ភ្នំពេញ ៖ នាព្រឹកថ្ងៃទី២៥ ខែវិច្ឆិកា ឆ្នាំ២០១៩ នេះ ឧបនាយករដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ បានជួបពិភាក្សាជាមួយអភិបាលក្រុងប៊ូសាន នៃសាធារណរដ្ឋកូរ៉េខាងត្បូង ដោយស្នើឲ្យជួយបង្កើនកិច្ចសហប្រតិបត្តិការជាមួយរាជធានីភ្នំពេញ លើការងារបង្កើតទីក្រុងឆ្លាតវៃ ការគ្រប់គ្រងទីក្រុង និងការគ្រប់គ្រងទឹកកខ្វក់។ ការស្នើនឹង ត្រូវបានធ្វើឡើងនៅក្នុងជំនួបជាមួយអភិបាលក្រុងប៊ូសាន ។

នៅក្នុងជំនួបជាមួយ លោក អូ ខដុន (Oh Keo-don) អភិបាលក្រុងប៊ូសាន នៅព្រឹកថ្ងៃនេះ ឧបនាយករដ្ឋមន្ត្រី រដ្ឋមន្ត្រីការបទេសកម្ពុជា លោក ប្រាក់ សុខុន បានស្នើទៅកាន់អភិបាលក្រុងប៊ូសាន ឱ្យពង្រឹងកិច្ចសហប្រតិបត្តិការជាមួយរាជធានីភ្នំពេញលើការងារសំខាន់ៗចំនួន៣ រួមមាន៖ ការបង្កើតទីក្រុងឆ្លាតវៃ (Smart City), ការរៀបចំទីក្រុង និងការគ្រប់គ្រងទឹកកខ្វក់។ នេះបើតាមបើតាមលោកជំទាវ អ៊ាត សោភា បានបញ្ជាក់ប្រាប់នៅក្រោយជំនួប។ ចំពោះសំណើទាំង៣នេះ ត្រូវបានអភិបាលក្រុងស្វាគមន៍ និងទទួលយក។ លោកអភិបាលក្រុងប៊ូសាន បានបង្ហាញពីបំណងចង់បង្កើតកិច្ចសហប្រតិបត្តិការចំនួនពីរជាមួយកម្ពុជា គឺកិច្ចសហប្រតិបត្តិការលើវិស័យកំពង់ផែ (ទីក្រុងប៊ូសានជាទីក្រុងមានកំពង់ផែដ៏ធំមួយនៅលើពិភពលោក និងការអភិវឌ្ឍវិស័យភាពយន្តជាមួយកម្ពុជា។

គួរកត់សំគាល់ដែរថា រាជធានីភ្នំពេញ និងទីក្រុងប៊ូសាន មានសម្ព័ន្ធមេត្រីភាពជាមួយគ្នារួចមកហើយនាពេលកន្លងមក ថែមទាំង បានបង្កើនកិច្ចសហប្រតិបត្តិការជាបន្តបន្ទាប់ផងដែរ។

ក្រៅពីនេះ លោកឧបនាយករដ្ឋមន្ត្រី ប្រាក់ សុខុន បានស្នើឲ្យអភិបាលក្រុងប៊ូសាន ជួយយកចិត្តទុកដាក់បន្ថែមទៀតលើសុខមាលភាពរបស់ប្រជាពលរដ្ឋកម្ពុជា ដែលកំពុងធ្វើការ និងស្នាក់នៅក្នុងទីក្រុងប៊ូសាន គ្រាដែលពលរដ្ឋកម្ពុជា ដែលកំពុងស្នាក់នៅ និងធ្វើការនៅទីនោះ មានចំនួនជាង៩ពាន់នាក់។

