All posts by មេគង្គ ប៉ុស្តិ៍

ស្លាប់ និងរបួសជាង១០០នាក់ក្នុងហេតុការណ៍រថភ្លើងបុកគ្នានៅឥណ្ឌា

December 9, 2015ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

ឥណ្ឌា៖យ៉ាងតិចមានមនុស្ស៣នាក់បានស្លាប់ និង១០០នាក់ផ្សេងទៀតរបួស នៅក្នុងគ្រោះឧបទ្ទវហេតុរថភ្លើង ២គ្រឿងបុកគ្នា នៅភាគខាងជើងប្រទេសឥណ្ឌា។ នេះបើយោងតាមសារព័ត៌មាន RT។
ប៉ូលិសប្រចាំតំបន់បានបង្ហាញរបាយការណ៍ថា ហេតុការណ៍នេះបានកើតឡើងនៅវេលាម៉ោងប្រមាណ ៨ និង២៥នាទីព្រឹកម្សិលមិញ បណ្ដាលឲ្យអ្នកបើកបររថភ្លើងម្នាក់ត្រូវបានស្លាប់ និងម្នាក់ទៀតរងរបួសធ្ងន់ ខណៈដែលមនុស្សប្រមាណ ១០០នាក់ត្រូវបានបញ្ជូនទៅកាន់មន្ទីរពេទ្យ។ ករណីរថភ្លើងពីរគ្រឿងបុកគ្នានេះ ត្រូវបានគេជឿជាក់ថា បណ្ដាលមកពីអ័ព្ទក្រាស់ ជាហេតុធ្វើឲ្យអ្នកបើកបររថភ្លើងមើលមិនឃើញ។
គួរបញ្ជាក់ថា ឥណ្ឌាជាប្រទេសមួយដែលមានប្រព័ន្ធផ្លូវរថភ្លើងច្រើនជាងគេ ដែលបច្ចុប្បន្នមានជើងធ្វើដំណើរទៅមកប្រមាណ ១២,០០០ជើង, អ្នកដំណើរ ២៣លាននាក់ក្នុងមួយថ្ងៃ៕

ផ្ទុះគ្រាប់បែកនៅមូស្គូបណ្តាលឲ្យមនុស្ស៥នាក់រងរបួស

December 9, 2015ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

រុស្ស៊ី៖មនុស្ស៥នាក់ រងរបួសស្រាល បន្ទាប់ពីគ្រាប់បែកច្នៃមួយគ្រាប់បានផ្ទុះឡើង នៅចំណតរថយន្តក្រុង កណ្តាលរដ្ឋធានី Moscow របស់រុស្ស៊ី។ នេះបើតាមព័ត៌មាន AFP ។ ហេតុការណ៍ផ្ទុះនេះកើតឡើងនៅយប់ថ្ងៃចន្ទ (ម៉ោងក្នុងតំបន់) តាមបណ្តោយផ្លូវ Pokrovka ជាតំបន់ដ៏ពេញនិយម កណ្តាលទីក្រុង Moscow ជាចំណុចសម្បូរទៅដោយបា និងភោជនីយដ្ឋានជាច្រើន។
អ្នកនាំពាក្យប៉ូលិស Moscow លោក Maxim Kolosvetov បានឲ្យដឹងថា «ការស៊ើបអង្កេតពាក់ព័ន្ធនឹងករណីហិង្សាមួយនេះ បាននឹងកំពុងធ្វើឡើង»។
តាមព័ត៌មានបានឲ្យដឹងថា គ្រាប់បែកច្នៃនេះ ត្រូវបានគប់ចេញពីរថយន្តមួយគ្រឿង ឬក៏អគារនៅជិតកន្លែងកើតហេតុ ដែលបានបណ្តាលឲ្យ មនុស្ស៥នាក់ទទួលរងរបួស។ បន្ទាប់ពីមានហេតុការណ៍នេះកើតឡើង រថយន្តប៉ូលិស, រថយន្តពន្លត់អគ្គិភ័យ និងរថយន្តសង្គ្រោះបន្ទាន់ បានទៅដល់កន្លែងកើតហេតុ ដើម្បីគ្រប់គ្រងស្ថានការ៕

ចាប់ខ្លួនមេក្លោងចាប់ជំរិតម្នាក់ទៀតបញ្ជូនទៅតុលាការ

December 8, 2015ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

កំពុងចាម៖ មេក្លោងចាប់ជំរិតម្នាក់ដែលបានរត់គេចខ្លួន អស់រយៈពេល៣ថ្ងៃ មកហើយត្រូវបានកំលាំងអធិកាដ្ឋាននគរបាលស្រុកព្រៃឈរ ខេត្តកំពុងចាមធ្វើការស្រាវជ្រាវបង្ក្រាប ចាប់ខ្លួនបានកាលពីថ្ងៃទី០៨ ខែធ្នូ ឆ្នាំ២០១៥ និងបញ្ជូនទៅអោយជំនាញស្នងការដ្ឋាន នគរបាលខេត្តត្បូងឃ្មុំ ជាម្ចាស់ករណីចាត់ការបន្ទ។

លោក វេរសេនីយឯក ហេង វុទ្ធី ស្នងការរង និងជាប្រធានការិយាល័យកណ្តាលព្រហ្មទណ្ឌខេត្តកំពុងចាមបានអោយដឹងថា នៅថ្ងៃទី៤ ខែធ្នូ ឆ្នាំ២០១៥ មានករណីចាប់ជំរិកុមារីម្នាក់ ឈ្មោះឡូញ លីហ្សា អាយុ ៩ឆ្នាំ ចេញពីភូមិទួលត្បូង ឃុំជប់ ស្រុកត្បូងឃ្មុំ ខេត្តកំពុងចាម ដោយយកម៉ូតូ ១គ្រៀនរបស់ឪពុក កុមារីរងគ្រោះនៅជាមួយ។

នៅរសៀលថ្ងៃទី៥ ខែធ្នូ ឆ្នាំ០២១៥ កំលាំងជំនាញស្នងការនគរបាលខេត្តកំពុងចាម បានស្រាវជ្រាវ ស្ទាក់ចាប់មុខសញ្ញាចាប់ជំរិត ម្នាក់ឈ្មោះ វ៉ន សារី មានអាយុ ២៤ឆ្នាំ មានទីលំនៅភូមិកំពុងស្ពឺលើ ឃុំកំពុងរាប ស្រុកកោះសូទិន ខេត្តកំពុងចាម និងបានដោះចំណាប់ខ្មាំង ឈ្មោះ ឡូញ លីហ្សា ព្រមទាំងម៉ូតូ C125 ប្រគល់ជូនអាណាព្យាបាលរបស់ជនរងគ្រោះវិញ។

