បន្ទាប់ពីមានការចោទប្រកាន់ និងប្រកាសប្តឹងពីគណបក្សហ្វ៊ុនស៊ុនប៉ិច កាលពីថ្ងៃទី២១ ខែ តុលា ម្សិលមិញនេះ ពាក់ព័ន្ធទៅនឹងការប្រមាថដល់ព្រះចេស្តាព្រះមហាក្សត្រ និងប្រមាថសម្តេច ក្រុមព្រះ នរោត្តម រណឫទ្ធិ រួចមក នៅព្រឹកថ្ងៃទី២២ ខែតុលានេះ លោក លឺ ឡាយស្រេង បាន បង្ហោះសារតាមបណ្តាញសង្គម Facebook ផ្ទាល់ខ្លួនរបស់លោក ដោយទទួលស្គាល់ថា លោក បាននិយាយជ្រុលជ្រួសខ្លះៗអញ្ចឹងមែន ប៉ុន្តែលោកបានបដិសេធថា លោកគ្មានចេតនាប្រមាថដល់ ព្រះចេស្តារបស់ព្រមហាក្សត្រនោះទេ។
សូមបញ្ជាក់ថា នៅព្រឹកថ្ងៃទី ២១ ខែតុលា ឆ្នាំ២០១៧ ខ្សែវីដេអូឃ្លីបរយៈពេលជាង៤នាទី ត្រូវបាន Facebook ដែលធ្លាប់តែទម្លាយរឿងអាស្រូវរបស់អ្នកនយោបាយឈ្មោះ សីហា បាន បង្ហោះ ពីការសន្ទនារវាងលោក លឺ ឡាយស្រេង អតីតមន្ត្រីជាន់ខ្ពស់របស់គណបក្សហ្វ៊ុនស៊ិនប៉ិច ជាមួយលោកស្រី គី លំអង អតីតតំណាងរាស្ត្រគណបក្សហ្វ៊ុនស៊ិន ពាក់ព័ន្ធនឹងព្រះករុណា ព្រះ មហាក្សត្រ និងសម្តេចក្រុមព្រះនរោត្តម រណឫទ្ធិ។
លោក ញ៉េប ប៊ុនជិន អ្នកនាំពាក្យគណបក្សហ្វ៊ុនស៊ិនប៉ិច បានផ្តល់កិច្ចសម្ភាសន៍តាមទូរស័ព្ទ ជាមួយអ្នកយកព័ត៌មានទូរទស្សន៍អាស៊ីអាគ្នេយ៍ កាលពីរសៀលថ្ងៃទី២១ តុលា នេះថា លោក ទទួលបានព័ត៌មានរួចនេះហើយ គឺលោក លឺ ឡាយស្រេង បានប្រមាថព្រះចេស្តាព្រះករុណាហើយ គាត់ជេរទាំងសម្តេចក្រុមព្រះថែមទៀតផង» ។
យ៉ាងណាក៏ដោយ នៅព្រឹកថ្ងៃទី២២ ខែតុលានេះ លោក លឺ ឡាយស្រេង បានបង្ហោះសារ តាមបណ្តាញសង្គម Facebook ផ្ទាល់ខ្លួនរបស់លោក ដោយការពារចំពោះការថ្លែងសន្ទនា រវាង លោក ជាមួយនិងលោកស្រី គី លំអង ថា លោកគ្មានចេតនាប្រមាថព្រះនហាក្សត្រនោះឡើយ ។
សូមបញ្ជាក់ថា បន្ទាប់ពីបែកធ្លាយនូវព័ត៌មានស្តីពីការសន្ទនានេះ គណបក្សហ្វ៊ុនស៊ិនប៉ិច បានចោទប្រកាន់ និងប្រកាសប្តឹងលោក លឺ ឡាយស្រេង ដោយអះអាងថា បានប្រមាថព្រះចេស្តា ដ៏ធ្ងន់ធ្ងរជាចំពោះព្រះមហាក្សត្រ នរោត្តម សីហមុនី ដែលជាទីគោរពសក្ការៈ ដ៏ខ្ពង់ខ្ពស់បំផុតរបស់ រាស្ត្រខ្មែរ និងជេរប្រមាថសម្តេច ក្រុមព្រះ នរោត្តម រណប្ញទ្ធិ ព្រះប្រធានគណបក្សហ្វ៊ុនស៊ិនប៉ិច ផងដែរ៕
https://youtu.be/gkN8ZsFk69A
ថៃបញ្ជូនពលរដ្ឋខ្មែរ៥នាក់មកឱ្យអាជ្ញាធរកម្ពុជាបន្ទាប់ពីរួចជាប់ឃុំនៅក្នុងប្រទេសថៃ
ប្រជាពលរដ្ឋខ្មែរចំនួន៥នាក់ ត្រូវបានអាជ្ញាធរថៃដោះលែង និងប្រគល់មកឱ្យអាជ្ញាធរកម្ពុជា ដោយសារតែពួកគាត់ត្រូវបានទាហានថៃចាប់ខ្លួន ខណៈដែលពួកគាត់បានព្យាយាម លួចឆ្លងដែនខុសច្បាប់ និងលួចកាប់ឈើគ្រញូង ហើយត្រូវបានអាជ្ញាធរថៃ ដាក់ពន្ធនាគារនៅខេត្តស៊ីសាកេត ប្រទេសថៃ។
