ភ្នំពេញ ៖ ក្រសួងការងារ នឹងចុះទៅធ្វើការស៊ើបអង្កេតទៅលើករណី«ទាសភាពសម័យទំនើប»នៅតាម សិប្បកម្មឡឥដ្ឋ តាមរយៈការចងដោយបំណុល ដែលត្រូវបានផ្សព្វផ្សាយដោយក្រុមអ្នកស្រាវជ្រាវពីសកលវិទ្យាល័យ Royal Holloway មានមូលដ្ឋាននៅទីក្រុងឡុងដ៍។
នេះជាការបញ្ជាក់របស់លោក អ៊ិត សំហេង រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ បន្ទាប់ពីមានរបាយការណ៍មួយរបស់ក្រុមអ្នកស្រាវជ្រាវនេះ មានចំណងជើងថា«ឥដ្ឋឈាម» ដោយបានបង្ហាញថា ភាពរីកចម្រើនខ្លាំងនៃវិស័យសំណង់របស់ប្រទេសកម្ពុជា បានជំរុញឲ្យពលរដ្ឋក្រីក្រជាច្រើនគ្រួសារ ធ្លាក់ចូលទៅក្នុងទាសភាពសម័យទំនើបក្នុងសិប្បកម្ម ឡឥដ្ឋ តាមរយៈការចងដោយបំណុល។
លោក រដ្ឋមន្ត្រី អ៊ិត សំហេង បានបញ្ជាក់ថា កាលពីសប្តាហ៍មុន ក្រសួងការងារបានចេញសេចក្តីថ្លែងការណ៍មួយ ដោយព្រមានផាកពិន័យ និងចាត់វិធានការតឹងរ៉ឹងតាមផ្លូវច្បាប់ ចំពោះការប្រើប្រាស់ពលកម្មកុមារនៅក្នុងឧស្សាហកម្មឡឥដ្ឋ និងទម្រង់កេងប្រវ័ញ្ចដទៃៗទៀតជាមួយនឹងការចងដោយបំណុល។
លោក ស៊ឹង សែនករុណា អ្នកនាំពាក្យសមាគមការពារសិទ្ធិមនុស្ស អាដហុក បានថ្លែងថា «ការដែលក្រសួងការងារចាប់ផ្តើមធ្វើនេះ វាហាក់ដូចជាគាត់ទើបតែភ្ញាក់ពីដេក ហើយយើងគិតថាវាគួរឲ្យសោកស្តាយកន្លង បើរាជរដ្ឋាភិបាលនិងក្រសួងយកចិត្តទុកដាក់តាំងពីដើមមកពលរដ្ឋកម្ពុជាអាចនឹងមិនមានភាពរងគ្រោះដោយសារតែរឿងនេះ»។
លោកថា ការពិតក្រសួងត្រូវស៊ើបអង្កេតតាំងពីយូរមកហើយ បន្ទាប់ពីសង្គមស៊ីវិលបានធ្វើរបាយការណ៍ជាបន្តបន្ទាប់អំពីបញ្ហានៅឡឥដ្ឋ ដែលបានបង្កគ្រោះថ្នាក់ដល់កុមារ និងកម្មករ៕
ខេត្តក្រចេះ ៖ នៅព្រលប់ថ្ងៃទី១៨ ខែតុលា ឆ្នាំ២០១៨ មានករីពុលស្រា ស បណ្តាលឲ្យប្រជាពលរដ្ឋ៣ នាក់ បានស្លាប់ភ្លាមៗ និងជាង៣០នាក់ផ្សេងទៀត ត្រូវបានបញ្ជូនទៅសង្គ្រោះនៅមន្ទីរពេទ្យខេត្ត ជាបន្តបន្ទាប់។
សមត្ថកិច្ចឲ្យដឹងថា ករណីនេះកើតឡើងនៅភូមិដំរ៉ែ ឃុំបឹងចារ ស្រុកសំបូរ ខេត្តក្រចេះ ក្រោយពេលដែលពលរដ្ឋរស់នៅភូមិខាងលើបានសម្រាកពីការច្រូតស្រូវរួច ហើយនាំគ្នាហូបចុក និងផឹកស្រា ស ។ក្នុងចំណោមអ្នកស្លាប់៣នាក់ មានបុរស២នាក់ និងស្ត្រីម្នាក់ ដោយបានដាច់ខ្យល់ ស្លាប់ក្នុងសភាព ណែនដើមទ្រូង ថប់ដង្ហើម និងបានដាច់ខ្យល់ស្លាប់ជាបន្តបន្ទាប់ ក្រោយពីនាំទៅ សង្គ្រោះនៅមន្ទីរ ពេទ្យខេត្ត។
