រាជធានីភ្នំពេញ ៖ អគ្គិភ័យដែលឆាបឆេះផ្ទះប្រជាពលរដ្ឋនៅក្នុងភូមិត្នោតជ្រុំ៣ សង្កាត់បឹងទំពុន ខណ្ឌមានជ័យ រាជធានីភ្នំពេញ បានរលត់ទាំងស្រុងហើយ នៅម៉ោង៧ និង១៥នាទី ព្រឹកថ្ងៃទី១៤ ខែសីហានេះក្រោយមានគ្រោះអគ្គិភ័យនេះ រថយន្តពន្លត់អគ្គិភ័យ។
តាមសេចក្តីរាយការណ៍បានឲ្យដងឹថា គ្រោះអគ្គិភ័យនេះប្រើរថយន្តពន្លត់អគ្គិភ័យ របស់នគរបាលចំនួន១០គ្រឿង បានចេញមកអន្តរាគមន៍ ខណៈរថយន្តពន្លត់អគ្គិភ័យ របស់កងរាជអាវុធហត្ថ៣គ្រឿងទៀត ក៏ចេញជួយអន្តរាគមន៍ផងដែរ ក្នុងនោះរថយន្តពន្លត់អគ្គិភ័យ របស់នគរបាលបាញ់ទឹកអស់៧គ្រឿង ចំណែករថយន្តរបស់កងរាជអាវុធហត្ថ ប្រើប្រាស់ទឹកអស់៣គ្រឿង។ សេចក្តីរាយការណ័ខាងលើបញ្ជាក់ថា គ្រោះអគ្គិភ័យនេះបានបំផ្លាញផ្ទះប្រជាពលរដ្ឋអស់ជិត១០ខ្នង ដែលជាប្រភេទផ្ទះសង្គ័សី។
គួរបញ្ជាក់ថា គ្រោះអគ្គិភ័យនេះកើតឡើងនៅព្រឹកព្រលឹមថ្ងៃទី១៤ ខែសីហានេះ ៕
ភ្នំពេញ ៖ មន្ត្រីជាន់ខ្ពស់នៃក្រសួងពាណិជ្ជកម្មកម្ពុជា ឲ្យដឹងថា នាថ្ងៃអនាគតក្រសួងមាន ទិសដៅ ប្រែក្លាយកសិករ និងសមាគមម្រេច ឲ្យចេះធ្វើពាណិជ្ជកម្ម ប្រកបដោយលក្ខណៈ វិជ្ជាជីវៈ និងជំនាញ ដើម្បីជំរុញឲ្យវិស័យម្រេចមានភាពរឹងមាំ ក៏ដូចជាបង្កើនគុណតម្លៃ និង និរន្តរភាពនៃផលិតកម្មម្រេច។
នៅក្នុងអង្គសិក្ខាសាលាថ្នាក់ជាតិ ស្តីពីការផ្លាស់ប្តូរបទពិសោធន៍ នៃការធ្វើពាណិជ្ជ កម្ម លើវិស័យ ម្រេចកម្ពុជា និងការកសាងទំនុកចិត្តលើ ផលិតកម្មម្រេចប្រកបដោយ ចីរភាព រវាងសមាគមន៍ម្រេចអន្តរជាតិ និងក្រសួងពាណិជ្ជកម្ម នាព្រឹកថ្ងៃទី១១ សីហា ឆ្នាំ ២០១៧នេះ នៅទីស្តីការក្រសួង ឯកឧត្តម ម៉ៅ ថូរ៉ា រដ្ឋលេខេធិការក្រសួងពាណិជ្ជកម្ម មាន ប្រសាសន៍ថា ទន្ទឹមនឹងនេះ ក្រសួងក៏មានរៀបចំជាយុទ្ធសាស្ត្រ មួយចំនួនផងដែរ ដូចជា៖ ពង្រឹងរចនាសម្ព័ន្ធនៃការផ្គត់ផ្គង់ម្រេច ក្រសួងបាននិងកំពុងរៀបចំចុះពង្រឹង ឡើងវិញ និង រៀបចំបង្កើតសមាគមម្រេចនៅក្នុងស្រុក ខេត្តគោលដៅផលិតម្រេច ដើម្បីជាសេណារីយ៉ូ ប្រទាក់ក្រឡាមួយ ក្នុងការទទួលបាននូវព័ត៌មាន និងសេវាផ្សេងៗពីក្រសួង ស្ថាប័ន និង ដៃគូពាក់ព័ន្ធ និង រៀបចំបង្កើត Task Force ដោយមានការចូលរួមពីក្រសួង ស្ថាប័នពាក់ ព័ន្ធ អង្គការជាតិ និងអន្តរជាតិ ដើម្បី រៀបចំយន្តការធ្វើឲ្យប្រសើរឡើងនូវគុណតម្លៃម្រេច និងនិរន្តរភាពនៃផលិតកម្មម្រេចនៅកម្ពុជា។ល។
លោកស្រី ហ័ង ធីលិញ (Hoang ThiLein) នាយកប្រតិបត្តិសហគមន៍ម្រេចអន្តរជាតិ លើកឡើងថា ជាមួយនឹងការគាំទ្រពីសមាគមន៍ម្រេចអន្តរជាតិ កម្ពុជាគឺអាចចែករំលែក និងមានឱកាសក្នុងការសិក្សាស្វែង យល់ពីអ្នកជំនាញ និងបទពិសោធន៍ក្នុងការអភិវឌ្ឍ នៅឧស្សាហកម្មម្រេចនេះ។ ហើយផលិតផលម្រេចនេះ គឺនាំមកនូវផលប្រយោជន៍ដល់ សហគមន៍ទាំងមូលផងដែរ។
