ដោយ ៖ ខេមរិន្ទ
ភ្នំពេញ ៖ តុលាការក្រុងភ្នំពេញនៅល្ងាចថ្ងៃចន្ទ ទី ២ ខែឧសភា នេះ បានចេញដីការបញ្ជូនមន្ត្រី៤រូបនៃសមាគមការពារសិទ្ធិមនុស្សអាដហុក និងអគ្គលេខាធិការរង គ.ជ.ប មួយរូប ទៅឃុំខ្លួនបណ្តោះអាសន្ននៅពីកន្លៃងផ្សេងគ្នាគឺពន្ធនាគារព្រៃ ស និងមន្ទីរឃុំឃាំងរបស់ស្នងការដ្ឋាននគរបាលរាជធានីភ្នំពេញ ដោយចោទពីបទសូកប៉ាន់សាក្សី និងសមគំនិត។
ក្រោយពេលស៊ើបសួរអស់រយៈពេលពីរថ្ងៃរួចមក នៅម៉ោងប្រមាណជិត៦ល្ងាច ថ្ងៃចន្ទនេះ អ្នកទាំង៥ រូបត្រូវបានបញ្ជូនខ្លួនចេញពីតុលាការក្រុងភ្នំពេញទៅកាន់ពន្ធនាគារព្រៃស និងមន្ទីរឃុំឃាំងរបស់នគរបាលរាជធានីភ្នំពេញ។
លោកស្រី គា សុផល មេធាវីការពារក្ដីឲ្យសកម្មជនសិទ្ធិមនុស្សអាដហុកទាំង៤នាក់ បានថ្លែងប្រាប់អ្នកសារព័ត៌មាននៅតុលាការក្រោយពេលបញ្ចប់ការសាកសួរថា កូនក្តីទាំង៤រូប ជាមន្ត្រីនៃសមាគមសិទ្ធិមនុស្សអាដហុកត្រូវបានតុលាការបញ្ជូនទៅពន្ធនាគារ ចំណែកឯអគ្គលេខាធិការរង គ.ជ.ប លោក នី ចរិយា ត្រូវបានបញ្ជូនទៅមន្ទីរឃុំឃាំងរបស់ស្នងការដ្ឋាននគរបាលរាជធានី។ ទោះយ៉ាងណា លោកស្រីមេធាវីរូបនេះ មិនបានបញ្ជាក់ពីមូលហេតុនៃការបញ្ជូនអ្នកទាំង៥ទៅកន្លែងឃុំខ្លួនផ្សេងគ្នានោះទេ។
លោក លី សុផាន់ណា អ្នកនាំពាក្យសាលាដំបូងរាជធានីភ្នំពេញ បានប្រាប់អ្នកកាសែតនៅល្ងាចថ្ងៃចន្ទនេះថា ព្រះរាជអាជ្ញាបាន ចោទប្រកាន់មន្ត្រីសិទ្ធិមនុស្សអាដហុកទាំង៤រូបពីបទសូកប៉ាន់សាក្សី ចំណែកអគ្គលេខាធិការរង គ.ជ.ប ត្រូវបានចោទប្រកាន់ពីបទសមគំនិតក្នុងអំពើសូកប៉ាន់សាក្សី។លោក លី សុផាន់ណា បន្តថា ព្រះរាជអាជ្ញាក៏បានចោទប្រកាន់មន្ត្រីមួយរូបរបស់អង្គការសហប្រជាជាតិទទួលបន្ទុកសិទ្ធិមនុស្សប្រចាំកម្ពុជាគឺលោក សឺន សាលី ពីបទសមគំនិតក្នុងអំពើសូកប៉ាន់សាក្សីផងដែរ។
ក្នុងពិធីសួរសុខទុក្ខ និងសំណេះសំណាលជាមួយកម្មករនៅក្រុងព្រះសីហនុ ដើម្បីអបអរសាទរក្នុងទិវាពលកម្មអន្តរជាតិ១ឧសភា កាលពីព្រឹកថ្ងៃអាទិត្យ នៅខេត្តព្រះសីហនុ លោកនាយករដ្ឋមន្ត្រី ហ៊ុន សែន បានថ្លែងថា នឹងមិនមានការលើកលែងចំពោះមន្ត្រីសង្គមស៊ីវិល និងមន្ត្រីអង្គការសហប្រជាជាតិ(UN)ទេ បើទោះជាមានអភ័យឯកសិទ្ធិក៏ដោយ ហើយលោកបញ្ជាក់ថានឹងមិនមានការដោះដូរអ្វីនោះទេ។ ទោះជាយ៉ាងណាក្តី លោកនាយករដ្ឋមន្ត្រីមិនបានបញ្ជាក់អំពីការដោះដូរនោះ ថាជាការដោះដូរអ្វីនោះទេ។
