All posts by មេគង្គ ប៉ុស្តិ៍

ចាប់ជនជាតិវៀតណាម៩នាក់ លួចចូល កាប់ឈើនៅស្រុកពេជ្រាដា

February 25, 2016ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ដោយ៖សុខណាត

មណ្ឌលគីរី៖ជនជាតិវៀតណាម ៩ នាក់ត្រូវបានកម្លាំងការពារតំបន់អភិរក្ស WWF ចាប់ឃាត់ខ្លួនខណៈពួកគេចូលមកលួចកាប់ឈើលើទឹកដីកម្ពុជានៅចំណុចអូរណា ស្រុកពេជ្រាដា ក្នុងខេត្តមណ្ឌលគិរី។

មន្ត្រីមូលដ្ឋានបានរាយការណ៍ថា នៅយប់ថ្ងែទី24ខែកុម្ភៈឆ្នាំ2016 វេលាម៉ោងប្រមាណ ៩.៣០នាទីយប់ កំលាំងយាមល្បាតតាមបន្ទាត់ព្រំដែន កម្ពុជា-វៀតណាម នៅចំនុចច្រកអូរណា (ចន្លោះប៉ុស្តិ៍៤ – ៥ )ស្រុកពេជ្រាដា ខេត្តមណ្ឌលគិរី បានប្រទះឃើញ ជនជាតិវៀតណាម ចូលទឹកដីខ្មែរខុសច្បាប់ចំនួន 09នាក់រួមទាំងវត្ថុតាងមួយចំនួនត្រូវបានកំលាំង របស់លោក ឡុង ប៊ុង ជាប្រធានព្រៃការពារwwf ប្រចាំខេត្តមណ្ឌលគិរីធ្វើការឃាត់ភ្លាមៗ រួមមានទាំងវត្ថុតាងមួយចំនួនផងដែរ។

លោក បានបញ្ជាក់ដែរថា នៅប្រតិបត្តិការណ៍នោះបានដឹកនាំផ្ទាល់ដោយ លោកកែវ សុ ភ័ក្យ ជាអនុប្រធាននៃព្រៃការពារអភិរក្យWWF ក្រោយពីលោកទទួលព័ត៌មានថាមានជនជាតិវៀតណាមខុសច្បាប់ចូលមកលួចកាប់ព្រៃក្នុងទឹកដីខ្មែរដែលជាតំបន់កាពាររបស់លោក បានបញ្ជាអោយចុះទៅពិនិត្យ មើលតែម្ដង ។

ការចុះល្បាតព្រៃនោះ ក្រុមលោកក៏បានប្រទះឃើញជនល្មើស ជនជាតិវៀតណាមមួយក្រុមមានគ្នាចំនួន09នាក់ នៅចំណុច អូរណាក្រោយប៉ុស្តិ៍ រួមមានរណារយន្ដចំនួន03គ្រឿង ម៉ួតូចំនួន07 បច្ចុប្បន្ននេះកំលាំងសមត្ថកិច្ចធ្វើការឃាត់ខ្លួននាំមក ខណ្ឌរដ្ឋបាលព្រៃឈើមណ្ឌលគីរីទាំងយប់ ។

ព្រឹកថ្ងៃទី ២៥នេះ លោកបានកសាង សំណុំរឿងដេីម្បី បញ្ជួនខ្លួន ជនល្មើសទាំង៩នាក់រួមទាំងវត្ថុតាង ដើម្បីទៅអោយតុលាការចាត់ការតាមនីតិវិធី៕

លោក ទៀង សារ៉ាត់ ប៉ូលិសសេដ្ឋកិច្ចដាក់កុងត្រូលជជុះគាបអ្នកដឹកជញ្ជូនទំនិញ

February 25, 2016ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ដោយ៖សហការី

ខេត្តកំពត៖លោក ទៀង សារ៉ាត់ ជា មន្ត្រីនគរបាលសេដ្ឋកិច្ចក្រសួងមហាផ្ទៃ បច្ចុប្បន្នបាននិងកំពុងធ្វើឱ្យប្រជាពលរដ្ឋរអ៊ូរទាំ និងក្តៅក្រហាយ ដោយសារតែសកម្មភាពចេញដាក់កុងត្រូលជជុះ នៅតាមបណ្តោយផ្លូវ ដើម្បីកោសរូសទារ លុយពីប្រជាពលរដ្ឋរកស៊ីដឹកជញ្ជូនទំនិញកសិផលបន្តិចបន្តួច យកទៅលក់នៅភ្នំពេញ។

ប្រជាពលរដ្ឋបានឱ្យដឹងថា ទីតាំងកុងត្រូលជជុះរបស់លោក ទៀង សារ៉ាត់ ដែលលួចដាក់ជាប្រចាំនោះ ស្ថិតនៅចំណុចផ្សារស្លឹក ឃុំកំពង់ត្រាចខាងកើត ស្រុកកំពង់ត្រាច ខេត្តកំពត សម្រាប់ធ្វើសកម្មភាពចល័ត ប្រដេញចាប់ឃាត់រថយន្តដឹកជញ្ជូនទំនិញរបស់ប្រជាពល រដ្ឋ និងក្រុមឈ្មួញធំៗជម្រិត ឱ្យចូលបង់លុយយកទៅធ្វើមានបានផ្ទាល់ខ្លួន ដោយ មិនរើសមុខដោយមិនដែលខ្វល់ខ្វាយពីបទបញ្ជា របស់ថ្នាក់លើនោះទេ ។

បើតាមប្រភពមន្ត្រីមូលដ្ឋានប្រតិកម្មឱ្យដឹងថា លោកលោក ទៀង សារ៉ាត់ តែងតែអួតអាងថា គាត់បានទទួលលិខិតបេសកកម្ម ពីអគ្គស្នងការនគរបាលជាតិឱ្យចុះទៅប្រចាំការនៅស្រុកកំពង់ត្រាច នេះឱ្យធ្វើព្យុះភ្លៀងគាប.កក្រុមប្រជាពលរដ្ឋ និងឈ្មួញតាមទំនើងចិត្ត ។ ប៉ុន្តែការអនុវត្តជាក់ស្តែង ផ្ទុយពីគោលការណ៍របស់ថ្នាក់លើ និងបំពានទៅលើកំណែទម្រង់ស៊ី ជម្រៅ របស់អគ្គស្នងការនគរបាលជាតិ និងអនុសាសន៍របស់លោកនាយករដ្ឋមន្ត្រី ហ៊ុន សែន យ៉ាងពេញបន្ទុក ។

ជាងនេះទៅទៀត តាមសកម្មភាពដែលគេឃើញ គឺលោក ទៀង សារ៉ាត់ បែរជាបញ្ចេញកម្លាំងឱ្យធ្វើសកម្មភាពផ្ទុយពីគោលនយោ បាយទាំង ៩ចំណុច ភូមិ-ឃុំ មានសុវត្ថិភាពយ៉ាងគឃ្លើនបំផុត ផ្ទុយពីការងារទប់ស្កាត់បទ ល្មើសសេដ្ឋកិច្ចទៅជាក្តោបក្តាប់ប្រមូលសេដ្ឋកិច្ចចូលហោប៉ៅគ្រួសារ បក្ខពួកនិយម និងប្រឹងប្រមូលលុយបំប៉នថ្នាក់លើឱ្យទប់កៅអីគាត់ទៅវិញ ។

