All posts by មេគង្គ ប៉ុស្តិ៍

មន្ដ្រីគយច្រកទ្វារតំបន់ព្រំដែនភ្នំដីបង្ខំអោយជីវិតក្មេងអូសរទេះដើរដល់ភាពទាល់ច្រក

November 21, 2016ព័ត៌មានគួរចាប់អារម្មណ៍, ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ដោយ៖ប៉ែន សុផល
ខេត្តបាត់ដំបង៖ទីស្នាក់ការគយនិងរដ្ឋាករប្រចាំច្រកទ្វាតំបន់ព្រំដែនភ្នំដី ស្រុកសំពៅលូនដែលមានដាក់មន្ដ្រីប្រចាំការចាំយកលុយគ្មានការអនុគ្រោះបង្ខំអោយក្មេងអូសរទេះម្នាក់ដើរដល់ផ្លូវទាល់។
អាជីករម្នាក់រស់នៅមាត់ច្រកទ្វាព្រំដែនភ្នំដី ស្រុកសំពៅលូន ខេត្តបាត់ដំបងសុំមិនបញ្ចេញឈ្មោះ បានប្រាប់(ព័ត៍មានមេគង្គប៉ុស្តិ៍)អោយដឹងនៅថ្ងៃទី១៩ ខែវិច្ឆកា ឆ្នាំ២០១៦កន្លងមកនេះថា លោកស្រីដោយសារតែក្ដីរន្ធត់ហើយដក់នៅក្នុងអារម្មណ៍មិនទាន់បំភ្លេចបាន បានធ្វើអោយលោកស្រីបង្ខំចិត្តផ្ដល់ពត៌មានដល់អ្នកសារពត៌មានដើម្បីជួយផ្សព្វផ្សាយដល់សង្គមទាំងមូលបានជ្រាបនៅជុំវិញហេតុការណ៍ដែលបានកើតឡើងលើក្មេងអូសរទេះម្នាក់កាលពី៥ថ្ងៃមុន។ កាន់តែគិតគូរវែងឆ្ងាយទៅទៀតនៅពេលដែលលោកស្រីដឹងថា ក្មេងដ៍កំសត់ខាងលើនេះមិនបានមកអូសរទេះបន្ដទៀតទេក្រោយពេលជួបហេតុការណ៍ ព្រមទាំងត្រូវម្ដាយវាវ៉ៃជាខ្លាំងថែមទៀតដោយសាររឿងអូសរទេះមិនសូវបានលុយ។
ប្រភពដដែលបានលាតត្រដាងរឿងពិតរបស់ក្មេងនេះអោយដឹងបន្ដរថា ប្រមាណជា៥ថ្ងៃមុនមានក្មេងប្រុសអូសរទេះម្នាក់អាយុប្រហែលជា១២ឆ្នាំបានស៊ីឈ្នួលអូសដឹកទឹកក្រូចអោយគេ ការស៊ីឈ្នួលអូសរទេះជើងនេះបានកម្រៃតិចតួចត្រឹមតែ២០០០រៀលប៉ុណ្ណោះ ដោយសារតែរងសំពាតពីម្ដាយ ក្មេងមិនស្គាល់ឈ្មោះខាងលើមានគំនិតមួយសុំការបង់លុយអោយមន្ដ្រីគយត្រឹមតែ២០០០រៀលទៅ៣០០០រៀល គ្រាបង់ធម្មតាពី៤០០០រៀលទៅ៥០០០រៀលតាមឥវ៉ាន់តិចឬច្រើនក្នុង១ជើង ការគិតរបស់ក្មេងក្នុងគោលបំណងសុំបង់លុយបន្ធូរបន្ថយពីមន្ដ្រីគយនេះដើម្បីជាលេសសុំថ្លៃឈ្នួលអូសរទេះអោយបានកើនច្រើនជាង២០០០រៀល ព្រោះសេវាបង់លុយអោយគយនិងរដ្ឋាករជាការចំណាយរបស់ឈ្មួញម្ចាស់ទំនិញ។
ការសុំលើកលេងរបស់ក្មេងប្រុសកំសត់ខាងលើមិនបានសម្រេចនោះទេព្រោះតែមន្ដ្រីគយមិនមានមនោសញ្ចេតនានិងមិនមានការអនុគ្រោះទោះជាស្ថានភាពក្មេងបែបណាក៍ដោយ ទីបំផុតក្មេងខាងលើនេះបានដើរចេញពីបន្ទប់ទីស្នាក់ការគយនិងរដ្ឋាករទាំងទឹកមុខស្លេកស្លាំងហើយសម្រក់ទឹកភ្នែកដើមទ្រូងអួលណែនដាក់បន្ទុកជាថ្មីម្ដងទៀត បន្ទាប់ពីហេតុការណ៍ដូចគ្នានេះបានកើតឡើងចំនួន២ដងរួចមកហើយកាលពីក្នុងអំឡុងពាក់កណ្ដាលខែតុលាមកដល់ខែវិច្ឆកានេះ។
បច្ចុប្បន្ននេះមានក្មេងប្រុស ស្រីមិនតិចជាង១៥នាក់ឡើយដែលកំពុងតស៊ូពុះពារការលំបាក ប្រឹងប្រែងប្រើប្រាស់ប្រើកម្លាំងបាយប្ដូរនិងលុយដើម្បីដោះស្រាយជីវភាពជួយម្ដាយដែលមានជីវភាពក្រខ្សត់។
លោក ជា វុទ្ធី ប្រធានសាខាគយ និងរដ្ឋាករប្រចាំច្រកតំបន់ព្រំដែនភ្នំដី ស្រុកសំពៅលូនបានបញ្ជាក់ថាប្រហែលជាជនឆ្លៀតឱកាសប្រើឈ្មោះមន្ដ្រីគយ គយមិនមានគោលការណ៍បែបហ្នឹងទេហើយក៏មិនមានការបង់ពន្ធ២០០០រៀលឬ៣០០០រៀលដែរ កាលណាសសេរចាប់ពី២០ម៉ឺន ៣០ម៉ឺន ៥០ម៉ឺន ១លានឬ២លានតាមអត្រាទំនិញ៕

