រាជធានីភ្នំពេញ៖អង្គភាពប្រឆាំងអំពើពុករលួយ ACU បានចេញសេចក្តីប្រកាសមួយ ដោយបញ្ជាក់ពីការឃាត់ខ្លួនលោក ហ៊ុយ ហឿន នាយរងផ្នែកសិទ្ធិអ្នកនិពន្ធ និងសិទ្ធិប្រហាក់ប្រហែល ការិយាល័យកម្មសិទ្ធិបញ្ញា (ក៣) នាយកដ្ឋាននគរបាលប្រឆាំងបទល្មើសសេដ្ឋកិច្ច នៃក្រសួងមហាផ្ទៃ ដែលបានដើរទារប្រាក់ពីក្រុមហ៊ុន សហគ្រាស បុគ្គលឯកជនផ្សេងៗនៅរាជធានីភ្នំពេញ៕
រាជធានីភ្នំពេញ៖នារីវ័យក្មេងស្រស់ស្អាតសាច់សខ្ចី ដែលត្រូវបានគេស្គាល់ថា ជាតារាសម្ដែងឈ្មោះ ពេជ្រ អាវីហ្សា បានបើករថយន្តមួយគ្រឿងទៅបុកជាមួយ ម៉ូតូកូនទាដែលជិះដោយបុរស២នាក់ បណ្ដាលឲ្យរងរបួសធ្ងន់ និងខូចខាតម៉ូតូយ៉ាងដំណំដែលគៀបក្រោមកង់រថយន្ត។ ហេតុការណ៍នេះ កើតឡើងនៅវេលាម៉ោង២ និង១០នាទី អធ្រាត្រឆ្លងចូលថ្ងៃទី២៤ ខែមីនា ឆ្នាំ២០១៧ តាមបណ្ដោយផ្លូវសុធារស ស្ថិតក្នុងសង្កាត់ ទន្លេបាសាក់ ខណ្ឌចំការមន។
តាមប្រភពព័ត៌មានបានឲ្យដឹងថា នៅមុនពេលកើតហេតុនោះ គឺយុវជនពីរនាក់ ជិះម៉ូតូម៉ាក Today ពណ៌ខៀវលាយស ពាក់ស្លាកលេខ ភ្នំពេញ 1FL-3864 ឌុបគ្នាតាមបណ្ដោយផ្លូវសុធារស ពីត្បូងទៅជើង ខណៈមកដល់កន្លែងកើតហេតុ ស្រាប់តែទៅបុកជាមួយរថយន្តម៉ាក ឡិចស៊ីស GS300 ពណ៌ខ្មៅ ពាក់ស្លាកលេខ ភ្នំពេញ 2R-2141 របស់កញ្ញា ពេជ្រ អាវីហ្សា ដែលបើកបរពីត្បូងទៅជើង (បញ្ច្រាស) ធ្វើឲ្យរថយន្តអូសម៉ូតូ នៅពីក្រោមជាង២០ម៉ែត្រ បណ្ដាលឲ្យបុរសទាំងពីរ រងរបួសធ្ងន់ធ្ងរ រីឯម៉ូតូខូចខាតយ៉ាងដំណំ។
ក្រោយកើតហេតុកញ្ញា អាវីហ្សា មិនបានទៅណាទេ ដោយបានចុះពីរថយន្តរង់ចាំការដោះស្រាយ។ ប៉ុន្តែដោយភាគីម៉ូតូរងរបួសធ្ងន់ សមត្ថកិច្ចក៏ហៅរថយន្តសាមុយដឹកយកទៅសង្គ្រោះភ្លាមៗ ចំណែកម៉ូតូ និងរថយន្ត ត្រូវសមត្ថកិច្ចធ្វើការវាស់វែងយកទៅរក្សាទុក ដើម្បីដោះស្រាយពេលក្រោយ៕
