រាជធានីភ្នំពេញ ៖ នៅព្រឹកនេះគណៈកម្មាធិការជាតិរៀបចំការបោះឆ្នោត (គ.ជ.ប) បានចាប់ផ្ដើមរាប់សន្លឹកឆ្នោតឡើងវិញ នៃការិយាល័យចំនួន ៩ការិយាល័យ ក្នុងឃុំបឹងប្រាំ ស្រុកបរវេល ខេត្តបាត់ដំបង ជាបណ្ដើរៗហើយ ដែលបណ្ដឹងសុំរាប់សន្លឹកឆ្នោតឡើងវិញនេះ គឺប្ដឹងដោយគណបក្សប្រជាជនកម្ពុជា។
សូមជម្រាបថា តាមលទ្ធផលបោះឆ្នោតបឋម បង្ហាញថា ឃុំបឹងប្រាំនេះ គឺគណបក្សប្រជាជនកម្ពុជា ទទួលបានសំឡេងឆ្នោតចំនួន៦៣១សំឡេង ឈ្នះ២៣សំឡេង លើគណបក្សសង្គ្រោះជាតិ ដែលទទួលបានសំឡេងឆ្នោតចំនួន ៦០៨សំឡេង៕
ដោយ ៖ បក្សីចាំក្រុង
ភ្នំពេញ ៖ បុរសម្នាក់ជិះម៉ូតូលឿនហោះជាន់ហ្វ្រាំងមិនទាន់ក៏បានជ្រុលទៅបុករថយន្តមួយគ្រឿងបណ្តាលអោយដួលបោកក្បាលស្លាប់មួយរំពិចក្នុងថ្លុកឈាមហេតុការណ៍នេះបានកើតឡើងនៅវេលា១រំលងអាធ្រាតឈានចូលថ្ងៃទី១៤ខែមិថុនាឆ្នាំ២០១៧ នៅចំណុចខាងក្រោយមន្ទីរពេទ្យកុសមៈ ផ្លូវ២៦៥កែងផ្លូវ១៥០ ស្ថិតក្នុងសង្កាត់ទឹកល្អក់២ ខណ្ឌទួលគោក រាជធានីភ្នំពេញ។
ជនរងគ្រោះដែលបានស្លាប់បាត់បង់ជីវិតក្នុងហេតុការណ៍គ្រោះថ្នាក់ចរាចរណ៍នេះមិនទាន់ស្គាល់អត្តសញ្ញាណនៅឡើយទេ បានបើកបរដោយម៉ូតូម៉ាក់ហុងដាឌ្រីមស៊េរី២០១៥ ពណ៌ខ្មៅ ដែលមានស្លាកលេខ1FH-9161។ ចំណែករថយន្តមានម៉ាក់ “ធុនត្រា” ពណ៌ខ្មៅស្លាកលេខភ្នំពេញ2S-3807 បើកបរដោយជនជាតចិន។
ប្រភពពីកន្លែងកើតហេតុបានអោយដឹងថា មុនពេលកើតហេតុគេបានឃើញរថយន្តខាងលើធ្វើដំណើរក្នុងទិសដៅពីកើតទៅលិច ពេលដែលមកដល់ផ្លូវបំបែកជា៤ដែលជាចំណុចកើតហេតុ ក៏ស្រាប់តែមានម៉ូតូរបស់ជនរងគ្រោះបើកក្នុងទិសដៅពីត្បូងទៅជើង ក្នុងល្បឿនយ៉ាងក៏បានជ្រុលទៅបុកផ្នែកខាងឆ្វេងរថយន្តយ៉ាងពេញទំហឹងបណ្តាលអោយដួលបោកក្បាលស្លាប់មួយរំពិចនៅនឹងកន្លែងកើតហេតុ។
ក្រោយពេលកើតហេតុសមត្ថកិច្ចបានចុះទៅធ្វើការវាស់វែងនិងបានឃាត់ម្ចាស់រថយន្តដែលជាជនជាតិចិនបណ្តោះអាសន្នសិន រីឯសពសមត្ថកិច្ចស្រាវជ្រាវរកសាច់ញាតិមកទៅទៅបុណ្យតាមប្រពៃណី៕