លោក ឧត្តមសេនីយ ប៉ែន រ័ត្ន ស្នងការនគរបាលខេត្តកំពុងចាម បានមានប្រាសាសន៍ថា បន្ទាប់ពីចាប់មុខសញ្ញាចាប់ជំរិតមា្នក់នេះរួច សមត្ថកិច្ចមិនព្រងើយកន្តើយឡើយ គឺនៅតែបន្តធ្វើការស្រាវជ្រាវយ៉ាងសកម្មទាំងយប់ទាំងថ្ងៃ ដើម្បីតាមប្រមាញ់មេក្លោងចាប់ជំរិតម្នាក់ទៀតដែលកំពុងលាក់ខ្លួន។

លោកស្នងការបានបញ្ជាក់ទៀតថា នៅថ្ងៃទី៨ ខែធ្នូ ឆ្នាំ២០១៥ វេលាម៉ោង១០ៈ៤០នាទី សមត្ថកិច្ចអធិការដ្ឋាននគរបាលស្រុកព្រៃឈរ និងកំលាំងនគរបាលប៉ុស្តិ៍រដ្ឋបាល ឃុំត្រពាំងព្រះ បានស្រាវជ្រាវចាប់មេក្លោងចាប់ជំរិតមា្នក់ទៀត ឈ្មោះ សាន មឿន ភេទប្រុស អាយុ២១ឆ្នាំ មានទីលំនៅភូមិកោះប៉ែន ឃុំកោះមិត្ត ស្រុកកំពុងសៀម ខេត្តកំពុងចាម ដែលបានលាក់ខ្លួននៅរោងជាងក្រឡឹង មួយកន្លែងស្ថិតនៅភូមិព្រីងបីដើម ឃុំត្រពាំងព្រះ ស្រុកព្រៃឈរ ខេត្តកំពុងចាម។

មុខសញ្ញាចាប់ជំរិតខាងលើ ត្រូវបានប្រគល់ជូនជំនាញស្នងការដ្ឋាននគរបាលខេត្តត្បូងឃ្មុំ ជាម្ចាស់ករណី(កន្លែងកើតហេតុ) ចាត់ការបន្ត។

លោកស្នងការ ប៉ែន រ័ត្ន បានកោតសរសើរដល់កំលាំងនគរបាលរបស់លោក ដែខិតខំបំពេញភារៈកិច្ច ស្វែងរកចាប់ខ្លួនជនល្មើស ណិងខំដោះចំណាប់ខ្មាំងបានដោយសុវត្ថិភាព និងទាន់ពេលវេលា៕ ដោយ ៖ សុភ័ណ្ឌ

Man United ត្រៀមកញ្ចប់ទឹកប្រាក់ទិញ Neymar

December 8, 2015កីឡាមេគង្គ ប៉ុស្តិ៍

បាល់ទាត់៖យោងតាមប្រភពព័ត៌មាន Metro របស់ចក្រអង់គ្លេសចុះផ្សាយនៅថ្ងៃទី០៨ ខែធ្នូ ឆ្នាំ២០១៥នេះ ថា ក្លិបបិសាចក្រហម Manchester United កំពុងរៀបចំកញ្ចប់ថវិកាចំនួន១៤៣.៩ លានផោន ប្រហែល ២១៦លានដុល្លារ ដើម្បីទិញកីឡាករ Neymar ពីក្លិប Barcelona។
អ្នកចាត់ការទូទៅរបស់ក្លិប Man United លោក Louis van Gaal បាននិយាយថា នឹងត្រូវចាយថវិកា ចំនួន២០០លានផោន ប្រហែល៣០០លាន ដុល្លារអាមេរិក ក្នុងការនាំយកកីឡាករខាងលើដើម្បីឲ្យទម្រង់លេងនៅលើទីលានមាន ភាពប្រសើរជាងមុន។ ទោះជាយ៉ាងណាខ្សែប្រយុទ្ធសញ្ជាតិប្រេស៊ីលរូបនេះបាននិយាយប្រាប់ឲ្យដឹងថា រូបគេចង់លេងនៅអេស្ប៉ាញឲ្យបានច្រើនជាងនេះទៀតដោយមិនចង់ ផ្លាស់ប្តូរមកលេងនៅអង់គ្លេសនោះទេ។
គួរបញ្ជាក់ដែរថា កាលពីពេលថ្មីកន្លងទៅនេះក្លិប Manchester United បានបើកភ្លើងខៀវឲ្យចាត់ការទូទៅលោក Louis van Gaal ទិញយកកីឡាករយ៉ាងតិចម្នាក់ ដែលមានឈ្មោះនៅក្នុងបញ្ជី Top 10 របស់ពានរង្វាន់ Ballon d’Or” ៕

មន្ត្រីប៉េអឹមម្នាក់បើកវង់ល្បែងស៊ីសងដ៏ធំពីរកន្លែងនៅជិតរមណីដ្ឋានវត្តភ្នំ

December 8, 2015ព័ត៌មានគួរចាប់អារម្មណ៍, ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ភ្នំពេញ៖អំពើអបាយមុខនៅលើទឹកដីខណ្ឌដូនពេញក្នុងដំណាក់កាលចុងក្រោយនេះ បានកើតមានល្បែងស៊ីសសងដូចជាកន្ទុយលេខ បៀរ អាប៉ោង គ្រឿងញៀន ពេស្យាចារ យ៉ាងពេញបន្ទុក ជាក់ស្តែងនៅក្នុងភោជនីយដ្ឋាន ផ្ការាំងភ្នំ ខាងលិចមន្ទីរពេទ្យធំមួយ កន្លែង និងមួយកន្លែងទៀតក្នុងទីតាំងលក់ឡានយីហោ ៧៧៧៧ ខាងក្រោយស្ថានទូតអាមេរិក។

អ្នករស់នៅក្នុងទីក្រុងភ្នំពេញភាគច្រើនសុទ្ធតែបានដឹងថា ក្នុងទឹកដីខណ្ឌដនពេញដែលគ្រប់គ្រងដោយលោកអភិបាលខណ្ឌ គួច ចំរើន បានកើតមាននូវក្រុមសង្គមងងឹត និងពួកឪកាសនិយម ដែលករណីខ្លះមានមន្ត្រីដែលមានបុណ្យស័ក្តិខ្ពស់នៅឈរកាងពីក្រោយបទលើ្មសនោះទៀតផង។