កំពង់ចាម៖វេលាម៉ោង១៤ និង៣០០នាទីថ្ងៃទី២២ មីនា ២០១៧ នៅចំណុចទួលសែនរ៉ាចខាងជើង ភូមិព្រៃគុយ ឃុំស្រក ស្រុកកំពង់សៀម ខេត្តកំពង់ចាម មានករណីរំលោភសេពសន្ថវៈលើជនរងគ្រោះឈ្មោះ (គ អ ) អាយុ២២ឆ្នាំ ជាមនុស្សវិកលចរិកវៈ រហូតបានសំរេច ខណៈនាងទៅឃ្វាលគោនៅចំណុចកើតហេតុម្នាក់ឯង។
ជនសង្ស័យដែលឃាត់ខ្លួនឈ្មោះ នៅ នី អាយុ៣៨ឆ្នាំ មានទីលំនៅភូមិកើតហេតុខាងលើជាមួយគ្នានឹងនារីរងគ្រោះ។ ជនសង្ស័យត្រូវបានសមត្ថកិច្ចឃាត់ខ្លួនកសាងសំណុំរឿតាមនីតិវិធី៕
ដោយ៖បក្សីចាំក្រុង
ភ្នំបេញ៖បុរសម្នាក់ស្រវឹងជោគជាំជិះម៉ូតូមិនគោរពភ្លើងសញ្ញាបានបុកបុរសម្នាក់ ទាក់ពាក្យទាក់សំដីគ្នា បុរសស្រវឹងនោះក៏បានយកសោរម៉ូតូទៅវៃបង្កអោយមានរបួសស្នាម ភ្លាមៗនោះត្រូវបាននគរបាលចរាចរណ៍មូលដ្ឋាននៅជិតនោះឃាត់ខ្លួនតែម្តង ហេតុការណ៍នេះបានកើតឡើងនៅវេលាម៉ោង៥និង៣០នាទីល្ងាចថ្ងៃទី២៣ខែមិនាឆ្នាំ២០១៧ នៅចំណុចភ្លើងបំបែកសញ្ញាចរាចរណ៍២០០៤ កាត់ផ្លូវសហព័ន្ធរុស្ស៊ី ស្ថិតនៅ សង្កាត់កាកាប ខណ្ឌពោធិ៍សែនជ័យ។
បុរសរងគ្រោះមានឈ្មោះ អ៊ុន យូហាន អាយុ៣៧ឆ្នាំ មុខរបរជាអ្នកបើកបររថយន្ត ស្នាក់នៅបន្ទប់ជួលម្តុំសំរោងអណ្តែត សង្កាត់ភ្នំពេញថ្មី ខណ្ឌសែនសុខ មានស្រុកកំណើតនៅភូមិឬស្សី ឃុំរកា ធ្វើដំណើរដោយម៉ូតូម៉ាក់scopy ភ្នំពេញ 1FA-5897ធ្វើដំណើរចេញពីផ្លូវម៉ៃដា២០០៤ ទៅផ្ទះនៅសំរោងអណ្តែត។ ចំណែកបុរសបង្កដែលមានជាតិស្រវឹងក្នុងខ្លួននោះមានឈ្មោះ ថោង វុទ្ធី អាយុ២៣ឆ្នាំមុខរបរឃាអ្នកយាមនៅផ្សារអណ្តូង ស្នាក់ភូមិចំការឪឡឹក សង្កាត់កាកាប ខណ្ឌពោធិ៍សែនជ័យ មានស្រុកកំនើត ភូមិក្រប៉ៅ ឃុំក្រប៉ៅ ក្រុងតាខ្មៅ ខេត្តកណ្តាល។
តាមការរៀបរាប់ពីជនរងគ្រោះបានអោយដឹងថាមុនពេលកើតហេតុ រូបខ្លួនបានធ្វើដំណើរក្នុងទិសដៅពីកើតទៅលិច តាមបណ្តាយផ្លូវ២០០ឆ្ពោះទៅផ្ទះនៅសំរោងអណ្តែតដោយបានឆ្លងកាត់ភ្លើងសញ្ញា ២០០៤ត្រង់ចំណុចផ្លូវសហព័ន្ធរុស្ស៊ី ភ្លើងសញ្ញានោះលោតពណ៍ខៀវហើយខ្លួនក៏បានបន្តដំណើរឆ្លងទៅមុខទៀត ភ្លាមនោះក៏ស្រាប់តែបុរសដែលបង្កហេតុនោះ បានធ្វើដំណើរដើរពីជើងទៅត្បូងហើយមិនគោរពភ្លើងសញ្ញាទិសរបស់ខ្លួនទេ ហើយមកបុកប៉ះជាមួយគ្នាហើយក៏ទាក់ពាក្យទាក់សំដីគ្នា បណ្តាលអោយជនបង្កទាញយកសោរម៉ូតូមកក្តាប់នឹងដៃវៃចំក្បាលបណ្តាលអោយរងរបួស។
