមសារព័ត៌មាន BBC បានផ្សាយថា នៅព្រឹកថ្ងៃទ១៨ ខែមីនា នេះ ប្រទេសកូរ៉េខាងជើង បានបាញ់មីស៊ីលឆ្លងទ្វីបចូលសមុទ្រចម្ងាយ៨០០គីឡូម៉ែត្រ១គ្រាប់ពីតំបន់ Sukchon ភាគខាងលិចប្រទេស ចូលទៅក្នុងទឹកសមុទ្រនៃឆ្នេរភាគខាងកើត។
រាជធានីភ្នំពេញ ៖យោងតាមលិខិតរាជរដ្ឋាភិបាល ផ្ញើជូនសម្តេចប្រធានរដ្ឋសភាជាតិ ចុះថ្ងៃទី១៦ ខែមីនា ឆ្នាំ២០១៦ ទាក់ទងការរុះរើគណៈរដ្ឋមន្ត្រី ដែលត្រូវបានគេទម្លាយចេញនៅព្រឹកនេះ គឺបង្ហាញច្បាស់ហើយថា តើក្រសួងណាខ្លះនឹងត្រូវផ្លាស់ប្តូររដ្ឋមន្ត្រី ហើយរដ្ឋមន្ត្រីជានរណា៕ សូមអានលិខិតរបស់រាជរដ្ឋាភិបាល ដែលបានផ្ញើជូនសម្តេចប្រធានរដ្ឋសភាជាតិ៖
រាជធានីភ្នំពេញ ៖ទាក់ទងរឿងអាស្រូវផ្លូវភេទ របស់លោក កឹម សុខា កាន់តែរីកធំឡើងៗ ដូចដំបៅមហារីក មិនអាចព្យាបាលបាន។ ផ្តើមពីនោះនៅរាត្រីថ្ងៃទី១៧ ខែមីនា ឆ្នាំ២០១៦នេះ សមាគមយុវជនកំណែទម្រង់រដ្ឋបានចេញសេចក្តីថ្លែងការណ៍មួយដោយធ្វើការស្នើសុំទាមទារឲ្យស្ថាប័នជាតិធំៗមានរដ្ឋសភាជាតិ រាជរដ្ឋាភិបាល និងអង្គភាពប្រឆាំងអំពើពុករលួយ បើកការស្រាវជ្រាវជាបន្ទាន់មួយទៅលើករណីអាស្រូវផ្លូវភេទរបស់លោក កឹម សុខា។
រាជធានីភ្នំពេញ ៖ព្រះរាជអាជ្ញារងសាលារាជធានីភ្នំពេញបានចេញដីកាកោះអញ្ជើញលោក សម រង្ស៊ី ចូលខ្លួនមកបំភ្លឺពាក់ព័ន្ធ បណ្តឹងរបស់លោក សោម សឿន រដ្ឋមន្ត្រីប្រតិភូ អមនាយករដ្ឋមន្ត្រីពីបទផ្សាយព័ត៌មានលើទំព័រ Face book កាលពីថ្ងៃទី០៩ ខែមីនា ឆ្នាំ២០១៦ កន្លងទៅ។
រាជធានីភ្នំពេញ ៖នៅថ្ងៃទី១៧ ខែមីនា ឆ្នាំ២០១៦ម្សិលមិញនេះ កម្លាំងសមត្ថកិច្ចនគបាលបានបង្ក្រាបបទល្មើសជួញដូរ រក្សាទុក និងប្រើប្រាស់៦ករណី ឃាត់មនុស្ស១៦នាក់ (ស្រី១នាក់) រួមនឹងវត្ថុតាង រួមមានគ្រឿងញៀនប្រភេទ មេតំហ្វេតាមីន (ice) ៨៧,៨២ក្រាម និង១២១កញ្ចប់តូច។ នេះបើយោងតាមរបាយការណ៍របស់អគ្គស្នងការដ្ឋាននគរបាលជាតិ។
