ភ្នំពេញ ៖ ឆ្នាំ២០១៨នេះ គឺជាឆ្នាំទី៧ នៃការរៀបចំបុណ្យសមុទ្រ ដែលខេត្តកោះកុងជាអ្នកទទួលភារៈក្នុងការរៀបចំពិធីបុណ្យនេះក្នុងជុំទី២ ដែលនឹងប្រព្រឹត្តទៅពីថ្ងៃទី ១៤-១៦ ខែធ្នូ ឆ្នាំ២០១៨ ខាងមុខនេះ។
ពាក់ព័ន្ធទៅនឹងពិធីបុណ្យសមុទ្រនេះក្រសួងទេសចរណ៍បានណែនាំឲ្យអាជ្ញាធរខេត្តកោះកុង រៀបចំអភិវឌ្ឍផលិតផលទេសចរណ៍ និងរៀបចំកញ្ចប់ទស្សនកិច្ចនៅខេត្ត ដោយភ្ជាប់គោលដៅទេសចរណ៍ ជាមួយសហគមន៍អេកូទេសចរណ៍។ ពិសេសត្រូវរៀបចំឲ្យមានឆ្នេរខ្សាច់មួយ ដើម្បីជាផលិតផលទេសចរណ៍ថ្មីសម្រាប់ខេត្ត។
ពង្រឹងគុណភាពឧស្សាហកម្ម និងសេវាកម្មទេសចរណ៍ ពិសេសសេវាស្នាក់នៅ ម្ហូបអាហារ ដឹកជញ្ជូន និងរមណីយដ្ឋានទេសចរណ៍។ សំខាន់ត្រូវជម្រុញចលនាប្រឡងប្រណាំង ទីក្រុងស្អាត រមណីយដ្ឋានស្អាត សេវាល្អ និងបដិសណ្ឋារកិច្ចល្អ។ ការរៀបចំកែលំអ និងលើកកម្ពស់សោភណ្ឌភាព សណ្តាប់ធ្នាប់ របៀបរៀបរយ ចរាចរណ៍ អនាម័យ បរិស្ថានស្អាត និងការតុបតែងលំអនៅទីក្រុង និងតាមទីប្រជុំជននានា ពិសេសការបំផុសចលនាឲ្យប្រជាពលរដ្ឋចូលរួម និងរៀបចំទទួលទេសចរ។ការត្រៀមសម្រួលដល់ការធ្វើដំណើរ និងការស្នាក់នៅរបស់ប្រជាពលរដ្ឋកម្ពុជា និងថៃ នៅខាងទឹកដីថៃ និងទឹកដីកម្ពុជា តាមរយៈការបង្កើនទំនាក់ទំនង និងកិច្ចសហការដ៏ល្អរវាងកម្ពុជា-ថៃ។
ការត្រៀមរៀបចំកម្មវិធី និងព្រឹត្តិការណ៍នានាក្នុងរយៈពេល ៣ថ្ងៃ នៃពិធីបុណ្យសមុទ្រ មានដូចជា ការសម្តែងសិល្បៈវប្បធម៌ ការហែរក្បួនព្យុហយាត្រា ការប្រកួតកីឡាលើទឹក លើគោក លើអាកាស ការតាំងពិព័រណ៍ផលិតផល និងម្ហូបអាហារ ការដាំដើមឈើ ។ល។ព្រមទាំងរៀបចំបង្កើតក្រុមការងារអន្តរក្រសួងមួយដើម្បីសម្របសម្រួល និងដំណើរការរៀបចំពិធីបុណ្យសមុទ្រ និងសហការជាមួយក្រុមការងារថ្នាក់ខេត្តជាដើម៕
សៀមរាប ៖ កម្លាំងនគរបាលស្រុកពួក ខេត្តសៀមរាប បានចាប់ខ្លួនជនជាតិចិនចំនួន៣នាក់ពាកព័នករណីប្លន់ជនរងគ្រោះជាអ្នកលក់មាសនៅផ្សារលើធំថ្មី ក្រុងសៀមរាប។
លោកវរសេនីយ៍ឯក ទេព ពុំសែន អធិការនគរបាលស្រុកពួក ខេត្តសៀមរាប បានឲ្យដឹងថា កាលពីវេលាម៉ោង19និង20នាទី ថ្ងៃទី14 ខែសីហា នៅចំណុចមុខផ្ទះជនរងគ្រោះក្នុងភូមិអូរតាប្រាក់ ឃុំពួក ស្រុកពួក ខេត្តសៀមរាប ខណៈដែលពួកគាត់ចេញពីប្រកបរបរលក់មាសប្តូរប្រាក់ ក្នុងក្រុងសៀមរាប ត្រឡប់មកផ្ទះវិញ(ភូមិឃុំកើតហេតុ) ស្រាប់តែឃើញមានក្រុមជនសង្ស័យមិនស្គាល់មុខ៣នាក់ មានពាក់ម៉ាស់បិទមុខជិត ភេទប្រុស អាយុប្រហែល៣០ឆ្នាំជាង មាឌធំខ្ពស់ ស្លៀកពាក់ស៊ីវិល មិនច្បាស់ភិនភាគ បានដើរចេញពីដុបព្រៃផ្នែកខាងកើតអែបផ្លូវនោះ សំដៅមកឡានគាត់ ភ្លាមនោះមានម្នាក់ស្ទុះមកវាយលើគាត់ដោយវត្ថុរឹងចំក្បាលបណ្តាលអោយគាត់រងរបួស តែគេមិនបាននិយាយអ្វីទេ ហើយគាត់លើកដៃប្រវ៉ាយទៅមនុស្សនោះវិញ និងបានស្រែករកអ្នកជិតខាងជួយ ចំណែកគ្នាគេម្នាក់នាក់ទៀតបានវាយបំបែកកញ្ចក់ឡានបែកផ្នែកខាងស្តាំ បំណងរកទ្រព្យសម្បត្តិមានតំលៃ។ លោកប្តថា ដោយជនរងគ្រោះស្រែកខ្លាំង ផ្អើលអ្នកជិតខាង ក្រុមជនសង្ស័យទាំងនោះបានរត់គេចខ្លួនទៅទឹសខាងកើតឆ្លងស្ទឹងបាត់ ។
