ភ្នំពេញ ៖ រសៀល ថ្ងៃទី២៨ ខែតុលា ឆ្នាំ២០១៩នេះ លោក យ៉ាណូស អាឌ័រ (Janos Ader) ប្រធានាធិបតីនៃសាធារណរដ្ឋហុងគ្រីនឹងមានជំនួបពិភាក្សាជាមួយ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា នៅវិមានសន្តិភាព។
តាមការប្រកាសរបស់ក្រសួងការបរទេសកម្ពុជា បានឱ្យដឹងថា នៅក្នុងជំនួបនោះ នឹងមានកិច្ចសហប្រតិបត្តិការទ្វេភាគីលើវិស័យជាច្រើន រួមទាំងបញ្ហាតំបន់ និងអន្តរជាតិដែលជាការយកចិត្តទុកដាក់រួម នឹងត្រូវបានលើកយកមកពិភាក្សា។
ក្រសួងការបរទេស បានបញ្ជាក់ថា៖ ទស្សនកិច្ចផ្លូវរដ្ឋលើកដំបូងមកកាន់កម្ពុជារបស់លោក យ៉ាណូស អាឌ័រ មកកាន់កម្ពុជា នឹងក្លាយជាព្រឹត្តិការណ៍ដ៏សំខាន់មួយក្នុងទំនាក់ទំនងទ្វេភាគីកម្ពុជា-ហុងគ្រី ហើយនឹងរួមចំណែកយ៉ាងសំខាន់ដល់ការពង្រឹងបន្ថែមទៀតនូវចំណងមិត្តភាព និងសាមគ្គីភាព ក៏ដូចជាបង្កើនវិសាលភាពនិងជម្រៅនៃកិច្ចសហប្រតិបត្តិការរវាងប្រទេសទាំងពីរ.
សូមជម្រាបថា ប្រធានាធិបតីនៃសាធារណរដ្ឋហុងគ្រី និងភរិយាបានអញ្ជើញមកដល់កម្ពុជាហើយ នៅយប់ថ្ងៃអាទិត្យម្សិលមិញនេះ ដើម្បីបំពេញទស្សនកិច្ចផ្លូវរដ្ឋ រយៈពេល៤ថ្ងៃ ចាប់ពីថ្ងៃទី២៧ ដល់ ៣០ ខែតុលា ឆ្នាំ២០១៩ តាមការអញ្ជើញរបស់ព្រះមហាក្សត្រកម្ពុជា៕
អាមេរិក ៖ អភិបាលរដ្ឋកាលីហ្វ័រញ៉ាលោក Gavin Newsom បានប្រកាសដាក់រដ្ឋគ្រាអាសន្ន ខណៈភ្លើងឆេះព្រៃដ៏ធំបណ្ដាលមកពីខ្យល់បក់ខ្លាំង ដែលបានបង្ខំឱ្យមានការជម្លៀសមនុស្ស និងការដាច់ចរន្តអគ្គិសនីដ៏ធំ ដោយគំរាមកំហែងដល់ទីក្រុងទេសចរណ៍នានាក្នុងតំបន់ស្រាទំពាំងបាយជូរ Sonoma ដ៏ល្បីល្បាញរបស់រដ្ឋមួយនេះ។
អាមេរិក ៖ ប្រធានាធិបតីអាមេរិកលោក Donald Trump បាននិយាយថាមេដឹកនាំរបស់ក្រុមរដ្ឋអ៊ីស្លាម(IS)លោក Abu Bakr al-Baghdadi បានស្លាប់ក្នុងអំឡុងពេលប្រតិបត្តិការយោធាអាមេរិកនៅភាគពាយព្យនៃប្រទេសស៊ីរី។ នេះបើយោងតាមប្រភពពី BBC។
ថ្លែងចេញពីសេតវិមានលោក Trump បាននិយាយថា Baghdadi បានស្លាប់ហើយ ដែលជាការបំពេញនូវអាទិភាពផ្នែកសន្តិសុខជាតិ កំពូលនៃរដ្ឋបាលរបស់លោក។ លោកបាននិយាយថា គ្មានបុគ្គលិកអាមេរិកណាម្នាក់ត្រូវបានបាត់បង់ នៅក្នុងបេសកកម្មនោះទេ។ Baghdadi បានធ្វើជាមេកើយនៃក្រុមជីហាដជាសកលរបស់ក្រុមរដ្ឋអ៊ីស្លាម ហើយបានក្លាយជាមនុស្សដែលពិភពលោក តាមប្រមាញ់ខ្លាំងជាងគេបំផុត។
ការប្រកាសនេះធ្វើឡើង ខណៈដែលលោក Trump បានទទួលរងការរិះគន់ទាំងក្រៅ និងនៅទីក្រុងវ៉ាស៊ីនតោន បន្ទាប់ពីមានការដកកងទ័ពអាមេរិកពីភាគឦសានប្រទេសស៊ីរី។
លោក Trump បាននិយាយថា គេបានស្លាប់ បន្ទាប់ពីបានរត់ចូលរូងទាល់ក្រោមដី ដោយមានសំឡេងស្រែកទ្រហោយំ និងស្រែកយ៉ាងខ្លាំង“។ លោកបានបន្ថែមទៀតថា កូនៗ ៣នាក់របស់ Baghdadi ក៏ត្រូវបានសម្លាប់នៅក្នុងការផ្ទុះនោះដែរ។ លោក Trump បាននិយាយថា ការវាយឆ្មក់ដែលមានការចូលរួមពីឧទ្ធម្ភាគចក្រចំនួន ៨គ្រឿង ដែលហោះហើរជាង ១ម៉ោងពីមូលដ្ឋានដែលមិនបានបង្ហាញ ត្រូវបានអនុវត្តដោយមានកិច្ចសហប្រតិបត្តិការពីប្រទេសរុស្ស៊ី, ស៊ីរី, ទួរគី និងអ៊ីរ៉ាក់។ លោកក៏បានថ្លែងអំណរគុណដល់ជនជាតិឃើតស៊ីរីផងដែរ ចំពោះការគាំទ្រច្បាស់លាស់មួយដែលពួកគេអាចផ្តល់ឲ្យយើង៕