សមត្ថកិច្ចបញ្ជាក់ថា ហេតុការណ៍ដែលសង្ស័យពុលស្រា ស នេះ អាជ្ញាធរក៏បានឃាត់ខ្លួនម្ចាស់ ទី តាំងផលិតស្រា ស មួយកន្លែងនៅក្នុងភូមិនោះដើម្បីសាកសួរ ប៉ុន្តែមិនទាន់មានរបាយការណ៍ ជាក់ លាក់នៅឡើយទេ៕
ព្រះវិហារ ៖ ក្មេងប្រុសម្នាក់មានអាយុ ១ខួបកន្លះ បានស្លាប់យ៉ាងអាណោចអាធ័ម ក្រោយពេលហូបនំ កញ្ចប់ រួចផឹកទឹកក្រូចដបជ័រអស់១ដប ហើយរត់លេងបានប្រមាណ៣០នាទី ក៏កើតមានអាការៈ ទន់ដៃ ទន់ជើង ដួលប្រកាច់បែកពពុះមាត់ ត្រូវបានក្រុមគ្រួសារបញ្ជូនទៅសង្គ្រោះនៅមន្ទីរពេទ្យ តែ មិនអាចជួយទាន់សង្គ្រោះបាន បានស្លាប់បាត់ជីវិត កាលពីរសៀល ថ្ងៃទី១៨ ខែតុលា ឆ្នាំ២០១៨។
ក្មេងរងគ្រោះឈ្មោះ ហៃ វ៉ាន់ឆាយ ភេទប្រុស អាយុ១៨ខែ រស់នៅភូមិស្រយង់ជើង ឃុំស្រយង់ ស្រុកគូលែន ខេត្តព្រះវិហារ ។
ម្តាយក្មេងរងគ្រោះបានប្រាប់ថា កូនរបស់គាត់បានហូបនំកញ្ចប់ម៉ាក cookie crème ប្រភេទ សូកូឡាអស់៤កញ្ចប់ និងផឹកទឹកក្រូចដបជ័រ ម៉ាក sanumpueng អស់១ដប ហូបរួចវាបានរត់លេងប្រហែល៣០នាទីក្រោយមក ស្រាប់តែបែកពពុះមាត់ទន់ខ្លួន ក៏នាំយកទៅមណ្ឌលុខភាពកោះកេរ តែកូនគាត់បានស្លាប់តាមផ្លូវ មុនពេលទៅដល់មន្ទីរពេទ្យទៅទៀត។
ក្រោយពេលកើតមានករណីនេះ សមត្ថកិច្ចបានចុះទៅដល់កន្លែង និងបានត្រួតពិនិត្យ ធ្វើរបាយការណ៍ជូនថ្នាក់លើ និងប្រគល់សាកសពជូនអាណាព្យាបាលដើម្បីរៀបចំពិធីបុណ្យតាមប្រពៃណី៕
ខេត្តកំពង់ឆ្នាំង ៖ ក្មេងស្រី២នាក់ ត្រូវបានគេប្រទះឃើញស្លាប់ក្នុងផ្ទះឈើមួយកន្លែង នៅភូមិថ្មី ឃុំផ្សា ស្រុកបរិបូរណ៍ ខេត្តកំពង់ឆ្នំាង កាលពីវេលាម៉ោង១១និង៣០នាទីថ្ងៃត្រង់ ថ្ងៃទី១៧ ខែតុលា ឆ្នាំ២០១៨ នេះ។
