ភ្នំពេញ ៖ នៅក្នុងឆ្នាំ២០១៩ កម្ពុជានៅតែរក្សាបានអត្រាមានការងារធ្វើ ៩៩.៣% ដដែល ខណៈចំនួនប្រជាពលរដ្ឋដែលមានការងារ ធ្វើមានប្រមាណ១០លាននាក់ កំពុងធ្វើការនៅក្រៅប្រទេស និងក្នុងប្រទេស ក្នុងនោះមានទាំងសេដ្ឋកិច្ចក្នុងប្រព័ន្ធ និងក្រៅប្រព័ន្ធ វិស័យកសិកម្ម មន្ត្រីសាធារណៈ និងផ្នែកនានាមួយចំនួនទៀត។ នេះបើតាមរបាយការណ៍របស់ក្រសួងការងារ និងបណ្ដុះបណ្ដាលវិជ្ជាជីវៈ។

របាយការណ៍នេះត្រូវបានបង្ហាញឡើងក្នុងសន្និបាតបូកសរុបការងារឆ្នាំ២០១៩ និងទិសដៅបន្តនៅឆ្នាំ២០២០ របស់ក្រសួងការងារ នាថ្ងៃទី១៩ ខែកុម្ភៈ ឆ្នាំ២០២០ នៅទីស្ដីការក្រសួងការងារ ក្រោមអធិបតីភាពលោក អ៉ិត សំហេង រដ្ឋមន្ត្រីក្រសួងការងារ។

នាឱកាសនោះ លោករដ្ឋមន្ត្រីបានឱ្យដឹងថា ក្រសួងបានខិតខំបន្តគ្រប់គ្រងទីផ្សារការងារ និងកម្លាំងពលកម្មដែលរាជរដ្ឋាភិបាលខិតខំបង្កើតការងារជូនប្រជាពលរដ្ឋ រហូតមានកម្លាំងពលកម្មសរុបប្រមាណ ១០លាននាក់។

លោកបានបន្តថា ក្នុងចំណោមកម្លាំងពលកម្មសរុបប្រមាណ ១០លាននាក់នោះ មានអ្នកធ្វើការនៅក្នុងប្រទេសប្រមាណ ៣.៦៩លាននាក់ (នៅក្នុងផ្នែកសេដ្ឋកិច្ចក្នុងប្រព័ន្ធមានប្រមាណជាង ១.៥០លាននាក់ និងផ្នែកសេដ្ឋកិច្ចក្រៅប្រព័ន្ធមានប្រមាណ ២.២លាននាក់) នៅក្នុងវិស័យកសិកម្មមានប្រមាណ ៤លាននាក់ មន្ត្រីសាធារណៈមានប្រមាណ ៥០ម៉ឺននាក់ ព្រមទាំងពលករ និងកម្មសិក្សាការីនៅក្រៅប្រទេសមានប្រមាណជាង ១.២៨លាននាក់ ដោយបាននាំចំណូលប្រមាណ ៦.៥០០លានដុល្លារ៕

ភ្នំពេញ ÷ អគ្គរដ្ឋទូតអាមេរិកប្រចាំនៅកម្ពុជា លោក ផាទ្រីក មើហ្វី បានចាត់ទុកឥរិយាបថរបស់កម្ពុជា ថា ជាកាយវិការមនុស្ស ធម៌យ៉ាងធំធេងសម្រាប់ពិភពលោក។ ការបង្ហាញទស្សន:បែបនេះខណៈលោកជួបពិភាក្សាការងារជាមួយ
សម្ដេចតេជោ ហ៊ុន សែន នាយករដ្ឋមន្ត្រីនៃព្រះរា ជាណាចក្រកម្ពុជា។

លោកអគ្គរដ្ឋទូតអាមេរិកប្រចាំកម្ពុជា ក៏បានអរគុណចំពោះរាជរដ្ឋាភិបាល និងប្រជាជនកម្ពុជាទាំងមូល ដែលបានឆ្លើយតប យ៉ាងឆាប់រហ័សជាទី បំផុត ក្នុងការទទួលឲ្យកប៉ាល់ westerdam បានចូលចតនៅក្រុងព្រះសីហនុ ។