លោកអធិការបន្តថា ក្រោយទទួលបានសេចក្តីរាយការណ៍ កម្លាំងសមត្ថកិច្ចបានចុះដល់កន្លែងកើតហេតុ ត្រួតពិនិត្យឃើញឡានរបស់ជនរងគ្រោះមានបែកកញ្ចក់ខាងស្តាំ និងឃើញមានវត្ថុតាង; គ្រាប់កាំភ្លើង១គ្រាប់ , បង់កាំភ្លើង១ មាន៨គ្រាប់ នៅដីជិតរបងផ្ទះជនរងគ្រោះ និងដំបងទីបដែក១មូល ប្រវែង៧៩ស.ម នៅចំរ៉ាក់មាត់ស្ទឹងខាងកើតកន្លែងកើតហេតុ ។
បន្ទាប់កម្លាំងសមត្ថកិច្ចទាំងនគរបាល និងអាវុធហត្ថធ្វើការរុករកតាមក្រុមជនសង្ស័យក្នុងមូលដ្ឋាននោះ បានឃើញមានគ្រាប់កាំភ្លើង១គ្រាប់ទៀត នៅផ្លូវបេតុងក្នុងភូមិប្រយុទ្ធ ឃុំ,ស្រុកពួក ដែលនៅទឹសខាងកើតកន្លែងកើតហេតុប្រហែល១៥០ម៉ែត្រ បន្ទាប់យើងឃើញមានឡាន១គ្រឿង ម៉ាកស្តារិច សេរីឆ្នាំ២០០៤ ពណ៌ទឹកប្រាក់ គ្មានស្លាកលេខ ក្នុងឡាននោមានដាក់ម៉ូតូ១គ្រឿងទៀត ហុងដាឌ្រីម ពណ៌ខ្មៅ គ្មានស្លាកលេខ សេរីឆ្នាំ២០១៦ ទុកចោលនៅមុខខ្លោងទ្វារសាលាបឋមសឹក្សាទៀបាញ់គំរូ ភូូមិប្រយុទ្ធ ឃុំស្រុកពួក ចាក់សោរជាប់ហើយស្ទូចយកមករក្សាទុកនៅអធិការដ្ឋាននបពួក ។យើងបន្តតាមរកជនសង្ស័យបន្តទៀត។លុះដល់ម៉ោង០៤ទៀបភ្លឺថ្ងៃទី១៥ខែសីហាឆ្នាំ២០១៨ទើបកំលាំងសមត្ថកិច្ចឃាត់បានជនសង្ស័យចំនួន៣នាក់ ជាជនជាតិចិន។
លោក ទេព ពុំសែន បន្តថា បន្ទាប់ពីចាប់ឃាត់ខ្លួន កម្លាំងនគរបាលស្រុកពួកបានសហការជាមួយកម្លាំងផែនអន្តោប្រវេសន៍ ការិល័យកណ្តាលព្រហ្មទណ្ឌនៃស្នងការដ្ឋាននគរបាលខេត្តសៀមរាប ដើម្បីបន្តនីតិវិធី ៕
បាត់ដំបង ៖ នៅវេលាម៉ោង១២,០០ថ្ងៃត្រង់ ថ្ងៃទី១៥ ខែសីហា នេះ លោក ឡុង ផលគុណ ប្រធានមន្ទីរធនធានទឹក និងឧតុនិ យម ខេត្តបាត់ដំបង បានប្រាប់ដល់បណ្តាញ ភ្នាក់ងារយកព័ត៌ទូរទស្សន៍អប្សរាប៉ុស្តិ៍១១ និងបណ្តាទូរទស្សន៍ក្នុងខេត្តបាត់ដំបងមួយចំនួនឲ្យដឹងថា៖ នៅវេលាល្ងាចថ្ងៃទី១៥ ខែសីហា ថ្ងៃនេះ ជំនន់ទឹកស្ទឹងសង្កែនិងជន់ហក់ឡើងសារជាថ្មីឡើងវិញម្តងទៀត ហើយកម្ពស់ទឹកជំនន់ក្នុងស្ទឹងសង្កែអាចមានកម្រឹតខ្ពស់ជាងនិងបង្កហានិភ័យផលប៉ះពាល់ដល់បងប្អូនប្រជាពលរដ្ឋដែលរស់នៅតាមរ៉បដងស្ទឹងសង្កែជាពិសេសតំបន់វាលទំនាបមួយចំនួន អាចបង្កជន់លិចពីជំនន់ទឹក ស្ទឹងសង្កែ នៅថ្ងៃនេះ។
លោកប្រធានមន្ទីរធនធានទឹក និងឧតុនិយមខេត្តបាត់ដំបង បានគូសបញ្ជាក់ឲ្យដឹងបន្ថែមទៀតថា៖ ការហក់ជន់
ឡើងនៃជំនន់ទឹកស្ទឹងសង្កែដែលមន្ទីរប្រកាសជូនដំណឹងបែបនេះ គឺ៖ដោយសារតែផ្នែកខាងលើនៃក្បាលស្ទឹងសង្កែស្ថិតក្នុងភូមិសាស្ត្រនៃស្រុកសំឡូត របស់ខេត្តបាត់ដំបងប៉ុន្មានថ្ងៃនេះមានភ្លៀងធ្លាក់ជោគជាំយ៉ាងច្រើនដោយកម្រិ តទឹកភ្លៀងនៅប៉ែកខាងលើនោះមានកម្រិតកម្ពស់ប្រមាណ
១០០មីល្លីម៉ែត្រ។ខុសប្លែកពីសព្វដងទ្វេគុណជា០២ដង។
ដែលតម្រូវឲ្យមន្ទីរប្រកាសជូនដំណឹងដល់ប្រជាពលរដ្ឋដែ លរស់នៅតាមរ៉បដងស្ទឹងសង្កែសូមឲ្យមានការប្រុងប្រយ័ត្នខ្ពស់ ពីហានិភ័យនិងផលប៉ះពាល់ អាចកើតឡើង ពីជំនន់ជន់ឡើង នៃទឹកស្ទឹងសង្កែក្នុងខេត្តបាត់ដំបង នៅវេលាល្ងាចថ្ងៃនេះ។
គិតត្រឹមវេលាម៉ោង១២,០០ថ្ងៃត្រង់ ថ្ងៃទី១៥នេះ ទឹកស្ទឹងសង្កែ បានហក់ជន់ឡើងបង្កឲ្យទឹកស្ទឹងសង្កែ មានកម្ពស់ជាង១២ម៉ែត្រ៕ ដោយ ៖ អ.អ.
