ខេត្តកណ្តាល៖បុរសជាជនរងគ្រោះម្នាក់បានស្លាប់បាត់បង់ជីវិតនៅកណ្តាលថ្នល់ ដោយសារគ្រោះថ្នាក់ចរាចរណ៍បើកម៉ូតូវ៉ារថយន្តមិនផុតទៅបុករថយន្តនៅខាងមុខក្នុងទិដៅបញ្ច្រាស ដែលហេតុការណ៍នេះបានកើតឡើងកាលពីវេលាម៉ោង១៧និង៣០នាទីថ្ងៃទី១៥ ខែមីនា ឆ្នាំ២០១៧ នៅតាមបណ្តោយផ្លូវជាតិលេខ០១ចន្លោះគីឡូម៉ែត្រលេខ១៧-១៨ស្ថិត នៅភូមិទួលក្របៅ ឃុំគគីរ ស្រុកកៀនស្វាយ ខេត្តកណ្តាល ។
សមត្ថកិច្ចនគរបាលចរាចរណ៍ស្រុកកៀនស្វាយបានឲ្យដឹងថា ជនរងគ្រោះមានឈ្មោះភោគ.ទ្រីភេទប្រុសអាយុ៦០ឆ្នាំ(ខ្មែរ)មុខរបរកសិករមានទីលំនៅភូមិព្នៅ ឃុំព្រៃឈរ ស្រុកកំពង់ត្របែក ខេត្តព្រៃវែងបើកបរម៉ូតូម៉ាកហុងដា ស៊េរី២០១៥ពណ៌ខ្មៅពាក់ស្លាកលេខភ្នំពេញ1CV.7239ក្នុងទិសដៅអ្នកលឿង ភ្នំពេញ។ ចំណែករថយន្តបង្កជាប្រភេទកុងតឺន័រពណ៌ក្រហមពាក់ស្លាកលេខភ្នំពេញ3C.0818បើកបរក្នុងទិសដៅបញ្ច្រាស់ភ្នំពេញ.អ្នកលឿង (អ្នកបើកបរមិនស្គាល់អត្តសញ្ញាណរត់គេចខ្លួនបាត់)។
សមត្ថកិច្ចនគរបាលចរាចរណ៍បានឲ្យដឹងទៀតថា គ្រោះថ្នាក់ចរាចរណ៍ខាងលើបណ្តាលមកពីជនរងគ្រោះបានបើកម៉ូតូលឿនខ្វះការប្រុងប្រយត្ន័ដល់ចំណុចកើតហេតុបានបើកវ៉ារថយន្តនៅខាងមុខក្នុងទិសដៅស្របក៍វាក់និងរថយន្តកុងតឺនរ័បើកមកខាងមុខក្នុងទិសដៅបញ្ច្រាស់បណ្តាលឲ្យរថយន្តបុកពេញទំហឹងបោកក្បាលនៅកណ្តាលថ្នល់បណ្តាលឲ្យបែកក្បាលស្លាប់នៅកន្លែងកើតហេតុតែម្តង៕
ម៉ាឡេស៊ី៖ឧបនាយករដ្ឋមន្ត្រីម៉ាឡេស៊ី អាម៉េដ ហ្សាហ៊ីដ ហាមីឌី បានថ្លែងថា ម៉ាឡេស៊ីបានរកឃើញអត្តសញ្ញាណសពលោក គីម ជុងណាម ដោយផ្អែកលើសំណាក DNA ដែលយកចេញកូនប្រុសរបស់លោក គីម ជុងណាម។ នេះដោយយោងតាមការចុះផ្សាយរបស់សារព័ត៌មាន Channel News Asia។
លោកបញ្ជាក់ថា បុរសកាន់លិខិតឆ្លងដែនឈ្មោះ គីម ចុល ដែលត្រូវគេធ្វើឃាតនៅម៉ាឡេស៊ីនោះពិតជាលោក គីម ជុងណាំ បងប្រុសម្ដាយទីទៃរបស់មេនាំកូរ៉េខាងជើងលោក គីម ជុងអ៊ុន ប្រាកដមែនដោយផ្អែកលើ DNA កូនប្រុសរបស់លោក ដែលគេជឿជាក់ថាកំពុងរស់នៅកន្លែងសម្ងាត់មួយក្នុងទីក្រុងម៉ាកាវ ប្រទេសចិន។
