រាជធានីភ្នំពេញ ៖លោក សួន សេរីរដ្ឋា ប្រធានគណបក្សអំណាចខ្មែរ បានថ្លែងឲ្យដឹងថា ប្រសិនបើគណបក្សលោកជាប់ឆ្នោតជា មេឃុំ/ចៅសង្កាត់ នាពេលខាងមុខនោះ គណបក្សអំណាចខ្មែរនឹងសហការជាមួយកសិករប្តឹង ម្ចាស់បំណុលទាំងឡាយ ដែលបានរកស៊ីចងការប្រាក់ ដល់កសិករដោយមានអត្រាការប្រាក់ខ្ពស់លើសពី១៨ភាគរយក្នុងមួយឆ្នាំ។
ដោយ៖ប៉ែន សុផល បាត់ដំបង ៖លោក ថៃ នរៈពិទូ រួមនិងបក្ខពួក៥នាក់ផ្សេងទៀតត្រូវបានការិយាល័យប្រឆាំងគ្រឿងញៀនខេត្តបញ្ជូនខ្លួនទៅកាន់តុលាកានៅវេលាព្រឹកថ្ងៃទី១២ ខែមករា ឆ្នាំ២០១៧នេះពាក់ព័ន្ធករណីប្រើប្រាស់ ជួញដូរ និងមានឧបករណ៍ផលិតកែច្នៃថ្នាំញៀន ។
អាមេរិក ៖មន្ត្រីការពារជាតិអាមេរិកម្នាក់បានឲ្យដឹងថា មន្ទីរបញ្ចកោណបានដាក់ពង្រាយរ៉ាដាបច្ចេកវិទ្យាខ្ពស់ដើម្បីឃ្លាំមើលការបាញ់បង្ហោះមីស៊ីលរយៈចម្ងាយឆ្ងាយដ៏មានសក្តានុពលរបស់កូរ៉េខាងជើងដែលខ្លួនបានគំរាមក្នុងរយៈពេលប៉ុន្មានខែថ្មីៗនេះ។
រាជធានីភ្នំពេញ ៖២នាក់មីងក្មួយខណៈជិះម៉ូតូឌុបគ្នាទៅធ្វើការរោងចក្រស្រាប់តែជ្រុលទៅបុកខឿនសួនច្បារ បណ្តាលឱ្យផ្លោងមនុស្សធ្លាក់លើម៉ូតូខ្ទាតទៅកណ្តាលថ្នល់ ស្របពេលមានរថយន្តមួយគ្រឿងមកដល់ចាប់ហ្វ្រាំងមិនទាន់ ក៏កិនស្ត្រីដែលជាម្តាយមីងស្លាប់ និងក្មួយជាអ្នកឌុបរងរបួសស្រាល។ ហេតុការណ៍នេះកើតឡើងកាលពីវេលាម៉ោង០៦ និង០៥នាទីព្រឹកថ្ងៃទី១២ ខែមករា ឆ្នាំ២០១៧នេះស្ថិតត្រង់ចន្លោះស្ពាន៩-១០ ក្នុងភូមិក្តីចាស់ សង្កាត់បាក់ខែង ខណ្ឌជ្រោយចង្វា។
បាល់ទាត់ ៖អ្នកចាត់ការក្រុមបិសាចក្រហម Manchester United លោក Jose Mourinho បានសម្រេចចិត្តក្នុងការបន្តកិច្ចសន្យាជាមួយនឹងកីឡាករ Marouane Fellaini ក្នុងរយៈពេល១ឆ្នាំបន្ថែមទៀត។ នេះបើយោងតាមរបាយការណ៍មួយពីក្រុម។
ខេត្តឧត្តរមានជ័យ ៖ខណៈឪពុកម្តាយចំណាកស្រុកទៅធ្វើការនៅប្រទេសថៃ ចំណែកជីដូនរវល់ទៅបង់លុយធនាគារ ស្រាប់តែក្មេងស្រី២នាក់ជាបងប្អូនជីដូនមួយនឹងគ្នាលង់ទឹកស្រះក្រោយផ្ទះចម្ងាយ៣០ម៉ែត្រស្លាប់យ៉ាងអាណោចអាធ័ម។ ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោង២រសៀល ថ្ងៃទី១១ ខែមករា ឆ្នាំ២០១៧ នៅភូមិគោកព្រះកន្លង ហៅភូមិបន្ទាយថ្មី ឃុំចុងកាល់ ស្រុកចុងកាល់ ខេត្តឧត្តរមានជ័យ។
