ដោយ ៖ លោក ប៉ែនសុផល
បាត់ដំបង៖លោក សាត គឹមសាន្ត នាយការិយាល័យចររាចណ៍ផ្លូវគោកនៃស្នងការខេត្តបាត់ដំបងបានអោយដឹងថា ៖ ករណីគ្រោះថ្នាក់ចរាចរណ៍ខាងលើបានកើតឡើងនៅវេលាម៉ោង៦:៥០នាទីព្រឹកថ្ងៃទី២ ខែកក្កដា ឆ្នាំ២០១៦ លើកំណាត់ផ្លូវជាតិលេខ៥ ឋិតក្នុងក្រុមទី២ ភូមិប៉ោយយង់ ឃុំតាពូង ស្រុកថ្មគោល ខេត្តបាត់ដំបង បង្កឡើងរវាងរថយន្តដឹកអ្នកដំណើរប្រភេទ៤៥កៅអីរបស់ក្រុមហ៊ុន អូ ឡុងពេជ្រ បានបើកបុកម៉ូតូ១គ្រឿងដែលធ្វើដំណើរក្នុងទិសដៅស្របគ្នាពីជើងទៅត្បូងបណ្តាលអោយស្លាប់កុ មារាម្នាក់នៅនឹងកន្លែង។
នាយការិយាល័យចររាចណ៍ផ្លូវគោកនៃស្នងការខេត្តបាត់ដំបងបន្តថា: ជនរងគ្រោះមានឈ្មោះ នី ប៉ៃឡុង ភេទប្រុស អាយុ១០ឆ្នាំ រស់នៅក្នុងភូមិសាស្ត្រកន្លែងកើតហេតុ ។ ចំណែកអ្នកបើកបររថយន្តក្រោយពេលកើតហេតុបានរត់គេចខ្លួនបាត់ ។
រថយន្តបង្កហេតុប្រភេទរថយន្តក្រុងដឹកអ្នកដំណើររបស់ក្រុមហ៊ុន អូ ឡុងពេជ្រ ពណ៌ក្រហម ពាក់ស្លាកលេខភ្នំពេញ ៣A-៩៨២៩ រីឯម៉ូតូជនរងគ្រោះម៉ាកហុងដា ពណ៌ខ្មៅ ពាក់ស្លាកលេខបាត់ដំបង ១S-២៧០២។ ក្រោយពេលកើតហេតុកម្លាំងរបស់ការិយាល័យចរាចរណ៍បានធ្វើកំណត់ហេតុប្រគល់សាកសពទៅអោយក្រុមគ្រួសារ៕
៖ខិតបណ្ណជាច្រើនសន្លឹកត្រូវបានជនអនាមិកយកទៅបាចពង្រាយនៅតាមដងផ្លូវសាធារណៈ ស្ថិតនៅចំណុចម្តុំដើមពោធិ នាគបាញ់ទឹក នាក្រុងបាត់ដំបង កាលពីព្រឹកថ្ងៃទី២ ខែកក្កដា ឆ្នាំ២០១៦ មានខ្លឹមសារលាតត្រដាងពីភាពមិនប្រក្រតីមួយចំនួនដែលលោកអភិបាលស្រុកថ្មគោលថា បានប្រព្រឹត្តអំពើពុករលួយ ដោយកេងបន្លំថវិកាកសាងផ្លូវថ្នល់មួយខ្សែ ។ ថវិកានោះ ជាមូលនិធិសម្រាប់គាំទ្រ ការអភវឌ្ត្យ វិស័យហេដ្ឋារចនាសម្ភ័ន្ធ ប៉ុន្តែត្រូវបាន លោកអភិបាលស្រុកថ្មគោល គង់ លី យកទៅប្រើប្រាស់ខុសគោលដៅ។
បើតាមខ្លឹមសារខិតបណ្ណ ដែលអ្នកកាសែតទទួល បានកាលពីរសៀលថ្ងៃទី២ ខែកក្កដា បានរិះគន់ ពីភាពផ្តាច់ការក្នុងការដឹកនាំរបស់លោកអភិបាលស្រុក និងបក្ខពួកនិយម ព្រមទាំងមានរឿងមិន ប្រក្រតីជាច្រើនផ្សេងទៀតផងដែរ ។
ខិតបណ្ណដដែលបន្តថា ភាពមិនប្រក្រតីរបស់ លោក គង់ លី ត្រូវបានទម្លាយដោយមន្ត្រីក្រោម ឱវាទ ដែលចុងក្រោយនេះ លោកអភិបាល ស្រុកថ្មគោល បានយកថវិកាស្រុកមួយចំនួន ទៅចាយវាយខុសខ្ទង់ ដោយមិនមានការពិគ្រោះ និងឆ្លងយោបល់ពីក្រុមប្រឹក្សាស្រុកឡើយ ។
