ភ្នំពេញ៖ រថយន្តលោក កឹម សុខា ប្រធានស្ដីទីគណបក្សសង្គ្រោះជាតិ នៅថ្ងៃទី២៦ ឧសភា វេលាម៉ោង ១១ និង៣០នាទីព្រឹក ត្រូវសមត្ថកិច្ចឃាត់នៅលើផ្លូវនរោត្តមក្បែរសាលាពញាហុក ប៉ុន្តែលោក កឹម សុខា មិននៅក្នុងរថយន្តនោះទេ។បន្ទាប់មកបានអនុញ្ញាតរថយន្តនោះបន្តទៅមុខទៀតជាធម្មតា ក្រោយ ពេលរកមិនឃើញលោក កឹម សុខា ។
គណបក្សសង្គ្រោះជាតិ បានចេញសេចក្តីជូនដំណឹងភ្លាមៗថា រថយន្តលោក កឹម សុខា ត្រូវសមត្ថកិច្ចឃាត់នៅតាមបណ្តោយផ្លូវនរោត្តម ហើយសមត្ថកិច្ចបានតាមទៅកាន់ទីស្នាក់ការកណ្ដាលបក្សនៅចាក់អង្រែថែមទៀត។
ម៉ោងប្រមាណ១២កន្លះ គេឃើញសមត្ថកិច្ចប្រដាប់ដោយអាវុធ បានប្រហែលបួន ដប់នាក់ នៅឈរច្រូងច្រាងមុខទីស្នាក់ការកណ្ដាលបក្សសង្គ្រោះជាតិនៅសង្កាត់ចាក់អង្រែ ខណៈមានពលរដ្ឋយ៉ាងច្រើនមានការភ្ញាក់ផ្អើល។
ប្រភព បានឲ្យដឹងថា រហូតមកដល់ម៉ោងប្រហែល១៦ៈ៣០នាទីរសៀលនេះ ទិដ្ខភាពប្រជាពលរដ្ឋជាច្រើនបានចោមរោមពាសពេញនៅមុខទីស្នាក់ការកណ្តាលរបស់គណបក្សសង្គ្រោះជាតិ ដើម្បីតាមដានពីស្ថានភាពរបស់សមត្ថកិច្ចដែលគេអះអាងថា កំពុងស្វែងរកលោក កឹម សុខា ៕
សិល្បៈ ៖តារាចម្រៀងដែលកំពុងមានប្រជាប្រិយភាពក្នុងស្រទាបយុវវ័យអ្នកនាង ពេជ្រ សោភា ត្រូវបានក្រុមគ្រួសារបញ្ជូនទៅកាន់មន្ទីរ ពេទ្យ នាប្រទេសថៃ បន្ទាប់ពីជំងឺរបស់នាងបានធ្វើទុក្ខកាលពីថ្ងៃទី២៥ ខែឧសភា ឆ្នាំ២០១៦ គឺឈាមសស៊ីឈាមក្រហម។
ខេត្តបាត់ដំបង ៖បុរសម្នាក់បានរងរបួសស្ទើរសុសសាច់ដោយសារត្រូវកម្ទេចគ្រាប់មីនដែលផ្ទុះ ខណៈកំពុងកាប់ដីដំបូកខាងក្រោយផ្ទះដើម្បីយកទៅចាក់រោងគោ។ ហេតុការណ៍នេះកើតឡើងកាលពីវេលាម៉ោង០៨ និង៣០នាទីព្រឹកថ្ងៃទី២៦ ខែឧសភា ឆ្នាំ២០១៦ នៅភូមិតាសែន ឃុំត្រាង ស្រុកកំរៀង ខេត្តបាត់ដំបង ។
អត្ថបទ៖ លោក វិធិន ក្រចេះ ៖កម្លាំងនគរបាលការិយាល័យប្រឆាំងបទល្មើសខេត្តក្រចេះ ដឹកនាំដោយលោកវរសេនីយ៍ទោ អុឹម ប៊ុនធឿន នាយរងការិយាល័យប្រឆាំងបទល្មើសខេត្ត សហការជាមួយ សង្កាត់រដ្ឋបាលព្រៃឈើថ្មគ្រែ ចាប់ឃាត់រថយន្តដឹកសាច់សត្វព្រៃមួយគ្រឿង ចំណែកឯម្ចាស់រថយន្តបានរត់គេចខ្លួនបាត់។