ក្រោយពេលកើតហេតុនគរបាលចរាចរណ៍ដែលនៅគោលដៅនោះបានបញ្ជូនភាគីទាំងពីរទៅប៉ុស្តិ៍នគរបាលកាកាបដើម្បីធ្វើការដោះស្រាយ។
នៅពេលដែលទៅដល់ប៉ុស្តិ៍នគរបាលកាកាប ជនបង្កហាក់បីដូចជាដឹងខ្លួនខុស បានសូមទោសទៅ ជនរងគ្រោះ និងព្រមសងថ្លៃព្យាបាលចំនួន១៥០ដុល្លារដើម្បីបញ្ចប់រឿង ហើយសមត្ថកិច្ចបានធ្វើការណែនាំអប់រំអោយត្រឡបទៅផ្ទះវិញ ដោយបន្សល់ទុកពាក្យមួយឃ្លាថា “សូមបងប្អូនកុំយកតម្រាបតាមខ្ញុំ” ៕
ដោយ៖ប៉ែន សុផល
បាត់ដំបង៖បុរសជាគ្រូបង្រៀនម្នាក់មានគំនិតគិតខ្លីបានយកខ្សែអង្រឹងទៅចងកសម្លាប់ខ្លួននៅក្នុងបន្ទប់សាលារៀនដោយមិនដឹងមូលហេតុ ដែលហេតុការណ៍ធ្វើអត្តឃាតដោយចងកសម្លាប់ខ្លួនខាងលើនេះបានកើតឡើងនៅវេលាម៉ោង៦ និង០០នាទីព្រឹកថ្ងៃទី២៣ ខែមីនា ឆ្នាំ២០១៧នៅចំណុចក្នុងសាលាបឋមសិក្សាតាគ្រាម ស្ថិតនៅក្នុងភូមិតាគ្រាម ឃំុតាគ្រាម ស្រុកបាណន់ ខេត្តបាត់ដំបង។
សមត្ថកិច្ចប្រាប់អោយដឹងថា ជនរងគ្រោះឈ្មោះសំ រស់ ភេទប្រុស អាយុ៤៣ឆ្នាំ រស់នៅភូមិក្រពើជើង ឃុំភ្នំសំពៅ ស្រុកបាណន់ ខេត្តបាត់ដំបង មុខរបរគ្រូបង្រៀនថ្នាក់ទី៣នៅសាលាបឋមសិក្សាតាគ្រាមបានធ្វើអត្តឃាតដោយយកខ្សែអង្រឹងពណ៌ខៀវចងកជាប់ទៅនឹងធ្នឹមបន្ទប់ដេកចាំសាលាសម្លាប់ខ្លួនដោយមិនដឹងមូលហេតុ ដោយមានបន្សល់ទុកលិខិតមួយច្បាប់សរសេរថា(សុំដើរមួយថ្ងៃទៀតហើយ)។
ក្រោយកើតហេតុសមត្ថកិច្ចបានចុះទៅដល់ពិនិត្យនិងធ្វើកោសលវិច្ច័យឃើញថា ជនរងគ្រោះពិតជាបានចងកសម្លាប់ខ្លួនពិតប្រាកដ មិនមែនជាករណី ឃាតកម្មនោះទេ។ បច្ចុប្បន្នសពជនរងគ្រោះត្រូវបានសមត្ថកិច្ចប្រគល់អោយក្រុមគ្រូសារយកទៅធ្វើបុណ្យតាមប្រពៃណី៕
ដោយ៖បក្សីចាំក្រុង