រហូតមកដល់ថ្ងៃទី ៣ ខែកក្កដា នេះ គេមិនទាន់ឃើញលោក គង់ លី បញ្ចេញប្រតិកម្ម ឆ្លើយតបទៅនឹងខិតបណ្ណជនអនាមិកដែលបានវាយប្រហារលោកនៅឡើយទេ ហើយក៏មិនអាចស្វែងរកការបកស្រាយពីលោកអភិបាលរូបនេះ បាននៅឡើយដែរ៕
កំពត៖សេចក្ដីរាយការណ៍ពីប្រជាពលរដ្ឋរស់នៅស្រុកឈូក ខេត្តកំពត បានឲ្យដឹងថាបច្ចុប្បន្នបទល្មើសដឹកជញ្ជូនឈើពីខេត្តកំពង់ស្ពឺ ចូលខេត្តមកខេត្តកំពតនៅតែកើតឡើងយ៉ាងពេញបន្ទុកដោយពុំមានមន្ត្រីជំនាញឬសមត្ថកិច្ចពាក់ព័ន្ធណា ចាត់វិធានការទប់ស្កាត់ប្រកបដោយប្រសិទ្ធភាពឡើយ។
បញ្ហានេះលោក ឆេង គឹមស៊ុន អគ្គនាយករដ្ឋបាលព្រៃឈើ គួរពិនិត្យឡើងវិញជាបន្ទាន់ ព្រោះសព្វថ្ងៃនេះសកម្មភាពដឹកឈើតាមរថយន្ត តាមរ៉ឺម៉ក និងតាមម៉ូតូ ចេញពីខេត្តកំស្ពឺ ចូលខេត្តកំពត រាលដាលកាន់តែខ្លាំងក្លាថែមទៀត។ ជាពិសេសមន្ត្រីរដ្ឋបាលព្រៃឈើខេត្តកំពត និងខេត្តកំពង់ស្ពឺ គិតគូរតែរឿងផលប្រយោជន៍ប៉ុណ្ណោះ ពួកគេមិនបង្ក្រាបបទល្មើសឡើយ។មន្ត្រីអាជ្ញាធរនិងសមត្ថកិច្ចមូលដ្ឋានក៏បានឲ្យដឹងដែរថា នៅតាមដងផ្លូវពីខេត្តពីខេត្តកំពងស្ពឺ មកដល់ខេត្តកំពត មានប៉ុស្ដិ៍ត្រួតពិនិត្យ របស់សមត្ថកិច្ចជាច្រើនកន្លែងដូចជា រដ្ឋបាលព្រៃឈើ មន្ត្រីបរិស្ថាន កងរាជអាវុធហត្ថ នគរបាលប្រឆាំងបទល្មើសសេដ្ឋកិច្ចខេត្ត និងនគរបាលសេដ្ឋកិច្ចក្រសួងមហាផ្ទៃ។ ក៏ប៉ុន្តែសមត្ថកិច្ចទាំងនោះតែងតែមើលរំលងបទល្មើសដឹកឈើតាមរថយន្តសាំយ៉ុង រថយន្តកែច្នៃ រ៉ឺម៉ក ម៉ូតូជាដើម ដោយសារតែពួកគេខ្លាចបាត់បង់ផលប្រយោជន៍។ ជាពិសេសលោក កង គឹម លី នាយខណ្ឌរដ្ឋបាលព្រៃឈើខេត្ត កំពត ត្រូវបានគេដឹងថា ជានៅពីក្រោយខ្នង ក្រុមឈ្មួញដឹកជញ្ជូនឈើឆ្លងកាត់ទឹកដីខេត្តកំពត យកទៅលក់នៅស្រុកយួនតាមច្រកព្រំដែន ទ្វេភាគីតន់ហន់និងច្រកអន្តជាតិព្រែកចាក់។ ប្រសិនបើគ្មានការឃុបឃិតបើកដៃពីលោក កង គឹម លី ទេនោះគឺឈ្មួញមិនអាចដឹកជញ្ជូនឈើឆ្លងកាត់ខេត្តកំពត យកទៅលក់នៅស្រុកយួនបានឡើយ។