ដាកា ៖ ទីភ្នាក់ងារសារព័ត៌មានចិនស៊ិនហួរចេញផ្សាយថា គ្រោះរអិលបាក់ដីដែលបង្កឡើងដោយភ្លៀងខ្លាំងនៅក្នុងស្រុកចំនួន០៣ ស្ថិតនៅភាគអាគ្នេយ៍នៃប្រទេសបង់ក្លាដែសបានផ្ដាច់យកអាយុជីវិតមនុស្សកើនដល់ ៤៥នាក់ហើយ ក្នុងនោះ០៧នាក់ជាកងកម្លាំងសង្គ្រោះ។
អាជ្ញាធរបង់ក្លាដែសបានរាយការណ៍ថា ដោយសារតែទទួលរងសម្ពាធទាប នៅឯតំបន់ឆ្នេរ Bengal វាបានបង្កឱ្យមានភ្លៀងធ្លាក់យ៉ាងខ្លាំង ព្រមទាំងគ្រោះរអិលបាក់ដី ដែលបានសម្លាប់មនុស្សយ៉ាងហោចណាស់ ៤៥នាក់ នៅក្នុងស្រុកចំនួន០៣ មានស្រុក Chittagong, Cox’s Bazaar និងស្រុក Bandarban គិតចាប់តាំងពីថ្ងៃចន្ទមក។
បើតាមអាជ្ញាធរឧតុនិយមបង់ក្លាដែសបាននិយាយថា កម្ពស់ទឹកនៅតាមតំបន់ស្ថិតនៅជិតដងទន្លេកើនឡើង ដូច្នេះហើយទើបពួកគេ អំពាវនាវឱ្យប្រជាជនរបស់ខ្លួនមានការប្រុងប្រយ័ត្តខ្ពស់ ខណៈរដ្ឋធានីដាកា និងស្រុក Chittagone ត្រូវបានទឹកជន់លិច៕
ខេត្តព្រះវិហារ ៖ សិស្សានុសិស្ស នៅសាលាបឋមសិក្សាស្រុកឫស្សី ស្ថិតក្នុងភូមិឆែបលិច ឃុំឆែបមួយ ស្រុកឆែប ខេត្តព្រះវិហារ ចំនួន៧នាក់ ត្រូវបានគេដឹងថា បានពុលផ្លែឪឡឹក ដោយមានអក្ការៈបានក្អួតចង្អោរ ហើយត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យ នៅព្រឹកថ្ងៃទី១៣ ខែមិថុនា ឆ្នាំ២០១៧នេះ ។
ពាក់ព័ន្ធករណីនេះ សមត្ថកិច្ចជំនាញបានយកផ្លែឪឡឹកទៅពិនិត្យ រហូតសមត្ថកិច្ចពុះហូបតែមិនមានបញ្ហាអ្វីនោះទេ ។ ប៉ុន្តែបានហៅអ្នកលក់យកមកសួរនាំ ផងដែរ។
តាមលោកវេជ្ជបណ្ឌិត បាន សុខចំរើន បម្រើការនៅមណ្ឌលសុខភាពឆែប បាននិយាយថា អាការៈសិស្សទាំងនោះ បើមិនបានបញ្ជូនមកទាន់ ពេលវេលាទេ និងអាចប៉ះពាល់ដល់អាយុជីវិត ព្រោះថាសិស្សខ្លះពេលបញ្ជូនមកភ្លាមលោកស្ទាបមើលជីពចរឃើញខ្លះខ្សោយតែបន្ទាប់ពី បានបញ្ចូលសេរ៉ូមឲ្យ ស្ថានភាពជនរងគ្រោះបានវិលត្រឡប់មករកភាពធម្មតាវិញ។
យ៉ាងណាក៏ដោយ លោកមិនទាន់ហ៊ានសន្និដ្ឋានថា ផ្លែឪឡឹកនោះមានសារធាតុពុល ឬក៏អ្នកលក់ខ្វះ អនាមយ័នោះទេ? ព្រោះនៅមណ្ឌលសុខភាពរបស់លោក មិនមានអីពិសោធន៍។ លោកក៏សូមអំពាវនាវឲ្យប្រជាពលរដ្ឋដែលរកស៊ីលក់ ដូរចំណីអាហារ ត្រូវប្រកាន់ជាប់នៅអនាម័យ ជៀសវាងកុំឲ្យប៉ះពាល់សុខភាពអ្នកទិញ ហើយចំពោះប្រជាកសិករដែលដាំផ្លែឪឡឹក សូមកុំប្រើជីគីមីច្រើនពេក ៕