ឯកឧត្តម ចាត់ទុកថា នេះជាកាយវិកា មនុស្សធម៌យ៉ាងពិតប្រាកដ ហើយប្រសិនបើគ្មានការអនុញ្ញាតឱ្យចូលចតទេនោះ នោះនឹងអាចមាន វិបត្តិមនុស្សធម៌ជាក់ជាមិនខាន ។ លោក បានបញ្ជាក់ថា អាមេរិក បានសហការជាមួយស្ថាប័នកម្ពុជា ជាពិសេ សក្រសួងសុខាភិបាល ក្រសួងក្រសួងទេសចរណ៍ ក្រសួងសាធារណការ និងអាជ្ញាធរដែនដី បានយ៉ាងល្អ។ អ្វីដែលជាកត្តាសំខាន់នោះ គឺនៅពេលនេះយើងមានមូលដ្ឋានកិច្ចសហប្រតិបត្តិការយ៉ាងរឹងមាំជាមួយនឹងក្រសួងសុខាភិបាល ហើយសហរដ្ឋអាមេរិកនឹងបន្តសហការជាមួយកម្ពុជាបន្តទៀត។

សម្ដេចតេជោ មានប្រសាសន៍ថា អ្វីដែលកម្ពុជាធ្វើ គឺដើម្បីការងារមនុស្សធម៌សុទ្ធសាធ ហើយការងារនេះ គឺធ្វើដើម្បីបញ្ចៀសកុំឲ្យមានវិបត្តិមបុស្សធម៌ ព្រោះថាប្រសិនណា បើនាវា westerdam នេះ មិនត្រូវបានអនុញ្ញាតឱ្យចូលចតនៅកំពង់ផែក្រុងព្រះសីហនុទេ មិនដឹងថាកប៉ាល់នេះ ត្រូវបានទៅចូលចតនៅទីណាឡើយ។

ម្យ៉ាងទៀតប្រសិនបើ មានអ្វីកើតឡើងនៅលើកប៉ាល់នោះ អ្នកដំណើរពិតជាមានបញ្ហាជាមិនខាន។ សម្ដេចបានបញ្ជាក់ថា បើទោះបីកប៉ាល់មានអ្នកជំងឺ ក្ដី ក៏កម្ពុជានៅតែឲ្យចូលចតនៅកម្ពុជាដែរ ហើយកាន់តែឱ្យចូលចតកាន់តែលឿនបំផុតទៀតផង ដើម្បីធ្វើយ៉ាងណាជួយសង្គ្រោះអ្នកជំងឺនៅលើកប៉ាល់ កុំឲ្យឆ្លងទៅកាន់អ្នកដទៃទៀត។ សម្ដេចពិតជាមានក្ដី សង្វេគចិត្តខ្លាំងណាស់ ពេលឃើញអ្នកដំណើរចុះមកពីកប៉ាល់ ដោយទឹកមុខរីករាយ ហើយខ្លះទៀត បាន ឱនលុតជង្គង់ថើបដី ដែលនោះគឺជាកាយវិកាមួយ ធ្វើឱ្យសម្ដេចមានភាពតក់ស្លុតបំផុត។ សម្ដេចបានថ្លែងថា នៅពេលនេះអ្នកដំណើរតាមកប៉ាល់ភាគច្រើនបានចេញពីកម្ពុជាទៅហើយ ហើយមិនមានផ្ទុកមេរោគអ្វីសោះឡើយ លើកលែងតែអ្នកដំណើរម្នាក់ដែលឆ្លងកាត់ប្រទេសម៉ាឡេស៊ី ដែលរដ្ឋាភិបាលម៉ាឡេស៊ី បញ្ជាក់ថា មានជំងឺនេះ។

ប៉ុន្តែអ្វីយ៉ាងណាក៏ដោយ ក៏កម្ពុជាស្នើសុំឲ្យពិនិត្យឡើងវិញដែរ ថាតើពិតជាមានមែនឬអត់? ព្រោះថា អ្នកដំណើរនៅកម្ពុជាទាំងប៉ុន្មាន ដែលបានធ្វើតេស្តកន្លងមក គឺមិនមានទេ ហើយអ្នកដំណើរ ដែលបានទៅដល់ប្រទេសថៃ ក៏រដ្ឋាភិបាលថៃ ក្រសួងសុខាភិបាលថៃ បញ្ជាក់ថា មិនមានជំងឺនេះដែរ។ ម្យ៉ាងទៀតថ្មីៗនេះអ្នកធ្វើការនៅលើកប៉ាល់ ដែលជាជនជាតិឥណ្ឌូនេស៊ី ប្រមាណ២៦៣នាក់ ក៏ត្រូវបាន រដ្ឋមន្ត្រីក្រសួងការបរទេសឥណ្ឌូនេស៊ី ប្រកាសថាមិនមានជំងឺនេះដែរ៕