សកម្មជនព្រៃឈើនិងមន្ត្រីរាជការរស់នៅតាមផ្លូវជាប់ព្រំដែន ខេត្តកំពត បានឲ្យដឹងថាចាប់ពីម៉ោង១១និង៣០នាទី យប់ទៅដល់ម៉ោង៣ទៀបភ្លឺ តែងតែមានក្បួនរថយន្តដឹកឈើឆ្លងកាត់ច្រកទាំងពីនេះយ៉ាង រលូន គ្មានសមត្ថកិច្ចណាទប់ស្កាត់ឡើយ។
សមត្ថកិច្ចឈរជើងលើផ្លូវជាតិចាប់ពីខេត្ត កំពង់ស្ពឺមកដល់ខេត្តកំពត រហូតដល់ ស្រុកកំពង់ត្រាច មិនចាត់វិធានការបង្ក្រាបបទល្មើសដឹកជញ្ជូនឈើខុសច្បាប់ទៅលក់នៅស្រុកយួននោះទេ ហើយសូម្បីតែតាមច្រករបៀងនិងច្រកព្រំដែនមួយចំនួនទៀត ក៏មានបទល្មើសដឹកជញ្ជូនឈើទៅលក់នៅស្រុកយួនដែរ។ ប្រភពខ្លះបានឲ្យដឹងថា មន្ត្រីអាជ្ញាធរនិងសមត្ថកិច្ចពាក់ព័ន្ធក្នុងខេត្តកំពត តែងតែទទួលផលប្រយោជន៍ពីក្រុមឈ្មួញដឹកជញ្ជូនឈើទៅលក់នៅស្រុកយួនក្នុងនោះ លោក កង គឹម លី នាយខណ្ឌរដ្ឋបាលព្រៃឈើខេត្តកំពត គឺជាអ្នកទទួលផលប្រយោជន៍ច្រើនជាងគេ ទើបមិនចាត់វិធានការបង្ក្រាបបទល្មើស។
សារព័តមានយើង បានភ្ជាប់ទូរសព្វ័ទៅ លោក កង គឹម លី ដេម្បីសុំការបំភ្លឺ ពាក់ពន្ធ័និងការចោទប្រកាន់ ខាងលើ តែទូរសព្វ័របស់លោកមិនអាចទំនាក់ទំនងបានទេ។ប្រជាពលរដ្ធបាន និយាយថា បង្ក្រាប់រថយន្តដឹកឈើបានមួយគ្រឿងនោះអោយសាតែបាក់ស្ពាន បានខាងសមត្តកិច្ចនិងជំនាញបង្ក្រាប់បាន បើមិនបាក់ស្ពាន មិនអាចបង្ក្រាបបានទេព្រោះសមត្តកិច្ចតាមផ្លូវដេកលក់អស់ហើយ៕
មណ្ឌគិរី៖ក្នុងរយៈពេលតែមួយខែនៅដើមរដូវវស្សាឆ្នាំនេះ គ្រប់ស្រុកនៅក្នុងខេត្តមណ្ឌលគិរីបានទទួលសម្ពាពយ៉ាងធ្ងន់ពីមេរ៉ោគ គ្រុនឈាមដ៏កាចសាហាវមួយនេះ។
លោក សៀ សុខមៀន ប្រធានមន្ទីរពេទ្យបង្អែកខេត្ត បានឲ្យដឹងនៅព្រឹកថ្ងៃទី03ខែកក្កដា ឆ្នាំ២០១៦នេះថា ជំងឺគ្រុនឈាមពិតជាបាន និងកំពុងកើតមានមកលើមនុស្សក្មេងចាស់ប្រុសស្រីស្ទើគ្រប់ស្រុកទូទាំងខេត្តពិតប្រាកដមែនជំងឺគ្រុនឈាមឆ្នាំនេះ វាហាក់បីមានការផ្ទុះឡើងយ៉ាងច្រើនករណីមែនទែន ខុសគ្នាពីបណ្តាឆ្នាំមុនៗ តែទោះបីជំងឺនេះកំពុងផ្ទុះឡើង ច្រើនករណីយ៉ាងណាក៏ដោយ ប៉ុន្តែគ្រោះថ្នាក់ដល់អាយុជីវិតមនុស្ស ពុំទាន់មានច្រើនករណីនៅឡើយទេ ពោលមានតែក្មេងប្រុសម្នាក់ បានស្លាប់ប៉ុណ្ណោះ នៅស្រុកពេជ្រាដា តែពេលនេះ អត្រាថមថយចុះ ។
