All posts by មេគង្គ ប៉ុស្តិ៍

ឆក់បានសម្រេច ត្រូវជនរងគ្រោះដេញបុកដួលកណ្តាលផ្លូវ

August 14, 2018ព័ត៌មានថ្មីចុងក្រោយ, ព្រឹត្តិការណ៍កម្ពុជា, សន្តិសុខ/សង្គមមេគង្គ ប៉ុស្តិ៍

ភ្នំពេញ ៖ ជនសង្ស័យ២នាក់ ត្រូវបាននគរបាលខណ្ឌដង្កោឃាត់ខ្លួនបានភ្លាមៗក្រោយពេលធ្វើសកម្មភាពឆក់ទូរសព្ទ័ដៃម៉ាកOPPOមួយគ្រឿងពីនារីម្នាក់ កាលពីវេលាម៉ោង ៥និង០០នាទី ល្ងាចថ្ងៃទី១៤ ខែសីហា ឆ្នាំ២០១៨ ស្ថិតនៅចំនុចរង្វង់មូលកួស្រូវ តាមបណ្តោយផ្លូវជាតិលេខ២ ភូមិព្រះធាតុសង្កាត់រលួស ខណ្ឌដង្កោ រាជធានីភ្នំពេញ។

ប្រភពព័ត៌មានពីនារីរងគ្រោះម្ចាស់ទូរស័ព្ទខាងលើបានអោយដឹងថា មុនពេលកើតហេតុរូបគាត់បានជិះម៉ូតូVIVAមួយគ្រឿងចេញពីកន្លែងធ្វើការគោលបំណងត្រលប់ទៅផ្ទះខណះពេលដែលជិះម៉ូតូបណ្តើរនិយាយទូរស័ព្ទបណ្តើរស្រាប់តែលេចមុខជនសង្ស័យ២នាក់ជិះម៉ូតូសេ១២៥មួយគ្រឿងឌុបគ្នាបានជិះមកក្បែរគាត់ហើយក៏បានធ្វើសកម្មភាពឆក់យកទូរស័ព្ទរបស់គាត់ហើយព្យាយាមបើករត់គេចខ្លួន ។ភ្លាមៗនោះ នារីរងគ្រោះបានជិះម៉ូតូដេញតាមតែជាអកុសលជនសង្ស័យបានដួលម៉ូតូហើយនារីរងគ្រោះបានជិះម៉ូតូបុកថែមពីក្រោយបណ្តាលអោយជនសង្ស័យរងរបួសត្រូវបានប្រជាពលរដ្ឋជួយឃាត់ចាប់ប្រគល់អោយសមត្ថកិច្ច។

ក្រោយពេលកើតហេតុនារីរងគ្រោះបានទៅដាក់ពាក្យបណ្តឹងនៅប៉ុស្តិ៍នគរបាលរដ្ឋបាលសង្កាត់រលួសផងដែរ។

ចំណែកជនសង្ស័យទាំង២នាក់ត្រូវបានបញ្ជូនមកសាកសួរនិងឃុំខ្លនបណ្តោះអាសន្ននៅអធិការដ្ឋានខណ្ឌដង្កោដើម្បីកសាងសុំនុំរឿងបញ្ជូនទៅតុលាការចាត់ការតាមនិតិវិធិ៕

សន្និសិទកាសែតបង្ហាញមុខជនជាតិចិន៧នាក់ករណីជួញដូរផ្លូវភេទ

ខេត្តព្រះសីហនុ ៖ នៅស្នងការរដ្ឋាននគរបាលខេត្តព្រះសីហនុព្រឹកថ្ងៃទី១៤ ខែសីហា ឆ្នាំ២០១៨ បានរៀបចំធ្វើសន្និសិទព័ត៌មានបង្ហាញមុខជនសង្ស័យជាជនជាតិចិនចំនួន៧នាក់ដែលប្រកបមុខរបរផ្លូវភេទឆ្លងដែនមុននិងបញ្ជូនទៅសាលាដំបូងខេត្តព្រះសីហនុ។

លោកវរ:សេនីយ៍ឯក ស៊ុត សំអុន នាយការិយាល័យនគរបាលព្រហ្មទ័ណ្ឌកម្រិតស្រាល នៃស្នងការរដ្ឋាននគរបាលខេត្តព្រះសីហនុ បានឲ្យដឹងថាដោយអនុវត្តន៍ទៅតាមបទបញ្ជារបស់លោកនាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិក៍ដូចជាបទបញ្ជារបស់ លោក ឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ និងលោក យន្ត មីន អភិបាលនៃគណ:អភិបាលខេត្តនិងជាប្រធានគណ:បញ្ជាការឯកភាពខេត្ត ដែលកន្លងមកលោកអភិបាលខេត្ត បានមានប្រសាសន៍ដាក់បទបញ្ជាយ៉ាងមុឺងម៉ាត់ថាមិនបណ្តែតបណ្តោយឲ្យជនជាតិបរទេសទាំងឡាយណាមកធ្វើជាស្តេចត្រាញ់ល្មើសច្បាប់នៅក្នុងព្រះរាជាណាចក្រកម្ពុជាយើងជាដាច់ខាត។ជាក់ស្តែង នៅវេលាម៉ោង២២និង៣០នាទីយប់ថ្ងៃទី១២ ខែសីហាឆ្នាំ២០១៨កន្លងមកនេះកម្លាំងនគរបាល នៃស្នងការដ្ឋានខេត្តព្រះសីហនុ បានឆ្មក់ចុះបង្ក្រាបទីតាំងហាងម៉ាស្សាជនជាតិចិន ដែលបង្កប់បទល្មើស ប្រព្រឹត្តិសច្ចារកម្ម ( ជួញដូរផ្លូវភេទខុសច្បាប់ ) មួយករណី នៅចំណុច ហាងម៉ាស្សាមួយកន្លែងយីហោ( ប៉ាយជីងហាន់កុង ) ស្ថិតនៅក្រុមទី០៨ ភូមិ១ សង្កាត់៣ ក្រុងព្រះសីហនុ។

ដោយមានការដឹកនាំ និងសម្របសម្រួលពីលោកកៀង សុន្ទរោ ព្រះរាជអាជ្ញារងនៃសាលាដំបូងខេត្តព្រះសីហនុ ក្នុងនោះសមត្ថកិច្ចបានធ្វើការឃាត់ខ្លួនជនសង្ស័យជនជាតិចិនចំនួន ២៩នាក់ ( បុរស ១៥នាក់ , នារី ១៤នាក់ ) ។ឯកឧត្តមឧត្តមសេនីយ៍ទោស្នងការបញ្ជាក់ថា បន្ទាប់ពីធ្វើការឃាត់ខ្លួនជនសង្ស័យជនជាតិចិនខាងលើនគរបាលជំនាញបានធ្វើការសាកសួរបំភ្លឺឲ្យដឹងថា ៖
នារីចំនួនទាំង១៤នាក់ ប្រកបមុខរបរផ្លូវភេទ។
ភ្ញៀវដែលមករកសេវាកម្ម ផ្លូវភេទនេះ មានចំនួន ០៨នាក់។