ក្រៅពីនេះក៏នៅមានមន្ត្រីខិលខូចខ្លះ ហ៊ានចេញមុខបើកកន្លែងល្បែងស៊ីសងដោយចំហដែលទង្វើនេះត្រូវបានគេចាត់ទុកថា គឺជាក្រុមមន្ត្រីបញ្ញើក្អែកលើបង្គងនៃគណបក្សកាន់អំណាចដែលគ្របដណ្តប់ទិដ្ឋភាពសង្គម ដើម្បីមានឪកាសប្រព្រឹត្តបទលើ្មស ឬប្រព្រឹត្តអំពើពុករលួយដោយគ្មាននរណាហ៊ានប៉ះពាល់។

ដើម្បីឆ្លុះបញ្ចាំងចំពោះការលើកឡើងនេះ សូមលើកយកករណីល្បែងស៊ីសងដ៏ធំចំនួនពីរកន្លែង ក្នុងចំណោមវង់ល្បែងជាច្រើនកន្លែងនៅលើទឹកដីខណ្ឌដូនពេញ គឺមួយកន្លែងស្ថិតនៅក្នុងភោជនីយដ្ឋាន ផ្ការាំងភ្នំ ជ្រុងខាងជើងមន្ទីរពេទ្យជប៉ុន និងខាងជើងវត្តភ្នំ ក្នុងសង្កាត់ស្រះចក ខណ្ឌដូនពេញ ។មួយកន្លែងទៀត នៅក្នុងទីតាំងឃ្លាំងលក់រថយន្តយីហោ ៧៧៧៧ ស្ថិតក្នុងទីតាំងដីអតីតវិទ្យុជាតិ តាមបណ្តោយផ្លូវលេខ១០២ ជាប់ការ៉ាស់ឡាន១៨៨ ក្នុងសង្កាត់វត្តភ្នំ ក្រោយស្ថានទូតសហរដ្ឋអាមេរិក។

មន្ត្រីអាជ្ញាធរមួយរូបបានខ្សឹបប្រាប់ឲ្យដឹងថា វង់ល្បែងស៊ីសងដ៏ធំទាំងនេះ ជារបស់មន្ត្រីប៉េអឹមផ្នែកព័ត៌មានដ៏មហិមាម្នាក់ឈ្មោះ រ៉ា ហៅ រតនៈ ហើយកន្លងមក គ្មានសមត្ថកិច្ចណាចុះបង្ក្រាបឡើយ។មូលហេតុដែលគ្មានការចុះបង្ក្រាបនោះ ត្រូវគេដឹងថាបណ្តាលមកពីអំពើពុករលួយរបស់សមត្ថកិច្ចមូលដ្ឋាន ឬលើសពីថ្នាក់មូលដ្ឋាន ទើបលោក រ៉ា ហៅ រតនៈ អាចបើកលេងយ៉ាងអនាធិបតេយ្យបានដោយសុវត្ថិភាពបែបនេះ។

មន្ត្រីប៉េអឹមលោក រ៉ា ហៅ រតនៈ មិនអាចស្វែងរកការបកស្រាយឆ្លើយតបចំពោះកាលើកឡើងដូចខាងលើនេះបានឡើយ ព្រោះបុគ្គលិកដែលធ្វើការនៅក្នុងទីតាំងនោះ សុទ្ធតែបានឆ្លើយពង្វាងដោយលាក់លៀមថា មិនស្គាល់លេខទូរស័ព្ទរបស់លោក។ចំណែកលោក គួច ចំរើន អភិបាលខណ្ឌ ដូនពេញ ក៏មិនអាចទាក់បានដែរកាលពីព្រឹកថ្ងៃទី ៥ ខែធ្នូ ម្សិលម៉ិញនេះ៕ដោយ៖បូរ៉ាគន្ធ

វាយប្រហារតាមអាកាសរបស់ក្រុមចម្រុះអាមេរិកសម្លាប់ជនស៊ីវិលជាង២០នាក់

December 8, 2015ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

ស៊ីរី៖ជនស៊ីវិលប្រមាណ២៦នាក់ ក្នុងនោះមានកុមារជាច្រើននាក់បានស្លាប់នៅភាគឦសានប្រទេសស៊ីរីបន្ទាប់ពីការវាយប្រហាររបស់ក្រុមចម្រុះដែលដឹកនាំដោយសងរដ្ឋអាមេរិក ។
បើតាមក្រុមឃ្លាំមើលសិទ្ធិមនុស្សស៊ីរីដែលមានមូលដ្ឋាននៅអង់គ្លេសបាននិយាយថា នៅភូមិ al-Khan ជិតខេត្តHasakahប្រទេសស៊ីរី កំពុងតែរងគ្រោះដោយសារការវាយប្រហារតាមអាកាស ។ ដោយឡែករដ្ឋាភិបាលស៊ីរីបានបញ្ជាក់ថា ទាហានស៊ីរីប្រមាណ៣នាក់ក៏ស្លាប់ដោយសារការវាយប្រហាររបស់ ក្រុមចម្រុះអាមេរិកដែរ៕

រថយន្តមែកស័រដេសបុករបាំងពុះចែកទ្រូងផ្លូវ បាក់បីកង់

December 8, 2015ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ភ្នំពេញ៖ បុរសម្នាក់ទំនងជាស្រវឹងស្រាជោកជាំបានបេីករថយន្តទៅបុករបាំងថ្មពុះចែកទ្រូងផ្លូវបាក់អស់ចំនួនបីកង់ហេីយអ្នកបេីកចុះរត់បាត់កាល ពីវេលា ម៉ោង12យប់រំលងអធ្រាតឈានចូលថ្ងៃទី08 ខែធ្នូ ឆ្នាំ2015 ស្ថិតលេីកំណាត់ផ្លូវជាតិលេខ2 ក្នុងភូមិព្រែកតានូ សង្កាត់ចាក់រអង្រែលេីខណ្ឌមានជ័យ។

រថយន្តបង្ករម៉ាកម៉ាក់ស័រដេសពណ៌ទឹកប្រាក់ពាក់ស្លាកលេខ (ភ្នំពេញ1D 5430) ធ្វេីដំណើរក្នុងទិសដៅពីជើងទៅត្បូងបេីកដោយបុរសម្នាក់មិនស្គាល់អត្តសញ្ញាណបានបេីកទ្វារត់បាត់។