ខេត្តបាត់ដំបង ៖ តុលាការខេត្តបាត់ដំបងបានសម្រេចដោះលែងបុរសចំណាស់ម្នាក់ ជាសកម្មជនគណបក្សសង្គ្រោះជាតិ រស់នៅភូមិអង្លង់ល្វា ឃុំវត្តតាមិម ស្រុកសង្កែ ខេត្តបាត់ដំបង នោះវិញហើយ បន្ទាប់ពីសកម្មជនរូបនោះត្រូវបានសមត្ថកិច្ចចាប់ខ្លួន នៅព្រឹកថ្ងៃទី១២ ខែមិថុនា ឆ្នាំ២០១៧នេះ បន្ទាប់ពីរូបគាត់តាំងខ្លួនឯងជាមេភូមិថ្មី ហើយយកតួនាទីក្លែងក្លាយនេះទៅចុះហត្ថលេខាលើឯកសាររបស់ប្រជាពលរដ្ឋ បន្ទាប់ពីបានដឹងថាគណបក្សសង្គ្រោះជាតិបានឈ្នះនៅក្នុងឃុំរបស់គាត់នោះ ។
គួររម្លឹកថា ជនដែលតាំងខ្លួនជាមេភូមិឈ្មោះ ទុយ ចាន់ អាយុជាង៦០ឆ្នាំ រស់នៅភូមិឃុំកើតហេតុខាងលើ ហើយកាលពីថ្ងៃទី០៧ ខែមិថុនា ឆ្នាំ២០១៧ លោក ទុយ ចាន់ បានតាំងខ្លួនឯងជាមេភូមិ ហើយចេញលិខិតបញ្ជាក់រដ្ឋបាល ទៅឲ្យប្រជាពលរដ្ឋដើម្បីយកទៅប្រើប្រាស់តាមលទ្ធភាព។ សមត្ថកិច្ចបានចាត់ទុកថា ករណីនេះ គឺជាកំហុសព្រហ្មទណ្ឌដ៏ធ្ងន់ធ្ងរមួយ៕
ម៉ូស្គួ ៖ សារព័ត៌មាន BBC បានចេញផ្សាយថា តុលាការរុស្ស៊ីបានសម្រេចផ្ដន្ទាទោសមេដឹកនាំគណបក្សប្រឆាំងលោក Alexei Navalny ឱ្យជាប់ឃុំក្នុងពន្ធនាគាររយៈពេល៣០ថ្ងៃ ក្រោមបទចោទប្រកាន់ រំលោភលើច្បាប់ប្រមូលផ្ដុំ និងការជួបជុំដោយខុសច្បាប់ ប្រឆាំងនឹងរដ្ឋាភិបាលរបស់ប្រធានាធិបតីរុស្ស៊ី លោក វ្ល៉ាឌីមៀ ពូទីន។
លោក Alexei Navalny ត្រូវបានគេចាប់ឃុំខ្លួននៅក្នុងផ្ទះរបស់លោក ក្នុងទីក្រុងម៉ូស្គូ កាលពីព្រឹកថ្ងៃចន្ទ មុននឹងមានបាតុកម្មតវ៉ាប្រឆាំងនឹងអំពើពុករលួយ នៅក្នុងប្រទេសរុស្ស៊ី ដោយមានការចូលរួមពីក្រុមបាតុកររាប់ពាន់នាក់។ ទន្ទឹមគ្នានោះដែរ អាជ្ញាធររុស្ស៊ី បានសម្រេចចិត្តបំបែកក្រុមបាតុករទាំងនេះ ដោយមានការចាប់ឃាត់ខ្លួនមនុស្សមួយចំនួនផងដែរ។
គួរបញ្ជាក់ថា នេះគឺជាលើកទី០២ហើយ ដែលមេបក្សប្រឆាំងរូបនេះត្រូវបានចាប់ខ្លួននៅក្នុងឆ្នាំនេះ៕