រាជធានីភ្នំពេញ ៖រហូតមកដល់ពេលនេះ ករណីគ្រោះថ្នាក់ចរាចរណ៍ ដែលពាក់ព័ន្ធតារាចម្រៀង លោក ខេម នៅមិនទាន់ដោះស្រាយនៅឡើយ ក្នុងពេលដែលតារាចម្រៀងរូបនោះ នៅតែអះអាងថា គាត់មិនខុសនោះទេ អ្នកខុសគឺភាគីជនរងគ្រោះ ។ ប៉ុន្តែសំណុំរឿងគ្រោះថ្នាក់ចរាចរណ៍ ដែលបង្កការភ្ញាក់ផ្អើលមួយនេះ ត្រូវបាននគរបាលជំនាញ បញ្ជូនទៅដល់តុលាការផងដែរ។
រាជធានីភ្នំពេញ ៖លោក កឹម សុខា ប្រធានស្តីទីគណបក្សសង្គ្រោះជាតិ នៅព្រឹកនេះមិនបានបន្តចូលឆ្លើយបំភ្លឺតាមការកោះហៅ របស់សាលាដំបូងរាជធានីភ្នំពេញ ទាក់ទងសំណុំរឿងសញ្ចរកម្មក្នុងនាមជាសាក្សីនោះទេ។
In this April 8, 2015 photo, Cambodia’s main opposition Cambodia National Rescue Party Deputy President and National Assembly Deputy President Kem Sokha, center, speaks to the media outside the Phnom Penh Municipality Court in Phnom Penh, Cambodia. The senior leader of Cambodia’s opposition party was stripped of his post as the vice-president of parliament in a skewed and unexpected vote Friday, Oct. 30, 2015 that was attended only by the ruling party. (AP Photo/Heng Sinith)
លោក ប៉ែនសុផល បាត់ដំបង៖ បែកធ្លាយក្រុមហ៊ុនប្រមូលសំរាម ស៊ិន ទ្រី កម្ពុជាចំកាត់សាខាខេត្តបាត់ដំបង បានសំងំលួចតទឹករបស់អង្គភាពរដ្ឋាករទឺកខេត្តបាត់ដំបងប្រើប្រាស់រយះពេលជិត២ឆ្នាំ ។
លោក ឃន ណារិទ្ធ មន្ដ្រីការិយាល័យរដ្ឋបាលរដ្ឋាករទឹកបានអោយដឹងថា៖ បន្ទាប់ពីមានការងឿងឆ្ងល់និងការផ្ដល់ពត៌មានសម្ងាត់ពីប្រជាពលរដ្ឋក្បែរមូលដ្ឋាននេះ ក្រុមការងាររបស់អង្គភាពរដ្ឋាករទឹកខេត្តសហការជាមួយកម្លាំងសមត្ថកិច្ចមូលដ្ឋានផងនោះបានចុះពិនិត្យទុយោទឹកជាក់ស្ដែងនៅវេលាម៉ោង៤.០០នាទីល្ងាច ថ្ងៃទី២៣ ខែឧសភា ឆ្នាំ២០១៦លើទីតាំងមុខការដ្ឋានរបស់ក្រុមហ៊ុនទទួលសិទ្ធិប្រមូលសំរាមឋិតក្នុងភូមិជ្រៃកោង សង្កាត់ស្លាកែត ក្រុងបាត់ដំបង ខេត្តបាត់ដំបង មន្ដ្រីជំនាញបានរកឃើញការលួចកាត់ខ្នែងទុយោដើម្បីទាញយកបើកទឹកប្រើប្រាស់នៅពេលយប់ស្ងាត់។