ឧបនាយករដ្ឋមន្ត្រីម៉ាឡេស៊ី លោក Ahmad Zahid Hamidi ថ្លែងប្រាប់អ្នកសារព័ត៌មានយ៉ាងដូច្នេះថា «ខ្ញុំសូមបញ្ជាក់ជាថ្មីម្ដងទៀតថា បុរសម្នាក់នោះ គឺពិតជាលោក គីម ជុងណាំ… ហើយការបញ្ជាក់នេះធ្វើឡើងដោយផ្អែកលើ DNA កូនប្រុសរបស់លោក»។
ទោះបីយ៉ាងជុំវិញព័ត៌មានថ្មីចុងក្រោយនេះ មិនទាន់មានប្រតិកម្ម ឬការបកស្រាយណាមួយពីកូរ៉េខាងជើងនោះឡើយ ខណៈសង្គ្រាមការទូតរវាងប្រទេសទាំងពីរហាក់មានភាពស្ងប់ស្ងាត់បន្តិចហើយ។ ជាងនេះទៅទៀត គ្មានសាច់ញាតិណាម្នាក់ ចេញមុខទៅទទួលសពនោះឡើយ។
គួរបញ្ជាក់ថា លោក គីម ជុងណាម បងប្រុសម្ដាយទីទៃនឹងមេដឹកនាំកូរ៉េខាងជើង លោក គីម ជុងអ៊ុន នោះ ត្រូវបានគេធ្វើឃាតកាលពីថ្ងៃទី១៣ ខែកុម្ភៈ នៅពេលស្ត្រីពីរនាក់បានខ្ទប់ថ្នាំគីមីពុល VX ទៅលើមុខរបស់លោក នៅឯព្រលានយន្តអន្តរជាតិទីក្រុងគួឡាឡំពួរ៕
សុខភាព៖ផ្លែកន្ទួតសម្បូរទៅដោយវីតាមីន C, ប្រូតេអ៊ីន, ជាតិសរសៃ និងសារធាតុខនិជ ។
– ប្រភពវីតាមីន C៖ ផ្លែកន្ទួតមានកម្រិតវីតាមីន C ខ្ពស់ជាងពពួកផ្លែក្រូចទៅទៀត។ វាមានកម្រិតវីតាមីន C ខ្ពស់ជាងផ្លែចក្រូចដល់ទៅ ៣០ដង។ ការស្រាវជ្រាវបានរកឃើញថាវីតាមីន C អាចកាត់បន្ថយភាពធ្ងន់ធ្ងរនៃជំងឺផ្តាសាយ, ដើរតួរជាសារធាតុធម្មជាតិប្រឆាំងនឹងអ៊ីសស្តាមីន និងជំនួយដល់ប្រព័ន្ធភាពស៊ាំ។ ដើម្បីទទួលបានវីតាមីន C ពេញលេញពីផ្លែកន្ទួត អ្នកត្រូវពិសារវាទាំងស្រស់។
– អង់ទីអុកស៊ីដង់៖ អាហារដែលសម្បូរទៅដោយអង់ទីអុកស៊ីដង់អាចការពារពីរ៉ាឌីកាល់សេរីដែលបង្ករគ្រោះថ្នាក់ធ្ងន់ធ្ងរជាច្រើនដល់សុខភាព រួមមានជំងឺមហារីកផងដែរ។ ផ្លែកន្ទួតគឺជាផ្លែឈើដែលសម្បូរទៅដោយសារធាតុអង់ទីអុកស៊ីដង់ ដូចជា quercetin (ដែលមានក្នុងផ្លែប៉ម), អាស៊ីត gallic និង អាស៊ីត ellagic (ដែលមានក្នុងតែបៃតង) និង corilagin។