នគរបាលមូលដ្ឋានបានអោយដឹងថា ក្មេងស្រីទាំង២នាក់ មានឪពុកឈ្មោះ ប្រាក់ ជា អាយុ៣៤ឆ្នាំ ទៅធ្វើការនៅប្រទេសថៃ កាលពី៣-៤ថ្ងៃ មុនពេលកើតហេតុ ចំណែកម្តាយឈ្មោះ ជន នីតា អាយុ៣៤ឆ្នាំ ទៅធ្វើការនៅភ្នំពេញ ទុកកូននៅតែ២នាក់ ដោយផ្ញើ មីង មា នៅជិតខាង អោយជួយមើលថែទាំ។ នៅពេលកើតហេតុ ដោយបាត់ក្មេងស្រីទាំង២ ឪពុកមារបស់ក្មេងស្រី ឈ្មោះ ភី វុទ្ឋី ក៍តាមដើររក ហើយស្រាប់តែប្រទះឃើញក្មេងរងគ្រោះទំាងពីរនាក់ស្លាប់ក្នុងហឹបឈើមួយនៅលើផ្ទះ។ សមត្ថកិច្ចសង្ស័យថា ជាករណី រំលោភហើយសម្លាប់បំបិទមាត់។
ពេលនេះសមត្ថកិច្ចកំពុងស្រាវជ្រាវយ៉ាងយកចិត្តទុកដាក់ដើម្បីស្វែងរកឃាតក រីឯសាកសពបានប្រគល់ឲ្យសាច់ញាតិរៀបចំធ្វើពិធីបុណ្យតាមគន្លងប្រពៃណីសាសនា៕
ភ្នំពេញ ៖ សម្តេចនាយករដ្ឋមន្ត្រីតេជោ ហ៊ុន សែន បានថ្លែងក្នុងជំនួបជាមួយក្រុមធុរកិច្ច អាស៊ាន- សហភាពអឺរ៉ុប នៅទីក្រុងប៊្រុចស៊ែល ប្រទេសប៊ែលហ្ស៊ិក ថា«សម្តេច មិនចង់ឃើញ ប្រទេសប្រជា ធិបតេយ្យនៅអឺរ៉ុប ដែលប្រព្រឹត្តនូវកំហុសជាលើកទី៣ ពោលគឺកំហុសលើក ទី១ ប្រទេសប្រជាធិប តេយ្យ នៅអឺរ៉ុប បានគាំទ្រនូវរដ្ឋប្រហារយោធាក្នុងប្រទេសកម្ពុជាកាលពីទស វត្ស ៧០។កំហុសទី២ គាំទ្រដល់របបខ្មែរក្រហមជាង ១ទសវត្ស ពិសេសគាំទ្រខ្មែរក្រហមនៅអង្គការ សហប្រជាជាតិ និង កំហុសទី៣ បើទោះបីជាស្ថិតក្នុងដំណាក់កាលពិភាក្សាលើសេចក្តីថ្លែងការណ៍ឬក្លាយទៅជាការពិតនោះ វានឹងក្លាយទៅជាកំហុសទី៣ របស់ប្រទេសប្រជាធិបតេយ្យនៅសហភាពអឺរ៉ុបសម្រាប់កម្ពុជា។
សម្តេចតេជោក៏បានស្វាគមន៍ចំពោះសេចក្តីថ្លែងការណ៍ក្រុមប្រឹក្សាធុរកិច្ចអាស៊ាន អឺរ៉ុប ស្តីពីសភាពការណ៍ពិតរបស់កម្ពុជា និងបានចាត់ទុកសេចក្តីថ្លែងការណ៍នោះថា មានលក្ខណៈត្រឹមត្រូវដែលក្រុមប្រឹក្សាអឺរ៉ុប ត្រូវតែស្តាប់នូវសម្លេងពីក្រុមធុរកិច្ច និងក្រុមសង្គមស៊ីវិល ជាដើម៕
ភ្នំពេញ ៖ ក្លឹបអ្នកកាសែតកម្ពុជា ( ក.អ.ក ) នៅព្រឹកថ្ងៃព្រហស្បតិ៍នេះ បានរៀបចំវេទិកាពិភាក្សាសារព័ត៌មាន ស្តីពីធុរកិច្ចរបស់សហភាពអឺរ៉ុប និងការទទួលខុសត្រូវផ្នែកសង្គម ធ្វើឡើងនៅភោជនីយដ្ឋានទន្លេបាសាក់២ រាជធានីភ្នំពេញ។