ភាគីទាំងពីរ ក៏បានលើកឡើងនូវកិច្ចប្រជុំកំពូល និងរំលឹកខួបអនុស្សារីយ៏វាងអាស៊ាន និងកូរ៉េ ផងដែរ ដោយអភិបាលក្រុងប៊ូសាន បានលើកឡើងថា មានកម្មវិធីសំខាន់ៗចំនួន៥ត្រូវបានរៀបចំឡើង ដើម្បីអបអរសាទរនូវទំនាក់ទំនងរវាងសាធារណរដ្ឋកូរ៉េ ជាមួយអាស៊ាន។ កម្មវិធីអមកិច្ចប្រជុំកំពូលចំនួន៥រួមមាន៖ ១. កម្មវិធីមហោស្រពអាហារអាស៊ាន។ មហោស្រពអាហារអាស៊ាននេះ អភិបាលក្រុងប៊ូសាន បានអះអាងថា ស្តង់អាហាររបស់កម្ពុជាទទួលបានការចាប់អារម្មណ៍ ហើយប្រជាពលរដ្ឋកូរ៉េជាច្រើនបានចូលភ្លក្សអាហារ, ទី២. កម្មវិធីរៀបចំដាក់ឈ្មោះវិថីមួយប្រវែងប្រមាណ ២គីឡូម៉ែត្រស្ថិតជាប់មជ្ឈមណ្ឌលវប្បធម៌អាស៊ាន ដែលវិថីមានឈ្មោះថា «វិថីអាស៊ាន», ទី៣. កម្មវិធីអបអរសាទរទីក្រុងឆ្លាតវៃរបស់អាស៊ាន (Smart ASEAN CITY) ដែលក្នុងឱកាសនោះទីក្រុងប៊ូសាន បានបង្កើតទីក្រុងបច្ចេកវិទ្យាប៊ូសាន, ទី៤. កម្មវិធីបង្កើតមជ្ឈមណ្ឌលប្រជាជនបរទេសសម្រាប់ជនបរទេសមករស់នៅ និងធ្វើការនៅទីក្រុងប៊ូសាន ដែលមជ្ឈមណ្ឌលនេះជាកន្លែងបង្ហាញវប្បធម៌ និងផ្តល់ព័ត៌មានផ្សេងៗ និងទី៥. កម្មវិធីបង្កើតអង្គការភាពយន្តអាស៊ាន និងសាធារណរដ្ឋកូរ៉េ ដែលគម្រោងបង្កើតអង្គការភាពយន្តអាស៊ាន-សាធារណរដ្ឋកូរ៉េនេះ នឹងត្រូវលើកឡើងសុំការអនុម័តក្នុងកិច្ចប្រជុំកំពូលអាស៊ាន-សាធារណរដ្ឋកូរ៉េ។

លោកឧបនាយករដ្ឋមន្ត្រី ក៏បានគូសបញ្ជាក់ដែរថា រាជរដ្ឋាភិបាលកម្ពុជា ជាពិសេសសម្តេចតេជោ ហ៊ុន សែន គាំទ្រយ៉ាងពេញទំហឹងចំពោះកិច្ចសន្ទនា និងទំនាក់ទំនងរវាងអាស៊ាន និងសាធារណរដ្ឋកូរ៉េ។ បន្ថែមពីលើនោះ សម្តេចតេជោ ហ៊ុន សែន ក៏ជាអ្នកជំរុញឱ្យមានកិច្ចពិភាក្សាកំពូលរវាងមេគង្គ និងសាធារណរដ្ឋកូរ៉េជាលើកដំបូង ដែលនឹងធ្វើឡើងនាពេលនេះផងដែរ៕

ភ្នំពេញ ៖ នៅព្រឹកថ្ងៃទី២៥ ខែវិច្ឆិកា ឆ្នាំ២០១៩នេះ សម្តេចតេជោនាយករដ្ឋមន្ត្រី ហ៊ុន សែន បានបង្ហាញរូបភាព និងបញ្ជាក់អំពីស្ថានភាពជំងឺម្តាយក្មេករបស់សម្តេចដែលកំពុងស្ថិតក្នុងដំណាក់ការសង្រ្គោះបន្ទាន់នៅក្នុងមន្ទីរពេទ្យ។

ការបញ្ជាក់របស់សម្តេចតេជោ នៅព្រឹកនេះ បន្ទាប់ពីមាន Facebook មួយបានយករូបថតម្តាយក្មេកសម្តេច និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នៅមន្ទីរពេទ្យសិង្ហបុរី កាលពី១១ឆ្នាំមុនមកបង្ហោះ បង្កើតឲ្យមានការភ័ន្តច្រឡំ។