បុរសមួយម្នាក់បានស្លាប់ភ្លាមៗនៅក្នុងករណីគ្រោះថ្នាក់ចរាចរណ៍

November 20, 2016ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ដោយ៖ប៉ែន សុផល
បាត់ដំបង៖យោងតាមសមត្ថកិច្ចបានអោយដឹងថា មានករណីគ្រោះថ្នាក់ចរាចរណ៍មួយបានកើតឡើងរវាងរថយន្តម៉ាកហ៊ីយ៉ាន់ដាយមួយគ្រឿងបានបុកម៉ូតូពេញទំហឹងបណ្តាលអោយអ្នកបើកបរម៉ូតូម្នាក់បានស្លាប់ភ្លាមៗនៅនិងកន្លែង។
ហេតុការណ៍គ្រោះថ្នាក់ចរាចរណ៍ខាងលើនេះបានកើតឡើងកាលពីវេលាម៉ោង១៩ និង០០នាទីថ្ងៃទី១៩ខែវិច្ឆិកា ឆ្នាំ២០១៦ នៅចំណុចភូមិគីឡូ៣៨ ឃុំផ្លូវមាស ស្រុករតនះមណ្ឌល ខេត្តបាត់ដំបង។
សមត្ថកិច្ចនៅកន្លែងកើតហេតុបានប្រាប់អោយដឹងថា រថយន្តដឹកដីបង្ករម៉ាកហ៊ីយ៉ាន់ដាយពណ៌សពាក់ស្លាកលេខកំពង់ចាម 3A.1358 បើកបរដោយបុរសមិនស្គាល់ឈ្មោះទៅបុកនិងម៉ូតូមួយគ្រឿងម៉ាកវ៉េវអាល់ហ្វាពណ៌ខ្មៅពាក់ស្លាកលេខពោធិ៍សាត់1C.0807បើកបរដោយឈ្មោះអន លើនភេទប្រុសអាយុ53ឆ្នាំរស់នៅភូមិទឹកសាប ឃុំផ្លូវមាស ស្រុករតនះមណ្ឌលខេត្តបាត់ដំបង(ស្លាប់)។
សមត្ថកិច្ចបានបន្តថា នៅមុនពេលកើតហេតុគេឃើញម៉ូតូ១គ្រឿងបើកបរក្នុងទិសដៅពីជើងទៅត្បូងលុះទៅដល់ចំណុចកើតហេតុក៍រថយន្តដឹកដីបង្កខាងលើបានបើកចេញពីភ្នំមកបុកម៉ូតូចំពាក់កណ្តាលពេញទំហឹងបណ្តាលអោយស្លាប់ភ្លាមៗនៅនិងកន្លែងតែម្ដង។ ចំណែកអ្នកបើកបររថយន្តរត់គេចខ្លួនបាត់។
ក្រោយពេលកើតហេតុសមត្ថកិច្ចចរាចរណ៍បានចុះទៅដល់ធ្វើការវាស់វែងរួចបានប្រគល់សាកសពអោយទៅក្រុមគ្រួសារយកទៅធ្វើបុណ្យតាមប្រពៃណី។
ចំណែករថយន្តបង្ក និងម៉ូតូត្រូវបានសមត្ថកិច្ចយកទៅរក្សាទុកនៅអធិការដ្ឋាននគរបាលស្រុករតនះមណ្ឌលរង់ចាំធ្វើការដោះស្រាយគ្នាជាក្រោយ៕