អ្នកដែលពាក់ព័ន្ធ ប្រព្រឹត្តិបទល្មើសសច្ចារកម្ម ( ជួញដូរផ្លូវភេទខុសច្បាប់ ) មានចំនួន ០៧នាក់រួមមាន
១-ឈ្មោះ CHEN ZHIMIN ភេទប្រុស អាយុ ៤១ឆ្នាំ ជនជាតិចិន លិខិតឆ្លងដែនលេខៈ ED៤៧៤៧៩៣១ ស្នាក់នៅ ក្រុម៨ ភូមិ១ សង្កាត់៣ ក្រុង-ខេត្តព្រះសីហនុ ( ថៅកែ ) ។
២-ឈ្មោះ WU XIANGYUN ភេទប្រុស អាយុ ៤៨ឆ្នាំ ជនជាតិចិន លិខិតឆ្លងដែនលេខៈ ED៣៨៥៨៥៣១ ស្នាក់នៅ ក្រុម៨ ភូមិ១ សង្កាត់៣ ក្រុង-ខេត្តព្រះសីហនុ ( អ្នកគិតលុយ ) ។
៣-ឈ្មោះ XU FEI ភេទប្រុស អាយុ ២៩ឆ្នាំ ជនជាតិចិន លិខិតឆ្លងដែនលេខៈ ED៥៨៥៨២៧៣ ស្នាក់នៅ ក្រុម៨ ភូមិ១ សង្កាត់៣ ក្រុង-ខេត្តព្រះសីហនុ ( អ្នកគ្រប់គ្រងនារីនៅជាន់លើ ) ។
៤-ឈ្មោះ ZHUANG FEI YUN ភេទប្រុស អាយុ ៣៧ឆ្នាំ ជនជាតិចិន លិខិតឆ្លងដែនលេខៈ ED៨៩១៣២៧១ ស្នាក់នៅ ក្រុម៨ ភូមិ១ សង្កាត់៣ ក្រុង-ខេត្តព្រះសីហនុ ( អ្នកបើកឡានជូនភ្ញៀវ ) ។
៥-ឈ្មោះ CHEN GANG ភេទប្រុស អាយុ ៣៥ឆ្នាំ ជនជាតិចិន ស្នាក់នៅ ក្រុម៨ ភូមិ១ សង្កាត់៣ ក្រុង-ខេត្តព្រះសីហនុ ( អ្នកទិញឥវ៉ាន់ ) ។
៦-ឈ្មោះ ZHANG BING ភេទប្រុស អាយុ ២៧ឆ្នាំ ជនជាតិចិន លិខិតឆ្លងដែនលេខៈ G៥៩៣៨៧៥១៩ ស្នាក់នៅ ក្រុម៨ ភូមិ១ សង្កាត់៣ ក្រុង-ខេត្តព្រះសីហនុ ( អ្នកចែកខិតប័ណ្ណ ) ។
៧-ឈ្មោះ SHI YOUDAN ភេទប្រុស អាយុ ៣៦ឆ្នាំ ជនជាតិចិន លិខិតឆ្លងដែនលេខៈ ED៦៦៧០០៥៨ ស្នាក់នៅ ក្រុម៨ ភូមិ១ សង្កាត់៣ ក្រុង-ខេត្តព្រះសីហនុ ( អ្នកចែកខិតប័ណ្ណ ) ។
វត្ថុតាងចាប់ដកហូតយកបាន៖ មានស្រោមអនាម័យប្រើប្រាស់រួចនិងស្រោមអនាម័យមិនទាន់ប្រើប្រាស់ មួយចំនួនធំ។ នាមប័ណ្ណហាងម៉ាស្សា ១០ប្រអប់ វិកាយប័ត្រ ឧបករណ៍ជំនួយក្នុងការរួមភេទ ( បាល់ខ្យល់ , ជើងទ្រធំ , ជើងទ្រតូច ) ទូរស័ព្ទដៃ ១៣គ្រឿង
រួមទាំងវត្ថុមួយចំនួនទៀតដែលពាក់ព័ន្ធនិងអាជីកម្មផ្លូវភេទនេះ ។

លោកវរ:សេនីយ៍ឯក ស៊ុត សំអុន បានបញ្ជាក់ឲ្យដឹងថា ចំពោះជនសង្ស័យទាំង ០៧នាក់ ខាងលើនេះ ការិយាល័យនគរបាលព្រហ្មទណ្ឌបានកសាងសំណុំរៀងបញ្ជូនទៅសាលាដំបូងខេត្តព្រះសីហនុនារសៀលថ្ងៃទី១៤ខែ សីហា ឆ្នាំ២០១៨ ។

ដោយឡែកស្ត្រីជនជាតិចិនដែលប្រកបរបរផ្លូវភេទចំនួន១៤នាក់ដែលបានឃាត់ខ្លួនសមត្ថកិច្ចនគរបាលបានធ្វើកំណត់ហេតុនិងអប់រំដោះលែងហើយទៅវិញ។

លោកនាយការិយាល័យខាងលើបានបញ្ជាក់ថា ជាលើកទី២ហើយដែលសមត្ថកិច្ចនគរបាលនៃស្នងការដ្ឋាននគរបាលខេត្តព្រះសីហនុបានធ្វើការបង្ក្រាបករណីជួញដូរផ្លូវភេទឆ្លងដែនជ្រកក្រោមស្លាកម៉ាស្សាជនជាតិចិន នៅខេត្តព្រះសីហនុ៕

ពលរដ្ឋខ្មែរ២០នាក់ត្រូវទាហានឈុតខ្មៅថៃចាប់ខ្លួនពេលចូលកាប់ឈើខុសច្បាប់

ប្រទេសថៃ ៖ ពលរដ្ឋខ្មែរចំនួន៣០នាក់ ត្រូវទាហានឈុតខ្មៅថៃចាប់ខ្លួនបានចំនួន២០នាក់ និងរត់គេចខ្លួនចំនួនរួច១០នាក់កាលពីថ្ងៃទី១១ ខែសីហា ធ្នាំ២០១៨ ក្នុងតំបន់ឧឡានជាតិថាប់ឡានស្ថិតនៅក្នុងឃុំឡាំភៀក ស្រុកខនបុរី ខេត្តនគររាជសីមាប្រទេសថៃ។

ពលរដ្ឋខ្មែរដែលទាហានឈុតខ្មៅថៃចាប់ខ្លួនបាននោះ បានសាររភាពថា ពួកគេទាំងអស់គ្នាបានចាញ់បោកមេខ្យល់ជាជនជាតិខ្មែរ និងជនជាតិថៃ បាននាំយកមកកាន់តំបន់នេះដោយម្នាក់ៗត្រៀមនូវស្បៀងអាហារឧបករណ៍សំរាប់ប្រើប្រាស់ក្នុងការកាប់ឈើក្រញួងនៅតំបន់ខាងលើ។

ពួកគេបានបន្តទៀតថា ខណៈដែលពួកគេត្រូវបានមេឈ្មួញយកមកដាក់ក្នុងព្រៃនេះ គេក៏បានចាកចេញទៅវិញបាត់អស់ដោយទុកឲ្យអ្នកទាំងអស់នោះរៀបចំឧបករណ៍ដើម្បីត្រៀមកាត់ឈើប៉ុណ្ណោះ ប៉ុន្តែមិនទាន់នឹងបានកាត់ផងក៏ត្រូវទាហានឈុត់ខ្មៅថៃឡោមព័ទ្ឋនឹងចាប់ខ្លួនតែម្តង ។

បច្ចុប្បន្ន ពលរដ្ឋទាំង២០នាក់ មិនទាន់ដឹងថាតើត្រូវបានភាគីថៃបញ្ចូនទៅដល់ណាហើយនោះទេ ចំណែកពលខ្មែរ១០នាក់ទៀត ដែលរត់កេចខ្លួនសំងំក្នុងព្រៃក៏មិនដឹងថា នឹងទៅជាយ៉ាងណាដែរ ព្រោះរត់យកតែប្រាសអាយុ គ្មានស្បៀងអាហារជាប់នៅនឹងខ្លួនទេ ។

នៅថ្ងៃទី១៤ ខែសីហា នេះ មេគង្គប៉ុស្តិ៍ បានព្យាយាមទំនាក់ទំនងទៅសមត្ថកិច្ចព្រំដែនដើម្បីផ្ទៀងផ្ទាត់នូវព័ត៌មាននេះដែរ តែមិនទាន់ទទួលបានព័ត៌មានលម្អិតនោះឡើយ៕