ប្រភពពីប្រជាពលរដ្ឋអ្នករកស៊ីដឹកជញ្ជូន ទំនិញស្របច្បាប់ និងខុសច្បាប់គ្រប់ប្រភេទ មកពីប្រទេសវៀតណាម បានឱ្យដឹងថា កម្លាំងរបស់ លោក ទៀង សារ៉ាត់ បានគំរាមកំហែងដល់ក្រុមអ្នករកស៊ី ដឹកជញ្ជូនទំនិញដែលមិនព្រម បង់លុយ ឱ្យពួកគេទៅតាមការកំណត់ដោយព្រមានចាប់ឃាត់ បញ្ជូនទៅថ្នាក់លើ ឬបង់ពិន័យ តាមច្បាប់តែម្តង ប្រសិនជាពុំបានតាម សំណើរពួកខ្លួនតម្រូវឱ្យបង់ជើង បង់ខែទេនោះ ហើយមិនថា តែទំនិញលោតឆ័ត្រ ឬទំនិញ បង់ពន្ធ ១០០% នោះទេ ដាច់ខាត ត្រូវតែបង់លុយបាយ ៣០ម៉ឺន-៤០ម៉ឺនក្នុងមួយខែ។

ប្រភពខាងលើឱ្យដឹងទៀតថា កន្លងមកថ្មីនេះ លោក ទៀង សារ៉ាត់ អាងខ្លួនជានគរបាលសេដ្ឋកិច្ចក្រសួងមហាផ្ទៃ បានធ្វើសកម្មភាពជារៀងរាល់យប់ដើរប្រម៉ាញ់ រកមើលរថយន្តដឹកទំនិញអោយមកបង់លុយប្រជាពលរដ្ឋដែលបើក ឆ្លងកាត់កុងត្រូលជជុះរបស់ពួកគេ ដោយកោសរូសទារលុយពីប្រជាពលរដ្ឋយ៉ាងចាស់ដៃ ។ពាក់ព័ន្ធនឹងបញ្ហានេះមិនគួរអគ្គស្នងការនគរបាលជាតិទុកឱ្យលោក ទៀង សារ៉ាត់ បន្តចាប់គាបជម្រិតធ្វើបាបប្រជាពលរដ្ឋនោះទៀតទេ ។

ទោះបីជាយ៉ាងនេះក្តី លោក ទៀង សារ៉ាត់ មិនអាចទាក់ទងសុំការឆ្លើយតបចំពោះការលើកឡើងដូចខាងលើបានទេ កាលពីព្រឹកថ្ងៃទី ២៥ ខែកុម្ភះ នេះ៕

សាន់ វិសាល ត្រូវនារីម្នាក់បកអាក្រាតរឿងជំពាក់លុយ និងទម្លាយរឿងមានកូនជាមួយតួឯកស្រី

February 25, 2016ព័ត៌មានថ្មីចុងក្រោយ, ព្រឹត្តិការណ៍កម្ពុជា, សិល្បៈ / កម្សាន្តមេគង្គ ប៉ុស្តិ៍

ដោយះ រតនា

ភ្នំពេញ៖ អ្នកដឹកនាំសម្តែងភាពយន្ត និងពិធីករប្រុសទូរទស្សន៍ហង្សមាសលោក សាន់ វិសាល ថ្មីៗនេះត្រូវបាននារីម្នាក់ចេញមុខបកអាក្រាតរឿងជំពាក់ប្រាក់មិនសង និងទម្លាយអាថកំបាំងស្នេហ៍លួចលាក់រហូតមានកូនម្នាក់ជាមួយ តួឯកស្រីក្នុងរឿង “រនាថស្នេហ៍” នាង ម៉ម ស្រីពៅ។ ការបកអាក្រាតនេះត្រូវបានធ្វើឡើងក្រោយពីលោកបានបញ្ចប់ទំនាក់ទំនងស្នេហា រយៈពេល៩ឆ្នាំជាមួយនាងឈ្មោះដាវីនោះផងដែរ ។

ដំណឹងស្នេហាត្រីកោណផ្ទុះផ្អើលអស់អ្នកសិល្បៈ បានកើតមានឡើងក្រោយពីAcount Facebook របស់នាងរីម្នាក់ដែលមានឈ្មោះថា Da Vy បានសរសេរបកអាក្រាតបង្ហោះទម្លាយជាសាធារណៈពីដំណើរដើមទងនៃទំនាក់ទំនងស្នេហារវាងនាង និងលោក សាន់ វិសាល ដែលមានរយៈពេល៩ឆ្នាំ រហូតធ្វើឲ្យនាងទុកចិត្តព្រមលះបង់លុយកាក់ផ្ទាល់ខ្លួនជាច្រើន ដើម្បីបំពេញតាមតម្រូវការរបស់តារាប្រុសលោក សាន់ វិសាល ។ប៉ុន្តែទីបំផុតត្រូវចាញ់បោកតារាប្រុសរូបនេះដោយការដោះដៃទៅបង្កើតទំនាក់ទំនងស្នេហាជាមួយតួឯកស្រីក្នុងរឿង “រនាថស្នេហ៍” រហូតមានកូនម្នាក់ ហើយថែមទាំងគំរាមប្តឹងនាង ព្រោះតែខឹងនាងទារលុយដែលលោក វិសាល ជំពាក់នាពេលកន្លង ។នៅលើ Acount Facebook ដដែល បានសរសេរថា “អ្នកឯងកុំមកខលគំរាមខ្ញុំក្នុងផ្លូវច្បាប់ ខ្ញុំអត់មានខ្លាចអ្នកឯងទេ ។ បោកគេហើយ ចង់ប្តឹងគេទៀត វាខលគំរាមខ្ញុំមិត្តៗជួយចែកចាយផង ។ វាបោកខ្ញុំមិនទាន់ឆ្អែតម្សិលម្ងៃវាណាត់មេតុងទីន និងខ្ញុំជួបវាស្រាប់តែចង់ឲ្យខ្ញុំដោះបំណុលតុងទីនវាទៀត ហួសចិត្ត ខ្ញុំឈប់គិតហើយ តែវាធ្វើឲ្យខ្ញុំអត់ទ្រាំមិនបានសោះ គាត់ជាតារាកំពូលបោក” ។

ការទម្លាយរឿងរ៉ាវស្នេហានេះក្រោយពីម្ចាស់ Acount Facebookខាងលើបានខកចិត្តចំពោះទង្វើរបស់លោក សាន់ វិសាល ដែលក្បត់ចិត្តនាងទៅមានស្រីថ្មីជាតារាសម្តែងខណៈដែលកន្លងទៅនាងធ្លាប់បានជួយជ្រោជ្រែងទាំងការបើកដំណើរការហាងលក់សំលៀកបំពាក់ និងជួយបង់ថ្លៃការសិក្សាផ្នែកច្បាប់នៅសកលវិទ្យាល័យជាដើម។