ភ្នំពេញ ៖ ក្រសួងធនធានទឹក និងឧតុនិយម នៅព្រឹកថ្ងៃទី២៨ ខែតុលា ឆ្នាំ២០១៩នេះ បានចេញសេចក្ដីជូនដំណឹងបន្ថែមស្តីពីស្ថានភាពអាកាសធាតុនៅកម្ពុជា ចាប់ពីថ្ងៃទី១ ដល់ថ្ងៃទី៧ ខែវិច្ឆិកា បណ្ដារាជធានី ខេត្តនានានឹងមានភ្លៀងធ្លាក់រាយប៉ោយជាបន្តបន្ទាប់ក្នុងកម្រិត ៖
ឈីលី ៖ ប្រធានាធិបតីឈីលី លោក សេបាស្ទាន ភីណេរ៉ា (Sebastian Pinera) បានព្រមរុះរើគណៈរដ្ឋមន្ត្រី ដើម្បីបង្កើតរដ្ឋាភិបាលថ្មីមួយ ក៏ដូចជាដាក់ចេញនូវកំណែទម្រង់សង្គមនានាតបតាមសំណើរបស់ក្រុមបាតុករ។ នេះបើតាមសារព័ត៌មាន BBC។
នៅក្នុងសេចក្ដីថ្លែងការណ៍មួយ នៅថ្ងៃសៅរ៍ចុងសប្ដាហ៍ លោកផ្ទាល់បានអះអាងថា លោកបានលឺច្បាស់ណាស់អំពីសាររបស់ប្រជាជនឈីលីដល់ទៅជាងមួយលាននាក់ ដែលបានប្រមូលផ្តុំគ្នាតវ៉ានៅរដ្ឋធានី សាន់ត្យ៉ាហ្គោ (Santiago) ដើម្បីប្រឆាំងរដ្ឋាភិបាលរបស់លោក។
លោក ភីណេរ៉ា បានលើកឡើងដូច្នេះថា ៖ « ខ្ញុំបានជូនដំណឹងដល់រដ្ឋមន្ត្រីទាំងអស់របស់ខ្ញុំរួចរាល់ហើយ ពីការរុះរើគណៈរដ្ឋមន្ត្រីរបស់ខ្ញុំ ដើម្បីបង្កើតរដ្ឋាបាលថ្មី និងធ្វើកំណែទម្រង់សង្គមនានា តបតាមសំណើរបស់ ក្រុមបាតុករ…យើងកំពុងស្ថិតនៅក្នុងការពិតថ្មីមួយ ហើយឈីលីនៅថ្ងៃនេះ នឹងខុសពីឈីលីកាលពីសប្ដាហ៍មុន»។ ទន្ទឹមនោលោកប្រធានាធិបតី សេបាស្ទាន ភីណេរ៉ា ក៏បានប្រកាសលុបចោលបម្រាមគោរចរ នៅតាមទីក្រុងជាច្រើន នៅក្នុងប្រទេសឈីលីផងដែរ តែលោកផ្ទាល់មិនបានបញ្ជាក់អ្វីលម្អិតពីការរុះរើគណៈរដ្ឋមន្ត្រីនោះទេ។
សូមជម្រាបថា សកម្មភាពបាតុកម្មនៅឈីលីបានចាប់ផ្តើមឡើងតាំងតែពីថ្ងៃទី០៦ ខែតុលាមក នៅពេលដែលអាជ្ញាធរឈីលីបានបង្កើនថ្លៃសេវាធ្វើដំណើរតាមរថភ្លើង។ កន្លងមកនេះអំពើហិង្សាបានផ្ទុះឡើងខ្លាំងរហូតបណ្តាលឲ្យមនុស្សយ៉ាងតិច១៩នាក់បាត់បង់ជីវិត៕
ភ្នំពេញ ៖ លោក កែវ រ៉េមមី ប្រតិភូអមនាយករដ្ឋមន្រ្តី និងជាប្រធានសិទ្ធមនុស្សកម្ពុជា លើកឡើងថា នៅក្នុងទស្សវត្ស៦០ វិស័យភាពយន្តខ្មែរ មានការរីកចំរើនខ្លាំង និងមានការគាំទ្រយ៉ាងផុលផុសពីមហាជន ទាំងក្នុងកម្រិតជាតិ និងនៅលើឆាកអន្តរជាតិ ដែលក្នុងសម័យកាលនោះ ភាពយន្តខ្មែរជាង៥០០រឿង បានវាយលុកចូលក្នុងទីផ្សារភាពយន្តអន្តរជាតិ ដណ្តើមបានប្រជាប្រិយ៍ភាពយ៉ាងខ្លាំងក្លា។
លោក កែវ រ៉េមមី បានមើលឃើញថា នៅក្នុងប្រទេសកម្ពុជានាពេលបច្ចុប្បន្ន មានធនធានមនុស្សច្រើនណាស់ ក្នុងវិស័យភាពយន្ត ពួកគេមានសមត្ថភាពគ្រប់គ្រាន់ ក្នុងការផលិតភាពយន្តដែលអាចប្រកួតប្រជែង និងមានភាពទាក់ទាញ ក៏ប៉ុន្តែអាស្រ័យទៅលើការជ្រើសរើស និងស្វែងរក របស់ម្ចាស់ផលិតកម្មនិមួយៗចំពោះអ្នកនិពន្ធ អ្នកដឹកនាំរឿងនិងតារាសម្តែង ដែលមានសមត្ថភាព ទេពកោសល្យ និងចំណេះ ជំនាញច្បាស់លាស់ ជាពិសេស គឺទុនសម្រាប់ផលិតតែម្តង។