សូមជម្រាបថា អ្នកទាំង៥ រូបដែលត្រូវបានអង្គភាពប្រឆាំងអំពើពុករលួយកោះហៅទៅសាកសួរ និងចោទប្រកាន់ថា ជាប់ពាក់ព័ន្ធនឹងការណែនាំឲ្យកញ្ញាស្រីមុំ ផ្តល់ចម្លើយក្លែងក្លាយដល់សមត្ថកិច្ចរួមមាន មន្ត្រីអាដហុក៤ រូបគឺលោក នី សុខា លោក យី សុខសាន្ត លោក ណៃ វ៉ងដា និង លោកស្រី លឹម មុនី។ ចំណែកអគ្គលេខាធិការរង គ.ជ.ប គឺលោក នី ចរិយា ដែលជាអតីតមន្ត្រីរបស់សមាគមអាដហុកក៏ជាប់ចោទក្នុងបទដូចគ្នាដែរ។
គួររំឭកថា អង្គភាពប្រឆាំងអំពើពុករលួយបានកោះហៅមន្ត្រីសង្គមស៊ីវិលដើម្បីសាកសួរបន្ទាប់ពីកញ្ញា ខុម ចាន់តារាទី ហៅស្រីមុំ ដែលនាងបានអះអាងថា មានទំនាក់ទំនងស្នេហាជាមួយលោក កឹម សុខា ដោយបានសរសេរលិខិតចំហរមួយច្បាប់លើកឡើងថា មានមន្ត្រីសង្គមស៊ីវិលមួយចំនួន (រួមមានមន្ត្រីទាំង៦រូបដែលទើបត្រូវតុលាការចោទប្រាកាន់) ថាបានបង្ខំនាងឲ្យផ្តល់ចម្លើយក្លែងក្លាយនៅពេលចូលឆ្លើយបំភ្លឺនៅតុលាការ។
យោងតាមក្រមព្រហ្មទណ្ឌមាត្រា២៩ និង៥៤៨ ស្តីពីបទសមគំនិត និងបទសូកប៉ាន់សាក្សី អ្នកទាំង៥រូប រួមនឹងមន្ត្រីសិទ្ធិមនុស្ស UN ប្រចាំនៅកម្ពុជាម្នាក់ផងនោះ អាចប្រឈមនឹងការផ្ដន្ទាទោសជាប់ពន្ធនាគារពី៥ឆ្នាំ ទៅ១០ឆ្នាំ៕
រូប៖RFA
រាជធានីភ្នំពេញ៖តាមការព្យាករណ៍អាកាសធាតុរបស់ក្រសួងធនធានទឹក និងឧតុនិយម បានអោយដឹងថា ចាប់ពីថ្ងៃទី០៣-០៤ ខែឧសភា សីតុណ្ហភាពអតិបរមា អាចនឹងកើនឡើងនៅតំបន់វាលទំនាបមានពី៣៧-៤០អង្សាតំបន់ខ្ពង់រាបមានពី៣៦-៤០អង្សាតំបន់មាត់សមុទ្រមានពី៣៥-៣៧អង្សារសេ៕
រាជធានីភ្នំពេញ៖តារាសម្តែងនិងជាពិធីករដ៏មានឈ្មោះល្បីលោក ប៉ែន ចំរ៉ុង បានសម្រេចចិត្តដាក់ពាក្យបណ្តឹងទៅតុលាការជាផ្លូវការ សំលែងលះជាមួយភរិយាអត់ខាន់ស្លា ភិន សុដាលីស បន្ទាប់ពីការរស់នៅសាងសុភមង្គលស្នេហ៍ ពុំមានភាពចុះសម្រុងគ្នានោះ។
មន្ត្រីតុលាការបានបង្ហើបឲ្យដឹងថា លោក ប៉ែន ចំរ៉ុង បានដាច់ចិត្តដាក់ពាក្យបណ្ដឹងប្ដឹង លែងលះភរិយាធ្លាប់កម្សត់កម្រ ជាមួយគ្នាជាង១ឆ្នាំ ភិន សុដាលីស អស់រយៈពេលជាងកន្លះខែមកហើយ ពោលគឺតាំងពីពេលមុនចូលឆ្នាំខ្មែរមកម្លេះ ក្រោមមូលហេតុក្នុងពាក្យបណ្ដឹងលែងលះ ដ៏គួរឲ្យចម្លែកនេះបានត្រឹមតែលើកហេតុផលថា រស់នៅមិនចុះសម្រុងនឹងគ្នាតែប៉ុណ្ណោះ៕
រាជធានីភ្នំពេញ៖សាលាដំបូងរាជធានីភ្នំពេញ បានចេញដីការកោះអញ្ជើញ លោក អ៊ូ វីរៈ ប្រធានវេទិកា អនាគតកម្ពុជា ឲ្យចូលបំភ្លឺនៅថ្ងៃទី១២ ខែឧសភា ឆ្នាំ២០១៦ ទាក់ទងបណ្តឹងរបស់គណបក្សប្រជាជនកម្ពុជា តំណាងដោយលោក សុខ ឥសាន្ត អ្នកនាំពាក្យគណបក្ស។