សម្តេចតេជោ បានសរសេរថា «ម្សិលមិញមានហ្វេកបុកមួយ បានយករូបថតម្តាយក្មេកខ្ញុំ និងភរិយាខ្ញុំកាលពីឆ្នាំ២០០៨ គឺ១១ឆ្នាំមុន នៅមន្ទីរពេទ្យសង្ហិបុរីមកបង្ហោះ ធ្វើឱ្យមានការភ័ន្តច្រឡំថា ម្តាយក្មេកខ្ញុំបានជាសះស្បើយ ឬបានធូរស្រាលហើយដែលធ្វើឱ្យខ្ញុំជួបការលំបាក ក្នុងការបកស្រាយពីរឿងខ្ញុំលុបចោលការទៅចូលរួមប្រជុំកំពូលអាស៊ាន-កូរ៉េ, មេគង្គ-កូរ៉េ នៅទីក្រុងប៊ូសាននៃប្រទេសកូរ៉េខាងត្បូង។

ខ្ញុំសូមបញ្ជាក់ថា ស្ថានភាពជំងឺម្តាយក្មេក ខ្ញុំស្ថិតក្នុងដំណាក់ការសង្រ្គោះបន្ទាន់នៅឡើយ ដែលតម្រូវឱ្យកូនចៅនៅក្បែរគាត់ជានិច្ច។ សូមជូនរូបភាពមួយចំនួនពីម្សិល និងព្រឹកថ្ងៃនេះ២៤ និង២៥ វិច្ឆិកា ២០១៩»៕

ប៉ោយប៉ែត ៖ ដោយមើលឃើញពីទុកលំបាក់របស់ពលរដ្ឋប្រកបរបរកស៊ីចិញ្ចឹមជីវិតប្រចាំថ្ងៃ ផ្លូវលំ ក្នុងភូមិត្តភាពជាងមួយម៉ីនម៉ែត្រ ដែលរងការខួចខាតនៅរដូវវស្សា ត្រូវបានឈួសឆាយកៀរកិនបង្ហាប់ឡើងវិញ ដោយប្រើពេលវេលាជិតមួយខែ ។ នេះបើតាមការបញ្ជាក់ប្រាប់ពីលោកមេភូមិមិត្តភាព សន មុន្នី កាលពីរសៀលថ្ងៃទី២៣ ខែវិច្ឆិកា ឆ្នាំ២០១៩ ។

លោកបន្ថែមថា បន្ទាប់ពីដាច់ទឹកភ្លៀងមកក្រុមការងារក្រុងប៉ោយប៉ែតសង្កាត់ និងការងារភូមិចុះសហការគ្នាឈួសឆាយកៀរកិនសរុបចំនួន១២ខ្សែ បើគិតជាចម្ងាយប្រវែងប្រមាណជាងមួយម៉ីនម៉ែត្រ ដើម្បីបណ្ដោះភាព កកស្ទះនៅផ្លូវបេតុងខាងក្នុង តាមសាលាសង្កាត់ប៉ោយប៉ែត ដោយសារផ្លូវបេតុងមួយខ្សែនោះ តូច ហើយអ្នកធ្វើដំណើរច្រើន ដូច្នេះក្រុមការងារឈួសឆាយផ្លូវលំបន្ថែម ។

លោកបន្ថែមថា គ្រឿងចក្រ ដែលកំពុងឈួសឆាយកៀរកិនផ្លូវនេះ ជាគ្រឿងចក្ររបស់លោកអភិបាលផ្ទាល់ សហការជាមួយអាជ្ញាធរក្នុងមូលដ្ឋាន ចុះសម្អាតកែលម្អផ្លូវជូនប្រជាពលរដ្ឋប្រើប្រាស់ ជាប្រយោជន៍រួម។

លោកក៏សូមផ្ដាំផ្ញើដល់ពលរដ្ឋ អាចធ្វើចរាចរណ៍ឡើងវិញនៅពេលការឈូសឆាយកៀរកិន ស្អាត នាពេលដ៏ខ្លីខាងមុខនេះ។ លោកបន្តថា មិនថា ផ្លូវលំ ផ្លូវជាតិ រួមទាំងផ្លូវបេតុង ដែលរងការខូចខាតនៅរដូវវស្សា ដោយសារតែ រថយន្តដឹកខ្សាច់ ដឹកថ្ម លើសទម្ងន់ធំៗ ពេលក្រុមការងារចាប់សួរនាំគេថាខាងស្ថានីយ ថ្លឹងរថយន្ត ឲ្យធ្វើចរាចរណ៍៕