ដោយ៖សហការី
ខេត្តប៉ៃលិន ៖ ប្រជាពលរដ្ឋជាច្រើននាក់ រស់នៅក្នុងក្រុងប៉ៃលិន បានសម្តែងនូវការ សោកស្តាយយ៉ាងខ្លាំងចំពោះព្រៃឈើជាធនធានធម្មជាតិដ៏សំខាន់បំផុត សម្រាប់ទាក់ទាញទឹកភ្លៀង និងផ្តល់លំនឹងអាកាសធាតុ ជួយបម្រើផលប្រយោជន៍ ដល់ជីវិតមនុស្ស សត្វគ្រប់ប្រភេទ ត្រូវបានអ្នកភូមិ និងមន្ត្រីកិច្ចសន្យា ខិលខូចមួយចំនួន បាននាំគ្នាកាប់បំផ្លាញ ដើម្បីរានយកដីដាំពោត និងដំឡូងមី យ៉ាងអនាធិបតេយ្យ ដោយមិនគិតខ្វល់ខ្វាយអំពីផលប៉ះពា ល់ ចំពោះបញ្ហាគ្រោះរាំងស្ងួតហួតហែងនោះឡើយ ជាពិសេសនៅត្រង់ចំណុចភូមិអូរប្រើ ស អូរខ្ទីង ភូមិក្រចាប់ និងចំណុចអូរធ្លាក់ស ក្នុងភូមិភ្នំដំបង សង្កាត់អូរតាវ៉ៅ ក្រុងប៉ៃលិន ត្រូវបានគេកាប់ ដុតបំផ្លាញក្លាយជាវាលរហោស្ថានរាប់សិបហិកតាឯណោះ ។ តែមិនឃើ ញមានមន្ត្រីពាក់ព័ន្ធ ក៏ដូចជាអាជ្ញាធរមូលដ្ឋានណាម្នាក់ អើពើយកចិត្តទុកដាក់ថែរក្សាព្រៃឈើ ដែលសេសសល់តិចតួចទាំងនោះឱ្យបានគង់វង់នោះឡើយ ដោយចេះតែបណ្តែតប ណ្តោយ ពីមួយថ្ងៃទៅមួយថ្ងៃ មួយឆ្នាំទៅមួយឆ្នាំ ប្រែក្លាយទៅជាអស់រលីង ពោលគឺបានត្រឹមតែឆ្លើយដាក់គ្នាយករួចខ្លួនប៉ុណ្ណោះ ។
បើតាមប្រភពព័ត៌មានពីមន្ត្រីបរិស្ថានខេត្ត បានបង្ហើបឱ្យដឹងកាលពីព្រឹកថ្ងៃទី១៧ ខែមីនា ថា នៅរដូវប្រាំងឆ្នាំ២០១៦នេះ ព្រៃឈើនៅតំបន់អភិរក្សជាច្រើនកន្លែង ក្នុងខេត្តប៉ៃលិ ន ត្រូវបានប្រជាពលរដ្ឋរស់នៅក្នុងភូមិខាងលើ និងមន្ត្រីបុគ្គិកបណ្តែតមួយចំនួននាំគ្នាលួចកាប់ដុតស្ទើររាល់ថ្ងៃ ខណៈមន្ត្រីការពារព្រៃឈើ និងសត្វព្រៃទៅដល់ ពួកគេនាំគ្នារត់គេខ្លួនអស់រលីង ដោយជួនកាល រត់ចោលម៉ាស៊ីនកាត់ឈើថែមទៀតផង ។ ប្រភពបន្តទៀតថា ពេលខ្លះចាប់បានអ្នកដែលកាប់នោះហើយ គ្រាន់តែធ្វើកិច្ចស ន្យារាងចាលរួចដោះលែងទៅផ្ទះវិញ លុះថ្ងៃក្រោយមកកាប់វិញដដែល ហើយពេលខ្លះទៀ ត បន្ទាប់ពីចាប់បានត្រូវគេអន្តរគមន៍ដោះលែងភ្លាមៗតែម្តង ។ សូម្បីតែនៅក្បែរស្នាក់ការអូរធ្លាក់ស ដែលធ្វើទុកឱ្យម ន្ត្រីបរិស្ថានចាំយាមការពារក៏កាប់ដុតវាលស្រឡះល្វឹងល្វើយដាច់កន្ទុយភ្នែកផងដែរ ។
