រាជធានីភ្នំពេញ ៖យោងតាមនាយកដ្ឋាននគរបាលចរាចរណ៍ និងសណ្ដាប់ធ្នាប់សាធារណៈ នៃអគ្គស្នងការដ្ឋាននគរបាលជាតិបានឲ្យដឹងថា នៅថ្ងៃទី២០ ខែមេសា ឆ្នាំ២០១៦ មានករណីគ្រោះថ្នាក់ចរាចរណ៍នៅទូទាំងប្រទេសកើតឡើងចំនួន៥លើក ក្នុងនោះយប់ ១លើក បណ្តាលឲ្យមនុស្សស្លាប់៥នាក់ រងរបួសធ្ងន់៤នាក់ (ប្រុស) និងរបួសស្រាល ១នាក់ (ប្រុស)។
ដោយះប៉ែនសុផល
បាត់ដំបង៖ នៅអំឡុងម៉ោងជិត៣៖០០នាទី រសៀលថ្ងៃទី២០ ខែមេសា ឆ្នាំ២០១៦នេះ ក្នុងខេត្តបាត់ដំបង មានការភ្ញាក់ផ្អើល១ តាមរយៈការប្រកាស ព័ត៌មានលើទំព័រហ្វេសប៊ុកដោយប្រាប់ឲ្យមានការប្រុងប្រយ័ត្នពិសេសប្រជាពលរដ្ឋដែលរស់នៅតាមតំបន់ព្រំដែនឈមនឹងប្រទេសថៃក្នុងនោះមានខេត្តបាត់ដំបង និងខេត្តប៉ៃលិន។
គួរបញ្ជាក់ថា ការភ្ញាក់់ផ្អើលនេះកើតឡើងបន្ទាប់ពីនៅប្រទេសថៃក្នុងខេត្តដែលឈមគ្នានឹងខេត្តបាត់ដំបង ប៉ៃលិន បានរងការបោកបក់ដោយកំលាំងខ្យល់ព្យុះ យ៉ាងខ្លាំងក្លាដោយពពកឡើងខ្មៅខ្មួលខ្មាញ់ហើយធ្លាក់ភ្លៀងជោកជាំលាយឡំដោយខ្យល់ ផ្គរ រន្ទះ និងធ្លាក់ព្រិលទៀតផង គឺ ផ្ទុយគ្នានិងពេលវេលាដូចគ្នានៅក្នុងខេត្តបាត់ដំបងអាកាសធាតុមានផ្ទៃមេឃស្រឡះល្អធម្មតា។
យោងតាមបណ្តាញផ្សព្វផ្សាយព័ត៌មានក្នុងភេករបស់ស្នងការដ្ឋាននគរបាលខេត្តបាត់ដំបងបានអោយដឹងថាះ នៅវេលាម៉ោង៣៖៣០រសៀលថ្ងៃដដែលនេះស្ថានភាពខ្យល់ព្យុះនិងភ្លៀងនៅប្រទេសថៃបានធូរស្រាលឡើងវិញហើយ មិនរាលដាលដល់ កម្ពុជាទេ៕
លោក រតនៈ
ភ្នំពេញ ៖ បន្ទាប់ពីបាត់វត្តមានផលិតខ្សែភាពយន្តអស់រយៈពេលជាង២ឆ្នាំ ផលិតករនិងអ្នកនិពន្ធស្រីល្បីឈ្មោះ អ្នកស្រីពាន់ ភួងបុប្ផា នឹងបង្ហាញស្នាដៃរបស់អ្នកស្រីជាថ្មីក្នុងខ្សែភាពយន្តខ្នាតធំរឿង”បណ្តឹងស្រីទាំង៥”។ ខ្សែភាពយន្តបែបស៊ើបអង្កេតខ្នាតធំនេះនឹងផលិតឡើងក្រោមកិច្ចសហការរវាងផលិតកម្មផ្កាប្រាំរបស់អ្នកស្រីនិងផលិតកម្មមហាហង្ស។