​ភ្នំពេញ​៖ នៅ​ព្រឹក​ថ្ងៃទី​១៩ ខែកុម្ភៈ ឆ្នាំ​២០២០​នេះ ក្រសួងសុខាភិបាល បានចេញ​សេចក្តីប្រកាស​ស្ដីពី​បច្ចុប្បន្នភាព​សុខភាព​អ្នកដំណើរ​លើ​នាវា Westerdam ទាំងអស់​ដែល​នៅ​សេសសល់​ប្រមាណ​៧៨១​នាក់ ទាំង​នៅ​រាជធានី​ភ្នំពេញ និង​ក្រុងព្រះសីហនុ គឺ​មិនមាន​មេរោគ​កូ​រ៉ូ​ណា​ថ្មី (Covid-19) ទេ ហើយ​ពេលនេះ​ភាគី​ពាក់ព័ន្ធ​កំពុង​សម្រួល​ដល់​ពួកគេ​ដើម្បី​ចាកចេញ​ពី​កម្ពុជា​។​

​ព័ត៌មាន​លម្អិត​សូម​អាន​សេចក្ដីជូនដំណឹង​របស់​ក្រសួង​ទាំងស្រុង​នៅ​ខាងក្រោម​នេះ​៖

បន្ទាយមានជ័យ ៖ គ្រឿងឧបភោគ បរិភោគ ដែលជាអំណោយរបស់សប្បុរសជនតាមរយៈសមាគមចលនាយុវជនកម្ពុជា(ក្រុម១៥៧) ក្រុងប៉ោយប៉ែត សាខាខេត្តបន្ទាយមានជ័យ ត្រូវបាននាំយកទៅចែកជូនដល់ដៃបងប្អូនប្រជាពលរដ្ឋចំនួន៦គ្រួសារនៅក្នុងភូមិក្បាលទំនប់ ឃុំអូរសំព័រ ស្រុកម៉ាឡៃដែលកំពុងជួបប្រទះនូវការខ្វះខាតព្រោះតែទីទ័លក្រ។ការចែកជូនធ្វើឡើងនៅរសៀលថ្ងៃទី១៨ ខែកុម្ភៈ ឆ្នាំ២០២០ក្រោមការចូលរួមពីអាជ្ញាធរដែនដីនិងកងកម្លាំងគ្រប់ប្រភេទ។

លោក គង់ រិទ្ធា ប្រធានសមាគមចលនាយុវជនកម្ពុជា(ក្រុម១៥៧) ក្រុងប៉ោយប៉ែត សាខាខេត្តបន្ទាយមានជ័យ បានប្រាប់ថា ក្រោមការយកចិត្តទុកដាក់និងណែនាំពីសំណាក់ឯកឧត្តម ម៉ឹង ពន្លក ប្រធានសមាគមចលនាយុវជនកម្ពុជា(ក្រុម១៥៧) ជនចាស់ជរា ជនពិការនិងមានជំងឺប្រចាំកាយខ្វះខាតជួបការលំបាក និងក្មេងងាយរងគ្រោះត្រូវបានទទួលការជួយជ្រោមជ្រែង ផ្តល់ការយកចិត្តទុកដាក់និងជួយឧបត្ថម្ភ។ ជាក់ស្តែងដោយទទួលបានព័ត៌មានថា មានជនចាស់ជរាជនពិកានិងមានជំងឺប្រចាំចំនួន៦គ្រួសាររស់នៅភូមិសាស្ត្រខាងលើដែលកំពុងជួបការលំបាក លោកបានដឹកនាំ សមាជិក និងកៀងគរសប្បុរសជនដើម្បី ជួយដល់ពួកគាត់។ក្រោយប្រមូលបានសម្ភារ និងគ្រឿងឧបភោគបរិភោគពីសប្បុរសជនសមាគមន៍បានធ្វើការបែងចែកនិងប្រគល់ជូន ក្នុង១គ្រួសារ អង្ករ៥០គីឡូក្រាម ទឹកស៊ីអ៊ីវ១យួរ ទឹកត្រី១យួរ មី១កេះស្ករស១គីឡូក្រាម អំបិល១គីឡូក្រាម ប៊ីចេង១កញ្ចប់ សាប៊ូ១កញ្ចប់ ប្រេងឆា២ដប ទឹកបរិសុទ្ធ១យួរ ត្រីខ១០កំប៉ុង ។ដោយឡែកគ្រួសារទាំង៦គ្រួសារ មានចាស់ជរា៣គ្រួសារត្រូវបានទទួលទឹកប្រាក់បន្ថែម៥ម៉ឺនរៀល ហើយសម្រាប់១គ្រួសារដែលមានជំងឺធ្ងន់ទទួលបានទឹកប្រាក់ព្យាបាល៦៦ម៉ឺនរៀល ជនពិកាដំបៅជើង២៣ម៉ឺនរៀល និងជនពិកាខ្វះខាត១គ្រួសារនៅសង្កាត់ប៉ោយប៉ែតទទួលបានថវិកា១០ម៉ឺនរៀល៕