ពាក់ព័ន្ធទៅនឹងបញ្ហានេះ លោក ថន គឹមហុង នាយកតំបន់ប្រើប្រាស់ច្រើនយ៉ាងសំឡូតប៉ៃលិន បានឱ្យដឹងតាមទូរស័ព្ទកាលពីព្រឹកថ្ងៃទី១៧ មីនា នេះថា ព្រៃឈើត្រង់ចំណុច ខាងលើ ដែលប្រជាពលរដ្ឋនាំគ្នាកាប់ទន្ទ្រាន យកដីដាំដំណាំ ដោយសារតែអាជ្ញាធរខេត្តបាត់ដំបង និងខេត្តប៉ៃលិន ឯកភាពគ្នាខ្វៀលជូនពួកគាត់កាន់កាប់ប្រើប្រាស់តាំងពីយូរឆ្នាំមកហើយ ។ លោកបានបន្តទៀតថា ខាងលោកក៏បានដាក់កម្លាំងនៅទីនោះជាច្រើននាកដែរ ដើម្បីចាប់ពួកអ្នកដែលលួចកាប់បំផ្លាញព្រៃឈើ លុះក្រោយមកគេយកលិខិតដែលអភិ បាលខេត្ត អនុញ្ញាតិបង្ហាញជូនព្រះរាជអាជ្ញា ក៏ត្រូវបានដោះលែងវិញ ។
បើតាម លោក គឹម សុខា ប្រធានមន្ទីរបរិស្ថានខេត្ត បានឱ្យដឹងដែរថា ព្រៃតំបន់អភិរក្សខាងលើ មិនអនុញ្ញាតឱ្យប្រជាពលរដ្ឋណាម្នាក់ចូលទៅកាប់ទន្ទ្រានយកធ្វើកម្មសិទ្ធិបានទេ ហើយចំពោះការដែលថាអភិបាលខេត្តឯកភាពឱ្យកាប់ទន្ទ្រានយកដីនោះបង្កបង្កើនផល មិនទាន់មានសេចក្តីសម្រេចណាមួ យនោះទេ គ្រាន់តែបែងចែកតំបន់ព្រំប្រទល់រវាងខេត្តទាំងពីរឱ្យដឹងច្បាស់លាស់ប៉ុណ្ណោះ ។ លោកបន្តទៀតថា ខាងលោកមានឈ្មោះអ្នកលួចកាប់ព្រៃឈើទាំងនោះអស់ហើយ ដោយកំពុងរៀបចំសំណុំរឿង ។
ចំណែក លោក កើត សុធា អភិបាលខេត្តប៉ៃលិន មិនអាចសុំការបំភ្លឺបានឡើយពាក់ព័ន្ធនឹងការកាប់បំផ្លាញព្រៃតំបន់អភិរក្សខាងលើ ខណៈភ្នាក់ងារសារព័ត៌មានទាក់ទងសួរនាំ ខាងលោកបានប្រាប់ថា កំពុងជាប់រវល់ប្រជុំ ៕
ដោយ៖រតនៈ
ភ្នំពេញ៖ តារាសាច់សខ្ចីសម្តីទន់ជា កូនកាត់ខ្មែរ អាល្លឺម៉ង់ កញ្ញា ម៉ៃយ៉ា(Ruger Maiya-Saraya Matha) ឆក់បានតំណែងតួឯកស្រីជាលើកដំបូងក្នុងខ្សែភាពយន្តភាគថ្មីរបស់ស្ថានីយទូរទស្សន៍ប៉ុស្ត៍លេខ៥គឺរឿង “ហង្សបាក់ស្លាប”។ ការបញ្ជាក់នេះត្រូវបានធ្វើឡើង ក្នុងកម្មវិធីក្រុងពាលីចេញថតខ្សែភាពយន្តភាគខាងលើកាលពីព្រឹកថ្ងៃទី១៧មីនានេះនៅក្នុងបរិវេណសណ្ឋាគារ សូហ្វីតែលភូគីត្រាភ្នំពេញ។