ពិធីករលោក សាន់ វិសាល បានឆ្លើយឆ្លងជាមួយអ្នកសារព័ត៌មានថាលោកមិនមានទំនាក់ទំនងស៊ីជម្រៅរហូតរួមរស់ជាមួយនារីខាងលើនោះទេ។ លោកថា នារីម្នាក់នេះគ្រាន់តែស្គាល់រាប់អានប៉ុណ្ណោះ ហើយមកពីនាងក្ដៅក្រហាយក្រោយពេលលោក និងតួឯកស្រីក្នុងរឿង «រនាតស្នេហ៍» បានក្លាយជាប្ដីប្រពន្ធនឹងគ្នា ទើបចេះតែដើរនិយាយផ្ដេសផ្ដាស និងខលមកគំរាមទារលុយពីលោកស្ទើររាល់ថ្ងៃ ហើយលោកក៏បានដាក់ពាក្យបណ្តឹងនាងពីបទបរិហាកេរិ៍្តផងដែរ។

ទោះជាយ៉ាងណាក្តីនារីដែលសុខចិត្តលាតត្រដាងកាត់កេរកាត់ខ្មាស់បង្ហាញរូបថតមួយចំនួនដើម្បីបញ្ជាក់ពីទំនាក់ទំនងនាងនិងលោក សាន់ វិសាល។ នាងក៏ព្រមានប្តឹងបកទៅកាន់លោក សាន់ វិសាល វិញដែរ៕

FIFA នឹងបោះឆ្នោតជ្រើសរើសប្រធានថ្មីយប់ស្អែក

February 25, 2016កីឡាមេគង្គ ប៉ុស្តិ៍

ស្វីស៖សមាគមសហព័ន្ធបាល់ទាត់អន្តរជាតិ FIFA នឹងធ្វើការបោះឆ្នោតជ្រើសរើសប្រធានដើម្បីមកជំនួសតំណែងប្រធានចាស់លោក Sepp Blatter ដែលបានប្រកាសចុះចេញពីតំណែងកាលពីដើមខែ មិថុនា ឆ្នាំ២០១៥ដោយសារវិបត្តិ ពុករលួយផ្ទុះឡើយខ្លាំងក្លា។
តាមប្រភពសារព័ត៌មាន BBC បានផ្សាយថា មានបេក្ខជន៥រូបដែលសុទ្ធសឹងតែកាន់តំណែងធំក្នុងសមាគមសហព័ន្ធបាល់ទាត់អន្តរជាតិ FIFA បានត្រៀមខ្លួនរួចជាស្រេច ក្នុងការឈរឈ្មោះបោះឆ្នោតជ្រើសរើសប្រធានថ្មីរាត្រីស្អែកនេះ នៅទីស្នាក់កណ្តាលស្ថិតក្នុងទីក្រុង Zurich ប្រទេសស្វីស។
ប្រភពបន្តថា នេះជាការបោះឆ្នោតជ្រើសរើសប្រធានទី៩ ក្នុងអាណត្តិទី២៨ ដើម្បីបន្តដឹកនាំស្ថាប័នដែល មិនគិតពីប្រាក់កំរៃ ដែលធ្វើការសំខាន់ទៅលើកីឡាបាល់ទាត់ទាំងផ្នែកយុវជន បាល់ទាត់នារី និងព្រឹត្តិការណ៍បាល់ទាត់ពិភពលោក World Cup ជាដើមដែលមានរយៈពេល៤ម្តងដូចគ្នា។
គួរបញ្ជាក់ថា ប្រធានស្តីទី FIFA លោក Sepp Blatter រួមជាមួយប្រធាន UEFA លោក Michel Platini ពុំត្រូវបានអនុញ្ញាតឲ្យឈរ ឈ្មោះឡើយ ដោយសារត្រូវក្រុមប្រឹក្សាវិន័យព្យួរមុខតំណែងរហូតដល់ទៅ៦ឆ្នាំដូចគ្នា ខណៈដែលអគ្គលេខាធិការ FIFA លោក Jerome Valcke ព្យួរមុខតំណែងរហូតដល់១២ឆ្នាំឯណោះ ខណៈដែលសមាជិកទាំង២០៩ប្រទេសរបស់ FIFA និងមន្ត្រីកំពូលៗ សុទ្ធតែមានសិទ្ធិក្នុងការបោះឆ្នោតជ្រើសរើសប្រធានថ្មីទាំងអស់៕

CEO របស់ Facebook និងTwitter រងការគំរាមពីក្រុម ISIS

February 25, 2016ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

ស៊ីរី៖សហស្ថាបនិក និងជានាយកប្រតិបត្តិបណ្ដាញទំនាក់ទំនងសង្គម Facebook លោក Mark Zuckerberg និងស្ថាបនិកបណ្ដាញសង្គម Twitter លោក Jack Dorsey បានក្លាយគោលដៅវាយប្រហាររបស់ក្រុមISIS។ នេះបើយោងតាមសារព័ត៌មាន Daily Mail។
តាមរយៈខ្សែវីដេអូថ្មីមួយរបស់ក្រុមឧទ្ទាមនេះបានបង្ហាញថា លើផ្ទៃមុខរបស់នាយកប្រតិបត្តិទាំងពីរនេះ ពោរពេញដោយស្នាមគ្រាប់កាំភ្លើង ដោយក្នុងនោះ ក្រុម ISIS បានបញ្ជាក់ថា វាជាការសងសឹងដល់បណ្ដាញសង្គមទាំងនេះ ដែលជួយដល់រដ្ឋាភិបាលអាមេរិក ក្នុងការបិទគណនីរបស់ពួកគេ ប៉ុន្តែនៅពេលនេះ ពួកគេបានគណនី Facebook និង Twitter រាប់ពាន់។
គួរបញ្ជាក់ថា កាលពីដើមខែមករា ប្រធានាធិបតីសហរដ្ឋអាមេរិក លោក Barack Obama បានស្នើដល់បណ្ដាញសង្គម Facebook និង Twitter ឲ្យចូលរួមប្រយុទ្ធប្រឆាំងនឹងក្រុមឧទ្ទាម ជាពិសេសគឺក្រុម ISIS៕

ក្រុមហ៊ុន ឡុង ណាំ នៅស្រុកបាភ្នំ ធ្វើអាជីវកម្មថ្មភ្នំឈើកាច់មុនពេលមានអាជ្ញាប័ណ្ណ

February 25, 2016ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ដោយ៖សហការី

ខេត្តព្រៃវែង៖ ក្រុមហ៊ុន ឡុង ណាំ មានទីតាំងនៅស្រុកបាភ្នំ ត្រូវគេរាយការណ៍ថា កំពុងធ្វើអាជីវកម្មបំផ្លាញថ្មជុំវិញតំបន់ភ្នំឈើកាច់ដោយកេងបន្លំផលប្រយោជន៍របស់រដ្ឋ ព្រោះពួកគេបានយកថ្មខុសទីតាំងដែលច្បាប់បានកំណត់ និងបានយកថ្មយ៉ាងគគ្រឹកគគ្រេង ក្នុងពេលដែលពួកគេកំពុងស្ថិតក្នុងដំណាក់កាលសុំអាជ្ញាប័ណ្ណពីស្ថាប័នជំនាញនៅឡើយ។