– ប្រឆាំងនឹងជំងឺមហារីក៖ ការសិក្សារស្រាវជ្រាវមួយដែលបានសិក្សាដោយអ្នកស្រាវជ្រាវនៅប្រទេសជប៉ុនបានរកឃើញថាទឹករបស់ផ្លែកន្ទួតអាចបង្ករការលូតលាស់នៃកោសិកាមហារីក។ កោសិកាដែលមានប្រតិកម្មល្អបំផុតជាមួយនឹងទឹកកន្ទួតគឺកោសិការបស់ក្រពះ ស្បែក និងស្បូន។
– ប្រឆាំងនឹងបញ្ហារលាក៖ ផ្លែកន្ទួតត្រូវបានគេដឹងថាមានគុណសម្បត្តិព្យាបាលបញ្ហារលាក ដូចជា បញ្ហារលាកច្រមុះ និងភ្នែក ហើយវាក៏ត្រូវបានគេរកឃើញថាអាចកាត់បន្ថយបញ្ហារលាកដែលបង្ករឡើងដោយបញ្ហាសន្លាក់ផងដែរ។
– គុណសម្បត្តិផ្សេងៗរបស់ផ្លែកន្ទួត៖ មិនថាអ្នកញ៉ាំវាទាំងស្រស់ឬក្រៀម ឬលាយជាមួយនឹងថ្នាំរុក្ខជាតិផ្សេងទៀត ឬប្រើជាគ្រឿងបន្ថែមរសជាតិនោះទេ ផ្លែកន្ទួតគឺជាផ្លែឈើមួយដែលមានគុណសម្បត្តិជាច្រើនចំពោះសុខភាព។ ការស្រាវជ្រាវបានបង្ហាញថា វាអាចជួយបង្ការរ៉ាឌីកាល់សេរី, ប្រឆាំងជំងឺមហារីក និងកាត់បន្ថយការរលាកដែលបង្ករមកពីជំងឺផ្សេងៗ។ វាថែមទាំងជួយគ្រប់គ្រងការបញ្ចេញចោល និងជួយព្យាបាលបញ្ហាទល់លាមក ព្រោះវាសម្បូរទៅដោយជាតិសរសៃ និងជួយបង្ការជំងឺកាតារ៉ាក់ចំពោះអ្នកដែលមានជំងឺទឹកនោមផ្អែមដោយការរារាំង aldose reductase ដែលជាសមាសធាតុបង្ករឲ្យមានជំងឺកាតារ៉ាក់។ ផ្លែកន្ទួតក៏អាចជួយកាត់បន្ថយបញ្ហាស្ត្រេសផងដែរ។ វាក៏ត្រូវបានគេរកឃើញថា ដើរតួជាថ្នាំងងុយគេង ដែលជួយដល់ការគេង,ការសម្រាករបស់សាច់ដុំ និងមានប្រសិទ្ធភាពធ្វើឲ្យអារម្មណ៍ស្ងប់៕
រាជធានីភ្នំពេញ៖គណៈកម្មាធិការជាតិ រៀបចំការបោះឆ្នោត (គ.ជ.ប) បានបង្ហាញឈ្មោះ ស្លាកសញ្ញាគណបក្ស និងអក្សរកាត់គណបក្ស សម្រាប់ដាក់លើសន្លឹកឆ្នោត ក្នុងការបោះឆ្នោតជ្រើសរើស ក្រុមប្រឹក្សាឃុំ សង្កាត់ អាណត្តិទី៤ នាថ្ងៃទី៤ ខែមិថុនា ឆ្នាំ២០១៧ខាងមុខនេះ៕
ដោយ៖ប៉ែន សុផល
ខេត្តបាត់ដំបង៖ករណីប៉ងរំលោភឈានដល់សម្លាប់ទារិកាម្នាក់និងបង្ករអោយរបួសមនុស្ស៤នាក់ទៀតកាលពីដើមខែមីនាត្រូវសមត្ថកិច្ចនគរបាលឃាត់ខ្លួនជនសង្ស័យបាន។