ខេត្តកណ្ដាល ៖ បុរសម្នាក់ស្រវឹងស្រាជោកជាំ ខឹងឪពុកម្តាយមិនស្តីរកក៏ជេរប្រមាថឪពុកម្តាយយ៉ាងចាស់ដៃព្រមទាំងដុតផ្ទះចោលថែមទៀត ដែលហេតុការណ៍កើតឡើងនៅភូមិព្រៃក្រឡាញ់ ឃុំលំហាច ស្រុកអង្គស្នួល ខេត្តកណ្តាល។
តាមសមត្ថកិច្ចបានឲ្យថា កូនចិត្តទុយ៌សឈ្មោះ ខេង សុខនៅ ភេទប្រុស អាយុ៣០ឆ្នាំ មុខរបរមិនប្រាកដ។ ឪពុកជាជនរងគ្រោះឈ្មោះ សុខ ឃី ភេទប្រុស៤១ឆ្នាំ ជនជាតិខ្មែរ មុខរបេរកសិករ នៅភូមិព្រៃក្រឡាញ់ ឃុំលំហាច ស្រុកអង្គស្នួល ខេត្តកណ្តាល។ សមត្ថកិច្ចបន្តថា សម្ភារៈខូចខាតរួមមាន ១-ផ្ទះ០១ខ្នង ទំហំ ៥គុណនឹង៦ម៉ែត្រ សង់ពីឈើប្រក់សង្ក័សី ជព្ជាំងសង្ក័សី ឆេះខ្ទេចគ្មានសល់ ២.លុយខ្មែរ១០០.០០០រៀល ៣.ទូរទស្សន៍១គ្រឿង, ៤.កង់២គ្រឿង, ៥.គ្រែដេក១, ៦.ទូដាក់ខោអាវ២, ៧.សំបុត្របញ្ជាក់កំណើត៩ច្បាប់, ៨.អត្តសញ្ញាណបណ្ណ័សញ្ជាតិខ្មែរចំនួន៥សន្លឹក, ៩.សៀវភៅក២ និងក៤. ២ក្បាល។ ប្រភពបញ្ជាក់ថា ដើមចមបណ្តាលឲ្យបុរសរូបនោះផុតផ្ទះ ត្រូវបានឪពុករៀបរាប់ប្រាប់សមត្ថកិច្ចថា មុនពេលកើតហេតុ ជនសង្ស័យ(កូន)បានមកពីដើរផឹកស្រាស្រវឹង ហើយរករឿងជេរបញ្ចោរឪពុក ម្តាយ តែពួកគាត់មិនបាននិយាយតបតវិញទេ យល់ឃើញថាជាមនុស្សស្រវឹង ។
ប្រភពរាយការណ៍ថា ដោយមិនចង់ឃើញមុខកូនតិរច្ឆាននោះបុរសជាឪពុកបានដើរចេញទៅដេកនៅក្នុងផ្ទះប្អូនដែលនៅភូមិជាមួយគ្នានោះ។ ស្រាប់តែបន្តិចក្រោយមក ជនសង្ស័យក៏បានលួចដុតផ្ទះខ្លួនឯងចោល (ផ្ទះឪពុក) បណ្តាលឲ្យឆេះហ្មត់នៅសល់តែផេះ ដោយអន្តរាគមន៍ពីអ្នកស្រុក និងរថយន្តពន្លត់អគ្គីភ័យមិនទាន់។ ប៉ុន្តែភ្លាមៗ នោះជនសង្ស័យត្រូវបានសមត្ថកិច្ចឃាត់ខ្លួនបញ្ជូនទៅកាន់អធិការដ្ឋាននគរបាលស្រុកដើម្បីសាកសួរបន្ត និងកសាងសំណុំរឿងតាមនីតិវិធី៕
រាជធានីភ្នំពេញ ៖ នៅថ្ងៃទី១៤ ខែមិថុនា ឆ្នាំ២០១៧ ស្អែកនេះ គណៈកម្មាធិការជាតិ រៀបចំការបោះឆ្នោត (គ.ជ.ប) នឹងរាប់សន្លឹកឆ្នោតឡើងវិញ នៅការិយាល័យចំនួន៩ នៅឃុំបឹងប្រាំ ខេត្តបាត់ដំបង តបតាមពាក្យបណ្តឹងរបស់ CPP ៕
