ភ្នំពេញ៖ យុវជនម្នាក់ក្នុងចំណោមជាង១០នាក់បាននាំ គ្នាផឹកសុីនៅកញ្ចុកមួយកន្លែងស្ថិតនៅភូមិ២៤សង្កាត់ ព្រៃស ខណ្ឌដង្កោលុះពេលស្រវឹងបបួលគ្នាហែលទឹក បណ្ដាលឲ្យលង់លិចបាត់បង្កឲ្យមានការភ្ញាក់ផ្អើលដល់ប្រជាពលរដ្ឋនឹងសមត្ថកិច្ច
ហេតុការណ៍នេះបានកើតឡើងកាលពីវេលាម៉ោង ២នឹង៣០នាទីរសៀលថ្ងៃទី១៩ខែសីហាឆ្នាំ២០១៨ ។

សពយុវជនរងគ្រោះមានឈ្មោះ អឿន ដាវុទ្ធ អាយុ១៧ ឆ្នាំ ស្នាក់នៅភូមិដំណាក់ធំ សង្កាត់ ស្ទឹងមានជ័យ ខណ្ឌមានជ័យ រាជធានីភ្នំពេញ ។

តាមការរៀបរបស់មិត្តភ័ក្រយុវជនរងគ្រោះបានអោយដឹងថាមុនពេលកើតហេតុពួកគេបាននាំគ្នាមកអង្គុយផឹកសុីអស់ស្រាបៀជាច្រើននៅក្នុងកញ្ចុកហើយពេលផឹកស្រវឹងជនរងគ្រោះបានសុំមិត្តភ័ក្រដើរលេងតាមវាលស្រែក្បែរទីតាំងកើតហេតុ លុះដល់ម៉ោងកើត ហេតុស្រាប់តែរូបគេជាជនរងគ្រោះបានលោតចុះទៅក្នុងទឹករណ្តៅដីដែលមានជម្រៅជាង១០ម៉ែត្រ ដើម្បីហែលមកកាន់កញ្ចុកដែលខ្លួនអង្គុយវិញ ប៉ុន្តែពេលហែលដល់ពាក់កណ្តាលរណ្តៅដីជនរងគ្រោះក៏បានស្រែកអោយមិត្តភ័ក្រជួយ ។ភ្លាមៗនោះមិត្តភ័ក្រក៏បាន នាំគ្នាលោតទៅជួយដែលប៉ុន្តែជនរង គ្រោះបានលិច បាត់ទៅហើយ ក្រោយមានករណីនេះបានបង្កអោយ មានការភ្ញាក់ផ្អើលដល់ប្រជាពលរដ្ឋនឹងសមត្ថកិច្ច មូលដ្ឋានចុះមកកន្លែងកើតហេតុនិងឲ្យជនជាតិចាប់មុចទឹករកតែមិនឃើញ ។ លុះមកដល់ម៉ោង១២និង១០នាទីថ្ងៃត្រង់ថ្ងៃទី២០ខែឆ្នាំដដែលទើបរកឃើញ ។

ក្រោយមកសមត្ថកិច្ចបានធ្វើកោសល្យវិច្ឆ័យបានបញ្ជាក់ថាសពជនរងគ្រោះពិតជាស្លាប់ដោយលង់ទឺកពិតមែនរួចបានប្រគល់សពឲ្យក្រុមគ្រួសារយកទៅតម្កល់នៅវត្តអស្សីសាញ់ធ្វើបុណ្យតាមប្រពៃណៃ ៕

ភ្នំពេញ៖ គំនរសម្រាមគរស្អុយរលួយក្លាយជាកូនភ្នំ និងក្រោមផ្លាកគណៈបក្សប្រជាជនកម្ពុជា បានបង្ហាញសម្រស់ទុកបង្អួតភ្ញៀវទេសចរណ៍ដែលបានឆ្លងកាត់បណ្តោយផ្លូវជាតិលេខ៤ដែលស្ថិតក្នុងសង្កាត់ចោមចៅ៣ និងសង្កាត់កន្ទោក ដែលដឹកនាំដោយ លោក ហែម ដារិទ្ធិ អភិបាលខណ្ឌពោធិ៍សែនជ័យ ដែលធ្លាប់ទទួលបានជ័យលាភី រំដួល១ទង ក្នុងការប្រលងប្រណាំងទីក្រុងស្អាត ដែលប្រគល់ដោយ សម្តេចតេជោ ហ៊ុន សែន។

ប្រជាពលរដ្ឋជាច្រើនគ្រួសារដែលរស់នៅតាមបណ្តោយផ្លូវជាតិលេខ៤ ជិតគំនរសម្រាមមានការព្រួយបារម្មណ៍យ៉ាង ខ្លាំងអំពីសុខភាពរបស់ក្រុមគ្រួសារនិងកូនចៅរបស់ពួកគាត់ខណៈ គុំនរសម្រាមគរដូចភ្នំជះក្លិនស្អុយអសោចធ្វើឲ្យបះពាល់ដល់សុខភា ពជាពិសេសពេលមានភ្លៀងធ្លាក់ ជះក្លិនស្អុយ លើសពីនេះទៅទៀតសម្រាមទាំងនោះបានហៀរចូលពេញលូ បណ្តាល អោយមានការកក់ស្ទះប្រព័ន្ធបង្ហូរទឹកស្អុយ។ ប្រភពដដែលបន្ត ទៀតថា នៅរដូវប្រាំង គឺក្លិនស្អុយសាយភាយតិច មានដីហុយខ្លាំងដោយសាររថយន្តធដឹកដីធ្លាក់រាយប៉ាយក្រាល់ពេញផ្លូវពេលដែលរដូវវស្សាចូលមកដល់មានភ្លៀងធ្លាក់ម្តងៗ គឺសាយភាយធំក្លិនស្អុយតាមខ្យល់បក់ មកចំម្លងៗរោគចូលខ្យល់ដង្ហើមយ៉ាងខ្លាំង ជាពិសេសបានហូរនាំសម្រាមទាំងនោះចូលក្នុងលូបង្កអោយមានការស្ទះប្រព័ន្ធលូ ។ ផ្ទុយមកវិញ អាជ្ញាធរបានត្រឹមតែសន្យាខ្យល់តែប៉ុនណ្ណោះ។

សូម មន្ត្រីរាជការ ចូលរួមទាំងអស់គ្នា ក្នុងការរៀបចំសណ្តាប់ធ្នាប់ អនាម័យ ទុកដាក់សំរាម ឲបានត្រឹមត្រូវដើម្បី ធ្វើឲបរិស្ថានល្អ ទទួលបានសុខភាពល្អទាំងអស់គ្នាដើម្បីទីក្រុងស្អាតទាំងអស់គ្នា និងមូលដ្ឋានខណ្ឌពោធិ៍សែនជ័យស្អាតទាំងអស់ ជៀសវៀងទទួលជ័យលាភីរំដួលចាកទង៕

