ចិន ៖ នាវាពិឃាដរបស់ចិនទីមួយដែលផលិតក្នុងស្រុក ឈ្មោះ «Nanchang» ត្រូវបានដាក់ឱ្យប្រើប្រាស់ជាផ្លូវការក្នុងជួរកងទ័ពជើងទឹកចិនហើយ កាលពីថ្ងៃទី១២ ខែមករា ឆ្នាំ២០២០។ ពិធីនេះ ប្រារព្ធធ្វើឡើងនៅកំពង់ផែក្រុង Qingdao ខេត្ត Shandong។
នាវានេះ ចាប់ផ្តើមសាងសង់កាលពីខែមិថុនា ឆ្នាំ២០១៧។ វាធ្លាប់ត្រូវបានដាក់បង្ហាញក្នុងពិធីព្យុហយាត្រាកងទ័ពជើងទឹក កាលពីខែមេសា ឆ្នាំ២០១៩រួចមកហើយ ប៉ុន្តែពេលនោះ វាពុំទាន់ត្រូវបានសាងសង់រួចរាល់នៅឡើយទេ។
នាវាពិឃាដដែលមួយគ្រឿងនេះ មានទម្ងន់១ម៉ឺនតោន ប្រវែង១៨០ម៉ែត្រ និងទទឹង២០ម៉ែត្រ ដោយបំពាក់ជាមួយប្រព័ន្ធការពារដែនអាកាសថ្មី, មីស៊ីលប្រឆាំងមីស៊ីល, មីស៊ីលប្រឆាំងនាវា និងប្រឆាំងអាវុធដែលបាញ់ចេញពីនាវាមុជទឹកផងដែរ៕
ក្រុមអាជីវករទាំង៦២តូប ដែលប្រឈមការនឹងការរុះរើតូប បាននាំគ្នាជួបជុំតវ៉ានៅឆ្នេរ អូរត្រេះ ក្នុងភូមិ៥ សង្កាត់លេខ៤ ក្រុងព្រះសីហនុ ស្នើសុំជួបអភិបាលខេត្ត ឯកឧត្តម គួច ចំរើន ដើម្បីជជែករកដំណោះស្រាយដែលមិនមែនជាវិធានការរុះរើតូបរបស់ពួកគេ។ ការទាមទាររបស់អាជីវករ នៅថ្ងៃទី៨ ខែមករា ម្សិលមិញនេះ បានកាន់រូបថត សម្តេច ហ៊ុន សែន និង សម្តេចព្រឹទ្ធបណ្ទិត ប៊ុនរ៉ាន់នី ហ៊ុន សែន ព្រមទាំងសរសេរបដាថា អរគុណ សន្តិភាព និងរៀបរាប់ទៀតថា ពួកគេជំពាក់លុយធនាគារ ព្រោះខ្ចីលុយយកមកធ្វើ តូប នេះ។
លោក ត្រាំ បានប្រាប់អ្នកយកព័ត៌មាននៅសេតវិមានថា យើងនឹងចាប់ផ្តើមចរចាភ្លាមៗ ពីកិច្ចព្រមព្រៀងដំណាក់កាលទី ២ ប៉ុន្តែកិច្ចព្រមព្រៀងនេះ នឹងចំណាយពេលយូរបន្តិច ។ ដូច្នេះលោកប្រហែលជាត្រូវរងចាំរហូតដល់ចប់ការបោះឆ្នោតសិន ដោយសារ លោកគិតថា បើចាំដល់ពេលនោះ ទើបប្រទេសទាំងពីរអាចធ្វើកិច្ចព្រមព្រៀងបានប្រសើរជាងមុន ។