ការប្រកានេះត្រូវបានធ្វើឡើងគ្រាដែលផលិតកម្មទាំងពីរបានរៀបចំពិធីក្រុងពាលីបើកដំណើរការផលិតខ្សែភាពយន្តកាលពីថ្ងៃទី២០ខែមេសាឆ្នាំ២០១៦នៅតំបន់ព្រែកឯង។
អ្នកស្រី ពាន់ ភួងបុប្ផា បានបញ្ជាក់ថាការវិលមករកការផលិតខ្សែភាពយន្តជាថ្មីនេះគឺក្រោយការសម្រាកលំហែអារម្មណ៍អស់មួយរយៈពេលធំ ហើយការវិលមកជាថ្មីនេះក៏ស្របតាមការសំណូមពររបស់ទស្សនិកជនដែលទទូចចង់ទស្សនាខ្សែភាពយន្តដែលជាស្នាដៃផលិតរបស់អ្នកស្រី។អ្នកស្រីបន្តថា កិច្ចសហការផលិតនេះបានធ្វើឡើងក្រោយពីការពិភាក្សាជាច្រើនមុនពេលចាប់ផ្តើមដំណើរការផលិតដើម្បីឲ្យប្រាកដថានេះគឺជាខ្សែភាពយន្តល្អប្រចាំឆ្នាំ២០១៦នេះ។ អ្នកស្រីបន្តថា ខ្សែភាពយន្តនឹងធ្វើឲ្យទស្សនិកជនមានទស្សនីយភាពមួយប្លែកខុសពីខ្សែភាពយន្តមុនៗទាំងសាចរឿង និងការសម្តែងដែលប្រកបដោយគុណភាពប្រកួតប្រជែង។ អ្នកស្រីបញ្ជាក់ថា តារាប្រុសស្រីល្បីឈ្មោះដែលចូលរួមសម្តែងខ្សែភាពយន្តនេះពិតជាសម្រិតសម្រាំង នឹងចង់ឲ្យទីផ្សារផលិតភាពយន្តខ្មែរមិនមានតែជាខ្សែភាពយន្តខ្មោច និងកំប្លែងតែមួយមុខនោះទេ។ ទោះបីជាការផលិតខ្សែភាពយន្តនេះបែបស៊ើបអង្កេតដែលជារឿងប្លែកសម្រាប់អ្នកទស្សនាប៉ុន្តែសាច់រឿងនឹងពិសេសមិនឲ្យមហាជនអស់ទំនុកចិត្តដូចដែលទស្សនិកជនធ្លាប់ទុកចិត្តស្នាដៃដែលស្ថតិក្រោមការផលិតរបស់អ្នកស្រីកន្លងមក។
អ្នកស្រីបញ្ជាក់ថា ខ្សែភាពយន្តនេះនឹងចាក់បញ្ចាំងនៅរោងភាពយន្តទាំងអស់នៅភ្នំពេញនិងបណ្តាខេត្តក្រោយការផលិតសម្រិតសម្រាំងអស់រយៈពេលជាច្រើនខែ។ អ្នកស្រីរំពឹងថា ខ្សែភាពយន្តនេះនឹងទទួលបានការគាំទ្រច្រើនពីទស្សនិកជនហើយក៏ឆ្លើយតបការសំណូមពររបស់ទស្សនិកជនដែលទន្ទឹងរងចាំស្នាដៃផលិតខ្សែភាពយន្តរបស់អ្នកស្រី។ អ្នកស្រីបញ្ជាក់ថាបច្ចុប្បន្នមានខ្សែភាពយន្តនិងផលិតកម្មជាច្រើនបានសម្រុកក្នុងការផលិតខ្សែភាពយន្តឡើងវិញ ប៉ុន្តែអជាមួយគ្នានេះអ្នកស្រីក៏សំណូមពរឲ្យផលិតករសិល្បករទាំងអស់គួររួមគ្នាផលិតខ្សែភាពយន្តប្រកបដោយគុណភាពដើម្បីទទួលបានការគាំទ្រពីទស្សនិកជនបានយូអង្វែង។