លោកឧត្តមសេនីយត្រី ជេត វណ្ណី ស្នងការរងទទួលផែននគរបាលយុត្តិធម៌នៃស្នងការនគរបាលខេត្តបាត់ដំបងបានអោយដឹងថា ជនសង្ស័យដែលរត់គេចខ្លួនមួយរយះបន្ទាប់ពីបានធ្វើសកម្មប៉ងរំលោភឈានដល់សម្លាប់ទារិកាម្នាក់និងបង្ករអោយមនុស្ស៤នាក់ទៀតរងរបួសធ្ងន់និងស្រាលពេលនេះត្រូវសមត្ថកិច្ចឃាត់ខ្លួនបានក្រោមការស៊ើបអង្កេតផ្អែកតាមជំនាញប្រកៀកប្រកិតរយះពេល១៣តាំងពីនៅចំនុចបន្ទាត់ព្រំដែនរហូតដល់ជនសង្ស័យមកសម្ងំគេចខ្លួនក្នុងមូលដ្ឋានស្រុងមោងឬស្សី ខេត្តបាត់ដំបង។
ជនសង្ស័យមានឈ្មោះហុង ពិសី ភេទប្រុស អាយុ៣២ឆ្នាំមុខ រស់នៅភូមិគីឡូ១៣ ឃុំសន្តិភាព ស្រុកសំពៅលូន ជននេះជាមុខសញ្ញាចាស់ធ្លាប់សម្លាប់មនុស្ស១ករណីរួចមកហើយនៅក្នុងទឹកដីប្រទេសថៃកាលពីប៉ុន្មានឆ្នាំមុន។
គួរបញ្ជាក់ថា ជនដៃដល់កាលពីថ្ងៃទី២ ខែមីនា ឆ្នាំ២០១៧កន្លងមកនេះបានព្យាយាមប៉ងចាប់រំលោភក្មេងស្រីមិនបានសម្រេចរហូតដល់សម្លាប់ទារិកាម្នាក់ដោយវាយនិងដុំឥដ្ឋត្រង់ក្បាលនិងបានវ៉ៃអោយរបួសធ្ងន់និងស្រាលមនុស្សចំនួន៤នាក់ផ្សេងទៀតហើយគេចខ្លួនរហូតមក៕
ដោយ៖បក្សីចាំក្រុង
ភ្នំពេញ៖ខណៈពេលនេះនៅផ្ទះសំណាក់មានជ័យមានករណីមនុស្សប្រុសស្លាប់នៅមិនទាន់ដឹងមូលហេតុទេសមត្ថកិច្ចកំពុងធ្វើការស្រាវជ្រាវ។
ទីតាំងកើតហេតុនៅក្នុងបន្ទប់ផ្ទះសំណាក់យីហោ “មានជ័យ” ស្ថិតតាមបណ្តោយផ្លូវវ៉ងស្រេង ភូមិត្រពាំងថ្លឹង ដង្កាត់ចោមចៅ១ ខណ្ឌពោធិ៍សែនជ័យ។ សមត្ថកិច្ចជំនាញកំពុងធ្វើការស្រាវជ្រាវ៕
រាជធានីភ្នំពេញ៖គណបក្សប្រជាជនកម្ពុជា សម្រេចបន្ថែមថវិកាដល់សមាជិករបស់ខ្លួននៅឃុំ-សង្កាត់ សម្រាប់ការចំណាយក្នុងពេលបោះឆ្នោតថ្នាក់ក្រោមជាតិ នៅខែមិថុនាខាងមុខនេះ ដោយសម្រេចផ្តល់ថវិកា បីលានរៀល បន្ថែមទៀតក្នុង ១ឃុំ-សង្កាត់ ។
លោក សុខ ឥសាន អ្នកនាំពាក្យគណបក្សប្រជាជនកម្ពុជា ឲ្យដឹងទៀតថា ពីមុនគណបក្សនេះបានផ្តល់ថវិកាចំនួន ១០លានរៀលម្តងហើយក្នុងមួយឃុំ ឬសង្កាត់ តែដោយសារមានតម្រូវការជាក់ស្តែងគណបក្សក៏ទម្លាក់លុយបន្ថែម៣លានរៀលទៀត។
