ភ្នំពេញ ៖ ពលករខ្មែរប្រុសស្រីចំនួន ១៤នាក់ក្នុងចំណោម ១៧នាក់ ត្រូវបានដោះលែង បន្ទាប់ពីបង់ប្រាក់តាមការទាមទាររបស់អាជ្ញាធរថៃក្នុងម្នាក់ៗចំនូន ៤ម៉ឺនបាត ប្រហែលជា ១.២០០ដុល្លារអាមេរិក ដោយសារពួកគេប្រមូលផ្តុំគ្នាផឹកគ្រឿងស្រវឹងនៅមុខបន្ទប់ជួល បំពាននឹងបម្រាមរបស់រដ្ឋាភិបាលថៃ ដែលហាមមិនឱ្យមានការជួបជុំសេពគ្រឿងស្រវឹងអំឡុងពេលចូលឆ្នាំថ្មី កាលពីថ្ងៃទី១៤ ខែមេសា ឆ្នាំ២០២០ ស្ថិតក្នុងភូមិ១២ ឃុំខ្លងលួង ស្រុកខ្លងលួង ខេត្តផាធុមថានី ប្រទេសថៃ។

លោក កុយ គួង អ្នកនាំពាក្យក្រសួងការបរទេសកម្ពុជា បានបញ្ជាក់កាលពីម្សិលមិញថា ពលករខ្មែរចំនួន ១៤នាក់ក្នុងចំណោម ១៧នាក់ ត្រូវបានអាជ្ញាធរថៃដោះលែងកាលពីសប្តាហ៍មុន និងបានអនុញ្ញាតឱ្យពួកគេវិលត្រឡប់ទៅកន្លែងស្នាក់នៅក្នុងប្រទេសនេះវិញ ក្រោយពេលពួកគេយល់ព្រមបង់ប្រាក់ពិន័យម្នាក់ៗ ៤ម៉ឺនបាត តាមការទាមទាររបស់ថៃ។

សូមជម្រាបថា កាលពីថ្ងៃទី១២ ខែមេសា រដ្ឋាភិបាលថៃបានដាក់បម្រាមលើការលក់គ្រឿងស្រវឹង ឬសេពគ្រឿងស្រវឹង ព្រមទាំងបញ្ជាឱ្យបិទហាង ឬដេប៉ូលក់ស្រា និងស្រាបៀរនៅទូទាំងប្រទេសថៃ ក្នុងអំឡុងរដូវបុណ្យចូលឆ្នាំថ្មី ដើម្បីបញ្ចៀសការជួបជុំ និងប្រមូលផ្តុំគ្នាផឹកគ្រឿងស្រវឹង ដែលនាំឱ្យមានការរីករាលដាលនៃកូវីដ១៩។

លោក កុយ គួង បន្តថា ដោយឡែកពលករខ្មែរ ៣នាក់ទៀត ដែលមិនទាន់បានបង់ប្រាក់ពិន័យ អាជ្ញាធរថៃនឹងបញ្ជូនសំណុំរឿងរបស់ពួកគេទៅតុលាការជាបន្តទៀត។ លោកបន្តថា វិធានការល្មើសបម្រាមនេះ មិនមែនធ្វើលើតែពលករខ្មែរនោះទេ អាជ្ញាធរថៃ គេបានធ្វើឡើងសម្រាប់ពលរដ្ឋទូទៅ រួមទាំងជនជាតិថៃផងដែរ ហើយករណីនេះ ខាងមន្ត្រីស្ថានទូតកម្ពុជាប្រចាំនៅប្រទេសថៃ ក៏បានតាមដានជាប្រចាំផងដែរ ។

ទោះជាយ៉ាងនេះក្តី លោក កុយ គួង មិនបានបញ្ជាក់ច្បាស់ថា តើកម្ពុជានឹងត្រូវអន្តរាគមន៍បែបណាដល់ពលករខ្មែរ ចំនួន ៣នាក់ ដែលអាជ្ញាធរថៃគ្រោងបញ្ជូនឡើងតុលាការ បើសិនពួកគេគ្មានប្រាក់បង់ពិន័យ៕