​ភ្នំពេញ ៖ ប្រធាន​បក្ស​ខ្មែរ​ក្រោក កាលពី​រសៀល​ថ្ងៃទី​១៧ ខែសីហា ឆ្នាំ​២០១៨​នេះ បានប្រកាសថា «​យុទ្ធនាការ​ស្នាម​មេដៃ​មួយ​ដើម្បី​កោះត្រល់​» មិនអាច​ដំណើរការ​បានទេ ដោយសារ​រដ្ឋបាល​រាជ ធានី​ភ្នំពេញ បានចេញ​លិខិត​មួយច្បាប់ មិន​អនុញ្ញាត​ឲ្យ​គណបក្ស​ខ្មែរ​ក្រោក ធ្វើ​សកម្មភាព​ប្រមូល​ស្នាម​មេដៃ​របស់​ប្រជាពលរដ្ឋ នៅតាម​ទីសាធារណៈ​នោះឡើយ ដែល​អាជ្ញាធរ​អះអាងថា នាំ​ឲ្យ​ប៉ះ ពាល់​ដល់​សន្តិសុខ​ជាតិ​។​

​លិខិត​មួយច្បាប់​ដែល​ចេញ​ដោយ​រដ្ឋបាល​រាជធានី​ភ្នំពេញ បានបញ្ជាក់​ប្រាប់​ទៅ​លោក សុខ​សុវណ្ណ វ​ឌ្ឍ​នា​ប៊ុង ប្រធាន​គណបក្ស​ខ្មែរ​ក្រោក ពី​សំណើសុំ​គោលការណ៍ ប្រមូល​ស្នាម​មេដៃ​ប្រជា ពលរដ្ឋ ក្នុង​ការដាក់​ញត្តិ​ប្តឹង ទៅ​ក្រុមប្រឹក្សាធម្មនុញ្ញ ដើម្បី​សើរើ​ដែន​អធិបតេយ្យ​របស់​ជាតិ លើ​ការទាមទារ​កោះត្រល់​។​

​លិខិត​ដដែល បាន​បញ្ជាក់ថា យោងតាម​កំណត់ហេតុ​ប្រជុំ​ថ្ងៃទី​១៦ ខែសីហា ឆ្នាំ​២០១៨ របស់​រដ្ឋបាល​រាជធានី​ភ្នំពេញ សូម​ជម្រាប លោក​ប្រធាន​គណបក្ស​ខ្មែរ​ក្រោក​ថា ចំពោះ​សំណើសុំ​គោលការណ៍ ប្រមូល​ស្នាម​មេដៃ​ប្រជាពលរដ្ឋ ក្នុង​ការដាក់​ញត្តិ​ប្តឹងទៅ​ក្រុមប្រឹក្សាធម្មនុញ្ញ ដើម្បី​សើរើ​ដែន​អធិបតេយ្យ​របស់​ជាតិ លើ​ការទាមទារ​កោះត្រល់ ចាប់ពី​ថ្ងៃទី​១៨ ខែសីហា ឆ្នាំ​២០១៨ នៅ​ទីស្នាក់ការ​កណ្តាល​គណបក្ស ស្ថិតនៅ​ផ្ទះ​លេខ​១១ ផ្លូវ​លេខ​៣៥៣ សង្កាត់​បឹងកក់​ទី​១ ខណ្ឌទួលគោក​នោះ រដ្ឋបាល​រាជធានី​ភ្នំពេញ សូម​ធ្វើ​ការណែនាំ​អនុវត្ត ដូចជា មិន​អនុញ្ញាត​ឲ្យ​ធ្វើ​សកម្ម ភាព​ប្រមូល​ស្នាម​មេដៃ​របស់​ប្រជាពលរដ្ឋ​នៅតាម​ទីសាធារណៈ មិន​អនុញ្ញាត​ឲ្យ​ប្រើប្រាស់​ឧ​ប​ករណី​បំពង​សំឡេង ផ្សព្វផ្សាយ​ដល់​ប្រជាពលរដ្ឋ​តាម​ទីសាធារណៈ ក្នុងករណី​មានការ​បង្កចលាចល ដែល​នាំ​ឲ្យ​ប៉ះពាល់​ដល់​អសន្តិសុខ​ជាតិ​បាត់បង់​សន្តិសុខ​សណ្តាប់ធ្នាប់ និង​របៀបរៀបរយ សា​ធារ ណៈ អាជ្ញា​ធរមាន​សិទ្ធិ​បញ្ឈប់​រាល់​សកម្មភាព​ទាំងនេះ​ភ្លាម​។​

ក្នុង​លិខិត​ដដែល​នេះ ក៏បាន​សង្កត់ធ្ងន់ថា ដើម្បី​ចៀសវាង​ប៉ះពាល់​ដល់​សុវត្ថិភាព សណ្តាប់ ធ្នាប់ និង​រៀប​រៀបរយ​សាធារណៈ រដ្ឋបាល​រាជធានី ស្នើ​លោក​ប្រធាន​សហការ​ឲ្យ​បានល្អ​ជាមួយ​អាជ្ញាធរ​មូលដ្ឋាន និង​អនុវត្ត​ឲ្យ​បាន​ម៉ឺងម៉ាត់ តាម​ស្មារតី​អង្គប្រជុំ កាលពី​ថ្ងៃទី​១៦ ខែសីហា ឆ្នាំ​២០១៨ របស់​សាលា​រាជធានី​ភ្នំពេញ​៕
​

​ព្រៃវែង ៖ ផ្លូវបំបែក​ចេញពី​ផ្លូវជាតិ​លេខ​11 កាត់​ទៅ​ផ្សារ​កំពង់​សឹង និង​ផ្សា​រក​អណ្តើក ផ្លូវជាតិ​លេខ​1 ត្រូវបាន​ទឹកជំនន់​លិច​ហូរ​កាត់​មួយកន្លែង​ត្រង់ចំណុច​ក្បែរ​គល់ស្ពាន​បឹង​ស្នេហ៍ ស្ថិត​ក្នុងភូមិ​ស្នេហ៍ ឃុំ​ធា​យ ស្រុក​បាភ្នំ ខេត្តព្រៃវែង ហើយ​ឥឡូវនេះ ត្រូវបាន​អាជ្ញាធរខេត្ត ដាក់បទបញ្ជា​ឲ្យ​អាជ្ញាធរ​ស្រុក​ពាម​រក៍ និង​ស្រុក​បាភ្នំ​ដាក់​បា​រ៉ា​ស់បិទ​ទាំងសងខាង ហាម​មិន​ឲ្យ​រថយន្ត​ធន់​ធំ​បើកបរ​ធ្វើដំណើរ​ឆ្លងកាត់​ព្រោះ​ខ្លាច​មាន​គ្រោះថ្នាក់​។ រីឯ​រថយន្ត​ធន់​តូច​និង​ម៉ូតូ​ធ្វើដំណើរ​ឆ្លងកាត់​បានជា​ធម្មតា​។