ប្រជាពលរដ្ឋខ្មែរទាំង ៥នាក់ ដែលថៃបានបញ្ជូនមកកម្ពុជាវិញ តាមច្រកអន្តរជាតិជាំកាលវេលាម៉ោង១ ថ្ងៃទី២២ ខែតុលា ឆ្នាំ២០១៧ ដែលទី១ឈ្មោះ មិន មាស ភេទប្រុសអាយុ ៣៨ឆ្នាំ ទី២ឈ្មោះ អ៊ី ជីន ភេទប្រុសអាយុ ៣៤ឆ្នាំ ទី៣ឈ្មោះ កែវ រឿន ភេទប្រុសអាយុ ៣០ឆ្នាំ ទី៤ឈ្មោះ បាន សុក ភេទប្រុសអាយុ ៣៥ឆ្នាំ អ្នកទាំងអស់រស់នៅ ភូមិអូរទឹកថ្លា ឃុំទំនប់ដាច់ ស្រុកត្រពាំងប្រាសាទ ខេត្តឧត្ដរមានជ័យ ហើយត្រូវទាហានថៃ ឃាត់ខ្លួន កាលពីថ្ងៃទី២ ខែធ្នូ ឆ្នាំ២០១៥។ ចំណែកម្នាក់ទៀតឈ្មោះ ឈុន ទីន ភេទប្រុសអាយុ ៤៨ឆ្នាំ មានទីលំនៅជាមួយអ្នកទាំង៤ខាងលើ ដែលត្រូវបានទាហានថៃចាប់ខ្លួន កាលពីថ្ងៃទី ៦ ខែធ្នូ ឆ្នាំ២០១៥ ស្ថិតនៅចំណុចច្រកវាលខ្សាច់ ហើយត្រូវបានសមត្ថកិច្ចថៃ កាត់ទោសចោទ ពីបទឆ្លងដែនខុសច្បាប់កាប់ឈើគ្រញូង ដោយជាប់ពន្ធនាគារនៅខេត្តស៊ីសាកេត ប្រទេសថៃ។
គួរបញ្ជាក់ថា ក្នុងអំឡុងឆ្នាំ២០១៧នេះ អាជ្ញាធរថៃ បានបញ្ជូនពលរដ្ឋខ្មែរមកឱ្យកម្ពុជា តាមច្រកអន្តរជាតិអូរស្មាច់ ច្រកអន្តរជាតិជាំ និងច្រករបៀងជប់គគីរ ដែលភាគច្រើន សុទ្ធតែជាអ្នកទោស ជាប់ពន្ធនាគារនៅប្រទេសថៃ ដោយជាប់ចោទពីបទឆ្លងដែន ខុសច្បាប់ និងលួចកាប់ឈើគ្រញូង៕
ភ្នំពេញ ៖ ក្រសួងការងារ និងបណ្ដុះបណ្ដាលវិជ្ជាជីវៈ នៅថ្ងៃទី១៩ ខែតុលា កន្លងមកនេះ បាន ចេញសេចក្ដីជូនដំណឹងដល់នាយកម្ចាស់រោងចក្រ សហគ្រាស និងគ្រឹះស្ថានទាំងអស់ ស្ដីពីការអនុញ្ញាតឱ្យកម្មករ និយោជិត បានឈប់សម្រាកក្នុងព្រះរាជពិធីបុណ្យអុំទូក រយៈ ពេល ៣ថ្ងៃ ចាប់ពីថ្ងៃទី២ ដល់៤ ខែវិច្ឆកា ឆ្នាំ២០១៧ ខាងមុខនេះ។
យោងតាមសេចក្តីជូនដំណឹងនេះ ក្រសួងការងារ និងបណ្ដុះបណ្ដាលវិជ្ជាជីវៈ បាន
បញ្ជាក់ថា ក្នុងករណីចាំបាច់បំផុត ដែលសហគ្រាស គ្រឹះស្ថាន មិនអាចបញ្ឈប់សកម្មភាពរបស់ខ្លួនបានក្នុងឱកាសបុណ្យអុំទូកខាងមុខនេះ ម្ចាស់នាយក សហគ្រាស គ្រឹះសា្ថន ត្រូវសម្របសម្រួលជាមួយកម្មក រនិយោជិត ឲ្យមានការស្ម័គ្រចិត្ត ព្រមទាំងបែងចែកពេល វេលា និងថ្ងៃឈប់សម្រាកក្នុងថ្ងៃបុណ្យនេះឱ្យបានសមស្រប។
ក្នុងសេចក្ដីជូនដំណឹងដដែលនេះ ក៏បានលើកឡើងថា៖ កម្មករ និយោជិតដែលធ្វើការក្នុងថ្ងៃបុណ្យជាតិដែលត្រូវបានអនុញ្ញាតឱ្យឈប់នេះ នឹងមានសិទ្ធិទទួលបាននូវប្រាក់បំណាច់បន្ថែម ដែលមានចំនួនស្មើនឹងប្រាក់ឈ្នួលដូចថ្ងៃធ្វើការធម្មតា»ផងដែរ៕ 
ភ្នំពេញ ៖ ទូកប្រណាំងមាន៣ប្រភេទ គឺទូកចែវ ទូកអុំ និងទូកខ្នាតអន្តរជាតិ របស់ខេត្តកំពង់ឆ្នាំង ចំនួន ២៩ ទូក រួមនឹងក្រុមកីឡាករសរុបចំនួន១.៤៩០នាក់ បានរៀបចំរួចជាស្រេច នឹងត្រូវធ្វើពិធីជូនដំណើរ នៅថ្ងៃទី ៣១ ខែតុលា ឆ្នាំ២០១៧ ដើម្បីទៅចូលរួមប្រកួតថ្នាក់ជាតិនៅថ្ងៃទី២ ដល់ទី ខែវិច្ឆិកា ខាងមុខ នេះ នៅរាជធានីភ្នំពេញ ហើយពិធីនេះដែរនឹងធ្វើឡើងនៅវត្តកំពង់ត្រឡាច ស្ថិតក្នុងភូមិអ្នកតាហាង ឃុំកំពង់ត្រឡាច ស្រុកកំពង់ត្រឡាច ដែលជាទីតាំងធ្លាប់ប្រារព្ឋធ្វើជារៀងរាល់ឆ្នាំ ។