មន្ត្រីខណ្ឌដង្កោទៅណាអស់ហើយ ទុកឲ្យទឹកភក់ជ្រាំ ដក់តាមចិញ្ចើមផ្លូវទៅបឹងជើងឯក

ភ្នំពេញ ៖ កំណាត់ផ្លូវ២១៧ ចាប់ពីខាងមុខសាលាខណ្ឌដង្កោ រហូតដល់ ត្រង់ចំណុចមជ្ឈមណ្ឌលប្រល័យពូជសាសន៍ជើងឯក ភូមិរលួស សង្កាត់ជើងឯក ខណ្ឌដង្កោ ស្ថានភាពដងផ្លូវ ចិញ្ចើមសងខាង ពិបាកភ្នែកមើល ដោយសារ ចិញ្ចើមផ្លូវពេញដោយ កាកសំណល់ដី ទឹកដក់ ខណៈដែលដងផ្លូវខាងលើ ឆ្លងកាត់ដោយភ្ញៀវទេសចរជាតិ និង អន្តរជាតិ ដំណើរចេញ ចូលសារមន្ទីរជើងឯក បាត់បង់អស់សោភ័ណ្ឌភាព បរិស្ថានដងផ្លូវ ពេលរាំងស្ងួត ដីហុយ ពេលមេឃភ្លៀង ទឹកដក់ ភក់ល្បាប់ ជាប់តាមដងផ្លូវ ។

តាមប្រជាពលរដ្ឋ មានលើកឡើងថា អ្វីដែលមិននឹកស្មានដល់ ស្លាកប៉ាណូមួយផ្ទាំងដាក់នៅពីខាងមុខសាលាខណ្ឌដង្កោ ដែលមានសំណេរ ខណ្ឌដង្កោ «ជ័យលាភីទីក្រុងស្អាត» ក្នុងរយៈពេលចន្លោះឆ្នាំ២០១៥-២០១៨ បច្ចប្បន្ននេះ ក៏ប៉ុន្តែបើពិនិត្យ សង្កេតជាក់ស្តែង នៅតាមបណ្តោយផ្លូវ មុខសាលាខណ្ឌ ដែលមានដាក់បង្ហាញ ពីស្នាដៃ ជ័យលាភី ទីក្រុងស្អាតរបស់ខណ្ឌដង្កោផ្ទាល់ ពិបាកភ្នែកមើល ក៏ដោយសារអាជ្ញាធរដូចជាលែងខ្វល់ជាមួយបរិស្ថានដងផ្លូវ២១៧ទៅហើយ បណ្តោយឲ្យ នៅតាមចិញ្ចើម នៃដងផ្លូវ ពោរពេញទៅដោយ កាកសំណល់ដី ដែលធ្លាក់ពីក្រុមរថយន្ត ដឹកដី ដឹកខ្សាច់ កំពុប រាល់ថ្ងៃ ស្របពេលដែលរដូវភ្លើងធ្លាក់ផងនោះ សំណល់កំណកដី ក្លាយទៅជាភក់ ទឹកដក់ បាត់ទៅហើយ ។

ពលរដ្ឋបន្តទៀតថា ជាងនេះទៅទៀត ដងផ្លូវ២១៧ មិនខុសណាពីដងផ្លូវ ធំៗក្នុងរាជធានីភ្នំពេញដែរ ដោយសារ ក្នុងខណ្ឌដង្កោ មានមជ្ឈមណ្ឌលប្រល័យពូ់ជសាសន៍ជើងឯក ដែលស្ថិតនៅក្នុងភូមិរលួស សង្កាត់ជើងឯក រាល់ថ្ងៃទៅហើយ ដែលភ្លៀវជាតិ និងអន្តរជាតិ លោកធ្វើដំណើរ ឆ្លងកាត់ ចេញចូល ទស្សនា ។

ដោយដងផ្លូវខាងលើ ពេញដោយ សំណល់កំណកដី ទឹកដក់ បង្កផលប៉ះពាល់ ដល់បរិស្ថាន និងសោភ័ណ្ឌភាពដងផ្លូវ អ្វីទៅដើម្បីឲ្យស័ក្តិសមទៅនឹងស្លាកប៉ាណូ ដែលបានដាក់បង្ហាញ ខណ្ឌដង្កោ ទីក្រុងស្អាតនោះ មេត្តាសូមឲ្យអាជ្ញាធរ ជួយពិនិត្យ ស្ថានភាពដងផ្លូវខាងលើ ៕

បុត្រច្បងរបស់សម្តេចក្រុមព្រះ ត្រូវតែងតាំងជាប្រធានស្តីទីគណបក្សហ្វ៊ុនស៊ិនប៉ិច

ភ្នំពេញ ៖ ប្រធានគណបក្សហ្វ៊ុនស៊ិនប៉ិច ព្រះអង្គម្ចាស់ នរោត្តម រណឫទ្ធិ នៅថ្ងៃទី ៨ ខែសីហា ឆ្នាំ២០១៨ កន្លងទៅនេះ បានចេញសេចក្តីសម្រេចមួយតែងតាំងព្រះរាជបុត្រច្បងរបស់ព្រះអង្គ ព្រះអង្គម្ចាស់ នរោត្តម ចក្រាវុឌ្ឍ ជាព្រះប្រធានស្តីទីគណបក្សនេះ និងតែងតាំងសហជីវិនម្នាក់ទៀត ធ្វើជាអគ្គលេខាធិការគណបក្ស ខណៈដែលព្រះអង្គកំពុងសម្រាកព្យាបាលរបួសនៅក្រៅប្រទេសដោយសារគ្រោះថ្នាក់ចរាចរណ៍កាលពីខែមិថុនា។

ក្នុងសេចក្តីសម្រេចចុះថ្ងៃទី ៨ ខែសីហា បានបង្ហាញថា៖ «ត្រូវបានតែងតាំងព្រះអង្គ ម្ចាស់ នរោត្តម ចក្រាវុឌ្ឍ ជាព្រះប្រធានស្ដីទីគណបក្សហ្វ៊ុនស៊ិនប៉ិច និងតែងតាំងសហជីវិន ពេជ្រ សូជេថ្ថា ជាអគ្គលេខាធិការប្រតិបត្តិគណបក្សហ្វ៊ុនស៊ិនប៉ិច»។

លោក ញ៉េប ប៊ុនជិន អ្នកនាំពាក្យគណបក្សហ្វុនស៊ិនប៉ិច បានបញ្ជាក់ថា ព្រះអង្គម្ចាស់ នរោត្តម ចក្រាវុឌ្ឍ គឺជាព្រះរាជបុត្រច្បងរបស់ព្រះអង្គម្ចាស់ នរោត្តម រណឫទ្ធិ ជាមួយម្ចាស់ក្សត្រិយ៍ ម៉ារី រណឫទ្ធិ ដែលព្រះអង្គម្ចាស់អង្គនេះបច្ចុប្បន្នកំពុងសិក្សានៅប្រទេសបារាំង និងជាវិស្វករជំនាញ ១ រូបផងដែរ។ «ខ្ញុំគ្រាន់តែដឹងថា ព្រះអង្គជាវិស្វករ និងកំពុងសិក្សានៅបារាំង ខ្ញុំអត់ដឹងព្រះអង្គកំពុងរៀនជំនាញអ្វីដែរ ហើយកន្លងមកព្រះអង្គក៏អត់ទាន់មានតួនាទីនៅក្នុងគណបក្សដែរ»៕

ឃាត់ខ្លួនជនជាតិវៀតណាម១២នាក់ ប្រើប្រាស់ឯកសារមិនត្រឹមត្រូវនៅសង្កាត់ព្រែកប្រា

ភ្នំពេញ ៖ នៅថ្ងៃទី១៤ ខែសីហា ឆ្នាំ២០១៨ វេលាម៉ោង០៩និង៣០នាទី កម្លាំងការិយាល័យស៊ើបអង្កេតនិងអនុវត្តនីតិវិធី នៃស្នងការដ្ឋាននគរបាលរាជធានីភ្នំពេញ សហការជាមួយនាយកដ្ឋានស៊ើបអង្កេត និងអនុ វត្តនីតិវិធីនៃអគ្គនាយកដ្ឋានអន្តោប្រវេសន៍ និងកម្លាំងសមត្ថកិច្ចមូលដ្ឋានខណ្ឌច្បារអំពៅ សម្របសម្រួលផ្លូវច្បាប់ដោយលោក សៀង សុខ ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញនឹងលោក លឹម ស៊ាងហៃ ក្រឡាបញ្ជី ចុះត្រួតពិនិត្យ ជនជាតិវៀតណាម ដែលឆ្លងដែន និងធ្វើការខុសច្បាប់ស្ថិតនៅ ទីតាំងអេតចាយ សិប្បកម្មឈើ ហាងកាហ្វេ និងផ្ទះជួល ភូមិអូរអណ្តូង១ សង្កាត់ព្រែកប្រា ខណ្ឌច្បារអំពៅ។

