រាជធានីភ្នំពេញ ៖ តាមព័ត៌មានទទួលបានឲ្យដឹងថា ខណៈនេះបុរសជនជាតិចិនដែលរងរបួសក្នុងហេតុការណ៍ភ្លើងឆេះនៅក្នុងបន្ទប់ជួលកាលពីម្សិលមិញនោះ បានបាត់បង់ជីវិតហើយ នៅឯមន្ទីរកាល់ម៉ែត ខណដែលស្ត្រីជាប្រពន្ធជនជាតិខ្មែរកំពុងសម្រាកព្យាបាលនៅឯមន្ទីរពេទ្យមិត្តភាពខ្មែរ-សូវៀត ។
បុរសជនជាតិចិនដែលស្លាប់ មានឈ្មោះម៉ាយ សាវហ្វ័ន អាយុ៥១ឆ្នាំ ជាពាណិជ្ជកររកស៊ីក្នុងស្រុកខ្មែរ ។ ចំណែកប្រពន្ធខ្មែរឈ្មោះស៊ឹម សំណាង អាយុ២៧ឆ្នាំ មានស្រុកកំណើត ។ សមត្ថកិច្ចឱ្យដឹងដែរថា ករណីអគ្គិភ័យនៅបន្ទប់ជួលគឺដែលបណ្តាលឲ្យប្តី និងប្រពន្ធរងរបួសធ្ងន់នេះបានកើតឡើង កាលពីវេលាថ្ងៃត្រង់ថ្ងៃទី២០ មិថុនា ស្ថិតនៅផ្ទះលេខ៣៧ ផ្លូវលេខ៣០០ ក្រុមទី៥៤ ក្នុងសង្កាត់បឹងកេងកងទី១ ខណ្ឌចំការមន ៕
រាជធានីភ្នំពេញ ៖ តារាចម្រៀងត្រកូលអោកម្នាក់ ចេញពីច្រៀង ខណកំពុងជិះម៉ូតូឌុបជាមួយប្អូនត្រឡប់ទៅផ្ទះវិញក៏ត្រូវជនសង្ស័យឆក់កាបូបស្ពាយយកទៅបាត់ កាលពីវេលាម៉ោង៣ទៀបភ្លឺថ្ងៃទី២១ ខែមិថុនា ឆ្នាំ២០១៧ នៅជិតស្តុបស្ថានទូតចិន ផ្លូវម៉ៅសេទុង សង្កាត់ទំនប់ទឹក ខណ្ឌចំការមន ។
សមត្ថកិច្ចឲ្យដឹងថា ជនរងគ្រោះដោយសារជនសង្ស័យឆក់កាបូបមានឈ្មោះ អោក សុម៉ាលីតា ភេទស្រី អាយុ៣៦ឆ្នាំ មុខរបរអ្នកចំរៀង ស្នាក់នៅភូមិព្រែកឯង សង្កាត់ព្រែកឯង ខណ្ឌច្បារអំពៅ ។ ចំណែកកាបូបស្ពាយដែលជនសង្ស័យឆក់យកទៅបាត់មានទូរស័ព្ទម៉ាក iPhone7 មួយគ្រឿង, លុយជិត៤០០ដុល្លារ, អត្តសញ្ញាណប័ណ្ណមួយសន្លឹក ព្រមទាំងឯកសារមួយចំនួនទៀត ៕
ខេត្តក្រចេះ ៖ ប្រជាពលរដ្ឋជាង១០០នាក់រស់នៅភូមិអាលូចឃុំកន្ទួតស្រុកចិត្របុរីខេត្តក្រចេះបានធ្វើការតវ៉ាដោយយកគោយន្ដកន្ត្រៃនិងគោយន្ដកែច្នៃជាង៤០គ្រឿងបិទផ្លូវគ្រុមហ៊ុនដីសម្បទានសេដ្ឋកិច្ចដាំកៅស៊ូឈ្មោះ”ដូទឺសាយហ្កនប៊ិញហ្វឿក”បិទបារ៉ាស់ចេញចូលដោយកំណត់ម៉ោងដែលពួកគាត់មិនអាចទទួលយកបាន។
សូមជម្រាបថា ក្រុមហ៊ុននោះមានទីតាំងនៅភូមិអាលូចឃុំកន្ទួតស្រុកចិត្របុរីខេត្តក្រចេះ។ ហេតុការណ៍នេះប្រជាពលរដ្ឋធ្វើការតវ៉ាផ្លូវនេះតាំងពីវេលាម៉ោងជាង៧ព្រឹកថ្ងៃទី២០ ខែមិថុនា ឆ្នាំ២០១៧រហូតដល់វេលាម៉ោងជាង១២ថ្ងៃត្រង់នេះទើបរំសាយដោយមានការសម្របសម្រួលពីសំណាក់អាជ្ញាធរស្រុកចិត្របុរីខេត្តក្រចេះ។