ភ្នំពេញ ៖ ការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) ឆ្នាំ២០១៨នេះនឹងប្រព្រឹត្តទៅ នៅថ្ងៃទី២០-២១ ខែសីហានេះ ដែលមានសិស្សចំនួនជាង ១១ម៉ឺន ៧ពាន់នាក់ ដោយការ ប្រឡងនេះសរុបទាំងថ្នាក់វិទ្យាសាស្ត្រ និង ថ្នាក់វិទ្យាសាស្ត្រសង្គម មានមណ្ឌលប្រឡងចំនួន ១៩៦ មណ្ឌល ដែលមាន ៤៧១៦ បន្ទប់ នៅរាជធានី-ខេត្តទាំង២៥ ។
សម្រាប់ការប្រឡង នេះ អង្គភាពប្រឆាំងអំពើពុករលួយបានឲ្យដឹងថា ខ្លួនជ្រើសរើសបានអ្នកស្ម័គ្រចិត្តជាង ៥ពាន់នាក់ ដើម្បីសង្កេតការណ៍ ដោយក្នុងពិធីជួបជុំជាមួយអ្នកសង្កេតការណ៍ស្ម័គ្រចិត្តនេះ នាវិទ្យាស្ថានបច្ចេកវិទ្យាកម្ពុជា នៅរសៀលថ្ងៃទី១៣ សីហា ទេសរដ្ឋមន្ត្រី ប្រធានអង្គភាព ប្រឆាំងអំពើពុករលួយ ឯកឧត្តម ឱម យិនទៀង មានប្រសាសន៍ថា ជោគជ័យនៃការប្រឡង បាក់ឌុបប៉ុន្មានឆ្នាំមកនេះ គឺជាជោគជ័យនៃការស្នេហាជាតិរបស់យុវជនយើង ដែលពួកគេ បានធ្វើជាអ្នកសង្កេតការណ៍ស្ម័គ្រចិត្ត ដើម្បីឲ្យការប្រឡងមួយមានតម្លាភាព និងយុត្តិធម៌ ជាការប្រឡងដោយគ្មានការលួចចម្លង និងគ្មានការសូកប៉ាន់។
ជាមួយគ្នានេះ ក្រសួងអប់រំ យុវជន និងកីឡា បានអំពាវនាវដល់បេក្ខជនទាំងអស់ ត្រូវគោរពបទប្បញ្ញត្តិនៃការប្រឡង ឱ្យបានល្អប្រសើរ ជាពិសេសមិនត្រូវលាក់ទុកជាប់នឹងខ្លួននូវឧបករណ៍អេឡិចត្រូនិកគ្រប់ប្រភេទចូលក្នុងមណ្ឌលប្រឡង ឬបន្ទប់ប្រឡងជាដាច់ខាត។
ក្នុងករណីរកឃើញ ត្រូវចាត់ទុកថា បានប្រព្រឹត្តសកម្មភាពផ្ទុយនឹងបទប្បញ្ញត្តិ និងកម្រិតវិន័យចំពោះបេក្ខជន និងត្រូវបានកំណត់ឱ្យធ្លាក់ជាស្វ័យប្រវត្តិ ហើយថានេះជាឆ្នាំទី៥ហើយ ដែលក្រសួងអប់រំ យុវជន និងកីឡា បានសហការជាមួយអង្គភាពប្រឆាំងអំពើពុករលួយ និងសហភាពសហព័ន្ធយុវជនកម្ពុជាសម្រាប់ការប្រឡងសញ្ញាបត្រមធ្យមសិក្សាទុតិយភូមិនេះ ក្នុងគោលបំណងធ្វើឲ្យការប្រឡងមួយមានតម្លាភាព យុត្តិធម៌ និងអាចទទួលយកបានទាំង អស់គ្នា សមដូចទិសស្លោករបស់ក្រសួងអប់រំ យុវជន និងកីឡាថា អ្នកចេះ គឺជាប់ និងស្រប តាមកំណែទម្រង់ក្នុងវិស័យអប់រំ ដោយការអប់រំត្រូវតែមានគុណភាព៕
ភ្នំពេញ ៖ ផ្អែកលើចំនួនភ្ញៀវទេសចរណ៍ជាតិ និងអន្តរជាតិ ធ្វើដំណើរ ចេញ-ចូល តាមច្រកទ្វារ អន្តរជាតិភ្នំពេញ មានកំណើនយ៉ាងគំហុក នៅក្នុងរយៈពេលប៉ុន្មានឆ្នាំចុងក្រោយនេះ អាកាសយានដ្ឋាន អន្តរជាតិភ្នំពេញ បានធ្វើការអភិវឌ្ឍន៍ជាបន្តបន្ទាប់ ក្នុងនោះបានពង្រីកសេវាកម្មបំរើភ្ញៀវ ទាំងផ្នែកខាងក្នុង និងខាងក្រៅព្រលាន បានធំទូលាយ មានសោភណ្ឌភាព សុវត្ថិភាព និងបង្ករភាពងាយស្រួល ក្នុងការធ្វើដំណើរ ការរង់ចាំ ប្រកបដោយប្រព័ន្ធបច្ចេកវិទ្យាស្វ័យប្រវត្តិ។
លោកស្រី ក្លូអេ ឡាពែរ័ ប្រធានគ្រប់គ្រងទូទៅ នៃអាកាសយានដ្ឋានអន្តរជាតិភ្នំពេញ បានឱ្យដឹងនៅក្នុងសន្និសីទសារព័ត៌មានមួយ កាលពីព្រឹកថ្ងៃទី១៦ ខែ សីហានេះ នៅព្រលានយន្តហោះអន្តរជាតិភ្នំពេញ ដែលបង្ហាញពីការអភិវឌ្ឍន៍ និងការពង្រីកវិសាលភាព របស់អាកាសយានដ្ឋានអន្តរជាតិភ្នំពេញ ដើម្បីបំរើសេវាកម្ម ក៏ដូចជាឆ្លើយតបទៅនឹងការកើនឡើង នៃចំនួនភ្ញៀវទេសចរ ចេញ- ចូល ប្រទេសកម្ពុជា តាមច្រកទ្វារអន្តរជាតិមួយនេះ។
លោកស្រី ប្រធានគ្រប់គ្រងទូទៅ បានឱ្យដឹងថា “អាកាសយានដ្ឋានអន្តរជាតិភ្នំពេញ បានអភិវឌ្ឍន៍ជាច្រើន ដែលក្នុងនោះ បានពង្រីកស្ថាននីយ៍ជាដំណាក់កាល ទាំងផ្នែកខាងក្នុង និង ខាងក្រៅ ។ ផ្នែកសាធារណៈមានកន្លែងទទួលភ្ញៀវ មានដំបូល មានកន្លែងអង្គុយរង់ចាំ រួមទាំងមានចំណតរថយន្តថ្មី ធំទូលាយ និងបំពាក់ដោយប្រព័ន្ធបច្ចេកវិទ្យាស្វ័យប្រវត្តិ លឿន រហ័សទាន់ចិត្ត ពោលគឺបង្កើនច្រកចូល និងច្រកចេញ ច្រើនជាងមុន មានផ្លូវបើកបរ តាមបទដ្ឋានបច្ចេកទេស មិនធ្វើឱ្យមានការកកស្ទះ ឬ យឺតយូរ ដូចពីមុនទៀតឡើយ។ ក្រៅពីនេះ ក៏មានហាងកាហ្វេ មានកន្លែងលក់កាតទូរស័ព្ទ មានសេវារថយន្តក្រុង រថភ្លើង និងតាក់ស៊ីគ្រប់ប្រភេទទៀតផង”។