យោងតាមសេចក្តីប្រកាសព័ត៌មានរបស់ EU បានបង្ហាញថា ធុរកិច្ចរបស់សហភាពអឺរ៉ុប និងការទទួលខុសត្រូវផ្នែកសង្គម គឺជាប្រធានបទមួយក្នុងចំណោមប្រធានបទទាំងបួននៃកិច្ចពិភាក្សាជាសេរីជាមួយអ្នកសារព័ត៌មានដែលរៀបចំឡើងដោយប្រតិភូសហភាពអឺរ៉ុប ដើម្បីផ្តល់ឱកាសឲ្យអ្នកសារព័ត៌មានអាចធ្វើការពិភាក្សាដោយផ្ទាល់ជាមួយនឹងវិនិយោគិន និងម្ចាស់ធុរកិច្ចអឺរ៉ុបនៅកម្ពុជា ស្វែងយល់ថា តើវិនិយោគិន និងធុរជនទាំងនេះកំពុងធ្វើសកម្មភាពខ្លះក្នុងប្រទេសកម្ពុជា និងយល់ដឹងពីការរួមចំណែករបស់ពួកគេ ចំពោះការអភិវឌ្ឍន៍ប្រទេសកម្ពុជា ជាពិសេសការបង្កើតការងារ ការអភិវឌ្ឍជំនាញ នាវានុវត្តន៍ និងការអនុវត្តធុរកិច្ច ដែលទទួលខុសត្រូវចំពោះសង្គមមិនបង្កផលប៉ះពាល់បរិស្ថាន ។
លោក George Edgar ឯកអគ្គរដ្ឋទូតសហភាពអឺរ៉ុបប្រចាំកម្ពុជាមានប្រសាសន៍ថា លោករីករាយណាស់ដែលអាចផ្តល់ឱកាសដល់អ្នកសារព័ត៌មានកម្ពុជាជួបជាមួយនឹងវិនិយោគិន និងម្ចាស់ធុរកិច្ចអឺរ៉ុប ។ ធុរកិច្ចសហភាពអឺរ៉ុបគឺជាដៃគូរប្រកបដោយថាមពល និងគួរឲ្យទុកចិត្តសម្រាប់កម្ពុជា។
ឯកអគ្គរដ្ឋទូត EU រូបនេះ បន្ថែមទៀតថា តាមរយៈកិច្ចពិភាក្សា និងការប្រាស្រ័យទាក់ទងដោយផ្ទាល់ ជាមួយនឹងប្រធាន និងអនុប្រធាននៃគណៈកម្មការសុខាភិបាលនៃសភាពាណិជ្ជកម្មអឺរ៉ុប អ្នកសារព័ត៌មាននឹងយល់ច្បាស់ថា តើធុរកិច្ចនៃសហភាពអឺរ៉ុបនៅកម្ពុជាមានការទទួលខុសត្រូវផ្នែកសង្គមណា ។
សូមជម្រាបថា ប្រធានបទចំនួន៤ នៃកិច្ចពិភាក្សាជាសេរីជាមួយអ្នកសារព័ត៌មានដែល EU គ្រោងនឹងធ្វើរួមមាន ១/ ធុរកិច្ចរបស់សហភាពអឺរ៉ុប និងកិច្ចអភិវឌ្ឍន៍ ( ថ្ងៃទី៤ ខែតុលា ) ២/ ធុរកិច្ចរបស់សហភាពអឺរ៉ុប និងការទទួលខុសត្រូវសង្គម ៣/សេដ្ឋកិច្ចបៃតងរបស់សហភាពអឺរ៉ុប និងទី៤/ ធុរកិច្ចរបស់សហភាពអឺរ៉ុប និងសុវត្ថិភាពកម្មករ និយោជិករបស់សហភាពអឺរ៉ុប ៕
គណៈកម្មាធិការជាតិរៀបចំការបោះឆ្នោត (គ.ជ.ប) នៅថ្ងៃទី១៩ ខែតុលា ឆ្នាំ២០១៨ ខាង មុខនេះ នឹងបើកកិច្ចប្រជុំជាមួយភាគីពាក់ព័ន្ធ ស្ដីពីការបញ្ចប់ការពិនិត្យបញ្ជីឈ្មោះ និងការចុះឈ្មោះ បោះឆ្នោតនៅតាមឃុំ-សង្កាត់ និងការរៀបចំបញ្ជីបោះឆ្នោតដំបូង ការត្រៀមបិទផ្សាយបញ្ជីបោះ ឆ្នោតដំបូង និងបញ្ជីឈ្មោះដែលនឹងត្រូវលុបចេញពីបញ្ជីបោះឆ្នោត ព្រមទាំងការអញ្ជើញប្រជាពល រដ្ឋ ទៅពិនិត្យមើលបញ្ជីឈ្មោះផងដែរ។