ប្រជាពលរដ្ឋបានឲ្យដឹងថា មូលហេតុដែលពួកគាត់បិទផ្លូវរបស់ក្រុមហ៊ុននេះមកពីក្រុមហ៊ុនបិទបើកបារ៉ាស់ដោយកំណត់ម៉ោងអោយចូលឆ្លងកាត់ពីម៉ោង៧ព្រឹកនឹងបិទវិញនៅម៉ោង៧ល្ងាច និងអ្នកយាមបារ៉ាស់ពេលខ្លះទាមទារពិនិត្យអត្តសញ្ញាណប័ណ្ណ និងទារលុយពីពួកគាត់ដឹកជន្លង់ម្រេចតាមក្រុមហ៊ុននេះ ។ ហេតុផលទាំងនេះពួកគាត់មិនអាចទទួលយកបាននោះព្រោះថាគាត់ជាកសិករធ្វើស្រែចំការឆ្ងាយពីភូមិបើក្រុមហ៊ុនកំណត់អោយបើកម៉ោង៧ព្រឹកពួកគាត់ទៅដល់ស្រែចំការម៉ោងជិត១០ហើយ។
លោកអ៊ីវណារុងអភិបាលរងស្រុកចិត្របុរីបានឲ្យដឹងថាក្រុមហ៊ុនដីសម្បទានសេដ្ឋកិច្ចដាំកៅឈ្មោះ”ដូទឺសាយហ្គោនប៊ិញហ្វឿក”នេះជារបស់អាមេរិកដែលបានទិញបន្តពីក្រុមហ៊ុនវៀតណាមនោះ។លោកបន្តថាពលរដ្ឋធ្វើតវ៉ាចំនួន២លើកទាំងលើកនេះ។លើកទី១ខាងក្រុមហ៊ុនបិទផ្លូវមិនអោយពលរដ្ឋឆ្លងកាត់និងលើកនេះពលរដ្ឋជាអ្នកបិទផ្លូវវិញម្ដង។
លោកអភិបាលរងស្រុកបានបន្តថាពេលពលរដ្ឋបិទផ្លូវលោកនិងស្ថាប័នពាក់ពន្ធ័ព្រមតំណាងពលរដ្ឋនិងដំណាងក្រុមហ៊ុនបានធ្វើការពិភាក្សាគ្នាអស់រយៈពេលប៉ុន្មានម៉ោងមកនោះបានត្រូវគ្នាដោយក្រុមហ៊ុនអនុញ្ញាតអោយពលរដ្ឋធ្វើស្រែចំការចេញចូល២៤ម៉ោង។ដោយឡែកពលរដ្ឋដែលជាឈ្មួញរកស៊ីដឹកជន្លង់ម្រេចឆ្លងកាត់ក្រុមហ៊ុនអនុញ្ញាតឲ្យពីម៉ោង៥ព្រឹកដល់ម៉ោង១១យប់ហើយពលរដ្ឋក៏បានយល់ព្រមតាមលក្ខខ័ណ្ឌរបស់ក្រុមហ៊ុនរួចបំបែកគ្នាយកគោយន្តកន្ត្រៃទៅផ្ទះរៀងៗខ្លួន៕
រាជធានីភ្នំពេញ ៖ គ.ជ.ប គណៈកម្មាធិការជាតិរៀបចំការបោះឆ្នោតបានចេញសេចក្តីព្រាងស្តីពីលទ្ធផលនៃការបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៤ បានបង្ហាញថាការបោះឆ្នោតឃុំសង្កាត់ កាលពីថ្ងៃទី៤មិថុនាកន្លងមកថ្មីៗនេះ មាន គណបក្សចំនួន៧ ទទួលបានអាសនៈ ក្នុងនោះ គណបក្សប្រជាជនកម្ពុជា(CPP)បាននាំមុខគេ ដោយទទួលបានអាសនៈ ៦.៥០២ រីគណបក្សសង្គ្រោះជាតិ(CNRP) ស្ថិតនៅលេខ២ ទទួលបាន ៥.០០៥អាសនៈក្នុងចំណោមអាសនៈឃុំសង្កាត់សរុប ១១.៥៧២នាក់ នៅក្នុង១.៦៤៦ ឃុំសង្កាត់ ទូទាំងប្រទេស។
សេចក្តីព្រាងនៃលទ្ធផលបោះឆ្នោតឃុំសង្កាត់ អាណត្តិទី៤ ដែលបានផ្សព្វផ្សាយ នារសៀលម្សិលមិញ បង្ហាញថា៖គណបក្សប្រជាជនកម្ពុជា ទទួលបានចំនួនអាសនៈ ៦៥០២ នាក់ ក្នុងនោះតំណែងជាមេឃុំ មានចំនួន ១.១៥៦ នាក់ ជំទប់ទី១ ចំនួន ១.១៤០ នាក់ និងជំទប់ទី២ ចំនួន ៥០៨ នាក់ ។ រីឯគណបក្សសង្គ្រោះជាតិ ទទួលបានចំនួនអាសនៈ ៥.០០៥ នាក់ ក្នុងនោះ តំណែងមេឃុំ ៤៨៩ នាក់ ជំទប់ទី១ ចំនួន ៥០២ នាក់ និងជំទប់ទី២ ចំនួន ១.