ប្រភពពីកន្លែងកើតហេតុបានអោយដឹងថា នៅមុនពេលកើតហេតុគេឃើញបុរសម្នាក់បានបេីករថយន្ដម៉ាក់សូដេស មួយគ្រឿងបេីកដោយបុរសម្នាក់ទំនងជាស្រវឹងស្រា បើករេពេញផ្លូវជ្រុលទៅបុករបាំងថ្មពុះចែកផ្លូវទ្រូងផ្លូវបាក់អស់ចំនួនបីកង់ចំណែករថយន្តបង្ករខូចខាតខ្ទេចផ្នែកខាងមុខចំណែកអ្នកបេីកបានបេីកទ្វារត់បាត់ស្រមោល។

ក្រោយពីកេីតសមត្ថកិច្ចមូល ដ្ឋានបានសហកាជាមួយជំនាញចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញដើម្បីនឹងស្តូចនាំយក រថយន្តទៅរក្សាទុក និងដោះស្រាយសងសម្បត្តិរដ្ឋ៕

Luca Toni ប្រកាសបញ្ចប់អាជីពនៅចុងរដូវកាលនេះ

December 8, 2015កីឡា, ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

បាល់ទាត់៖អតីតខ្សែប្រយុទ្ធរបស់ក្រុមបាល់ទាត់ជម្រើសជាតិអ៊ីតាលី គឺកីឡាករ Luca Toni បានអះអាងថា គាត់អាចនឹងព្យួរស្បែកជើងដើម្បីបញ្ចប់អាជីពជាកីឡាករបាល់ទាត់នៅ ចុងរដូវកាលនេះ។
ខ្សែប្រយុទ្ធសញ្ជាតិអ៊ីតាលី វ័យ៣៨ឆ្នាំរូបនេះធ្លាប់បានកាន់ពានរង្វាន់ជាច្រើន អំឡុងពេលដែលគាត់លេងក្នុងក្លិបធំៗនៅតំបន់អឺរ៉ុបដូចជា Bayern Munich, Juventus, Roma និង Fiorentina ប៉ុន្តែបច្ចុប្បន្នគាត់កំពុងតែមានវត្តមានលេងនៅក្នុងក្លិប Verona ។
បើទោះជា មានវ័យកាន់តែចាស់យ៉ាងណាក៏ដោយកីឡាករ Luca Toni នៅតែបង្ហាញទម្រង់លេងបានយ៉ាងល្អដោយបានស៊ុតបាល់បញ្ចូលទីចំនួន ២២គ្រាប់ឲ្យក្លិប Verona ហើយគាត់ក៏ជាកីឡាករដែលស៊ុតបាល់បញ្ចូលទីច្រើនជាងគេលំដាប់លេខរៀង ទី២ក្នុងក្របខ័ណ្ឌអ៊ីតាលី Serie A នៅរដូវកាលមុនផងដែរ ។
កីឡាករ Luca Toni ប្រាប់គេហទំព័រ Sky Italia ថា ពេលវេលាដែលគាត់នឹងត្រូវចូលនិវត្តពីអាជីពជាកីឡាករបាល់ទាត់បានមក ដល់ហើយ ហើយគាត់សង្ឃឹមថា គាត់នឹងព្យួរស្បែកជើងនៅក្នុងក្លិប Verona តែម្ដង។
គួរបញ្ជាក់ថា កីឡាករ Luca Toni ផ្លាស់មកកាន់ក្លិប Verona ពីក្លិប Fiorentina នៅឆ្នាំ២០១៣ ដោយមិនមានតម្លៃខ្លួននោះទេ ហើយបច្ចុប្បន្នខ្សែប្រយុទ្ធរូបនេះក៏កំពុងតែមានការចង់បានពីក្លិប Empoli, Brescia, Palermon និង Genoa៕

December 8, 2015ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

អ៊ីរ៉ាក់៖ចង់កម្ចាត់ ISIS ត្រូវបញ្ឈប់ការរត់ពន្ធប្រេងខុសច្បាប់
អ៊ីរ៉ាក់៖យោងតាមសារព័ត៌មាន RT ផ្សាយនៅថ្ងៃទី០៨ ខែធ្នូបានឲ្យដឹងថា ក្រុម ISIS និងក្រុមឧទ្ទាមផ្សេងទៀត បានរត់ពន្ធប្រេងខុសច្បាប់តាមរយៈប្រទេសតួកគី ហើយការរត់ពន្ធនេះគឺមានការបើកដៃពីរដ្ឋាភិបាលតួកគី។ នេះបើតាមការលើកឡើងរបស់នាយករដ្ឋមន្ត្រីអ៊ីរ៉ាក់លោក Haider al-Abadi។ ការឡើងបែបនេះធ្វើឡើងនៅក្នុងជំនួបជាមួយរដ្ឋមន្ត្រីការបរទេសអាល្លឺម៉ង់លោក Frank-Walter Steinmeier។
លោកនាយករដ្ឋមន្ត្រីអ៊ីរ៉ាក់បានបញ្ជាក់ថា បើចង់កម្ទេចក្រុម ISIS ឬក្រុមឧទ្ទាមផ្សេងទៀតគឺត្រូវកាត់ផ្ដាច់ប្រព័ន្ធហិរញ្ញវត្ថុជាមុនសិន ក្នុងនោះគឺត្រូវបញ្ឈប់ការរត់ប្រេង ដែលជាប្រភពចំណូលធំ ហើយលោកក៏បានអំពាវនាវឲ្យបណ្ដាប្រទេសអន្តរជាតិ ជួយអ៊ីរ៉ាក់ក្នុងការប្រយុទ្ធប្រឆាំងនឹងក្រុម ISIS ផងដែរ៕

The Turkish-Syrian border crossing is seen in this undated still image taken from video made available by the Russian Defence Ministry in Moscow, Russia on December 2, 2015. Russia’s defence ministry said on Wednesday it had proof that Turkish President Tayyip Erdogan and his family were benefiting from the illegal smuggling of oil from Islamic State-held territory in Syria and Iraq. At a briefing in Moscow, defence ministry officials displayed satellite images which they said showed columns of tanker trucks loading with oil at installations controlled by Islamic State in Syria and Iraq, and then crossing the border into neighbouring Turkey. REUTERS/Russian Defence Ministry/Handout via Reuters ATTENTION EDITORS – THIS PICTURE WAS PROVIDED BY A THIRD PARTY. REUTERS IS UNABLE TO INDEPENDENTLY VERIFY THE AUTHENTICITY, CONTENT, LOCATION OR DATE OF THIS IMAGE. FOR EDITORIAL USE ONLY. NOT FOR SALE FOR MARKETING OR ADVERTISING CAMPAIGNS. FOR EDITORIAL USE ONLY. NO RESALES. NO ARCHIVE. THIS PICTURE IS DISTRIBUTED EXACTLY AS RECEIVED BY REUTERS, AS A SERVICE TO CLIENTS.