ប្រជាពលរដ្ឋស្រុកបាភ្នំ ខេត្តព្រៃវែង បានរាយការណ៍នៅក្នុងសប្តាហ៍នេះថា ក្រុមហ៊ុន ឡុង ណាំ ដែលធ្វើអាជីវកម្មថ្ម បានយកថ្មខុសទីតាំងកំណត់ ខណៈក្រុមហ៊ុនកំពុងរត់ការសុំអាជ្ញាប័ណ្ណ។

តាមប្រភពព័ត៌មានបានរាយការណ៍ថា ក្រុមហ៊ុន ឡុង ណាំ ក៏ជាប់ពាក់ព័ន្ធជាមួយរឿងអាស្រូវកាយយកថ្មភ្នំប្រមាណជាង 10 ម៉ឺនម៉ែត្រគូបចេញពីភ្នំឈើកាច់ ស្រុកបាភ្នំ ខេត្តព្រៃវែង ក្នុងគោលបំណងយកទៅលក់ឲ្យក្រុមហ៊ុនធ្វើផ្លូវនៅខេត្តស្វាយរៀងដោយ បម្រុងមិនបង់ពន្ធជូនរដ្ឋនោះទេ។ ប្រជាពលរដ្ឋបានរិះគន់ថាបើក្រុមហ៊ុនប្រព្រឹត្តបទល្មើសតែម្នាក់ឯង មិនអាចទៅរួចទេ ដូច្នេះសមត្ថកិច្ចជំនាញអាចនឹងជាប់ពាក់ព័ន្ធជាមួយសកម្មភាពបំពាន ច្បាប់របស់រដ្ឋ។

ទន្ទឹមនឹងបញ្ហាងខាងលើនេះ ក្រុមហ៊ុន ឡុង ណាំ ក៏ជាប់ពាក់ព័ន្ធជាមួយរឿងអាស្រូវ នាំថ្មភ្នំ ដែលត្រូវគេកកាយ ប្រមាណជាង 10 ម៉ឺនម៉ែត្រគូប យកចេញពីភ្នំឈើកាច់ ស្រុកបាភ្នំ ខេត្តព្រៃវែង ក្នុងគោលបំណងដឹកយកទៅលក់ឲ្យក្រុមហ៊ុនធ្វើផ្លូវនៅខេត្តស្វាយរៀងដោយ បម្រុងមិនបង់ពន្ធជូនរដ្ឋនោះទេ។ ប្រជាពលរដ្ឋបានរិះគន់ថាបើក្រុមហ៊ុនប្រព្រឹត្តបទល្មើសតែម្នាក់ឯង មិនអាចទៅរួចទេ ដូច្នេះសមត្ថកិច្ចជំនាញអាចនឹងជាប់ពាក់ព័ន្ធជាមួយសកម្មភាពបំពាន ច្បាប់របស់រដ្ឋ។

មន្ត្រីនៅមូលដ្ឋានក្នុងស្រុកបាភ្នំ បានបង្ហើបថា មូលហេតុ ថ្មភ្នំដែលគេកកាយបានទាំងនោះ មិនត្រូវបានបង់ពន្ធ គឺដោយសារថ្មទាំងនោះ ត្រូវបានគេកកាយយកពីតំបន់ យកថ្មរបស់ សហគមន៍ ដោយកន្លងមក ទីនោះ គឺមានប្រជាពលរដ្ឋ សរុប ១៧ គ្រួសារ ជាអ្នកវាយយកថ្មភ្នំដោយប្រើដៃ តែមិនមានអាជ្ញាប័ណ្ណញពីក្រសួងរ៉ែ និងថាមពល នោះទេ ។ តែបច្ចុប្បន្នទីកន្លែងយកថ្មនោះត្រូវបានឈ្មួញបានទិញយកពីសហគមន៍ ហើយបានប្រើគ្រឿងចក្រកកាយយកថ្ម និងបានដឹកតាមរថយន្តលក់ចេញទៅខេត្តស្វាយរៀង ។

ប្រជាពលដ្ឋស្រុកបាភ្នំ ខេត្តព្រៃវែង ដែលតែងតែត្អូញត្អែរពីករណីធ្វើអាជីវកម្មថ្មភ្នំនៅស្រុក បាភ្នំ ខេត្តព្រៃវែង បានស្នើឲ្យស្ថាប័នជំនាញ ពិសេសលោក ជា កក្កដា ប្រធានមន្ទីររ៉ែ និងថាមពល ខេត្តព្រៃវែង គប្បីសហការជាមួយសមត្ថកិច្ចជំនាញចុះស៊ើបអង្កេត និងដោះស្រាយបញ្ហាខាងលើឲ្យមានតម្លាភាព និងយុត្តិធម៌។ ប្រភពដដែលបានបញ្ជាក់ថា ស្រុកបាភ្នំ ត្រូវឈ្មួញធ្វើអាជីវកម្មថ្មភ្នំ និងខ្សាច់ភ្នំ រាប់សិបឆ្នាំមកហើយ តែផ្លូវថ្នល់នៅក្នុងស្រុកបាភ្នំ ក៏ដូចជានៅខេត្តព្រៃវែង នៅតែមានស្ថានភាពអាក្រក់នៅឡើយ៕

អាល្លឺម៉ង់កំពុងពិចារណាបញ្ជូនទ័ពទៅហ្វឹកហាត់នៅទុយនេស៊ីដើម្បីក្រុមISIS

February 25, 2016ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

អាល្លឺម៉ង់៖រដ្ឋាភិបាលអាល្លឺម៉ង់កំពុងពិចារណាក្នុងការបញ្ជូនកងទ័ពទៅប្រទេសទុយនេស៊ីដើម្បីហ្វឹកហាត់កងទ័ពប្រឆាំងនឹងក្រុមឧទ្ទាមអ៊ីស្លាមISIS។ នេះបើយោងតាមការផ្សាយរបស់កាសែតអាល្លឺម៉ង់។
រដ្ឋមន្ត្រីក្រសួងការពារជាតិអាល្លឺម៉ង់លោកស្រី Leyen បានបញ្ជាក់ថា ការហ្វឹកហាត់កងទ័ពទៅដល់ប្រទេសដទៃពិតជាមានសារៈសំខាន់ណាស់។ លោកស្រីលើកឡើងថា កងទ័ពអាល្លឺម៉ង់នឹងខិតខំប្រឹងប្រែងព្យាយាមគាំទ្រដល់បណ្ដាប្រទេសដែលជួបការលំបាកដូចទុយនេស៊ី។ ទន្ទឹមនោះលោកស្រីបន្តថា បច្ចុប្បន្នកងទ័ពអាល្លឺម៉ង់បានចូលរួមក្នុងសម្ព័ន្ធអន្តរជាតិប្រឆាំងនឹងក្រុមជ្រុលនិយមអ៊ីស្លាមISIS និងចូលរួមការបណ្តុះបណ្តាលដល់កងកម្លាំងឃឺដ ដោយមានបំពាក់អាវុធ នៅភាគខាងជើងប្រទេសអ៊ីរ៉ាក់។ យ៉ាងណាក៏ដោយ លោកស្រីរំពឹងថា ការហ្វឹកហាត់កងទ័ពនៅទុយនេស៊ីនឹងក្លាយជាការចូលរួមចំណែកឆ្ពោះទៅរកស្ថិរភាពក្នុងតំបន់៕