០៨៦ នាក់។ គណបក្សហ្វ៊ុនស៊ិនប៉ិច ទទួលបានអាសនៈ ចំនួន ២៨ នាក់ ក្នុងនោះ តំណែងជាជំទប់ទី១ ចំនួន ១នាក់ និងជំទប់ទី២ ចំនួន ២៦នាក់។ គណបក្សសម្ព័ន្ធដើម្បីប្រជាធិបតេយ្យ ទទួលបាន ៥ អាសនៈ ក្នុងនោះ មានតំណែងជាជំទប់ទី២ ទាំង៥នាក់។ គណបក្សខ្មែររួបរួមជាតិ ទទួលបាន ២៥ អាសនៈ ក្នុងនោះ តំណែងជាមេឃុំ ១នាក់ ជំទប់ទី១ចំនួន២ នាក់ និងជំទប់ទី២ ចំនួន១៧ នាក់។ គណបក្សសំបុកឃ្មុំសង្គមប្រជាធិបតេយ្យ ទទួលបានអាសនៈចំនួន ២ នាក់ ដែលទទួលតំណែងជាជំទប់ទី២។ គណបក្សប្រជាធិបតេយ្យមូលដ្ឋាន ទទួលបាន៥ អាសនៈ ក្នុងនោះ មានតំណែងជំទប់ទី១ ចំនួន ១នាក់ និងជំទប់ទី២ ចំនួន ២ នាក់។
គ.ជ.ប បានប្រកាសថា សមាជិកក្រុមប្រឹក្សាឃុំសង្កាត់ អាណត្តិទី៤ មកពីគណបក្សជាប់ឆ្នោតទាំង៧ មានចំនួន ១១.៥៧២ នាក់ ក្នុងនោះ មានស្ត្រី ចំនួន ១៩៣៦ នាក់៕
រាជធានីភ្នំពេញ ៖ សម្តេច ហ៊ុន សែន បានថ្លែងអះអាងថា ខ្មែរយើងជំនាន់ណាក៏ទៅពឹងវៀតណាម ហើយវៀតណាមក៏ពឹងកម្ពុជាដែរ ជាក់ស្តែង សម្ដេចសីហនុ ក៏ធ្លាប់ពឹងវៀតណាមឲ្យជួយ លន់ នល់ ក៏ធ្លាប់ពឹងវៀតណាមខាងត្បូងឲ្យជួយដែរ ហើយមេដឹកនាំជាច្រើនបានតស៊ូ នៅក្រៅប្រទេស មិនមែនតស៊ូក្នុងប្រទេសនោះទេ ។ ចំណែកវៀតណាមក៏បានពឹងកម្ពុជាដូចគ្នា ដូច្នេះវៀតណាមមិនដែលភ្លេចអរគុណកម្ពុជា នោះទេ ។ សម្តេចបន្តថា ការពឹងទៅពឹងមកវាគឺជារឿងធម្មតា ប៉ុន្តែខ្ញុំសុំលើកឲ្យច្បាស់ កុំឲ្យមនុស្សមួយចំនួនកេងចំណេញ ។
សម្តេចបានសង្កត់ធ្ងន់ថា ការចាកចេញរបស់ ហ៊ុន សែន ទៅឲ្យវៀតណាមជួយមិនមែនមានតែ ហ៊ុន សែន ទេ ។ ប៉ុន្តែការពឹងវៀតណាមតើខុសទេ បើគ្មានវៀតណាមជួយ តើយើងអាចរំដោះប្រទេសបានទេ ។ ឥឡូវខ្ញុំបាននាំពួកឧក្រិដ្ឋជន សង្គ្រាមយកទៅកាត់ទោស បើការកាត់ទោសទទួលស្គាល់ថា ត្រឹមត្រូវ ការជួយពីវៀតណាម គ្មានអ្វីខុសទេ ៕
រាជធានីភ្នំពេញ ៖ កាលពីម្សិលមិញយ៉ាងហោចណាស់ក៏មានអ្នកសារព័ត៌មានប្រមាណជាង៥០នាក់ តំណាងឲ្យអ្នកសារព័ត៌មាន មកពីបណ្តាខេត្តទាំង២៥របស់ប្រទេសកម្ពុជាមកជួបជុំគ្នានៅក្រសួងព័ត៌មាន ដើម្បីស្វែងរកកិច្ចអន្តរាគមន៍ពីរដ្ឋមន្ត្រីក្រសួងព័ត៌មាន ដែលជាអាណាព្យាបាលរបស់ខ្លួនក្នុងករណីអាជ្ញាធរខេត្តរនគិរី គម្រាម និងចាប់អ្នកសារព័ត៌មានចំនួន៤នាក់ ក្រោមមូលហេតុ«កំហែងយក» ដែលប្តឹងដោយក្រុមឈ្មួញឈើខុសច្បាប់គ្រាគ់ៗ ប្រចាំខេត្ត ។