បើយោងតាមសេចក្តីជូនដំណឹងរបស់ គណៈកម្មការរៀបចំបុណ្យអំទូកខេត្តបានអោយដឹងថា ទូក ទាំង ២៩ របស់ខេត្តកំពង់ឆ្នាំង មានទូកចែវបុរស១៤ទូក , ទូកចែវនារី ១ទូក, ទូកអុំបុរសខ្នាតវែង ១ទូក ,ទូកអុំនារីខ្នាត វែង១ទូក និងទូកខ្នាតអន្តរជាតិចំនួន១២ទូក, គឺបានកើនឡើងចំនួន៨ទូក ច្រើន ជាងឆ្នាំ២០១៦ ដែលមានតែ២១ទូក ។ ចំណែកកីឡាករដែលត្រូវប្រកួតមានចំនួន ១០៤១នាក់ ស្រី ៩៩នាក់ ,និងកីឡាករបំរុងមាន៤៤៩នាក់ ស្រី ៣៤នាក់ សរុបកីឡាករទាំងអស់មានចំនួន ១.៤៩០ នាក់ ស្រី១៣៣នាក់ ហើយចំនួនកីឡាករក៍បានកើនឡើងជាងឆ្នាំ២០១៦ ចំនួន ៤០២នាក់ដែរ ព្រោះ ឆ្នាំ២.០១៦មានតែ ១.០៨៨នាក់ ។ ទូកទាំង២៩ទូក នោះមាន៖ ទូកមកពី ស្រុកបរិបូរណ៌ចំនួន៣ទូក ជាប្រភេទទូកចែវបុរស- ទូកមកពី ស្រុករលាប្អៀរមានចំនួន៤ទូក ជាប្រភេទ ទូកអុំបុរសខ្នាតអន្តរជាតិ -ទូកមកពីស្រុកកំពង់ត្រឡាចមាន៨ទូក ក្នុងនោះ ទូកអុំបុរសខ្នាតអន្តរជាតិមាន៤ទូក , ទូកអុំបុរស ខ្នាត វែង១ទូក ,ទូកអុំនារីខ្នាតវែង១ទូក ,និងទូកចែវបុរសចំនួន២ទូក-ទូកមកពីស្រុកកំពង់លែងមាន១ទូក ជាទូកចែវបុរស – ទូកមកពីក្រុងកំពង់ឆ្នាំងមាន១ទូក ជាទូកចែវបុរស -និងទូក មកពី ស្រុកជលគីរីមាន ចំនួន១២ទូក ក្នុងនោះមានទូកចែវ នារី១ទូក,ទូកចែវបុរស៧ទូកនិងទូកខ្នាតអន្តរជាតិមានចំនួន៤ទូក។
សូមបញ្ជាក់ដែរថា នៅប៉ុន្មានថ្ងៃនេះ គេសង្កេតឃើញមាន ទូកនៅតាមបណ្តាស្រុកមួយចំនួន បានទម្លាក់ចូលទឹកជាបណ្តើរហើយ ដូចជា ទូកឈ្មោះសម្តេចចៅហ្វាវាំងគង់,ទូកឈ្មោះ ទួលពិស្រីជ័យ សូរវង្ស កំពង់ព្រះ,ទូកឈ្មោះព្រះទីនាំងសារាយអណ្តែតចង្ហាន់ហុយ និងរួមទូកមួយចំនួនទៀត ។ ដោយឡែកទូកឈ្មោះ កំពង់លែងសែនជ័យបារម៉ីពោធិអណ្តែត របស់ស្រុកកំពង់លែង ទើបនឹងទម្លាក់ នៅព្រឹកថ្ងៃទី២០ ខែតុលា នេះទេ ចំណែកទូកឈ្មោះ ទេពធីតាសែនជ័យបារម៉ីមានរិទ្ឋ របស់ក្រុង កំពង់ឆ្នាំង ក៏ទើបនឹងធ្វើពិធីទម្លាក់ទឹកនៅព្រឹកថ្ងៃទី២១ ខែតុលា នេះដែរ ៕
គែរ ៖ មន្ត្រីសន្តិសុខ និងសុខាភិបាលអេហ្ស៊ីបបានអះអាងថា មានហេតុការណ៍ប៉ះទង្គិចគ្នាមួយដោយអាវុធជាមួយក្រុមសកម្មប្រយុទ្ធអ៊ីស្លាមក្នុងតំបន់ បាហារីយ៉ា (Bahariya) នៅលើវាលខ្សាច់ភាគខាងលិចប្រទេស បណ្តាលឲ្យកងកម្លាំងយោធា និងប៉ូលិសអេហ្ស៊ីបយ៉ាងតិច៣៥នាក់បាត់បង់ជីវិត។ នេះបើតាម ទីភ្នាក់ងារព័ត៌មានបារាំង AFP នៅព្រឹកថ្ងៃសៅរ៍នេះ។
ហេតុការណ៍នេះដែរ ក្រុមឧទ្ទាមជ្រុលនិយមមួយក្រុមមានឈ្មោះថា ហាសម៍ (Hasm) បានចេញមុខអះអាងថា ជាអ្នកនៅពីក្រោយការវាយប្រហារនេះ និងបាននិយាយថា មន្ត្រីសន្តិសុខអេហ្ស៊ីបយ៉ាងហោចណាស់ ២៨នាក់បានស្លាប់ និង៣២នាក់ ផ្សេងទៀតបានទទួលរងរបួស។