ភ្នំពេញ ៖ រដ្ឋាករទឹកក្រុងភ្នំពេញ បានជូនដំណឹងថា ចាប់ពីខែមករា ឆ្នាំ២០២០ តទៅ នឹងចាប់ផ្ដើមគិតតម្លៃទឹកតាមកាកែសម្រួលថ្មី និងទៅតាមចំនួនការប្រើប្រាស់។ នេះបើយោងតាមសេចក្តីសម្រេចថ្មីមួយរបស់លោក ចម ប្រសិទ្ធ រដ្ឋមន្ត្រីក្រសួងឧស្សាហកម្ម និងសិប្បកម្ម ដែលចុះហត្ថលេខាកាលពាក់កណ្តាលខែសីហា ឆ្នាំ២០១៩។

តាមសេចក្តីសម្រេចថ្មី រដ្ឋាកឬទឹក បានកែសម្រួលថ្លៃទឹកជាថ្មី ដោយបានបែងចែកអតិថិជនជា ៣ប្រភេទ។ តម្លៃទឹក ត្រូវបានកំណត់ដូចខាងក្រោម ៖

​ ​

ភ្នំពេញ : ក្រសួងមុខងារសាធារណៈបានចេញសេចក្តីជូនដំណឹងនាពេលថ្មីៗនេះថា មន្ត្រីរាជការស៊ីវិលិល នៃ​ព្រះរាជាណាចក្រ​កម្ពុជា ទោះបី​ស្ថិតនៅ​ប្រភេទ​ក្របខណ្ឌ​រដ្ធណាមួយក៍ដោយ អាចនឹង​បម្រើ​ការងារ​រហូតដល់​អាយុ​ ៦០ឆ្នាំ ទើបត្រូវដាក់អោយចូលនិវត្តន៍។

ក្នុង​សេចក្តី​ជូនដំណឹងបានចែងថា មន្ត្រីរាជការ​ស៊ីវិល​ដែលស្ថិតក្រោមបទ​ប្បញ្ញត្តិ​នៃ​ច្បាប់​ស្តីពី​សហលក្ខន្តិកៈ​មន្ត្រីរាជកា​រ​ស៊ីវិល​កម្ពុជា ទោះបីជា​ស្ថិត ក្នុង​ប្រភេទ​ក្របខ័ណ្ឌ​ណាមួយ ក៏​ដោយត្រូ វ​បម្រើវបម្រើការងាររហូតដល់អាយុ៦0ឆ្នាំ ទើប​រៀបចំ​ដាក់ឱ្យ​ចូលនិវត្តន៍ តាម​នីតិវិធី​ជា​ធរមាន​។ អនុលោម​តាម​មាត្រា​១០៧​នៃ​ច្បាប់​ស្តីពី​របប​សន្តិសុខ​សង្គម ចែងថា ច្បាប់​នេះ​ត្រូវបាន​ប្រកាស​ជា​ការប្រញាប់​» ចាប់ពី​ខែវិច្ឆិកា ឆ្នាំ​២០១៩​នេះ​តទៅ ក្រសួង​មុខងារសាធារណៈ​នឹង​រក្សាទុក​មន្ត្រីរាជការ​ស៊ីវិល​ដែលមាន​ប្រភេទ​ក្របខណ្ឌ ខ និង គ ឱ្យ​បម្រើ​ការងារ​បន្តទៀតរ​ហូ​តដល់ អាយុ ៦០​ឆ្នាំ​។

សូមអានខ្លឹមសារទាំងស្រុងដូចខាងក្រោម :

ស្វាយរៀង ៖ សាកសពបុរសម្នាក់ ដែលសមត្ថកិច្ចអះអាងថា ជាជនដៃដល់ដែលម្លាប់ ស្ត្រីបំរើការ ងាររោងចក្រអំពូលស្លាប់យ៉ាងអាណោចអធ្មមក្នុងថ្លុកឈាមនៅខេត្តស្វាយរៀង ត្រូវបានប្រទះឃើញ អណ្តែតទឹកព្រែកមួយកន្លែងនៅខាងក្រោយរោងចក្រដែលជាកន្លែងកើតហេតុ និងជាកន្លែងដែល នារីរងគ្រោះធ្វើការផងដែរ។