សូមជម្រាបថា គណបក្សកាន់អំណាច តំណាងដោយលោក សុខ ឥសាន បានដាក់ពាក្យប្តឹង លោក អ៊ូ វីរៈ ប្រធានវេទិកាអនាគត ទៅសាលាដំបូងរាជធានីភ្នំពេញ ពីបទបរិហារកេរ្តិ៍ជាសាធារណៈ ដោយទាមទារសំណងចំនួន៤០០លានរៀល។ បណ្តឹងនេះ បានធ្វើឡើងបន្ទាប់ លោក អ៊ូ វីរៈ បានលើកឡើងតាមរយៈ វិទ្យុអាស៊ីសេរី កាលពីថ្ងៃទី២៤ ខែមេសា ឆ្នាំ២០២១៦ ដោយចោទគណបក្សប្រជាជនថា ជាអ្នកនៅពីក្រោយ នៃដំណើររឿង លោក កឹម សុខា និងកញ្ញា ខុម ចាន់តារ៉ាទី ហៅស្រីមុំ៕
ខេត្តកណ្តាល៖បុរសកម្មកររោងចក្រម្នាក់ត្រូវបានចរន្តអគ្គិសនីឆក់ស្លាប់ភ្លាមៗនៅឡើងជណ្តើរគ្រាដែលឡើងតខ្សែភ្លើងពេលមេឃកំពុងធ្លាក់ភ្លៀង។ ហេតុការណ៍នេះកើតឡើងកាលពីវេលា១៨ និង០០នាទី ថ្ងៃទី០១ ខែឧសភា ឆ្នាំ២០១៦ នៅចំណុចផ្ទះជនរងគ្រោះភូមិពងទឹកឃុំដំណាក់ អំពិលស្រុកអង្គស្នួល ខេត្តកណ្ដាល។
ជនរងគ្រោះឈ្មោះ ជី វណ្ណៈ ភេទប្រុស អាយុ៣១ឆ្នាំ នៅភូមិឃុំកើតហេតុខាងលើ មុខរបរកម្មកររោងចក្រ មានប្រពន្ធ កូនស្រី០១នាក់អាយុ០៣ខួប។
ប្រភពអោយដឹងថា នៅមុនពេលកើតហេតុមេឃកំពុងតែភ្លៀងជនគ្រោះ បានយកជណ្ដើរដែកឡើងមើលទរទឹកខាងក្រោយផ្ទះ ដើម្បីត្រង់ទឺកពេលនោះ ជនរង គ្រោះយកដៃទៅកាន់ទរទឹក ក៍ឆក់ជាប់និងជណ្ដើរ ឃើញដូច្នេះ ឪពុកក្មេក ក៏រត់ទៅបិទបារ៉ែតភ្លើង ដោយមានខ្សែភ្លើង តចេញពីផ្ទះទៅរោងបាយ និងរោងគោ។ ក្រោយមកក្រុមគ្រួសារ បានយកជនរងគ្រោះទៅពេទ្យសម្ភព ឯកជនទើបដឹងថាស្លាប់។
តាមការពិនិត្យរបស់នគរបាលបច្ចេកទេសស្រុក និងនគរបាលប៉ុស្តិ៍ ដោយមានការចូលរួមពីលោកស្រីមេឃុំ មេភូមិលោកគ្រូ ពេទ្យ ជនរងគ្រោះពិតជាស្លាប់ដោយឆក់ខ្សែ ភ្លើងពិតមែន បានប្រគល់សពជូនក្រុមគ្រួសារធ្វើ បុណ្យតាមប្រពៃណី៕
បាល់ទាត់៖សេចក្តីរាយការណ៍មួយបានឲ្យដឹងថា ក្រុមកាំភ្លើងធំ Arsenal នឹងត្រៀមខ្លួនដើម្បីចូលរួមក្នុងការដេញថ្លៃទិញកីឡាករ Robert Lewandowski ពីក្លឹប Bayern Munich នៅរដូវក្តៅខាងមុខ។
ខ្សែប្រយុទ្ធសញ្ជាតិប៉ូឡូញវ័យ២៧ឆ្នាំរូបនេះ បានបង្ហើបឲ្យដឹងកាលពីសប្តាហ៍មុនថា នៅថ្ងៃអនាគត គាត់ចង់ផ្លាស់ប្តូរជីវិតនៅទឹកដីអង់គ្លេសវិញម្តង។
Lewandowski បច្ចុប្បន្ននេះនៅជាប់កុងត្រានៅប្រទេសអាល្លឺម៉ង់នៅសល់រយៈបីឆ្នាំទៀតឯណ្ណោះ ប៉ុន្តែ Bayern អាចនឹងដាក់តម្លៃខ្លួនរបស់កីឡាកររូបនេះ ដល់ទៅ ៥០ លានផោន។
ប៉ុន្តែតម្លៃនេះត្រូវបានគេជឿថា ក្រុមកាំភ្លើងធំ Arsenal មិនហ៊ានចំណាយទេ ក្រោយក្រុមអ្នកគាំទ្រជាច្រើនបានដាក់សម្ពាធដល់ក្លឹប ហើយលោក Arsene Wenger នឹងប្រើប្រាស់លុយចំនួន ១៥០ លានផោននៅរដូវក្តៅខាងមុខ បន្ទាប់ពីលុយកិច្ចព្រមព្រៀងជាមួយទូរទស្សន៍ត្រូវបានបង់ទៅឱ្យក្លឹបកាំភ្លើងធំ។
គួរបញ្ជាក់ថា គ្រូបង្វឹកក្រុម Arsenal លោក Wenger ក៏កំពុងសម្លឹងមើលខ្សែបម្រើ Borussia Dortmund កីឡាករ Julian Weigl ផងដែរ៕