ជាមួយគ្នានេះក្រសួងមហាផ្ទៃអេហ្ស៊ីប បានចេញសេចក្តីថ្លែងការណ៍បញ្ជាក់ថា ក្រុមភេរវករមួយចំនួនក៏បានស្លាប់ផងដែរ តែមិនបានផ្តល់តួលេខជាក់លាក់អំពីជនរងគ្រោះ ឬមួយក៏ព័ត៌មានលម្អិតបន្ថែមនោះឡើយ។
សូមបញ្ជាក់ថា ចាប់តាំងតែពីកងកម្លាំងយោធាអេហ្ស៊ីប បានទម្លាក់អតីតប្រធានាធិបតី លោក មូហាមម៉ាដ មឺស៊ី (Muhammad Mursi) ដែលមានប្រភពមកពីក្រុម Muslim Brotherhood មក ក្រុមសកម្មប្រយុទ្ធបានបង្កើនសកម្មភាពវាយប្រហាររបស់ពួកគេ ជាបន្តបន្ទាប់ទៅលើកងទ័ពក៏ដូចជាប៉ូលិសអេហ្ស៊ីប៕
ខេត្តកំពង់ធំ ៖ ព្រះរាជអាជ្ញាខេត្តកំពង់ធំ បានប្រាប់អ្នកសារព័ត៌មានថា សមត្ថកិច្ចបាននិងកំពុងតាមចាប់ខ្លួន មេឃុំបល្ល័ង្គម្នាក់មកពីគណបក្សសង្គ្រោះជាតិ ខណៈដែលសមត្ថកិច្ចបានឃាត់ខ្លួនមេភូមិត្រស់ ម្នាក់រួចហើយ ពាក់ព័ន្ធការឃុបឃិតស៊ីញ៉េយល់ព្រមលក់ផ្ទះ និងដីមួយកន្លែង ដែលតុលាការហាមឃាត់ ស្ថិតនៅភូមិតាឌុក ឃុំបល្ល័ង្គ ស្រុកបារាយណ៍ ។
ព្រះរាជអាជ្ញាបញ្ជាក់ថា ពួកគេទាំង២នាក់ ត្រូវចោទប្រកាន់ ពីបទផ្សំគំនិតបង្វែរវត្ថុរឹបអូស ប្រព្រឹត្តទៅនៅភូមិតាឌុក ពោលមេភូមិត្រស់រូបនេះ បានទៅរត់ការលក់ដី និងផ្ទះមួយកន្លែង ឲ្យស្ដ្រីឈ្មោះ ជា ស៊ីវណៃ ដែលដី និងផ្ទះនោះត្រូវបានតុលាការដាក់ហាមឃាត់លក់ និងផ្ទេរ។
យ៉ាងណាក៏ដោយ តាមសេចក្តីរាយការណ៍ពីអាជ្ញាធរមូលដ្ឋានឲ្យដឹងថា រហូតមកដល់ពេលនេះមេឃុំបល្ល័ង្គ ដែលជាប់ពាក់ព័ន្ធបានគេចខ្លួន បន្ទាប់ពីដឹងខ្លួនថា ស៊ីញ៉េយល់ព្រមទាំងខុសច្បាប់ ក្នុងករណីនេះ ។
គួរបញ្ជាក់ថា ប្រធានភូមិត្រស់ ឃុំបល្ល័ង្គ ស្រុកបារាយណ៍ ខេត្តកំពង់ធំ លោក អ៊ុន ហេង អាយុ៥៦ឆ្នាំ និងស្ដ្រីម្នាក់ឈ្មោះ ជា ស៊ីវណៃ អាយុ៤២ឆ្នាំ ត្រូវបានតុលាការខេត្តកំពង់ធំ ចេញដីកាសម្រេចឃុំខ្លួន ដាក់ពន្ធនាគារជាបណ្ណោះអាសន្ន ដោយសារតែពួកគេទាំង២នាក់ បានឃុបឃិតរត់ការលួចលក់ដី និងផ្ទះមួយកន្លែង ដែលត្រូវបានតុលាការសម្រេចហាមឃាត់ មិនឲ្យមានការលក់ ឬផ្ទេរនោះឡើយ ៕
រាជធានីភ្នំពេញ ៖ យោងតាមសេចក្តីជូនដំណឹងរបស់ក្រសួងសុខាភិបាល បានឲ្យដឹងថា ប្រជាពលរដ្ឋក្នុងឃុំគគីរ ស្រុករមាសហែក ខេត្តស្វាយរៀងដែររងឥទ្ធិពលគ្រប់បែកគីមី របស់អាមេរិកបានកើនរហូតដល់៣២នាក់ហើយ ហើយកំពុងសម្រាកព្យាបាល ជំងឺនៅក្នុង មន្ទីរពេទ្យគន្ធបុប្ផា និងមន្ទីរពេទ្យបង្អែកខេត្តស្វាយរៀង។
ក្រសួងសុខាភិបាលបានចេញសេចក្តីប្រកាសព័ត៌មានមួយនៅថ្ងៃទី២០ ខែតុលា ឆ្នាំ២០១៧នេះ បានបង្ហាញថា ក្រសួងមួយនេះបានយកចិត្តទុកដាក់លើសុខទុក្ខប្រជាជនទូទៅ ជាពិសេស ប្រជាពលរដ្ឋដែលរស់នៅក្នុងតំបន់ដែលមានគ្រាប់បែកគីមីរបស់សហរដ្ឋអាមេរិកបន្សល់ទុកពីស័យសង្គ្រាម ។