អ្នកស្រីបញ្ជាក់ថា ក្នុងរយៈពេល៥ឆ្នាំចុងក្រោយដែលអ្នកស្រីនឹងវិលប្រឡូកក្នុងអាជីពជាអ្នកផលិតខ្សែភាពយន្តឡើងវិញនេះអ្នកស្រីនឹងបង្កើនសមត្ថភាពគុណភាពនៃការផលិតខ្សែភាពយន្តធំៗជាច្រើនពិសេសខ្សែភាពយន្តដែលអាចប្រកួតប្រជែងមិនត្រឹមតែក្នុងស្រុកទេគឺនឹងឈានដល់ការប្រកួតប្រជែងក្នុងតំបន់ពិសេសនៅតំបន់អាស៊ី៕
កំពង់ឆ្នាំង ៖អំពើហិង្សាដែលបង្កឡើងពីការជំរិតទារប្រាក់ពីប្រជាពលរដ្ឋគោយន្តដឹកអុសចំនួន៣គ្រឿងបង្កការភ្ញាក់ផ្អើលដល់សមត្ថកិច្ច។ករណីនេះកើតឡើងនៅថ្ងៃទី១៨ ខែមេសា ឆ្នាំ២០១៦ វេលាម៉ោង១៩នាទីយប់ នៅចំណុចខាងត្បូងផ្លូវដែកក្នុងភូមិដំណាក់អំពិលឃុំក្រាំងស្គារ ស្រុកទឹកផុស ខេត្តកំពង់ឆ្នាំង។
រាជធានីភ្នំពេញ ៖សាលាដំបូងរាជធានីភ្នំពេញ បានចេញដីកាកោះហៅ កញ្ញា ធី សុវណ្ណថា មកសាកសួរនៅថ្ងៃទី២៨ ខែមេសានេះ អំពីដំណើររឿងដែលខ្លួនប្តឹងអំពីអំពើបរិហារកេរ្តិ៍ តាមរយៈខ្សែអាត់សំឡេង។
សុខភាព ៖យោងតាមការបង្ហើបឱ្យដឹងពីសមាគមរោគបេះដូងនៅសហរដ្ឋអាមេរិក ដោយមានលោកសាស្ត្រាចារ្យ គ្រីស្ទីនសេយ៍ បានធ្វើការពិសោធន៍ទៅលើស្ត្រីចំនួន៤១៦៦នាក់នោះបានរកឃើញថា ស្ត្រីដែលទទួលទានភេសជ្ជៈមាន រសជាតិផ្អែមច្រើន ទោះបីជាប្រភេទណាក៏ដោយ ក្នុងមួយថ្ងៃពីរកែវ គឺប្រឈមជាមួយនឹងការកើនឡើងនៃកម្រិត ទ្រីគ្លីសឺរីក ខ្ពស់ជាងស្ត្រីធម្មតា រហូតដល់៤ដងឯណោះ។
បាល់ទាត់ ៖លោក Nasser Al-Khelaifi ម្ចាស់ក្លឹប Paris St Germain ចង់បានលោក Jose Mourinho ជាអ្នកដឹកនាំក្រុមដើម្បី ជំនួសលោក Laurent Blanc នៅរដូវក្តៅខាងមុខ បន្ទាប់ពីទម្រង់លេងមិនសូវល្អនៅក្របខ័ណ្ឌ Champions League ។
រាជធានីភ្នំពេញ ៖លោក កឹម សុខា ប្រធានស្តីទីគណបក្សសង្គ្រោះជាតិ និងភរិយា ព្រមទាំងកូនស្រី ត្រូវបានមន្ត្រីជាន់ខ្ពស់ CNRP អះអាងប្រាប់អ្នកសារព័ត៌មានថា បានចាកចេញយ៉ាងស្ងាត់ស្ងៀម ក្រៅប្រទេសកាលពីវេលាម៉ោង៧៖៣០នាទីព្រលប់ថ្ងៃទី១៨ ខែមេសា ឆ្នាំ២០១៦។