ខឹងនារីម៉ាស្សាមិនព្រមស្រឡាញ់ ដុតកន្លែងធ្វើការនាងចោល

November 19, 2016ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ភ្នំពេញ៖ប្រភពព័ត៌មានពីនគរបាលខណ្ឌពោធិ៍សែនជ័យបានឲ្យដឹងថា កាលពីវេលាម៉ោង០៧ និង៥០នាទីយប់ថ្ងៃទី១៨វិច្ឆិកា ២០១៦នេះ នៅចំណុចផ្ទះម៉ាស្សាយីហោ (៩៩៩៩) ផ្ទះលេខ៣៧៥ ផ្លូវ២០០៤ ស្ថិតនៅភូមិត្រពាំងល្វា សង្កាត់កាកាប ខណ្ឌពោធិ៍សែនជ័យ រាជធានីភ្នំពេញ។
មានហេតុការណ៍ភ្ញាក់ផ្អើលមួយដោយសារតែបុរសម្នាក់អាចថា តាមស្រឡាញ់ស្ដ្រីម៉ាស្សាម្នាក់ ដែលបម្រើការនៅផ្ទះម៉ាស្សាយីហោ (៩៩៩៩) មិនបាន ហើយហៅទៅនៅផ្ទះជាមួយមិនព្រមទៀត មានកំហឹងចងអាឃាត រកវិធី ដុតកន្លែងធ្វើការម៉ាស្សារនោះចោល តែត្រូវម្ចាស់ផ្ទះពន្លត់ទាន់ពេលវេលា ក្រោយមកជនសង្ស័យត្រូវបានកម្លាំងកងរាជអាវុធហត្ថខណ្ឌពោធិ៍សែនជ័យ(ឃាត់ខ្លួន)។
បើយោងតាម មន្ដ្រីកងរាជអាវុធហត្ថខណ្ឌ បានឲ្យដឹងថា ជនសង្ស័យបានស្រឡាញ់ស្ដ្រីម៉ាស្សាម្នាក់ ឈ្មោះ ជា ស្រីអូន អាយុ២៥ឆ្នាំ បម្រើការនៅផ្ទះខាងលើរយៈពេលជាង២ខែមកហើយ ដោយជនសង្ស័យបានហៅស្រីមុំ ឲ្យទៅនៅផ្ទះជាមួយប៉ុន្ដែត្រូវនាងប្រកែកព្រោះមិនទាន់ស្គាល់ជនសង្ស័យច្បាស់។ លុះនៅថ្ងៃកើតហេតុ ជនសង្ស័យឈ្មោះ អៀម រដ្ឋា អាយុ២៤ឆ្នាំ មុខរបររត់កង់បី បានមករកឈ្មោះជាស្រីមុំ នៅកន្លែងម៉ាស្សាហើយមានកាន់ថង់មួយ ដាក់ដបសាំងប្រហែល៣លីត្រ និងកាន់ដែកកេះមួយក្នុងដៃ ពេលឃើញ
ដូច្នោះស្រីមុំ បានរត់ចូលក្នុងផ្ទះ ហើយជនសង្ស័យបានដេញតាម និងចាក់សាំងដុតក្នុងផ្ទះតែម្តង ប៉ុន្តែត្រូវបានម្ចាស់ផ្ទះពន្លត់ទាន់ពេល។ មន្ដ្រីដដែលបន្ថែមថា ក្នុងហេតុការនេះ បណ្ដាលឲ្យមនុស្ស២នាក់របួសស្រាល និងខូចខាតសម្ភារៈក្នុងផ្ទះបន្ដិចបន្ទួច ហើយជនសង្ស័យត្រូវបានកម្លាំងល្បាត អាវុធហត្ថខណ្ឌពោធិ៍សែនជ័យឃាត់ខ្លួនបានភ្លាមៗតែម្តង។
ក្រោយឃាត់ខ្លួនជនសង្ស័យត្រូវបានបញ្ជូនទៅសួរនាំ ដើម្បីកសាងសំណុំរឿងចាត់ការបន្ដ៕

ពលរដ្ឋខ្មែរចំនួន៧,៣០៤,៦៦៣នាក់បានទៅចុះឈ្មោះបោះឆ្នោត

November 19, 2016ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

