រាជធានីភ្នំពេញ៖កម្មករិនីម្នាក់បានភ្លាមៗនៅនឹងកន្លែង ខណៈដែល៧នាក់ផ្សេងទៀតរងរបួស (ស្ត្រីពោះធំម្នាក់) ក្នុងករណីផ្ទុះឡ ចេញពីក្នុងរោងចក្រមួយកន្លែង ហោះចំងាយប្រមាណជាង១០០ម៉ែត្រទៅបុក ខណៈកំពុងទទួលទានបាយថ្ងៃត្រង់នៅខាងក្រៅរោងចក្រ។ ករណីនេះកើតឡើងនៅព្រឹកមិញនេះស្ថិតនៅតាម បណ្តោយផ្លូវរទេះភ្លើង ក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ៕
កូរ់េខាងត្បូង៖យោងតាមទីភ្នាក់ងារសារព័ត៌មាន Channel News Asia បានរាយការណ៍ថា នៅម៉ោងប្រមាណ ៧ និង០០នាទីព្រឹកនេះ (ម៉ោងនៅក្នុងទីក្រុងសេអ៊ូល) កូរ៉េខាងជើងបានបាញ់សាកល្បងមីស៊ីលជាច្រើនគ្រាប់ចេញពីតំបន់ឆ្នេរភាគខាងកើតនៃទីក្រុង Wonsan។
តាមប្រភពពីយោធាកូរ៉េខាងត្បូងបានឲ្យដឹងថា ប្រទេសកូរ៉េខាងជើងបានបាញ់គ្រាប់មីស៊ីលប៉ុន្មានគ្រាប់បន្ថែមទៀត នៅព្រឹកថ្ងៃនេះតែម្តង ប៉ុន្តែវាប្រហែលជាបានទទួលបរាជ័យ។ ប្រភពបន្តថា នេះគឺជាការសាកល្បងមីស៊ីលលើកទី២ នៅក្នុងខែមីនានេះ ខណៈសហរដ្ឋអាមេរិក និងកូរ៉េខាងត្បូងកំពុងធ្វើសមយុទ្ធយោធាទ្រង់ទ្រាយធំប្រឆ្នាំ។ ទោះជាយ៉ាងណាគេមិនទាន់កំណត់ប្រភេទនៃគ្រាប់មីស៊ីលដែលបានបាញ់នោះនៅឡើយទេ។
គួរបញ្ជាក់ថា ការបាញ់មីស៊ីលនេះកើតឡើង គ្រាដែលរដ្ឋអាមេរិក និងកូរ៉េខាងត្បូងបានព្រមានប្រើប្រាស់កម្លាំងយោធាដាក់គ្នាទៅវិញមក ស្របពេលចិន និងកូរ៉េខាងត្បូង កំពុងមានភាពតានតឹងគ្នារឿងដាក់ពង្រាយមីស៊ីលអាមេរិក THAAD នៅលើឧបទ្វីបកូរ៉េថែមទៀត៕
រាជធានីភ្នំពេញ៖សំណុំរឿងអតីតស្នងការនគរបាលក្រុងភ្នំពេញ លោក ហេង ពៅ រក្សាទុកប្រាក់ដុល្លារក្លែងក្លាយ ដែលត្រូវបើកសវនាការកាត់ទោសនៅព្រឹកថ្ងៃទី២២ ខែមីនានេះ ត្រូវបានតុលាការកំពូល ប្រកាសពន្យារពេល ដោយមិនទាន់កំណត់ថ្ងៃ៕
កូរ៉េខាងជើង៖អគ្គរដ្ឋទូតរងកូរ៉េខាងជើងប្រចាំអង្គការសហប្រជាជាតិ លោក Choe Myong Nam បានប្រកាសក្តែងៗថា របបដឹកនាំទីក្រុងព្យុងយ៉ាងមិនភ័យខ្លាចទាល់តែសោះ រឿងប្រើកម្លាំងយោធា ឬក៏ដាក់ទណ្ឌកម្មសេដ្ឋកិច្ចពីសំណាក់សហរដ្ឋអាមេរិក។ នេះបើយោងតាមចុះផ្សាយដោយទីភ្នាក់ងារសារព័ត៌មាន Reuters។