​បើតាម​លោកស្រី សេង ទៀង អភិបាលស្រុក​ពាម​រក៍ និង​លោ ពេ​ទ ភិ​រុណ អភិបាលស្រុក​បាភ្នំ​បាន​ប្រាប់​ភ្នាក់ងារ​ទូរទស្សន៍​អា​សុ​ី​អាគ្នេយ៍​ឲ្យ​ដឹង​តាម​ទូរស័ព្ទ​កាលពី​ល្ងាច​ថ្ងៃទី​18​ខែសីហា​ឆ្នាំ​2018​ម្សិលមិញ​ថា​ជំនន់​ទឹកភ្លៀង​និង​ជំនន់​ទឹកទន្លេ​មេគង្គ​បាន​ហក់​ឡើង​លឿន​បង្ក​ឲ្យ​ទឹក​ហូរ​កាត់​តិចៗ​ពីលើ​ផ្លូវត្រង់​ចំណុច​បឹង​ស្នេហ៍​នេះ​ចម្ងាយ​ប្រវែង​ប្រហែល​ជាង​100​ម៉ែត្រ​ចាប់តាំងពី​ថ្ងៃទី​14​ខែសីហា​ឆ្នាំ​2018​។​មកដល់​ល្ងាច​ថ្ងៃទី​18 ខែសីហា នេះ ទឹកបាន​លិច​ផ្លូវ​មាន​ជម្រៅ​ប្រហែល​ជាង​1​តឹក​។

លោក​អភិបាលស្រុក​ទាំង​2​បាន​បន្តទៀតថា​ដោយមាន​ការយកចិត្តទុកដាក់​ពី​សំណាក់​លោក ជា សុ​មេធី អភិបាល​នៃ​គណៈ​អភិបាល​ខេត្តព្រៃវែង បានដាក់​បទបញ្ជា​ឲ្យ​អាជ្ញាធរ​ស្រុក​ដឹកនាំ​កម្លាំងចម្រុះ​មក​ប្រចាំ​ការដាក់​បា​រ៉ា​ស់បិទ ដោយ​អាជ្ញាធរ​ស្រុក​ពាម​រក៍ ដាក់​បិទ​នៅត្រង់ចំណុច​ផ្លូវបំបែក​ផ្លូវជាតិ​លេខ​11 ទល់មុខ​សាលាឃុំ​ព្រៃ​កណ្តៀង ដើម្បី​ហាម​មិន​ឲ្យ​រថយន្ត​ធន់​ធំ​បើក​ឆ្លងកាត់​ដោយ​ណែនាំ​ឲ្យ​ពួកគាត់​បើក​មកពី​ទី​រួម​ខេត្តព្រៃវែង​ឲ្យ​ទៅ​ត្រង់​តាមផ្លូវ​ជាតិ​លេខ​11​ដែល​កំពុង​ជួលជុល​ចេញទៅ​ចំណុចរ​ង្វ​ល់​មូល​អតីត​កំពង់ចម្លង​អ្នក​លឿង​ផ្លូវជាតិ​លេខ​1​វិញ​។​

​រីឯ​អាជ្ញាធរ​កម្លាំងចម្រុះ​ខាង​ស្រុក​បាភ្នំ បានដាក់​ប៉ា​រ៉ា​ស់បិត​ត្រង់ចំណុច​ឃុំ​ធា​យ​ដើម្បី​ឲ្យ​រថយន្ត​ធន់​ធំ​វាង​ចេញទៅ​តាមផ្លូវ​បាភ្នំ​ផ្សារ​កំពង់​សឹង​ឫ​វាង​តាម​ផ្សា​រក​អណ្តើក​ទៅ​ផ្លូវជាតិ​លេខ​1​ដូចគ្នា​។​

​លោក​អភិបាលស្រុក​ទាំង​បានបញ្ជាក់​បន្ថែមថា ការដែល​ហាម​មិន​ឲ្យ​រថយន្ត​ធន់​ធំ​បើកបរ​ឆ្លងកាត់​ផ្លូវ​លិច​ទឹក​បឹង​ស្នេហ៍​នេះ គឺ​ដើម្បី​បញ្ជៀ​ស​ខ្លាច​មាន​គ្រោះថ្នាក់​កើតឡើង​!​ព្រោះ​កន្លងទៅ​ប៉ុន្មាន​ឆ្នាំមុន​ធ្លាប់មាន​គ្រោះថ្នាក់​ទឹក​ហូរ​គួច​ធ្លាក់​រថយន្ត​ទេសចរណ៍​1​គ្រឿង​ចូលទៅក្នុង​បឹង​មាន​ជនជាតិ​បរទេស​ស្លាប់​ជាច្រើន​នាក់​រួចមកហើយ​។​ប៉ុន្តែ​ទឹក​លិច​ឆ្នាំនេះ​មិន​ធ្ងន់ធ្ងរ​ទេ​គឺ​រថយន្ត​ធន់​តូច​និង​ម៉ូតូ​គឺ​ខាង​អាជ្ញាធរ​បានធ្វើ​ការណែនាំ​ពួកគាត់​ឲ្យ​ធ្វើការ​ឆ្លងកាត់​បាន​ជាធ​ម្ម​តា​ដោយ​ការ​ប្រុង​ប្រ​យ​ត្ន័​ផងដែរ​។​

​ទន្ទឹម​នោះ អាជ្ញាធរ​ស្រុក​ទាំង 2 ក៍​បានដាក់​កម្លាំង​ឃ្លាំមើល​ជាប្រចាំ​ព្រោះ​តំបន់​បឹង​ស្នេហ៍​នេះ ក្រៅពី​អ្នកធ្វើដំណើរ​ឆ្លងកាត់​ក៍​នៅមាន​ភ្ញៀវទេសចរ​ជាតិ និង​អន្តរជាតិ​ជាច្រើន​នាក់​ទៅ​ទស្សនា​លេង លំហែ​កម្សាន្ត​កាយ​ជា​រៀងរាល់​សប្តាហ៍​ទៀតផង​។ តែ​ទោះជា​យ៉ាងណា​លោក ជុំ សុ​ភី​ប្រធាន​មន្ទីរ​ធនធានទឹក​ខេត្តព្រៃវែង​ក៍​បានបញ្ជាក់​ប្រាប់​ភ្នាក់ងារ​តាម​ទូរស័ព្ទ នៅ​ល្ងាច​ថ្ងៃទី​18 ខែសីហា ម្សិលមិញ នេះ​ថា ស្ថានភាព​ទឹក​គឺ​បាន​ធ្លាក់ចុះ​នៅត្រឹម 6,63​ម៉ែត្រ ប៉ុណ្ណោះ ខណៈ​កម្ពស់​ទឹក​កាលពី​ថ្ងៃទី​17 ខែសីហា ឡើង​រហូតដល់​ទៅ​6​ម​.68​សង់ទីម៉ែត្រ​ក្រោម​កម្រិត​ទឹក​ដែល​ត្រូវ​ប្រកាសអាសន្ន​7​ម​.50​សង់ទីម៉ែត្រ​៕
​

