បាល់ទាត់៖ប្រធានក្លឹប Barcelona លោក Josep Maria Bartomeu បានចេញមកបញ្ជាក់ថា ពិតប្រាដកណាស់កំពូលខ្សែប្រយុទ្ធ Lionel Messi នឹងបន្តនៅក្លិបនេះរហូតដល់ចុងបញ្ចប់នៃអាជីពរបស់គាត់។
កិច្ចព្រមព្រៀងនាពេលបច្ចុប្បន្នរបស់ Messi នៅឯកីឡដ្ឋាន Camp Nou នឹងផុតកំណត់ក្នុងឆ្នាំ ២០១៨ខាងមុខ ហើយរបាយការណ៍បានលើកឡើងថា កីឡាករវ័យ២៩ ឆ្នាំរូបនេះ នឹងអាចបញ្ចប់នូវមន្ទិលសង្ស័យដោយចុះកុងត្រាថ្មីជាមួយនិងក្លិបបន្ទាប់ពីរូបគេបានមានភាពល្បីល្បាញជាមួយនឹងក្លិបនេះ។
លោក Bartomeu ប្រាប់អ្នកកាសែតថា ទោះជាយ៉ាងណាក្តីលោកនៅតែ បានមានទំនុកចិត្តថាកីឡាករសញ្ជាតិអាហ្សង់ទីដែលជាប់ចំណាត់ថ្នាក់ជាកីឡាករអស្ចារ្យបំផុតក្នុងប្រវត្តិសាស្ត្របាល់ទាត់នឹងបញ្ចប់ការចូលនិវត្តន៍ជាមួយកីឡាកររបស់ក្រុម Barcelona ។«យើងចង់ឲ្យ គាត់ដើម្បីបញ្ចប់អាជីពរបស់ខ្លួននៅទីនេះ។ “Messi របស់ក្រុម Barcelona ស្រឡាញ់ក្លិបនេះ។ គាត់ជាកាតាឡានមួយទៀត។ ខ្ញុំប្រាកដថាគាត់នឹងចូលនិវត្តន៍នៅទីនេះ។ ឈ្មោះ Messi និងក្លិប Barcelona គឺតែមួ។« Messi គឺជាកីឡាករល្អបំផុតនៅក្នុងប្រវត្តិសាស្ត្រយើងនិងចង់ឲ្យ គាត់ដើម្បីបញ្ចប់អាជីពរបស់គាត់នៅទីនេះហើយយើងនឹងធ្វើអ្វីគ្រប់យ៉ាង ដើម្បីធ្វើឲ្យមានភាពបិតប្រាកដថាគាតនិងបន្តស្នាក់នៅទីនេះ “។
គួរបញ្ជាក់ថា Messi ស៊ុតបញ្ចូលទីបាន៤៧៦ គ្រាប់ក្នុងការបង្ហាញខ្លួន ៥៥១ សម្រាប់ក្រុម Barcelona និងជួយក្លិបនេះឈ្នះ២៩ ពានរង្វាន់រួមទាំងពាន៤នៅ Champions League៕
ខេត្តឧត្តរមានជ័យ៖ស្នងការនគរបាលខេត្តឧត្តរមានជ័យ លោកឧត្តមសេនីយ៍ទោ ម៉ែន លី បានឲ្យដឹងថា មានព្រះសង្ឃចំនួន១៧អង្គបានពុលភេសជ្ជៈ តែត្រូវបានសមត្ថកិច្ច អាជ្ញាធរ និងក្រុមគ្រូពេទ្យស្រុកត្រពាំងប្រាសាទ ជួយទាន់ពេលវេលា។ លោកបន្តថា ហេតុការណ៍បង្កឲ្យមានភាពភ្ញាក់ផ្អើលនេះកើតឡើងកាលវេលាម៉ោង៧យប់ ថ្ងៃទី២០ ខែធ្នូ ឆ្នាំ២០១៦ នៅក្នុងវត្តស្រែល្អ ស្ថិតនៅភូមិស្រែល្អ ឃុំបាក់អន្លូង ស្រុកត្រពាំងប្រាសាទ។