ក្រោយពីការរកឃើញភស្ដុតាងជំហាននទី១ហើយ ក្រុមការងារបានរុករកបន្ដររកឃើញទុយោទន់១ខ្សែនិងទុយោរឹង៣ទៅ៤ដើមរួមទាំងសំណាកទឹកនៅក្នុងពាងដែលកម្មករក្រុមហ៊ុនស៊ិន ទ្រី បានប្រើប្រាស់ប្រចាំថ្ងៃ ជាទឹករបស់អង្គភាពរដ្ឋាករទឹកមិនមែនជាទឹកអណ្ដូងឡើយ។ ក្នុងការលួចតទឹកប្រើប្រាស់រយះពេលជិត២ឆ្នាំមកនេះបានធ្វើអោយប៉ះពាល់ដល់ចំណូលថវិការជាតិយ៉ាងធ្ងន់ធ្ងរព្រោះបរិមាណនៃការប្រើប្រាស់វាមានវិសាលភាពធំធេងគ្របដណ្ដប់ទៅលើការដ្ឋានទាំងមូលដែលមានបុគ្គលិកកំពុងស្នាក់នៅចំនួនជាង២០គ្រួសារ ហើយក្នុង១គ្រួសារមានសមាជិកចាប់ពី៣នាក់ឡើងទៅ។ ជាងនេះទៀតនៅបរិមាណទឹកលាងសំអាតរថយន្ដអនាម័យនៅក្នុងការដ្ឋាននេះផងដែរ។
ឆ្លើយតបនៅក្នុងការចោទប្រកាន់នេះភាគីខាងអ្នកគ្រប់គ្រងរបស់ការដ្ឋានក្រុមហ៊ុន ស៊ិន ទ្រី សាខាខេត្តបាត់ដំបង លោក តូ ថានរិទ្ធ មានឥរិយាបទហាក់ទទួលស្គាល់ជុំវិញបទល្មើសជាក់ស្ដែងនេះប៉ុន្ដែបានសុំឱកាសជួបប្រជុំជាមួយក្រុមកម្មកររបស់ក្រុមហ៊ុនសិនទ្រី បន្ទាប់មកនឹងចូលខ្លួនដោះស្រាយជាមួយភាគីរដ្ឋាករទឹកនៅថ្ងៃទី២៥ ខែឧសភា ឆ្នាំ២០១៦នេះ៕
ខេត្តរតនគិរី ៖ស្នេហាអាថ៌កំបាំងដែលបង្កឡើងអស់រយៈកាលជាយូឆ្នាំកន្លងមកហើយរវាងគ្រួសារពីររួមរស់ក្នុងស្រុកភូមិជាមួយគ្នាហើយក៏ត្រូវជាខ្សែស្រឡាយបងប្អូនជាមួយគ្នាផងដែរ លុះដល់ពេលបែកធ្លាយរឿងអាថ៍កំបាំងខ្មាស់ញ្ញាតិមិត្តភូមិ ផងរបងជាមួយបែរជាផ្ទុះកំហឹងបញ្ចប់ជីវិតខ្លួនឯងដោយកាំភ្លើងកែច្នៃស្លាប់ភ្លាមៗយ៉ាងអាណោចអាធ័ម ។ ហេតុការណ៍ភ្ញាក់ផ្អើលនេះកើតឡើងកាលពីព្រឹកថ្ងៃទី២៥ ខែឧសភា ឆ្នាំ២០១៦វេលាម៉ោង៩ និង៣០នាទី។
រាជធានីភ្នំពេញ ៖យោងតាមនាយកដ្ឋាននគរបាលចរាចរណ៍ និងសណ្ដាប់ធ្នាប់សាធារណៈ នៃអគ្គស្នងការដ្ឋាននគរបាលជាតិឲ្យដឹងថា នៅថ្ងៃទី២៥ ខែឧសភា ឆ្នាំ២០១៦ ម្សិលមិញនេះមានគ្រោះថ្នាក់ចរាចរណ៍កើតឡើងចំនួន ៤លើក បណ្ដាលឲ្យមានមនុស្សស្លាប់បាត់បង់ជីវិតចំនួន ២នាក់ រងរបួសធ្ងន់ ១នាក់ និងរបួសស្រាល ១នាក់ ។
លោក ខេមរិន្ទ
ភ្នំពេញ៖ ខណៈជួបតំណាងមូលនិធិ កូហ្វីអាណាន់ (Kofi Annan) កាលពីរសៀលថ្ងៃទី២៣ ខែឧសភា នេះ តំណាងគណបក្សសង្គ្រោះ ជាតិ បានស្នើឲ្យជួយអន្តរាគមន៍ចំពោះការបោះឆ្នោតនៅកម្ពុជា និងស្ថានភាពនយោបាយ ដែលគណបក្សនេះបានអះអាងថា កំពុងអាប់អួរ។ ប៉ុន្តែគណបក្សប្រជាជនកម្ពុជា បានលើកឡើងថា តំណាងមូលនិធិ កូហ្វីអាណាន់ មិនមានអំណាចទាំងអស់នោះទេ ។