រាជធានីភ្នំពេញ៖ប្រធានស្តីទីគណបក្សសង្គ្រោះជាតិ (CNRP) ថ្លែងនៅក្នុងកម្មវិធីជួបជុំអ្នកគាំទ្រ កាលពីម្សិលមិញនៅខេត្តស្វាយរៀង លោក កឹម សុខា ប្រធានស្តីទីគណបក្សសង្គ្រោះជាតិ បានបង្ហាញនូវជំហរច្បាស់លាស់និងរឹងមាំជាងលោក សម រង្ស៊ី ដែលជាមេរបស់ខ្លួននិងតែងតែរត់ចោលកូនចៅពេលកើតហេតុឬព្រឹត្រិការណ៍ម្តងៗ។
លោក កឹម សុខា បានថ្លែងចំពោះមុខអ្នកគាំទ្រ ថា ទោះបីជា ស្ថានភាពនយោបាយ បែបណាក្តី ក៏លោកនៅក្បែប្រជាពលរដ្ឋជានិច្ច ដើម្បីទទួលបាន ភាពកក់ក្តៅ និងឲ្យបក្សរឹងមាំ។
លោក កឹម សុខា បញ្ជាក់ថា «រយៈពេលចុងក្រោយនេះ ទោះបីមានកម្ដៅនយោបាយ យ៉ាងណាក៏ដោយ ខ្ញុំសង្កេតឃើញថា សកម្មជនគណបក្សសង្គ្រោះជាតិ គ្រប់លំដាប់ថ្នាក់ជាពិសសេស ថ្នាក់មូលដ្ឋាន នៅតែមានភាពរឹងមាំ។ ប្រជាពលរដ្ឋខ្មែរ កាន់តែច្រើនទៅៗ បានផ្ដល់នូវភាពកក់ក្ដៅ និងក្ដីសង្ឃឹមមកលើ គណបក្សសង្គ្រោះជាតិ។
លោកបន្តថា កត្តានោះហើយ ទើបខ្ញុំសន្យាថា ខ្ញុំត្រូវតែនៅជាមួយសកម្មជន គណបក្សសង្គ្រោះជាតិ គ្រប់លំដាប់ថ្នាក់ ដើម្បីភាពរឹងមាំ របស់គណបក្សយើង។ ខ្ញុំត្រូវតែនៅជិតស្និទ្ធជាមួយ ប្រជាពលរដ្ឋ ដើម្បីផ្ដល់នូវភាពកក់ក្ដៅ និងក្ដីសង្ឃឹម ដល់ពួកគាត់»។
ទន្ទឹមនោះលោកក៏បានស្នើដល់តំណាងរាស្ត្រគណបក្សសង្គ្រោះជាតិទាំងអស់បន្តចុះតាមមូលដ្ឋាន ដើម្បីបន្តភាពកក់ក្តៅ ពីប្រជាពលរដ្ឋ។ ការបញ្ជាក់ជំហររបស់ថ្នាក់ដឹកនាំគណបក្សសង្គ្រោះជាតិបែបនេះ បន្ទាប់ពីផ្អាកចុះតាមមូលដ្ឋានមួយរយៈដោយសារមានបញ្ហាមួយចំនួនប៉ុណ្ណោះ៕
សុខភាព៖សណ្តែកសៀងជាសារជាតិខ្លាញ់ល្អមិនផ្ទុកកូឡេស្តេរ៉ូលជួយបង្ការសភាពកករងនិងផ្ទាំងច្បាមក្នុងគែមសរសៃឈាមដែលជាមូលហេតុបង្កការក្រិនរឹងសរសៃឈាមនិងជំងឺសរសៃឈាមក្រហម។
មូលហេតុដែលបង្កឲ្យស្ទះសរសៃឈាមគួរឱ្យខ្លាចបំផុតគឺ កូឡេស្តេរ៉ូល សារជាតិខ្លាញ់មួយប្រភេទមានតែនៅក្នុងខ្លួនមនុស្ស និងសត្វពាហនៈពុំមាននៅក្នុងរុក្ខជាតិ។ ប៉ុន្តែការហូបហួស (ពុំនាំកូឡេស្តេរ៉ូលពីចំណី អាហារចូលសរីរាង្គ)ក៏ពុំទាន់ប្រាកដថា បានជួយកម្ចាត់កូឡេស្តេរ៉ូលអាក្រក់ចេញពីសរីរាង្គឡើយ ។
ព្រោះថា មានបព្វជិតមួយចំនួនពេលវិភាគឈាមនៅតែឃើញមានបរិមាណកូឡេស្តេ រ៉ូលខ្ពស់ នោះគឺដោយសារសរីរាង្គគេផ្ទាល់ ជាអ្នកបង្កើតឡើង ក្នុងថ្លើម ប្រមាត់ ដើម្បីសំយោគអ័រម៉ូនច្រើនប្រភេទ គឺពុំមែនដោយសារអាហារ។