លោកស្នងការនបានបញ្ជាក់ថា ក្រោយទទួលព័ត៌មានករណីខាងលើនេះ កម្លាំងសមត្ថកិច្ចបានចុះទៅត្រួតពិនិត្យ និងបានសន្និដ្ឋានបឋមថា ជាការពុលតែគុជ នេះបើតាមការអះអាង ពីព្រះសង្ឃគង់ក្នុងវត្តខាងលើនេះ។ លោកបន្តថា បន្ទាប់ពីកើតហេតុភ្លាមៗនោះ កម្លាំងសមត្ថកិច្ច និងអាជ្ញាធរស្រុក បានដឹកបញ្ជូនព្រះសង្ឃខាងលើ ទៅកាន់មន្ទីរបង្អែកស្រុក ដើម្បីជួយសង្គ្រោះ។
ដោយឡែកប្រធានមណ្ឌលសុខភាពស្រុកត្រពាំងប្រាសាទលោក សឿង ម៉ៅ បានឲ្យដឹងថា ករណីខាងលើនេះ គឺដោយសារតែព្រះសង្ឃបានឆាន់តែគុជ នាពេលល្ងាចវេលាម៉ោង៤ និង៣០នាទី លុះវេលាម៉ោង ប្រមាណជា៧យប់ទើបមានអាការៈ ទន់ដៃ ទន់ជើង និងក្អួត រាគ តែម្តង។
ទោះជាយ៉ាងណារហូតមកដល់ពេលនាព្រឹកថ្ងៃទី២១ ខែធ្នូ ឆ្នាំ២០១៦នេះ ព្រះសង្ឃខាងលើនេះត្រូវដឹកបញ្ជូនទៅកាន់វត្តអារាមវិញហើយ និងធូរស្បើយទាំងអស់ផងដែរ៕
អាល្លឺម៉ង់៖ក្រុមឧទ្ទាម ISIS បានចេញមុខអះអាងទទួលខុសត្រូវចំពោះការវាយប្រហារកាលពីវេលាយប់ថ្ងៃច័ន្ទកន្លងមកនេះដោយបើកឡានធំបុករះហ្វូងមនុស្សនៅក្នុងផ្សារមួយកន្លែងដែលគេរៀបចំឡើងត្រៀមសម្រាប់ប្រារព្ធធ្វើពិធីបុណ្យណូអែលក្នុងទីក្រុងប៊ែរឡាំងឲ្យមានមនុស្សរបួសជាង ៥០នាក់ និង ១២នាក់ផ្សេងទៀតត្រូវបានបាត់បង់ជីវិត។ នេះបើតាមការចេញផ្សាយដោយសារព័ត៌មាន CNN នៅព្រឹកថ្ងៃពុធ ទី២១ ខែធ្នូ ឆ្នាំ២០១៦នេះ។
ក្នុងហេតុការណ៍នេះសមត្ថកិច្ចក៏បានចាប់ខ្លួនបុរសសញ្ជាតិប៉ាគីស្ថានអាយុ២៣ឆ្នាំម្នាក់ផងដែរមានឈ្មោះថា Naved .B ដោយត្រូវបានគេសង្ស័យថា គឺជាអ្នកដែលមានទាក់ទងនឹងការបើកឡានបុករះនេះ តែប៉ូលិសបានដោះលែងឲ្យមានសេរីភាពវិញដោយអះអាងថា ជនសង្ស័យរូបនេះមិនមែនជាជនល្មើសពិតប្រាកដ។