ភ្នំពេញ ៖ ជាទិសដៅរដ្ឋបាលរាជធានីភ្នំពេញ នឹងធ្វើការប្រគល់ជូន ម៉ូតូដឹកសំរាមទំនើបៗឱ្យគ្រប់ខណ្ឌ និងសង្កាត់ទាំង១០៥ ដើម្បីងាយស្រួលក្នុងការនាំយកកាកសំណល់ទៅចាក់ ឬ ប្រមូលផ្តុំ នៅទីលានចាក់សំរាម ធ្វើយ៉ាងណាពន្លឿនការងារប្រមូលសំរាម និងថែរក្សាបរិស្ថាន អនាម័យ ជូនប្រជាពលរដ្ឋ ក្នុងរាជធានីភ្នំពេញ។

ពិធីប្រគល់ម៉ូតូដឹកសំរាមទំនើបៗជាលើកទី៣នេះ ត្រូវបានធ្វើឡើងនៅល្ងាចថ្ងៃទី១៨ ខែកុម្ភ: ឆ្នាំ២០២០ នៅសាលារាជធានីភ្នំពេញ ក្រោមវត្តមាន លោក កើត ឆែ អភិបាលរងរាជធានីភ្នំពេញ ទៅឱ្យខណ្ឌចំនួន៤គឺខណ្ឌកំបូលចំនួន៧គ្រឿង ខណ្ឌដង្កោរ១២គ្រឿង ខណ្ឌព្រែកព្នៅ៥គ្រឿង និងខណ្ឌច្បារអំពៅចំនួន២គ្រឿងបន្ថែមទៀត។

សូមបញ្ជាក់ថា កាលពីទី៤ខែវិច្ឆិកា ឆ្នាំ២០១៩ អភិបាលរាជធានីភ្នំពេញ បានប្រគល់ម៉ូតូដឹកសំរាមប្រភេទទំនើបនេះលើកទី១ដល់ចំនួន៤ គឺខណ្ឌ ជ្រោយចង្វារ,ដូនពេញ,ចំការមន និងខណ្ឌបឹងកេងកង លើកទី២នៅដើមខែកុម្ភៈ ឆ្នាំ២០២០ ប្រគល់ទៅខណ្ឌ ច្បារអំពៅ, ពោធសែនជ័យ,មានជ័យ,ទួលគោក ,៧មករា ,សែនសុខ និងរដ្ឋាករស្វយ័តផ្សារធំថ្មីចំនួន១គ្រឿង ៕

​ភ្នំពេញ ៖ ឧកញ៉ា គិត ធាង អតីត​ម្ចាស់​មជ្ឈមណ្ឌល​កម្សាន្ត​រ៉ុ​ក ត្រូវបាន​គេ​រាយការណ៍​ថា បានបង្ហាញ​មុខជា​លើកដំបូង​ក្នុង​សវនាការ​សំណុំរឿង​ជួញដូរ​គ្រឿងញៀន​ដ៏​ធំ​កាលពីពេល​កន្លងទៅ រហូត​ត្រូវបាន​សមត្ថកិច្ច​ចាប់ខ្លួន​ឧកញ៉ា​ដ៏​មាន​ឥទ្ធិពល​ម្នាក់នេះ​ដាក់ពន្ធនាគារ បើ​ទោះ ជា​វត្តមាន​ឧកញ៉ា​ម្នាក់នេះ​ស្ថិតនៅក្នុង​មន្ទីរពេទ្យ​រុស្ស៊ី​ក្រោយ​ការចាប់ខ្លួន រហូតមកដល់​ថ្ងៃនេះ ក៏ដោយចុះ ។