ក្រុងប៉េកាំងប្រកាសអាសន្នពីកម្រិតផ្សែងពុលនៅក្នុងបរិយាកាស

December 8, 2015ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

ប៉េកាំង៖រដ្ឋាភិបាលចិនកាលពីម្សិលមិញបានប្រកាសអាសន្នពីអត្រាផ្សែងពុលមានកម្រិតខ្ពស់ក្នុងបរិយាកាសនៅក្នុងទីក្រុងប៉េកាំង។ នេះជាលើកទី១ដែលចិនបានប្រកាសសារភាពជាផ្លូវការពីគុណភាពខ្យល់ ក្នុងបរិយាកាសដ៏អាក្រក់ពោរពេញដោយជាតិពុល។ ដើម្បីកាត់បន្ថយអត្រាផ្សែងពុលនៅក្នុងបរិយាកាស ចៅហ្វាយក្រុងប៉េកាំងបានផ្តើមចាត់វិធានការពិសេសមួយចំនួនចាប់ពី ថ្ងៃអង្គារ ទី៨ ធ្នូសម្រាប់អ្នករស់នៅក្នុងទីក្រុងប៉េកាំង។
យោងតាមការប្រកាសរបស់ការិយាល័យគាំពារបរិស្ថានក្នុងក្រុងប៉េកាំងបានឲ្យដឹងថា វិធានការ ពិសេសដើម្បីទប់ស្កាត់កំណើនអត្រាផ្សែងពុលនៅក្នុងបរិយាកាសត្រូវ ធ្វើឡើងសម្រាប់តែពលរដ្ឋចិនរស់នៅក្នុងទីក្រុងប៉េកាំងប្រមាណជា២០លាននាក់ប៉ុណ្ណោះ ដោយចាប់ផ្តើមពីថ្ងៃអង្គារ ទី៨ ធ្នូនេះដល់ថ្ងៃព្រហស្បតិ៍ ទី១០ធ្នូ។ វិធានការពិសេសទាំងនោះរួមមាន ចរាចរណ៍រថយន្តក្នុងទីក្រុងប៉េកាំងនឹងត្រូវឆ្លាស់គ្នារវាងលេខគូ និងលេខសេស មានទាំងរថយន្តឯកជន និងរថយន្តរដ្ឋ គឺលើកលែងតែរថយន្តដើរដោយអាគុយផង និងសាំងផង ឬដើរដោយតែអាគុយមួយមុខចេញ។
គួរបញ្ជាក់ថា រយៈពេលចុងក្រោយនេះ កម្រិតអត្រាផ្សែងពុលក្នុងបរិយាកាសនៅក្នុងទីក្រុងធំៗរបស់ចិនមួយ បានក្លាយជាក្តីបារម្ភ ។ទន្ទឹមនោះចិនបានប្រកាសឲ្យដឹងពីឆន្ទៈក្នុងការកាត់បន្ថយការចាក់ចោល ឧស្ម័នពុលក្នុងបរិយាកាសឲ្យបាន ៦០% ចាប់ពីពេលនេះដល់ឆ្នាំ ២០២០៕

លោកឧកញ៉ា ថៃ សម្រុកដឹកឈើប្រណីតចេញពីក្រុមហ៊ុនផាស៊ីហ្វិច ក្នុងស្រុកកោះញែក

December 7, 2015ព័ត៌មានគួរចាប់អារម្មណ៍, ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

មណ្ឌលគិរី៖កម្លាំងស៊ីឈ្នួលជាច្រើនាក់ ក្នុងក្រុមហ៊ុនផាស៊ីហ្វិច របស់លោកឧកញ៉ា ថៃ ដែលគេកត់សម្គាល់ថាលោក ថៃ គឺជាឈ្មួញរកស៊ីឈើខុសច្បាប់ដ៏មហិមាម្នាក់នោះ កំពុងមមាញឹកសម្រុកដឹកជញ្ជូនឈើប្រណីតចេញពីស្រុក កោះញែក តាមរថយន្តប្រភេទយីឌុបច្រើនគ្រឿងយ៉ាងគំហុក។នេះបើយោងតាមការបញ្ជាក់ពីមន្ត្រីអាជ្ញាធរមូលដ្ឋានក្នុងស្រុកកោះញែក។

មន្ត្រីអាជ្ញាធរមូលដ្ឋានមួយរូបបានប្រាប់ឲ្យដឹងថា នៅក្នុងខេត្តនេះ អ្នកណាៗក៏គេដឹងថាលោក ថៃ បានប្រើប្រាស់ឥទ្ធិពលគោរមងារឧកញ៉ាទៅជួញដូរឈើខុសច្បាប់ជាច្រើនឆ្នាំកន្លងមកហើយ គ្មានមន្ត្រីជំនាញថ្នាក់ណាមួយហ៊ានរារាំងសកម្មភាពនោះឡើយ បើទោះបីជាដឹងថា ករណីខ្លះគឺជាបទល្មើសព្រៃឈើក៏ដោយ។ ប៉ុន្តែទោះយ៉ាងណាក៏ប្រភពបញ្ជាក់ថា សកម្មភាពខ្លះដែលគេមិនបង្ក្រាបបទល្មើសព្រៃឈើរបស់ក្រុមឧកញ៉ា ថៃ នោះ ក៏ដោយសារមានការឃុបឃិតគ្នាប្រព្រឹត្តអំពើពុករលួយ មិនខ្វល់ពីបទបញ្ជារបស់ប្រមុខរាជរដ្ឋាភិបាល ឬការអន្តរាយណ៍ដល់សង្គមជាតិនោះឡើយ។