ក្រុម ISIS តាមរយៈប្រព័ន្ធផ្សព្វផ្សាយឈ្មោះ Amaq បានអះអាងថា អ្នកបើកបររថយន្ដកាមីញ៉ុងគឺជាសមាជិកនៃក្រុមសកម្មប្រយុទ្ធរបស់ខ្លួន ហើយថែមទាំងបញ្ជាក់ថា ការវាយប្រហារនេះ ធ្វើឡើងដើម្បីជាការសងសឹងចំពោះបណ្ដាប្រទេស ដែលបានចូលរួមក្នុងក្រុមចំរុះអន្តរជាតិ ដឹកនាំដោយសហរដ្ឋអាមេរិក នៅក្នុងប្រទេសស៊ីរី និងអ៊ីរ៉ាក់៕
ខេត្តសៀមរាប៖កម្លាំងនគរបាលស្រុកជីក្រែងសហការជាមួយកម្លាំងកងរាជអាវុធហត្ថបានចាប់ខ្លួនបុរសម្នាក់ដោយចោទប្រកាន់ពីបទឃាតកម្មទៅស្ត្រីវិកលចរិកម្នាក់ នៅភូមិតាព្រំ ឃុំសង្វើយ ស្រុកជីក្រែង ខេត្តសៀមរាប ដែលការឃាត់ខ្លួននេះធ្វើឡើងកាលពីថ្ងៃទី១៩ ខែធ្នូ ឆ្នាំ២០១៦។
សមត្ថកិច្ចមូលដ្ឋានបានឲ្យដឹងថា ជនសង្ស័យឈ្មោះ ស៊ុក ញុច ហៅ ជា វ៉ៃ ភេទប្រុស អាយុ៤៥ឆ្នាំ រស់នៅភូមិតាព្រំ ឃុំសង្វើយ ស្រុកជីក្រែង ខេត្តសៀមរាប ទើបតែចេញពីពន្ធនាគារបាន៧ថ្ងៃប៉ុណ្ណោះ រីឯស្ត្រីរងគ្រោះឈ្មោះ សំ ណាន អាយុ៤៦ឆ្នាំ (ជាមនុស្សវិកលចរិក) រស់នៅភូមិឃុំជាមួយគ្នា។
បើតាមការសន្និដ្ឋានរបស់សមត្ថកិច្ចបានឲ្យដឹងថា ករណីនេះប្រហែលជាជនសង្ស័យសុំស្ត្រីជាជនរងគ្រោះរួមរ័ក តែស្ត្រីរងគ្រោះមិនព្រមឲ្យ ហើយព្រមទាំងជេរបញ្ចោរទៀត ធ្វើឲ្យជនសង្ស័យខឹង ក៏យកកាំបិតចុងស្រួចចាប់អារ.កសម្លាប់តែម្តង។
ក្រោយពេលចាប់ខ្លួន ជនសង្ស័យត្រូវបានកម្លាំងកងរាជអាវុធហត្ថស្រុកបញ្ជូនទៅធ្វើការសាកសួរបន្ថែមនៅកងរាជអាវុធហត្ថខេត្ត ដើម្បីកសាងសំណុំរឿងចាត់ការបន្តតាមនីតិវិធីច្បាប់៕
រាជធានីភ្នំពេញ៖តារាសម្តែងភេទទី៣ នាងប៉ុបពី បានបើករថយន្ដកាមរីបាឡែនមួយគ្រឿងបុករបាំងថ្មពុះចែកទ្រូងផ្លូវពេញទំហឹងបណ្ដាលបាក់អស់មួយចំនួន ចំណែករថយន្ដដាច់កង់ខាងមុខទៅមុខលែងរួច។ ហេតុការណ៍នេះកើតឡើងនៅវេលាម៉ោង០៣ និង២០នាទីទៀបភ្លឺ ថ្ងៃទី២១ ខែធ្នូ ឆ្នាំ២០១៦ តាមបណ្ដោយផ្លូវលេខ២១៥ កែងនឹងផ្លូវលេខ១៥៦ ស្ថិតក្នុងសង្កាត់វាលវង់ ខណ្ឌ៧មករា រាជធានីភ្នំពេញ។