ក្រុមអ្នកសារព័ត៌មានថ្លែងថា ពួកគេមកទីនេះដើម្បីស្នើឲ្យរដ្ឋមន្ត្រីក្រសួងព័ត៌មាន ដែលជាឪពុកម្តាយជួយអន្តរាគមន៍សម្តេចតេជោ ហ៊ុន សែន និងក្រសួងយុត្តិធម៌ដើម្បីមានវិធានច្បាប់លើបុគ្គលនិងមន្ត្រីអាជ្ញាធរដែលឃុបឃិតជាមួយឈ្មួញរកស៊ីឈើខុសច្បាប់។ ទន្ទឹមនោះអ្នកសារព័ត៌មាននៅខេត្តរតនគិរីកំពុងប្រឈមមុខ នឹងការកំហែង ដោយសមត្ថកិច្ច ទំនងជាសហការជាមួយឈ្មួញរកស៊ីឈើដ៏ធំនៅខេត្តរតនគិរី។
សូមជម្រាបថា ការឡើងមកសុំអន្តរាគមន៍ពីរដ្ឋមន្ត្រីក្រសួងព័ត៌មានពេលនេះ គឺបន្ទាប់ពីអ្នកសារព័ត៌មាន៤នាក់រូបនៅខេត្តរតនគីរី ត្រូវបានអាជ្ញាធរចាប់ខ្លួនពីបទកំហែងយកដែលប្តឹងដោយក្រុមឈ្មួញឈើ ។ អ្នកកាសែតទាំងនោះរួមមាន ទី១/ ឈ្មោះ ច័ន្ទ ដារ៉ា អ្នកយកព័ត៌មានអង្គភាពTNMអនឡាញ ទី២/ ឈ្មោះ យ៉ន ទិត្យ ហៅទិត្យឦសាន ឋានៈនាយករងអង្គភាពយុវនខ្មែរព័ត៌មាន ទី៣ ម៉ីម៉េងហ៊ុយអ្នកយកព័ត៌មានដំណឹងភ្នំពេញ និងទី៤ ឈ្មោះ ប៉េង សុត្ថារ៉ាក់ អ្នកយកព័ត៌មានឱ្យអង្គភាពCPN TV ។
បើតាមអ្នកសារព័ត៌មានមកពីបណ្តាខេត្តទាំង២៥នោះ បានជជែក ពីបញ្ហាកំហែងអ្នកសារព័ត៌មានពីសំណាក់មន្ត្រីអាជ្ញាធរមួយចំនួន ដែលទំនងជាសហការជាមួយឈ្មួញរកស៊ីឈើខុសច្បាប់ នៃខេត្តមណ្ឌលគិរីនេះ ហើយខេត្តនោះក៏កំពុងជាប់ចំណាត់ថ្នាក់លេខមួយនៃការគម្រាមកំហែងអ្នកសារព័ត៌មានដែរ។
ក្រុមអ្នកសារព័ត៌មានទាំងនោះចាត់ទុក ការចាប់អ្នកសារព័ត៌មាននោះ ជាការសងសឹកបែបគំនុំដែលអ្នកសារព័ត៌មានធ្លាប់ចុះផ្សាយពីទង្វើអាក្រក់របស់ពួកគេ និងការឃុបឃិតរបស់ពួកគេជាមួយមេឈ្មួញរកស៊ីឈើប្រចាំខេត្តនេះ ដែលគេស្គាល់ថាជាជនជាតិវៀតណាម។
លោក ខៀវ កាញារីទ្ធ រដ្ឋមន្រី្តក្រសួងព័ត៌មានបានថ្លែងថា លោកនឹងជំរុញក្រសួងយុត្តិធម៌ឲ្យស្វែងរកការពិត ចំពោះការចាប់ខ្លួនអ្នកទាំង៤រូបខាងលើនេះ ។ ទន្ទឹមនោះលោកក៏បានណែនាំឲ្យអ្នកសារព័ត៌មានទាំងអស់ ត្រូវគោរពក្រមសីលធម៌ និងវិជ្ជាជីវៈរបស់ខ្លួន ក្នុងពេលបំពេញភារកិច្ច ជាពិសេសការចុះយកព័ត៌មានស៊ើបអង្កេតពាក់ព័ន្ធបទល្មើសផ្សេងៗ៕
ខេត្តក្រចេះ ៖ សមត្ថកិច្ចចម្រុះបានបើកប្រតិបត្តិការឃាត់បានរថយន្តដឹក ឈើប្រណិតខុសច្បាប់មួយគ្រឿងនៅស្រុកចិត្របុរី។ ប្រតិបត្តិការនេះចូលរួមសហការចូលរួមមានសង្កាត់ថ្មក្រែនិងកម្លាំងកងរាជអាវុធហត្ថក្រុង ហើយនគរបាលក្រុងក្រចេះធ្វើឡើងនៅចំនុចភូមិថ្មគ្រែ ឃុំថ្មគ្រែស្រុកចិត្របុរីខេត្តក្រចេះកាលពីវេលាម៉ោងជាង៤ទៀបភ្លឺឈានចូលថ្ងៃទី២០ ខែមិថុនា ឆ្នាំ២០១៧នេះ។