រាជធានីភ្នំពេញ ៖ចាប់ពីថ្ងៃទី១៣ដល់ថ្ងៃទី១៧ ខែមករា ឆ្នាំ២០១៧ ខេត្ត-ក្រុងមួយចំនួននៅក្នុងប្រទេសកម្ពុជាអាចនឹងមានភ្លៀងធ្លាក់ ដោយសារទទួលរងឥទ្ធិពលព្យុះទី១ឈ្មោះ MUIFA ។ នេះយោងតាមសេចក្តីជូនដំណឹងរបស់ក្រសួងធនធានទឹក និងឧតុនិយម៕
បាងកក ៖អាជ្ញាធរថៃបាននិយាយថា ចំនួនអ្នកស្លាប់ក្នុងគ្រោះទឹកជំនន់ននៅភាគខាងត្បូងថៃបានកើនឡើងដល់៣០នាក់ហើយ ដោយក្នុងនោះរួមទាំងក្មេងស្រីអាយុ៥ឆ្នាំម្នាក់ ខណៈដែលផ្លូវថ្នល់ និងស្ពានសំខាន់ៗចំនួនពីរក៏រងការបំផ្លាញផងដែរ។
ប្រដាល់ ៖នៅថ្ងៃទី២៣ ខែមេសា ឆ្នាំ២០១៧ ស្តេចប្រដាល់សកលរបស់ហ្វីលីពីនកីឡាករ Manny Pacquiao នឹងត្រូវប្រឈមមុខជាមួយអ្នកប្រដាល់អូស្ត្រាលី Jeff Horn នៅសង្វៀនមួយ ដែលនឹងសម្រេចជ្រើសរើសនាពេលខាងមុខនេះ។
រាជធានីភ្នំពេញ ៖យោងតាមសេចក្តីជូនដំណឹងរបស់ក្រសួងពាណិជ្ជកម្មបានបង្ហាញតារាងតម្លៃប្រេងឥន្ធនៈ ដែលត្រូវលក់នៅតាមស្ថានីយនានាចាប់ពីថ្ងៃទី១២ ដល់ថ្ងៃទី២១ ខែមករា ឆ្នាំ២០១៧។
ខេត្តតាកែវ ៖កាលពីព្រឹកមិញ ប្រជាពលរដ្ឋមានការភ្ញាក់ផ្អើល យ៉ាងខ្លាំង បន្ទាប់ពីប្រទះឃើញសាកសពនារីម្នាក់ នៅចំណុចភូមិយុលចេក ឃុំជីខ្មា ខេត្តតាកែវ ដែលករណីនោះគេសង្ស័យថា ជាការរំលោភសម្លាប់ស្ត្រីម្នាក់យ៉ាងព្រៃផ្សៃបំផុត ហើយយកសាកសពចោលនៅកម្ពោធព្រៃរបោះវាលស្រែ ។
រាជធានីភ្នំពេញ ៖យោងតាមរបាយការណ៍របស់អង្គការណាសា ចេញផ្សាយកាលពីថ្ងៃទី១០ ខែមករា បង្ហាញថា ព្រៃឈើនៅក្នុងប្រទេសកម្ពុជា កំពុងប្រឈមនឹងការកាប់បំផ្លាញយ៉ាងធ្ងន់ធ្ងរនៅប៉ុន្មានឆ្នាំចុងក្រោយនេះហើយកម្ពុជា ជាប្រទេសឈានមុខគេខាងការកាប់បំផ្លាញព្រៃឈើធម្មជាតិ និងព្រៃស្ថិតក្នុងតំបន់ការពារផង ដោយសារការទន្ទ្រានយកដីរបស់ក្រុមហ៊ុន ដើម្បីយកដីដាំដំណាំកៅស៊ូ និងការកាប់ឈើខុសច្បាប់ របស់ក្រុមហ៊ុននិងមនុស្សមួយចំនួន ។
បាល់ទាត់ ៖សហព័ន្ធបាល់ទាត់ពិភពលោកហៅកាត់ (FIFA) បានអនុម័តកែប្រែទម្រង់ថ្មីសម្រាប់ការប្រកួតបាល់ទាត់ពិភពលោកដោយបន្ថែមចំនួនក្រុមពី៣២ទៅដល់៤៨ក្រុម។
រាជធានីភ្នំពេញ ៖យ៉ាងតិចណាស់ក៏មានពលរដ្ឋខ្មែរចំនួន៤៤នាក់ ដែរត្រូវបានសមត្ថកិច្ចថៃចាប់ខ្លួនកាលពីថ្ងៃទី៩ខែមករា ដោយចោទថាអ្នកទាំងនោះឆ្លងដែនខុសច្បាប់ ក្នុងគោលបំណងស្វែងរកការងារធ្វើតាមរយៈមេខ្យល់សម្របសម្រួល ។ នេះបើយោងតាមការចុះផ្សាយរបស់គេហទំព័រអគ្គនគរបាលជាតិកម្ពុជា ។
Posts navigation
មេគង្គប៉ុស្តិ៍លើបណ្តាញសង្គម
ព័ត៌មានគួរចាប់អារម្មណ៍