ភ្នំពេញ៖ជនសង្ស័យម្នាក់ត្រូវបានប្រជាពលរដ្ឋចាក់សោរពីខាងក្រៅហើយហៅសមត្ថកិច្ចមកចាប់ខ្លួនមកកាន់ប៉ុស្តិ៍នគរបាល កាលពីវេលាម៉ោង១០ព្រឹកថ្ងៃទី២៣ ខែមីនា ឆ្នាំ២០១៧ នៅចំណុចផ្ទះដែលចាក់សោរ ក្នុងភូមិតាកេរ សង្កាត់កំបូល ខណ្ឌពោធិ៍សែនជ័យ។
ជនសង្ស័យខាងលើមានឈ្មោះ យឹម ចាន់ណា អាយុ២៦ឆ្នាំ មុខរបរមិនពិតប្រាកដ ស្នាក់នៅមិនពិតប្រាកដ មានស្រុកកំណើតនៅភូមិ តាកេរ សង្កាត់កំបូល ខណ្ឌពោធិ៍សែនជ័យ។
ប្រភពព័ត៌មានពីសមត្ថកិច្ចបានអោយដឹងថា មុនពេលកើតហេតុ ម្ចាស់ផ្ទះខាងលើបានចាក់សោរត្រឹមត្រូវហើយបានចេញទៅក្រៅបាត់ លុះពេលត្រលប់មកវិញក៏ស្រាប់តែឃើញជនសង្ស័យនៅក្នុងផ្ទះ ហើយម្ចាស់ផ្ទះក៏ចាក់សោរពីខាងក្រៅ រួចក៏ប្តឹងទៅសមត្ថកិច្ចតែម្តង។
ក្រោយពេលសមត្ថកិច្ចបាននាំខ្លួនជនសង្ស័យខាងលើទៅកាន់ប៉ុស្តិ៍នគរបាលរដ្ឋបាលយុត្តិធម៌កំបូលដើម្បីធ្វើការសាកសួរនិងកសាងសំណុំរឿងបញ្ជូនទៅតុលាការ៕
រាជធានីភ្នំពេញ៖ករណីសំណុំរឿង ជួប សម្លាប់ មិនបញ្ចប់ត្រឹមផ្តន្ទាទោសឲ្យជាប់គុគមួយជីវិតនោះទេ ប៉ុន្តែតុលាការបានសម្រេចបំបែកសំណុំរឿងមួយទៀត ដោយប្រកាសបើកការស៊ើបអង្កេតទៅលើអ្នកផ្តល់អាវុធដើម្បីសម្លាប់លោក កែម ឡី និងអ្នកនាំឃាតករជួបសម្លាប់មកស្គាល់លោក កែម ឡី ថែមទៀត ។
គួរបញ្ជាក់ថា ឃាតក ជួប សម្លាប់ ត្រូវបានតុលាការសម្រេចកាត់ទោសដាក់គុកមួយជីវិត ពាក់ព័ន្ធករណីបាញ់សម្លាប់ បណ្ឌិត កែម ឡី កាលពីថ្ងៃទី១០ ខែកក្កដា ឆ្នាំ២០១៦ នៅចំណុចក្នុងទីតាំងស្តារម៉ាត នៃស្ថានីយប្រេងឥន្ធនៈកាល់តិច បូកគោ ស្ថិតនៅកាច់ជ្រុងមហាវិថីព្រះមុនីវង្ស និងមហាវិថីម៉ៅសេទុង ក្នុងសង្កាត់ទន្លេបាសាក់ ខណ្ឌចំការមន។
យ៉ាងណាក៏ដោយ នៅក្នុងសវនាការជាបន្តបន្ទាប់ឃាតក «ជួប សម្លាប់» បានសារភាពថា ខ្លួនជាអ្នកបាញ់សម្លាប់ លោកបណ្ឌិត កែម ឡី ដោយសារខឹងលោក កែម ឡី ជំពាក់ប្រាក់មិនសង ហើយអះអាងថា គ្មានអ្នកនៅពីក្រោយខ្នងនៃឃាតកម្មនេះនោះទេ។
