រាជធានីភ្នំពេញ ៖ លោក ចាន់ ចយ ជំទប់ទី១ នៃឃុំចំប៉ី ស្រុកបាទី ខេត្តតាកែវ របស់គណបក្សសង្គ្រោះជាតិ បានប្រកាសសុំចូលរួមជីវភាពនយោបាយជាមួយគណបក្សប្រជាជនកម្ពុជា។ ការប្រកាសចូលរួមជីវភាពនយោបាយជាមួយគណបក្សប្រជាជនកម្ពុជា របស់លោក ចាន់ ចយ បានធ្វើឡើងមួយថ្ងៃបន្ទាប់ពីសម្តេចតេជោ ហ៊ុន សែន ប្រធានគណបក្សប្រជាជនកម្ពុជា ប្រកាសស្វាគមន៍គ្រប់មេឃុំ ចៅសង្កាត់ ជំទប់ និងសមាជិក្រុមប្រឹក្សាឃុំ សង្កាត់ របស់គណបក្សសង្គ្រោះជាតិ ដោយរក្សាតំណែងជូនពួកគេឲ្យនៅដដែល។
បាល់ទាត់ ៖ Cristiano Ronadlo បានឈ្នះពានកីឡាករលេងល្អបំផុតប្រចាំឆ្នាំ២០១៧ របស់ FIFA (The Best FIFA Football Awards 2017) ក្រោយទទួលសំឡេងគាំទ្រឈ្នះដាច់គូប្រជែង Lionel Messi និង Neymar ដែលត្រូវបានបោះឆ្នោតនារាត្រីថ្ងៃចន្ទយប់មិញ។ នេះបើយោងតាមសារព័ត៌មានBBC ។
រាជធានីភ្នំពេញ ៖ គណៈកម្មាធិការជាតិរៀបចំការបោះឆ្នោត បានបញ្ជាក់ឲ្យដឹងថា គិតត្រឹមម៉ោង៦ល្ងាចថ្ងៃទី២២ ខែតុលា ឆ្នាំ២០១៧នេះ មានប្រជាពលរដ្ឋទៅចុះឈ្មោះឆ្នោតថ្មីមានជាង៤៣ម៉ឺននាក់ហើយ។ ចំណែកអ្នកដែលត្រូវលុបឈ្មោះចេញមានចំនួន ៧,៩៧៣នាក់ និងអ្នកខុសកែតម្រូវមានចំនួន៤,៤៧១នាក់៕
អាមេរិក ៖ ប្រព័ន្ធផ្សព្វផ្សាយរបស់អាមេរិកបានរាយការណ៍កាលពីថ្ងៃសៅរ៍ ទី២១ ខែតុលា ថា កូរ៉េខាងជើងអាចនឹងផលិតអាវុធជីវសាស្ត្រជាច្រើននៅក្នុងមន្ទីរពិសោធន៍ស្រាវជ្រាវមួយដែលសិក្សាពីសារធាតុគីមីកសិកម្មនៅវិទ្យាស្ថានជីវបច្ចេកទេសក្រុងព្យុងយ៉ាង ។
ភ្នំពេញ ៖ លោកឧបនាយករដ្ឋមន្ត្រី ហោ ណាំហុង បានដឹកនាំគណៈប្រតិភូទៅកាន់ទីក្រុងប៉ារីស ប្រទេស បារាំងកាលពីរាត្រីថ្ងៃទី២២ តុលា ដើម្បីជួបពិភាក្សាជាមួយលោកស្រី អៀរីណា បូកូវ៉ា អគ្គនាយិកាអង្គការ
ថ្លែងប្រាប់អ្នកសារព័ត៍មាននៅអាកាសយានដ្ឋានអន្តរជាតិភ្នំពេញឯកឧត្តមឧបនាយករដ្ឋមន្ត្រី ហោ ណាំហុង បានឲ្យថា ក្រុមប្រឹក្សាវប្បធម៌អាស៊ីជាអង្គការវប្បធម៌មួយ ដែលកម្ពុជាជាប្រធានស្ថាបនិក និងមាន