លោក រំលឹកថា វិស័យភាពយន្តខ្មែរ អាចរីកចំរើនបាន វាទាល់តែ អ្នកពាក់ព័ន្ធទាំងអស់ក្នុងវិស័យនេះ ត្រូវមានការអំណត់ តស៊ូ និងមានការប្តេជ្ញាចិត្តខ្ពស់ ក្នុងនោះ ក៏ត្រូវចេះឱ្យតម្លៃគ្នា នៅក្នុងអាជីពភាព ពោលគឺឱ្យតម្លៃខ្លួនឯង និងរួមគ្នាឱ្យតម្លៃទៅលើស្នាដៃរបស់យើង ដើម្បីឱ្យមានការទាក់ទាញពីសាធារណៈជន ចៀសជាងការហែកហួរឬពេបជ្រាយគ្នា ធ្វើឱ្យមានការវាយតម្លៃមិនល្អពីមហាជន។
សូមបញ្ជាក់ផងដែរថា យុវជន ក្រុមព្រះសូរិយា បានតស៊ូ លះបង់ពេលវេលា ថវិកា កម្លាំងកាយចិត្ត ស្រាវជ្រាវ ស្វែងរក នូវ តារាសម្តែងក្នុងទស្សវត្សរ៍៦០ ដែលនៅមានជីវិត និង ស្រាវជ្រាវ រកឯកសារ ភាពយន្តចាស់ៗ និងឧបករណ៍ពាក់ព័ន្ធ ក្នុងវិស័យភាពយន្តមករក្សានិងចងក្រងទុកជាឯកសារ សម្រាប់បង្ហាញដល់អ្នកជំនាន់ក្រោយ ឱ្យបានដឹង បានស្គាល់ ពីភាពរីកចំរើន នៃវិស័យភាពយន្តខ្មែរ នៅក្នុងសម័យកាលនោះ៕
ភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានប្រកាសថានឹងធ្វើវិសោធនកម្ម ច្បាប់ស្តី ពីសារពើពន្ធត្រង់មាត្រាទី៤៧ ដើម្បីបើកផ្លូវឲ្យរាជរដ្ឋាភិបាលជាអ្នកកំណត់ប្រាក់បៀវត្សត្រូវបង់ពន្ធសម្រាប់មន្ត្រីរាជការ។ រាជរដ្ឋាភិបាលបានសម្រេចកែសម្រួលប្រាក់បៀវត្តន៏ ដែលត្រូវជាប់ពន្ធរហូត ដល់១លាន៣សែន នៅឆ្នាំ២០២០ខាងមុខ ដើម្បីធានាថា ប្រាក់បៀវត្តន៏អប្បបរមា របស់មន្ត្រីរាជ ការ កងកម្លាំងប្រដាប់អាវុធ មិនជាប់ពន្ធនោះទេ។
នៅក្នុងកិច្ចប្រជុំពេញអង្គគណៈរដ្ឋមន្ត្រី នៅព្រឹកថ្ងៃទី២៥ ខែតុលា នេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានប្រកាសថា ប្រាក់បៀវត្តន៏អប្បបរមារបស់មន្ត្រីរាជការ គ្រូបង្រៀន គ្រូពេទ្យ និងកងកម្លាំងប្រដាប់អាវុធ នឹងបន្តឡើបន្ថែមទៀត គ្រាដែលរាជរដ្ឋាភិបាលបាន សម្រេច កែសម្រួលប្រាក់បៀវត្តន៏អប្បបរមា ដែល ត្រូវជាប់ពន្ធឲ្យឡើងដល់១លាន៣សែនរៀល ចាប់ពីឆ្នាំ ២០២០តទៅ។ សូមជម្រាបដែរថា គិតមកដល់ពេលនេះ កំរិតនៃប្រាក់បៀវត្តន៏អប្បបរមា របស់ បុគ្គលិករដ្ឋ ត្រូវបានធ្វើវិសោធនកម្មចំនួនបីដងរួចមកហើយ ដើម្បីសម្រួលដល់ជីវភាពរបស់មន្ត្រី រាជការ កងកម្លាំងប្រដាប់អាវុធគ្រប់ប្រភេទ។
បើតាមសម្តេចតេជោ ទន្ទឹមនឹងការតម្លើងប្រាក់បៀវត្ត និងប្រាក់ឈ្នួលអប្បបរមា រាជរដ្ឋាភិបាលក៏បាន សម្រេចតម្លើងកំរិតកាត់បន្ថយ មូលដ្ឋានគិតពន្ធលើ ប្រាក់បៀវត្សចំពោះអ្នកដែលមានកូន ប្រពន្ធក្នុងបន្ទុក ក្នុងម្នាក់ៗពី៧៥០០០ដល់១៥ម៉ឺនរៀលក្នុង មួយខែ។ សម្តេចតេជោ អះអាងថា ចាប់ពីឆ្នាំ២០២០តទៅ ប្រាក់បៀវត្តអប្បបរមាត្រូវជាប់ពន្ធ សម្រាប់មន្ត្រីរាជការស៊ីវិលនឹងឡើងដល់១លាន១សែន ៧ម៉ឺន២៥០០រៀល គ្រូបង្រៀននិងគ្រូពេទ្យ ដល់១លាន២សែន៧ម៉ឺន២៥០០រៀល នគរបាលជាតិ ថ្នាក់ពលបាលត្រីដល់ ១លាន ២សែន ៥៦៩០០រៀល យោធិន ថ្នាក់ពលទោ ដល់ ១លាន ១សែន ៨ម៉ឺន ១៥០០រៀល។ កំរិតប្រាក់ បៀ វត្ស អប្បបរមា នេះ នឹងឡើងដល់កំរិតពិដាន ដែលត្រូវជាប់ពន្ធ តាមមាត្រាទី៤៧ ថ្មី នៃច្បាប់សារពើ ពន្ធ។ ដូច្នេះបានជារាជរដ្ឋាភិបាល ត្រូវកែសម្រួល និងធ្វើវិសោធនកម្មច្បាប់មួយនេះ ដើម្បីបើកផ្លូវ ឲ្យរាជ រដ្ឋាភិបាលជាអ្នកកំណត់ប្រាក់អប្បបរមា ដែលត្រូវជាប់ពន្ធ។
គួរបញ្ជាក់ថា រាជរដ្ឋាភិបាល បានកំណត់ឲ្យមានការដំឡើងប្រាក់បៀវត្ស២ដងក្នុង១ឆ្នាំ ដោយលើកទី១ ដំឡើងនៅខែមករា និងលើកទី២ នៅខែមេសា មុនបុណ្យចូលឆ្នាំខ្មែរ ជូនដល់មន្ត្រីរាជការ គ្រូ ពេទ្យ គ្រូបង្រៀន និងកម្លាំងប្រដាប់អាវុធគ្រប់ប្រភេទ (យោធា នគរបាល និងអាវុធហត្ថ)។
យោងតាមតារាងប្រាក់បៀវត្សទាបបំផុត (អប្បបរមា) របស់មន្ត្រីរាជការ គ្រូបង្រៀន គ្រូពេទ្យ និង កម្លាំងប្រដាប់អាវុធ ចាប់ពីថ្ងៃទី០១ ខែមេសា ឆ្នាំ២០១៩មក ប្រាក់បៀវត្សទាបបំផុតរបស់មន្ត្រី រាជការ និងកម្លាំងប្រដាប់អាវុធមានមិនតិចជាង១លាន នោះទេ។ បន្ថែមលើសពីនេះ រាល់ពេល បុណ្យ ទាន គឺបុណ្យចូលឆ្នាំថ្មី និងបុណ្យភ្ជុំបិណ្ឌ សម្តេចតេជោ តែងឧបត្ថម្ភថវិកា ៥ម៉ឺនរៀល ផងដែរ៕
ភ្នំពេញ ៖ នៅក្នុងកិច្ចប្រជុំពេញអង្គគណៈរដ្ឋមន្ត្រីនៅព្រឹកថ្ងៃទី២៥ ខែតុលា នេះដែរ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានបញ្ជាក់ថា ការដកហូតសិទ្ធិវិនិយោគពីក្រុមហ៊ុន ស៊ីនទ្រី ជារឿងចាំ បាច់ដែលត្រូវធ្វើ ដើម្បីដោះស្រាយបញ្ហាសំរាមនៅក្រុងភ្នំពេញ។ សម្តេចតេជោ អះអាងថា ចាប់ពី ខែមករា ឆ្នាំ២០២០ នឹងលែងមានការបង់ថ្លៃសំរាមដោយភ្ជាប់ជាមួយវិក្កយបត្រ អគ្គិសនីទៀត ហើយ។
សម្តេចតេជោ បានថ្លែងសង្កត់ធ្ងន់ថា ការដកហូតសិទ្ធិវិនិយោគ ពីក្រុមហ៊ុន ស៊ីនទ្រី ជារឿងចាំបាច់ដែលត្រូវធ្វើ ដើម្បីដោះស្រាយបញ្ហាសំរាមនៅក្រុងភ្នំពេញ ដោយ សម្តេចមិនអង្គុយបក់ផ្សែងរង់ចាំដោះស្រាយបញ្ហាទៀតទេ។ រាល់សម្ភារៈ រថយន្ត ធនធានមនុស្ស កម្មកររបស់ស៊ីនទ្រី នឹងត្រូវរដ្ឋប្រមូលយកគ្រប់គ្រងទាំងអស់ ដោយមិនឲ្យ ស៊ីនទ្រី ខាតបង់នោះ ទេ ។ នៅពេលរដ្ឋគ្រប់គ្រងបានល្អប្រសើរហើយ នោះរដ្ឋនឹង ដាក់ឲ្យក្រុមហ៊ុនចំនួន ៣ទៅ៤ ដើម្បីដាក់ ឲ្យដេញថ្លៃប្រកបដោយតម្លាភាព រាប់ទាំងស៊ីនទ្រី ក៏អាចចូលរួមដេញថ្លៃបានដែរ។ យន្តការថ្មីនេះ ក៏អាចជួយបង្កើត ការងារជូនកម្មករជាច្រើននាក់បន្ថែមទៀតផងដែរ។ នេះបើតាមសម្តេចតេជោ ហ៊ុន សែន។
សម្តេចតេជោ ហ៊ុន សែន បានប្រគល់ភារកិច្ចទៅក្រសួងរ៉ែ និងថាមពល ដើម្បីសិក្សារៀបចំ លក្ខ ខណ្ឌ ក្នុងការឈានទៅធ្វើការដេញថ្លៃ រកដៃគូឯកជនសាងសង់ និងដំណើរការរោងចក្រកែច្នៃ សំរាម ផលិតជាថាមពលអគ្គិសនី នៅទីលានចាក់សំរាមរាជធានីភ្នំពេញ ប៉ុន្តែត្រូវហាមឃាត់ ការនាំ ចូលសំរាមពីបរទេសមកប្រើប្រាស់។