រាជធានីភ្នំពេញ ៖ កាលពីម្សិលមិញ គ.ជ.ប បានរៀបចំការរាប់សន្លឹកឆ្នោតឡើងវិញចំនួន២៣ការិយាល័យ នៅឃុំដូង ខេត្តស្វាយរៀង ហើយជាលទ្ធផលបណ្តោះអាសន្នគណបក្សប្រជាជនកម្ពុជា (CPP) មានសំឡេងគាំទ្រ២៥៨៧នាំមុខគណបក្សសង្គ្រោះជាតិ (CNRP) ដែលមានអ្នកគាំទ្រ២៥៨០ ។
គួរបញ្ជាក់ថា ការរាប់ឡើងវិញនៃចំនួនសន្លឹកឆ្នោតនេះ ដោយសារមានបណ្តឹងពីគណបក្សសង្គ្រោះជាតិ និងគណបក្សប្រជាជនកម្ពុជា ។ យ៉ាងណាក៏ដោយ ការរាប់សន្លឹកនេះ គឺមានសន្លឹកឆ្នោត១សន្លឹក បង្កឲ្យមានបញ្ហាកើតឡើង ដោយសារ ក្រុមសន្លឹកឆ្នោត បានសម្រេចផ្តល់ជាបានការ ឲ្យទៅគណបក្សប្រជាជន ប៉ុន្តែគណបក្សសង្គ្រោះជាតិតវ៉ា ។ ដូច្នេះសន្លឹក១សន្លឹកនេះ នឹងដាក់ជូនទៅគ.ជ.បដើម្បីពិនិត្យសម្រេចបន្ត៕
រាជធានីភ្នំពេញ ៖ គណបក្សប្រជាជនកម្ពុជា បានក្លាយជាគណបក្សដែលឈ្នះឡើងវិញ នៅសង្កាត់ស្វាយប៉ាក ខណ្ឌឫស្សីកែវ ដោយមានចំនួនលើស គណបក្សសង្គ្រោះជាតិ៧សំឡេង បន្ទាប់ពីគណៈកម្មាធិការជាតិរៀបចំការបោះឆ្នោតរាជធានីភ្នំពេញ (PEC) រៀបចំរាប់សន្លឹកឆ្នោតឡើងវិញ នៅថ្ងៃទី១២ ខែមិថុនា ឆ្នាំ២០១៧នេះ។
សូមជំរាបថា កាលពីថ្ងៃទី០៤ ខែមិថុនា ឆ្នាំ២០១៧ លទ្ធផលបឋមមួយ នៅក្រោយការបោះឆ្នោតបានអះអាងថា សង្កាត់ស្វាយប៉ាក ក្នុងចំណោមសង្កាត់ទាំង៧ ក្នុងខណ្ឌឫស្សីកែវ CPP បានចាញ់សន្លឹកឆ្នោត CNRP ដោយសំឡេង ២,៨០៦ ទល់នឹង ២,៨១១សំឡេង។
ចំពោះករណីនេះខាង CPP មិនសុខចិត្ត នឹងបានប្តឹងទៅ គ.ជ.ប ដើម្បីរាប់សន្លឹកឆ្នោតឡើងវិញ។ ក្រោយគណៈកម្មាធិការ រៀបចំការបោះឆ្នោត រាជធានីភ្នំពេញ ហៅកាត់ថា «PEC» ទទួលបានពាក្យបណ្ដឹងមួយចំនួនពីបញ្ហាមិនប្រក្រតីបានកើតឡើង នៅតាមការិយាល័យបោះឆ្នោត ទាំង១៣ ក្នុងសង្កាត់ស្វាយប៉ាក ខណ្ឌឫស្សីកែវ ទើប «PEC» ធ្វើការសម្រេចរាប់សន្លឹកឆ្នោតសារជាថ្មីឡើងវិញ តាំងពីព្រឹករហូតមកដល់ល្ងាចថ្ងៃទី១២ ខែមិថុនា ឆ្នាំ២០១៧នេះ ហើយរកឃើញថា ៖