លោកបញ្ជាក់ថា វិស័យភាពយន្តនៅកម្ពុជាមានឱកាសច្រើនក្នុងការដណ្តើមទីផ្សារភាពយន្តព្រោះតែសិល្បករ សុទ្ធតែមានសមត្ថភាពទេពកោសល្យក្នុងការសម្តែង ហើយលោករំពឹងថា ទីផ្សារភាពយន្តភាគខ្មែរនឹងទទួលបានការគាំទ្រច្រើនពីប្រជាពលរដ្ឋកម្ពុជានិងប្រទេសជិតខាងនៅពេលខាងមុខ៕
ដោយ៖អ៊ួង វឹង
ព្រះសីហនុ៖ សេចក្តីរាយកាណ៍បានអោយដឹងថា នៅវេលាម៉ោង ២៖៤០នាទីរសៀលថ្ងៃទី១៧ ខែមីនា ឆ្នាំ២០១៦នេះ អគ្គិភ័យកំពុងឆេះផ្ទះប្រជាពលរដ្ឋ នៅខាងក្រោយផ្សារពាណិជ្ជកម្ម សង្កាត់លេខ២ ក្រុងព្រះសីហនុ។ នៅពេលនេះកម្លាំងសមត្ថកិច្ច និងរថយន្តពន្លត់អគ្គិភ័យកំពុងចេញជួយអន្តរាគមន៍ហើយ៕
ដោយ៖ប៉ែនសុផល
បាត់ដំបង៖ ប្រជាពលរដ្ឋក្នុងស្រុកកំរៀងពិសេសអ្នករស់នៅមាត់ច្រកអន្ដរជាតិដូង សំដែងការមិនពេញចិត្តជាខ្លាំងចំពោះអាជ្ញាធរមិនអើរពើលើទីតាំងកាស៊ីណូ យីហោឃ្វីន បើកអោយខ្មែរចូលលេងពេញៗយូរឆ្នាំមកហើយ ប៉ះពាល់ដល់សេដ្ឋកិច្ចគ្រួសារ និងប្រឈមកើតចោរលួច ចោរប្លន់ក្នុងសង្គម។
ក្រុមស្ដ្រីជាកម្មករដែលសុំមិនបញ្ចេញឈ្មោះ និងរូបភាពដែលបានធ្វើចំណាកស្រុកជាមួយប្ដីមកធ្វើការងារក្នុងតំបន់មាត់ច្រកអន្ដរជាតិដូងឬច្រកអន្ដរជាតិឡែមបានរៀបរាប់កាលពីចុងសប្ដាហ៍កន្លងមកនេះថា៖ អ្នកស្រីជាញឹកញាប់តែងបានឈ្លោះប្រកែកជាមួយប្ដីដោយសារការប្រព្រឹត្តិល្បែងស៊ីសងក្នុងតំបន់ដែលអ្នកស្រីរស់នៅ វាបានធ្វើអោយប៉ះពាល់ជាខ្លាំងដល់ការផ្គត់ផ្គង់សេដ្ឋកិច្ចគ្រួសារ រហូតមកគំរាមកំហែងប្រើអំពើហិង្សាជាមួយប្រពន្ធកូនទារយកលុយទៅផ្សងនឹងល្បែងក្រែងឈ្នះបានលុយច្រើនយកមកផ្ទះ ប៉ុន្តែពេលនេះ កាស៊ីណូឃ្វីន ស៊ីអស់ហើយលុយកាក់ និងទ្រព្យសម្បត្តិបន្តិចបន្តួចដែលខិតខំរកស៊ីសន្សំទុកប៉ុន្មានឆ្នាំកន្លងមកនេះ។