សមត្ថកិច្ចបានឱ្យដឹងថា រថយន្ដសាំយ៉ុងដឹកឈើ១គ្រឿងនេះដឹកចេញពី ព្រំប្រទល់ក្រចេះ-ស្ទឹងត្រែងដែលឈ្មួញនេះបំរុងដឹកទៅលក់បន្ត នៅខេត្តត្បូងឃ្មុំនិងខេត្តព្រៃវែងតែមិនបានសម្រេចត្រូវអស់ល័កជាប់ អន្ទាក់សមត្ថកិច្ចចម្រុះតែមិនបានឃាត់ខ្លួនម្ចាស់ឈើនិង អ្នកបើកបររថយន្តនោះទេដោយគេចខ្លួន នឹងមិនស្គាល់ អត្តសញ្ញាណ។ សមត្ថកិច្ចបានបន្តទៀតថា គឺចាប់តាមតាំងចំនុចខ្លាស្ទុះ ភូមិកាប៉ូសង្កាត់អូរឬស្សីក្រុងក្រចេះ ហើយបានសហការជាមួយសង្កាត់រដ្ឋបាលព្រៃថ្មគ្រែននិងកម្លាំងកងរាជអាវុធហត្ថក្រុងក្រចេះនិងកម្លាំងនរគបាលខេត្តតាមរហូតដល់ភូមិថ្មគ្រែ ឃុំថ្មគ្រែស្រុកចិត្របុរីទេីបឃាត់បាន រថយន្តដឹកឈើល្មើសច្បាប់នេះ។
លោក មី វុទ្ធី នាយសង្កាត់រដ្ឋបាលព្រៃឈើថ្មគ្រែបានដឹងថា ឈើទាំងនោះជាប្រភេទឈើលេខ១និងលេខ២មានចំនួនសរុប៥០៧សន្លឹកស្មើនឹងមួយម៉ែត្រគូបកន្លះ។
បច្ចុប្បន្នរថយន្ដដឹកឈើល្មើសច្បាប់ត្រូវយកទៅរក្សាទុកនៅស្ថានីយបណ្ដុះកូនខ្សាដើម្បីបំពេញនីតិវិធីរដ្ឋបាលព្រៃឈើបន្ត៕
វ៉ាស៊ីនតោន ៖ ទីភ្នាក់ងារសារព័ត៌មានយ៉ុនហាប់បានរាយការណ៍ថា និស្សិតអាមេរិកម្នាក់ដែលកូរ៉េខាងជើងដោះលែងឱ្យមានសេរីភាពតាមគោលការណ៍មនុស្សធម៌ បន្ទាប់ពីបានជាប់ឃុំអស់រយៈពេលជាង១៧ខែ បានទទួលមរណភាពហើយកាលពីថ្ងៃចន្ទម្សិលមិញនេះ (ម៉ោងនៅក្នុងសហរដ្ឋអាមេរិក)។
និស្សិតអាមេរិករូបនេះឈ្មោះ Otto Warmbier អាយុ២២ឆ្នាំបានត្រឡប់ទៅដល់ទីក្រុង Cincinnati នៃរដ្ឋ Ohio កាលពីថ្ងៃទី១៣ ខែមិថុនា ដោយរូបគេស្ថិតនៅក្នុងស្ថានភាពសន្លប់ស្ដូកស្ដឹងមិនដឹងខ្លួន ខណៈដែលកូរ៉េខាងជើងបានអះអាងថា និស្សិតរូបនេះមានជំងឺផ្នែកប្រព័ន្ធប្រសាទ Botulism ហើយការដោះលែងនេះទៀតសោត ធ្វើឡើងផ្អែកលើគោលការណ៍មនុស្សធម៌។
ក្រុមគ្រួសារនិស្សិតរូបនោះបាននិយាយថា វារឿងជាអកុសល ដោយសារតែគ្មានការព្យាបាលត្រឹមត្រូវ និងទទួលរងនូវអំពើសាហាវ ឃោរឃៅនៅកូរ៉េខាងជើង កូនប្រុសជាទីស្រឡាញ់របស់យើង បានទទួលមរណៈភាពហើយនៅម៉ោង២ និង២០នាទីរសៀលថ្ងៃចន្ទ (ម៉ោងនៅសហរដ្ឋអាមេរិក)។ ទោះបីជាយ៉ាងណា គ្រូពេទ្យអាមេរិកពុំទាន់អាចទាន់បញ្ជាក់ឱ្យបានច្បាស់ នៃមូលហេតុជំងឺនេះនៅឡើយទេ។