លទ្ធផលបឋមសន្លឹកឆ្នោតរបស់គណបក្សសង្គ្រោះជាតិ មានមួយចំនួនដែលមិនអាចយកជាផ្លូវការបាន ពោលសន្លឹកឆ្នោតយកជាផ្លូវការរបស់ CNRP នៅសង្កាត់នេះ មានចំនួនតែ ២,៧៨៥ តែប៉ុណ្ណោះ ចំណែកគណបក្សប្រជាជនកម្ពុជា មានចំនួន២,៧៩២សំឡេង ដោយគណបក្សប្រជាជនកម្ពុជា ឈ្នះគណបក្សសង្គ្រោះជាតិ ចំនួន៧សំឡេង ៕
ខេត្តបាត់ដំបង ៖ សកម្មជនគណបក្សសង្គ្រោះជាតិម្នាក់រស់នៅភូមិអង្លង់ល្វា ឃុំវត្តតាមិម ស្រុកសង្កែ ខេត្តបាត់ដំបង ត្រូវបានសមត្ថកិច្ចចាប់ខ្លួន កាលពីព្រឹកម្សិលមិញ បន្ទាប់ពីរូបគាត់តាំងខ្លួនឯងជាមេភូមិថ្មី ហើយយកតួនាទីក្លែងក្លាយនេះ ទៅចុះហត្ថលេខាលើឯកសាររបស់ប្រជាពលរដ្ឋ ។ សកម្មភាពនោះត្រូវបានធ្វើឡើង បន្ទាប់ពីបានដឹងថា គណបក្សសង្គ្រោះជាតិ បានឈ្នះនៅក្នុងឃុំរបស់គាត់ ហើយមុនពេលបោះឆ្នោតថ្នាក់ដឹកនាំខេត្តរបស់ CNRP សន្យាថា នឹងប្រគល់តំណែងមេភូមិឲ្យគាត់ពេលឈ្នះឆ្នោត ។
សមត្ថកិច្ចខេត្តបាត់ដំបង បានឱ្យដឹងថា បុរសចំណាស់ ដែលតាំងខ្លួនជាមេភូមិថ្មីដោយខុសច្បាប់នោះ មានឈ្មោះ ទុយ ចាន់ រស់នៅភូមិអង្លង់ល្វា ឃុំវត្តតាមិម ស្រុកសង្កែ ខេត្តបាត់ដំបង ហើយការចាប់ខ្លួននេះ ធ្វើឡើងតាមពាក្យបណ្តឹងរបស់ លោក រួម នាង ជាមេភូមិអង្លង់ល្វា។
តាមរបាយការណ៍របស់សមត្ថកិច្ច បានឱ្យដឹងថា កាលពីថ្ងៃទី០៧ ខែមិថុនា ឆ្នាំ២០១៧ លោក ទុយ ចាន់ បានតាំងខ្លួនឯងជាមេភូមិ ហើយចេញលិខិតបញ្ជាក់ រដ្ឋបាល ទៅឱ្យប្រជាពលរដ្ឋ ដើម្បីយកទៅប្រើប្រាស់តាមលទ្ធភាព ។ សមត្ថកិច្ចបានចាត់ទុកថា ករណីនេះគឺជាកំហុសព្រហ្មទណ្ឌដ៏ធ្ងន់ធ្ងរមួយ ៕
ខេត្តក្រចេះ ៖ បុរសបីនាក់បានជួបជុំគ្នាហូបត្រីក្រពតបណ្តាលឲ្យស្លាប់ម្នាក់ និងពុលធ្ងន់ស្រាលចំនួនពីរនាក់ត្រូវបានគេជួយដឹកទៅមន្ទីរពេទ្យដើម្បីសង្គ្រោះ ដែលករណីនេះកើតឡើងកាលពីរសៀលថ្ងៃទី១១ ខែមិថុនា ឆ្នាំ២០១៧ នៅចំណុចស្រែពង្រ ភូមិព្រែកតាអាំ ឃុំបុសលាវ ស្រុកចិត្រ ខេត្តក្រចេះ។