គួរជម្រាបថា មួយរយះចុងក្រោយនេះ ក្រុមហ៊ុន ផាស៊ីហ្វិច របស់ឧកញ៉ា ថៃ បានសម្រុកប្រមូលឈើប្រណីតដឹកចេញយ៉ាងគំហុកតាមរថយន្តធុនធ្ងន់ប្រភេទយីឌុបជាច្រើនគ្រឿងទាំងយប់ទាំងថ្ងៃ ពីទីតាំងក្រុមហ៊ុចំណុច អូយេស ឃុំស្រែសង្គម ស្រុកកោះញែកដែលស្ថិតនៅក្រោមការគ្រប់គ្រងរបស់សមត្ថកិច្ចជំនាញមានដូចជា លោក ឈួន សេរីវឌ្ឍន៍ នាយផ្នែករថ្ឋបាលព្រៃឈើស្រុកកោះញែក លោក ឡុង ប៊ុន អធិការខាងកើតទន្លមេគង្គ និងជាប្រធានព្រៃកាពារដែនអភិរក្សជីវះចម្រុះ ព្រមទាំងលោក សម្រង ឌីវិចិត្ត ប្រធានផ្នែកព្រៃបរិស្ថានភ្នំព្រេច។

ប្រភពមួយផ្សេងទៀតបានប្រាប់ថា លោក ឧកញ៉ា ថៃ បានប្រើមនុស្សជំនិតម្នាក់ឈ្មោះ ធី ឲ្យដើរបញ្ចុះបញ្ចូលមន្ត្រីសមត្ថកិច្ចជំនាញគ្រប់ផ្នែកកុំឲ្យធ្វើដឹងធ្វើឮពីករណីបទល្មើសព្រៃឈើរបស់ខ្លួន ហេតុដូច្នេះហើយទើបបានជាលោក ថៃ អាចបន្តការជួញដូរឈើល្មើសច្បាប់ទាំងយប់ទាំងថ្ងៃគ្មានញញើតដៃបែបនេះឡើយ។

លោក វង្ស សុកសេរី នាយខណ្ឌរដ្ឋបាលព្រៃឈើខេត្តមណ្ឌលគិរី ដែលទើបនឹងផ្លាស់មកថ្មី មេគង្គប៉ុស្តិ៍ មិនអាចទាក់សុំការពន្យល់ឆ្លើយតបចំពោះការចោទប្រកាន់បានទេ កាលពីរសៀលថ្ងៃទី ៦ ខែធ្នូ ២០១៥ កន្លងមកនេះ៕ដោយ៖សុខណាត

បង្ក្រាបកន្លែងហ្គេមដុះស្លែរ ២កន្លែងនៅខាងក្រោយ “វិទ្យាល័យព្រះមុនីវង្ស”

December 7, 2015ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

បាត់ដំបង៖ កន្លែងល្បែងហ្គេមដុះស្លែរ ចំនួន០២កន្លែង ដែលស្ថិតនៅមិនឆ្ងាយប៉ុន្មានពីសាលារៀននៃវិទ្យាល័យព្រះមុនីវង្ស ហើយស្ថិតនៅជាប់ៗគ្នា ផ្ទះលេខ៤៤៩ និងផ្ទះលេខ៤៥០ ក្នុងក្រុមទី២៧ ភូមិព្រែកមហាទេព សង្កាត់ស្វាយប៉ោ ក្រុង ខេត្ត-បាត់ដំបង ត្រូវបានកម្លាំងសមត្ថកិច្ចប៉ូលីស នៃស្នងការដ្ឋាននគរបាល ខេត្តបាត់ដំបង ចុះបង្ក្រាប និងរឹបអូសបានកុំព្យូទ័រចំនួន៥១គ្រឿង និងបានឃាត់ខ្លួនសិស្សសាលាចំនួន១១នាក់ កាលពីវេលាម៉ោង១២៣០នាទី ថ្ងៃទី០៦ ខែធ្នូ ឆ្នាំ២០១៥។

កិច្ចប្រតិបត្តិការ ក្នុងការចុះបង្ក្រាបទីតាំងហ្គេមខុសច្បាប់នេះ ក្រោមការដឹកនាំកម្លាំងអនុវត្តផ្ទាល់ដោយលោក ជេត វណ្ណនី ស្នងការរងនគរបាលខេត្តបាត់ដំបង។ សមត្ថកិច្ចដែលចុះបង្ក្រាបនៅទីនោះបានឲ្យដឹងថា៖ ម្ចាស់ផ្ទះដែលបើកល្បែងហ្គេមស៊ីសងលួចលាក់ខុសច្បាប់ទាំង០២កន្លែង ខាងលើនេះ ក្នុងនោះមានឈ្មោះ សយ នី អាយុ៥២ឆ្នាំ ភេទប្រុស និងឈ្មោះ សូ ផល្លី អាយុជាង៤០ឆ្នាំ ភេទស្រី គឺជាម្ចាស់ប្រកបអាជីវកម្មហ្គេមខុសច្បាប់ដោយលួចលាក់ ហើយដែលតែងតែចល័តទីតាំងពីកន្លែងមួយទៅកន្លែងមួយ ដើម្បីធ្វើការបិទបាំងពីភ្នែកសមត្ថកិច្ច និងបានឃុបឃិតជាមួយអាជ្ញាធរ និងសមត្ថកិច្ចខិលខូចមួយចំនួន ដែលតែងតែដាក់ខែពីកន្លែងហ្គេមមួយនេះ ហើយសម្ងំធ្វើគរថ្លង់ មិនខ្ចីរវល់ធ្វើដឹង និងគ្មានវិធានការចុះបង្ក្រាបនូវបនល្បែងហ្គេមខុសច្បាប់នេះឡើយ។

ប្រភពពីប្រជាពលរដ្ឋជិតខាងក្បែរផ្ទះល្បែងហ្គេមស៊ីសងបាន ប្រាប់អ្នកកាសែតថា៖ កន្លែងហ្គេមនេះ កន្លងមកសមត្ថកិច្ច បានចុះបង្ក្រាបជាញឹកញាប់ញយដងដែរ។ ប៉ុន្តែមិនទាន់បាន ប៉ុន្មានដង្ហើមចង្រឹតផង ហ្គេមនៅទីតាំងនេះក៏ចាប់ផ្តើមបើកវិញយ៉ាងរលូន ។ ប្រភពដដែលបានបន្តទៀតថា៖ ពួកគេរង់ចាំមើល ថាតើកន្លែងហ្គេមមួយនេះ និង
មានវាសនាបានបន្តបើកដំណើរការឡើងវិញនៅពេលណាទៀត? ពីព្រោះកន្លងមកនេះ ទីតាំងហ្គេមខាងលើនេះត្រូវបានកម្លាំងសមត្ថកិច្ចចុះមកបង្ក្រាប មិនតិចជាង៣ទៅ៤ដងនោះទេ? ប៉ុន្តែទីបំផុតដដែលជាដដែល។ ធ្វើឲ្យអ្នកនៅទីនោះដាក់ជាសំណួរថា៖ តើវិធានការម៉ឺងម៉ាត់ក្នុងការអនុវត្តនូវគោលនយោបាយភូមិឃុំមានសុវត្ថិភាព របស់ក្រសួងមហាផ្ទៃ និងរាជរដ្ឋាភិបាល ដែលបានដាក់ចុះមកនោះ ទាំងអាជ្ញាធរមូលដ្ឋាន ទាំងសមត្ថកិច្ចមូលដ្ឋាន បានអនុវត្តក្នុងកម្រិតណាដែរ។