ភ្នំពេញ ៖ នៅ​ព្រឹក​ថ្ងៃទី​២៨ ខែមេសា ឆ្នាំ​២០២០​នេះ តុលាការយោធា​បាន​បើក​សវន​ការកាត់ទោស​អតីតមន្ត្រី​យោធា ២​នាក់ ពាក់ព័ន្ធ​នឹង​ការបង្កើត​កងកម្លាំងប្រដាប់អាវុធ​ខុសច្បាប់​ប្រព្រឹត្តទៅ​នៅ​ខេត្តកំពង់ឆ្នាំង ខេត្តកំពង់ស្ពឺ និង​រាជធានី​ភ្នំពេញ កាលពី​ឆ្នាំ​២០១៦​កន្លងទៅ។​

ក្រោយពីបើកសវនាការសួរដេញដោលរយៈពេលពេញមួយព្រឹក លោក ប៉ោក ប៉ន អនុប្រធានតុលាការយោធា និងជាប្រធានអង្គសវនាការ បានសម្រេចនឹងប្រកាសសាលក្រម នៅថ្ងៃទី៧ ខែឧសភា ឆ្នាំ២០២០ ខាងមុខនេះ។

តាមរយៈការសួរដេញដោលនេះដែរ លោក ម៉ែន ហុង ព្រះរាជអាជ្ញារង តុលាការយោធា នៅតែបន្តរក្សាបទចោទប្រកាន់អតីតយោធាទាំងពីរនាក់នេះដដែល។ ជនជាប់ចោទ២រូប រួមមាន៖ ទី១៖ ឈ្មោះ សុខ ប៊ុនធឿន ភេទប្រុស អាយុ៦៣ឆ្នាំ ជនជាតិខ្មែរ មុខរបរយោធា និងទី២៖ ឈ្មោះ រ័ត្ន ច័ន្ទមន្នី ហៅ ជ័យ មឿន ភេទប្រុស អាយុ៤៧ឆ្នាំ ជនជាតិខ្មែរ មុខរបរយោធា៕

ដោយ ៖​ នូ វី

បន្ទាយមានជ័យ ៖ គ្រាប់បេមួយគ្រាប់ដែលបន្សល់ទុកក្រោយសម័យសង្គ្រាមបានផ្ទុះបន្ទាប់ពីក្មេងប្រុសម្នាក់បានរើសវាមកគប់លេង បណ្តាលអោយស្ត្រីម្នាក់បានស្លាប់ភ្លាមៗនៅនឹងកន្លែង និងបីនាក់ផ្សេងទៀតរងរបួសធ្ងន់ស្រាល។ហេតុការណ៍នេះបានកើតឡើងកាលពីវេលាម៉ោង១១.០០នាទីព្រឹកថ្ងៃទី២៧មេសាឆ្នាំ២០២០ នៅចំនុចលូធំខាងជើងកែងផ្លូវវិស្វកម្ម ប្រហែល២០០០ម៉ែត្រ ស្ថិតនៅភូមិកណ្តាល ឃុំសឹង្ហ ស្រុកអូរជ្រៅខេត្តបន្ទាយមានជ័យ។      