ខេត្តមណ្ឌលគិរី ៖អតីតមន្ត្រីអាវុធហត្ថដែលមានរឿងអាស្រូវច្រើនម្នាក់ ព្រមទាំងបក្សពួកត្រូវបានកម្លាំងកងរាជអាវុធហត្ថ ស្រុកអូរាំងនិង ខេត្តមណ្ឌលគិរី ចាប់ខ្លួនបាននិងត្រូវបញ្ជូនទៅទីបញ្ជាការកងរាជអាវុធហត្ថខេត្តមណ្ឌលគិរីនៅព្រឹកថ្ងៃទី២០ ខែមេសា ឆ្នាំ២០១៦នេះ នៅតាមបណ្តោយផ្លូវជាតិលេខ៧៦ ក្នុងភូមិសាស្ត្រតំបន់ព្រៃកាពារអភិរក្សជីវចំរុះសីមា ស្ថិតក្នុងស្រុកអូរាំងនិងស្រុកកែវសីមា។
ប្រភពព័ត៌មានដដែលបានអោយដឹងថា លោក ស៊ូ ម៉ារិទ្ធ ជាមន្ត្រីកងរាជអាវុធហត្ថម្នាក់ ដែលមានរឿងអាស្រូវច្រើន ហើយត្រូវបានប្រមុខថ្នាក់ដឹកនាំខ្លួនដកចេញពីកាងារកាលពីកន្លងមក។ហើយព័ត៌មានដែលទទូលបានកន្លងមកនោះ ឈ្មោះ នេះ បានប្រព្រឹត្តនូវសកម្មភាពល្មើសមួយចំនួនដូចជា ខ្លួនជាមន្ត្រីផង ជាមុខសញ្ញារកស៊ីឈើខុសច្បាប់ផង ធ្លាប់យកកាំភ្លើងខ្លី ភ្ជង់ លោកអភិបាលស្រុកកែវសីមា ស៊ិន វណ្ណវុឌ្ឍ ក្នុងយុទ្ធនាការចាប់រថយន្តខុសបច្ចេកទេស ធ្លាប់ត្រូវបានព្រះរាជអជ្ញាចេញដឺការ ឡោមព័ទ្ធផ្ទះពាក់ព័ន្ធនិងលាក់ទុកឈើប្រណីតដ៏ច្រើនចំនួន២លើក ហើយនិងករណីផ្សេងៗទៀត ។ ដោយឡែកគេនៅមិនទាន់ទទួលព័ត៌មានលម្អិត ថាតើសមត្ថកិច្ចនិងចាត់ការលើករណីឃាត់ខ្លួនអតីតមន្ត្រី កងរាជ អាវុធហត្ថ និងបក្សពួកយ៉ាងណានោះទេ នៅថ្ងៃដដែលនេះ៕
បាល់ទាត់ ៖ខ្សែប្រយុទ្ធដ៏ឆ្នើមរបស់ក្រុមយក្ស Real Madrid កីឡាករ Gareth Bale អាចអវត្តមានឲ្យក្រុមពេលជួបនឹង Villarreal នៅក្របខ័ណ្ឌ La Liga ក្នុងកីឡដ្ឋាន Estadio Santiago Bernabeu នារាត្រីថ្ងៃពុធនេះដោយរបួសរបួសសាច់ដុំ។
អេក្វាទ័រ ៖ចំនួនអ្នកស្លាប់ដោយសារគ្រោះធម្មជាតិរញ្ជួយដីកម្រិត ៧,៨រ៉ិចទ័រនៅប្រទេសអេក្វាទ័រ បានកើនឡើងដល់៤៨០នាក់ និងរងរបួស២៥៦០នាក់ គ្រដែលក្រុមជួយសង្គ្រោះបានអះអាងថា ចំនួនអ្នកស្លាប់អាចនឹងបន្ដកើនឡើងទៀត។ នេះបើយោងតាមការចេញផ្សាយរបស់សារព័ត៌មាន CNN ។