សូមជម្រាបថា ឃាតកម្មមួយបង្កឲ្យមានការភ្ញាក់ផ្អើល កាលពីវេលាម៉ោង៦និង៣២នាទីព្រឹក ថ្ងៃទី ២២ ខែវិច្ឆិកា ឆ្នាំ២០១៩នេះ ក្នុងរោងចក្រ ធីវ៉ាយ ស្ថិតក្នុងតំបន់សេដ្ឋកិច្ច ពិសេសស្វាយរៀង ហ្គី ហ្គារី សស៍ ក្នុងភូមិដើមពោធិ៍ ឃុំកណ្ដៀងរាយ ស្រុកស្វាយទាប ខេត្តស្វាយរៀង ហើយជនដៃ ដល់ បានរត់គេចខ្លួនបាត់។ក្រោយកើតហេតុ សមត្ថកិច្ចបានកំណត់មុខសញ្ញាជនដៃដល់ គឺជា សង្សារ របស់នារីរងគ្រោះនោះតែម្តង គឺឈ្មោះ នាង ក្រឹម ភេទប្រុស អាយុ ២៥ឆ្នាំ ចំណែកនារីរងគ្រោះ ដល់ស្លាប់ឈ្មោះ ខឹម ពិសាល អាយុ២៤ឆ្នាំ រស់ នៅភូមិព្រៃរការ ឃុំឈើទាល ស្រុកស្វាយជ្រុំ ខេត្ត ស្វាយរៀង មុខរបរជាកម្មការិនីរោងចក្រផលិតអំពូលភ្លើង។

លោកវរៈសេនីយ៍ឯក កែវ សុភ័ណ្ឌ អធិការនគរបាលស្រុកស្វាយទាប បានឲដឹងថា បន្ទាប់មន្ត្រី ជំនាញនគរបាលចុះស្រាវជ្រាវទីតាំងកើតហេតុ បានចុះតាមដានមុខសញ្ញាហ៊ំព័ទ្ធជំវិញ តំបន់សេដ្ឋ កិច្ចមួយយប់ទល់ភ្លឺ ដោយសង្ស័យថា ជនសង្ស័យ មិនទាន់ចេញទីណាឆ្ងាយឡើយ។ លោកបន្តថា លុះដល់ម៉ោង12 ថ្ងៃត្រង់ ថ្ងៃទី23 ខែវិច្ចកា ឆ្នាំ 2019 នេះ សមត្ថកិច្ចបានប្រទះឃើញសពជនដៃដល់អណ្តែតតែក្បាលក្នុងទឹកព្រែកនៅខាងក្រោយ រោងចក្រ កន្លែងកើតហេតុ។ សមត្ថកិច្ចបញ្ជាក់ថា ពិតជាសពជនដៃដល់ពិតមែន ព្រោះមានស្នាមមុត (កាំបិត) នៅដៃសាកសព និងលើមួក មានស្នាមប្រឡាក់ឈាមផងដែរ ។សមត្ថកិច្ចថា ក្រៅពីនោះ នៅលើ សាកសពគ្មានស្លាកស្នាមអ្វីដែលអាចចាត់ទុកថា ជាអំពើឃាតកម្មនោះទេ អាចថា ជនដៃ ដល់បាន រត់ទៅលោតទឹកសម្លាប់ខ្លួន បន្ទាប់ពីបានសម្លាប់នារីរងគ្រោះជាសង្សាររបស់ខ្លួនរួចហើយ ។
បច្ចុប្បន្ន សមត្ថកិច្ចបានកសាងសំណុំរឿងដើម្បីចាត់ការទៅតាមផ្លូវច្បាប់៕