មេក្លោងពីរនាក់ដែលជំរិតទារប្រាក់ពីស្ត្រីរកស៊ីទិញលក់ដីត្រូវបានចាប់ខ្លួន

February 24, 2016ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ដោយ៖ស សាម

ភ្នំពេញ៖ មេក្លោងចាប់ជំរិតទារប្រាក់ ពីថៅកែស្រីម្នាក់រកស៊ីទិញ-លក់ដី ត្រូវបានកម្លាំងនគរបាលការិយាល័យ ព្រហ្មទណ្ឌកំរិតស្រាល នៃស្នងការដ្ឋាននគរបាលរាជធានីភ្នំពេញ សហការជាមួយនគរបាលការិយាល័យ ព្រហ្មទណ្ឌកំរិតស្រាល ខេត្តឧត្តរមានជ័យ និងនគរបាលអន្តោប្រវេសន៍ ច្រកអូរស្មាច់ជាប់ព្រំដែនប្រទេសថៃ បានបើកប្រតិបត្តិការ បង្ក្រាបបានជាបន្តបន្ទាប់ ហើយយកមកបង្ហាញមុខ នៅព្រឹកថ្ងៃទី២៤ ខែកុម្ភៈ ឆ្នាំ២០១៦នេះ មុនបញ្ជួនខ្លួនទៅកាន់តុលាការ។

លោក ប៊ុន សត្យា នាយការិយាល័យព្រហ្មទណ្ឌកំរិតស្រាល រាជធានីភ្នំពេញ បានបញ្ជាក់ថា ករណីចាប់ជំរិតនេះបានកើតឡើង តាំងពីរសៀលថ្ងៃទី១៣ ខែមករា ឆ្នាំ២០១៦មកម្ល៉េះ ស្ថិតនៅភូមិស្រែជំរៅ សង្កាត់ចោមចៅ ខណ្ឌពោធិសែនជ័យលើស្ត្រីរងគ្រោះឈ្មោះ ជា ណារិន អាយុ៥៧ឆ្នាំ មុខរបរអ្នករកស៊ីទិញ-លក់ដី។

ជនសង្ស័យទាំង២នាក់ ដែលបានចាប់ខ្លួន រួមមានទី១ឈ្មោះ នូ ចាន់លី ហៅទូច អាយុ២៨ឆ្នាំ ជាមេក្លោង លើការរៀបចំគំរោងការផ្តល់រថយន្ត និងសម្រាប់ធ្វើសកម្មភាព និងទី២ឈ្មោះ សូរ ចំរើន អាយុ៣២ឆ្នាំ ត្រូវបានចាប់ខ្លួន នៅថ្ងៃទី២១ ខែកុម្ភ: ឆ្នាំ២០១៦ ស្ថិតនៅច្រកទ្វារអូរស្មាច់ ដោយដកហូតកាំភ្លើងខ្លីមួយដើមម៉ាកK59 និងរថយន្ត Camry ពណ៍ស្លែ សេរីឆ្នាំ៩៣មួយគ្រឿង ដែលជិះធ្វើសកម្មភាព។

លោក ប៊ុន សត្យា បានបញ្ជាក់ថា នៅវេលាម៉ោង ៣រសៀលថ្ងៃទី១៣ ខែមករា ឆ្នាំ២០១៦ ជនសង្ស័យទាំង២នាក់បានទាក់ទង ទៅជនរងគ្រោះ ដោយណាត់ជួបគ្នាធ្វើជារកទិញដី ចំណុចកើតហេតុ ស្រាប់តែពេលនោះ ជនសង្ស័យទាំង២នាក់ បានដកកាំភ្លើងភ្ជង់ ហើយអូសចូលរថយន្ត ដោយប្រាប់ជនរងគ្រោះប្រគល់លុយ៦០០០ដុល្លារ។ដោយខ្លាចជនសង្ស័យទាំង២នាក់ បាញ់សម្លាប់ចោលនោះ ស្ត្រីរងគ្រោះបានទូរស័ព្ទហៅកូនស្រី ឲ្យយកលុយចំនួន៦០០០ដុល្លារ មកប្រគល់ជូនពួកវា ហើយក្រោយបានលុយ ជនសង្ស័យក៏គេចខ្លួន រហូតដល់ថ្ងៃដែលត្រូវបានបង្ក្រាប៕

សមត្ថកិច្ចទៅណាអស់ហើយ ឡានដឹកអង្ករជាង៧០តោនបើកមកបំផ្លាញស្ពានអ្នកលឿង

February 24, 2016ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ដោយ៖សហការី

ព្រៃវែង៖ស្ពានអ្នកលឿង (ស្ពានស៊ូបាសា) បានរងការខូចខាតដោយសាររថយន្តយីឌុបដឹកអង្ករចំណុះជាង៧០តោនមួយគ្រឿង បានបើកបរឆ្លងកាត់ឡើងលើស្ពាន ប៉ុន្តែដោយសារឡើងមិនរួចក៏រអិលថយចុះក្រោយវិញ ហើយបានបំផ្លាញសាច់កៅស៊ូលើស្ពានគួរឲ្យបារម្ភ។

ហេតុការដ៏អាក្រក់នេះ បានរងការរិះគន់យ៉ាងខ្លាំងចំពោះសមត្ថកិច្ចរបស់មន្ដ្រីក្រសួងសាធារណៈការ និងដឹកញ្ជូនថា ហេតុអ្វីបានជាបណ្តោយឲ្យមានរថយន្តធំៗផ្ទុកធ្ងន់លើសចំណុះអាចបើកបរក្នុងចម្ងាយផ្លូវរាប់រយគីឡូម៉ែត្រពីខេត្តស្វាយរៀងមកដល់ស្ពានអ្នកលឿង។ មិនមែនជារឿងចៃដន្យនោះឡើយ ក្នុងករណីរថយន្តចំណុះប្រមាណ៧០តោន បានព្យាយាមបើកឆ្លងកាត់ស្ពានដ៏ប្រណីត និងមានតម្លៃមហាសាលបំផុតរបស់ខ្មែរ ខណៈនៅតាមដងផ្លូវជាតិលេខ១ មានជញ្ជីងថ្លឹងរថយន្តដឹកទំនិញ ៣ កន្លែង ចាប់ពីខេត្ត ស្វាយរៀង មកដល់រាជធានីភ្នំពេញ ។