លោកស្រី ក្លូអេ ឡាពែរ័ បន្តទៀតថា រាល់ការប្រើប្រាស់សេវាកម្មថ្មី ទាំងនេះ អតិថិជន ត្រូវបង់ប្រាក់ជាមុន។ ចំពោះរថយន្ត គ្រប់ប្រភេទ ក្រោយពេលបង់ប្រាក់ អាចសំណតបានត្រឹមតែ១៥ទៅ២០នាទីប៉ុណ្ណោះ លើពីនេះ គឺត្រូវគិតប្រាក់បន្ថែមទៅតាម ម៉ោងពេល ដែលអ្នកត្រូវចេញដំណើរ ពីចំណត ក្នុងព្រលាន។
សម្រាប់សេវាគិតប្រាក់មាន២ប្រភេទ អតិថិជនអាចជ្រើសរើសយកការប្រើប្រាស់ ប្រព័ន្ធកាតពណ៌ស្វាយ ឬ ប្រើប្រាស់សេវាកម្មធម្មតា គឺពេលចូលត្រូវចុចយកបង្កាន់ដៃផ្ញើ និងមុនពេលចាកចេញ ត្រូវយកបង្កាន់ដៃនោះទៅបង់ប្រាក់ជាមុន។ យ៉ាងណាលោកស្រីថា ការប្រើប្រាស់កាតពណ៌ស្វាយចំណេញ និងមានអាទិភាពច្រើនជាង ពោលគឺរាល់ការចេញចូលមិនបាច់មានសំបុត្រទេ គ្រាន់តែអ្នកបើកបរ ត្រូវបើកបរទៅតាមផ្លូវ ដែលបានកំណត់ ចំណែកឯការគិតប្រាក់ គឺគិតតាមប្រព័ន្ធស្វ័យប្រវត្តិ តាមពេលម៉ោង និងតាមស្លាកលេខរថយន្តរបស់អ្នក។ រីឯតម្លវិញ មានការប្រែប្រួលបន្តិចបន្តួច សម្រាប់រថយន្ត ចំពោះម៉ូតូមួយគ្រឿង ២០០០រៀលក្នុង១ថ្ងៃ។
សូមបញ្ជាក់ថា បច្ចុប្បន្ននេះ នៅព្រលានយន្តហោះអន្តរជាតិ ភ្នំពេញ បានពង្រីកចំណត រថយន្តរហូតដល់ទៅ៤៥០កន្លែង ក្នុង១ថ្ងៃមានរថយន្តចេញ-ចូល ប្រមាណជា៣០០០គ្រឿង ហើយមានចំណតម៉ូតូ២កន្លែង ចំណតភ្ញៀវ និងចំណតបុគ្គលិក ក្រៅពីនេះ មានចំណតតាក់ស៊ី ចំណតរថយន្តក្រុង ចំណតរថភ្លើង និងចំណតម៉ូតូកង់បី នៅដាច់ដោយឡែកពីគ្នា ៕
ឥណ្ឌា ៖ ទឹកជំនន់បង្ករឡើងដោយទឹកភ្លៀង នៅរដ្ឋ កឺរ៉ាឡា ប្រទេសឥណ្ឌា ភាគខាងត្បូង បានសម្លាប់មនុស្ស៣៩នាក់ និងបង្ករឲ្យមានការខាតបង់ទ្រព្យសម្បត្តិធ្ងន់ធ្ងរ ជាសរុប ចំនួន ជិត1.2 ពាន់លានដុល្លារសហរដ្ឋអាមេរិក។ នៅតំបន់អាលូវ៉ា Aluva ដែលជាតំបន់ ដែលរងផលប៉ះពាល់ធ្ងន់ធ្ងរ បំផុតនៅក្នុងរដ្ឋនោះ វិហារស័ក្តិសិទ្ធក្នុងតំបន់ លិចក្នុងជម្រៅ ទឹក ជំនន់ត្រឹមដំបូល ។
ប្រជាជនក្នុងតំបន់បាននិយាយថាវិហារនេះ បានលិចទឹក ឡើង ដល់កំពូលវិហាកាលពីពីរបីថ្ងៃមុន។ ទោះបីទឹកជំនន់បានស្រកចុះ ជាច្រើនក៏ដោយ ក៏ជីវភាពប្រចាំថ្ងៃរបស់ប្រជាជននៅក្នុងតំបន់ដែលរងផលប៉ះពាល់មិនទាន់វិលត្រឡប់មកធម្មតាវិញនៅឡើយ។ ដំបូងនៅពេលប៉ូលីសព្រមាន យើងថា ភ្លៀងធ្លាក់ថ្មីៗនេះនឹងធ្វើឱ្យ មានទឹកជំនន់។
យើងមិនមានការព្រួយបារម្ភច្រើននោះទេព្រោះទឹកទន្លេមិនឡើងច្រើន ក្នុងរដូវខ្យល់មូសុងរៀងរាល់ឆ្នាំ។ នៅពេលទឹកជំនន់បានហូរចូលមក វាយឺតពេលពេកក្នុងការប្រមូលឥវ៉ាន់ក្នុងតូបលក់ដូររបស់ពួកគេ។ កម្ពស់ទឹកភ្លាមៗបាន ឡើងលើសពី 2 ម៉ែត្រ ហើយប្រជាជនបានប្រញាប់ប្រញាល រត់គេចខ្លួនដែលមិនមាន ពេល វេលាដើម្បីប្រមូលទ្រព្យសម្បត្តិឡើយ។ ប្រជាជនផ្សេងទៀតនិយាយថាយើងមិន បានគិត ថាទឹកទន្លេ លិចលង់លឿនបែបនេះនោះទេ។ យើងក្រោកពីព្រលឹមហើយ បាន ឃើញទឹកនៅគ្រប់ទីកន្លែងនៅក្នុងផ្ទះ។ វាពិបាកណាស់ក្នុងការរស់នៅទីនេះ ក្នុងស្ថាន ភាពបែបនេះ។
ក្មេងៗបានកើតជំងឺស្បែកដោយសារតែដើរក្នុងទឹក ហើយឥវ៉ាន់របស់ របរក្នុងផ្ទះបានហូរទៅតាមទឹក ដូច្នេះយើងត្រូវដេកនៅផ្ទះសាច់ញាតិ ឬអ្នកជិតខាង នៅលើដីខ្ពស់មានសុវត្ថិភាព។ មកដល់ពេលនេះ ទឹកជំនន់នៅក្នុងរដ្ឋ បានធ្វើឲ្យអាជ្ញាធរ ជន្លៀសប្រជាជនជាង ៥ម៉ឺន៤ពាន់នាក់៕