លោក សុខ ឥសាន បញ្ជាក់ថា បើមួយឃុំឬមួយសង្កាត់ត្រូវចាយលុយចំនួន១៣លានរៀល មានន័យថា សរុបទាំងជាង១៦០០ឃុំនិងសង្កាត់ទូទាំងប្រទេស គណបក្សប្រជាជនកម្ពុជាត្រូវបានចំណាយជាង៥លានដុល្លារក្នុងការបោះឆ្នោតជ្រើសរើសក្រុមប្រឹក្សាឃុំ សង្កាត់ឆ្នាំនេះ។
យ៉ាងណាក៏ដោយ មានការរិះគន់ថា ថវិកាទាំងអស់នោះមិនសូវបានធ្លាក់ដល់ដៃមន្ត្រីមូលដ្ឋានទាំងអស់ទេ ប៉ុន្តែក្រុមការងារថ្នាក់ជាតិដែលចុះជួយមូលដ្ឋានជាអ្នកបោះមេក្នុងការចាត់ចែងចាយលុយទាំងអស់នោះ៕
សុខភាព៖ផ្លែ Lanzones ឬត្រូវបានគេហៅថា ផ្លែឡុងកុង នៅកម្ពុជាយើង មិនត្រឹមតែជាប្រភេទផ្លែឈើដែលមានរសជាតិឆ្ងាញ់ប៉ុណ្ណោះទេ ប៉ុន្តែ វាក៏ជួយធ្វើឲ្យមានសុខភាពល្អដ៏មិននឹកស្មានដល់ផងដែរ។ ផ្លែឡុងកុង គឺជាប្រភេទផ្លែឈើដ៏សាមញ្ញនៅអាស៊ីអាគ្នេយ៍ ហើយមិនថាលោកអ្នកបរិភោគដោយឆៅ ឬចំអិនក៏ដោយ វានៅតែផ្តល់អត្ថប្រយោជន៍ដ៏អស្ចារ្យដល់សុខភាព ហើយអត្ថប្រយោជន៍ទាំងនោះរួមាន៖
១. សារធាតុសរសៃ
ផ្លែឡុងកុង អាចផ្តល់ឲ្យលោកអ្នកនូវសារធាតុសរសៃច្រើនជាង២ក្រាម ប្រសិនបើអ្នកបរិភោគវា ហើយវានឹងផ្តល់នូវសារធាតុនេះកាន់តែច្រើនទៅទៀត ប្រសិនបើអ្នកញ៉ាំរាល់ថ្ងៃនោះ។ ការញ៉ាំបន្លែ ឬផ្លែឈើដែលមានសារធាតុសរសៃច្រើន ពិតជាមានអត្ថប្រយោជន៍ដល់រាងកាយរបស់អ្នកក្នុងការប្រយុទ្ធប្រឆាំងនឹងបញ្ហាបេះដូង។
២. សារធាតុវីតាមីន B2
ប្រសិនបើអ្នកបរិភោគផ្លែឡុងកុង អ្នកនឹងទទួលបានសារធាតុវីតាមីន B2 ដែលផ្នែកមួយនៃវីតាមីន B។ វីតាមីននេះនឹងជួយបង្កើនសារធាតុកាបូហៃដ្រេត ដែលជួយឲ្យធ្វើប្រព័ន្ធសរសៃប្រសាទមានដំណើរការល្អ។
៣. ប្រឆាំងនឹងសារធាតុពុល