លោក សេស វិបុល អធិការនៃអធិការដ្ឋាននគរបាលស្រុកអូរជ្រៅបានអោយដឹងថា នៅវេលាកើតហេតុនោះគឺមានមនុស្សបួននាក់បានរងគ្រោះ ក្នុងនោះមាន=
១.ឈ្មោះ ជា សរ ភេទស្រី អាយុ២៥ឆ្នាំ នៅភូមិកំពង់ក្តីឃុំគោកធ្លកលើ ស្រុកជីក្រែង ខេត្តសៀមរាប បានស្លាប់នៅនឹងកន្លែង។
២.ឈ្មោះ ជា ស្រីមួយ ភេទស្រី អាយុ៣៤ឆ្នាំ មានទីលំនៅភូមិកំពង់ក្តី ឃុំគោកធ្លកលើ ស្រុកជីក្រែងខេត្តសៀមរាប(រងរបួសស្រាល)។
៣.ឈ្មោះសុខ បញ្ញា ភេទប្រុស អាយុ១២ឆ្នាំ នៅភូមិកំពង់ក្តី ឃុំគោកធ្លកលើ ស្រុកជីក្រែង ខេត្តសៀមរាប(រងរបួសធ្ងន់)។
៤.ឈ្មោះ គា សំណាង ភេទប្រុស អាយុ២ឆ្នាំ មានទីលំនៅភូមិកំពង់ក្តី ឃុំគោកធ្លកលើ ស្រុកជីក្រែខេត្តសៀមរាប(រងរបួសស្រាល)។
លោកអធិការបានបន្តអោយដឹងទៀតថា ជនរងគ្រោះទាំង០៤នាក់ខាងលើ បានមកស្នាក់នៅធ្វើជាកម្មករដកតំឡូងនៅលានចិនក្នុងភូមិចក់ពួក ឃុំស្លក្រាមស្រុកស្វាយចេក ខេត្តបន្ទាយមានជ័យ។នៅថ្ងៃកើតហេតុពួកគេបានបបួលគ្នាទៅបេះផ្លែព្រីង។លុះទៅដល់ចំនុចដើមព្រីងក្មេងប្រុសឈ្មោះ សុខ បញ្ញា បានប្រទះឃើញគ្រាប់បេមួយគ្រាប់ដែលបន្សល់ពីសម័យសង្គ្រាម មានសភាពចាស់ស្ថិតនៅលើដំបូកក្បែរនោះ ហើយក៏រើសយកមកគប់លេងបណ្តាលអោយផ្ទុះតែម្តង។

បច្ចុប្បន្នជនរងគ្រោះត្រូវបានបញ្ជូនទៅព្យាបាលនៅមន្ទីរពេទ្យបង្អែកមិត្តភាពកម្ពុជា-ជប៉ុន មង្គលបូរី រីឯសពត្រូវបានក្រុមគ្រួសារដឹកយកទៅធ្វើបុណ្យនៅស្រុកកំណើត៕ 

ភ្នំពេញ ៖ នៅថ្ងៃទី២៨ ខែមេសា ឆ្នាំ២០២០នេះ ក្រសួងសុខាភិបាល បានចេញប្រកាសថា មិនមានករណីឆ្លងជំងឺកូវីដ១៩ ហើយក៏ពុំមានករណីជាសះស្បើយដែរ ខណៈអ្នកជំងឺកូវីដ១៩ បានជាសះស្បើយសរុបចំនួន១១៩នាក់។

ចំណែកអ្នកកំពុងសម្រាកព្យាបាលជំងឺកូវីដ នៅសល់តែ៣នាក់ប៉ុណ្ណោះ នៃអ្នកឆ្លងសរុប១២២នាក់។ បើគិតត្រឹមព្រឹកថ្ងៃទី២៨ ខែមេសា ឆ្នាំ២០២០នេះ។ នេះបើតាមការប្រកាសរបស់ក្រសួងសុខាភិបាល ដែលទទួលបានមុននេះបន្តិច៕

ភ្នំពេញ ៖ នៅព្រឹកថ្ងៃទី២៨ ខែមេសា ឆ្នាំ២០២០នេះ តុលាការយោធាកម្ពុជា បានបើកសវនការកាត់ទោសអតីតយោធា២នាក់ ពាក់ព័ន្ធនឹងបទល្មើសបង្កើតកងកម្លាំងប្រដាប់អាវុធខុសច្បាប់ នៅខេត្តកំពង់ឆ្នាំង ខេត្តកំពង់ស្ពឺ និងរាជធានីភ្នំពេញ កាលពីឆ្នាំ២០១៦។