តៃវ៉ាន់ ៖ នាយករដ្ឋមន្ត្រីកោះតៃវ៉ាន់ លោក វីលាម ឡៃ បានធ្វើការសុំអភ័យទោស ដល់សាធា រណៈជន បន្ទាប់ពីមនុស្ស៩នាក់បានស្លាប់ និង៣០នាក់រងរបួស នៅមន្ទីរពេទ្យរដ្ឋមួយ កន្លែង។ អគ្គីភ័យបានឆាបឆេះមន្ទីរពេទ្យ ក្នុងក្រុងញូតៃប៉ិ ស៊ីតធី កាលពីព្រឹកថ្ងៃច័ន្ទ ចេញ ពី ជាន់ទី៧នៃអគារមន្ទីរពេទ្យ ដែលជាន់នេះត្រូវបានប្រើប្រាស់សំរាប់ការថែទាំអ្នកជម្ងឺ។
ក្រសួងសុខាភិបាកោះតៃវ៉ាន់ និយាយទៅកាន់ប្រព័ន្ធផ្សព្វផ្សាយថា ការស៊ើបអង្កេតរកមូល ហេតុអគ្គីភ័យ កំពុងត្រូវបានធ្វើឡើង។ អាជ្ញាធរ បាននិយាយថា អគ្គិភ័យនេះត្រូវបាន ពន្លត់ភ្លាមៗ។
ប្រធានការិយាល័យអគ្គិភ័យទីក្រុងតៃប៉ិ លោក ហង់ តេជីង បាននិយាយ ថា មនុស្ស៤៣នាក់ រួមមានមនុស្សចាស់ និងបុគ្គលិកមន្ទីរពេទ្យ ត្រូវបានជំលៀសខ្លួនចេញ បន្ទាប់ពី អគ្គិភ័យបានចាប់ផ្តើម ហើយមនុស្ស២៣នាក់ ត្រូវបានបញ្ជូនទៅកាន់មន្ទីរពេទ្យ ក្បែរនោះ ។
វីដេអូពីសារព័ត៌មានក្នុងតំបន់ បានបង្ហាញពីសកម្មភាពក្រុមពន្លត់អគ្កិភ័យ កំពុងទប់ទល់ នឹងអណ្តាតភ្លើង ខណះដែលបុគ្គលិកបានប្រញាប់បញ្ជូនអ្នកជំងឺ កំពុង ដេកលើគ្រែ ទៅលើផ្លូវ ឬរថយន្តសង្គ្រោះបន្ទាន់ ទៅកាន់មន្ទីរពេទ្យផ្សេងទៀត៕
ឥណ្ឌូនេស៊ី ៖ ប្រធានាធិបតីប្រទេសឥណ្ឌូនេស៊ី លោក ចូកូវីដូដូ បានចុះពិនិត្យតំបន់រងគ្រោះខ្លាំង បំផុត ដែល វាយប្រហាដោយរញ្ជួយដីកំរិត 6.9 រិចស្ទឺរ កាលពីសប្តាហ៏មុន ។ មនុស្ស ៣សែន ៥ម៉ឺននាក់ បានភៀសខ្លួនចេញពីផ្ទះរបស់ពួកគេ បន្ទាប់ពីរញ្ជួយដី ដើម្បីស្វែងរក ទីជម្រក បណ្តោះអាសន្ន ក្នុងតង់ដែលរដ្ឋាភិបាលផ្តល់ឲ្យ ឬស្វែងរកចរនាសម្ព័ន្ធផ្លាស់ប្តូរ នៅទីសុវត្ថិភាព បើកចំហរ។
អាជ្ញាធរនិយាយថា ជំនួយ ទទួលបានក្នុងភាពយឺតយ៉ាវ នៅតាមតំបន់ទទួលរងគ្រោះខ្លាំង បំផុត ខណៈជាតំបន់ដាច់ស្រយ៉ាល។ កំណើននៃការស្លាប់មកដល់ពេលនេះ មានចំនួន ៤៣៦នាក់ នេះបើយោងតាមការប្រកាសរបស់ ទីភ្នាក់ងារសម្រាលគ្រោះមហន្តរាយជាតិ ឥណ្ដូនេស៊ី។ ទីភ្នាក់ងារនេះនិយាយថាកោះឡំបុក ទទួលរងការបំផ្លាញ មានតម្លៃជាង ៣៤២លានដុល្លារ ដោយការរញ្ជួយដីដ៏ធកាលពីសប្តាហ៏មុន ភាគច្រើនខុចខាតផ្ទះ និង ហេត្ថារចនាសម្ព័ន្ធ៕
តុលាការបន្តនីតិវិធីសំណុំរឿងថ្មីមួយទៀតរបស់លោក គឹម សុខ អ្នកវិភាគបញ្ហាសង្គម
ភ្នំពេញ ៖ នៅល្ងាចថ្ងៃទី១៤ ខែសីហា ឆ្នាំ២០១៨នេះ តំណាងអយ្យការអមសាលាដំបូងរាជធានីភ្នំពេញ បានចាប់ផ្តើមបើកការសាកសួរលើសំណុំរឿងមួយថ្មីទៀតរបស់ លោក គឹម សុខ អ្នកតាមដាននយោបាយ និងវិភាគសង្គម បន្ទាប់ពីបានពិនិត្យមើលលើការអនុវត្តទោសកន្លងមក ដែលចោទប្រកាន់លើគណបក្សប្រជាជនកម្ពុជា នៅក្នុងសំណុំរឿងទី១ ជិតគ្រប់ចំនួនកំណត់។
លោក គឹម សុខ ត្រូវបានប្តឹងចំនួន២ករណីដោយលោក គី តិច មេធាវីការពារក្តីសម្តេចតេជោ ហ៊ុន សែន បន្ទាប់ពីលោកបានចោទប្រកាន់ទៅលើរាជរដ្ឋាភិបាលកម្ពុជា និងគណបក្សប្រជាជនកម្ពុជាយ៉ាងធ្ងន់ធ្ងរ។ ក្នុងសំណុំរឿងទី១ លោក គឹម សុខ បានចោទគណបក្សប្រជាជនកម្ពុជាថា ជាអ្នកនៅពីក្រោយនៃឃាតកម្មបាញ់សម្លាប់ លោកបណ្ឌិត កែម ឡី។ ចំណែកសំណុំរឿងទី២គឺលោក គឹម សុខ បានចោទរាជរដ្ឋាភិបាលកម្ពុជាថា ជាអ្នកបង្កើតប្រព័ន្ធសម្លាប់មនុស្សតែរកឃាតករមិនឃើញ។
នៅក្នុងសំណុំរឿងទី១កន្លងមកនេះ កាលពីរសៀលថ្ងៃទី១០ ខែសីហា ឆ្នាំ២០១៧ ចៅក្រមជំនុំជម្រះសាលាដំបូងរាជធានីភ្នំពេញ លោក គី ប្ញទ្ធី បានសម្រេចផ្ដន្ទាទោសដាក់ពន្ធនាគារចំនួន១៨ខែ និងពិន័យប្រាក់ចំនួន៨លានរៀល រួមនឹងប្រាក់សងជំងឺចិត្តដល់ដើមបណ្តឹង៨០០លានរៀល បន្ទាប់ពីលោកត្រូវបានឃុំខ្លួន កាលពីថ្ងៃទី១៧ ខែកុម្ភៈ ឆ្នាំ២០១៨។