ដោយ ៖ ប៉ែន សុផល

ខេត្តកំពង់ចាម ៖ អភិបាលនៃគណៈ អភិបាល ខេត្តកំពង់ចាម លោក អ៊ុន ចាន់ដា បានថ្លែងថា តាមរយៈយុទ្ធសាស្រ្តចតុកោណកន្លងទៅនេះ រាជរដ្ឋាភិបាល បានផ្តោតការយកចិត្តទុកដាក់យ៉ាងខ្លាំង លើការវិនិយោគក្នុងវិស័យ ធនធានមនុស្ស ផ្លូវ ទឹក អគ្គិសនី ក៏ប៉ុន្តែ ក្នុងយុគសម័យ សេដ្ឋកិច្ចពុទ្ធិ និងបច្ចេកវិទ្យាព័ត៌មានឧត្តមភាពប្រកួតប្រជែងនេះ តម្រូវ ការ “ មូលធនមនុស្ស ” មាន ចំណេះដឹងទូលំទូលាយ ចេះច្នៃប្រឌិត និងមានជំនាញ ច្បាស់លាស់ នៅតែជាភាពចាំបាច់មួយទៀត។ ក្នុងន័យនេះហើយ ដែលរាជរដ្ឋាភិបាលតាំងពីដើមរៀង រហូតមកជានិច្ចកាល តែងតែចាត់ទុកការសិក្សា ស្រាវជ្រាវ គឺជាវិស័យអាទិភាព និងជាកូនសោដ៏សំខាន់សម្រាប់ការលើកកម្ពស់ផលិតភាពការងារ ដើម្បី ធានាបាននូវភាពជោគជ័យនៃដំណើរការអភិវឌ្ឍសង្គមសេដ្ឋកិច្ចកម្ពុជា ក្នុងបរិការណ៍នៃសកលភាវូបនីយកម្ម និងការលូតលាស់នៃបច្ចេកវិទ្យាព័ត៌មានដ៏ខ្លាំងក្លានាពេលបច្ចុប្បន្ននេះ។ ការថ្លែងយ៉ាងដូច្នេះ ក្នុងពិធីបើកសន្និសីទវិទ្យាសាស្រ្តថ្នាក់ជាតិលើកទី៦ ស្តីពីកសិកម្ម និងអភិវឌ្ឍន៍ជនបទ នៅវិទ្យាស្ថានជាតិកសិកម្ម ខេត្តកំពង់ចាម នាព្រឹក ថ្ងៃទី២២ ខែវិច្ឆិកា ឆ្នាំ២០១៩ ។

លោក អភិបាលខេត្ត បានថ្លែងបន្តថា ការងារស្រាវ ជ្រាវវិទ្យាសាស្រ្តកសិកម្ម និងអភិវឌ្ឍន៍ជនបទ គឺជាចំណែកមួយនៃការវិនិយោគសាធារណៈដែលត្រូវចំណាយ ធនធាន និងពេលវេលាយ៉ាងយូរ ហើយត្រូវតស៊ូព្យាយាម និងអត់ធ្មត់កម្រិតខ្ពស់ថែមទៀត ទើបយើងអាចទទួលបានផ្លែផ្កា។ ការទទួលបានផ្លែផ្កាជាទូទៅមាន លក្ខណៈអរូបីយ ហើយជួនកាលយើងត្រូវរង់ចាំអស់រយៈពេលយ៉ាងយូរ ទើបផ្លែផ្កានោះអាចលេចចេញជា រូបរាង្គយ៉ាងពិតប្រាកដ៏។ ជាក់ស្តែងថ្មីកន្លងមកនេះ តាមរយៈធនធានដែលបានពីការអប់រំ-បណ្តុះបណ្តាលនេះ ក្រសួងកសិកម្ម រុក្ខាប្រមាញ់ និងនេសាទ ក៍បានខិតខំជម្រុញឱ្យពួកគាត់ផ្ទេរនូវបច្ចេកវិទ្យាទៅដល់កសិករ ដើម្បីធ្វើ ឲ្យកំណើនផលិតផលកសិកម្ម កើនឡើងទាំងទិន្នផល និងគុណភាព លើសអំពីតម្រូវការទីផ្សារក្នុងស្រុក ជាបរិបទថ្មីមួយទៀតតម្រូវឲ្យវិទ្យាស្ថានសិក្សាបន្ថែមទៀតថា តើត្រូវរកទីផ្សារកសិផល ជូនប្រជាកសិករ កម្ពុជាដោយវិធីណា? ដើម្បីធានាបាននិរន្តរភាពផលិតកម្មកសិកម្ម ធានាបាននូវជីភាពកសិករឱ្យកាន់ ប្រសើរឡើងផងដែរ ៕