ក្រុមប្រឹក្សាជំនុំជម្រះនៃតុលាការយោធា បើកសវនការជំនុំជម្រះក្តីជាសាធារណៈ លើសំណុំរឿងព្រហ្មទណ្ឌលេខ០០៨ ចុះថ្ងៃទី២៥ ខែឧសភា ឆ្នាំ២០១៦ ដែលមានជនជាប់ចោទ២រូបរួមមាន ៖ ១៖ ឈ្មោះ សុខ ប៊ុនធឿន ភេទប្រុស អាយុ៦៣ឆ្នាំ ជនជាតិខ្មែរ មុខរបរយោធា។ ២៖ ឈ្មោះ រ័ត្ន ច័ន្ទមន្នី ហៅជ័យ មឿន ភេទប្រុស អាយុ៤៧ឆ្នាំ ជនជាតិខ្មែរ មុខរបរយោធា។

ជនទាំងពីរនេះបានជាប់ចោទពីបទ ៖ បង្កើតដោយខុសច្បាប់នូវកងកម្លាំងប្រដាប់អាវុធដោយគ្មានសិទ្ធិ និងគ្មានការអនុញ្ញាត ពីអាជ្ញាធរស្របច្បាប់ ប្រព្រឹត្តនៅខេត្តកំពង់ឆ្នាំង កំពង់ស្ពឺ និងរាជធានីភ្នំពេញ កាលពីអំឡុងឆ្នាំ២០១៦ ដល់ខែមិថុនា ឆ្នាំ២០១៨ បទល្មើសដែលមានចែងឲ្យផ្តន្ទាទោសតាមមាត្រា ៤៦៣ នៃក្រមព្រហ្មទណ្ឌ៕

ដោយ កូវ ប៊ុនហេង 

ព្រះវិហារ ៖ លោក ឧត្តមសេនីយ៍ឯកស្រី ឌឹក មេបញ្ជាការរងកងទ័ពជើងគោក និងជាមេបញ្ជាការកងពលធំអន្តរាគមន៍លេខ៣ នៅព្រឹកថ្ងៃចន្ទ ទី២៧ ខែមេសា ឆ្នាំ២០២០ បានដឹកនាំកម្លាំងក្រោមឱវាទ ធ្វើដំណើរចុះសាកសួរសុខទុក្ខ កងកម្លាំងប្រដាប់អាវុធ ដែលកំពុងបំពេញភារកិច្ចឈរជើងការពារ នៅតាមខ្សែរបន្ទាត់ព្រំដែនកម្ពុជា-ឡាវ តំបន់ទន្លេល្ពៅ  និងប្រជុំផ្សព្វផ្សាយពីវិធានការមួយចំនួន ដើម្បីឲ្យបងប្អូនចេះនៅក្នុងការថែរក្សាខ្លួន កុំឲ្យឆ្លងជំងឺដ៏កាចសាហាវ COVID-19នេះ ។

លោកឧត្តមសេនីយ៍ឯក ស្រី ឌឹក ៖ ថ្លែងថា ដើម្បីការពារខ្លួនឯងកំអោយឆ្លងជំងឺ COVID-19 ចាំបាច់យើងទាំងអស់ ត្រូវតែប្រុងប្រយ័ត្នបំផុត បើទោះបីជំងឺកូវីដ-១៩នៅកម្ពុជា នាពេលបច្ចុប្បន្នមានស្ថានភាពធូរស្រាលក៏ដោយ។ យើងក៏មិនអាចមើលស្រាល និងមិនយកចិត្តទុកដាក់ អំពីជំងឺនេះបានដែរ ព្រោះវាអាចប្រឈមនឹងគ្រោះថ្នាក់ខ្លាំងបំផុត ។