លោក សៀង សុខ តំណាងអយ្យការអមសាលាដំបូងរាជធានីភ្នំពេញ ដែលកាន់សំណុំរឿងថ្មីនេះ បានបញ្ជាក់ឱ្យដឹងថា សម្រាប់សំណុំរឿងទី១ របស់ លោក គឹម សុខ តុលាការនឹងអនុវត្តទៅតាមនីតិវិធីបន្ទាប់ពីលោកអនុវត្តទោសបានគ្រប់ចំនួន។ លោក សៀង សុខ បានបញ្ជាក់ថា សម្រាប់សំណុំរឿងទី២នេះ តុលាការកំពុងធ្វើតាមនីតិវិធីសាកសួរ ហើយនឹងសាកសួរនៅពេលក្រោយទៀត។
គួរបញ្ជាក់ថា ទណ្ឌិត គឹម សុខ នៅថ្ងៃទី១៤ ខែសីហា ឆ្នាំ២០១៨នេះ ត្រូវបានពន្ធនាគារនាំខ្លួនមកកាន់ សាលាដំបូងរាជធានីភ្នំពេញ ដើម្បីសាកសួរនៅអយ្យការ និងពិនិត្យលើការអនុវត្តទោសរបស់លោកក្នុងពន្ធគារ ដើម្បីពិចារណាថា តើត្រូវដោះលែង ឬបន្តឃុំខ្លួនទៀត។
រហូតមកដល់ពេលនេះ ក្នុងសំណុំរឿងទី១ លោក គឹម សុខ បានអនុវត្តទោសជិតដល់ចំនួន១៨ខែហើយនៅខ្វះតែ២ថ្ងៃទៀតប៉ុណ្ណោះ។
លោក គឹម សុខ កំពុងប្រឈមនឹងសំណុំរឿងថ្មីមួយទៀត ដែលលោកបានចោទប្រកាន់តាំងពីមុនឃុំខ្លួន៕
ភ្នំពេញ ៖ ជាងជួសជុលគ្រឿងចក្រម្នាក់ បានយកប្រាក់ និងទទួលធ្វើរ៉ូឡូកិនដី មួយគ្រឿង អស់រយៈពេលជាច្រើនខែ មកហើយ នៅតែមិនឆេះ និងដោះគ្រឿងចក្រអស់ ហើយត្រូវ ម្ចាស់គ្រឿងចក្រប្តឹងទារប្រាក់វិញ និងសំណង៤ពាន់ដុល្លារ ស្រាប់តែ ហៅបក្សពួកមកកាង និងមានទំនាស់គ្នា បែកផ្សែង ។
ហេតុការណ៍ នេះបង្កអោយមានការភ្ញាក់ផ្អើល កាលពីវេលាម៉ោង១២ថ្ងៃត្រង់ទី១៤ ខែសីហា ឆ្នាំ២០១៨ នៅយានដ្ឋានជួសជុលគ្រឿងចក្រ គ្មានយីហោមួយកន្លែង នៅក្នុងភូមិទួលសង្កែ សង្កាត់ទួលសង្កែ១ ខណ្ឌឫស្សីកែវ ។
ជាងគ្រឿងចក្រដែលត្រូវបានគេប្តឹងឈ្មោះ ភា ភេទប្រុស អាយុ៤៨ឆ្នាំ មុខរបរ ជាងជួសជុលគ្រឿងចក្រ មានទីលំនៅភូមិទួលសង្កែ សង្កាត់ទួលសង្កែ១ ខណ្ឌឫស្សីកែវ ។
ចំណែកដើមបណ្តឹងឈ្មោះ លី សុធី ភេទប្រុស អាយុ៣៦ឆ្នាំ ជាប្រធាន ក្រុមហ៊ុនសំណង់ ឈុន យាង រស់នៅភូមិពោចិន្តា ឃុំស្វាយអន្ទរ ស្រុកស្វាយអន្ទរខេត្តព្រៃវែង។
តាមដើមបណ្តឹង បានឲ្យដឹងថា កាលពីថ្ងៃទី១០ ខែមិនា ឆ្នាំ២០១៨ កន្លងមក គាត់បានអោយ ឈ្មោះ ភា ម្ចាស់យានដ្ឋាន ទៅជួសជុល រ៉ូឡូកិនដីមួយគ្រឿង ដែលខូច ចតនៅឯស្រុកស្វាយអន្ទរ។បន្ទាប់ពីមេជាង ទៅមើល និង ធានាជួសជួលបាន និងសុំលុយមុន ដើម្បីទិញគ្រឿង បន្លាស់ លើកទី១ចំនួន ៤០០ដុល្លា និងលើកទី២ ចំនួន២៥០ដុល្លារ ទៀត សរុបទាំងអស់ ៦៥០ ដុល្លារ តែរហូត មកដល់ថ្ងៃ នេះជាង ម្លុះ នោះធ្វើ មិន កើត និងថែមទាំងដោះ គ្រឿងចក្រ ទុកចោល និងគេច មិនទទួលខុសត្រូវ ទៀត ។
ម្ចាស់គ្រឿងចក្រ បានបន្តទៀតថា ដោយសារតែគ្មានការទទួលខុសត្រូវ គាត់ក៍បានប្តឹង នគរបាលមូលដ្ឋានអោយ ជួយអន្តរាគមន៍ និងចុះទៅសាកសួរដល់យានដ្ឋាន ដើម្បីទាមទាប្រាក់នោះមកវិញ និងទាមទារប្រាក់សំណង់គ្រឿងចក្រ ចំនួន ៤ពាន់ដុល្លារ ។
តាមព័ត៌មានអោយដឹងទៀតថា នៅពេលដែលនគរបាល ទៅដល់ ម្ចាស់គ្រឿងចក្រ ក៍បានហៅខ្នងមកកាង និងចោទ សមត្ថកិច្ច និងម្ចាស់ មកអ៊ុកឡុកផ្ទះតៅវិញ ហើយ បង្កអោយ ទៅជាទំនាស់បែកផ្សែង ។
បន្ទាប់ពីមានបាតុភាព នគរបាលក៍បានដកថយវិញ រង់ចាំ ហៅភាគី ទាំង២ទៅសម្របសម្រួលគ្នានៅប៉ុស្តិ៍ បើមិន ត្រូវរ៉ូគ្នា នគរបាល កសាង សំនុំរឿងចាត់ការតាមច្បាប់៕
ថៃ ៖ ភ្ញៀវទេសចរណ៏នៅឧទ្យាន ជាតិ ខៅយ៉ៃ នៅខេត្តណាក់ខនណាយុក ប្រទេសថៃ ត្រូវបានព្រ មាន ពីទឹកឡើងភ្លាមៗនៅតំបន់ទឹកធ្លាក់ ណាងរ៉ុង និងវ៉ាងតាក់ក្រៃ ដោយឲ្យពួកគេ ស្ថិត នៅ ទីខ្ពស់ ដោយសារតែមានភ្លៀងធ្លាក់ខ្លាំង។ កំរិតទឹកនៅ រមនីយដ្ឋានទឹកធ្លាក់ពីរ កន្លែង នេះ បានកើនឡើងឆាប់រហ័ស កាលពីរសៀលថ្ងៃច័ន្ទ ជម្រុញឲ្យអាជ្ញាធរ និងប្រតិបត្តិករ រមនីយដ្ឋាន ចេញការព្រមានដល់ភ្ញៀវ។ ភ្ញៀវទេសចរណ៏ប្រមាណ៣០នាក់ បានជាប់នៅរមនីយដ្ឋាន មាត់ទន្លេ ប៉ុន្តែពួកគេមានសុវត្ថិភាព។