តាមប្រភពព័ត៌មាននៅកន្លែងកើតហេតុបានឲ្យដឹងថា រថយន្ដដែលប៉ុបពីជិះម៉ាកកាមរីបាឡែន ពណ៌ស ពាក់ស្លាកលេខ ភ្នំពេញ 2Y-5841 ដែលបើកបរដោយនាង ប៉ុបពី ផ្ទាល់តែម្តង៕
ម៉ិកសិក៖យ៉ាងហោចណាស់មនុស្ស២៧នាក់បានស្លាប់បាត់បង់ជីវិត និងមនុស្សប្រមាណជាង៧០នាក់ទៀតបានរងរបួស នៅក្នុងហេតុការណ៍ផ្ទុះផ្សារលក់កាំជ្រួចមួយកន្លែង ស្ថិតនៅចំងាយប្រមាណ៣២គីឡូម៉ែត្រ ភាគខាងជើងទីក្រុងម៉ិកសិក (Mexico) ប្រទេសម៉ិកស៊ិក។ នេះបើយោងតាមសារព័ត៌មាន Reuters ចេញផ្សាយនៅព្រឹកថ្ងៃទី២១ ខែធ្នូ ឆ្នាំ២០១៦នេះ។
ប៉ូលិសរបស់ម៉ិកសិកបានឲ្យដឹងថា អ្នកស្លាប់និងរបួសអាចមានការកើនឡើងបន្ថែម, ចំណែករថយន្តសង្គ្រោះបន្ទាន់បានបញ្ជូនទៅកាន់កន្លែងកើតហេតុភ្លាមផងដែរ ក្រោយមានករណីផ្ទុះឆេះ៕
ស៊ីរី៖ចំនួនអ្នកកាសែតដែលត្រូវបានសម្លាប់នៅក្នុងការប្រយុទ្ធឬការបាញ់គ្នាបានឈានដល់កម្រិតខ្ពស់បំផុតគិតចាប់តាំងពីឆ្នាំ២០១៣មកដែលភាគច្រើនដោយសារតែជម្លោះកំពុងបន្តនៅក្នុងមជ្ឈឹមបូព៌ាដោយមាន១០៧នាក់បានស្លាប់ក្នុងប្រទេសស៊ីរីចាប់តាំងពីសង្គ្រាមស៊ីវិលបានចាប់ផ្តើមកាលពីប្រាំឆ្នាំមុន។
ការវិភាគចុងក្រោយបំផុតរបស់គណៈកម្មាធិការការពារអ្នកកាសែត (CPJ) បានរកឃើញថា អ្នកកាសែតយ៉ាងហោចណាស់៤៨នាក់ត្រូវបានសម្លាប់ដោយសារតែការងាររបស់ពួកគេនៅចន្លោះថ្ងៃទី១ខែមករាដល់ថ្ងៃទី១៥ខែធ្នូឆ្នាំ២០១៦ខណៈ២៦នាក់បានស្លាប់នៅក្នុងការប្រយុទ្ធគ្នា។ ការស្លាប់អ្នកកាសែត២៧នាក់ទៀតគឺស្ថិតក្រោមការស៊ើបអង្កេតដើម្បីកំណត់ថាតើពួកគេត្រូវបានតភ្ជាប់ទៅនឹងការរាយការណ៍នេះដែរឬក៏អត់។
បើទោះបីជាមានកំណើនហានិភ័យនៃសេចក្តីរាយការណ៍ពីតំបន់មានជម្លោះក៏ដោយ ចំនួនសរុបនៃអ្នកកាសែតដែលស្លាប់នៅឆ្នាំនេះបានធ្លាក់ចុះពីចំនួន៥៥នាក់នៅឆ្នាំ២០១៥ខណៈដែលការសម្លាប់ដើម្បីសងសឹកចំពោះការរាយការណ៍គឺបានធ្លាក់ចុះដល់១៨នាក់ដែលជាកម្រិតទាបបំផុតគិតចាប់តាំងពីឆ្នាំ២០០២មក។