លោកវរសេនីយ៍ទោ ជា ចិត្រា នាយការិយាល័យស៊ើបអង្កេតនិងអនុវត្តនីតិវិធីនៃស្នងការនគរបាលរាជធានីភ្នំពេញបានឲ្យដឹងថាក្នុងប្រតិបត្តិការបានពិនិត្យឃើញជនជាតិវៀតណាម សរុបចំនួន១២នាក់ (ស្រី០៧នាក់) ប្រើប្រាស់ឯកសារមិនត្រឹមត្រូវ។ក្រោយការត្រួតពិនិត្យកម្លាំងជំនាញឃាត់ខ្លួនបញ្ជូនទៅអគ្គនាយកដ្ឋានអន្តោប្រវេសន៍ដើម្បីអនុវត្តនីតិវិធីបន្តនៃច្បាប់ ៕

គយច្រកអន្តរជាតិគីឡូ១៣ បិទការនាំចូលត្រីចំណីក្រពើ និងបង្វិលលុយដាក់ខែសងឈ្មួញវិញ

August 12, 2018ព័ត៌មានគួរចាប់អារម្មណ៍, ព័ត៌មានថ្មីចុងក្រោយ, ព្រឹត្តិការណ៍កម្ពុជា, សន្តិសុខ/សង្គមមេគង្គ ប៉ុស្តិ៍

បាត់ដំបង ៖ បន្ទាប់ពីមានការចុះផ្សាយ ពីអង្គភាពសារព័ត៌មាន មេគង្គប៉ុស្តិ៍ ពាក់ព័ន្ធករណីយកលុយដាក់ខែពីក្រុមឈ្មួញ នាពេលកន្លងមក ស្ថាប័នគយច្រកទ្វារអន្តរជាតិគីឡូ១៣(ហៅច្រកភ្នំដី)ត្រូវបានគេរាយការណ៍ថា បានបញ្ឈប់ឲ្យក្រុមឈ្មួញនាំត្រីក្លាសេចូលពីប្រទេសថៃ ដែលសម្រាប់ធ្វើជាចំណីឲ្យក្រពើស៊ីនៅខេត្តសៀមរាប តាមច្រកទ្វារព្រំដែនអន្តរជាតិខាងលើនេះទៀតហើយ និងក៏បានបង្វិលលុយដាក់ខែសងម្ចាស់ដើមវិញផងដែរ។

ប្រភពព័ត៌មានបានរាយការណ៍ ថា មួយរយៈដែលស្ថាប័នគយច្រកទ្វារខាងលើ បានបិទមិនឲ្យនាំត្រីក្លាសេសម្រាប់ធ្វើជាចំណីក្រពើនោះ គឺក្រពើនៅខេត្តសៀមរាប ត្រូវខ្វះខាតចំណីអស់មួយរយៈ ។ ប្រភពបន្តថា ប្រាក់ដែលក្រុមឈ្មួញរកស៊ីនាំត្រីក្លាសេពីថៃចូលកម្ពុជា ត្រូវបង់ដាក់ខែឲ្យទៅស្ថាប័នគយមួយខែៗ ១លាន ២សែនរៀល ជារៀងរាល់ខែនោះ ត្រូវបានលោកមេគយធ្វើការចែកជាពីរចំណែក គឺឲ្យទៅកូនចៅមួយចំណែកក្នុងមួយខែៗ ៤០ម៉ីនរៀល និងមួយចំណែកទៀត លោកមេគយទុកខ្លួនឯងចំនួន ៨០ម៉ីនរៀល ។ ប៉ុន្តែ ក្រោយពេលផ្ទុះរឿងពុករលួយឮដល់បណ្តាញព័ត៌មាន លោក មេគយបញ្ជាឲ្យហៅក្រុមឈ្មួ្ញញមកទទួលយកលុយពុករលួយដាក់ខែនោះត្រឡប់ទៅវិញ អមដោយការហាមឃាត់ មិនឲ្យនាំចូលត្រីក្លាសេនោះទៀតឡើយ។

ប្រភពដដែលបន្តថា ករណីអំពើរពុករលួយនេះ មិនមែនទើបតែកើតមាននោះទេ គឺមានយូរហើយ ទើបធ្វើឲ្យមជ្ឈដ្ឋាមួយចំនួនបានរិះគន់ឥតសំចៃមាត់ទេ រហូតលេចឮដល់បណ្តាញព័ត៌មាន ទើបធ្វើឲ្យលោកគយ កើតការខឹងសម្បារឈានដល់ការបង្វិលលុយដាក់ខែសងវិញ និងប្រកាសបិទច្រកតែម្តង ដែលទង្វើនេះ ត្រូវបានក្រុមឈ្មួញ និងប្រជាពលរដ្ឋបានចាត់ទុកថា ជាការផ្ចាញ់ផ្ចាលដើម្បីសងសឹក។

ប្រភពបានរំលឹកពីការត្អូញត្អែររបស់ក្រុមអ្នករកស៊ីថា ប្រជាពលរដ្ឋដែលមានគំនិតបើករកស៊ីស្របច្បាប់ ដើម្បីចញ្ចឹមក្រុមគ្រួសារនោះ គឺជាការល្អប្រសើរ ដែលអាចជួយកាត់បន្ថយភាពក្រីក្រ និងការធ្វើចំណាកស្រុកផងដែរ។តែផ្ទុយទៅស្ថាប័នគយច្រកទ្វារព្រំដែនអន្តជាតិខាងលើនេះ បែរជាធ្វើផ្ទុយពីគោលនយោបាយរបស់រាជរដ្ឋាភិបាលទៅវិញ មិនត្រឹមតែប៉ុណ្ណោះទេ នៅមុនពេលបែកធ្លាយរឿងពុករលួយនៅច្រកទ្វារមួយនេះ អស់លោកគយ បានប្រើតួនាទី និងអំណាចក្នុងស្ថាប័នរដ្ឋជំរិតទារលុយដាក់ខែ ឬរាប់ក្បាលឡានយកលុយដោយកំហិតឲ្យបង់ប្រាក់យ៉ាងចាស់ដៃ គ្មានការលើកលែងមួយករណីណាឡើយ បើទោះបីជាមានការអង្វរឲ្យបន្ធូរបន្ថយតម្លៃក៏ដោយ។

នៅព្រឹកថ្ងៃទី១២ ខែសីហា ឆ្នាំ២០១៨ ភ្នាក់ងារព័ត៌មាន មេគង្គប៉ុស្តិ៍ មិនអាចសុំការពន្យល់ពាក់ព័ន្ធនឹងព័ត៌មានដូចខាងលើនេះបានទេ ដោយសារលោក អ៊ុយ វិត ប្រធានការិយាល័យគយ និងរដ្ឋាករប្រចាំច្រកទ្វារអន្តរជាតិគីឡូ១៣ ឬច្រកភ្នំដី មិនទទួលទូរស័ព្ទ៕

ការរញ្ជួយដីកំរិត ៧ រិចស្ទ័រ វាយប្រហារវិហារនៅកោះបាលី របស់ឥណ្ឌូនេស៊ី

August 10, 2018ព័ត៌មានថ្មីចុងក្រោយ, ព័ត៌មានអន្តរជាតិ, ព្រឹត្តិការណ៍កម្ពុជាមេគង្គ ប៉ុស្តិ៍

ឥណ្ឌូនេស៊ី ៖ ខ្សែវីដេអូបង្ហាញពី អាចារ្យអ៊ីស្លាម កំពុងបួងសួង នៅកោះបាលី បន្ទាប់ពី រញ្ជួយដីកំរិត 7.0 រិចស្ទឺ នៅកោះឡំបុក នៅជិតកោះបាលី កាលពីល្ងាចថ្ងៃអាទិត្យ។ វីដេអូ ថតផ្ទាល់តាមបណ្តាញសង្គម បង្ហាញអាចារ្យ កំពុងបួងសួង ជាមួយ អ្នកបួងសួងជាច្រើន នៅក្នុងព្រះវិហារ ដេនប៉ាសា នៅពេលដែលរញ្ជួយដី បានវាយប្រហាអគារ។