ព្រៃវែង ៖ បើតាម​លោក ជុំ សុ​ភី ប្រធាន​មន្ទីរ​ធនធានទឹក​និង​ឧតុនិយម​ខេត្តព្រៃវែង​បាន​ប្រាប់​តាម​ទូរស័ព្ទ​ឲ្យ​ដឹង​ការ​ពី​រសៀល​ថ្ងៃទី​18 ខែសីហា ឆ្នាំ​2018 ថា​ស្ថានភាព​ទឹក​ព្រែ​កតា​តាំ​មុខ​សាលាខេត្ត​ថ្ងៃនេះ​ធ្លាក់ចុះ​នៅត្រឹម​6​ម៉ែត្រ​ចំណុច 63 សង់ទីម៉ែត្រ ខណៈដែល​កម្ពស់​ទឹក​កាលពី​ថ្ងៃទី​17 ខែសីហា ម្សិលមិញ បាន​ហក់​ឡើង​រហូតដល់​ទៅ​6​ម៉ែត្រ​ចុច​68​សង់ទីម៉ែត្រ​ក្រោម​កម្រិត​ទឹក​ដែល​ត្រូវ​ប្រកាសអាសន្ន​7​ម៉ែត្រ​ចុច​50​សង់ទីម៉ែត្រ​។

​បើ​យោងតាម​របាយការណ៍រ​បស់​អាជ្ញាធរខេត្ត​បង្ហាញថា គិត​មកដល់​ថ្ងៃទី​18​សីហា​នេះ​មាន​ពលរដ្ឋ​ចំនួន​៣.៣៨៦​គ្រួសារ​កំពុង​ខ្វះខាត​ស្បៀងអាហារ​ដោយសារ​ស្រូវ​លិច​ក្នុង​ទឹក​ចំនួន​២២២៣៥​ហិកតា​និង​ស្រូវ​រលួយ​ខូចខាត​ចំនួន​៣.២២៨​ហិកតា​។​

​របាយការណ៍​បានបញ្ជាក់​បន្ថែមថា ស្ថានភាព​ទឹកជំនន់​បាន​បង្ក​ឲ្យ​ប៉ះពាល់​ជន់​លិច​អស់​ចំនួន​១១​ក្រុង​-​ស្រុក (​ស្មើនឹង​៦៤​ឃុំ​.​សង្កាត់​មាន​ចំនួន​៣០៥​ភូមិ ក្នុងចំណោម​ក្រុង​-​ស្រុក​ទាំង​១៣​ទូទាំង​ខេត្តព្រៃវែង ហើយ​ក្រុង​-​ស្រុក​ដែល​លិច​ទឹក​រួមមាន ៖ ស្រុក​ពាម​រក៍​,​ស្រុក​ព្រះស្តេច​,​ស្រុក​ស៊ីធរ​កណ្តាល​,​ស្រុក​កំចាយមារ​,​ស្រុក​ពារាំង​,​ស្រុក​ពោធិ៍​រៀង​,​ស្រុក​កំពង់ត្របែក​,​ក្រុង​ព្រៃវែង​,​ស្រុក​បាភ្នំ​,​ស្រុក​ស្វាយ​អ​ន្ទ​រ និង​ស្រុក​ពាម​ជរ មាន​ប្រជាពលរដ្ឋ​រងគ្រោះ​សរុប​ចំនួន​២៧.៦៦៩​គ្រួសារ ក្នុងនោះ បងប្អូន​ឥស្លាម​៣៦​គ្រួសារ​,​បង្ក​ឲ្យ​លិច​ស្រូវ​សរុប ២២២៣៥​ហិកតា​,​ខូចខាត​ស្រូវ​ទាំងស្រុង​អស់​ចំនួន​៣.២២៨​ហិកតា​និង​ដំណាំ​ផ្សេងៗ​ចំនួន​១៧​ហិកតា​រួមជាមួយ​កូនឈើ​រាប់ម៉ឺន​ដើម​ទៀតផង​ដែរ​។​

​ក្នុងនោះ​ទឹក​លិច​ចូលដល់​ក្រោមផ្ទះ​សរុប​ចំនួន​១០.៧៥៥​គ្រួសារ​,​លិច​បរិវេណ​សាលារៀន​៤៩​សាលា​,​លិច​បរិវេណ​មណ្ឌល​សុខភាព​៣​កន្លែង​,​លិច​អណ្តូងទឹក​៧៧១​អណ្តូង​,​លិច​បង្គន់​៨៧៩​បង្គន់​,​លិច​វត្ត​អារាម​២​វត្ត​,​លិច​ផ្លូវ​ប្រវែង​២២៥.៦៩៨​ម៉ែត្រ​,​ខូចខាត​អស់​ប្រវែង​៣៤.៩៤៨​ម៉ែត្រ​,​ប៉ះពាល់​ទំនប់​ប្រឡាយ​ប្រវែង​១៧៧.៧០៤​ម៉ែត្រ​,​ខូចខាត​អស់​ប្រវែង​១.៦០៣​ម៉ែត្រ​,​ជម្លៀស​ពលរ​ដ្ធ​ទៅ​ទីទួល​សុ​វត្ថ​ភាព​បាន​ចំនួន​៣.០៧៩​គ្រួសារ​,​ជម្លៀស​សត្វពាហនៈ​បាន​ចំនួន​១.៧០៤​ក្បាល​និង​មាន​មនុស្ស​ស្លាប់​ចំនួន​4​នាក់​។​

​ប៉ុន្តែ​មានការ​យកចិត្តទុកដាក់​ពី​ក្រុមការងារ​គណៈកម្មការ​ក៍​ដូចជា​អាជ្ញាធរ​ខេត្តព្រៃវែង ដែល​ដឹកនាំ​ដោយ លោក ជា សុ​មេធី អភិបាល​នៃ​គណៈ​អភិបាលខេត្ត​និង​ក្នុងនាម​ជា​ប្រធានកិត្តិយស​សាខា​កាកបាទក្រហម​ខេត្ត​បាន​ពាំ​នាំយក​អំណោយ​ទៅ​ជួយ​រំលែក​ទុក្ខ​ដល់ផ្ទះ​របស់​ជនរងគ្រោះ​ទាំង​៤​គ្រួសារ​ភ្លាមៗ​ផងដែរ​។

​លោក​និង​ក្រុមការងារ​ក៍បាន​បន្ត​ជិះទូក​ពិនិត្យមើល​តាម​តំបន់​ទឹក​លិច​និង​បាន​ពាំ​នាំយក​អំណោយ​សង្គ្រោះបន្ទាន់​បើ​គិត​មកដល់ពេលនេះ​បូករួម​ជាមួយ​ទាំង​អំណោយ​ព្រះមហាក្សត្រ​មាន​អង្ក​,​ថវិកា​,​តង់​កៅស៊ូ កន្ទេល​,​មុង​,​ភួយ​,​ចានឆ្នាំង​.​ស្លាបព្រា និង​គ្រឿងឧបភោគ​បរិ​គោគ ចែកជូន​ជួយ​រំលែក​ទុក្ខ​របស់​ពលរ​ដ្ធ​បាន​ចំនួន​៧៧៥​គ្រួសារ​៕