រាជធានីភ្នំពេញ៖គិតត្រឹមម៉ោង៦ល្ងាច ថ្ងៃទី១៨ ខែវិចិ្ឆកា ឆ្នាំ២០១៦ម្សិលមិញនេះមានប្រជាពលរដ្ឋខ្មែរចំនួន៧,៣០៤,៦៦៣នាក់ហើយ បានទៅចុះឈ្មោះបោះឆ្នោត។ នេះបើតាមសេចក្តី ប្រកាសព័ត៌មានរបស់គណៈកម្មាធិការជាតិរៀបចំការបោះឆ្នោត (គ.ជ.ប)៕

សន្តិសុខផ្សារបានឡែមថៃវ៉ៃប្រជាពលរដ្ឋខ្មែររងរបួសធ្ងន់៣នាក់

November 19, 2016ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ដោយ៖ប៉ែន សុផល
បាត់ដំបង៖នៅវេលាម៉ោង១៦ និង៣០នាទីថ្ងៃទ១៨ ខែវិច្ឆិកា ឆ្នាំ២០១៦នៅចំណុចក្នុងផ្សារបានឡែម ភូមិបានឡែម ឃុំទេពនិមិត្ត ស្រុកប៉ូងណាមរ៉ន ខេត្តច័ន្ទបុរី ជាប់ព្រំប្រទល់ស្រុកកំរៀង សន្តិសុខផ្សារថៃវ៉ៃប្រជាពលរដ្ឋកម្ពុជាបណ្តាលអោយរងរបួសធ្ងន់ចំនួន០៣នាក់។
ជនរងគ្រោះទី១.ឈ្មោះ ជា គង់ ភេទប្រុស អាយុ៤៦ឆ្នាំ មុខរបរកម្មករ បែកក្បាលពីកន្លែង ដល់លលាដ៍ក្បាលរបួសធ្ងន់។ ២.ឈ្មោះ រឿត សារ៉ន ភេទប្រុស អាយុ៣៦ឆ្នាំ មុខរបរកម្មករ រងរបួសបែកក្បាលពីរកន្លែងដល់លលាដ៍ក្បាលរបួលធ្ងន់។ ៣.ឈ្មោះ ញ៉ាន វ៉េត ភេទស្រី អាយុ២៩ឆ្នាំ មុខរបរកម្មកររងបបួសកញ្ជាំងកពីក្រោយមួយកន្លែង ដោយត្រូវនិងវត្ថុរឹងរបួសធ្ងន់។ ទាំងបីនាក់រស់នៅភូមិអូរតាគី ឃុំអូរតាគី ស្រុកថ្មគោល ខេត្តបាត់ដំបង។
ចំពោះមុខជនរងគ្រោះទាំង៣នាក់ត្រូវបានដឹកបញ្ជូនទៅសង្គ្រោះបន្ទាន់នៅមណ្ឌលសុខភាពត្រាងស្រុកកំរៀង និងបញ្ជូនទៅកាន់មន្ទីរពេទ្យស្រុកសំពៅលូនរួចហើយ។
មូលហេតុដែលនាំអោយសន្តិសុខផ្សារថៃវ៉ៃដោយសារជនរងគ្រោះមកតប័ត្រប្រចាំសប្តាហ៍ ហើយនាំគ្នាហូបចុកស្រវឹងស្រែកឡូឡា ចោលសំរាមខ្វះអនាម័យ និងនិយាយឡូឡាប៉ះពាល់អ្នកជិតខាង នៅមុខហាងលក់ដូររបស់គេ ពេលសន្តិសុខផ្សារមកណែនាំកើតមានទំនាស់ពាក្យសំដីឈានដល់សន្តិសុខថៃវ៉ៃប្រជាពលរដ្ឋ បច្ចុប្បន្នមានសភាពស្ងប់ស្ងាត់ហើយ។
គួរបញ្ជាក់ផងដែថា ចំពោះប្រជាពលរដ្នថៃចូលមករកស៊ីលក់ដូរនៅលើទឹកដីកម្ពជា បានមកសេរី ទោះមានការខុសឆ្គងយ៉ាងក៍ភាគីកម្ពុជាមិនដែលប្រើអំពើហិង្សា ទៅប្រជាពលរដ្ឋថៃទាំងនោះទេចំណែកអាជ្ញាធរថៃនៅបន្តសកម្មភាពមកលើប្រជាពលរដ្ឋខែ្មរយ៉ាងចាស់ដៃដដែល៕