លោក Jeffrey D. Sachs បានមានប្រសាសន៍ថា ក្នុងដំណើរទស្សនកិច្ចនៅកម្ពុជា ពេល នេះគឺ ឯកឧត្តម បានឃើញដោយផ្ទាល់ភ្នែក នូវការអភិវឌ្ឍរបស់កម្ពុជា ដែលក្នុងនោះមាន ទាំងការអភិវឌ្ឍលើវិស័យសេដ្ឋកិច្ច ការអភិវឌ្ឍលើវិស័យសុខាភិបាល និងការអភិវឌ្ឍន៍ លើដទៃទៀតដែលហួសពីការស្មាន។ លោក នឹងទស្សនកិច្ចនៅកម្ពុជា ប្រទេសឡាវ និង ម៉ាឡេស៊ី ដើម្បីធ្វើយ៉ាងណាពង្រឹង និងជំរុញលើកទឹកចិត្តកិច្ចសហប្រតិបត្តិការ រវាង ប្រទេសអាស៊ាន និងសហគមន៍អឺរ៉ុប ពិសេសជំរុញកិច្ចសហប្រតិបត្តិការលើវិស័យពាណិជ្ជ កម្ម សេដ្ឋកិច្ច ដឹកជញ្ជូន និងអាយធី (IT) ដើម្បីធ្វើយ៉ាងណាឲ្យសហគមន៍អឺរ៉ុប និងអាស៊ាន មានទំនាក់ទំនង និងសហប្រតិបត្តិការល្អ ។ លោកនឹងទៅធ្វើទស្សនកិច្ច និងគ្រោងជួបថ្នាក់ ដឹកនាំសហគមន៍អឺរ៉ុបនៅសប្តាហ៍បន្ទាប់ ដើម្បីជម្រុញលើកស្ទួយកិច្ច សហប្រតិបតិ្តការ រវាងសហគមន៍អឺរុប និងអាស៊ាន។ លោកពុំចង់ឃើញមានការបែកបាក់គ្នា រវាងតំបន់ និងតំបន់ទេ។ ផ្ទុយមកវិញ លោកនឹងឆ្លុះបញ្ចាំងពីភាពខ្លាំង និងសារខាន់ៗនូវកិច្ចសហប្រតិបត្តិ ការ រវាងតំបន់និងតំបន់ទៅវិញ។ លោកបញ្ជាក់ចំពោះមុខសម្តេចថា លោកត្រៀមជានិច្ចដើម្បី ជួយដល់កម្ពុជាជំរុញដល់ការអភិវឌ្ឍកម្ពុជាតំបន់អាស៊ាន និងតំបន់ដទៃទៀតឲ្យ មានការ អភិវឌ្ឍប្រកបដោយចីរភាព។
កាលពីឆ្នាំមុន ប្រទេសបារាំងបានសម្រេចចិត្តដាក់ពន្ធ លើក្រុមហ៊ុនឌីជីថល ចំនួន ៣ ភាគរយ ដោយអះអាងថា វាជាការចាំបាច់ ដើម្បីធ្វើឱ្យក្រុមហ៊ុនអ៊ីនធឺណេតទាំងនោះ បង់ ចំណែកពន្ធរបស់ពួកគេ។ ពន្ធនេះផ្តោតលើក្រុមហ៊ុន ដែលមានប្រាក់ចំណូលប្រចាំឆ្នាំសរុប យ៉ាងហោចណាស់ ៧៥០ លានអឺរ៉ូ ស្មើនឹង៨៣៤ លានដុល្លារអាមេរិក នៅទូទាំងពិភពលោក និង ២៥ លានអឺរ៉ូ ស្មើនឹង២៨.១៥ លានដុល្លារអាមេរិក ក្នុងប្រទេសបារាំង។ ទន្ទឹមនឹងនេះ សហរដ្ឋអាមេរិក បានគំរាមដាក់ពន្ធ រហូតដល់ ១០០ ភាគរយ លើទំនិញបារាំង ដែលមានតម្លៃ ២.៤ ពាន់លានដុល្លារអាមេរិក ដើម្បីសងសឹកប្រទេសបារាំង ក្នុងនោះស្រា និងឈីស របស់បារាំងមាននៅក្នុងបញ្ជីទំនិញ ដែលត្រូវកំណត់ដាក់ពន្ធ។