ខេត្តព្រះសីហនុ ៖ មុននឹងបើកកិច្ចប្រជុំសាកល្បងសម្របសម្រួលស្តីពីករណីវិវាទដីធ្លីរវាង លោកស្រី ហ៊ឹម សុវណ្ណរី និងប្រជាពលរដ្ឋស្ថិតនៅតំបន់អូរដំរី ក្នុងភូមិសាស្រ្ត ស្រុកស្ទឹងហាវ និងក្រុងព្រះសីហនុ នាព្រឹកថ្ងៃទី២១ ខែវិច្ឆកា ឆ្នាំ២០១៩ កន្លងទៅនេះ។

​ក្នុងឱកាសនោះ ថ្នាក់ដឹកនាំខេត្តព្រះសីហនុ បានលើកឡើងថា « មានអ្នកដើរចាប់យករដ្ឋ ដូចជា ដីគម្របព្រៃ និង ដីបរិស្ថាន ជាដើម ហើយដើម្បីឲ្យស្រច្បាប់ ពួកគេបានកៀងគរកម្លាំងប្រជាជនមកធ្វើជាខែល និង មានអ្នកខ្លះ យកដីខ្លួនឯងដែលរំលោភបំពាន់បាន ទៅធ្វើសម្បទានអោយអ្នកនេះ អោយអ្នកនោះ រួមទាំងអោយរដ្ឋវិញ ជាដើម ហើយមានអ្នកខ្លះទៀត រំលោភទន្ទ្រានយកដីរបស់គេ ទៅពុះជាឡូត៍ លក់ថោកៗ ដើម្បីអោយមានមនុស្សដែលមិនបានដឹងរឿងពិតទៅទិញ បង្កើតទៅជាក្រុម ជាភូមិ ដើម្បីការពារទង្វើខុសច្បាប់របស់ខ្លួន។ បំណងពិតប្រាកដ គឺដើម្បីយកគេមកបិទបាំង ឬក៏អូសទាញ គេមកអោយជួយការពារដីខ្លួនឯងដែលធ្វើការការរំលោភបាន »។

ឯកឧត្តម គួច ចំរើន លើកឡើងបែបនេះ នៅក្នុងកិច្ចប្រជុំមួយស្តីពីករណីវិវាទដីធ្លីរវាងលោកស្រី ហ៊ឹម សុវណ្ណរី និងប្រជាពលរដ្ឋស្ថិតនៅតំបន់អូរដំរី ក្នុងភូមិសាស្រ្ត ស្រុកស្ទឹងហាវ និងក្រុងព្រះសីហនុ នៅសាលប្រជុំតូចនៃសាលាខេត្តព្រះសីហនុ ។ លោកអភិបាលខេត្ត បញ្ជាក់ថា ៖ « រឿងនេះ វាកើតមានឡើងនៅខេត្តព្រះសីហនុ អីចឹងបើនៅតែមានការទៅរំលោភបំពានយក ដីរបស់រដ្ឋ វាអាចថា បើនៅពេលមានការភិតភ័យខ្លាំង អីចឹងដើម្បីអោយមានមនុស្សមកជួយ អោយបានច្រើន គេត្រូវធ្វើសម្បទាន ឬត្រូវលក់ថោកៗ ហើយសម្បទានខ្លះ អាចមានការពាក់ព័ន្ធ រហូតទៅដល់មន្ត្រី និងកងកម្លាំង និងមានកន្លែងខ្លះ មានទាំងអ្នកកាសែតទៀតផង»។