ប្រតិកម្មរបស់លោក Choe Myong Nam កើតឡើងបន្ទាប់ពីក្រុមមន្ត្រីជាន់ខ្ពស់អាមេរិកបាននិយាយកាលពីថ្ងៃចន្ទថា រដ្ឋបាលរបស់លោក ដូណាល់ ត្រាំ មានបំណងដាក់ទណ្ឌកម្មបន្ថែមប្រឆាំងនឹងការគំរាមកំហែងពីមីស៊ីលផ្លោងអន្តរទ្វីប ICBM និងអាវុធនុយក្លេអ៊ែរកូរ៉េខាងជើង។
លោក Choe Myong Nam នៅក្នុងបទសម្ភាសន៍ជាមួយ Reuters បានលើកឡើងដូច្នេះថា ការដាក់ទណ្ឌកម្ម របៀបនេះគឺជារឿងឃោរឃៅ និងអមនុស្សធម៌បំផុត ហើយម្យ៉ាងវិញទៀតខ្ញុំអាចប្រាប់អ្នកបានថា ICBM នឹងត្រូវបាញ់ចេញគ្រប់ពេលវេលាគ្រប់ទីកន្លែង ឱ្យតែមានបញ្ជាពីមេដឹកនាំកំពូលរបស់យើង (លោក គីម ជុងអ៊ុន)។
គួរបញ្ជាក់ថា កូរ៉េខាងជើងបានត្រៀមខ្លួនរួចជាស្រេចក្នុងការទទួលយកសង្គ្រាមជាមួយសហរដ្ឋអាមេរិក ហើយក៏បានព្រមានដែរថា នឹងកម្ទេចទីក្រុងវ៉ាស៊ីនតោនឱ្យក្លាយទៅជាផេះផងដែរ៕
ភ្នំពេញ៖មុននេះបន្តិចមានក្មេងសិស្សសាលាម្នាក់បានលង់ទឹកស្រះនៅក្នុងវត្តគោកបញ្ជាន់ហើយមានប្រជាពលរដ្ឋកំពុងចុះរកនៅមិនទាន់ឃើញនៅឡើយទ ស្ថិតនៅក្នុងវត្តគោកបញ្ជាន់ ភូមិថ្មគោល សង្កាត់ចោមចៅ ខណ្ឌពោធិ៍សែនជ័យ៕
រាជធានីភ្នំពេញ៖នៅព្រឹកថ្ងៃទី២២ ខែមីនា នេះតុលាការកំពូលបានបើកកាត់ទោសអតីតស្នងការនគរបាលក្រុងភ្នំពេញ លោក ហេង ពៅ ករណីរក្សាទុកប្រាក់ដុល្លារក្លែងក្លាយ បន្ទាប់ពីសាលាដំបូងរាជធានីភ្នំពេញ និងសាលាឧទ្ធរណ៍ បានសម្រេចដូចគ្នា ផ្តន្ទាទោសលោក ហេង ពៅ ដាក់ពន្ធនាគាររយៈពេល១៤ឆ្នាំ តែលោកមិនសុខចិត្តបានប្តឹងសាទុក្ខមកតុលាការកំពូល។
សវនាការនេះ ដឹកនាំដោយលោកស្រី គិម សត្ថាវី ជាប្រធានក្រុមប្រឹក្សាជំនុំជម្រះ និង លោក ច័ន្ទ តារារស្មី ជាតំណាងមហាអយ្យការ។
គួរបញ្ជាក់ថា លោក ហេង ពៅ ជាប់ចោទពីបទ «រក្សាទុកប្រាក់ដុល្លារក្លែងក្លាយ» ប្រព្រឹត្តនៅផ្ទះលេខ៩ ភូមិតាខ្មៅ ក្រុងតាខ្មៅ ខេត្តកណ្ដាល កាលពីថ្ងៃទី៣១ ខែកក្កដា ឆ្នាំ២០០៦៕
រាជធានីភ្នំពេញ៖ក្រសួងពាណិជ្ជកម្ម បានចេញសេចក្ដីជូនដំណឹងមួយ ស្ដីពីតម្លៃប្រេងឥន្ធនៈ ដែលត្រូវលក់រាយតាមបណ្តាស្ថានីយប្រេងឥន្ធនៈទូទាំងប្រទេសកម្ពុជា។ តម្លៃសាំងធម្មតាត្រូវលក់ថ្លៃ ៣,៥៥០រៀលក្នុង ១លីត្រ, សាំងស៊ុបពែរ ៣,៦០០រៀលក្នុង១លីត្រ និងប្រេងម៉ាស៊ូតមានតម្លៃ ៣,៣០០ រៀលក្នុង១លីត្រ ដែលតម្លៃនេះនឹងចាប់ផ្ដើមអនុវត្តពីថ្ងៃទី២២ ដល់ថ្ងៃទី០១ ខែមេសា ឆ្នាំ២០១៧៕