គួរបញ្ជាក់ថា និស្សិតឈ្មោះ Otto Warmbier ត្រូវបានអាជ្ញាធរកូរ៉េខាងជើងចាប់ខ្លួនកាលពីឆ្នាំ២០១៦ និងត្រូវកាត់ទោសឱ្យជាប់ពន្ធនាគារ១៥ឆ្នាំ ក្រោមការចោទប្រកាន់ មានចេតនាផ្ដួលរំលំរដ្ឋាភិបាលលោក គីម ជុងអ៊ុន៕
ដោយ ៖ បក្សីចាំក្រុង
ភ្នំពេញ ៖ ជនសង្ស័យម្នាក់ធ្លាប់អត់ការងារធ្វើ ត្រូវម្ចាស់ថៅកែជាងដែកចិត្តធម៌អាណិតបានទទួលមកធ្វើការជាមួយបានមួយខែ បែរជារមិលគុណឆ្លៀតឱកាសម្ចាស់មិននៅ បែកគំនិតធ្វើសកម្មភាព លួចគាស់ទូយកទ្រព្យសម្បត្តិ ម្ចាស់ទៅវិញ ភ្លាមៗនោះ ពេលដែលម្ចាស់មកដល់ឃើញទូបាត់របស់របរក៏ទៅឆែកមើលកាម៉ារ៉ាសុវត្ថិភាពក៏បានឃើញជនសង្ស័យខាងហើយបានដើររកក៏ប្រទះឃើញដើរតាមផ្លូវហៅអោយឈប់តែជនសង្ស័យមិនឈប់ក៏ស្រែកថា ចោរៗ ក៏ផ្អើលដល់ពលរដ្ឋនៅក្បែរនោះចាប់វៃទ្រុមខ្លួនស្ទើរតែសល់ដង្ហើមចង្រិតសំណាងល្អសមត្ថកិច្ចបានចុះទៅដល់កន្លែងកើតហេតុតែម្តង។ ហេតុការណ៍នេះបានកើតឡើងនៅវេលាម៉ោង១២ និង៣០នាទី តាមបណ្តាយផ្លូវ៥៩៨ខាងកើតរង្វង់មូលកាំកូស៊ីធី ស្ថិតនៅសង្កាត់ឬស្សីកែវ ខណ្ឌឬស្សីកែវ រាជធានីភ្នំពេញ។
ជនសង្ស័យខាងលើមានឈ្មោះ សិទ្ធ រិទ្ធី ភេទប្រុស អាយុ២២ឆ្នាំ ស្នាក់នៅរោងជាងខាងលើ មានស្រុកកំណើតនៅ ភូមិព្រៃក្រៃ ឃុំព្រៃរំអិល ស្រុកស្អាង ខេត្តកណ្តាល។
ជនរងគ្រោះមិនត្រូវបានស្គាល់អត្តសញ្ញាណទេ គាត់បានប្រអោយដឹងថា គាជាមេជាងដែកបានដាក់ប្រកាសជ្រើសរើសកូនជាង ពេលនោះជនសង្ស័យខាងលើបានមកដាក់ពាក្យដោយប្រវត្តិរូបត្រឹមត្រូវ ហើយជនសង្ស័យបាននៅហូបចុចនិងស្នាក់នៅកន្លែងធ្វើការបានរយៈពេល១ខែ ហើយនៅពេលកើតហេតុជនសង្ស័យបានចូលក្នុងបន្ទប់របស់គាត់ធ្វើសកម្មភាពលួចយកទ្រព្យសម្បត្តិ និងប្រវត្តិរូបរបស់ខ្លួនទៅជាមួយ ដោយសារមានកាម៉ារ៉ាសុវត្ថិភាពបានឆែកមើលឃើញជនសង្ស័យដែលជាកូនជាងរបស់ខ្លួនបានដើររក ក៏ប្រទះឃើញនៅតាមហៅអោយឈប់តែមិនឈប់ ស្រែកថាចោរចោរប្រជាពលរដ្ឋចាប់បាន តែជនសង្ស័យបានប្រកែ នៅពេលដែលឆែកឆេរក្នុងខ្លួនឃើញសុទ្ធតែទ្រព្យសម្បិត្តិរបស់ម្ចាស់តែម្តង។
ក្រោយពេលធ្វើការឃាត់ខ្លួនត្រូវបានបញ្ជូនទៅប៉ុស្តិ៍នគរបាលឬស្សីកែវដើម្បីធ្វើការសាកសួរនិងកសាងសំណុំរឿងបញ្ជូនទៅតុលាការតាមនីតិវិធី៕
ខេត្តកំពត ៖ ស្នងការនគរបាលខេត្តកំពត លោកឧត្តមសេនីយ៍ទោ ម៉ៅ ច័ន្ទមធុរិទ្ធ បានឲ្យដឹងថា ជនរងគ្រោះចំនួន២៧នាក់ ក្នុងនោះស្រី៣នាក់ បានរងរបួសធ្ងន់ស្រាល ក្នុងហេតុការណ៍ក្រឡាប់រថយន្ដក្រុង ធ្លាក់ចេញពីផ្លូវខណៈដែលពួកគេ កំពុងធ្វើដំណើរចុះពីលើ ភ្នំបូកគោ នៅខេត្តកំពត នៅរសៀលថ្ងៃទី១៩ ខែមិថុនា ឆ្នាំ២០១៧។