ប៉ុន្តែ ដោយសារសរីរាង្គមិនស្វ័យសំយោគបានសារជាតិខ្លាញ់មិនឆ្អែត ហេតុនេះត្រូវយកពីអាហារដែលយើងទទួលទានប្រចាំថ្ងៃ ក្នុងនោះគឺប្រេងសណ្តែកសៀងជាប្រភពផ្គត់ផ្គង់ដ៏ល្អបំផុត ព្រោះមានដល់ជាង ៩០ភាគរយសមាសធាតុជាសារជាតិខ្លាញ់ល្អ៕
ហ្សាការតា៖ប្រធានាធិបតីឥណ្ឌូនេស៊ី លោក Joko Widodo បានប្រកាសជាសាធារណលើកញ្ចក់ទូរទស្សន៍ថា ក្រុមចំណាប់ខ្មាំងដែលត្រូវបានក្រុមរដ្ឋឥស្លាម (Abu Sayyaf)ធ្វើការឃាត់ខ្លួនចំនួន ១០នាក់ នៅក្នុងដែនទឹកនៃប្រទេសហ្វីលីពីន ត្រូវបានដោះលែង ឲ្យមានសេរីភាពវិញហើយ កាលពីថ្ងៃអាទិត្យម្សិលមិញ។
លោកប្រធានាធិបតី បានថ្លែងថា ចំណាប់ខ្មាំងទាំងអស់ បានត្រូវឃាត់ខ្លួន កាលពីថ្ងៃទី ២៦ ខែមីនា ពួកគេ”រស់នៅក្នុងស្ថានភាពធម្មតា” ហើយរំពឹងថានឹងមកដល់ហ្សាកាតាវិញ នៅយប់ថ្ងៃអាទិត្យ ។ លោកក៏បានសម្តែងនូវក្តីអរគុណដល់រដ្ឋាភិបាលហ្វីលីពីន និងក្រុមបក្សផ្សេងៗទៀតដែលបានជួយសង្គ្រោះ និងស្នើសុំឲ្យមានការដោះលែងចំណាប់ខ្មាំង ។ លោកបានថ្លែងថា ជនជាតិឥណ្ឌូនេស៊ី ចំនួន០៤នាក់ទៀត នៅឃាត់ខ្លួននៅឡើយ ហើយរដ្ឋាភិបាលឥណ្ឌូនេស៊ី នឹងបន្តជួយដល់ពួកគេ ដើម្បីសុំឲ្យធ្វើការដោះលែងឲ្យ មានសេរីភាពវិញ ។ គួររំលឹកថា ក្រុមរដ្ឋឥស្លាមមួយនេះ បានធ្វើការឃាត់ខ្លួនកម្មករទូក ដែលដឹកជញ្ជូនធ្យូងប្រមាណជាង ៧.០០០ តោន នៅក្នុងដែនទឹកប្រទេសហ្វីលីពីន ហើយក្រុមអ្នកឃាត់ខ្លួន និងចាប់ធ្វើជាចំណាប់ខ្មាំងនោះ ជាក្រុម Abu Sayyaf ។ មន្ត្រីឥណ្ឌូនេស៊ី បានថ្លែងឲ្យដឹងយ៉ាងដូច្នេះ៕
បាល់ទាត់៖ក្រុមកញ្ជ្រោងព្រៃ Leicester City នៅតែមានសង្ឃឹមលើកពាក្របខ័ណ្ឌPremie League បន្ទាប់ពីលេងបានត្រឺមស្មើជាមួយក្រុមម្ចាស់ផ្ទះបិសាចក្រហម Man Utd ដោយលទ្ធផល ១-១ ក្នុងក្របខ័ណ្ឌ Premie League កាលពីយប់មិញនេះ។
ការប្រកួតតង់ទីមួយ ក្រុមម្ចាស់ផ្ទះបិសាចក្រហម Man Utd បានការវាយសម្រុកទៅក្រុមភ្ញៀវ Leicester រហួតធ្វើបានសម្រេចនៅនាទី៨ដោយកីឡាករ Anthony Martial ១-០ ប៉ុន្តែនាំមុខបាន៩នាទី ប៉ុណ្ណោះត្រូវក្រុមភ្ញៀវ Leicester តាមបានស្មើវិញដោយកីឡាករ Wes Morgan នៅនាទី១៧ យប់ការប្រកួតទាំងពីរតង់ក្រុម Man Utd ធ្វើបានត្រឹមស្មើជាមួយ Leicester ដោយលទ្ធផល ១-១។
គួរបញ្ជាក់ថា ទោះបីក្រុម Leicester ធ្វើបានត្រឹមស្មើជាមួយ Man Utd ក៏ពិតមែនប៉ុន្តែ Leicester នៅតែមានសង្ឃឹមក្នុងការលើកពាន Premie League ដ៏ដែរបន្ទាប់ពីនាំមុខ Spurs ៨ពិន្ទុ៕
រាជធានីភ្នំពេញ៖ប្រធានគណបក្សយុវជនកម្ពុជា លោក ពេជ្រ ស្រស់ បានប្រកាសប្តឹង លោក យឹម សុវណ្ណ មន្ត្រីជាន់ខ្ពស់គណបក្សសង្គ្រោះជាតិ ពីបទបរិហាកេរ្តិ៍ ប្រសិនបើលោក យឹម សុវណ្ណ មិនបកស្រាយលើសំដីដែលបានផ្តល់បទសម្ភាសន៍ជាមួយវិទ្យុវាយោកាលពីពេលថ្មីៗនេះ។
