ភ្នំពេញ ៖ តុលាការចេញដីកាកោះលោក កឹម សុខា អតីតប្រធាននៃអតីតគណបក្សសង្គ្រោះជាតិ ឲ្យចូលរួមក្នុងសវនាការនាព្រឹកថ្ងៃទី១៥ ខែមករា ឆ្នាំ២០២០ ខាងមុខនេះ។ លោកកឹម សុខា ជាប់ចោទពីបទសន្និដ្ឋិភាពជាមួយបរទេស។
លោក វង្ស ប៊ុនវិសុទ្ធ ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញកាលពីថ្ងៃទី៩ ខែធ្នូ ឆ្នាំ២០១៩ បានចេញដីកាកោះលោក កឹម សុខា ឲ្យសវនាការនាថ្ងៃទី១៥ ខែខែមករា ឆ្នាំ២០២០។ សមាសភាពក្រុមប្រឹក្សាជំនុំជម្រះមានដូចជា លោក កូយ សៅ ជាប្រធានក្រុមប្រឹក្សា លោកសេង លាង ចៅក្រមប្រឹក្សា លោកធាន ច័ន្ទពិសិដ្ឋ ជាចៅក្រមប្រឹក្សា និងលោកជ័យ វាសនាជាក្រឡាបញ្ជីសវនាការ។
អ្នកនាំពាក្យសាលាដំបូងរាជធានីភ្នំពេញបានឲ្យដឹងថា ក្រុមប្រឹក្សាជំនុំជម្រះ នៃសាលាដំបូងរាជធានីភ្នំពេញដែលទទួលបន្ទុកចាត់ការលើសំណុំរឿងព្រហ្មទណ្ឌជំនុំជម្រះលេខ ៤៧៧៧ ចុះថ្ងៃទី៣ ខែធ្នូ ឆ្នាំ២០១៩ ដែលមានជនជាប់ចោទឈ្មោះ កឹម សុខា ជាប់ចោទពីបទសន្និដ្ឋិភាពជាមួយបរទេស តាមមាត្រា៤៤៣ នៃក្រមព្រហ្មទណ្ឌ បានកំណត់កាលបរិច្ឆេទជំនុំជម្រះលើសំណុំរឿងនេះ នៅថ្ងៃទី១៥ ខែមករា ឆ្នាំ២០២០ វេលាម៉ោង៨ និង៣០នាទីព្រឹក នៅសាលសវនាការទី១ នៃសាលាដំបូងរាជធានីភ្នំពេញ។
គួរបញ្ជាក់ថា កាលពីថ្ងៃទី១០ ខែវិច្ឆិកា ឆ្នាំ២០១៩ តុលាការបានសម្រេចដាក់លោក កឹម សុខា ស្ថិតក្រោមការត្រួតពិនិត្យតាមផ្លូវតុលាការដដែល តែបានកែប្រែលក្ខខណ្ឌមួយចំនួន ដែលក្នុងនោះរួមមានលក្ខខណ្ឌនៃការធ្វើដំណើររបស់លោកផងដែរ ពោលគឺលោកអាចធ្វើដំណើរបានគ្រប់ទីកន្លែងទាំងអស់នៅក្នុងព្រះរាជាណាចក្រកម្ពុជា។ ការសម្រេចនេះ ដោយផ្អែកលើស្ថានភាពសុខភាពនិងកិច្ចសហការល្អរបស់ លោក កឹម សុខា ជាមួយសមត្ថកិច្ចនាពេលកន្លងមក។ ប៉ុន្តែលោកត្រូវហាមឃាត់មិនឱ្យចេញទៅបរទេស មិនឱ្យធ្វើសកម្មភាពនយោបាយ និងត្រូវឆ្លើយតបនឹងការកោះហៅពីគ្រប់សមត្ថកិច្ច៕
លោក គង់ រិទ្ធា ប្រធានចលនាយុវជន១៥៧ក្រុងប៉ោយប៉ែតបានអ្នកយកព័ត៌មានដឹងថា សិស្សានុសិស្សដែលទទួលបានអំណោយមានចំនួន១១៨នាក់ហើយអំណោយដែលត្រូវចែកជូនក្នុងម្នាក់ ទទួលបានសៀវភៅ ២ក្បាល ប៉ិច១ដើម ខ្មៅដៃ១ដើម និងឃីត១ (ថ្នាំពេទ្យ អង្ករ ទឹកដោះគោ ទឹកក្រូច នំកញ្ចប់ មី ប្រេងឆា ស្ករស ទឹកត្រី ត្រីខ ទឹកអូអ៊ិឈិ ទឹកបរិសុទ្ធនិង ថវិកា២០០០រៀល។ក្នុងនោះសិស្សដែលមានខ្វះមធ្យោបាយមករៀនចំនួន៤នាក់ ក្រុមការងារចលនាយុវជន១៥៧ក្រុងប៉ោយប៉ែតបានផ្តល់កង់ម្នាក់មួយគ្រឿងបន្ថែមទៀត។