​

​កំពង​ស្ពឺ ៖ លោក សែម វុ​ឌី នាយ​ប៉ុស្តិនគរបាលរ​ដ្ឋ​បាល​ឃុំ​ត្រែងត្រយឹង​បាន​និយាយ​អោយដឹង​តាម​ទូរ​សព្ទ័​ថា​នៅ​ព្រឹក​ថ្ងៃទី​១៩ ខែសីហា ឆ្នាំ​២០១៨​នេះ​ទឹក​ហូរ​កាត់​ផ្លូវជាតិ​លេខ​៤​មានការ​ស្រក​ចុះ​រហូតដល់​30%​ហើយ អាចអោយ​រថយន្ត​ធំ​តូច​បើកបរ​ចរាចរណ៍​លើផ្លូវ​ជាតិ​លេខ​៤​បាន​វិញ​ហើយ ខណៈដែល​នៅ​ម្តុំ​ស្ទឹង​សំរោង ស្រុក​កំពង់​សិលា ខេត្ត​ព្រះសីហនុ កំពុងតែ​ផ្អាក​ចរាចរណ៍​លើផ្លូវ​ជាតិ​លេខ​៤​នៅឡើយ​ទេនោះ​។​

​គួរ​រំលឹក​ដែលថា ដោយសារ​មាន​ភ្លៀង​ធ្លាក់​ច្រើន បង្ក​ឲ្យ​ជន់​លិច​ហូរ​កាត់​កំណាត់​ផ្លូវជាតិ​លេខ​៤ ត្រង់ចំណុច​ស្ពាន​អូរ​គគី ស្ថិត​ក្នុងភូមិ ឃុំ​ត្រែងត្រយឹង ស្រុក​ភ្នំស្រួច ខេត្តកំពង់ស្ពឺ ស្ថានភាព​បែបនេះ បណ្ដាល​ឲ្យ​មានការ​កកស្ទះ​ចរាចរណ៍ ដែល​ពិបាក​ក្នុងការ​ធ្វើដំណើរ​ឆ្លងកាត់ តាម​ការ​ឲ​ដឹង​ពី​មន្ដ្រី​ជំនាញ​ឧត្ដុនិយម ថាបើ​ភ្លៀង​នៅ តែ​បន្ដ​ធ្លាក់ទឹក​នៅលើ​ភ្នំ​កាន់តែច្រើន គឺ​កំណាត់​ផ្លូវជាតិ​លេខ ៤ ប្រាកដជា​រង​ការ​ជន់​លិច បន្តទៀត​កាលពី​ថ្ងៃទី​១៨ ខែសីហា ឆ្នាំ​២០១៨ នេះ​ក្នុងភូមិ​សាស្ត្រ ឃុំ​ត្រែងត្រយឹង ទឹកភ្លៀង​ជន់​លិច​ហូរ​កាត់​លើ​កំណាត់​ផ្លូវជាតិ​លេខ ៤ មាន​ចំនួន ០៣ កន្លែង​ផ្សេងគ្នា ក្នុងនោះ ៖

​គោលដៅ​ទី ១ ៖ ចំណុច​ស្ពាន​អូរ​គគី​ចន្លោះ គីឡូម៉ែត្រ​លេខ ១០៦​ទៅ​លេខ​១០៧
​គោលដៅ​ទី ២ ៖ ចំណុច​ខាងលិច​ផ្សា​ត្រែងត្រយឹង ត្រង់​ចន្លោះ គីឡូម៉ែត្រ​លេខ ៩០​ទៅ​លេខ​៩១ ។
​គោលដៅ​ទី ៣ ៖ ចំណុច​ខាងកើត​ផ្សា​ត្រែងត្រយឹង ត្រង់​ចន្លោះ គីឡូម៉ែត្រ​លេខ​៨៧​លេខ​៨៨ ។

​ចំណុច​ទាំង ៣ ខាងលើ ត្រូវបាន​អាជ្ញាធរ​ផ្អាក​ការធ្វើ​ចរាចរណ៍ ឆ្លងកាត់​ទីនោះ​ជា​បណ្តោះអាសន្ន រថយន្ត ធំៗ​ផ្អាក តែ​រថយន្ដ​ប្រភេទ​ទេសចរណ៍ ធ្វើដំណើរ​ឆ្លងកាត់​បាន មកដល់​ម៉ោង ១៦ និង ០០​នាទី រសៀល​ថ្ងៃទី​១៨ ខែសីហា ឆ្នាំ​២០១៨​នេះ កំណាត់​ផ្លូវជាតិ​លេខ ៤ ត្រូវបាន​អនុញ្ញាតិ​ឲ្យ​ឆ្លងកាត់​វិញ ប៉ុន្តែ​បើ​ស្ថានភាព​ទឹក ភ្លៀង​បន្ដ​ធ្លាក់​មកទៀត ប្រាកដ​ណាស់​ទឹក​អាច​ជន់​លិច ផ្លូវជាតិ​លេខ ៤ ម្ដងទៀត ចរាចរណ៍​គឺអាច​ផ្អាក​មិន​អោយធ្វើ​សកម្មភាព​ឆ្លងកាត់​ជា​បណ្ដោះអាសន្ន​សិន ប៉ុន្តែ​នៅ​ព្រឹក​ថ្ងៃទី​១៩ ខែសីហា ឆ្នាំ​២០១៨​នេះ លោក សែម វុ​ឌី នាយ​ប៉ុស្តិនគរបាលរ​ដ្ឋ​បាល​ឃុំ​ត្រែងត្រយឹង​និយាយថា​ចរាចរណ៍​បាន​បើក​អោយ​ដំណើរការ​ដដែល ខណៈដែល​ទឹក​ស្រក​30%​ហើយ​នោះ​៕

​

​ប៉ោយប៉ែត ៖ ឃាតករ​ចំនួន ២ នាក់ ដែល​បាន​បាញ់សម្លាប់​បុរស​ម្នាក់​ក្នុង​រឿង​ស្នេហា​ត្រីកោណ​ត្រូវបាន​កំលាំង​សមត្ថកិច្ច​នៃ​ស្នងការដ្ឋាន​នគរបាល​ខេត្តបាត់ដំបង​សហការ​ជាមួយ​ក្រុម​តម្រួត​ថៃ​តាម​ចាប់ខ្លួន​យកមក​វិញ​ដើម្បី​ប្រឈមមុខ​និង​ផ្លូវច្បាប់​បន្ទាប់ពី​​ជនសង្ស័យ​ទាំង ២ នាក់​នេះ​បាន​រត់គេចខ្លួន​ទៅសំងំ​នៅក្នុង​ប្រទេស​ថៃ ។​

​រយៈពេល​ប្រមាណ ៥ ថ្ងៃ​កន្លងទៅ​ថ្មីៗ​នេះ លោក​ស្នងការរង ជេ​ត វណ្ណ​នី បាន​ដឹកនាំ​កំលាំង​ក្នុងនោះ​ក៏មាន​លោក ឈឿង គឹម​សុង នាយរង​ការិយាល័យ ព្រហ្មទណ្ឌ​កម្រិត​ស្រាល​បាន​ចុះ​សហការ​ជាមួយ​កំលាំង​តម្រួត​ថៃ​តាម​រុករក​មុខសញ្ញា​សង្ស័យ​ចំនួន​២​នាក់ ដែលជា​ឃាតករ​បាញ់សម្លាប់​បុរស​ម្នាក់​ដែលមាន​មុខរបរ​ជា​អ្នក​ដឹក​ទឹកកក​លក់ នៅ​ភូមិ​តា​ង៉ែ​ន​.​ឃុំ​តា​គ្រាម​.​ស្រុក​បាណន់ ខេត្តបាត់ដំបង​។​