តំណាងមូលនិធិ កូហ្វីអាណាន់ (Kofi Annan Foundation) ម្សិលមិញ បានទៅជូបតំណាងគណបក្សសង្គ្រោះជាតិនៅទីស្នាក់ការកណ្ដាល ដើម្បីស្វែងយល់ពីការបោះឆ្នោតនៅកម្ពុជា បន្ទាប់ពីមូលនិធិ កូហ្វី អាណាន់ បានជួបគណៈកម្មាធិការជាតិរៀបចំការបោះឆ្នោត(គ ជ ប) និងគណបក្សប្រជាជនកម្ពុជា។
សន្និសីទសារព័ត៌មានមួយបានធ្វើឡើង នៅក្រោយពេលបញ្ចប់ជំនួប ទ្វេភាគីរវាងតំណាងមូលនីធិ កូហ្វីអាណាន់ ដឹកនាំដោយលោក អាឡាន់ ដូហ្វ (Alan Dos) និងគណបក្សសង្គ្រោះជាតិដែលដឹក នាំដោយលោក កឹម សុខា ។ គណៈប្រតិភូនៃអង្គការមូលនិធិកូហ្វីអាណាន់បានសន្យាថា នឹងជួយកម្ពុជាដោយធ្វើយ៉ាង ណាឲ្យមាន ការបោះឆ្នោតនៅពេលខាងមុខប្រព្រឹត្តទៅដោយភាពត្រឹមត្រូវ សេរី និងយុត្តិធម៌ ការផ្ទេរអំណាចអាចប្រព្រឹត្តទៅដោយសន្តិវិធី។
លោក សុខ ឥសាន អ្នកនាំពាក្យគណបក្សប្រជាជនកម្ពុជា មានប្រសាសន៍ថា តំណាងមូលនិធិ កូហ្វី អាណាន់ មិនមានអំណាច ទាំងអស់នោះទេ។ ការមកទស្សនកិច្ចនៅកម្ពុជា គឺជាការស្ទាបស្ទង់សភាពការណ៍នូវអ្វីដែលមូលនិធិនេះមានលទ្ឋភាពជូយ នៅក្នុង កិច្ចការបោះឆ្នោតប៉ុណ្ណោះ ដែលមូលនិធិនេះ ធ្លាប់បានជួយកិច្ចការបោះឆ្នោតនៅក្នុងប្រទេសមួយចំនួនដែលដំណើរការទៅល្អ ដោយសេរី និងអនុវត្តតាមគោលការណ៍ប្រជាធិបតេយ្យ មិនមែនមកធ្វើជាមេអណ្តើក ឬដោះស្រាវវិវាទរវាងគណបក្សទាំងពីរទេ។
សូមបញ្ជាក់ថា គណៈប្រតិភូនៃអង្គការមូលនិធិកូហ្វីអាណាន់បានកំពុងបំពញទស្សនកិច្ចនៅកម្ពុជារយៈពេល៤ថ្ងៃចាប់ពីថ្ងៃទី២២ដល់ថ្ងៃទី២៥ ខែឧសភា ឆ្នាំ២០១៦ ដោយជួបជាមួយអ្នកនយោបាយ មន្ត្រីអង្គការសង្គមស៊ីវិលជាតិនិងអន្តរជាតិ មន្ត្រីស្ថានទូតប្រចាំកម្ពុជា ស្ថាប័នគ.ជ.បនិងរដ្ឋាភិបាលផងដែរ៕
ដោយ៖សហការី
ខេត្តកែប៖ ភ្លៀងធ្លាក់៥ថ្ងៃនៅខេត្តកែបបង្កជាទឹកជំនន់លិចដំណាំ និងងាប់សត្វពាហនះ លិចសាលារៀន និងបាក់ស្ពានមួយកន្លែង។
លោក កែន សីសត្ថា ភិបាល ខេត្តកែប បានឲ្យដឹងថា ភ្លៀង៥ថ្ងៃជាប់គ្នាមកនេះ បណ្ដាលឲ្យលិចថ្នាលសំណាបរបស់របស់ប្រជាកសិករជាង៩០ហិកតា និងទឹកភ្លៀងបានធ្លាក់ខ្លាំងបង្កជាជំនន់ធ្វើឲ្យបាក់ស្ពានក្នុងភូមិមួយកន្លែងដែលស្ថិតនៅក្នុងភូមិកែវក្រសាំង សង្កាត់កែប ក្រុងកែប ខេត្តកែប និងបានបង្កការលិចផ្លូវលំមួយចំនួនថែមទៀត។ នេះគឺជាលើកទី១ហើយនៅក្នុងតំបន់ដែលធ្លាប់រងនឹងគ្រោះរាំងស្ងួត បានទទួលទឹកភ្លៀងធ្វើអោយលិចភូមិករបែបនេះ។