ប្រភពពីអ្នកភូមិបានឲ្យដឹងថា កាលពីវេលាម៉ោង៤ និង៤០នាទីមានបុរសបីនាក់បានជួបជុំគ្នាហូបត្រីក្រពត បន្ទាប់មកក៏ស្រាប់តែមានអាការៈក្អួតចង្អោរត្រូវបានគេនាំយកទៅមន្ទីរពេទ្យ តែអកុសលដោយសារធាតុពុលខ្លាំងពេកបុរសម្នាក់បានស្លាប់ ឯពីរនាក់ទៀតកំពុងសង្គ្រោះ។ ប្រភពបន្តថា ជនរងគ្រោះពុលត្រីក្រពតឈ្មោះ អំ ភេន ភេទប្រុស អាយុ៣៨ឆ្នាំ ស្លាប់។ ឈ្មោះ ច្រឹង ហោះ ភេទប្រុស អាយុ៤២ឆ្នាំ ពុលធ្ងន់យកទៅមន្ទីពេទ្យ និងឈ្មោះ អំ ថេន ភេទប្រុស អាយុ៤១ឆ្នាំ ពុលស្រាលអ្នកទាំងបីរស់នៅចំណុចស្រែពង្រ ភូមិព្រែកតាអាំ ឃុំបុសលាវ ស្រុកចិត្របុរី ខេត្តក្រចេះ។
ក្រោយពីមានហេតុការណ៍កើតឡើងសមត្ថកិច្ចជំនាញបានចុះធ្វើកោសល្យវិច្ច័យរួចប្រគល់សពជូនក្រុមគ្រួសារធ្វើបុណ្យតាមប្រពៃណី និងបន្តស្រាវជ្រាវពីមូលហេតុនៃការពុលនោះ៕
ខេត្តព្រះវិហារ ៖ កម្លាំងមន្ត្រីរដ្ឋបាលព្រៃឈើជាំក្សាន្ត ដឹកនាំដោយ លោក ម៉ក់ បញ្ញា នាយផ្នែករដ្ឋបាលព្រៃឈើជាំក្សាន្ត សហការជាមួយកម្លាំងនគរបាលមូលដ្ឋានបានចុះបង្ក្រាបរថយន្តមួយគ្រឿងដឹកជញ្ជូនឈើគ្រញូងគេចពន្ធដែលធ្វើចរាចរណ៍តាមដងផ្លូវជាតិលេខ៦២ ។ ការបង្ក្រាបនេះធ្វើឡើងកាលពីថ្ងៃទី១០ ខែមិថុនា ឆ្នាំ២០១៧ ស្ថិតនៅឃុំកន្ទួត ស្រុកជាំក្សាន្ត ខេត្តព្រះវិហារ រីឯអ្នកបើកបររថយន្តល្មើសបានរត់គេចខ្លួន។
មន្ត្រីរដ្ឋបាលព្រៃឈើបានឱ្យដឹងថារថយន្តដឹកឈើគ្រញូងខុសច្បាប់ខាងលើម៉ាកកាមរីហើមស៊េរីឆ្នាំ១៩៩៣ពណ៌ត្រេអ៊ីគ្មានស្លាកលេខផ្ទុកឈើគ្រញូងគ្រាក់ចំនួន៨០ដុំទម្ងន់៣៨៥គីទ្បូក្រាមស្មើនឹង០,៣១០ម៉ែត្រគូប។បច្ចុប្បន្នវត្ថុតាងត្រូវបានមន្ត្រីរដ្ឋបាលព្រៃឈើនាំយកទៅរក្សាទុកនៅសង្កាត់រដ្ឋបាលព្រៃឈើកន្ទួតដើម្បីកសាងសំណុំរឿងបញ្ជូនទៅកាន់តុលាការខេត្ត។
គួរបញ្ជាក់ថាបទល្មើសព្រៃឈើគ្រប់ប្រភេទនៅតែចរាចរណ៍យ៉ាងរលូនរាល់ថ្ងៃចេញពីស្រុកជាំក្សាន្តនិងតំបន់ព្រំដែនប្រាសាទព្រះវិហារដោយឈ្មួញឈើទុច្ចរិតធ្វើការដឹកជញ្ចូនឆ្លងកាត់សង្កាត់រដ្ឋបាលព្រៃឈើកន្ទួតទាំងយប់ទាំងថ្ងៃតាមដងផ្លូវជាតិលេខ៦២ឆ្ពោះមកក្រុងព្រះវិហារហើយសង្ស័យសមត្ថកិច្ចមេព្រៃនិងជំនាញបរិស្ថាននៅទីនោះរង់ចាំរាប់ក្បាលទ្បានយកខ្ទង់តែប៉ុណ្ណោះ។