ការបាញ់សម្លាប់​ដោយ​គ្មាន​មូលហេតុ​នេះ​គឺ​ប្រភព​ជាច្រើន​បាន​សន្និដ្ឋានថា​អាចជា​រឿង​ស្នេហា​ត្រីកោណ ដោយសារតែ​ជនរងគ្រោះ​ទើបនឹង​រៀបការ​ថ្មោងថ្មី​ហើយ​ការបើក​រថយន្ត​មក​ឈប់​ពាំង​ពីមុខ​រថយន្ត​ដឹក​ទឹកកក​ដើម្បី​បាញ់សម្លាប់​នេះ​បាន​ប្រព្រឹត្តឡើង​នៅ​ចំណុច​វាល​អន្ទង់ ស ក្នុងភូមិ​ក្រពើ​ជើង ឃុំ​ភ្នំ​សំពៅ ស្រុក​បាណន់ ខេត្តបាត់ដំបង​កាលពី​ថ្ងៃទី ៥​ខែសីហា ឆ្នាំ​២០១៨ កន្លងទៅនេះ ។​

ក្រោយពី​ចាប់ខ្លួនបាន​គឺ​ភាគី​ថៃ បានធ្វើ​ការប្រគល់​ជនសង្ស័យ​ទាំង ២​នៅ​ចំណុច​ច្រកទ្វារ​អន្តរជាតិ ប៉ោយប៉ែត នា​ថ្ងៃទី ១៨ ខែ សីហា ឆ្នាំ ២០១៨ ដែល​ដឹកនាំ ដោយ​លោក​ឧ​ត្ត​ម​សេនីយ៍​ត្រី ជេ​ត វណ្ណ​នី ស្នងការរង​ទទួលបន្ទុក​ផ្នែក​ព្រហ្មទណ្ឌ ដោយ​ជនសង្ស័យ ទាំង ២ រូបនេះ គឺ​១-​ឈ្មោះ ប៊ុន ពន្លក ភេទ​ប្រុស អាយុ ២១​ឆ្នាំ មុខរបរ​ជា​និស្សិត​ពេទ្យ ស្រុកកំណើត ភូមិ ត្រោក ឃុំ​ប្រ​ធាតុ​ស្រុក កំពង់​ត្របែង ខេត្ត ព្រៃវែង និង ២-​ឈ្មោះ ហួន វាសនា ភេទ​ប្រុស អាយុ ២២​ឆ្នាំ មុខរបរ​ជាជាង​ជួសជុល​រថយន្ត ស្រុកកំណើត នៅ ភូមិ គ្រើល ឃុំ​អ​ន្សោ​ង ស្រុក កំពង់​ត្របែង ខេត្ត ព្រៃវែង ។

ពាក់ព័ន្ធ​នឹង​បទ​ឃាតកម្ម​​ដោយ​ចេតនា គិតទុក​ជាមុន នេះ ត្រូវបាន​សមត្ថកិច្ច​ថៃ​ចាប់ខ្លួន​នៅ​ខេត្ត​ច័ន្ទ​បុរី កាលពី​ថ្ងៃទី​១៦ ខែសីហា ឆ្នាំ​២០១៨ ហើយ​បច្ចុប្បន្ន​ជនសង្ស័យ​ទាំង ២ ត្រូវបាន​កម្លាំង​សមត្ថកិច្ច​នាំខ្លួន​ទៅកាន់​ស្នងការដ្ឋាន​នគរបាល​ខេត្តបាត់ដំបង ដើម្បី​ធ្វើការ​បន្ត​តាម​នីតិវិធី​៕
​

ភ្លៀងធ្លាក់ខ្លាំង និងការកើនឡើងទឹកជំនន់ នៅតែបន្ត នៅរដ្ឋ កឺរ៉ាឡា ភាគខាងត្បូង ប្រទេសឥណ្ឌា ខណៈដែលក្រុមកងកម្លាំងឆ្លើយតបគ្រោះមហន្តរាយ ជាតិ ចំនួន៤ក្រុម បន្ថែមទៀត ត្រូវបាននាំទៅកាន់តំបន់រងគ្រោះ ដើម្បីជួយ ក្នុងប្រតិបត្តិការសង្គ្រោះបន្ទាន់។

ទឹកជំនន់បានបណ្តាលឱ្យមានការ បំផ្លាញនៅក្នុងរដ្ឋកឺរ៉ាឡា Kerala ជាកន្លែង ដែលមនុស្សរាប់ពាន់នាក់ត្រូវបាន ផ្លាស់ទីលំនៅ ហើយឥឡូវនេះកំពុងរស់នៅក្នុងជម្រក របស់រដ្ឋាភិបាលឬនៅផ្ទះរបស់សាច់ញាតិនិងមិត្តភក្តិនៅតំបន់ខ្ពស់ ៗ ។ ក្រុមកងកម្លាំងឆ្លើយតបគ្រោះមហន្តរាយជាតិ NDRF បានដាក់ពង្រាយក្រុមចំនួន 14 ក្រុម រួចហើយដើម្បីអនុវត្តការជួយសង្គ្រោះ មុនពេលបន្ថែមចំនួនបួនក្រុមបន្ថែមទៀត។

ភ្លៀងធ្លាក់ខ្លាំងនិងទឹកជំនន់មិនធ្លាប់មានចាប់តាំងពីឆ្នាំ 1924 មកនេះ បានបណ្តាល ឱ្យមានការ បំផ្លាញយ៉ាងខ្លាំងដោយបន្សល់ទុកមនុស្សជាង 75.000 នាក់រស់ នៅក្នុង ជំរំជួយសង្គ្រោះនិងបានបំផ្លាញដំណាំនិងទ្រព្យសម្បត្តិជាច្រើន។ ទឹកភ្លៀង មាន សារៈ សំខាន់សម្រាប់ប្រទេសឥណ្ឌាដែលជាផ្នែកសំខាន់នៃប្រជាពលរដ្ឋ 1,2 ពាន់លាន នាក់ របស់ប្រទេសដែល វិស័យកសិកម្ម អាស្រ័យទៅលើទឹកភ្លៀង។ ទោះជាយ៉ាងណា ភ្លៀងមូសុងដែលហួសប្រមាណនៅឆ្នាំនេះបណ្តាលឱ្យទន្លេធំ ៗ នៅទូទាំងប្រទេសឥណ្ឌា កើនឡើងធ្វើឱ្យមានទឹកជំនន់និងការបាត់បង់ទ្រព្យសម្បត្តិនិងជីវិតមនុស្ស និងសត្វ ពាហនៈ។ ផលប៉ះពាល់ កាន់តែពិបាកឡើងដោយការខូចខាតនៃហេដ្ឋារចនាសម្ព័ន្ធស៊ីវិល រាំងស្ទះប្រព័ន្ធលូនិងការពង្រីកទីក្រុងមិនអាចគ្រប់គ្រងបាន។