ដោយ៖ប៉ែន សុផល
បាត់ដំបង៖យោងតាមរបាយការណ៍ពីសមត្ថកិច្ចបានអោយដឹងថា ចាប់តាំងពីដើមខែមករារហូតមកដល់ត្រឹមថ្ងៃទី២១ខែមីនាឆ្នាំ២០១៧នេះអាជ្ញាធរថៃបានបញ្ជូនពលករខ្មែរដែលឆ្លងដែនខុសច្បាប់មកស្រុកកំណើតវិញចំនួន១០០លើកស្មើរនិង៩៩៨៥នាក់(ប្រាំបួនពាន់ប្រាំបួនរយប៉ែតសិបប្រាំនាក់)តាមច្រកទ្វារអន្តរជាតិដូងនៃស្រុកកំរៀង។
លោក ម៉ុយ សាលឹត មេបញ្ជាការកងរាជអាវុធហត្ថស្រុកកំរៀងបានប្រាប់អោយដឹងនៅថ្ងៃទី២១ ខែមីនា ឆ្នាំ២០១៧នេះថា៖ ពលករខ្មែរឆ្លងដែនខុសច្បាប់ដែលត្រូវបានអាជ្ញាធរថៃចាប់បញ្ជូនអោយត្រឡប់មកស្រុកកំណើតវិញតាមច្រកទ្វារអន្តរជាតិដូង នៃស្រុកកំរៀងសរុបមានចំនួន១០០លើកក្នុងនោះរួមមាន៖ខែមករា ឆ្នាំ២០១៧មានចំនួន៧លើកស្មើនិង១៦១នាក់ ស្រី៣៦នាក់។ ខែកុម្ភៈ ឆ្នាំ២០១៧មាន ចំនួន៤៧លើកស្មើរនិង២៨៩២នាក់ ស្រី១០៨៤នាក់។ ខែមីនា ឆ្នាំ២០១៧ មានចំនួន៤៥លើកស្មើរនិង៦៩៣២នាក់ ស្រី២៧៧៨នាក់។
លោកបន្ដថា ពលករខ្មែរឆ្លងដែនខុសច្បាប់ទាំង៩៩៨៥នាក់ដែលអាជ្ញាធរថៃបានបញ្ជួនអោយត្រឡប់មកកាន់ស្រុកកំណើតវិញដោយសារតែពួកគាត់ទាំងនោះបានឆ្លងដែនចូលក្នុងទឹកដីថៃដោយខុសច្បាប់ ហើយពួកគាត់ភាគច្រើនជាបុរសដែលបានធ្វើដំណើរពីតាមបណ្តាខេត្តនានានៃព្រះរាជាណាចក្រកម្ពុជាពិសេសប្រជាពលរដ្ឋដែលរស់នៅតាមតំបន់បណ្តោយព្រំដែនកម្ពុជា ថៃតែម្តង៕
តៃវ៉ាន់៖ប្រធានាធិបតីតៃវ៉ាន់លោកស្រី Tsai Ing-wen បានបើកដំណើរការគម្រោងបង្កើតនាវាមុជទឹកដែលមិនធ្លាប់មានជាលើកដំបូងរបស់កោះនេះកាលពីថ្ងៃអង្គារនៅក្នុងការប្រឈមមុខនៃអ្វីដែលរដ្ឋាភិបាលនិយាយថា ត្រូវតែបង្កើននឹងការគំរាមកំហែងផ្នែកយោធាពីប្រទេសចិន។
ការផ្លាស់ប្តូរនេះបានធ្វើឡើងបន្ទាប់ពីប្រទេសចិនបានបញ្ជូននាវាដឹកយន្តហោះ Liaoning របស់ខ្លួនតាមរយៈច្រកសមុទ្រតៃវ៉ាន់ក្នុងខែមករានៅក្នុងការធ្វើសមយុទ្ធយោធាមួយ ខណៈដែលទំនាក់ទំនងកាន់តែយ៉ាប់យ៉ឺន ។កាលពីសប្តាហ៍មុនតៃវ៉ាន់បានព្រមាននៃការកើនឡើងហានិភ័យលុកលុយពីប្រទេសចិន និងបានសន្យាថានឹងបង្កើនយោធារបស់ខ្លួននៅក្នុងការឆ្លើយតប ។