​តាម​ព័ត៌មាន​ទទួលបាន​គឺ​បន្ទាប់ពី​បើក​សាវ​នា​ការ​ជាច្រើនលើក​ច្រើនសារ​នាពេល​កន្លង​ទៅដោយ​គ្មាន​វត្តមាន ឧកញ៉ា គិត ធាង នោះ នៅ​ព្រឹក​ថ្ងៃទី​១៨ ខែកុម្ភៈ ឆ្នាំ​២០២០ នេះ តុលាការ រាជធានី​ភ្នំពេញ អាច​បញ្ជា​ឲ្យ​មន្ត្រី​ពន្ធនាគារ​នាំខ្លួន​មេក្លោង​ជួញដូរ​គ្រឿងញៀន និង​ជា​ម្ចាស់ មជ្ឈមណ្ឌល កម្សាន្ត រ៉ុ​ក យកទៅ​ឈ​នៅក្នុង​រង្វង់​ក្រចកសេះ ដើម្បី​សួរចម្លើយ។​

​ជនជាប់ចោទ​ឈ្មោះ គិត ធាង មាន​ងារ​ជា​ឧកញ៉ា ដែលជា​ថៅកែ​ជួញដូរ​គ្រឿងញៀន ប្រចាំ​មជ្ឈមណ្ឌល​កម្សាន្ត រ៉ុ​ក ត្រូវបាន​មន្ត្រី​ពន្ធនាគារ​រាជធានី​ភ្នំពេញ (PJ) នាំខ្លួន​ទៅ កាន់​សវនាការ នៃ​សាលាដំបូង​រាជធានី​ភ្នំពេញ ប៉ុន្តែ​មិនបាន​ដាក់​ខ្នោះដៃ​ដូច ជនជាប់ចោទ​ដទៃទៀត​ឡើយ​។​

​ប៉ុន្តែ​គេ​កត់សម្គាល់​ឃើញថា ជនជាប់ចោទ​ឈ្មោះ គិត ធាង បាន ចូលក្នុង​សវនាការ​ដោយមាន​សម្លៀកបំពាក់​ធ​ម្ម​តា មិន​ដូច​ជនជាប់ចោទ​ផ្សេងៗ​ទេ ដោយ​ពាក់ អាវ​ដាក់​ក្នុង​ខោ​ក្រវ៉ាត់​ដោយ​ខ្សែក្រវ៉ាត់​មានតម្លៃ ជាមួយនឹង​ម៉ាស​ការពារ​មុខ ថែមទៀត ។​

​សូម​ជម្រាបជូន​ថា សំណុំរឿង ជួញដូរ​គ្រឿងញៀន​ដ៏​ធំ នៅក្នុង​មជ្ឈមណ្ឌល​កម្សាន្ត រ៉ុ​ក ដែលមាន​លោក​ឧកញ៉ា​ជា​មេខ្លោង មាន​ជនជាប់ចោទ​ប្រមាណ​ជិត ៣០​នាក់ មាន​លោក អ៊ឹម វណ្ណៈ ប្រធាន​ក្រុមប្រឹក្សា​ចៅក្រម​ជំនុំជម្រះ នៃ​សាលាដំបូង​រាជធានី​ភ្នំពេញ និង​លោក សុក កែវ​បណ្ឌិត ជា​តំណាង​អយ្យការ ដែល​ធ្វើឡើង​ដោយ​អសាធារណៈ ដោយ​តុលាការ​ពុំ​អនុញ្ញាត​ឲ្យ​អ្នក​មិន​ជាប់​ពាក់ព័ន្ធ និង​អ្នកសារព័ត៌មាន ចូល​ស្តាប់​នោះទេ ក្រោម​ហេតុផល​ថា សំណុំ​រឿងនេះ មាន​ជនជាប់ចោទ​ជា​អនីតិជន​។​