រញ្ជួយដីលើកទី 3 បន្ថែមស្ថានភាពកាន់តែអាក្រក់ នៅលើកោះជាច្រើន ក្នុងនោះមានកោះ បាលី ដែលជាគោលដៅទេសចរណ៍សំខាន់បំផុតរបស់ប្រទេស ឥណ្ឌូនេស៊ី ។ វីដេអូបង្ហាញឲ្យឃើញសមភាពច្រួលច្របល់ក្នុងអាកាសយានដ្ឋាននៅថ្ងៃព្រហស្បតិ៍ ដោយសារតែការរញ្ជួយដ៏ខ្លាំង ក្នុងពេលដែលអ្នកដំណើរកំពុងព្រួយបារម្ភក្រោយជួបនឹងស្ថានភាពនេះចំនួនពីរលើកបន្តបន្ទាប់គ្នា ។

ទោះយ៉ាងណា អាជ្ញាធរនិយាយថា ផ្ចិតរញ្ជួយស្ថិតនៅលើដី មិនមែននៅក្រោមសមុទ្រ ដូច្នេះពុំមានរលកស៊ូណាមិឡើយ ប៉ុន្តែអគាររាប់ពាន់ខ្នងបាក់បន្ថែមទៀត ដោយសារអគារមួយចំនួនទ្រុឌទ្រោមក្រោយរញ្ជួយដីពីលើកកាលពីដើមសប្ដាហ៍ ។ ទោះយ៉ាងណា តួលេខផ្លូវការនៃចំនួនអ្នកស្លាប់ដោយសាររញ្ជួយដីនេះ នៅមិន ទាន់ដឹងច្បាស់នៅឡើយ ដោយសារភ្នាក់ងារកំពុងបន្តប្រតិបត្តិការស្វែងរក និងជួយ សង្គ្រោះ ប៉ុន្តែមន្ត្រីមួយចំនួនអះអាងថា អ្នកស្លាប់កើនឡើងដល់ 300 នាក់ ។

កាលពីរសៀលថ្ងៃ អង្គារ រញ្ជួយដីកើតឡើងម្ដងទៀត មានកម្រិត 5.2 រិចទ័រ នៅលើកោះ លុំបុក ដែលស្ថិតនៅជាប់កោះ បាលី ប្រទេស ឥណ្ឌួនេស៊ី បន្ទាប់ពីកោះនេះ ទើបមានរញ្ជួយដីកម្រិត 7 រិច័ទរកាលពីថ្ងៃ អាទិត្យ សម្លាប់មនុស្ស 142 នាក់ ៕

ទីក្រុងសៅប៉ូឡូ ប្រទេសប្រេស៊ីល កំពុងទទួលរង គ្រោះរាំងស្ងួត ក្នុងរដូវរងារ

ប្រេស៊ីល ៖ ទីក្រុងសៅប៉ូឡូ ប្រទេសប្រេស៊ីល កំពុងទទួលរងគ្រោះរាំងស្ងួត ក្នុងរដូវរងារ ដែល តំបន់មួយចំនួនគ្មានទឹកភ្លៀងធ្លាក់ រយៈពេល៤ខែមកនេះ ដែលកំពុង បង្អាក់ដល់ ជីវភាពរស់នៅរបស់ប្រជាជន និងបផលិតកម្មកសិកម្ម ។ ទន្លេប៉ារីស៊ីកាបា គឺជាទន្លេមួយ ដ៏ធំ ក្នុងទីក្រុងសៅប៉ូឡូ បានស្រកទឹកយ៉ាងខ្លាំង ដោយសារគ្មានភ្លៀងធ្លាក់ ក្នុងរយៈពេល ១២១ថ្ងៃ ។

ប្រជាជនក្នុងតំបន់និយាយថា ទឹកទន្លេស្រកចុះយ៉ាងខ្លាំង រយៈពេល៤ឆ្នាំ មកនេះ ដែលលោកបានចងចាំថាកាលពីពេលលោកនៅក្មេង អាយុ ១៥ ឬ១៦ឆ្នាំ លោក មកស្ទូចត្រី នៅទន្លេរនេះ ជាមួយឪពុករបស់លោក។

ត្រីលែងចូលទៅក្នុងទន្លេរ ហើយ យើងអាចស្ទូចវាមកវិញ បានដោយងាយស្រួល ប៉ុន្តែនៅពេលនេះ គ្រោះរាំងស្ងួត ចាប់ តាំងពីខែមេសាឆ្នាំនេះ បានធ្វើឲ្យការនេសាទជួបការលំបាក។ បាតុភូត អ៊ែលនីណូ និងឡា នីណា បានធ្វើឲ្យមានផលប៉ះពាល់យ៉ាងខ្លាំង លើអាកាសធាតុ ប្រទេសប្រេស៊ីល ប៉ុន្តែ ផលប៉ះពាល់ទាំងនេះ បានកើតឡើងនៅតំបន់ ភាគខាងត្បូង និងប៉ែកឥសាន ប្រទេស។

សាស្ត្រាចារ្យ ប្រព័ន្ធជីវសាស្ត្រ នៃសាកលវិទ្យាល័យ សៅប៉ូឡូ និយាយថាមូលហេតុនៃ គ្រោះរាំងស្ងួត នៅមិនទាន់ដឹងច្បាស់នៅឡើយ៕

ប្រធានាធិបតីអ៊ីរ៉ង់ ប្រាប់កូរ៉េខាងជើង កុំឲ្យទុកចិត្តសហរដ្ឋអាមេរិក

អ៊ីរ៉ង់ ៖ សារព័ត៌មានក្នុងតំបន់បានរាយការណ៍ថា ប្រធានាធិបតីអ៊ីរ៉ង់ លោក ហាសាន រ៉ូហានី បានព្រមានថា រដ្ឋបាលសហរដ្ឋអាមេរិកមិនអាចទុកចិត្តបានទេ ខណះដែលលោកបានជួបជាមួយ រដ្ឋមន្ត្រីការបរទេសកូរ៉េខាងជើង លោក រី យ៉ុងហូ ក្នុងទីក្រុងតេអេរ៉ង់។

ប្រធានាធិបតីសហរដ្ឋអាមេរិក លោក ដូណាល់ ត្រាំ បានចេញបទបញ្ជាមួយ កាលពីខែមិថុនា ដើម្បីដាក់ទណ្ឌកម្មលើប្រទេសអ៊ីរ៉ង់ឡើងវិញ បន្ទាប់ពីកិច្ចព្រមព្រៀងនុយក្លេអ៊ែរឆ្នាំ 2015 ដោយផ្តោតលើ វិស័យសំខាន់ៗនៃសេដ្ឋកិច្ចអ៊ីរ៉ង់។

លោករូហានី បាននិយាយថា អាកប្បកិរិយារបស់ក្រុងវ៉ាស៊ីនតោន ចំពោះកិច្ចព្រមព្រៀងនុយក្លេអ៊ែរ បានបង្ហាញថា សហរដ្ឋអាមេរិកមិនបានត្រៀមខ្លួន ដើម្បីរក្សាការសន្យាកិច្ចព្រមព្រៀងអន្តរជាតិរបស់ខ្លួននោះទេ ។

សារព័ត៌មានIRINN បានរាយការណ៍ថា ក្នុងអំឡុងពេលនៃជំនួប ជាមួយ លោក រី យ៉ុងហូ លោករូហានី បានគូសបញ្ជាក់ពីសារៈសំខាន់ នៃការបង្កើតសន្តិភាព និងស្ថិរភាព នៅឧបទ្វីបកូរ៉េផងដែរ។