យន្តហោះហោះក្រុមហ៊ុនអាកាសចរណ៏ស៊ីមឹនអ៊ែរ មានអ្នកដំណើរ១៦៥នាក់ ជិះ នៅលើនោះ បានរត់វេចេញពីផ្លូវរត់ នៅព្រលានយន្តហោះ ក្នុងទីក្រុងម៉ានីល ប្រទេស ហ្វីលីពីន នៅពេលជិតពាក់កណ្តាលអាធ្រាត ប៉ុន្តែគ្មានអ្នកស្លាប់ ឬរងរបួសឡើយ។ មន្ត្រីទទួលបន្ទុកកិច្ចការសាធារណៈ នៃអាជ្ញាធរព្រលានយន្តហោះអន្តរជាតិ ក្រុងម៉ានីល បានឲ្យដឹងថា យន្តហោះបូអ៊ីញ ៧៣៧-800 កំពុងធ្វើការចុះចត បន្ទាប់ពីធ្វើការហោះហើរ មកពី ទីក្រុងស៊ី មឹន ជាទីក្រុងកំពង់ផែ នៅប្រទេសចិន បានធ្វើការចុះចតនៅព្រលាន យន្តហោះក្រុងម៉ានីល ប្រទេសហ្វីលីពីន អំឡុងពេលមានភ្លៀងធ្លាក់ខ្លាំង។

ក្រុមហ៊ុន Xiamen Air គឺជាក្រុមហ៊ុន សម្ព័ន្ធរបស់ក្រុមហ៊ុន China Southern Airlines ។
សេចក្តីថ្លែងការបាននិយាយថាអ្នកដំណើរទាំង១៥៧នាក់ និងអ្នកបំរើការយន្តហោះ៨នាក់ ត្រូវបានជន្លៀស ដោយគ្មានរងរបួសឡើយ ហើយក្រុមហ៊ុនកំពុងពិនិត្យយ៉ាងដិតដល់ អំពី ស្ថានភាពនេះ។ អាជ្ញាធរព្រលានយន្តហោះ ហ្វីលីពីន និយាយថា អ្នកដំណើរ នៃជើង ហោះហើរ ៨៦៦៧ នៃក្រុមហ៊ុន ស៊ីមឹន ត្រូវបាននាំទៅកាន់សណ្ឋាគារមួយ នៅជិតចំណត ទី១នៃព្រលានយន្តហោះអន្តរជាតិនីណយអាគីណូដែលបំរើដល់ជើងហោះហើរអន្តរ ជាតិ មកកាន់ប្រទេសនេះ។ដោយសាតែមានឧបត្តិហេតុ ផ្លូវហោះហើរអន្តរជាតិ ព្រលាន យន្ត ហោះ នីណូអាគីណូ ត្រូវបានបិទ រហូតដល់ម៉ោង១២យប់ថ្ងៃសុក្រ ម៉ោងនៅក្នុងតំបន់ ។

សៀងហៃ ៖ ព្យុះទីហ្វុង រូមបៀ នាំមកជាមួយភ្លៀងធ្លាក់ និងខ្យល់ខ្លាំង បានធ្វើឲ្យមានការបាក់ដី នៅក្រុងសៀងហៃ ប្រទេសចិនខាងកើត នៅព្រឹកថ្ងៃសុក្រនេះដែលបានកាត់ផ្តាច់ ចរាចរណ៏ ពន្យាពេលនាវាចម្លងអ្នកដំណើរ ជើងហោះហើរ និងរថភ្លើង។

ការិយាល័យតាមដានអាកាសធាតុនៅក្រុងស៊ាងហៃ នៅព្រឹកថ្ងៃសុក្រនេះ បានចេញ សេចក្តីជូនដំណឹងព័រណ៌លឿង សម្រាប់ព្យុះទីហ្វុង រូមបៀ និងបានបង្កើនសេចក្តីជូន ដំណឹងដល់ព័រណ៌ទឹកក្រូចខណៈភ្លៀងធ្លាក់ខ្លាំងនៅបន្ត។

ប្រទេសចិនមាន ប្រព័ន្ធព្រមាន អាកាសធាតុដែលមានកូដពណ៌ចំនួនបួនកំរិត រួមមានពណ៌ក្រហមជាកំរិត ធ្ងន់ធ្ងរបំផុត បន្ទាប់មក ពណ៌ទឹកក្រូច លឿងនិងខៀវ។
ខ្យល់បក់ខ្លាំងបានវាយប្រហា នៅ តំបន់ ឆ្នេរ នៃទីក្រុងស៊ាងហៃ ហើយ ខ្យល់បក់ខ្លាំងនិងរលក ធំៗ បានបង្ខំឱ្យនាវាខ្សែនាវា ចម្លង ចំនួនបីត្រូវបិទនៅក្នុងទីក្រុងនេះ។ ខណៈមានភ្លៀងធ្លាក់ខ្លាំង ស្ពានឆ្លងកាត់ទន្លេរយ៉ាងសេ Yangtze នៅស្រុក ឆុងមិញ Chongming បានបិទចរាចរ។

នៅព្រឹកថ្ងៃសុក្រនេះ ជើងហោះហើរសរុប ១៤៩ជើង នៅព្រលានយន្តហោះ ពូដុង និង ហុងហ្គីអៅ និងរថភ្លើង ១១១ខ្សែទៅកាន់តំបន់ឆ្នេរភាគខាងត្បូង ប្រទេសចិន ត្រូវបានលុបចោល៕

ឥណ្ឌា ៖ អតីតនាយករដ្ឋមន្រ្តី លោក អាតាល់ ប៊ីហារី វ៉ាប៉ាយី Atal Bihari Vajpayee ដែល បានបញ្ជាឱ្យមានការសាកល្បងនុយក្លេអ៊ែរដើម្បីធ្វើឱ្យប្រទេសឥណ្ឌាជាមាហអំណាច នុយក្លេអ៊ែរ និងបានធ្វើដំណើរតាមរថយន្តក្រុងទៅប្រទេសប៉ាគីស្ថាន ក្នុងកាយវិការការទូត ដ៏អស្ចារ្យ បានទទួលមរណៈភាពក្នុងអាយុ 93 ឆ្នាំកាលពីថ្ងៃព្រហស្បតិ៍ ម្សិលមិញ នៅមន្ទីរពេទ្យដែលលោកកំពុងព្យាបាល។ ប្រជាជននៅតាមបណ្តារដ្ឋនិងក្រុងនានា នៃប្រទេសឥណ្ឌាបានធ្វើពិធីសាសនានិងការអធិស្ឋានសម្រាប់ការជាសះស្បើយឡើងវិញ សំរាប់លោក វ៉ាប៉ាយី Vajpayee បន្ទាប់ពីស្ថានភាពជម្ងឺរបស់លោក កាន់តែយ៉ាប់យ៉ឺន ។