លោកមេបញ្ជាការរងកងទ័ពជើងគោក៖ ថ្លែងបន្តថា ដើម្បីចូលរួមប្រយុទ្ធប្រឆាំងនឹងការរីករាលដាល នៅជំងឺដ៏កាចសាហាវនេះបាន យើងគ្រប់ៗរូប ត្រូវមានការប្រុងប្រយត្ន័ខ្ពស់បំផុត។ ផ្ទុយទៅវិញយើងទាំងអស់គ្នាត្រូវចូលរួម ដោយអនុវត្តអោយបានទៀងទាត់តាមការណែនាំរបស់ក្រសួងសុខាភិបាល ដើម្បីកុំអោយឆ្លងជំងឺកូវីដ-១៩នេះ។ជាមួយគ្នានោះដែរ លោកឧត្តមសេនីយ៍ឯក ស្រី ឌឹក មេបញ្ជាការរងកងទ័ពជើងគោក ក៏បានធ្វើការជម្រុញបន្ថែមទៅកាន់បងប្អូនកងទ័ព ដែលកំពុងបំពេញភារកិច្ចឈរជើងជួរមុខទាំងអស់តាមបន្ទាត់ព្រំដែន ធ្វើយ៉ាងត្រូវប្រឹងប្រែងយកចិត្តទុក្ខដាក់ចេញដើរល្បាត នៅតាមចំណុចភូមិសាស្ត្រដែលអង្គភាពខ្លួនទទួលខុសត្រូវឲ្យបានខ្ជាប់ខ្ជួន។ខិតខំបង្កើនកិច្ចសហប្រតិបត្តិការល្អ រវាងកម្លាំងភាគីមិត្តកម្ពុជា-ឡាវ ឈរលើស្មារតីទទួលខុសខ្ពស់ក្នុងការដោះស្រាយដោយសន្តិវិធី ជៀសវាងការដោះស្រាយគ្នាដោយកម្លាំងប្រដាប់អាវុធផងដែរ។

នៅបន្ទាប់ពីប្រសាសន៍សាកសួរសុខទុក្ខ និងកិច្ចប្រជុំផ្សព្វផ្សាយស្តីពីវិធានការ ការពារខ្លួនកុំឲ្យឆ្លងជំងឺកូវីដ-១៩បានបញ្ចប់ ឯកឧត្តម ឧត្តមសេនីយ៍ឯក ស្រី ឌឹក មេបញ្ជាការរងកងទ័ពជើងគោក ក៏បានឧបត្ថម្ភអំណោយ ជាសម្ភារៈ និងថវិកា ព្រមទាំងគ្រឿងឧបភោគបរិភោគមួយចំនួន ដើម្បីទុកហូបចុក និងធ្វើការប្រើប្រាស់នៅក្នុងការ ការពារខ្លួនកុំឲ្យឆ្លងនូវជម្ងឺកូវីដ-19 ៕

ភ្នំពេញ ៖ ក្រសួងធនធានទឹ​ក និងឧតុនិយម នៅថ្ងៃទី២៨ ខែមេសា ឆ្នាំ២០២០នេះ បានចេញសេចក្តីជូនដំណឹងស្ថានភាពធាតុអាកាស ចាប់ពីថ្ងៃទី២៩ ខែមេសា ដល់ថ្ងៃទី០៥ ខែឧសភា ដោយបញ្ជាក់នៅរយៈពេលនេះ សីតុណ្ហភាពនៅកម្ពុជា អប្បបរមា ពី២៤-២៧អង្សាសេ និងអតិបរមាពី ៣២-៣៧អង្សាសេ។

ក្រសួងបានឲ្យដឹងទៀតថា នៅរយៈពេលនៃការព្យាករណ៍នេះ ក៏មានភ្លៀងធ្លាក់ពីកម្រិតខ្សោយទៅបង្គួរផងដែរ ដែលតម្រូវឲ្យបងប្អូនប្រជាពលរដ្ឋ ប្រុងប្រយ័ត្ននូវបាតុភូតផ្គរ រន្ទះ និងខ្យល់កន្ត្រាក់ដែលអាចកើតមាន នៅតាមបណ្តាខេត្តជាប់សមុទ្រ ចាប់ពីថ្ងៃទី២៩ ខែមេសា ដល់ ថ្ងៃទី០១ ខែឧសភា៕