គួរបញ្ជាក់ថា រាជរដ្ឋាភិបាល ផ្តល់សិទ្ធិដល់ស៊ីនទ្រី ដើម្បីវិនិយោគលើការប្រមូលសំរាមនៅរាជធានី ភ្នំពេញជាង ២០ឆ្នាំមកហើយ កាលនោះនៅរាជធានីភ្នំពេញ មានសំរាមត្រឹម ៣០០ទៅ ៤០០តោន ប៉ុណ្ណោះ ស្របពេលដែលផ្ទៃដីក្នុងរាជ ធានីភ្នំពេញមានត្រឹម៣០០គីឡូម៉ែត្រក្រឡា។ បច្ចុប្បន្នសំរាម នៅភ្នំពេញ បាន កើនឡើងដល់ទៅ៣០០០ទៅ៤០០០តោនក្នុងមួយថ្ងៃ ហើយវិសាលភាពនៃ ក្រុង ភ្នំពេញមានរហូតដល់ជាង៦០០គីឡូម៉ែត្រក្រឡា៕
ភ្នំពេញ ៖ នាយករដ្ឋមន្ត្រីនៃកម្ពុជា សម្តេចតេជោ ហ៊ុន សែន បានបញ្ជាក់ថា រាជរដ្ឋាភិបាលនឹងមិនយកភាគលាភ(ប្រាក់ចំណេញ)ពីអាជ្ញាធរអគ្គិសនីកម្ពុជា ដែលត្រូវបង់មករាជរដ្ឋាភិបាលរយៈពេល ៥ឆ្នាំទៀត ចាប់ពី២០២០-២០២៥ ដើម្បីទុកលទ្ធភាពឲ្យស្ថាប័ននេះ តបណ្តាញអគ្គិសនីទៅដល់គ្រប់ភូមិដ្ឋានប្រជាពលរដ្ឋ នៅទូទាំងប្រទេស។
បើតាមរបាយការណ៍របស់អាជ្ញាធរអគ្គិសនីកម្ពុជាបង្ហាញថា កម្ពុជាកំពុងស្វែងរកប្រភពអគ្គិសនី បន្ថែម ដើម្បីផ្គត់ផ្គង់ក្នុងស្រុក ដោយសារតម្រូវការថាមពលមានការកើនឡើងខ្ពស់។
ភ្នំពេញ ៖ ប្រធានាធិបតីនៃប្រទេស ហុងគ្រី លោក យ៉ាណូស អាឌ័រ និងភរិយា នឹងអញ្ជើញមកបំពេញទស្សនកិច្ចផ្លូវរដ្ឋនៅកម្ពុជា រយៈពេល ៤ថ្ងៃ ចាប់ពីថ្ងៃទី២៧ ដល់ថ្ងៃទី៣០ ខែតុលា ឆ្នាំ២០១៩ ខាងមុខនេះ តបតាមការអញ្ជើញរបស់ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា។
បើយោងតាមសេចក្តីប្រកាសព័ត៌មានរបស់ក្រសួងការបរទេស និងសហប្រតិបត្តិការអន្តរជាតិ បានឲ្យដឹងថា នៅក្នុងដំណើរទស្សនកិច្ចនេះ លោកប្រធានាធិបតីហុងគ្រី នឹងចូលគាល់ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ក្នុងព្រះបរមរាជវាំង និងចូលជួបសម្តែងការគួរសមជាមួយសម្តេច សាយ ឈុំ ប្រធានព្រឹទ្ធសភា សម្តេច ហេង សំរិន ប្រធានរដ្ឋសភា និងសម្តេចនាយករដ្ឋមន្ត្រីតេជោ ហ៊ុន សែន។
ក្នុងសេចក្តីជូនដំណឹងរបស់ក្រសួងការបរទេស ក៏បានឲ្យដឹងផងដែរថា នេះគឺជាទស្សនកិច្ចលើកដំបូងរបស់លោកប្រធានាធិបតីហុងគ្រី ដែលបានអញ្ជើញមកប្រទេសកម្ពុជា ហើយនឹងក្លាយជាព្រឹត្តិការណ៍ដ៏សំខាន់មួយ ក្នុងទំនាក់ទំនងទ្វេភាគីរវាងកម្ពុជា-ហុងគ្រី ដែលជាការរួមចំណែកយ៉ាងសំខាន់ដល់ការពង្រឹងបន្ថែមទៀត នូវចំណងមិត្តភាព និងសាមគ្គីភាព ក៏ដូចជាបង្កើននូវវិសាលភាពនៃកិច្ចសហប្រតិបត្តិការរវាងប្រទេសទាំងពីរផងដែរ៕
អាមេរិក ៖ សហរដ្ឋអាមេរិកបាននិយាយកាលពីថ្ងៃព្រហស្បតិ៍ថា ខ្លួននឹងបង្កើនវត្តមានយោធារបស់ខ្លួនដើម្បីការពារអណ្តូងប្រេងនៅភាគឦសានប្រទេសស៊ីរីនៅពេលកងកម្លាំងឃើដបានបោះបង់ចោលទីតាំងជាច្រើនដើម្បីគោរពតាមកិច្ចព្រមព្រៀងមួយដែលអនុញ្ញាតឲ្យរដ្ឋាភិបាលក្រុងដាម៉ាស អង់ការ៉ានិងមូស្គូបង្កើតតំបន់ស្វយ័តមួយ។