ដូច្នេះ សំណុំរឿង ជួប សម្លាប់ មិនបានបញ្ចប់ត្រឹមផ្តន្ទាទោសដាក់គុគមួយជីវិតនោះទេ ។ ប៉ុន្តែតុលាការនឹងបន្តការស៊ើបអង្កេតអ្នកណាព័ន្ធបន្តទៀត ហើយមិនដឹងថា អ្នកណាខ្លះដែលត្រូវនាំយកមកផ្តន្ទាទោសជាបន្តបន្ទាប់ទៀត ពាក់ព័ន្ធករណី ជួប សម្លាប់ នេះ៕
វ៉ាស៊ីនតោន៖សារព័ត៌មាន New York Post ចេញផ្សាយនៅមុននេះបន្តិចថា មានករណីបាញ់ប្រហារគ្នាមួយបានកើតឡើងនៅភាគខាងជើងរដ្ឋ Wisconsin សហរដ្ឋអាមេរិកបណ្តាលឲ្យមន្ត្រីប៉ូលិសម្នាក់ និងមនុស្សបីទៀតបានបាត់បង់ជីវិត។
ប៉ូលិសក្នុងតំបន់លោក Wllay Sparks បានថ្លែងថា ករណីបាញ់ប្រហារនេះផ្តើមចេញពីការឈ្លោះប្រកែកគ្នានៅក្នុងធនាគារមួយកន្លែង នៅភាគខាងជើងរដ្ឋ Wisconsin។ ប្រភពបញ្ជាក់ថា មន្ត្រីដែលបានបាត់បង់ជីវិតខាងលើគឺមន្ត្រីនៅក្នុងស្ថាប័នរបស់លោក ខណៈជនសង្ស័យដែលជាប់ពាក់ព័ន្ធនៅក្នុងករណីនេះ កំពុងស្ថិតក្រោមការឃុំខ្លួន។ លោកបន្ថែមថា ការបាញ់ប្រហារបានកើតឡើងនៅទីតាំងចំនួនបីកន្លែងរួមមានធនាគារ, ក្រុមហ៊ុនច្បាប់, និងផ្ទះល្វែងនៅភាគខាងជើងរដ្ឋ៕
ខេត្តកណ្តាល៖កម្លាំងនគរបាលប៉ុស្តិ៍ព្រែកអំបិលបានឃាត់ខ្លួនយុវជនម្នាក់ បន្ទាប់ពីរួមភេទជាមួយក្មេងស្រីអនីតិជនអាយុ១២ឆ្នាំ ដែលការឃាត់ខ្លួនឡើងកាលពីវេលាម៉ោង០៥ និង៣០នាទីល្ងាចថ្ងៃទី២២ ខែមីនា ឆ្នាំ២០១៧តាមពាក្យបណ្តឹងម្តាយក្មេងស្រីរងគ្រោះនៅចំណុចភូមិព្រែកក្របៅទី២ ឃុំព្រែកអំពិល ស្រុកខ្សាច់កណ្ដាល ខេត្តកណ្ដាល។
ជនរងគ្រោះឈ្មោះស.ស.ល ភេទស្រី អាយុ១២ឆ្នាំ មុខរបរនៅក្នុងបន្ទុកឪពុកម្តាយ មានទីលំនៅភូមិឃុំកើតហេតុ ចំណែកឯជនសង្ស័យមានឈ្មោះ ផល វិត ហៅ ភេទ ភេទប្រុស អាយុ២៧ឆ្នាំមុខរបរបំរើការងារនៅភោជនីយដ្ឋានតាថាង (រាជធានីភ្នំពេញ) មានទីលំនៅភូមិព្រែកក្របៅទី១ ឃុំព្រែកអំពិល ស្រុកខ្សាច់កណ្តាល ខេត្តកណ្តាល។