សមត្ថកិច្ចនាំជនសង្ស័យសម្លាប់ស្ដ្រីបុគ្គលិក «ក្លឹប55» ទៅធ្វើត្រាមតាមពេលសម្លាប់នៅក្នុងបុរីប៉េងហួត

November 18, 2016ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ភ្នំពេញ៖នៅព្រឹកថ្ងៃទី១៨ ខែវិច្ឆិកា ឆ្នាំ២២០១៦នេះ កម្លាំងសមត្ថកិច្ចចម្រុះ រួមមាន កងរាជអាវុធហត្ថ កម្លាំងនគរបាលព្រហ្មទណ្ឌកម្រិតធ្ងន់រាជធានីភ្នំពេញ បាននាំខ្លួនជនសង្ស័យជាឃាតក ដែលសម្លាប់ស្ដ្រីបុគ្គលិក «ក្លឹប55» ទៅធ្វើតំរាប់តាមពេលធ្វើសកម្មភាពសម្លាប់ នៅកន្លែងកើតហេតុ ក្នុងបុរីប៉េងហួត ភូមិទំបន់ សង្កាត់ភ្នំពេញថ្មី ខណ្ឌសែនសុខ។
សូមបញ្ជាក់ថា សមត្ថកិច្ចបានស្រាវជ្រាវឈានដល់ការចាប់ខ្លួនឃាតក ដែលសម្លាប់ស្ត្រីវ័យក្មេងជាបុគ្គលិកក្លឹប៥៥ យកសពទម្លាក់ចោលក្នុងគំនរសំរាម និងបានលាតត្រដាងអាថ៌កំបាំងដែលឃាតកហ៊ានសម្លាប់នារីរងគ្រោះ។
ពាក់ព័ន្ធករណីឃាតកម្មនេះ អាវុធហត្ថរាជធានីភ្នំពេញបានរៀបរាប់នូវដំណើរដើមទងយ៉ាងដូច្នេះថា៖ កាលពីថ្ងៃទី១៦ ខែវិច្ឆិកា ឆ្នាំ២០១៦ មានករណីប្រជាពលរដ្ឋប្រទះឃើញសពនារីម្នាក់ ត្រូវបានគេសម្លាប់យកទៅផ្លុងចោលក្នុងគំនរសំរាម តាមបណ្ដោយផ្លូវ១០០៣ ស្ថិតនៅភូមិទំនប់សង្កាត់ភ្នំពេញថ្មីខណ្ឌសែនសុខ រាជធានីភ្នំពេញ។
បន្ទាប់ពីទទួលបានព័ត៌មានអាវុធហត្ថខណ្ឌសែនសុខ និងកម្លាំងជំនាញអាវុធហត្ថរាជធានីភ្នំពេញ សហការជាមួយការិយាល័យព្រហ្មទណ្ឌកំរិតធ្ងន់ នៃស្នងការដ្ឋាននគរបាលរាជធានីភ្នំពេញ បានធ្វើការស្រាវជ្រាវស្គាល់ អត្តសញ្ញាណជនរងគ្រោះ ឈ្មោះ កែវ កញ្ញា ភេទស្រី អាយុ១៩ឆ្នាំ មុខរបរបុគ្គលិកក្លិប៥៥ ស្នាក់នៅភូមិតានូ សង្កាត់ចាក់អង្រែរក្រោម ខណ្ឌមានជយ័។
បន្ទាប់មកអាវុធហត្ថរាជធានីភ្នំពេញ បានធ្វើការស្រាវជ្រាវតាមដានជាបន្តបន្ទាប់ពីកន្លែងមួយទៅកន្លែងមួយ រហូតដល់ស្រុកកោះធំខេត្តកណ្តាល ទើបចាប់ឃាតកបាន ដោយមានការសហការជាមួយ កម្លាំងអាវុធហត្ថខេត្តកណ្តាល។
តាមចម្លើយសារភាពរបស់ឃាតក ឈ្មោះ យ៉េន សុបញ្ញា អាយុ២០ឆ្នាំ មុខរបរ មិនពិតប្រាកដបានឲ្យដឹងថា ខ្លួននិងនារីរងគ្រោះជាអ្នកស្គាល់គ្នាយូរហើយ នៅរសៀលថ្ងៃទី១៥ ខែវិច្ឆិកា ឆ្នាំ២០១៦ ឃាតកបានខ្ចីសោរផ្ទះមិត្តភក្តិម្នាក់ដែលចាំផ្ទះឲ្យបងប្អូនក្នុងបូរីប៉េងហួត ស្ថិតនៅផ្លូវឧកញ៉ាម៉ុងឬទ្ធី ដោយប្រាប់ថានាំស្រីមកដេក។ បន្ទាប់មកឃាតកបានតេរកជនរងគ្រោះ ឲ្យរកលុយលោះទូរស័ព្ទ អាយហ្វូនខ្លួនយកទៅប្រើ ដោយខ្លួនបានដាក់បញ្ចាំ៣០ដុល្លារ តែមិនមានលុយលោះយកវិញ។
ឃាតកបានឆ្លើយសារភាពទៀតថា នៅវេលាម៉ោងប្រហែល៤៖០០នាទីល្ងាច ជនរងគ្រោះចេញពីកន្លែងធ្វើការ ក៏បានទៅជួបឃាតកនៅម្តុំផ្សារឃ្លាំងរំសេវ ហើយឃាតកបានប្រាប់ថា អ្នកទទួលបញ្ចាំឲ្យទៅយកទូរស័ព្ទនៅផ្ទះឯបុរីប៉េងហួត ផ្លូវឧកញ៉ាម៉ុងឬទ្ធី ជនរងគ្រោះក៏បានជូនឃាតកទៅទីនោះ ពេលទៅដល់ពួកគេបានចូលក្នុងផ្ទះ ហើយឃាតកក៏បានយកខ្សែរភ្លើងរឹតករជនរងគ្រោះសម្លាប់ និងយកខ្សែពួរចងដៃចងជើងបត់ទៅក្រោយ រួចយកភួយមករុំ និងចងខ្សែរពីក្រៅមួយជាន់ទៀត បន្ទាប់មកច្រកចូលក្នុងថង់ធំ រួចលើដាក់លើតួម៉ូតូខាងមុខរបស់ជនរងគ្រោះ ដឹកយកទៅទម្លាក់ចោលនៅគំនរសំរាមក្នុងភូមិសាស្ត្រខាងលើម៉ោងប្រហែលជិត៦៖០០នាទីល្ងាច បន្ទាប់មកយកម៉ូតូជនរងគ្រោះទៅបញ្ចាំ ដើរលេងជក់ថ្នាំជាមួយមិត្តភក្តិពេញមួយយប់មួយថ្ងៃ ទើបទៅសម្រាកនៅផ្ទះជីដូនឋិតនៅផ្លូវវេងស្រេងមួយយប់ លុះព្រឹកឡើងថ្ងៃទី១៧ ខែវិច្ឆិកា ឆ្នាំ២០១៦ ឃាតកនៅមិនសុខ ខ្លាចសមត្ថកិច្ចចាប់បានក៏គេចខ្លួនទៅផ្ទះជីដូនខាងឳពុកចុងម្នាក់ទៀត នៅស្រុកកោះធំ ខេត្តកណ្តាល តែត្រូវអាវុធហត្ថរាជធានីភ្នំពេញ ស្រាវជ្រាវតាមទៅចាប់បាននៅទីនោះតែម្តង។
អាវុធហត្ថរាជធានីភ្នំពេញបានបញ្ជាក់ទៀតថា ឃាតកបានឆ្លើយដោយក្លាហានបន្ថែមថា ដោយសារកន្លងមកខ្លួនជំពាក់លុយគេ២០០ដុល្លារផង និងដោយសារប្រើប្រាស់គ្រឿងញៀនជាប់ជាប្រចាំផង ទើបធ្វើឲ្យខ្លួនគិតអីមិនចេញ ក៏ដាច់ចិត្តសម្លាប់ជនរងគ្រោះដើម្បីប្លន់យកទ្រព្យសម្បត្តិយ៉ាងដូច្នេះតែម្តងទៅ៕