ទន្ទឹមនោះក្រុមការងាររបស់ខ្លួនបានរកឃើញគ្រាប់ បែកគីមីរបស់ អាមេរិកនេះ កំពុងបង្កផលប៉ះពាល់ខ្លាំងដល់ប្រជាពលរដ្ឋនៅក្នុងឃុំគគីរ ស្រុករមាសហែក ខេត្តស្វាយរៀង ដែលមានដូចជា សភាពជំងឺមិនប្រក្រតី (វិរូបកម្ម) រួមមាន៖ មាត់វៀច ក្បាលធំ និងជំងឺស្បែក ។ ប៉ុន្តែស្ថានទូតអាមេរិកបានចេញសេចក្តីថ្លែងការណ៍បដិសេធ ហើយថា គ្រាប់ទាំងនោះជាគ្រាប់បែកបង្ហូរទឹកភ្នែកទៅវិញ ៕
ភ្នំពេញ ៖ យុវជនម្នាក់ដូចជាសាហាវពេកហើយ ធ្វើសកម្មភាពចាប់រំលោភទៅលើនារីម្នាក់ តែមិនបានសម្រេចដោយសារប្រដាប់ភេទអត់ឡើង កើតក្តីម៉ួរម៉ៅ បានឱកាសហើយ តែមិនបានសម្រេច ខឹងបែជាយកដងអំបោសទៅរុកប្រដាប់ភេទនារីរងគ្រោះបណ្តាលឲ្យរងរបួស កាលពីយប់ថ្ងៃទី១៩ ខែតុលា ឆ្នាំ២០១៧ ស្ថិតនៅបន្ទប់ជួលក្នុងភូមិទួលពង្រ សង្កាត់ចោមចៅ២ ខណ្ឌពោធិសែនជ័យ ហើយរត់គេចខ្លួន រហូតដល់វេលាម៉ោង១០និង៣០នាទីព្រឹកថ្ងៃទី២០ ខែតុលា ត្រូវបានកម្លាំងនគរបាលប៉ុស្តិ៍ចោមចៅ រួមជាមួយកម្លាំងជំនាញ អធិការដ្ឋានខណ្ឌ ស្រាវជ្រាវតាមចាប់ជនសង្ស័យបាន នៅក្បែរសាលាអងអេង សង្កាត់បឹងកេងកង៣ ខណ្ឌចំការមន ។
ជនសង្ស័យ ឈ្មោះ គុយ សុគុន ភេទប្រុស អាយុ២១ឆ្នាំ មុខរបរ កម្មករឃ្លាំងទំនិញ ស្នាក់នៅបន្ទប់ជួល ក្មាបែរសាលាព្រះអង្គអេង សង្កាត់បឹងកេងកង៣ ខណ្ឌចំការមន មានស្រុកកំណើត ភូមិគេន្ធាក ឃុំសាគ្រាម ស្រុកប្រាសាទបល័ង្គ ខេត្តកំពង់ធំ ។ ចំណែកជនរងគ្រោះ ឈ្មោះ ជ ស រ អាយុ២២ឆ្នាំ មុខរបរកម្មការនីរោងចក្រ ស្នាក់នៅផ្ទះជួលកន្លែងកើតហេតុ មានស្រុកកំណើត ស្រុកប្រាសាទបាល័ង្គ ខេត្តកំពង់ធំ ។
តាមសម្តីនារីរងគ្រោះបានឲ្យដឹងថា បន្ទប់ស្នាក់នៅរាល់ថ្ងៃមានគ្នា៥នាក់ ហើយនៅវេលាម៉ោង ៤ល្ងាចថ្ងៃទី១៩ ខែតុលា នាងបានចេញមកពីរោងចក្រមុនគេ ហើយចូលផ្សារ រកទិញម្ហូមរួច ដល់វេលាម៉ោង៥ល្ងាច ដើរចូលដល់បន្ទប់ជួល ស្រាប់តែលេចមុចជនសង្ស័យ ចូលទៅដែរ ខ្ទាស់គន្លឹះទ្វារជាប់ចាប់ បោចសម្រាតខោអាវចោលអស់ ចងដៃចងជើង រួចធ្វើសកម្មភាពរំលោភ តែមិនបានសម្រេច ជនសង្ស័យប្រើហឹង្សាដោយ ដៃលូកខ្វេះ និងយកដងអំបោសរុក ឆ្គៀលប្រដាប់ភេទ បណ្តាលឲ្យរងរបួស រហូតដល់ មិត្តភ័ក្រ ស្នាក់នៅបន្ទប់ជាមួយមកដល់គោះទ្វារហៅ ទើបផ្អើល ជនសង្ស័យរត់គេចខ្លួន តែទោះជាយ៉ាងណាក្តី ជនសង្ស័យ ជាអ្នកស្គាល់ រស់នៅស្រុក ភូមិជាមួយគ្នា ជាឱកាសមួយ ងាយស្រាវជ្រាវតាមចាប់ខ្លួន ។
តែបើតាមសម្តី ជនសង្ស័យវិញ បានឲ្យដឹងថា ខ្លួនតាមលួចស្រឡាញ់ សុំស្នេហ៍នាង ២ឆ្នាំកន្លងមកហើយ តែនាងចេះតែបដិសេដ លុះមកដល់ល្ងាចថ្ងៃទី១៩ ខែតុលា អត់ទ្រាំលែងបាន ចេញពីធ្វើការងារ សំដៅទៅបន្ទប់ជួលរបស់នាង សុំស្នេហ៍ មិនបានខឹង ទ្រាំមិនបានចាប់រំលោភតែម្តង មិនបានសម្រេច ដោយសារប្រដាប់អត់ឡើង ប្រើដៃលូកខ្វេះ និងយកដងអំបោសរុក តែម្តង ។