លោកឧបនាយករដ្ឋមន្ត្រី ហោ ណាំហុង បានបញ្ជាក់ថា សហប្រតិបត្តិការរវាង ក្រុមប្រឹក្សាវប្បធម៌ អាស៊ីជាមួយអង្គការយូណេស្កូ គឺមានសារៈសំខាន់ណាស់នាំអោយប្រទេសនានាចំនួន១៩៣សព្វថ្ងៃជាសមា ជិកអង្គការយូណេស្កូកាន់តែស្គាល់វប្បធម៌នៃប្រទេសអាស៊ី ជាពិសេសវប្បធម៌ខ្មែរដែលមានប្រាសាទ៣ហើយ ដែលបានចុះក្នុងបញ្ជីបេតិកភណ្ឌពិភពរួមមាន តំបន់រមណីយដ្ឋានប្រវត្តិសាស្ដ្រប្រាសាទអង្គរ តំបន់ប្រវត្តិសាស្ដ្រព្រះវិហារ និងនៅពេលថ្មីៗកន្លងមកនេះ គឺតំបន់រម្មណីយដ្ឋានប្រវតិ្តសាស្ដ្រប្រាសាទសំបូរគុក៕
រាជធានីភ្នំពេញ ៖ អតីតមន្ត្រីជាន់ខ្ពស់គណបក្សហ្វ៊ុនស៊ិនប៉ិច លោក លឺ ឡាយស្រេង បានចាកចេញពីកម្ពុជា ទៅកាន់ទីក្រុងបាងកកហើយ នៅវេលាម៉ោង៦ និង១០នាទីព្រឹកថ្ងៃទី២៣ ខែតុលា ឆ្នាំ២០១៧នេះ ។ នេះបើយោងតាមការចុះផ្សាយរបស់សារព័ត៌មានក្នុងស្រុក ដោយដកស្រង់សំដីមន្ត្រីអាកាសយានដ្ឋានអន្តរជាតិភ្នំពេញ។ តាមព័ត៌មានលោក លឺ ឡាយស្រេង បានធ្វើដំណើរតាមជើងហោះហើរ Bangkok Air PG 938 និងានទៅដល់ប្រទេសថៃ ហើយដែរ ។
ជប៉ុន ៖ ទីភ្នាក់ងារសារព័ត៌មានចិន ស៊ីនហួរ ចេញផ្សាយនៅព្រឹកនេះថា មនុស្សពីរនាក់បានស្លាប់ រីឯប្រព័ន្ធដឹកជញ្ជូនជាច្រើនត្រូវផ្អាកសកម្មភាពជាបណ្ដោះអាសន្ន បន្ទាប់ពីខ្យល់ព្យុះទីហ្វុង ឡាន់ (Lan) បានវាយប្រហារមកលើតំបន់ភាគកណ្ដាល និងបក់បោក មកលើដីគោកប្រទេសជប៉ុន រហូតមកទល់នឹងព្រឹកថ្ងៃចន្ទនេះ។
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានសរសេរតាមរយៈ Facebook របស់សម្តេចនៅថ្ងៃនេះ ដោយបានថ្លែងនូវការដឹងគុណ ចំពោះព្រះបិតាឯករាជ្យជាតិខ្មែរ ព្រះបាទសម្តេចព្រះ នរោត្ដម សីហនុ ព្រះបរមរតនកោដ្ឋ ដែលព្រះអង្គបានតស៊ូលះបង់ និងបូជាគ្រប់យ៉ាង ដើម្បីឯករាជ្យជាតិ និងសន្តិភាពជាតិខ្មែរ។
ភ្នំពេញ ៖ ក្រុមនិស្សិតមួយក្រុមបាននាំគ្នាមកដាក់ពាក្យបណ្តឹងនៅប៉ុស្តិនគរបាលស្ទឹងមានជយ័ក្រោយពេលដែលក្រុមចោរមួយក្រុមបានធ្វើសកម្មភាពលួចគាស់ទ្វារបន្ទប់ជួលហើយកាច់សោរម៉ូតូពួកគាត់អស់រហូតដល់ទៅ៤គ្រឿង។ ហេតុការណ៏ភ្ញាក់ផ្អើលនេះបានកើតឡើងកាលពីវេលាម៉ោង៧ និង០០នាទីព្រឹកថ្ងៃទី២៣ ខែតុលា ឆ្នាំ២០១៧ ស្ថិតនៅផ្លូវបេតុងចំណុចផ្ទះជួលមួយកន្លែងស្ថិតនៅភូមិព្រែកទល់សង្កាត់ស្ទឹងមានជ័យ២ ខណ្ឌមានជ័យ។
រាជធានីភ្នំពេញ ៖ នៅទីស្នាក់ការកណ្តាលគណបក្សសង្គ្រោះជាតិ នៅថ្ងៃទី២៣ ខែតុលា ឆ្នាំ២០១៧នេះ បានប្រារព្ធពិធី អបអរសាទរ ខួបលើក២៦ (២៣តុលា១៩៩១ ដល់២៣តុលា២០១៧) នៃកិច្ចព្រមព្រៀងទីក្រុងប៉ារីស ដោយមានការចូលរួមពីមន្ត្រីបក្សមួយចំនួន និងអ្នកគាំទ្រផងដែរ ។