មន្ត្រីមន្ទីរបញ្ចកោណបាននិយាយក្នុងសេចក្តីថ្លែងការណ៍មួយថា “សហរដ្ឋអាមេរិកបានប្តេជ្ញាពង្រឹងជំហររបស់យើងដោយមានការសម្របសម្រួលជាមួយដៃគូ SDF (កងកម្លាំងប្រជាធិបតេយ្យស៊ីរី) របស់យើងនៅភាគឦសានប្រទេសស៊ីរីជាមួយនឹងកម្លាំងយោធាបន្ថែមទៀតដើម្បីការពារតំបន់ប្រេងទាំងនោះពីការធ្លាក់ចូលទៅក្នុងដៃរបស់ក្រុម ISIS ឬអ្នកបង្ករឿងផ្សេងទៀត”។
ទោះបីជាយ៉ាងណាក៏ដោយ មន្ត្រីរូបនេះមិនបានផ្តល់តួលេខណាមួយឬបញ្ជាក់អំពីរបាយការណ៍ដែលថាកងកម្លាំងរបស់អាមេរិកនឹងស្ថិតនៅតាមតំបន់ប្រេងដែលធ្លាប់ផ្តល់ជាមូលនិធិដល់ “រដ្ឋ Caliphate” របស់ក្រុមរដ្ឋឥស្លាមទេ។ ការប្រកាសនេះបានធ្វើឡើងនៅពេលកងកម្លាំងរុស្ស៊ីចាប់ផ្តើមល្បាតនៅតាមព្រំដែនស៊ីរី-ទួរគីដើម្បីបំពេញផ្នែកទំនេរដែលបន្សល់ទុកដោយការដកកងទ័ពរបស់សហរដ្ឋអាមេរិក។
ក្រសួងការពារជាតិរុស្ស៊ីបាននិយាយថា ការល្បាតនេះគឺគ្របដណ្តប់លើផ្ទៃដីជាង៦០គីឡូម៉ែត្រចន្លោះទីប្រជុំជន Qamishli និង Amuda។ ក្រុមឃ្លាំមើលសិទ្ធិមនុស្សស៊ីរីបានរាយការណ៍ថា SDF ដែលដឹកនាំដោយជនជាតិឃើដបានដកចេញពីតំបន់មួយចំនួននៅចុងភាគខាងកើតនៃព្រំដែនកាលពីថ្ងៃព្រហស្បតិ៍។
ប្រមុខក្រុមអង្កេតការណ៍លោក Rami Abdel Rahman បាននិយាយថា ក្រុមអ្នកប្រយុទ្ធមកពីអង្គភាពការពារប្រជាជនឃើដ (YPG) ដែលជាសមាសធាតុដ៏សំខាន់របស់ SDF នៅតែស្ថិតក្នុងទីតាំងជាច្រើននៅតាមបណ្តោយព្រំដែនប្រវែង៤៤០គីឡូម៉ែត្រ៕
ស៊ីរី ៖ រុស្ស៊ីបានចាប់ផ្ដើមដាក់ពង្រាយយោធា នៅតំបន់ព្រំដែនភាគខាងជើងប្រទេសស៊ីរី ដើម្បីអនុវត្តន៍ភ្លាមៗនូវកិច្ចព្រមព្រៀងជាមួយតួកគី ដែលនឹងបែងចែកការគ្រប់គ្រងតំបន់ភាគឦសានប្រទេសស៊ីរី។
ជាមួយគ្នានោះដែរវិមានក្រឹមឡាំង ក៏បានព្រមានឲ្យ ក្រុមសកម្មប្រយុទ្ធឃើតឲ្យដកទ័ពចេញពីសមរភូមិមុខ បើពុំដូច្នោះទេនឹងប្រឈមជាមួយនឹងការរុលចូលរបស់កងកម្លាំងតួកគី។ បញ្ហានេះប្រធានាធិបតីលោក Donald Trump បាននិយាយថា សហរដ្ឋអាមេរិកនឹងដកចេញទណ្ឌកម្ម ដែលបានដាក់ទៅលើប្រទេសតួកគីកាលពីរយៈពេល ៩ថ្ងៃមុន ពាក់ព័ន្ធនឹងការឈ្លានពានរបស់ពួកគេ ទៅលើក្រុមសកម្មប្រយុទ្ធឃើតនៅភាគខាងជើងស៊ីរី។
គួរបញ្ជាក់ថា តួកគី បានបញ្ជាឲ្យមានប្រតិបត្តិការ ប្រឆាំងនឹងក្រុមជីវពលរបស់អង្គភាពការពារប្រជាជនឃើត ដែលពួកគេចាត់ទុកថាជាអង្គការភេរវកម្មកាលពីថ្ងៃទី៩ ខែតុលាកន្លងទៅ រយៈពេលប៉ុន្មានថ្ងៃប៉ុណ្ណោះក្រោយពេល ការដកទ័ពរបស់សហរដ្ឋអាមេរិកត្រូវបានប្រកាស ឲ្យដឹងដោយលោក Trump៕
អង់គ្លេស ៖ នាយករដ្ឋមន្ត្រីអង់គ្លេសលោក Boris Johnson កាលពីថ្ងៃព្រហស្បតិ៍បានស្នើឲ្យមានដំណោះស្រាយវិបត្តិ Brexit តាមរយៈការបោះឆ្នោតមុនពេលកំណត់មួយនៅថ្ងៃទី១២ខែធ្នូដែលនឹងអាចជួយឲ្យចក្រភពអង់គ្លេសអាចរកផ្លូវចេញពីសហភាពអឺរ៉ុបបាន។