កិច្ចប្រជុំខាងលើនេះ នឹងរៀបចំឡើងនៅសាលសន្និសីទសារព័ត៌មានជាន់ទី១ នៃទីស្ដីការ គ.ជ.ប អគារថ្មី ស្ថិតនៅតាមវិថីរដ្ឋសភា សង្កាត់ទន្លេបាសាក់ ខណ្ឌចំការមន៕
សូមជម្រាបថា ដំណើរការចុះឈ្មោះបោះឆ្នោតថ្មីសម្រាប់ឆ្នាំ២០១៨ រយៈពេល១៧ថ្ងៃ មានចំនួន១៨៨.៦៧៥នាក់ អ្នកដែលបានលុបឈ្មោះចេញពីបញ្ជីមានចំនួន ៤៥.២៥១នាក់ និងអ្នកដែលបានកែតម្រូវទិន្នន័យមានចំនួន ១.៤២៤នាក់៕
ខេត្តកំពង់ចាម៖ នៅថ្ងៃទី១៧ ខែតុលា “ឆ្នាំ២០១៨ លោក គួច ចំរើន អភិបាលខេត្តកំពង់ចាម បានអញ្ជើញដឹកនាំក្រុមមន្ត្រីជំនាញចុះទៅមូលដ្ឋានផ្ទាល់ ដើម្បីចូលរួមដោះស្រាយទំនាស់ដីធ្លីរ៉ាំរ៉ៃជាយូរមកហើយ ដែលមានប្រជាពលរដ្ឋប្រមាណ៥០គ្រួសារ បានស្នើដល់អាជ្ញាធរខេត្ត ជាពិសេស លោកអភិបាលខេត្តកំពង់ចាម ដើម្បីជួយរកដំណោះស្រាយបញ្ចប់វិវាទដីធ្លីនេះ និងជួយដោះស្រាយបើកផ្លូវឡើងវិញ ។
គួរជម្រាបថា ផ្លូវមួយខ្សែនេះ ស្ថិតនៅងភូមិតាសែន ឃុំសូទិព្វ ស្រុកជើងព្រៃ មានតាំងពីសម័យមុនមកម្ល៉េះ ហើយមិនមែសម្រាប់តែប្រជាពលរដ្ឋក្នុងភូមីខាងលើនេះប្រើប្រាស់នោះទេ គឺជាផលប្រយោជន៍រួម ដែលអ្នកដំណើរទូទៅក៏អាចធ្វើដំណើរឆ្លងកាត់បានដែរ ប៉ុន្តែបច្ចុប្បន្នត្រូវបានឈ្មោះ កែម សុផាន់ ហៅគ្រូ ឡុង ដែលជាចុងចោទបានទិញដីធ្លីជុំវិញផ្លូវនេះ ពីឈ្មោះ ស្រៀង សៀងលី ដែលជាដើមបណ្ដឹង តែម្ចាស់ដីគេមិនព្រមលក់ ក៏កើតទៅជាមានបញ្ហាទំនាស់រហូតមានការប្តឹងផ្តល់គ្នាមិនចេះចប់ និងបានបិទផ្លូវនេះមកដល់បច្ចុប្បន្នតែម្តង។
លោក គួច ចំរើន អភិបាលខេត្តកំពង់ចាម ខណៈអញ្ជើញចុះទៅពិនិត្យមើលស្ថានភាពផ្លូវ និងទីតាំងដែលមានទំនាស់ដោយផ្ទាល់ និងបានជួបសម្របសម្រួលជាមួយបងប្អូនប្រជាពលរដ្ឋ ជាលទ្ធផលលោកអភិបាលខេត្ត បានឯកភាពសម្រេចឲ្យបើកផ្លូវមួយខ្សែនេះ ជូនប្រជាពលរដ្ឋប្រើប្រាស់ទុកជាប្រយោជន៍រួមដូចដើមវិញ។
ក្រោយពីលោកអភិបាលខេត្ត បានឯកភាពសម្រេចដោយគិតគូរពីផលប្រយោជន៍ បងប្អូនប្រជាពលរដ្ឋជាធំបែបនេះ បងប្អូនប្រជាពលរដ្ឋបានសាទរ និងថ្លែងអំណរគុណដល់លោកអភិបាលខេត្ត ក៏ដូចជាមន្ត្រីអាជ្ញាធរមូលដ្ឋានផងដែរ ដែលបានចូលរួមដោះស្រាយបើកផ្លូវឱ្យដំណើរការជាធម្មតាឡើងវិញក្នងថ្ងៃនេះ ៕ ដោយ ៖ សុផល