តូក្យូ ៖ សារព័ត៌មាន NHK ចេញផ្សាយនៅព្រឹកនេះថា គណបក្សសេរីនិយមប្រជាធិបតេយ្យ នៃលោកនាយករដ្ឋមន្ត្រី ស៊ីនហ្សូ អាបេ បន្តឈ្នះការបោះឆ្នោតភ្លូកទឹកភ្លូកដីផ្អែកលើជ័យជម្នះនេះ នឹងបើកផ្លូវឱ្យលោក ស៊ីនហ្សូ អាបេ ធ្វើកំណែទម្រង់រដ្ឋធម្មនុញ្ញសន្តិនិយម អនុម័តដោយសហរដ្ឋអាមេរិក កាលពីឆ្នាំ១៩៤៧ ក៏ដូចជាពង្រឹងអំណាចរបស់លោកកាន់តែធំនៅសភា ក្នុងនាមជានាយករដ្ឋមន្ត្រីកាន់អំណាចយូរជាងគេ ប្រឈមមុខនឹងការកើនឡើងនៃភាពតាន តឹងជាមួយកូរ៉េខាងជើង។
រាជធានីភ្នំពេញ ៖ តំណាងរាស្ត្រគណបក្សសង្គ្រោះជាតិ លោក ឡុង ប៊ុន្នី ប្រចាំមណ្ឌលព្រៃវែង ដាក់លិខិតគោរពជូនសម្តេចតេជោ ហ៊ុន សែន ដើម្បីចុះចូលរួមរស់ជាមួយគណបក្សប្រជាជនកម្ពុជា ខណៈដែលការប្រកាសនេះធ្វើឡើងភ្លាមៗបន្ទាប់ពីការប្រកាសរបស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា អំពីការចូលរួមរស់ជាមួយគណបក្សប្រជាជនកម្ពុជា ទាំងតំណាងរាស្ត្រ ចៅសង្កាត់ មេឃុំ ឬជំទប់ ឬជំទប់ ឬសមាជិករបស់គណបក្សសង្គ្រោះជាតិ កាលពីរសៀលថ្ងៃទី២២ ខែតុលា ឆ្នាំ២០១៧។
សូមបញ្ជាក់ថា នៅព្រឹកថ្ងៃអាទិត្យម្សិលមិញនេះ សម្តេចតេជោ ហ៊ុន សែន បានប្រកាសក្នុងពេលដែលសម្តេចអញ្ជើញជួបសំណេះសំណាលជាមួយតំណាងកម្មករ និយោជិតជាង៤ពាន់នាក់ នៅសាលមហោស្រពកោះពេជ្រថា នៅពេលដែលគណបក្សសង្គ្រោះជាតិ ត្រូវរំលាយក្រោមការចោទប្រកាន់ថា «ប្រព្រឹត្តិអំពើក្បត់ជាតិ» មេឃុំ-ចៅសង្កាត់ មកពីគណបក្សប្រឆាំងមួយនេះ នៅតែរក្សាតំណែងដដែលប្រសិនបើ ពួកគេព្រមមករួមរស់ជាមួយគណបក្សប្រជាជនកម្ពុជា។ សម្តេចតេជោ ហ៊ុន សែន បង្ហាញជំនឿចិត្តរហូតដល់ជាង៩៩ភាគរយថា គណបក្សសង្គ្រោះជាតិនឹងត្រូវរំលាយ ហើយមិនអាចយកសហគមន៍អន្តរជាតិមកដាក់សម្ពាធបាននោះឡើយ៕
ខេត្តបាត់ដំបង ៖ ពលរដ្ឋខ្មែរប្រុសស្រី៣នាក់ត្រូវបានកម្លាំងទាហានឈុតខ្មៅថៃកងរយលេខ១៣០៣ឃាត់ខ្លួនខណះដែលពួកគេលួចឆ្លងដែនខុសច្បាប់ចូលកាប់ឈើក្នុងទឹកដីថៃ។ ហេតុការណ៍ខាងលើនេះបានកើតឡើងនៅវេលាម៉ោង១៤-៣០ ថ្ងៃទី២១ ខែតុលា ឆ្នាំ២០១៧ នៅចំណុចភូមិឃៅចងខែម ឃុំខ្លងហាត ស្រុកខ្លងហាត ខេត្តស្រះកែវ ប្រទេសថៃ ។
Posts navigation
មេគង្គប៉ុស្តិ៍លើបណ្តាញសង្គម
ព័ត៌មានគួរចាប់អារម្មណ៍