ភ្នំពេញ ៖ ក្រសួងព័ត៌មាន នៅថ្ងៃទី២៧ ខែមេសា នេះ បានចេញេសចក្តីប្រកាសបញ្ជាក់ពីការសម្រេចលុបអាជ្ញាប័ណ្ណព័ត៌មានអនឡាញ «ចក្រវាឡ» របស់លោក ចាន់ ឫទ្ធី ដោយអះអាងថា បន្ទាប់ពីពិនិត្យថា លោកធ្វើសកម្មភាពផ្ទុយពីវិជ្ជាជីវៈអ្នកសារព័ត៌មាន៕

សូនអានសេចក្តីសម្រេចដូចខាងក្រោម ៖

ដោយ ៖​ ប៉ែន សុផល

ខេត្តកំពង់ចាម ៖ នាព្រឹកថ្ងៃទី២៧ ខែមេសា ឆ្នំា២០២០នេះ រដ្ឋបាលស្រុកជើងព្រៃ សហការជាមួយព្រះអនុគណស្រុក បាននំាយកនូវអំណោយរបស់អនុសាខាកាកបាទក្រហមកម្ពុជាស្រុកជើងព្រៃ និងថវិកាមួយចំនួន ផ្តល់ជូនគ្រួសារឈ្មោះ ជីវ ចេន អាយុ៧៧ឆ្នំា និងប្រពន្ធឈ្មោះ អួង ថេង អាយុ ៧៩ឆ្នំា រស់នៅភូមិព្រីងជ្រុំ ឃុំព្រីងជ្រុំ ដែលរងគ្រោះដោយសារភ្លើងឆេះផ្ទះ កាលពីថ្ងៃទី២៦ ខែមេសា ឆ្នំា២០២០ម្សិញមិញនេះ ក្នុងនោះរួមមាន ៖ លោកបណ្ឌិត ម៉ា ឈឿន ប្រធានក្រុមការងារគណបក្សប្រជាជនកម្ពុជាចុះជួយស្រុកជើងព្រៃ តង់ធំមួយ អង្ករ ១០០គ.ក្រ. និងថវិកា ៥០ម៉ឺនរៀល ។

លោក វេង សាខុន ប្រធានក្រុមការងាររាជរដ្ឋាភិបាលចុះជួយស្រុកជើងព្រៃ ថវិកា ២លានរៀល និងជួយធ្វើផ្ទះចាក់បេតុងក្រោម គ្រោងដែក ជញ្ជំាង និងដំបូលស័ង្កសី ទំហំ ៤x៥ ម៉ែត្រ និងគ្រឿងឧបភោគ បរិភោគ មួយចំនួន។

ព្រះអនុគណ និងមន្រ្តីសង្ឃស្រុកជើងព្រៃ ថវិកា ៧១ម៉ឺនរៀល និងសម្ភារះប្រើប្រាស់មួយចំនួន ។
លោក អូត ឈាងលី អភិបាល នៃគណះអភិបាលស្រុកជើងព្រៃ ថវិកា ១០ម៉ឺនរៀល ។
លោក ខាត់ សុខន ប្រធានការិយាល័យរៀបចំដែនដី នគររូបនីយកម្ម សំណង់និងភូមិបាលស្រុក ថវិកា ១០ម៉ឺនរៀល ។