លោកបន្តថា ជនរងគ្រោះ គឺជាបុគ្គលិករបស់ក្រុមហ៊ុនឯកជន ផ្នែកកសិកម្មមួយនៅភ្នំពេញ ហើយពួកគេបានជួលរថយន្ដក្រុងទៅកម្សាន្ដនៅលើភ្នំបូកគោ ស្រាប់តែជួបគ្រោះថ្នាក់ចរាចរណ៍មួយនេះ នៅចំណុចគីឡូទី១០ ខណៈដែលពួកគេកំពុងធ្វើដំណើរចុះពីលើភ្នំមកហើយនោះ។ លោកបញ្ជាក់ថា ជនរងគ្រោះទាំងអស់រួមទាំងតៃកុងឡានសរុប២៧នាក់ រងរបួសធ្ងន់៦នាក់ ត្រូវបានសមត្ថកិច្ចរបស់លោក ជួយដឹកភ្លាមៗទៅកាន់មន្ទីរពេទ្យ។ សម្រាប់មូលហេតុវិញ លោកស្នងការបញ្ជាក់ថា បណ្ដាលមកពីដាច់ហ្វ្រាំង៕
ដោយ ៖ បក្សីចាំក្រុង
ភ្នំពេញ ៖ បុរសមននាក់បើករថយន្តហាយឡែនឌ័រមួយគ្រឿង បានជ្រុលទៅបុករះ សង្ស័យជាប់ហ្គែល្បឿនបុករះតាមផ្លូវ តាំងពីស្នួរហាលខោអាវ ទ្រព្យសម្បត្តិ រហូតទៅបុកផ្ទប់ជាមួយរថយន្តកាម៉ារីមួយគ្រឿងទើបទៅមុខលែងរួចបណ្តាលអោយមានអ្នករបួសម្នាក់កាលពីវេលាម៉ោង៥ និង១៥នាទីល្ងាចថ្ងៃទី១៩ ខែមិថុនា ឆ្នាំ២០១៧ ស្ថិតនៅក្នុងបុរីប៊ុន ហួរ ភូមិព្រៃព្រីងត្បូង សង្កាត់ចោមចៅ ខណ្ឌពោធិសែនជ័យ ។
រថយន្តបង្កខាងលើមានម៉ាក “ហាយឡែនឌ័រ” ពណ៌ស ពាក់ស្លាកលេខ ភ្នំពេញ 2AK-8695 បើកបរដោយបុរសឈ្មោះមិនស្គាល់អត្តសញ្ញាណ។ ចំណែកសំភារៈខូចខាតក្នុងហេតុការណ៍នេះមានរថយន្តម៉ាកកាមរី ពណ៌ពាក់ស្លាកលេខ ភ្នំពេញ 2A-2204 រួមនិងទ្រព្រព្យសម្បត្តិ ដូចជា ថូរផ្កា ស្នួរហាលខោរអាវ រោងស្បូងបើុង តូបលក់ដូរ ធុងទឹក ដើមល្ហុងមួយដើម បុករាយបាយពេញផ្លូវ។
តាមប្រភពនៅកន្លែងកើតហេតុបាបនឲ្យដឹងថា មុនពេលកើតហេតុបុរសខាងលើបានខ្ចីរថយន្តរបស់ខ្មួយត្រលប់មកពីខេត្តតាកែវលុះមកដល់ចំណុចកលតហេតុ គេឃើញរថយន្តបង្ក បើកចូលតាមផ្លូវបេតុងក្នុងបុរី ពីជើងទៅត្បូង ស្រាប់តែសំលេងម៉ាស៊ីនរោទ៍ ឡានបោលល្បឿនលឿន សង្ស័យអ្នកបើកបរស្លន់ ទើបរេចង្កូតបុករះតែម្តង ប្រជាពលរដ្ឋនៅក្បែរនោះក៏បានឃាត់តៃកុងរថយន្តបង្កខាងលើប្រគល់ទៅអោយសមត្ថកិច្ច។
ក្រោយកើតហេតុនគរបាលប៉ុស្តិ៍ចោមចៅបានចុះទៅពិនិត្យនិងជួយអន្តរាគមន៍ នាំអ្នកបើកបររថយន្តនាំទៅសាកសួរនៅប៉ុស្តិ៍ចោមចៅ ចំណែកស្ត្រីរងគ្រោះម្នាក់ត្រូវបានក្រុមគ្រួសារដឹកបញ្ជូនទៅមន្ទីរពេទ្យភ្លាមៗផងដែរ៕