សូមបញ្ជាក់ថា៖ក្នុងការចុះបង្ក្រាបទីតាំងល្បែងហ្គេមស៊ីសងនេះ ក្នុងខណៈពេលដែលសមត្ថកិច្ចកំពុងបើកប្រតិបត្តិការបង្ក្រាប ក៏លេចមុខមន្ត្រីយោធាម្នាក់ជិះឡានHUMMER ចុះមកសួរនាំប្រើសំដីបែបគម្រោះគម្រើយជាមួយអ្នកសារព័ត៌មានទាំងកំហឹងនៅពេលអ្នកកាសែតទាំងនោះកំពុងថតផ្តិតយករូបភាពនៅទីនោះ រួចហើយក៏បើកឡានចេញ
ទាំងច្រងេងច្រងាងទៅបាត់។ ដោយឡែក ចំពោះយុវសិស្សចំនួន១១នាក់ដែលត្រូវសមត្ថកិច្ចឃាត់ខ្លួននោះ ត្រូវបានសមត្ថកិច្ចអះអាងថា៖និងធ្វើការអប់រំណែនាំ រួចហៅ ឳពុកម្តាយឬអាណាព្យាបាលឲ្យមកធានា ដើម្បីយកទៅវិញ៕

ជិះម៉ូតូលឿនជាន់ហ្វ្រាំងមិនទាន់ ជ្រុលទៅបុករថយន្ត DJ Cake

December 7, 2015ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ភ្នំពេញ៖ បុរសម្នាក់រងរបួសធ្ងន់ធ្ងរបន្ទាប់ពីជិះម៉ូតូទៅបុក និងរថយន្តរបស់ DJ Cakeម៉ាក Luxes 470 ផ្លាកលេខភ្នំពេញ 2F-0919 ដែលកំពង់បត់ស្តាំហើយហេតុការណ៌នេះបានកើតឡើងនៅវេលាម៉ោង១ៈ២០នាទី ឈានចូលថ្ងៃទី៧.១២.២០១៥ តាមបណ្តោយផ្លូវព្រះសីហនុកែង និងផ្លូវ115 ស្ថិតក្នុងសង្កាត់បឹងប្រលិត ខណ្ឌ៧មករា។

បើតាមប្រភពពីន្លែងកើតហេតុបានប្រាប់ថា នៅវេលាម៉ោងខាងលើគេបានឃើញម៉ូតូ និងរថយន្តរបស់ Dj Cake បើកស្របទិសគ្នាលើផ្លូវព្រះសីហនុ លុុះបើកមកដល់ផ្លូវកែង និងផ្លូវ 115 រថយន្តបានបត់ទៅខាងស្តាំដោយមិនបានមើលអោយច្បាស់លាស់ធ្វើអោយបុរសដែលបើកម៉ូតូមកពីតាមក្រោយនោះបានបុករថយន្តចំហៀង ខាងស្តាំរបស់ Dj Cake បណ្តាលអោយម្ចាស់ម៉ូតូ រងរបួសត្រូវបានមន្ទីរពេទ្យដែលសំបូររឿងអាស្រូវ (ឃឹមរានី) មកដឹកយកទៅព្យាបាលជាចុងក្រោយរថយន្ត និងម៉ូតូត្រូវបានខាងចរាចរណ៌ខណ្ឌ៧មករាយកទៅរក្សាទុកដើម្បីរងចាំដោះស្រាយគ្នានៅពេលក្រោយ៕ ដោយ៖សួង សាម

រថយន្តទំនើបផ្លាកលេខខេមរាភូមិន្ទ បុកម៉ូតូសងកូរ៉េរបួសធ្ងន់

December 7, 2015ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ករណីគ្រោះថ្នាក់ចរាចរណ៌មួយបានកើតឡើងរវាងរថយន្តទំនើបម៉ាក Languiser ពណ៌សស្លាកលេខខេមរភូមិន្ន2-2358 បុកនិងម៉ូតូសង់កូរេ៉ពណ៌ក្រហមមួយគ្រឿងនៅវេលាម៉ោង៩ៈ២០នាទីយប់ថ្ងៃទី៦.១២.២០១៥ តាមបណ្តោយផ្លូវ598 កែងនិងផ្លូវ1966 ស្ថិតក្នុងសង្កាត់ភ្នុំពេញថ្មីខណ្ឌសែនសុខរាជធានីភ្នំពេញ។

នៅកន្លែងកើតហេតុបានដឹងថា គឺជារថយន្តរបស់មេបញ្ជាការកងរាជអាវុធហត្ថលើផ្ទៃប្រទេសមួយរូប ដែលបើកបរដោយអង្គរក្ស និងមានមេបញ្ជាការរងរូបនោះនៅក្នុងរថយន្តនោះផង ដែរបានបើកបត់ឆ្វេងរួចទៅបុក និងម៉ូតូសង់កូរ៉េពណ៌ក្រហមមួយគ្រឿងជិះ ដោយបុរសពីរនាក់និងបណ្តាលអោយបុរសម្នាក់រងរបួសធ្ងន់ធ្ងរ បាក់ជើងត្រូវបានដឹកទៅសង្គ្រោះនៅមន្ទីរពេទ្យឯកជនភ្លាមៗ។