ភ្នំពេញ ៖ យោងតាមការប្រកាសជាសាធារណៈរបស់នាយកដ្ឋានព័ត៌មានរដ្ឋសភាជាតិ នៅថ្ងៃទី១៧ តុលា បានអះអាងថា លោកស្រី Gabriela Cueva Barron ប្រធានសហភាពអន្តរសភា IPU បានអបអរសាទរ និងវាយតម្លៃខ្ពស់ ចំពោះលទ្ធផលនៃការបោះឆ្នោតឆ្នាំ២០១៨ នៅកម្ពុជា ដែលបាន បង្ហាញអំពីលទ្ធិប្រជាធិបតេយ្យ យ៉ាងពិតប្រាកដ។
ការសាទរនេះ ធ្វើឡើងក្នុងជំនួបជាមួយគណៈ ប្រតិភូសភាកម្ពុជា ដឹកនាំដោយលោកស្រី ឃួន សុដារី អនុប្រធានទី២ នៃរដ្ឋសភា ក្នុងមហា សន្និ បាតលើកទី១៣៩ កាលពីថ្ងៃទី១៦ ខែតុលា ឆ្នាំ២០១៨ នាទីក្រុងហ្ស៊ឺណែវ ប្រទេសស្វីស។
សូមជម្រាបថា សហភាពអន្តរសភា ដែលហៅកាត់ថា IPU ជាអង្គការសភាដ៏ធំមួយ ដែលមានសភាមកពីប្រទេសនានាជុំវិញពិភពលោក ចំនួន១៧៣ ជាសមាជិក។
មហាសន្និបាតលើកទី១៣៩ របស់IPU នាឱកាសនេះ ប្រារព្ធធ្វើឡើងក្រោមប្រធានបទ “ភាពជាអ្នកដឹកនាំរបស់សភាក្នុងការជំរុញសន្តិភាព និងជំរុញឱ្យមានការបង្កើតអ្វីថ្មីៗ (នវានុវត្តន៍) និងការផ្លាស់ប្តូរបច្ចេកវិទ្យាថ្មីៗក្នុង យុគ សម័យថ្មី”៕
ភ្នំពេញ ៖ មន្ត្រីជំនាញនៃអគ្គនាយកដ្ឋានកាំកុងត្រូល នៅថ្ងៃទី១៦ ខែតុលា ឆ្នាំ២០១៨ នេះ បានចុះត្រួតពិនិត្យស្ថានីយ និងដេប៉ូប្រេងឥន្ធនៈចំនួន ៤ទីតាំង នៅក្នុងខណ្ឌមានជ័យ រាជធានីភ្នំពេញ រក ឃើញស្ថានីយចំនួន ៣កន្លែងដែលលក់ប្រេងគ្មានគុណភាព និងមិនគ្រប់លីត្រ។
មន្ត្រីកាំកុងត្រូល បានបញ្ជាក់ថា ស្ថានីយចំនួន១ បានលក់ប្រេងមិនអនុលោមទាំងគុណភាព និងបរិមាណ និងស្ថានីយចំនួន ២ទីតាំងផ្សេងទៀត លក់ប្រេងមិនគ្រប់លីត្រ។
មន្ត្រីកាំកុងត្រូល បន្ថែមថា ម្ចាស់ស្ថានីយទាំង៣ ដែលប្រព្រឹត្តខុសនេះ ត្រូវបានណែនាំ និងឲ្យចុះកិច្ចសន្យាកែតម្រូវឡើងវិញ ករណីបើកពិនិត្យឃើញកំហុសជាលើកទី២ ស្ថានីយទាំងនេះ នឹងត្រូវផ្សព្វផ្សាយឈ្មោះជាសាធារណៈ ឬឲ្យផ្អាកអាជីវកម្មបណ្ដោះអាសន្ន ហើយបើនៅតែមិនរាងចាល នឹងត្រូវបញ្ជូនសំណុំរឿងទៅតុលាការតែម្តង៕
តាកែវ ៖ ពលរដ្ឋដែលមានជំងឺភ្នែក អាចទៅពិនិត្យ និងព្យាបាលដោយឥតគិតថ្លៃនៅ មន្ទីរពេទ្យភ្នែកខេត្តតាកែវ រយៈពេល៣ថ្ងៃ ចាប់ពីថ្ងៃទី១៧ ដល់ថ្ងៃទី១៩ ខែតុលា ឆ្នាំ២០១៨ នេះ ។