សម្រាប់ឆ្នាំទីប្រាំនៃសង្គ្រាម ស៊ីរីគឺជាប្រទេសដែលមានអ្នកកាសែតស្លាប់ច្រើនបំផុតពោលគឺមានអ្នកកាសែត១៤នាក់បានស្លាប់នៅឆ្នាំ២០១៦នេះ។ ប្រទេសអ៊ីរ៉ាក់និងប្រទេសយេមែនគឺជាប្រទេសលំដាប់ទីពីរដែលមានអ្នកកាសែតស្លាប់ច្រើន។ CPJ បាននិយាយថា អ្នកកាសែតចំនួនប្រាំមួយនាក់ត្រូវបានសម្លាប់នៅក្នុងប្រទេសនីមួយៗនៅឆ្នាំនេះ។
CPJ បាននិយាយថា ហេតុផលសម្រាប់ការធ្លាក់ចុះនៅក្នុងការសម្លាប់នេះគឺមិនទាន់ច្បាស់នៅឡើយទេប៉ុន្តែអាចបណ្តាលមកពីការបង្កើនការយកចិត្តទុកដាក់ជាសកលនិងការប្រើប្រាស់មធ្យោបាយផ្សេងៗដើម្បីបំបិទសំឡេងអ្នកកាសែត។
CPJ ក៏បាននិយាយផងដែរថា ការចំណាយខាងនយោបាយដើម្បីសម្លាប់អ្នកកាសែតកំពុងកើនឡើង៕
រាជធានីភ្នំពេញ៖តម្លៃប្រាក់ដុល្លារអាមេរិកត្រូវបានគេកត់សម្គាល់ឃើញថា កំពុងតែហក់ឡើងបន្តិចម្តងៗចាប់ តាំងពីធនាគារកណ្តាល់អាមេរិក បានសម្រេចតម្លើងអត្រាការប្រាក់ ០,២៥ភាគរយ បន្ថែមលើ អត្រាការប្រាក់ចាស់របស់ខ្លួនដែលមានស្រាប់ និងក្រោយពីការជាប់ឆ្នោតប្រធានាធិបតីថ្មី គឺលោក ដូ ណាល់ត្រាំ ខណដែលមានការព្យាករណ៍ថា ប្រាក់ដុល្លារអាមេរិកត្រូវគេរំពឹងថា នឹងឡើងថ្លៃប្រហាក់ប្រ ហែលប្រាក់អឺរ៉ូរបស់សហគមន៍អឺរ៉ុបនៅចុងឆ្នាំ ២០១៧។
អ្នកសេដ្ឋកិច្ចវិទូ លើកឡើងថា ការឡើងថ្លៃនៃប្រាក់ដុល្លារអាមេរិក នឹងបង្កផលប៉ះ ពាល់ដល់សេដ្ឋកិច្ចប្រទេស ដែលនិយមប្រើប្រាស់ប្រាក់ដុល្លារច្រើន ពិសេសសម្រាប់ការដោះ ដូរពាណិជ្ជកម្មរបស់ខ្លួន ដែលក្នុងនោះក៏មានប្រទេសកម្ពុជាផងដែរ។
លោកបណ្ឌិត ម៉ី កល្យាណ ទីប្រឹក្សាជាន់ខ្ពស់នៃឧត្តមក្រុមប្រឹក្សាសេដ្ឋកិច្ចជាតិបានសម្តែងក្តី បារម្ភថា ការស្ទុះឡើងនៃតម្លៃប្រាក់ដុល្លារអាមេរិក នឹងអាចបង្កផលប៉ះពាល់ដល់សេដ្ឋកិច្ចប្រ ទេសកម្ពុជា ទៅលើចំណុចពីរសំខាន់ៗ ក្នុងនោះរួមមាន៖