ក្រុមមន្ត្រីអាមេរិកបាននិយាយ កាលពីពេលថ្មីៗនេះថា ពួកគេមានបំណងដាក់សម្ពាធ លើបណ្តាប្រទេសជាច្រើន ឱ្យបញ្ឈប់ការទិញប្រេងពីអ៊ីរ៉ង់ ក្នុងគោលបំណងបង្ខំឱ្យរដ្ឋាភិបាល ទីក្រុងតេអេរ៉ង់ ផ្អាកកម្មវិធីនុយក្លេអ៊ែរ និងមីស៊ីល និងការចូលរួមនៅក្នុងជម្លោះក្នុងតំបន់ នៅក្នុងប្រទេស ស៊ីរី និងអ៊ីរ៉ាក់៕

ស្លាប់៩នាក់ ខណៈទូកដឹកជនអន្តោរប្រវេសន៍ លិចនៅឆ្នេរសមុទ្រទួកគី

ទួកគី ៖ ឆ្មាំសមុទ្រទួរគី បាននិយាយថា មនុស្ស 9 នាក់ បានស្លាប់ នៅពេលដែលទូកដឹកជនអន្តោរ ប្រវេសន៍ បានលិចនៅឆ្នេរសមុទ្រភាគខាងលិច នៃប្រទេសទួរគី ខណះដែលមនុស្សបួននាក់ត្រូវ បាន ជួយសង្គ្រោះ។

ឆ្មាំសមុទ្រ បាននិយាយថា ទូកបានលិចនៅឆ្នេរសមុទ្រ នៃខេត្តអាយឌីន ដែលជាគោលដៅទេសចរណ៍ដ៏មានប្រជាប្រិយភាពរបស់ប្រទេសទួរគី។
នៅឆ្នាំ 2015 ប្រទេសទួរគី បានក្លាយ ជាចំណុចចាប់ផ្តើមដ៏សំខាន់មួយសម្រាប់ជនអន្តោប្រវេសន៍ ជាងមួយលាននាក់ ដែលធ្វើដំណើរតាមផ្លូវសមុទ្រ ទៅកាន់សហភាពអឺរ៉ុប ដោយសារមានមនុស្ស ជាច្រើន ភៀសខ្លួនចេញពីជំលោះ និងភាពក្រីក្រនៅមជ្ឈឹមបូព៌ា និងបណ្តាប្រទេសអាហ្វ្រិក។

កិច្ចព្រមព្រៀង ឆ្នាំ2016 រវាងប្រទេសទួកគី និងសហភាពអឺរ៉ុប បានកាត់បន្ថយយ៉ាងខ្លាំង នូវលំហូរចូលជនអន្តោរប្រវេសន៍ បន្ទាប់ពីមនុស្សរាប់រយនាក់ បានស្លាប់ នៅពេលឆ្លងកាត់ ទៅកោះប្រទេសក្រិក ដែលមានចម្ងាយតែប៉ុន្មានម៉ាយ ពីឆ្នេរសមុទ្រប្រទេសទួរគី។

យោងតាមគេហទំព័ររបស់ឆ្មាំឆ្នេរសមុទ្របានឱ្យដឹងថា រហូតមកដល់ថ្ងៃទី 7 សីហា មនុស្សចំនួន 54 នាក់ បានស្លាប់នៅឆ្នេរសមុទ្រតួគី នៅឆ្នាំនេះ៕

សមត្ថកិច្ចមានតម្រុយពីជនអនាមិកដែល Hack ហ្វេសប៊ុកសម្ដេចតេជោ ហើយ

August 10, 2018ព័ត៌មានថ្មីចុងក្រោយ, ព្រឹត្តិការណ៍កម្ពុជា, សន្តិសុខ/សង្គមមេគង្គ ប៉ុស្តិ៍

ភ្នំពេញ ៖ នាយឧត្តមសេនីយ៍ នេត សាវឿន អគ្គស្នងការនគរបាលជាតិ នៅថ្ងៃទី១០ ខែសីហា ឆ្នាំ២០១៨ បានដាក់បទបញ្ជាដល់កម្លាំងសមត្ថកិច្ចជំនាញ បើកការស្រាវជ្រាវជាបន្ទាន់ចំពោះអត្តសញ្ញាណជនអនាមិកដែលបានចូល ហេក (Hack) ក្នុងទំព័រហ្វេសប៊ុកផ្លូវការរបស់សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា។

ការចេញបញ្ជាឲ្យតាមចាប់ខ្លួនជនអនាមិកដែល ហេក ទំព័រហ្វេសប៊ុកសម្តេចតេជោ ហ៊ុន សែន នេះ គឺនៅ ក្រោយពេលដែលជននោះបានចូល ហេក ប្រព័ន្ធហ្វេសប៊ុករបស់សម្តេចតេជោ ហើយបានសរសេរព័ត៌មានដោយ ក្លែងក្លាយ បង្ហោះនៅព្រឹកថ្ងៃទី១០ ខែសីហា នេះ ថា «គណបក្សប្រជាជនកម្ពុជា នឹងចែករំលែក ៤អាសនៈទៅគណ បក្ស ២ផ្សេងទៀត ពោលគឺ ២អាសនៈជូនទៅគណបក្សសម្ព័ន្ធដើម្បីប្រជាធិបតេយ្យ និង២អាសនៈទៀតជូនទៅ គណបក្សហ្វ៊ុនស៊ិនប៉ិច-។

នាយឧត្តមសេនីយ៍ ខៀវ សុភ័គ អ្នកនាំពាក្យក្រសួងមហាផ្ទៃ បានបញ្ជាក់ថា ការដែលយក Facebook នេះ មកគ្រប់គ្រងវិញបាន ដោយសារតែមានកិច្ចសហប្រតិបត្តិការពីក្រុមហ៊ុន Facebook ផ្ទាល់តែម្តង ហើយនៅពេល នេះ កម្លាំងជំនាញបានរកឃើញតម្រុយមួយចំនួនហើយ ក្នុងនោះគឺជនទុច្ចរិតដែលវាយប្រហារ (Hack) Facebook សម្តេចតេជោ ហ៊ុន សែន គឺមាននិន្នាការប្រឆាំង ដែលអ្នកខ្លះកំពុងលាក់ខ្លួននៅក្រៅប្រទេស។ ឯ.ឧ. ខៀវ សុភ័គ អះអាងថា កម្ពុជានឹងសហការជាមួយប៉ូលិសអន្តរជាតិ (Interpol) ដើម្បីតាមចាប់ខ្លួនក្រុម Hacker ទាំងនោះ។

នាយឧត្តមសេនីយ៍ ខៀវ សុភ័គ បានថ្លែងប្រាប់បណ្តាញព័ត៌មាននៅល្ងាចថ្ងៃទី១០ ខែសីហា នេះថា សមត្ថកិច្ចជំនាញមានតម្រុយខ្លះហើយ ពាក់ព័ន្ធអ្នកលួច Hack ហ្វេសប៊ុកសម្តេច ហ៊ុន សែន ហើយសមត្ថកិច្ចកំពុងតែបន្តធ្វើការស្រាវជ្រាវ និងរៀបចំនីតិវិធីបញ្ជូនសំណុំរឿងទៅតុលាការ។

ឯ.ឧ. ខៀវ សុភ័គ បានបញ្ជាក់ទៀតថា ចេតនារបស់ក្រុម Hacker ដែលវាយប្រហារ Facebook សម្តេច តេជោគឺគោលបំណងដើម្បីបំផ្លាញដល់សន្តិសុខ និងបង្កភាពភាន់ច្រឡំចំពោះការបោះឆ្នោតនៅកម្ពុជា ចំពោះករណី នេះ ក្រុមជំនាញកំពុងរៀបចំកសាងសំណុំរឿងទៅតុលាការដើម្បីចាត់វិធានការតាមផ្លូវច្បាប់។

សូមជម្រាបថា គេហទំព័រហ្វេសប៊ុកផ្លូវការរបស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ដែលមានឈ្មោះថា Samdech Hun Sen Cambodian Prime Minister ត្រូវបានក្រុមជនអនាមិកលួចចូលទៅគ្រប់គ្រងបានរយៈពេលជាងមួយម៉ោងប៉ុណ្ណោះ ហើយនៅពេលនេះ ត្រូវបានយកមកគ្រប់គ្រងវិញហើយ៕