តាមនគរបាលបានឲ្យដឹងថា ជនសង្ស័យខាងលើ បានធ្វើសកម្មភាពល្មើស ចូលទៅចាប់ចងដៃជើងនារីរងគ្រោះ ហើយចាប់រំលោភនារីម្នាក់ នៅបន្ទប់ជួល ក្នុងភូមិទួលពង្រ សង្កាត់ចោមចៅ២ តែមិនបានសម្រេច ដោយសារប្រដាប់ភេទរបស់ជនសង្ស័យអត់ឡើង ទើប ជនសង្ស័យប្រើអំពើហឹង្សា ដោយយកដងអំបោសទៅរុកប្រដាប់ភេទនារីរងគ្រោះ ហើយរត់គេចខ្លួនបាត់ ចំណែកនារីរងគ្រោះ ត្រូវបានសាច់ញាតិដឹកបញ្ជូនទៅពិនិត្យនៅមន្ទីរពេទ្យ រួចប្តឹងទៅសមត្ថកិច្ច តែម្តង ។ នគរបាលបន្តទៀតថា ក្រោយពីទទួលបណ្តឹងពីក្រុមគ្រួសារជនរងគ្រោះ ទើបកម្លាំងនគរបាលប៉ុស្តិ៍ចោមចៅ និងកម្លាំងផ្នែកជំនាញ ក្រោមបញ្ជារបស់លោកវរសេនីយ៍ឯក យឹម សារ៉ាន់ អធិការខណ្ឌ ធ្វើការស្រាវជ្រាវ តាមអត្តសញ្ញាណ ជនសង្ស័យ ដែលបានរត់គេចខ្លួនក្រោយកើតហេតុ ទីបំផុតនៅព្រឹកថ្ងៃទី២០ ខែតុលា នេះទើបកម្លាំងតាមស្រាវជ្រាវ ចាប់ខ្លួនបានជនសង្ស័យដែលរត់ទៅសងកងំលាក់ខួននៅ សង្កាត់បឹងកេងកង៣ ខណ្ឌចំការមន រួចនាំទៅចូលប៉ុស្តិ៍ចោមចៅ ដើម្បីសាកសួរនិងកសាងសំណុំរឿងបញ្ជូនទៅផ្នែកជំនាញចាត់ការបន្តទៅតាមនីតិវិធី ៕
ម៉ិកស៊ិក ៖ ប្រជាពលរដ្ឋម៉ិកស៊ិកដែលបានទទួលរងនូវការខូចខាតទ្រព្យសម្បត្តិដោយសារគ្រោះរញ្ជួយដីនៅក្នុងទីក្រុងម៉ិកស៊ីកូស៊ីធី (Mexico City) កាលពីខែមុននោះបាននាំគ្នាធ្វើការតវ៉ានៅតាមដងផ្លូវដើម្បីទាមទារឲ្យរដ្ឋាភិបាលជួយសាងសង់ផ្ទះរបស់ពួកគេឡើងវិញ និងផ្តល់តម្រូវការផ្សេងៗទៀត។
ក្រុមបាតុករបានដើរជាក្បួនឆ្ពោះទៅកាន់ទីតាំងដ៏សំខាន់មួយរបស់ទីក្រុងម៉ិកស៊ីកូស៊ីធី (Mexico City) ដោយបានធ្វើការទាមទារឲ្យរដ្ឋាភិបាលជួយសាងសង់ផ្ទះរបស់ពួកគេឡើងវិញដោយគ្មានអំពើពុករលួយ, ផ្តល់ការការពារសិទ្ធិស៊ីវិលយ៉ាងតឹងរឹង និងជួយផ្លាស់ប្តូរទីតាំងរស់នៅរបស់ពួកគេទៅកាន់តំបន់ដែលមានសុវត្ថិភាព។
សូមរំលឹកថា រញ្ជួយដីកម្រិត៧.១រ៉ិចទ័រដែលបានកើតឡើងកាលពីថ្ងៃទី១៩ ខែកញ្ញាបានសម្លាប់មនុស្សសរុបចំនួន៣៦៩នាក់ និងវាយប្រហារមកលើទីក្រុងម៉ិកស៊ីកូស៊ីធី (Mexico City) យ៉ាងធ្ងន់ធ្ងរដោយអគារចំនួន៤០កន្លែងត្រូវបានដួលរលំ ហើយទ្រព្យសម្បត្តិជាច្រើនទៀតត្រូវរងការខូចខាតយ៉ាងដំណំ។
អាជ្ញាធរប្រទេសម៉ិកស៊ិកបាននិយាយថា ទីក្រុងម៉ិកស៊ីកូស៊ីធី (Mexico City) ត្រូវការលុយប្រហែលជាង១ពាន់លានដុល្លារអាមេរិកដើម្បីស្ថាបនាទីក្រុងនេះឡើងវិញ៕
ភ្នំពេញ ៖ លោកបណ្ឌិតសភាចារ្យ ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា បានថ្លែងថា ជំនួយរបស់សហភាពអឺរ៉ុប(EU)ជួយមកដល់ប្រទេសកម្ពុជា លើផ្នែកអប់រំ ពិតជាចំគោលដៅយ៉ាងពិតប្រាកដ។
ផ្លែងក្នុងពិធីសម្ពោធកម្មវិធី សហប្រតិបត្តិការបែលហ្ស៊ិក រយៈពេល៥ឆ្នាំ ចាប់ពីឆ្នាំ២០១៧ដល់២០២១ របស់អង្គការក្រៅរដ្ឋាភិបាល របស់សហភាព អឺរ៉ុប នៅរសៀលថ្ងៃទី១៩ ខែតុលា ឆ្នាំ២០១៧នេះ រដ្ឋមន្ត្រីក្រសួងអប់រំបានថ្លែងថា ជំនួយដែលសហភាព អឺរ៉ុបផ្តល់ឲ្យពិតជាត្រឹមត្រូវមែនទែន ហើយចំណុចដែលផ្តោតនោះ គឺលើវិទ្យាសាស្ត្រ គណិតវិទ្យា”។ ហើយកម្ពុជានឹងបង្កើតគំនិតថ្មី នៅក្នុងវិស័យបច្ចេកវិទ្យា ខណៈដែលជំនួយដែលផ្តល់ដោយ EU បានជួយបណ្តុះបណ្តាលឲ្យមានជំនាញ ចំណេះដឹងនិងជួយឲ្យមានឥរិយាបថល្អ។