តាមវីដេអូឃ្លីប របស់លោក ពេជ្រ ស្រស់ ដែលបង្ហោះតាមហ្វេសប៊ុក កាលពីម្សិលមិញ ប្រធានគណបក្សយុវជនកម្ពុជា រូបនោះ បានថ្លែងឲ្យដឹងថា លោកទាមទារឲ្យលោក យឹម សុវណ្ណ ចេញមុខមកបកស្រាយទាក់ទងនិងសំដីរបស់លោកដែលបានផ្តល់បទសម្ភាសន៍ជាមួយវិទ្យុវាយោ ដោយលើកឡើងថា គណបក្សសង្គ្រោះជាតិ មិនព្រួយបារម្ភជាមួយគណបក្សទើបបង្កើតថ្មីនោះទេ ព្រោះថា ពួកគេបង្កើតឡើង ដើម្បីបំបែកសម្លេងគណបក្សសង្គ្រោះប៉ុណ្ណោះ ។ ប៉ុន្តែគេមិនអាចធ្វើបាន ព្រោះគណបក្សថ្មីទាំងនោះ គ្មានរចនាសម្ព័ន្ធ គ្មានគោលនយោបាយ ច្បាស់លាស់នឹងគ្មានអ្នកគាំទ្រនោះទេ ហើយក៏គ្មានកៅអីក្នុងរដ្ឋសភានោះដែរ។
លោក យឹម សុវណ្ណ បានបន្ថែមថា គណបក្សកើតថ្មីទាំងនោះ គឺជាគណបក្សដែលបានបង្កើតឡើងដោយគណបក្សកាន់អំណាច ដើម្បីបំបែកសម្លេងគណបក្សសង្គ្រោះជាតិ ហើយគេមិនមានលទ្ធភាពនិងសម្រេចគោលដៅនោះទេ។
ទាក់ទងនឹងការលើកការរបស់លោក យឹម សុវណ្ណ ខាងលើនេះ ប្រធានគណបក្សយុវជនកម្ពុជា បានឆ្លើយតបថា លោក យឹម សុវណ្ណ កំពុងរំលោភលើរដ្ឋធម្មនុញ្ញ រំលោភច្បាប់ស្តីការបង្កើតគណបក្ស ហើយថែមទាំងបង្ហាញនូវគំនិតបក្សនិយម រើសអើងនិយម និងបែងចែកសង្គមកម្ពុជា។ លោក ពេជ្រ ស្រស់ បានបន្ថែមថា លោក យឹម សុវណ្ណ មិនដឹងអំពីច្បាប់គណបក្សនយោបាយ និងមានគំនិតជ្រុលនិយមដែលអាចបង្ហាញថា ពួកគេមិនអាចដឹកនាំប្រទេសបាននោះឡើយ។
លោក ពេជ្រ ស្រស់ បានលើកឡើងថា គណបក្សរបស់លោកមានរចនាសម្ព័ន្ធត្រឹមត្រូវ មានច្បាប់អនុញ្ញ ពីក្រសួងមហាផ្ទៃរួមទាំងមានគោលនយោបាយច្បាស់លាស់ មិនដូចការលើកឡើងលោក យឹម សុវណ្ណ នោះទេ។ លោកអះអាងថា សូម្បីតែលោក សម រង្ស៊ី ពេលបង្កើតគណបក្សដំបូងក៏មានអ្នកគាំទ្រតិចតួចនិងមិនទាន់ទទួលបានអសនៈក្នុងរដ្ឋសភានោះដែរ។ ដូច្នេះការចាប់ផ្តើមរបស់គណបក្សយុវជនកម្ពុជា ក៏ដូចគ្នា ហើយក៏មិនអាចទស្សន៍ទាយមុនអំពីវាសនានិងអនាគតឬអ្នកគាំទ្រតិចឬច្រើននោះដែរ។
លោក ពេជ្រ ស្រស់ បានបញ្ជាក់ថា ការបង្កើតគណបក្សយុវជនកម្ពុជា គឺលោកចង់ចូលរួមក្នុងនយោបាយ ចង់បង្ហាញជំហរ ស្នេហាជាតិនិងការបញ្ចេញមតិ ដើម្បីរួបរួមជាតិ និងអភិវឌ្ឍន៍ជាតិ មិនមានគំនិតលោភលន់នោះឡើយ ហើយក៏គ្មានអ្នកណាឬគណបក្សណាមួយនៅពីក្រោយនោះដែរ។ ប៉ុន្តែអ្នកគាំទ្រគណបក្សយុវជនកម្ពុជា ភាគច្រើនជាយុវវ័យ ដែលគេលែងមានជំនឿលើគណបក្សសង្គ្រោះជាតិ ដែលប្រើតែនយោបាយ ភូតភរនិងមិនមានសុឆន្ទៈពិតប្រាកដ ដើម្បីជាតិនោះឡើយ។