Rooney ត្រូវគ្រូបង្វឹកដកតំណែងពីប្រធានក្រុមជម្រើសជាតិអង់គ្លេស

November 18, 2016កីឡាមេគង្គ ប៉ុស្តិ៍

បាល់ទាត់៖ខ្សែប្រយុទ្ធរបស់ក្លឹបបិសាចក្រហម Manchester United កីឡាករ Wayne Rooney ត្រូវបានគ្រូបង្វឹកបណ្ដោះអាសន្នជម្រើសជាតិអង់គ្លេស លោក Gareth Southgate ដកចេញពីតំណែងប្រធានក្រុម។
យោងតាមសារព័ត៌មាន The sun បានផ្សាយការសម្រេចដកតំណែងនេះបន្ទាប់ពីកីឡាកររូបនេះផឹកគ្រឿងស្រវឹងជ្រុល ខុសនឹងវិន័យរបស់ក្រុម ក្នុងពិធីជប់លៀងមួយ អំឡុងពេលជាប់ភារកិច្ចជាមួយក្រុមជម្រើសជាតិកាលពីថ្ងៃអាទិត្យ។
ដោយឡែកបើតាមសហព័ន្ធបាល់ទាត់អង់គ្លេស (FA) បានឲ្យដឹងថា គ្រូបង្វឹក Southgate បានប្រាប់ឲ្យកីឡាករអង់គ្លេសទាំងអស់ រួមទាំងប្រធានក្រុម Rooney ប្រញាប់ចូលគេង ប៉ុន្តែកីឡាករវ័យ៣១ឆ្នាំ បែរជាលួចទៅចូលរួមពិធីជប់លៀងអាពាហ៍ពិពាហ៍រហូតដល់ម៉ោង៥ជិតភ្លឺ នៅសណ្ឋាគារ The Grove ថែមទាំងត្រូវបានគេថតជាប់ផឹកស្រវឹងជាមួយស្រីៗ២នាក់ទៀតផង។
គួរបញ្ជាក់ថា FA គ្រោងនឹងប្រកាសតែងតាំងលោក Southgate ជាគ្រូបង្វឹកក្រុមអង់គ្លេសផ្លូវការនៅចុងខែនេះ៕

ក្លឹបនៅក្របខ័ណ្ឌ League One ទាក់ទង Gerrard ទៅកាន់តំណែងអ្នកចាត់ការ

November 18, 2016កីឡាមេគង្គ ប៉ុស្តិ៍

កីឡា៖ក្លឹប MK Dons ដែលជាក្លឹបទើបតែបង្កើតថ្មីក្នុងឆ្នាំ ២០០៤ កំពុងលេងនៅក្របខ័ណ្ឌ League One ត្រូវបានគេរាយការណ៍កំពុងទាក់ទងអតីតសមាជិកក្រុម Liverpool និងជម្រើសជាតិអង់គ្លេស Steven Gerrard ទៅកាន់តំណែងអ្នកចាត់ការទូទៅជំនួសលោក Karl Robinson ។
ចាប់តាំងពីថ្ងៃដែលប្រកាសចេញពី LA Galaxy មូលដ្ឋាននៅអាមេរិកកាលពីពេលថ្មីៗ ខែក្រោយនេះខ្សែបម្រើវ័យ៣៦ឆ្នាំរូបនេះ នៅមិនទាន់សម្រេចចិត្តច្បាស់នៅឡើយថា នឹងបន្តលេងបាល់ទាត់ ឬព្យួរស្បែកជើងចូលនិវត្តន៍ ខណៈដែល Celtic និង Newcastle United ទាក់ទងទៅលេងផងដែរ។
គួរបញ្ជាក់ថា បច្ចុប្បន្ន Gerrard កាន់ UEFA A Coaching License ដែលជាសញ្ញាប័ត្រគ្រូបង្វឹកខ្ពស់កម្រិតទី២ នៅតំបន់អឺរ៉ុប៕

លទ្ធផលនៃកិច្ចប្រជុំគណៈកម្មាធិការអចិន្ត្រៃយ៍នៃរដ្ឋសភាព្រឹកមិញ

November 18, 2016ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

រាជធានីភ្នំពេញ៖សេចក្តីប្រកាសព័ត៌មានផ្លូវការ ស្តីពីលទ្ធផលនៃកិច្ចប្រជុំគណៈកម្មាធិការអចិន្ត្រៃយ៍នៃរដ្ឋសភា នៅថ្ងៃសុក្រ ទី១៨ ខែវិច្ឆិកា ឆ្នាំ២០១៦នេះ។ សេចក្តីប្រកាសផ្លូវការនេះ បានចេញផ្សាយឲ្យដឹងក្រោយ កិច្ចប្រជុំគណៈកម្មាធិការអចិន្ត្រៃយ៍ ក្រោមអធិបតីភាព សម្តេច ហេង សំរិន ប្រធានរដ្ឋសភា បានបិទបញ្ចប់នៅថ្ងៃដដែលនេះ៕

ពលរដ្ឋខ្មែរចំនួន៧,២៧៣,៧៤៨នាក់បានទៅចុះឈ្មោះបោះឆ្នោត

November 18, 2016ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

រាជធានីភ្នំពេញ៖គិតត្រឹមម៉ោង៦ល្ងាច ថ្ងៃទី១៧ ខែវិចិ្ឆកា ឆ្នាំ២០១៦ម្សិលមិញនេះមានប្រជាពលរដ្ឋខ្មែរចំនួន៧,២៧៣,៧៤៨នាក់ហើយ បានទៅចុះឈ្មោះបោះឆ្នោត។ នេះបើយោងតាមសេចក្តីប្រកាសព័ត៌មានគណៈកម្មាធិការជាតិរៀបចំការបោះឆ្នោត (គ.ជ.ប)៕