កាលពីមកធ្វើការដំបូងមិនទាន់បែកគំនិតប្ដីស៊ីឈ្នួលអូសឥវ៉ាន់គេចេញចូលតាមច្រករកលុយបានមកគឺសល់ខ្លះៗអាចសន្សំពីមួយខែទៅមួយខែផ្ញើទៅស្រុកចិញ្ចឹមម្ដាយកូនចៅបានជារឿយៗ ក៍ប៉ុន្ដែតាំងមានគ្នា និងស្គាល់កន្លែងល្បែងស៊ីសងមកមានលុយចូលផ្ទះតិចណាស់ស្ទើរតែរកលុយថ្លៃឈ្នួលផ្ទះជួលមិនបានផង។
ចំណែកអាជីករលក់ដូរនៅតំបន់នេះក៏បានត្អូញត្អែរស្រដៀងគ្នាថា៖ បច្ចុប្បន្ននេះការលក់ដូរក៍មិនសូវដាច់ដូចមុនឡើយ បើមិនរកទេ មិនមានលុយដូរបាយហូបទេ ព្រោះសង្ឃឹមប្ដីជើងល្អលេងបានហើយ វក់នឹងល្បែងប្រពន្ធនិយាយលេងស្ដាប់ទៀត ចាញ់ថ្ងៃនេះហើយស្អែកចាញ់ទៀតមិនអស់ចិត្តតាមល្បែងរហូតដល់លក់ខ្សែក បញ្ចាំម៉ូតូពិបាកសុំលុយម៉ែពីស្រុកមកលស់ស្ទើរមិនបាន ម្យ៉ាងទៀតក្នុងស្រុកទេសបើមានល្បែងស៊ីសងបែបនេះអាចកើតមាននូវចោរលួច ចោរប្លន់ បង្កអសន្ដិសុខសង្គមគ្មានពេលស្រាកស្រាន្តទេ។ប្រភពដដែលបន្តថា បើអាជ្ញាធរសម្រេចបិទកាស៊ីណូដែលអនុញ្ញាតឲ្យខ្មែរចូលលេងយ៉ាងអនាធិបតេយ្យ ខាងលើនេះ ពួកយើងខ្ញុំត្រេកអរខ្លាំងណាស់។
ទាក់ទងបញ្ហាខាងលើនេះអាជ្ញាធរមូលដ្ឋានលោក ជា សុផាន អភិបាលស្រុកកំរៀងបានលើកឡើងថា៖ លោកមិនបានដឹងទេបញ្ហានេះទៅសួរក្រុមប្រឹក្សាខេត្តទៅនឹងដឹងហើយ រីឯលោកអធិការស្ដីទីស្រុកកំរៀងបានអោយដឹងដែរថា៖ កាស៊ីណូយ៉ីហោឃ្វីននេះ គេមានច្បាប់ត្រឹមត្រូវខាងលោកមិនធ្លាប់បានលុយពីខាងហ្នឹងមកទេ វាជារឿងរបស់ថ្នាក់ដឹកនាំបានអនុញ្ញាតអោយបើក៕
បាល់ទាត់ ៖យោងតាមគេហទំព័រ Footmercato បានឲ្យដឹងថា ក្លិបតោខៀវ Chelsea នឹងផ្តល់ជូននូវតម្លៃខ្លួនជិត២០លានផោនលើកិច្ចសន្យារយៈពេល២ឆ្នាំចំពោះខ្សែប្រយុទ្ធ Zlatan Ibrahimovic ប្រសិនបើផ្លាស់មកក្របខ័ណ្ឌ Premier League។