ប្រធានគណបក្សរូបនោះ បានអះអាងថា លោកនឹងប្តឹងលោក យឹម សុវណ្ណ ពីបទបរិហាកេរ្តិ៍ប្រសិនបើលោក យឹម សុវណ្ណ មិនចេញមុខមកបកស្រាយនូវអ្វីដែលលោក យឹម សុវណ្ណ បានផ្តល់បទសម្ភាសន៍ជាមួយវិទ្យុវាយោ ហើយបានបន្ទាបបន្ថោកគណបក្សទើបបង្កើតថ្មី ហើយជាការរំលោភលើរដ្ឋធម្មនុញ្ញថែមទៀត៕
រាជធានីភ្នំពេញ៖យោងតាមរបាយការណ៍នគរបាលជាតិ បានឲ្យដឹងថា នៅថ្ងៃទី១ ខែឧសភា ឆ្នាំ២០១៦ម្សិលមិញកម្លាំងសមត្ថកិច្ចនគរបាល បានបង្ក្រាបបទល្មើស ជួញដូរ រក្សាទុក និងប្រើប្រាស់ ៦ករណី ឃាត់មនុស្ស ២០នាក់ (ស្រី៣នាក់) ក្នុងនោះ មុខសញ្ញាជួញដូរ ១០នាក់ និងមុខសញ្ញាប្រើប្រាស់ ១០នាក់ និងរឹបអូស គ្រឿងញៀន ប្រភេទ មេតំហ្វេតាមីន (ice) ៤២,៣ក្រាម, ៣កញ្ចប់ធំ និង១៣កញ្ចប់តូច កញ្ឆាក្រៀម ១០កញ្ចប់តូច ។
របាយការណ៍ខាងលើបញ្ជាក់ថា ទីតាំងបង្ក្រាប ទី១. រាជធានីភ្នំពេញ បង្រា្កប ២ករណី ឃាត់ខ្លួន ២នាក់ (ស្រី ១នាក់) មេតំហ្វេតាមីន (ice) ២កញ្ចប់ធំ និង១០កញ្ចប់តូច កញ្ឆាក្រៀម ១០កញ្ចប់តូច, ទី២. កណ្ដាល បង្រា្កប ២ករណី ឃាត់ខ្លួន ៧នាក់ (ប្រុស) មេតំហ្វេតាមីន(ice) ១កញ្ចប់ធំ និង៣កញ្ចប់តូច, ទី៣. សៀមរាប បង្រា្កប ១ករណី ឃាត់ខ្លួន ៣នាក់ (ស្រី១នាក់) មេតំហ្វេតាមីន (ice) ២៣,៩ក្រាម និងទី៤. កោះកុង បង្រា្កប ១ករណី ឃាត់ខ្លួន ៨នាក់ (ស្រី១នាក់) មេតំហ្វេតាមីន (ice) ១៨,៤ក្រាម ៕
រាជធានីភ្នំពេញ៖យោងតាមនាយកដ្ឋាននគរបាលចរាចរណ៍ និងសណ្ដាប់ធ្នាប់សាធារណៈ នៃអគ្គស្នងការដ្ឋាន នគរបាលជាតិ បានឲ្យដឹងថា នៅថ្ងៃទី១ ខែឧសភា ឆ្នាំ២០១៦ម្សិលមិញនេះមានករណីគ្រោះថ្នាក់ចរាចរណ៍ នៅទូទាំងប្រទេស កើតឡើងចំនួន ៩លើក ក្នុងនោះយប់ ២លើក បណ្តាលឲ្យមនុស្សស្លាប់ ៤នាក់ រងរបួសធ្ងន់ ៧នាក់ (ស្រី២នាក់) និងរបួសស្រាល ៤នាក់ (ប្រុស) ។
ប្រភពវដដែលបន្តថា នៅក្នុងហេតុការណ៍ គ្រោះថ្នាក់ចរាចរណ៍ ទាំង៩លើក នេះ បណ្តាលឲ្យ ខូចខាតយានយន្ត សរុបចំនួន ១៥គ្រឿង រួមមាន ម៉ូតូចំនួន ៨គ្រឿង, រថយន្តធុនតូច ៨គ្រឿង រថយន្តធុនធំ ១គ្រឿង ។ ប្រភពបញ្ជាក់ថា មូលហេតុ ដែលបណ្តាលឲ្យ កើតមានករណី គ្រោះថ្នាក់ចរាចរណ៍ រួមមាន ល្មើសល្បឿន ៤លើក (ស្លាប់២នាក់), ស្រវឹង ២លើក (ស្លាប់២នាក់) មិនគោរពសិទ្ធិ ២លើក, បត់គ្រោះថ្នាក់ ១លើក ក្នុងនោះ មិនពាក់មួកសុវត្ថិភាព ពេលគ្រោះថ្នាក់ ៧នាក់ យប់ ១នាក់ ។ គ្រោះថ្នាក់លើដងផ្លូវ រួមមាន ផ្លូវជាតិ ចំនួន ៦លើក, ផ្លូវខេត្តក្រុង ១លើក, ផ្លូវលំ ២លើក ។ យានយន្តបង្កហេតុ រួមមាន ម៉ូតូ ៣លើក, រថយន្តធុនតូច ៦គ្រឿង ។ ខេត្ត រាជធានី ដែលមានគ្រោះថ្នាក់ និងរងគ្រោះថ្នាក់ច្រើន រួមមាន តាកែវ ១លើក ស្លាប់ ២នាក់, ពោធិសាត់ ២លើក ស្លាប់ ១នាក់ របួស ១នាក់, ព្រះសីហនុ ១លើក ស្លាប់ ១នាក់, និងខេត្តកំពង់ធំ ២លើក របួស ៣នាក់ (ស្រី២នាក់) ។