ទីមួយ៖នឹងធ្វើអោយមានលំហូរប្រាក់ដុល្លារចេញពីប្រទេសកម្ពុជាទៅក្រៅប្រទេសវិញ ហើយ ភ្លាមៗនេះ វានឹងធ្វើឳ្យប៉ះពាល់ដល់វិស័យមួយចំនួន ដូចជា វិស័យធនាគារ និងមីក្រូហិរញ្ញវត្ថុ កម្ពុជា ខណៈគ្រឹះស្ថានទាំងនេះភាគច្រើនពឹងផ្អែកប្រាក់ទុនពីបរទេស។ មួយវិញទៀត វាក៏ អាចនឹងជះឥទ្ធិពលអាក្រក់ដល់វិស័យអចលនទ្រព្យផងដែរ។
ទីពីរ៖ វានឹងបង្កផលប៉ះពាល់ដល់ការប្រកួតប្រជែងរបស់កម្ពុជា ជាមួយបណ្តាប្រទេសដទៃ ទៀត នៅក្នុងប្រតិបត្តិការដោះដូរពាណិជ្ជកម្មរបស់ខ្លួន ពិសេសការនាំចេញអាចនឹងមានការ ថមថយ។ លោកថ្លែងថា កម្ពុជា គួរតែជំរុញការប្រើប្រាស់រៀលអោយបានច្រើន ដើម្បីចៀសវាងការពឹង ផ្អែកដង្ហើមគេ ហើយវាអាចបង្កហានិភ័យសម្រាប់សេដ្ឋកិច្ចនៅថ្ងៃអនាគត៕
ខេត្តកណ្ដាល៖ប្រធានផ្សារស្អាងដែលមានទីតាំងស្ថិតនៅក្នុងស្រុកស្អាង ខេត្តកណ្ដាល ត្រូវបានសាលាដំបូងខេត្តកណ្ដាល ចេញដីកាកោះអោយចូលខ្លួនទៅបំភ្លឺពាក់ព័ន្ធទៅនឹងករណីនៅបន្តយកលុយភាស៊ីពី ប្រជាពលរដ្ឋលក់ដូរនៅតាមកញ្ច្រែង កញ្ជើ ល្អី ក្នុងផ្សារល្មើសពីការណែនាំរបស់ប្រមុខរាជរដ្ឋាភិបាល ។
តុលាការបានកោះហៅលោកប៉ោ សេង ប្រធានផ្សារស្អាង អោយចូលខ្លួនទៅបំភ្លឺនៅវេលាម៉ោង៩ព្រឹក ថ្ងៃទី២៣ ខែធ្នូ ឆ្នាំ២០១៦ខាងមុខនេះ៕
អង់ការ៉ា៖ប៉ូលិសតួកគីបានចាប់ខ្លួនឪពុកម្តាយ និងបងប្អូនឃាតករ ដែលបាញ់សម្លាប់ឯកអគ្គរដ្ឋទូតរុស្ស៊ី កាលពីព្រឹកមិញ ។ ប្រតិបត្តិការចាប់ខ្លួនក្រុមគ្រួសារឃាតករនេះ មានចំនួន៦នាក់ នៅក្នុងក្របខ័ណ្ឌនៃការស៊ើបអង្កេត ជុំវិញករណីឃាតកម្មលើ លោក Andrey Karlov។
លោក Karlov ត្រូវបានខ្មាន់កាំភ្លើងជាមន្ត្រីប៉ូលិសតួកគីម្នាក់បាញ់សម្លាប់នៅល្ងាចថ្ងៃចន្ទ អំឡុងពេលលោកកំពុងថ្លែងសុន្ទរកថា នៅឯពិធីតាំងពិព័រណ៍រូបថតមួយកន្លែងក្នុងទីក្រុងអង់ការ៉ា។ នេះបើតាមប្រព័ន្ធផ្សព្វផ្សាយរដ្ឋតួកគី ដែលចេញផ្សាយបន្តនៅមុននេះបន្តិចដោយទីភ្នាក់ងារសារព័ត៌មាន Reuters នារសៀលថ្ងៃអង្គារ ទី២០ ខែធ្នូ ឆ្នាំ២០១៦៕