រាជធានីភ្នំពេញ ៖ជនសង្ស័យ៣នាក់ជិះម៉ូតូ២គ្រឿងប្រដាប់ដោយអាវុធខ្លីមួយដើមបានធ្វើសកម្មភាពភ្ជង់ និងបាញ់ជនរងគ្រោះមួយគ្រាប់ចំភ្លៅខាងធ្វេងរបួសធ្ងន់បំរុងប្លន់ម៉ូតូតែមិនបានសម្រេចដោយសារម៉ូតូជនរងគ្រោះធ្លាយកង់ខងក្រោយ។ ហេតុការណ៍នេះកើតឡើងវេលាម៉ោង៥ទៀបភ្លឺថ្ងៃទី១៧ ខែមីនាឆ្នាំ២០១៦ ស្ថិតនៅមុខចំការព្រីង ក្នុងសង្កាត់ភ្នំពេញថ្មី ខណ្ឌសែនសុខ។
បាល់ទាត់ ៖នាវេលាម៉ោង៦ និង៣០នាទីល្ងាចថ្ងៃទី១៨ ខែមីនាស្អែកនេះ ក្រុម Cambodia All Stars នឹងជួបប្រកួតមិត្តភាពជាមួយក្រុម Lao Premier League All Stars ដើម្បីអបអរសាទរខួបទី៦០ឆ្នាំនៃទំនាក់ទំនងការទូតកម្ពុជា-ឡាវ នៅពហុកីឡដ្ឋានជាតិ។
អាមេរិក ៖ជាថ្មីម្តងទៀតសហរដ្ឋអាមេរិកបានអំពាវនាវឲ្យរដ្ឋាភិបាលកូរ៉េខាងជើងដោះលែងនិស្សិតជនជាតិអាមេរិកាំងម្នាក់ដែលត្រូវបានតុលាការកូរ៉េខាងជើងកាត់ទោសដាក់ពន្ធនាគាររយៈពេល១៥ឆ្នាំ និងធ្វើការជាទម្ងន់ពីបទល្មើសប្រឆាំងរដ្ឋកុម្មុយនិស្តមួយនេះ។ នេះបើយោងតាមសារព័ត៌មានBBC។
តាមប្រភពសារព័ត៌មានដដែលបន្តថា អ្នកនាំពាក្យនៃសេតវិមានសហរដ្ឋអាមេរិកលោក Josh Earnest បាននិយាយចោទប្រកាន់ថាទៅប្រជាជាតិកូរ៉េខាងជើងថា បានយកប្រជាពលរដ្ឋសហរដ្ឋអាមេរិកជា របស់បញ្ចាំបន្តជាបញ្ហានយោបាយ។ ពួកយើងពិតជាសុំជំរុញឲ្យរដ្ឋាភិបាលកូរ៉េខាងជើងលើកលែងទោស និងដោះលែងគាត់មកវិញ។
គួរបញ្ជាក់ថា និស្សិតរូបនេះមានឈ្មោះ Warmbier មកពីសកលវិទ្យាល័យVirginia សហរដ្ឋអាមេរិក Otto Warmbier វ័យ២១ឆ្នាំ ត្រូវបានចាប់ខ្លួនកាលពីថ្ងៃទី២មករាកន្លងទៅនៅឯព្រលានយន្តហោះ ពីបទលួចសញ្ញាខិត្តប័ណ្ណឃោសនាមួយចេញពីសណ្ឋាគារមួយនៅកូរ៉េខាងជើងអំឡុងពេលរូបគេស្នាក់កម្សាន្តនៅទីនោះ ហើយត្រូវបានតុលាការកូរ៉េខាងជើងកាត់ដាក់ពន្ធនាគាររយៈពេល១៥ឆ្នាំ និងធ្វើការជាទម្ងន់កាលពីម្សិលមិញ៕
Posts navigation
មេគង្គប៉ុស្តិ៍លើបណ្តាញសង្គម
ព័ត៌មានគួរចាប់អារម្មណ៍