ជាមួយគ្នានោះលទ្ធផលត្រួតពិនិត្យ ការអនុវត្តច្បាប់ ចរាចរណ៍ផ្លូវគោក មធ្យោបាយល្មើស ២.៣៥៥ គ្រឿង, អប់រំ ១.០៩៧ គ្រឿង, ពិន័យ ១.២៥៨ គ្រឿង ៕
ខេត្តកណ្តាល៖យុវជន២នាក់ ត្រូវបានសមត្ថកិច្ចប៉ូលីសក្រុងតាខ្មៅចុះធ្វើការល្បាត កាលពីថ្ងៃទី១ ខែឧសភា ឆ្នាំ២០១៦ នៅវេលាម៉ោង០០នឹង១៥នាទីយប់ នៅចំណុចតាមផ្លូវជាតិលេខ២១បេ ស្ថិតក្នុងភូមិថ្មីសង្កាត់តាខ្មៅក្រុងតាខ្មៅខេត្តកណ្តាល ខណដែលជនសង្ស័យកំពុងធ្វើសកម្មភាពចែកចាយគ្រឿងញៀនខុសច្បាប់នោះ។
ជនសង្សយ័មាន ទី១/ ឈ្មោះ រ៉ា រដ្ឋា ភេទប្រុស អាយុ១៦ឆ្នាំ មុខរបរមិនពិតប្រាកដ និងទី២/ ឈ្មោះ ថេន ណា ភេទប្រុស អាយុ១៧ឆ្នាំ មុខរបរមិនពិតប្រាកដ ។ អ្នកទាំង២នាក់នេះមានទីលំនៅភូមិឃុំព្រែកអំបិល ស្រុកស្អាង ខេត្តកណ្តាល។
សមត្ថកិច្ចប៉ូលីសបានឆែកឆេររកឃើញនឹងរឹបអូសបានម្សៅក្រាមពណ៌ ស ថ្លា សង្សយ័ជាសារធាតុញៀនមានចំនួន៤កញ្ចាប់ (១តូច)(៣ធំ)នឹងម៉ូតូ១គ្រឿងម៉ាកស៊ុយស៊ូគីនិចពណ៌ស ផ្លាកលេខភ្នំពេញ១ck៩០៨៥។
បើយោងតាមសមត្ថកិច្ចបានអោយដឹងថានៅវេលាម៉ោងកើតហេតុដូចខាងលើនេះគឺកំម្លាំងសមត្ថកិច្ចប៉ូលីសអន្តរាគមន៍នៃក្រុងតាខ្មៅបានធ្វើការចេញល្បាតដើម្បីរក្សាសន្តិសុខតាមមូលដ្ឋានបន្ទាប់មកក៍បានប្រទះឃើញយុវជន២នាក់នេះកំពុងជិះម៉ូតូ ហើយក៏មានការសង្សយ័ទើបកម្លាំងល្បាតយើងបានឃាត់ធ្វើការសួរនាំនឹងឆែកឆេរឃើញមានគ្រឿងញៀនដូចខាងលើតែម្តងហើយក៏បាននាំជនសង្សយ័ទាំង២នាក់នេះយកមកអធិការដ្ឋាននគរបាលក្រុងតាខ្មៅខេត្តកណ្តាល ដើម្បីចាត់ការតាមនីតិវិធីច្បាប់៕
ខេត្តព្រះសីហនុ៖ជនជាតិចិន៤នាក់ បានរបួសធ្ងន់ស្រាល ក្នុងហេតុការណ៍ក្រឡាប់រថយន្ត នៅម៉ោង១៤៖៣០នាទីរសៀលម្សិលមិញ លើកំណាត់ផ្លូវជាតិលេខ៤ ចន្លោះគីឡូម៉ែត្រលេខ១១១-១១២ ស្ថិតក្នុងភូមិស្ទឹងច្រាល ឃុំអូរបាក់រទេះ ស្រុកកំពង់សិលា ខេត្តព្រះសីហនុ។
សមត្ថកិច្ចបានឱ្យដឹងថា គ្រោះថ្នាក់ចរាចរណ៍នេះ បានបង្កឡើងដោយ រថយន្ដម៉ាក LEXUS ពណ៌ខ្មៅ ពាក់ផ្លាកលេខភ្នំពេញ 2L-5402 បើកបរត្រឡប់ពីខេត្តព្រះសីហនុ មកភ្នំពេញ លុះដល់ចំណុចកើតហេតុ ក៏បានក្រឡាប់ធ្លាក់ផ្លូវតែម្ដង បណ្ដាលឱ្យជនជាតិចិន ជាអ្នករួមដំណើររងរបួសធ្ងន់ស្រាល៤នាក់ ចំណែកអ្នកបើកបររត់គេចខ្លួនបាត់ស្រមោល៕
មេគង្គប៉ុស្តិ៍លើបណ្តាញសង្គម
ព័ត៌មានគួរចាប់អារម្មណ៍