ប្រភពព័ត៌មានបានរាយការណ៍ថា ជាក់ស្ដែង កាលពីវេលាម៉ោង១២យប់ ថ្ងៃទី២២ ឈានចូលថ្ងៃទី ២៣ ខែកុម្ភៈ ឆ្នាំ២០១៦ នៅលើស្ពានអ្នកលឿង ត្រើយខាងកើត ក្នុងខេត្តព្រៃវែង មានរថយន្តដឹកអង្ករមួយគ្រឿង ពាក់ស្លាកលេខ ខេត្តតាកែវ 3A-1743 មានថៅកែឈ្មោះ ចក់ និង ចែមុំ (នៅតំបន់អ្នកលឿង) ដែលក្នុងរថយន្តនេះផ្ទុកអង្ករខ្សាយ និងអង្ករដំណើប សរុប ជាង៧០តោន បានបើកបរឆ្លងកាត់ស្ពានបំណងឆ្លងឡើងស្ពានមកត្រើយខាងលិច ប៉ុន្តែឡើងមិនរួចក៏រអិលថយក្រោយវិញ បង្កឲ្យខូចខាតសាច់កៅស៊ូស្ពានធ្វើឲ្យអ្នកឃើញហេតុការណ៍នេះមានការបារម្ភយ៉ាងខ្លាំង ។ប្រភពបន្តថា រថយន្តដឹកអង្ករនេះចេញពីខេត្តស្វាយរៀងព្រំដែនប្រទេសវៀតណាមឆ្ពោះទៅប្រទេសថៃ ។

ប្រភពដដែលបញ្ជាក់ថា នេះមិនមែនជាលើកទី១ទេ ដែលគេឃុបឃិតគ្នាបើកដៃឲ្យមានករណីបែបនេះ គឺរថយន្តចំណុះទម្ងន់ ១៧តោន ហើយទម្ងន់ផ្ទុកអង្ករជាង៦០តោនទៀត បូកសរុបជាង៧០តោន ធ្វើចរាចរណ៍ដោយសេរី ហើយពេលនេះហ៊ានបណ្តោយឲ្យបើកឆ្លងកាត់ស្ពានដែលមានតម្លៃដ៍មហាសាលថែមទៀត។ តើហេតុអ្វីបានជារថយន្តេះអាចឆ្លងកាត់ជញ្ជីងថ្លឹងរបស់ជំនាញបាន ? បើនៅតែមានករណីឃុបឃិតគ្នាបែបនេះ បញ្ហាអាក្រក់នឹងកើតមានឡើងគ្រប់ទីកន្លែង មិនចំពោះតែស្ពានអ្នកលឿងនោះឡើយ៕

ប៉េអឹមចាប់រថយន្តពីរគ្រឿងដឹកឈើល្មើសច្បាប់នៅស្រុកកែវសីមា

February 24, 2016ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ដោយ៖សហការី

មណ្ឌលគិរី៖ នៅវេលាម៉ោង ០៩៖០០ នាទីយប់ ថ្ងៃទី ២៣ ខែ កុម្ភៈ ឆ្នាំ ២០១៦ កំលាំងកងរាជអាវុធហត្ថខេត្ត សហការជាមួយអាវុធហត្ថស្រុកអូររាំង និង ស្រុកកែវសីម៉ា ចំនួន៨ នាក់ ប្រើមធ្យោបាយរថយន្ត ៤ គ្រឿង ដឹកនាំដោយលោក រ៉ុន ឌឿន បានចុះចាប់រថយន្តដឹកឈើខុសច្បាប់បានចំនួន ២ គ្រឿង ស្ថិតនៅភូមិ ឆ្នែង ឃុំ ស្រែខ្ទុម ស្រុកកែវសីម៉ា ខេត្តមណ្ឌលគិរី ។

រថយន្តទី០១ ត្រូវសមត្ថកិច្ចចាប់បាននៅវេលាម៉ោង ០៩៖០០ នាទី ស្ថិតនៅភូមិ ឆ្នែង ឃុំ ស្រែខ្ទុម ស្រុក កែវសីម៉ា ខេត្តមណ្ឌលគិរី រថយន្តម៉ាក Toyota 4renner ពណ៌ស្ករ ស្លាកលេខ 2F 1828 ដឹកឈេីខុសច្បាប់ប្រភេទ ធ្នង់ ចំនួន ១០ ដុំ នឹង បានឃាត់ខ្លួនអ្នកបេីបរ ០១ នាក់ ឈ្មោះ ញឹម រឿង ភេទ ប្រុស អាយុ ៣៨ ឆ្នាំ ជនជាតិ ខ្មែរ មុខរបរ អ្នកបេីកបររថយន្ត រស់នៅភូមិ កេីតហេតុខាងលេី ។

រថយន្តទី២ ត្រូវចាប់បាននៅវេលាម៉ោង០៦៖៣០ នាទីព្រឹក ស្ថិតនៅភូមិ ឆ្នែង ឃុំ ស្រែខ្ទុម ស្រុកកែវសីម៉ា ខេត្តមណ្ឌលគិរី រថយន្តម៉ាក Camary ឆ្នាំ ២០០២ ពណ៌ ទឹកប្រាក់ ពាក់ស្លាកលេខ 2 j 3487 ដឹកឈើខុសច្បាប់ប្រភេទធ្នង់ចំនួន ៦ កំណាត់។

បច្ចុប្បន្នរថយន្ត នឹងឈេទាំងអស់រួមទាំងបេីកបរត្រូវបានប្រគល់អោយរដ្ឋបាលព្រៃឈេី និងអភិរក្សចម្រុះ”សីម៉ា ” ខេត្តមណ្ឌលគិរី ។

ទោះជាបីជាយ៉ាងណា សមត្ថកិច្ចមិនបានបញ្ជាក់ពីអត្តសញ្ញាណរបស់ម្ចាស់ឈើនោះឡើយ៕

អតីតបវរកញ្ញា New Jersey ស្លាប់ដោយសារគ្រោះថ្នាក់ចរាចរណ៍

February 24, 2016ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

អាមេរិក៖អតីតបវរកញ្ញា New Jersey នាង Cara McCollum របស់សហរដ្ឋអាមេរិកវ័យ២៤ឆ្នាំបានលាចាកលោកហើយ កាលពីវេលាម៉ោង ៤និង៣០នាទីទៀបភ្លឺថ្ងៃទី២២ ខែកុម្ភៈ បន្ទាប់ពីជួបគ្រោះថ្នាក់ចរាចរណ៍ដ៏តក់ស្លុតកាលពីថ្ងៃទី១៥ខែកុម្ភៈ គ្រាដែលកំពុងបើករថយន្ត Ford Mustang នៅលើផ្លូវលេខ ៥៥ ក្នុងរដ្ឋ New Jersey ។
នាង Cara ត្រូវបានគេជូនទៅមន្ទីរពេទ្យភ្លាមៗក្រោយពេលកើតហេតុ ហើយក្រុមគ្រួសាររបស់អតីតបវរកញ្ញា New Jersey បានរំពឹងថា ស្ថានភាពរបស់នាងនឹងប្រសើរឡើង តែជាអកុសលសុខភាពរបស់នាងកាន់តែខ្សោយទៅៗ និងបានចាកចេញជារៀងរហូតនៅថ្ងៃទី ២២។
តាមប្រភពព័ត៌មានបានផ្សាយថា មុនពេលស្លាប់នាង Cara បានសម្រេចចិត្តនឹងបរិច្ចាគសរីរាង្គខាងក្នុងទាំងអស់របស់ខ្លួនដើម្បីជួយសង្គ្រោះដល់ជនរងគ្រោះដទៃទៀត។
គួរបញ្ជាក់ថា នាងCara បានបញ្ចប់ការសិក្សានៅសកលវិទ្យាល័យល្បីឈ្មោះ Princeton និងបានក្លាយជាអ្នកអានព័ត៌មាន។ ក្រោយពេលទទួលបានពានបវរកញ្ញា New Jersey នាងបានបន្តការងារនេះ៦ ខែទៀតនៅប៉ុស្តិ៍ទូរទស្សន៍ SNJ Today៕

