ភ្នំពេញ ៖ កម្ពុជាជាម្ចាស់ផ្ទះ នឹងធ្វើជាសហប្រធាននៃកិច្ចប្រជុំកំពូលកិច្ ចសហប្រតិបត្តិការប្រទេសនៅតាមដងទន្លេមេគង្គ-ឡានឆាង លើកទី២ ដែលមានប្រទេសសម្ព័ន្ធមិត្តចំនួន៥ នឹងចាប់ផ្តើមនៅថ្ងៃទី ១០ មករា ឆ្នាំ២០១៨ នេះ ។នាយករដ្ឋមន្ត្រីកម្ពុជាសម្តេច ហ៊ុន សែន បានសរសេរក្នុងហ្វេសប៊ុកនៅមុនថ្ងៃបើកកិច្ចប្រជុំនេះ ដោយបានចាត់ទុកថា ជាមោទនភាពមួយសម្រាប់ជាតិកម្ពុជា។
គួរជម្រាបថា កិច្ចប្រជុំកំពូលលើកទី២នៅភ្នំពេញ ដែលធ្វើឡើងក្រោមប្រធានបទ “ទន្លេរបស់យើងដើម្បីសន្តិភាព និងការអភិវឌ្ឍប្រកបដោយចីរភាព”នេះ ត្រូវបានគេរំពឹងថា ឯកសារចំនួន៤នឹងត្រូវអនុម័ត រួមមាន៖
ទី១.សេចក្តីថ្លែងការណ៍ទីក្រុងភ្នំពេញ ទី២.ផែនការសកម្មភាព៥ឆ្នាំនៃកិច្ចសហប្រតិបត្តិការមេគង្គ-ឡានឆាង ពីឆ្នាំ១០១៨-២០២។ ទី៣.បញ្ជីរួមនៃគម្រោងកិច្ចសហប្រតិបត្តិការដំណាក់កាលទី២ និងចុងក្រោយ គឺរបាយការណ៍នៃក្រុមការងាររួមតាមវិស័យអាទិភាពចំនួន។ កិច្ចប្រជុំកំពូលមេគង្គ-ឡានឆាង លើកទី៣ នឹងធ្វើឡើងនៅក្នុងប្រទេសឡាវ។
យោងតាមឯកសារ ឡានឆាង គឺជាឈ្មោះនៃទន្លេមួយស្ថិតនៅក្នុងប្រទេសចិន។ ចំណែកឯ មេគង្គ ក៏ជាទន្លេដ៏ធំហើយវែង ស្ថិតនៅក្នុងតំបន់អាស៊ីអាគ្នេយ៍ ដែលមានប្រភពមកពីខ្ពង់រាបទីបេប្រទេសចិន ដោយហូរកាត់ប្រទេសចំនួន៦ រួមមាន ប្រទេសចិន ម៉ីយ៉ាន់ម៉ា ថៃ ឡាវ កម្ពុជា និងប្រទេសវៀតណាម។ មេគង្គ-ឡានឆាង មានផ្ទៃទន្លេសរុបប្រវែងជាង៤,៨៨០គីឡូម៉ែត្រ ដែលមានផ្ទៃស្ដុកទឹក ៧៩៥,០០០ គីឡូម៉ែត្រការ៉េ ផ្គត់ផ្គង់ប្រជាជនប្រមាណ ៣២៦លាននាក់ នៅក្នុងអនុតំបន់មេគង្គ-ឡានឆាង៕
ទួលបានលេខរៀងទី៤៕
បាត់ដំបង : នៅព្រឹកថ្ងៃទី៦ ខែមករា ឆ្នាំ២០១៨ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាអនុប្រធានគណបក្សប្រជាជនកម្ពុជា បានអញ្ជើញជាអធិបតីក្នុងពិធីមិទ្ទិញអបអរសាទររំលឹកខួបលើកទី៣៩នៃទិវាជ័យជំនះ៧មករា នៅមុខបរិវេណសាលាខេត្តបាត់ដំបង។ ពិធីនេះបានរៀបចំដោយរដ្ឋបាលខេត្តបាត់ដំបង និងមានការចូលរួមពី សមាជិកព្រឹទ្ធសភា សមាជិករដ្ឋសភាសមាជិករាជរដ្ឋាភិបាល ប្រតិភូអមដំណើរ ក្រុមប្រឹក្សាខេត្ត គណៈអភិបាលខេត្តថ្នាក់ដឹកនាំ មន្ត្រីរាជការ អគ្គកុងស៊ុលវៀតណាម កងកម្លាំង លោកគ្រូ អ្នកគ្រូ សិស្សនិស្សិត ប្រជាពលរដ្ឋបានចូលរួមជាច្រើននាក់។