បើតាមសាក្សីដែលបានឃើញហេតុការណ៌គ្រោះថ្នាក់នេះបានប្រាប់ថានៅម៉ោងកើតហេតុខាងលើគេបានឃើញរថយន្តរបស់មេបញ្ជាការរងអាវុហត្ថលើផ្ទៃប្រទេសរូបនោះបើកក្នុងទិសដៅពីត្បូងទៅជើង តាមបណ្តោយផ្លូវ598 លុះបើកមកដល់ត្រង់ផ្លូវកែង1966 រថយន្តបានបត់ឆ្វេងបម្រុងចូលទៅផ្ទះតែដោយសារតៃកុងរថយន្តបើកបរមិនមើលមុខមើលក្រោយពេលបត់ បានធ្វើអោយម៉ូតូដែលមកពីមុខចាប់ហ្វ្រាំងមិនទាន់បានបុកគ្នាជាមួយរថយន្តតែម្តង និងធ្វើបុរសម្នាក់ក្នុងចំនោមពីរនាក់ដែលជិះម៉ូតូរងរបួសធ្ងន់ធ្ងរ។

បន្ទាប់ពីមានការបុកគ្នាហើយខាងរថយន្តបានហៅកម្លាំងប៉េអឹមខណ្ឌសែនសុខមកកាងពេញហ្នឹង ហើយចុងក្រោយដោយសារបុរសដែលជិះម៉ូតូរងរបួសធ្ងន់ធ្ងរទើបខាងចរាចរណ៌ខណ្ឌសែនសុខបានបញ្ជួនរឿងនេះទៅអោយខាងចរាចរណ៌ក្រុងជាអ្នកដោះស្រាយ។

បន្ទាប់ពីដោះស្រាយមិនត្រូវគ្នារថយន្ត និងម៉ូតូត្រូវបានយកទៅរក្សាទុកនៅឯចរាចរណ៌ក្រុងភ្នំពេញដើម្បីរងចាំដោះស្រាយគ្នានៅពេលក្រោយ៕ ដោយ៖ សួង សាម

អាល្លឺម៉ង់អំពាវនាវឲ្យអារ៉ាប៊ីសាអូឌីតបញ្ឈប់ការឧបត្ថម្ភដល់វិហារអ៊ីស្លាមនៅបរទេស

December 7, 2015ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

អាល្លឺម៉ង់៖យោងតាមកាសែតរបស់អាល្លឺម៉ង់បានចេញផ្សាយកាលពីម្សិលមិញថា លោកឧបនាយករដ្ឋមន្ត្រីអាល្លឺម៉ង់បានអំពាវនាវដល់អារ៉ាប៊ី សាអូឌីត ឲ្យបញ្ឈប់ការផ្តល់ថវិកាដល់វិហារអ៊ីស្លាមនៅបរទេស ដែលកំពុងចិញ្ចឹមបង្កើតក្រុមអ៊ីស្លាមជ្រុលនិយមតទៅទៀត។
លោកឧបនាយករដ្ឋមន្ត្រីអាល្លឺម៉ង់ Sigmar Gabriel បានជំរុញឲ្យអារ៉ាប៊ីសាអូឌីតត្រូវតែឈប់ការផ្តល់លុយទៅឲ្យវិហារអ៊ីស្លាមជ្រុលនិយមនៅបរទេស។ លោករដ្ឋមន្ត្រីសេដ្ឋកិច្ចអាល្លឺម៉ង់ចង់និយាយសំដៅដល់វិហាររបស់ក្រុមអ៊ីស្លាមវ៉ាហាប៊ី នៅបរទេសដែលបានទទួលជំនួយហិរញ្ញវត្ថុសន្ធឹកសន្ធាប់ពីទីក្រុង រីយ៉ាដ។
តាមឧបនាយករដ្ឋមន្ត្រីអាល្លឺម៉ង់ នៅប្រទេសអាល្លឺម៉ង់ ក្រុមអ៊ីស្លាមដែលអាជ្ញាធរចាត់ទុកថា គ្រោះថ្នាក់ភាគច្រើនគឺមានប្រភពចេញមកពីសហគមន៍អ៊ីស្លាមវ៉ាហាប៊ី នេះ។ លោកSigmar Gabriel មុននឹងអំពាវនាវដល់រដ្ឋាភិបាលឲ្យចាត់វិធានការបន្ទាន់ ដើម្បី ប្រឆាំង នឹងក្រុមវិហារដែលមានចំណងទាក់ទងនឹងក្រុមសាឡាហ្វីស អ៊ីស្លាមជ្រុលនិយម ក្នុងទឹកដីអាល្លឺម៉ង់។
សារព្រមានរបស់ឧបនាយករដ្ឋមន្ត្រីអាល្លឺម៉ង់ ទៅលើអារ៉ាប៊ី សាអូឌីត នេះធ្វើឡើង បន្ទាប់ពីទីភ្នាក់ងារស៊ើបការណ៍សម្ងាត់នៅបរទេសរបស់អាល្លឺម៉ង់ បានចេញរបាយការណ៍មួយ ដោយចោទប្រកាន់ទីក្រុងរីយ៉ាដថា បានជះលុយ ជំរុញ នយោបាយការបរទេស ដើម្បីបង្កអស្ថិរភាពក្នុងតំបន់។ តាមទីភ្នាក់ងារស៊ើបការណ៍សម្ងាត់អាល្លឺម៉ង់បន្តថា ព្រះរាជបុត្រស្នងរាជ្យ និងជារដ្ឋមន្ត្រីក្រសួងការពារជាតិរបស់អារ៉ាប៊ី សាអូឌីត និងបិតារបស់ព្រះអង្គ គឺព្រះចៅ សាល់ម៉ាន បានដើរនយោបាយបង្កើនអំណាចយោធា និងចងសម្ព័ន្ធ ក្នុងតំបន់ ក្នុងគោលដៅ ចង់ក្លាយជាមេដឹកនាំពិភពអារ៉ាប់ទាំងមូល។ កន្លងមក អ្នកជំនាញខ្លះធ្លាប់បានលើកឡើងថា ក្រុមជីហាត អង្គការរដ្ឋអ៊ីស្លាមកើតឡើងដោយសារជំនួយ ឧបត្ថម្ភរបស់អារ៉ាប៊ី សាអូឌីតដែលប៉ុនប៉ងចង់ឲ្យសម្ព័ន្ធមិត្តរបស់អ៊ីរ៉ង់ ។ ដើម្បីប្រជែងជាមួយអ៊ីរ៉ង់ អារ៉ាប៊ី សាអូឌីតកំពុងគាំទ្រក្រុមប្រឆាំងរដ្ឋាភិបាលស៊ីរី និងទម្លាក់គ្រាប់បែកលើក្រុមឧទ្ទាម នៅក្នុងប្រទេសយេម៉ែនផងដែរ៕