លោក តែ សរីបុណ្យ ប្រធានមន្ទីរពេទ្យភ្នែកខេត្តតាកែវ បានបញ្ជាក់ថា ក្នុងឱកាសអបអរសាទរទិវាសុខភាពភ្នែកពិភពលោកនាព្រឹកថ្ងៃទី ១៧ តុលា ២០១៨ នេះ នៅមន្ទីរពេទ្យភ្នែកខេត្តតាកែវ នឹងទទួលពិនិត្យ និងព្យាបាលជំងឺភ្នែកដោយមិនគិតថ្លៃរយៈពេលបីថ្ងៃ។ លោក តែ សរីបុណ្យ ក៏បាន អំពាវនាវឲ្យប្រជាពលរដ្ឋទូទៅសូមប្រញាប់រួសរាន់ ព្រោះការពិនិត្យ និងព្យាបាលជំងឺភ្នែកឥតគិតថ្លៃមានត្រឹមតែ៣ថ្ងៃប៉ុណ្ណោះ គឺចាប់ពីថ្ងៃទី១៧ដ ល់ថ្ងៃទី១៩ ខែតុលា ខាងមុខ។
លោក តែ សរីបុណ្យ បានបញ្ជាក់ថា ចាប់តាំងពីមន្ទីរពេទ្យភ្នែកខេត្តតាកែវ បើកដំណើរការមក បានទទួលពិនិត្យ និងព្យាលជំងឺភ្នែកជូនប្រជាពលរដ្ឋបានចំនួនជាង ៤៦ម៉ឺននាក់ ក្នុងនោះ បានវះកាត់ព្យាបាលជំងឺភ្នែកបានចំនួន ៦៦.៤៥៤នាក់ ៕
ភ្នំពេញ ៖ ក្រសួងការងារ បានចេញសេចក្តីជូនដំណឹង ស្តីពីការកំណត់ថ្ងៃឈប់សម្រាកប្រចាំ ឆ្នាំ ដោយ មានប្រាក់ឈ្នួលសម្រាប់ឆ្នាំ២០១៩ ខាងមុខ សរុបមានចំនួន២៨ថ្ងៃ។ក្នុងនោះមាន ពិធីបុណ្យប្រពៃ ណី ជាតិចំនួន៣លើក គឺថ្ងៃបុណ្យចូលឆ្នាំខ្មែរ ថ្ងៃបុណ្យភ្ជុំបិណ្ឌ និងថ្ងៃ បុណ្យអុំទូក ដែលត្រូវបានអនុញ្ញាតឱ្យមន្ត្រីរាជការបុគ្គលិក និងកម្មករ និយោជិត ឈប់ សម្រាកចំនួន៣ថ្ងៃ ក្នុងពិធីបុណ្យនីមួយៗ។
សេចក្តីប្រកាស បានបញ្ជាក់ថា បើសិនជាថ្ងៃបុណ្យប៉ះចំថ្ងៃអាទិត្យ កម្មករ និយោជិត អាចឈប់សំរាកនៅថ្ងៃចន្ទ បន្ទាប់។ ជាមួយគ្នានេះ បើករណីនិយោជក ដែលធ្វើអាជីវកម្ មមិនអាចបញ្ឈប់ក្នុងថ្ងៃបុណ្យ អាចស្នើឱ្យកម្មករ និយោជិតធ្វើការនៅថ្ងៃទាំងនេះបាន ប៉ុន្តែ ការងារនេះត្រូវតែធ្វើដោយ ស្ម័គ្រចិត្ត និងមានប្រាក់ឈ្នួលទៀងទាត់ បូកជាមួយនិងចំនួន ទឹកប្រាក់មួយរយភាគរយទៀតសំរាប់បុណ្យ ឬប្រាក់ឈ្នួលចំនួន១ថ្ងៃ បន្ថែមលើប្រាក់ ឈ្នួលក្នុងថ្ងៃធម្មតា៕
ភ្នំពេញ ៖ គ្រោះថ្នាក់ចរាចរណ៍នៅទូទាំងប្រទេស នៅថ្ងៃទី១៧ ខែតុលា ឆ្នាំ២០១៨ បានកើតឡើងចំនួន ១២លើក បណ្តាលឲ្យស្លាប់ ៨នាក់ របួសធ្ងន់ស្រាល ២៦នាក់ ខូចខាតយានយន្តសរុប ២៣គ្រឿង ក្នុងនោះមានម៉ូតូ ១៤គ្រឿង រថយន្តតូច ៧គ្រឿង និងរថយន្តធំ ២គ្រឿង។