ប្រភពព័ត៌មានបានឲ្យដឹងថា នៅពេលកើតហេតុជនសង្ស័យបានហៅម៉ូតូឌុបឈ្មោះ តុប តឹម ឲ្យឌុបខ្លួន និងជនរងគ្រោះឲ្យទៅដាក់នៅកំពង់ដរស្វាយជ្រំក្នុងតម្លៃ៦០០០រៀល ពេលឌុបដល់កំពង់ដរស្វាយជ្រំ ជនសង្ស័យបាននាំជនរងគ្រោះឆ្លងទៅភ្នំពេញ ហើយនាំយកទៅដេកនៅផ្ទះសំណាក់នៅម្តុំផ្សារសូរិយា ហើយបានរួមភេទចំនួន៣ដងដល់ម៉ោង០៦ និង០០នាទីល្ងាចថ្ងៃដដែល ម្តាយជនរងគ្រោះបានដើររកកូនស្រីតែមិនឃើញក៍សួរអ្នកភូមិ ហើយបានជួបឈ្មោះ តុប តឹម អ្នករត់ម៉ូតូបានប្រាប់ថា ខ្លួនជាអ្នកឌុបក្មេងស្រីរងគ្រោះនោះ និងជនសង្ស័យទៅកំពង់ដរស្វាយជ្រំ។
បន្ទាប់មកម្តាយជនរងគ្រោះបានមកដាក់ពាក្យបណ្តឹងប្តឹង ឈ្មោះផល វិត កម្លាំងប៉ុស្តិ៍ព្រែកអំពិលសហការកម្លាំងផ្នែកព្រហ្មទណ្ឌ ចុះស្រាវជ្រាវឃាត់ខ្លួនឈ្មោះ ផល វិត ហៅភេទ បញ្ជូនមកអធិការដ្ឋាន នគរបាលស្រុក បន្តអនុវត្តតាមនីតិវិធី។ ផ្អែកលើចម្លើយជនសង្ស័យខាងលើបានសារភាពថា ខ្លួនពិតជាប្រព្រឹត្តអំពើដូចការចោទប្រកាន់របស់ ម្តាយនារីរងគ្រោះពិតប្រាកដមែន៕
រាជធានីភ្នំពេញ៖នៅមុននេះបន្តិចចៅក្រមសាលាដំបូងរាជធានីភ្នំពេញបានប្រកាសសាលក្រម ដោយសម្រេចផ្តន្ទាទោសជនជាប់ចោទឈ្មោះ អឿត អាង ហៅ ជួប សម្លាប់ ដាក់ពន្ធនាគារមួយជីវិតពាក់ព័ន្ធនឹងការបាញ់សម្លាប់លោកបណ្ឌិត កែម ឡី៕
ក្រចេះ៖មានភាពសោកសង្រេងបានកើតឡើងក្នុងគ្រួសារមួយដោយកុមារាអាយុ៧ឆ្នាំម្នាក់បានធ្លាក់ទឹកស្រះក្បែរផ្ទះបណ្តាលឲ្យលង់ស្លាប់ដោយអត់មានអ្នកជួយសង្គ្រោះទាន់ឡើយ ដែលហេតុការណ៍បានកើតឡើងនៅភូមិសង្គម ឃុំសណ្ដាន់ ស្រុកសំបូរ ខេត្តក្រចេះកាលពីរសៀលថ្ងៃទី២២ ខែមីនា ឆ្នាំ២០១៧។
សមត្ថកិច្ចបានឲ្យដឹងថា កុមាររងគ្រោះ ឈ្មោះហួយ សុខខា ភេទប្រុស អាយុ៧ឆ្នាំ មានទីលំនៅភូមិសង្គម ឃុំសណ្ដាន់ ស្រុកសំបូរ ខេត្តក្រចេះបានលង់ទឹកស្រះបណ្ដាលអោយស្លាប់។សាកសពខាងលើបន្ទាប់ពីកម្លាំងនគរបាលយើងពិនិត្យឃើញថា ពិតជាលង់ទឹកស្រះស្លាប់មែនហើយក៍ធ្វើកំណត់ហេតុប្រគល់សាកសឲ្យទៅក្រុមគ្រួសារធ្វើបុណ្យតាមប្រពៃណី៕