លោកវ៉ូរ៉ាផាន ស៊ូវ៉ាននុត អភិបាលរងខេត្ត ណាក់ខន ណាយុក និយាយថា ប្រតិបត្តិករនៃរមនីយដ្ឋាន តាមមាត់ ទន្លេរ ត្រូវបានស្នើរសុំឲ្យតាមដានការប្រកាសជាផ្លូវការ ឲ្យបានជាប់លាប់ ក្នុងរយៈពេល ២ទៅ៣ថ្ងៃខាងមុខនេះ និងផ្អាកសេវាកម្ម ដើម្បីសុវត្ថិភាពប្រសិនបើចាំបាច់។ អាជ្ញារធរត្រូវ ប្រចាំការជាប់ជានិច្ច និង ជួយសង្គ្រោះភ្ញៀវទេសចរណ៏ដែលជាប់ ព្រមទាំង នាំយកពួកគេ ចេញពីរមនីយដ្ឋាន ដែលកំពុងមានទឹកពេញប្រៀប។មន្ត្រីឧទ្យានជាតិម្នាក់និយាយថា ការ កើនឡើងនៃទឹកពេញប្រៀប ជាការកើនឡើងធ្ងន់ធ្ងរបំផុត ក្នុងរយៈពេល១០ឆ្នាំមកនេះ ដែលបង្ករដោយទឹកភ្លៀងធ្លាក់ខ្លាំង លើភ្នំ។ គួរំលឹកថា កាលពីថ្ងៃទី២៥ ខែកញ្ញា ឆ្នាំ ១៩៩៤ ទឹកជំនន់ដ៏ឆាប់រហ័ស បានសម្លាប់មនុស្ស ២១នាក់ នៅរមនីយដ្ឋានទឹកធ្លាក់ វ៉ាង តាក់ក្រៃ នេះ។
ជាមួយគ្នានេះដែរ នៅខេត្តភូកេត ភាគខាងត្បូង ភ្ញៀវទេសចរណ៏ ត្រូវបានព្រមាន មិនឲ្យហែលទឹក នៅតាមតំបន់ឆ្នេរមួយចំនួន ដោយសារតែ សមុទ្រមានសភាពគ្រោះថ្នាក់ និងមានខ្យល់ខ្លាំង។ ទង់ជាតិព័ណ៌ក្រហមត្រូវបានដោត នៅតាមឆ្នេរដ៏មានប្រជាប្រីយភាព ជាកន្លែអដែល ដើមឈើរ បានដួលរលំដោយសារខ្យល់បក់បោក ហើយផ្លូវតាមតំបន់ឆ្នេរ គ្របដណ្តប់ដោយខ្សាច់ដ៏ក្រាស់៕
អ៊ីរ់ង់ ៖ មេដឹកនាំកំពូលអ៊ីរ៉ង់ បានបដិសេធការផ្តល់ កិច្ចចចារដោយគ្មានលក្ខខណ្ឌ របស់ប្រធានា ធិបតីសហរដ្ឋអាមេរិក លោក ដូណាល់ ត្រាំ ដើម្បីស្តារទំនាក់ទំនងទ្វេរភាគី ហើយលោកត្រាំ បានចោទប្រកាន់រដ្ឋាភិបាលអ៊ីរ៉ង់ ពីការគ្រប់គ្រងសេដ្ឋកិច្ចមិនល្អ ក្នុងការប្រឈមនឹង ទណ្ឌ កម្មឡើងវិញពីសហរដ្ឋអាមេរិក។
កាលពីសប្តាហ៍មុន ទីក្រុងវ៉ាស៊ីនតោន បានដាក់ទណ្ឌកម្ម បន្ទាប់ពីដកខ្លួនចេញពីកិច្ចព្រមព្រៀងអន្តរជាតិ ឆ្នាំ 2015 ដែលមានបំណងទប់ស្កាត់កម្មវិធីនុយក្លេអ៊ែរ របស់អ៊ីរ៉ង់ ជាថ្នូរ នឹងការបន្ធូរបន្ថយទណ្ឌកម្មសេដ្ឋកិច្ច។ ជាមួយគ្នានេះដែរ លោកត្រាំ ក៏បានគំរាមដាក់ទណ្ឌកម្មក្រុមហ៊ុនដែលបន្តប្រតិបត្តិការ នៅក្នុងប្រទេសអ៊ីរ៉ង់។ ការដាក់ទណ្ឌកម្មនេះ កំណត់ គោលដៅ លើការជួញដូរមាស និងលោហធាតុដ៏មានតម្លៃរបស់អ៊ីរ៉ង់ ការទិញប្រាក់ដុល្លារអាមេរិក និងឧស្សាហកម្មរថយន្ត។
ទីក្រុងវ៉ាស៊ីនតោន បាននិយាយថា ឱកាសតែមួយគត់របស់អ៊ីរ៉ង់ ក្នុងការជៀសវាង ការដាក់ទណ្ឌកម្ម គឺត្រូវទទួលយកសំណើរបស់លោកដូណាល់ត្រាំ ដើម្បីចរចាចំពោះកិច្ច ព្រមព្រៀងនុយក្លេអ៊ែរដ៏តឹងតែងជាងមុន ប៉ុន្តែមន្ត្រីអ៊ីរ៉ង់ បានច្រានចោលការផ្តល់ នេះ។ ទូរទស្សន៍រដ្ឋបានរាយការណ៍ថា ដោយច្រានចោលការទាមទាររបស់សហរដ្ឋអាមេរិក ដើម្បីទប់ស្កាត់កម្មវិធីមីស៊ីល ប្រទេសអ៊ីរ៉ង់បានបង្ហាញពីមីស៊ីលផ្លោងជំនាន់ថ្មីរបស់ខ្លូន កាលពីថ្ងៃចន្ទទី 13 ខែសីហានេះ៕
ចិន ៖ សារព័ត៌មានរដ្ឋបានរាយ ការណ៍ថា ខ្យល់ព្យុះ និងទឹកជំនន់ បង្ករឡើងដោយភ្លៀងធ្លាក់ធ្ងន់ធ្ងរ នាំអោយមានការបិទផ្លូវ និងបង្អាក់ ដល់ការធ្វើដំណើរទៅកាន់ទីក្រុងជាច្រើន ទូទាំងប្រទេសចិន ។
សារព័ត៌មានCCTV បានបង្ហាញរូបភាពវីដេអូ នៃព្យុះធូណាដូ ដែលកំពុង បំផ្លាញផ្នែក ជាច្រើននៃទីក្រុងកំពង់ផែភាគខាងជើង នៃទីក្រុងធៀនជីង ហើយប្រជាជន ច្រើននាក់ បានរងរបួសស្រាល។
ទឹកជំនន់បង្ករឡើងដោយភ្លៀងធ្លាក់ខ្លាំង នៅទូទាំងភាគនីរតីខេត្ត យូនណាន បានបំផ្លាញផ្លូវធ្វើដំណើរទាំងស្រុង ខណះដែលភក់ នៅទីក្រុង លីនហ្សូ ខេត្តហេណាន បង្អាក់ដល់ការធ្វើដំណើរនៅលើផ្លូវហាយវេជាច្រើនកន្លែង។
ប្រភពព័ត៌មានដដែលបានអោយដឹងថា ក្រុមសង្គ្រោះនៅក្នុង ទីក្រុង តៃយួន ភាគខាងជើងខេត្ត ហ្សេនស៊ី បានជំលៀស ប្រជាជនជាច្រើននាក់ ដែលបានជាប់ក្នុងទឹកជំនន់នៅតាមផ្លូវ។