រយៈពេលពេញមួយថ្ងៃ អ្នកនយោបាយឥណ្ឌាឆ្នើមៗ បានទៅមន្ទីរពេទ្យ ដែលរួមមាន ទាំងនាយករដ្ឋមន្ត្រី ឥណ្ឌា ណារិនត្រាម៉ូឌី Narendra Modi ផងដែរ។ លោក វ៉ាប៉ាយី Vajpayee គឺជាមេដឹកនាំដ៏មានប្រជាប្រិយបំផុតមួយនៃគណបក្ស បារ៉ាទីយ៉ា ចាណាតា ជាតិនិយមហ៊ីនឌូ ដែលកំពុងកាន់អំណាច នៃរបបលោកម៉ូឌី ។ គួបញ្ជាក់ថា លោក វ៉ាប៉ាយី បានបំរើការជា នាយករដ្ឋមន្ត្រីឥណ្ឌា ក្នុងឆ្នាំ១៩៩៦ និងម្តងទៀតនៅឆ្នាំ ១៩៩៨ ដល់ឆ្នាំ ២០០៤៕

ឥណ្ឌូនេស៊ី ៖ ប្រទេសឥណ្ឌូនេស៊ី បានប្រកាសឯករាជ្យភាពរបស់ខ្លួន នៅថ្ងៃទី១៧ ខែសីហា ឆ្នាំ ១៩៤៥ ហើយនៅឆ្នាំនេះ ប្រទេសឥណ្ឌូនេស៊ី ប្រារព្ធខួប៧៣ឆ្នាំ របស់ខ្លួន នៃការប្រកាស ឯករាជ្យ ដែលជារៀងរាល់ឆ្នាំ ព្រឹត្តិការណ៏ជាប្រវត្តិសាស្ត្រនេះ ត្រូវបានប្រារព្ធធ្វើឡើង មានព្រឹត្តិការណ៏ អស្ចារ្យជាច្រើន នៅទូទាំងប្រទេស ក្នុងគោលបំណង លើកកម្ពស់ សាមគ្គីភាព។

ក្រុមបំរើការក្នុងពិធី បានចំណាយពេលជាច្រើនខែ ក្នុងការហ្វឹកហ្វឺន និង ដាច់ដោយឡែកដើម្បី ធ្វើឲ្យបានល្អឥតខ្ចោះក្នុងអំឡុងពេលពិធីផ្លូវការ នៅមុខលោក ប្រធានាធិបតីនិងភ្ញៀវកិត្តិយស។ យោងតាមសេចក្តីរាយការបានឲ្យដឹងថា ចាប់តាំងពី ឆ្នាំដំបូងក្នុងការឡើងកាន់ តំណែង របស់លោកចូកូវីដូដូ ប្រធានាធិបតីឥណ្ឌូ នេស៊ី បានកសាងមូលដ្ឋានគ្រឹះដ៏រឹងមាំ សំរាប់ការឈានឡើងបន្ថែមទៀត សំរាប់ប្រទេស ឥណ្ឌូនេស៊ី ដូច្នេះបច្ចុប្បន្នរដ្ឋាភិបាល និងផ្តោតលើ ការបង្កើនល្បឿនអភិវឌ្ឍន៏ហេត្ថារចនា សម្ព័ន្ធ បង្កើនផលិតភាព ព្រមទាំងបង្កើន ភាពប្រកួតប្រជែងនៅទូទាំងប្រទេស។

នៅក្នុងពិធីនេះ មានកម្មវិធីដូចជា បង្ហូតទង់ជាតិ ក្បួនយន្តហោះF16 ហោះហើរកាត់អង្គពិធី និងការប្រគុំភ្លេងយោធា ជាដើម។ លោកចូកូវិដូដូ ស្លៀកពាក់សំលៀកបំពាក់ប្រពៃណី ពី តំបន់អាឆេ ប្រទេសឥណ្ឌូនេស៊ី។ អង្គពិធី ត្រូវបានចូលរួមដោយ សមាជិកសភា និងគណ រដ្ឋមន្ត្រី ឯកអគ្គរដ្ឋទូតបរទេស យោធា មេដឹកនាំសហគមន៏និងប្រជាជនជាច្រើននាក់៕

​ភ្នំពេញ ៖ ឧបនាយករដ្ឋមន្ត្រី​ប្រចាំការ និង​ជា​រដ្ឋមន្ត្រី​ទីស្តីការគណៈរដ្ឋមន្ត្រី បាន​ផ្ញើ​លិខិតអញ្ជើញ​ទៅ​គណបក្ស​ទាំង​១៩ ដែល​មិន​ទទួលបាន​អាសនៈ​ក្នុង​រដ្ឋសភា ឱ្យ​ចូលរួម​ក្នុង​វេទិកា​ពិគ្រោះ​យោបល់​ជាមួយ​រាជរដ្ឋាភិបាល​ហើយ​កាលពី​ថ្ងៃទី ១៦ ខែសីហា ឆ្នាំ​២០១៨ ដែល វេទិកា​នេះ នឹង​ប្រព្រឹត្ត​ធ្វើឡើង​នា​ព្រឹក​ថ្ងៃទី​២១ ខែសីហា ឆ្នាំ​២០១៨ នៅ​វិមាន​សន្តិភាព​។

​តាម​លិខិតអញ្ជើញ​ដែល​ចុះហត្ថលេខា​ដោយ ឯ​.​ឧ​. ប៊ិន ឈិន ឧបនាយករដ្ឋមន្ត្រី​ប្រចាំការ និង​ជា​រដ្ឋមន្ត្រី​ស្តីទី​ទទួលបន្ទុក​ទីស្តីការគណៈរដ្ឋមន្ត្រី កាលពី​ថ្ងៃទី​១៦ ខែសីហា បានឱ្យដឹងថា វេទិកា នេះ នឹង​ពិភាក្សា​លើ​របៀបវារៈ​មួយចំនួន​ដូចជា ៖

១. សុន្ទរកថា​បើក​វេទិកា​ដោយ​សម្តេចនាយក​រដ្ឋមន្ត្រី ហ៊ុន សែន​
២. ការចូលរួម​យោបល់​ពី​គណបក្សនយោបាយ​នានា​
៣. បញ្ហា​ផ្សេងៗ​
៤. ពិសា​បាយ​សាមគ្គី​។​

​សូម​រំលឹកថា កាលពី​ថ្ងៃទី​១៥ ខែសីហា​កន្លងទៅ សម្តេច ហ៊ុន សែន បានប្រកាស​ពី​គម្រោង​បង្កើត​វេទិកា​ពិគ្រោះ​យោបល់​ជាមួយ​បណ្តា​គណបក្ស​ដែល​ចូលរួម​បោះឆ្នោត​ដែល​មិន​ទទួលបាន​អាសនៈ នៅមុន​ការបង្កើត​រាជរដ្ឋាភិបាល​ថ្មី​នាពេល​ខាងមុខនេះ​។ សម្តេច​បាន​មានប្រសាសន៍ថា ការបង្កើតឡើង​នូវ​វេទិកា​ពិគ្រោះ​យោបល់​នេះ គឺ​នឹង​ផ្តល់​ប្រយោជន៍​ជាច្រើន​សម្រាប់​កិច្ចការ​ប្រទេស ជាតិ ក្នុងនោះ​គឺ​រួមទាំង​សេចក្តីព្រាងច្បាប់​សម្រាប់​ប្រើប្រាស់​ផងដែរ​៕
​