លោក តែ សេងពៅ និងលោកស្រី ឡ សេងលាភ ម្ចាស់រោងម៉ាស៊ីនកិនស្រូវសេកមាស ថវិកា ៤០ម៉ឺនរៀល និងគ្រឿង ឧបភោគ បរិភោគ មួយចំនួន ទៀតផងដែរ។
សូមថ្លែងអំណរគុណ និងសូមគោរពជូនពរ ដល់ព្រះអនុគណស្រុក  លោក លោកជំទាវ លោក លោកស្រី សប្បុរសជនទំាងអស់ អោយជួបតែនឹងពុទ្ធពរទំាង ៤ប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ៕

ដោយ ៖ ប៉ែន សុផល

ខេត្តកំពង់ចាម ​៖ លោក អ៊ុន ចាន់ដា អភិបាលនៃគណៈអភិបាលខេត្ត និង លោក ខ្លូត ផន ប្រធាន ក្រុមប្រឹក្សាខេត្ត ដោយ មាន ការ អញ្ជើញ ចូលរួម ពី លោក អភិបាលរងខេត្ត លោកប្រធានមន្ទីរធម្មការនិងសាសនា និងលោកប្រធានមន្ទីរសុខាភិបាលខេត្តនាព្រឹកថ្ងៃទី២៧ ខែមេសា ឆ្នាំ២០២០នេះ បានអញ្ជើញចូលរួមប្រជុំតាមរយ:ប្រព័ន្ធវីឌីអូ Conference ជាមួយនិងសមាគមន៍សាសនាចក្រនៃព្រះយេស៊ូគ្រីស្ទនៃពួកបរិសុទ្ធថ្ងៃចុងក្រោយ ដែលមានស្នាក់ការកណ្តាលនៅសហរដ្ឋអាមេរិក, ស្នាក់ការតំបន់ នៅទីក្រុងហុងកុង និងសមាគមន៍សាសនាចក្រនៃព្រះយេស៊ូគ្រីស្ទនៃពួកបរិសុទ្ធថ្ងៃចុងក្រោយ ប្រចាំនៅកម្ពុជា ដើម្បីពិនិត្យមើលអំពីវឌ្ឍនៈភាព នៃការចូលរួមអភិវឌ្ឍវិស័យសុខាភិបាល នៅក្នុងខេត្តកំពង់ចាម និងលើកទិសដៅសម្រាប់ការអនុវន្តបន្តផងដែរ ។

គួររំលឹក ផង ដែរ ថា កន្លងមក ថ្នាក់ដឹកនាំ សមាគម និកាយ សាសនា ចក្រ នៃ ព្រះ យេស៊ូគ្រិស្ត នៃ ពួក បរិសុទ្ធ ថ្ងៃ ចុង ក្រោយ បានជួយ ឧបត្ថម្ភ ជា សម្ភារៈ បរិក្ខារ ពេទ្យ ដេីម្បី ជួយ សង្គ្រោះ ដល់ អាយុជីវិត ប្រជាពលរដ្ឋ យើង ព្រមទាំង បាន ជួយ បណ្ដុះបណ្ដាល វិជ្ជាជីវៈ ដល់ មន្ត្រី សុខាភិបាល នៅ តាម មណ្ឌលសុខភាព និង មន្ទីរពេទ្យ បង្អែក មួយ ចំនួន ផង ដែរ ។

ជាមួយគ្នា នោះ អាជ្ញាធរ ខេត្តកំពង់ចាម ក៏បានថ្លែង អំណរគុណ និង កោតសរសើរ ចំពោះ សមាគម និកាយ សាសនា ចក្រ នៃ ព្រះ យេស៊ូគ្រិស្ត នៃ ពួក បរិសុទ្ធ ថ្ងៃចុងក្រោយដែលតែង តែ ចូលរួមក្នុងការ ជួយ អភិវឌ្ឍន៍ លេី វិស័យ សុខាភិបាល ក៏ដូចជា វិស័យ ផ្សេងៗ ទៀត ព្រមទាំងបាន ជួយ ទំនុក បម្រុង ដល់ ប្រជាពលរដ្ឋ ក្រីក្រ នាពេលកន្លងមក ផង ដែរ ៕