ផ្លែឡុងកុង មិនត្រឹមតែមានសារធាតុដ៏សំខាន់ក្នុងការប្រឆាំងនឹងជាតិពុលក្នុងខ្លួនមនុស្សប៉ុណ្ណោះទេ ប៉ុន្តែ វាក៏មានវីតាមីន A ដែលល្អសម្រាប់ជួយដល់ភ្នែកផងដែរ។ ក្រៅពីការជួយឲ្យភ្នែកភ្លឺ និងដោះស្រាយការបញ្ហានៃការមើលឃើញ ផ្លែឡុងកុង នឹងប្រឆាំងនឹងជាតិពុលជាច្រើនដែលធ្វើឲ្យកើតជំងឺមហារីក បេះដូង ទឹកនោមផ្អែម និងការឡើងសម្ពាធឈាមខ្ពស់។ ហេតុនេះ ផ្លែឡុងកុងស្រស់ៗពិតជាមានអត្ថប្រយោជន៍ដ៏អស្ចារ្យដល់សុខភាព ហើយក្រៅពីនេះ សំបករបស់វាក៏មានអត្ថប្រយោជន៍ក្នុងការដេញសត្វមូសឲ្យទៅឆ្ងាយផងដែរ៕
ខេត្តបន្ទាយមានជ័យ៖អាជ្ញាធរថៃបានដឹកបញ្ជូនសពពលករខ្មែរ២នាក់មកប្រគល់ឲ្យសាច់ញាតិរៀបចំធ្វើបុណ្យតាមប្រពៃណីកាលពីព្រលប់ថ្ងៃទី១៤ មីនា ឆ្នាំ២០១៧ម្សិលមិញនេះ តាមច្រកទ្វារអន្តរជាតិប៉ោយប៉ែត ខេត្តបន្ទាយមានជ័យ។
ដែលម្នាក់ស្លាប់ដោយសារខ្យល់គរ និងម្នាក់ទៀតស្លាប់ដោយសារធ្លាក់ពីលើអគារការដ្ឋានសំណង់ហើយក្នុងខេត្តជាមួយគ្នាលើទឹកដីថៃត្រូវបានភាគីថៃជួយបញ្ជូនឲ្យ ជនរងគ្រោះស្លាប់ដោយខ្យល់គរ តាមប្រភពពីសាច់ញាតិសពបានប្រាប់សមត្ថកិច្ចថា ជនរងគ្រោះបានស្លាប់នៅវេលាម៉ោង៨យប់ថ្ងៃទី១៣ មីនាដោយសារខ្យល់គរ ឈ្មោះ មៀន សាក់ ភេទប្រុស អាយុ៣១ឆ្នាំ ជាកម្មករសំណង់ និងមានទីលំនៅភូមិកំបោរ ឃុំភ្នំលាប ស្រុកព្រះនេត្រព្រះ ខេត្តបន្ទាយមានជ័យ។ ចំណែកជនរងគ្រោះម្នាក់ទៀតស្លាប់ក្រោយបញ្ជូនដល់មន្ទីរពេទ្យ ដោយធ្លាក់ពីលើអគារការដ្ឋានសំណង់ឈ្មោះ ឆន ធឿន ភេទប្រុស អាយុ១៩ឆ្នាំ ជាកម្មករសំណង់មានទីលំនៅស្រុកមោងឫស្សី ខេត្តបាត់ដំបង៕
រាជធានីភ្នំពេញ៖នារីស្រស់ស្អាតជាកម្មការិនីរងចក្រម្នាក់ត្រូវជនសង្ស័យម្នាក់បានធ្វើសកម្មភាពឆក់កាបូប ហើយជះទឹកអាស៊ីតដាក់ផ្ទៃមុខបណ្តាលឲ្យរងរបួសធ្ងន់ថែមទៀត។ ហេតុការណ៍នេះបានកើតឡើងកាលពីវេលាម៉ោង០៨ និង១០នាទីយប់ថ្ងៃទី១៤ ខែមីនា ឆ្នាំ២០១៧ ស្ថិតនៅខាងត្បូងវិហារចាម ភូមិត្រពាំងពោធិ សង្កាត់ចោមចៅ ខណ្ឌពោធិ៍សែនជ័យ។