លោកស្រីឲ្យដឹងទៀតថា សម្រាប់គោលបំណងរបស់សិក្ខាសាលាពេលនេះ គឺផ្តល់ ព័តមានដ៏សំខាន់ ថាអ្វីដែលកំពុងកើតឡើងនៅក្នុងទីផ្សារអន្តរជាតិ។ លោកស្រីគិតថា កម្ពុជា គឺដល់ពេលវេលាហើយក្នុងការ ចាត់វិធានការណ៍ជាថ្មីបន្តទៀត ហើយសមាគមន៍ ម្រេចអន្តរជាតិ ក៏ប្តេជ្ញាសហការជាមួយកម្ពុជាក្នុងការនាំ យកផលប្រយោជន៍ សមស្រប ដល់សហគមនកសិករកម្ពុជា ដើម្បីសម្រេចជោគជ័យនៃពាណិជ្ជកម្មនេះ។
យោងតាមទិន្នន័យរបស់ក្រសួងពាណិជ្ជកម្ម បានឲ្យដឹងថា រហូតមកដល់បច្ចុប្បន្ន ឆ្នាំ២០១៧ ដំណាំ ម្រេច ត្រូវបានឃើញរីកដុះដាលរហូតដល់ទៅក្នុងខេត្តចំនួន១៩ ចាប់ ពី តំបន់និរតី រហូតដល់តំបន់ពាយ័ព្យ និងភូមិភាគឥសាន្តនៃប្រទេសកម្ពុជា ដែលមានផ្ទៃដី ដាំដុះសរុបប្រមាណ ៦,៦៧៨ហិចតា និងផ្តល់ទិន្នផល ប្រមាណជាង ២០,០៥០តោន ដែលគិតត្រឹម ខែឧសភា ឆ្នាំ២០១៧៕
ភ្នំពេញ ៖ លោកសុខ ឥសាន អ្នកនាំពាក្យគណបក្សប្រជាជនកម្ពុជា បានលើកឡើង ថា ការស្នើ សុំធ្វើវិសោធ នម្មច្បាប់ស្តីពី”ការបោះឆ្នោតជ្រើសតាំងតំណាងរាស្ត្រ”ពីសំណាក់តំណាងរាស្ដ្រគណបក្ស សង្គ្រោះជាតិ គឺគ្រាន់តែជា កលល្បិច ដើម្បីបំភាន់មតិពលករចំណាកស្រុក និងប្រជាពលរដ្ឋខ្មែររស់នៅ ក្រៅប្រទេសតែប៉ុណ្ណោះ។
ការលើកឡើងនេះ បន្ទាប់ពីតំណាងរាស្ដ្រគណបក្សសង្គ្រោះជាតិ៣៣រូប កាលពីថ្ងៃសុក្រកន្លងទៅ បានសរសេរ លិខិតដាក់ទៅសម្ដេចអគ្គមហាពញាចក្រី ហេង សំរិន ប្រធានរដ្ឋសភា ដើម្បីស្នើសុំធ្វើវិសោធន កម្មច្បាប់ស្ដីពី”ការបោះ ឆ្នោតជ្រើសតាំងតំណាងរាស្ដ្រ” ដែលខ្លឹមសារនៃការស្នើនេះ គឺចង់ឲ្យ ប្រជាពលរដ្ឋខ្មែរដែលកំពុងរស់នៅ និងធ្វើការនៅ ក្រៅប្រទេស អាចមានសិទ្ធិបោះឆ្នោតបាន។
ចំពោះសំណើនេះឯកឧត្ដមសុខ ឥសាន អ្នកនាំពាក្យគណបក្សប្រជាជនកម្ពុជា និងជាតំណាងរាស្ដ្រ បានឲ្យដឹង ថា ការដាក់សេចក្តីស្នើច្បាប់ស្តីពីវិសោធនកម្មច្បាប់ ស្តីពី”ការបោះឆ្នោតជ្រើសតាំងតំណាងរាស្ត្រ”នាពេលនេះ គឺជា សិទ្ធិរបស់តំណាងរាស្ត្រគ្រប់រូប ស្របតាមមាត្រា៩១ថ្មី ជំពូកទី៧ ស្តីអំពីរដ្ឋសភា។
ប៉ុន្តែលោក សុខ ឥសាន បានបញ្ជាក់ថា សេចក្តីស្នើច្បាប់ទាំងឡាយអាចអនុវត្ត ទៅបានលុះត្រាតែ មានការ អនុម័តយល់ព្រមដោយសំលេងលើស៥០ភាគរយបូក១ ក្រោយពីមានការយល់ព្រមពីគណៈ កម្មាធិការអចិន្ត្រៃយ៍ នៃ រដ្ឋសភា ឲ្យគណៈកម្មជំនាញរដ្ឋសភាសិក្សានិង ពិនិត្យសព្វគ្រប់រួចនឹងដាក់ចូល ទៅក្នុងរបៀបវារៈប្រជុំពេញ អង្គរដ្ឋ សភា ហើយការអនុម័តអាស្រ័យលើសិទិ្ធឯករាជ្យរបស់តំណាងរាស្ត្រម្នាក់ៗ ដែលមានវត្តមានក្នុងអង្គប្រជុំ។