សំណើទិញ FELIPE ANDERSON របស់ MAN UNITED បរាជ័យ

February 24, 2016កីឡាមេគង្គ ប៉ុស្តិ៍

បាល់ទាត់៖ប្រធានរបស់ក្លិបបាល់ទាត់នៅប្រទេសអ៊ីតាលី Lazio លោក Claudio Lotito បានបដិសេធចំពោះការព្រមព្រៀងថា ខ្សែប្រយុទ្ធ Felipe Anderson នឹងផ្លាស់ទៅកាន់ក្លិបបិសាចក្រហម Manchester United នៅរដូវកាលក្រោយក្នុងកញ្ចប់ទឹកប្រាក់៤៧លានផោន។
លោក Claudio Lotito បានប្រាប់គេហទំព័រ Calciomercato ថា ការលក់ខ្សែប្រយុទ្ធ Felipe Anderson ធ្វើឡើងពិតប្រាកដ លុះត្រាតែមានកិច្ចព្រមព្រៀងច្បាស់លាស់ និងមានតម្លៃពលកម្មច្រើនជាងនេះ ហើយចំពោះតម្លៃខាងលើនេះយើងមិនព្រមព្រៀងនោះទេ។
ការចេញមកបដិសេធលើការចង់បានខ្សែប្រយុទ្ធ Felipe Anderson ពីសំណាក់ក្លិបបិសាចក្រហម Manchester United គឺបានធ្វើឡើងជាច្រើនលើកច្រើនសាមកហើយ បន្ទាប់ពីកាលពីដើមរដូវកាលក្លិប Manchester United ក៏បានដាក់សំណើម្ដងរួចមកហើយក្នុងកញ្ចប់ទឹកប្រាក់ប្រមាណជា ៣៧,៦លានផោន។
គួរបញ្ជាក់ថា កីឡាករ Felipe Anderson បង្ហាញខ្លួនចូលលេងឲ្យក្លិប Lazio ចំនួន២៤លើកនៅរដូវកាលនេះ និងបានស៊ុតបាល់បញ្ចូលទីគូប្រកួតចំនួន៦គ្រាប់ផងដែរ៕

Foto Marco Rosi/LaPresse
23 09 2015 Roma ( Italia )
Sport-Calcio
Campionato Serie A Tim 2015-2016 incontro Lazio Vs Genoa allo Stadio Olimpico di Roma
Nella foto
Foto Marco Rosi / LaPresse
23 09 2015 Roma ( Italy )
Sport – Calcio –
Championship Serie A Tim 2015-2016 Match day Lazio Vs Genoa at the Olimpic Stadium in Rome
in the photo Lazio’s player Felipe Anderson celebrating a goal

ចិនដាក់ពង្រាយយន្តហោះចម្បាំងនៅសមុទ្រចិនខាងត្បូង

February 24, 2016ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

ប៉េកាំង៖ចិនបានដាក់ពង្រាយយន្តហោះចម្បាំងជាច្រើនគ្រឿងនៅលើកោះWoody ដែលជាផ្នែកមួយនៅកោះParacel ស្ថិតនៅសមុទ្រចិនខាងត្បូង។ នេះបើយោងតាមការចេញផ្សាយរបស់សារព័ត៌មានFox News។
សារព័ត៌មានដដែលបានផ្សាយថា អ្នកស៊ើបការណ៍សម្ងាត់អាមេរិកបានប្រទះឃើញយន្តហោះចម្បាំងជាច្រើនគ្រឿងត្រូវបានប្រទេសចិនដាក់ពង្រាយនៅទីនោះ ប្រមាណ៣-៤ថ្ងៃមកហើយ។ ទោះយ៉ាងនេះក្តីនៅមិនមានការឆ្លើយតបពីខាងភាគីចិននៅឡើយទេពាក់ព័ន្ធការលើកឡើងរបស់អ្នកស៊ើបការណ៍សម្ងាត់អាមេរិកនេះ។
គួរបញ្ជាក់ថា កាលពីសប្ដាហ៍មុន ចិនបានអះអាងថា ខ្លួនបានដាក់អាវុធនៅកោះWoody ដើម្បីការពារដែនអធិបតេយ្យរបស់ខ្លួន។ រដ្ឋមន្ត្រីការបរទេសចិន លោកវ៉ាងយីបានឱ្យដឹងថា លោកគ្រោងធ្វើទស្សនកិច្ចទៅអាមេរិក ប៉ុន្តែបានលុបចោលវិញ ដោយសារមានជម្លោះនៅសមុទ្រចិនខាងត្បូង៕

ស្ត្រីជនជាតិចិនវ័យក្មេងម្នាក់លោតពីលើផ្ទះស្លាប់

February 24, 2016ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ភ្នំពេញ៖ នៅវេលាម៉ោង ៣៖៣០នាទី ទៀបភ្លឺថ្ងៃទី២៤ ខែកុម្ភៈ ឆ្នាំ២០១៦ មានករណីជនជាតិចិនភេទស្រីអាយុប្រមាណ២៥ឆ្នាំ បានលោតពីលើផ្ទះលេខ 9បេ2 ផ្លូវលេខ៦១ ភូមិ១០សង្កាត់ស្រះចក បណ្តាលអោយស្លាប់ភ្លាមៗ។

ក្រោយពីធ្វើកោសល្យវិច្ច័យនគរបាលស្នងការដ្ឋានបានដឹកសពយកទៅតម្កល់នៅបន្ទប់រក្សាសព ដើម្បីបន្តការស្រាវជ្រាវបន្ថែមទៀត ព្រោះសមត្ថកិច្ចមិនទាន់ទទួលបាននូវសេចក្តរាយការណ៍ជាក់លាក់ពីអ្នកពាក់ព័ន្ធនៅឡើយ បើទោះបីជាមានអ្នកនិយាយថា បណ្តាលមកពីរឿងប្រចណ្ឌយ៉ាងក៏ដោយ៕

អ្នកគាំទ្រចង់ឲ្យ ខេមរៈស្រីពៅ ចេញមុខបញ្ជាក់ពីស្ថានភាពជំងឺដោយផ្ទាល់

February 23, 2016ព័ត៌មានថ្មីចុងក្រោយ, ព្រឹត្តិការណ៍កម្ពុជា, សិល្បៈ / កម្សាន្តមេគង្គ ប៉ុស្តិ៍