លោកបន្ដថា បញ្ហាដែលមានផ្ទុះឡើងនូវជំងឺនេះ ច្រើនអាចកើតឡើងដោយសារបម្រែបម្រួលអាកាសធាតុ និងមកពីការចំលងមកពីមូសខ្លាខាំ។ លោកក៏បានសំណូមពរដល់បងប្អូនប្រជាពលរដ្ឋ មេត្តាបង្កើនការយល់ដឹងឲ្យបានខ្ពស់បំផុត អំពីវិធីការពារកុំឲ្យកើតមានជំងឺទាំងនេះ ដូចជា ត្រូវធ្វើអនាម័យខ្លួន កាប់ឆ្ការព្រៃជុំវិញផ្ទះសម្បែង លុបថ្លុក របស់ដែលដក់ទឹកដែលជាជំរកសត្វមូសបង្កពង។
លោក ប៊ុន សួរ ប្រធានមន្ទីសុខាភិបាលបានមានប្រសាសន៍ប្រាប់ភ្ងាក់ងារយើងដែរថា ករណីនេះបានធ្វើអោយលោកមានការព្រួយបារម្ភយ៉ាងខ្លាំព្រោះអី មេរ៉ោគមួយនេះបានធ្វើអោយប្រជាជនស្ទើគ្រប់ស្រុក ព្រួយបារម្ភហ៍ពីសុវត្តិភាពខ្លួនខ្លាចកើតចំលើគ្រួសារខ្លួនៗ។
លោកបានបន្តដែរថាសព្វថ្ងៃខាងមន្ត្រីរបស់លោកក៏មិនព្រងើយកន្តើយដែរគឺលោកបានដាក់បញ្ជាអោយចុះដល់មួលដ្ថាននាៗក្នុងងតំបន់រងគ្រោះដើម្បីបាញ់ថ្នាំកាពារនិង ពន្យល់ដល់ប្រជាពលរដ្ធអោយចេះ ប្រយ័ត្ន ប្រសិនមានអាការះមិនស្រួលប្រញាប់មកពិនឹត្យអោយទាន់ពេលផងដែរ៕
ខេត្តបាត់ដំបង៖បុរសម្នាក់បានជាន់មីនស្គរផ្ទុះដាច់ជើងម្ខាង ខណៈដែលដើរជីកទំពាំង និងដាក់អន្ទាក់សត្វតាមព្រៃនៅព្រំដែនកម្ពុជា-ថៃ។ ហេតុការណ៍នេះកើតឡើងកាលពីវេលាម៉ោង១០ និង០០នាទី ថ្ងៃទី០១ ខែកក្កដា ឆ្នាំ២០១៦ នៅចំណុចភ្នំណាំសាប ស្ថិតក្នុងភូមិ អូរត្រាវជូ ឃុំសេរីមានជ័យ ស្រុកសំពៅលូន ខេត្តបាត់ដំបង។
សមត្ថកិច្ចមូលដ្ឋានបានឲ្យដឹងថា ជនរងគ្រោះ មានឈ្មោះ ឈឿន គឹមហុង ភេទប្រុស អាយុ ៣៩ឆ្នាំ រស់នៅភូមិ ដំណាក់ក្សាន្ត ឃុំបួរ ស្រុកភ្នំព្រឹក ខេត្ដបាត់ដំបង ។ សមត្ថកិច្ចបានឲ្យដឹងទៀតថា មុនពេលកើតហេតុ ជនរងគ្រោះខាងលើបាន ដើរទៅដាក់អន្ទាក់សត្វតាមព្រៃក្បែរព្រំដែនកម្ពជាថៃក្រោយមក ក៏បានជាន់មីនស្គរ ដាច់ជើងឆ្វេងតែម្តង។
បច្ចុប្បន្នជនរងគ្រោះត្រូវបានសាញ់ញាតិដឹកបញ្ជូនទៅសង្គ្រោះនៅមន្ទីរពេទ្យEmergency ទីរួមខេត្តបាត់ដំបង៕
ខេត្តបន្ទាយមានជ័យ៖ទាហានថៃចាប់ខ្លួនពលរដ្ឋខ្មែរចំនួន៤នាក់សង្ស័យ ចូលកាប់ឈើខុសច្បាប់ក្នុងតំប ន់ឧទ្យានជាតិថៃ ។ប៉ុន្តែពលរដ្ឋមួយចំនួនទៀតបានរត់គេចខ្លួនខណ:ពេលទាហានថៃចុះបង្ក្រាបកាលពីថ្ងៃទី៣០ ខែមិថុនា ឆ្នាំ២០១៦នោះ។