រាជធានីភ្នំពេញ៖អគ្គិសនីកម្ពុជា បានចេញសេចក្តីជូនដំណឹង ប្រកាសផ្អាកផ្គត់ផ្គង់ចរន្តអគ្គិសនី នៅតាមតំបន់មួយចំនួន ក្នុងរាជធានីភ្នំពេញ និងខេត្តកណ្តាល រយៈពេល ៤ថ្ងៃចាប់ថ្ងៃទី២៣-២៦ ខែមីនា ឆ្នាំ២០១៧ ដើម្បីអនុវត្តការងារជួសជុល ផ្លាស់ប្តូរ តម្លើងបរិក្ខា និងបង្កលក្ខណៈងាយស្រួលដល់ការដ្ឋានពង្រីកផ្លូវ៕
រាជធានីភ្នំពេញ៖ក្រសួងមហាផ្ទៃបានប្រកាសថា សមាជវិសាមញ្ញជ្រើស រើសប្រធាន និងអនុប្រធានថ្មី របស់គណបក្សសង្គ្រោះជាតិ កាលពីថ្ងៃទី០២ ខែមីនាកន្លងទៅគឺខុសច្បាប់ នេះបើយោងតាមសេចក្តីជូនដំណឹងរបស់ក្រសួងមហាផ្ទៃចេញផ្សាយថ្ងៃទី២២មិនា ឆ្នាំ២០១៧នេះ។
សេចក្តីជូនដំណឹងរបស់ក្រសួងមហាផ្ទៃ ក៏បានស្នើឲ្យគណបក្សសង្គ្រោះជាតិ ដូរពាក្យស្លោករបស់ខ្លួន ព្រោះសារ នយោបាយរបស់គណបក្សសង្គ្រោះជាតិ «ដូរមេឃុំបម្រើបក្ស ដាក់មេឃុំបម្រើរាស្ត្រ» មានខ្លឹមសារផ្ទុយនឹងស្មារតីរដ្ឋធម្មនុញ្ញឆ្នាំ១៩៩៣ ច្បាប់ស្តីពីគណបក្សនយោបាយ ច្បាប់ស្តីពីការបោះឆ្នោតជ្រើសរើសក្រុមប្រឹក្សាឃុំ សង្កាត់ និងច្បាប់ស្តីពីការគ្រប់គ្រងរដ្ឋបាលឃុំ សង្កាត់ ពិសេសរបបប្រជាធិបតេយ្យសេរីពហុបក្សនៅកម្ពុជា និងគោលការណ៍នៃប្រព័ន្ធបោះឆ្នោតសមាមាត្រ៕
ឡុងដ៍៖នៅទីក្រុងឡុងដ៍ប្រទេសអង់គ្លេស មានផ្ទុះភេរវកម្មបាញ់ប្រហារដ៏កក្រើកមួយនៅខាងក្រៅសភា បណ្តាលឲ្យមនុស្ស៥នាក់ស្លាប់ ក្នុងនោះមានប៉ូលីសម្នាក់និងក្រុមភេរវករម្នាក់ផងដែរ ។ ចំណែកអ្នករងរបួសធ្ងន់ស្រាលមានរហូតដល់ជាង២០នាក់ ។ នេះបើតាមសារព័ត៌មាន Channel News Asia ចេញផ្សាយ Update នាយប់ថ្ងៃទី២២ ខែមីនា ឆ្នាំ២០១៧នេះ។
ប៉ូលិសអង់គ្លេស បានឲ្យដឹងថា ហេតុការណ៍នេះបានចាត់ទុកថា វាគឺជាហេតុការណ៍ភេរវកម្ម។ មន្ត្រីសភាមួយរូបបានឲ្យដឹងថា មនុស្សចំនួន២នាក់ ត្រូវបានគេបាញ់ប្រហារ នៅខាងក្រៅសភា ហើយអគារសភា ត្រូវបានបិទជាបណ្តោះអាសន្ន ចំណែកសមាជិកសភាដែលកំពុងប្រជុំនោះ ត្រូវបានណែនាំឲ្យស្ថិតនៅក្នុងអគារសភា។