​គួរ​បញ្ជាក់ថា កម្លាំង​នគរបាល នៃ​ស្នងការដ្ឋាន​នគរបាល​រាជធានី​ភ្នំពេញ បាន​ឃាត់ខ្លួន​ជន ជាប់ចោទ អតីត ឧកញ៉ា គិត ធាង កាលពី​ល្ងាច​ថ្ងៃទី​១១ ខែមីនា ឆ្នាំ​២០១៩ ទៅតាម​ដីកា​របស់ តុលាការ បន្ទាប់ពី​រកឃើញថា អតីត​ឧកញ៉ា​រូបនេះ គឺជា​មេខ្លោង​បើក​ឲ្យ​មានការ​ជួញដូរ និង​ប្រើប្រាស់​គ្រឿងញៀន​នៅក្នុង​មជ្ឈមណ្ឌល រ៉ុ​ក (ROCK) អស់​ជាច្រើន​ឆ្នាំ​មកហើយ​។​

​ក្រោយពី​តុលាការ​សម្រេច​ចេញ​ដីកាឃុំខ្លួន​នៅ​ពន្ធនាគារ​រាជធានី​ភ្នំពេញ (PJ) ជា​បណ្តោះ អាសន្ន ឧកញ៉ា គិត ធាង បាន​សុំ​ដេក​សម្រាក​ព្យាបាល​នៅ​មន្ទីរពេទ្យ​រុស្ស៊ី​រហូត មកដល់ពេលនេះ ហើយ​បើទោះជា​មានការ​បើកសវនាកា​រ​ជំនុំ​ជម្រះក្តី​លើ​ជន​ជាប់ ចោទ​ជា​ឧកញ៉ា​ថៅកែ​ជួញដូរ​គ្រឿងញៀន​រូបនេះ​ក្តី​ក៏​ពុំដែល​ឃើញ​ឧកញ៉ា​រូបនេះ​មាន​វត្តមាន ក្នុង​សវនាការ​នោះឡើយ ៕

ភ្នំពេញ ៖ សមាគមរោងចក្រកាត់ដេរនៅកម្ពុជា (GMAC) ជា​តំណាង​ឲ្យ​រោងចក្រ​កាត់​ដេរ​សម្លៀក​បំពាក់ និង​ស្បែកជើង និងផលិតផល នានាជាង ៥៨០រោងចក្រក្នុងប្រទេសកម្ពុជា ដែល​បាន​ផ្ដល់​ការងារ​ដល់​កម្មករប្រមាំ ៧៥ម៉ឺននាក់ បានសំដែងការខកចិត្តចំពោះសហភាពអឺរ៉ុប ចំពោះ​សេចក្ដី​សម្ដេច​ប្រកាស​ថ្ងៃ ១២កុម្ភៈឆ្នាំ២០២០ របស់សហភាពអឺរ៉ុបដែលព្យួរ ផ្នែកខ្លះនៃកម្មវិធីអនុ គ្រោះពន្ធ EBA ចំពោះ​កម្ពុជា។ សេចក្ដីប្រកាសព័ត៌មានរបស់សមាគមរោងចក្រកាត់ដេរនៅកម្ពុជា (GMAC) នៅថ្ងៃ១៧ ខែកុម្ភៈ។

សេចក្តីប្រកាសរបស់ GMACដដែលបាន បញ្ជាក់ថា GMAC គោរព​និង​គាំទ្រ​ការ​ចូលរួម​របស់​សហភាព​អឺរ៉ុប​ក្នុងការកែលំអគោលនយោ បាយសិទ្ធិមនុស្ស ប៉ុន្តែ​ជា​អកុសល​ដោយ​ការ​ដក​នូវ​ការ​ជួយ​ភ្លាមៗ​បែប​នេះ​ពីប្រជាពលរដ្ឋកម្ពុជារាប់សែននាក់ មិនមែនជាវិធីដែល ត្រូវបន្តទៅមុខនោះទេ។