អាងស្តុកទឹកមួយចំនួននៅឧត្តរមានជ័យ បើកបង្ហូរចេញដើម្បីបញ្ចៀសការជន់លិច

ឧត្តរមានជ័យ ៖ មន្ទីរមន្ត្រីធនធានទឹក និងឧតុនិយមខេត្តឧត្តរមានជ័យ បានអោយដឹងថា ភ្លៀងធ្លាក់ជាប់ គ្នាដែលធ្វើអោយទឹកនៅតាមបណ្ដាអាងស្តុបកទឹក មួយចំនួនក្នុងខេត្ត ត្រូវបានបើកបង្ហូរទឹកចេញខ្លះៗ និងបណ្តាអាងស្តុបទឹកផ្សេងៗ ទៀតនៅខ្វះទឹកសម្រាប់រក្សាទុកនៅឡើយ។

តាមអោយដឹងពី លោក ញឺន កួន ប្រធានមន្ទីរធនធានទឹក និងឧតុនិយមខេត្តឧត្តរមានជ័យ បានឲ្យដឹងថា បើគិតចាប់ត្រឹមពីថ្ងៃទី៨ រហូតដល់ថ្ងៃទី១០ ខែសីហា ឆ្នាំ២០១៨ នេះ អាងស្តុកទឹកមួយ ចំនួន ត្រូវជំនន់ទឹកភ្លៀងជនលិចរហូតដល់កំរិតប្រកាសាសន្ន ដែលធ្វើអោយមន្ត្រីជំនាញសម្រេចចិត្ត បើកបង្ហូរទឹកចេញខ្លះ ដើម្បីជៀសវាងពីផលប៉ះពាល់។

លោកបានបន្ថែមថា ស្ថានភាពមានភ្លៀងធ្លាក់ នៅផ្នែកខាងលើនៃជួរភ្នំ តាមព្រំដែនរយៈពេលប៉ុន្មានថ្ងៃជាប់ៗគ្នា ក៏ពិតមែន ក៏ប៉ុន្តែវាមិនទាន់មានទឹកជនលិចមកផ្នែកខាងក្រោម លបង្កឲ្យមានផលប៉ះពាល់ដល់ផ្ទះសម្បែង និងស្រែចំការ ផលដំណាំរបស់ប្រជាកសិករដូចឆ្នាំមុនៗនោះទេ។

លោកបន្តថា ស្ថានភាពទឹកក្នុងអាងស្តុកទឹកទំនប់០៥ បានជន់លិចឡើងដល់កំរិតប្រកាស អាសន្ន កំពស់ទឹក២,២០ម៉ែត្រ ស្ថិតនៅភូមិអភិវឌ្ឍន៍ ឃុំអូរស្វាយ ស្រុកត្រពាំងប្រាសាទ និងទំបន់ លោក ទំនប់ទឹកត្រពាំងវែង ស្ថិតក្នុងសង្កាត់កូនក្រៀល ក្រុងសំរោង ដោយមន្ត្រីជំនាញបានធ្វើការបើកបង្ហូរទឹកចេញជាបណ្តើរៗ ដើម្បីបន្តចូលទៅក្នុងអាងស្តុបទឹកធំៗ នៅផ្នែកខាងក្រោម។ម្យ៉ាងទៀត ដើម្បីការពារនៅពេលដែលមានប្រភពទឹកខ្លាំងចូលមក បើកបង្ហូរចេញមិនទាន់ ដែលជាបញ្ហាបង្កអោយមានផលប៉ះពាល់ដល់ផលប្រយោជន៍ផ្សេងៗដូចឆ្នាំមុនៗនោះផងដែរ។

ដូចជាអាងស្តុកទឹកបឹងតាម៉ុក ស្រុកអន្លង់វែងដែលជាទីស្តុកទឹក ដ៏សំខាន់មួយ និងក៏ជាអាងរំដោះទឹក ពីអាងស្តុបទឹកលេខ០៥ (សូន្យប្រាំ) ក្នុងស្រុកត្រពាំងប្រាសាទ។

លោកប្រធានមន្ទីរធនធានទឹក និងឧតុនិយម បានបញ្ជាក់ទៀតថា នៅក្នុងខេត្តឧត្តរមានជ័យ សព្វថ្ងៃ នេះ ក្រៅពីប្រព័ន្ធធារាសាស្ត្រធុនធំ ចំនួន៣កន្លែង ហើយមានប្រព័ន្ធធារាសាស្ត្រធុនមធ្យម និងធុនតូចសរុបទាំងអស់ចំនួន៧០កន្លែង នៅតាមបណ្តាស្រុកនានា ក្នុងខេត្ត ដែលកំពុងតែបម្រើអោយផលប្រយោជន៍លើវិស័យកសិកម្ម ក្នុងខេត្តនេះ៕

បង្ក្រាបសង្វៀនជល់មាន់នៅជ្រផយចង្វា ឃាត់ខ្លួនមនុស្ស រថយន្ត ម៉ូតូ និងមាន់ជល់៧ក្បាល

ភ្នំពេញ ៖ គណៈបញ្ជាការខណ្ឌជ្រោយចង្វាបានដឹកនាំកម្លាំងចម្រុះ ចុះប្រតិបត្តិការបង្ក្រាបទីតាំងសង្វៀនជល់មាន់មួយកន្លែង ឃាត់ខ្លួនមនុស្សជាច្រើននាក់ និងដកហូតម៉ូតូ រថយន្តជាច្រើនគ្រឿង រួមទាំងមាន់ជាច្រើនក្បាលផងដែរ។ ប្រតិបត្តិការណ៍នេះធ្វើឡើងកាលពីម៉ោង១២រសៀលថ្ងៃទី១០ ខែសីហា ឆ្នាំ២០១៨ នេះ ស្ថិតនៅក្នុងភូមិគៀនឃ្លាំង សង្កាត់-ខណ្ឌជ្រោយចង្វា រាជធានីភ្នំពេញ ។

លោក កៅ សារ៉ាវុធ អភិបាលរងខណ្ឌជ្រោយចង្វា បានប្រាប់ឲ្យដឹងថា មានការរាយការណ៍ពីប្រជាពលរដ្ឋថា មានកន្លែងបើកលេងល្បែងស៉ីសងមាន់ជល់មួយកន្លែង ស្ថិតក្នុងភូមិគៀនឃ្លាំង សង្កាត់ជ្រោយចង្វា។ បន្ទាប់ពីទទួលបានដំណឹងនេះភ្លាមៗ លោក ឃ្លាំង ហួត អភិបាលខណ្ឌជ្រោយចង្វា បានបញ្ជាឲ្យលោកដឹកនាំកម្លាំងចម្រុះចុះបង្ក្រាបទីតាំងជល់មាន់នេះភ្លាម។

លោកអភិបាលរងបន្តទៀតថា នៅក្នុងប្រតិបត្តិការនេះ កម្លាំងយើងបានឃាត់ខ្លួនមនុស្សចំនួន ១២នាក់, ម៉ូតូ ៣៧គ្រឿង, រថយន្ត Tundra មួយគ្រឿង, និងមាន់ជល់ចំនួន ៧ក្បាល រួមនឹងសម្ភារមួយចំនួនទៀតដែលបម្រើឲ្យសង្វៀនជល់មាន់ ។

បន្ទាប់ពីប្រតិបត្តិការចប់ កម្លាំងជំនាញបាននាំខ្លួនមនុស្សទាំងអស់នោះទៅកាន់អធិការដ្ឋាននគរបាលខណ្ឌជ្រោយចង្វារដើម្បីកសាងសំណុំរឿង ចាត់ការបន្តតាមនីតិវិធី ៕