គួរបញ្ជាក់ថា ភ្លៀងធ្លាក់ធ្ងន់ធ្ងរ និង ព្យុះ នៅក្នុងរយះពេលប៉ុន្មានសប្តាហ៍ចុង ក្រោយនេះ បានបណ្តាលអោយមានការ បំផ្លាញ នៅទូទាំងប្រទេសចិន ដោយមានទឹក ជំនន់នៅតាមបណ្តោយទន្លេធំៗ បំផ្លាញស្ពាន បិទផ្លូវ និងផ្លូវរថភ្លើង ក៏ដូចជាបង្ខំអោយ ប្រជាជនរាប់ពាន់នាក់ជំលៀសចេញពីផ្ទះរបស់ពួកគេ៕
អាហ្គានីស្ថាន ៖ កងកំលាំងសន្តិសុខអាហ្គានីស្ថាន គាំទ្រដោយទីប្រឹក្សាសហរដ្ឋអាមេរិក និងការវាយប្រហារ តាម អាកាស បានធ្វើការវាយប្រហារ ដើម្បីបណ្តេញអ្នកប្រយុទ្ធក្រុមតាលីបង់ចេញពីទីក្រុង ហ្គាសនី ជាកន្លែងដែលមនុស្សរាប់រយនាក់ត្រូវបានសំលាប់ និងរងរបួស កំឡុងពេលការ ប្រយុទ្ធរយៈពេល៤ថ្ងៃ។
រដ្ឋមន្ត្រីការពារជាតិអាហ្វហ្គានីស្ថាន លោក តារីក សា បារ៉ាមី បានប្រាប់សន្និសីទ ព័ត៌មាន នៅទីក្រុងកាប៊ុលថា យ៉ាងហោចណាស់ក្រុមបះបោរ 194 នាក់ រួមទាំងមេបញ្ជាការសំខាន់ៗ និងជនបរទេសមួយចំនួន រួមទាំងអ្នកប្រយុទ្ធប៉ាគីស្ថាន អារ៉ាប់ និងឆេហ្ស៊ីន បានស្លាប់ និងមនុស្សប្រមាណ147 នាក់ បានរងរបួស។ កងកំលាំងសន្តិសុខ និងការពារ អាហ្វហ្គានីស្ថាន ប្រមាណ 100 នាក់ និងជនស៊ីវិល 30 នាក់ ក៏ត្រូវបានសំលាប់ ក្នុងការប្រ យុទ្ធគ្នារយៈពេល 4 ថ្ងៃផងដែរ។ លោកបារ៉ាមីបាននិយាយថា រដ្ឋាភិបាល បានចាត់វិធានការសន្តិសុខ ហើយនឹងផ្លាស់ប្តូរស្ថានភាព នៅទីក្រុងហ្គាសនី ក្នុងរយៈពេល 24 ម៉ោង។
ការវាយប្រហាររបស់ក្រុមតាលីបង់ លើទីក្រុងហ្គាសនី ដែលជាមជ្ឈមណ្ឌលយុទ្ធសាស្ត្រ នៅលើផ្លូវ ដែលភ្ជាប់រដ្ឋធានីកាប៊ុល ជាមួយភាគខាងត្បូងប្រទេសអាហ្វហ្គានីស្ថាន គឺជាការវាយប្រហារមួយ មុនការបោះឆ្នោតសភា និងបង្អាក់ក្តីសង្ឃឹមនៃការចាប់ផ្តើម ការចរចាសន្តិភាព៕
An Afghan security guard walks during a Taliban attack in Ghazni city, Afghanistan August 12, 2018. REUTERS/Stringer
តាកែវ ៖ លោក អ៊ូច ភា អភិបាលខេត្តតាកែវបានមាន ប្រសាសន៍ថា ការយកចឹត្តទុកដាក់របស់ប្រមុខរាជរដ្ឋាភិបាលកម្ពុជាសម្ដេចតេជោ ហ៊ុន សែន ចំពោះជីវភាពរស់នៅរបស់បងប្អូនដែលប្រកបរបដឹកទំនិញគ្រប់ប្រភេទនៅលើផ្លូវនេះហើយត្រូវបង់ប្រាក់ជាប្រចាំ។
តាមរយៈបទបញ្ជារបស់សម្ដេចតេជោ ហ៊ុន សែន ស្ដីពីការឲ្យបញ្ឈប់យកប្រាក់នៅលើផ្លូវនេះ វាពិតជានិងជួយលើកកម្ពស់ជីវភាពរបស់បងប្អូនប្រជាពលរដ្ឋមួយផ្នែក ទៀតជាក់ជាពុំខាន។
លោក អ៊ូច ភា បានមានប្រសាសន៏បន្តថា ដរាប ណាសម្ដេចតេជោ ហ៊ុន សែន នៅបន្តដឹកនាំប្រទេស សម្ដេចនិងបន្តយកចឹត្តទុកដាក់ពីសុខទុក្ខរបស់បងប្អូនប្រជាពលរដ្ឋជាពិសេសពីទុក្ខកង្វល់ផ្សេងៗដែលប្រជាពលរដ្ឋជួបប្រទះ តាមរយៈការដោះស្រាយជូនបងប្អូនភ្លាម ដូចជាករណីផ្លូវបង់ប្រាក់លេខ២១ក្នុងក្រុងដូនកែវនេះ ដោយសារទឹកចឹត្តមេត្តាធម៌ដ៏ជ្រាល ជ្រៅរបស់សម្ដេចតេជោនិងសម្ដេចកិត្តិព្រិទ្ធបណ្ឌិត បានផ្ដល់ជូនបងប្អូនប្រជាពលរដ្ឋធ្វើដំណើរឆ្លងកាត់ដោយមិនបាច់បង់ប្រាក់តទៅទៀតនោះទេ។
ជាមួយគ្នានេះដែលម្ចាស់រថយន្តដឹកទំនិញឆ្លងកាត់ផ្លូវលេខ២១នេះបានសម្ដែងនូវអំណគុណចំពោះសម្តេចតេជោ ហ៊ុន សែន ប្រមុខរាជរដ្ឋាភិបាលកម្ពុជា ដែលសម្ដេចបានគិតគូពីសុខទុក្ខបងប្អូនប្រជាពលរដ្ឋ ជាពិសេសការផ្ដល់អោយប្រជាពលរដ្ឋក្នុងខេត្តតាកែវអោយបញ្ឈប់បង់ប្រាក់ចំពោះការធ្វើដមណើរឆ្លងកាត់នៅលើផ្លូវនេះរបស់សម្ដេចតេជោ ហ៊ុន សែន វាពិតជាធ្វើឲ្យចីវភាពបងប្ងូនប្រជាពលរដ្ឋកាន់តែមានជីវភាពល្អប្រសើរមួយកម្រឹតទៀត ៕
មេគង្គប៉ុស្តិ៍លើបណ្តាញសង្គម
ព័ត៌មានគួរចាប់អារម្មណ៍