លោករដ្ឋមន្ត្រីបន្តថា តាមរយៈការជួយជ្រោមជ្រែងពី EU និងបែលហ្ស៉ិក នឹងធ្វើឲ្យកម្ពុជាបានសម្រេចគោលដៅក្នុងវិស័យអប់រំ ក្រោយពីបញ្ចប់សង្គ្រាម និងបានធ្វើឲ្យកម្ពុជាមានការរីកចំរើនផងដែរ។
ទាក់ទិននឹងការផ្តល់គម្រោង៥ឆ្នាំនេះ លោក ហ្វីលីព គ្រីឌែលកា (Philippe Kridelka)ឯកអគ្គរាជទូតនៃព្រះបាទព្រះមហាក្សត្រ នៃប្រជាជនប៊ែលហ្ស បានមានប្រសាសន៍ថា ដោយមើលឃើញថា ប្រទេសកម្ពុជាមានសុខសន្តិភាព មានស្ថេរភាពនយោបាយ មានការអភិវឌ្ឍន៍ និងត្រូវការអភិវឌ្ឍបន្ថែមលើវិស័យសំខាន់ៗមួយចំនួនទៀត ទើបរដ្ឋាភិបាលប៊ែលហ្សិក តាមរយៈ EU បានសម្រេចផ្តល់ថវិកាមួយចំនួនដល់អង្កការចំនួន៩នៅក្នុងប្រទេសកម្ពុជា ដើម្បីអនុវត្តនូវគម្រោង៥ឆ្នាំនេះ។ តាមរយៈគម្រោង៥ឆ្នាំនេះដែរ គ្រោងចំណាយថវិកាប្រមាណជា២០លានយូរ៉ូ ទៅលើខេត្តគោលដៅមួយចំនួន ដោយផ្តោតទៅលើវិស័យ អប់រំ សុខាភិបាល កសិកម្ម ការពាធនធានធម្មជាតិ និងការការពារសិទ្ធិមនុស្សនៅកម្ពុជា ជាដើម៕
ម៉ានីល ៖ បើទោះជាទីក្រុងម៉ារ៉ាវី (Marawi) ត្រូវបានរំដោះចេញពីកណ្តាប់ដៃក្រុមបណ្តាញភេរវករគាំទ្រ ISIS នៅភាគខាងត្បូងប្រទេសក៏ដោយ ប្រធានាធិបតីហ្វីលីពីន លោក រ៉ូឌ្រីហ្គោ ឌូតឺតេ នៅតែអះអាងថា ច្បាប់អាជ្ញាសឹកនៅខេត្តនោះនៅតែស្ថិតជាធរមានដដែលដើម្បីរក្សាសុវត្ថិភាពរបស់ជនស៊ីវិលនានា នៅក្នុងខេត្តនេះ។ នេះបើតាមទីភ្នាក់ងារព័ត៌មានចិន ស៊ីនហួរ ចេញផ្សាយនាព្រឹកថ្ងៃសុក្រនេះ។
លោក ឌូតឺតេ បានបញ្ជាក់ថា ច្បាប់អាជ្ញាសឹក នឹងស្ថិតនៅរហូតដល់ក្រុមភេរវករទាំងអស់នៅតំបន់ភាគខាងត្បូង ត្រូវបានបោសសម្អាត។ នៅពេលដែលខ្ញុំបានដាក់ច្បាប់អាជ្ញាសឹក គ្រប់គ្នាបានសួរថា តើពេលណាវានឹងបញ្ចប់? ខ្ញុំនឹងដកចេញនៅពេលណាដែលភេរវករចុងក្រោយត្រូវបានកម្ចាត់ ។
សូមបញ្ជាក់ថា ប្រធានាធិបតីហ្វីលីពីន លោក រ៉ូឌ្រីហ្គោ ឌូតឺតេ បានប្រកាសជាឱឡារឹកនូវការដណ្តើមបានមកវិញទាំងស្រុង ចំពោះទីក្រុង ម៉ារ៉ាវី (Marawi) ស្ថិតនៅក្នុងប្រជុំកោះ មីនដាណាវ ភាគខាងត្បូងប្រទេសហ្វីលីពីន ពីកណ្តាប់ក្រុមឧទ្ទាមកាលពីថ្ងៃអង្គារ ទី១៧ ខែតុលា ឆ្នាំ២០១៧ ខណៈដែលការប្រកាសអំពីជ័យជម្នះដ៏ធំនេះ ត្រូវបានធ្វើឡើងបន្ទាប់ពីរយៈពេល ១៤៨ថ្ងៃ ដែលសង្គ្រាមដ៏ក្តៅគគុកនៅភាគខាងត្បូងហ្វីលីពីននេះ បានអូសបន្លាយដែលជាហេតុបង្កឲ្យមនុស្សរាប់រយនាក់បាត់បង់ជីវិតរួមមានទាំងយោធា ជនស៊ីវិល និងក្រុមឧទ្ទាមគាំទ្រ ISIS ផងដែរ៕