លោកស្រី Tsai បានចាត់ទុកការចាប់ផ្តើមនៃគម្រោងនាវាមុជទឹកនេះជា “ឱកាសជាប្រវត្តិសាស្ត្រ” នៅឯមូលដ្ឋានកងទ័ពជើងទឹកមួយនៅក្នុងទីក្រុងភាគខាងត្បូងនៃទីក្រុង Kaohsiung ។លោកស្រីត្រូវបានអញ្ជើញជាអធិបតីក្នុងពិធីចុះហត្ថលេខាជាផ្លូវការមួយដើម្បីផ្តួចផ្តើមគម្រោងនេះរវាងកងទ័ពជើងទឹក សាជីវកម្មផលិតកប៉ាល់តៃវ៉ាន់ CSBS និងវិទ្យាស្ថានជាតិនៃវិទ្យាសាស្ត្រ និងបច្ចេកវិទ្យា Chung-Shan ដែលបានអភិវឌ្ឍការធ្វើសមាហរណកម្មប្រព័ន្ធប្រយុទ្ធ ។
លោកស្រី Tsai បានឲ្យដឹងថា ការចែកចាយនៃនាវាមុជទឹកនេះត្រូវបានគេរំពឹងថានឹងប្រើរយៈពេលប្រាំបីឆ្នាំ ហើយគឺជាផ្នែកមួយនៃ “គោលនយោបាយការពារជនជាតិដើមភាគតិច” របស់កោះនេះ ។កងទ័ពជើងទឹករបស់តៃវ៉ាន់កាលពីពេលថ្មីៗនេះបានប្រតិបត្តិការកងនាវានាវាមុជទឹកចំនួនបួនគ្រឿងដែលបានទិញមកពីក្រៅប្រទេស ប៉ុន្តែមានតែពីរគ្រឿងប៉ុណ្ណោះក្នុងចំណោមពួកវាទាំងអស់អាចត្រូវបានដាក់ពង្រាយនៅក្នុងព្រឹត្តិការណ៍នៃសង្គ្រាម ។
ចំណែកពីរគ្រឿងទៀតត្រូវបានសាងសង់ឡើងដោយសហរដ្ឋអាមេរិកនៅក្នុងឆ្នាំ១៩៤០ និងត្រូវបានប្រើត្រឹមតែនៅក្នុងការបណ្តុះបណ្តា ខណៈដែលពួកវាមានសភាពចាស់ពេកសម្រាប់ការប្រយុទ្ធ ។
រដ្ឋមន្ត្រីក្រសួងការពារជាតិលោក Feng Shih-kuan បានឲ្យដឹងថា ការចុះសំពៅរបស់នាវា Liaoning នៅក្បែរកោះតៃវ៉ាន់បានគូសបញ្ជាក់អំពីតម្រូវការសម្រាប់កោះនេះដើម្បីបង្កើនទៅមុខជាមួយនឹងការកសាងនាវាមុជទឹករបស់ខ្លួននេះ ។
សូមបញ្ជាក់ថា តៃវ៉ាន់កាលពីខែមុនក៏បានប្រកាសផងដែរថា ការដេញថ្លៃរបស់ខ្លួនដើម្បីបង្កើតយន្តហោះហ្វឹកហ្វឺនជំនាន់ថ្មីនឹងត្រូវបញ្ចប់ត្រឹមឆ្នាំ២០២៦៕
រាជធានីភ្នំពេញ៖សកម្មជនគណបក្សសង្គ្រោះជាតិ លោក ហៃ វណ្ណា ដែលប្រឈមនឹងបណ្តឹងទាក់ទងបង្ហោះសារប្រមាថយ៉ាងធ្ងន់ធ្ងរ ចំពោះសពសម្តេច សុខ អាន នោះបានចេញមុខធ្វើលិខិតសុំទោសជាសាធារណៈ។
លិខិតសុំទោសរបស់លោក ហៃ វណ្ណា ក៏បានភ្ជាប់នូវការចូលរួមរំលែកទុក្ខជាមួយក្រុមគ្រួសារនៃសព និងរាជរដ្ឋាភិបាលកម្ពុជា ចំពោះមរណៈភាពសម្តេច សុខ អាន ផងដែរ៕