អ្នកនាំពាក្យគណបក្សប្រជាជនកម្ពុជា យល់ ថា ការស្នើចង់ឲ្យពលករចំណាកស្រុក និងប្រជាពលរដ្ឋ ខ្មែរកំពុង រស់ នៅក្រៅប្រទេសអាចបោះឆ្នោតបាននោះគឺគ្រាន់តែជាល្បិចកលចង់បំភាន់មតិឲ្យមាន ការ យល់ច្រឡំថា គណបក្ស របស់ខ្លួនចង់ណាស់ តែការពិតបានឯកភាពគ្នារួចហើយ គ្មានអ្វីត្រូវកែប្រែទៀតទេ។
លោក ស៊ិក ប៊ុនហុក ប្រធានគណៈកម្មាធិការជាតិរៀបចំការបោះឆ្នោត(គ.ជ.ប) ធ្លាប់បានបញ្ជាក់ ជាច្រើនដង ហើយ ថា គ.ជ.ប មិនអាចរៀបចំចុះឈ្មោះបោះឆ្នោតនិងរៀបចំការបោះឆ្នោត សម្រាប់ពលករចំណាកស្រុក និងប្រជា ពលរដ្ឋខ្មែររស់នៅក្រៅប្រទេសបានទេ ព្រោះរដ្ឋធម្មនុញ្ញនិងច្បាប់បោះឆ្នោត មិនបានកំណត់ឲ្យគ.ជ.បធ្វើដូច្នេះឡើយ។
ប៉ុន្ដែលោក ស៊ិក ប៊ុនហុក បានលើកឡើងថា ប្រជាពលរដ្ឋខ្មែរដែលកំពុងរស់នៅក្រៅប្រទេស គួរតែវិល ត្រឡប់ មកកាន់ប្រទេសកម្ពុជា ដើម្បីចុះឈ្មោះបោះឆ្នោត ប្រសិនបើចង់ចូលរួមការបោះឆ្នោតជ្រើ សតំណាងរាស្ដ្រនីតិ កាលទី ៦ ឆ្នាំ២០១៨ខាងមុខ ដោយការធ្វើបច្ចុប្បន្នភាពបញ្ជីបោះឆ្នោត និងចុះ ឈ្មោះបោះឆ្នោតឆ្នាំ២០១៧ នឹងត្រូវចាប់ ផ្ដើមពី ថ្ងៃទី១ ខែកញ្ញា រហូតដល់ថ្ងៃទី៩ ខែវិច្ឆិកា ឆ្នាំ២០១៧។
សូមជម្រាប ថា បើយោងតាមកិច្ចព្រមព្រៀងនយោបាយរវាងគណបក្សទាំងពីរ ដែលមានអាសនៈក្នុង រដ្ឋសភា កាលពីថ្ងៃ២២ ខែកក្កដា ឆ្នាំ២០១៤ បានពិភាក្សាយ៉ាងល្អិតល្អន់និងស៊ីជម្រៅរាប់ខែ ទម្រាំបាន អនុម័តបណ្តាច្បាប់ដែល ពាក់ព័ន្ធនឹងការកែទម្រង់ការបោះឆ្នោត។ នៅពេលពិភាក្សាគ្នាពេលប្រជុំពេញអង្គរដ្ឋសភា និងពេលទៅការពារ សេចក្តី ស្នើច្បាប់ តំណាងរាស្ត្រទាំងពីរគណបក្សសុទ្ធតែបានលើកដៃអនុម័តទាំងអស់ ដោយមិនមានមតិជំទាស់អ្វីឡើយដោយ ឯកភាពថាមិនមានលទ្ធភាពណាអាចឲ្យពលករចំណាកស្រុក និងពលរដ្ឋកម្ពុជារស់នៅបរទេសអាចបោះឆ្នោតបាន នោះទេ៕
រាជធានីភ្នំពេញ ៖ ខណៈពេលនេះ អគ្គិភ័យបាននិងកំពុងឆាបឆេះផ្ទះប្រជាពលរដ្ឋ យ៉ាងសន្ធោសន្ធៅ នៅក្នុងភូមិត្នោតជ្រុំ៣ សង្កាត់បឹងទំពុន ខណ្ឌមានជ័យ រាជធានីភ្នំពេញ ហើយរថយន្តពន្លត់អគ្គិភ័យ ក៏កំពុងជួយអន្តរាគមន៍បាញ់ទឹកពន្លត់៕
ភ្នំពេញ ៖ នៅទីបំផុត រដ្ឋាភិបាលឡាវ បានសម្រេចដកទ័ពចេញពីលើទឹកដីកម្ពុជាក្នុង ខេត្ត ស្ទឹងត្រែង ហើយ ។ ការសម្រេចបែបនេះ ត្រូវបានប្រកាសដោយលោកនាយករដ្ឋមន្ត្រីឡាវ ថោនលន់ ស៊ីស៊ូលីត នៅក្នុងសន្និសីទសារព័ត៌មានរវាងសម្តេចតេជោ ហ៊ុន សែន នាយក រដ្ឋមន្ត្រីកម្ពុជា និងនាយករដ្ឋមន្ត្រីឡាវ នៅក្នុងទីក្រុងវៀងច័ន្ទ កាលពីព្រឹកថ្ងៃសៅរ៍ ម្សិល មិញ នេះ។