នារីរងគ្រោះមានឈ្មោះ ស៊ន ចាន់ទី អាយុ២៣ឆ្នាំ មុខរបរកម្មការិនីរោងចក្រ ស្នាក់នៅភូមិចាក់ជ្រូក សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ។ ប្រភពព័ត៌មានបានឲ្យដឹងថា មុនពេលកើតហេតុគេឃើញជនរងគ្រោះចេញពីធ្វើការ ហើយជិះកង់ទៅរៀនអ៊ុតសក់ដូចសព្វដង លុះជិះកង់ដល់ចំណុចកើតហេតុក៏ស្រាប់តែមានជនសង្ស័យម្នាក់បានរត់មកឆក់កាបូបស្ពាយរបស់នាង ហើយជះទឹកអាស៊ីតលើផ្ទៃមុខនាងថែមទៀត បណ្តាលឲ្យនាងរងរបួសយ៉ាងធ្ងន់ធ្ងរ។ បន្ទាប់ពីឆក់កាបូបបានសម្រេចហើយ ជនសង្ស័យក៏បានរត់គេចខ្លួនបាត់ ចំណែកឯនារីរងគ្រោះត្រូវបានប្រជាពលរដ្ឋរស់នៅក្បែរនោះទូរស័ព្ទហៅរថយន្តសង្គ្រោះបន្ទាន់ ដើម្បីមកដឹកនាងទៅមន្ទីរពេទ្យ។
បច្ចុប្បន្ននារីរងគ្រោះកំពុងតែសម្រាកព្យាបាលនៅមន្ទីរពេទ្យព្រះកុសុមៈ៕
អង់គ្លេស៖តំណាងរាស្ត្រអង់គ្លេសបានបោះឆ្នោតអនុម័តអោយរដ្ឋាភិបាលអង់គ្លេសចាប់ផ្តើមដំណើរការនីតិវិធីដកខ្លួនចេញពីសហភាពអឺរ៉ុប ខណៈដែលដែនដីស្កុតលែនបានជំទាស់ទៅនឹងផែនការចាកចេញនេះ ដោយបានប្រកាសពីផែនការបោះឆ្នោតប្រជាមតិដើម្បីឯករាជ្យពីអង់គ្លេសជាថ្មីម្ដងទៀត។ នេះដោយយោងតាមការចុះផ្សាយរបស់ទីភ្នាក់ងារព័ត៌មាន AFP។
ជាមួយគ្នានោះនាយករដ្ឋមន្ត្រីអង់គ្លេស អ្នកស្រី Theresa May អាចដំណើរការមាត្រា ៥០ នៃសន្ធិសញ្ញាទីក្រុងលីស្បោនរបស់សហភាពអឺរ៉ុប នៅពេលណាមួយក៏បាន ដោយចាប់ផ្ដើមការចរចារយៈពេល ២ឆ្នាំ ដើម្បីធ្វើឲ្យចក្រភពអង់គ្លេសក្លាយជាប្រទេសដំបូងដែលចាកចេញពីប្លុកមួយនេះ។ ទន្ទឹមនោះអ្នកស្រី May នឹងបញ្ជូនសេចក្ដីជូនដំណឹងទៅក្រុមប្រឹក្សាអឺរ៉ុបនៅថ្ងៃស្អែកនេះ នៅពេលសេចក្ដីព្រាងច្បាប់នេះ ត្រូវបានគេរំពឹងថា ទទួលបានការយល់ព្រមពីព្រះមហាក្សត្រីយ៍ Elizabeth ទីពីរ។
គួរបញ្ជាក់ថា ខណៈដែលអង់គ្លេសកំពុងត្រៀមចាកចេញពីអង់គ្លេសនោះ ដែនដីស្កុតលែនឯណោះវិញ បានព្យាយាមបំបែកចេញពីអង់គ្លេស ដោយសារពលរដ្ឋស្កុតលែនភាគច្រើន ជំទាស់នឹងផែនការចាកចេញពីសហភាពអឺរ៉ុប៕
មេគង្គប៉ុស្តិ៍លើបណ្តាញសង្គម
ព័ត៌មានគួរចាប់អារម្មណ៍