រាជធានីភ្នំពេញ៖លោក គឹម សុខ អ្នកវិភាគនយោបាយ ត្រូវបានចៅក្រមស៊ើបសួរចេញដីកាបង្គាប់ឲ្យអនុរក្សពន្ធនាគារនាំខ្លួនមកសាកសួរបន្ថែមទៀតនារសៀលថ្ងៃអង្គារនេះ។
អាចនិយាយថា នេះជាលើកទី៣ហើយ ដែលចៅក្រមបានបង្គាប់ឲ្យនាំខ្លួនលោក គឺម សុខ ពីពន្ធនាគារព្រៃសរ មកកាន់សាលាដំបូង បន្ទាប់ពីព្រះរាជអាជ្ញារង សៀង សុខ បានសម្រេចចោទប្រកាន់លោក គឹម សុខ ចំនួន២បទល្មើសគឺបទ «ញុះញង់ឱ្យប្រព្រឹត្តិបទឧក្រិដ្ឋជាអាទិ៍ និងបរិហាកេរ្តិ៍ ជាសាធារណៈ» ។
គួរបញ្ជាក់ថា សម្តេច ហ៊ុន សែន បានដាក់ពាក្យប្តឹង លោក គឹម សុខ កាលពីថ្ងៃទី១៣ ខែកុម្ភៈ ឆ្នាំ២០១៧ កន្លងទៅ បន្ទាប់ពីលោក គឹម សុខ និយាយចោទប្រកាន់គណបក្សប្រជាជនកម្ពុជាថា ជាអ្នកសម្លាប់លោកបណ្ឌិត កែម ឡី ដោយមិនមានមូលដ្ឋាន។ ចំពោះករណីនេះ សម្តេចបានទាមទារសំណងជំងឺចិត្ត៥០ម៉ឺនដុល្លារពីលោក គឹម សុខ៕
ហាណូយ៖នាយករដ្ឋមន្ត្រីវៀតណាម លោក Nguyen Xuan Phuc បានស្នើឱ្យកូរ៉េខាងត្បូង គាំទ្រគោលជំហររបស់ខ្លួនលើសំណុំរឿងសមុទ្រចិនខាងត្បូង នៅអំឡុងជំនួបជាមួយរដ្ឋមន្ត្រីការបរទេសកូរ៉េខាងត្បូង លោក Yun Byung-se ក្នុងទីក្រុងហាណូយកាលពីម្សិលមិញ។ នេះបើតាមការចេញផ្សាយដោយសារព័ត៌មាន Channel News Asia។
នៅក្រោយជំនួបនោះរដ្ឋាភិបាលបានចេញសេចក្ដីប្រកាសព័ត៌មានមួយថា លោក Nguyen Xuan Phuc បានស្នើទៅកូរ៉េខាងត្បូងឲ្យបន្តគាំទ្រខ្លួន ជុំវិញជំហររបស់វៀតណាម និងបណ្ដាប្រទេសនៅអាស៊ីអាគ្នេយ៍ ក្នុងជម្លោះសមុទ្រចិនខាងត្បូង និងជួយវៀតណាម ឲ្យកែលម្អការអនុវត្តច្បាប់របស់ខ្លួននៅឯដែនសមុទ្រ។
ទោះបីយ៉ាងណាក្នុងសេចក្ដីប្រកាសព័ត៌មាននោះពុំបានបញ្ជាក់ទេថា តើកូរ៉េខាងត្បូងបានគាំទ្រជំហរវៀតណាមលើរឿងសមុទ្រចិនខាងត្បូង ឬយ៉ាងណានោះទេ ខណៈកូរ៉េខាងត្បូងក៏កំពុងមានបញ្ហាជាមួយចិនរឿងបំពាក់ប្រព័ន្ធ THAAD ផងដែរ។
គួរបញ្ជាក់ថា វៀតណាមគឺជាប្រទេសដែលបើកទូលាយបំផុតជាមួយចិន នៅក្នុងជម្លោះដែនទឹកចាប់តាំងពីហ្វីលីពីនបានដកខ្លួនចេញពីការប្រឈមមុខដាក់គ្នាជាមួយចិននៅក្រោមរដ្ឋបាលប្រធានាធិបតី រ៉ូទ្រីហ្កូ ឌូទើតេ៕
មេគង្គប៉ុស្តិ៍លើបណ្តាញសង្គម
ព័ត៌មានគួរចាប់អារម្មណ៍