លោក ថោនលន់ ស៊ីស៊ូលីត បញ្ជាក់ ថា ៖ ថ្ងៃនេះយើងបានពិភាក្សាគ្នាត្រង់ទៅត្រង់មក ដោយមិត្តភាព។ ខ្ញុំ និងសម្តេចតេជោ ហ៊ុន សែន បានឯកភាពគ្នាថា នឹងដកទ័ព។ ខ្ញុំ បានប្រាប់ទៅអាជ្ញាធរថា នឹងដកទ័ពឲ្យអស់ពីកម្ពុជា មិនលើសពីព្រឹកស្អែកទេ» (ព្រឹកថ្ងៃ ទី១៣ នេះ)។ លោក ស៊ីស៊ូលីត ក៏បានលើកឡើងផងដែរថា សម្តេចតេជោ ហ៊ុន សែន ក៏ បានយល់ព្រមបញ្ជាឲ្យកងកម្លាំងរបស់កម្ពុជាទាំងអស់នៅតំបន់នោះ ត្រឡប់ទៅជំរុំវិញ ដើ ម្បី ឲ្យសភាពការណ៍វិលមកប្រក្រតី និងបង្កើតទំនុកចិត្តដល់ប្រជាជននៃប្រទេសទាំងពីរ។
សូមបញ្ជាក់ថា ការចរចាប្រកបដោយផ្កែផ្កាដែលអាចបញ្ចៀសការប៉ះទង្គិចដោយអាវុធនេះ កើតឡើងក្រោយពីសម្ដេចតេជោ ហ៊ុន សែន បានដឹកនាំគណៈប្រតិភូជាន់ខ្ពស់ទៅកាន់ប្រទេសឡាវនៅព្រឹកម្សិលម៉ិញនេះដើម្បីពិភាក្សាជាមួយនាយករដ្ឋមន្ដ្រីឡាវលោក ថោងលន់ ស៊ីសូលីត ដើម្បីឲ្យឡាវដកកងទ័ពចេញពីទឹកដីកម្ពុជា។
បន្ទាប់ពីប្រកាសព័ត៌មានរួមគ្នារវាងសម្ដេចតេជោ ហ៊ុន សែន នាយករដ្ឋមន្ត្រី នៃ កម្ពុជា និងលោក ថោងលួន ស៊ីស៊ូលីត នាយករដ្ឋមន្ត្រីឡាវរួចមក ប្រមុខរាជរដ្ឋាភិបាល កម្ពុជា សម្ដេចតេជោ បានអញ្ជើញជួបសំណេះសំណាលជាមួយប្រធានរដ្ឋឡាវ គឺលោក ប៊ុនញុំង វ៉ូរ៉ាជិត ផងដែរ។នៅក្នុងជំនួបនេះ សម្ដេចតេជោ ហ៊ុន សែន បានបញ្ជាក់ជូនប្រធានរដ្ឋឡាវ ថា សម្ដេច ពិតជារីករាយជាខ្លាំង ដែលបានចូលរួមដោះស្រាយបញ្ហានេះ បានទាន់សភាព ការណ៍។
សម្ដេចតេជោ បានមានប្រសាសន៍បន្តថា «បញ្ហាគ្រប់យ៉ាង គឺសុទ្ធតែអាចដោះស្រាយ បានទាំងអស់ នៅពេលដែលយើងជួបចរចាគ្នា ហើយសម្ដេចក៏អរគុណដល់ប្រទេស ឡាវ ផងដែរ ដែលបានជ្រើសរើសយកដំណោះស្រាយឈ្នះ-ឈ្នះ គឺយើងឈ្នះទាំងអស់គ្នា។ ប្រទេសយើងទាំងពីរ នឹងពង្រឹងនូវមិត្តភាព និងកិច្ចសហប្រតិបត្តិការដើម្បីធ្វើអោយតំបន់ ព្រំដែនក្លាយជាតំបន់អភិវឌ្ឍន៍ រីកចម្រើន និងជាតំបន់សន្តិភាពសម្រាប់ប្រជាជាតិទាំងពីរ។
ក្រោយពីជំនួបប្រធានរដ្ឋឡាវ រួចមក នាយករដ្ឋមន្ត្រីនៃឡាវ បានអញ្ជើញសម្ដេច តេជោ និងគណៈប្រតិភូជាន់ខ្ពស់កម្ពុជា ពិសាអាហារថ្ងៃត្រង់មិត្តភាពយ៉ាងស្និទ្ឋស្នាល មុន អញ្ជើញវិលត្រឡប់មកកាន់មាតុភូមិកម្ពុជាវិញ កាលពីរសៀលថ្ងៃម្សិលមិញនេះ៕
៖ ក្នុងឆមាសទី១ ឆ្នាំ២០១៧នេះ សមត្ថកិច្ចចម្រុះ រួមមាន មន្ត្រីនគរបាល និងកងរាជអាវុធហត្ថខេត្ត ចុះបង្ក្រាបករណីជួញដូរ និងប្រើប្រាស់គ្រឿងញៀនសរុបបានចំនួន ៥៤ករណី និងឃាត់ខ្លួនជនសង្ស័យបានចំនួន ៩៩នាក់ និងដកហូតវត្ថុតាងរួមមាន មេតំហ្វេតាមីនប្រភេទICE ចំនួន ១៨១កញ្ចប់ មានទំងន់សរុប ២២៧.៤២ក្រាម។