ចំណែកកុងត្រូលជជុះជ្រកក្រោមលេសស្នាក់ការសន្តិសុខការពារថែមទាំងគំរាមត្រៀមដាក់បារ៉ាសមុខបន្ទាយតាមដងផ្លូវជាតិលេខ៦២លេខ៦៤និងលេខ៩ក៍កំពុងធ្វើសកម្មភាពប្រមូលលុយខ្ទង់ពីបទល្មើសព្រៃឈើយ៉ាងគគ្រឹកគគ្រេងជាន់កក្រុមឈ្មួញឈើទុច្ចរិតរាល់ថ្ងៃគ្មាននរណាហ៊ានរិះគន់និងប្រដៅពួកគាត់បានទ្បើយ៕
ខេត្តពោធិ៍សាត់ ៖ កម្លាំងសមត្ថកិច្ចចម្រុះបានចុះបង្ក្រាប និងរឹបអូសឈើធ្នង់ជាច្រើនដុំ ដែលឈ្មួញរក្សាទុកត្រៀមនាំចេញ ដែលប្រតិបត្តិការនេះធ្វើឡើងកាលពីវេលាម៉ោង ៤ និង៤៥នាទីរសៀល ថ្ងៃទី១១ ខែមិថុនា ឆ្នាំ២០១៧នេះ ត្រង់ចំណុចផ្ទះមួយកន្លែង ស្ថិតនៅភូមិបត់រំដួល ឃុំផ្ទះរុង ស្រុកភ្នំក្រវាញ ខេត្តពោធិ៍សាត់ ។
មន្ត្រីកងរាជអាវុធហត្ថខេត្តឲ្យដឹងថា ប្រតិបត្តិការនោះសមត្ថកិច្ចបានរឹបអូសឈើប្រភេទធ្នង់២០៧ដុំ ស្មើនឹង១.៦១ម៉ែត្រគូប ឈើទាំងអស់បានប្រគល់ទៅឲ្យមន្ត្រីរដ្ឋបាលព្រៃឈើសំរោង យកមករក្សាទុកដើម្បីចាត់ការតាមនីតិវិធីច្បាប់៕
រាជធានីភ្នំពេញ ៖ នៅព្រឹកថ្ងៃច័ន្ទនេះ គណៈកម្មាធិការជាតិរៀបចំការបោះឆ្នោត (គ.ជ.ប) បានបើកការរាប់សន្លឹកឆ្នោតឡើងវិញ នៅការិយាល័យបោះឆ្នោតចំនួន២៣ ស្ថិតក្នុងឃុំដូង ស្រុករមាសហែក ខេត្តស្វាយរៀង ។ ការរាប់សន្លឹកឆ្នោតឡើងវិញនេះ ធ្វើឡើងនៅទីស្តីការ គ.ជ.ប និងមានការចូលរួមពីអ្នកសង្កេតការណ៍ជាតិអន្តរជាតិច្រើននាក់ ។
សូមម្រាបថា ការរាប់សន្លឹកឆ្នោតដំបូងនៅឃុំដូង បានបង្ហាញថា គណបក្សសង្គ្រោះជាតិទទួលបាន ២,៥៩៩សំឡេង រីឯគណបក្សប្រជាជនកម្ពុជាទទួលបាន ២,៥៩៦សំឡេង ប៉ុន្តែគណបក្សប្រជាជនក៏ប្ដឹងទៅ គណៈកម្មការខេត្តរៀបចំការបោះឆ្នោត (PEC)។ ក្រោយការរាប់នៅ PEC គណបក្សប្រជាជនកម្ពុជា កើនបាន ៦សំឡេង ចំណែកគណបក្សសង្គ្រោះជាតិ កើនបាន ២សំឡេង ពោលគណបក្សប្រជាជនកម្ពុជា ជាអ្នកឈ្នះវិញ។
យ៉ាងណាក៏ដោយ គណបក្សសង្គ្រោះជាតិ ក៏បានប្ដឹងសុំរាប់សន្លឹកឆ្នោតឡើងវិញ ខណៈដែលគណបក្សនេះបានចាញ់ឆ្នោតគណបក្សប្រជាជនតែសម្លេងប៉ុណ្ណោះ ៕
មេគង្គប៉ុស្តិ៍លើបណ្តាញសង្គម
ព័ត៌មានគួរចាប់អារម្មណ៍