កាលពីថ្ងៃទី១៧ ខែធ្នូ ឆ្នាំ២០១៧ ពាក់ព័ន្ធករណីពលរដ្ឋ ទៅទទួលសេវា នៅទីនោះ ដោយទារប្រាក់ឆៅៗ និងបំភិតបំភ័យអ្នកជំងឺ ដើម្បីជាថ្នូប្រគល់ ប្រាក់ជូនខ្លួន និងការបម្រើសេវានានា ក៏ត្រូវបងប្រាក់ជាហូរហែរ ខុសប្រក្រតី ។ ស្រ្តីរងគ្រោះថា ករណីនេះមិនមែនកើត ឡើងតែលើគាត់ម្នាក់នេះទេ គេដទៃក៏ត្រូវបង់សេវាខុសប្រក្រតី បែបនេះដែរ ។
ជារៀងរាល់ឆ្នាំ ក្មួយៗសិស្ស និស្សិតជាច្រើននាក់ តែងតែដាក់ពាក្យប្រលងចូលក្នុងក្របខណ្ឌកងយោធពលខេមរភូមិន្ទ ជាច្រើនសន្ធឹកសន្ធាប់ ដើម្បីចូលរួមក្នុងវិស័យការពារជាតិបន្តវេនពី អុំ ពូ មីង ជំនាន់មុន ជាក់ស្ដែងនៅព្រឹកថ្ងៃសៅរ៍ ទី២៣ ខែធ្នូ ឆ្នាំ២០១៩ ក្មួយៗសិស្ស និស្សិតចំនួន ១៨១នាក់ថ្មីទៀត ដែលរស់នៅក្នុងខេត្តព្រះវិហារ បានស្ម័គ្រចិត្តជាទំពាំងស្នងឫស្សីក្នុងការបន្តវេនក្នុងវិស័យការពារជាតិ បានដាក់ពាក្យប្រលងចូលក្នុងក្របខណ្ឌកងយោធពលខេមរភូមិន្ទ ហើយត្រូវបានចូលរួមក្នុងពិធីសំណេះសំណាល និងចែកសាលាកបត្រឯកជន ដើម្បីត្រៀមទៅប្រឡងនៅមណ្ឌលយោធភូមិភាគទី ៤ ខេត្តសៀមរាប ដែលពិធីនេះបានធ្វើនៅក្នុងបរិវេណទីបញ្ជាការដ្ឋានតំបន់ប្រតិបតបត្តិការសឹករងព្រះវិហារចំណុះយោធភូមិភាគទី៤។
លោកឧត្តមសេនីយ៍ទោ ច័ន្ធ សុភត្រ្តា មេបញ្ជាការបានមានប្រសាសន៍ថា នេះជាសក្ខីភាពមួយដែល គួឲ្យលើកទឹកចិត្តដល់គ្មួយៗដែលបានមកដាក់ពាក្យប្រលងចូលក្របខ័ណ្ណ នៃកងយោធពលខេមរភូមិន្ទ លើវិស័យការពារជាតិបន្តវេនជាមួយគ្នានេះដែរ ក្មួយៗ សិស្សនិស្សិតដែលបានដាក់ពាក្យប្រលងចូលក្នុងក្របខ័ណ្ឌកងយោធពលខេមរភូមិន្ទ នៅបញ្ជាការដ្ឋានតំបន់ប្រតិបត្តិការសឹករងព្រះវិហារ កន្លងមកមានក្មួយៗជាច្រើននាក់នៅខេត្តព្រះវិហារ បានប្រឡងជាប់ចូលក្នុងក្របខ័ណ្ឌកងយោធពលខេមរៈភូមិន្ទ ដោយមួយចំនួនចេញទៅបម្រើការងារនៅតាមកងឯកភាពទូទាំងប្រទេស និងមានក្មួយៗមួយចំនួនទៀត កំពុងបន្តការ សិក្សានៅក្នុងនិងក្រៅប្រទេសផងដែរ។
លោក អភិបាលរងខេត្តព្រះវិហារ បានសំណូមពរសូមឱ្យក្មួយៗទាំងអស់ រួមគ្នាចូលរួមថែរក្សាសន្តិភាពដែលយើងកំពុងមានសព្វថ្ងៃ ដែលបានមកដោយលំបាកនេះ ឲ្យ នៅគង់វង់ជារៀងរហូត ជាមួយនោះដែលក្មួយៗត្រូវត្រៀមលក្ខណសម្បត្តិគ្រប់យ៉ាងដេីម្បីទៅចូលរួមប្រឡងតាមវិញ្ញាសាដែលគណៈកម្មាធិការជ្រើសរើស និងត្រួតពិនិត្យលក្ខណៈសម្បត្តិសិក្ខាកាមមកបណ្ដុះបណ្ដាលនៅក្នុង និងក្រៅប្រទេស ចំណែកអុំ ពូ មីងទាំងអស់គ្នា សូមជូនពរឱ្យក្មួយៗទាំងអស់បានប្រលងជាប់គ្រប់ៗគ្នា ដើម្បីក្លាយខ្លួនជាកងយោធពលខេមរភូមិនដ៏ឆ្នើម ក្នុងវិស័យការពារជាតិ សាសនា និងព្រះមហាក្សត្រ ក្រោមការដឹកនាំប្រទេសប្រកបដោយគតិបណ្ឌិតរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា៕