នេះបើយោងតាមរបាយការណ៍របស់គណៈបញ្ជាការត្រួតពិនិត្យគ្រឿងញៀនខេត្ត លើកឡើង ដោយលោកវរៈសេនីយ៍ឯក ហុង សុលី អនុប្រធានកណ្ដាលប្រឆាំងបទល្មើស នៃស្នងការនគរ បាលខេត្តក្រចេះ នៅក្នុងកិច្ចប្រជុំបូកសរុបលទ្ធផលការអនុវត្តផែនការ ប្រយុទ្ធប្រឆាំងគ្រឿង ញៀនខុសច្បាប់លើកទី១ និងលើកទិសដៅសម្រាប់យុទ្ធនាការលើកទី២ ក្រោមវត្តមានលោក ហ៊ឿ ស៊ីយ៉ែម អភិបាលខេត្តស្ដីទី និងជាប្រធានគណៈបញ្ជាការត្រួតពិនិត្យគ្រឿង ញៀនខេត្ត ដោយមានវត្តមានចូលរួមពីសមាជិកក្រុមប្រឹក្សាខេត្ត ស្ថាប័នអយ្យាការណ៍អមសា លាដំបូងខេត្ត មន្ទីរ អង្គភាព កងកម្លាំងប្រដាប់អាវុធ និងសិស្សានុសិស្សប្រមានជា២០០នាក់ កាលពីរសៀលថ្ងៃ ទី១០ ខែសីហា ឆ្នាំ២០១៧ នៅសាលមហោស្របខេត្ត ។
លោក ហ៊ឿ ស៊ីយ៉ែម អភិបាលខេត្តស្ដីទី បានមានប្រសាសន៍លើកឡើងថា មាតាបិតា និងអាណាព្យាបាលអោយយកចិត្តទុកដាក់ថែទាំ និងស្វែងយល់ពីទំនាក់ទំនង និងតម្រូវការ របស់កូនចៅ ដើម្បីដោះស្រាយ និងជួយណែនាំអោយពួកគេឲ្យជៀសផុតពីបញ្ហាអវិជ្ជមាន ផ្សេងៗនៅក្នុងសង្គម ជាពិសេសបញ្ហាគ្រឿងញៀនដែលអាចកើតមានឡើងក្នុងតំណាក់កាល នៃការវិវត្តន៍លូតលាស់របស់ពួកគេ ។
លោកបានបញ្ជាក់ថា ជាក់ស្តែង តាមរបាយការណ៍គ្រឿងញៀនពិភពលោកក្នុងឆ្នាំ២០១៦ បានបង្ហាញថា ក្នុងរយៈពេល៤ឆ្នាំចុងក្រោយ មានមនុស្សប្រមាណ ២៤៧លាននាក់ បានប្រើប្រាស់គ្រឿងញៀន ហើយក្នុងចំណោមអ្នកទាំងនោះ មានចំនួន ២៩លាននាក់ បានក្លាយជាអ្នកញៀន និងមានបញ្ហាសុខភាពធ្ងន់ធ្ងរ ហើយក្នុងមួយឆ្នាំៗមានមនុស្ស ២០ម៉ឺននាក់បានស្លាប់ដោយសារពាក់ព័ន្ធនឹងគ្រឿងញៀន ។ ដោយឡែកនៅប្រទេសកម្ពុជា រហូតមកដល់ឆ្នាំ២០១៧នេះ មានប្រជាជនប្រមាណ ២ម៉ឺននាក់ បានប្រើប្រាស់គ្រឿងញៀន ក្នុងនោះមានជាង ១ម៉ឺននាក់ មានបញ្ហាសុខភាពធ្ងន់ធ្ងរ ។ ដូច្នេះហើយការប្រយុទ្ធប្រឆាំងគ្រឿង ញៀន គឺពិតជាកាតព្វកិច្ចរបស់រាជរដ្ឋភិបាល ប៉ុន្តែបើគ្មានការចូលរួមនឹងការគាំទ្រពីប្រជាពល រដ្ឋ និងសហកមន៍ទេនោះ យុទ្ធនាការប្រយុទ្ធប្រឆាំងគ្រឿងញៀននេះ ក៏មិនអាចទទួលបានជោគជ័យដែរ ។
លោកបានធ្វើការអំពាវនាវដល់ប្រជាពលរដ្ឋទាំងអស់ត្រូវស្វែងយល់អោយបានច្បាស់ ពីបញ្ហាគ្រឿងញៀន និងគុណវិបត្តិរបស់វា ហើយបន្តចូលរួមគាំទ្រអោយកាន់តែ សកម្មថែម ទៀតជាមួយអាជ្ញាធរមាន សមត្ថកិច្ច ដើម្បីបង្ការ និងទប់ស្កាត់អោយកាន់តែមានប្រសឹទ្ធភាពខ្ពស់នូវរាល់ការប៉ុនប៉ងលួចលាក់ផលិត កែច្នៃ ជួញដូរ និងប្រើប្រាស់ដោយ ខុសច្បាប់នូវគ្រឿងញៀនគ្រប់ប្រភេទ ព្រោះថា មានតែបងប្អូន ប្រជាពលរដ្ឋក្នុងសហគមន៍ ដែលដឹងច្បាស់ពីសុខទុក្ខ និងបញ្ហាផ្សេងៗ ដែលកើតមានឡើងក្នុងសហគមន៍របស់ខ្លួន ហើយសូមចាត់ទុកថា បញ្ហាគ្រឿងញៀន គឺជាបញ្ហារបស់យើងទាំងអស់គ្នា ៕ ប្រុញ វិធិន
រាជធានីភ្នំពេញ ៖ អ្នកនាំពាក្យសាលាឧទ្ធរណ៍ លោក ទូច ថារិទ្ធិ បានប្រាប់សារព័ត៌មានថា សាលាឧទ្ធរណ៍នៅថ្ងៃទី១១ ខែសីហា ឆ្នាំ២០១៧នេះបានសម្រេចតម្កល់សាលក្រមតុលាការក្រុងភ្នំពេញ ដែលកាត់ទោស លោក សម រង្ស៊ី ឱ្យជាប់ពន្ធនាគារ១ឆ្នាំ៨ខែ ពិន័យ១០លានរៀល និងសងសំណង១០០រៀលដដែល ករណីចោទប្រកាន់រាជរដ្ឋាភិបាលកម្ពុជាថា នៅពីក្រោយខ្នង នៃអំពើឃាតកម្មសម្លាប់ លោកបណ្ឌិត កែម ឡី៕