ប្រភពព័ត៍មានពីខេត្តស្រះកែវប្រទេសថៃបានអោយដឹងថាថ្ងៃទី១កក្កដាថា:នៅមុនកិច្ចប្រតិបត្តិការនេះគឺនៅថ្ងៃទី២៩ខែមិថុនាឆ្នាំ២០១៦ម៉ោង១០ព្រឹក កំលាំងជំនាញស៊ើបការណ៍និងមេព្រៃបានទទួលដំណឹងថាមានប្រជាពលរដ្ឋស៊ីវិល៤-១០នាក់ចូលទៅរកវល្លិ៍និងដកផ្សិតជាដើម។
តែក៏មានមនុស្សមួយក្រុមទៀតមានគ្នាជាង៣០នាក់បាននិងកំពុងស្ពាយឈើគ្រញូងចុះពីជួរភ្នំ វ៉ាំងក្រាក់ថៈ នៅចំកណ្តាលឧទ្យានជាតិប៉ាងស៊ីដាស្ថិតក្នុងភូមិ៨ ឃុំណងម៉ាកហ្វាយស្រុកវឌ្ឍនាណៈខនខេត្តស្រះកែវ ។
ពេលនោះកម្លាំងមេព្រៃប្រចាំតំបន់ហ៊ួយឆាន់បានសហការជាមួយក្រុមអភិរក្សឧទ្យានជាតិប៉ាងស៊ីដា កំលាំងកងទ័ពនិងក្រុមតម្រួត(នគរបាល)ថៃ រាប់សិបនាក់ បានចេញទៅកាន់គោលដៅខាងលើ រួចឡោមព័ទ្ធ ក៏បានឃើញមនុស្សជាច្រើននាក់បន្តកន្ទុយគ្នាកំពុងស្ពាយឈើគ្រញូងចុះពីតំបន់ភ្នំមែន ។
ប្រភពបន្តថា៖ឃើញកំលាំងចំរុះភ្លាម អ្នកលីស្ពាយឈើបានធ្វើជាសញ្ញាអោយបក្ខពួកទំលាក់ឈើចោលរួចរត់គេចខ្លួនយកតែព្រះអាយ៉ូស។
កម្លាំងចម្រុះបានរឹបអូសឈើគ្រញូងបានចំនួន៥០ដុំនិងចាប់ឃាត់ខ្លួនមនុស្សចំនួន៤នាក់ ដែលត្រូវបានគេស្គាល់ថាជាកម្មករខ្មែរ។រីឯមេក្លោងជាជនជាតិថៃបានដឹកនាំកំលាំងចូលទៅកាប់ឈើទីនោះបានគេចខ្លួនបាត់។
តម្រួតថៃត្រូវគេស្រង់សំដីដូចដែលនិយាយថា:កម្មករខ្មែរទាំង៤នាក់នោះមានឈ្មោះ ១ -សឿ ហ៊ុំ ភេទប្រុសអាយុ៣៥ឆ្នាំ ។២ -គុណ ផាកុល ភេទប្រុសអាយុ៣៤ឆ្នាំ ។៣ -ហេន សំអាតភេទប្រុស អាយុ៣៦ឆ្នាំ និង៤ -រ៉េត បោយ ភេទប្រុសអាយុ៣៧ឆ្នាំ ។ ពួកគេបានប្រាប់ថា ៖ពួកគេមានគ្នាប្រមាណ៣០នាក់ដោយបែងចែកជាពីរក្រុម គឺក្រុមទី១ ជាអ្នកចូលទៅកាប់និងជ្រៀក ឯក្រុមទី២គឺជាអ្នកស្ពាយចុះពីភ្នំ ។
ហើយពួកគេត្រូវមេឈ្មួញថៃជួលអោយស្ពាយឈើនេះចេញពីតំបន់ឧទ្យានថាប់ឡានក្នុងខេត្តប្រាជីនបុរី ឯណោះ ដោយដើរកាត់ព្រៃចេញទៅតំបន់ឧទ្យានជាតិប៉ាងស៊ីដាខេត្តស្រះកែវហើយចុះពីភ្នំវ៉ាំងក្រាក់ថាៈទើបមានរថយន្តមកចាំដឹកនៅទីនោះ ៕
បាល់ទាត់៖យោងតាមគេហទំព័ររបស់ Manchester United បានឲ្យដឹងថា អតីតខ្សែប្រយុទ្ធដ៏មានឥទ្ធិពលរបស់ក្រុម Paris Saint-Germain កីឡាករ Zlatan Ibrahimovic បានក្លាយជាសមាជិករបស់ក្លិបបិសាចក្រហមពេញសិទ្ធិហើយកាលពីយប់មិញ។