ដោយ៖រតនា

ភ្នំពេញ៖បន្ទាប់ពីដំណឹងតារាចម្រៀងខេមរៈ ស្រីពៅមានបញ្ហាសុខភាពរហូតធ្លាក់ខ្លួនឈឺដេកដួលត្រូវបានបង្កើតភាពភ្ញាក់ផ្អើលពេញផ្ទៃប្រទេសបងប្រុសបង្កើតរបស់នាងបានចេញមុខមកស្រាយតាមវីដេអូខ្លីមួយដែលការបញ្ជាក់នេះត្រូវបានធ្វើឡើង នៅល្ងាចថ្ងៃទី២២ ខែកុម្ភៈ ឆ្នាំ២០១៦នេះ។ ទោះជាយ៉ាងណាក្តីមហាជនចង់បានការបញ្ជាក់នេះត្រូវបានអ្នគាំទ្រជាច្រើនស្នើឲ្យក្រុមគ្រួសារបង្ហាញរូបថតឬបីដេអូឃ្លីបដើម្បីបញ្ជាក់ពីស្ថានភាព របស់ខេមរៈ ស្រីពៅពិតប្រាកដ។

វីដេអូខ្លីរយៈពេលប្រមាណជិត១០នាទី តារាចម្រៀង ខេមរៈ សិរីមន្ត បានថ្លែងនូវអំណរគុណចំពោះក្តីបារម្ភនិងការសាកសួរសុខទុក្ខទៅដាល់ប្អូនស្រីបណ្តូលចិត្តដែលលេចលឺដំណឹងអកុសល្យមួយចំនួនពិសេសគឺដំណឹងនាងធ្លាក់ខ្លួនឈឺធ្ងន់។លោកបញ្ជាក់ថា ប្អូនស្រីលោកមិនមានជំងឺធ្ងន់ធ្ងរដល់ថ្នាក់ដេកលើស្លឹកចេកឬស្ថិតក្នុងដំណាក់កាលរលះរលួយសាច់ដូចដំណឹងកន្លងមកទេ។លោកទទួលស្គាល់ថាខេមរៈ ស្រីពៅពិតជាមានជំងឺប៉ុន្តែជាជំងឺផ្នែកបំពង់សំឡេង ផ្នែកពោះវៀនក្រពះប៉ុណ្ណោះហើយក៏ជាហេតុដែលមិនអាចឲ្យប្អូនស្រីលោកច្រៀងបំពេរអារម្មណ៍ទស្សនិកជនបានដូចរាល់ដងហើយលោកក៏ព្យាយាមនាំប្អូនស្រីចេញទៅព្យាបាលនៅប្រទេសថៃផងដែរ។

ក្រៅពីអរគុណនិងបដិសេធបញ្ជាក់ពីលើដំណឹងអកុសល្យនេះតារាចម្រៀងលំដាប់ជួរមុខនេះបានបង្ហាញពីអារម្មណ៍អាក់អន់ស្រពន់ចិត្តជាមួយនឹងបណ្តាញសារព័ត៌មានក៏ដូចជាអ្នកជិតខាងមួយចំនួនដែលទម្លាយដំណឹងអកុលសល្យដែលលោកចាត់ទុកថាប្រាសចាកពីការពិត។ លោកបានចាត់ទុកពាក្យចរចាមអារាមមួយចំនួន ខាងលើអាចធ្វើឲ្យមានការប៉ះពាល់ដល់កិត្តិយសក្រុមគ្រួសាររបស់លោក។ ហើលោករំពឺងថា ការបញ្ជាក់នេះគឺដើម្បីតបស្នងការដឹងគុណ និងយកចិត្តទុក្ខដាក់ពីស្ថានភាពជំងឺរបស់ប្អូនស្រី។

វីដេអូខ្លីនេះត្រូវបានចែកចាយនឹងមានអ្នកចូលមើលប្រមាណកន្លះលានដងជាមួយនឹងការបញ្ចេញយោបល់(Comment)ផ្សេងៗ ជាច្រើនស្ទើមិនគួរឲ្យជឿដែលភាគច្រើនជូនពរតារាចម្រៀងស្រីត្រកូលខេមរៈឆាប់ជាសះស្បើយពីជំងឺ ហើយអ្វីដែលមហាជន និងអ្នកគាំទ្រតារាចម្រៀងខាងលំណូមពរគឺការចង់ឃើញរូបថត ឬវីដេអូឃ្លីបរបស់តារាចម្រៀងខេមរៈ ស្រីពៅដោយផ្ទាល់នឹងភ្នែក។

អ្នកលេងហ្វេសប៊ុកម្នាក់លើកឡើងថា “ខ្ញុំដឹងណាថាបងប្រុសស្រឡាញ់ហើយយកចិត្តទុកដាក់ take care លើបងពៅប៉ុណ្ណា ព្រោះបងការពារណាស់ទៅកិត្តិយសបងពៅ មិនដូចតារាដទៃនោះទេ បងពៅក៏មិនដែលសម្តែងជាមួយតារាប្រុសណាក្រៅពីបងដែរ ប៉ុន្តែសុំបង្ហាញឲ្យកាន់តេច្បាស់បានអត់? រូបថតគាត់ ឬក៏ clip video គាត់ណាបង? កុំឲ្យពួកខ្ញុំនៅតែយល់ច្រលំ ហើយក៏ដើម្បីឲ្យអ្នកដែលនិយាយមិនពិតខ្មាស់គេវិញម្តងណាបងប្រុស។ ចាត់ទុកថាជាការតបស្នងការបារម្ភរបស់ទស្សនិកជនទៅបងប្រុស”។ នៅមានអ្នកបញ្ចេញយោបល់ជាច្រើននាក់ទៀតបានស្នើឲ្យមានការបញ្ជាក់ពីសាមីខ្លួន ពិសេសការបញ្ចេញវីដេអូខ្លីរូបថតក្តីបើទោះជានាងមានបញ្ហាសុខភាពមែននោះក៏ដោយ។

ទោះជាអ្នកបញ្ចេញយោបល់ម្នាក់ផ្សេងទៀតលើកឡើងស្រដៀងគ្នាដែរថា “សម្រាប់ខ្ញុំគឺមានបញ្ហាពីរនៅក្នុងរឿងនេះ! ទីមួយគឺហេតុអីបានគេនៅសុខៗក៏សុខចិត្តប្រើមាត់ឆ្កែទៅប្រឌិតរឿងកញ្ញា? ទី2 គឺបើមិនដូចគេនិយាយទេហេតុអីក៏មិនចេញមុខបកស្រាយទុកអោយគេនៅឆ្ងល់ចឹង? ចង់ល្បីដោយសាររឿងចចាមអារាមចឹងមែន? ច្រៀងពិរោះដែរ សម្រស់ក៏ស្អាតទៀតម៉េចមិនខំអោយល្បីរឿងសមត្ថភាពសម្តែងវិញទៅ? ហើយបើឈឺវិញមែនគឺមានតែពាក្យថាអាណិតប៉ុណ្ណោះក្នុងនាមជាអ្នកគាំទ្រម្នាក់់។

កុំតូចចិត្តនឹងពាក្យរិះគន់ថា មកពីចង់ស្អាតទើបមានបញ្ហា ត្បិតគ្មានអ្នកណាមិនចង់ស្អាតទេ គ្រាន់តែអ្នកស្អាតខ្លះបែបធម្មជាតិ និងអ្នកខ្លះស្អាតដោយកែច្នៃ៕