រាជធានីភ្នំពេញ ៖ សម្តេច ហ៊ុន សែន នាយករដ្ឋមន្ត្រីនៃកម្ពុជា នៅព្រឹកនេះ បានចេញបញ្ជាឲ្យ កងទ័ពកម្ពុជាត្រៀមលក្ខណៈ ដើម្បីបណ្តេញកងទ័ពឡាវ ដែលកំពុងឈរជើងនៅក្នុងទឹកដីកម្ពុជា ឲ្យចេញជាបន្ទាន់ ។ ប៉ុន្តែសម្តេចបានប្រកាសទុករយះ ៦ថ្ងៃ ដើម្បីឲ្យភាគីឡាវដកកងទ័ព ឲ្យអស់ពីដែនដីកម្ពុជា នៅក្នុងខេត្តស្ទឹងត្រែង ។
សូមជម្រាបថា ការកំណត់ឱសានវាទឲ្យឡាវដកទ័ពត្រឹមថ្ងៃទី១៧ ខែសីហានេះ បន្ទាប់ពីលិខិតផ្លូវការរបស់សម្តេចដែលបានដាក់ទៅ នាយករដ្ឋមន្ត្រីឡាវ លោក ថងលូន ស៊ីស៊ូលីត រឿងដកទ័ពនេះមិនមានការឆ្លើយតបពីភាគីឡាវវិញនោះឡើយ។
សម្តេច ហ៊ុន សែន បានបញ្ជាក់ថា សម្តេចគ្រោងនឹងជិះយន្តហោះទៅកាន់ប្រទេសឡាវ ដើម្បីពិភាក្សារឿងដកទ័ពនេះ ផងដែរ ។ ប៉ុន្តែសម្តេច ក៏បានអំពាវនាវដល់ប្រជាពលរដ្ឋខ្មែរ កុំឲ្យមានការភ្ញាក់ផ្អើលប្រសិនបើឃើញ មានការចល័តទ័ពព្រោះទ័ពទាំងនោះ ត្រូវចល័តទៅកាន់ខេត្តស្ទឹងត្រែង ដើម្បីបណ្តេញទ័ពឈ្លានពានឡាវចេញពីដីកម្ពុជា។
សម្តេច ហ៊ុន សែន បានថ្លែងទៅកាន់ភាគីឡាវថា មិត្តភក្តិជារឿងមិត្តភក្តិ តែមិនអាចឲ្យមិត្តភក្តិ មកជាន់ក្បាល ខ្មែរនោះទេ។ សម្តេចបានបញ្ជាក់ថា សម្តេចបានចាត់ចែងមេទ័ពខ្មែររួចអស់ហើយ ឲ្យត្រៀមលក្ខណៈសម្បត្តិបណ្តេញទ័ពឡាវចេញពីដីខ្មែរ។
យ៉ាងណាក៏ដោយ សម្តេចអះអាងថា យើងមិនចង់ប្រកាសសង្គ្រាមជាមួយប្រទេសជិតខាងនោះ ទេ តែក៏មិនអនុញ្ញាតឲ្យប្រទេសជិតខាងរំលោភ ដែនអធិបតេយ្យរបស់កម្ពុជានោះឡើយ សូម្បីដីមួយចំអាមនោះឡើយ ៕
ខេត្តមណ្ឌលគិរី ៖ នៅថ្ងៃទី១០ ខែសីហា ឆ្នាំ២០១៧ វេលាម៉ោង១៩និង៥២នាទី មានករណីមនុស្សស្រី ចងកសម្លាប់ខ្លួន នៅក្នុងផ្ទះខ្លួនឯងស្ថិតនៅភូមិដោះក្រមុំ សង្កាត់សុខដុម ក្រុងសែនមនោរម្យ ខេត្តមណ្ឌលគិរី។
ប៉ូលីសបញ្ជាក់ថា នារីស្លាប់នេះឈ្មោះ ស្រ៊ើយ ភៀង ហៅអឿយ អាយុ៤២ឆ្នាំ ជាមន្ត្រីនគរបាល និងជាមេតុងទីននៅភូមិកើតហេតុខាងលើ។ បច្ចុប្បន្នសមត្ថកិច្ចកំពុងស្រាវជ្រាវរកមូលហេតុនៃការធ្វើអត្តឃាតនេះ៕
រាជធានីភ្នំពេញ ៖ កម្លាំងសមត្ថកិច្ចបានបំបែកសំណុំរឿង ឃាតកម្មដ៏ល្បីមួយដែលឃាតករសម្លាប់ជនរងគ្រោះជាសង្សារហើយ បានរត់គេចខ្លួនផុតរយៈពេល៨ខែ។ ជនសង្ស័យនេះ មានឈ្មោះ អ៊ុំ សុផា អាយុ៣០ឆ្នាំ បានបាញ់សម្លាប់នារីជាសង្សារ កាលពីថ្ងៃទី១០ ខែធ្នូ ឆ្នាំ២០១៦ ក្នុងផ្ទះសំណាក់សារីធំ ស្ថិតនៅភូមិទួលគោក សង្កាត់ទួលសង្កែ ខណ្ឌឫស្សីកែវ ។ ការចាប់ខ្លួនឃាតករដៃដល់ធ្វើឡើងកាលពីថ្ងៃទី៩ ខែសីហា ឆ្នាំ២០១៧ នៅចំណុចភូមិដីស ឃុំស្ទឹងត្រង់ ស្រុកសាលាក្រៅ ខេត្តប៉ៃលិន ។