ខ្សែប្រយុទ្ធសញ្ជាតិស៊ុយអែតវ័យ៣៤ឆ្នាំរូបនេះ បានចូលរួមជាមួយក្លឹបជើងឯកអង់គ្លេស២០សម័យកាល ដោយគ្មានតម្លៃខ្លួនក្រោយកុងត្រារបស់គាត់នៅ Paris Saint-Germain អស់សុពលភាព។
គួរបញ្ជាក់ថា Zlatan ស្នាក់នៅ PSG នៃក្របខ័ណ្ឌ Ligue 1 ៤ឆ្នាំ ឈ្នះជើងឯកកំពូលចំនួន៤រដូវកាលជាប់គ្នា ក្នុងនោះស៊ុតបញ្ចូលទី៣៨ គ្រាប់ក្នុងចំណោម៣១ប្រកួតរដូវកាលមុន៕
ខេត្តបន្ទាយមានជ័យ៖បុរសអ្នកបើកត្រាក់ទ័រម្នាក់បានស្លាប់បាត់បង់ជីវិតយ៉ាងអាណោចអាធ័ម ខណៈភ្ជួរដីស្រែជាន់មីនផ្ទុះកក្រើកដី។ ហេតុការណ៍នេះកើតឡើងកាលពីវេលាម៉ោងជាង២រសៀលថ្ងៃទី៣០ ខែមិថុនាឆ្នាំ២០១៦ ខាងជើងបង្គោលសីម៉ាព្រំដែនលេខ៤២ប្រហែល២០០ម៉ែត្រ ស្ថិតក្នុងភូមិដំណាក់កកោះ ឃុំស្វាយចេក ស្រុកស្វាយចេក ខេត្តបន្ទាយមានជ័យ។
ហេតុការណ៍ផ្ទុះមីនតោននេះ បានកើតឡើងខណៈទៅភ្ជួរដីស្រែនៅទីនោះ ហើយជនរងគ្រោះត្រូវប្រភពប្រាប់ថា ឈ្មោះ គុណ ដែង ភេទប្រុសអាយុ១៧ឆ្នាំមានទីលំនៅភូមិកំណប់ ឃុំតាបែន ស្រុកកើតហេតុខាងលើ។
តាមប្រភពពីកន្លែងកើតហេតុប្រាប់ថាក្នុងហេតុការណ៍អ្នកបើកបរបានស្លាប់នៅនឹងកន្លែងហើយត្រាក់ទ័រនោះរងការខូចខាតទាំងស្រុង។ ប្រភពបញ្ជាក់ថា មីនដែលផ្ទុះនោះជាប្រភេទមីនតោនបន្សល់ពីសម័យសង្គ្រាម៕
ខេត្តកំពង់ធំ៖ព្រះរាជអាជ្ញារងអមសាលាដំបូងខេត្ដកំពង់ធំ បានដឹកនាំមន្ត្រីកាំកុងត្រូល និងមន្ទីពាណិជ្ជាកម្ម ចុះបិទសិប្បកម្មធ្វើគុយទាវមួយកន្លែងដែលមានសារធាតុគីមីនៅក្នុងផ្សារស្ទោងកាលពីម្សិលមិញ។
ការបិទសិប្បកម្មនេះបន្ទាប់ពីការត្រួតពិនិត្យរកឃើញថា សិប្បកម្មផលិតសសៃគុយទាវបោះដុំ មានផ្ទុកដោយសាជាតិគីមី ដែលធ្វើឲ្យប៉ះពាល់ដល់សុខភាពប្រជាពលរដ្ឋទូទាំងស្រុកស្ទោង អស់រយៈពេលជាច្រើនឆ្នាំមកហើយ។
គួរបញ្ជាក់ថា ទីតាំងសិប្បកម្មផលិតសសៃគុយទាវនេះ មានម្ចាស់ឈ្មោះ ពុំ ម៉ង់ មានទីលំនៅផ្ទះកើតហេតុខាងលើ៕
រាជធានីភ្នំពេញ៖មនុស្សចំនួន១៣នាក់ត្រូវបានកម្លាំងនគរបាលជាតិធ្វើការឃាត់ខ្លួនក្នុងប្រតិបត្តិការបង្ក្រាបបទល្មើសគ្រឿងញៀននៅថ្ងៃទី៣០ ខែមិថុនា ឆ្នាំ២០១៦ម្សិលមិញនេះ។ របាយការណ៍របស់អគ្គស្នងការនគរបាលជាតិ។