អាហ្វហ្គានីស្ថាន ៖យោងតាមសារព័ត៌មាន BBC បានផ្សាយថា មនុស្ស២៨នាក់បានស្លាប់ និង៣២៩នាក់ផ្សេងទៀតរងរបួសក្នុងហេតុការណ៍បំផ្ទុះធំមួយកាលពីថ្ងៃអង្គារម្សិលមិញនៅកណ្ដាលទីក្រុង Kabul នៃប្រទេសអាហ្វហ្គានីស្ថាន។
រាជធានីភ្នំពេញ ៖ក្រសួងអប់រំ យុវជន និងកីឡា បានអំពាវនាវដល់សម្បុរសជនទាំងក្នុង និងក្រៅប្រទេស ចូលរួមឧប ត្ថម្ភថវិកា និងសម្ភារនានា សម្រាប់ជារង្វាន់បន្ថែមដល់ជ័យលាភីសិស្សពូកែទូទាំងប្រទេស សំដៅជំរុញចលនា នៃការប្រឡងសិស្សពូ កែទូទាំងប្រទេសឲ្យកាន់តែមានប្រសិទ្ធភាពខ្ពស់ ខណដែលការប្រឡងសិស្សពូកែទូទាំងប្រទេសសម្រាប់សិស្សថ្នាក់ទី៩ និងថ្នាក់ទី១២ ផ្នែកអក្សរសិល្ប៍ខ្មែរ គណិតវិទ្យា និង រូបវិទ្យា នឹងធ្វើឡើងនៅថ្ងៃអាទិត្យ ទី២៤ ខែមេសា ឆ្នាំ២០១៦នេះ នៅវិទ្យាល័យ ១០ មករា ១៩៧៩ ខេត្តសៀមរាប៕
ខេត្តបន្ទាយមានជ័យ ៖ពលករខ្មែរ២១នាក់ មិនបានបង់លុយឲ្យសមត្ថកិច្ចប្រុងឆ្លងដែនខុសច្បាប់ទៅប្រទេសថៃ ត្រូវបានសមត្ថកិច្ចទប់ស្កាត់ នៅស្រុកម៉ាឡៃធ្វើការឃាត់ខ្លួននៅល្ងាចថ្ងៃទី១៩ ខែមេសា ឆ្នាំ២០១៦ កម្លាំងនគរបាលបានធ្វើការទប់ស្កាត់និងឃាត់ខ្លួនពលករខ្មែរ២១នាក់ នៅស្រុកម៉ាឡៃបាននិយាយថា ក្រោយពីឃើញពួកគេមានបំណងចង់ឆ្លងដែនខុសច្បាប់ ទៅស្វែងរកការងារធ្វើនៅប្រទេសថៃ។
រាជធានីភ្នំពេញ ៖ជនបរទេសចំនួន១២នាក់មាន៤សញ្ជាតិត្រូវបានកម្លាំងនគរបាលអគ្គនាយកដ្ឋានអន្តោប្រវេសន៍ឃាត់ខ្លួនពីបទលួចឆ្លងដែនរស់នៅ និងធ្វើការខុសច្បាប់ ក្នុងរាជធានីភ្នំពេញ។ ការឃាត់ខ្លួននេះបានធ្វើឡើងកាលពីថ្ងៃទី១៩ ខែមេសា ឆ្នាំ២០១៦ នៅសិប្បកម្មកែច្នៃឈើចំនួន៣ទីតាំង ស្ថិតនៅក្នុងសង្កាត់ទួលទំពូង១ សង្កាត់បឹងត្របែក ខណ្ឌចំការមន ។
Posts navigation
មេគង្គប៉ុស្តិ៍លើបណ្តាញសង្គម
ព័ត៌មានគួរចាប់អារម្មណ៍