គួររំលឹកដែរថា នារីម្នាក់ឈ្មោះ ស៊ុន ស្រីលក្ខណ៍ អាយុ២៥ឆ្នាំ មានទីលំនៅក្នុងភូមិ ត្រពាំងរាំង ឃុំអង្គរមាស ស្រុកដងទង់ ខេត្តកំពត ត្រូវគេអះអាងថា ជាស្រីស្នេហ៍របស់បុរសម្នាក់ឈ្មោះ អ៊ុំ សុផា អាយុ៣០ឆ្នាំ ។ ក្រោយកើតហេតុភ្លាមៗ ឃាតកររូបនេះ ត្រូវបានគេអះអាងថា ជាមន្ត្រីកងរាជអាវុធហត្ថ និងជាជនដៃដល់បានយកកាំភ្លើងបាញ់សម្លាប់នាងជាសង្សារ ចំភ្នែកធ្លាយទៅក្រោយ បណ្តាលឲ្យស្លាប់ភ្លាមៗ នៅនឹងន្លែង កាលពីវេលាម៉ោង១២ និង៤០នាទីរំលងអធ្រាត្រ ឈានចូលថ្ងៃទី១០ ខែធ្នូ ឆ្នាំ២០១៦ ក្នុងបន្ទប់លេខ៤០៤ ផ្ទះសំណាក់យីហោ «សារីធំ» ។
យ៉ាងណាក៏ដោយ នាយឧត្តមសេនីយ៍ សៅ សុខា អគ្គមេបញ្ជាការរងកងយោធពលខេមរភូមិន្ទ និងជាមេបញ្ជាការ កងរាជអាវុធហត្ថលើផ្ទៃប្រទេស បានបញ្ជាឲ្យកម្លាំងជំនាញធ្វើការស្រាវជ្រាវ ត្រួតពិនិត្យឈ្មោះ ក្នុងបញ្ជីគ្រប់គ្រងកងរាជអាវុធហត្ថ ហើយបានបញ្ជាក់ភ្លាមៗផងដែរថា ឈ្មោះ អ៊ុំ សុផា នេះពុំមានឈ្មោះនៅក្នុងបញ្ជីនិងមិនមែនជាមន្ត្រីអាវុធហត្ថនោះទេ ។ ទន្ទឹមនោះលោក សៅ សុខា ក៏បានចេញបញ្ជាឲ្យបើកការស៊ើបអង្កេត ដើម្បីឈានទៅចាប់ខ្លួនជនដៃដល់មកផ្តន្ទាទោស ហើយទីបំផុតសមត្ថកិច្ចកងរាជអាវុធហត្ថបានចាប់ខ្លួនឃាតករដៃដល់ ។
មន្ត្រីកងរាជអាវុធហត្ថបានឲ្យដឹងថា យោងតាមចម្លើយរបស់ឃាតករឈ្មោះ អ៊ុំ សុផា សមត្ថកិច្ចបន្តចាប់ខ្លួនជនពាក់ព័ន្ធ២រូបទៀតគឺ ឈ្មោះ អ៊ុក វាសនា ហើយឈ្មោះ អ៊ុក វាសនា បានសារភាពថា ពិតជាបានទទួលលុយ ពីឃាតករ អ៊ុំ សុផា ដើម្បីធ្វើឯកសារសេចក្តីសម្រេច និងអត្តសញ្ញាណប័ណ្ណប៉េអ៊ឹមក្លែងក្លាយពិតប្រាកដមែន តែខ្លួនមិនបានធ្វើផ្ទាល់ទេ គឺយកទៅឲ្យឈ្មោះ ណុប ច័ន្ទ ជាអ្នកធ្វើបន្ត។ ក្រោយមកអាវុធហត្ថរាជធានីភ្នំពេញ បានឈានទៅ ឃាត់ខ្លួន ឈ្មោះ ណុប ច័ន្ទ ម្នាក់ទៀត ឈ្មោះ ណុប ច័ន្ទ ក៏បានសារភាពថារូបគេ ពិតជាបានបោកប្រាស់ឈ្មោះ អ៊ុំ សុផា ដោយធ្វើឯកសារនិងអត្តសញ្ញាណប័ណ្ណអាវុធហត្ថក្លែងក្លាយឲ្យ ពិតប្រាកដមែន ដោយខ្លួនបានទៅជួលក្មេងៗ នៅហាងហ្វូតូកូពីឯកជនជាអ្នកកាត់ត ឯកសារសេចក្តីសម្រេចនិងអត្តសញ្ញាណប័ណ្ណទាំងនោះ ដើម្បីបោក អ៊ុំ សុផា យកលុយចាយប៉ុណ្ណោះតែមិននឹកស្មានតែមានរឿងធំដល់ម្លឹងទេ ៕
វ៉ាស៊ីនតោន ៖ ប្រធានាធិបតីសហរដ្ឋអាមេរិកលោក ដូណាល់ ត្រាំ បានថ្លែងប្រាប់អ្នកកាសែតថា លោកគ្រោងចំណាយថវិការាប់ពាន់លានដុល្លារថែមទៀតទៅលើកម្មវិធីប្រឆាំងមីស៊ីលរបស់សហរដ្ឋអាមេរិកក្នុងពេលឆាប់ៗ ខាងមុខនេះ។ លោកថ្លែងបែបនេះក្រោយពីកិច្ចប្រជុំសន្តិសុខជាតិនៅរដ្ឋញូវជឺស៊ីសហរដ្ឋអាមេរិក។