របាយការណ៍ដដែលបន្តថា នៅថ្ងៃម្សិលមិញនេះ កម្លាំងនគរបាលជាតិ បានបង្ក្រាបបទល្មើសជួញដូរ រក្សាទុក និងប្រើប្រាស់៨ករណី ឃាត់មនុស្ស១៣នាក់ (ស្រី៣នាក់) ក្នុងនោះ មុខសញ្ញាជួញដូរ៨នាក់ មុខសញ្ញាប្រើប្រាស់៥នាក់ ដកហូតមេតំហ្វេតាមីន (ice) ១៩២២.១៥ក្រាម, ១កញ្ចប់ធំ និង១៩កញ្ចប់តូច និង មេតំហ្វេតាមីន (wy) ១១៥១.៣២ក្រាម។
ប្រភពខាងលើបញ្ជាក់ថា ជនសង្ស័យទាំងនោះត្រូវបានឃាត់ខ្លួនដោយ មន្ទីរប្រឆាំងគ្រឿងញៀន បង្ក្រាប១ករណីឃាត់ខ្លួនម្នាក់ ជាមួយនឹងថ្នាំញៀនមេតំហ្វេតាមីន (ice) ១៩១៧.១៤ក្រាម និងមេតំហ្វេតាមីន(wy) ១១៣៩.៥៣ក្រាម, រាជធានីភ្នំពេញ បង្ក្រាប៤ករណី ឃាត់ខ្លួន៨នាក់, ខេត្តកណ្ដាលបង្ក្រា១ករណី ឃាត់ខ្លួនម្នាក់, ខេត្តបន្ទាយមានជ័យ បង្ក្រា១ករណី ឃាត់ខ្លួន ០នាក់ ដកហូតមេតំហ្វេតាមីន (wy) ១១.៧៩ក្រាម និងខេត្តបាត់ដំបង បង្ក្រា១ករណី ឃាត់ខ្លួន៣នាក់៕
រាជធានីភ្នំពេញ៖នៅថ្ងៃទី៣០ ខែមិថុនា ឆ្នាំ២០១៦ម្សិលមិញនេះមានករណីគ្រោះថ្នាក់ចរាចរណ៍នៅទូទាំងប្រទេសកើតឡើងចំនួន៩លើក (យប់៥លើក) បណ្តាលឲ្យមនុស្សស្លាប់៤នាក់ រងរបួសធ្ងន់៧នាក់ និងរបួសស្រាល៩នាក់។ នេះបើយោងតាមរបាយការណ៍របស់នាយកដ្ឋានគនរបាលចរាចរណ៍ និងសណ្តាប់ធ្នាប់សាធារណៈ។
ជាមួយគ្នានោះម្សិលមិញនេះលទ្ធិផលត្រួតពិនិត្យអនុវត្តច្បាប់ចរាចរណ៍ផ្លូវគោកឃើញថា យានយន្តដែល្មើសសរុបទូទាំងប្រទេសមាន ចំនួន ៣,១៩៨គ្រឿង ក្នុងនោះបានធ្វើការអប់រំចំនួន ១,៤៥៥គ្រឿង និងពិន័យសរុប ១,៧៤៣ គ្រឿង។
ដោយឡែកបើយោងតាមរបាយការណ៍របស់នាយកដ្ឋានគនរបាលចរាចរណ៍ និងសណ្តាប់ធ្នាប់សាធារណៈបានបញញ្ជាក់ថា នៅក្នុងខែមិថុនា ឆ្នាំ២០១៦ គ្រោះថ្នាក់ចរាចរណ៍ទូទាំងប្រទេសកើតមានឡើងចំនួន ២៤៩លើក ស្លាប់មនុស្ស១០៥នាក់ រងរបួសធ្ងន់ ២៤៥នាក់ និងរបួសស្រាល១២៥នាក់។
ប្រភពបញ្ជាក់ថា បើធ្វើការប្រៀបធៀប ទៅនឹងរយៈពេលដូចគ្នាកាលពីឆ្នាំ២០១៥បានធ្លាក់ចុះ៣៧ករណី អ្នកស្លាប់ថយចុះ២៣នាក់ ខណៈដែលអ្នករបួសធ្ងន់ថយចុះ២៤នាក់ និងអ្នករបួសស្រាលថយចុះ ១១៣នាក់ ហើយមូលហេតុដែលនាំឲ្យកើតគ្រោះថ្នាក់ចរាចរណ៍ ច្រើនជាងគេគឺ ការបើកបរដោយល្បឿនលឿន មិនប្រកាន់ស្តាំ ប្រជែងគ្រោះថ្នាក់ មិនគោរពសិទ្ធិ ស្រវឹង បទគ្រោះថ្នាក់ ងងុយដេក កត្តាយានយន្ត និងកក្តាអកាសធាតុ៕