សំណើរបស់មេដឹកនាំគណបក្សអភិរក្សរូបនេះបានធ្វើឡើងខណៈគណបក្សរបស់លោកកំពុងនាំមុខការស្ទង់មតិហើយគណបក្សប្រឆាំងកំពុងខ្វែងគំនិតគ្នាអំពីថាតើត្រូវគាំទ្រការបោះឆ្នោតជាបន្ទាន់មួយឬត្រូវស្វែងរកការធ្វើប្រជាមតិអំពីសមាជិកភាពថ្មីរបស់សហភាពអ៊ឺរ៉ុប។
រដ្ឋាភិបាលបាននិយាយថា សភានឹងមានឱកាសមួយក្នុងការជជែកវែកញែកនិងអនុម័តសំណើបោះឆ្នោតនៅថ្ងៃចន្ទបន្ទាប់ពីទីក្រុងប្រ៊ូសសែលត្រូវបានគេរំពឹងថានឹងប្រកាសអំពីរយៈពេលនៃការពន្យាពេលថ្មី។ ប៉ុន្តែសមាជិកសភាគណបក្សប្រឆាំងបានច្រានចោលសំណើបោះឆ្នោតមុនពេលកំណត់កាលពីពីរលើកមុនរបស់លោក Johnson ហើយនាពេលឥឡូវនេះមិនបានបង្ហាញសញ្ញាច្បាស់លាស់អំពីឆន្ទៈក្នុងការគាំទ្រទេ។
លោក Johnson បានប្រាប់គូប្រជែងនយោបាយរបស់លោកកាលពីថ្ងៃព្រហស្បតិ៍ថា លោកបានត្រៀមខ្លួនរួចជាស្រេចដើម្បីបើកការពិភាក្សាឡើងវិញលើលក្ខខណ្ឌដ៏តឹងរ៉ឹងនៃការចាកចេញពីសហភាពអឺរ៉ុបប្រសិនបើសភាអាចទទួលយកសំណើរបស់លោក។ លោកបានទាញយកផែនការនេះបន្ទាប់ពីសមាជិកសភាបានបដិសេធកាលពីថ្ងៃអង្គារក្នុងការជំរុញឲ្យបានទាន់ពេលវេលាសម្រាប់លោកដើម្បីបំពេញតាមការសន្យាផ្តល់ Brexit ឲ្យទាន់ពេលវេលា។
លោក Johnson បាននិយាយកាលពីថ្ងៃព្រហស្បតិ៍ថា ឥឡូវនេះវាជាកាតព្វកិច្ចរបស់យើងដើម្បីបញ្ចប់សុបិន្តអាក្រក់នេះហើយផ្តល់ឲ្យប្រទេសនូវដំណោះស្រាយ៕
ភ្នំពេញ ៖ សម្តេចអគ្គមហាពញាចក្រី ហេង សំរិន ប្រធានរដ្ឋសភា ក្នុងឱកាសអនុញ្ញាតឱ្យឯកអគ្គរាជទូត នៃព្រះរាជាណាចក្រកម្ពុជា ដែលទើបតែងតាំងថ្មី និងត្រៀមចេញទៅបំពេញបេសកកម្មការទូតនៅក្រៅ ប្រទេសចំនួន ៩ បានណែនាំដល់មន្ត្រីទូតទាំងនោះ ឱ្យបំពេញការងារ ត្រូវតម្កល់ប្រយោជន៍ជាតិ ជាធំ ហើយទោះបីស្ថិតក្នុងកាលៈទេសៈណាក៏ដោយ ត្រូវរក្សាការពារ និងលើកតម្លៃជាតិ ត្រូវរក្សាការ សម្ងាត់របស់ជាតិ និងអនុវត្តឱ្យបានខ្ជាប់ខ្ជួននូវគោលនយោបាយ ការបរទេសរបស់កម្ពុជា។
នាជំនួបនៅវិមានរដ្ឋសភាព្រឹកថ្ងៃទី២៥ តុលានេះ សម្តេចប្រធានរដ្ឋសភាបានលើកឡើងថា សម្រាប់បេសក កម្មការទូតនេះ លោក លោកជំទាវ ត្រូវបង្ហាញ និងប្រកាន់ខ្ជាប់នូវអត្ត សញ្ញាណ ជាតិ និងសេចក្តីថ្លៃថ្នូរ ដោយត្រូវ បន្តលើកកម្ពស់ផ្សព្វផ្សាយឱ្យបរទេសស្គាល់កម្ពុជាឱ្យបានច្បាស់ ទាំងផ្នែកសិល្បៈ វប្បធម៌ប្រពៃណីរបស់ខ្មែរដែល ឆ្លុះបញ្ចាំងឱ្យឃើញពីអត្តសញ្ញាណរបស់ជាតិដែល មានវប្បធម៌ផូរផង់តាំងពីសម័យអង្គរមក។ ជាមួយគ្នានេះ សម្តេចប្រធានរដ្ឋសភា បានជំរុញតំណាង កម្ពុជាដែលទើបតែងតំាងថ្មីទាំងនោះឱ្យបន្តជំរុញ និងលើកកម្ពស់ការផ្សព្វ ផ្សាយសំដៅទាក់ទាញ អ្នក វិនិយោគ និងទេសចរបរទេសមកប្រទេសកម្ពុជាឱ្យកាន់តែច្រើនថែមទៀត ដោយផ្អែក លើ សក្តានុពលដែលប្រទេសយើងមានស្រាប់ ហើយត្រូវបង្កើនកិច្ចសហប្រតិបត្តិការល្អជាមួយ ឯកអគ្គ រដ្ឋទូត-រាជទូត នៃបណ្តាប្រទេសដទៃទៀតប្រចាំនៅប្រទេសនោះផងដែរ។ សម្តេចប្រធានរដ្ឋសភា មានជំនឿរយ៉ាងមុតមាំថា លោក លោកជំទាវ ទាំងអស់នឹងប្រតិបត្តិតួនាទីរបស់ខ្លួនបានល្អជានិច្ច សក្តិសមជាឯកអគ្គរាជទូត ដែលរាជរដ្ឋា ភិបាលបានផ្តល់នូវទំនុកចិត្ត។