យោធាពាក់ផ្កាយ៣ម្នាក់ កាងរឿងកាយដី ជេរប្រមាថប្រធានមន្ទីររ៉ែថាមពលម៉ាចាស់ដៃ

កំពង់ស្ពឺ ៖ លោកឧត្តមសេនីយ៍យោធាពាក់ផ្កាយ៣ ត្រូវបានមន្ត្រីមន្ទីររ៉ែ និងថាមពលខេត្តកំពង់ស្ពឺ និងប្រជាពលរដ្ឋនៅក្បែរកន្លែងកើតហេតុរិះគន់ថាគ្មានសុជីវធម៌សោះ មានឋានន្តរស័ក្តិពាក់រហូតដល់ផ្កាយ៣លើស្មារទៅហើយនោះបែរជាមកស្រែកជេរប្រមាថមន្ត្រីជំនាញនិងលោកប្រធានមន្ទីររ៉ែនិងថាមពលខេត្តកំពង់ស្ពឺម៉ាចាស់ដៃ ខណៈដែលមន្ត្រីជំនាញបានចុះទៅពិនិត្យក្រុមឈ្មួញរកស៊ីជីកកាយអាចម៍ដីលក់មិនបានសុំច្បាប់ទម្លាប់ហើយត្រូវបានលោកផ្កាយ៣រូបនោះកាងនៅពីក្រោយខ្នងមិនគោរពច្បាប់បន្តិចសោះយកច្បាប់ព្រៃនិងអំណាចរបស់ខ្លួនមកគំរាមមន្ត្រីជំនាញតែម្តង។

បើតាមសម្តីរបស់លោក ផាន់ ឧត្តម អាយុ២៦ឆ្នាំ ជាមន្ត្រីមន្ទីររ៉ែ និងថាមពលខេត្តកំពង់ស្ពឺ រស់នៅក្នុងភូមិពាណិជ្ជកម្ម សង្កាត់រកាធំ ក្រុងច្បារមន ខេត្តកំពង់ស្ពឺបាននិយាយអោយក្រុមអ្នកកាសែតប្រចាំខេត្តកំពង់ស្ពឺដឹងថា កាលពីព្រឹកថ្ងៃទី០៧ ខែសីហា ឆ្នាំ២០១៨កន្លងទៅគណបញ្ជាការឯកភាពស្រុកសំរោងដឹកនាំកម្លាំងចម្រុះចុះពិនិត្យមើលដំណាំស្រែស្រូវរបស់ប្រជាពលរដ្ឋនៅក្នុងឃុំត្រពាំងគង ស្រុកសំរោងទង ខេត្តកំពង់ស្ពឺ បន្ទាប់ពីចុះពិនិត្យរួចហើយក៏ប្រទះឃើញមានក្រុមឈ្មួញមួយក្រុមដែលរកស៊ីជីកាយអាចម៍ដីលក់នោះសង្ស័យមិនបានសុំច្បាប់ទម្លាប់ ក៏ទូរសព្ទ័ទៅខាងមន្ត្រីជំនាញរ៉ែ និងថាមពលអោយចុះទៅពិនិត្យនិងសួរនាំរឿងជីកកាយមានច្បាប់ទម្លាប់ដែលឬទេ?។

លោកបានបន្តទៀតថា បន្ទាប់ពីទទួលបានព័ត៌មានខាងលើរួចហើយលោកផាន់ ឧត្តម រួមជាមួយមន្ត្រីចំនួន២នាក់ទៀតរួមដំណើររថយន្តមួយគ្រឿងបានចុះទៅធ្វើការសួរនាំតៃកុងរថយន្តដឹកដីនោះនិយាយថា គ្រឿងចក្រដែលកំពុងជីកកាយយកអាចម៍ដីនោះថៅកែមានឈ្មោះ លឹម ហេង ដែលរស់នៅម្តុំផ្សារព្រៃផ្តៅ ហើយការជីកកាយយកអាចម៍ដីនេះនៅក្នុងភូមិលំពែងព្រះរាម ឃុំត្រពាំងគង ស្រុកសំរោងទង ខេត្តកំពង់ស្ពឺ។

ប្រភពពីមន្ត្រី ដដែលបានបន្តថាបន្ទាប់មកពួកគាត់បានទូរសព្ទ័ទៅលោក លឹម ហេង ដើម្បីសួរនាំ និងណែនាំអោយសុំច្បាប់ទម្លាប់ត្រឹមត្រូវតាមច្បាប់រដ្ឋកំណត់ បង់ស៊ុយសារចូលរដ្ឋ ហើយក៏លោកលឹម ហេងបានណាត់ក្រុមការងារទៅជួបនៅមុខបន្ទាយទាហានទន្លេរកន្ទិល ក៏ស្រាប់តែលេចមុខលោកផ្កាយ៣ម្នាក់អតីតបម្រើការងារនៅបន្ទាយទន្លេរកន្ទិលនេះបច្ចុប្បន្នទៅបម្រើការងារនៅអគ្គហើយ មកអះអាងកាងស្រែកឡូឡា ជេរប្រមាថមន្ត្រីរ៉ែ ថាមពលខេត្ត មិនតែប៉ុណ្ណោះ ជេរប្រមាថទាំងលោកប្រធានមន្ទីររ៉ែ និងថាមពលនូវពាក្យអសុរសថែមទៀតមិនអាចទទួលយកបាននៅមុខមន្ត្រីក្រោមឱវាទរបស់លោកផ្កាយ៣នោះ និងមុខមហាជន អ្នកធ្វើដំណើរនាំគ្នារិះគន់ថា មានបុណ្យសក្ត័ធំរហូតដល់ពាក់ផ្កាយ៣លើស្មារទៅហើយនោះគ្រាន់តែជំនាញមកសួរនាំរឿងជីកកាយដីមានច្បាប់ទម្លាប់ដែលឬអត់ អាងអំណាចរបស់ខ្លួនបានជេរប្រមាថ មាក់ងាយមន្ត្រីតូចតាចជាងខ្លួន។តាមប្រភពពីមន្ត្រីដដែលបាននិយាយទៀតថាលោកផ្កាយ៣រូបនោះឡើងបុណ្យតាមខ្សែរស្រឡាយប៉ុណ្ណោះ ហើយតែងតែអួតក្តែងៗថាមិនខ្លាចអ្នកណានោះទេ(អ្នកណាមិនស្គាល់អញ នៅលំពែងព្រះរាមនេះ)ការលើកឡើងរបស់លោកផ្កាយ៣នេះហាក់បីដូចជាមិនគោរពសិទ្ធិអ្នកដទៃនោះឡើយ ធ្វើអ្វីអាងអំណាចបុណ្យសក្ត័របស់ខ្លួន តើមន្ត្រីមានចរិកបែបនេះតើគួរអោយប្រជាពលរដ្ឋនិងមន្ត្រីថ្នាក់ក្រោយគោរពដែលឬទេ?។

បើតាមប្រភពព័ត៌មានពីប្រជាពលរដ្ឋម្នាក់មានមុខរបរជាអ្នកប្រមូលសំរាមបាននិយាយអោយដឹងថាកន្លងមកលោកផ្កាយ៣រូបនោះធ្លាប់សុំស្រាបៀរលោកចំនួន១០កេសយកទៅជប់លៀងក្នុងកម្មវិធីមួយ ប៉ុន្តែលោកគ្មានលទ្ធភាពអោយ ស្រាប់តែលោកផ្កាយ៣រូបនោះ ខឹងកៀងគរប្រមូលប្រជាពលរដ្ឋផ្តិតមេដៃថា កន្លែងចាក់សំរាមរបស់លោកប៉ះពាល់បរិស្ថានទៅវិញ ធ្វើអោយលោកខកខានខាតដំណើរការអាជីវកម្មប្រមូលសំរាមមួយរយះពេលទៅ។

ប្រការនេះហើយបានជាប្រជាពលរដ្ឋលើកឡើងថាលោកផ្កាយ៣រូបនេះអាងអំណាច ធ្វើអ្វីមិនគិត ដូចនេះសូមអស់លោកថ្នាក់លើ ផ្កាយ៤ ផ្កាយ៥ និងសម្តេចតេជោ ហ៊ុនសែន មេត្តាជួយពិនិត្យមើលទង្វើរបស់លោកផ្កាយ៣រូបនេះផង បើបណ្តែតបណ្តោយតទៅទៀតខ្លាចក្រែងប៉ះពាល់ដល់កិត្តិយសលោកផ្កាយ៣ដទៃជាច្រើនរូបទៀតដែលល្អៗ គោរពច្បាប់ ស្រលាញ់កិត្តយស សេចក្តីថ្លៃថ្នូរ ស្រលាញ់អាណិតប្រជាពលរដ្ឋ៕