របាយការពីនាយកដ្ឋានចរាចរណ៍ នៃអគ្គស្នងការដ្ឋាននគរបាលជាតិ បញ្ជាក់ថា គ្រោះថ្នាក់ចរាចរណ៍ទាំង ១២លើកនេះ បណ្តាលមកពីល្មើសល្បឿន ៤លើក បណញតាលឲ្យស្លាប់៤នាក់, ជិះមិនគោរពសិទ្ធិ ៣លើក បណ្តាលឲ្យស្លាប់ម្នាក់, បើកបរប្រជែង និងមិនប្រកាន់ស្តាំ ១លើក។
សូមជម្រាបថា គ្រោះថ្នាក់ចរាចរណ៍ផ្លូវគោកទូទាំងប្រទេស រយៈពេល១៧ថ្ងៃ គិតពីថ្ងៃទី១ ដល់ថ្ងៃទី១៧ ខែតុលា ឆ្នាំ២០១៨ បានកើតឡើងចំនួន ១៦១លើក បណ្តាលឲ្យមនុស្សស្លាប់ចំនួន ១០៥នាក់ ក្នុងនោះរបួសធ្ងន់ ២១៨នាក់ និងរបួសស្រាល ៩៧នាក់ ៕
ខេត្តកំពត ៖ លោកបណ្ឌិតទេសរដ្ឋមន្ត្រី ញឹម វណ្ណដា អនុប្រធានទី១ គណៈកម្មាធិការជាតិ
លោក ជាវ តាយ អភិបាលខេត្តកំពត បានស្វាគមន៍ចំពោះវត្តមាននៃតំបន់ទេស ចរណ៍ថ្មី តាដាថ្មសច្ចំ ដែលត្រូវបានរៀបចំអភិវឌ្ឍន៍ឡើងដោយលោក ញឹម វណ្ណដា និងលោកជំទាវ។ ឯកឧត្តថា តំបន់មួយនេះនឹងក្លាយជាសមាជិកថ្មីមួយបន្ថែម ទៀតរបស់តំបន់ទេសចរណ៍ បែបធម្មជាតិសម្រាប់ខេត្តកំពត ដែលខេត្តមួយនេះមានសក្តានុពលខ្ពស់នៅក្នុងវិស័យទេស ចរណ៍ និងបានរួមចំណែកយ៉ាងសំខាន់ក្នុងការប្រែក្លាយជីវភាព បងប្អូនប្រជាពលរដ្ ឋជាច្រើនគ្រួសារ តាមរយៈការលក់ដូរជូនអ្នកមកកម្សាន្តនៅតាមគោលដៅ ទេសចរណ៍ នីមួយៗ។
លោក ញឹម វណ្ណដា មានប្រសាសន៍ថា រមណីយដ្ឋានទឹកធ្លាក់ តាដាថ្មសច្ចំនេះ ត្រូវបានប្រែ ក្លាយឲ្យទៅជាតំបន់ទេសចរណ៍ថ្មីមួយ ដោយឯកឧត្តមបាន កសាងផ្លូវក្រាលគ្រួស ក្រហម១ខ្សែ កសាងផ្លូវឡើងទៅទឹកធ្លាក់ធម្មជាតិតាដាថ្មសច្ចំ ដាក់ភ្លើងបំភ្លឺនៅតាមផ្លូវ កសាងស្ពានឆ្លងកាត់អូរចំនួន៤កន្លែង ព្រមទាំងកសាងរូបបារមីលោកយាយ
លោក ញឹម វណ្ណដា បានគូសបញ្ជាក់ថា តំបន់ទេសចរណ៍ធម្ម ជាតិមួយនេះក៏បានរួម ចំណែកយ៉ាងសំខាន់ ក្នុងការផ្លាស់ប្តូរជីវភាពរបស់បងប្អូនប្រជាពលរដ្ឋ ដែលជាអ្នក លក់ដូរនៅទីនេះ។
ជាមួយគ្នានេះឯកឧត្តមសុំឲ្យអាជីវករទាំងអស់សូមកុំលក់កោរ ភ្ញៀវនូវរាល់មុខម្ហូបអាហារ គឺត្រូវលក់ទៅតាមតម្លៃដែលបានឯកភាពគ្នារួចហើយរវាងអាជីវករ និងអ្នកគ្រប់គ្រង តំបន់ទឹកធ្លាក់ធម្មជាតិតាដាថ្មសច្ចំនេះ៕
Posts navigation
មេគង្គប៉ុស្តិ៍លើបណ្តាញសង្គម
ព័ត៌មានគួរចាប់អារម្មណ៍