សេចក្តីថ្លែងការណ៍ដដែល បានបញ្ជាក់ថាសមាគម សូមជម្រុញឲ្យ សហភាពអឺរ៉ុបផ្ដល់ អត្ថ​ប្រយោជន៍ EBA ដូចដើមវិញសម្រាប់វិស័យកាត់ដេរ ដើម្បីបុព្វហេតុនៃការអភិវឌ្ឍប្រកប ដោយ​ចីរ​ភាព និងប្រជាជនកម្ពុជារាប់សែននាក់ដែលទទួលបានផលប្រយោជន៍ពីកម្មវិធី EBA ដើម្បី​ចាក​ចេញ​ពីភាព​ក្រីក្រ លើកកម្ពស់ សិទ្ធិមនុស្សរបស់ពួកគេនៅកន្លែងការងារ និងផ្គត់ផ្គង់គ្រួសាររបស់ពួកគេ៕

ភ្នំពេញ ៖ ក្រសួងទេសចរណ៍ បានសុំការសម្រេចពីក្រសួងមហាផ្ទៃ ដើម្បី​រក្សាទុក​ការិយាល័យ​ទេសចរណ៍​ដែល​មាន​ស្រាប់នៅតាមក្រុង ស្រុក ខណ្ឌមួយចំនួន និងស្នើសុំបើកការិយាល័យទេសចរណ៍ បន្ថែម​ទៀត​នៅ​តាមក្រុង ស្រុក ខណ្ឌ ដែលមានសក្ដានុពលខ្លាំង និងចាំបាច់សម្រាប់វិស័យទេសចរណ៍ ខណៈ​មាន​ការវាយតម្លៃឃើញថា ក្រុងទាំងអស់សុទ្ធតែចាំបាច់សម្រាប់វិស័យទេសចរណ៍។ នេះ​ជា​ការ​បញ្ជាក់​របស់លោក ឌួង វីរៈ អនុរដ្ឋលេខាធិការក្រសួងទេសចរណ៍ ក្នុង​សិក្ខាសាលា​ផ្សព្វផ្សាយ​អនុក្រឹត្យស្ដីពីមុខងារ និងរចនាសម្ពន្ធរដ្ឋបាលក្រុង ស្រុក ខណ្ឌ កាល​ពី​ថ្ងៃ​ទី១៧ ខែកុម្ភៈ ឆ្នាំ២០២០ នៅទីស្ដីការក្រសួងទេសចរណ៍។

លោក ឌួង វីរៈ បានឱ្យដឹងថា កាល​ពី​កំឡុង​ពេល​ពិភាក្សា​លើ​សេចក្ដី​ព្រាង​អនុក្រឹត្យ​ស្ដីពី​រចនា​សម្ពន្ធ​រដ្ឋបាល​ក្រុង ស្រុក ខណ្ឌ (អនុក្រឹត្យ៣ផ្សេងគ្នា) ក្រសួងទេសចរណ៍​ធ្លាប់​បាន​ធ្វើ​សំណើ​ទៅ​ក្រសួង​មហា​ផ្ទៃ ដើម្បីស្នើឱ្យរក្សាការិយាល័យទេសចរណ៍ ដែលមានស្រាប់នៅតាមក្រុង ស្រុក ខណ្ឌ​រួច​ហើយ​នោះ គឺសូមរក្សាទុក។ ចំពោះក្រុង ស្រុក ខណ្ឌចំនួនទៀត ដែល​ចាំបាច់​មួយ​សម្រាប់​វិស័យ​ទេសចរណ៍ ហើយ​មិនទាន់​មាន​ការិយាល័យ​ទេសចរណ៍ គឺសូម​បង្កើត​ឱ្យ​មាន​ការិយាល័យ​ទេសចរណ៍​ថ្មីៗបន្ថែមទៀត។

លោក​អនុរដ្ឋលេខាធិការបានបន្តថា អនុក្រឹត្យស្ដីពីរចនាសម្ពន្ធរដ្ឋបានក្រុង ស្រុក ខណ្ឌ បាន​បញ្ជាក់​ច្បាស់​ហើយ​ថា អនុញ្ញាតឱ្យក្រសួងទេសចរណ៍ធ្វើសំណើទៅក្រសួងមហាផ្ទៃ ប្រសិនបើក្រុង ស្រុក ខណ្ឌ​ណា មានសក្ដានុពលទេសចរណ៍ ហើយចាំបាច់ត្រូវបង្កើតការិយាល័យទេសចរណ៍ ដើម្បី​សុំ​បើក​ការិយាល័យ​ទេសចរណ៍​ថ្មីនៅក្រុង ស្រុក ខណ្ឌនោះ។ តាមការវាយតម្លៃរបស់ក្រសួងទេសចរណ៍ ក្រុងទាំងអស់នៅប្រទេសកម្ពុជា សុទ្ធ​តែ​មាន​សក្ដានុពល​ទេសចរណ៍​ទាំង​អស់ ប៉ុន្តែដើម្បីបង្កើតការិយាល័យទេសចរណ៍បាន ការិយាល័យ​នោះ​ត្រូវ​មាន​ខ្សែ​គណនេយ្យ​ភាព​ចំពោះ​អភិបាលក្រុង ស្រុក ខណ្ឌរបស់ខ្លួន។