លោក ត្រាំ បានបញ្ជាក់ថា បច្ចុប្បន្នសហរដ្ឋអាមេរិកមានឃ្លាំងអាវុធនុយក្លេអ៊ែរច្រើន និងខ្លាំងជាងគេទៅហើយៗលោកបានអះអាងថា រដ្ឋការរបស់លោកតែងតែបង្កើតអ្វីថ្មីៗជាច្រើនថែមទៀត។
ជាមួយគ្នានេះលោកក៏បានព្រមានពីគ្រោះថ្នាក់នៃអាវុធនុយក្លេអ៊ែរផងដែរ ដោយនិយាយថា លោកមិនចង់ឃើញពិភពលោករលាយដោយសារអាវុធនុយក្លេអ៊ែរនោះទេ ប៉ុន្តែបើមានរឿងបែបនោះកើតឡើងមែន សហរដ្ឋអាមេរិកនឹងក្លាយជាប្រទេសខ្លាំងជាងគេបំផុតនៅលើភពផែនដីនេះ៕
ជប៉ុន ៖ ភ្នាក់ងារព័ត៌មាន Reuters បានផ្សាយថា ជប៉ុនអាចនឹងបាញ់ស្កាត់គ្រាប់មីស៊ីលកូរ៉េខាងជើងដោយស្របច្បាប់ ប្រសិនបើកូរ៉េខាងជើងពិតជាបាញ់គ្រាប់មីស៊ីលសំដៅទៅកោះហ្គាំមែននោះ។
រដ្ឋមន្ត្រីការពារជាតិជប៉ុន លោក អ៊ីតស៊ូណូរី អូណូដឺរ៉ា បានថ្លែងប្រាប់គណៈកម្មាធិការសភាកាលពីម្សិលមិញថា ជប៉ុននឹងត្រូវបានអនុញ្ញាតឲ្យបាញ់កម្ទេចគ្រាប់មីស៊ីលដែលហោះសំដៅទៅដែនដីប៉ាស៊ីហ្វិក ប្រសិនបើត្រូវបានរកឃើញថា វាជាការគំរាមកំហែងដល់ជប៉ុន។ លោកថា នេះគឺជាការបញ្ជាក់ជំហររបស់រដ្ឋាភិបាលជប៉ុន៕
រាជធានីភ្នំពេញ ៖ ព្រឹកថ្ងៃទី១១ ខែសីហា ឆ្នាំ២០១៧នេះ សាលាឧទ្ធរណ៍នឹងបើកសវនាការរឿងក្ដីលោក សម រង្ស៊ី ពាក់ព័ន្ធការចោទប្រកាន់រាជរដ្ឋាភិបាលកម្ពុជាថា នៅពីក្រោយខ្នងនៃអំពើឃាតកម្មលោក កែម ឡី ។ នេះបើយោងតាមការឲ្យដឹងរបស់មេធាវីការពារក្តីរបស់សម្តេចនាយករដ្ឋមន្ត្រី៕
រាជធានីភ្នំពេញ ៖ សាលាដំបូងរាជធានីភ្នំពេញបានប្រកាសសាលក្រមដោយសម្រេចផ្តន្ទាទោស លោកគឹម សុខ អ្នកឃ្លាំមើលបញ្ហាសង្គមនិងនយោបាយ ឲ្យជាប់ពន្ធនាគាររយៈពេល១៨ខែ ពិន័យ៨លានរៀលចូលថវិការដ្ឋ និងសងជំងឺចិត្តដល់ដើមបណ្ដឹងចំនួន៨០០លានរៀល ក្នុងសំណុំរឿងដែលលោក គឹម សុខ ចោទថា គណបក្សប្រជាជនកម្ពុជា ជាអ្នកសម្លាប់បណ្ឌិតកែម ឡី ។
តាមមន្ត្រីតុលាការបញ្ជាក់ថា លោក គឹម សុខ ត្រូវបានចោទប្រកាន់ចំនួនពីរបទល្មើស គឺ ញុះញុងឲ្យប្រព្រឹត្តបទឧក្រិដ្ឋជាអាទិ៍ និង បទបរិហារកេរ្តិ៍ជាសាធារណៈ ហើយត្រូវបានតុលាការឃុំខ្លួន កាលពីថ្ងៃទី១៧ ខែកុម្ភៈ ឆ្នាំ២០១៧ ៕
រាជធានីភ្នំពេញ ៖ សាលាឧទ្ធរណ៍សម្រេចលើកពេលប្រកាសសាលដីកាសំណុំរឿងក្ដីលោកស្រី ថាក់ ឡានី ដែលចោទប្រកាន់សម្តេចតេជោ ហ៊ុន សែន ថា ជាអ្នកសម្លាប់លោកបណ្ឌិត កែម ឡី ទៅព្រឹកថ្ងៃទី២៩ ខែសីហា ឆ្នាំ២០១៧ ខាងមុខនេះវិញ។ ការប្រកាសបែបនេះធ្វើឡើងក្រោយបញ្ចប់សវនាការនៅថ្ងៃទី១០ ខែសីហា ឆ្នាំ២០១៧នេះ។
គួររំលឹកថា លោកស្រី ថាក់ ឡានី ត្រូវបានសាលាដំបូងរាជធានីភ្នំពេញ កាលពីរសៀលថ្ងៃទី១៧ ខែវិច្ឆិកា ឆ្នាំ២០១៦ ផ្តន្ទាទោសដាក់ពន្ធនាគាររយៈពេល១ឆ្នាំនិងពិន័យ៨លានរៀល ព្រមទាំងសងសំណងជំងឺចិត្តដល់សម្ដេចតេជោនាយករដ្ឋមន្ត្រី ចំនួន១០០រៀល៕
មេគង្គប៉ុស្តិ៍លើបណ្តាញសង្គម
ព័ត៌មានគួរចាប់អារម្មណ៍