ភ្ជង់យក Zoomer-X មួយគ្រឿងនៅសង្កាត់ទំនប់ទឹកយប់មិញ

November 18, 2016ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

រាជធានីភ្នំពេញ៖ជនសង្ស័យប្រដាប់អាវុធ៦នាក់ធ្វើសកម្មភាពភ្ជង់ប្លន់យកម៉ូតូម៉ាក Zoomer-X ពីនិស្សិតបញ្ញាសាស្ត្រម្នាក់ទៅបាត់នៅ ខណៈជិះម៉ូតូចេញពីធ្វើធ្មេញ ដែលករណីនេះកើតឡើងកាលពីវេលាម៉ោង៧ និង១៥នាទីយប់ថ្ងៃទី១៧ ខែវិច្ឆិកា ឆ្នាំ២០១៦ នៅចំណុចក្បែររបងសាកលវិទ្យាល័យវិទ្យាសាស្ត្រសុខាភិបាល តាមបណ្ដោយផ្លូវលេខ១៨៣ សង្កាត់ទំនប់ទឹក ខណ្ឌចំការមន ។
ជនរងគ្រោះមានឈ្មោះ ទ្រីវ ជុងគាត ភេទប្រុស អាយុ២៤ឆ្នាំ ជានិស្សិតបញ្ញាសាស្ត្រ ស្នាក់នៅផ្ទះលេខ៤៥ ផ្លូវលេខ១០៧ សង្កាត់តាខ្មៅ ក្រុងតាខ្មៅ ខេត្តកណ្តាល ជិះម៉ូតូម៉ាក Zoomer-X ពណ៌ប្រផេះបិទស្កុតខៀវ ពាក់ស្លាកលេខ កណ្តាល 1S-8668 ។
ជនរងគ្រោះបានឲ្យដឹងថា មុនពេលកើតហេតុខ្លួនបានចេញមកពីធ្វើធ្មេញនៅជិតសាកលវិទ្យល័យមេគង្គនៅតាមបណ្តោយផ្លូវលេខ២០០២ ក្នុងសង្កាត់ទឹកថ្លា ខណ្ឌសែនសុខ គោលបំណងទៅហូបអាហារនៅម្តុំក្រោយវិទ្យាស្ថានវ៉ាន់ដាគណនេយ្យ។ លុះជិះម៉ូតូមកដល់ចំណុចផ្លូវលេខ២៧១កែងផ្លូវលេខ១៨៣ ស្រាប់តែលេចមុខជនសង្ស័យប្រដាប់អាវុធ១ក្រុមមានគ្នា៦នាក់ ជិះម៉ូតូ៣គ្រឿង ១គ្រឿងម៉ាក PCX ពណ៌ស មិនចាំស្លាកលេខ ១គ្រឿងម៉ាកស៊ុយស៊ីគីនិក និង១គ្រឿងទៀតមិនចាំម៉ាក ជិះមកជិតហើយកៀរម៉ូតូជនរងគ្រោះឲ្យចូលកៀនរួចដកកាំភ្លើងខ្លីភ្ជង់គំរាមប្លន់យកម៉ូតូទៅបាត់ ប៉ុន្តែសំណាង់ល្អហើយដែលក្រុមចោរទាំងនោះមិនបានបាញ់ កុំអីមិនដឹងជាយ៉ាងណាទេ ។
ក្រោយពេលកើតហេតុ ជនរងគ្រោះបានទៅដាក់ពាក្យបណ្តឹងនៅប៉ុស្តិ៍នគរបាលទំនប់ទឹកដើម្បីឲ្យសមត្ថកិច្ចស្រាវជ្រាវតាមចាប់ក្រុមជនសង្ស័យប្រដាប់អាវុធដែលថ្លើមធំហ៊ានចេញធ្វើសកម្មភាពទាំងក្បាលព្រលប់យកមកផ្តន្ទាទោសតាមច្បាប់៕

គណៈកម្មការអចិន្ត្រៃយ៍នៃរដ្ឋសភា បើកកិច្ចប្រជុំពិភាក្សាលើរបៀបវារៈមួយចំនួន

November 18, 2016ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

រាជធានីភ្នំពេញ៖នៅព្រឹកថ្ងៃទី១៨ ខែវិច្ឆិកា ឆ្នាំ២០១៦នេះ គណៈកម្មការអចិន្ត្រៃយ៍នៃរដ្ឋសភាបើកកិច្ចប្រជុំពិភាក្សាលើរបៀបវារៈមួយចំនួនក្រោមអធិបតីភាព សម្តេច ហេង សំរិន ប្រធានរដ្ឋសភា។
របៀបវារៈមួយចំនួន ដែលនឹងពិភាក្សារួមមាន ការពិភាក្សាលើច្បាប់ស្តីពីការប្រែប្រួលអាកាសធាតុ នៃកិច្ចព្រមព្រៀងទីក្រុងប៉ារីស របស់អង្គការសហប្រជាជាតិ ច្បាប់ទូទាត់ថវិកាឆ្នាំ២០១៥ និងច្បាប់ស្តីពីការ គ្រប់គ្រងថវិកាជាតិ ឆ្នាំ២០១៧ និងរបៀបវារៈផ្សេងៗមួយចំនួនទៀត។
គួរបញ្ជាក់ថា នៅព្រឹកថ្ងៃទី១៨ ខែវិច្ឆិកានេះ គណៈកម្មការអចិន្ត្រៃយ៍នៃរដ្ឋសភា បើកកិច្ចប្រជុំរៀបចំរបៀបវារៈខាងលើ សម្រាប់ប្រជុំសភាពេញអង្គ នៅថ្ងៃទី២២ ខែវិច្ឆិកា ឆ្នាំ២០១៦ ខាងមុខនេះ៕