លោក​ថា ខុសគ្នាត្រង់ថា ពី​មុន​ការិយាល័យ​ទេសចរណ៍​ត្រូវ​មាន​ខ្សែ​គណនេយ្យ​ភាពត្រង់​ទៅ​មន្ទីរ​ទេសចរណ៍​រាជធានី-ខេត្ត ឬត្រង់មកក្រសួងទេសចរណ៍ផ្ទាល់ ប៉ុន្តែបច្ចុប្បន្នអត់ធ្វើដូច្នោះទេ ដើម្បី​បើក​ការិយាល័យ​ទេសចរណ៍​នៅតាមក្រុង ស្រុក ខណ្ឌបាន ការិយាល័យ​នោះ​ត្រូវ​មាន​ខ្សែ​គណនេយ្យ​ភាព​ត្រង់ទៅអភិបាល​ក្រុង ស្រុក ខណ្ឌនោះ៕

ភ្នំពេញ ៖ សម្តេចអគ្គមហាសេនាបតីតេជោ​ ហ៊ុន សែន​​ នាយករដ្ឋមន្រ្តី​​នៃព្រះរាជាណាចក្រ​​កម្ពុជា​​បានប្រកាសថា នឹង​កាត់បន្ថយការនាំបន្លែ ​សាច់ ពីប្រទេសខាងក្រៅ ​​ដោយការបង្កើនដាំដុះ និងចិញ្ចឹម​ក្នុងស្រុក ដោយមិនតម្រូវឲ្យប្រើគីមីច្រើន​ ខណៈបច្ចុប្បន្នប្រទេសកម្ពុជា បាននាំចូលបន្លែ​​ពី​ប្រទេសវៀតណាម និងថៃ រាប់រយតោន ក្នុងមួយថ្ងៃៗនោះ។

ថ្លែងនៅក្នុងឱកាសអញ្ជើញប្រគល់សញ្ញាបត្រដល់​គរុសិស្ស ​គរុនិស្សិត​បញ្ចប់ការសិក្សាឆ្នាំ២០១៨–២០១៩ ​ចំនួន១,៩៧៧នាក់ ​នៅវិទ្យាស្ថានជាតិអប់រំ​ រាជធានីភ្នំពេញនាព្រឹកថ្ងៃ ​ទី១៨ ខែកុម្ភៈ ឆ្នាំ២០២០នេះ សម្តេចតេជោ ហ៊ុន សែន បានបញ្ជាក់ថា​ ចាប់ពីពេលនេះតទៅ​ នឹងត្រូវ បំផុស​ឲ្យ​ប្រជាពលរដ្ឋខ្មែរ​យើង​ធ្វើការដាំដុះដោយមិនឲ្យប្រើសារធាតុគីមី ​ហើយត្រូវ​កាត់​បន្ថយ ការនាំចូល​​ពី​​ប្រទេសខាងក្រៅដែលបានប្រើប្រាស់គីមីច្រើននោះ។

សូមបញ្ជាក់ថា ​នាពេលបច្ចុប្បន្ននេះ ប្រទេសកម្ពុជា បាននាំបន្លែ ប្រមាណ​៤០០តោន ក្នុងមួយថ្ងៃៗ​​ពី​​ប្រទេស​វៀតណាម ​និងប្រទេសថៃ ដោយ​ចំណាយ​ថវិកា​ប្រមាណ​ជាង​ពីរ​រយ​លាន​​ដុល្លារ​អាមេរិក​ ខណៈ មន្រ្តីអះអាងថា ​ការ​ដាំដុះនៅកម្ពុជា នៅមានកម្រិត និងខ្វះបច្ចេកទេស ​ជាំដើមនោះ៕