ខេត្តស្ទឹងត្រែង៖កុមារីរងគ្រោះម្នាក់ត្រូវឪពុកចុងខ្លួនគម្រាមចាប់រំលោភបានសម្រេចរហូតជាង១០ដងដឹងរឿងដល់ម្តាយបង្កើតទៅដាក់ពាក្យបណ្តឹងត្រូវកម្លាំងនគរបាលកណ្តាលព្រហ្មទណ្ឌខេត្តឃាត់ខ្លួនរួចបញ្ជូនទៅតុលានៅព្រឹកថ្ងៃ២០ ខែធ្នូ ឆ្នាំ២០១៦នេះ។ ការឃាត់ជនល្មោភកាមជាឪពុកចុងនោះបានធ្វើឡើងកាលពីវេលាម៉ោង១៣ និង៣០ថ្ងៃ១៩ ខែធ្នូ ឆ្នាំ២០១៦ ស្ថិតនៅចំណុចព្រៃចាស់សង្កាត់សាមគ្គីក្រុងស្ទឹងត្រែង។
យោងតាមពាក្យបណ្តឹងរបស់ម្តាយកុមារីរងគ្រោះឈ្មោះ គូ ប៊ូខៃ អាយុ៣៤ឆ្នាំ ចុះថ្ងៃទី១៩ធ្នូ២០១៦ សមត្ថកិច្ចបានចុះទៅឃាត់ខ្លួនភ្លាមៗផងដែរបញ្ជូនទៅស្នងការដ្ឋាននគរបាលខេត្តដើម្បីសួរនាំ។
សមត្ថកិច្ចអោយដឹងថា ជនសង្ស័យ(ឪពុកចុង)ដែលឃាត់ខ្លួនខាងលើឈ្មោះ ចាយ ចៅនី រស់នៅភូមិស្តៅ០១ឃុំស្តៅស្រុកសេសានខេត្តស្ទឹងត្រែង។ ចំណែកកុមារីរងគ្រោះឈ្មោះ ថ.ណ អាយុ១១ឆ្នាំ រស់នៅភូមិជាមួយគ្នា។
កុមារីរងគ្រោះខាងលើបានរៀបរាប់ប្រាប់សមត្ថកិច្ចថា កាលពីខែតុលា ឆ្នាំ២០១៦កន្លងមកខ្លួនកំពុងដេកនៅក្នុងបន្ទប់ក៏ស្រាប់តែឪពុកចុងឈ្មោះ ចាយ ចៅនី ចូលមកស្ទាបអង្អែលលើខ្លួន រួចគម្រាមថា បើហ៊ានប្រាប់ម្តាយឯងអញមិនអោយគ្រួសារហ្នឹងមានសេចក្តីសុខទេ ហើយក៏រំលោភបានសម្រេចតែម្តង។ នាងបន្តថា បានមួយសប្តាហ៍ក្រោយមក ឪពុកចុងខ្លួនបានលួងនាងចាប់រំលោភបានសម្រេចថែមទៀត និងក្រោយៗទៀតឪពុកចុងរបស់នាងបានចាប់រំលោភសម្រេចជាបន្តបន្ទាប់រហូតដល់១០ដងទើបម្តាយបង្កើតដឹងរឿងក៏ដាក់ពាក្យបណ្តឹងតែម្តង។
ជនសង្ស័យបានឆ្លើយសារភាពថា ខ្លួនពិតជាបានចាប់រំលោភ និងគម្រាមកុមារីជាកូនចុងរបស់ខ្លួនប្រាកដមែន។ កម្លាំងនគរបាលកណ្តាលព្រហ្មទណ្ឌបានកសាង និងរៀបចំសំណុំរឿងបញ្ជូនទៅ តុលាការចាត់ការបន្តតាមនីតិវិធីច្បាប់៕
មេគង្គប៉ុស្តិ៍លើបណ្តាញសង្គម
ព័ត៌មានគួរចាប់អារម្មណ៍