ពលរដ្ឋដែលចូលរួមក្នុងកិច្ចប្រជុំនោះ បានថ្លែងថា ទោះបីជាការលើកឡើងមិនចំឈ្មោះក្តី ក៏អង្គប្រជុំបានយល់ថា គឺសំដៅទៅលើកលោកស្រី ហ៊ឹម សុវណ្ណរី និងបក្សពួកគូកន ដែលគេដឹងថា បច្ចុប្បន្ននេះ លោកស្រី ហ៊ឹម សុវណ្ណរី កំពុងធ្វើសកម្មភាពរំលោភលើដីរបស់ប្រជាពលរដ្ឋ និងដីវត្ត ជាច្រើនហិកតា នៅក្នុងតំបន់ អូរកូនដំរី ស្ថិតក្នុងភូមិ៤ ឃុំអូរត្រេះ ស្រុក ស្ទឹងហាវ ខេត្តព្រះសីហនុ យកទៅធ្វើអំណោយអោយទៅមន្ត្រីកំពូលៗ ថ្នាក់ដឹកនាំ កងកម្លាំងធំៗ និងប្រជាពលរដ្ឋមួយចំនួន ដែលស្ត្រីរូបនេះបានកេណ្ឌមកពីតាមបណ្តាលខេត្តនានា ក្នុងគោលបំណងបំភាន់ភ្នែកអាជ្ញាធរ អោយមើលឃើញថា ខ្លួនជាអ្នកធ្វើល្អ និងប្រើប្រាស់ឥទ្ធិពលនេះ ដើម្បីការពារដីដែលទន្ទ្រានបាន ធ្វឲ្យទៅជាដីស្របច្បាប់។

ប្រភពដដែល បានបន្តថា ទង្វើបែបនេះ ត្រូវបានប្រជាពលរដ្ឋមួយចំនួនដែលកំពុងរងគ្រោះដោយអំពើរំលោភដីធ្លីពីសំណាក់ លោកស្រី ហ៊ឹម សុវណ្ណរី មានការឈឺចាប់ខ្លោចផ្សាជាខ្លាំង ដោយសារតែបាត់បង់ដីធ្លី ផ្ទះសំបែង ដែលពួកគាត់អះអាងថា បានរស់នៅយ៉ាងសុខសាន្តរាប់ឆ្នាំមកហើយទៀតផង ស្ត្រីរូបនេះត្រូវបានប្រជាពលរដ្ឋរងគ្រោះ ដាក់បណ្តាសារ គ្រប់ៗគ្នាជារៀងរាល់ថ្ងៃផងដែរ។

បើតាមឯកឧត្តម គួច ចំរើន បានលើកឡើងថា ៖ រឿងនេះវាគ្រាន់តែជាវិធីមួយ ប៉ុន្តែចាប់ពីពេល នេះតទៅ លោកនឹងធ្វើការគាស់រំលើងរឿងនេះឡើងវិញ មិនទុកអោយអំពើទុច្ចរិតបែបនេះ បន្តអូសបន្លាយប៉ះពាល់ទៅដល់ការដឹកនាំរបស់រដ្ឋាភិបាលនោះទេ។
ឯកឧត្តម អភិបាលខេត្តព្រះសីហនុ បានបន្តថា ៖ « ចាប់ពីពេលនេះតទៅ លោក នឺងដាក់ការស៊ើបអង្កេតហើយ ៗអ្នកដែលពាក់ព័ន្ធនៅក្នុងរឿងហ្នឺង ត្រូវតែដកថយជាបន្ទាន់
… ជាគោលការ ហាមពាក់ព័ន្ធលើកយោបល់ផ្ទាល់ ហើយហាមធ្វើអន្តរាគមន៍ព្រោះកន្លងទៅគឺវាធ្លាប់មានរឿងអីចឺង…»។

លោកស្រី ហ៊ឹម សុវណ្ណរី ដែលកំពុងត្រូវក្រុមប្រជាពលរដ្ឋចោទប្រកាន់ រួមទាំងការព្រមានដោយប្រយោលពីសំណាក់អភិបាលខេត្តផងដែរនោះ មិនទាន់អាចទាក់ទងដើម្បីសុំការពន្យល់ឆ្លើយតបនឹងព័ត៌មានខាងលើនេះបានទេ នៅរសៀលថ្ងៃទី២២ ខែវិច្ឆកា ឆ្នាំ២០១៩ នេះ។

យ៉ាងណាក៏ដោយ លោកអភិបាលខេត្តព្រះសីហនុ បានអះអាងដោយសង្កត់ធ្ងន់ថា រដ្ឋបាល ខេត្តព្រះសីហនុ បានរកឃើញបញ្ហាមិនប្រក្រតីមួយចំនួនរួចហើយ ដែលលោកត្រូវធ្វើការគាស់រំលើងបញ្ហានេះ។ អ្នកដែលបង្កើតបញ្ហានៅទីនេះ គឺចៀសមិនផុតពីការទទួលខុសត្រូវតាមផ្លូវច្បាប់នោះឡើយ »៕