រាជធានីភ្នំពេញ ៖ លោក កឹម សុខា ប្រធានគណបក្សសង្គ្រោះជាតិ និងត្រូវប្រឈមមុខនឹងពាក្យបណ្តឹងមួយទៀត ដែលប្តឹងដោយប្រធានគណបក្សយុវជនកម្ពុជា ពីបទបានប្រើប្រាស់សារនយោបាយ នាំឱ្យមានការរើសអើង គណបក្សនយោបាយថែមទៀត ។
លោក ពេជ្រ ស្រស់ ប្រធានគណបក្សយុវជនកម្ពុជា បានប្រាប់បណ្តាញសារព័ត៌មានក្នុងស្រុកថា ថ្ងៃស្អែកនេះ លោកនឹងដាក់ពាក្យបណ្តឹងមួយច្បាប់ទៅតុលាការរាជធានីភ្នំពេញ ដោយប្តឹងលោក កឹម សុខា ប្រធានគណបក្សសង្គ្រោះជាតិ អំពីសារនយោបាយដែលនាំឲ្យមានការរើសអើង ចំពោះគណបក្សនយោបាយដទៃទៀត ។ លោកថា គោលបំណងនៃការប្តឹងរបស់លោក គឺចង់ទាមទារ ស្វែងរកសេចក្តីថ្លៃថ្នូរជូន គណបក្សតូចៗ និងគណបក្សយុវជនកម្ពជា ព្រមទាំងឱ្យ លោក កឹម សុខា ទទួលខុសត្រូវចំពោះមុខច្បាប់។
លោក ពេជ្រ ស្រស់ បានបញ្ជាក់ថា «ទី១៖ គាត់បានចាត់ទុកសន្លឹកឆ្នោតរបស់បក្សផ្សេងក្រៅពីបក្សគាត់ថា ជាការបង្ហិនសន្លឹកឆ្នោត ដែលឆ្លុះបញ្ចាំងពីការរំលោភសិទ្ឋិរបស់ ពលរដ្ឋខ្មែរ ក្នុងការជ្រើសរើសមេដឹកនាំ ដែលខ្លួនស្រលាញ់។ ទី២៖ គាត់បញ្ឆេះឲ្យមានការរើសអើងគណបក្សនយោបាយ ដោយគាត់បាននិយាយថាស្រុកខ្មែរ គឺមានបក្សតែពីរ ដែលអាចបម្រើពលរដ្ឋបាន ជាពិសេសមានតែ គណបក្សសង្គ្រោះជាតិតែម្តង ស្របពេលមានគណបក្ស១០ទៀត ដែលគេមានសិទ្ធិ ធ្វើនយោបាយ ដូចបក្សសង្គ្រោះជាតិដែរ។ ទី៣៖ គាត់បានរំលោភច្បាប់រដ្ឋធ្មនុញ្ញ និងច្បាប់ស្តីពីគណបក្សនយោបាយ ដែលធានាឱ្យមាន ភាពស្មើគ្នា របស់គណបក្សនយោបាយនីមួយៗ និងទី៥៖ គាត់ប្រើសារនយោបាយ ដែលបានប៉ះពាល់ដល់សកម្មភាពបក្សនយោបាយផ្សេងៗ មានជាអាទិ៍ ដូចជាបក្សយុវជនកម្ពុជា ផងដែរ ដែលមានការរើសអើងពីប្រជាពលរដ្ឋ» ៕
រាជធានីភ្នំពេញ ៖ ក្រសួងមហាផ្ទៃ បានចេញនូវសេចក្តីជូនដំណឹងមួយ ដោយជម្រាបទៅ អភិបាលរាជធានី-ខេត្ត ប្រាប់ទៅសមាជិកក្រុមប្រឹក្សាឃុំ-សង្កាត់ អាណត្តិទី៤ ចូលរួមប្រកាសទ្រព្យសម្បត្តិ និងបំណុលរបស់ខ្លួនស្របតាមគោលការណ៍ និងពេលវេលាកំណត់ ។
យោងតាមលិខិតជូនដំណឹងបញ្ជាក់ថា ការប្រកាសទ្រព្យសម្បត្តិ និងបំណុលនេះ ធ្វើឡើងក្នុងគោលបំណង ឲ្យសមាជិកក្រុមប្រឹក្សាឃុំ-សង្កាត់ មានមូលដ្ឋាន និងមានភាពងាយស្រួលក្នុងការអនុវត្តការប្រកាសទ្រព្យ និងបំណុលរបស់ខ្លួនបានត្រឹមត្រូវ និងទាន់ពេលវេលា ស្របពេលតាមការកំណត់ក្នុងមាត្រា១៧ និង១៨ នៃច្បាប់ស្តីពីការប្រឆាំងអំពើពុករលួយ ៕
មេគង្គប៉ុស្តិ៍លើបណ្តាញសង្គម
ព័ត៌មានគួរចាប់អារម្មណ៍