សូមជម្រាបជូនថា ឯកអគ្គរាជទូត នៃព្រះរាជាណាចក្រកម្ពុជា ដែលទើបតែងតំាងថ្មីទាំង៩រូប រួមមានប្រចំា នៅប្រទេសវៀតណាម រុស្សី អូស្រ្តាលី ស្វីស មីយ៉ាន់ម៉ា ម៉ាឡេស៊ី គុយបា គុយវ៉ែត និងប្រទេសប្រុយណេ ដារ៉ូសាឡិម៕
ភ្នំពេញ ៖ ថ្លែងកាលពីព្រឹកមិញក្នុងកិច្ចប្រជុំគណរដ្ឋមន្ត្រីសម្តេច ហ៊ុន សែន បានលើកឡើងថា ចាប់តាំងពីទទួលបានសិទ្ធិនៅឆ្នាំ២០០២មក ក្រុមហ៊ុនស៊ិនទ្រីមិនទាន់បានបំពេញកាតព្វកិច្ចបម្រើប្រជាពលរដ្ឋឲ្យស្របតាមការរីកចម្រើនរបស់រដ្ឋនោះឡើយ ។
Posts navigation
មេគង្គប៉ុស្តិ៍លើបណ្តាញសង្គម
ព័ត៌មានគួរចាប់អារម្មណ៍
លោកថ្លែងថា ចង់ឃើញវិស័យភាពយន្តខ្មែរ នាពេលបច្ចុប្បន្ន មានភាពរីកចំរើនខ្លាំងថែមទៀត និងមានលក្ខណៈប្រកួតប្រជែង ជាមួយភាពយន្តបរទេស ដើម្បីដណ្តើមយកភាពល្បីល្បាញ និងការនិយមគាំទ្រដូចក្នុងទស្សវត្ស៦០ នៅក្នុងទីផ្សារភាពយន្តអន្តរជាតិ។ ការលើកឡើងរបស់លោកដូចនេះ នៅក្នុងកម្មវិធី ”១ម៉ឺនអាល័យ” ដែលរៀបចំឡើងដោយយុវជន ក្រុមព្រះសូរិយា កាលពីល្ងាចថ្ងៃទី២២ ខែតុលានេះ នៅមជ្ឈមណ្ឌលសហប្រតិបត្តិការអន្តរជាតិ កម្ពុជា កូរ៉េ (CKCC) ក្នុងរាជធានីភ្នំពេញ។
ការបង់ថ្លៃសំរាមជាមួយនឹងវិក្កយបត្រអគ្គិសនី បានធ្វើឲ្យប្រជាពលរដ្ឋមួយចំនួនធំមិនពេញចិត្ត ត្បិតកន្លែងខ្លះ គ្មានការប្រមូលសំរាមពីក្រុមហ៊ុនស៊ីនទ្រី ទេ តែប្រជាពលរដ្ឋត្រូវជាប់កាតព្វបង់ថ្លៃ សំរាមជាមួយនឹងវិក្កយបត្រភ្លើងដែលបានប្រើប្រាស់។ ប្រជាពលរដ្ឋសាទរចំពោះចំណាត់ការ របស់ រាជរដ្ឋាភិបាល ក្នុងការដកការបង់ថ្លៃសំរាមជាមួយនឹងអគ្គិសនីកម្ពុជា។តាមសម្តេចតេជោ រាជរដ្ឋា ភិបាលនឹងលែងឲ្យមានការបង់ថ្លៃសំរាមជាមួយនឹងវិក័យបត្រអគ្គិសនី នឹងចាប់ផ្តើមអនុវត្តចាប់ពី ខែមករា ឆ្នាំ២០២០ ខាងមុខនេះ។
រយៈពេល៥ឆ្នាំ ដែលរាជរដ្ឋាភិបាលកម្ពុជា សម្រេចមិនយកប្រាក់ចំណេញពីអគ្គិសនីកម្ពុជា ដូចពេលកន្លងទៅ បានផ្តល់ផ្លែផ្កាជាច្រើន និងអនុញ្ញាតឲ្យអគ្គិសនីកម្ពុជា អាចតបណ្តាញជាតិ ទៅ ដល់ភូមិឋានប្រជាពលរដ្ឋឲ្យទទួលបានអគ្គិសនីប្រើប្រាស់ មានតម្លៃសមរម្យ និងតម្លៃដូចគ្នា នៅ ទូទាំងប្រទេស។ ការកែទម្រង់យ៉ាងស៊ីជម្រៅ ក្នុងរយៈពេល១០ឆ្នាំចុងក្រោយនេះ ភូមិចំនួន ៩២ ភាគរយ នៃចំនួនភូមិសរុបទូទាំងប្រទេសចំនួន ១៤.១៦៨ភូមិ ក្នុងព្រះរាជាណាចក្រកម្ពុជា បាន ទទួលអគ្គិសនីដែលមានថ្លៃសមរម្យពីបណ្តាញជាតិរួចហើយ។ រាជរដ្ឋាភិបាល មិនបន្តដកហូតភាគ លាភចេញពីប្រាក់ចំណេញ ពីការធ្វើអាជីវកម្មអគ្គិសនីកម្ពុជា ពីឆ្នាំ២០២០ ដល់ឆ្នាំ២០២៥ ដោយ រក្សាទុកថវិកានេះ ជាការវិនិយោគបន្ថែមរបស់រដ្ឋ ជួយពង្រីកបណ្តាញអគ្គិសនីដល់គ្រប់កន្លែង ជា ពិសេសតំបន់ដែលប្រជាជន ប្រជាពលរដ្ឋមិនទាន់មានអគ្គិសនីផ្ទាល់ ពីបណ្តាញជាតិ។