បាល់ទាត់៖ការប្រកួតដណ្តើមពានរង្វាន់ Euro 2016 កាលពីយប់មិញនេះ ក្រុមជម្រើសជាតិព័រទុយហ្គាល់បានឆ្លងទៅវគ្គពាក់កណ្ដាលផ្ដាច់ព្រ័ត្រមុនគេ បន្ទាប់ពីយកឈ្នះលើក្រុមជម្រើសជាតិប៉ូឡូញដោយការទាត់បាល់ប៉េណាល់ទី ដោយលទ្ធផល ៥-៣។
ការប្រកួតនៅក្នុងតង់ទី១លេងមិនបានប៉ុន្មាននាទីផងពោលគឺនាទី២ក្រុមជម្រើសជាតិប៉ូឡូញក៏បានបំប៉ោងសំណាញ់មុនដោយកីឡាករ Lewandowski ហើយការប្រកួតលេងពាក់កណ្តាលផ្លូវនៃតង់ទីមួយកីឡាករ Luz Sanches របស់ ព័រទុយហ្គាល់ក៏បានបំប៉ោងសំណាញ់តាមបានស្មើវិញនៅនាទី៣៣ ហើយការប្រកួតទាំងពីរតង់ក្រុមធ្វើបានត្រឹមលទ្ធផលស្មើគ្នា ១-១ ទើបឈានដល់ការបន្ថែមម៉ោង១៥នាទីពីរដងនៅតែរកអ្នកឈ្នះមិនឃើញទើបឈានដល់បាល់ប៉េណាល់ទី៥គ្រប់ម្នាក់។
គួរបញ្ជាក់ថា ៥គ្រាប់របស់ ព័រទុយហ្គាល់មាន Cristiano Ronaldo, Renato Sanches, Joao Moutinho, Nani និងRicardo Quaresma សុទ្ធតែស៊ុតបានសម្រេចខណៈ ៣នាក់ដំបូងរបស់ប៉ូឡូញ Robert Lewandowski, Arkadiusz Milik និងKamil Glik ក៏ធ្វើបានសម្រេចដូចគ្នា តែ Jakub Blaszczykowski បែរជាភ្លាត់ស្នៀតស៊ុតមិនចូលធ្វើឲ្យប៉ូឡូញចាញ់ព័រទុយហ្គាល់ ៥-៣ ត្រូវហាលអាវត្រឹមវគ្គនេះ៕
រាជធានីភ្នំពេញ៖កម្លាំងនគរបាលអគ្គនាយកដ្ឋានអន្តោប្រវេសន៍សហការជាមួយកម្លាំងនគរបាលរាជធានីភ្នំពេញ ក្រោមការសម្របសម្រួលពី លោកព្រះរាជអាជ្ញារង សៀង សុខ បានចុះឃាត់ខ្លួនជនជាតិវៀតណាមចំនួន៩៣នាក់ដែលរស់នៅខុសច្បាប់។ ការឃាត់ខ្លួននេះធ្វើឡើងនៅព្រឹកព្រលឹមថ្ងៃទី០១ ខែកក្កដា ឆ្នាំ២០១៦នេះនៅបន្ទប់ផ្ទះជួលស្ថិតនៅភូមិតាង៉ូវកណ្តាល សង្កាត់និរោធ ខណ្ឌច្បារអំពៅ។
ប្រធាននាយកដ្ឋានស៊ើបអង្កេត និងអនុវត្តនីតិវិធី នៃអគ្គនាយកដ្ឋានអន្តោប្រវេសន៍ លោកឧត្តមសេនីយ៍ទោ អ៊ុក ហៃសីឡា បានថ្លែងថា ជនជាតិវៀតណាមដែលឃាត់ខ្លួនចំនួន៩៣នាក់ ក្នុងនោះមានស្រី៣៤នាក់ ដែលលួចឆ្លងដែន និងកំពុងស្នាក់នៅគ្មានលិខិតឆ្លងដែន។ លោកឧត្តមសេនីយ៍បានបញ្ជាក់ថា សម្រាប់ជនជាតិវៀតណាមទាំងនេះ ត្រូវបានបញ្ជូនទៅកាន់នាយកដ្ឋានអន្តោប្រវេសន៍ដើម្បីបន្តការសួរនាំបន្តទៀត ចាត់ការតាមនីតិវិធី៕
មេគង្គប៉ុស្តិ៍លើបណ្តាញសង្គម
ព័ត៌មានគួរចាប់អារម្មណ៍