រាជធានីភ្នំពេញ ៖ សេចក្តីស្នើវិសោធនកម្មច្បាប់បោះឆ្នោតចំនួន៤ ពាក់ព័ន្ធនឹងនឹងការបែងចែកអាសនៈ ពេលរំលាយបក្សនយោបាយក្នុងរដ្ឋសភា ត្រូវបានព្រឹទ្ធសភាអនុម័តទាំងស្រុង នៅក្នុងកិច្ចប្រជុំពេញអង្គនាព្រឹក ថ្ងៃទី២០ ខែតុលា ឆ្នាំ២០១៧នេះ ដោយសំឡេង៤០នៃសមាជិកព្រឹទ្ធសភាទាំងមូល។
សេចក្តីស្នើច្បាប់បោះឆ្នោតចំនួន៤នោះ រួមមាន៖
១៖ វិសោធនកម្មច្បាប់ស្តីពីការបោះឆ្នោតជ្រើសតាំងតំណាងរាស្ត្រ
២៖ វិសោធនកម្មច្បាប់ស្តីពីការបោះឆ្នោតជ្រើសតាំងព្រឹទ្ធសភា
៣៖ វិសោធនកម្មច្បាប់ស្តីពីការបោះឆ្នោតជ្រើសរើសក្រុមប្រឹក្សាឃុំ/សង្កាត់
៤៖ វិសោធនកម្ម ច្បាប់ស្តីពីការបោះឆ្នោតជ្រើសរើសក្រុមប្រឹក្សារាជធានី ខេត្ត ក្រុង ស្រុក ខណ្ឌ៕
រាជធានីភ្នំពេញ ៖ នៅព្រឹកនេះ ព្រឹទ្ធសភានឹងបើកកិច្ចប្រជុំពេញអង្គ ដើម្បីពិនិត្យ និងឱ្យយោបល់លើសេចក្តីស្នើច្បាប់បោះឆ្នោតចំនួន៤ ដែលពាក់ព័ន្ធនឹងការបែងចែកអសនៈរបស់ គណបក្សនយោបាយក្នុងរដ្ឋសភាដែលត្រូវរំលាយ។ នេះបើតាមការប្រកាសរបស់ព្រឹទ្ធសភា។
សេចក្តីស្នើច្បាប់បោះឆ្នោតចំនួន៤នោះ រួមមាន៖
១៖ វិសោធនកម្មច្បាប់ស្តីពីការបោះឆ្នោតជ្រើសតាំងតំណាងរាស្ត្រ
២៖ វិសោធនកម្មច្បាប់ស្តីពីការបោះឆ្នោតជ្រើសតាំងព្រឹទ្ធសភា
៣៖ វិសោធនកម្មច្បាប់ស្តីពីការបោះឆ្នោតជ្រើសរើសក្រុមប្រឹក្សាឃុំ/សង្កាត់
៤៖ វិសោធនកម្ម ច្បាប់ស្តីពីការបោះឆ្នោតជ្រើសរើសក្រុមប្រឹក្សារាជធានី ខេត្ត ក្រុង ស្រុក ខណ្ឌ។
រាជធានីភ្នំពេញ ៖ តាមព័ត៌មានទទួលបានគឺក្រុមមន្ត្រីធ្វើការងារលើកស្ទួយសិទ្ធិស្ត្រី បាន ស្នើទៅអាជ្ញាធរចាត់វិធានការតាមផ្លូវច្បាប់ លើអ្នកដែលបានថតរូបអាក្រាតនៃសពរបស់តារាចម្រៀង សាន ស្រីឡៃ ចែកចាយក្នុងបណ្ដាញសង្គម ។ មន្ត្រីទាំងនោះបានចាត់ទុកទង្វើបែបនោះធ្វើឲ្យប៉ះពាល់ដល់បូរណភាពនៃសាកសព និងស្ត្រីផ្សេងទៀត នៅក្នុងប្រទេសកម្ពុជា ។
លោកស្រី រស់ សុភាព នាយិកាអង្គការយ៉េនឌី និងអភិវឌ្ឍន៍ដើម្បីកម្ពុជា (GADC) ត្រូវបានវិទ្យុក្នុងស្រុកមួយដកស្រង់សំដីថា នៅថ្ងៃទី១៩ ខែតុលានេះថា ការថត និងចែកចាយរូបអាក្រាតរបស់ជនរងគ្រោះ ជាពិសេសស្ត្រី មិនមែនមានតែករណីតារាចម្រៀង សាន ស្រីឡៃ តែម្នាក់នោះទេ។ លោកស្រីថា ករណីបែបនេះ កើតឡើងជាញឹកញាប់ទៅលើស្ត្រី ដែលរងគ្រោះដោយសាររំលោភផ្លូវភេទ អំពើហិង្សា និងឃាតកម្មជាដើម។
លោកស្រី រស់ សុភាព ហៅទង្វើរបស់អ្នកបង្ហាញរូបអាក្រាតស្ត្រីបែបនេះថា ជាការរំលោភបំពានទៅលើសេចក្ដីថ្លៃថ្នូររបស់សព ក្រុមគ្រួសារ និងស្ត្រីផ្សេងៗទៀត នៅក្នុងប្រទេសកម្ពុជា។ លោកស្រី ស្នើទៅអាជ្ញាធរចាត់វិធានការច្បាប់លើបុគ្គលដែលបង្ហាញរូបអាក្រាតតារាចម្រៀងរូបនោះ ដោយថាកុំឲ្យបន្តកើត មានឡើងទៀតនៅក្នុងប្រទេសកម្ពុជា ៕
មេគង្គប៉ុស្តិ៍លើបណ្តាញសង្គម
ព័ត៌មានគួរចាប់អារម្មណ៍