សេចក្តីរាយការណ៍បានអោយដឹងថា នៅជាមួយគ្នានោះដែរ ខ្យល់កន្ត្រាក់បានធ្វើឲ្យផ្ទះប្រជាពលរដ្ឋខូចខាត៣៦ខ្នង ក្នុងនោះខូចខាតធ្ងន់ធ្ងរ៦ខ្នង និងរំលំទាំងស្រុង២ខ្នងផងដែរ ។ សេចក្ដីរាយការណ៍បានឲ្យដឹងថា ក្នុងអំឡុងភ្លៀងធ្លាក់នោះ ផ្គររន្ទះបានបាញ់សម្លាប់មនុស្សម្នាក់ សត្វគោ៥ក្បាល និងក្របី១ក្បាល៕
ខេត្តស្វាយរៀង ៖មានការភ្ញាក់ផ្អើលមួយបានកើតឡើងនៅភូមិតាប៉ោ ឃុំសំឡី ស្រុកកំពង់រោទិ៍ នៅក្នុងគ្រួសារក្រីក្រមួយដោយសារឪពុកចិត្តតិរច្ឆានចាប់កូនស្រីខ្លួនឯងរំលាភបានសម្រេចចំនួនពីរដងត្រូវកូនទ្រាំមិនបាននិយាយប្រាប់អ៊ំប្តឹងសមត្ថកិច្ចអោយចាប់ខ្លួនបញ្ជូនមកស្នងការនគបាលខេត្តចាត់បន្ត។ ការចុះឃាត់ខ្លួនជនសង្ស័យនេះធ្វើឡើងកាលពីថ្ងៃទី២៤ ខែឧសភា ឆ្នាំ២០១៦។
ខេត្តស្វាយរៀង ៖យ៉ាងហោចណាស់មនុស្ស២នាក់បានស្លាប់ភ្លាមៗនៅនឹងកន្លែងកើតហេតុនិងមនុស្សជាច្រើននាក់បានរងរបួសស្រាលធ្ងន់ ខណៈដែលជួបគ្រោះថ្នាក់ចរាចរណ៍មួយរវាងម៉ូតូបុកជាមួយនិងរថយន្ត។ ករណីកើតឡើងកាលពីវេលាម៉ោង៦ និង០០នាទីព្រលប់ថ្ងៃទី២៥ ខែឧសភា ឆ្នាំ២០១៦ នៅលើកំណាត់ផ្លូវជាតិលេខ១ស្ថិតក្នុងភូមិលៀប ឃុំកណ្តៀងរាយ ស្រុកស្វាយទាប ខេត្តស្វាយរៀង។
រាជធានីភ្នំពេញ ៖យោងតាមរបាយការណ៍របស់នាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈនៃអគ្គស្នងការដ្ឋាននគរបាលជាតិបានឲ្យដឹងថា នៅថ្ងៃទី២៤ ខែឧសភា ឆ្នាំ២០១៦ម្សិលមិញ មានករណីគ្រោះថ្នាក់ចរាចរណ៍ នៅទូទាំងប្រទេស កើតឡើងចំនួន៩លើក (យប់៣លើក) បណ្តាលឲ្យមនុស្សស្លាប់៥នាក់ រងរបួសធ្ងន់៦នាក់ និងរបួសស្រាល៣នាក់។
រាជធានីភ្នំពេញ ៖តាមសេចក្តីរាយការណ៍នៅមុននេះបន្តិចបានឲ្យដឹងថា បន្ទាប់ពីបញ្ចប់ការសាកសួរតុលាការបានបង្គាប់ឲ្យអនុរក្សពន្ធនាគារនាំ លោក អ៊ុំ សំអាន តំណាងរាស្ត្រ CNRP ទៅឃុំនៅពន្ធនាគារព្រៃ សរវិញ ។ លោក អ៊ុំ សំអាន ត្រូវបាននាំខ្លួនមកសាកសួរនៅតុលាការរាជធានីភ្នំពេញ កាលពីព្រឹកមិញ ទាក់ទងបទញុះញង់ឲ្យប្រព្រឹត្តិឧក្រិដ្ឋ និងញុះញង់ឲ្យមានការរើសអើង៕
Posts navigation
មេគង្គប៉ុស្តិ៍លើបណ្តាញសង្គម
ព័ត៌មានគួរចាប់អារម្មណ៍