លោកស្រីនាយករដ្ឋមន្ត្រី Theresa May គឺមានសុវត្ថិភាព បន្ទាប់ពីមានការបាញ់ប្រហារនៅខាងក្រៅនៃអគារសភា។ នេះបើតាមអ្នកនាំពាក្យរបស់ លោកស្រី បានឲ្យដឹងយ៉ាងដូច្នេះ។ ប៉ុន្តែអ្នកនាំពាក្យរូបនេះមិនបានបញ្ជាក់ថា អ្នកស្រីនាយករដ្ឋមន្ត្រី ស្ថិតនៅទីណានោះទេ នៅពេលដែលការវាយ ប្រហារបានកើតឡើង៕
ភ្នំពេញ៖រថយន្តបែនដឹកដីជាច្រើនគ្រឿង ដែលកំពុងបើកដឹកដី និងបំផ្លាញផ្លូវបេតុង ក្នុងភូមិថ្មគោល សង្កាត់ ចោមចៅ ខណ្ឌពោធិ៍សែនជ័យ ទៅចាក់នៅដីឡូត៌មួយកន្លែងក្នុងភូមិខាងលើនេះ ត្រូវបានកម្លាំងសណ្ដាប់ ធ្នាប់សាលាខណ្ឌ បានសហការណ៏ជាមួយកម្លាំងប្រជាការពារភូមិ បានធ្វើការឃាត់ និងនាំយកទៅរក្សា ទុកបណ្ដោះអាសន្ន នៅសាលាខណ្ឌ ដើម្បីឲ្យម្ចាស់ ចូលខ្លួនទៅដោះស្រាយ។ ដែលការឃាត់នោះនៅក្នុង ខណៈពេលដែលក្រុមរថយន្តខាងលើ កំពុងធ្វើសកម្មភាពដឹកដីចាក់យ៉ាងគគ្រឹកគគ្រេង នៅក្នុងភូមិនោះ កាល ពីវេលាម៉ោង១និង៣០នាទីរសៀល ថ្ងៃទី២២ ខែមិនា ឆ្នាំ២០១៧។
រថយន្តដែលត្រូវឃាត់នាពេលនោះ មានចំនួនជិត១០គ្រឿង ដែលមួយចំនួនជាប្រភេទរថយន្តយីឌុប និងមួយចំនួនទៀជាប្រភេទបែនកង់៦ និងបានដឹកដីចេញពីក្នុងភូមិសាស្ត្រ សង្កាត់គីឡូម៉ែត្រលេខ៩ ខណ្ឌឫស្សីកែវ រាជធានីភ្នំពេញ ទៅចាក់នៅក្នុងដីឡូត៌ខាងលើ ដែលម្ចាស់ដីឡូត៌មួយនោះ ជាបុគ្គលមាន អំណាចម្នាក់ ហើយគេមិនបានដឹងថាការចាក់ដីនេះ មានច្បាប់ទម្លាប់ឬអត់នោះឡើយ។
លោកស្រី ស៊ន សាវឿន មេភូមិថ្មគោលបាននិយាយថា លោកស្រីមិនបានដឹងថា ការចាក់ដីនោះមានច្បាប់ឬ អត់នោះទេ ប៉ុន្តែក្រុមរថយន្តដឹកដីខាងលើ កំពុងឈានទៅរកការបំផ្លិចបំផ្លាញផ្លូវបេតុងនៅក្នុងភូមិ និងបាន ធ្វើឲ្យប្រជាពលរដ្ឋក្ដៅក្រហាយ ព្រោះតែការបើកលឿនហុយ ប៉ះពាល់ការរស់នៅរបស់ពួកគាត់។ ដោយសារ តែមានការថ្នាំងថ្នាក់ពីសំណាក់បងប្អូនប្រជាពលរដ្ឋាបែបនេះហើយ ទើបអាជ្ញាធរខណ្ឌបានបញ្ជាឲ្យកម្លាំង សណ្ដាប់ធ្នាប់សហការជាមួយកម្លាំងប្រជាការពារភូមិ ចុះទៅឃាត់រថយន្តទាំងនោះ នាទៅកាន់សាលាខណ្ឌ៕