រុស្ស៊ីវាយប្រហារតាមអាកាសទៅលើគោលដៅក្រុមរដ្ឋអ៊ីស្លាមមួយចំនួននៅស៊ីរី

November 18, 2016ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

រុស្ស៊ី៖ក្រសួងការពារជាតិរុស្ស៊ីបានប្រកាសពីថ្ងៃម្សិលមិញថា គ្រាប់មីស៊ីលដែលបានទម្លាក់ពីលើយន្តហោះរុស្ស៊ីប្រភេទ Tu-95MS បានធ្លាក់ត្រូវគោលដៅក្រុមរដ្ឋអ៊ីស្លាម និងគោលដៅផ្សេងទៀតនៅក្នុងផែនការវាយប្រហារមួយចំនួនរបស់ប្រទេសរុស្ស៊ីនៅក្នុងប្រទេសស៊ីរី។
ជាមួយគ្នានេះមីស៊ីលមួយចំនួនទៀតត្រូវបានបាញ់ចេញពីតំបន់សមុទ្រម៉េឌីទែរ៉ាណេ ខណៈយន្តហោះមួយចំនួនត្រូវបានបញ្ជូនចេញពីមូលដ្ឋានទ័ពអាកាសនៅប្រទេសរុស្ស៊ីដោយធ្វើដំណើរចម្ងាយ១ម៉ឺន១ពាន់គីឡូម៉ែត្រដោយចាក់ប្រេងតាមផ្លូវធ្វើដំណើរចំនួន២ដង។
ក្រសួងការពារជាតិបានបញ្ជាក់ថា គោលដៅដែលត្រូវធ្វើការវាយប្រហរទាំងនោះមានដូចជាកន្លែងធ្វើប្រតិបត្តិការ ឃ្លាំងស្តុកគ្រឿងផ្ទុះដូចជាអាវុធ គ្រឿងផ្ទុះ និងកាំភ្លើងព្រមទាំងកន្លែងផលិតអាវុធផងដែរ៕

បាក់ស្រុតអណ្ដូងរ៉ែនៅតួកគីសលាប់៣នាក់ និង១៣នាក់ជាប់គាំង

November 18, 2016ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

តួកគី៖មនុស្សយ៉ាងហោចណាស់ចំនួន៣នាក់បានស្លាប់ ខណៈដែល១៣នាក់ផ្សេងទៀតជាប់គាំងនៅក្នុងអណ្ដូងនោះនៅឡើយ ក្នុងហេតុការណ៍បាក់ស្រុតអណ្ដូងរ៉ែស្ពាន់មួយកន្លែងនៅភាគអាគ្នេយ៍នៃប្រទេសតួកគីកាលពីយប់មិញនេះ។
អាជ្ញាធរនិយាយថា អណ្ដូងរ៉ែរបស់ឯកជននៅជិតទីក្រុងស៊ើវ៉ា នៅខេត្តស៊ើត នេះបានបាក់ធ្លាក់ក្រោយពីមានគ្រោះថ្នាក់បាក់ស្រុតដីមួយកន្លែងនៅក្នុងតំបន់នោះ។ ក្រោយពីមានគ្រោះថ្នាក់នេះហើយ អាជ្ញាធរមូលដ្ឋានបានបញ្ជូនរថយន្តសាមុយនិងក្រុមអ្នកជួយសង្គ្រោះទៅកាន់កន្លែងនោះ ហើយក្រុមអ្នកជួយសង្គ្រោះបានរកឃើញសាកសពកម្មករជីករ៉ែចំនួន៣នាក់នៅកន្លែងកើតហេតុ។
ទោះជាយ៉ាងណាភ្លាមៗនោះអាជ្ញាធរមូលដ្ឋានមិនទាន់ដឹងពីមូលហេតុពិតដែលនាំឲ្យមានគ្រោះថ្នាក់នេះនៅឡើយទេ៕

ពៅ បញ្ញាពេជ្រ នឹងបង្ហាញវត្តមានលើកដំបូងលើឆាកប្រគំតន្ត្រីយប់នេះ

November 18, 2016ព័ត៌មានថ្មីចុងក្រោយ, ព្រឹត្តិការណ៍កម្ពុជា, សិល្បៈ / កម្សាន្តមេគង្គ ប៉ុស្តិ៍

រាជធានីភ្នំពេញ៖ក្រោយការបាញ់ប្រហារឲ្យធ្លាក់ខ្លួនពិការអស់រយៈពេល១០ឆ្នាំ តារាចម្រៀងសំឡេងរៃកណ្តឹងកញ្ញា ពៅ បញ្ញាពេជ្រ នឹងបង្ហាញខ្លួនបញ្ចេញសំនៀងជាលើកដំបូងនៅលើឆាកតន្ត្រី POCARI SWEAT ដែលមានការផ្សាយផ្ទាល់លើកញ្ចក់ទូរទស្សន៍ CNC នៅថ្ងៃសុក្រ ទី១៨ ចាប់ពីម៉ោង ៧ យប់តទៅ។
ជាមួយនឹងការបង្ហាញខ្លួនគួរឲ្យភ្ញាក់ផ្អើលនេះ ពៅ បញ្ញាពេជ្រ បាននិយាយថា «ស្ថានីយ៍ទូរទស្សន៍ CNC បានផ្តល់កិតិ្តយសអោយនាងខ្ញុំបានឡើងច្រៀងក្នុងកម្មវិធីផ្សាយផ្ទាល់របស់ POCARI SWEAT នៅថ្ងៃទី១៨ ខែវិច្ឆិកា ឆ្នាំ២០១៦នេះវេលាម៉ោង៧យប់ បងប្អូនចង់ចូលរួមទស្សនាទេ ជួបជាមួយអ្នកចំរៀងពិការ ពៅ បញ្ញាពេជ្រ»៕(ប្រភព CNC )